Men etap prensipal yo pou yon moun ki ap fè Omra, depi nan kòmansman rive nan fen:

Men etap prensipal yo pou yon moun ki ap fè Omra, depi nan kòmansman rive nan fen:

Lwanj pou Allah, Mèt tout linivè a. Ke benediksyon ak lapè poze sou pwofèt nou an Mouhamad, ansanm ak fanmi li ak tout konpayon li yo.Lwanj pou Allah, Mèt tout linivè a. Ke benediksyon ak lapè poze sou pwofèt nou an Mouhamad, ansanm ak fanmi li ak tout konpayon li yo.

Pou nou kontinye:

Sa a se yon ti liv ki kout sou fason pou moun fè Omra, règleman li yo, ak bon jan fason pou moun konpòte yo ladan li. Nou fè tout efò nou ladan li pou n esplike pifò nan sa yon moun kap fè Omra bezwen.

Nap mande Allah pou li fè travay sa a fèt sèlman pou li (pou chèche plezi li), epi pou li fè tout kominote Mizilman an benefisye de li.

Komite Syantifik nan Asosyasyon pou Sèvis Kontni Islamik nan plizyè Lang

Preparasyon

Premyèman: Kondisyon pou adorasyon an aksepte

Pou Allah aksepte nenpòt adorasyon yon moun ap fè, fòk 2 kondisyon sa yo ranpli :

Sa vle di pou yon moun fè adorasyon an ak sèl entansyon pou li fè Allah plezi epi pou li jwenn rekonpans nan Lavi ki ap vini an . Li pa dwe ap chèche lwanj ni enterè nan mond sa a. Men sa Allah Senyè toupwisan an di : Yo pat resevwa okenn lòt lòd, esepte pou yo adore Allah sèlman, pou yo gen yon lafwa ki sensè pou li sèlman, epi pou yo rete sou chemen verite a (chemen dwat la). (Sourat Al-Bayyinah, vèsè 5) Sa vle di: Yo branche nèt sou Allah ak sou adorasyon li pandan yap vire do bay tout lòt bagay ki pa Li. Tafsir Al-Sa'di (paj 538)

Epi Pwofèt la,( ke lapè ak benediksyon Allah sou li) te di: «An verite, aksyon yo se daprè entansyon yo, epi chak moun ap jwenn sa li te gen nan entansyon li» [2]. [2] Rapòte pa Al-Boukhari, anba nimewo (1), ak Mouslim, anba nimewo (1907).

Swiv Pwofèt la nan pawòl ak nan zèv, Pwofèt la (ke lapè ak benediksyon Allah sou li) te di: Nenpòt moun ki envante nan relijyon nou an yon bagay ki pa ladan li, yap rejte bagay sa a (li pap aksepte). (Sahih Al-Bukhari ak Muslim) Epi nan yon lòt vèsyon (yo rapòte): Nenpòt moun ki fè yon aksyon (yon adorasyon) ki pa baze sou fason nou te bay lòd fèl la, yap rejte aksyon sa a (li pap aksepte). [3] Rapòte pa Al-Boukhari, anba nimewo (2697), ak Mouslim, anba nimewo (1718). [4] Mouslim rapòtel nan nimewo (1718).

***

Dezyèmman: Obligasyon pou moun aprann kijan pou yo fè Omra ak règ li yo

Nenpòt moun ki vle adore Allah Senyè a, li dwe aprann jan Pwofèt la (se pou Benediksyon ak lapè Allah kouvri li) te konn fèl ; konsa, aksyon lap fè a ap mache ak chemen Pwofèt la (Sunnah). Pwofèt la menm te toujou ankouraje moun pou yo swiv li epi pran egzanp sou fason li te konn viv ak adore Allah. Malik bin Al-Houwayrith rapòte pawòl sa a kote li di: Mesaje Allah a te di: «Priye menm jan nou te wè map priye a» [5] [5] Rapòte pa Al-Boukhari, nimewo (6008).

