مقدمة وغلاف المنتقى من موسوعة الأحاديث النبوية

بسم اللہ الرحمن الرحیم

مقدمہ

الحمد لله رب العالمين، وصلى الله وسلم على نبينا محمد، وعلى آله وصحبه أجمعين، ومن تبعهم بإحسان إلى يوم الدين، أما بعد:

اللہ کی کتاب کے بعد سب سے زیادہ بندہ مسلم پر جس چیز کا اہتمام کرنا واجب ہے وہ ہے رسول اللہ صلی اللہ علیہ وسلم کی سنت کا مطالعہ‘ اس پر غور وفکر‘ اس کا علم اور اس پر عمل۔ آپ علیہ الصلاۃ والسلام نے فرمایا: "اے لوگو! میں نے تمہارے درمیان ایسی چیز چھوڑی ہے کہ اگر تم اس پر قائم رہو تو کبھی گمراہ نہیں ہوگے‘ وہ ہے: اللہ کی کتاب اور اس کے نبی کی سنت" اسے امام مالک نے روایت کیا ہے‘ اور اللہ تعالی کا فرمان ہے: "اور تمہیں جو کچھ رسول دے لے لو اور جس سے روکے رک جاؤ"۔ [سورہ حشر: ۷) اسی لیے جمعیۃ خدمۃ المحتوى الإسلامی باللغات اور جمعیۃ الدعوۃ وتوعیۃ الجالیات‘ ربوہ نے حدیث نبوی انسائکلوپیڈیا تیار کرنے اور مختلف زبانوں میں اس کا ترجمہ کرنے کا عزم کیا۔

اللہ عزیز وبرتر نے یہ میسر کیا کہ اس انسائکلوپیڈیا سے ایسی احادیث منتخب کی جائیں جن کى ایک مسلمان کو دینی ودنیاوی معاملات میں حاجت ہوتی ہے‘ ساتھ ان احادیث کی مختصر شرح بھی بیان کر دی جائے‘ ان کے معانی اور دلالت پر روشنی ڈالی جائے‘ ان سے مستنبط بعض فوائد ذکر کر دیے جائیں اور انہیں اس کتاب کی شکل میں منظر عام پر لا یا جائے جس کا نام ہے: «المنتقى من موسوعة الأحاديث النبوية» (حدیث نبوی انسائکلوپیڈیا کا منتخب مجموعہ) دنیا کی تمام زندہ زبانوں میں اس کا ترجمہ جاری وساری ہے تاکہ اس کے مشتملات سے استفادہ کا دائرہ عام ہوسکے اور حدیث رسول صلی اللہ علیہ وسلم کو تمام انسانوں تک ان کی زبانوں میں پہنچایا جا سکے۔

ہم اللہ سے دعا گو ہیں کہ اس عمل کو شرف قبولیت سے نوازے‘ اسے مبارک عمل بنائے‘ اسے اپنی رضا کے لیے خالص کر لے اور اسے تیار کرنے اور اس کے ترجمہ واشاعت میں حصہ لینے والے ہر فرد کو جزائے خیر سے نوازے۔

درود وسلام نازل ہو ہمارے نبی محمد پر (صلی اللہ علیہ وسلم)

مختصر تعارف

احادیث نبویہ شریعت کا دوسرا مصدر وماخذ ہے‘ فرمان باری تعالی ہے: "اور نہ وہ (یعنی رسول) اپنی خواہش سے کوئی بات کہتا ہے۔ وہ تو صرف وحی ہے جو اتاری جاتی ہے"۔ [سورہ نجم: ۳-۴]

حدیث نبوی انسائکلوپیڈیا کا یہ منتخب مجموعہ ایسی جامع احادیث پر مشتمل ہے جن کی بندہ مسلم کو اپنے دینی ودنیاوی معاملات میں حاجت در پیش ہوتی ہے‘ ساتھ ہی ان احادیث کی مختصر شرح بھی بیان کر دی گئی ہے‘ ان کے معانی اور دلالت پر روشنی ڈالی گئی ہے اور ان سے مستنبط بعض فوائد بھی ذکر کر دیے گئے ہیں‘ اس منتخب مجموعہ کا دنیا کی مختلف زندہ زبانوں میں ترجمہ کیا گیا ہے تاکہ اس کے مشتملات سے استفادہ کا دائرہ عام ہو سکے اور حدیث رسول صلی اللہ علیہ وسلم کو تمام انسانوں تک ان کی زبانوں میں پہنچایا جا سکے۔