Name: အွမ်ရာပြုလုပ်နည်းနှင့်၎င်း၏ပညတ်ချက်များ အကျဥ်းချုပ်
Author: ဘာသာစကားအမျိုးမျိုးဖြင့် အစ္စလာမ့်အကြောင်းအရာများကို ဝန်ဆောင်မှု ပေးသောအသင်း၏ ပညာရေးကော်မတီ

အွမ်ရာပြုလုပ်နည်းနှင့်၎င်း၏ပညတ်ချက်များ အကျဥ်းချုပ်

ချီးမွမ်းထောမနာပြုချင်းအပေါင်းသည် အလ္လာဟ်အရှင်မြတ်အဖို့သာဖြစ်တော်မူ၏။ ကျွန်ုပ်တို့၏ နဗီတမန်တော်မုဟမ္မဒ်နှင့်ကိုယ်တော် ၏အိမ်တော်သူအိမ်တော်သားများ၊ သာဝကများအားလုံးအပေါ်သို့ အလ္လာဟ်အရှင်မြတ်ဘက်တော်မှ ကောင်းချီးမင်္ဂလာနှင့် ငြိမ်းချမ်းသာယာမှုများ ကျရောက်ပါစေ။ ၎င်းနောက် - ဤစာအုပ်သည် အွမ်ရာပြုနည်း၊ အွမ်ရာ၏အမိန့်ပညတ် ချက်များနှင့် စည်းကမ်းများအကြောင်းကို အကျဉ်းချုပ်တင်ပြထားသည့် စာအုပ်ငယ်ဖြစ်ပြီး ကျွန်တော့်အနေဖြင့် ဤစာအုပ်တွင် အွမ်ရာပြုလုပ်မည့်သူတစ်ဦးအတွက် အဓိကလိုအပ်သော အချက်များကို ရှင်းလင်းတင်ပြထားပါသည်။ ကျွန်တော်မျိုးသည် အလ္လာဟ်အရှင်မြတ်ထံတော်၌ ဤရေးသားမှုကို အရှင်မြတ်နှစ်သက်မှုအတွက်သာ…

Language: lang_my

Prepared by: ဘာသာစကားအမျိုးမျိုးဖြင့် အစ္စလာမ့်အကြောင်းအရာများကို ဝန်ဆောင်မှု‌ ပေးသောအသင်း၏ ပညာ‌ရေးကော်မတီ

Version: 3.0

Download PDF 406 KB

This PDF is generated automatically from the book's text; its layout may differ from the printed edition.

Font size

အိဟ်ရာမ်ပြုရန်ရည်ရွယ်သူသည် မိမိ၏ အွမ်ရဟ်ကျင့်ဆောင်မှုကို ပြီးဆုံးအောင် ဆောင်ရွက်ခြင်းကို ဟန့်တားမည့် အကြောင်းတစ်စုံတစ်ရာ ရှိလာမည်ကို စိုးရိမ်ပါက၊ ၎င်းအနေဖြင့် အိဟ်ရာမ်ပြုသည့်အခါတွင် စည်းကမ်းချက် သတ်မှတ်ခွင့်ရှိသည်။ သို့ဖြစ်၍ ဤသို့ဆိုရမည်။ ( لَبَّيْكَ اَللّٰهُمَّ حَجًّا، وَإِنْ حَبَسَنِي حَابِسٌ فَمَحِلِّي حَيثُ حَبَسْتَنِي ) "လဗ်ဗိုင်းကလ္လာဟွမ္မ အွမ်ရသန် ဝအင်န် ဟဗစနီ ဟာဗိစွန် ဖမဟလ်လီ ဟိုင်စု ဟဗတ်စ်သနီ " အဓိပ္ပါယ် - အိုအလ္လာဟ်အရှင်မြတ် ကျွန်တော်မျိုး အွမ်ရာပြုရန် အသင့်ရောက်ရှိနေပါပြီ။ အကယ်၍ ကျွန်တော်မျိုးအား တစ်စုံတစ်ရာ အတားအဆီးက (အွမ်ရဟ်မှ) ပိတ်ပင်တားဆီးလိုက်ပါက ကျွန်တော်မျိုးအိဟ်ရာမ်မှ ထွက်မည့်နေရာသည် အရှင်မြတ် ကျွန်တော်မျိုးအား တား‌ဆီးလိုက်သည့်နေရာပင်ဖြစ်သည်။ ထိုသို့ သတ်မှတ်ချက်ပြုပြီးနောက် ၎င်း၏ အွမ်ရဟ်ကျင့်ဆောင်မှုကို ပြီးဆုံးအောင်ဆောင်ရွက်ခြင်းကို တားဆီးလိုက်သည့် ကိစ္စတစ်စုံတစ်ရာ ပေါ်ပေါက်လာပါက ၎င်းအနေဖြင့် အွမ်ရဟ်မှ ထွက်လိုက်ရမည်ဖြစ်သည်။ ထိုသို့ ပြုလုပ်ခြင်းကြောင့် ၎င်းအပေါ်တွင် မည်သည့်အရာမျှ ပေးဆောင်ရန် တာဝန်မရှိပါ။