Epi, daprè Jabir, ke Allah satisfè avèk li, li te di: Mwen te wè Pwofèt la (Sallallahu alayhi wa sallam) ki te sou do bèt li nan jou sakrifis la (Yawm al-Nahr), li tap voye wòch yo epi li tap di: 'Aprann rityèl nou yo nan menm (gade jan map fèl la), paske mwen pa konnen si map ka fè yon lòt ankò aprè sa map fè la a. [6] Rapòte pa Mouslim, nimewo (1297).

***

Twazyèmman: Valè ak Merite Omra a (Sa yon moun jwenn lè li fèl)

.Omra gen 2 kalite benediksyon: Yon benediksyon jeneral ak yon benediksyon espesyal

Kanta sa ki jeneral la:

Daprè Abou Hurayrah (ke Allah satisfè avè l), li te di: Mesaje Allah a (ke lapè ak benediksyon Allah sou li) te di: Yon Omra ou fè aprè yon lòt Omra, se yon fason pou efase peche ki te fèt nan mitan 2 vwayaj sa yo. Epi pou yon Hajj ki aksepte, pa gen okenn lòt rekonpans pou li esepte Paradi (Jannah). [7] Rapòte pa Al-Boukhari, anba nimewo (1773), ak Mouslim, anba nimewo (1349).

Daprè Abdoullah ibn Mas'oud (ke Allah satisfè de li), li te di: Mesaje Allah a (ke lapè ak benediksyon Allah sou li) te di: Fè Hajj (Pèlerinaj) ak Omra youn dèyè lòt souvan, paske yo tou 2 ansanm chase povrete ak peche, menm jan dife fòjwon an netwaye tout kras ki nan fè, nan lò ak nan lajan. Epi pou yon Hajj ki byen fèt (yon pèlerinaj Allah aksepte), pa gen okenn lòt rekonpans pou li esepte Paradi. "[8] Se kote fòjwon an (moun kap travay fè) ak òfèv la (moun kap travay lò ak lajan) limen dife yo a." Al-Tamhid pa Ibn Abd al-Barr (15/102) Rapòte pa Tirmidhi, nimewo (810), ak An-Nasa'i, nimewo (2631).

Epi, sa ki espesyal nan Ramadan: bò kote Ibn Abbas (ke Allah satisfè avèk yo tou le 2), Pwofèt la (ke lapè ak benediksyon Allah sou li) te di: «Fè yon Omra nan mwa Ramadan, se menm valè ak yon Hadj bò kote mwen (ansanm ak mwen).»[10] [10] Rapòte pa Al-Boukhari, anba nimewo (1863), ak Mouslim, anba nimewo (1256).

***

Kijan pou ou fè Omra a etap pa etap

Premyèman: Règ sou limit kote pou moun kòmanse Omra a (Al-Mawaqit)

Mawaqit: Se kote Pwofèt la (lapè ak Benediksyon Allah kouvri li) te chwazi pou moun ki gen entansyon fè Hadj oswa Omra antre nan eta sakre ('Ihram') ladan yo.

Kidonk, pou moun ki pase nan youn nan pwen sa yo avèk entansyon poul fè Hadj oswa Omra: se yon devwa pou li poul antre nan eta Ihram nan pwen sa a, epi li pa pèmi poul depase li san li pa antre nan eta Ihram.

Nenpòt moun ki rete pi prè Lamèk pase limit (Miqat) sa yo: limit pa li se kote li rete a; se la menm lap kòmanse eta sakre li (Ihram) pou Hajj oswa pou Omra.

Kanta pou moun ki rete Lamèk (Makkah) ak moun ki gen entansyon kòmanse eta sakre yo (Ihram) depi anndan vil la: pou Hajj (Pèlerinaj), yo fè Ihram yo depi anndan Lamèk la menm. Men pou Omra: yo dwe soti deyò limit vil la pou yo ale nan zòn ki pa sakre yo (Al-Hill), epi se la pou yo fè Ihram yo, tankou nan zòn At-Tan'im oswa lòt kote ki sanble ak li.

