صفة العمرة

Fòm ak modalite Oumra a (Yon gid pratik e tou kout) ​ Kijan pou fè Oumra? (Yon ti leson edikatif senplifye) Yon videyo ki esplike etap Oumra yo nan lòd yo soti nan Ihram rive nan Tahallul, yon fason ki senp epi ki klè; gade videyo a epi aprann kijan pou ou fè Oumraw ou fasilman ak tout swen. Fòm ak fason Oumra a fèt

Se yon devwa pou moun ki vle fè Omra pou li antre an Ihram nan Miqat ki etabli pou li a.

Mawaqit yo: Se kote Pwofèt la, (lapè ak benediksyon Allah kouvri li), te chwazi. Se pou nenpòt moun ki vle fè Hajj oswa Omra antre nan eta Ihram soti kote sa a.

Kidonk, pou moun ki pase nan youn nan pwen sa yo avèk entansyon poul fè Hadj oswa Omra, se yon devwa pou li poul antre nan eta Ihram nan pwen sa a, epi li pa pèmi poul depase li san li pa antre nan eta Ihram.

Epi moun ki pi prè Lamèk pase limit Mikat sa yo, tankou moun ki rete Djeddah: Miqat pa li se kote li rete a; se la menm lap kòmanse Ihram li pou Hajj oswa pou Omra.

Kanta pou moun ki abite Lamèk yo, yo fè Ihram pou Hajj la depi nan kay yo nan Lamèk. Kanta pou Oumra a: yo dwe sòti deyò limit sakre a pou yo pran Ihram, tankou nan Tan'im oswa lòt kote konsa.

Pou moun ki nan yon avyon, li dwe antre nan eta Ihram lè li rive nan nivo Mikat la, Li dwe prepare tèt li epi mete rad Ihram yo anvan li rive nan nivo Mikat la, Lè li rive nan nivo sa a, li fè entansyon Ihram nan menm moman an, Epi li ka pran prekosyon pou li fè Talbiya anvan li rive nan menm liy ak Mikat la, poul pa rate kote a poutèt vitès avyon an. Epi li pa gen dwa ranvwaye sa jiskaskel ateri nan ayewopò a.

Fason pou fè Ihram ak règleman li yo.

Nenpòt moun ki vle antre nan eta Ihram la, li dwe:

1. Li rekòmande pou li lave tout kò a.

2. Li rekòmande pou gason mete pafen, Ou dwe mete li sou kò a ak nan bab la, men pa sou rad Ihram yo.

3. Epi li obligatwa pou mete rad Ihram, ki se: - pou gason - yon moso twal pou mare ren (izar) ak yon moso twal pou kouvri zepòl yo (rida). Epi li rekòmande daprè Sounnah a pou yo tou 2 blan, pwòp oswa nèf

Epi fanm lan antre nan eta Ihram ak rad li vle, san li pa abiye ak rad ki gen dekorasyon(pa pou ekspoze bote li ni atire atansyon sou li) Men li evite mete niqab ak gan sou men li, Epi li kouvri vizaj li ansanm ak men li avèk yon lòt bagay.

4. Epi Ihram, se entansyon pou antre nan rityèl la, konsa li di: « O Allah mwen reponn apèl Ou poum fè Oumra » Labbayka Allahumma 'umratan" (Mwen reponn apèl Ou, O Allah, pou yon Omra). Epi si lap fè Omra a pou yon lòt moun, li di: O Allah mwen reponn apèl Ou poum fè Oumra nan non entèl(tèl moun) (Labbayka Allahumma Omran 'an fulan).

5. Epi si moun ki vle antre nan eta Ihram la pè pou pa gen yon obstak ki anpechel fini rityèl li a, Kidonk li gendwa mete yon kondisyon lè lap fè Ihram nan, epi li di: O Allah mwen reponn apèl Ou pou mwen fè Oumra, epi si yon obstak anpechem, kote map soti nan Ihram nan se kote Ou blokem lan Labbayka Allahoumma ‘Oumrah, wa in habasani habis, famahilli haythou habastani) Kidonk, depil fè kondisyon sa a epi yon obstak rive ki anpeche li fin akonpli rit li yo, li soti nan Ihram nan epi li pa dwe okenn penalite.

