Sebr sẽn kʋʋg koεεga n gomd ʿƲmrã wã maaneg sɩfo la a bʋʋdo.
Sebr sẽn kʋʋg koεεga n gomd ʿƲmrã wã maaneg sɩfo la a bʋʋdo.
Pẽgr be ne Wẽnd sẽn yaa bõn-naandsã Soabã, la pʋʋsg la tɩlg be tõnd Nabiyaamã a Mʋhammad zugu, ne a zaka rãmba la a Ṣahaabsã gilli. Rẽ loogr poorẽ: Rẽnd wãnde yɑɑ sebr sẽn kʋʋg koεεgɑ n gomd ʿƲmrã wã sɩfgo lɑ ɑ bʋʋdã lɑ ɑ zʋgdã, lɑ tõnd mɑɑnɑ nonglem ɑ pʋgẽ n nɑ n vẽneg bũmb ning ʿƲmrɑ mɑɑnd sẽn tɑr tʋlsem ne-ɑ noor wʋsgo. La Wẽnd la d kot-A t'A maan-ɑ t'ɑ yɩ yɩlengɑ ne Yẽnda yel-sõmdã raab bala, la A maan-a t'a naf lɩslaambã zãnga.
Language: lang_mos
Prepared by: Bãngrã sull sẽn be Tiging ning sẽn gεtɑ Lɩslaangã kɑrengã sõgnegã ne buud-rãmbã goamã.
Sõmbɑ ne sẽn dɑtɑ n tũ Wẽnde (A nɑɑm zẽk yã) ne tũudum t'ɑ kɑrem Nɑbiyɑɑmã kãndgrã (Wẽnd pʋʋsg lɑ A tɩlgr be ɑ yĩngɑ) tũud-kãngɑ pʋgẽ; sẽn nɑ yɩl t'ɑ tʋʋmdã zems ne Sũnnɑ, lɑ Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) rɑ yɩɩme n pirsd nebã tɩ b pʋg-ɑ lɑ b tũ ɑ kãndgrã; rẽnd yii ɑ Mɑɑlik ɭbn Hʋwɑyris nengẽ (Wẽnd yɑrd be ɑ yĩngɑ) ɑ yeelɑme: Wẽnd Tẽn-tʋʋmã yeelame (Wẽnd pʋʋsg lɑ A tɩlgr be ɑ yĩngɑ):"Pʋʋs-y wɑlɑ yãmb sẽn yã mɑɑm tɩ m pʋʋsdẽ wã"[5] Al-bʋhaarɩy n togs-a, ne sõor (6008).
Leb n yii ɑ Geebir nengẽ (Wẽnd yɑrd be ɑ yĩngɑ) ɑ yeelɑme"Mɑm yãɑ Nɑbiyɑɑmã t'ɑ lobd kugã t'ɑ be ɑ bõn-zoɑmdgã zugu Kibsã rɑɑre, lɑ ɑ yetẽ: yɑɑ sẽn nɑ yɩl tɩ y rɩk y Hagiimdã tʋʋm mɑm nengẽ; tɩ mɑm pɑ mi ye tõe tɩ mɑm pɑ nɑ n le mɑɑn Hagiimd m Hagiim-kãngã poorẽ ye"[6] A Muslim n togs-ɑ, ne sõor (1297).
Yii a Abʋʋ Hʋrayrat nengẽ (Wẽnd yard be a yĩnga) a yeelame: Wẽnd-Tẽn-tʋʋmã yeelame (Wẽnd pʋʋsg la A tɩlgr be a yĩnga):( ʿƲmrɑ sẽn tʋg n tãɑg ʿƲmrɑ ɑ to yɑɑfd zũnuub-rãmb n be b sʋkã, lɑ Hagiimd sẽn mɑnege ɑ pɑ tɑr rolb rẽndɑ arzãnã)[7] Al-bʋhaarɩy n togs-a, ne sõor (1773), la a Muslim ne sõor (1349).
