Tsika dzakanaka
Gwaro iri rinotsanangura dzimwe tsika dzakanaka mukudyidzana naAllah pamwe nevanhu, richijekesa kudikanwa kwekugamuchira mashoko aAllah (Mwari) nemitemo yavo nekutenda uye nekugutsikana, pamwe nekutsungirira pane zvavakatara. Zvakare, gwaro iri rinoburitsa nzira dzetsika dzakanaka mukudyidzana nevamwe kuburikidza nekudzivirira kukuvadza vamwe, kupa nerupo, nekuva nechiso chinonyemwerera, pamwe nemienzaniso inobva munhoroondo yehupenyu yakaropafadzwa yeMuporofita (rugare nemakomborero aAllah ngazvive pavari).
This PDF is generated automatically from the book's text; its layout may differ from the printed edition.
Tsika dzakanaka
Rakanyorwa nevanoremekedzwa Sheikh vakuru
Muḥammad ibn Ṣāliḥ al-ʿUthaymīn
Allah (ngavavaregerere, ivo, nevabereki vavo, nemaMuslim ese.
Muzita raAllah, vane tsitsi, vane ngoni.
Allah vari kumusoro-soro vakatuma Mutumwa Muhammad nenhungamiro pamwe nechitendero chechokwadi; kuti chive pamusoro pezvitendero zvose. Allah vari kumusoro-soro vakamutuma pamberi peNguva yeKutongwa semupi wemashoko anofadza nemuyambiri, uye kuti ave anokoka vanhu kuna Allah nemvumo yavo, pamwe nokuva chiedza chinopenya. Akasvitsa shoko, akazadzisa chivimbo, akapa zano kuvanhu, uye vakarwa munzira yaAllah kurwa kwechokwadi kudzamara rufu rwasvika kwavari. Uye Allah vakapa budiriro kune vavaida muvaranda vavo, nokudaro vakadavira kukoka kwavo, vakatungamirirwa nenhungamiro yavo. Uyezve, Allah nehungwaru hwavo, havana kupa budiriro kune vavaida muvaranda vavo, nokudaro vakazvitutumadza pakuvateerera, vakaramba mashoko avo, nokupikisa murairo wavo, izvo zvakaita kuti vawirwe nekurasikirwa nokurasika kuri kure. Zvirokwazvo, rumbidzo yese ndeyaAllah, tinovarumbidza, tinotsvaga rubatsiro rwavo, uye tinotsvaga ruregerero rwavo, uye tinotendeukira kwavari. Uye tinotsvaga dziviriro kuna Allah (Mwari) kubva kune zvakaipa zvemweya yedu, uye kune zvakaipa zvezviito zvedu. Uyo anotungamirirwa naAllah (Mwari) hapana anogona kumurasisa, uye uyo wavanosiya achirasika hapana anogona kumutungamirira. Uye ndinopupura kuti hapana umwe mwari ane kodzero yekunamatwa muzvirokwazvo kunze kwaAllah (Mwari mumwechete), vari vega vasina mubatsiri, uye ndinopupura kuti Muhammad muranda wavo uye Mutumwa wavo.
Mushure mezvo: Zvinondifadza pamusangano uno [1] kuti nditaure nezvehunhu hwakanaka. [1] Musangano uyu wakaitirwa pamuzinda wezhizha pachikoro chekuUnaizah chezvedzidzo.
Hunhu — sekutaura kunoita nyanzvi dzezivo — ndicho chimiro chemunhu chemukati; nokuti munhu ane zvimiro zviviri:
Chimiro chekunze: Chinova ndicho chimiro chekusikwa kwake icho Allah (Mwari) vakaumba nacho muviri, uye tese zvedu tinoziva kuti pachimiro chekunze ichi pane chakanaka uye chinoyevedza, uye pane chakanyangara uye chakashata, uye pane chiri pakati peizvozvo.
Saizvozvo, chimiro chemukati chinopatsanurwa kuva chimiro chakanaka nechimiro chakaipa, uye izvi ndizvo zvinotsanangurwa sehunhu. Naizvozvo, hunhu ndicho chimiro chemukati chakaumbwa nacho munhu.
Ko hunhu ndehwekuzvarwa nahwo kana kuti hunowanikwa nekudzidza?
Mhinduro ndeyokuti: Zvirokwazvo, tsika dzimwe ndedzechizvarirwo, uye dzimwe dzinowanikwa kuburikidza nekudzidzira, pasina kupokana. Hunhu hunogona kuva chinhu chinongowanikwa mumunhu kubva pakuzvarwa, asi hunogonawo kuwanikwa nekudzidzira. Izvi zvinoreva kuti munhu sekungosikwa kwaakaita aine tsika dzakanaka dzinoyemurika, anogonawo zvakare kuwana tsika idzi kuburikidza nokuita zvokudzidzira nekuzvirovedzera. Naizvozvo, Muporofita (rugare nemakomborero aAllah ngazvive pavari) vakati kuna Ashajj 'Abd al-Qays: «Zvirokwazvo, mauri mune tsika mbiri dzinodiwa naAllah: moyo murefu nekudzikama». Akati: Imi Mutumwa waAllah ! Ndini ndakazvidzidzisa kuva nadzo, kana kuti Allah ndivo vakandisika nadzo? Akati: «Asi, Allah ndivo vakakusika nadzo». Akati: Rumbidzo dzose ndedzaAllah, avo vakandisika netsika mbiri dzinodiwa naAllah neMutumwa wavo [2]. [2] Yakarondedzerwa naAbû Dawūd: Kitāb Al-Adab, Chitsauko cheDzinza reMurume, panhamba (5225), kubva muhadith yaZāri' (Allah ngavafadzwe naye), uyo aive muboka renhumwa dza'Abd al-Qays, naAt-Tirmidhi: Zvitsauko zvekuita zvakanaka nekudyidzana nehama, Chitsauko: zvakauya pamusoro pekusamhanyirira nekukasira, panhamba (2011), kubva muhadith yaIbn 'Abbās (Mwari ngavafadzwe navo vese).
Saka uhu humbowo hwekuti tsika dzakanaka uye dzakakwirira dzinogona kuve dzekuberekwa nadzo, uye dzinogona kuve dzekudzidzira, asi hunhu hwekuzvara nahwo - pasina kupokana - hwakanaka zvikuru kudarika hwekudzidzira; nekuti tsika kana iri yechisikirwo, inova mugariro wemunhu uye hunhu hwake. Haadi kuzvimanikidza pakuita kwaho, uye haadi kunyepedzera pakuita kwaho. Asi idzi inyasha dzaAllah dzavanopa kune uyo wavanoda. Uye uyo akanyimwa izvi - kureva: uyo akanyimwa tsika idzi nenzira yechisikirwo - zvinogoneka kwaari kuti adziwane nenzira yekudzidzira, uye izvi zvinoitwa kuburikidza nekudzidzira nekuzvirovedzera, sezvatichazozvitaura - Ikana Allah vari kumusoro-soro vachida - mberi uko.
Pano pane mubvunzo wakakosha:Ndeupi ari nani pakati pevanhu vaviri ava: munhu akasikwa aine hunhu hwakanakauye hunoyemurika, kana munhu anozvimanikidza uye achirwisa zvishuwo zvake kuti ave nehunhu hwakanaka? Ndeupi wavo ane chinzvimbo chepamusoro uye mubairo mukuru?
Uye tinoti mukupindura nyaya iyi: Zvirokwazvo hapana kupokana kuti munhu akasikwa aine tsika dzakanaka anenge akakwana zvikuru kungave maererano nekuratidza kwake tsika idzodzo, kana kuti maererano nekuvapo kwetsika idzodzo maari; nokuti haadi kuzvinetsa kana kutambudzika kuti ave netsika idzodzo, uye hadzishaike maari mune dzimwe nguva nenzvimbo; nekuti kana munhu aine tsika dzakanaka maari dzekuzvarwa nadzo, uye dzave chikamu chemaitiro ake echisikirwo, pane chero nguva yaunosangana naye unomuwana aine tsika dzakanaka, uye pane chero nzvimbo yaunosangana naye unomuwana aine tsika dzakanaka, uye pane chero mamiriro ezvinhu aunosangana naye unomuwana aine tsika dzakanaka. Saka takatarisana nedivi iri tichaona kuti akakwana zvikuru pasina kana mubvunzo.
Asi kana dziri tsika dzinowanikwa kuburikidza nekuzvidzidzisa, kuzvigadzirisa, kudzokorora kuita, kana kudzidzira, munhu anowana mubairo padziri nepamusana pekurwisa zvido zvemoyo wake, asi panyaya yekukwana kwetsika, dzakaderera zvakanyanya kudarika chikamu chekutanga.
Naizvozvo, kana munhu akakomborerwa nehunhu huviri hwose pamwe chete, hwekuzvarwa nahwo nehwekudzidzira, izvozvo ndizvo zvakakwana zvakanyanya. Zvikamu zetsika zvina:
1- Uyo akanyimwa tsika dzakanaka.
2- Uyo akasikwa ainadzo, asi akagumira pahunhu hwechisikirwo chete.
3- Uye uyo akasikwa aine tsika idzi, achibva awedzera padziri kuburikidza nekushanda nesimba uye nekudzidza.
4- Uye uyo asina kusikwa ainadzo asi akadziwana kuburikidza nekushanda nesimba uye nekudzidza.