6. Aprèsa, li fè anpil At-Talbiyah: Mwen la pou ou, O Allah, mwen la. Mwen la, ou pa gen okenn asosye, mwen la. Sètènman, tout lwanj, tout favè ak tout pouvwa se pou ou. Ou pa gen okenn asosye. Labèyka Allahoumma labèyk, labèyka la charika laka labèyk, innal hamda, wanni'mata, laka wal moulk, la charika lak Gason an dwe monte vwa li poul di sa. Epi se menm bagay la pou fanm yo tou; toutotan li pa devan gason ki etranje (gason ki pa fanmil).

7. Yon moun ki nan eta sakre dwe evite tout sa ki entèdi nan Ihram nan, jiskaske li soti nan eta sa a.

Entèdiksyon Ihram yo divize an 3 kategori:

Premyèman: Pati ki entèdi pou gason ak fi yo:

Raze, koupe, oswa rache cheve nan nenpòt ki pati nan kò li.

Koupe tout zong yo oswa kèk ladan yo, nan pye oswa nan men.

Mete pafen sou kò a, oswa sou rad Ihram nan.

Touye bèt sovaj ki viv sou tè, oswa chase yo menm si li pa touye yo.

Fè demand maryaj, pou tèt li oubyen pou yon lòt moun.

Kontra maryaj.

Kontak fizik entim san rapò seksyèl, tankou bay bo, oswa manyen ak dezi.

Rapò seksyèl, sa vle di penetrasyon nan pati prive a.

Dezyèmman: Kategori ki entèdi pou gason yo:

Kouvri tèt la ak yon bagay ki kole ak li, tankou: yon takiye (chapo), yon imama (tuban), mete rida a (twal zepòl la) sou tèt li, oswa nenpòt lòt bagay ki fèt pou kouvri tèt la.

Mete rad abityèl ki koud selon fòm kò a; nan fòm li abitye ye a, tankou : rad long ki koud, pantalon, ak chemiz.

Twazyèmman: Kategori ki entèdi pou fi yo:

Mete niqab, burqa, oswa litham (yon twal ki kouvri figi a menm jan ak yon niqab). Li oblije kouvri figi li devan gason ki etranje (ki pa fanmil) ak lòt kalite rad (ki pa niqab).

Li pa dwe mete gan nan men li, epi se yon obligasyon pou li kouvri men li yo devan gason ki pa fanmi li.

Moun kap fè Oumra a kòmanse Oumra li lè li fè Tawaf alantou Kaaba a.

Epi li obligatwa pou yon moun ki pral fè tawaf (vire) nan Kaaba a poul nan eta pwòpte (gen woudou).

Lè moun ki nan Ihram nan antre nan Gran Moske a, se yon Sounna (tradiksyon) pou li mete pye dwat li anvan. Epi li di lapriyè (doua) pou antre nan moske a, ki se: ""O Allah, louvri pou mwen pòt mizèrikòd Ou yo."" Alahouma iftah li abwaba rahmatika.

Lè li wè Kaaba a, li dwe sispann di Talbiya a.

Lè li vle kòmanse tawaf la, li se yon sounna pou li fè "idtiba'" (mete bout twal rida a anba bra dwat li epi voye pwent li sou zepòl gòch li). Lè li mete mitan moso twal ki anlè a anba zesèl dwat li, epi li voye 2 pwent twal la sou zepòl gòch li, Lè li fin fè Tawaf la, li remete rad li pou li kouvri 2 zepòl li, paske Idtiba a fèt sèlman pandan Tawaf la.

Tawaf la kòmanse bò Wòch Nwa a.

Li rekòmande pou li touche Wòch Nwa a (al-Hajar al-Aswad) ak men dwat li epi bo li. Si sa pa fasil pou li poul bo li, li touchel ak men li, epi li bo men li. Si sa pa posib pou li, li manyen li avèk yon bagay li gen avèl tankou yon baton oswa yon bagay konsa, epi li bo bagay sa a. Si sa pa fasil pou li, li vire fas li bò kote Wòch la epi li fè yon siy nan direksyon li ak men li, epi li pa bo men li, Epi li pi bon pou li pa bouskile moun, pou li pa fè yo mal, epi pou yo pa fè li mal tou.

