ߛߌߟߊ ߕߣߐ߬ߡߊ ߟߎ߬ ߢߣߊߡߦߊ߫ ߞߎ߲߬ߠߊ߬ߘߌߦߊߣߍ߲ ߦߋ߫
ߗߍ߬ߡߐ߯ ߊ߬ߓߑߘߎߙߊߤߑߡߊ߯ߣ ߓߎߣ ߣߊ߯ߛߌߙ ߛߊߺߊ߳ߑߘߌߞߊ߫ (ߊ.ߘ)
ߕߊ߲߬ߘߏ ߊߟߊ߫ ߦߋ߫ ߸ ߡߍ߲ ߕߊ ߦߋ߫ ߕߊ߲߬ߘߏ ߓߍ߯ ߘߌ߫ ߸ ߒ ߓߘߊ߫ ߛߙߋߕߋߕߋߦߊ߫ ߡߊ߰ߙߌ߬ ߜߘߍ߫ ߕߍ߫ ߊߟߊ߫ ߞߐ߫ ߸ ߜߙߊ߬ߢߐ߲߮ ߕߴߊ߬ ߟߊ߫ ߸ ߒ ߓߘߊ߫ ߛߙߋߕߋߕߋߦߊ߫ ߞߏ߫ ߡߊ߬ߡߊ߬ߘߌ߬ ߦߋ߫ ߊߟߊ߫ ߟߊ߫ ߖߐ߲߭ ߣߴߊ߬ ߟߊ߫ ߞߋߟߊ߫ ߟߋ߬ ߘߌ߫ ߸ ߞߛߌ ߣߌ߫ ߣߍߡߊ ߦߴߊ߬ ߣߴߊ߬ ߞߐߙߍ ߟߎ߬ ߣߴߊ߬ ߘߍ߬ߢߐ߲߮ ߠߎ߬ ߦߋ߫.
ߒ߬ߓߊ߬ ߏ߬ ߞߐ߫: ߖߛߎ߬ߞߎ߲ ߟߊߝߙߍ ߣߴߊ߬ ߖߛߎ߬ߛߎߡߊ ߣߴߊ߬ ߟߊ߫ ߛߎ߬ߙߊ߬ߦߊ ߣߴߊ߬ ߟߊ߫ ߖߘߐ߬ߞߏ ߟߎ߬ ߣߌ߫ ߤߊ߲ߞߟߌ߫ ߞߏ ߟߎ߬ ߥߟߌ߬ߟߌ ߏ߬ ߟߋ ߦߋ߫ ߡߐ߰ ߓߍ߯ ߟߊ߫ ߟߊߢߌߣߌ߲ ߘߌ߫. ߓߊߟߏ߫ ߓߘߍ ߦߋ߫ ߛߐ߬ߘߐ߲߬ ߠߊ߫ ߏ߬ ߟߋ ߟߊ߫، ߛߎ߬ߙߊ߬ߦߊ ߣߌ߫ ߘߌ߬ߢߍ ߦߋ߫ ߘߝߊ߫ ߟߊ߫ ߏ߬ ߟߋ ߘߐ߫. ߏ߬ ߟߊ߫ ߛߓߊ߰ߓߊ߫ ߟߎ߫ ߦߋ߫ ߞߊ߲߫ ߛߓߊ߬ ߘߐ߫: ߘߌߣߊߦߊ߫، ߣߌ߫ ߘߊ߲ߝߋ߲߫، ߣߌ߫ ߓߊ߯ߙߊ߫. ߏ߬ ߓߍ߯ ߟߊߘߍ߬ߟߌ ߕߍ߫ ߞߍ߫ ߟߊ߫ ߝߏ߫ ߟߌ߬ߡߣߊ߬ߦߊ߬ߓߊ߮ ߟߎ߫ ߟߋ߬ ߦߋ߫. ߒ߬ߓߊ߬ ߡߍ߲߫ ߠߎ߫ ߕߴߏ߬ ߟߎ߬ ߘߌ߫، ߣߴߊ߬ߟߎ߫ ߞߵߊ߬ ߛߐ߬ߘߐ߲߬ ߞߊ߲߫ ߘߏ߫ ߣߌ߫ ߛߓߊ߰ߓߊ߫ ߘߏ߫ ߡߊ߬ ߊ߬ߟߎ߬ ߤߊ߲ߞߟߌߡߊ ߟߎ߬ ߦߋ߫ ߡߍ߲߫ ߖߘߍ߬ߘߌ߬ߦߊ߬ ߟߊ߫، ߏ߬ ߓߘߊ߫ ߝߘߏ߬ ߊ߬ߟߎ߬ ߟߊ߫ ߞߊ߬ ߓߐ߫ ߞߊ߲ ߠߎ߬ ߘߐ߫ ߡߍ߲ ߠߎ߬ ߦߋ߫ ߣߝߊ߬ ߓߊ߫ ߣߌ߫ ߞߎ߲߬ߠߊߓߊߟߌ ߘߐ߫، ߊ߬ ߣߌ߫ ߞߊ߬ ߓߍ߫ ߞߍߕߊ߫ ߣߌ߫ ߟߊߓߊ߲߫ ߘߐ߫.
ߒߠߋ ߞߏ߬ߣߌ߲߬߸ ߒ ߘߌ߫ ߒ ߠߊ߫ ߗߋߞߊ߲ ߣߌ߲߬ ߘߐ߫ ߛߊߓߎ ߟߎ߬ ߘߐ߫ ߒ ߠߊ߫ ߦߟߌߓߌ߬ߟߊ߬ߝߋ߲ ߞߏߟߊߕߍ߫߸ ߡߊ߰ߢߐ߲߬ߞߊ߲ ߞߎ߲߬ߘߐ߬ߕߊ ߣߌ߲߬ ߦߋ߫߸ ߏ߬ ߡߍ߲ ߡߐ߱ ߓߍ߯ ߦߋ߫ ߗߋߥߊ߫ ߟߴߊ߬ ߟߊ߫.
ߘߏ߫ ߦߴߊ߬ߟߎ߫ ߘߐ߫ ߸ ߏ߬ ߞߊ߬ ߛߌߦߊߡߊ߲߫ ߛߐ߬ߘߐ߲߬ ߏ߬ ߘߐ߫ ߞߊ߬ ߓߊߟߌ߫ ߘߌߦߊߡߊ߲߫ ߞߍ߫ ߊ߬ ߣߌ߫ ߓߊߟߌ߫ ߢߌ߬ߡߊ߲߫، ߘߏ߫ ߘߏ߲߬ ߦߴߊ߬ߟߎ߫ ߘߐ߫ ߸ ߏ߬ ߓߊ߯ ߓߣߐ߬ ߏ߬ ߓߍ߯ ߟߊ߫ ߞߊ߬ ߓߊߟߌ߫ ߜߟߍ߬ߦߊ߬ߡߊ ߞߍ߫ ߊ߬ ߣߌ߫ ߕߏ߰ߙߏ߬ߕߐ ߟߎ߬ ߟߊ߫ ߓߊߟߌ، ߘߏ߫ ߘߏ߲߬ ߦߴߊ߬ߟߎ߫ ߘߐ߫ ߸ ߏ߬ ߦߋ߫ ߝߌ߬ߟߊ ߕߍߡߊ߬ ߸ ߞߊ߬ ߓߍ߲߬ ߊ߬ ߟߊ߫ ߛߎߘߊ߲ߓߊ߰ߦߊ ߞߎ߲߬ߠߊ߫. ߊߟߊ߫ ߟߋ߬ ߓߍ߲߬ߒ߬ߛߋ߲߬ߡߊߟߊ ߘߌ߫، ߊ߬ ߣߌ߫ ߘߍ߬ߡߍ߲߬ߢߌߣߌ߲߫ߠߊ ߤߙߊ ߓߍ߯ ߞߊ߲ߡߊ߬ ߣߌ߫ ߖߎ߯ߡߊ߲ ߓߍ߯ ߘߏ߲߬ߞߏ߬߸ߌ ߞߊ߲ߡߊ߬.
ߞߎ߲ߠߊߘߊ߲߫: ߟߌ߬ߡߣߊ߬ߦߊ ߣߌ߫ ߓߊ߯ߙߊ ߢߌ߬ߡߊ
ߒ߬ߓߊ߬ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߞߌ߬ߓߊ߬ߙߏ߫ ߘߌ߫ ߊ߬ ߣߌ߫ ߞߊ߬ ߟߊߒߠߦߊߓߊ߯ ߢߌ߬ߡߊ߬ ߞߍ߬ߟߊ ߟߎ߬ ߦߟߌߡߊߘߌߦߊ߫، ߞߏ߫ ߢߣߊߡߊ߫ ߢߌߡߊ ߦߴߊ߬ߟߎ߬ ߦߋ߫ ߓߏ߲ ߣߌ߲߬ ߘߐ߫، ߊ߬ ߣߌ߫ ߛߊ߬ߙߊ ߢߌߡߊ ߦߴߊ߬ߟߎ߬ ߦߋ߫ ߓߏ߲ ߣߌ߲߬ ߘߐ߫ ߊ߬ ߣߌ߫ ߓߟߏߕߍ߰ߓߊߟߌ ߓߏ߲ ߘߐ߫.
ߏ߬ ߛߊߓߎ ߘߐߞߣߍߣߍ߲߫ ߠߋ߬، ߓߊ ߟߌ߬ߡߣߊ߬ߦߊ߬ߓߊ߮ ߟߎ߬ ߡߍ߲ ߠߎ߬ ߟߊߣߍ߲߫ ߊߟߊ߫ ߟߊ߫ ߟߌ߬ߡߣߊ߬ߦߊ ߕߋߟߋ߲ߣߍ߲ ߠߊ߫، ߡߍ߲ ߦߋ߫ ߓߊ߯ߙߊ ߢߌߡߊ߲ ߘߌߦߊߜߏߦߊ߫ ߟߊ߫ ߸ ߊ߬ ߣߴߊ߬ ߦߋ߫ ߛߣߐ߬ߡߍ ߟߎ߬ ߣߌ߫ ߖߌ߬ߒ߬ߘߊ ߟߎ߬ ߣߌ߫ ߞߌߢߍ߫ ߣߌ߫ ߛߎ߯ߟߊ߫ ߟߊߢߊ߬ ߟߊ߫، ߏ߬ ߟߎ߫ ߓߟߏ߫ ߞߎߡߊ߲ߞߎߡߊ߲ ߠߎ߬ ߣߌ߫ ߛߌ߰ߦߌ߬ߟߊ߲ ߠߎ߬ ߟߋ߬ ߸ ߊ߬ߟߎ߬ ߦߋ߫ ߝߋ߲ ߓߍ߯ ߡߊ߲߬ߞߊ߲߬ ߠߴߏ߬ ߟߎ߫ ߟߊ߫ ߡߍ߲ ߦߋ߫ ߣߵߊ߬ߟߎ߫ ߡߊ߬ ߸ ߞߊ߬ ߓߐ߫ ߘߌ߬ߢߍ ߣߌ߫ ߖߍ߰ߟߍ ߛߊߓߎ ߟߎ߬ ߘߐ߫، ߊ߬ ߣߌ߫ ߖߎ߬ߛߎ߬ߟߊ߲ ߣߌ߫ ߞߐ߲߬ߠߊ߬ߝߎ ߣߌ߫ ߛߎ߲߬ߎ߲ ߛߊߓߎ ߟߎ߬ ߘߐ߫.
ߊ߬ߟߎ߬ ߦߋ߫ ߞߊ߬ߣߌ߬ߦߊ߬ߝߋ߲ ߟߎ߬ ߣߌ߫ ߖߍ߲ߛߍ߲ߦߊ߬ߝߋ߲ ߠߎ߬ ߡߊߓߌ߬ߟߊ߬ ߟߊ߫ ߊ߬ ߘߐ߲߬ߖߊ߬ߟߌ ߟߋ߬ ߟߊ߫، ߣߴߊ߬ ߞߏߢߌߡߊߟߐ߲ ߠߊ߫، ߣߴߊ߬ ߟߊߓߊ߯ߙߊ߫ ߟߊ߫ ߝߋ߲߫ ߢߊ߬ߓߊ߮ ߘߐ߫. ߣߴߊ߬ߟߎ߫ ߞߵߊ߬ ߟߊߓߊ߯ߙߊ߫ ߢߊ ߣߌ߲߬ ߠߊ߫߸ ߏ߬ ߘߌ߫ ߞߏߓߊ ߟߎ߫ ߘߌ߲߬ߞߵ ߊ߬ߟߎ߬ ߦߋ߫ ߸ ߦߏ߫ ߖߍ߲ߛߍ߲ߦߊ ߊ߬ ߟߊ߫ ߸ߊ߬ ߣߌ߫ ߣߊ߬ߡߊ߬ߦߊ ߊ߬ ߕߏߟߌ ߣߴߊ߬ ߓߙߊߞߊ ߘߐ߫ ߸ߊ߬ ߣߌ߫ ߞߏߢߌߡߊߟߐ߲ߓߊ߯ ߟߎ߫ ߟߊ߫ ߛߙߊ߬ ߡߊߖߌ߰ߦߊ߬ߟߌ ߸ ߡߍ߲ ߓߊ߲߬߸ߊ߬ ߣߴߊ߬ ߟߊ߫ ߤߙߊ ߟߎ߬ ߣߴߊ߬ ߓߙߊߞߊ ߟߎ߬ ߟߊ߫ ߖߍ߲ߛߍ߲ߦߊ ߏ߬ ߟߎ߫ ߞߊ߲߬ ߡߍ߲ ߠߎ߬ ߦߋ߫ ߏ߬ ߟߊ߫ ߦߙߌߘߋ߲ ߘߌ߫.
ߊ߬ߟߎ߬ ߦߋ߫ ߞߐ߲߬ߛߐ߲߬ߞߐ߲߬ߛߐ߲߬ ߟߎ߫ ߣߌ߫ ߕߙߐ߫ ߟߎ߫ ߣߌ߫ ߛߌ߲߬ߞߐ߲߬ߞߐ߲߬ ߟߎ߫ ߣߌ߫ ߖߘߍ߬ߟߊ߬ߞߎߟߎ߲߬ ߟߎ߬ ߟߊߓߊ߬ߕߏ߫ ߟߊ߫߸ ߞߵߊ߬ ߟߊߕߊ߲߬ߞߌ߫ ߊ߬ߟߎ߬ ߛߍ߲߫ ߡߍ߲ ߠߊ߫߸ ߊ߬ ߣߌ߫ ߞߊ߬ ߡߍ߲ ߟߊߘߐ߯ߦߊ߫ ߊ߬ߟߎ߬ ߛߋ߫ ߘߴߏ߬ ߟߊ߫߸ ߊ߬ ߣߌ߫ ߡߎ߬ߢߎ߲߬ ߢߌߡߊ߲ ߞߏ ߟߎ߫ ߡߊ߬ ߓߏ߬ߟߌ߬ ߦߌߟߊ߫ ߕߍ߫ ߊ߬ߟߎ߬ ߦߋ߫ ߡߍ߲ ߠߎ߬ ߘߐ߫. ߏ߬ ߟߋ ߟߊ߫߸ ߊ߬ߟߎ߬ ߦߋ߫ ߟߊ߬ߕߊ߲߬ߞߌ߬ߟߌ ߣߝߊ߬ߡߊ ߣߌ߫ ߞߏߟߊߦߟߊߡߊ ߣߌ߫ ߝߊ߲߬ߞߊ߲߬ ߛߐ߬ߘߐ߲߬߬ ߟߊ߫ ߞߐ߲߬ߛߐ߲߬ߞߐ߲߬ߛߐ߲߬ ߟߎ߬ ߟߊ߫ ߞߏߕߊ߲ ߘߐ߫، ߊ߬ ߣߌ߫ ߡߎ߬ߢߎ߲߬ ߣߌ߫ ߛߙߊ ߖߌ߰ ߟߊ߫ ߸ ߞߏߓߊ ߟߎ߬ ߦߋ߫ ߛߐ߬ߘߐ߲߬߬ ߟߊ߫ ߊ߬ߟߎ߬ ߦߋ߫߸ ߡߍ߲ ߠߎ߬ ߦߋ߫ ߞߐ߲߬ߛߐ߲߬ߞߐ߲߬ߛߐ߲߬ ߟߎ߬ ߟߊߥߟߌ߬ ߟߊ߫߸ ߞߊ߬ ߛߍߥߊߟߌ ߟߎ߬ ߣߌ߫ ߖߌ߰ߦߊ߬ ߢߌߡߊ߲ ߠߎ߬ ߣߵߏ߬ ߟߎ߬ ߦߌߟߊ ߡߌ߬ߘߊ߫߸ ߊ߬ ߣߌ߫ ߢߊ߬ߕߣߊ߫ ߊߟߊ߫ ߟߊ߫ ߢߊ߬ߒ߬ߡߊ߬ߣߍ߲ ߣߴߊ߬ ߟߊ߫ ߛߙߊ ߘߐ߫، ߦߏ߫ ߖߐ߫ ߟߊ߬ߝߐ߬ߓߊ߮ (ߞߛߌ ߣߌ߫ ߣߍߡߊ ߦߴߊ߬ ߢߍ߫) ߞߵߏ߬ ߟߊ߬ߝߍ߬ ߞߎߡߊߞߊ߲߫ ߘߍ߲߬ߞߣߍ߬ߦߊ߬ߣߍ߲ ߘߐ߫ ߸ ߊ߬ ߞߵߊ߬ ߝߐ߫ ߞߏ߫: «ߟߌ߬ߡߣߊ߬ߦߊ߬ߓߊ߮ ߟߊ߫ ߞߏߢߊ ߦߋ߫ ߞߓߊߞߏߓߊ ߟߋ߬ ߘߌ߫، ߊ߬ ߟߊ߫ ߞߏ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߦߋ߫ ߤߙߊ߫ ߟߋ߬ ߘߌ߫، ߣߌ߫ ߛߥߊߞߏ ߞߵߊ߬ ߟߊߛߐ߬ߘߐ߲߬ ߊ߬ ߘߴߊߟߊ߫ ߕߊ߲߬ߘߏ߬ ߏ߬ ߘߌ߫ ߞߍ߫ ߤߙߊ߫ ߘߴߊ߬ ߦߋ߫، ߣߌ߫ ߡߊ߲߬ߕߙߐ߫ ߞߵߊ߬ ߟߊߛߐ߬ߘߐ߲߬ ߊ߬ ߘߴߊ߬ ߡߎ߬ߢߎ߲߬ ߏ߬ ߘߌ߫ ߞߍ߫ ߤߙߊ߫ ߘߴߊ߬ ߦߋ߫، ߏ߬ ߡߊ߫ ߞߍ߫ ߡߐ߰ߛߌ߫ ߞߋߟߋ߲߫ ߦߋ߫ ߝߏ߫ ߟߌ߬ߡߣߊ߬ߦߊ߬ߓߊ߮» ߡߎߛߑߟߌߡߎ߲߫ ߞߵߏ߬ ߟߊߞߊ߬ߟߌ߬.