Saka mhedziso ndeiyi: Kana zviri zvemaererano netsika dzakanaka, uyo akasikwa ainadzo ndiye anenge akanyanya kukwana. Asi kana tichitarisa padivi rekutamburira nekuomerwa mukuwana tsika dzakanaka, zvirokwazvo uyo anohuwana kuburikidza nenzira yekushanda nesimba ane mubairo wekushingirira kwake.
Naizvozvo pano pane mubvunzo: pane tsika dzakanaka here dzisiri muQur'an neSunnah, uye ndeipi nzira yekudziziva?
Mhinduro: Mutumwa, rugare nemakomborero ngazvive pavari, vakati: "“Zvirokwazvo, ndakatumwa kuti ndizadzikise hunhu hwakanaka.” [3];" Izvi zvinodaro nekuti mitemo yese yakauya kare iyo yakatarwa naAllah kuvaranda yaikurudzira tsika hwakanaka. Naizvozvo nyanzvi dzeruzivo dzakataura kuti tsika dzakanaka ndidzo dzakabvumiranwa nemitemo mukudzikurudzira. Mitemo iyi yakakwana, asi Muporofita (Allah ngavavakomborere nekuvapa rugare) vakauya kuzozadzikisa tsika dzakanaka. [3] Yakarondedzerwa naAḥmad (2/381), naAl-Bayhaqī muAs-Sunan Al-Kubrá (10/233), uye mashoko acho ndeake, kubva muḥadīth yaAbū Hurayrah, Allah ngavafadzwe naye.
Ngatipei muenzaniso weizvi tichishandisa nyaya yeQisas (kutsiva mhosva nenzira yakatarwa neIslam), kureva kuti: kana munhu akapara mhosva kune mumwe, pane kutsiva kunoitwa paari here kana kuti kwete? Vadzidzi vakataura kuti kutsiva pamutemo (Shari'ah) wechiJudha kwakasungirwa uye hakudzivirike, uye munhu akanganisirwa haana sarudzo pazviri. Zvekare vakati mumutemo wemaKristu mune zvinopesana neizvi, kunove kusungirwa kwekuregerera. Asi Shari'ah yedu yakauya yakakwana pamativi ose ari maviri; inosanganisira kutsiva uyewo inosanganisira kuregerera; nokuti pakuranga mupari wemhosva nemhosva yake pane kusimba nekudzivirira huipi, uye mukumuregerera pane kunaka, tsitsi, nekuratidza ngoni kune uyo wawaregerera. Naizvozvo Shari'ah yedu yakauya - uye kurumbidzwa kwese ngakuve kuna Allah - yakakwana pakuzadzisa zvese, ichipa sarudzo kune uyo ane kodzero pakati pekuregerera nekutsividza; kuitira kuti aregerere panokodzera kuregerera, uye atsividze panokodzera kutsividza.
*
Zvikamu zvehunhu hwakanaka
Zvirokwazvo, vanhu vazhinji vanofunga kuti tsika dzakanaka dzinongoreva bedzi mabatiro akanaka atinoita zvisikwa kwete mabatiro atinoita neMusiki. Asi kunzwisisa uku hakuna kukwana; nokuti chokwadi hunhu hwakanaka, sekushanda kwahunoita pamabatiro atinoita nezvisikwa, hunoshandawo zvakare pamabatiro atinoita neMusiki.
Naizvozvo, dingindira rehunhu hwakanaka ndere: mabatiro akanaka atinoita neMusiki, Samasimba, vari kumusoro-soro, pamwe nemabatiro akanaka nezvisikwa. Uye nyaya iyi inofanirwa kunyatsotarisiswa.
Chekutanga: Hunhu hwakanaka mukudyidzana neMusiki vane hukuru, vari kumusoro-soro:
Hunhu hwakanaka mukubata neMusiki hunobatanidza zvinhu zvitatu:
1- Kugamuchira nhaurwa dzaAllah vari kumusoro-soro tichitenda maari.
2- Kugamuchira mitemo yaAllah kuburikidza nekuizadzisa uye nekuitevedzera.
3- Kugamuchira zvakatarwa naAllah nekutsungirira nekugutsikana.
Izvi ndizvo zvinhu zvitatu zvinova hwaro hwehunhu hwakanaka mukudyidzana kwedu naAllah vari kumusoro-soro.
1- Kugamuchira nhaurwa dzavo nekutenda, zvekuti hakuna kukahadzika kana kuzeza kunovapo kumunhu pakutenda chokwadi chenhaurwa dzaAllah, Samasimba, vakukuru-kuru; nekuti nhaurwa dzaAllah vari kumusoro-soro dzinobva muruzivo, uye ivo, vanorumbidzwa, ndivo mutauri wechokwadi kupfuura vatauri vese, sekutaura kwavakaita vari kumusoro-soro pamusoro pavo pachavo vachiti: "Uye ndiani ane shoko rechokwadi kudarika Allah?" [An-Nisāʾ:87].
Chinodiwa pakutenda nhaurwa dzaAllah ndechekuti munhu ave nekuvimba nadzo, achidzidzivirira, uye achishingirira nadzo, nenzira yekuti hapapindi maari kukahadzika kana kupokana munhaurwa dzaAllah, vane mbiri neukuru, nenhaurwa dzeMutumwa wavo, rugare nemakomborero aAllah ngazvive pavari.
Kana muranda akazvishongedza nehunhu uhwu, anokwanisa kudzivisa kupokana kwese kunounzwa nevaya vanofuratira mashoko aAllah neMutumwa wavo (rugare nemakomborero aAllah ngazvive pavari), vangava vari vanobva mumaMuslim avo vakaunza zvitsva muchitendero chaAllah izvo zvisimo machiri, kana kuti vamwewo vasingatendi mukuvapo kwaMwari, avo vanoda kuisa kupokana mumoyo yemaMuslim.
Ngatipei muenzaniso weizvi: zvakarondedzerwa muṢaḥīḥ al-Bukhârī mune nhaurwa kubva kuna Abū Hurairah, Allah ngavafadzwe naye, kuti Muporofita, rugare nemakomborero aAllah ngazvive pavari, vakati: «Kana nhunzi ikawira muchinwiwa chemumwe wenyu, ngaainyudze, agobva aibvisa; nokuti zvirokwazvo pabapiro rayo rimwe pane chirwere, uye parimwe racho pane mushonga» [4]. [4] Yakarondedzerwa naAl-Bukhārī: bhuku rekutanga kwezvisikwa, chitsauko: kana nhunzi ikawira muchinwiwa chemumwe wenyu ngaainyudze nekuti pane rimwe bapiro rayo pane chirwere uye pane rimwe racho pane mushonga, nhamba (3320), kubva muhadīth yaAbū Hurairah, Allah ngavafadzwe naye.
Saka iyi inhau yakaziviswa naMutumwa waAllah, rugare nemakomborero aAllah ngazvive pavari, uye iri panyaya dzezvinhu zvakavanzika (al-ghaib), havatauri zvichibva muzvido zvavo, asi vanotaura chete izvo zvakazarurwa kwavari naAllah vari kumusoro-soro, nekuti ivo munhu, uye munhu haazivi zvakavanzika, asi zvirokwazvo Allah vakataura kwavari kuti: {Iti (Muhammad (SAW)): “Handikutaurirei kuti ini ndine hupfumi hwaAllah (Mwari), kana kuti ndinoziva zvakavanzika, kana kukuudzai kuti ndiri ngirozi. Asi ndinotevedzera izvo zvakave zvinodzikiswa kwandiri.”} [Al-An'ām:50].
Naizvozvo shoko iri tinofanira kuritambira nehunhu hwakanaka, uye hunhu hwakanaka pamusoro peshoko iri ndehwekuti tiritambire nekubvuma, uye kuti tive nechokwadi chakazara chekuti zvakataurwa neMuporofita, rugare nemakomborero aAllah ngazvive pavari, muḥadīth iyi ichokwadi uye ndeyechokwadi pasina kupokana, kunyangwe avo vanopikisa vakaipikisa. Tinoziva neruzivo rwechokwadi kuti zvinhu zvinopesana nezvakatsinhirwa kubva kuMutumwa waAllah, rugare nemakomborero aAllah ngazvive pavari, zvirokwazvo ndezvenhema; nokuti Allah vari kumusoro-soro vakati: Mushure mechokwadi, chii chimwe chingavepo, kunze kwekurasika? Saka sei muchifuratidzwa (muchirasiswa)? [Yunus:32].
Uye mumwe muenzaniso: kubva munhau dzeZuva reKumutswa:
Muporofita (rugare netsitsi dzaAllah ngazvive kwavari) vakazivisa kuti: ""Zvirokwazvo zuva richaswedera pedyo nezvisikwa paZuva reKumutswa nenhambwe yemaira. [5]"" Kunyangwe zvinoreva mīl (maira) zviri kamuti kanoshandiswa kuisa kuzora kohl pazasi pemaziso kana kuti chinhambwe (chemaira imwechete), kuti chinhambwe chichave pakati pezuva nemisoro yezvisikwa chichave chidiki. Kunyange zvakadaro, vanhu havazobvirva nekupisa kwezuva, asi dai zuva raiswedera pedyo nenyika nechiyero chekumucheto kwemunwe, nyika yaitsva. [5] Yakarondedzerwa naMuslim: bhuku reParadhiso, chitsauko chetsanangudzo yezuva rekumutswa, nhamba (2864), kubva muḥadīth yaAl-Miqdād ibn Al-Aswad, Allah ngavafadzwe naye.