ထို့နောက် ( لَبَّيْكَ ‌اللّٰهُمَّ ‌لَبَّيْكَ، لَبَّيْكَ لا شَرِيْكَ لَكَ لَبَّيْكَ، إِنَّ الْحَمْدَ وَالنِّعْمَةَ لَكَ وَالْمُلْكَ، لا شَرِيْكَ لَكَ ) (၁၁) - လဗ်ဗိုက် အလ္လာဟွမ္မ လဗ်ဗိုက် လဗ်ဗိုက် လာရှရီက လက လဗ်ဗိုက် အင်န်နလ်ဟမ်ဒ ဝန်နိအ်မသ လက ဝလ်မွလ်က လာရှရီက လက - ဤသလ်ဗိယဟ်ကို များများဆိုရမည်။ အမျိုးသားသည် သလ်ဗိယဟ်ကို အသံကျယ်ကျယ်ဆိုရမည်။ ထို့အတူ အမျိုးသမီးများသည် သူစိမ်းအမျိုးသားများမရှိပါက အသံကျယ်ကျယ်ဆိုရမည်။ အိဟ်ရာမ်ပြုထားသူသည် အခြေအနေ၊ အချိန်အခါများ ပြောင်းလဲသည့်အခါတိုင်း သလ်ဗီယဟ်ကို များမြောင်စွာ ရွတ်ဆိုရမည်။ ပမာအားဖြင့် အမြင့်သို့ တက်သည့်အခါ၊ အနိမ့်သို့ ဆင်းသည့်အခါ၊ ည‌အချိန် ဝင်ရောက်သောအခါ နေ့အချိန် ဝင်ရောက်သောအခါများတွင် များ‌မြောင်စွာ ရွတ်ဆိုသင့်သည်။ (၁၁) လူတစ်ဦးက (لَبَّيْكَ) ‘လဗ်ဗိုက်’ဟူ၍ ဆိုခြင်း၏ အဓိပ္ပါယ်မှာ - အိုအလ္လာဟ်အရှင်မြတ် တစ်ကြိမ်ပြီးတစ်ကြိမ် အသင့်ထံအသင့်ရောက်ရှိပါပြီ ဆိုလိုသည်မှာ- လူသားသည် မိမိ၏ အရှင်အား အဖြေ‌ ပေးခြင်းနှင့် ထိုအရှင်၏ အမိန့်ကို နာခံခြင်းဖြစ်သည်။ (إِنَّ الْحَمْدَ وَالنِّعْمَةَ لَكَ وَالْمُلْكَ) (الْحَمْدَ) ‘အလ်ဟမ်ဒ်’ဟူသည် ချစ်ခြင်းမေတ္တာ၊ ဂုဏ်‌ပေးလေးစားမှုတို့နှင့်တကွ ချီးမွမ်းခံရသူအား ပြီးပြည့်စုံကြောင်း ဖော်ပြခြင်းဖြစ်သည်။ ဤသို့ထပ်ခါတလဲလဲ ဖော်ပြခြင်းဖြင့် ချီးမွမ်းထောမနာပြုခြင်း ဖြစ်သွားသည်။ (النِّعْمَة) နိအ်မသ် ဟူသည် အလိုရှိသောအရာကိုရရှိရန်နှင့် မကောင်းသောအရာကို ဖယ်ရှားရန်အတွက် အလ္လာဟ်အရှင်မြတ်ကမိမိ၏ ကျေး ကျွန်များအပေါ် ချီးမြှင့်တော်မူထားသောအရာဖြစ်သည်။ (الْمُلْك) ‘အလ်မွလ်က်’ ဟူသည် စိုးပိုင်ခြင်းဟူသမျှသည် အသင်အရှင်မြတ်အတွက်သာဖြစ်သည်။ မင်္ဂလာအပေါင်းနှင့် ပြည့်စုံတော်မူသော အလ္လာဟ်အရှင်မြတ်တစ်ပါးတည်းကသာ စိုးပိုင်တော်မူသောအရှင်ဖြစ်သည်။ (لا شَرِيْكَ لَكَ) ‘လာရှရီက လက’ ဟူသည် စိုးပိုင်ခြင်း၊ ဖန်ဆင်းခြင်း၊ စီမံခန့်ခွဲခြင်းနှင့် ကိုးကွယ်ထိုက်ခြင်း၌ အလ္လာဟ်အရှင်မြတ်သည် တစ်ဆူတည်းဖြစ်တော်မူပြီး၊ အရှင်မြတ်နှင့်သာသက်ဆိုင်သည့် ပြီးပြည့်စုံသော ဂုဏ်တော်များတွင် အရှင်မြတ်နှင့်အတူ မည်သူမျှ ဖက်စပ်ပါဝင်ခြင်းမရှိပါဟု ဆိုလိုခြင်းဖြစ်သည်။ မဂ်ျမူအွလ် ဖသာဝါ ဝရစာအိလ်ကျမ်း (အတွဲ ၂၂ / စာမျက်နာ ၉၆) မှ အကျဉ်းချုပ်တင်ပြခြင်းဖြစ်ပါသည်။

