ایمان جسے اللہ تعالیٰ نے اپنے بندوں پر فرض کیا ہے، جیسا کہ کتاب وسنت میں وارد ہے۔

ایمانی انسائکلوپیڈیا جسے اللہ نے اپنے بندوں پر فرض قرار دیا ہے جیسا کہ قرآن کریم اور سنت نبویہ میں وارد ہوا ہے۔

(عقیدہ کے تمام بنیادی اور اہم معلومات اور مسائل کا ایک جامع انسائیکلوپیڈیا جس کی امتیازی خوبی یہ ہے کہ اس میں اعتقادی مسائل کو قرآن کریم اور سنت نبویہ سے جوڑ کر واضح کیا گیا ہے، ساتھ ہی عقیدہ کو اختصار اور شمولیت کے انداز میں راسخ کرنے کی کوشش کی گئی ہے، اعتقادی مسائل کی وضاحت کے دوران آسان اور سہل عبارتیں اختیار کی گئی ہیں، نیز انسائیکلوپیڈیا کو علم کلام اور فلسفیانہ مباحث سے پاک رکھا گیا ہے، اور اس کا مقصد عقائد کے موضوعات کو اس طرح پیش کرنا ہے کہ تمام علمی طبقوں کے لیے ان کا سمجھنا آسان ہو سکے)۔

انسائکلوپیڈیا کا تعارف

شروع کرتا ہوں اللہ تعالیٰ کے نام سے جو بڑا مہربان نہایت رحم واﻻ ہے۔

تمام تعریفیں اسی اللہ کے لئے سزاوار ہیں جس نے اپنے بندے پر یہ قرآن اتارا اور اس میں کوئی کسر باقی نہ چھوڑی، اور میں گواہی دیتا ہوں کہ اللہ کے سوا کوئی معبود برحق نہیں ہے، وہ تنہا اور اکیلا ہے، اس کا کوئی شریک نہیں، اسی کے لئے بادشاہت ہے اور اسی کے لیے حمد و ثنا ہے، اور وہ ہر چیز پر قادر ہے، اور میں گواہی دیتا ہوں کہ محمد اللہ کے بند ے اور اس کے رسول اور اس کی وحی کے امین ہیں، درود و سلام ہو آپ ﷺ پر۔

اما بعد ! دنیا کا سب سے با عزت اور عظیم علم ’’عقیدہ کا علم‘‘ ہے؛ کیوں کہ یہ علم سب سے زیادہ معزز ہستی کے بارے میں گفتگو کرتا ہے اور وہ ہے اللہ سبحانہ و تعالیٰ کی ذات۔ اورسب سے عظیم مقصد کے بارے میں گفتگو کرتا ہے اور وہ ہے اللہ کوایک جاننا اور اس پر ایمان لانا ہے۔ اور سب سے عظیم نتیجہ کے بارے میں گفتگو کرتا ہے اور وہ ہے جنت میں اللہ کے دیدار سے محظوظ ہونا- نیز نبی ﷺ کی متابعت اور صراط مستقیم پر چلنے کے بارے میں گفتگو کرتا ہے۔ اس لیے ہم نے ایک ایسی کتاب تصنیف کرنے کا ارادہ کیا جو عقیدہ کے تمام مسائل کو شامل ہو، جس میں ہم اللہ تعالیٰ کی کتاب اور اس کے نبی ﷺ کی سنت سے رہنمائی حاصل کریں، متکلمین کی وضع کردہ اصطلاحات وتعریفات‘ اور ارکان وشروط سے دور رہیں اور اس کتاب کو ہم تمام لوگوں کے لیے قابل استفادہ بنائیں؛ بایں طور کہ اس سے علماء، اور یونیورسٹیز وغیرہ کے طلبہ اور عام مسلمان فائدہ اٹھا سکیں۔

سبب تالیف:

در حقیقت ہمارے سلف صالحین نے صحیح عقیدہ کی وضاحت کرنے اور اس کےمخالف امور اور مخالفین کی تردید کرنےمیں بڑی محنت کی ہے اور اس کتاب کا مقصد بھی یہی ہے کہ طلبہ اور تمام مسلمان سلف صالحین کی تصانیف سے قریب ہو جا ئیں، اس لیے ہم نے عقیدہ کے تمام مسائل کا تذکرہ ایک ہی کتاب میں کردیا اورجس طرح ہم نے اسے آسان اور سہل بنانے کےلیے آسان عبارتوں کا استعمال کیا اورعناوین کی صحیح ترتیب کاخیال کیا ہے اسی طرح شکوک و شبہات اور ردود میں پڑے بغیر ہم نےصحیح عقیدہ کے بیان پر اکتفا کیاہے۔ اور ہمیں امید ہے کہ ایسا کرنے سے ہمارے دو مقصد پورے ہوگئے: (۱) علوم سلف کو قریب کرنے میں ساجھیداری (۲) عقیدے سے متعلق لا ئبریری میں شدید ضرورت کی تکمیل یعنی عقیدہ کے تمام معاملات پر ایسی کتاب کو تیار کرلینا جو آسان عبارت میں ہے اور جملہ عقیدہ کے تمام مباحث پر مشتمل ہے۔

ہمارا تالیفی منہج:

1- عقیدہ کے ہر موضوع سے متعلق آیات اور احادیث کا جائزہ لے کر ان سے نتیجہ اخذ کرنا۔

۲۔ کتب عقائد کے تمام موضوعات کا جا ئزہ لینا، چاہے وہ سند والی کتاب ہو یا صرف متن پر مشتمل ہو یا متن کی شرح ہو؛ یہ یقینی بنا نے کے لئے کہ آیات و احادیث سے ہمارے عقید ے کا ماخذ اور استدلال ان تمام چیزوں کو شامل ہے جیسا کہ کتب عقائد کے مصنفین نے تدوین کیا ہے۔

۳۔ اگر عقید ے کا کوئی مسئلہ کتاب و سنت میں کسی ایک ہی وجہ پر وارد ہواہے تو ہم نے ایک یا دو دلیلوں ہی پر اکتفا کیا ہے جن میں عقید ے کے اس مسئلہ کا ذکر ہوتا ہے۔ لیکن اگر کوئی مسئلہ کتاب و سنت میں متعدد وجوہ سے وارد ہوا ہے، جیسے صفت کلام، صفت علو، صفت ید، مومنوں کا اپنے رب کو بروزِ قیامت اور جنت میں دیکھنا تو ہم نے ایسے مسئلے کے ہر ایک وجہ کے مطابق دلیل ذکر کرنے کا التزام کیا ہے لیکن باب میں وارد شدہ تمام دلیلوں کے بیان کرنے کى پابندى نہیں کى ہے۔

۴۔ کبھی کبھی مجبوری میں ایک مسئلہ کے بعض پہلوؤں کو ایک باب میں بیان کردیا گیا ہے لیکن دوسرے باب میں اسے دوبارہ بیان کرنے کے ساتھ ساتھ مکمل بھى کیا گیا ہے۔ جیسے باب الخلق میں تخلیق ملائکہ کے حوالے سے گفتگو کی گئی ہے لیکن ان پر گفتگو کو مکمل کتاب الإیمان بالملائکۃ میں کیا گیا ہے، اسی طرح اللہ کے وجود پر ایمان کے باب میں اللہ کے وجود پر دلالت کرنے والے کچھ آیتیں بیان کى گئى ہیں, لیکن اس باب اور ربوبیت کے باب کے مابین قربت کی بنا پر وہی آیتیں دولارہ ربوبیت کے باب میں بھی وارد ہوئی ہیں، در اصل اللہ کے وجود پر ایمان کے باب سے مقصود اللہ کے وجود پر دلالت کرنے والى ان دلائل کو بارز کرنا ہے جن کا انکار ملاحدہ کرتے ہیں۔ اور ربوبیت کے باب میں ان دلیلوں کو لانے کا مقصد ربوبیت کو ثابت کرنا ہے، جو کہ اس الوہیت کو مستلزم ہے، جس کے سلسلے میں مشرکین بحث و مباحثہ کرتے تھے، اسی طرح ہم نے ایک ہی آیت یا ایک ہی حدیث کا ذکرکئی مقام پر کیا ہےلیکن ہر مقام پر حاجت و ضرورت اور استدلال الگ الگ ہے۔

۵۔ حسب ضرورت ہم نے کہیں کہیں آیات و احادیث کی توضیح میں سلف صالحین کا قول بھی ذکر کیا ہے اور کسی شبہے اور مخالف قول میں جا ئے بغیر ہم نے صرف وہی قول ذکر کیا ہے جو حق بات واضح کرد ے؛ تاکہ سیکھنے والا شبہے میں نہ پڑے، یا اس علم صحیح کو اپنے دل و دماغ میں بٹھا ئے بغیر مخالفین کے اقوال سے متاثر ہو جا ئے، اور مجھے امید ہے کہ اس کتاب کا قاری اس مسئلہ میں گمراہی کا شکار نہیں ہوگا؛ کیوں کہ اس نے عقید ے کے تمام مشہور اختلافی مسائل کا احاطہ کر لیا ہے، جیسے اسماء و صفات اور قدر کے مسائل وغیرہ۔

ابن ابی زَمَنین مالکی رحمہ اللہ فرماتے ہیں: (آپ نے جو مسئلہ مجھ سے پوچھا ہے اور اس کے علاوہ جو بھی ایسے مسائل پوچھے جاتے ہیں جن کا تعلق بنیادی عقائد سے ہے اور جن میں گمراہ کن ہوا پستوں نے کتاب الہی‘ سنت رسول اور نبی کریم صلی اللہ علیہ وسلم کی خلاف ورزی کی ہے‘ میں نے ان تمام مسائل کے بارے میں آپ کو اہل علم اور ہدایت کے علمبردار ائمہ کرام کے اقوال سے باخبر کر دیا‘ اگر کبار علما کو یہ بات نا گوار نہ ہوتی کہ ان کا کلام تحریر میں لایا جائے اور کتاب میں اسے ہمیشہ کے لیے ضبط کر دیا جائے‘ تو میں ان ہوا پرستوں کی ایسی ایسی گمراہیوں سے پردہ اٹھاتا کہ آپ ان سے مزید بیزار ہوجاتے‘ ہم ان کے فتنوں سے اللہ کی پناہ چاہتے ہیں‘ اللہ پاک ہمیں اور آپ کو گمراہ کن فتنوں سے محفوظ رکھے‘ ہمیں ایسے قول وعمل کی توفیق دے جس سے اللہ راضی ہو اور ہمیں خود سے قریب کر لے)- اصول السنۃ لابن ابی زمنین (۳۰۹-۳۱۰)

۶۔ ہم نے عمدا اہل کلام کی جدید اصطلاحات اور تعریفات سے کنارہ کشی اختیار کر لی ہے کیوں کہ ان پر من جانب اللہ کوئی دلیل نازل نہیں ہوئی ہے۔

ہم نے اس کتاب کو کتابوں اور ابواب کی شکل میں تقسیم کیا ہے، جیسا کہ پہلے کے مصنفین معزز شرعی علم کے باب میں کیا کرتے تھے، ہم نے مبحث اور مطلب جیسی عصری تقسیمات کا استعمال نہیں کیا ہے۔ ہم نے اسے اصولِ ایمان پر ترتیب دیا ہے۔ امام ابو العز حنفی رحمہ اللہ فر ماتے ہیں: ’’اصول دین پر مشتمل کتاب کی سب سے بہترین ترتیب وہی ترتیب ہے جو آپ ﷺ نے جبرائیل علیہ السلام کے سوال کے جواب میں کہا تھا، جب فرشتے نے آپ سے ایمان کے متعلق پوچھا، تو آپ نے فرمایا: ’’یہ کہ تم اللہ اور اس کے فرشتوں پر ایمان لاؤ...‘‘ اس کا مطلب یہ ہے کہ سب سے پہلے توحید بارى اور صفات الہى اور ان کے متعلقات کا ذکر کیا جائے، پھر فرشتوں پر گفتگو کی جائے، پھر اسى حدیث کے مطابق بالترتیب عقیدہ کى دوسری باتوں کا تذکرہ کیا جائے۔ (العقیدۃ الطحاویۃ کی شرح: 2/ 689)

۸۔ ہم نے شروع ہی میں ہر کتاب کاخلاصہ ذکرکردیا ہے جس میں دلائل کے بغیر تمام مسائل کا احاطہ کردیا گیا ہے۔

۹۔ رہی بات تخریجِ احادیث کی تو ہم نے مختصرا احادیث کی تخریج بھی کردی ہے، معروف ترتیب کے حساب سے ہم نے سب سے پہلے کتب ستہ کا حوالہ دیا، پھر حسب وفات ترتیب دیا، اور کتاب کی ضخامت کو کم کرنے کى خاطر ہم نے چند محدود حالات کو چھوڑ کر احادیث پر کلام کئے بغیر صرف تخریج پر اکتفا کیا ہے۔

اس کتاب کی خصوصیات:

1۔ عقیدہ کے مسائل اللہ تعالیٰ کی کتاب قرآنِ کریم اور اللہ کے رسول ﷺ کی سنتِ مطہرہ کے ساتھ مربوط کر دیے گئے ہیں، تاکہ طالب علم پر ان مسائل کا ماخذ واضح ہو جائے۔