Mumwe angabvunza kuti: Zuva ringaswedera sei pedyo nemisoro yezvisikwa pazuva rekumutswa nechinhambwe chakadai, vanhu voramba vari vapenyu kwekanguva?!
Saka hunhu hwakanaka maererano neḥadīth iyi ndehupi?
Hunhu hwakanaka maererano neḥadīth iyi ndehwekuti tiigamuchire, titende mairi, uye kuti mumoyo yedu murege kuva nekusagadzikana, kunetseka, kana kuzengurira pamusoro payo, uye kuti tizive kuti izvo zvakaziviswa naMuporofita (rugare nemakomborero aAllah ngazvive pavari) pamusoro penyaya iyi, ndezvechokwadi.
Uye hazvibviri kuti tienzanise mamiriro epahupenyu hwemangwana nemamiriro epasi pano; nekuda kwekuvapo kwemusiyano mukuru uyu. Nokuti isu tinoziva kuti vanhu vachamira paZuva reKutongwa kwemakore zviuru makumi mashanu, zvichienderana nezviyero zvepasi pano. Zvingabvire here kuti mumwe wevanhu amire kwemakore zviuru makumi mashanu (panyika pano)?
Mhinduro ndeyekuti: Kwete, saka mutsauko mukuru. Kana zvakadaro, mutendi anogamuchira shoko rakadai nemoyo wakasununguka nekugadzikana. Kunzwisisa kwake kunova kwakakura zvekuti anokwanisa kurigamuchira, uye moyo wake unovhurika kwariri.
2- Kugamuchira mirairo yaAllah nekuitambira, nekuizadzisa uye nekuitevedzera: saka mutendi haafaniri kuramba chero chinhu pamirairo yaAllah. Nekuti kana akaramba chero chinhu pamirairo yaAllah idzodzo dzinenge dziri tsika dzakaipa kuna Allah Samasimba, vakuru, zvisinei kuti anoiramba achipokana nemutemo wayo, kana kuti anoiramba nekuzvitutumadza pakuita mabasa anoenderana nayo, kana kuti anoiramba nekusava nehanya pakuita mabasa anoenderana nayo. Zvirokwazvo izvozvo zvinopikisana netsika dzakanaka kuna Allah, Samasimba, vakuru.
Ngatipei muenzaniso pane izvi: mabasa akanaka anorema atinoita mumwedzi weRamadhan. Hapana kupokana kuti kutsanya kunoremera mweya; nokuti munhu anosiya zvaakajaira pane zvekudya, zvinwiwa, uye pamwe nezvebonde, uye ichi chinhu chinoremera munhu. Asi mutendi ane tsika dzakanaka kuna Allah vane hukuru nekukudzwa, anogamuchira mutoro uyu, kana kuti nemazwi akarurama kwazvo: anogamuchira kukudzwa uku, uye aya makomborero anobva kuna Allah vane hukuru nekukudzwa, aanotambira nemoyo wakasununguka uye nerunyararo, uye mweya wake wozvigamuchira zvizere. Nokudaro unomuwana achitsanya mumazuva akareba anopisa, iye achigutsikana pamwe nekuva nemoyo wakadekara; nekuti anoratidza tsika dzakanaka kuna Tenzi vake. Asi uya ane tsika dzakaipa kuna Allahanotambira kunamata kwakadai nekugunun'una uye nekusada, uye dai asiri kutya nyaya ine mhedzisiro isingayemurike, angadai asingatsanye.
Mumwe muenzaniso: Munamato (Ṣalāh), zvirokwazvo hapana kupokana kuti inorema kune vamwe vanhu, uye inorema kune vanyengeri (Munafiqûn), sekutaura kwakaita Muporofita (rugare nemakomborero zvaAllah ngazvive pavari) vachiti: «Munamato (Ṣalāh) unonyanya kuremera vanyengeri: munamato weʿIshā nemunamato weFajr» [6]. [6] Yakarondedzerwa naAl-Bukhāri: bhuku reAdhan, chitsauko chekukosho kwekuitira ʿIshā mugungano, nhamba (657), uye Muslim: bhuku remamasjid, chitsauko chekukosha kwemunamato wegungano, nhamba (651), kubva muhadith yaAbū Hurairah, Allah ngavafare naye.
Asi munamato hauremi kumutendi. Allah vari kumusoro-soro vakati: {Uye tsvagai rubetsero kuburikidza mukutsungirira nekunamata, uye zvirokwazvo, inorema kunze kune avo vanozvininipisa nokuzvipira munaAllah (Al-Khāshi’ūn), (vanoremekedza Allah nemoyo wose nekutya chirango chavo)...45} {Avo vanotenda kuti vachanosangana naTenzi wavo (Allah), uyezve kuti vachadzokera kwavari (Allah)...46} [Al-Baqarah:45-46]. Saka kune ava haina kurema, asi kuti iri nyore uye yakareruka; naizvozvo Muporofita (rugare nemakomborero aAllah ngazvive pavari) vakati: “Mufaro wangu wakaiswa mumunamato” [7]. [7] Yakarondedzerwa naImām Aḥmad (3/128), naAn-Nasā'i: Bhuku rekugarisana nevakadzi, chitsauko chekuda vakadzi, nhamba (3940), kubva muḥadīth yaAnas, Allah ngavafadzwe naye.
Saka hunhu hwakanaka kuna Allah (vane simba nehukuru) panyaya yemunamato, ndiko kuuita moyo wako wakasununguka uye wakadzikama, wakagutsikana, uchifara paunenge uchiita, uye uchiumirira kana nguva yawo yaswedera. Saka kana wanamata munamato weFajr, unenge une chishuviro chemunamato weẒuhr, uye kana wanamata munamato weẒuhr, unova nechishuviro chemunamato weʿAsr, uye kana wanamata munamato ) weʿAsr, unova nechishuviro chemunamato weMaghrib, uye kana wanamata munamato weMaghrib, unova nechishuviro chemunamato weʿIshā, uye kana wanamata munamato weʿIshā, unova nechishuviro chemunamato weFajr. Saizvozvo nguva dzose, mwoyo wako unenge wakabatana nezviito izvi zveʿibādah (kunamata). Saka izvi, hapana kupokana, kuti zvinobva pahunhu hwakanaka kuna Allah vari kumusoro-soro.
Muenzaniso wechitatu uri mune zvekudyidzana: kurambidzwa kwechimbadzo. Zvirokwazvo Allah vakarambidza chimbadzo kwatiri zviri pachena muQur'ān, sezvakataurwa naAllah vari kumusoro-soro: Allah vakatendera kutengeserana uye vakarambidza chimbadzo. Uye vakataura nezvazvo kuti: {... Saka uyo anowana mashoko eyambiro kubva kuna Tenzi vake uye wobva arega, zvakaitika kumashure ndezvake; nyaya yake iri mumaoko aAllah; asi uyo anodzokera, vakadaro ivavo ndivo vagari vekumoto, umo vachagara nekusingaperi.} [Al-Baqarah:275]. Saka Allah vakatyisidzira uyo anodzokera kuchimbadzo mushure mekunge yambiro yasvika kwaari, uye aziva mutongo. Vakamutyisidzira nekugara kusingaperi kuMoto - tinopotera kuna Allah kubva kuMoto.
Saka mutendi anogamuchira mutongo uyu nemoyo muchena, nekugutsikana, uye nekuzviisa pasi, asi uyo asiri mutendi haaugamuchiri, uye moyo wake unoremerwa nawo. Pamwe anotsvaga nzira dzekuunzvenga nadzo nemanomano emarudzi ose; nokuti tinoziva kuti muchimbadzo mune mhindu ine chokwadi, uye hamuna chero njodzi mairi. Asi chokwadi ikoko kuwana kwemumwe munhu uye huri hudzvanyiriri kune mumwe; naizvozvo Allah vari kumusoro-soro vakati: Asi mukakumbira ruregerero, muchava munotora mari yenyu yamunenge makweretesa musingadzvanyiriri (nekutora mari inopfuura yamakakweretesa), kana kudzvanyirirwa (nekuwana mari iri pasi peiyo yamakakweretesa). [Al-Baqarah:279].
3- Kutambira zvakatarwa naAllah vari kumusoro-soro nekugutsikana nemoyo murefu: Ichi ndicho chinhu chechitatu chetsika dzakanaka kuna Allah. Tese tinoziva kuti zvakatarwa naAllah, Samasimba, zvavanoronga pazvisikwa zvavo, hazvisi zvese zvinoenderana nezvishuwo zvezvisikwa. Saka zvose zvinotarwa naAllah pamusoro pedu zvinoenderana nesu here? Kureva kuti mweya yedu inorerekera kwazviri, uye inowirirana nazvo here? Chokwadi chiripo ndechokuti: kwete.
Saka chirwere, semuenzaniso, hachienderane nemunhu, nekuti munhu anoda kuva mutano.
Saizvozvo, hurombo hauenderani nemunhu, nekuti munhu anofarira kuva mupfumi, uyewo kusaziva hakuenderani nemunhu, nekuti munhu anofarira kuva muzivi. Asi zvakatarwa naAllah, Samasimba, vakuru, muhuchenjeri hwavo zvinosiyana-siyana; pakati pazvo pane zvinoenderana nemunhu zvokuti anonzwa kugadzikana maererano nemasikirwo ake, uye pane zvimwe zvisina kudaro. Saka, chii chinonzi hunhu hwakanaka kuna Allah, Samasimba, vakuru, maererano nezvavakatarwa?