ߟߊ߬ߝߐ߬ߓߊ߮ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߵߊ߬ ߟߊ߬ߞߟߌ߬ ߞߏ߫ ߟߊߒߠߦߊߓߊ߮ ߟߊ߫ ߣߝߊ ߣߴߊ߬ ߟߊ߫ ߤߙߊ ߣߴߊ߬ ߟߊ߫ ߓߊ߯ߙߊ ߟߎ߬ ߟߊ߫ ߛߊ߬ߥߊ߬ߓߊ ߦߋ߫ ߛߌߦߊߡߊ߲߫ ߠߊ߫ ߛߍߥߊ ߣߌ߫ ߡߊ߲߬ߕߙߐ ߘߐ߫ ߡߍ߲ ߓߍ߯ ߓߊ߯ ߊ߬ ߛߐ߬ߘߐ߲߬. ߏ߬ ߟߋ ߞߏߛߐ߲߬ ߸ ߌ ߦߴߊ߬ ߝߍ߬ߟߍ߬ ߟߊ߫ ߞߏ߫ ߡߐ߰ ߝߌ߬ߟߊ߫ ߸ ߤߙߊ߫ ߞߏ ߥߟߊ߫ ߖߎ߯ߡߊ߲߫ ߞߏ ߘߏ߫ ߓߊ߯ ߊ߬ߟߎ߫ ߟߊߛߐ߬ߘߐ߲߬߸ ߊ߬ߟߎ߬ ߟߊ߫ ߞߏ߬ߟߌ߬ߡߊ߬ߟߊ߲߬ߢߊ ߘߌ߫ ߝߘߊ߫ ߝߘߊߟߌ ߓߟߋ߬ߓߟߋ߫ ߟߊ߫. ߏ߬ ߘߏ߲߬ ߞߊߕߎ߲߬ ߊ߬ߟߎ߬ ߟߊ߫ ߝߘߊߟߌ ߟߋ߬ ߟߊ߫ ߟߌ߬ߡߣߊ߬ߦߊ ߣߌ߫ ߓߊ߯ߙߊ߫ ߢߌߡߊ߫ ߘߐ߫. ߡߐ߱ ߣߌ߲߬ ߡߍ߲ ߟߊ߬ߝߐ߬ߣߍ߲߬ ߖߊ߬ߕߋ ߝߌ߬ߟߊ ߣߌ߲߬ ߠߊ߫߸ ߏ߬ ߦߋ߫ ߤߙߊ ߣߌ߫ ߖߎ߯ߡߊ߲߫ ߡߊ߬ߓߟߏ߬ߟߊ߫ ߞߏߢߌߡߊߟߐ߲ ߣߌ߫ ߡߎ߬ߢߎ߲ ߠߊ߫ ߸ ߊ߬ ߣߌ߫ ߡߍ߲ ߦߴߏ߬ ߝߌ߬ߟߊ ߣߐ߬ߟߊ߬߸ ߏ߬ ߓߊ߯ ߞߍ߫ ߘߌ߬ߢߍ ߣߌ߫ ߣߍߡߊ ߘߌ߫ ߛߐ߬ߘߐ߲߬ ߊ߬ ߟߊ߫߸ ߊ߬ ߣߌ߫ ߛߌ߬ߣߴߊ߬ߦߊ ߣߌ߫ ߕߍ߰ߟߊ ߣߌ߫ ߞߊ߲ߞߊ߲ߠߊ ߣߌ߫ ߛߌߣߍ߲ߜߍ߲߬ߦߊ ߣߌ߫ ߓߊߟߏ ߟߊ߫ ߕߏߙߏ ߓߐ߫ ߟߊ߫߸ ߊ߬ ߣߌ߫ ߓߊߟߏ ߢߌ߬ߡߊ ߘߌ߫ ߘߊ߬ߓߊ߫ ߊ߬ ߦߋ߫ ߘߎߢߊ߫ ߣߌ߲߬ ߘߐ߫. ߕߐ߬ߟߊ ߜߘߍ߫ ߦߋ߫ ߞߊ߲߬ߣߌ߲ ߝߋ߲ ߠߎ߬ ߡߊߞߍ߬ߟߍ߲߬ ߞߍ߫ ߟߊ߫ ߖߎ߯ߦߊ ߣߌ߫ ߖߘߍ߬ߥߊ߬ߦߊ ߣߌ߫ ߕߊ߬ߡߌ߲߬ߠߊ߬ߦߊ ߟߊ߫. ߏ߬ ߓߊ߯ ߊ߬ ߟߊ߫ ߖߏ ߟߎ߬ ߥߙߎߞߌ߫ ߸ ߊ߬ ߘߴߊ߬ߟߎ߫ ߡߊߞߍ߬ߟߍ߲߬ ߞߍ߫ ߦߏ߫ ߓߌߦߊ߲ ߠߎ߬ ߢߊ ߡߍ߲ ߥߊ߬ߛߏ ߣߌ߫ ߖߡߊߙߌ ߟߊ߫߸ ߏ߬ ߓߍ߯ ߘߌ߫ ߊ߬ ߛߣߐ߬ߡߍ ߕߍ߫ ߡߊ߬ߝߎ߬ߟߋ߲߬ߠߊ ߘߌ߫߸ ߓߊ߬ߙߌ߬ ߊ߬ ߓߊߟߊ߲߬ߓߊߟߊ߬ߣߍ߲߫ ߠߋ߬ ߝߊ߲߭ ߓߊߣߊߣߊ߲ ߠߎ߬ ߘߐ߫، ߓߊߟߊ߲߬ߓߊߟߊ߬ߣߍ߲ ߊ߬ ߟߊ߫ ߛߌߟߊ߲ ߝߍ߬ ߊ߬ ߞߊ߲߬ߣߌ߲ ߝߋ߲ ߠߎ߬ ߓߟߏߓߊߟߌߦߊ ߞߊ߲߬߸ ߊ߬ ߣߌ߫ ߞߐ߲߬ߕߐ߬ߣߐ߲߬ߞߐ߲߬ߠߊ ߟߎ߬ ߟߊߛߌߦߊߦߊ ߝߍ߬ ߡߍ߲ ߦߋ߫ ߓߏ߫ ߟߴߏ߬ ߘߐ߫ ߞߍ߬ߟߍ ߘߐ߫߸ ߊ߬ ߣߌ߫ ߞߊ߬ ߓߐ߫ ߝߊ߲߭ ߏ߬ ߘߐ߫ ߸ ߞߏ߫ ߣߌ ߟߎ߬ ߕߍ߫ ߟߐ߬ ߟߊ߫ ߘߊ߲ߞߊ߫ ߘߐ߫ ߸ ߓߊ߬ߙߌ߬ ߏ߬ ߟߎ߬ ߦߋ߫ ߞߏ߫ ߜߘߍ߫ ߟߎ߫ ߟߋ߬ ߣߊ߬ߞߊ߬ߣߍ߲߫ ߠߊ߫ ߕߎ߬ߡߊ ߓߍ߯ ߸ ߡߍ߲ ߠߎ߬ ߘߌ߫ ߛߐ߬ߘߐ߲߫ ߥߟߊ߫ ߊ߬ߟߎ߬ ߞߊߣߊ߬ ߛߐ߬ߘߐ߲߫߸ ߣߴߊ߬ ߛߐ߬ߘߐ߲߫ ߘߊ߫ ߞߐ߲߬ߞߐ߬ߕߊ߲߬ߝߍ߬ ߸ ߊ߬ ߦߋ߫ ߖߌ߰ߛߊ߯ߦߊ߬ ߟߊ߫ ߕߎ߲߬ ߝߊ߲߭ ߝߐߣߍ߲ ߏ߬ ߟߎ߫ ߟߋ߫ ߞߊ߲߬. ߊ߬ ߘߏ߲߬ ߦߋ߫ ߞߐ߲ߞߐ߫ ߝߋ߲ ߠߎ߬ ߡߊߞߍ߬ߟߍ߲߬ ߞߍ߫ ߟߊ߫ ߖߌ߰ߛߊ߯ߦߊ ߣߌ߫ ߡߎ߬ߢߎ߲ߓߊߟߌߦߊ ߣߌ߫ ߛߌߟߊ߲ ߣߌ߫ ߞߐ߬ߛߏ߲߬ߧߊ ߟߊ߫. ߒ߬ߓߊ߬ ߌ ߞߊߣߊ߬ ߢߌ߬ߣߌ߲ߞߊ߬ߟߌ ߞߍ߫ ߘߎߢߊ߫ ߞߐ߲߬ߞߐ߬ߓߊ ߞߊ߲߬ ߡߍ߲ ߓߍ߲߬ߢߐ߲߯ߦߊ߬ߣߍ߲߫ ߊ߬ ߡߊ߬߸ ߊ߬ ߣߌ߫ ߖߌ߰ߦߊ ߟߊ߫ ߖߌ߰ߙߌ߬ߖߐ߯ߙߐ ߟߎ߬ ߣߌ߫ ߝߊ߬ߛߏ߬ߖߌ߰ߙߌ ߟߎ߬߸ ߊ߬ ߣߌ߫ ߛߌߟߊ߲ ߡߍ߲ ߘߌ߫ ߛߋ߫ ߊ߬ ߘߌ߫ ߞߏ߫ ߖߎ߯ߓߊ߫ ߟߎ߫ ߣߌ߫ ߡߊ߬ߞߊ߬ߙߌ߲߬ߕߊ߲ ߘߐ߬ߜߍ ߟߎ߬ ߘߐ߫؛ ߝߊ߬ߣߌ߲߬ߛߊ߫ ߛߙߊ߬ ߡߊ߬ߞߐ߬ߣߐ߲߬ߠߌ߲ ߕߴߊ߬ ߦߋ߫߸ ߡߎ߬ߢߎ߲ ߝߣߊ߫ ߕߴߊ߬ ߓߟߏ߫ ߡߍ߲ ߘߴߊ߬ ߟߊߘߊ߲߬ߘߊ߫ ߊ߬ ߡߊ߬ ߞߵߊ߬ ߟߊߣߐ߰ߦߊ߫.
ߒ߬ߓߊ߬ ߣߌ߲߬ ߓߍ߯ ߦߋ߫ ߦߋߟߌ߫ ߟߊ߫ ߞߏ߬ߟߊ߬ߞߏ ߟߋ߬ ߟߊ߫، ߣߌ߲߬ ߢߐ߲߰ߞߏ߫ ߟߋ߬ ߡߊ߬ߦߌ߬ߘߊ߬ߞߏ ߞߋߟߋ߲߫ ߣߴߌ ߞߵߊ߬ ߞߐߡߊߓߌ߲߬ߓߌ߲߫ ߞߵߊ߬ ߟߊߖߌ߰ ߡߐ߱ ߟߎ߬ ߟߊ߫ ߞߏ߬ߦߊ ߟߎ߬ ߞߊ߲߬، ߌ ߘߌ߫ ߘߊ߲߬ߝߘߊ߬ߓߐ߫ ߓߟߋߓߟߋ ߦߋ߲߫ ߟߌ߬ߡߣߊ߬ߦߊ߬ߓߊ߮ ߕߍ߫ ߡߍ߲߫ ߦߋ߫ ߓߊ߯ߙߊ߫ ߟߊ߫ ߊ߬ ߟߊ߫ ߟߌ߬ߡߣߊ߬ߦߊ ߣߊ߬ߣߍ߲ߢߊ ߟߊ߫، ߊ߬ ߣߌ߫ ߡߍ߲߫ ߕߍ߫ ߏ߬ ߢߊ ߟߊ߫، ߏ߬ ߦߋ߫ ߞߏ߫ ߘߌ߯ߣߊ ߦߋ߫ ߡߐ߱ ߟߎ߬ ߟߊߛߎߥߊ߫ ߟߊ߫ ߛߎߥߊ߬ߟߌ߫ ߓߟߋߓߟߋ ߟߊ߫ ߞߊ߲߫ߞߎߟߎ߲ߧߊ ߞߊ߲߬ ߊߟߊ߫ ߟߊ߫ ߤߊ߬ߙߌ߬ߖߍ߮ ߡߊ߬، ߊ߬ ߣߌ߫ ߝߋ߲߫ ߡߊ߬ ߡߍ߲߫ ߊ߬ ߞߊ߬ ߖߐ߲߫ ߟߎ߬ ߛߐ߫ ߞߊ߬ ߓߐ߫ ߊ߬ ߟߊ߫ ߢߊ߬ߒ߬ߡߊ߬ߟߌ ߣߴߊ߬ ߟߊ߫ ߞߊ߬ߙߊ߲ߡߐ߯ߦߊ߫ ߘߐ߬ߛߎߘߐߛߎ ߘߐ߫.
ߒ߬ߓߊ߬ ߟߌ߬ߡߣߊ߬ߦߊ߬ߓߊ߮ ߸ ߣߴߊ߬ ߞߘߐߓߌߟߊ߬ߣߴߊ߬ ߟߊ߫ ߖߊ߲߬ߞߊ߬ߙߏ ߥߟߊ߫ ߝߊ߲߬ߕߊ߲ߓߊߟߌߦߊ ߟߊ߫، ߥߟߊ߫ ߏ ߢߐ߲߰ߡߊ ߡߍ߲ ߠߎ߬ ߘߌ߫ ߓߋ߫ ߡߐ߰ ߓߍ߯ ߞߊ߲߬، ߒ߬ߓߵߊ߬ ߟߊ߫ ߟߌ߬ߡߣߊ߬ߦߊ ߣߴߊ߬ ߟߊ߫ ߖߛߎ߬ߓߊ߬ߣߍ߲߬ߧߊ ߣߌ߫ ߘߌ߬ߢߍ ߟߋ߬ ߟߊ߫ ߊߟߊ߫ ߞߊ߬ ߡߍ߲ ߘߌ߬ߣߍ߲߬ ߊ߬ ߦߋ߫ ߏ߬ ߡߊ߬، ߊ߬ ߖߛߎ ߘߌ߫ ߛߎߡߊ߫، ߊ߬ ߖߛߎ ߕߍ߫ ߢߊߣߌ߲߫ ߠߊ߫ ߞߏ߫ ߟߊ߫ ߡߍ߲ ߡߊ߫ ߟߊ߬ߕߍ߰ ߊ߬ ߦߋ߫، ߊ߬ ߦߋ߫ ߝߟߐ߫ ߟߊ߫ ߡߍ߲ ߦߴߊ߬ ߞߘߐ߫، ߊ߬ ߕߍ߫ ߝߟߐ߫ ߟߊ߫ ߡߍ߲ ߞߊ߬ ߞߊ߲߫ ߊ߬ ߞߊ߲߬، ߊ߬ ߣߌ߫ ߛߌ߬ߣߊ߲߬ߞߎ߲߫ ߸ ߊ߬ ߟߊ߫ ߖߍ߲߬ߛߍ ߣߌ߫ ߘߌ߬ߢߍ ߣߴߊ߬ ߟߊ߫ ߟߊߝߙߍ ߦߋ߫ ߓߐ߲߬ߧߊ߬ ߟߊ߫ ߞߊ߬ ߕߊ߬ߡߌ߲߫ ߡߐ߰ ߞߊ߲߬ ߡߍ߲ ߞߊ߬ ߘߎߢߊ߫ ߟߊ߫ ߢߌߣߌ߲߫ ߓߍ߯ ߛߐ߬ߘߐ߲߬، ߣߴߊ߬ ߡߊ߫ ߖߛߎ߬ߓߊ߬ߣߍ߲߬ߧߊ ߛߐ߬ߘߐ߲߬.
ߡߐ߱ ߡߍ߲ ߓߊ߯ߙߊߓߊߟߌ ߦߋ߫ ߟߊߒߠߦߊ ߟߊ߫ ߢߍߢߌߣߌ߲ߠߊ߫، ߣߴߊ߬ ߟߊߘߌߦߊ߫ ߘߊ߫ ߓߟߏߞߏߟߏ߲ߦߊ ߘߏ߫ ߝߍ߬، ߥߟߴߊ߬ ߓߣߐ߫ ߘߊ߫ ߘߎߢߊ߫ ߡߊ߬ߢߍ߯ߙߍ ߘߏ߫ ߟߎ߫ ߟߊ߫، ߌ ߘߴߏ߬ ߛߐ߬ߘߐ߲߬ ߖߎ߯ߡߊ߲ߦߊ߬ ߓߊ ߣߌ߫ ߕߏߙߏ߫ ߟߊ߫ ߓߊ߲ߓߊ߲ ߘߐ߫.
ߟߊߒߡߊ ߜߘߍ߫ ߘߏ߲߬: ߣߌ߫ ߛߌߟߊ߲ߞߏ ߛߊߓߎ ߟߎ߬ ߞߍ߫ ߘߊ߫߸ ߊ߬ ߣߌ߫ ߞߏ߫ ߟߊߞߐ߬ߘߐ߬ߜߍ߬ߦߊ߬ߟߊ߲ ߠߎ߬ ߓߋ߫ ߘߊ߫ ߡߐ߱ ߞߊ߲߬߸ ߌ ߘߌߣߊ߫ ߟߌ߬ߡߊ߲ߣߊ߫ ߕߎ߲߬ߣߍ߲߬ߓߊ߮ ߛߐ߬ߘߐ߲߬ ߠߊ߫ ߊ߬ ߖߛߎ߬ߞߎ߲ ߟߊߕߊ߲߬ߞߊ߬ߣߍ߲߫ ߸ ߊ߬ ߣߌ߫ ߟߊߝߙߍߣߍ߲߫߸ ߊ߬ ߓߟߏߡߊߕߌ߰ߣߍ߲߫ ߞߏ ߏ߬ ߡߙߊߟߌ ߣߴߊ߬ ߘߐߓߍ߲ ߠߊ߫ ߡߍ߲ ߓߋ߫ ߘߊ߫ ߊ߬ ߞߊ߲߬ ߞߊ߬ ߓߍ߲߬ ߊ߬ ߟߊ߫ ߛߋߓߊ߬ߦߊ ߞߊ߲߬ ߤߊ߲ߞߟߌ ߣߌ߫ ߞߎߡߊ ߣߌ߫ ߞߍߟߌ ߘߐ߫߸ ߊ߬ ߓߘߴߊ߬ ߖߍ߬ߘߍ ߓߊ߲ߓߊ߲߫ ߞߏ߫ ߟߊߞߐ߬ߘߐ߬ߜߍ߬ߦߊ߬ߟߊ߲ ߣߌ߲߬ߕߊ ߢߍ߫، ߒ߬ߓߊ߬ ߸ ߢߊ߬ ߣߌ߲߬ ߠߎ߬ ߟߋ߬ ߦߋ߫ ߡߐ߱ ߟߊߝߙߍ߫ ߟߊ߫ ߞߵߊ߬ ߖߛߎ߬ߞߎ߲ ߟߊߕߊ߲߬ߞߊ߫ ߟߊ߫.