ထို့နောက် ကအ်ဗဟ်ကျောင်းတော် သို့မဟုတ် ကျောင်းတော်ဘက်အခြမ်းကို မြင်တွေ့ရသည်အထိ ဆွဖာတောင်ပေါ်သို့တက်ပါ။ ထို့နောက် အလ္လာဟ်အရှင်မြတ်တစ်ဆူတည်းဖြစ်‌ကြောင်း၊ အကြီးကျယ်ဆုံးဖြစ်တော်မူကြောင်းကိုထုတ်ဖော်ပြောကြားသည့်အနေဖြင့် အောက်ပါဒုအာကို ရွတ်ဆိုရမည်။ «‌لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، لَا إِلَهَ إِلَّا اللهُ وَحْدَهُ، ‌أَنْجَزَ ‌وَعْدَهُ، ‌وَنَصَرَ ‌عَبْدَهُ، وَهَزَمَ الْأَحْزَابَ وَحْدَهُ» အရှင်မြတ်မှတစ်ပါး အခြားခဝပ်ကိုးကွယ်ခံထိုက်သောအရှင်မရှိပါ။ အရှင်မြတ်သည် တစ်ဆူတည်းဖြစ်‌တော်မူပြီး၊ အရှင်မြတ်နှင့် တုဖက်နှိုင်းယှဉ်ကိုးကွယ်ရာအရှင်ဟူ၍ မရှိပါ။ စိုးပိုင်ခြင်းဟူသ၍ သည် အရှင်မြတ်အဖို့သာလျှင်ဖြစ်ပြီး၊ ချီးမွမ်းထောမနာပြုခြင်းဟူသမျှသည်လည်း အရှင်မြတ်အဖို့သာလျှင်ဖြစ်တော်မူပါသည်။ ထိုအရှင်မြတ်သည် အရာရာတိုင်း အပေါ်တွင် အလွန် စွမ်းဆောင် နိုင်တော်မူသောအရှင် ဖြစ်တော်မူသည်။ အရှင်မြတ်မှတစ်ပါး အခြားခဝပ်ကိုးကွယ်ခံထိုက်သောအရှင်မရှိပါ။ အရှင်မြတ်သည် တစ်ဆူတည်းဖြစ်‌တော်မူပါသည်။ ထိုအရှင်မြတ်သည် မိမိ၏ ကတိတော်အား တည်စေတော်မူခဲ့၏။ ထို့ပြင် မိမိ၏ ကျေးကျွန်အား ကူညီစောင်မတော်မူခဲ့၏။ အရှင်မြတ် တစ်ပါးတည်းသာလျှင် ရန်သူ့တပ်များအား ရှုံးနိမ့်စေတော်မူသော အရှင်ဖြစ်ပါသည်။ ထို့နောက် ဒုအာပြုလုပ်ရမည်။ အထက်ပါ ဒုအာကို သုံးကြိမ်တိုင် ရွတ်ဖတ်ရမည်။ (၁၃) (၁၃) မွတ်စ်လင်မ်ကျမ်း၊ ဟဒီးဆ်အမှတ် (၁၂၁၈)