- Pou moun ki nan yon avyon: li dwe antre nan eta Ihram lè li rive nan nivo Mikat la. Li dwe prepare tèt li epi mete rad Ihram yo anvan li rive nan nivo Mikat la. Lè li rive nan nivo sa a, li dwe fè entansyon poul antre nan eta Ihram la menm moman an, epi li pa gen dwa retade sa jiskaske li ateri nan ayewopò a. Li ka pran prekosyon poul di Talbiyah anvan li rive nan nivo Mikat la, paske li pè rate pwen kote poul fè sa a; akoz vitès avyon an.

Dezyèmman: Deskripsyon ak règ pou antre nan eta sakre a (Al-Ihram)

Sa ki rekòmande pou moun ki gen entansyon fè Ihram la:

1- Benyen nèt, se yon Sounnah ki trè rekòmande pou gason ak fanm, menm pou fanm ki gen règ ak sa ki gen san aprè akouchman.

2- Yon gason mete pi bon pafen li ka jwenn, tankou lwil Oud oswa lòt kalite, sou tèt li ak nan bab li. Sa pa yon pwoblèm si odè a rete sou li aprè li fin antre nan eta sakre (Ihram) a. Kanta pou yon fanm, li pa gen dwa mete pafen ki gen odè; pou gason ki pa fanmi li pa pran sant li.

3. Mete rad pou Ihram yo, ki se yon rad pou anba ak yon rad pou anwo, epi Sunnah la se pou yo toude blan, pwòp oubyen nèf. Kanta pou fanm nan, li antre nan eta Ihram ak rad li vle san li pa abiyel ak rad ki gen dekorasyon, men li pa gen dwa mete niqab ak gan, epi li dwe kouvri figi li ak men li avèk yon lòt bagay.

4. Li se yon Sunnah (yon bèl pratik Pwofèt la te konn fè) pou yon moun antre nan eta sakre (Ihram) imedyatman apre yon priyè, kit se yon priyè obligatwa oswa yon priyè volontè.

Lap di: "Labbayka Allahumma 'Umratan", epi si lap fè Umrah la pou yon lòt moun, lap di: "Labbayka Allahumma 'Umratan 'an Fulan".

Si yon moun ki pral antre nan eta sakre (Ihram) pè pou yon obstak pa anpeche li fini rityèl li yo, li bon pou li mete yon kondisyon lè lap fè entansyon an. Lap di: (Labbayka Allahoumma 'Omratan, wa in habasani habisoune fa mahilli haythou habastani). Sa vle di: 'O Allah, men mwen vin fè yon Omra; si yon bagay ta bare wout mwen, map rete kote bagay sa a barem nan (map soti nan Ihram nan kote sa a)'. Depi li te mete kondisyon sa a, si yon bagay ta rive anpechel fini Omra a, li mèt soti nan Ihram nan epi li pa gen okenn amand (sakrifis bèt) poul peye.

Aprèsa, li di Talbiyah la anpil fwa: (Labbayka Allahumma labbayk, labbayka la sharika laka labbayk, innal-hamda wan-ni'mata laka wal-mulk, la sharika lak)[11]. Gason an leve vwa li pou li di li, ni fanm nan tou; depi li pa an prezans gason ki etranje pou li. Epi li rekòmande pou moun ki an eta 'Ihram' nan di 'Talbiyah' la anpil fwa, sitou lè sitiyasyon yo ak moman yo chanje, tankou lè li ap monte yon kote ki wo, oswa lè li ap desann yon kote ki ba, oswa lè lannwit ap vini oswa lè jounen an ap kòmanse. Lè yon moun di "Labbayk", men sa sa vle di: Labbayk (لبيك): Sa vle di "Mwen reponn apèl Ou, o Senyè, map reponn Ou yon fwa, epi yon lòt fwa ankò." Se yon fason pou montre ou obeyi Allah nèt ale epi ou detèmine pouw rete sou chemen li. Tout lwanj se pou Ou (إن الحمد): Al-Hamd se lè ou rekonèt tout bèl kalite ak tout pèfeksyon ki nan Allah Senyè a, pandan kè ou plen ak renmen ak respè pou Li. Lè ou repetel souvan, li tounen yon gwo kado lwanj n ap ofri Li (Thana). Benediksyon an se pou Ou (والنعمة): Al-Ni’mah se tout favè ak tout bon bagay Allah bay sèvitè l yo, kit se nan ba yo sa yo bezwen, kit se nan pwoteje yo kont malè. Pouvwa a se pou Ou (والملك): Sa vle di se Allah sèl ki mèt tout bagay nèt. Se Li menm sèl ki gen kontwòl sou syèl la ak tè a. Ou pa gen okenn asosye (لا شريك لك): Sa vle di pa gen pèsonn ki pataje kalite ak pouvwa Bondye genyen yo. Se Li sèl ki kreye, se Li sèl ki dirije tout bagay, epi se Li sèl ki merite pou moun adorel. Poukisa sa enpòtan pou nou konnen? Lè yon kwayan konprann sans mo sa yo, li pap sèlman repete yon chante nan bouch li. Kè li ap tranble ak respè paske li konnen se ak Gran Mèt linivè a lap pale, epi lap reponn envitasyon Li te fèl poul vizite kay Li a (Kaaba).

