مقدمة وغلاف المنتقى من موسوعة الأحاديث النبوية

بِسۡمِ ٱللَّهِ ٱلرَّحۡمَٰنِ ٱلرَّحِيمِ

سريزه

الحمد لله رب العالمين، وصلى الله وسلم على نبينا محمد، وعلى آله وصحبه أجمعين، ومن تبعهم بإحسان إلى يوم الدين، أما بعد:

تر ټولو لوی شی چې یو مسلمان ورته باید پاملرنه وکړي هغه د الله تعالی له کتاب څخه وروسته د رسول الله صلی الله علیه وسلم د سنتو: لوستل، پکې غور او تدبر کول، زده کول او پرې عمل کول دي، رسول الله صلی الله علیه وسلم فرمایلي: "اې خلکو، په تاسو کې مې (دوه څیزونه) پرېښي دي، تر څو مو چې پرې منګولې لګولي وي هیڅکله به بې لارې نه شئ؛ (هغه ) د الله تعالی کتاب او د هغه د نبي سنت دي". (دا حدیث ) امام مالک روایت کړی دی، او الله تعالی فرمایلي دي: (او رسول چې تاسو ته څه دركړي، نو هغه واخلئ او له څه نه چې هغه تاسو منع كړي یاستئ، نو تاسو منع شئ). [الحشر: 7]، له همدې امله په (ګڼو) ژبو د اسلامي منځپانګو د خدمت ټولنه او په ربوه کې د لږکیو د پوهاوي ټولنه هڅه کوي چې د رسول الله صلی الله علیه وسلم د احادیثو موسوعه چمتو کړي او ګڼو ژبو ته یې وژباړي.

او د الله تعالی (په توفیق سره) د هغو حدیثونو یوه ټولګه و ټاکل شوه چې یو مسلمان ورته د خپل دین او دنیا په چارو کې اړتیا لري، ( دا حدیثونه) د معنی او مفاهیمو له لنډې تشریح، استدلال او ګټو بیانولو سره د یو کتاب په بڼه چمتو شول چې نوم یې: (د نبوي حدیثونو له موسوعې څخه غوره شوي حدیثونه) دا (حدیثونه) د نړۍ ټولو مشهورو ژبو ته ژباړل شوي، چې محتوا یې ټولو ته ګټوره تمامه شي او د رسول الله صلی الله علیه وسلم سنت ټول بشریت ته د دوی په ژبو ورسيږي.

له الله تعالی څخه غواړو چې دا کار په خپل دربار کې قبول او منظور کړي او خاص د هغه د رضا لپاره یې اخلاصمند وګرځوي او هر هغه چا ته اجر ورکړي چې د دې په چمتو کولو، ژباړلو او خپرولو کې یې مرسته کړې ده.

وصلى الله وسلم على نبينا محمد

لنډه پېژندنه

نبوي احادیث د شریعت له سرچینو څخه دویمه سرچینه ده، الله تعالی فرمایلي: (او دى له خپل خواهش نه خبرې نه كوي، دا له وحي پرته بل څه نه دي چې ورته رالېږل كيږي). [النجم: 3-4].

د حدیثونو له موسوعې څخه د دې ټولګې په ټاکلو کې هغه حدیثونه - له لنډې تشریح، د معناوو وضاحت او استدلال سره - غوره شوي چې جامع دي او یو مسلمان ورته د خپل دین او دنیا په چارو کې اړتیا لري، سربیره پر دې د نړۍ ټولو مشهورو ژبو ته ژباړل شوي تر څو یې منځپانګه ګټوره وي او د رسول الله صلی الله علیه وسلم سنت ټول بشریت ته د هغوی په ژبو ورسیږي.