2۔ یہ کتاب عقیدہ کے تمام ابواب سے متعلق اہم مسائل کا احاطہ کیے ہوئے ہے۔

3۔ عقیدہ کے مسائل کے بیان اور وضاحت کے دوران آسان عبارت کے ساتھ مختصر اورجامع انداز میں عقیدہ کی بنیاد قائم کی گئی ہے؛ تاکہ یہ زیادہ قابل فہم اور قابل استیعاب ہو۔

4۔ یہ کتاب علم کلام اور فلسفہ کے مباحث اور ان کی عبارتوں کو راہ دینے سے پاک ہے، اوران الفاظ کے استعمال سے اجتناب کیا گیا ہے جو بدعات کے ظہور ہونے کے بعد عقیدہ کی بعض کتابوں میں وارد ہوئے ہیں۔

ہم یہ نہیں کہتے ہیں کہ ہم نےاس کتاب میں عقید ے کے تمام مسائل کا استیعاب کر لیا ہے لیکن حتی الامکان ہم نےاس کی پوری کوشش کی ہے، ہم اس کتاب میں پائی جانے والی کمیوں، کوتاہیوں، غلطیوں یا استدراک سے آگاہی کے منتظر ہیں تاکہ اگلے ایڈیشن میں اسے صحیح کر سکیں، اپنے حساب سے ہم نے اسے منبع وحی پر وارد کیا ہے اور اس میں ہم نے اچھے اچھے مسائل اور عناوین کا استنباط کیا ہے، ہم نے اسے اس فن سے دلچسپی رکھنے والے طلبہ کے سامنے پیش کیا ہے اورہر مسئلے کی تائید میں کوئی آیت یا کوئی حدیث یا دونوں ایک ساتھ پیش کی ہے۔ اورہم اللہ تعالیٰ سے دعا کرتے ہیں کہ وہ اسے خالص اپنی رضا مندی کا ذریعہ اور اپنے نبی، اپنے خلیل اور وحی کے امین کی سنت کے موافق بنا ئے، اپنے بندوں کے لئے نفع بخش اور اپنے رب سے ملاقات کے دن اسے ہمارے لئے حجت اور گواہ بنا ئے ۔ آمین !

اس موقع پر ہم اللہ سبحانہ و تعالیٰ کے شکر گزار ہیں کہ جس نے ہمارے لئے یہ علم آسان کیا اور ہمیں خدمتِ دین، ایمان باللہ کے ارکان کی وضاحت اور کتاب و سنت کے دلائل کے بیان کا موقع عطا کیا۔

ہم ان تمام لوگوں کا شکریہ ادا کرتے ہیں جنہوں نے ہمارے ساتھ حسن سلوک کیا اور لوگوں میں حسن سلوک کے سب سے زیادہ حق دار ہمارے والدین ہیں اللھم اغفر لھم وارحمھم واجزھم عنا خیر ما جزیت والدا عن ولد۔ہ۔

ہم ان معزز حضرات کا شکریہ ادا کرتے ہیں جنہوں نے کتاب کا جائزہ لیا اور اپنی مبارک آراء اور مفید تبصروں سے نوازا‘ اور وہ ہیں: شہزادہ ڈاکٹر سعود بن سلمان بن محمد آل سعود‘ ایسوسیٹ پروفیسر برائے عقیدہ‘ شاہ سعود یونیورسٹی۔ ڈاکٹر سہل بن رفاع العتیبی‘ ایسوسیٹ پروفیسر برائے عقیدہ‘ شاہ سعود یونیورسٹی۔ پروفیسر ڈاکٹر عبد اللہ بن صالح البراک (جامعۃ الملک سعود میں عقیدہ کے پروفیسر)۔ ڈاکٹر عبد اللہ بن عبد العزیز العنقری (جامعۃ الملک سعود میں عقیدہ کے ایسوسی ایٹ پروفیسر)۔ ہم اللہ تعالیٰ سے دعا گو ہیں کہ وہ ہماری طرف سے اور علم اور اہل علم کی طرف سے انھیں ان کے مخلصانہ خیر خواہی اور صحیح رائے کا بہترین بدلہ عطا فرمائے۔

تمام تعریفیں اللہ تعالیٰ کے لئے ہیں جو سارے جہان کا رب ہے، اور درود و سلام ہو نبی کریم صلی اللہ علیہ وسلم پر اور آپ کے تمام اہل و عیال اور تمام صحابہ کرام پر۔

مکہ مکرمہ

۸، ذو الحجۃ

1439ھ

مقدمہ

شروع کرتا ہوں اللہ تعالیٰ کے نام سے جو بڑا مہربان نہایت رحم واﻻ ہے۔

اور ہم اسی سے مدد طلب کرتے ہیں، اور برائى سے پھرنے اور نیکى کرنے کى توفیق صرف اللہ کى مدد ہی سے ممکن ہے جو بلند و بالا اور عظیم ہے۔

تمام تعریفیں اللہ تعالیٰ کے لیے ہیں جیسا کہ اس کے چہرے کے جلال اور اس کی سلطنت وحکمرانی کى عظمت کو لائق وزیبا ہے۔ اور میں گواہی دیتا ہوں کہ اللہ کے سوا کوئی معبود برحق نہیں ہے، وہ تنہا اور اکیلا ہے، اس کا کوئی شریک نہیں، اسی کے لئے بادشاہت ہے اور اسی کے لیے ہر قسم کی حمد و ثنا ہے، اور وہ ہر چیز پر قادر ہے، اور میں گواہی دیتا ہوں کہ محمد اللہ کے بندے اور اس کے رسول ہیں۔ اور ڈھیروں درود و سلام نازل ہوں آپ ﷺ پر، أما بعد !

اس کتاب میں ہم کتاب و سنت میں وارد ان چیزوں کا ذکر کریں گے جن پر ہر ایک مسلمان کے لیے ایمان لانا ضروری ہے۔ اور بعض اوقات ہم صحابہ کرام، تابعین اور تبع تابعین کے بعض اقوال کا ذکر کریں گے یا تو کسی آیت یا حدیث کی وضاحت کے لیے یا کسى آیت یا کسى حدیث کے معنى کى تحدید کے لئے۔ ہم نے اسے کتابوں اور ابواب کی شکل میں تقسیم کیا ہے، اور حتی الامکان اس میں اختصار سے کام لینے اور ضروری مسائل پر اکتفا کرنے کی کوشش کی ہے۔ اسی طرح ہم نے ان تمام اصطلاحات سے اجتناب کیا ہے جنہیں متاخرین نے ذکر کیا ہے، اور جو کتاب و سنت میں وارد نہیں ہیں۔ اللہ تعالیٰ اپنے دین کی پیروی کرنے، اپنی رسی کو مضبوطی سے پکڑنے اور اپنے رسول ﷺ کی سیرت پر چلنے کی تاکید کرتے ہوئے فرماتا ہے: {وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا وَاذْكُرُوا نِعْمَتَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَانًا وَكُنْتُمْ عَلَى شَفَا حُفْرَةٍ مِنَ النَّارِ فَأَنْقَذَكُمْ مِنْهَا كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَهْتَدُونَ} ’’اور سب مل کر اللہ کی رسی کو مضبوطی سے پکڑ لو اور جدا جدا نہ ہوجاؤ اور اپنے اوپر اللہ کی نعمت یاد کرو، جب تم دشمن تھے تو اس نے تمھار ے دلوں کے درمیان الفت ڈال دی تو تم اس کی نعمت سے بھائی بھائی بن گئے اور تم آگ کے ایک گڑھے کے کنار ے پر تھے تو اس نے تمھیں اس سے بچا لیا۔ اس طرح اللہ تمھار ے لیے اپنی آیات کھول کر بیان کرتا ہے، تاکہ تم ہدایت پاؤ۔‘‘ [آل عمران: 103] اور اللہ تعالیٰ کا فرمان ہے: {وَاتَّبِعُوا أَحْسَنَ مَا أُنْزِلَ إِلَيْكُمْ مِنْ رَبِّكُمْ مِنْ قَبْلِ أَنْ يَأْتِيَكُمُ الْعَذَابُ بَغْتَةً وَأَنْتُمْ لَا تَشْعُرُونَ} ’’اور اس سب سے اچھی بات کی پیروی کرو جو تمھار ے رب کی جانب سے تمھاری طرف نازل کی گئی ہے، اس سے پہلے کہ تم پر اچانک عذاب آجائے اور تم سوچتے بھی نہ ہو۔" [الزمر: ۵۵]

چنانچہ ہم کہتے ہیں -اور توفیق اللہ تعالیٰ کی جانب سے ہے-:

کتاب: مخلوق کی پیدائش کے بیان میں

اس کتاب کا خلاصہ

٭ ہمارا ایمان ہے کہ اللہ تعالیٰ ہر چیز کا خالق ہے، اور یہ کہ اللہ تعالیٰ تھا اور اس کے سوا کوئی چیز نہیں تھی، اور نہ اس سے پہلے کوئی چیز تھی، اور اس کا عرش پانی پر تھا، اور اس نے آسمان اور زمین کو پیدا کرنے سے پہلے پانی کو پیدا کیا، پھر اس نے آسمانوں اور زمین کو پیدا کیا اور وہ دونوں آپس میں ملے ہوئے تھے تو اس نے ان دونوں کو الگ کر دیا۔

٭ ہمارا ایمان ہے کہ اللہ تعالیٰ نے اس مخلوق کو اپنی ربوبیت کا گواہ بنایا ہے اور اس کى یہ ربوبیت اس کی الوہیت کو مستلزم ہے، کیوں کہ وہی حقیقی خالق ہے، اور اس کے علاوہ ہر چیز اس کی مخلوق ہے، اور وہی حقیقی معبود ہے اور اس کے علاوہ سب مربوب (پروردہ) ہیں، کوئی اس لائق نہیں کہ اس کی عبادت کی جائے، یا اس سے امید کی جائے یا اس کا قصد کیا جائے۔

٭ ہمارا ایمان ہے کہ عرش کریم اللہ تعالیٰ کی ایک بڑی مخلوق ہے، بلکہ اس کی سب سے بڑی مخلوق ہے۔

ہمارا ایمان ہے کہ فرشتے رحمٰن کے عرش کو گھیر ے ہوئے ہیں، اور اللہ بابرکت اور برگزیدہ اپنے عرش کے اوپر، اپنے آسمانوں کے اوپر ہے، اپنی مخلوق سے ممتاز اور الگ ہے۔

٭ ہمارا ایمان ہے کہ اللہ تعالیٰ نے ہر چیز کی تقدیرلکھنے والا قلم بھی پیدا کیا ہے اور تقدیر لکھنے والے قلم متعدد ہیں۔

٭ ہمارا ایمان ہے کہ اللہ تعالیٰ نے کرسی کو پیدا کیا ہے، اور وہ عرش کے بعد سب سے بڑی مخلوق ہے۔

٭ ہمارا ایمان ہے کہ اللہ تعالیٰ نے آسمان اورزمین اوران کے درمیان کی تمام چیزوں کو چھ دنوں میں پیدا کیا، اور یہ کہ اللہ تعالیٰ نے آسمانوں کو بغیر ستونوں کے بلند کیا، اور یہ کہ اللہ تعالیٰ نے ان عظیم مخلوقات کو عظیم حکمت کے لیے پیدا کیا جس کا احاطہ نہیں کیا جاسکتا، اور یہ کہ اللہ تعالیٰ نے انہیں بہت مضبوط و پائدار بنایا ہے۔

٭ ہمارا ایمان ہے کہ روزِ قیامت یہ کائنات اپنے آسمانوں، زمین، پہاڑوں اور اس میں موجود ہر چیز سمیت ایک دگر گوں حالت میں ہو جائے گی۔

٭ ہمارا ایمان ہے کہ اللہ تعالیٰ نے سورج اور چاند کو حق کے ساتھ پیدا کیا ہے اور ان دونوں کو اپنے حکم کے تابع کردیا ہے اور اس نے ستاروں اور سیاروں کو عظیم حکمتوں کے لیے پیدا کیاہے، اور یہ کہ ستارے اور سیار ے نہ فائدہ پہنچاتے ہیں اور نہ نقصان پہنچاتے ہیں اور نہ ہی آسمانی اور زمینی واقعات پراثر انداز ہوتے ہیں، اگر کوئی یہ مانتا ہے کہ وہ بذات خود واقعات پر اثر انداز ہوتے ہیں، تو اس نے کفر یا شرک کا ارتکاب کیا۔

٭ ہمارا ایمان ہے کہ اللہ تعالیٰ نے فرشتوں کو نور سے پیدا کیا اور انہیں تخلیق میں باهم متفاوت بنایا ہے۔

٭ ہمارا ایمان ہے کہ اللہ تعالیٰ نے جِنٓات کو آگ کے شعلے سے پیدا کیا اور جِنٓات کی تخلیق آدم کی تخلیق سے پہلے ہوئی، اور شیاطین کا سرغنہ ابلیس ہے، اور وہی ہے جس نے آدم و حوا علیہما السلام کو بہکایا یہاں تک کہ اس نے انہیں جنت سے نکال دیا۔

