مقدمة وغلاف المنتقى من موسوعة الأحاديث النبوية

ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߟߋ߬ ߕߐ߯ ߟߊ߫

ߢߍߛߓߍ

ߕߊ߲߬ߘߏ ߓߍ߯ ߦߋ߫ ߖߊ߯ߓߊ ߟߎ߬ ߕߌ߭ ߊߟߊ߫ ߕߊ߫ ߟߋ߬ ߘߌ߫, ߊߟߡߊ߫ ߛߟߊ߬ߕߎ ߣߌ߫ ߛߟߊ߬ߡߎ߲ ߞߍ߫ ߘߊ߫ ߊ߲ ߠߊ߫ ߟߊ߬ߝߐ߬ߓߊ߮ ߡߏ߬ߤ߭ߊߡߡߊߘ ߦߋ߫، ߊ߬ ߣߴߊ߬ ߞߐߙߍ ߟߎ߬ ߣߴߊ߬ ߟߊ߫ ߛ߫ߐ߬ߤߊ߯ߓߊ߮ ߟߎ߬ ߓߍ߯ ߟߊߘߍ߬ߣߍ߲، ߊ߬ ߣߌ߫ ߡߍ߲߫ ߓߴߏ߬ ߟߎ߬ ߟߊߓߊ߬ߕߏ߬ ߞߵߊ߬ ߛߌ߰ ߛߙߊ߬ߟߌ ߟߏ߲ ߠߊ߫، ߏ߬ ߟߊߕߊ߬ߡߌ߲߬ ߞߐ߫:

ߛߌ߬ߟߊ߬ߡߊ ߞߊ߫ ߞߊ߲߫ ߞߵߊ߬ ߘߐ߰ߘߏ߲߬ ߞߏ߫ ߡߍ߲߫ ߠߊ߫ ߸ ߏ߬ ߓߍ߯ ߘߐ߫ ߓߟߋ߬ߓߟߋ ߟߋ߬ ߞߊ߬ߙߊ߲ ߣߌ߫ ߡߙߌߘߐ ߣߌ߫ ߡߙߌߦߊ ߣߌ߫ ߟߊ߬ߞߐ߰ߟߌ ߣߌ߫ ߞߍߟߌ ߘߌ߫ - ߊߟߊ߫ ߟߊ߫ ߟߍߙߊ ߞߐߝߍ߬ - ߏ߬ ߟߴߊߟߊ߫ ߟߊ߫ ߞߋߟߊ ߟߊ߫ ߛߎߣߣߊ߫ ߘߌ߫، ߛߟߊߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߟߊ߬ߝߐ߬ߓߊ߮ ﷺ ߞߵߊ߬ ߝߐ߫ ߞߏ߫ : )) ߡߐ߱ ߟߎ߬ ߸ ߒ ߓߘߊ߫ ߝߋ߲߫ ߕߏ߫ ߊߟߎ߫ ߓߟߏ߫، ߣߴߊߟߎ߫ ߞߵߊߟߎ߫ ߝߊ߬ߛߴ ߏ߬ ߡߊ߬ ߸ ߊߟߎ߫ ߕߍ߫ ߝߟߌ߬ ߟߴߏ߬ ߞߐ߫ ߝߋߎ߫ : ߊߟߊ߫ ߟߊ߫ ߟߍߙߊ, ߊ߬ ߣߴߊ߬ ߟߊ߫ ߟߊ߬ߝߐ߬ߓߊ߮ ߟߊ߫ ߛߎߣߣߊ߫(( ߌߡߊ߯ߡ ߡߊ߯ߟߞߌ߫ ߞߵߊ߬ ߟߊߛߋ߫، ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: {ߞߋߟߊ ߓߊ߯ ߠߊ߬ ߡߍ߲߫ ߘߴߊߟߎ߫ ߡߊ߬ ߸ ߒ߬ߓߵߊߟߎ߫ ߏ߬ ߡߌ߬ߘߊ߫، ߣߴߊ߬ ߞߵߊߟߎ߫ ߝߊߕߊ߲ߕߌ߫ ߡߍ߲߫ ߡߊ߬ ߒ߬ߓߴߊߟߎ߫ ߏ߬ ߕߏ߫ ߦߋ߲߬} [ ߥߟߌ߬ߟߌ، ߟ:7 ] ߏ߬ ߟߋ߬ ߞߐߛߐ߲߫ ߘߍ߰ߞߙߎߡߍ߲߫ ߦߋ߫ ߛߌ߬ߟߡߊ߬ߦߊ߬ ߞߣߐߘߐ ߟߎ߬ ߓߊ߯ߙߊ ߞߊ߲߬ ߞߊ߲ ߠߎ߬ ߘߐ߫ ߊ߬ ߣߌ߫ ߘߍ߰ߞߙߎ ߡߍ߲߫ ߦߋ߫ ߘߊ߯ߥߊ ߣߌ߲ ߕߎ߲ߞߊߙߊ߲ߒߞߋ ߟߎ߬ ߟߊߛߏ߬ߓߌ߬ ߞߊ߲ߡߊ߬ ߙߊߓߑߥߊ߫ ߸ ߟߊ߬ߝߐ߬ߓߊ߰ߦߊ߫ ߛߙߊߣߎ߲߫ ߔߘߋߞߎ ߟߎ߬ ߟߊߘߊ߲ ߣߴߊ߬ ߘߟߊߡߌߘߊ ߞߊ߲ߡߊ߬ ߞߊ߲ ߦߙߌߞߊ ߘߐ߫.