Lɑ sẽn welg Rɑmɑdɑɑnã pʋgẽ: rẽnd yii ɑ ɭbn Abbɑɑs nengẽ (Wẽnd yɑrd be b yiibã yĩngɑ) tɩ Nɑbiyɑɑmã yeelame (Wẽnd pʋʋsg lɑ A tɩlgr be ɑ yĩngɑ):" ʿƲmrɑ mɑɑneg Rɑmɑdɑɑnã pʋgẽ ɑ zemɑ fo sẽn nɑ n lɑgem mɑɑm n mɑɑn Hɑgiimdu [3]"A võore: ɑ yaa wɑlɑ Hagiimd sẽn lɑgem mɑɑm n mɑɑne, wala sẽn be Rɩwaaya (Reegr) a to pʋgẽ.
***
ʿƲmrã wã sɩfã
Rẽenem: Al-mawaaƙɩɩt (Todsã) bʋʋdo:
Al-mawaaƙɩɩtã (Todsã): yaa zĩis nins Nabiyaamã (Wẽnd pʋʋsg la A tɩlgr be a yĩnga) sẽn yãke, sẽn na yɩl tɩ nebã ning ɭhraamã (hagiimdã fut) beenẽ, ned ning sẽn tʋlla hagiimdã maa ʿƲmrã wã.
Rẽnd ned ning sẽn wa n pɩʋʋg zĩ-kãnsã a yembre, n maan Anniyã ne hagiimd maa ʿƲmra: yaa tɩlae ne-a t'a yeelg ɭhraamã teed beenẽ, la ka sεgd ne-a t'a zʋʋg beenẽ n ka ning ɭhraamã ye.
La ned ning sẽn tʋg n pẽ Mak n yɩɩd zĩ-kãensã, rẽnd yẽnda Al-miiƙaatã (Toaagã) yaa a zĩigẽ wã, a rɩkda a teedã a zĩigẽ wã n tʋg n maan a hagiimdã la a ʿƲmrã wã beenẽ.
La sã n yaa Mak rãmbã la neb nins sẽn zĩ Makã: bãmb yeelgda b futã Maka, la sã n yaa ʿƲmra b yitame n kẽng zĩig ning sẽn ka Harmã pʋga, n tʋg n yeelg b futã beenẽ, wala At-Tanʿɩɩm la sẽn wõnd rẽnda.
La ned ning sẽn be sɩlgẽ: a yeelgda a teedã t'a sã n wa tʋg n yεglg Al-miiƙaatã (toadgẽ wã), a segẽndame n yeelg ɭhraamã futu taoor t'a na n ka ta zĩ-kãng ye, t'a sã n wa tʋg n yeglg-a a maanda a Anniy wã wakat-kãngã, la ka sõmb ne-a t'a yaoolg ɭhraamã ningri halɩ tɩ sɩlgã wa tʋg n lʋɩ a silg-yir ye. La sõmba ne-a t'a maan sẽn na gũbgi, a maanda a Talbiyã wã taoor t'a na n ka yeglg zĩigã, a sẽn yεεsd t'a maanegã zĩig na n wa põsge, sɩlgã sẽn tʋʋlã yĩnga.
Yiibu: ɭhrɑɑmã sɩfã lɑ ɑ bʋʋdã:
B maaname tɩ yaa sãri ne ned ning sẽn rata n nɑ n ning ɭhrɑɑm, yεl nins sẽn watã:
Koom soobo, la yẽnda yaa sũnn sẽn kenge, ne rapã la pagbã fãa, n tʋg tãag Hayd la rogem zɩɩm soaba.