٭ ہمارا ایمان ہے کہ ابلیس نے آدم علیہ السلام کو سجدہ کرنے سے تکبر کیا، تو اللہ تعالیٰ اس پر ناراض ہوا اور اسے ملعون قرار د ے کر اللہ تعالیٰ نے دھتکار دیا۔ اور جِن بھی شریعت کے مخاطب اور مکلف ہیں۔

٭ ہمارا یہ ایمان ہے کہ اللہ تعالی نے پہلے فرشتوں کو خبر دیا کہ عبادت کے لئے وہ زمین میں ایک خلیفہ بنانے والا ہے اور اس بات کی بھی وضاحت کردی کہ وہ آدم ہوں گے، انہیں وہ مٹی سے پیدا کر ے گا اور اس مٹی کو اللہ تعالی نے پہلے گارا کی شکل دیا پھر اسے کئی حالات سے گزارا۔

٭ ہمارا ایمان ہے کہ آدم کو اللہ تعالیٰ نے اپنے با برکت اور شریف ہاتھوں سے پیدا کیا، فرشتوں سے ان کا سجدہ کروایا اور ان کے لئے انہیں کے نفس سے ان کے سکون و اطمینان کے لئے ان کی بیوی حوا کو پیدا کیا اور دونوں کو جنت میں داخل کیا پھر دونوں کو زمین پر اتاردیا۔

٭ ہمارا ایمان ہےکہ تمام انسان آدم کی اولاد ہیں، اور آدم مٹی سے پیدا کئے گئے ہیں اس لئے کسی کو کسی پر فوقیت حاصل نہیں ہے مگر تقوى کى بیناد پر۔

٭ ہمارا ایمان ہے کہ اللہ تعالیٰ نے لوگوں کو فطرت پر پیدا کیا ہے۔

٭ ہمارا ایمان ہے کہ روح اللہ کے حکم سے ہے، روح کی بابت انسان صرف وہی جانتے ہیں جو اللہ تعالیٰ نےانہیں بتایا ہے، روحیں بھی اللہ کی مخلوق ہیں۔

٭ ہمارا ایمان ہے کہ روحیں بھی موت سے دو چار ہوں گی اورجسم سے جدا ہونا ہی دراصل اس کا مرنا ہے۔

٭ ہمارا ایمان ہے کہ زمین پر رینگنے والے کیڑے مکوڑے بھی ہماری طرح ایک امت ہیں۔

٭ ہمارا ایمان ہے کہ اللہ تعالیٰ نے ہر چوپا ئے کو پانی سے پیدا کیا ہے اور ہر چیز کا جوڑا بنایا ہے اور تمام مخلوقات ہلاک ہونے والی ہیں، سوائے اس کے جسے اللہ تعالیٰ نے مستثنی کردیا۔

باب: اللہ تعالیٰ ہی ہر چیز کا خالق ہے

ہم گواہی دیتے ہیں کہ اللہ تعالیٰ ہی ہرچیز کا خالق ہے، جیسا کہ اللہ تعالی نے فرمایا: {ذٰلِكُمُ اللّٰهُ رَبُّكُمْ ۚ لَآ اِلٰهَ اِلَّا هُوَ ۚ خَالِقُ كُلِّ شَيْءٍ فَاعْبُدُوْهُ} "یہ اللہ تعالیٰ تمہارا رب ہے۔ اس کے سوا کوئی حقیقی معبود نہیں، ہر چیز کا پیدا کرنے والا ہے پس تم اس کی عبادت کرو۔" [الأنعام : ۱۰۲] اللہ تعالیٰ نے ایک اور جگہ فرمایا: {اَللّٰهُ خَالِقُ كُلِّ شَيْءٍ ۡ وَّهُوَ عَلٰي كُلِّ شَيْءٍ وَّكِيْلٌ } "اللہ ہر چیز کا پیدا کرنے والا ہے اور وہی ہر چیز پر نگہبان ہے۔" [الزمر: ۶۲] اوراللہ تعالیٰ نے فر مایا: {وَهُوَ الَّذِي يَبْدَأُ الْخَلْقَ ثُمَّ يُعِيدُهُ وَهُوَ أَهْوَنُ عَلَيْهِ} "وہی ہے جو اول بار مخلوق کو پیدا کرتا ہے پھر سے دوبارہ پیدا کرے گا اور یہ تو اس پر بہت ہی آسان ہے"۔ [الروم: ۲۷]

ہمارا ایمان ہے کہ اللہ تعالیٰ پہلے سے تھا اور اس کے سوا اس سے پہلے کوئی چیز نہیں تھی، جیسا کہ اللہ سبحانہ و تعالیٰ نے فرمایا: {هُوَ الْأَوَّلُ وَ الْآخِرُ وَ الظَّاهِرُ وَالْبَاطِنُ وَهُوَ بِكُلِّ شَيْءٍ عَلِيمٌ} "وہی پہلے ہے اور وہی پیچھے ہے، وہی ﻇاہر ہے اور وہی مخفی ہے، اور وہ ہر چیز کو بخوبی جاننے والا ہے۔" [الحدید: ۳]

اور اللہ کے رسول ﷺ نے فرمایا: ’’اللهُمَّ أَنْتَ الْأَوَّلُ فَلَيْسَ قَبْلَكَ شَيْءٌ، وَأَنْتَ الْآخِرُ فَلَيْسَ بَعْدَكَ شَيْءٌ، وَأَنْتَ الظَّاهِرُ فَلَيْسَ فَوْقَكَ شَيْءٌ ، وَأَنْتَ الْبَاطِنُ فَلَيْسَ دُونَكَ شَيْءٌ‘‘ "اے اللہ ! تو ہی سب سے پہلا ہے پس تجھ سے پہلے کوئی چیز نہیں، تو ہی سب سے آخر ہے پس تیرے بعد کوئی چیز نہیں، توہی ظاہر (بلند) ہے پس تیرے اوپر کوئی چیز نہیں، اور توہی باطن (قریب) ہے پس تجھ سے زیادہ قریب کوئی چیزنہیں"۔ (صحیح مسلم: ۲۷۱۳، سنن أبی داؤد: ۵۰۵۱، جامع الترمذی: ۳۴۰۰، سنن ابن ماجہ: ۳۸۳۱)

اور عمران بن حصین رضی اللہ عنہ فرماتے ہیں کہ میں نبی ﷺ کے پاس تھا کہ آپ ﷺ کے پاس بنی تمیم کے کچھ لوگ آئے تو آپ نے فرمایا: "اے بنی تمیم ! خوش خبری قبول کرو"، انہوں نے کہا کہ آپ نے ہمیں بشارت دی ہے تو ہمیں کچھ عطا کیجئے، اس کے بعد یمن کے کچھ لوگ آئے تو آپ نے کہا: "اے اہل یمن! خوش خبری قبول کرو کیوں کہ اسے بنو تمیم نے قبول نہیں کیا"‘ تو ان سب نے کہا کہ ہم نے قبول کیا، ہم آپ کے پاس دینی فہم حاصل کرنے اور اس دنیا کی ابتداء کے متعلق پوچھنے کے لئے آئے ہیں کہ یہ کیسے ہوئی؟ آپ نے فرمایا: "اللہ تھا اور اس کے پہلے کوئی چیز نہیں تھی اور اس کا عرش پانی پر تھا‘ پھر اس نے آسمان اور زمین کو پیدا کیا اور ہر چیز کو اس نے ذکر(لوح محفوظ) میں لکھ دیا ہے"۔ (صحیح بخاری : ۷۴۱۸، جامع الترمذی: ۳۹۵۱) دوسری روایت میں بایں الفاظ آیا ہے: «كَانَ اللَّهُ وَلَمْ يَكُنْ شَيْءٌ غَيْرُهُ، وَكَانَ عَرْشُهُ عَلَى المَاءِ». "اللہ تعالیٰ تھا اس کے پہلےاس کے علاوہ کوئی چیز نہیں تھی اور اس کا عرش پانی پر تھا"۔ (صحیح بخاری: ۳۱۹۱)

ہمارا ایمان ہے کہ زمین پرچلنے پھر نے والے جاندار بھی ہماری طرح امت ہیں، جیسا کہ اللہ تعالیٰ نے فرمایا: {وَمَا مِنْ دَابَّةٍ فِي الْأَرْضِ وَلَا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُمْ مَا فَرَّطْنَا فِي الْكِتَابِ مِنْ شَيْءٍ ثُمَّ إِلَى رَبِّهِمْ يُحْشَرُونَ} "اور جتنے قسم کے جاندار زمین پر چلنے والے ہیں اور جتنے قسم کے پرند ہیں جو کہ اپنے دونوں بازؤں سے اڑتے ہیں ان میں کوئی قسم ایسی نہیں جو کہ تمہاری طرح کے گروہ نہ ہوں ہم نے دفتر میں کوئی چیز نہیں چھوڑی پھر سب اپنے رب کے پاس جمع کئے جائیں گے"۔ [الأنعام : ۳۸] اور ہمیں یہ بات بھی معلوم ہے کہ اللہ تعالیٰ نے ہرجاندار کو پانی سے پیدا کیا ہے، جیسا کہ اللہ تعالیٰ نے فرمایا: {وَاللَّهُ خَلَقَ كُلَّ دَابَّةٍ مِنْ مَاءٍ فَمِنْهُمْ مَنْ يَمْشِي عَلَى بَطْنِهِ وَمِنْهُمْ مَنْ يَمْشِي عَلَى رِجْلَيْنِ وَمِنْهُمْ مَنْ يَمْشِي عَلَى أَرْبَعٍ يَخْلُقُ اللَّهُ مَا يَشَاءُ إِنَّ اللَّهَ عَلَى كُلِّ شَيْءٍ قَدِيرٌ } "تمام کے تمام چلنے پھرنے والے جانداروں کو اللہ تعالیٰ ہی نے پانی سے پیدا کیا ہے۔ ان میں سے بعض تو اپنے پیٹ کے بل چلتے ہیں، بعض دو پاؤں پر چلتے ہیں۔ بعض چار پاؤں پر چلتے ہیں، اللہ تعالیٰ جو چاہتا ہے پیدا کرتا ہے۔ بےشک اللہ تعالیٰ ہر چیز پر قادر ہے"۔ [النور: 45] اور اس نے ہر چیز کا جوڑا بنایا ہے، جیسا کہ اللہ تعالیٰ نے فرمایا: {وَمِنْ كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ} "ہم نے ہر چیز کا جوڑا پیدا کیا تاکہ تم لوگ نصیحت حاصل کرو"۔ [الذاریات: ۴۹] اور اللہ عز وجل نے فر مایا: {وَأَنَّهُ خَلَقَ الزَّوْجَيْنِ الذَّكَرَ وَالْأُنْثَى} "اور یہ کہ اسی نے جوڑا یعنی نر مادہ پیدا کیا ہے"۔ [النجم: 45]

اور ہمارا ایمان ہے کہ یہ مخلوقات - اپنے تنوع اور کثرت کے باوجود - متوازن اور ایک تناسب میں ہیں، ان میں سے کوئی ایک دوسرے پر غالب آنے کی کوشش نہیں کرتا اور نہ کوئی قسم دوسری قسم پر ظلم کرتی ہے، اللہ تعالیٰ نے فرمایا: { وَالْأَرْضَ مَدَدْنَاهَا وَأَلْقَيْنَا فِيهَا رَوَاسِيَ وَأَنْبَتْنَا فِيهَا مِنْ كُلِّ شَيْءٍ مَوْزُونٍ} "اور زمین کو ہم نے پھیلادیا ہے اور اس میں پہاڑ ڈال دیئے ہیں، اور اس میں ہم نے ہر نفع بخش اور سہارا بننے والى چیز اگا دی ہے"۔ [الحجر: ۱۹]

اورہرمخلوق فنا ہونے والی ہے، جیسا کہ اللہ تعالیٰ نے فر مایا: {كُلُّ مَنْ عَلَيْهَا فَانٍ*۔ "زمین پر جو ہیں سب فنا ہونے والے ہیں"۔ وَيَبْقَى وَجْهُ رَبِّكَ ذُو الْجَلَالِ وَالْإِكْرَامِ } "صرف تیرے رب کا روئے (مبارک) جو عظمت اور عزت والا ہے باقی رہ جائے گا۔ [الرحمن: ۲۶- ۲۷] مگر یہ کہ جسے اللہ تعالیٰ بے ہوشی سے مستثنی کرد ے، جیسا کہ اللہ تعالیٰ نے فر مایا: {وَنُفِخَ فِي الصُّورِ فَصَعِقَ مَنْ فِي السَّمَاوَاتِ وَمَنْ فِي الْأَرْضِ إِلَّا مَنْ شَاءَ اللَّهُ ثُمَّ نُفِخَ فِيهِ أُخْرَى فَإِذَا هُمْ قِيَامٌ يَنْظُرُونَ } "اور صور پھونک دیا جائے گا پس آسمانوں اور زمین والے سب بے ہوش ہو کر گرپڑیں گے مگر جسے اللہ چاہے پھر دوبارہ صور پھونکا جائے گا پس وہ ایک دم کھڑے ہو کر دیکھنے لگ جائیں گے"۔ [الزمر: ۶۸ ]

