Books
Books
Maitirwo eSwalaah(munamato) ya muporofita ﷺ
Mubhuku rinonzi “maitirwo eSwalaah(munamato) ya muporofita (rugare netsitsi dzaAllah ngazvive kwaari), vanoremekedzwa Sheikh Abdul Aziz bin Baz (Mwari vavanzwire tsitsi) vakapfupikisa tsananguro yenzira yekunamata yaMuporofita (rugare netsitsi dzaAllah ngazvive kwaari) nemutoo wakareruka uye negwara rakajeka, vachitsigira nemagwaro echokwadi, kuti rive nhungamiro kumuMuslim mukunamata (Swalaah) kwake. Mariri vakatsanangura mapango eSwalaah , maSunnah ayo, nemaitirwo ayo, kubvira paWudhu (kushambidzika kwedzimwe nhengo dzemuviri) kusvika paTasleem (mhedziso), vachibatanidza humbowo nekujekesa,…
Nzira Dzinobatsira Kurarama Hupenyu Hunofadza
Bhuku ra Sheikh Abdurrahman bin Nasir al-Sa'di rinonzi, "Nzira Dzinobatsira Kurarama Hupenyu Hunofadza," rinotsanangura zvikonzero zvemufaro hwechokwadi zvichibva pamaonero akadzama ekutenda, richitungamirira muverengi mukugadzikana kwemoyo kuburikidza nekutendo nemabasa akarurama,kurangarira Allah, kugutsikana, kufungisisa pamusoro pemakomborero, kunatsa mabasa, kuvimba naAllah, kutsungirira, pamwe nekuronga zvinhu, nemanyorero anoyevedza. Rinoisa pamberi pako (muverengi) gwara rehupenyu hwakagadzikana, hwakadzikama, uye hwemufaro, zvisinei nekushanduka-shanduka kwehupenyu.
Kuchengetedza Tawheed
Bhuku iri rinotsanangura kukosha kwedzidziso dzekutenda kwechokwadi, uye rinoburitsa misimboti yeTawheed (Humwechete hwaAllah) iyo muMuslim anofanira kutenda mairi, sekutenda muna Allah (Mwari), nemungirozi, nemumabhuku, nemuvatumwa, nemuZuva Rekupedzisira, uye nezvakatarwa, zvakanaka nezvakaipa zvacho, richigonda pahumbowo hwechokwadi kudzivirira dzidziso dzekutenda kubva mukutsauka, uye rinokurudzira maMuslim kuti vabatisise kutenda muhumwechete hwaAllah (Tawhid) nekugara kure neShirk.
Misimboti mitatu nehumbowo hwawo.
Bhuku iri rinotaura nezvemisimboti yakakosha inofanirwa kudzidzwa nemuMuslim: kuziva Allah, kuziva chitendero cheIslam, nekuziva Muporofita Muhammad (makomborero netsitsi dzaAllah ngazvive kwaari), uye rinotarisa pakukosha kwemisimboti iyi mukuvaka kutenda uye kuita mabasa akanaka zvichibva pahuchapupu hweQur’an neHadith.
Zvidzidzo Zvakakosha Kune Ruzhinji rweUmmah
Bhuku rinonzi “Zvidzidzo Zvakakosha Kune Ruzhinji rweUmmah” raSheikh Abdul Aziz bin Baz (Mwari vavanzwire tsitsi) itsamba pfupi ine rubatsiro rukuru, yakanyorwa naImam (muzvinafundo wechitendero) kuti ive mbuva yeruzivo kune ruzhinji rwemaMuslim. Mariri vakatsanangura hwaro hwechitendero nemapango acho, kubvira paTawheed (humwechete hwaAllah), kutenda, neIslam, kusvika kumitemo yeTwahara (kuchena) neSwalaah (munamato), netsika dzakanaka dzechitendero cheIslam, uye kujekeswa kwengozi dzeShirk (kusanganisa Allah nezvimwe zvisikwa) nezvivi, vachishandisa nzira yakareruka uye yakajeka, uye…
Pfupiso yeKutenda kweIslam
Bhuku iri rinotsanangura mbiru dzeKutenda, dzinosanganisira kutenda muna Allah, nemungirozi dzavo, nemumabhuku avo, nemuvatumwa vavo, nemuZuva Rekupedzisira, uye nezvakatarwa. Bhuku racho rinoburitsawo misimboti yehwaro iyo muMuslim anofanira kutenda mairi nekushanda maererano nayo, richisimbisa kukosha kwekusimbisa hukama naAllah kuburikidza nekunzwisisa zvakadzama dzidziso dzekutenda kwechiIslam.
