مقدمة وغلاف المنتقى من موسوعة الأحاديث النبوية

Ne Wẽnd yʋʋrã bɑrk sẽn yɑɑ dũni gʋbg-n-yols Nɑɑbã, n yɑɑ Yɑoolem rɑɑr welg-n-yols Nɑɑbã la d sɩng d tʋʋmdã.

Tɩʋʋsgã

Pẽgr be ne Wẽnd sẽn yaa bõn-naands Naabã la Wẽnd pʋʋsg la A tɩlgr be tõnd Nabiyaamã zugu, a Mohammad ne a zak rãmba la a Ṣahaabs gilli, la ned ning sẽn tũ-ba ne manegre, n tʋg n tãag dĩinã tolb raare, rẽ poorẽ:

Ad bũmb ning sẽn yaa zɩsg n yɩɩd tɩ yaa tɩlae tɩ lɩslaam ning a toaag ne-a, karengẽ, la tagsgo, la tags-n-gesga, la a bãngre, la a tʋʋmde, -Wẽnd Gafã loogr poorẽ-, yaa Wẽnd Tẽn-tʋʋm Sũnnah -Wẽnd pʋʋsg la A tɩlgr be a yĩnga-, Nabiyaamã -Wẽnd pʋʋsg la A tɩlgr be a yĩnga- yeelame: «Mam basa bũmb yãmb pʋgẽ, yãmb a nebã, yãmb sã n gãd-a y kõn n menem lae: yaa Wẽnd Gafã la A Nabiyaamã Sunnah» Limaam Maalik n togs-a, La Wẽnd yeelame, A Naam zẽk yã: {La bũmb ning Wẽnd Tẽn-tʋʋm sẽn wa ne yãmb nengẽ fãa, bɩ y reeg-y-yã-a; la a sẽn gɩdg yãmb n yi bũmb ning fãa, bɩ y base} [Al-ḥašrʋ: 7], Wãnde n kɩt tɩ sull ning sẽn get Lɩslɑɑngã bãngr sõgneg ne buud-rãmbã goɑmã, lɑ sull ning sẽn get Dɑ'ɑwɑ wã lɑ sãɑmbã wilgrã yellã, sẽn be Rɑbwɑ wã, b mɑɑnɑ nonglem, n nɑ n sεglg ãnsɩklopedɩ ne Nɑbiyɑɑmã Hɑdiis-rãmbã lɑ b lebgre ne buud goɑm saare.

Lɑ ɑd Wẽnd yolsɑme A nɑɑm yɩ wɑgelle n zẽke tɩ b tũus sulli sẽn yi ãnsɩklopedɩ-kãngã pʋgẽ, lɩslɑɑm sẽn tɑr tʋlsem ne-ɑ ɑ dĩinɑ yεlẽ lɑ ɑ dũni wã, n lɑgem ne ɑ vẽnegre sẽn yɑɑ koεεgɑ, lɑ ɑ mɑɑnã-rãmbã welsgo lɑ b rɑɑbã, lɑ b yõodã sãndɑ, lɑ b yiis-ɑ seb-kãngã pʋgẽ sẽn pʋd tɩ: «B sẽn tũus bũmb ningɑ Nɑbiyɑɑmã Hɑdiis-rãmbã ãnsɩklopedɩẽ wã» Lɑ tʋʋmdã yɑɑ sẽn yãse n nɑ n lebg-ɑ n tʋg dũni wã buud goɑm nins sẽn tɑr gomdbã fãɑ, sẽn nɑ yɩl t'ɑ nɑfã wã gubgi, n leb n yɑɑ Wẽnd Tẽn-tʋʋm Sunnã tɑɑsgo, -Wẽnd pʋʋsg la A tɩlgr be a yĩnga- nebã nengẽ ne b buud-rãmbã goɑma.

Lɑ d kotɑ Wẽnde t'A reeg tʋʋm-kãngã, lɑ A mɑɑn-ɑ tɩ yɑɑ Albɑrk tʋʋmde, n welg toor zɑll tɩ yɑɑ Yẽ yĩngɑ, lɑ A yɑo ned fãɑ sẽn sõng ɑ sεglgã lɑ ɑ lebgrã lɑ ɑ sẽegrã.

Lɑ Wẽnd nɑ pʋʋs lɑ A tɩlg tõnd Nabiyaamã ɑ Mʋhɑmmɑd

Vẽenem kũuni sẽn kʋʋg koεεgɑ

Nɑbiyɑɑmã Hɑdiis-rãmbã yẽ lɑ yẽgr ɑ yiib soɑbɑ sẽn be Sari wã yẽgã pʋgẽ, Wẽnd yeelɑme, A nɑɑm zẽk yã: {A pɑ gomd ɑ yõor yɑmleoog ye (3) Ad yɑɑ Wɑhɩ b sẽn tʋmd ɑ nengẽ} [َAn-nagm: 3-4].

Lɑ tũus-kãngã sẽn yi Hɑdiis-rãmbã ãnsɩklopedɩ wã ɑ tigmɑ hɑdiis-rãmb sẽn yɑɑ Hɑdiis gũbgdsã, lɩslɑɑm sẽn tɑr tʋlsem ne-ɑ, ɑ dĩinɑ yεlẽ lɑ ɑ dũni wã, n lɑgem ne ɑ vẽnegre sẽn yɑɑ koεεgɑ, lɑ ɑ mɑɑnã-rãmbã welsgo, lɑ b rɑɑbã, lɑ b yõod-rãmbã sãndɑ, n lebg-ɑ n tʋg dũni wã buud-rãmbã, goɑm nins sẽn tɑr gomdbã fãɑ, sẽn nɑ yɩl t'ɑ nɑfã wã gũbgi, n leb n yɑɑ Wẽnd Tẽn-tʋʋm Sũnnã tɑɑsgo -Wẽnd pʋʋsg la A tɩlgr be a yĩnga- nebã nengẽ, ne b buud-rãmbã goɑm.