Hunhu hwakanaka kuna Allah maererano nezvavakatara, kuva unogutsikana nezvawakatarirwa naAllah, moyo wako ogadzikana nazvo, uye kuti oziva kuti ivo, vanorumbidzwa, vari kumusoro-soro, havana kuzvitara kunze kwekuti pane huchenjeri nechinangwa chinorumbidzwa chavanokodzera kurumbidzwa nekutendwa pachiri.
Nokudaro, zvirokwazvo hunhu hwakanaka kuna Allah maererano nezvavakatara ndezvekuti munhu agutsikane, azvitambre, uye adzikame. Naizvozvo Allah vakarumbidza avo vanotsungirira vakati: {Ipa shoko rakanaka kune Aṣ-Ṣābirūn (avo vane moyo murefu – vanotsungirira)...155} {Avo vanoti kana vawirwa nedambudziko vanoti: “Zvirokwazvo! Kuna Allah ndokwatakabva, uye zvirokwazvo kwavari ndiko kwatichadzokera.”...156} [Al-Baqarah:155-156].
Chechipiri: Tsika dzakanaka pakudyidzana nezvisikwa:
Pamusoro pehunhu hwakanaka kune zvisikwa; vamwe (vadzidzi vechitendero) vakahutsanangura, uye pakati pavo pana Al-Ḥasan Al-Baṣrī, Allah ngavamunzwire tsitsi, vachiti: "Kurega kukuvadza vamwe, kuva nerupo kwavari, uye kusangana navo nechiso chinofara." [8]. [8] Ihyā' 'Ulūm Ad-Dīn (3/52-53).
Chekutanga: Zvinoreva kurega kukuvadza vamwe: ndezvekuti munhu adzivise kukuvadza kwake kune vamwe, kungava kukuvadza kune chekuita nepfuma, kana kune chekuita nehupenyu, kana kune chekuita nechiremera. Saka uyo asingadzivisi kukuvadza kwake kune zvisikwa haana tsika dzakanaka, asi kuti ane tsika dzakaipa.
Uye zvirokwazvo Mutumwa (rugare netsitsi dzaAllah ngazvive kwavari) vakazivisa kuyera kweizvozvo pagungano guru kwazvo ravakaungana neUmmah yavo, pavakati: "«Zvirokwazvo kudeura ropa renyu, nepfuma yenyu, nechiremera chenyu zvinorambidzwa kwamuri, sezvakaita hutsvene wezuva renyu rino, mumwedzi wenyu uno, muguta renyu rino» [9]." [9] Yakarondedzerwa naAl-Bukhārī: bhuku reḤajj, chitsauko chekuparidza mumazuva eMina, nhamba (1741), uye naMuslim: bhuku rekupika pamhosva (Qasāmah), chitsauko chekusimbisa kurambidzwa kuteura ropa, nhamba (1679), kubva muḥadīth yaAbū Bakrah, Allah ngavafadzwe naye.
Kana munhu achitadzira vanhu nekutora pfuma, kana achitadzira vanhu nekubiridzira, kana achitadzira vanhu nekusavimbika, kana achitadzira vanhu nekurova nekukuvadza, kana achitadzira vanhu nekutuka nekuchera vamwe, munhu akadaro haave nehunhu hwakanaka kuvanhu; nokuti haana kuita kuti chakaipa chisasvike kwavari, uye chitadzo cheizvi chinokura zvikuru pose pachinoitirwa kune uyo ane kodzero huru pauri.
Naizvozvo, kuitira zvakaipa vabereki, semuenzaniso, chivi chikuru kudarika kuitira zvakaipa vamwe vanhu vasiri ivo, uye kuitira zvakaipa hama chivi chikuru kudarika kuitira zvakaipa vatorwa, uye kuitira zvakaipa vavakidzani chivi chikuru kudarika kuitira zvakaipa avo vasiri vavakidzani vako; ndokusaka Muporofita (rugare nemakomborero aAllah ngazvive pavari) vakati: "“Ndinopika naAllah haatendi, ndinopika naAllah (Mwari) haatendi, ndinopika naAllah haatendi.” (MaṢaḥābaha) vakati: “Ndiani, nhai imi Mutumwa waAllah?” Akati: “Uyo ane muvakidzani wake asina kuchengetedzeka kubva kune zvakaipa zvake” [10]." [10] Yakarondedzerwa naAl-Bukhārī: Bhuku retsika, Chitsauko chechivi chemunhu uyo muvakidzani wake asingachengetedzeki kubva pane zvakaipa zvake, nhamba (6016), kubva muḥadīth yaAbū Shurayh, Allah ngavafadzwe naye.
Chechipiri: Zvinoreva kuva nerupo: Rupo ndiko kupa zvakanyanya, kureva kuti unopa nekuva nerupo rwakanyanya. Kuva nerupo hakusi sezvinofungwa nevamwe vanhu kuti kupa pfuma bedzi, asi kuva nerupo kunovapo mukuzvipira iwe pachako, kushandisa chinzvimbo kana simba rauinaro kubatsira vamwe, uye mukupa pfuma.
Saka kana tikaona munhu achizadzisa zvinodiwa nevanhu, nekuvabatsira, nekuvamiririra munyaya dzavo kune avo vavasingakwanise kusvika kwavari, nekuita kuti ruzivo rwakerwutekeshere pakati pevanhu, nekugova hupfumi yake pakati pevanhu, tinomutsanangura semunhu ane hunhu hwakanaka; nekuti anenge aratidza rupo. Naizvozvo Muporofita (Allah ngavavakomborere nekuvapa rugare ) vakati: «Itya Allah kwese kwaunenge uri, uye tevedzera chakaipa nechakanaka kuti chichidzime, uye bata vanhu nehunhu hwakanaka» [11]. [11] Yakarondedzerwa naAt-Tirmidhī: Zvitsauko zvekururama nekuchengetedza hukama, chitsauko zvakauya maererano nekugarisana nevanhu, nhamba (1987), kubva muḥadīth yaAbū Dharr (Allah ngavafadzwe naye).
Kubata vanhu nehunhu hwakanaka kunosanganisira: kuti kana ukatadzirwa kana kuitirwa zvakaipa unoregerera nekukanganwira akukanganisira. Zvirokwazvo Allah vakarumbidza vanhu vanoregerera vamwe, vakabva vati maererano nevagari vekuParadhiso: {Avo vanopa hupfumi hwavo (munzira yaAllah) mukufara nemumatambudziko, avo vanodzora hasha, uye vanoregerera vanhu; uye Allah vanoda Al-Muḥsinūn (vanoita mabasa akanaka)....} [Āl-Imrān:134].
Allah vari kumusoro-soro vakati: {Uye kuregerera kuri pedyo nekutya Allah...} [Al-Baqarah: 237].
Allah vari kumusoro-soro vakati: {Uye ngavaregerere uye vakangamwire...} [An-Nūr:22].
Allah vari kumusoro-soro vakati: {Asi ani naani anoregerera uye ogadzirisa (hukama), mugove wake uri kuna Allah...} "[Ash-Shūrá:40]."
Munhu wese anogarisana nevamwe vanhu, naizvozvo anotofanirwa kuti asangane nekumwe kutadzirwa kubva kwavari. Saka zvaanofanira kuita pakutadzirwa uku kukanganwira nekuregerera. Uye ngaazive nechokwadi chizere kuti kuburikidza nekukanganwira kwake, kuregerera kwake, uye nekudzorera zvakaipa nezvakanaka, ruvengo ruri pakati pake nehama yake rwuchashanduka kuve rutsigiro nehushamwari hwepedyo. Allah vari kumusoro-soro vakati: {Basa rakanaka nebasa rakaipa hazvingamboenzani. Tsiva (zvakaipa) neizvo zviri nani, uye zvirokwazvo uyo, pakati pake newe paiva neruvengo, achava sekunge aiva shamwari yepedyo...} [Fuṣṣilat:34].
Fungisisai nezvazvo, imi munoziva mutauro wechiArabhu, kuti mhedzisiro yakauya sei neizvi rekuti (Idhā) rekamwe kamwe; nekuti (Idhā) yekamwe kamwe inoratidza kuitika kwechinhu pakarepo mumhedzisiro yacho. {Uye zvirokwazvo uyo, pakati pake newe paiva neruvengo, achava sekunge aiva shamwari yepedyo...} Asi haasi munhu wese anopihwa mukana wekuita izvozvo. Allah vari kumusoro-soro vakati: {Asi hapana akapihwa (chimiro chataurwa pandima iri pamusoro) kusara kweavo vanotsungirira, uye hapana akachipihwa kunze kwemuridzi wechidimbu chikuru (chemafaro kuParadhiso uye ane chimiro chakanaka) pano panyika...} [Fuṣṣilat:35].
Ko tinonzwisisa kubva pane izvi here kuti kuregerera mupari wemhosva chinhu chinorumbidzwa pese pese uye chakarairwa? Izvi zvinganzwisiswa kubva mundima, asi ngazvizivikanwe kuti kuregerera kunongorumbidzwa chete kana kuregerera kwacho kuri iko kwakakodzera kurumbidzwa zvikuru. Asi kana kuranga kuri iko kwakakodzera kurumbidzwa zvikuru ndiko kunenge kuri nani. Naizvozvo, Allah vari kumusoro-soro vakati: "Asi ani naani anoregerera uye oedza kugadzirisa (hukama), mugove wake uchange uri kuna Allah." [Ash-Shūrá: 40]. Saka vakaita kuti ruregerero rubatanidzwe nekuyanana.
