مقدمة وغلاف المنتقى من موسوعة الأحاديث النبوية

Mi fuɗɗariimo inde ALLA jom yurmende huuptodinde jom yurmeende heeriinde

Ngardiindi

Jettooje ngoodani ALLA jom binɗe, yo ALLA juul O hisno e Annabiijo men Muhammad e koreeji mum e sahabaaɓe mum fof, e kala cukkuɗa mumen ha ñalawmu darga, caggal ɗuum:

Ko ɓuri mawnude ko juulɗo foti toppitaade: gila jaŋŋude e ƴeewtinaade e logginaade wondude miijaade, e anndude e gollirde -caggal Deftere ALLA nde- ko sunno nelaaɗo ALLA yo ALLA juul e dow mum O hisno ɗum, Annabi mbo jam e kisal woni e mum maaki(wi): «Mi woppori mon onon yimɓe ɓe, ko ngannduɗa so on njaggatiimo heen on majja ta cay: Defteere ALLA nde, e sunno Annabiijo mum» Yaltini hadiis o ko imaam maalik, ALLA toowɗo O wi'i: {Kala ko nelaaɗo addani mon ƴette ɗum, kalo ko haɗi mon ngacce} [Simoore hasri aaya 7 ] Ɗum saabi fedde liggantoonde coomɗi islamiyankoore wonande ɗemɗe e fedde noddaangu e reende dente ndeerɗi e heblude, e dentingol wonande hadisaaji dentinaaɗi annabiyankooji e eggude ɗi e yogo e ɗemɗe.

ALLA tedduɗo toowɗo O newni Suɓogol e dental e dentingal ngal juulɗo o haajori e geɗal(fiyaaku) diine mum e aduna mum, wondude laaɓtingol toƴngangol wonande ɗi e laaɓtinde maanaaji ɗi, e yogo e nafooje ɗe e yaltinde ɗi e nde deftere wiiteende: « suɓngo ummaade e dentingol hadisaaji annabiyankooji » E gollal dari ngal e dow eggude faade e denndaangal ɗemɗe guurɗe ɗe e aduna he, ngam huuptadinde nafoore soomiinde heen e yottinde sunno nelaaɗo yo ALLA juul e dow mum O hisna ɗum wonande winndere nde e ɗemɗe mumen.

En toriimo ALLA de jaɓata ngal gollal, O waɗa ngal gollal barkinngal, laaɓanngal wonande ALLA tedduɗo O, O yoɓa kalo balluɗo e heblangol e eggugol e caaktuɗo ngal.

Yo ALLO juul O hisna Annabiijo men Muhammad

Jubbannde tongngaande

Hadisaaji annabiyankooji ngoni jolirde ɗimmere e jolirɗe Sariya. TOOWƊO O wi'i: {nelaaɗo haalata e belaaɗe mum}(3) { so wona wahyu¹ mbo ALLA wahyiiɗum} [Simoore annajmi aaya 3-4].

Ngo suɓngo ummaade e dentingal hadisaaji hende soomi dente ummaade e hadisaaji dentinaaɗi ko juulɗo o haajori e geɗal diine mum, e aduna mum wondude laaɓtingal tongangal wonande ɗi e yogo e nafooje lapitaaɗe yogo e ɗemɗe aduna guurɗe ɗe ngam huuptadinde nafoore soomiinde heen, e yottinde sunna nelaaɗo yo ALLA juul e dow mum O hisna ɗum wonande winndere nde e ɗemɗe mumen.