Yũ-noog ningri, sẽn yɩɩd yũ-nood yẽ sẽn tare, sẽn yaa ka-rãmba la parfẽ la zẽng sẽn ka rẽnda, n ning a zugã la a toεεngã, la rẽndɑ vũunã kell n pa ɭhraamã ningr poorẽ wã, a ka sãamd ye, la sã n yaa paga ka sõmb ne-a t'a ning yũ-nood ye; sẽn na yɩl tɩ ra-zẽmsã ra wa yõbsd yel-kãng yẽ nengẽ ye.
ɭhraamã fut ningri, la yẽnda yaa fu-sẽk la fu-yorgo, la sunnã yaa b yiibã yɩ pεεla, n yaa yɩlma, n yaa paala, la sã n yaa pagã a yeelgda a sẽn tʋll yerem ninga, la a ra wa tʋg n pãeesd ne nag-teed tɩ tondẽ ye, la ɑ zãagd Niƙaabã la nug-wʋʋd a yiibã ningri, la a lut a nengã la a nus a yiibã ne bũmb a to sẽn ka rẽ.
Yaa a ning ɭhraamã futu, Pʋʋsg sãri wã sẽn kõ sor tɩ b pʋʋs poorẽ, zem tɩ yaa farila maa naafɩla, la woto ka waagib ye.
Rẽnd ɑ yetɑme: (m sɑk-F lɑme m Soɑb A Wẽnde n nɑ n mɑɑn ʿƲmrɑ), lɑ sã n mik tɩ yɑɑ nin zẽng lɑ ɑ mɑɑn ʿƲmrã wã n nɑ n kõ ɑ yetɑme: (m sɑk-F lɑme m Soɑb A Wẽnde n nɑ n mɑɑn ʿƲmrɑ n kõ ɑ zɑglɑ).
La ɭhraamã rɩkd sã n yεεsd tɩ bũmb na n wa gɩdg-a t'a ka tõog n pids a tʋʋmã, sakda ne yẽ soabã t'a maan sart ɭhraamã ningr sasa n yeele: (.. La ad bũmb gɩdgd sã n gɩdg maam, mam zĩigã yaa zĩig ning Fo sẽn gɩd maamã) rẽnd wakat ning a sẽn wat n maan sart tɩ gɩdgr wa gɩdg-a, t'a ka tõog n na n pids hagiimdã tʋʋmã, a tõeeme n yidg n yi hagiimdẽ wã, tɩ yell ka be ne-a ye.
Rẽ poorẽ t'a wʋsg (Labbayka allaahumma labbayka, labbayka laa Šarɩɩka laka Labayka, innal hamda wanneʿmata laka wal mulk, laa Šariika laka) [4], raoɑ zẽkda a koεεgã n yet yel-kãngã, woto me lɑ paga, tɩ sã n mikame t'a ka be ra-zẽms sʋk ye, sõmbame ne ɭhraam ningda t'a wʋsg Talbiyã wã (Lɑbbɑykã) maanego, sẽn tʋg n yɩɩda yεlã la halhaal-rãmbã la zĩisã sẽn n wat tedge, wala a sẽn wat n zẽk yĩngri, maa a sig longẽ, maa yʋng sẽn na n wa kẽedẽ la wĩndg sẽn wat n pukdẽ.Ninsaal sẽn yet tɩ (Labbayka) maama, rat n yeel tɩ m sak F boollã, m sẽn sak noor wʋsg poorẽ, la a maanã wã yaa ninsaal sẽn sak a Soabã boolgo, la a sẽn be Wẽnd tũudmã zugu. "innal hamda wanneʿmata laka wal mulk) ad pẽgr la neemã la naam yaa Foom n so, (Al-hamdu) pẽgre, yẽnda yaa pẽgr sɩf sẽn pidi n lagem ne nonglem la zɩsgre, rẽnd a sã n yɩlm-a a lebgda soeesgo. La neemã wã yẽnda yaa bũmb ning Wẽnd sẽn maan A yembsã zugu, b sẽn rat bũmb ningã sẽn yɩ wã la A sẽn rig b sẽn kisã poorẽ. La a sẽn yet tɩ (Al-mulku) Naamã, rat n yeel tɩ Naamã be ne-Foo Wẽnde, (A Naam yɩ wagell n zẽke) Yẽnda la Soaad A Yembre tãɑ. La a sẽn yeel tɩ (Laa Šariika laka) lagem-n-taar ka be ne Foomã, rat n yeel tɩ ned ka be n lagem Foom bũmb ning sẽn welg ne Foom A Wẽnd ye (F Naam yɩ wagell n zẽke) sẽn yaa sɩf-rãmbã sẽn pidã, sẽn be rẽ pʋgẽ yaa A sẽn welg ne Naamã la Naanegã la Kẽnesgã la Sobendã. Magmuuʿ Fataawaa wɑ Rɑsɑɑɩl Al-ʿʋsaymiina (22/96) sẽn kʋʋg koεεga.