'Talbiyah' la preskri nan 'Oumra' depi nan 'Ihram' la, jiskaske moun nan kòmanse 'Tawaf' la.

Yon moun ki nan eta sakre (Muhrim) dwe fè anpil atansyon pou li pa tonbe nan okenn bagay ki entèdi pandan li nan Ihram nan, jouk li fin fè rityèl li yo epi li soti nan eta sa a.

Twazyèmman: Deskripsyon fason pou fè Tawaf la (Sifat al-Tawaf)

Lè moun ki nan 'Ihram' nan antre nan Gran Moske a, se yon 'Sunnah' pou li mete pye dwat li anvan epi pou li di priyè (dua) pou antre nan moske a. Epi pami pawòl ki pi sèten ki rapòte sou sa, se pou li di: "O Allah, ouvri pou mwen pòt mizèrikòd ou yo". Epi li di priyè (dua) sa a lè lap antre nan nenpòt moske, epi li pa espesyal pou Gran Moske a sèlman.

Lè yon moun pratikman pare pou li kòmanse Tawaf la (vire won alantou Kaaba a), li dwe sispann di Talbiyah a. Aprèsa, li ranje rad li nan fason nou rele 'Al-Idtiba'. Men kijan yo fè 'Al-Idtiba' a: Ou pran mitan moso twal ki anlè a (Rida), ou pase li anba bra dwat ou, epi ou jete 2 pwent yo sou zepòl gòch ou (sa kite zepòl dwat ou nèt dekouvri). Lè ou fin fè 7 tou Tawaf yo nèt, ou dwe remete rad la jan li te ye anvan an (kouvri de zepòl yo); paske fason sa a (Al-Idtiba) fèt sèlman pandan nap fè Tawaf la.

Aprèsa, li avanse nan direksyon Wòch Nwa a, li touchel ak men dwat li, epi li bo li. Si sa pa fasil pou li poul bo li, li touchel ak men li, epi li bo men li. Si sa pa fasil pou li poul touchel ak men li, li touche li ak yon bagay li gen avèl, tankou yon baton oswa yon lòt bagay konsa, epi li bo bagay la. Si sa pa fasil pou li, li vire fas li bò kote Wòch la epi li fè yon siy nan direksyon li ak men li, e li pa bo men li. Epi sa ki pi bon an se pou li pa bouskile moun, poul pa fè yo mal epi pou yo pa fèl mal.

Lè lap touche Wòch la oswa lap fè siy nan direksyon li, li di: "Allahu Akbar".

Aprèsa, li pran bò dwat epi li kite Kay la sou bò gòch li, epi lè li rive bò 'Rukn al-Yamani' a, li touche li san li pa bo li. Men, si sa pa fasil pou li, li pa dwe fòse pou li, epi li pa dwe fè siy nan direksyon li.

Epi, ant Kwen Yemenit la (Al-Rukn al-Yamani) ak Wòch Nwa a (Al-Hajar al-Aswad), li dwe di: O Senyè nou! Ban nou sa ki bon sou tè a, ban nou sa ki bon nan lavi aprè a, epi pwoteje nou kont pinisyon dife a.