Epi li rekòmande pou li di lè lap touche Wòch la oswa lap fè siy nan direksyon li: Allah se pi gran. Allahou Akbar

Aprèsa li pran direksyon dwat la, li mete Kaaba a sou bò gòch li. Epi lèl rive nan Kwen Yemani an, li touchel san li pa bo li, Men si sa pa posib pou li, li pa dwe pouse moun nan foul la pou sa, epi li pa dwe fè siy ak men li sou li nonplis.

O Senyè nou, ban nou sa ki bon sou tè a, ban nou sa ki bon nan lavi aprè a, epi pwoteje nou kont pinisyon dife a. Rabbana atina fid-dounya hasanatan, wa fil-akhirati hasanatan, wa qina ‘adhaban-nar

Epi, lè li ant Kwen Yemani an ak Wòch Nwa a, lap di :

Chak fwa li pase devan Wòch Nwa a, li fè siy ak men li nan direksyon li, epi li di: Allah se pi gran an Alahou Akbar

Epi nan rès Tawaf li a, li di sa li renmen nan Zikr, Douaa ak lekti Koran.

Daprè Sounna a se pou li fè "ramal" (mache ak ti pa rapid epi kout, ak yon fason pou li montre fòs) nan 3 premye tou yo sèlman - si sa posib pou li -. Mache yon ti jan rapid epi fè ti pa ki kout, Kanta pou 4 tou ki rete yo, pa gen mache vit ladan yo.

Lè li fin fè Tawaf la, li rekòmande pou li priye 2 Raka dèyè Maqam Ibrahim si sa fasil pou li, Sinon, li fè 2 rakat lapriyè sa yo nenpòt kote nan moske a. Li dwe li nan premye rakat la, aprè Al-Fatiha: Di: O nou menm ki pa kwayan yo!(Moun ki pa kwè yo) Epi li dwe li nan dezyèm rakat la, aprè Al-Fatiha: Di: "Li menm, Allah, se li ki Inik (yon sèl)."

Kijan pou fè Sa'yi ( Sa'i ) a

Lè li fin fè Tawaf la ansanm ak 2 Raka li yo, li soti pou li ale nan Masa a, Epi lè li pwoche bò Safa, li resite: Anverite, Safa ak Marwa se pami senbòl Allah yo. Aprèsa, li di: Mwen kòmanse ak sa Allah te kòmanse avèl la. Abdaou bima bada alahou bihi.((Abda’ou bima bada’a Allahou bihi)

Aprèsa, li rekòmande poul vire fas li nan direksyon Qibla a (Kaaba a), epi lap di : Pa gen okenn lòt divinite ki merite adorasyon eksepte Allah, Li menm sèl, Li pa gen okenn asosye. Se pou Li pouvwa a, se pou Li louwanj la, epi Li gen pouvwa sou tout bagay. Pa gen okenn lòt divinite ki merite adorasyon eksepte Allah, Li menm sèl. Li akonpli pwomès Li, Li bay sèvitè Li a viktwa, epi Li te kraze gwoup lènmi yo, Li menm sèl. La ilaha illallah, wahdahou la charika lah, lahoul moulkou wa lahoul hamdou, wa houwa 'ala koulli chay'in qadir La ilaha illallah, wahdahou, anjaza wa'dahou, wa nasara 'abdahou, wa hazamal-ahzaba wahdahou Li dwe repete sa 3 fwa, epi li fè dou'a nan mitan yo.

Aprèsa ,li desann soti Safa pou li ale Marwa pandan lap mache, Epi lè li rive bò siy vèt la, gason yo sèlman mache rapid anpil, Epi lè li rive nan dezyèm mak vèt la, li mache.

Lè li rive sou mòn Marwa, li dwe fè menm jan li te fè sou mòn Safa a. Tankou fè Takbir, fè Douya, resite Koran, epi fè fas ak Kaba a.

Aprèsa ,li desann soti Marwa, li mache pou li ale Safa, Epi lè li rive nan mak vèt la, li kouri prese anpil, Epi lè li rive nan dezyèm mak vèt la, li mache.

Epi se konsa jiskaske li konplete 7 tou, Ale a soti Safa rive Marwa se yon tou, Epi retou li soti Marwa rive Safa se yon lòt tou; Li kòmanse nan Safa epi li fini nan Marwa.

