مقدمة وغلاف المنتقى من موسوعة الأحاديث النبوية

Во името на Аллах, Семилосниот, Милостивиот

Вовед

Благодарноста му припаѓа на Аллах, Господарот на световите. Аллаховиот благослов и мир нека се врз нашиот пратеник Мухамед, врз неговото семејство, врз сите негови другари, асхаби, и врз оние што ги следат во доброделството до Судниот ден. А потоа:

Навистина, најважното на кое муслиманот треба да му посвети внимание со читање, размислување, проучување, изучување и примена – по Аллаховата Книга – е Сунетот на Аллаховиот пратеник, салаллаху алејхи ве селем. Аллаховиот пратеник, салаллаху алејхи ве селем, рекол: „О луѓе, ви оставив нешто, за кое доколку цврсто се држите, никогаш нема да заталкате: Аллаховата Книга и Сунетот на Неговиот пратеник.“ Го бележи Малик Возвишениот Аллах вели: „Тоа што Пратеникот ќе ви го даде – земете го, а тоа што ќе ви го забрани – оставете го.“ (Ел Хашр, 7) Поради тоа, Здружението за грижа за исламската содржина на различни јазици, заедно со Советодавното и мисионерското здружение во Рабва, се потрудија да подготват енциклопедија на хадиси на Божјиот прфатеник и да ја преведат на повеќе јазици.

Возвишениот Аллах го олесни изборот на збирка хадиси од оваа енциклопедија, кои му се потребни на муслиманот во неговата вера и секојдневниот живот. Овие хадиси се придружени со кратко објаснување, појаснување на нивното значење и укажување на нивните корисни поуки. Сето тоа е собрано во оваа книга со наслов: „Избрани хадиси од енциклопедијата на хадиси на Божјиот пратеник“ Се работи на нејзин превод на сите живи јазици во светот, за нејзината содржина да биде од корист за што е можно повеќе луѓе и за да се пренесе Сунетот на Аллаховиот пратеник, салаллаху алејхи ве селем, до човештвото на јазиците кои ги зборуваат и разбираат.

Го молиме Аллах да го прифати овој труд, да го направи благословен и искрено посветен да се постигне Аллаховото задоволство, и да ги награди сите што придонесоа во неговото подготвување, преведување и ширење.

Аллаховиот благослов и мир нека бидат врз нашиот веровесник Мухамед.

Краток преглед

Пратеничките хадиси претставуваат вториот извор на исламското законодавство. Возвишениот вели: „Тој не зборува по своја волја. Тоа е само Објавата која што му се доставува.“ (Ен Неџм, 3-4)

Оваа збирка од енциклопедијата на пратеничките хадиси содржи одбрани сеопфатни хадиси, кои му се потребни на муслиманот во неговата вера и секојдневниот живот. Секој хадис е придружен со кратко објаснување, појаснување на неговото значење и порака, како и со нагласување на неговите користи. Делото е преведено на повеќе живи светски јазици, со цел неговата содржина да биде од корист за што повеќе луѓе и за да се пренесе Сунетот на Аллаховиот пратеник, салаллаху алејхи ве селем, до човештвото на јазиците што ги зборуваат и разбираат.