Saka kuregerera kunogona kusaunza kugadzirisa, nokuti uyo akakutadzira uye akashinga kukuitira utsinye anogona kunge ari murume anozivikanwa nehuipi nehuwori. Saka kana ukamuregerera, anoenderera mberi muhuipi hwake nehuwori hwake. Naizvozvo, zviri nani pamamiriro ezvinhu aya kuti umubate nemhosva yake; nokuti mukuita izvozvo mune kugadzirisa. Shaykhul-Islām Ibn Taymiyyah (Allah ngavamunzwire tsitsi) akataura kuti: «Kuyananisa kunomanikidzrwa, uye kuregerera kunokurudzirwa, saka kana kuregerera kuchikonzera kurasika kwekuyananisa, izvi zvinoreva kuti taisa pamberi chinhu chinokurudzirwa kupfuura chinomanikidzirwa, uye izvi hazvisi izvo zvakaunzwa nemutemo (Shariʿah).» Akataura chokwadi, Allah ngavamunzwire tsitsi.
Uye zvirokwazvo, pamukana uno ndinoda kuti vanhu vacherechedze nyaya inoitwa nevanhu vazhinji nechinangwa chekuita zvakanaka, inova inoti: tsaona inokwanisa kuitika ichikonzerwa nemunhu, mumwe munhu anobva afa pamusana petsaona iyoyo, hama dzemufi dzouya dzoregerera muripo weropa (mari yekukonzeresa rufu rwemunhu inonzi diyah) kune mupari wemhosva uyu akonzera tsaona yacho. Saka, kuregerera kwavo muripo weropa uku kunorumbidzwa here? Uye kungatorwa sehunhu hwakanaka here, kana kuti mune izvozvo mune tsananguro dzakadzama?
Pane tsananguro yakadzama panyaya iyi: Tinofanira kuti titarisise uye tifungisise nezvemamiriro emunhu uyu akonzera tsaona iyi. Munhu uyu ndemumwe wevanhu vanozivikanwa nekusangwarira uye kusava nehanya here? Haazi werudzi rwevanhu vasina hanya - tinotsvaga dziviriro kuna Allah kubva muizvozvo - zvekuti anogona kukuvadza kana kudhumha munhu nekuti anokwanisa kubhadhara muripo weropa rake (diyah) here? Kana kuti murume akawirwa netsaona iyi kunyange zvazvo anga akangwarira uye akadzikama zvizere, asi kuti Allah vari kumusoro-soro vakaisira chinhu chimwe nechimwe mwero nehurongwa hwacho (Qadar)?
Kana ari wemhando yechipiri, kuregerera panyaya yake ndiko kwakanyanya kukodzera. Asi tisati taregerera kunyangwe pamhando yechipiri iyi, tinofanira kutarisa kuti: mushakabvu ane chikwereti here? Kana mushakabvu aine chikwereti, uye pasina imwe nzira yekuchibhadhara kunze kwemuripo weropa (diyah), hazvibviri kuti tiregerere; nekuti chikwereti chinotangira nhaka, uye kunyangwe tikaregerera, kuregerera kwedu hakutambirwi. Iyi inyaya inogona kukanganwika nevanhu vazhinji, uye tinotaura izvi; nekuti vadyi venhaka vanowana kodzero yavo padiyah iyi kubva kumushakabvu akawirwa netsaona, uye kodzero yavo inoshanda chete mushure mekubhadharwa kwechikwereti. Naizvozvo Allah pavakataura nezvenhaka vakati: {...mushure mekubhadhara Wiri yaanenge aiita (mufi) nezvikwereti...} [An-Nisāʾ:11].
Muchidimbu, chimwe chezvikamu zvetsika dzakanaka: kuregerera vanhu, uye izvi zviri mune zvinhu zvekuratidza rupo; nokuti kuratidza rupo kungava kupa chimwe chinhu kana kuregedza kutora kodzero yaunenge uinayo , uye kuregerera kuri muchikamu chekuregedza kutora kodzero yako.
Chetatu: Kufara kwechiso: kuti munhu anofanira kuve nechiso chinofara, uye zvinopesana neizvozvo kusunga chiso. Naizvozvo Muporofita, rugare nemakomborero aAllah ngazvive pavari, vakati: "Usambofa wakarerutsa chero chiito chipi zvacho chakanaka, kunyange chiri chinhu chidiki sekusangana nemumwe wako nechiso chinofara" [12]. [12] Yakarondedzerwa naMuslim: bhuku rekururama nekuchengetedza hukama, chitsauko chekukurudzirwa kusangana nevanhu nechiso chine mufaro, nhamba (2626), kubva muhadith yaAbu Dharr, Allah ngavamufarire.
Naizvozvo, kuva nechiso chinofara kunopinza mufaro kune uyo waunenge uchisangana naye, nekune uyo anouya kwauri, uye kunounza ushamwari nerudo, uye kunounza kugadzikana kwemoyo mauri pamwe nemune uyo waunosangana naye; zviedze ugozvionera.
Asi kana uchigara wakasunga chiso, zvirokwazvo vanhu vanokunzvenga, havafadzwi nekugara newe, kana kutaura newe, uye unogona kubatwa nechirwere chine njodzi chinonzi BP (high blood pressure), nokuti zvirokwazvo kusununguka kwemwoyo nechiso chinofara ndiyo imwe yemishonga inobudirira zvikuru pakudzivirira denda iri. Uye nokuda kwaizvozvo vanachiremba vanorayira munhu abatwa nedenda iri kuti agare kure nezvose zvinomushungurudza kana kumutsamwisa; nokuti izvozvo zvinowedzera chirwere chake, saka chiso chinofara chinopedza chirwere ichi; nokuti kuburikidza neizvi, munhu anova nemoyo wakasununguka uye achidiwa nezvisikwa zvose.
Idzi ndidzo nheyo nhatu dzinovakirwa padziri tsika dzakanaka mukubata nezvisikwa.
Tsika dzakanaka mukuwirirana nevanhu dzinosanganisira: kugarisana zvakanaka neshamwari, hama, nemhuri, kuti munhu asagumbuka navo, kana kuvaomesera, asi kuti avafadze nepaanogona napo mukati memiganhu yemutemo waAllah (Shari'ah). Uye chiga ichi chakakosha zvikuru; nokuti pakati pevanhu kune avo vasingafadzwi kunze kwekunge vachityora mutemo waAllah - tinotsvaga dziviriro kuna Allah -, saka ivavo hatibvumirani navo panyaya iyi. Asi kuunza mufaro kune avo vepedyo newe semhuri, shamwari, nehama mukati memiganhu yechitendero, ndezvimwe zvetsika dzakanaka. Naizvozvo, Muporofita (rugare nemakomborero aAllah ngazvive pavari) vakati: «Akanakisisa pakati penyu ndiye uyo akanakisisa kumhuri yake, uye ini ndikanakisisa zvikuru pakati penyu kumhuri yangu» [13]. [13] Yakarondedzerwa naAl-Tirmidhī: Bhuku remabasa akanaka, chitsauko chekukosha kwevakadzi veMuporofita, rugare nemakomborero aAllah ngazvive pavari, nhamba (3895), kubva muḥadīth yaAisha, Allah ngavafadzwe naye, uye yakarondedzerwa naIbn Mājah: Bhuku rekuroorana, chitsauko chekugara zvakanaka nevakadzi, nhamba (1977), kubva muḥadīth yaIbn Abbās, Allah ngavafadzwe navo.
Vanhu vazhinji - zvinosuruvarisa zvikuru - vanoratidza hunhu hwakanaka kune vamwe vanhu, asi havaratidzi hunhu hwakanaka kumhuri dzavo. Uku kukanganisa pamwe nekupidigura chokwadi, saka ungava sei nehunhu hwakanaka kune vatorwa, wova nehunhu hwakaipa kuhama dzepedyo?! Munhu anogona kuti: "Nekuti handioni chakaipa pakubvisa tsika dzekunyara nekuremekedzana pakati pangu nehama dzangu, saka ndinovaitira hunhu hwakaipa. Asi isu tinoti: "Izvi hazvisirizvo, nekuti hama ndidzo dzinonyanya kukodzera pane vanhu vese kuti uve nehushamwari nekugara kwakanaka nadzo." Naizvozvo mumwe murume akati: "Imi Mutumwa waAllah, ndiani pavanhu anonyanya kukodzera kuti ndigare naye zvakanaka? Vakati: «Amai vako». Akati: Kozotevera ani? Vakati: «Amai vako». Akati: Kozotevera ani? Vakati: «Amai vako». Akati: Kozotevera ani? Vakati: «Baba vako» [14]. [14] Yakarondedzerwa naAl-Bukhārī: bhuku retsika dzakanaka, chitsauko chekuti ndiani pavanhu ane kodzero huru yekugarwa naye zvakanaka, nhamba (5971), uye Muslim: bhuku rekururama, kuchengetedza hukama netsika dzakanaka, chitsauko chekuita zvakanaka kuvabereki uye kuti ndivo vane kodzero huru pazviri, nhamba (2548), kubva muhadith yaAbū Hurairah. Allah ngavafadzwe naye.