ߊߟߓߊ߫ ߞߟߊߒߞߋ ߓߘߊ߫ ߣߐ߰ߦߊ߬ ߞߍ߫ ߞߎߘߎ߲ ߘߏ߫ ߟߎ߫ ߛߎߥߊ߲ߘߌ߫ ߘߐ߫ ߞߊ߬ ߓߐ߫ ߔߘߋߞߎ ߣߌ߲߬ ߘߐ߫ ߸ ߛߌ߬ߟߊ߬ߡߊ ߡߊ߬ߞߏ ߦߋ߫ ߡߍ߲߫ ߠߊ߫ ߊ߬ ߟߊ߫ ߘߌ߯ߣߊ ߣߴߊ߬ ߟߊ߫ ߘߎߢߊ ߞߏߢߊ ߟߎ߬ ߘߐ߫، ߞߵߏ߬ ߟߊ߫ ߟߊ߲ߞߣߍߡߊߣߍ߲߫ ߞߎ߲߬ߘߐ߬ߛߎߘߎ߲ ߞߊ߲߬ ߊ߬ ߟߊ߫، ߊ߬ ߣߌ߫ ߞߘߐ ߣߌ߫ ߦߌ߬ߘߊ߬ߟߊ߲ ߠߎ߬ ߟߊߜߍߦߊ߫، ߊ߬ ߣߴߊ߬ ߞߘߐ ߘߏ߫ ߟߎ߫، ߊ߬ ߣߌ߫ ߞߵߊ߬ ߦߌ߬ߘߊ߬ ߟߍߙߊ ߣߌ߲߬ ߘߐ߫ ߸ ߏ߬ ߡߍ߲߫ ߕߐ߮ ߞߏ߫: "ߛߎߥߊ߲ߘߌߣߍ߲߫ ߞߊ߬ ߓߐ߫ ߟߊ߬ߝߐ߬ߓߊ߮ ߟߎ߬ ߟߊ߫ ߛߙߊ߬ߣߎ߲߫ ߔߘߋߞߎ ߘߐ߫" ߓߊ߯ߙߊ ߛߌ߲ߛߌ߲ߣߍ߲߫ ߊ߬ ߘߟߊߡߌߘߊߟߌ ߟߋ߫ ߞߊ߲߬ ߘߎߢߊ߫ ߞߊ߲߫ ߞߍ߲ߘߍ ߓߍ߯ ߘߐ߫ ߸ ߛߴߊ߬ ߞߣߐߘߐ ߘߌ߫ ߞߍ߫ ߢߊ߬ߕߣߐ߬ߡߊ ߘߌ߫ ߸ ߊ߬ ߣߌ߫ ߞߊ߬ ߊߟߊ߫ ߟߊ߫ ߞߋߟߊ ߟߊ߫ ߛߎ߬ߣߊ ߟߊߛߋ߫ ߡߐ߱ ߟߎ߬ ߡߊ߬ ߊ߬ߟߎ߬ ߟߊ߫ ߞߊ߲ ߠߎ߬ ߘߐ߫ .