Pfupiso yemaitirwo eUmrah nemitemo yayo
Kurumbidzwa kwese ndekwaAllah (Mwari), Tenzi wezvisikwa zvese, uye makomborero nerugare ngazvive kune Muporofita wedu Muhammad, nemhuri yavo nemaSwahaaba avo vose. Kurumbidzwa kwese ndekwaAllah (Mwari), Tenzi wezvisikwa zvese, uye makomborero nerugare ngazvive kuna Muporofita wedu Muhammad, nemhuri yavo nemaSwahaaba avo vose. Ndichienderera mberi ndinoti: Iri igwaro pfupi pamaitirwo eUmrah, nemitemo yayo, netsika dzayo, ratakavavarira kutsanangura mariri zvinhu zvakawanda zvinodiwa nemuiti weUmrah. Uye tinokumbira Allah (Mwari) kuti vaite kuti rive rakapirwa kwavari vega, uye kuti vabatsire…
Gwaro Maringe Neropa Rechizvarirwo Revakadzi.
Bhuku rinonzi “ Gwaro Maringe Neropa Rechizvarirwo Revakadzi.” raSheikh muzvinafundo mukuru Muhammad bin Salih al-Uthaymin (Mwari vavanzwire tsitsi) itsamba yezvidzidzo yakasimba yakaongorora nekutsvakurudza nezveropa rechisikirwo revakadzi, rinoti Haidhi (kuenda kumwedzi), Istihadha (kubuda kweropa kusiri kwekumwedzi), neNifaas (ropa rinobuda mushure mekusununguka), richitsigira kubva muBhuku Rinoera (Qur’an) neSunnah yakachenurwa, uye richibatanidzwa nekunzwisisa kwakadzama kwemashoko enyanzvi dzechitendero panyaya idzi. Mariri makatsanangurwa mitemo yeropa, kuchijekeswa misiyano…
Zvisingatenderwi kuti muMuslim asazive
Bhuku rinonzi (Zvisingabvumirwe kuti MuMuslim asazive) ibhuku guru rine chiremerera, iro rakanyorwa neruzivo rwakadzama uye nekujekesa kukuru. Rakaunganidza zvisingabvumirwe kuti MuMuslim asazive kubva munheyo (Aqeedah), mitemo yeIslam, uye netsika dzakanaka dzepamusoro; nemanyorero ehunyanzvi, anovhenekera nzwisiso uye achidzikamisa mwoyo. Rinonatsa kunzwisisa, uye rinotwasanudza zviito. Nokudaro, rakava zvirokwazvo svombonoro (kiyi) yeruponeso, uye nhungamiro kune anotsvaga nzira dzekuteerera neruzivo.
Ndiri muMuslim.
Chinyorwa ichi chinotsanangura zvinoreva chitendero cheIslam, kuti muMuslim ndiani, uye kuti unova sei muMuslim wechokwadi. Chinosanganisira zvakare kudomwa kwekunaka kwechitendero cheIslam nezvimwe zvetsika nehunhu hwepamusoro, chinzvimbo chemukadzi, nekodzero dzehama, muvakidzani, nemunharaunda. Uyezve chinotsanangura kuti chitendero cheIslam chinoraira uye chinodaidza kune hunhu hwese hwakanaka, uye hachirambidzi kunze kwehunhu hwese hwakashata.
Gwaro Pfupi Rinobatsira MuMuslim
Bhuku iri rinotaura nezvembiru dzedzidziso yechitendero cheIslam nenzira pfupi uye yakakwanira, richitsanangurira vaverengi hwaro hwekunamata kwayo nezvinoreva kutenda muna Allah, nemungirozi dzavo, nemumabhuku avo, nemuvatumwa vavo, nemuZuva Rekupedzisira, uye nezvakatarwa.
