مقدمة وغلاف المنتقى من موسوعة الأحاديث النبوية

Ní orúkọ Allāhu, Àjọkẹ́-ayé, Àṣàkẹ́-ọ̀run.

Ọrọ itisiwaju

Ọpẹ ni fun Ọlọhun Ọba gbogbo agbaye, ikẹ ati ọla Ọlọhun kó maa bá Anabi wa Muhammad, ati awọn ara ile rẹ ati awọn saabe rẹ lapapọ, ati gbogbo awọn ti wọ́n tẹle wọn pẹlu dáadáa titi di ọjọ ẹsan, lẹ́yìn náà:

Dájúdájú ohun tí ó tóbi julọ ninu awọn nkan ti o jẹ dandan ki mùsùlùmí ó ṣe akolekan rẹ; ni kika ati ironujinlẹ, pẹlu imọ ati iṣẹ - lẹyin Tira Ọlọhun - naa ni sunna ojiṣẹ Ọlọhun ki ikẹ Ọlọhun ati ọla Rẹ maa ba a, Ojiṣẹ Ọlọhun- ki ikẹ Ọlọhun ati ọla Rẹ maa ba a- sọ pe: "Mo fi silẹ fun yin, ẹyin eniyan, ohun tí ó ṣe pe ti ẹ ba di i mu sinsin, ẹ ko nii sọnu láéláé: Tira Ọlọhun, ati Sunna Anabi rẹ". Imamu Maliki ló gba a wa, Ọlọhun ti ọla Rẹ ga si ti sọ pe: {Ohunkóhun tí Òjíṣẹ́ bá fún yín, ẹ gbà á. Ohunkóhun tí ó bá sì kọ̀ fún yín, ẹ jáwọ́ nínú rẹ} [Suuratul-Hash'r: 7], fun idi eyi ni ẹgbẹ awọn oluṣiṣẹ sin àkóónú ti Islaamu pẹ̀lú oriṣiriṣi awọn ede ati ẹgbẹ awọn olukede ẹsin ati awọn ti n fi ìmọ̀ mọ àwọn àjòjì ni Rabwah fi ṣe ojukokoro lati pese iwe agbedegbẹyọ hadisi Anabi ati lati túmọ rẹ si awọn ede pupọ.

Ọlọhun ti ṣe ni irọrun fun wa lati ṣẹṣa awọn hadisi kan ninu iwe agbedegbẹyọ yii ti musulumi bukaata si lori ọrọ ẹsin ati aye rẹ pẹlu alaye hadisi naa ni ṣoki, ati alaye awọn itumọ rẹ, ati diẹ ninu awọn anfaani rẹ, ati gbigbe e jade ninu iwe yii ti a sọ ọ ni: “Al-muntaqaa min mawsuu'at al-ahaadith an-nabawiyah” Iṣẹ naa da lori títúmọ awọn hadisi Anabi si gbogbo ede ti o wa laaye ki anfaani àkóónú rẹ le kari gbogbo eniyan ati lati le mu Sunna Anabi - ki ikẹ ati ọla Ọlọhun maa ba a - dé etigbọọ gbogbo eniyan pẹlu awọn ede wọn.

A n bẹ Ọlọhun ki o tẹwọ gba iṣẹ yii lọwọ wa, ki O sì ṣe e ni iṣẹ alubarika, ti o mọ fun ojurere Ọlọhun, ki O si san gbogbo ẹni ti o bá ṣe iranlọwọ lori pipese rẹ ati titumọ rẹ ati titan an ka ni ẹsan rere.

Ikẹ Ọlọhun ati ọla Rẹ ki o maa ba Anabi wa Muhammad

Alaye ṣoki

Awọn hadisi Anabi ni orisun keji ninu awọn orisun ofin sharia Islam, Ọlọhun ti ọla Rẹ ga sọ pe: (Àti pé kò níí sọ̀rọ̀ ìfẹ́-inú (3) Kò níí sọ ohun kan tayọ ìmísí tí A fi ránṣẹ́ sí i) [Surah An-Najm: 3-4].

Aṣayan yii lati inu iwe agbedegbẹyọ Hadisi kó akojọpọ awọn hadisi ṣókí to ni ìtumọ̀ pupọ sinu, eyi ti Musulumi ni bukaata si ninu awọn ọrọ ẹsin rẹ ati aye rẹ, pẹlu alaye ṣoki nipa wọn, ati alaye awọn itumọ wọn, ati diẹ ninu awọn anfaani wọn ti a tumọ si awọn ede kan ti o wa láàyè ki anfaani àkóónú hadiisi naa le kari ati lati le mu sunna ojiṣẹ Ọlọhun - ki ikẹ ati ọla Ọlọhun maa ba a - de etiigbọ gbogbo eniyan ni ede wọn.