Uye mamiriro ezvinhu kune vamwe vanhu akapesana neizvi. Unomuwana achigarisana zvakaipa naamai vake, uye achigarisana zvakanaka nemudzimai wake, naizvozvo anenge achiisa pamberi kugarisana zvakanaka nemudzimai wake kupfuura kuitira zvakanaka amai vake.
Muchidimbu: kuita zvakanaka mukugarisana nemhuri, neshamwari, uye nehama, zvose izvi zvinobva muhunhu hwakanaka.
Zvatinofanirwa kuita mumizinda ino yezhizha ndezvekuti tishandise zvizere mukana wekuvapo kwevechidiki, kuitira kuti kuti tivadzidzise uye tivakurudzire kuva nehunhu hwakanaka; kuti muzinda uno uve muzinda wedzidzo nekurera kwakanaka; nokuti ruzivo rwusina kurera kwakanaka, kukuvadza kwarwo kunogona kuva kuzhinji kudarika kubatsira kwarwo. Asi kana paine kurera kwakanaka, ruzivo runoburitsa mhedzisiro yarwo inotarisirwa. Naizvozvo Allah vari kumusoro-soro vakati: {Hazvigoni kuti munhu uyo Allah vanomupa Gwaro, mitemo, uye huporofita, mushure mezvo oti kuvanhu: “Ivai vanamati vangu kunze kwaAllah.” Asi (anoti): “Ivai Rabbāniyyūn (vanhu vaAllah vechokwadi) nekuda kwezvamunodzidzisa mubhuku, uye nezvamunodzidza...79} [Āl-Imrān:79].
Iyi ndiyo pundutso yeruzivo, kuti munhu ave Rabbānī, zvichireva kurera varanda vaAllah maererano neShariʿah yaAllah. Naizvozvo, tinotarisarisa kubva kune vanotungamira nzvimbo dzino kuti vadziite nhandare dzekukwikwidzana mutsika dzakanaka, uye izvi zvinosanganisira kunatsa hunhu.
Ndambotaura pakutanga kuti hunhu hwakanaka hunogona kuva hwekuzvarwa nahwo kana hwekuwana nekuzvidzidzisa, uye kuti hunhu hwakanaka hwekuzvarwa nahwo hwakakwana kupfuura hunhu hwakanaka hwekuwana nekuzvidzidzisa. Uye ndapa humbowo hweizvozvo, Hunova huri chirevo cheMutumwa (rugare nemakomborero aAllah ngazvive pavari) kuna Ashajj 'Abd Al-Qays: «Asi Allah vakakusika uinazvo» [15]. [15] Yakarondedzerwa naAbū Dawūd: Bhuku retsika, chitsauko pamusoro pedzinza remunhu, nhamba (5225), kubva muḥadīth yaZari', Allah ngavafare naye, uyo aive muboka renhumwa dza'Abd al-Qays, naat-Tirmidhī: Zvitsauko zvekururama neKuchengetedza hukama, chitsauko pane zvakataurwa pamusoro pekudzikama nekumhanyirira, nhamba (2011), kubva muḥadīth yaIbn Abbās, Allah ngavafare navo vari vaviri.
Hunhu hwakanaka hwechizvarirwo haubvi pamunhu, asi hunhu hwakanaka hwekudzidzira hunogona kutiza munhu muzviitiko zvakawanda, nokuti hunoda kugara huchiitwa nokushingirira, pamwe nokurangarira izvozvo panowanikwa zvose zvinotsamwisa munhu. Naizvozvo, mumwe murume akauya kunaMutumwa waAllah (rugare nemakomborero aAllah ngazvive pavari) akati: "Imi Mutumwa waAllah, ndirayireiwo." Vakati: "Usatsamwa." Akadzokorora kakawanda (mashoko aya), ivo vakati: "Usatsamwa"[16]. Uye Muporofita, rugare nemakomborero aAllah ngazvive pavari, vakati: «Munhu akasimba haasi uya anokurira vamwe pakurwa, asi kuti munhu akasimba ndiye uya anozvidzora panguva yekutsamwa»[17]. [16] Yakarondedzerwa naAl-Bukhārī: Bhuku retsika, chitsauko chekungwarira kutsamwa, nhamba (6116), kubva muḥadīth yaAbū Hurairah (Allah ngavafadzwe naye). [17] Yakarondedzerwa naAl-Bukhārī: bhuku retsika dzakanaka, chitsauko chekuchenjerera kutsamwa, nhamba (6114), uye Muslim: bhuku rekururama, kuchengetedza hukama netsika dzakanaka, chitsauko chezvakanaka zveuyo anozvidzora pakutsamwa, nhamba (2609), kubva muhadith yaAbū Hurairah (Allah ngavafadzwe naye).
Uye aṣ-Ṣura'ah: Ndiye uya anowisa vanhu, zvakafanana nemazwi ekuti humazah nelumazah. Humazah ndiye uya anochera vanhu, uye lumazah ndiye uya anoshora vanhu nezvikanganiso zvavo. Saka munhu ane simba haasi uya anowisa vanhu nekuvakurira. «Zvirokwazvo munhu akasimba ndiye uya anozvidzora panguva yehasha» [18], Naizvozvo, uyo anozvikurira nekuzvidzora panguva yekutsamwa ndiye akasimba zvechokwadi, uye kuzvidzora kwemunhu panguva yekutsamwa kunoonekwa seimwe yetsika dzakanakisa. [18] Yakarondedzerwa naAl-Bukhārī: Bhuku rehunhu, chitsauko chekuchenjerera hasha, nhamba (6114), uye Muslim: Bhuku rekururama, kuchengetedza hukama nehunhu, chitsauko chekukosha kwemunhu anozvidzora pakutsamwa, nhamba (2609), kubva muḥadīth yaAbū Hurairah, Allah ngavafadzwe naye.
Naizvozvo kana ukatsamwa usaite zvinhu uchitungamirirwa nehasha dzako, asi tsvaga dziviriro kuna Allah kubva kuna Shaiṭān akatukwa. Uye kana wakamira chigara pasi, uye kana wakagara chizvambarara, uye kana hasha dzikawedzera mauri ita wuḏūʾ kusvikira dzabva kwauri.
Saka muchidimbu: Tsika dzakanaka dzechisikirwo dziri nani kudarika tsika dzakanaka dzekuzvidzidzisa; nokuti dzinova hunhu hwokuzvarwa nahwo kumunhu uye zvinomurerukira mumamiriro ose ezvinhu, asi tsika dzekuzvidzidzisa dzinogona kumutiza mune mamwe mamiriro ezvinhu.
Uye saizvozvo tinoti: Zvirokwazvo, hunhu hwakanaka hunowanikwa kuburikidza nokudzidzira, zvichireva kuti munhu anozvirovedza. Nokudaro munhu anova nehunhu hwakanaka kuburikidza nezvinhu zvinosanganisira izvi:
Chekutanga: Kuti aongorore muGwaro raAllah uye muSunnah yeMutumwa wavo (rugare nemakomborero aAllah ngazvive pavari): oongorora zvinyorwa zvinotaridza kurumbidzwa kwetsika iyoyo huru. Kana mutendi aona zvinyorwa zvichirumbidza chimwe chinhu mune zvetsika kana zviito, anobva azviita.
Chepiri: Anofanira kushamwaridzana neavo vanozivikanwa nehunhu hwakanaka. Muporofita, rugare nemakomborero aAllah ngazvive pavari, vakaratidza izvi mumashoko avo ekuti: «Muenzaniso weshamwari yakarurama neshamwari yakaipa wakafanana nemutakuri wepefiyumu neanofuridzira mvuto yemoto. Mutakuri wepefiyumu, angakupa imwe sechipo, kana kuti unogona kutenga kwaari, kana kuti unogona kunzwa kunhuwirira kwakanaka kubva kwaari. Asi munhu anofuridzira mvuto yemoto, anogona kupisa mbatya dzako, kana kuti unogona kunzwa kunhuwa kwakaipa kubva kwaari» [19]. [19] Yakarondedzerwa naAl-Bukhārī: Bhuku rezvibayiro nekuvhima, chitsauko cheMusk, nhamba (5534), naMuslim: Bhuku rekururama nekuchengetedza hukama, chitsauko chekukurudzirwa kwekugara nevanhu vakarurama, nhamba (2628), kubva muḥadīth yaAbū Musa Al-Ash'arī, Allah ngavafadzwe naye.
Naizvozvo, zvinosungirwa kune vechidiki vese kuti vashamwaridzane nevaya vanozivikanwa nehunhu hwakanaka, uye vanofanira kugara kure nehunhu hwakaipa, pamwe nemabasa asina maturo; kuitira kuti vatore kubva muhushamwari uhu chikoro chinovabatsira mukuva nehunhu hwakanaka.
Chechitatu: Kuti munhu afungisise zvinokonzerwa netsika dzake dzakaipa; nokuti munhu ane tsika dzakaipa anosemwa, uye munhu ane tsika dzakaipa anosiiwa. Uye munhu ane tsika dzakaipa anotaurwa nezvake nenzira yakashata. Saka kana munhu akaziva kuti tsika dzakaipa dzinomusvitsa kune izvi, zvirokwazvo anogara kure nadzo.