Gwaro Pfupi Rinobatsira Muadhin (anoita adhaan), Imaam, neKhatwib (anopa mharidzo [khutbah] musi weJum'ah), nemitemo yemaMasjid
Bhuku iri rinopa tsananguro yakazara maererano nemitemo yeAdhaan neIqaamah, nekutungamirira Swalaah (munamato), nemharidzo yeJumu'ah, uye netsika dzemuMosque. Pamusoro pazvo, bhuku racho rinokurukura nezve mabasa anofanirwa kuitwa nevadaidzira vevanhu kuti vauye kuSwalaah (maMu'adhin), vatungamiriri veSwalaah (maImam), nevaparidzi, uye rinosimbisa kukosha kwekudzidza mitemo yechitendero (Shariah) inechekuita nemabasa aya kuitira kuona kuti aitwa nemazvo. Uyezve, rinosanganisira magwaro akabva kuna Muporofita (rugare netsitsi dzaAllah ngazvive kwaari) pamwechete netsananguro yawo kuitira kuona…
Islam
Muzita raAllah, vane tsitsi, vane ngoni . Wakambozvibvunza here: kuti ndiani akasika matenga nenyika nezvisikwa zvikuru zviri mazviri? Uye ndiani akasika hurongwa hwakanyatsorongeka uye hwakatsetsenurwa hwuri mazviri?
Ndiani akasika nyika? Uye ndiani akandisika? Uye nekuda kwei akandisika?
Bhuku iri rinoongorora mavambo ezvisikwa zvese nemunhu, richitsihira kuti zvine Musiki Mukuru anova Allah, avo vakagadza mitemo inotonga hupenyu. Rinotsanangura mamiriro aAllah pamwe nekukosha kwekutenda muvatumwa nemumabhuku ekudenga, uye rinotsinhira kuti zvirokwazvo Islam ndicho chitendero chechokwadi kuti chigozadzisa mufaro muhupenyu hwepano panyika nehupenyu huchauya.
Islam chitendero chechisikirwo, pfungwa , uye nerufaro.
Bhuku iri rinoratidza kuti Islam chitendero chinoenderana nechisikirwo, pfungwa, uye rinopa nzira yekuwana rufaro panyika pano nemuhuupenyu huchatevera. Bhuku iri rinotsanangura kuti kutenda muna Allah nekumunamata Iye oga ndicho chinangwa chekusikwa, uye rinosimbisa kuti mabasa akanaka pamwe nekutenda ndihwo hwaro hwekupatsanura vanhu.
Mutumwa wechitendero cheIslam Muhammad, ِAllah ngavavakomborere nekuvapa rugare .
Bhuku rinonzi "Mutumwa wechitendero cheIslam Muhammad (Allah ngavavakomborere nekuvapa rugare )" rinotsanangura hupenyu hwaMuporofita Muhammad (Allah ngavavakomborere nekuvapa rugare) kutangira kudzinza ravo, kukura kwavo, kusvika kuroora kwavo kwakakomborerwa, kutanga kudzika kweshoko (kubva kuna Allah), nekutanga kwehutumwa hwavo unova hwekupedzisira. Rinoratidza zvekare zviratidzo zvehuporofita hwavo nehumbowo hwechokwadi chavo, uye rinotsanangura Mitemo (Shariah) yavakauya nayo nebasa rawo mukuchengetedza kodzero dzevanhu nechiremerera chavo. Uyewo, rinoburitsa pachena maonero eavo…
Wakambozvibvunza here? Ndiani akakusika? Uye nekuda kwei akakusika? Uye chii chiri mushure merufu?
Bhuku iri rinoongorora mubvunzo wekuvapo nekusikwa, richitsinhira zvine njere kuvapo kweMusiki akakwana muhuchenjeri nekukwana kwese, uye rinotsanangura kuti chinangwa chehupenyu kunamata Allah vega, uye kuti Islam ndicho chitendero chechokwadi chakachengetedzwa. Rinokurudzira kutenda muMutumwa waAllah Muhammad nekutevera dzidziso dzavo, uye rinoyambira kubva muku batanidza Allah nezvimwe zvinhu, richitsinhira nezvekutongwa pamwe nekupihwa mubairo kana murango muhupenyu huchauya.