Chak fwa li pase devan Wòch Nwa a, li fè siy ak men li nan direksyon li, epi li di: "Allahu Akbar (Allah se pi gran an)".

Epi nan rès Tawaf li a, li di sa li renmen nan Zikr, Douaa ak lekti Koran.

Li se yon Sunnah (yon bèl pratik Pwofèt la) pou yon moun fè 'Raml' nan twa (3) premye tou yo sèlman. 'Raml' vle di: mache yon ti jan rapid epi fè ti pa ki kout (youn touprè lòt). Kanta pou kat (4) tou ki rete yo, pa gen 'Raml' ladan yo; moun nan dwe mache nòmalman jan li konn mache a.

Lè li fin fè 'Tawaf' la, li avanse bò 'Maqam Ibrahim' epi li resite: "...Epi, sèvi ak plas kote Ibrahim te kanpe a (Maqam Ibrahim) kòm yon kote pou nou fè lapriyè..." Sourat Al-Baqarah vèsè 125 Aprèsa li fè 2 raka priyè dèyè plas Ibrahim nan (Maqam Ibrahim) si sa posib. Si li pa kapab (poutèt foul moun yo), li mèt fè yo nenpòt lòt kote anndan Moske a. Nan premye rakat aprè li fin li Al-Fatiha, li dwe li: 1: «Di: O nou menm ki pa kwayan yo (moun ki voye verite a jete)!» [Al-Kafirun: 1] Epi li dwe li nan dezyèm rakat la, aprè Al-Fatiha: Di: Li se Allah, Li se Youn sèl. [Al-Ikhlas: 1]

Katriyèmman: Kijan pou fè "Sa’a" la (Mache ant Safa ak Marwa)

Lè yon kwayan fin fè tout 7 tou alantou Kaaba a epi li fin fè 2 rakat priyè li yo, li dwe prepare li poul kòmanse dezyèm gwo etap la. Men sa li fè: Se vre wi, mòn Safa ak mòn Marwa fè pati siy (relijyon) Allah yo... Sourat Al-Baqarah vèsè 158 Aprèsa, li di: Mwen kòmanse ak sa Allah te kòmanse avèl la. [12] Rapòte pa Mouslim, nan nimewo (1218).

Aprèsa, li monte sou mòn Safa a jiskaske li wè 'Kaaba' a oswa direksyon li, epi li fè fas avèk li, li deklare inisite Allah, li di 'Allahu Akbar' (Allah se pi gran an), epi li di: "Pa gen lòt dye esepte Allah, Li pou kont Li, Li pa gen asosye. Se pou Li tout pouvwa a (tout sa ki egziste), se pou Li tout lwanj yo, epi Li kapab fè tout bagay. Pa gen lòt dye esepte Allah, Li pou kont Li. Li te kenbe pwomès Li, Li te bay sèvitè l la (Pwofèt la) laviktwa, epi Li te kraze tout lame ki te mete tèt yo ansanm kont Li a, Li menm sèl." [13] Mouslim rapòte li, anba nimewo (1218).

Aprèsa, li desann soti Safa pou lale Marwa pandan lap mache, epi lè li rive bò siy vèt la, li mache rapid anpil; lè li rive bò dezyèm siy vèt la, li mache nòmalman. Li pa preskri pou fanm yo mache rapid.

"Lè li rive sou mòn Marwa, li dwe fè menm jan li te fè sou mòn Safa a (jan nou te wè nan pwen nimewo 2 a)."

Aprèsa sa, li desann soti Marwa, li mache pou li ale Safa, epi lè li rive nan mak vèt la, li kouri prese anpil, epi lè li rive nan dezyèm mak vèt la, li rekòmanse mache nòmal.

Epi se konsa jiskaske li konpletel 7 fwa ale a soti Safa rive Marwa se yon 1 fwa, epi retou a soti Marwa rive Safa se yon dezyèm 2 fwa.