ہمارا ایمان ہے کہ اللہ تعالیٰ نے اسی مخلوق کو اپنی اس ربوبیت پر گواہ بنایا ہے جو الوہیت کو مستلزم ہے،اور اس کے ثبوت میں بطور دلیل اللہ گاہے بگاہے اپنی خلقت ہی کا تذکرہ کرکے اسے اپنی الوہیت کی دلیل بناتا ہے، جیسا کہ اللہ تعالیٰ کا فرمان ہے: {هَذَا خَلْقُ اللَّهِ فَأَرُونِي مَاذَا خَلَقَ الَّذِينَ مِنْ دُونِهِ بَلِ الظَّالِمُونَ فِي ضَلَالٍ مُبِينٍ} "یہ ہے اللہ کی مخلوق اب تم مجھے اس کے سوا دوسرے کسی کی کوئی مخلوق تو دکھاؤ (کچھ نہیں) بلکہ یہ ظالم کھلی گمراہی میں ہیں"۔ [لقمان: ۱۱] اور کبھی کبھاراپنی سب سے بڑی مخلوق یعنی عرش کا تذکرہ کرتا ہے، جیسا کہ اللہ تعالیٰ کا فرمان ہے: {اللَّهُ لَا إِلَهَ إِلَّا هُوَ رَبُّ الْعَرْشِ الْعَظِيمِ} "اس کے سوا کوئی معبودِ برحق نہیں وہی عظمت والے عرش کا مالک ہے"۔ [النمل: ۲۶] نیز آپﷺ نے ارشاد فرمایا: «سُبْحَانَ اللهِ عَدَدَ خَلْقِهِ، سُبْحَانَ اللهِ رِضَا نَفْسِهِ، سُبْحَانَ اللهِ زِنَةَ عَرْشِهِ، سُبْحَانَ اللهِ مِدَادَ كَلِمَاتِهِ»۔ "میں اللہ تعالیٰ کی پاکی بیا ن کرتا ہوں اس کی مخلوق کی تعداد کے برابر، میں اللہ تعالیٰ کی پاکی بیان کرتا ہوں اس کی رضامندی کے برابر، میں اللہ تعالیٰ کی پاکی بیان کرتا ہوں اس کے عرش کے وزن کے برابر، میں اللہ تعالیٰ کی پاکی بیان کرتا ہوں اس کے کلمات کی روشنائی کے برابر"۔ (صحیح مسلم: ۲۷۲۶، سنن النسائی: ۱۳۵۱/۱، جامع الترمذی: ۳۵۵۵، سنن ابن ماجۃ: ۳۸۰۸) تو عرش مخلوق میں وزن کے اعتبار سے سب سے بھاری ہے۔ اور کبھی کبھی بطور دلیل تمام بڑی بڑی مخلوقات کا تذکرہ کرتا ہے، جیسا کہ اللہ تعالیٰ نے فرمایا: {هُوَ الَّذِي خَلَقَ لَكُمْ مَا فِي الْأَرْضِ جَمِيعًا ثُمَّ اسْتَوَى إِلَى السَّمَاءِ فَسَوَّاهُنَّ سَبْعَ سَمَاوَاتٍ وَهُوَ بِكُلِّ شَيْءٍ عَلِيمٌ} "وہ اللہ جس نے تمہار ے لئے زمین کی تمام چیزوں کو پیدا کیا، پھر آسمان کی طرف قصد کیا اور ان کو ٹھیک ٹھاک سات آسمان بنایا اور وہ ہر چیز کو جانتا ہے"۔ [البقرۃ: ۲۹] اور کبھی کبھی بطور دلیل کسی ایک ہی مخلوق کا تذکرہ کرتا ہے، جیسا کہ اللہ تعالیٰ نے فرمایا: {أَلَمْ تَرَ أَنَّ اللَّهَ أَنْزَلَ مِنَ السَّمَاءِ مَاءً فَأَخْرَجْنَا بِهِ ثَمَرَاتٍ مُخْتَلِفًا أَلْوَانُهَا وَمِنَ الْجِبَالِ جُدَدٌ بِيضٌ وَحُمْرٌ مُخْتَلِفٌ أَلْوَانُهَا وَغَرَابِيبُ سُودٌ } "کیا آپ نے اس بات پر نظر نہیں کی کہ اللہ تعالیٰ نے آسمان سے پانی اتارا پھر ہم نے اس کے ذریعہ سے مختلف رنگتوں کے پھل نکالے اور پہاڑوں کے مختلف حصے ہیں سفید اور سرخ کہ ان کی بھی رنگتیں مختلف ہیں اور بہت گہرے سیاہ۔ [فاطر: ۲۷]

اور کبھی کبھی بطور دلیل سب سے کمزور اور حقیر مخلوق کا تذکرہ کرتا ہے، جیسا کہ اللہ عزوجل نے فرمایا: { إِنَّ اللَّهَ لَا يَسْتَحْيِي أَنْ يَضْرِبَ مَثَلًا مَا بَعُوضَةً فَمَا فَوْقَهَا فَأَمَّا الَّذِينَ آمَنُوا فَيَعْلَمُونَ أَنَّهُ الْحَقُّ مِنْ رَبِّهِمْ وَأَمَّا الَّذِينَ كَفَرُوا فَيَقُولُونَ مَاذَا أَرَادَ اللَّهُ بِهَذَا مَثَلًا} "یقیناً اللہ تعالیٰ کسی مثال کے بیان کرنے سے نہیں شرماتا، خواہ مچھر کی ہو، یا اس سے بھی ہلکی چیز کی، ایمان والے تو اسے اپنے رب کی جانب سے صحیح سمجھتے ہیں اور کفار کہتے ہیں کہ اس مثال سے اللہ نے کیا مراد لی ہے؟" [البقرۃ: ۲۶] تو وہی حقیقی خالق ہے، اس کے علاوہ سب مخلوق ہیں، ہمارا رب بلند و بالا اور برکت والاہے، وہی حقیقی معبود ہے، اس کے علاوہ سب مربوب ہیں، کوئی عبادت کا حق دار ہے نہ قابل امید اور قابل قصد۔

باب: عرش عظیم کی تخلیق کا بیان

ہمارا ایمان ہے کہ عرش بھی اللہ تعالیٰ کی عظیم مخلوق ہے، اور جب ذاتِ عظیم نے اس کی صفت عظیم بتلائی ہے تو وہ حقیقت میں عظیم ہے، جیسا کہ اللہ تعالیٰ نے فرمایا: {اللَّهُ لَا إِلَهَ إِلَّا هُوَ رَبُّ الْعَرْشِ الْعَظِيمِ} "اس کے سوا کوئی معبود برحق نہیں وہی عظمت والے عرش کا مالک ہے"۔ [النمل: ۲۶] اور عرش کی ایک صفت مجید (شان وبلندی والا ) ہے، جیسا کہ اللہ تعالی نے فرمایا: { ذُو الْعَرْشِ الْمَجِيدُ } عظمت وشان والے عرش کا مالک ہے۔ [البروج: ۱۵] ابن جریر رحمہ اللہ اپنی تفسیر میں رقم طراز ہیں: ( اللہ کے فرمان: (المجید) کے بارے میں قراء کا اختلاف ہے‘ چنانچہ مدینہ‘ مکہ اور بصرہ کے عام قراء اور کوفہ کے بعض قراء نے اسے ضمہ کے ساتھ پڑھا‘ یعنی یہاں (المجید) اللہ کی صفت ہے, اور اس میں اس قول کى تردید ہے جس کے مطابق المجید (ذو العرش) کی صفت ہے۔ جب کہ کوفہ کے عام قراء نے اسے کسرہ کے ساتھ پڑھا ہے‘ اس طور پر کہ یہاں (المجید) عرش کی صفت ہے۔ اور ہماری نظر میں صحیح رائے یہ ہے کہ یہ دونوں معروف قرائتیں ہیں‘ جس انداز میں قاری پڑھے وہ درست ہوگا)۔ جامع البیان (۲۴/۳۴۶) لیکن اتنا عظیم ہونے کے باوجود وہ مربوب اور مخلوق ہے، جیسا کہ اللہ تعالیٰ نے فرمایا: {قُلْ مَنْ رَبُّ السَّمَاوَاتِ السَّبْعِ وَرَبُّ الْعَرْشِ الْعَظِيمِ } "کہہ دیجئے کہ ساتوں آسمان اور عرش عظیم کا رب کون ہے؟" [المؤمنون: ۸۶] اور اللہ کے رسول ﷺ نے فرمایا: «وَخَلَقَ عَرْشَهُ عَلَى المَاءِ»۔ "اور اس نے اپنا عرش پانی پر پیدا کیا۔" (جامع الترمذی: ۳۱۰۹، سنن ابن ماجۃ: ۱۸۲، مسند الطیالسی: ۱۱۸۹ ، مسند أحمد: ۱۶۱۸۸، السنۃ لإبن أبی عاصم: ۶۲۵) اور عرش کے ستون ہیں؛ جیسا کہ اللہ کے رسول ﷺ نے فرمایا: «النَّاسُ يَصْعَقُونَ يَوْمَ القِيَامَةِ، فَأَكُونُ أَوَّلَ مَنْ يُفِيقُ، فَإِذَا أَنَا بِمُوسَى آخِذٌ بِقَائِمَةٍ مِنْ قَوَائِمِ العَرْشِ»۔ "لوگ بروزِ قیامت بے ہوش ہو جا ئیں گے تو میں ہی سب سے پہلے ہوش میں آؤنگا، اچانک میں دیکھوں گا کہ موسیٰ عرش کا ایک پایہ پکڑ ے ہوئے ہوں گے"۔ (صحیح بخاری: ۳۳۹۸، صحیح مسلم: ۲۳۷۴، سنن أبی داؤد: ۴۶۶۸)

اور عرش آسمانوں کے اوپر ہے، اور اللہ تعالیٰ عرش کے اوپر (مستوی) ہے، جیسا کہ اللہ کے رسول ﷺ نے فرمایا: «إِنَّ عَرْشَهُ عَلَى سَمَاوَاتِهِ لَهَكَذَا وَقَالَ بِأَصَابِعِهِ مِثْلَ الْقُبَّةِ عَلَيْهِ وَإِنَّهُ لَيَئِطُّ بِهِ أَطِيطَ الرَّحْلِ بِالرَّاكِبِ»۔ اس کا عرش اس کے آسمانوں پر اس طرح ہے -اور اپنی انگلیوں سے اشارہ کیا کہ عرش آسمانوں کے اوپر مثل گنبد کے ہے- اور بلا شک وہ رب کى وجہ سے چرمراتاہے جیسے سوار کی وجہ سے کجاوہ چرمراتا ہے۔" (سنن أبی داؤد: ۴۷۲۶، الرد علی الجھمیۃ لعثمان بن أبی سعید الدارمی: ۲۴، السنۃ لابن أبی عاصم: ۵۸۷، کتاب التوحید لابن حزیمۃ: ۱۴۷) ایک دوسری روایت میں اس طرح آیا ہے: ’’إِنَّ اللَّهَ فَوْقَ عَرْشِهِ، وَعَرْشُهُ فَوْقَ سَمَاوَاتِهِ‘‘۔ "اللہ اپنے عرش کے اوپر ہے اور اس کا عرش اس کے آسمانوں کے اوپر ہے"۔ (سنن أبی داؤد: ۴۷۲۶، الرد علی الجھمیۃ لعثمان بن أبی سعید الدارمی: ۲۴، السنۃ لابن أبی عاصم: ۵۸۸، کتاب التوحید لابن حزیمۃ: ۱۴۷)

اور ہمارا ایمان ہے کہ عرش کے نیچے اتنا رباني خزانے ہیں جن کا صحیح اندازہ صرف اللہ تعالیٰ ہی کر سکتا ہے۔ جیسا کہ اللہ کے رسول ﷺ نے فرمایا: ’’وَأُعْطِيتُ هَذِهِ الْآيَاتِ مِنْ آخِرِ الْبَقَرَةِ مِنْ كَنْزٍ تَحْتَ الْعَرْشِ، لَمْ يُعْطَهَا نَبِيٌّ قَبْلِي‘‘۔ "مجھے عرش کے نیچے کےخزانوں سے البقرۃ کی یہ آخری آیتیں دی گئی ہیں، اور مجھ سے پہلے یہ کسی نبی کو نہیں دی گئیں"۔ (صحیح مسلم: ۵۲۲، مسند الطیالسی: ۴۱۸، مصنف لابن أبی شیبۃ: ۳۲۳۰۶، مسند أحمد: ۲۳۲۵۱، اور لفظ بھی اسی کے ہیں، و غیرہم)