Tsananguro yeMazwi eAdhaan
Bhuku rekutsanangura mazwi eAdhaan rinoongorora mashoko eAdhaan nekuatsanangura netsananguro yezvekutenda, richiburitsa pachena hudzamu hwawo panyaya dzekutenda (Aqidah) nedzidziso dzehunhu. Rinoburitsa pachena kuti Adhaan hakusi kungodaidza vanhu kumunamato (Swalaah) chete, asi kuti kudaidza kwemazuva ose kuhumwechete hwaAllah (Tawheed) nekubudirira. Rinoburitsa mashoko eAdhaan ndokutsanangura zvizere zvaanoreva, kubva pakukudza Allah (Mwari) nekupupura Tawheed nehutumwa, kuenda pakukoka kumunamato (Swalaah) nekubudiriro, kuzosvika pakupedzisa neTakbir uye neTawhid nemanyorero anobata moyo.…
Pfupiso yetsananguro yemazwi eAdhaan
Pfupiso yebhuku rinotsanangura mazwi eAdhān (kudanwa kumunamato), ibhuku rakapfupikiswa kubva kubhuku guru rinotsanangura mazwi eAdhān. Rinotsanangura mashoko eAdhān nenzira ine kutenda, richiratidza zvakadzama zvine chekuita nekutenda (ʿaqīdah) uye dzidzo yehunhu. Rinotarisa mazwi eAdhān richitsanangura zvinorehwa nawo—kubva pakukudza Mwari uye kupupura humwe chete hwaMwari (Tawḥīd) uye hutumwa, kusvika pakukoka kumunamato nekubudiriro, uye rinopedzisira nekukudza Allah (Mwari) nekutsinhira humwe chete hwake nenzira inobata moyo.
Maitirwo eWudhu (tsananguro yekuita muchidimbu)
Maitirwo eWudhu (muvhidhiyo yakareruka) Kuita chaiko kunojekesa kuitwa kweWudhu nhanho nenhanho, kunokosha zvikuru nokuti Wudhu chiga chekugamuchirwa kweSwalaah. Tarisa vhidhiyo iyi udzidze maitirwo chaiwo eWudhu. Maitirwo eWudhu
Maitirwo eSwalaah (muvhidhiyo pfupi)
Kuratidza muchidimbu maitirwo eSwalaah, kuitira kuti tinamate Allah tiine ruzivo rwakajeka, uye kuti Swalah yedu ive yakakwana munheyo nezviga zvayo. Muitirwo weSwalaah Kana tichida kuita Swalaah, zvinosungirwa kuti tichene kubva kutsvina diki netsvina huru. Uye kuti tinamate nembatya dzakachena dzinofukidza nhengo dzedu dzinonyadzisira. Uye muviri wedu nenzvimbo yemunamato wedu zvinofanira kuva zvakachena kubva kutsvina. Tinotarisa kuQiblah Uye zvinokurudzirwa kuti tinamate takatarisa Sutrah (chinhu chinovharira pamberi pake).
Maitirwo eUmrah
Maitirwo eUmrah, tsananguro pfupi yezviito Unoita sei Umrah? Vhidhiyo inodzidzisa yakareruka. Vhidhiyo iyi inotsanangura mabasa eUmrah achiteverana kubva paIhram kusvika paTahallul (kupedza umrah), nenzira iri nyore uye yakajeka. Tarisa vhidhiyo iyi udzidze kuita Umrah yako zviri nyore uye nemazvo. Zvinosungirwa kune anenge achida kuita Umrah kuti apinde muIhraam kubva paMiqaat yakatarwa kwaari. Al-Mawaaqiit: inzvimbo idzo dzakatarwa neMuporofita, rugare nemakomborero aAllah ngaave kwaari, kuti anenge achida kuita Hajj kana Umrah apinde muIhraam ipapo. Saka ani naani anopfuura neimwe yadzo…
Tsika dzakanaka
Gwaro iri rinotsanangura dzimwe tsika dzakanaka mukudyidzana naAllah pamwe nevanhu, richijekesa kudikanwa kwekugamuchira mashoko aAllah (Mwari) nemitemo yavo nekutenda uye nekugutsikana, pamwe nekutsungirira pane zvavakatara. Zvakare, gwaro iri rinoburitsa nzira dzetsika dzakanaka mukudyidzana nevamwe kuburikidza nekudzivirira kukuvadza vamwe, kupa nerupo, nekuva nechiso chinonyemwerera, pamwe nemienzaniso inobva munhoroondo yehupenyu yakaropafadzwa yeMuporofita (rugare nemakomborero aAllah ngazvive pavari).