Epi pandan lap fè Sa’y la (mache a), li mèt di sa li vle kòm lwanj (Dikr), kòm priyè (Dua), oswa li mèt li Koran.

Senkyèmman: Deskripsyon fason pou rase oswa koupe cheve :

Lè moun ki ap fè Oumra a fin konplete Tawaf li ak Sa'i li, li dwe kale tèt li oswa koupe cheve li pi kout si se yon gason li ye, epi pou kale tèt la oswa koupe cheve a, fòk sa fèt sou tout tèt la nèt.

Kale tèt la pi bon pase koupe cheve a tou kout. Men, si lè Hajj la touprè, epi cheve nan tèt la pap gen tan poul pouse, sa ki pi bon se sèlman koupe cheve a tou kout.

Kanta pou fanm nan, li koupe nan pwent cheve li yon kantite ki egal ak pwent yon dwèt.

Bagay ki entèdi pou gason ak fi

Entèdiksyon Ihram yo se:

1-Retire cheve: Li entèdi pouw raze, taye, oswa rache cheve nan tèt ou oswa nenpòt kote sou kòw (anba bra, nan bab, elatriye).

2- ​Koupe zong: Ou pa gen dwa taye zong men ou ni zong pye ou.

3. Kouvri tèt ak yon bagay ki kole ak li, tankou: bonèt , goutra, tòban; oswa mete moso twal Ihram nan sou tèt li, oswa mete yon mouchwa, yon kouvèti , yon katon, oswa nenpòt lòt bagay konsa si entansyon an se pou kouvri tèt la. Epi sa a, se yon règ ki konsène gason sèlman, li pa konsène medam yo.

4- Mete rad abityèl ki fèt sou fòm kò a; tankou: yon rad ki koud, yon pantalon, yon chemiz, 2 chosèt, ak 2 gan. Sa a se espesyalman pou gason, pa pou fanm; paske pou yon fanm, sèl sa ki entèdi pou li se:

A) . Mete Niqab, oswa Bourqa, oswa Litam (vwal ki koud pou kouvri bouch ak nen) ki sanble ak Niqab. Men, li obligatwa pou madanm nan kouvri vizaj li devan gason ki pa fanmi li (ajnabi) ak vwal li konn sèvi nòmalman an; menm si vwal la touche vizaj li, sa pa gen pwoblèm. Li pa pèmèt pou li mete yon bando (oswa anyen konsa) sou tèt li pou anpeche vwal la touche vizaj li, paske pa gen anyen nan relijyon an ki montre sa dwe fèt.

b. Li pa dwe mete gan nan men li, epi se yon obligasyon pou li kouvri men li yo lè li an prezans gason ki pa fanmi li nan mete yo anndan 'abaya' li a.

5. Mete pafen sou kò a, oswa sou rad Ihram nan.

6-Touye bèt sovaj ki viv sou tè (gibye), oswa chase yo menm si li pa touye yo.

7. Fè demann an maryaj, pou tèt li oubyen pou yon lòt moun.

8. Kontra maryaj

9. Kontak fizik (pou dezi) ki pa rive nan nivo relasyon seksyèl nèt; tankou bay bo, oswa manyen ak dezi.

10. Rapò seksyèl, sa vle di penetrasyon nan pati prive a.

Rezime Etap Omra yo:

1. Benyen (Lave kò nèt).

2. Mete pafen (oswa santi bon).

3. Mete rad Ihram yo.

"4. Al-Ihram: Se entansyon pou yon moun antre nan zak adorasyon an (Omra oswa Hajj)."

5. At-Talbiyah (Se lè yon moun ap repete: Labbaykallahumma Labbayk...).

6. Tawaf nan Kay la (vire 7 tou alantou Kaaba a).

7. Priye 2 rakat dèyè Maqam (plas Ibrahim nan).

8. Mache ale vini an (Al-Sa'yi) ant mòn Safa ak mòn Marwa.

9. Raze tèt la nèt oswa koupe cheve yo kout. Allah konnen pi byen, epi se pou benediksyon ak lapè Allah sou Pwofèt nou an, Muhammad.