ߦߏ߫ ߌ ߘߌ߫ ߟߌ߬ߡߣߊ߬ߦߊ߬ߓߊߟߌ ߛߐ߬ߘߐ߲߬ ߠߊ߫ ߣߌ߲߬ ߞߐߝߍ߬߸ ߣߌ߫ ߛߌߟߊ߲ߞߏ ߟߎ߬ ߓߊ߯ ߞߍ߫߸ ߊ߬ ߖߌ߰ߛߌ ߘߌ߫ ߜߊ߬ߙߊ߲߬ߞߊ߫߸ ߊ߬ ߘߌ߫ ߞߊ߬ߛߊ߫߸ ߊ߬ ߟߊ߫ ߞߐ߬ߡߊ߬ߤߊ߲߬ߞߏ ߟߎ߬ ߘߌ߫ ߥߊ߬ߦߊߥߊ߬ߦߊ߫߸ ߛߌߟߊ߲ ߣߌ߫ ߖߘߐ߬ߣߊ ߘߌ߫ ߘߏ߲߬ ߊ߬ ߘߐ߫. ߞߊ߬ ߞߊ߲ߡߊ߬ ߛߌߟߊ߲ ߣߌ߫ ߞߣߐ߫ ߞߐ߬ߛߌ߰ߣߍ߲ ߟߊ߬ߘߍ߬ ߊ߬ ߞߊ߲߬߸ ߡߍ߲ ߕߍ߫ ߝߐ߫ ߟߊ߫ ߊ߬ ߞߎ߲߬ߠߊߝߎߟߋ߲ ߡߊ߬. ߡߐ߱ ߦߏ߫ ߣߌ߲߬ ߠߎ߬ ߸ ߣߌ߫ ߞߏ߫ ߘߊ߲߬ߞߊ߲߫ ߘߏ߫ ߡߊ߫ ߛߐ߬ߘߐ߲߬ ߊ߬ߟߎ߬ ߦߋ߫ ߡߍ߲ ߦߋ߫ ߞߊߟߊ߲ ߛߌߦߊߡߊ߲߫ ߡߊߢߍߓߏߟߊ߫߸ ߊ߬ߟߎ߫ ߝߊ߲߬ߞߊ ߘߌ߫ ߓߌ߬ߟߊ߫ ߊ߬ߟߎ߫ ߘߌ߫ ߞߊ߬ߛߊ߫. ߏ߬ ߞߍߕߐ߫ ߟߌ߬ߡߣߊ߬ߦߊ߬ߓߊߟߌߦߊ ߟߋ߬ ߟߊ߫ ߡߍ߲ ߦߋ߫ ߡߐ߱ ߟߊߡߎ߬ߢߎ߲߫ ߠߊ߫߸ ߊ߬ ߘߊ߬ߡߊ߲߬ߛߊ߫ ߕߎ߬ߡߊ ߜߍ߬ߟߍ߲ ߠߎ߬ ߘߐ߫߸ ߊ߬ ߣߌ߫ ߞߏ߫ ߛߎ߬ߣߎ߲ߣߍ߲ ߞߊ߬ߙߊ߲߬ߞߊ߬ߟߊ߲ ߠߎ߬ ߘߐ߫.
ߒ߬ߓߊ߬ ߡߊ߬ߢߌ߬ߡߊ߲߬ߠߊ ߣߌ߫ ߖߎ߬ߒߎ߬ߠߊ߸ ߟߌ߬ߡߣߊ߬ߦߊ߬ߓߊ߮ ߣߌ߫ ߓߊ߲߬ߓߊ߮ ߊ߬ߟߎ߬ ߦߋ߫ ߝߘߊ߫ ߟߊ߫ ߝߊߘߌ߲ߧߊ߫ ߛߐ߬ߘߐ߲߬ߕߊ ߛߐ߬ߘߐ߲߬ߠߌ߲ ߘߐ߫߸ ߊ߬ ߣߌ߫ ߖߊ߰ߡߎ߲ߞߏ ߏ߬ ߘߐ߫ ߡߍ߲ ߦߋ߫ ߛߌߟߊ߲ߞߏ ߟߎ߬ ߟߊߡߊ߬ߣߎ߲߬ ߠߊ߫ ߊ߬ ߣߴߊ߬ ߟߊߟߊ߲ߓߊ߫ ߟߊ߫߸ ߞߏ߬ߣߌ߲߬ ߟߌ߬ߡߣߊ߬ߦߊ߬ߓߊ߮ ߦߋ߫ ߛߎ߬ߡߊ߲߬ߓߊ߬ߦߊ߬ ߟߊ߫ ߊ߬ ߟߊ߫ ߟߌ߬ߡߣߊ߬ߦߊ ߝߊ߲߬ߞߊ ߟߊ߫߸ ߊ߬ ߣߴߊ߬ ߟߊ߫ ߡߎ߬ߢߎ߲߸ ߊ߬ ߣߴߊ߬ ߟߊ߫ ߖߘߌ߲ߞߊ߲ߠߊ߲ ߊߟߊ߫ ߞߊ߲߬ ߊ߬ ߣߴߊ߬ ߖߘߌ߬ߓߊ߬ߟߌ߲ ߊ߬ ߟߊ߫߸ ߊ߬ ߣߴߊ߬ ߟߊ߫ ߛߙߊ߬ ߖߌ߰ߦߊ߬ߟߌ ߊ߬ ߝߍ߬߸ ߞߏ ߟߎ߫ ߡߍ߲ ߠߎ߬ ߦߴߊ߬ ߟߊ߫ ߝߊߘߌ߲ߧߊ ߓߊߟߏ߫ ߟߊ߫߸ ߊ߬ ߣߴߊ߬ ߦߋ߫ ߛߌߟߊ߲ߞߏ ߟߊ߫ ߞߎߟߎ߲߬ߠߊ ߟߊߟߊ߲ߓߊ߫ ߟߊ߫ ߊ߬ ߡߊ߬߸ ߊ߬ ߣߌ߫ ߞߟߊ߬ߓߊ߲ߞߏ ߟߎ߬ ߟߊߡߊ߬ߣߎ߲߬ ߠߊ߫ ߊ߬ ߡߊ߬߸ ߦߏ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߢߊ ߡߍ߲: ﴾...ߣߴߊ߬ ߞߍ߫ ߘߊ߫ ߜߊ߬ ߟߴߊߟߎ߫ ߟߊ߫߸ ߊ߰ ߜߊ߬ ߟߊ߫ ߖߎ߮ ߟߎ߬ ߝߣߊ߫ ߟߊ߫ ߦߏ߫ ߊ߰ ߜߊ߬ ߟߴߊߟߎ߫ ߟߊ߫ ߢߊ ߡߍ߲، ߊߟߎ ߘߏ߲߬ ߖߌ߰ ߦߋ߫ ߝߋ߲߫ ߠߋ߫ ߡߊ߬ ߊߟߊ߫ ߓߟߏ߫ ߘߐ ߏ߬ ߟߎ߬ ߦߟߌ߫ ߕߍ߫ ߡߍ߲ ߠߊ߫...﴿ [ߡߏ߬ߛߏ ߟߎ߬، ߟ:߁߀߄] ߊ߬ ߣߴߊ߬ߟߎ߬ ߦߋ߫ ߝߋ߲߫ ߛߐ߬ߘߐ߲߬ ߠߊ߫ ߊߟߊ߫ ߟߊ߫ ߘߍ߬ߡߍ߲ ߣߴߊ߬ ߟߊ߫ ߘߍ߬ߡߍ߲߬ߠߊ߲ ߓߘߍ߬ߓߘߍߟߊ ߣߴߊ߬ ߟߊ߫ ߞߊ߬ߙߌ߬ߝߊ ߘߐ߫ ߡߍ߲ ߦߋ߫ ߛߌߟߊ߲ ߠߎ߬ ߟߊߥߙߊߥߙߊ߫ ߟߊ߫، ߣߌ߫ ߞߘߐߕߊ߬ߣߍ߲߬ߓߊ ߞߊ߲߫ : {...ߊߟߎ߫ ߦߴߊߟߎ߫ ߡߎ߬ߢߎ߲߫ ߠߋ߬ ߖߐ߫، ߓߊ ߊߟߊ߫ ߦߋ߫ ߡߎ߬ߢߎ߲߬ߓߊ߮ ߟߎ߫ ߟߋ߫ ߝߍ߬} [ߞߐ߲ߛߐ߲ ߠߎ߬، ߟ:߄߆]
ߞߊ߬ ߢߊ߬ߟߌ ߞߍ߫ ߘߊ߲ߝߋ߲ ߠߎ߬ ߟߊ߫, ߝߐߟߌ ߣߌ߫ ߞߍߟߌ ߘߐ߫. ߛߌ߬ߒ߲߬ߞߐ߬ߟߐ߲ ߣߌ߫ ߘߌ߬ߛߡߊ߬ߛߌ ߥߟߌ߬ߟߌ ߞߎ߲߭ ߠߎ߬ ߘߏ߫ ߟߋ߬ ߘߌ߫: ߢߎ߬ߡߊ߬ߦߊ ߘߊ߲ߝߋ߲ ߠߎ߬ ߟߊ߫ ߞߎߡߊ ߣߌ߫ ߓߊ߯ߙߊ ߟߊ߫، ߊ߬ ߣߌ߫ ߢߊ߬ߟߌ ߞߍߢߊ ߝߌ߬ߟߊ߬ߓߊ ߟߎ߬. ߏ߬ ߓߍ߯ ߦߋ߫ ߤߙߊ ߣߌ߫ ߢߎ߬ߡߊ߬ߦߊ ߟߋ߬ ߘߌ߫. ߏ߬ ߟߋ߬ ߟߊ߫ ߊߟߊ߫ ߦߋ߫ ߛߌ߬ߒ߲߬ߞߐ߬ߟߐ߲ ߣߌ߫ ߘߌ߬ߛߡߊ߬ߛߌ ߘߏ߲߬ߞߊ߬ ߟߊ߫ ߡߐ߱ ߢߌߡߊ ߣߌ߫ ߡߐ߱ ߖߎ߯ߡߊ߲ ߡߊ߬ ߊ߬ ߞߊ߲ߡߊ߬ߛߌ߲ ߠߊ߫. ߞߏ߬ߣߌ߲߬ ߟߌ߬ߡߣߊ߬ߦߊ߬ߓߊ߮ ߟߋ߫ ߦߋ߫ ߛߋߞߏ ߘߝߊߣߍ߲ ߛߐ߬ߘߐ߲߬ ߠߊ߫ ߏ߬ ߘߐ߫، ߊ߬ ߦߋ߫ ߟߊ߲߬ߝߊ߬ ߟߊ߫ ߞߏ߫ ߊ߬ ߟߊ߫ ߢߎ߬ߡߊ߬ߦߊ ߏ߬ ߓߐߣߍ߲߫ ߦߋ߫ ߓߎ߰ߓߎ߬ߟߌ ߘߐ߫ ߞߊ߬ ߖߌ߬ߦߊ߬ߟߌ ߞߍ߫ ߊ߬ ߟߊ߫ ߛߊ߬ߙߊ ߟߊ߫.
ߒ߬ߓߊ߬ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߟߊ߬ߓߊ߯ߙߊ߫ ߞߏ߫ ߞߏ ߣߌ߲߬ ߓߍ߯ ߦߋ߫ ߤߙߊ߫ ߟߋ߬ ߘߌ߫ ߞߊ߬ ߓߐ߫ ߡߍ߲ ߓߟߏ߫، ߤߙߊ ߘߏ߲߬ ߦߋ߫ ߤߙߊ߫ ߟߋ߬ ߡߊߣߊ߬ ߟߊ߫، ߊ߬ ߣߴߊ߬ ߦߋ߫ ߖߎ߯ߡߊ߲ ߘߐ߱ߛߊ߫ ߟߊ߫. ߊ߬ ߣߌ߫ ߞߏ߫ ߟߌ߬ߡߣߊ߬ߦߊ߬ߓߊ߮ ߡߍ߲ ߦߴߊ߬ ߟߊ߫ ߢߊ߬ߒߡߊ߭ ߡߊ߬ߞߐ߬ߣߐ߲߬ ߠߊ߫ ߸ ߊߟߊ߫ ߘߴߏ߬ ߛߐ߫ ߢߊ߬ߒߡߊ߭ ߓߟߋ߬ߓߟߋ߫ ߟߊ߫. ߢߊ߬ߒߡߊ߭ ߓߟߋ߬ߓߟߋ ߏ߬ ߞߎߡߊ߲ߘߊ߫ ߘߏ߫ ߟߋ߬: ߛߌ߲߬ߞߊ߲ ߣߌ߫ ߡߊ߬ߛߌ߰ߣߍ߲߬ߦߊ ߣߌ߫ ߞߏߘߐߕߌ߰ߦߊ ߟߎ߬ ߣߴߊ߬ ߢߐ߲߰ߞߏ ߟߎ߬ ߥߟߌߞߊ߫ ߟߊ߫.
ߞߍߟߊ: ߖߘߍ߬ߓߊ߯ߙߊߟߌ ߓߊ߯ߙߊ ߘߏ߫ ߟߊ߫ ߥߟߊ߫ ߟߐ߲ߠߌ߲ ߣߝߊ߬ߡߊ ߘߏ߫ ߟߊ߫
ߞߣߐ߬ߘߐ߬ߝߟߌ ߘߊ߲߬ߘߊ߲߬ߠߌ ߛߊߓߎ ߟߎ߬ ߘߏ߫ ߟߋ߬ ߸ ߏ߬ ߡߍ߲ ߓߐ߫ ߟߊ߫ ߥߟߊߞߏߥߟߊߞߏ ߘߐ߫ ߸ ߊ߬ ߣߌ߫ ߖߛߎ߬ߞߎ߲ ߛߏ߰ߟߊ߲ ߞߣߐ߬ߘߐ߬ߞߏ ߘߏ߫ ߟߎ߬ ߟߊ߫ ߸ ߏ߬ ߦߋ߫ ߞߊ߬ ߖߍ߬ߘߍ ߛߏ߰ߟߊ߫ ߓߊ߯ߙߊ߫ ߘߏ߫ ߟߊ߫ ߥߟߊ߫ ߟߐ߲ߠߌ߲ ߣߝߊ߬ߖߌ߬ߡߊ߫ ߘߏ߫ ߟߊ߫ ߸ ߓߊߏ߬ ߏ߬ ߟߎ߬ ߟߋ߫ ߖߛߎ߬ߞߎ߲ ߝߟߌ߬ ߟߊ߫ ߞߊ߬ ߝߘߊ߫ ߊ߬ ߛߏ߰ߟߊ߲ ߡߊ߬ ߞߏ ߏ߬ ߘߐ߫ ߡߍ߲ ߞߵߊ߬ ߞߣߐ߬ߘߐ߬ߝߟߌ߫. ߘߊ߬ߡߊ߲߬ߘߊ߬ߡߊ߲߬ ߏ߬ ߞߏ߫ ߟߊ߫ ߊ߬ ߦߋ߫ ߢߌ߬ߣߊ߬ ߟߊ߫ ߛߓߊ߬ߓߎ ߟߎ߬ ߡߍ߲ ߞߊ߬ ߤߊߛߍ߬ߙߊ ߣߌ߫ ߖߘߍ߬ߟߊ߬ߛߎ߲ ߓߌ߬ߟߵߊ߬ ߟߊ߫، ߊ߬ ߣߌ ߦߋ߫ ߛߍߥߊ߫ ߟߊ߫، ߊ߬ ߟߊ߫ ߓߊ߬ߟߊ߲ߞߊߦߊ ߦߋ߫ ߓߏ߲߬ߧߊ߫ ߟߊ߫، ߛߓߊ߬ߓߎ ߣߌ߲߬ ߝߣߊ߫ ߦߋ߫ ߓߊߟߏ߬ߣߍ߲߫ ߘߌ߫ ߟߌ߬ߡߣߊ߬ߦߊ߬ߓߊ߮ ߣߴߊ߬ ߜߘߍ߫ ߕߍ߫. ߞߏ߬ߙߌ߬ ߟߌ߬ߡߣߊ߬ߦߊ߬ߓߊ߮ ߦߋ߫ ߕߊ߬ߡߌ߲߬ߕߊ߬ ߟߊ߫ ߊ߬ ߟߊ߫ ߟߌ߬ߡߣߊ߬ߦߊ ߣߴߊ߬ ߟߊ߫ ߞߍߙߍ߲ߞߍߙߍ߲ߠߊ ߣߴߊ߬ ߟߊ߫ ߖߊ߰ߟߌ߬ߢߌߣߌ߲ ߠߊ߫ ߊ߬ ߟߊ߫ ߘߐ߬ߖߊ ߘߐ߫ ߟߐ߲ߠߌ߲ ߏ߬ ߡߊ߬ ߡߍ߲ ߦߴߊ߬ ߞߊ߬ߙߊ߲߬ ߠߊ߫ ߥߟߊ߫ ߞߵߊ߬ ߞߊ߬ߙߊ߲߬ ߠߊ߫، ߊ߬ ߣߌ߫ ߤߙߊ ߞߍߟߌ ߡߊ߬ ߡߍ߲ ߦߴߊ߬ ߞߍ߫ ߟߊ߫، ߣߴߏ߬ ߞߍ߫ ߘߊ߫ ߓߊ߬ߕߏ ߘߌ߫ ߸ ߒ߬ߓߵߏ߬ ߦߋ߫ ߓߊ߬ߕߏ ߟߋ߬ ߘߌ߫، ߣߴߊ߬ ߞߍ߫ ߘߊ߫ ߞߌߢߍ߲߫ ߓߊ߯ߙߊ ߘߌ߫ ߥߟߊ߫ ߟߊ߬ߘߊ ߘߌ߫ ߣߌ߬ߦߊ߬ ߢߌ߬ߡߊ ߣߊ߬ߣߍ߲ ߞߍ߫ ߟߴߏ߬ ߝߍ߬، ߞߊ߬ ߘߍ߬ߡߍ߲߬ߠߌ߲ ߢߌߣߌ߲߫ ߏ߬ ߟߊ߫ ߊߟߊ߫ ߞߊ߲ߓߏߟߏ߲ ߡߊ߬، ߒ߬ߓߊ߬ ߏ߬ ߟߋ ߦߴߊ߬ ߟߊ߫ ߞߍߟߌ߫ ߞߍߕߊ ߟߊߣߊ߲߬ߞߊ߫ ߟߊ߫ ߛߌ߬ߒ߬ߕߊ ߣߌ߫ ߞߣߐ߬ߛߎ߲ ߣߌ߫ ߞߎ߲߬ߠߊ߬ߘߐ߲߬ߞߎ߲߬ߠߊ߬ߘߐ߲ ߟߎ߬ ߓߏ߲߬ߓߐ߲߬ ߘߐ߫، ߓߊߏ߬ ߡߐ߰ ߖߋ߬ߟߌߖߋ߬ߟߌ߫ ߟߋ߬ ߓߊ߬ߙߊ߲߬ߒߘߐ߫ ߘߊ߫ ߖߎ߬ߛߎ ߛߌߟߊ߲ ߣߌ߫ ߞߛߊߞߏ ߟߎ߬ ߟߊߞߘߎ߬ߡߊ ߟߊ߫، ߏ߬ ߞߍ߫ ߘߊ߫ ߖߊ߲߬ߞߊ߬ߙߏ߫ ߕߐ߬ߢߊ߬ߡߊ߲߫ ߠߎ߬ ߓߋ߫ ߟߴߊ߬ ߞߊ߲߬، ߏ߬ ߓߐ߫ ߘߊ߫ ߊ߬ ߟߊ߫ ߝߊ߬ߙߊ߬ ߢߌ߬ߡߊ ߞߍ߫ ߟߊ߫ (ߞߵߊ߬ ߢߌ߬ߣߊ߬ ߛߓߍ ߡߊ߬ ߡߍ߲ ߞߵߊ߬ ߟߊߛߎ߲߬ߞߎ߲߫ ߊ߬ ߣߌ߫ ߞߵߊ߬ ߟߊߖߎ߬ߛߎ ߛߌߟߊ߲߫، ߊ߬ ߣߌ߫ ߞߵߊ߬ ߖߍ߬ߘߍ ߘߐ߬ߖߊ߬ ߊ߬ ߟߊ߫ ߓߊ߯ߙߊ߫ ߜߊ߲߬ߛߊ߲ ߠߎ߬ ߘߏ߫ ߟߊ߫).