اور ابوذر رضی اللہ عنہ کی حدیث میں ہے کہ انہوں نے فرمایا: میرے خليل اللہ کے رسول ﷺ نے مجھے سات چیزوں کا حکم دیا، اور ان میں سے چند کا ذکر کیا: ’ ’وَأَمَرَنِي أَنْ أُكْثِرَ مِنْ قَوْلِ: لَا حَوْلَ وَلَا قُوَّةَ إِلَّا بِاللَّهِ، فَإِنَّهُنَّ مِنْ كَنْزٍ تَحْتَ الْعَرْشِ‘‘۔ اس نےمجھے ’’ لاحول ولا قوۃ الا باللہ ‘‘ زیادہ سے زیادہ کہنے کا حکم دیا کیوں کہ ان کا تعلق عرش کے نیچے کے خزانہ سے ہے۔ ( مسند البزار: ۳۹۶۶، المصنف لابن أبی شیبۃ :۳۵۴۹۱، الزھد لھناد ابن السری: ۱۰۱۳، مسند أحمد : ۲۱۴۱۵، اور لفظ بھی اسی کے ہیں، الزھد لأحمد بن حنبل:۴۰۱)

اور ہمارا ایمان ہے کہ اللہ کے رسول ﷺ قیامت کے دن عرش کے نیچے سجدہ ریز ہوں گے یہاں تک کہ وہ شفاعت عظمیٰ کے لیے شفاعت کریں گے، جیسا کہ شفاعت کى طویل حدیث میں اللہ کے رسول ﷺ نے فرمایا: ’ ’فَأَنْطَلِقُ فَآتِي تَحْتَ العَرْشِ، فَأَقَعُ سَاجِدًا لِرَبِّي عَزَّ وَجَلَّ، ثُمَّ يَفْتَحُ اللَّهُ عَلَيَّ مِنْ مَحَامِدِهِ وَحُسْنِ الثَّنَاءِ عَلَيْهِ شَيْئًا، لَمْ يَفْتَحْهُ عَلَى أَحَدٍ قَبْلِي، ثُمَّ يُقَالُ: يَا مُحَمَّدُ ارْفَعْ رَأْسَكَ سَلْ تُعْطَهْ، وَاشْفَعْ تُشَفَّعْ فَأَرْفَعُ رَأْسِي، فَأَقُولُ: أُمَّتِي يَا رَبِّ، أُمَّتِي يَا رَبِّ، أُمَّتِي يَا رَبِّ.........‘‘۔ "پھر میں چلوں گا تو عرش کے نیچے آکر اللہ عزوجل کے لئے سجدہ میں گر جا ؤں گا پھر اللہ تعالیٰ مجھ پر اپنی حمد و ثنا کے کچھ راستے کھول د ے گا جو اس نے مجھ سے پہلے کسی کے لئے نہیں کھولا ہوگا پھر کہا جا ئے گا : اے محمد ! اپنا سر اٹھا اور مانگ تجھے دیا جا ئے گا، تو سفارش کر تیری سفارش قبول کی جا ئے گی، تو میں اپنا سر اٹھا ؤں گا اور کہوں گا : اے رب !میری امت ، اے رب ! میری امت، اے رب! میری امت"۔ (صحیح بخاری: ۴۷۱۲، صحیح مسلم: ۱۹۴، جامع الترمذی: ۲۴۳۴، سنن ابن ماجۃ: ۳۳۰۷)

اور ہمارا ایمان ہے کہ شہداء کی روحیں عرش کے سایے میں لٹکی ہوئی قندیلوں میں بسیرا کرتی ہیں، چنانچہ ابن عباس رضی اللہ عنہما سے روایت ہے كہ اللہ کے رسولﷺ فرمایا: ’’ لَمَّا أُصِيبَ إِخْوَانُكُمْ بِأُحُدٍ جَعَلَ اللَّهُ أَرْوَاحَهُمْ فِي جَوْفِ طَيْرٍ خُضْرٍ، تَرِدُ أَنْهَارَ الْجَنَّةِ، تَأْكُلُ مِنْ ثِمَارِهَا، وَتَأْوِي إِلَى قَنَادِيلَ مِنْ ذَهَبٍ مُعَلَّقَةٍ فِي ظِلِّ الْعَرْشِ‘‘۔ "جب تمہار ے بھا ئی احد میں شہید کر دیئے گئے تو اللہ نے ان کی روحیں سبز پرندوں کے پیٹ میں رکھ دیا، جو جنت کی نہروں پر وارد ہوتی ہیں، وہ ان کا پھل کھاتی ہیں اور عرش کے سایے میں لٹکی ہوئی سونے کی قندیلوں میں بسیرا کرتی ہیں"۔ (سنن أبی داؤد: ۲۵۲۰، الجھاد لإبن المبارک: ۶۲، مصنف لابن أبی شیبۃ: ۱۹۶۷۸ ، مسند أحمد: ۲۳۸۸)

ابن مبارک سے پوچھا گیا کہ ہمیں اپنے رب کا پتہ کیسے چلے گا ؟ فرمایا : "وہ ساتوں آسمانوں کے اوپر اپنی مخلوق سے الگ عرش پر ہے"۔ (الرد علی الجھمیۃ للدارمی: ص:۴۷، الأسماء والصفات للبیہقی: ۲/۳۳۶، الفتوی الحمویۃ الکبری: ص: ۳۳۳ ، شرح الطحاویۃ -ط دار السلام -ص: ۲۱۹)

امام دارمی رحمہ اللہ فرماتے ہیں: "اللہ تعالیٰ عرش اور آسمانوں کے اوپرہے اور اپنی مخلوق سے الگ ہے، جو اسے اس طرح سے نہیں جان سکا وہ اس معبود کو نہیں جان پائے گا جس کی وہ عبادت کرتا ہے، اس کا علم عرش کے اوپر سے اس کی دور اور قریب کی مخلوق کے لئے یکساں ہے، اس سے کو ئی چیز دور نہیں ہے {لَا يَعْزُبُ عَنْهُ مِثْقَالُ ذَرَّةٍ فِي السَّمَوَاتِ وَلَا فِي الْأَرْضِ} "آسمان و زمین کی ذرہ بھر چیز بھی اس سے مخفی نہیں، اس کی ذات ان تمام عیوب سے بہت ہی پاک اور بلندو بالا ہے جواس کی صفات کے منکرین بیان کرتے ہیں"۔ (الرد علی الجھمیۃ للدارمی، ص: ۴۷)

ہمارا ایمان ہے کہ فرشتے عرش کو اٹھا ئے ہوئے ہیں، جیسا کہ اللہ تعالیٰ نے فرمایا: {الَّذِينَ يَحْمِلُونَ الْعَرْشَ وَمَنْ حَوْلَهُ يُسَبِّحُونَ بِحَمْدِ رَبِّهِمْ وَيُؤْمِنُونَ بِهِ وَيَسْتَغْفِرُونَ لِلَّذِينَ آمَنُوا رَبَّنَا وَسِعْتَ كُلَّ شَيْءٍ رَحْمَةً وَعِلْمًا فَاغْفِرْ لِلَّذِينَ تَابُوا وَاتَّبَعُوا سَبِيلَكَ وَقِهِمْ عَذَابَ الْجَحِيمِ} "عرش کے اٹھانے والے اور اس کے پاس کے فرشتے اپنے رب کی تسبیح حمد کے ساتھ ساتھ کرتے ہیں اور اس پر ایمان رکھتے ہیں اور ایمان والوں کے لئے استغفار کرتے ہیں، (کہتے ہیں کہ) ا ے ہمارے رب ! تو نے ہر چیز کو اپنی بخشش اور علم سے گھیر رکھا ہے، پس ان کى مغفرت فرما دے جو توبہ کریں اور تیری راہ کی پیروی کریں اور تو انہیں دوزخ کے عذاب سے بھی بچا لے"۔ [غافر: ۷] اور اللہ تعالیٰ نے فرمایا: {وَالْمَلَكُ عَلَى أَرْجَائِهَا وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ} "اس کے کناروں پر فرشتے ہونگے اور تیرے رب کا عرش اس دن آٹھ (فرشتے) اپنے اوپر اٹھائے ہوئے ہونگے"۔ [الحاقۃ: ۱۷]

اور اللہ کے نبی ﷺ نے عرش اٹھانے والے فرشتوں کی کچھ صفات کے بار ے میں خبر دیتے ہوئے فرمایا: ’’أُذِنَ لِي أَنْ أُحَدِّثَ عَنْ مَلَكٍ مِنْ مَلَائِكَةِ اللَّهِ مِنْ حَمَلَةِ الْعَرْشِ، إِنَّ مَا بَيْنَ شَحْمَةِ أُذُنِهِ إِلَى عَاتِقِهِ مَسِيرَةُ سَبْعِ مِائَةِ عَامٍ‘‘۔ "مجھے اجازت ملی ہے کہ میں عرش کے اٹھانے والے فرشتوں میں سے ایک فرشتے کا حال بیان کروں۔ اس کے کان کی لو سے اس کے کاندھے تک کا فاصلہ سات سو برس (کی مسافت کے برابر) ہے۔ (سنن أبی داؤد: ۴۷۲۷، الأوسط للطبرانی: ۱۷۰۹، العظمة لأبی الشیخ: ۴۷۶، الفوائد لإبن شاھین: ۱۹)

ہمارا ایمان ہے کہ فرشتے عرش الہی کو گھیرے ہو ئے ہیں، جیسا کہ اللہ تعالیٰ نے فرمایا: {وَتَرَى الْمَلَائِكَةَ حَافِّينَ مِنْ حَوْلِ الْعَرْشِ يُسَبِّحُونَ بِحَمْدِ رَبِّهِمْ وَقُضِيَ بَيْنَهُمْ بِالْحَقِّ وَقِيلَ الْحَمْدُ لِلَّهِ رَبِّ الْعَالَمِينَ} "اور تو فرشتوں کو اللہ کے عرش کے ارد گرد حلقہ باندھے ہوئے اپنے رب کی حمد و تسبیح کرتے ہوئے دیکھے گا اور ان میں انصاف کا فیصلہ کیا جائے گا اور کہہ دیا جائے گا کہ ساری خوبی اللہ ہی کے لیے ہے جو تمام جہانوں کا رب ہے"۔ [الزمر: ۷۵]

اورعرش اس کتاب کے ساتھ ہے جس کا ذکر اللہ کے نبی ﷺ کے اس فرمان میں ہے: ’’لَمَّا قَضَى اللَّهُ الخَلْقَ كَتَبَ فِي كِتَابِهِ فَهُوَ عِنْدَهُ فَوْقَ العَرْشِ إِنَّ رَحْمَتِي غَلَبَتْ غَضَبِي‘‘۔ "جب اللہ تعالیٰ نے ساری مخلوق پیدا کر لی تو اپنی اس کتاب میں‘ جو عرش کے اوپر اس کے پاس ہے‘ لکھا کہ میری رحمت میرے غضب پر غالب ہے"۔ (صحیح بخاری: ۳۱۹۴، صحیح مسلم: ۲۷۵۱، جامع الترمذی: ۳۵۴۳، سنن ابن ماجہ: ۱۸۹، ۴۲۹۰) اور وہ دونوں تمام مخلوقات میں سب سے بلند و بالا ہیں، اللہ کے رسول ﷺ نے فرمایا: ’’فَإِذَا سَأَلْتُمُ اللَّهَ فَسَلُوهُ الفِرْدَوْسَ، فَإِنَّهُ أَوْسَطُ الجَنَّةِ، وَأَعْلَى الجَنَّةِ، وَفَوْقَهُ عَرْشُ الرَّحْمَنِ، وَمِنْهُ تَفَجَّرُ أَنْهَارُ الجَنَّةِ‘‘۔ "جب تم اللہ تعالیٰ سے سوال کرو تو فردوس کا سوال کرو، کیوں کہ وہ جنت کا درمیانی اور سب سے اعلیٰ حصہ ہے، اس کے اوپر رحمن کا عرش ہے، اور اسی سے جنت کی نہریں نکلتی ہیں"۔ (صحیح بخاری: ۷۴۲۳)

ہمارا ایمان ہے کہ اللہ تعالیٰ عرش پر پوری شان و شوکت اورعظمت کے ساتھ مستوی ہے، جیسا کہ اللہ تعالیٰ نے فرمایا: {إِنَّ رَبَّكُمُ اللَّهُ الَّذِي خَلَقَ السَّمَاوَاتِ وَ الْأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ} "بے شک تمہارا رب اللہ ہی ہے جس نے سب آسمانوں اور زمین کو چھ روز میں پیدا کیا ہے، پھر عرش پر مستوى ہوا"۔ [الأعراف: ۵۴] ایک اور جگہ اللہ تعالیٰ نے فرمایا: {الَّذِي خَلَقَ السَّمَاوَاتِ وَالْأَرْضَ وَمَا بَيْنَهُمَا فِي سِتَّةِ أَيَّامٍ ثُمَّ اسْتَوَى عَلَى الْعَرْشِ الرَّحْمَنُ فَاسْأَلْ بِهِ خَبِيرًا } "جو وہی ہے جس نے آسمانوں اور زمین اوران کے درمیان کی سب چیزوں کو چھ دن میں پیدا کردیا ہے پھر عرش پر مستوی ہوا، وہ رحمٰن ہے، آپ اس کے بارے میں کسی خبردار سے پوچھ لیں"۔ [الفرقان: ۵۹]