Labbaykã a yaa bũmb sãri sẽn wilg tɩ b maan ʿƲmra wã pʋgẽ, sẽn na n sɩng ɭhraamã fut yeelgre, n tʋg n tãag a sẽn na n sɩng Tawaafã maanego.
Sõmbame ne Hagiimd rɩkda, t'a gũus n ra wa lʋɩ bũmb pʋgẽ, sẽn yaa yεl nins ɭhraamã rɩkrã sẽn gɩdgd-a, halɩ t'a wa sεεs tʋʋmã n yi a ɭhraamã pʋgẽ.
Tãɑbo: yɑɑ Tɑwɑɑfã sɩfo
ɭhraam ningd sã n kẽ Lohorem miisrẽ wã, yaa sũnn ne-a t'a reng a rɩtg naoorã, la a yeel misrã kõom doaaga, la sẽn yaa sõma n yɩɩd doosã pʋgẽ, yaa a sẽn na n yeele: "m Soab A Wẽne! Pak F Yolsgã ragnoy n kõ-ma= Allahʋmma ɭftahlɩɩ abwaaba Rahmatɩka". La doaag-kãngã a yet-a lame, a sẽn wat n kẽed miisr ning fãa, a ka bũmb sẽn welg ne Lohorem miisrã bal ye.
La a sã n rat n sɩng Tawaafã maanaego, a sẽbdame, la sẽbrã sɩfo: yaa a rɩk a fuugã pʋsʋka n ning a rɩtg bãokã tẽngre, t'a kɩrems a yiibã be a goabg bãokẽ wã, la a sã n wa sε Tawaafã a lebsda a fuugã a sẽn rag n yaa halhaal ning taoor t'a na n ka sɩng Tawaafã, bala pil-kãngã zĩigã yaa Tawaafẽ wã bɑlɑ.
Rẽ poorẽ t'a kẽng Kug-sabεllẽ wã, n tʋg n sɩɩs-a ne a rɩtg nugã, maa a mok-a, la a sã n ka tõog n mok-a, a sɩɩsd-a-la ne a nugã bala, n mok a nugã, la sõma sẽn yɩɩde yaa a ra sẽdg n wa nams nebã ye, la yẽ me ra wa paam nang ne nebã ye.
La a yeta kugrã sɩɩsgã maa a teesgẽ wã: (Allaahʋ Akbarʋ).
Rẽ poorẽ t'a rɩk rɩtg wεεngẽ, tɩ Roogã be a goabg wεεngẽ, la a sã n ta Yaman Zeng raoogẽ wã (Rukn Yɑmɑɑni), a sɩɩsd-a-la ne a nugã tɩ ka tũ ne mokr ye, la a sã n ka tõog n sɩɩs bɩ a ra sẽdge, a ra tees me ye.
La a yeta Yaman Zeng Raoogã la Kug-sabεllã sʋka (Rabbanaa aatɩnaa fɩddʋnyaa hasanatan wa fɩl Aaẖiratɩ hasanatan waƙɩnaa ʿazaabannaar, = d Soɑbɑ A Wẽnde! Kõ-d Dũni pʋgẽ sẽn be neere lɑ Yɑoolem rɑɑrã sẽn be neere, lɑ F gũ tõnd ne Bugmã nɑmsgo).