ߊ߬ ߞߊ߫ ߞߊ߲߫ ߠߋ߬ ߓߊ߯ߙߊ ߦߋ߫ ߞߍ߫ ߝߋ߲߫ ߘߌ߫ ߡߍ߲ ߣߌ ߦߋ߫ ߘߌ߬ߢߍ߬ ߟߴߊ߬ ߘߐ߫ ߊ߬ ߣߴߊ߬ ߦߋ߫ ߡߊ߬ߞߊ߬ߝߎ߬ ߟߴߊ߬ ߦߋ߫، ߓߊߏ߬ ߣߌ߲߬ ߠߋ߬ ߦߋ߫ ߛߎ߬ߘߎ߲ߡߊ߲߫ ߘߌ߫ ߞߊ߬ ߞߍߙߍߞߍߙߍ ߣߝߊ߬ߓߊ߮ ߣߌ߲߬ ߛߐ߬ߘߐ߲߬، ߊߟߊ߫ ߟߋ߫ ߘߏ߲߬ ߊ߬ ߟߐ߲ߓߊ߮ ߘߌ߫.
ߖߡߊ߬ߙߌ ߓߍ߯ ߟߊߘߍ߬ߟߌ ߓߌ߬ ߟߏ߲ ߓߊ߯ߙߊ ߘߐ߭ ߘߏ߲߫ ߡߊ߬߸ ߝߋ߲߫ ߡߍ߲ ߦߋ߫ ߤߊߡߌ߲ ߣߌ߫ ߖߎ߬ߛߎ߬ߞߊ߲ߞߊ߲ߠߌ ߟߊߕߎ߲߬ߕߎ߲߫ ߠߊ߫߸ ߏ߬ ߦߋ߫ ߖߌ߰ߦߊ ߓߍ߯ ߟߊߘߍ߬ߟߌ ߟߋ߬ ߘߌ߫ ߓߌ߬ ߟߏ߲ ߓߊ߯ߙߊ ߡߊ߬߸ ߞߵߊ߬ ߕߍ߰ ߛߌߣߌ߲߫ ߕߎ߬ߡߊ ߤߊߡߌ߲ ߡߊ߬߸ ߊ߬ ߣߌ߫ ߕߎ߬ߡߊ ߕߊ߬ߡߍ߲ߣߍ߲ ߛߎ߬ߣߎ ߡߊ߬. ߏ߬ ߟߋ ߞߏ߫ ߞߊ߲߬ ߟߊ߬ߝߐ߬ߓߊ߮ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߵߊ߬ ߟߊߞߊ߬ߙߌ߲߬߬ ߤߊߡߌ߲ ߣߌ߫ ߛߎ߬ߣߎ ߡߊ߬߸ ߓߊߏ߬ ߛߎ߬ߣߎ ߕߍ߫ ߣߝߊ߫ ߕߊ߬ ߞߏ߫ ߕߊ߬ߡߍ߲ߣߍ߲ ߠߎ߬ ߡߊ߬ ߡߍ߲ ߠߎ߬ ߡߊ߲߫ ߛߴߊ߬ ߟߊߛߊ߬ߦߌ߬ ߟߊ߫ ߥߟߴߊ߬ ߟߊ߬ߢߊ߬ߟߌ ߟߊ߫߸ ߤߊߡߌ߲ ߡߍ߲ ߣߊ߬ߣߍ߲߫ ߛߌߟߊ߲߫ ߠߋ߬ ߟߊ߫ ߛߌߣߌ߲߫ ߞߏ ߡߊ߬߸ ߏ߬ ߘߌ߫ ߕߙߐ߫ ߟߊ߫. ߏ߬ ߘߐ߫ ߖߐ߲߬ ߦߋ߫ ߞߵߊ߬ ߟߊ߫ ߖߘߍ߬ߞߍ߬ߟߌ ߣߌ߫ ߖߊ߲߬ߝߊ ߟߊߘߍ߬ ߞߵߊ߬ ߟߊ߫ ߓߌ߬ ߟߏ߲ ߣߴߊ߬ ߟߊ߫ ߕߎ߬ߡߊ ߟߊ߬ߢߊ߬ ߟߊ߫. ߓߊߏ߬ ߖߎ߬ߛߎ ߟߊߘߍ߬ߟߌ ߏ߬ ߡߊ߬߸ ߏ߬ ߦߋ߫ ߓߊ߯ߙߊ ߟߎ߬ ߟߊߘߝߊ߫ ߟߊ߫߸ ߖߐ߲߬ ߦߋ߫ ߛߎߥߊ߲ߘߌ߫ ߟߊ߫ ߏ߬ ߟߋ߬ ߟߊ߫ ߤߊߡߌ߲ ߣߌ߫ ߛߎ߬ߣߎ ߡߊ߬. ߟߊ߬ߝߐ߬ߓߊ߮ ߘߏ߲߬( ߕ. ߖ)߸ ߣߴߊ߬ ߞߊ߬ ߘߎ߬ߥߊ߬ߎ ߘߏ߫ ߞߍ߫߸ ߥߟߊ߫ ߞߵߊ߬ ߟߊ߫ ߡߊ߲߬ߕߊ߲߫ ߞߊ߲߬ߘߊ߫ ߘߎ߬ߥߊ߬ߎ ߘߏ߫ ߡߊ߬߸ ߊ߬ ߕߍ߬ߘߴߊ߬ߟߎ߫ ߘߐߛߎ߫ ߟߋ߬ ߟߊ߫߸ ߊߟߊ߫ ߟߊ߫ ߘߍ߬ߡߍ߲߬ߢߌߣߌ߲ ߣߴߊ߬ ߟߊ߫ ߤߌߣߊ ߢߊ߬ߓߌ߬ߟߊ ߝߍ߬߸ ߞߊ߬ ߖߘߍ߬ߡߊ߬ߞߊ߲ ߣߌ߫ ߓߊ߬ߙߊ߬ߓߊ߬ߟߌ ߞߍ߫ ߛߴߊ߬ ߦߋ߫ ߘߎ߬ߥߊ߬ߎ ߞߍ߫ ߟߊ߫ ߡߍ߲ ߛߐ߬ߘߐ߲߬ ߠߊ߫ ߏ߬ ߘߌ߫ ߘߏ߲߬ߤߊ߬ߣߊ߬ߦߊ߫. ߊ߬ ߣߌ߫ ߞߵߊ߬ ߓߌ߬ߟߊ߬ ߞߏ ߟߊ߫ ߡߍ߲ ߡߴ ߊ߬ ߕߘߍ߬ ߦߋ߫ ߘߎ߬ߥߊ߬ߎ ߞߍ߫ ߟߊ߫ ߞߵߏ߬ ߟߊߘߊ߲߬߸ ߓߊߏ߬ ߘߎ߬ߥߊ߬ߎ ߟߊߕߊ߬ߕߊ߬ߣߍ߲߫ ߦߋ߫ ߓߊߙߊ ߝߍ߬. ߖߐ߲߬ ߦߴߊ߬ ߖߘߍ߬ߞߍ߫ ߞߏ ߘߐ߫ ߡߍ߲ ߦߴߊ߬ ߣߝߊ ߟߊ߫ ߘߌ߯ߣߊ ߣߌ߫ ߘߎߢߊ߫ ߘߐ߫߸ ߞߵߊ߬ ߕߌ߱ ߕߙߊ߫ ߞߵߊ߬ ߟߊ߫ ߞߏߢߊ ߟߊߛߋ߫߸ ߊ߬ ߣߴߊ߬ ߦߋ߫ ߘߍ߬ߡߍ߲ ߢߌߣߌ߲߫ ߠߴߊ߬ ߟߊ߫ ߏ߬ ߞߏ ߡߊ߬߸ ߦߏ߫ ߊߟߊ߫ ߟߊ߫ ߞߋߟߊ( ߕ. ߖ.)ߊ߬ ߡߊ߬ ߞߵߊ߬ ߝߐ߫ ߟߊ ߢߊ ߡߍ߲߫: ߌ ߖߌߖߊ߬ ߝߋ߲ߞߊ߲߬ ߡߍ߲߫ ߘߴߌ ߟߢߊ߬، ߡߊ߬ߘߍߡߍ߲ ߢߌߣߴߊߟߊ߫ ߝߍ߬ ߸ ߌ ߞߣߊ߫ ߘߛߍ߫، ߣߌ߫ ߝߋ߲߫ ߡߍ߲ ߞߵߌ ߛߐ߬ߘߐ߲߬ ߌ ߞߣߴߊ߬ ߝߐ߫ ߞߏ߫: ߤߊߟߌ߬ ߒ ߕߍߘߴߊ߬ ߞߍ߫ ߕߊ߲߬ ،ߊ߬ ߣߌ߫ ߕߊ߲߬، ߞߐ߬ߣߌ߲߬ ߦߴߊ߬ ߝߐ ߞߏ߫ ߊߟߊ߫ ߞߊ߬ ߝߋ߲߫ ߠߋ߬ ߟߊߕߍ߰ ߡߍ߲߫ ߞߵߊ߬ ߘߌߦߊ߫، ߓߊߏ߬ ߞߵߊ߬ ߝߐ߫ ߞߏ߫ ߤߊߟߌ߬ ߏ߬ ߦߋ߫ ߜߍ߬ߘߍ ߟߊ߫ ߓߊ߯ߙߊ ߟߋ߬ ߘߊ ߟߊߞߊ߬ ߟߊ߫ ߡߎߛߑߟߌߡߎ߲߫ ߞߵߏ߬ ߟߊߞߊ߬ߟߌ߬. ߊߟߊ߫ ߟߊ߫ ߞߋߟߊ߫ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߊ߬ ߖߌߖߊ ߞߏ߫ ߢߊ߬ߡߊ߲߬ߠߊ ߟߎ߬ ߘߐ߫ ߞߏ߫ ߞߎ߲߬ߘߊ ߓߍ߯ ߘߐ߫߸ ߊ߬ ߣߌ߫ ߡߊ߬ߘߍߡߍ߲ ߢߌߣߌ߲߫ ߊߟߊ߫ ߝߍ߬߸ ߊ߬ ߣߌ߫ ߓߊ߲߬ߠߌ ߘߛߍߟߌ ߡߊ߬ ߡߍ߲ ߦߋ߫ ߛߟߊߦߊ ߡߊ߲߬ߕߙߐ߬ߓߊ߮ ߘߌ߫߸ ߏ߬ ߣߌ߫ ߖߘߍ߬ߞߊ߲߬ߠߌ߲ ߞߏ߫ ߕߊ߬ߡߌ߲߬ߣߍ߲ ߟߊߥߙߏ߬ߣߍ߲ ߟߎ߬ ߡߊ߬߸ ߊ߬ ߣߌ߫ ߊߟߊ߫ ߟߊ߫ ߞߕߌ ߣߴߊ߬ ߟߊ߫ ߟߊ߬ߕߍ߮ ߦߋߟߌ ߡߊ߬ ߟߊߘߍ߬ߣߍ߲߬ ߞߍ߫.
ߊ߬ ߞߊ߬ ߞߏ ߟߎ߬ ߞߍ߫ ߞߎ߲ߠߊߘߊ߫ ߝߌ߬ߟߊ ߘߌ߫: ߞߎ߲ߠߊߘߊ߫ ߘߏ߫ ߖߐ߲߭ ߘߌ߫ ߛߍ߲߬ߓߍ߫ ߞߊ߬ ߓߊ߬ߙߊ ߞߍ߫ ߊ߬ ߛߐ߬ߘߐ߲߬ߠߌ ߘߐ߫߸ ߥߟߊ߫ ߞߊ߬ ߝߋ߲ ߛߐ߬ߘߐ߲߬ ߡߍ߲ ߘߌ߫ ߛߍ߲߬ߓߍ߫ ߊ߬ ߘߐ߫߸ ߥߟߊ߫ ߞߵߊ߬ ߘߝߊ߫߸ ߥߟߊ߫ ߞߵߊ߬ ߡߊ߫ ߝߘߎ߬ߣߍ߲߫߸ ߏ߬ ߘߐ߫ ߖߐ߲߭ ߦߴߊ߬ ߟߊ߫ ߞߎ߲ߓߊ߬ߒߕߋ ߦߌ߬ߘߊ߬ ߟߊ߫ ߞߵߊ߬ ߘߍ߬ߡߍ߲߬ ߊ߬ ߟߊ߫ ߓߊ߬ߕߏ߬ߝߋ߲ ߠߊ߫. ߊ߬ ߞߎ߲ߓߍ߲ ߘߏ߫ ߟߊ߫ ߸ ߡߍ߲ ߘߐ߫ ߏ߬ ߞߍߕߊ ߕߍ߫߸ ߏ߬ ߓߊ߲߸ ߖߐ߲߭ ߖߛߎ ߘߌ߫ ߡߝߊ߫ ߊ߬ ߡߊ߬ ߸ ߊ߬ ߘߌ߫ ߘߌ߬ߢߍ߬ ߊ߬ ߣߴߊ߬ ߘߌ߫ ߛߌ߬ߟߡߊ߬. ߛߌߞߊ߫ ߕߴߊ߬ ߘߐ߫ ߞߏ߫ ߏ߬ ߓߌ߭ ߟߊߣߘߊߟߌ ߦߋ߫ ߞߊ߲߬ߛߌ߲ ߛߊߓߎ ߟߋ߬ ߘߌ߫ ߸ ߊ߬ ߣߌ߫ ߞߣߐ߬ߡߊ߬ߟߌ ߣߌ߫ ߜߎ߲߬ߘߎ߬ߜߊ߲ ߛߊ߬ߦߊߟߌ.
ߞߎ߲߬ߠߊ߬ߝߎߟߋ߲ ߸ ߊߟߊ߫ ߞߏߝߐ߫ ߟߊߛߌߦߊߦߊߟߌ
ߛߌߛߌߟߊߝߙߍ ߣߌ߫ ߣߌ߬ߘߐ߬ߘߌߦߊ ߟߊ߫ ߛߊߓߎ ߓߏ߲ߓߊ ߟߎ߬ ߘߐ߫ ߓߏ߲ߓߊ ߘߏ߫ ߟߋ߬ ߊߟߊ߫ ߞߏߝߐߟߌ ߛߌߦߊߡߊ߲ ߘߌ߫، ߓߊߏ߬ ߏ߬ ߟߊ߫ ߞߊ߲ߓߍ߲߫ ߞߊߡߊߒߞߊ߲߫ ߦߋ߫ ߛߌߛߌߟߊߝߙߍ ߣߌ߫ ߣߌ߬ߘߐ߬ߘߌߦߊ ߘߐ߫، ߊ߬ ߣߌ߫ ߞߵߊ߬ ߟߊ߫ ߤߡߊ ߣߴߊ߬ ߟߊ߫ ߜߡߊ ߓߐ߫، ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫: ﴿...ߞߏ߬ߞߏ߫ ߛߣߐ߬ߡߍ ߟߎ߬ ߦߋ߫ ߡߝߊ߫ ߟߴߊߟߊ߫ ߞߏߝߐ ߟߋ߬ ߟߊ߫﴾ [ߛߊ߲ߜߊߟߌߡߊ، ߟ:߂߈] ߒ߬ߓߊ߬ ߊߟߊ߫ ߞߏߝߐ߫ ߟߊ߬ߟߌ߬ߟߌ߫ ߓߟߋߓߟߋ߫ ߓߴߊ߬ ߟߊ߫ ߢߌߣߌ߲ߣߍ߲߫ ߣߌ߲߬ ߛߐ߬ߘߐ߲߬ ߘߐ߫، ߊ߬ ߟߊ߫ ߡߊ߲ߞߕߎ߫ ߘߏ߬ߣߊ߲ ߡߊ߬، ߊ߬ ߣߌ߫ ߛߊ߬ߙߊ߬ ߡߊ߬ ߖߐ߲߭ ߦߋ߫ ߖߌ߰ߦߊ߬ ߟߊ߫ ߡߍ߲ ߠߊ߫.
ߊߟߊ߫ ߟߊ߫ ߣߍߡߊ ߟߊ߲ߞߣߍߡߕߊ ߣߌ߫ ߘߏ߲߰ߣߍ߲߬ߕߊ ߟߎ߬ ߞߏߝߐߟߌ߸ ߏ߬ ߢߐ߲߰ ߝߣߊ߫ ߞߎߡߊߞߊ߲߫ ߊߟߊ߫ ߟߊ߫ ߦߌߟߌ߲ ߟߎ߬ ߞߏ߫ ߡߊ߬ ߡߍ߲ ߦߋ߫ ߟߊߞߊ߲߬ߣߍ߲߫ ߊ߬ ߣߌ߫ ߡߍ߲ ߘߏ߲߰ߣߍ߲߫، ߓߊߏ߬ ߏ߬ ߟߎ߬ ߟߐ߲߫ ߟߊ߫ ߊ߬ ߣߌ߫ ߞߎߡߊߞߊ߲߫ ߟߴߊ߬ ߟߎ߬ ߞߏ߫ ߡߊ߬ ߸ ߊߟߊ߫ ߦߋ߫ ߛߎ߲߬ߞߎ߲ߠߊ ߣߌ߫ ߛߎ߬ߣߎ߲߯ ߜߍ߲߫ ߠߴߏ߬ ߟߊ߫، ߊ߬ ߣߴߊ߬ ߦߋ߫ ߖߐ߲߬ ߖߎ߬ߛߎߟߐ߬ ߟߊ߫ ߓߊߙߌߞߊߓߐߟߌ ߡߊ߬ ߸ ߡߍ߲ ߦߋ߫ ߘߊ߲߬ߒ߬ߕߊ߲ ߠߎ߬ ߞߘߐߕߊ߬ߣߍ߲߬ߓߊ ߣߌ߫ ߞߊ߲߬ߕߊ߬ߣߍ߲߬ߓߊ ߘߌ߫ ߤߊߕߊ߫ ߤߊߟߵߊ߬ ߞߍ߫ ߘߊ߫ ߖߐ߲߬ ߦߋ߫ ߓߟߏߞߏߦߊ ߥߟߊ߫ ߖߊ߲߬ߞߊߙߏ ߥߟߊ߫ ߓߊߟߊ߫ ߓߏ߲߬ߓߏ߲ ߜߘߍ߫ ߟߎ߫ ߘߏ߫ ߘߐ߫. ߓߊߏ߬ ߣߴߊ߬ ߞߊ߬ ߛߎߡߊ߲߫ ߞߍ߫ ߊߟߊ߫ ߟߊ߫ ߦߌߟߌ߲ ߠߎ߬ ߕߍ߫ ߊ߬ ߞߊ߲߬ - ߡߍ߲ ߠߎ߬ ߕߍ߫ ߖߊ߬ߕߋ߫ ߟߊ߫ ߊ߬ ߟߊߓߊ߲߫ - ߊ߬ ߣߌ߫ ߞߐ߲߬ߞߐ߫ ߡߍ߲ ߞߵߊ߬ ߛߐ߬ߘߐ߲߬ ߕߍ߫، ߞߐ߲߬ߞߐ ߟߊ߫ ߢߐ߲߰ߠߊ߲ ߕߍ߫ ߞߍ߫ ߟߊ߫ ߦߌߟߌ߲ ߠߎ߬ ߘߌ߫.