ربیعہ الرأی سے اللہ تعالیٰ کے اس فرمان: {الرَّحْمَنُ عَلَى الْعَرْشِ اسْتَوَى} [طه: 5] (جو رحمٰن ہے، عرش پر مستوی ہے) کے بارے میں پوچھا گیا کہ اللہ تعالیٰ کس طرح عرش پر مستوی ہے؟ تو انہوں نے کہا: " کیفیت مجھول ہے، اور استواء كا معنى معلوم ہے، اور میرے اور تمام لوگوں کے لئے اس پر ایمان لانا واجب ہے"۔ (الأسماء و الصفات للبیہقی: ۳۰۶/ ۲ ، شرح أصول إعتقاد أھل السنۃ والجماعۃ: ۵۸۲/ ۳)

اور ایک شخص مالک بن انس کے پاس آیا اور کہا: اے ابو عبداللہ: {الرَّحْمَنُ عَلَى الْعَرْشِ اسْتَوَى} [طه: 5] (جو رحمٰن ہے، عرش پر قائم ہے) اللہ تعالیٰ کس طرح عرش پر مستوی ہے؟ اس نے کہا: ہم نے مالک کو اس کى بات سے جس کیفیت میں پایا ویسا کبھی کسی بات سے نہیں پایا اور آپ کو پسینہ آنے لگا‘ آپ نے سوچتے ہوئے نیچے دیکھا، اور ہم انتظار کر رہے تھے کہ آپ ہم کو اس کے بارے میں کیا حکم دیتے ہیں، پھر آپ پر سکون ہو گئے اور کہنے لگے: "کیفیت نہیں معلوم کى جاسکتى ہے، اور رب کے استواء کا معنى نامعلوم نہیں ہے، اور رب کے استوا پر ایمان لانا واجب ہے، اور اس کے استوا کے بارے میں پوچھنا بدعت ہے۔ اور مجھے ڈر ہے کہ تم گمراہ ہو جاؤ۔" پھر حکم دیا کہ اسے نکال دیا جائے تو نکال دیا گیا۔ " (الرد على الجهمية للدارمی: ص: ۶۶، شرح أصول اعتقاد أھل السنۃ والجماعۃ: ۳/۴۴۱، حلیۃ الأولیاء و طبقات الأصفیاء: ۳۲۵ /۶، الاعتقاد للبیہقی: ص: ۱۱۶، شرح السنۃ للبغوی: ۱/۱۷۱، الأسماء والصفات للبیہقی: ۲/۳۰۶)

امام احمد نے استواء کی بابت فرمایا: "اس کا معنى رفعت و بلندی ہے۔ اور اللہ تعالى عرش کو پیدا کرنے سے پہلے ہی بلند وبرترہے، پس وہ ہر چیز کے اوپر ہے، اور ہر چیز پر بلند ہے، اللہ نے عرش کو ایسے معنی کے لئے خاص کیا ہے جس میں تمام چیزوں کی مخالفت ہے اور عرش تمام چیزوں میں سب سے افضل اور سب سے بلند ہے، اسی لئے اللہ نے اپنا تعارف اسی کے ذریعہ کیا ہے کہ وہ عرش پر مستوی ہے یعنی اس پروہ بلند ہے۔ ...اور عبد الرحمن بن مہدی کے واسطے امام مالک کے حوالے سے بیان کیا جاتاہے کہ اللہ تعالیٰ اپنے عظیم عرش پر اسی طرح مستوی ہے جس طرح اس نے خبر دی ہے اور اس کا علم ہر مقام پر ہے"۔ (العقيدة رواية أبي بكر الخلال: ص: ۱۰۸)

اور عرش کے تئیں اللہ کی ربوبیت اس بات پر دلیل ہے کہ وہی عبادت کے لا ئق ہے، اس کے سوا کوئی اور عبادت کے لا ئق نہیں ہے، اسی لئے اللہ تعالیٰ نے فرمایا: {لَوْ كَانَ فِيهِمَا آلِهَةٌ إِلَّا اللَّهُ لَفَسَدَتَا فَسُبْحَانَ اللَّهِ رَبِّ الْعَرْشِ عَمَّا يَصِفُونَ} "اگر ان دونوں ( آسمان و زمین) میں اللہ تعالیٰ کے علاوہ کو ئی اور معبود ہوتا تو دونوں درہم برہم ہوجا تے پس اللہ، عرش کے رب کی ذات پاک ہےان تمام باتوں سے جو وہ لوگ بیان کرتے ہیں"۔ [الأنبیاء: ۲۲] اور ارشاد باری تعالیٰ ہے: {قُلْ مَنْ رَبُّ السَّمَاوَاتِ السَّبْعِ وَرَبُّ الْعَرْشِ الْعَظِيمِ } "کہہ دیجئے کہ ساتوں آسمانوں کا رب اور عرش عظیم کا رب کون ہے؟" [المؤمنون: ۸۶] اور اللہ عز وجل نے فر مایا: {قُلْ لَوْ كَانَ مَعَهُ آلِهَةٌ كَمَا يَقُولُونَ إِذًا لَابْتَغَوْا إِلَى ذِي الْعَرْشِ سَبِيلًا} "کہہ دیجئے کہ اگر اللہ کے ساتھ اور معبود بھى ہوتے تو ضرور اب تک یہ مالک عرش کى جانب راہ ڈھوںڈھ لیتے"۔ [الإسراء: ۴۲]

باب: پانی کی تخلیق کا بیان

ہمارا ایمان ہے کہ اللہ تعالیٰ نے آسمان اور زمین کے پیدا کرنے سے پہلے پانی پیدا کیا، جیسا کہ اللہ کے رسول ﷺ نے فرمایا: ’’كَانَ اللَّهُ وَلَمْ يَكُنْ شَيْءٌ قَبْلَهُ، وَكَانَ عَرْشُهُ عَلَى المَاءِ، ثُمَّ خَلَقَ السَّمَوَاتِ وَالأَرْضَ‘‘۔ "اللہ تعالیٰ تھا اور اس کے علاوہ کوئی چیز نہیں تھی اور اس کا عرش پانی پر تھا، پھر اس نے آسمان اور زمین کو پیدا کیا"۔ (صحیح مسلم: ۲۷۱۳، سنن أبی داود: ۵۰۵۱، جامع الترمذي:۳۴۰۰، سنن ابن ماجه: ۳۸۳۱) اللہ تعالیٰ نے پانی ہی سے ہر زندہ چیز کو پیدا کیا، جیسا کہ اللہ تعالیٰ نے فرمایا: {وَجَعَلْنَا مِنَ الْمَاءِ كُلَّ شَيْءٍ حَيٍّ} "اور ہر زندہ چیز کو ہم نے پانی سے پیدا کیا"۔ [الأنبیاء: ۳۰] اوراللہ تعالیٰ نے پانی کو ربوبیت و الوہیت کی ایک نشانی قرار دیا ہے، جیسا کہ اللہ تعالیٰ نے فرمایا: { الَّذِي جَعَلَ لَكُمُ الْأَرْضَ فِرَاشًا وَالسَّمَاءَ بِنَاءً وَأَنْزَلَ مِنَ السَّمَاءِ مَاءً فَأَخْرَجَ بِهِ مِنَ الثَّمَرَاتِ رِزْقًا لَكُمْ فَلَا تَجْعَلُوا لِلَّهِ أَنْدَادًا وَأَنْتُمْ تَعْلَمُونَ } "جس نے تمہارے لئے زمین کو فرش اور آسمان کو چھت بنایا اور آسمان سے پانی اتار کر اس سے پھل پیدا کرکے تمہیں روزی دی، خبردار! باوجود جاننے کے اللہ تعالیٰ کے شریک مقرر نہ کرو"۔ [البقرۃ: ۲۲]

اور اللہ عزو جل نے فر مایا: { وَفِي الْأَرْضِ قِطَعٌ مُتَجَاوِرَاتٌ وَجَنَّاتٌ مِنْ أَعْنَابٍ وَزَرْعٌ وَنَخِيلٌ صِنْوَانٌ وَغَيْرُ صِنْوَانٍ يُسْقَى بِمَاءٍ وَاحِدٍ وَ نُفَضِّلُ بَعْضَهَا عَلَى بَعْضٍ فِي الْأُكُلِ إِنَّ فِي ذَلِكَ لَآيَاتٍ لِقَوْمٍ يَعْقِلُونَ } "اور زمین میں مختلف ٹکڑ ے ایک دوسر ے سے لگتے لگاتے ہیں اور انگوروں کے باغات ہیں اور کھیت ہیں اور کھجوروں کے درخت ہیں، شاخ دار اور بعض ایسے ہیں جو بے شاخ ہیں سب ایک ہی پانی پلائے جاتے ہیں پھر بھی ہم ایک کو دوسرے پر ذائقے میں برتری دیتے ہیں اس میں عقل مندوں کے لئے بہت سی نشانیاں ہیں"۔ [الرعد: ۴] اور ارشاد باری تعالیٰ ہے: {وَهُوَ الَّذِي مَرَجَ الْبَحْرَيْنِ هَذَا عَذْبٌ فُرَاتٌ وَهَذَا مِلْحٌ أُجَاجٌ وَجَعَلَ بَيْنَهُمَا بَرْزَخًا وَحِجْرًا مَحْجُورًا} "اور وہی ہے جس نے دو سمندروں کو آپس میں ملارکھا ہے، یہ ہے میٹھا اور مزیدار اور یہ ہے کھاری کڑوا ان دونوں کے درمیان ایک حجاب اور مضبوط اوٹ کردی"۔ وَهُوَ الَّذِي خَلَقَ مِنَ الْمَاءِ بَشَرًا فَجَعَلَهُ نَسَبًا وَصِهْرًا وَكَانَ رَبُّكَ قَدِيرًا} "وہ ہے جس نے پانی سے انسان کو پیدا کیا، پھر اسے نسب والا اور سسرالی رشتوں والاکردیا، بلاشبہ آپ کا رب [ہر چیز پر] قادر ہے"۔ [الفرقان: ۵۳- ۵۴] سو اللہ تعالی نے پانی سے دو مختلف دریا بنائے اور ان دونوں کے مابین آڑ اور برزخ بنادیا، تو ان دونوں میں سے کوئی کسی پر چڑھ نہیں جاتا ہے، اسى طرح پانی سے انسان بنایا، اور انسان سے نسب اور سسرالی رشتہ بنایا، اس لئے اللہ تعالیٰ کی ذات با برکت اور سب سے بہتر اندازہ مقرر کرنے والى ہے، اور اس کی بے شمار مثالیں موجود ہیں۔

اوراسی طرح اللہ تعالیٰ نے موت کے بعد دوبارہ زندہ کئے جانے پر بھی پانی کو دلیل بنایا ہے، جیسا کہ اللہ عز وجل نے فرمایا: {وَمِنْ آيَاتِهِ أَنَّكَ تَرَى الْأَرْضَ خَاشِعَةً فَإِذَا أَنْزَلْنَا عَلَيْهَا الْمَاءَ اهْتَزَّتْ وَرَبَتْ إِنَّ الَّذِي أَحْيَاهَا لَمُحْيِ الْمَوْتَى إِنَّهُ عَلَى كُلِّ شَيْءٍ قَدِيرٌ} "اور اس اللہ کی نشانیوں میں سے (یہ بھی) ہے کہ تو زمین کو دبی دبائی دیکھتا ہے پھر جب ہم اس پر مینہ برساتے ہیں تو وہی ترو تازہ ہو کر ابھرنے لگتی ہے جس نے اسے زندہ کیا وہی یقینی طور پر مردوں کو بھی زندہ کرنے والا ہے یقینا وہ ہر چیز پر قادر ہے"۔ [فصلت: ۳۹]

پانی اللہ کے لشکروں میں سے ایک لشکر ہے، اسی کے ذریعہ وہ اپنے اولیاء کی مدد کرتا ہے، جیسا کہ اللہ عز وجل نے فرمایا: {إِذْ يُغَشِّيكُمُ النُّعَاسَ أَمَنَةً مِنْهُ وَ يُنَزِّلُ عَلَيْكُمْ مِنَ السَّمَاءِ مَاءً لِيُطَهِّرَكُمْ بِهِ وَيُذْهِبَ عَنْكُمْ رِجْزَ الشَّيْطَانِ وَلِيَرْبِطَ عَلَى قُلُوبِكُمْ وَيُثَبِّتَ بِهِ الْأَقْدَامَ } "اس وقت کو یاد کرو جب کہ اللہ تم پر اونگھ طاری کر رہا تھا اپنی طرف سے چین دینے کے لیے اور تم پر آسمان سے پانی برسا رہا تھا کہ اس پانی کے ذریعہ سے تم کو پاک کر د ے اور تم سے شیطانی وسوسہ کو دفع کر د ے اور تمہار ے دلوں کو مضبوط کر د ے اور تمہار ے پاؤں جما د ے"۔ [الأنفال: ۱۱] اور اس پانی کے ذریعہ اللہ تعالیٰ نے اپنے دشمنوں کو رسوا بھی کیا ہے، تمام تعریفات کا مستحق اور سب کا حامی ونگہبان اللہ تعالى فرماتا ہے: {فَدَعَا رَبَّهُ أَنِّي مَغْلُوبٌ فَانْتَصِرْ*۔ "پس اس نے اپنے رب سے دعا کی کہ میں بے بس ہوں، تو میری مدد کر"۔ فَفَتَحْنَا أَبْوَابَ السَّمَاءِ بِمَاءٍ مُنْهَمِرٍ*۔ "پس ہم نے آسمان کے دروازوں کو زور کے مینہ کے ساتھ کھول دیا۔ وَفَجَّرْنَا الْأَرْضَ عُيُونًا فَالْتَقَى الْمَاءُ عَلَى أَمْرٍ قَدْ قُدِرَ } اور زمین سے چشموں کو جاری کر دیا پس اس کام کے لیے جو مقدر کیا گیا تھا (دونوں) پانی جمع ہو گئے"۔ [القمر: ۱۰ - ۱۲] ان کے علاوہ اور بھی واقعات ہیں جن میں اللہ تعالیٰ نے اپنے دشمنوں کو پانی کے ذریعہ رسوا کیا یا اپنے اولیاء کی مدد کی۔

