الإسلام دين رسل الله

Lɩslaangã lɑ Wẽnd Tẽn-tʋʋmbã dĩini

Lɩslaangã yaa sak-n-tũ Wẽnde, sẽn yaa bõn-naandsã Naandã la b Rabsdã, la sak-n-tũ-A ne nonglem la waoogre, la lɩslaangã yẽgrã yaa kõ-sɩd ne Wẽnde, la kõ-sɩd tɩ Yẽnda la Naandã la zẽng sẽn ka Yẽ fãa yaa bõn-naandga, la Yẽnda n sõmb ne tũudmã, Yẽ A Yermbre, lagem-n-taag ka be ne-A, sẽn na n tũ a soab sɩd-sɩd ka be tɩ sã n ka Yẽ ye, A tara yʋy sẽn manege la sɩf-rãmb sẽn zẽke, A tara pidb zãnga, tɩ boogr ka be ye, A ka roge, b Ka rog-A, A ka tar lall-n-taaga, A ka tar mak-n-taaga, A ka tar bilg-n-taaga, A ka sigd yĩngã, A ka lebd yĩng baa fʋɩ A bõn-naandsã pʋgẽ ye.

Lɩslaangã yaa Wẽnd dĩini (A Naam zẽk yã) Wẽnd sẽn ka reegd dĩin nebã nengẽ, sã n ka yẽ, yẽnda me la Tẽn-tʋʋmbã fãa sẽn wa ne wã (tɩlgr be b yĩnga).

La sẽn be lɩslaangã yẽgã pʋgẽ, yaa kõ-sɩd ne malεgsã fãa gilli, la kõ-sɩd tɩ Wẽnde, A tʋmsa Tẽn-tʋʋmbã bʋl yĩng tɩ b na taas A saglsã A yembsẽ wã, la A tʋms Gafo b nengẽ, la b Baasgã yaa a Mʋhammad (Wẽnd Pʋʋsg la A tɩlgr be a yĩnga), Wẽnd tʋms-a lame ne sãri sẽn pidsdi n yẽesd tẽn-tʋʋmbã sẽn reng taoorã sãri-rãmba, Wẽnd keng-a lame n sõng-a ne tagmas-rãmb bεda, la b sẽn tʋg n bedem n yɩɩda yaa Alkʋrãan wagellã, sẽn yaa bõn-naandsã Naabã goamã, Gaf bedrem sẽn tʋg n yɩɩd ninsaalbã sẽn bãnge, a komsdame, n yaa yel-solemde, a sẽn kʋmb bũmb ningã la a gom-biisẽ wã la a tuiibẽ wã, peegr be beenẽ n tʋgd sɩda, n taasd ned zu-noog zĩigẽ, dũni la laaahre, a leb n yaa bũmb b sẽn gũ n tʋg n tãag rũnda, ne laraabiimd ninga Alkʋrãanã sẽn sig ne wã, ka tedge, ka toeeme, baa gʋls bil a yembr ye.

La sẽn be lɩslaangã yẽgẽ, yaa kõ sɩd ne malεgsã belem, la kõ sɩd ne yaoolem raarã, Wẽnd sẽn na n wa yik nebã, b yaadẽ wã, dũni wã yikr raare, n na n geel-b b tʋʋmã, rẽnd sẽn tʋma tʋʋm sõmbse, n yaa sɩd-kõta, a tara vɩɩm sẽn duumd arzãnã pʋgẽ, la sẽn kɩfla, n maan tʋʋm wẽnse, a tara nang sẽn yaa zɩsgo, Bugmã pʋgẽ, la sẽn be lɩslaangã yẽg pʋgẽ, yaa kõ sɩd ne Wẽnd sẽn kord (pʋlem) bũmb ningã, sẽn yaa sõma maa wẽnga.

La lɩslaambã kõta sɩda t'a ɭɩsa yaa Wẽnd yamba la A Tẽn-tʋʋma, tɩ ad a ka Wẽnd biig ye, bala Wẽnd zɩsame, ka sõmb t'a tall pag ye, maa biiga. La ad Wẽnd kõo tõnd kibare Alkʋrãanã pʋgẽ t'a ɭɩsa yɩɩ nabiyaama, Wẽnd kõ-a-la yel-solem wʋsgo, n tʋms-a t'a booll a nebã n tʋg Wẽnd tũudum, A Yembre lagem-ntaag ka be ne-A ye. La A kõ tõnd kibare t'a ɭɩsa ka bao nebã nengẽ tɩ b tũ-a ye, a rag n yɩɩme n tũud a Naandã.

La lɩslaangã yaa dĩin sẽn zemsd ne fɩtrã wã (ninsaal rog ne wã) la yam sẽn manege, yõ-tɩrsã sakd-a lame, Naandã sẽn yaa zɩsgã n naan-a n kõ A yembsã, a yaa sõma la zu-noog dĩin n kõ nebã fãa gilli. A ka welgd buud ne a to, a ka welgd kõbg ne a to, nebã fãa gill yaa yembre a pʋgẽ. Ned ka welgd ne bũmb lɩslaangã pʋga n yɩɩd a to, rẽnda ne a tʋʋm sõngã alkadre.

La sõmba ne ninsaal fãa sẽn tar yam t'a kõ sɩd ne Wẽnde tɩ yaa a Soaba, la lɩslaangã tɩ yaa a dĩini, la a Mʋhammad tɩ yaa a Tẽn-tʋʋma, la wãnde yaa sẽn sagell tɩ b maane, ninsaal ka tar yam yãkr a pʋgẽ ye; bala Wẽnd na n sok-a-la dũni yikr raarã yẽ sẽn sak n tũ ne bũmb ningã, sã n mikame t'a yaa sɩd-kõta, a tara pʋɩɩr la yõod sẽn yaa bedre, la sã n mik t'a yaa kɩfre, a tara bõn sẽn yaa vẽenega.

La ned ning sẽn rata n kẽ lɩslaangã, rẽnd bee ne yẽ soaba t'a yeele: (Ašhadʋ anlaa-ɩlaaha ɩllallaahʋ, wa Ašhadʋ anna Mʋhammadan Rasʋʋlʋllaah= m maaanda kaseto tɩ soab sẽn na n tũ n tɩlg ka be rẽnda Wẽnde, la m maan kaseto t'a Mʋhammad yaa Wẽnd Tẽn-tʋʋma) t'a yẽ yaa sẽn mi a võorã, n kõ sɩd ne-a, la sẽn tũ ne woto a lebgda more (Lɩslaam), rẽ poorẽ t'a karem lɩslaangã sãri-rãmbã sẽn kellã bilf-bilfu, sẽn na paam n yik n yals ne bũmb ning lɩslaangã sẽn maan n rogl-a wã.

Sẽn na paas bãngre: https://byenah.com/ar/discover-islam