Epi pandan lap fè Sa'y li a(Sa'i) li di sa li renmen nan Zikr, Douaa ak lekti Koran.

Deskripsyon fason pou rase oswa koupe cheve:

Lè moun ki ap fè Oumra a fin konplete Tawaf li ak Sa'i li, yon gason dwe kale tèt li oswa koupe cheve li pi kout, Epi li obligatwa pou kale tèt la oswa koupe cheve a fèt sou tout tèt la nèt.

Epi fanm nan koupe nan pwent cheve li yon kantite ki egal ak pwent yon dwèt.

Epi se konsa, Omra a fin konplete.

Règ sou Mawaqit yo

(Al-Madinah) "Medin" (oswa Al-Madinah Al-Mounawwarah, ki vle di "Vil Limyè a"). (Dhul Hulayfah) oswa (Zoul Houlayfa) "Dhul Hulayfah" (jounen jodi a, yo plis rele kote sa a Abyar Ali oswa Masjid al-Miqat nan vil Medin). Dhat 'Irq Dhat 'Irq se pwen "Miqat" ki te fikse pou moun kap vwayaje soti nan peyi Irak, Iran, ak lòt peyi ki nan direksyon lès yo. (Al-Jouhfa) "Al-Jouhfa" (jounen jodi a, pèleren yo abitye ranplasel ak vil Rabigh ki touprèl la).

"Yalamlam" (yon kote yo konn rele As-Sa'diyah tou jodi a). "Qarn al-Manazil" (yon kote yo rele tou As-Sayl Al-Kabir jodi a). Mawaqit yo

Lamèk Makka Miqat yo Ihram pou moun ki prè Lamèk Plas li

Ihram moun Lamèk yo Pou Hajj la Depi lakay yo Pou Omra (At-Tan'im)

Ihram pou moun ki vini nan avyon Anvan ou rive nan nivo Miqat la. Li mete rad Ihram yo. Lèw rive sou menm liy lan (oswa lèw rive bò kote a) Li fè entansyon poul antre nan (eta) Ihram lan." Li kòmanse Talbiya a. Li pa pèmèt pou retade Ihram nan jiska w rive nan ayewopò a.

Deskripsyon ak règ Ihram nan

Lave tout kò a

Mete pafen

Pou gason sèlman, pa pou fanm. Kò a Bab la Rad yo

Mete rad Ihram yo. Izar ak Rida Zikr 2 moso twal blan. Fi Nenpòt rad li vle San li pa montre bote li. Nikab la Gan yo

Antre nan eta Ihram pou Omra:

Maladi Yon evènman

Mete kondisyon nan entansyon an.

Li pèmèt epi li pa gen anyen sou li.

Deskripsyon Talbiya a:

Evite entèdiksyon Ihram yo

Jouk li soti nan eta Ihram li a. Entèdiksyon Ihram yo Li entèdi pou gason ak fi. Fè demann an maryaj pou tèt li oubyen pou yon lòt moun. Kontra maryaj Entèdi pou gason Gason yo Entèdi pou fi yo

Fason pou fè Tawaf la Se yon kondisyon pou Tawaf la pou moun nan pirifye.

Priyè pou antre nan moske a

Pye dwat la

Dekouvri zepòl dwat la. Al-Idtiba se pou Tawaf la sèlman. Tawaf la kòmanse bò Wòch Nwa a.

Kwen Yamani an

Sa li di ant 2 Kwen Yamani yo

Zikr Siplikasyon Lekti Coran Legalite Al-Ramal. nan 3 premye tou yo

Lapriyè dèyè Maqam Ibrahim Si sa posib

Epi pran plas kote Ibrahim te kanpe a kòm yon kote pou lapriyè.

Fason pou fè Sa'yi a

Mòn Marwa Mòn Safa

3 fwa Li kouri Li mache Mak vèt la Takbir Vire fas bò kote Kaba a 7 tou Soti Safa rive Marwa se 1 tou. Premye tou Deskripsyon fason pou rase oswa koupe cheve

Obligasyon pou gason raze oswa koupe cheve yo. Li dwe kouvri tout tèt la. Obligasyon pou fanm koupe cheve yo. "Fi yo / Madanm yo"

Omra a konplete.