အွမ်ရာပြုလုပ်နည်းနှင့်၎င်း၏ပညတ်ချက်များ အကျဥ်းချုပ်

အွမ်ရာပြုလုပ်နည်းနှင့်၎င်း၏ပညတ်ချက်များ အကျဥ်းချုပ်

စကားချီး

ပထမ - အိဗာဒသ်များ လက်ခံခြင်းခံရရန် လိုအပ်သည့် စည်းကမ်းချက်များ

ဒုတိယ - အွမ်ရာပြုလုပ်နည်းနှင့် ၎င်း၏အမိန့်ပညတ်ချက်များကို သင်ယူခြင်းဆိုင်ရာအမိန့်

တတိယ - အွမ်ရာပြုလုပ်ခြင်း၏ ထွတ်မြတ်မှု

အွမ်ရာ ပြုလုပ်နည်း

ပထမ - မီကားသ် (နယ်နမိတ်များ)၏ အမိန့်ပညတ်ချက်များ

ဒုတိယ - အိဟ်ရာမ်ပြုနည်းနှင့် ၎င်း ၏အမိန့်ပညတ်ချက်များ။

တတိယ - သွဝါဖ်ပြုလုပ်နည်း

စတုတ္ထ - စအီပြုလုပ်နည်း

ပဥ္စမ - ဦးခေါင်းရိတ်သည့်ပုံစံနှင့် ဆံပင်ညှပ်ရမည့်ပုံစံ

အိဟ်ရာမ်ပြုထားစဉ် မလုပ်ရန် တားမြစ်ထားသောအချက်များ။

အွမ်ရာ ပြုလုပ်နည်းအကျဉ်း။

Related books

ဟဂ်ျ၊ အွမ်ရာနှင့် ဇေယာရသ် ပြုလုပ်ခြင်းတို့တွင် တရားတော်နှင့် ဆန့်ကျင်သည့်လုပ်ရပ်များ

ဟဂ်ျ၊ အွမ်ရာနှင့် ဇိယာရသ်ပြုလုပ်ခြင်းဆိုင်ရာ ဖသ်ဝါဓမ္မသတ်ဆုံးဖြတ်ချက်များ၊

صفة الوضوء والصلاة (مرئي)

ဟဂ်ျပြုလုပ်နည်း အကျဉ်းချုပ်

Scan to Share