باب: قلم کی تخلیق کا بیان

ہمارا ایمان ہے کہ اللہ تعالى نے تقدیر لکھنے والا قلم پیدا فرمایا جیسا کہ نبی کریمﷺ نے فرمایا: "سب سے پہلے اللہ تعالیٰ نے قلم پیدا کیا اور اسے کہا کہ لکھ، تو اس نے کہا کہ اے میرے رب ! میں کیا لکھو ں؟ کہا کہ قیامت قائم ہونے تک ہر چیز کی تقدیر لکھ"۔ (سنن أبی داود: ۴۷۰۰، جامع الترمذی: ۲۱۵۵، ۳۳۱۹، مسند الطيالسي: ۵۷۸، مسند أحمد: ۲۲۷۰۵، ۲۲۷۰۷، السنة لابن أبي عاصم: ۱۱۵)

اور ہمارا ایمان ہے کہ قلم کئی ایک ہیں‘ جیسا کہ اللہ کے رسول ﷺ نےاسراء و معراج کی خبر دیتے ہوئے فرمایا: ’’پھر مجھے لے جایا گیا یہاں تک کہ میں اس بلندی پر پہونچا جہاں میں قلموں کی آواز سن رہا تھا۔" (صحیح بخاری: ۳۴۹، صحیح مسلم: ۱۶۳)

اور قرآن و سنت میں یہ بات کئی بار آئی ہے کہ فرشتے بندوں کے افعال لکھ رہے ہیں، جیسا کہ اللہ تعالی نے فرمایا: {وَإِنَّ عَلَيْكُمْ لَحَافِظِينَ*۔ "یقیناً تم پر نگہبان عزت والے"۔ كِرَامًا كَاتِبِينَ *۔ "عزت والے لکھنے والے مقرر ہیں"۔ يَعْلَمُونَ مَا تَفْعَلُونَ} " جو کچھ تم کرتے ہو وہ جانتے ہیں"۔ [الانفطار: ۱۰-۱۲]

اور اللہ تعالیٰ نے فر مایا: {إِذْ يَتَلَقَّى الْمُتَلَقِّيَانِ عَنِ الْيَمِينِ وَعَنِ الشِّمَالِ قَعِيدٌ *۔ "جس وقت دو لینے والے جا لیتے ہیں ایک دائیں طرف اور ایک بائیں طرف بیٹھا ہوا ہے"۔ مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ } "(انسان) منہ سے کوئی لفظ نکال نہیں پاتا مگر اس کے پاس نگہبان تیار ہے"۔ [ق: ۱۷-۱۸]

اور اللہ تعالیٰ نے فر مایا: {وَإِذَا أَذَقْنَا النَّاسَ رَحْمَةً مِنْ بَعْدِ ضَرَّاءَ مَسَّتْهُمْ إِذَا لَهُمْ مَكْرٌ فِي آيَاتِنَا قُلِ اللَّهُ أَسْرَعُ مَكْرًا إِنَّ رُسُلَنَا يَكْتُبُونَ مَا تَمْكُرُونَ} "اور جب ہم لوگوں کو اس امر کے بعد کہ ان پر کوئی مصیبت پڑ چکی ہو کسی نعمت کامزہ چکھا دیتے ہیں تو وہ فوراً ہی ہماری آیتوں کے بارے میں چالیں چلنے لگتے ہیں، آپ کہہ دیجئے کہ اللہ چال چلنے میں تم سے زیادہ تیز ہے، بالیقین ہمارے فرشتے تمہاری سب چالوں کو لکھ رہے ہیں"۔ [یونس: ۲۱]

اور اللہ تعالیٰ نے فر مایا: { أَمْ يَحْسَبُونَ أَنَّا لَا نَسْمَعُ سِرَّهُمْ وَنَجْوَاهُمْ بَلَى وَرُسُلُنَا لَدَيْهِمْ يَكْتُبُونَ} "کیا ان کا یہ خیال ہے کہ ہم ان کی پوشیدہ باتوں کو اور ان کی سرگوشیوں کو نہیں سن سکتے (یقیناً ہم برابر سن رہے ہیں) بلکہ ہمارے بھیجے ہوئے ان کے پاس ہی لکھ رہے ہیں"۔ [الزخرف: ۸۰]

اور ’’الصحیح‘‘ میں ہے کہ اللہ کے رسول ﷺ نے فرمایا: ’’نہیں ہےتم میں کا کوئی شخص اور نہیں ہےسانس لینے والی کو ئی جان مگریہ کہ اس کا جنت اور جہنم کا ٹھکانہ اور اس کی بد بختی و نیک بختی لکھی جا چکی ہے"۔ (صحیح بخاری: ۴۹۴۸، صحیح مسلم: ۲۶۴۷، سنن أبی داود: ۴۶۹۴، جامع الترمذی: ۲۱۳۶، ۳۳۴۴، سنن ابن ماجۃ: ۷۸)

اور مزید فر مایا: ’’جب تم میں کا کوئی اپنا اسلام بہتر بنا لیتاہے تو اس کے کئے گئے ہر نیکی کا بدلہ دس گنا سے سات سو گنا تک لکھا جاتا ہےاور اس کے کئے ہوئے ہر برائی کا بدلہ اسی کے مثل لکھا جاتا ہے"۔ (صحیح بخاری: ۴۲، ۷۵۰۱، صحیح مسلم: ۱۲۸، ۱۲۹، ۱۳۰، جامع الترمذی: ۳۰۷۳)

باب: کرسی کی تخلیق کا بیان

ہمارا ایمان ہے کہ عرش کے بعد سب سے بڑی مخلوق کرسی ہے، جیسا کہ اللہ تعالیٰ نے قرآن میں اس کی عظمت کو واضح کرتے ہوئے فرمایا: {وَسِعَ كُرْسِيُّهُ السَّمَاوَاتِ وَ الْأَرْضَ} "اس کی کرسی آسمانوں اور زمین کو گھیرے ہوئے ہے"۔ [البقرۃ: ۲۵۵]

اور کرسی عرش کے سامنے ہے، اور وہ اللہ کے دونوں قدموں کی جگہ ہے۔ چنانچہ ابن عباس رضی اللہ عنہما نے مذکورہ آیت کی تفسیر میں فرمایا: ’’کرسی اللہ کے دونوں قدم رکھنے کی جگہ ہے، اور عرش کے قدر کا اندازہ کوئى نہیں کرسکتا"۔ (امام دار قطنی نے اس حدیث کی تخریج ’’ کتاب الصفات (۳۶) میں مرفوعا اور موقوفا کی ہے۔ اور دیکھئے: الرد علی بشر المریسی لعثمان بن زید الدارمی: ۸۴، ۸۹، کتاب السنۃ لعبد اللہ بن أحمد: ۵۸۶، کتاب التوحید لإبن خزیمۃ: ۱۵۴، العظمۃ لأبی الشیخ: ۲۱۶، ۲۱۷) اور اللہ کے رسول ﷺ نے فرمایا: ’’کرسی کے سامنے ساتوں آسمان کی حیثیت چٹیل میدان میں پڑ ے ہوئے کڑ ے کی طرح ہے، اور کرسی پر عرش کی فضیلت ایسے ہی ہے جیسے چٹیل میدان کی فضیلت کڑ ے پر ہے"۔ (صحیح ابن حبان: ۳۶۱، المجروحین لابن حبان: ۳۱۳۰، معجم الکبیر للطبرانی: ۱۶۵۱، المکارم: ۱، الأربعین للآجری: ۴۰ ، العظمۃ لأبی الشیخ: ۲۵۹ ، حلیۃ الأولیاء لأبی نعیم: ۱۱۸، ۱۶۶-۱۶۸، الأسماء والصفات للبیہقی: ۸۶۲، ۵۱۰-۵۱۱، شعب الإیمان: ۴۳۲۵، ۷۶۶۸، التمہید لابن عبد البر: ۹/۱۹۹۔اور یہ حدیث لمبی ہے اور یہاں ذکر کى ہوئى ہماری حدیث اس کا ایک حصہ ہے۔ اور اس حدیث کے کئی طرق ہیں لیکن ان میں سے کوئی بھی صحیح نہیں ہے بلکہ سب ضعیف ہیں. ۱۔ اور عقیلی نے ان طریقوں میں سے کچھ کا ذکر کیا ہے، اور ان کی ضعف کی طرف اشارہ کیا ہے۔ ابن عدی نے بھی ان طرق کا تذکرہ کیا ہے اور کہا ہے کہ: "یہ حدیث اس طریق سے عن ابن جريج عن عطاء عن عبيد بن عمير عن أبي ذر حدیث منکر ہے، اور اس حدیث کا کوئی طرق نہیں ہے سوائے ابوذر سے ابو ادریس الخولانی اور القاسم ابن محمد کی روایت سے، اور تیسرا طریق ابن جریج کی حدیث ہے اور یہ سب سے منکر ترین روایت ہے"۔ لیکن یہ حدیث بہت مشہور ہے۔ اور ابو ذکر کے علاوہ کسی نے کرسی میں مرفوعا نہیں روایت کیا ہے۔ اسی لئے ہم نے اس کو اس کی ضعف اور نکارت کے باوجود ذکر کیا ہے۔)

اسی طرح امام بیہقی رحمہ اللہ نے عباس بن محمد سے روایت کرتے ہوئے فرمایا: کہ میں نے ابو عبید کو کہتے ہو ئے سنا: ’’یہ احادیث جس میں نبی صلى اللہ علیہ وسلم نے فرمایا ہے: ہمارا رب اپنے بندوں کے مایوس ہونے اور اس كى حالت میں تبدیلى کے قریب ہونے پر ہنستا ہے، اور جہنم نہیں بھر سکتی ہے حتی کہ آپ کا رب اس میں اپنا قدم رکھ د ے اور کرسی رب کے دونوں قدموں کی جگہ ہے، اور روایت کے سلسلے میں یہ احادیث ہمارے نزدیک حق ہیں، اسے بعض راویوں نے بعض سے روایت کیا ہے، لیکن اگر کو ئی ہم سے اس کی تفسیر پوچھتا ہے تو نہیں بتاتے کیوں کہ ہم نے کسی کو اس کی تفسیر کرتے ہو ئے نہیں پایا"۔ (الأسماء والصفات للبیہقی: ۱۹۸/۲)

باب: آسمان اور زمین کی تخلیق کا بیان

ہمارا ایمان ہے کہ اللہ نے آسمانوں اور زمین اور ان کے درمیان کی تمام چیزو ں کو چھ دنوں میں پیدا کیا، لیکن اسے تھکاوٹ کا احساس نہیں ہوا، جیسا کہ اللہ تعالیٰ نے فرمایا: {وَلَقَدْ خَلَقْنَا السَّمَاوَاتِ وَالْأَرْضَ وَمَا بَيْنَهُمَا فِي سِتَّةِ أَيَّامٍ وَمَا مَسَّنَا مِنْ لُغُوبٍ } "یقیناً ہم نے آسمانوں اور زمین اور جو کچھ ان دونوں کے درمیان ہے سب کو (صرف) چھ دن میں پیدا کردیا اور ہمیں تکان نے چھوا تک نہیں"۔ [ق: ۳۸] اور اللہ تعالیٰ نے فر مایا: { أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقًا فَفَتَقْنَاهُمَا} "کیا کافر لوگوں نے یہ نہیں دیکھا کہ آسمان وزمین باہم ملے جلے تھے پھر ہم نے انہیں جدا کردیا"۔ [الأنبیاء: ۳۰] ایک اور جگہ اللہ تعالیٰ نے فرمایا: "آپ کہہ دیجئے! کہ کیا تم اس [اللہ] کا انکار کرتے ہو اور تم اس کے شریک مقرر کرتے ہو جس نے دو دن میں زمین پیدا کردی، سارے جہانوں کا رب وہی ہے۔ اور اس نے زمین میں اس کے اوپر سے پہاڑ گاڑ دیے اوراس میں برکت رکھ دی اوراس میں [رہنے والوں کی] غذاؤں کی تجویز بھی اسی میں کر دی [صرف] چار دن میں، ضرورت مندوں کے لیے یکساں طور پر"۔ ثُمَّ اسْتَوَى إِلَى السَّمَاءِ وَهِيَ دُخَانٌ فَقَالَ لَهَا وَلِلْأَرْضِ ائْتِيَا طَوْعًا أَوْ كَرْهًا قَالَتَا أَتَيْنَا طَائِعِينَ* پھر آسمان کی طرف متوجہ ہوا اور وہ دھواں (سا) تھا پس اس سے اور زمین سے فرمایا کہ تم دونوں خوشی سے آؤ یا ناخوشی سے دونوں نے عرض کیا ہم بخوشی حاضر ہیں۔ فَقَضَاهُنَّ سَبْعَ سَمَاوَاتٍ فِي يَوْمَيْنِ وَأَوْحَى فِي كُلِّ سَمَاءٍ أَمْرَهَا وَزَيَّنَّا السَّمَاءَ الدُّنْيَا بِمَصَابِيحَ وَحِفْظًا ذَلِكَ تَقْدِيرُ الْعَزِيزِ الْعَلِيمِ} پس دو دن میں سات آسمان بنا دیے اور ہر آسمان میں اس کے مناسب احکام کی وحی بھیج دی اور ہم نے آسمان دنیا کو چراغوں سے زینت دی اور نگہبانی کی، یہ تدبیر اللہ غالب و دانا کی ہے"۔ [فصلت: ۹- ۱۲]