ߍ߲߬ߍ߲߫ ߸ ߜߏߦߊߣߊ߲ ߣߌ߫ ߓߊ߬ߙߊ߲߬ߒߘߐ ߟߎ߬ ߸ ߣߌ߫ ߊߟߊ߫ ߞߊ߬ ߖߐ߲߫ ߞߏߟߌ߲ߞߊߟߌ߲߫ ߏ߬ ߟߎ߬ ߟߊ߫، ߊ߬ ߣߴߊ߬ ߞߊ߬ ߡߎ߬ߢߎ߲ ߣߌ߫ ߘߌ߬ߢߍ ߣߌ߫ ߖߘߍ߬ߞߎ߲߬ߘߌ ߟߊ߫ ߓߊߟߌ ߟߊߕߡߊ߬، ߏ߬ ߟߎ߬ ߞߟߊߦߊ ߘߌ߫ ߣߐ߰ߦߊ߫، ߊ߬ ߞߎߟߎ߲ߜߊ߲ߦߊ ߘߌ߫ ߝߍߦߊ߫، ߊ߬ ߣߌ߫ ߖߐ߲߫ ߖߌ߰ߦߊ ߊ߬ ߛߊ߬ߙߊ ߣߴߊ߬ ߛߊ߬ߙߊߞߏ ߟߊ߫ ߸ ߊ߬ ߣߌ߫ ߞߵߊߟߊ߫ ߓߊ߬ߕߏ߬ ߡߎ߬ߢߎ߲ ߣߌ߫ ߘߌ߬ߢߍ ߟߊ߫ ߓߊߟߌ ߟߊߕߡߊߟߌ ߟߊ߫ ߸ ߏ߬ ߦߋ߫ ߞߏ߫ ߞߎߡߎ߲ߣߍ߲ ߠߎ߬ ߞߍ߫ ߟߊ߫ ߞߏ߫ ߕߌߡߌ߲ߣߍ߲ ߘߌ߫، ߏ߬ ߟߋ ߞߏߛߐ߲߬ ߊ߬ ߛߊ߬ߙߊ ߕߌߡߦߊ ߦߴߊ߬ ߟߊߢߌ߬ߣߊ߬ ߟߴߊ߬ ߡߎ߬ߢߎ߲ ߞߎߡߎ߲ߦߊ ߘߐ߫.
ߞߊ߬ ߝߟߍߟߌ ߞߍ߫ ߡߍ߲ ߠߎ߬ ߦߋ߫ ߒ߬ ߘߐ߲߫ ߠߊ߫، ߞߏ ߣߊ߬ߝߊ߬ߓߊ߫ ߟߎ߬ ߘߏ߫ ߟߋ߬ ߦߋ߫ ߦߌߟߊ ߣߌ߲߬ ߘߐ߫ ߞߊ߬ ߝߋ߲ ߏ߬ ߟߊߓߊ߯ߙߊ߫ ߡߌ߲ ߡߊ߬ ߟߊ߬ߝߐ߬ߓߊ߮ ߛߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߞߊ߬ ߞߊ߲ߘߊߟߌ ߞߍ߫ ߤߊߘߌ߬ߛߊ ߔߌߦߐߔߌߦߐ ߘߐ߫، ߦߋ߲߬ ߡߍ߲ ߊ߬ ߞߵߊ߬ ߝߐ߫ ߞߏ߫: ((ߊߟߎ߫ ߦߋ߫ ߝߟߐ߫ ߊߟߎ߫ ߞߘߐ߫ ߡߐ߰ ߟߎ߫ ߟߊ߫ ߸ ߊߟߎ߫ ߞߊߣߊ߬ ߝߟߐ߫ ߊߟߎ߫ ߞߎ߲߬ߠߊ߫ ߡߐ߰ ߟߎ߫ ߟߊ߫ ߸ ߓߊߏ߬ ߏ߬ ߟߋ ߞߊ߫ ߓߍ߲߬ ߛߴߊߟߎ߫ ߞߣߊ߫ ߊߟߊ߫ ߟߊ߫ ߣߍߡߊ ߖߌ߰ߣߍ߲߫ ߊߟߎ߫ ߡߊ߬)) ߡߎߛߑߟߌߡߎ߲߫ ߞߵߏ߬ ߟߊߞߊ߬ߟߌ߬. ߓߊߏ߬ ߖߐ߲߬ ߣߴߊ߬ ߞߊ߬ ߣߌ߲߬ ߦߋߟߌ߫ ߓߏ߲߬ߧߊ߬ߣߍ߲ ߘߏ߲߬ߘߌ߫ ߊ߬ ߢߊߞߘߐ߫ ߸ ߊ߬ ߘߴߊ߬ ߖߍ߬ߘߍ ߦߋ߫ ߞߊ߬ ߘߊ߲ߝߋ߲߫ ߛߌߦߊߡߊ߲߫ ߞߊ߲߬ߠߊߓߐ߫ ߟߊ߫ ߞߌ߲߬ߡߊ߬ߦߊ ߣߴߊ߬ ߕߊ߬ߓߌ߬ߟߊ ߟߎ߬ ߘߐ߫ ߸ ߊ߬ ߣߌ߫ ߤߊ߬ߙߌ߬ߖߍ߮ ߣߴߊ߬ ߕߊ߬ߓߌ߬ߟߊ ߟߎ߬ ߘߐ߫ ߸ ߊ߬ ߟߊ߫ ߞߏ߫ ߓߊ߯ ߞߍ߫ ߡߍ߲߫ ߓߍ߯ ߘߌ߫ ߸ ߒ߬ߓߊ߬ ߸ ߊ߬ ߟߊ߫ ߞߣߐ߬ߘߐ߬ߝߟߌ ߣߴߊ߬ ߟߊ߫ ߡߊ߬ߛߌ߰ߣߊ߲ ߣߴߊ߬ ߟߊ߫ ߖߛߎ߬ߞߏߦߊ ߘߌ߫ ߥߟߌ߬ ߸ ߊ߬ ߟߊ߫ ߘߌ߬ߢߍ ߣߴߊ߬ ߟߊ߫ ߖߍ߲߬ߛߍ߲ߦߊ ߘߌ߫ ߓߎߟߊߦߊ߫ ߊߟߊ߫ ߟߊ߫ ߣߍߡߊ ߟߎ߬ ߟߊ߫ ߡߍ߲߫ ߠߎ߬ ߘߐ߫ ߊ߬ ߞߊ߬ ߜߘߍ߫ ߟߎ߬ ߞߊ߲߬ߠߊߓߐ߫ ߡߍ߲߫ ߠߎ߬ ߦߴߊ߬ ߞߘߐ߫ ߏ߬ ߟߎ߬ ߘߐ߫.
ߖߐ߲߬ ߓߊ߯ ߞߐߡߊߓߌ߲߫ ߖߊ߲ߞߊ߫ ߊߟߊ߫ ߟߊ߫ ߣߍߡߊ ߟߎ߬ ߡߊ߬ ߕߎ߬ߡߊ߬ ߓߍ߯ ߸ ߊ߬ ߟߊ߲ߞߣߍߣߍ߲ ߣߴߊ߬ ߘߏ߲߰ߣߍ߲ ߸ ߊ߬ ߘߌߣߊ߬ߟߊ ߣߴߊ߬ ߞߌߢߍ߲ߠߊ ߸ ߊ߬ ߘߴߊ߬ ߦߋ߫ ߞߏ߫ ߊ߬ ߕߌߓߌ ߣߵߊ߬ ߛߐ߫ ߤߙߊ ߟߊ߫ ߸ ߞߊ߬ ߖߎ߯ߡߊ߲߫ ߛߌߦߊߡߊ߲߫ ߞߏ߬ߦߊ߲߬ ߊ߬ ߡߊ߬، ߛߌߞߊ߫ ߛߌ߫ ߕߍ߫ ߞߏ߫ ߣߌ߲߬ ߦߋ߫ ߞߐ߲߬ߠߊ߬ߝߌ߲ ߣߌ߫ ߖߘߍ߬ߟߊ߬ߞߎ߲߬ߞߐ߬ߣߐ߲߬ߦߊ ߟߎ߬ ߞߏ߬ߦߊ߲߬ ߠߊ߫ ߸ ߊ߬ ߣߴߊ߬ ߦߋ߫ ߖߍ߲߬ߛߍ ߣߌ߫ ߛߍߥߊ ߟߊߛߌ߲߬ߞߊ߫ ߟߊ߫.
ߞߎ߲߬ߠߊ߬ߝߎߟߋ߲ : ߖߌߖߊߟߌ ߤߊ߬ߡߌ ߣߊ߬ߟߊ߲ ߛߊߓߎ ߟߎ߬ ߟߊߓߐߟߌ ߘߐ߫، ߣߌ߫ ߣߌߛߐߘߌߦߊ ߣߊ߬ߟߊ߲ ߛߊߓߎ ߟߎ߬ ߛߐ߬ߘߐ߲߬ߠߌ.
ߣߌߛߐ߲ߘߌߦߊ ߘߌ߬ߟߊ߲߫ ߣߌ߫ ߞߣߎ߬ߛߎ߲ ߣߌ߫ ߞߎ߲߬ߠߊ߬ߞߐ߬ߕߐ߬ߦߊ ߓߋ߬ߟߋ߲߬ߓߋߟߋ߲߬ߠߌ ߛߊߓߊ߬ߓߎ ߘߏ߫ ߟߋ߬ ߞߊ߬ ߜߊ߬ߟߏ߬ߦߊ߫ ߞߣߎ߬ߛߎ߲ ߠߊߣߊ߬ߟߊ ߛߊ߬ߓߊ߬ߓߎ ߟߎ߬ ߓߋ߬ߟߋ߲߬ߓߋߟߋ߲߬ߠߌ ߘߐ߫ ߸ ߊ߬ ߣߌ߫ ߞߊ߬ ߣߌߛߐ߲ߘߌߦߊ ߟߊߣߊ߬ߟߊ ߛߊ߬ߓߊ߬ߓߎ ߟߎ߬ ߛߐ߬ߘߐ߲߫ ߸ ߏ߬ ߦߋ߫ ߞߍ߫ ߟߴߊ߬ ߢߌ߬ߣߊ߬ߞߐ߫ ߣߌߜߏߦߊ߲߫ ߠߎ߬ ߡߊ߬ ߡߍ߲ ߠߎ߬ ߕߊ߬ߡߌ߬ߣߍ߲߫ ߸ ߡߍ߲ ߠߎ߬ ߟߊߛߊ߬ߦߌ߬ߟߌ ߡߊ߲߫ ߘߌ߫ ߊ߬ ߓߟߏ߫ ߸ ߊ߬ ߣߴߊ߬ ߦߴߊ߬ ߟߐ߲߫ ߞߏ߫ ߊ߬ ߖߊ߲߬ߕߊ ߟߊߘߊ߲ߙߊ߲ߠߌ ߏ߬ ߟߎ߬ ߘߐ߫ ߦߋ߫ ߓߊߕߏ߫ ߕߌ߲ߓߊߟߌ ߣߌ߫ ߞߏ߫ ߡߊ߬ߞߏ߬ߕߌ߬ߓߊߟߌ ߟߋ߬ ߘߌ߫ ߸ ߊ߬ ߣߌ߫ ߞߏ߫ ߏ߬ ߦߋ߫ ߞߎ߲߭ߘߐߝߊ߰ߕߐ߬ߦߊ ߣߌ߫ ߝߊ߰ߕߐ߬ߦߊ ߟߋ߬ ߘߌ߫ ߸ ߏ߬ ߟߋ ߘߐ߫ ߊ߬ ߦߋ߫ ߊ߬ ߖߎ߬ߛߎ ߜߟߍ߬ߦߊ߫ ߟߊ߫ ߞߊ߬ ߓߐ߫ ߖߊ߲߬ߕߊ߬ߟߌ ߡߊ߬ ߏ߬ ߟߎ߬ ߘߐ߫ ߸ ߏ߬ ߢߐ߲߰ ߠߋ߬ ߊ߬ ߦߋ߫ ߊ߬ ߖߎ߬ߛߎ ߜߟߍ߬ߦߊ߫ ߟߊ߫ ߞߊ߬ ߓߐ߫ ߊ߬ ߖߎ߬ߛߎ߬ߞߎ߲߬ߟߊ߲߬ߞߎ߲߬ߠߌ ߡߊ߬ ߞߏ߫ ߡߍ߲ ߞߐ߲߬ߓߍ߲߬ߣߍ߲߫ ߡߊ߬ ߸ ߞߊ߬ ߓߐ߫ ߊ߬ ߟߊ߫ ߖߊ߲߬ߘߊ߬ߞߏ ߟߎ߬ ߘߐ߫ ߦߏ߫ ߝߊ߰ߟߌ ߥߟߊ߫ ߛߌߟߊ߲߫ ߥߟߊ߫ ߏ߬ ߟߎ߬ ߢߐ߲߰ ߜߘߍ߫ ߟߎ߫ ߣߌߜߏߦߊ߲߫ ߘߐ߫ ߸ ߡߍ߲ ߠߎ߬ ߦߴߊ߬ ߟߊ߫ ߖߊ߲߬ߕߊߡߊߦߊ ߘߐ߫ ߊ߬ ߛߌ߲߬ߓߏ߲߬ߦߊ ߟߊ߫ ߞߐ߲߬ߓߍ߲߬ߣߍ߲ ߘߐ߫. ߊ߬ ߘߴߊ߬ ߟߐ߲߫ ߞߏ߫ ،ߞߏ ߣߊ߬ߕߐ ߟߎ߬ ߘߐ߫ ߞߍߕߊ ߟߎ߬ ߟߐ߲ߠߊ߲߫ ߕߍ߫߸ ߞߊ߬ ߓߐ߫ ߤߙߊ ߣߌ߫ ߖߎ߯ߡߊ߲ ߣߌ߫ ߖߌ߰ߦߊ ߟߎ߬ ߣߌ߫ ߘߌ߰ߡߊ߲ ߠߎ߬ ߘߐ߫، ߊ߬ ߣߌ߫ ߞߏ߫ ߏ߬ ߦߋ߫ ߣߌ߲߬ߞߌ߬ߣߊ߲ߓߊ ߟߊ߫ ߥߘߋ߬ߥߘߋ߬ߟߊ ߟߋ߬ ߓߟߏ߫߸ ߝߋ߲߫ ߛߌ߫ ߕߴߏ߬ ߘߐ߫ ߖߐ߲߫ ߠߎ߫ ߓߟߏ߫ ߝߏ߫ ߓߊ߬ߟߌ ߞߍߟߊ ߊ߬ ߤߙߊ ߟߎ߬ ߛߐ߬ߘߐ߲߬ ߘߐ߫߸ ߊ߬ ߣߌ߫ ߞߵߊ߬ ߕߙߐߞߐ ߟߎ߬ ߘߐߛߊ߬، ߖߐ߲߫ ߘߴߊ߬ ߟߐ߲߫ ߞߏ߫ ߣߴߊ߬ ߞߵߊ߬ ߖߡߊ߬ߣߊ ߞߐߘߏ߲߬ ߊ߬ ߟߊ߫ ߖߘߍ߬ߘߐ߬ߜߍߘߍ߲ ߡߊ߬ ߊ߬ ߟߊ߫ ߞߏ ߟߊ߬ߕߊ߬ߡߌ߲ߣߊ߲ ߝߍ߬߸ ߞߵߊ߬ ߖߘߍ߬ߞߟߏ߫ ߊ߬ ߡߊ߰ߙߌ ߟߊ߫ ߞߊ߬ ߏ߬ ߟߊߢߊ߬߸ ߞߊ߬ ߖߛߎ߬ߞߎ߲߫ ߡߝߊ߫ ߊ߬ ߡߊ߬ ߏ߬ ߘߐ߫߸ ߣߴߊ߬ ߞߵߏ߬ ߞߍ߫ ߊ߬ ߖߛߎ߬ߞߎ߲ ߘߌ߫ ߡߝߊ߫߸ ߊ߬ ߟߊ߫ ߞߏ ߟߎ߬ ߘߌ߫ ߟߊߢߊ߬߸ ߊ߬ ߟߊ߫ ߞߣߐߓߐߟߏ߲ ߣߴߊ߬ ߖߘߍ߬ߘߐ߬ߜߍߘߍ߲ ߘߌ߫ ߓߐ߫ ߊ߬ ߞߊ߲߬.
ߞߎ߲߬ߠߊ߬ߝߎߟߋ߲ ߝߐߘߊ߫ ߞߍߓߊߟߌ ߖߎ߯ߓߊ߫ ߟߎ߬ ߟߊ߫ ߘߡߊ߬ߦߌ߬ߙߊ߫
ߛߊߓߎ߫ ߢߊ߬ߓߊ߮ ߟߎ߬ ߘߐ߫ ߞߊ߬ ߖߘߍ߬ߘߐ߬ߜߍߘߍ߲ ߣߌ߫ ߖߘߍ߬ߞߐߟߐ߲ ߥߟߌ߬ ߣߌ߫ ߓߊ߬ߙߊ߲߬ߒߘߐ߫ ߘߏ߫ ߓߋ߬ ߘߊ߫ ߖߐ߲߬ ߞߊ߲߬ ߸ ߏ߬ ߦߋ߫ ߞߵߊ߬ ߓߊ߯ߙߊ߫ ߞߵߏ߬ ߟߊߝߎߦߊ߫ ߸ ߞߊ߬ ߞߏ߫ ߞߍߕߊ߫ ߖߎ߯ߡߊ߲߫ ߓߊߞߍ ߡߌ߬ߘߊ߬ ߡߍ߲ ߘߌ߫ ߞߍ߫ ߞߏ߬ߟߌߞߏ ߟߊߓߊ߲ ߘߌ߫ ߸ ߞߵߊ߬ ߣߌ ߡߊߞߊ߬ߣߊ߲߬ ߏ߬ ߟߊ߫. ߣߴߊ߬ ߞߵߏ߬ ߞߍ߫ ߸ ߊ߬ ߦߴߊ߬ ߓߊ߯ߙߊ߫ ߞߊ߬ ߡߍ߲ ߟߊߝߎߦߊߟߌ ߘߌ߫ ߞߍ߫ ߊ߬ ߛߋߞߏ ߞߊ߲߬ ߸ ߞߵߏ߬ ߟߊߝߎߦߊ߫. ߣߌ ߡߊߞߊ߬ߣߊ߲߬ߠߌ߲ ߏ߬ ߣߌ߫ ߓߊ߯ߙߊ߫ ߢߊ߬ߓߊ߮ ߏ߬ ߓߟߏ߫ ߸ ߊ߬ ߟߊ߫ ߖߘߍ߬ߞߐߟߐ߲ ߣߴߊ߬ ߟߊ߫ ߞߐ߲߬ߛߏ߲ ߘߌ߫ ߥߟߌ߬ ߸ ߊ߬ ߣߌ߫ ߓߊ߯ߙߊ߫ ߏ߬ ߞߍߟߌ ߘߌ߫ ߞߍ߫ ߢߊ߬ߞߏ ߟߎ߬ ߘߏ߲߬ߧߊ߬ߟߌ ߘߐ߫ ߸ ߊ߬ ߣߌ߫ ߕߐ߬ߙߐ ߟߎ߬ ߞߏ߬ߦߊ߬ߟߌ ߘߐ߫ ߡߍ߲ ߠߎ߬ ߣߐ߰ߦߊߣߍ߲߫ ߖߐ߲߬ ߦߋ߫.