ߊ߲ ߧߴߊߟߊ߫ ߕߙߊ߫ ߟߊ߫ ߸ ߊ߬ ߦߋ߫ ߛߐ߲߬ ߓߊ߯ߙߊ ߣߌ߲߬ ߘߐ߫، ߊ߰ ߣߴߊ߬ ߦߴߊ߬ ߞߍ߫ ߓߊ߯ߙߊ߫ ߓߊ߲ߓߊ߲ߣߍ߲ ߘߌ߫ ߊߟߊߡߊ߬ ߊ߬ ߞߍ߫ ߟߊ߫ ߓߎ߬ߓߎߣߍ߲ ߘߌ߫ ߊ߬ ߟߊߘߊ߲ߓߊ߮ / ߣߴߊ߬ ߘߟߊߡߌߘߊߟߌߟߊ߫ ߣߴߊ߬ ߟߊߖߍ߲ߛߍ߲ߓߊ߮ ߓߍ߯ ߛߙߊ߬ߟߊ.

ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߋ߫ ߒ߬ ߠߊ߫ ߛߟߊߕߌ߯ ߡߊ߬ߡߊߘߌ߫ ߦߋ߫

ߓߊߕߐߡߐ߲߫ ߞߎ߲߬ߘߐߛߎ߬ߘߎ߲߬ߧߊ߬ߣߍ߲

ߟߊߝߐߓߊ߮ ߟߊ߫ ߛߙߊ߬ߣߎ߲ ߠߋ߬ ߦߋ߫ ߛߊߙߌߦߊ ߓߐ߫ ߦߙߐ ߝߌߟߊߣߊ߲ ߘߌ߫ . ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ߊ߬ ߘߏ߲߬ ߕߍ߫ ߞߎߡߊ߫ ߟߴߊ߬ ߞߎ߲߬ߝߍ߬ ߝߏߦߌ߬ ߕߴߏ߬ ߘߌ߫ ߝߏ߫ ߦߟߌߘߏ߲߫ ߞߊ߲߫ ߗߋߣߍ߲ [ߟߏ߬ߟߏ، ߟ: ߃- ߄]

ߛߎߥߊ߲ߘߟߌߣߍ߲ ߣߌ߲߫ ߓߐߣߍ߲߫ ߤߊ߬ߘߌ߬ߛߊ߫ ߔߘߋߞߎ ߟߋ߬ ߘߏ߫ ߞߣߐ߫، ߏ߬ ߡߍ߲߫ ߦߋ߫ ߟߞߊ߬ߝߏ߬ߟߌ ߞߍ߫ ߟߊ߫ ߤߊ߬ߘߌ߬ߛߊ߫ ߛߌߦߊߡߊ߲߫ ߠߊ߫، ߛߌ߬ߟߊ߬ߡߊ ߡߊ߬ߞߏ ߦߋ߫ ߡߍ߲߫ ߠߴߊ߬ ߟߊ߫ ߘߌ߯ߣߊ ߣߴߊ߬ ߟߊ߫ ߘߎߢߊ ߢߊ߬ߞߏ ߟߎ߬ ߘߐ߫، ߊ߬ ߣߌ߫ ߟߊ߲ߞߣߍߡߦߊ ߘߏ߫ ߜߘߍ ߊ߬ ߞߣߐ߫ ߊ߬ ߣߴߊ߬ ߦߌߘߊߞߏ ߟߊ߲ߞߣߍߡߊ ߞߊ߲ߡߊ߬، ߊ߬ ߣߴߊ߬ ߕߐ߬ߣߐ ߟߎ߬ ߸ ߊ߬ ߘߟߊߡߌ߬ߘߊ߬ߣߍ߲߫ ߖߊ߯ߓߊ ߞߊ߲߫ ߢߣߊߡߊ ߟߎ߬ ߘߐ߫ ߛߴߊ߬ ߘߌ߫ ߡߐ߱ ߟߎ߬ ߕߐ߬ߣߐ߫ ߊ߬ ߞߣߐߘߐ ߟߎ߬ ߟߊ߫ ߊ߬ ߣߌ߫ ߞߵߊߟߊ߫ ߟߊ߫ ߞߋߟߊ߫ ߟߊ߫ ߛߎߣߣߊ߫ ߟߊߛߋ߫ ߊߘߡߊߦߊ߫ ߡߊ߬ ߸ ߊߟߎ߬ ߞߊ߲ ߠߎ߬ ߘߐ߫