La a sẽn pɩʋʋg Kug-sabεllã fãa a teesd-a-lɑ ne a nugã n yeele:(Allaahʋ Akbarʋ).
La a yeta a Tawaafã fãa sẽn ketã, yẽ sẽn nong bũmb ning sẽn yaa Wẽnd yʋʋr tẽegre, la doaaga la Alkʋrãan karengo.
La Sũnnah yaa a zãoos rẽenem gilgr a tãabã bɑlɑ, la zãoosgã: yaa fo yãg n kẽne tɩ na-tɑgdɩ wã pẽ taaba, la sã n yaa gilgr a naasã sẽn ketã zãoosg ka b pʋgẽ ye, a kẽnda wala a sẽn minimã.
la a sã n wa n sa a Tawaafã, a kẽngdɑ ɑ ɭbrɑɑhɩɩm yãnesgã zĩigẽ, n kareme:(Wattaẖɩzʋʋ mimmaƙaamɩ ɭbraahɩɩma mʋṣṣallaa= lɑ y rɩk-y ɑ ɭbrɑɑhɩɩm nɑ-tɑgdrẽ wã tɩ yɩ Pʋʋsg zĩigɑ),[Al-baƙara (Naafã sʋʋra): 125]rẽ poorẽ t'ɑ pʋʋs rɑkɑɑr ɑ yiib ɑ ɭbrɑɑhɩɩm yãnesgã zĩigẽ t'ɑ sã n tõe, sã n pɑ rẽ ɑ pʋʋsdɑ b yiibã sẽn yɑɑ Misrã zĩig ning fãɑ, ɑ kɑremdɑ rɑkɑar rẽengẽ wã Al-hamdã poorẽ:(Ƙʋl Yaa 'Ayyʋhaa Al-Kaafɩrʋʋna)[Al-Kaafɩrʋʋn (Kɩfr-rãmbã sʋʋra): 1].Lɑ ɑ kɑremdɑ rɑkɑɑr ɑ yiib soɑbã pʋgẽ:(Ƙʋl Huwɑ Allɑɑh Ahadʋn).[Al-Iẖlaaṣ (Pʋ-peelmã sʋʋra): 1].
Rẽ poorẽ t'a rʋ aṣ-ṣafaa' halɩ n wa ne Al-Ƙaabã maa a sẽnẽ wã, n tees Al-Ƙaabã n yeem Wẽnd yʋʋrã la a maan "Allaahʋ Akbarʋ" la a yeele: (Laa ɩlaaha ɩlla-Llɑahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr, laa ɩlaaha ɩlla-Llɑahʋ, wahdahʋʋ, ãngεza waʿdahuu, wa naṣara ʿAbdahuu, wa hazama Al-ahzaaba wahdahuu= Soab sẽn na n tũ n tɩlg zẽng sẽn ka Wẽnd ka be ye, A yaa A Yembre, lagem-n-taag ka be ne-A ye, la Yẽnda la bũmb fãa Tõogda soab sẽn na n tũ n tɩlg zẽng sẽn ka Wẽnd ka be ye, A pidsa A pʋlemde, la A sõng A Yambã, la A wil sulã A Yembre), a yɩlemda woto noor ɑ tãabo, la a kose wãnde sʋka.«Laa'ɩlaaha ɭllallaah, wahdahuu laa sarika lahuu, lahulmulk wa lahulhamd, wahuwa alaa kullɩ say'ɩn kadɩɩr, Laa'ɩlaaha ɭllallaah wahdah, sodaka wa'adah, wa nasoara abdah, wahazama-l-ahzaaba wahdah). Soab ka be tɩ sã n pa Wẽnd a Yembr ye, a pa tar lagm-n-taag ye, Naam yaa Yẽ n so, Pẽgr be ne Yẽ, Yẽnda me n leb n tõe bũmbã fãa. Soab ka be tɩ sã n pa Wẽnd a Yembr ye, a Pʋlengã yɩɩ sɩda, la a sõnga A yambã, la A leb tõoga bεεbã sulã Yẽ a yembre». Rẽ poorẽ t'a kos woto sʋka, a yeela yãwã buud noor a tãabo.[13].[13] A Muslim n togs-ɑ, ne sõor (1218).