ߒ߬ߓߊ߬ ߣߌ߫ ߛߌߟߊ߲߫ ߛߊߓߎ ߟߎ߬ ߣߌ߫ ߖߊ߲߬ߞߙߐ ߛߊߓߎ ߟߎ߬ ߣߌ߫ ߝߊ߲߬ߞߊ߬ߙߊߦߊ ߣߌ߫ ߕߏߒߕߋߦߊ ߛߊߓߎ ߟߎ߬ ߓߋ߫ ߘߊ߫ ߊ߬ ߞߊ߲߬ ߞߊ߬ ߓߐ߫ ߊ߬ ߞߊ߬ߣߌ߬ ߝߋ߲߫ ߝߘߏ߬ߣߍ߲߬ߞߏ߬ߣߍ߲ ߠߎ߬ ߘߐ߫، ߒ߬ߓߵߊ߬ ߦߴߏ߬ ߡߊߓߊ߲߫ ߖߛߎ߬ߛߎߡߊ ߘߐ߫ ߞߊ߬ ߣߌ ߡߊߞߊ߬ߙߊ߲߬ ߏ߬ ߡߊ߬، ߓߊߏ߬ ߸ ߊ߬ ߜߍ߬ߟߍ߲߬ߡߊ߲ ߠߋ߬ ߡߊ߬ ߡߍ߲ ߘߌ߫ ߘߊ߲߫، ߓߊߏ߬ ߣߌ ߡߊߞߊ߬ߙߊ߲߬ߠߌ ߜߏߦߊߣߊ߲ ߠߎ߬ ߡߎ߬ߢߎ߲ ߡߊ߬ ߸ ߏ߬ ߦߴߊ߬ ߟߊߣߐ߰ߦߊ߫ ߟߊ߫ ߸ ߊ߬ ߣߴߊ߬ ߜߍߟߍߦߊ ߓߐ߫ ߟߊ߫، ߊ߬ ߞߏ߬ߣߌ߲߬ߕߊ߲߬ ߣߴߊ߬ ߞߵߊ߬ ߣߌ ߖߓߊ߬ ߊ߬ ߟߊ߬ߖߎ߰ߟߌ ߟߊ߫ ߊ߬ ߛߋߞߏ ߞߊ߲߬، ߒ߬ߓߊ߬ ߣߌ ߡߊߞߊ߬ߙߊ߲߬ߠߌ ߘߌ߫ ߟߊ߬ߘߊ߫ ߊ߬ ߟߊ߫ ߥߊߟߌߡߊ߫ ߢߌ߬ߡߊ߲߬ ߘߌ߫ ߸ ߡߍ߲ ߦߴߊ߬ ߖߓߊ߬ߞߊ߬ ߟߊ߫ ߞߊ߬ ߓߐ߫ ߓߊ߬ߙߊ߲߬ߒߘߐ ߟߎ߬ ߟߊ߫ ߡߊߞߏ߬ߕߊ߲߬ߞߊ߲߬ߠߌ ߡߊ߬، ߊ߬ ߣߴߊ߬ ߦߴߊ߬ ߣߌ ߞߍ߬ߟߍ ߞߍ߫ ߞߊ߬ ߜߏߦߊߣߊ߲ ߠߎ߬ ߞߊ߲ߡߊ߬ߕߊ߲߬ߞߊ߲߬ߠߌ ߝߊ߲߬ߞߊ ߟߊߞߎ߬ߙߊ߲߬، ߞߊ߬ ߝߘߊ߫ ߊ߬ ߟߊ߫ ߓߟߏߡߞߊ߲߬ߠߌ ߞߊ߲߬ ߏ߬ ߘߐ߫ ߊߟߊ߫ ߟߋ߬ ߡߊ߬ ߊ߬ ߣߌ߫ ߘߍ߲߬ߞߣߍߦߊ߫ ߢߌ߬ߡߊ߲߬ ߊ߬ ߟߊ߫. ߛߌߞߊ߫ ߘߏ߲߬ ߕߍ߫ ߏ߬ ߘߐ߫ ߞߏ߫ ߞߏ ߣߌ߲߬ ߠߎ߬ ߣߝߊ߫ ߓߊ ߦߋ߫ ߖߍ߲߬ߛߍ߲ ߛߐ߬ߘߐ߲߬ߠߌ ߣߌ߫ ߛߌߣߍ߲ ߟߎ߬ ߦߙߊ߬ߟߌ ߘߐ߫، ߞߊ߬ ߝߘߊ߫ ߡߍ߲ ߞߊ߲߬ ߔߎ߲߬ߘߊ ߦߴߊ߬ ߖߌ߰ ߟߊ߫ ߞߊ߬ ߓߐ߫ ߛߊ߬ߙߊ ߞߟߊߞߟߊߓߊ ߣߌ߫ ߞߐߟߊߓߊ ߘߐ߫، ߣߌ߲߬ ߘߏ߲߬ ߦߋ߫ ߞߏ߫ ߦߋߣߍ߲߫ ߕߊ߬ߡߌ߲߬ߣߍ߲ ߠߋ߬ ߘߌ߫، ߊ߬ ߟߊ߫ ߞߍߟߌ ߟߎ߬ ߡߍ߲ ߠߎ߬ ߞߊ߬ ߓߐ߫ ߡߐ߱ ߟߎ߫ ߡߊ߬ ߡߍ߲ ߠߎ߬ ߞߵߊ߬ ߕߊ߬ߡߌ߲߬ ߏ߬ ߟߎ߬ ߛߌߦߊߡߊ߲߫ ߝߊ߲߬ߞߊ߲߬ ߠߋ߬ ߘߌ߫.
ߝߊ߲߬ߞߊ߲߬: ߛߣߐ߬ߡߍ ߝߊ߲߬ߞߊ ߣߴߊ߬ ߞߊߙߊ߲ߞߊߙߊ߲ߓߊߟߌߦߊ ߣߴߊ߬ ߡߊ߬ߛߌ߰ߓߊߟߌߦߊ
ߊ߬ ߣߌ߫ ߝߙߊ߬ߟߌ ߓߟߋ߬ߓߟߋ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߖߛߎ߬ߞߎ߲ ߞߐߣߌ߲ߧߊ߫ ߖߊ߲߬ߞߊ߬ߙߏ ߟߎ߬ ߦߋ߫߸ ߤߊ߲߬ߕߊ߫ ߓߊߖߌ ߞߣߐ߫ ߖߊ߲߬ߞߊ߬ߙߏ ߟߎ߬ ߝߣߊ߫ ߦߋ߫: ߖߛߎ߬ߞߎ߲ ߝߊ߲߬ߞߊ ߣߴߊ߬ ߕߎ߬ߡߊ߬ߣߊ߲߬ ߖߊߏߖߊߏ߫ ߟߊ߫ ߥߊߡߏ ߟߎ߬ ߣߌ߫ ߖߌ߰ߦߊ߰ߟߌ ߟߎ߬ ߡߊ߬ ߡߍ߲ ߠߎ߬ ߦߋ߫ ߣߊ߬ ߟߊ߫ ߞߐ߬ߡߊ߬ߖߎ߯ ߟߎ߬ ߓߟߏ߫. ߡߐߣߍ߫ ߣߌ߫ ߝߛߏ߬ߝߛߊ ߦߋ߫ ߘߌߡߌ߲߫ ߛߊߓߎ߫ ߘߏ߫ ߟߎ߬ ߘߌ߫߸ ߊ߬ ߣߌ߫ ߡߍ߲ ߦߋ߫ ߜߊ߬ߟߏ߬ߘߐ߬ߞߏ ߟߎ߬ ߢߊ߬ ߟߊ߫߸ ߏ߬ ߕߌ߱ ߘߌ߫ ߓߌ߬ߟߊ߬ ߤߊߡߌ߲߫ ߣߌ߫ ߖߛߎ߬ߞߣߐ߬ ߖߊ߲ߞߊߙߏ ߣߌ߫ ߝߊ߬ߘߌ߬ߞߟߏ߬ ߖߊ߲ߞߊߙߏ ߟߎ߬ ߘߐ߫ ߸ ߏ߬ ߟߋ ߦߴߊ߬ ߟߊ߫ ߛߎ߬ߣߎ߲ ߞߐߛߊ߬ߦߌ߬ ߣߌ߫ ߛߟߐ߬ߞߊ߬ߟߌ ߣߌ߫ ߛߟߐ߬ߡߍ ߟߊ߫ ߖߊ߲߬ߞߊߙߏ ߟߎ߬ ߣߌ߫ ߝߊ߬ߘߌ߬ߞߟߏ ߞߊ߲ ߠߎ߬ ߘߐ߫߸ ߊ߬ ߣߌ߫ ߝߊ߰ߛߊ߬ߦߊ ߡߍ߲ ߓߊ߳ߐ߫ ߖߎ߯ߦߊ ߦߴߊ߬ ߟߊ߫߸ ߡߐ߱ ߟߎ߬ ߓߘߴߊ߬ ߕߐ߬ߙߐ߬ ߛߌߦߊߡߊ߲ ߠߎ߬ ߦߋ߫.
ߛߍ߲߬ߓߍߦߊ ߊߟߊ߫ ߟߊ߫، ߕߎ߬ߡߊ߬ ߡߍ߲ ߛߣߐ߬ߡߍ ߞߵߊ߬ ߓߟߊ߫ ߊߟߊ߫ ߞߊ߲߬߸ ߞߵߊ߬ ߖߘߍ߬ߞߟߏ߬ߦߊ߫ ߊ߬ ߡߊ߬߸ ߊ߬ ߘߏ߲߬ ߡߴߊ߬ ߖߘߍ߬ ߓߌ߬ߟߵߊ߬ ߟߊ߫ ߥߊ߬ߡߎ߲ ߠߎ߬ ߡߊ߬߸ ߞߐߡߊ߬ߖߌ߰ߟߌ߲߬ ߖߎ߬ߡߊ߲ ߠߎ߬ ߘߏ߲߬ ߡߴߊ߬ ߡߊ߲߬ߛߊ߬ߦߊ߫߸ ߞߊ߬ ߘߍ߲߬ߞߣߍ߬ߦߊ߫ ߊߟߊ߫ ߘߐ߫ ߞߵߊ߬ ߢߊ߬ߒ߬ߞߊ߲߫ ߊ߬ ߟߊ߫ ߢߊ߬ߒ߬ߡߊ߬ߝߊ ߡߊ߬߸ ߛߌ߬ߣߌ߲߬ߦߊ ߟߎ߬ ߣߌ߫ ߞߐ߬ߛߌ ߟߎ߬ ߘߌ߫ ߓߏ߲߬ߓߊ߲߫ ߊ߬ ߟߊ߫ ߏ߬ ߟߋ ߟߊ߫߸ ߝߊ߬ߘߌ߬ ߖߊ߲߬ߞߊ߬ߙߏ ߟߎ߬ ߣߌ߫ ߛߣߐ߬ߡߍ ߖߊ߲߬ߞߊ߬ߙߏ ߟߎ߬ ߛߌߦߊߡߊ߲ ߘߌ߫ ߓߐ߫ ߊ߬ ߡߊ߬߸ ߛߣߐ߬ߡߍ ߘߌ߫ ߝߊ߲߬ߞߊ ߣߌ߫ ߛߌߛߌߟߊߝߙߍ ߣߌ߫ ߞߍ߬ߓߟߊ ߛߐ߬ߘߐ߲߬ ߡߍ߲ ߝߐ߫ ߟߊ߫ ߕߍ߫ ߓߊ߲߫߸ ߘߐ߬ߞߕߏ߬ߙߏ߬ ߟߎ߫ ߖߊ߬ߕߊ ߟߋ߬ ߓߘߊ߫ ߝߊ߫ ߥߊ߬ߡߎ߲ ߠߎ߬ ߣߌ߫ ߞߐߡߊ߬ߖߌ߰ߟߌ߲߬ ߕߌ߬ߢߍ߬ߒߕߊ߲ ߠߎ߫ ߖߊ߲߬ߞߊ߬ߙߏ߬ߕߐ ߟߎ߬ ߟߊ߫߸ ߞߏ ߢߐ߲߰ ߠߎ߬ ߖߊ߬ߕߊ ߟߋ߫ ߞߵߊ߬ ߟߊ߫ ߞߍߟߌ ߞߍ߫ ߝߊ߲߬ߞߊ߬ߡߊ߫ ߛߌߦߊߡߊ߲ ߠߎ߬ ߛߣߐ߬ߡߍ ߞߊ߲߬ ߸ ߞߊ߬ ߕߊ߲߫ ߖߐ߲ߝߐ߲ߣߍ߲ ߠߎ߫ ߡߊ߬߸ ߖߊ߬ߕߊ ߟߋ߬ ߞߊ߬ ߘߊ߲߫ ߝߊ߬ߕߐ߬ߦߊ ߣߌ߫ ߝߊ߬ߦߊ ߘߐ߫߸ ߟߊ߬ߞߛߌ߬ߕߊ ߦߋ߫ ߡߍ߲ ߠߋ߬ ߘߌ߫ ߊߟߊ߫ ߞߵߊ߬ ߟߊ߬ߞߛߌ߫ ߞߵߊ߬ ߟߊ߬ߛߋ߫ ߞߵߊ߬ ߣߌ ߞߟߍ߫ ߞߊ߬ ߛߊߓߎ߫ ߢߊ߬ߝߊ߬ߣߍ߲ ߠߎ߬ ߛߐ߬ߘߐ߲߬ ߡߍ߲ ߠߎ߬ ߦߋ߫ ߛߣߐ߬ߡߍ ߟߊߝߊ߲߬ߞߊ߬ ߟߊ߫ ߸ ߊ߬ ߣߴߊ߬ ߟߊ߫ ߖߛߎ߬ߞߎ߲ߠߊ߲ߦߊ ߓߏ߲߬ߓߊ߲߫ ߟߊ߫߸ ߊߟߊ߫ ߞߘߐߕߊ߬ߣߍ߲ ߞߊ߲߫ ߞߏ߫ : {...ߡߍ߲߫ ߘߏ߲߬ ߓߊ߯ ߊ߬ ߛߍ߲߬ߓߍ߬ ߊߟߊ߫ ߟߊ߫ ߸ ߊ߬ߟߋ ߟߴߏ߬ ߥߊ߬ߛߊ ߘߌ߫...} [ߓߌ߬ߟߊ߬ߟߌ، ߟ:߃] ߊ߬ ߦߴߊ߬ ߥߛߊ߬ ߟߊ߫ ߡߍ߲ ߓߍ߯ ߞߊ߬ ߢߊ߫ ߊ߬ ߡߊ߬ ߊ߬ ߟߊ߫ ߘߌ߯ߣߊ ߣߴߊ߬ ߟߊ߫ ߘߎߢߊ߫ ߞߏ ߘߐ߫.
ߊߟߊ߫ ߟߊ߫ ߛߍ߲߬ߓߍ߬ߟߊ ߦߋ߫ ߖߛߎ߬ߞߎ߲߬ߝߊ߲߬ߞߊ߬ߡߊ ߟߋ߬ ߘߌ߫߸ ߖߌ߰ߦߊ߬ߟߌ ߕߍ߫ ߓߊ߯ߙߊ ߟߊ߫ ߊ߬ ߡߊ߬߸ ߞߏߓߊ߲ߞߊ߲ ߕߍ߫ ߊ߬ ߟߊߞߊߟߌߦߊ߫߸ ߓߊߏ߬ ߊ߬ ߞߵߊ߬ ߟߐ߲߫ ߞߏ߫ ߏ߬ ߓߐߣߍ߲߫ ߣߌ ߖߐ߲ߝߐ߲ߠߌ߲ ߘߐ߫ ߟߋ߬߸ ߊ߬ ߣߌ߫ ߞߎ߬ߣߊ߲߬ߕߐ߬ߦߊ ߣߌ߫ ߛߌߟߊ߲߫ ߘߐ߫ ߡߍ߲߫ ߕߎ߬ߙߊ߫ ߛߌ߫ ߕߍ߫߸ ߊ߬ ߣߴߊ߬ ߞߵߊ߬ ߟߐ߲߫ ߏ߬ ߝߍ߬ ߞߏ߫ ߊߟߊ߫ ߞߵߊ߬ ߡߊ߬ߞߍ߬ߟߌ ߞߍ߫ ߡߍ߲ ߓߴߊ߬ ߛߍ߲߬ߓߍ߬ ߊ߬ ߟߊ߫ ߏ߬ ߦߋ߫ ߞߊ߬ ߥߊ߬ߛߊ߬ߟߌ ߘߝߊߣߍ߲ ߘߌ߫߸ ߏ߬ ߟߋ ߞߍ߫ ߟߴߊ߬ ߘߌ߫ ߘߌ߲߬ߛߎ߲߫ ߊߟߊ߫ ߡߊ߬ ߊ߬ ߖߛߎ߬ߞߎ߲ ߘߌ߫ ߡߝߊ߫ ߊ߬ ߟߊ߫ ߟߊ߬ߤߘߌ ߡߊ߬߸ ߏ߬ ߓߊ߯ ߞߍ߫ ߊ߬ ߞߎ߲߬ߠߊ߬ߜߍ߲߫ ߣߴߊ߬ ߢߊߞߘߐ߬ߟߌ ߘߌ߫ ߓߐ߫߸ ߊ߬ ߟߊ߫ ߞߟߎ߬ߦߊ ߘߌ߫ ߟߊߡߊ߬ߦߟߍ߬ߡߊ߫ ߣߐ߰ߦߊ ߘߌ߫߸ ߊ߬ ߟߊ߫ ߛߎ߬ߣߎ߲ ߘߌ߫ ߟߊߡߊ߬ߦߟߍ߬ߡߊ߫ ߖߍ߰ߘߌߦߊ ߘߌ߫ (ߣߌ߱ߜߍ߲߫: ߛߎ߬ߣߎ߲)، ߊ߬ ߛߌߟߊ߲߫ ߘߌ߫ ߟߊߡߊ߬ߦߟߍ߬ߡߊ߫ ߞߎ߲߬ߠߊ߬ߝߎߟߋ߲ ߘߌ߫߸ ߒ߬ߓߊ߬ ߒ߬ ߧߴߊ߬ ߢߌߣߌ߲߫ ߠߴߊߟߊ߫ ߞߘߐߕߊ߬ߣߍ߲߬ߓߊ ߝߍ߬ ߞߌ߬ߣߡߊ߬ߦߊ ߡߊ߬߸ ߊ߬ ߣߴߊ߬ ߦߋ߫ ߢߊ߬ߒ߬ߞߊ߬ߒ߬ߞߊ ߞߍ߫ ߒ߬ ߡߊ߬ ߞߊ߬ ߖߛߎ߬ߞߎ߲߫ ߝߊ߲߬ߞߊ ߣߴߊ߬ ߟߊߓߊ߯ߕߊ ߘߌ߫ ߒ߬ ߡߊ߬߸ ߊ߬ ߣߌ߫ ߛߍ߲߬ߓߍߟߌ ߘߝߊߣߍ߲ ߡߍ߲߫ ߊߟߊ߫ ߞߵߊ߬ ߡߊ߬ߞߍ߬ߟߌ ߞߍ߫ ߊ߬ ߓߏ߲ߘߊ ߦߋ߫ ߝߌ߬ߛߊ߬ߦߊ ߓߍ߯ ߟߊ߫߸ ߊ߬ ߣߌ߫ ߞߊ߬ ߜߏߦߊߣߊ߲ ߓߍ߯ ߣߌ߫ ߕߐ߬ߢߐ߲߰ߦߊ ߘߎ߲߫.(ߕߐ߬ߢߐ߲߰ߦߊ: ߕߐ߬ߢߐ߲߰ߦߊ).