*
Muenzaniso Wakanaka (rugare nemakomborero aAllah ngazvive paari)
Tine muenzaniso wakanaka muna Mutumwa waAllah. Naizvozvo, Mutumwa (rugare nemakomborero aAllah ngazvive pavari) ndiye akanyanya kunaka pazvisikwa zvose patsika; nokuti Allah vari kumusoro-soro vakataura nezvake vachiti: Uye zvirokwazvo, (iwe Muhammad (SAW) ndiwe une tsika dzepamusoro-soro. [Al-Qalam: 4]. Zviitiko neizvo zvakatora nzvimbo munguva yaMutumwa (rugare nemakomborero aAllah ngazvive pavari) zvinoratidza kunaka kwehunhu hwavo. Zvirokwazvo ivo (rugare nemakomborero aAllah ngazvive pavari) vaive nehunhu hwakanaka kunyangwe kuvana. Vaivabata nehunyoro, vachitamba navo, uye vaitaura kune mumwe wevana kuti: «Iwe Abū ʿUmair, chii chakaitika kukashiri?» [20]. Abū ʿUmair izita remadunhurirwa remwana mudiki, uye aiva aine kashiri kainzi (Nughayr), kaive kashiri kadiki. Apo Nughayr iyi yakafa, mukomana mudiki uyu akasuruvara uye akashungurudzika zvakanyanya. Naizvozvo, Muporofita (rugare nemakomborero aAllah ngazvive pavari) vaitamba naye zvinyoronyoro vachiti: «Iwe Abū ʿUmair, Nughayr akaitei?». [20] Yakarondedzerwa naAl-Bukhārī: bhuku retsika, chitsauko chekusununguka kuvanhu, nhamba (6129), uye Muslim: bhuku retsika, chitsauko chekukurudzirwa kuisira mucheche zvinotapira mumuromo pakuzvarwa kwake, nhamba (2150), kubva muḥadīth yaAnas, Allah ngavamufarire.
Mumwe murume wekurenje akauya ndokuita weti mumba yekunamata (masjid), saka vanhu vakamutsiura nekumutuka zvakanyanya, asi Muporofita (rugare nemakomborero aAllah ngazvive pavari) vakavarambidza. Saka paakapedza kuita weti, vakaraira (rugare nemakomborero aAllah ngazvive pavari) kuti kuunzwe bhagidhi remvura ndokudirwa pamusoro peweti, zvadaro vakamushevedza murume wekurenje uya ndokubva vati kwaari: «Zvirokwazvo, maMasjid aya haana kukodzera chero chii zvacho chezvinokuvadza kana tsvina, asi anongova ekuitira minamato (Ṣalāh), pamwe nekuverenga Qur'ān» [21]. Kana kuti Muporofita (rugare nemakomborero a Allah ngazvive kwavari) akataura zvakafanana neizvi. [21] Yakarondedzerwa naAl-Bukhārī: bhuku rewudūʾ, chitsauko: kudira mvura paweti, nhamba (221), uye naMuslim: bhuku rekugeza, chitsauko: kusungirwa kugeza weti, nhamba (285), kubva muḥadīth yaAnas, Allah ngavafare naye.
Uye kuratidzwa kwetsika dzakanaka munyaya iyi kuri pachena, nokuti havana kutsiura mugari wemurenje uyu nehasha, uye havana kurayira kuti arohwe, asi vakamurega kusvikira apedza kuita weti yake. Ndokubva vazomuzivisa kuti maMasjid haana kukodzera zvaaita izvi, asi ndeekuitira minamato, Dhikr (kurangarira Allah), nekuverenga Qur'ān.
Mumwe murume akauya kwavari Mutumwa mumwedzi weRamadhan, akati: "Imi Mutumwa waAllah, ndaparara!!" Muporofita (rugare nemakomborero aAllah ngazvive pavari) vakati kwaari: «Chii chakuparadza?» Murume akati: Ndakasangana nemukadzi wangu pabonde muRamadhan ini ndakatsanya. Asi Mutumwa havana kumutsiura, uye havana kumutuka, asi vakati kwaari: «Unokwanisa here kuwana zvekusunungura muranda?» Akati: "Kwete". Vakati: «Unokwanisa here kutsanya mwedzi miviri inotevedzana?» Akati: "Kwete". Vakati: «Unokwanisa here kuwana zvekupa zvinoita chekudya kuvarombo makumi matanhatu?» Akati: "Kwete". Akabva agara pasi. Muporofita, rugare nemaropafadzo aAllah ngazvive kwavari, vavkabva vaunzirwa dengu rine madheti, ndokumupa achiti kwaari: «Ipa izvi serubatsiro.» Murume uya akati: «Kune varombo kutipfuura isu here?! Nokuti hapana vari pakati pemativi maviri eguta rino vanoshaya kutipfuura isu.» Muporofita, rugare nemaropafadzo aAllah ngazvive kwavari, vakabva vanyemwerera kusvikira mazino avo aonekwa, vachibva ati: «Enda unopa chikafu ichi kumhuri yako» [22]. [22] Yakarondedzerwa naAl-Bukhārī: bhuku rekutsanya, chitsauko chekuti kana munhu akasangana pabonde muRamaḍān asina chinhu, ndokupiwa ṣadaqah, anofanira kubhadhara muripo (kaffarah), nhamba (1936), uye Muslim: bhuku rekutsanya, chitsauko chekuomarara kwekurambidzwa kwekusangana pabonde masikati eRamaḍān kumunhu akatsanya, nhamba (1111), kubva muhadith yaAbu Hurairah, Allah ngavamufarire.
Hunhu hwakanaka hweMuporofita (rugare nemakomborero aAllah ngazvive pavari) munyaya iyi huri pachena uye huri pamhene, nokuti havana kupopotera murume uyu, havana kumutuka, uye haana kumutsiura nehasha. Zvakadaro nemhaka yekuve nemoyo murefu kwavo, nehuchenjeri hwavo. Nekuti ivo (rugare nemakomborero aAllah ngazvive pavari) vakaona kuti murume uyu akanga auya achizvidemba, apfidza, uye achitya, saka vakaona (rugare nemakomborero aAllah ngazvive pavari) kuti akanga asina kukodzera kutsiurwa nehasha, asi kuti aifanira kujekeserwa chokwadi, nekubatwa nehunyoro.
Mubvunzo: Vanhu vakawanda vanowanzotaura kuti vanhu vekuMadokero vane tsika dziri nani mukudyidzana kwavo, pakutengesa kwavo, nepakutenga kwavo, ukuwo uchiwana kubiridzira, kunyepa, nekutengeswa kwenhumbi kuburikidza nekupika kwenhema pakati pedu isu maMuslim. Saka chii chikonzero cheizvi? Uye budiriro yavo yezvemaindasitiri ine mhedzisiro huru here mukuumbwa kwetsika dzavo?
Mhinduro: Muporofita (rugare nemakomborero aAllah ngazvive pavari) vakati: «Dai vanhu vaipihwa maererano nezvichemo zvavo, vamwe varume vaizoda ropa revamwe vanhu nepfuma yavo, asi humbowo huri pane uyo ari kupomera mhosva» [23], Izvo zvine mukurumbira pakati pevanhu zvekuti vekuMadokero vane hunhu hwakanaka mukubata vamwe, hazvisi chokwadi, nokuti zvirokwazvo vane kubata vamwe kwakashata kunozivikanwa neuyo akaenda kwavari, akavatarisa neziso reruramisiro nekusarerekera, kwete uyo anovatarisa neziso rekukudza nekupa hukuru. Zvirokwazvo nyanduri akati: Uye ziso rekugutsikana harioni chero chikanganiso *** sezvinoita ziso rekutsamwa richiburitsa pachena zvakaipa [24]. "[24] Tarisa (mubhuku rinonzi): Al-Ḥayawān yaAl-Jāḥiẓ (3/226), uye ʿŪyūn al-Akhbār (3/16), uye Al-ʿIqd al-Fariīd (2/194)." [23] Yakarondedzerwa naAl-Bukhārī: mubhuku retsanangudzo yeQur'ān (Tafsīr), chitsauko chinoti: {Zvirokwazvo, avo vanotengesa sungano yaAllah nemhiko dzavo nemutengo mudiki, ivavo havana mugove...} [Āli Imran: 77], nhamba (4552), naMuslim: mubhuku remitongo, chitsauko chemhiko kune uyo anopomerwa, nhamba (1711), kubva muḥadīth yaIbn Abbās, Allah ngavafadzwe navo vese.
Zvirokwazvo, vechidiki vakawanda vakaenda kuMadokero vakandiudza pamusoro pezviito zvetsika dzakaipisisa [zveikoko]. Asi pavanoratidza kuvimbika nechokwadi mune zvavanoita pakutenga nekutengesa, hazvisi nekuda kwekuti vanhu vane tsika dzakanaka, asi nekuti vanamati vepfuma yenyika. Uye munhu, pose paanonyanya kuratidza kuvimbika pamabatiro aanoita zvinhu izvi, vanhu vanowedzera kukwezvewa kwaari zvakanyanya, pamwe nekukasira kutenga zvinhi zvake nekudzishambadza.