Kurerutsa Moyo Nekutsanangura Kurambidzwa Kwokukwidziridza Makuva
Bhuku iri rinotsanangura kurambidzwa kwekuvaka maMasjid nezvivakwa zvine matenga akaita sedenderedzwa pamusoro pemakuva, richipa humbowo hweShari'ah hunobva muQur'ān rinoera neSunnah yaMuporofita. Rinopawo maonero evadzidzi vechitendero pamusoro penyaya iyi richiaongorora, richitsinhira njodzi yebid'ah iyi (chinhu chitsva muchitendero) uye kukosha kwekurega kutevera maonero anopesana nekubvumirana kwemaMuslim panyaya iyi.
Kukosha netsika dzeMasjid yaMuporofita, nemitemo yekushanyira guva raMuporofita (rugare nemakomborero aAllah ngazvive paari) nemakuva eshamwari dzake mbiri (Allah ngaavafarire)
Bhuku rinotsanangura makomborero eMasjid an-Nabawi netsika dzekuishanyira, uyezve rinoratidza tsika dzekushanyira guva raMuporofita (rugare nemakomborero aAllah ngazvive kwavari) nemakuva emaSwahaaba avo maviri (Allah ngavafarire vose vari vaviri), richisimbisa kukosha kwekudzikama nerukudzo, kuchena, nekugara kure nemabasa eBid'ah (zvinhu zvitsva zvakagadzirwa muchitendero) panguva yekushanya.
Islam chitendero chevatumwa vaAllah.
Islam kuzvipira kuzere kuna Allah, Musiki wenyika yese neMurongi wayo, uye kuvateerera nerudo nekuvakudza. Hwaro hweIslam kutenda muna Allah, kuti ndivo Musiki, uye zvese zvisiri Ivo zvakasikwa, uye kuti Ndivo vega vanofanirwa kunamatwa, vasina mubatsiri. Hakuna chimwe chinhu chinofanirwa kunamatwa kunze kwavo. Ndivo vane mazita akanakisisa nemaitiro epamusorosoro. Vane kukwana kuzere, pasina chakaperevedza. Havana kubereka uye havana kuberekwa, uye hakuna akaenzana navo kana anofananidzwa navo. Havagari mukati mechinhu uye havapindi mumuviri wechimwe chinhu chiri pazvisikwa zvavo. Islam…
Tsanangudzo pfupi pamusoro peIslam sekuuya kwayakaita muQur'an rinoera neSunnah yehuporofita.
Islam Ibhuku rakakosha rine tsananguro pfupi pamusoro pechitendero cheIslam, richitsanangura nheyo dzacho dzinonyanya kukosha, nedzidziso dzacho, uye nekunaka kwacho kubva kumanyuko aro epakutanga, anova Qur'an Dzvene neSunnah yaMuporofita. Uye bhuku iri rakanangana nevanhu vose vanosungirwa kuzvidavirira, kubva kumaMuslim nevasiri maMuslim, mumitauro yavo, munguva dzose nenzvimbo dzose, zvisinei nekusiyana kwemamiriro ezvinhu nezvinoitika. (Gwaro rinosanganisira humbowo kubva muQur’an rinoera nemuSunnah yaMuporofita) 1- Islam ndiro shoko raAllah kuvanhu vose, uye ndiro shoko rinobva kuna…