ߞߟߊ߬ߓߐߟߊ߲: ߣߌ ߘߊߥߎ߲ߠߌ ߡߐ߱ ߕߐ߭ ߟߎ߬ ߟߊ߫ ߟߋ߬ߓߎ ߟߎ߬ ߡߎ߬ߢߎ߲ߠߌ ߡߊ߬
ߊ߬ ߣߌ߫ ߟߊ߬ߝߐ߬ߓߊ߮ ﷺߟߊ߫ ߞߎߡߊ ߘߐ߫( ߕ. ߖ): ((ߟߌ߬ߡߣߊ߬ߦߊ߬ߓߊ߮ ߗߍ߭ ߞߊߣߊ߬ ߟߌ߬ߡߣߊ߬ߦߊ߬ߓߊ߮ ߡߏ߬ߛߏ ߞߐ߫ ߸ ߣߴߊ߬ ߞߊ߬ ߖߊ߬ߕߌ߮ ߘߏ߫ ߞߐ߫ ߊ߬ ߘߐ߫ ߸ ߊ߬ ߘߌ߫ ߘߌ߬ߥߊ߫ ߖߊ߬ߕߌ߬ ߜߘߍ߫ ߟߴߊ߬ ߘߐ߫)) ߡߎߛߑߟߌߡߎ߲߫ ߞߵߏ߬ ߟߊߞߊ߬ߟߌ߬.
ߊ߬ ߞߋߟߋ߲ ߦߋ߫: ߞߊ߲ߘߊߟߌ ߡߏ߬ߛߏ ߣߌ߫ ߡߐ߱ߓߋ߲ ߣߌ߫ ߘߍ߬ߢߐ߲߮ ߣߌ߫ ߡߊ߬ߞߏ߬ߟߊ߲߬ߠߊ ߘߊ߬ߓߊ߬ߟߌ ߘߐ߫ ߸ ߊ߬ ߣߌ߫ ߡߐ߬ ߓߍ߯ ߡߍ߲ ߕߊ߯ߡߊߦߊ߫ ߣߌ߫ ߜߋ߲߬ߞߘߎ߬ߢߐ߲߰ߦߊ ߦߴߌ ߣߴߊ߬ ߕߍ߫ ߸ ߊ߬ ߣߴߊ߬ ߞߏ߫ ߊ߬ ߞߊ߫ ߞߊ߲߫ ߌ ߦߴߌ ߖߘߍ߬ ߟߊߢߊ߬ߣߊ߬ ߊ߬ ߡߊ߬ ߞߏ߫ ߊ߬ ߝߊ߲ߞߊߣߊ߲ߕߊ ߟߋ߬ ߟߊߞߐ߬ߙߐ߲߬ߒ߬ߊ ߥߟߊ߫ ߘߊ߬ߞߣߐߟߊ ߥߟߊ߫ ߞߏ߫ ߡߍ߲ ߌ ߞߐ߫ ߕߍ߫ ߢߌ߲߬ ߏ߬ ߦߋ߫ ߞߍ߫ ߊ߬ ߘߐ߫. ߣߴߌ ߓߊ߯ ߏ߬ ߦߋ߫ ߸ ߌ ߦߴߏ߬ ߟߊߡߊ߬ߙߊ߲߬ߘߌ߫ ߞߏ ߡߊ߬ ߡߍ߲ ߝߊ߲ߞߊߣߊ߲ߣߍ߲߫ ߌ ߞߊ߲߬ ߥߟߊ߫ ߡߍ߲ ߞߊ߫ ߞߊ߲߫ ߌ ߦߋ߫ ߞߊ߬ ߥߊ߫ ߜߋ߲߬ߞߘߎ߬ߢߐ߲߰ߦߊ ߟߊߝߊ߬ߛߊ ߟߊ߫ ߣߌ߫ ߞߊ߬ߣߌ߲߬ߧߊ ߟߊߡߊ߬ߕߏ߫ ߟߊ߫ ߸ ߌ ߞߊ߬ ߤߊ߲߬ߞߟߌ߬ߡߊ߬ߦߊ߫ ߢߌ߬ߡߊ ߟߎ߬ ߡߊ߬ ߡߍ߲ ߦߴߊ߬ ߘߐ߫ ߸ ߊ߬ ߣߌ߫ ߟߊ߬ߢߌߣߌ߲ ߓߊ߬ߕߏ߬ߕߊ ߣߌ߫ ߝߘߊ߬ߞߊ߲߬ߠߊ ߟߎ߬ ߡߊ߬. ߖߎ߯ߡߊ߲ ߠߎ߬ ߢߊߞߐߣߐ߬ߟߌ ߣߌ߫ ߢߌ߬ߡߊ ߟߎ߫ ߡߊ߲ߕߊ߬ߟߌ ߣߌ߲߬ ߝߍ߬ ߸ ߘߍ߬ߢߐ߲߰ߦߊ ߣߌ߫ ߜߋ߲߬ߞߘߎ߬ߢߐ߲߰ߦߊ ߘߌ߫ ߡߎ߬ߡߍ߫ ߸ ߘߊ߬ߙߊ߬ߤߊ ߘߌ߫ ߘߊ߲߬ߕߍ߫ ߌ ߦߋ߫.
ߝߌߟߊߣߊ߲ : ߏ߬ ߦߋ߫ ߤߊ߲ߞߟߌ ߣߌ߫ ߖߘߐ߬ ߓߐߟߌ ߘߌ߫، ߣߌ߫ ߛߊߣߎߦߊ ߕߏߟߌ، ߣߌ߫ ߞߊ߬ ߕߏ߫ ߤߊ߲ߞߍ߫ ߥߊߖߌߓߊߣߍ߲ ߠߎ߬ ߣߌ߫ ߡߎߛߑߕߊߤߊߓߊߣߍ߲ ߠߎ߬ ߟߊߕߋ߬ߟߋ߲߬ߠߌ ߟߊ߫، ߣߌ߫ ߟߊߝߙߍ߫ ߛߐ߬ߘߐ߲ ߝߊ߲߫ ߝߌߟߊ ߕߍ߫، ߡߍ߲ ߘߏ߲߬ ߡߊ߫ ߞߊ߲ߘߊߦߊ ߡߌ߬ߘߊ߫ ߢߌ߲߬ ߠߊ߫ ߡߍ߲ ߟߊ߬ߝߐ߬ߓߊ߮ ﷺ( ߕ. ߖ)ߞߵߊ߬ ߝߐ߫ -ߓߊ߬ߙߌ߫ ߞߵߊ߬ ߞߏ ߟߊߛߊ߬ߦߌ߲߬ߧߊ߫ ߞߵߊ߬ ߢߊ ߞߍ߫ ߖߎ߯ߡߊ߲ߞߍߟߊ ߟߎ߫ ߡߊ߬ ߞߵߊ߬ ߢߊ ߝߎߦߋ߲߫ ߢߌ߬ߡߊ߬ߞߍߟߊ ߟߎ߫ ߡߊ߬-، ߏ߬ ߡߊ߬ߞߏ ߟߋ߬ ߞߵߊ߬ ߖߘߐ߬، ߊ߬ ߣߌ߫ ߞߊ߬ ߞߊ߬ߣߌ߲߬ߧߊ ߖߘߍ߬ߞߏߙߏ߫ ߡߍ߲ ߦߴߊ߬ ߣߴߊ߬ ߢߐ߲߯ ߟߎ߫ ߕߍ߫، ߊ߬ ߣߌ߫ ߤߊ߲ߞߍ ߛߌߦߊߡߊ߲߫ ߘߌ߫ ߕߴߊ߬ ߕߍ߰ ߡߍ߲ ߠߎ߬ ߟߊߕߊ߲߬ߞߊߟߌ ߦߋ߫ ߊ߬ ߟߎ߫ ߝߌߟߊ߲ߝߌߟߊ߲ ߞߎ߲߬ߘߐ߫.
ߘߌ߬ߢߍ߬ߞߘߐߕߊ ߡߐ߱ ߛߌߦߊߡߊ߲߸ ߓߊߟߊ ߟߎ߬ ߣߌ߫ ߞߏ߫ ߞߐ߲ߠߊߓߟߊ ߟߎ߬ ߓߊ߯ ߓߌ߬ߟߊ߬ ߊ߬ߟߎ߫ ߡߊ߬߸ ߊ߬ߟߎ߬ ߦߴߊ߬ߟߎ߫ ߖߍ߬ߘߍ ߟߊߞߊ߲߬ߞߊ߲߬ ߠߊ߫ ߡߎ߬ߢߎ߲ ߞߊ߲߬ ߊ߬ ߣߌ߫ ߖߐ߬ߣߍ߲߬ߦߊ ߞߊ߲߬. ߓߊ߬ߙߌ߬ ߞߏ߫ ߡߊ߬ߟߐ߲߬ߣߍ߲ ߣߐ߲߰ߡߊ߲ ߠߎ߬ ߕߎ߬ߡߊ߫߸ ߊ߬ߟߎ߬ ߦߋ߫ ߖߘߍ߬ߘߐ߬ߜߍߘߍ߲߬ߠߊ߫߸ ߊ߬ߟߎ߫ ߟߊ߫ ߛߊߣߌ߲ߧߊ ߦߋ߫ ߘߊߓߏ߬ߟߊ߫߸ ߏ߬ ߛߊߓߎ ߟߋ߬ ߓߊߏ߬ ߊ߬ߟߎ߫ ߞߵߊ߬ߟߎ߫ ߣߌ ߟߎ߬ ߟߊߞߊ߬ߝߏ߫ ߞߏ߫ ߓߏ߲ߓߊ ߟߎ߬ ߟߋ߫ ߡߊ߬߸ ߞߵߊ߬ ߕߏ߫ ߞߏ߫ ߘߋߣߍ߲ ߠߎ߬ ߡߊ߬߸ ߏ߬ ߞߵߊ߬ߟߎ߬ ߕߙߐ߫ ߞߵߊ߬ ߞߍ߫ ߊ߬ߟߎ߫ ߟߊ߫ ߣߌ ߟߊߝߙߍ ߡߊ߬، ߒ߬ߓߊ߬ ߡߐ߰ ߥߘߋ߬ߥߘߋ߬ߣߍ߲ ߦߴߊ߬ ߣߌ ߟߊߞߊ߬ߝߏ߫ ߟߊ߫ ߞߏ߫ ߘߋߣߍ߲ ߣߌ߫ ߞߏ߫ ߓߏ߲ߓߊ ߟߎ߬ ߡߊ߬߸ ߞߵߊߟߊ߫ ߕߙߊ߫ ߘߍ߬ߡߍ߲ ߘߌ߫ ߏ߬ ߟߎ߬ ߡߊ߬߸ ߊ߬ ߣߌ߫ ߞߏ߫ ߊߟߊ߫ ߞߣߴߊ߬ ߓߌ߬ߟߊ߫ ߊ߬ ߣߌ ߞߎ߲߬ߠߊ߫ ߤߊߟߌ߬ ߢߊߞߘߐߓߌߟߊ߲ ߞߋߟߋ߲ ߘߐ߫، ߏ߬ ߓߊ߯ ߞߍ߫ ߞߊ߲߬߸ ߞߏ߫ ߘߋߣߍ߲ ߘߌ߫ ߣߐ߰ߦߊ߫ ߊ߬ ߡߊ߬߸ ߦߏ߫ ߞߏ߫ ߓߏ߲ߓߊ ߣߐ߰ߦߊ߬ߣߍ߲ ߊ߬ ߡߊ߬ ߢߊ ߡߍ߲. ߊ߬ ߦߋ߫ ߕߏ߫ ߟߊ߫ ߊ߬ ߣߌ ߡߝߊߕߐ߫ ߸ ߊ߬ ߖߛߎ߬ߞߎ߲ ߢߡߊߟߐߕߐ߫ ߸ ߊ߬ ߟߊߝߙߍߕߐ߫.
ߝߐߘߊ߫: ߖߍ߬ߘߍ ߟߊߓߌ߬ߟߊߓߊߟߌߦߊ ߤߊߡߌ߲ ߟߎ߫ ߞߐ߫
ߤߊ߲߬ߞߟߌ߬ߡߊ߬ߕߌ߮ ߦߴߊ߬ ߟߐ߲߫ ߞߏ߫ ߊ߬ ߟߊ߫ ߢߣߊߡߦߊ߫ ߕߋߟߋ߲ߣߍ߲ ߦߋ߫ ߞߌߢߍ߫ ߣߌ߫ ߖߛߎ߬ߞߎ߲ ߡߝߊ ߟߋ߬ ߘߌ߫، ߊ߬ ߣߌ߫ ߞߏ߫ ߊ߬ ߘߐ߰ߞߟߏ߲߫ ߖߐ߫ ߖߐ߫، ߒ߬ߓߊ߬ ߊ߬ ߕߍ߫ ߞߊ߲߫ ߊ߬ ߡߊ߬ ߞߵߊ߬ ߘߐ߰ߞߟߏ߲߫ߧߊ߫ ߛߌ߬ߒ߬ߕߊ߲߬ߞߊ ߟߎ߬ ߣߌ߫ ߓߌߟߊߟߌ ߟߊ߫ ߜߏߦߊ ߟߎ߬ ߝߍ߬، ߓߊߏ߬ ߏ߬ ߦߋ߫ ߢߣߊߡߦߊ߫ ߕߋߟߋ߲ߣߍ߲ ߞߐߡߊ߬، ߊ߬ ߦߴߊ߬ ߟߊ߫ ߢߣߊߡߦߊ ߛߣߍ߬ߡߊ߬߸ ߞߏ߫ ߊ߬ ߛߌߦߊߡߊ߲ ߞߊߣߊ߬ ߞߍ߫ ߛߌ߬ߒ߬ߕߊ߲߬ߞߊ ߟߎ߬ ߣߌ߫ ߜߏߦߊ ߟߎ߫ ߟߊ߫ ߞߊ߲ߓߏ߲߬ߝߋ߲ ߘߌ߫، ߝߘߊߣߊ߲ߞߏ߫ ߛߌ߫ ߕߍ߫ ߣߌ߲߬ ߘߐ߫ ߕߋߟߋ߲ߓߊ߮ ߣߌ߫ ߖߎ߲߬ߕߎ߲߬ߓߊ߮ ߕߍ߫، ߓߊ߬ߙߌ߬ ߟߌ߬ߡߣߊ߬ߦߊ߬ߓߊ߮ ߟߋ߫ ߕߊ߫ ߦߋ߫ ߦߌ߬ߘߊ߬ߟߌ ߣߌ߲߬ ߟߊ߬ߛߙߋߦߊߟߌ ߟߊ߫ ߓߟߏߟߊߞߊ߬ ߛߌߦߊߡߊ߲ߓߊ ߘߌ߫، ߊ߬ ߣߌ߫ ߛߍ߲߬ߠߊ߲߬ߝߋ߲߫ ߣߝߊ߬ߖߎ߯ߡߊ ߡߊ߬ߛߊ߬ ߣߌ߫ ߛߎ߬ߟߊ߫.
ߞߴߊߟߊ߫ ߟߊ߫ ߦߌߟߌ߲ ߣߌ߫ ߡߊ߬ߜߏ߬ߦߊ߬ߣߍ߲ ߡߍ߲ ߞߵߊ߬ ߛߐ߬ߘߐ߲߫ ߏ߬ ߘߊ߲ߝߙߊ߲߬߸ ߊ߬ ߞߊ߲ߣߍ߲߫ ߝߣߊ߫ ߣߴߊ߬ ߞߍ߫ ߞߐ߲ߞߐ߲ߞߏ ߘߏ߫ ߛߋ߫ ߘߴߊ߬ ߡߊ߬ ߥߟߊ߫ ߊ߬ ߛߌߟߊ߲߬ߣߴߊ߬ ߟߊ߫ ߸ ߞߏ߫ ߊ߬ ߦߋ߫ ߣߍߡߊ ߟߎ߬ ߕߐ߬ߣߐ ߡߍ߲ ߛߐ߬ߘߐ߲߬ߣߍ߲߫ ߊ߬ ߦߋ߫ ߘߌ߯ߣߊߦߊ ߘߐ߫ ߥߟߊ߫ ߞߌߢߍ߲߫ ߘߐ߫ ߸ ߣߌ߫ ߞߐ߲ߞߐ߲ߞߏ߫ ߡߍ߲ ߛߋ߫ ߘߴߊ߬ ߡߊ߬ ߏ߬ ߟߊ߬ߓߊ߬ߙߊ߲߫، ߏ߬ ߟߊ߬ߓߊ߬ߙߊ߲߬ߠߌ ߘߐ߫ ߸ ߊ߬ ߘߐ߫ ߣߍߡߊ ߟߎ߬ ߟߊ߫ ߛߌߦߊߡߊ߲ߦߊ ߣߌ߫ ߞߐ߲ߞߐ߲ߞߏ ߟߎ߬ ߟߊ߫ ߘߐ߯ߦߊߦߊ ߡߍ߲ ߛߋ߫ ߘߴߊ߬ ߡߊ߬ ߏ߬ ߘߌ߫ ߟߊ߲ߞߣߍߡߊ߫.