Saka havaiti izvozvo nekuda kwekuti vane tsika dzakakwana, asi nekuda kwekuti vanhu vehupfumi yenyika. uye vanoona kubata vanhu zvakanaka seimwe yenzira huru yekushambadza nekuwanza pfuma yavo ; kuitira kuti zvinhu izvi zvitambirwe. Asi ivo vari sezvavakatsanangurwa naAllah (vane simba nehukuru) mukutaura kwavo vachiti: {Zvirokwazvo, avo vasingatendi kubva muvanhu veBhuku (maJudha nemaKristu) nemaMushrikūn (avo vanonamata zvidori, kana kuti Allah vachivasanganisa nezvimwe zvinhu) vachange vari mumoto weGehena vachigara imomo. Vanhu vakadaro ndivo zvisikwa zvakashata...6} [Al-Bayyinah:6], Uye handifungi kuti kune munhu ane tsananguro yechokwadi inopfuura tsananguro yaAllah, Samasimba, vane hukuru, pamusoro peavo vasingatendi; nokuti ivo ndivo vakaipisisa pane zvisikwa. Uye zvingatarisirwa sei zvakanaka zvinovavarirwa pazviri pachazvo kubva kuvanhu vakatsanangurwa naAllah kuti ndivo vakaipisisa pane zvisikwa? Handitendi kuti izvi zvingamboitika, asi izvo zvinowanikwa mavari zvechokwadi, kujekesa pachena, uye kuraira kwakanaka mukudyidzana uku, zvakangonangana nezvimwe zvinangwa kwavari, izvo zvinoti kuwana mukurumbira nepfuma. Uyo anoona hudzvanyiriri hwavo, hutsinye hwavo, pamwe nekuzvikudza kwavo pamusoro pezvisikwa munzvimbo dzakawanda, anoziva chokwadi chemashoko avo vari kumusoro-soro ekuti: {Vanhu vakadaro ndivo zvisikwa zvakashata...}
Uye maererano neizvo zvakaitika kune vazhinji vechiMuslim, zvekubiridzira, kunyepa, uye kusavimbika mukudyidzana nevamwe, zvirokwazvo maMuslim ava, Islam yavo nekutenda kwavo zvinenge zvaderera zvichienderana nepavanenge vatyora napo mutemo weShari'ah muzvinhu izvi.
Saka kusatevedzera kwemamwe maMuslim nekutsauka kwavo kubva mugwara remitemo muzvinhu zvakaita seizvi, hazvirevi kuti kune kuperevedza pamitemo yacho, nokuti mitemo yakakwana. Uye ava vakaita zvakaipa vakazvitadzira pachezvavo vasati vatadzira zvimwe zvese, vakatadzirawo mitemo yeIslam, nehama dzavo dzechiMuslim, neavo vavanodyidzana navo vasiri maMuslim. Zvirokwazvo, vanhu ivava vakazvitadzira pachezvavo. Uye munhu ane njere haatori kutadza kwemuiti sekuipa mumitemo iyo muiti uyu anozviti anotevedzera.
Nokudaro, ndinokumbira kumaMuslim vese kuti vave nemushandirapamwe wakasimba mukurwisa nyaya idzi dzisingatenderwi neIslam, sekureva nhema, kusavimbika, kubiridzira, nekunyengedza, nezvimwe zvakafanana neizvi.
Mubvunzo: Ndeupi munhu ari nani pakati pavo: murume asina kukwana pachitendero chake asi aine hunhu hwakanaka, kana kuti murume aswedera pakukwana mukutevedzera mitemo yeShariʿah asi aine hunhu hwakaipa? Uye izvi zvine hukama hupi nemashoko avo (rugare nemakomborero aAllah ngazvive pavari): «Hunhu hwakanaka hwakaunza zvakanaka zvepasi pano nezvehupenyu hwemangwana » [25], Uye mumhinduro yavo (rugare nemakomborero aAllah ngazvive pavari) kuna Ummu Salamah? [25] Yakarondedzerwa naʿAbd bin Ḥumaid muMusnad yake (1210), naAl-Kharā'iṭi muMakārim Al-Akhlāq (50), naAṭ-Ṭabarānī muAl-Kabīr (23/223), kubva muḥadiīth yaAnas, Allah ngavafadzwe naye.
Mhinduro: Hapana kupokana kuti chikamu chekukwana kwechitendero hunhu hwakakwana, sezvakarondedzerwa zvechokwadi kubva kuMuporofita (Allah ngavavaropafadze nekuvapa rugare) kuti vakati: «Vatendi vakakwana zvikuru mukutenda ndevaya vane tsika dzakanakisisa.» [26]. [26] Yakarondedzerwa naAbū Dawūd: Bhuku reSunnah, chitsauko chehumbowo hwekuwedzera nekudzikira kweImān, nhamba (4682), uye naat-Tirmidhī: Bhuku rekuyamwisa, chitsauko chezvakataurwa nezvekodzero yemukadzi kumurume wake, nhamba (1162), kubva muḥadīth yaAbū Hurairah, Allah ngavafadzwe naye.
Naizvozvo, munhu wese anoperevedza pahunhu hwake anoperevedzawo pachitendero chake; nekuti kukwana kwechitendero kunoenderana nekukwana kwehunhu. Uye sezvandambotaura, zvirokwazvo, hunhu hwakanaka hunoratidzwa pamashandiro anoita munhu neMusiki wake uye pamabatiro aanoita zvisikwa. Izvi zvinojekesa kuti kukwana kwehunhu kunowanikwa kuburikidza nekukwana kwechitendero. Chokwadi, simba rine munhu ane hunhu hwakakwana pakukwezva vamwe kuti vapinde muIslam uye vatevere chitendero rakakura kupfuura simba remunhu anonamata asi ane hunhu hwakaipa. Saka kana munhu akasimba pakunamata akakomborerwa kuti avewo nehunhu hwakanaka, izvozvo ndizvo zvakakwana zvizere. Asi kana iri nyaya yekuenzanisa pakati pemunhu akasimba pakunamata kwake pachake asi aine hunhu hwakaipa; iyi inhau isingakwanisiki kuyerwa zvizere.
Tinokumbira Allah kuti vatiise pakati pevanobatisisa Bhuku ravo neSunnah yeMutumwa wavo (Allah ngavavakomborere nekuvapa rugare) mune zviri pachena nezvakavanzika, uye kuti vatitore tiri pane izvozvo, uye kuti vatichengete panyika ino nepanyika ichazotevera, uye kuti vasatsausa mwoyo yedu mushure mekunge vatitungamirira, uye kuti vatipe tsitsi dzinobva kwavari. Zvirokwazvo, ivo ndivo Mupi Mukuru.
*
Related books
All books- Zvidzidzo Zvakakosha Kune Ruzhinji rweUmmah40 languages
Zvidzidzo Zvakakosha Kune Ruzhinji rweUmmah
Bhuku rinonzi “Zvidzidzo Zvakakosha Kune Ruzhinji rweUmmah” raSheikh Abdul Aziz bin Baz (Mwari vavanzwire tsitsi) itsamba pfupi ine rubatsiro rukuru, yakanyorwa naImam (muzvinafundo wechitendero) kuti ive mbuva yeruzivo kune ruzhinji rwemaMuslim. Mariri vakatsanangura hwaro hwechitendero nemapango acho, kubvira paTawheed (humwechete hwaAllah), kutenda, neIslam, kusvika kumitemo yeTwahara (kuchena) neSwalaah (munamato), netsika dzakanaka dzechitendero cheIslam, uye kujekeswa kwengozi dzeShirk (kusanganisa Allah nezvimwe zvisikwa) nezvivi, vachishandisa nzira yakareruka uye yakajeka, uye…
- Islam chitendero chevatumwa vaAllah.85 languages
Islam chitendero chevatumwa vaAllah.
Islam kuzvipira kuzere kuna Allah, Musiki wenyika yese neMurongi wayo, uye kuvateerera nerudo nekuvakudza. Hwaro hweIslam kutenda muna Allah, kuti ndivo Musiki, uye zvese zvisiri Ivo zvakasikwa, uye kuti Ndivo vega vanofanirwa kunamatwa, vasina mubatsiri. Hakuna chimwe chinhu chinofanirwa kunamatwa kunze kwavo. Ndivo vane mazita akanakisisa nemaitiro epamusorosoro. Vane kukwana kuzere, pasina chakaperevedza. Havana kubereka uye havana kuberekwa, uye hakuna akaenzana navo kana anofananidzwa navo. Havagari mukati mechinhu uye havapindi mumuviri wechimwe chinhu chiri pazvisikwa zvavo. Islam…
- Maitirwo eSwalaah(munamato) ya muporofita ﷺ79 languages
Maitirwo eSwalaah(munamato) ya muporofita ﷺ
Mubhuku rinonzi “maitirwo eSwalaah(munamato) ya muporofita (rugare netsitsi dzaAllah ngazvive kwaari), vanoremekedzwa Sheikh Abdul Aziz bin Baz (Mwari vavanzwire tsitsi) vakapfupikisa tsananguro yenzira yekunamata yaMuporofita (rugare netsitsi dzaAllah ngazvive kwaari) nemutoo wakareruka uye negwara rakajeka, vachitsigira nemagwaro echokwadi, kuti rive nhungamiro kumuMuslim mukunamata (Swalaah) kwake. Mariri vakatsanangura mapango eSwalaah , maSunnah ayo, nemaitirwo ayo, kubvira paWudhu (kushambidzika kwedzimwe nhengo dzemuviri) kusvika paTasleem (mhedziso), vachibatanidza humbowo nekujekesa,…
- الشهادتين78 languages
الشهادتين
Kana uchida kupinda muIslam, unofanirwa kutaura nenzwi rinonzwika huchapupu hunotevera: Ash-hadu an Laa ilaaha illalah, (Ndinopupura kuti hapana chakakodzera kunamatwa kunze kwaAllah (Mwari),) Ash-hadu an laa ilaaha illallaah Uye ndinopupura kuti Muhammad Mutumwa waAllah,