Rẽ poorẽ t'a sigi Ṣafaa' n kẽng Marwaa n kẽnda, a sã n wa tʋg n ta zĩig ning sẽn yaa kẽegã, a kẽnda kẽn sẽn yaa kεgenga, la a sã n wa kẽn n ta tagmas kẽeg ɑ yiib soabã, a kẽnda wala a sẽn minim n kẽndã, la kẽnd n zoetẽ wã b ka maan rẽ tɩ yaa sãri ne pagbã ye.
La a sã n wa tʋg n ta Marwaa' sãri maaname t'a tʋm wala a sẽn rag n maan Ṣafaa' wã (Gom-sull limor a 2).
Rẽ poorẽ bɩ a sig Marwaa' n kẽng Ṣafaa' t'a yaa sẽn kẽnde, a sã n wa ta zĩig ning sẽn yaa kẽegã, a yãgemdame, la a sã n wa tʋg n ta yiib soab zĩig ning sẽn yaa kẽegã, bɩ a kẽn wala a sẽn da minim n kẽndã.
Yaa woto la a maand halɩ n wa pids noor a yopoe wã, a kẽngrã sẽn na n yi Ṣafaa' n kẽng Marwaa' yẽ yaa kẽnd a yembre, la a lebg n yi Marwaa n kẽng Ṣafaa' yẽ me yaa kẽnd a to.
La a yeta a kẽnẽ wã a sẽn nong bũmb ning sẽn yaa doaag la karengo.
Nu soɑbɑ: yɑɑ põmbã ne wõrsgã sɩfo:
ʿƲmra maand sã n wa tʋg n pids a Tawaafã la a kẽnã, yaa tɩlae t'a põng a zoobdã maa a wõrse, tɩ sã n yaa raoa, la sũnnah yaa tɩ wõrsgã bɩ põngrã gũbg zugã gilli.
La põngrã sõmblem n yɩɩd wõrsgã, rẽndame tɩ mikame tɩ hagiimdã wakat pẽeme, tɩ vɩʋʋg ka be tɩ zoobdã lebg n bul sõma, wakat-kãngã sõma sẽn yɩɩd yaa a kell n wõrse.
La sã n yaa paga, yẽnda lagemda a zoobdã n tʋg n wõrg a kɩrengã sẽn zems wala nug-rʋdre.
Yεl nins b sẽn gɩdg ɭhraamã rɩkr pʋgẽ wã:
Yεl nins sẽn ka sakd ɭhraamã pʋgẽ bãmb yaa:
Zoobdã põngr maa a wõrsgo, maa yĩn-kõbdã põmbo maa b tõsbo, sẽn yaa zĩig ning fãa a yĩngẽ wã.
Nus-yẽesã fãɑ wõrsgo maa b sãnda, ɑ nus a yiibẽ wã maa ɑ nao ɑ yiibẽ wã.
Zugã ludbu ne bũmb sẽn tabende, wala: pugla la laankãane, la peende, la rɩk fu-loabdg n ning zugẽ, maa peende, maa fu-goabga, maa kartõ, maa sẽn wõnd rẽnda, sẽn yaa ludbu, la woto welga ne roapã, pagbã ka lagem ye.