ߏ߬ ߢߊ ߟߋ߬ ߊ߬ ߦߋ߫ ߕߐ߬ߢߐ߬ߟߊ߬ߓߊߟߌ ߞߍߟߌ ߛߌߟߊ߲ߞߏ ߣߌ߫ ߞߛߌߟߌ ߛߋߞߏ ߛߌߦߊߡߊ߲ ߠߎ߬ ߛߙߊ߬ߕߊ߫ ߟߊ߫߸ ߊ߬ ߕߍ߫ ߛߋߞߏ ߟߐ߬ߣߍ߲ ߕߏ߫ ߟߊ߫ ߞߵߊ߬ ߟߊߓߊ߲߫ ߛߋߞߏ ߝߊ߬ߣߌ߲߬ߞߊ ߛߌߦߊߡߊ߲ ߠߎ߬ ߡߊ߬߸ ߏ߬ ߓߟߴߊ߬ ߟߊ߫ ߤߊߡߎ߲ ߣߴߊ߬ ߟߊ߫ ߛߌߟߊ߲߫ ߦߋ߫ ߓߐ߫ ߟߊ߫. ߊ߬ ߣߴߊ߬ ߦߋ߫ ߛߋߞߏ ߓߏ߲߬ߓߊ߬ߕߊ ߖߊ߬ߕߋ߬ߡߌߘߊ߫ ߟߊ߫ ߡߍ߲ ߘߌ߫ ߛߐ߬ߘߐ߲߬ ߊ߬ ߟߊ߫߸ ߏ߬ ߞߍ߫ ߸ ߊ߬ ߦߴߊ߬ ߖߍ߬ߘߍ ߡߊ߬ߞߣߎ߲߬ߧߊ߫ ߟߊ߫ ߏ߬ ߞߍߟߌ ߟߊ߫ ߣߴߊ߬ ߞߍ߫ ߘߊ߫߸ ߊ߬ ߣߴߊ߬ ߦߋ߫ ߖߘߍ߬ߞߍ߫ ߟߊ߫ ߡߍ߲ ߡߊ߫ ߞߍ߫ ߝߟߐ߫ ߏ߬ ߘߊ߲߬ߕߍ߰ߟߌ ߘߐ߫߸ ߊ߬ ߣߌ߫ ߡߍ߲ ߞߍߣߍ߲߫ ߏ߬ ߥߟߌ߬ߟߌ ߘߐ߫ ߥߟߊ߫ ߊ߬ ߝߊߘߊߦߊߟߌ ߘߐ߫.
ߡߐ߱ ߟߎ߬ ߟߊ߫ ߕߙߐߦߊߟߌ ߦߴߊ߬ߟߎ߫ ߟߋ߫ ߞߊ߲߬߸ ߣߴߌ ߡߴߌ ߞߐߟߐ߬ ߟߴߏ߬ ߟߊ߫. ߞߏ߫ ߣߝߊ߬ߡߊ ߟߎ߬ ߘߐ߫ ߸ ߌ ߦߴߊ߬ ߟߐ߲߫ ߞߏ߫ ߡߐ߱ ߟߎ߬ ߟߊ߫ ߕߙߐ߫ ߟߌ ߌ ߦߋ߫߸ ߦߴߊ߬ ߡߊ߬ߞߊ߲߬ ߞߎߡߊ߫ ߖߎ߯ߡߊ߲ ߠߎ߬ ߘߐ߫߸ ߏ߬ ߕߴߌ ߕߙߐ߫ ߟߊ߫ ߸ ߞߏ߬ߣߌ߲߬߬ ߊ߬ߟߎ߫ ߟߋ߫ ߕߙߐ߫ ߟߊ߫، ߝߏ߫ ߣߴߌ ߞߵߌ ߖߘߍ߬ ߓߊߟߊ߫ ߊ߬ ߘߐߡߊ߬ߞߏ ߘߐ߫ ߸ ߊ߬ ߣߴߌ ߞߵߊ߬ ߕߏ߫ ߊ߬ ߦߴߌ ߟߊ߫ ߘߌ߬ߢߍ ߟߎ߫ ߡߙߊ߬، ߏ߬ ߓߊ߯ ߊ߬ ߓߴߌ ߕߙߐ߫ ߦߏ߫ ߊ߬ ߞߵߊ߬ߟߎ߫ ߕߙߐ߫ ߢߊ ߡߍ߲، ߣߴߌ ߘߏ߲߬ ߡߴߊ߬ ߓߊߟߌߦߊ߫ ߸ ߊ߬ ߕߍ߫ ߌ ߕߙߐ߫ ߝߏߦߌ߬ ߟߊ߫.
ߌ ߟߊ߫ ߢߣߊߦߊ ߘߌ߬ߡߊ߲߬ߦߊ߫ ߞߌ߬ߡߊߞߌ߬ߡߊ ߣߝߊ߬ߡߊ ߟߎ߬ ߝߍ߬، ߌ ߦߴߊ߬ ߟߐ߲߫ ߞߏ߫ ߌ ߟߊ߫ ߢߣߊߡߦߊ ߦߋ߫ ߞߍ߫ ߟߊ߫ ߞߊ߬ ߓߍ߲߬ ߌ ߟߊ߫ ߛߌ߰ߞߌ߬ߟߌ ߟߎ߬ ߡߊ߬߸ ߣߴߊ߬ߟߎ߬ ߞߍ߫ ߘߊ߫ ߞߏ߫ ߘߌ߫ ߡߍ߲ ߦߴߌ ߡߊ߲ߝߊ߫ ߟߊ߫ ߌ ߟߊ߫ ߘߌߣߊ ߘߐ߫ ߥߟߊ߫ ߞߌߢߍ߲ ߘߐ߫ ߸ ߒ߬ߓߊ߬ ߌ ߟߊ߫ ߢߣߊߡߦߊ ߘߌ߫ ߞߍ߫ ߓߘߍ߬ߓߘߍ߬ ߢߌߡߊ ߘߌ߫߸ ߣߴߏ߬ ߕߍ߫ ߸ ߞߏ ߦߴߊ߬ ߞߐߟߊ߲ߞߊ߲ ߘߌ߫.
ߞߊ߬ ߡߊ߬ߡߟߊ߬ߞߏ ߞߍ߫ ߊߟߊ߫ ߦߋ߫ ߸ ߊ߬ ߕߍ߫ ߞߍߟߊ߫ ߘߊ߲ߝߋ߲ ߠߎ߬ ߦߋ߫߸ ߛߎ߬ߣߎ߲ ߜߍ߲߫ ߠߊ߫ ߞߏ ߣߝߊ߬ߓߊ߮ ߟߎ߬ ߘߏ߫ ߟߋ߬ ߦߋ߫ ߸ ߌ ߦߋ߫ ߌ ߖߘߍ߬ ߞߎ߲߬ߠߊߝߊ߬ ߞߏ߫ ߌ ߞߊߣߊ߬ ߓߊߙߌߞߊߓߐߟߌ ߢߌߣߌ߲߫ ߝߏ߫ ߊߟߊ߫ ߘߐ߫، ߣߴߌ ߞߊ߬ ߢߌ߬ߡߊ߬ߦߊ ߞߍ߫ ߡߍ߲ ߞߊ߬ ߖߎ߬ߡߊ ߛߐ߬ߘߐ߲߬ ߌ ߞߊ߲߬ ߸ ߥߟߊ߫ ߡߍ߲ ߕߍ߫ ߖߎ߬ߡߊ߫ ߟߊ߫ ߌ ߞߊ߲߬ ߸ ߏ߬ ߦߋ߫ ߟߐ߲߫ ߞߏ߫ ߣߌ߲߬ ߦߋ߫ ߞߏ߬ߢߊ ߟߋ߬ ߘߌ߫ ߌ ߣߌ߫ ߊߟߊ߫ ߕߍ߫، ߒ߬ߓߵߌ ߞߊߣߊ߬ ߞߐߡߊߓߌߘߌ߲߫ ߡߍ߲ ߓߊߙߌߞߊߓߐߟߌ ߡߊ߬ ߌ ߞߊ߬ ߦߌߟߌ߲ ߞߍ߫ ߡߍ߲ ߦߋ߫، ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߢߊ ߡߍ߲߫ ߊ߬ ߟߊ߫ ߘߊ߲ߝߋ߲ ߞߙߎ߬ߞߙߎ߬ߣߍ߲ ߠߎ߬ ߞߏߢߊ ߘߐ߫: ﴿ߞߏ߫ ߒ߬ߠߎ߬ ߦߴߊߟߎ߫ ߟߘߊߥߎ߲ߠߌ߲߫ ߠߴߊߟߊ߫ ߞߏߟߘߊ ߟߋ߬ ߦߋ߫ ߘߋ߬، ߊ߲ ߘߏ߲߬ ߕߍ߫ ߛߙߊ߬ ߣߌ߫ ߞߏߢߌߡߊߟߐ߲߫ ߛߌ߫ ߢߌߣߌ߲߫ ߠߴߊߟߎ߫ ߝߍ߬ ߉﴾ [ߡߐ߱، ߟ:߉]
ߏ߬ ߦߋ߫ ߘߊ߲ߜߊߦߊ߫ ߟߊ߫ ߓߏ߲ߘߊ ߣߌ߫ ߘߋ߲ ߠߎ߬ ߡߊߟߏ ߘߐ߫ ߞߊ߬ ߓߐ߫ ߌ ߟߊ߫ ߖߊ߬ߡߊ߲߬ߘߌ߬ߞߊ߲ ߝߊ߲߬ߞߊ ߘߐ߫ ߊ߬ߟߎ߬ ߝߍ߬ ߸ ߌ ߓߊ߯ ߌ ߣߌ ߟߊߡߌ߬ߣߊ߬ ߞߊ߬ ߖߎߡߊ߲߫ ߓߐ߫ ߊ߬ߟߎ߬ ߡߊ߬ ߸ ߌ ߓߘߴߌ ߟߊߝߙߍ߫ ߊ߬ߟߎ߬ ߝߣߊ߫ ߟߊߝߙߍ߫ ߟߊ߫. ߟߊߝߙߍߟߌ ߛߓߊ߬ߓߎ ߟߎ߬ ߘߏ߫ ߟߋ߬ ߞߊ߬ ߢߊ߬ߒ߬ߡߊ߲߬ߧߊ ߟߎ߬ ߡߌ߬ߘߊ߫ ߞߊ߬ ߓߊ߯ߙߊ߫ ߏ߬ ߟߎ߫ ߡߊ߬ ߣߌ ߟߊ߫ ߛߌ߬ߛߌ߬ߟߌ ߞߊ߲ߡߊ߬ ߸ ߕߊ߬ߟߌ߬ߝߊ߬ߒ߬ߘߐ߬ߞߟߌ߫ ߞߏ߫ ߕߏ߫ ߟߊ߫ ߡߍ߲ ߦߴߌ ߞߣߐ߬ߘߐ߬ߝߟߌ߬ ߟߊ߫ ߸ ߏ߬ ߓߊ߯ ߞߍ߫ ߌ ߘߌ߫ ߛߊ߬ߦߌ ߌ ߣߐ߭ ߘߐ߫ ߞߵߌ ߓߏ߲߬ߠߊ߬ߓߊߟߌߦߊ߫ ߢߊ߬ߒ߬ߡߊ߲߬ߧߊ ߛߐ߬ߘߐ߲ ߘߐ߫ ߸ ߞߊ߬ߓߊ߲߫ ߌ ߓߘߊ߫ ߛߌߟߊ߫ ߞߣߐ߬ߜߍ߬ߣߍ߲ ߕߊ߬ߡߌ߲߬ ߠߊ߫. ߏ߬ ߦߋ߫ ߤߊߞߟߌߡߊߦߊ ߘߏ߫ ߟߋ߬ ߘߌ߫ ߸ ߞߊ߬ ߞߏ ߟߎ߬ ߞߙߎ߬ߣߍ߲ ߠߎ߬ ߞߍ߫ ߞߏ ߟߎ߬ ߛߊߣߌ߲ߡߊ߲ ߣߌ߫ ߘߌ߬ߡߊ߲ ߘߌ߫. ߏ߬ ߟߋ ߞߏ߬ߟߊ߫ ߘߊ߰ߡߎ߲ ߠߎ߬ ߟߊ߫ ߛߊߣߌ߲ߡߊ߲ߧߊ ߘߌ߫ ߖߘߌ ߸ ߊ߬ ߣߌ߫ ߞߙߎߟߌ ߟߎ߬ ߘߌ߫ ߓߐ߫.
ߞߊ߬ ߘߐ߰ߘߏ߲߬ ߣߊ߬ߝߊ߬ߟߊߞߏ ߟߎ߬ ߟߊ߫ ߸ ߕߙߐ߬ߦߊߞߏ ߟߎ߬ ߕߏ߫. ߌ ߦߋ߫ ߞߏ ߣߊ߬ߝߊ߬ߟߊ ߟߎ߬ ߞߍ߫ ߌ ߢߊߞߘߐ߫ ߊ߬ ߣߴߌ ߦߋ߫ ߓߊ߯ߙߊ߫ ߞߵߏ߬ ߟߎ߬ ߟߊߘߊ߲ߘߊ߫، ߌ ߞߊߣߵߌ ߞߐߘߏ߲߬ ߞߏ ߕߙߐߟߊ ߟߎ߫ ߡߊ߬، ߛߴߌ ߘߴߌ ߖߊ߲߬ߓߐ߫ ߏ߬ ߓߟߏ߫ ߛߊߓߎ ߟߎ߫ ߡߊ߬ ߡߍ߲ ߠߎ߬ ߦߋ߫ ߞߣߐ߬ߛߎ߲ ߣߌ߫ ߛߎ߬ߣߎ߲ ߣߊ߬ߟߊ߫ ߟߊ߫، ߊ߬ ߣߴߌ ߦߋ߫ ߘߍ߬ߡߍ߲߬ߠߌ߲ ߢߌߣߌ߲߫ ߟߊߝߙߍ ߣߌ߫ ߣߌߟߊߘߍ߬ߟߌ ߟߊ߫ ߓߊ߯ߙߊ ߘߊ߲߬ߓߙߊ߬ߒߕߋ ߟߎ߬ ߡߊ߬.
ߞߊ߬ ߓߊ߯ߙߊ ߟߎ߬ ߟߊߕߍ߰ ߘߊ߬ߡߊ߲߬، ߞߏ ߣߊ߬ߝߊ߬ߟߊ߬ߡߊ ߟߎ߬ ߘߏ߫ ߟߋ߬ ߓߊ߯ߙߊ ߟߎ߬ ߓߊ߲ߧߊ ߘߌ߫ ߊ߬ ߕߎ߬ߡߊ ߘߐ߫ ߸ ߊ߬ ߣߌ߫ ߞߵߌ ߖߘߍ߬ ߟߊߓߌ߬ߟߊ߬ ߛߌߣߌ߲߫ ߞߏ ߟߎ߬ ߦߋ߫. ߓߊߏ߬ ߣߌ߫ ߓߊ߯ߙߊ ߟߎ߬ ߡߊ߫ ߓߊ߲߫ ߸ ߓߊ߯ߙߊ߫ ߕߊ߬ߡߌ߲߬ߣߍ߲ ߠߎ߬ ߕߐ߬ߢߐ߲߬ߡߊ ߘߌ߫ ߟߊ߬ߘߊ߫ ߌ ߞߎ߲߬ ߸ ߓߊ߯ߙߊ߫ ߣߊ߬ߕߐ ߟߎ߬ ߘߌ߫ ߓߊ߬ߕߏ߫ ߏ߬ ߟߎ߬ ߞߊ߲߬ ߸ ߊ߬ ߘߌ߯ߣߊ߲ ߘߌ߫ ߞߟߍ߬ߦߊ߫. ߣߴߌ ߓߊ߲߫ ߘߊ߫ ߞߏ ߓߍ߯ ߓߊ߲߫ ߠߊ߫ ߊ߬ ߕߎ߬ߡߊ ߘߐ߫ ߸ ߌ ߘߌ߫ ߘߏ߲߬ ߛߌߣߌ߲߫ ߞߏ ߟߎ߬ ߘߐ߫ ߞߎ߲߬ߠߊ߬ߥߊ߰ߣߌ߲߬ ߝߊ߲߬ߞߊ߬ ߣߌ߫ ߓߊ߯ߙߊ߫ ߝߊ߲߬ߞߊ ߟߊ߫.
ߕߣߐ߬ߡߊ ߟߎ߬ ߕߊ߬ߕߊ߬ߟߌ ߣߌ߫ ߟߊ߬ߖߌ߬ߟߊ߬ߟߌ، ߊ߬ ߞߊ߬ ߓߍ߫ ߌ ߦߋ߫ ߞߊ߬ ߓߊ߯ߙߊ ߣߊߝߊߟߊ߲ ߠߎ߬ ߘߐ߫ ߸ ߞߊ߬ ߓߏ߲߬ߓߊ ߟߋ߬ ߛߎߥߊ߲ߘߌ߫ ߞߊ߬ ߕߊ߯ ߊ߬ ߘߐߟߊ ߞߊ߲߬، ߊ߬ ߣߌ߫ ߞߊ߬ ߝߊߙߊ߲ߝߊߛߌ ߞߍ߫ ߌ ߣߌ ߞߊ߬ ߡߌ߬ߘߊ߬ ߡߍ߲ ߡߊ߬ ߊ߬ ߣߌ߫ ߌ ߟߊ߫ ߘߌߦߊ ߞߊ߬ ߞߊ߬ߟߊ߲߫ ߡߍ߲ ߞߏ ߘߐ߫، ߓߊߏ߬ ߊ߬ ߞߐߟߊ߲ߞߐ ߟߋ߬ ߦߋ߫ ߛߌ߬ߛߌ߬ߟߌ ߣߌ߫ ߝߊ߬ߙߊ߬ߟߌ ߣߌ߫ ߖߎ߬ߛߎ߬ߜߟߍߦߊ ߟߊߞߍ߫ ߟߊ߫، ߊ߬ ߣߌ߫ ߞߊ߬ ߘߍ߬ߡߍ߲߬ߠߌ߲ ߢߌߣߌ߲߫ ߏ߬ ߞߏ ߘߐ߫ ߞߊ߬ ߕߊ߲߬ߞߊ߬ߟߌ ߓߘߍ ߣߌ߫ ߞߏߟߊߒߞߘߐߢߐ߲ߦߊ ߟߊ߫، ߓߊߏ߬ ߡߍ߲ ߞߊ߬ ߞߏߟߊߒߞߘߐߢߐ߲ߦߊ ߞߍ߫ ߸ ߏ߬ ߡߊ߫ ߣߊ߬ߛߌ߬ߟߊ߲߫، ߊ߬ ߣߌ߫ ߞߊ߬ ߞߏ ߞߐߝߍ߫ ߓߘߍ߫ ߓߘߍ߫ ߸ ߌ ߦߴߊ߬ ߝߍ߫ ߞߊ߬ ߡߍ߲ ߞߍ߫، ߣߴߊ߬ ߢߊ߬ߣߊ߲ ߞߍ߫ ߘߴߌ ߦߋ߫ ߞߏ߫ ߣߊ߬ߝߊ߬ ߦߴߊ߬ ߘߐ߫ ߸ ߊ߬ ߣߴߌ ߞߊ߬ ߘߊߡߌ߬ߣߊ߬ ߊ߬ ߞߊ߲߬ ߸ ߒ߬ߓߊ߬ ߌ ߦߴߌ ߛߍ߲߬ߓߍ߫ ߊߟߊ߫ ߡߊ߬ ߸ ߓߊߏ߬ ߊߟߊ߫ ߞߊ߬ ߊ߬ ߛߍ߲߬ߓߍ߬ߟߊ ߟߎ߫ ߟߋ߬ ߞߊߣߌ߲߫.
ߕߊ߲߬ߘߏ ߊߟߊ߫ ߦߋ߫ ߸ߖߊ߯ߓߊ ߟߎ߫ ߡߊ߰ߙߌ ߟߋ߬
ߊߟߊ߫ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߞߍ߫ ߊ߲ ߠߊ߫ ߛߌߘߌ߲ߓߊ߮ ߡߏ߬ߤ߭ߊߡߡߊߘ ߊ߬ ߣߴߊ߬ ߞߐߙߍ ߟߎ߬ ߣߴߊ߬ ߘߍ߬ߒߢߐ߲߮ ߠߎ߬ ߦߋ߫.