Fut nins b sẽn minim n yeelgdẽ, sẽn gũbg yĩnga, ne yalẽ ning nebã sẽn minim n ningdẽ wã, wala fuug sẽn sẽ la pãntalõ-rãmba, la kasaabse, la susetse, la na-wʋʋdo, la woto welga ne rapã, pagbã ka naag ye, la paga b gɩdga yẽnda n yi:
Niƙaab ningri maa sẽpo sẽn wõnd Niƙaabã, la yaa tɩlae ne-a t'a lud a nengã ra-zẽms sã n wa beẽ ne bõn-lutɩ ningã b sẽn minim n lut nengã, baa tɩ bõn-lutgã sã n sɩɩsa a nengã, la a ka ningd laankaanẽ la sẽn wõnd rẽ a zũgẽ wã ye, n rɑt tɩ bõn-lutgã ra wa sɩɩs a nengã yĩngɑ, bala sãri ka wilg tɩ b maan woto ye.
Nug-wʋʋd a yiib ningr a nusẽ wã, la yaa tɩlae ne-a t'a lud a nus a yiibã, ra-zẽmsã zĩigẽ, ɑ ningd-b-lɑ a Abaaya wã (sʋtrã) pʋgẽ.
Yũ-nood ningr a yĩngẽ maa a ɭhraamã fut pʋgẽ.
Ween-n-vɩɩgẽ tãoosgo, maa a yõkre baa t'a sã n ka kʋ-a.
Pag belengo, n na n kõ a mengã maa nin-zẽnga.
Fur loeese.
Pag salengo, sẽn ka tũ ne a taoorã, wala mokre maa saagr ne wʋm-noogo.
Tudg-rãmb la yõsg-rãmb nins sẽn kẽed ne ʿƲmrã wã. Rẽenem: nebã yõsg-rãmbã la b tuudgã ɭhraamã yelgrẽ. Yaa koεεgã zẽkr basbo, ne a sẽn ka zẽkd a koεεgã n pʋd tũudum ning a sẽn ratã a ɭhraamã ningr sɩngr wakato. La Sũnnah: yaa a zẽk a koεεgã ne rẽndɑ.
Pẽgr be ne Wẽnd sẽn yaa bõn-naandsã Soabã, la pʋʋsg la tɩlg be tõnd Nabiyaamã a Mʋhammad zugu, ne a zaka rãmba la a Ṣahaabsã gilli. Rẽ loogre poorẽ: Ad wãnde yaa sebr sẽn kʋʋg koεεga, n gomd hagiimdã sɩfo, tõnd talla nonglem a pʋgẽ, n na n vẽneg hagiimd maand sẽn tar tʋlsem ne yεl ninsã. La Wẽnd la d kot-A t'A maan-ɑ t'ɑ yɩ yɩlengɑ tɩ yaa Yẽnda yel-sõmdã raab bala, la A maan-a t'a naf lɩslaambã zãnga. Tʋɩɩsgo:
Lɩslaangã yaa sak-n-tũ Wẽnde, sẽn yaa bõn-naandsã Naandã la b Rabsdã, la sak-n-tũ-A ne nonglem la waoogre, la lɩslaangã yẽgrã yaa kõ-sɩd ne Wẽnde, la kõ-sɩd tɩ Yẽnda la Naandã la zẽng sẽn ka Yẽ fãa yaa bõn-naandga, la Yẽnda n sõmb ne tũudmã, Yẽ A Yermbre, lagem-n-taag ka be ne-A, sẽn na n tũ a soab sɩd-sɩd ka be tɩ sã n ka Yẽ ye, A tara yʋy sẽn manege la sɩf-rãmb sẽn zẽke, A tara pidb zãnga, tɩ boogr ka be ye, A ka roge, b Ka rog-A, A ka tar lall-n-taaga, A ka tar mak-n-taaga, A ka tar bilg-n-taaga, A ka sigd yĩngã, A ka lebd yĩng baa fʋɩ A bõn-naandsã pʋgẽ ye. Lɩslaangã yaa Wẽnd dĩini (A…