اوراللہ عز وجل نے فر مایا: "کیا تمہارا پیدا کرنا زیادہ دشوار ہے یا آسمان کا؟ اللہ تعالیٰ نے اسے بنایا۔ اس کی بلندی اونچی کی پھر اسے ٹھیک ٹھاک کر دیا۔ اس کی رات کو تاریک بنایا اور اس کے دن کو نکالا۔ اور اس کے بعد زمین کو [ہموار] بچھا دیا۔ اس میں سے پانی اور چارہ نکالا۔ اور پہاڑوں کو [مضبوط] گاڑدیا۔ یہ سب تمہارے اور تمہارے جانوروں کے فائد ے کے لئے (ہیں)"۔ [النازعات: ۲۷-۳۳]

ہمارا اس بات پر بھی ایمان ہے کہ اللہ تعالیٰ نے آسمانوں کو بغیر ستون کے بلند کیا، جیسا کہ اللہ تعالیٰ نے فر مایا: "اللہ وہ ہے جس نے آسمانوں کو بغیر ستونوں کے بلند کر رکھا ہے کہ تم اسے دیکھ رہے ہو پھر وہ عرش پر قرار پکڑ ے ہوئے ہے، اسی نے سورج اور چاند کو ماتحتی میں لگا رکھا ہے، ہر ایک میعاد معین پر گشت کر رہا ہے، وہی کام کی تدبیر کرتا ہے وہ اپنے نشانات کھول کھول کر بیان کر رہا ہے کہ تم اپنے رب کی ملاقات کا یقین کر لو"۔ [الرعد: ۲] اور ارشاد باری تعالیٰ ہے: "اسی نے آسمانوں کو بغیر ستون کے پیدا کیا ہے تم انہیں دیکھ رہے ہو اور اس نے زمین میں پہاڑوں کو ڈال دیا تاکہ وہ تمہیں جنبش نہ د ے سکے اور ہر طرح کے جاندار زمین میں پھیلا دیئے اور ہم نے آسمان سے پانی برسا کر زمین میں ہر قسم کے نفیس جوڑے اگا دیئے"۔ [لقمان : ۱۰]

ہمارا اس بات پر بھی ایمان ہے کہ اللہ تعالیٰ نے آسمان اور زمین کو اِدھر اُدھر ہونے سے روک رکھا ہے، جیسا کہ اللہ تعالیٰ نے فرمایا: "یقینی بات ہے کہ اللہ تعالیٰ آسمانوں اور زمین کو تھامے ہوئے ہے کہ وہ ٹل نہ جائیں اور اگر ٹل جائیں تو پھر اللہ کے سوا اور کوئی ان کو تھام بھی نہیں سکتا وہ حلیم غفور ہے"۔ [فاطر: ۴۱]

اور ہمارا ایمان ہے کہ اللہ تعالیٰ نے آسمان کو زمین پر گرنے سے روک رکھا ہے، بغیر اللہ کی اجازت کے زمین پر آسمان ہر گز نہیں گر سکتا، جیسا کہ اللہ تعالیٰ نے فرمایا: "وہی آسمان کو تھامے ہوئے ہے کہ زمین پر اس کی اجازت کے بغیر نہ گر پڑے"۔ [الحج : ۶۵]

ہم گواہی دیتے ہیں کہ اللہ تعالیٰ ان مخلوقات کے معاملات میں تدبیر اپناتا ہے اور ان کی حفاظت کرتا ہے، لیکن اس کے باوجود اسے کوئی چیز نہیں تھکا سکتی، جیسا کہ اللہ تعالیٰ نے فرمایا: {وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ } "اس کی کرسی زمین و آسمان کو گھیرے ہو ئے ہے اور ان دونوں کی حفاظت اسے تھکا نہیں سکتی، وہ بلند و بالا اور عظیم ہے"۔ [البقرة: 255].

ہمارا ایمان ہے کہ اللہ تعالیٰ نے ان تمام مخلوقات کو عظیم حکمتوں کے تحت بنایا ہے جس کا احاطہ کرنا نا ممکن ہے اور اس نے اپنی تمام مخلوق اور ان کی بناوٹ کو مضبوط کیا جیسا کہ اللہ تعالیٰ نے فرمایا: {وَتَرَى الْجِبَالَ تَحْسَبُهَا جَامِدَةً وَهِيَ تَمُرُّ مَرَّ السَّحَابِ صُنْعَ اللَّهِ الَّذِي أَتْقَنَ كُلَّ شَيْءٍ إِنَّهُ خَبِيرٌ بِمَا تَفْعَلُونَ } "اور پہاڑوں کو دیکھ کر اپنی جگہ جمے ہوئے خیال کرتے ہو لیکن وہ بھی بادل کی طرح اڑتے پھریں گے یہ ہے اللہ تعالیٰ کی تخلیق جس نے ہر چیز کو مضبوط بنایا ہے جو کچھ تم کرتے ہو اس سے وہ باخبر ہے"۔ [النمل: ۸۸] اوراللہ تعالیٰ نے فر مایا: {وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا لَاعِبِينَ} "ہم نے آسمان اور زمین اور ان کے درمیان کی تمام چیزیں کھیل کے لئے نہیں پیدا کیا"۔ [ الدخان: ۳۸] ایک اور مقام پراللہ تعالیٰ نے فرمایا: {وَالْأَرْضَ مَدَدْنَاهَا وَ أَلْقَيْنَا فِيهَا رَوَاسِيَ وَأَنْبَتْنَا فِيهَا مِنْ كُلِّ شَيْءٍ مَوْزُونٍ*۔ "اور زمین کو ہم نے پھیلادیا ہے اور اس پر (اٹل) پہاڑ ڈال دیئے ہیں، اوراس میں ہم نے ہر چیز ایک معین مقدار سے اگا دی ہے۔ وَجَعَلْنَا لَكُمْ فِيهَا مَعَايِشَ وَمَنْ لَسْتُمْ لَهُ بِرَازِقِينَ * اور اسی میں ہم نے تمہاری روزیاں بنا دی ہیں اور جنہیں تم روزی دینے والے نہیں ہو۔ وَإِنْ مِنْ شَيْءٍ إِلَّا عِنْدَنَا خَزَائِنُهُ وَمَا نُنَزِّلُهُ إِلَّا بِقَدَرٍ مَعْلُومٍ} اور جتنی بھی چیزیں ہیں ان سب کے خزانے ہمارے پاس ہیں، اور ہم ہر چیز کو اس کے مقررہ انداز سے اتارتے ہیں"۔ [الحجر: ۱۹-۲۱]

اللہ تعالی نے آسمان اور زمین کے اپنے پیدا کرنے کو اپنی ربوبیت کی دلیل بنادیا جوکہ اس کى الوہیت کو مستلزم ہے جیسا کہ اللہ عز و جل نے فرمایا: {أَمَّنْ خَلَقَ السَّمَاوَاتِ وَالْأَرْضَ وَأَنْزَلَ لَكُمْ مِنَ السَّمَاءِ مَاءً فَأَنْبَتْنَا بِهِ حَدَائِقَ ذَاتَ بَهْجَةٍ مَا كَانَ لَكُمْ أَنْ تُنْبِتُوا شَجَرَهَا أَإِلَهٌ مَعَ اللَّهِ بَلْ هُمْ قَوْمٌ يَعْدِلُونَ} "بھلا بتاؤ تو؟ کہ آسمانوں کو اور زمین کو کس نے پیدا کیا؟ کس نے آسمان سے بارش برسائی؟ پھر اس سے ہرے بھرے بارونق باغات اگا دیئے؟ ان باغوں کے درختوں کو تم ہر گز نہ اگا سکتے، کیا اللہ کے ساتھ اور کوئی معبود بھی ہے؟ بلکہ یہ لوگ ہٹ جاتے ہیں (سیدھی راہ سے)"۔ [النمل: ۶۰] اور اللہ تعالیٰ نے فر مایا: {وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ وَسَخَّرَ الشَّمْسَ وَالْقَمَرَ لَيَقُولُنَّ اللَّهُ فَأَنَّى يُؤْفَكُونَ } "اگر آپ ان سب سے پوچھیں کہ زمین اور آسمان کو کس نے پیدا کیا اور سورج و چاند کو کس نے مسخر کیا ؟ تو وہ ضرور کہیں گے کہ اللہ پھر تم کہاں بہکے جا رہے ہو"۔ [العنکبوت: ۶۱] اور اللہ تعالیٰ نے فر مایا: وَلَئِنْ سَأَلْتَهُمْ مَنْ نَزَّلَ مِنَ السَّمَاءِ مَاءً فَأَحْيَا بِهِ الْأَرْضَ مِنْ بَعْدِ مَوْتِهَا لَيَقُولُنَّ اللَّهُ قُلِ الْحَمْدُ لِلَّهِ بَلْ أَكْثَرُهُمْ لَا يَعْقِلُونَ} "اور اگر آپ ان سے سوال کریں کہ آسمان سے پانی اتار کر زمین کو اس کی موت کے بعد زندہ کس نے کیا؟ تو یقیناً ان کا جواب یہی ہوگا اللہ تعالیٰ نے۔ آپ کہہ دیں کہ ہر تعریف اللہ تعالیٰ ہی کے لئے سزاوار ہے، بلکہ ان میں سے اکثر بے عقل ہیں"۔ [العنکبوت: ۶۳]

ہمارا ایمان ہےکہ اللہ تعالیٰ نے اس دنیا کو ابتلاء و آزمائش کا مقام بنایا، جیسا کہ اللہ تعالیٰ نے فرمایا: {وَهُوَ الَّذِي خَلَقَ السَّمَاوَاتِ وَ الْأَرْضَ فِي سِتَّةِ أَيَّامٍ وَ كَانَ عَرْشُهُ عَلَى الْمَاءِ لِيَبْلُوَكُمْ أَيُّكُمْ أَحْسَنُ عَمَلًا } "اللہ ہی وہ ہے جس نے چھ دن میں آسمان و زمین کو پیدا کیا اور اس کا عرش پانی پر تھا تاکہ وہ تمہیں آزمائے کہ تم میں سے اچھے عمل والا کون ہے"۔ [ھود: ۷] اور اسی طرح اللہ تعالیٰ نے اس دنیا کو جا ئے قرار، جا ئے معاش اور سمیٹنے والی بنایا، جیسا کہ اللہ تعالیٰ نے فرمایا: { مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَى} "اسی سے ہم نے تمہیں پیدا کیا ہے اور اسی میں ہم تمہیں لوٹا ئیں گے اور اسی سے ہم تمہیں دوبارہ نکا لیں گے"۔ [طہ: ۵۵] اور اللہ تعالیٰ نے فر مایا: { أَلَمْ نَجْعَلِ الْأَرْضَ كِفَاتًا * "کیا ہم نے زمین کو سمیٹنے والی نہیں بنایا ؟ أَحْيَاءً وَأَمْوَاتًا} زندوں کو بھی اور مردوں کو بھی"۔ [المرسلات: ۲۵-۲۶]

ہمارا ایمان ہے کہ یہ عظیم کائنات اللہ رب العالمین کی بزرگی بیان کرتی ہے، جیسا کہ اللہ تعالیٰ فرماتا ہے: { تُسَبِّحُ لَهُ السَّمَاوَاتُ السَّبْعُ وَالْأَرْضُ وَمَنْ فِيهِنَّ وَإِنْ مِنْ شَيْءٍ إِلَّا يُسَبِّحُ بِحَمْدِهِ وَلَكِنْ لَا تَفْقَهُونَ تَسْبِيحَهُمْ إِنَّهُ كَانَ حَلِيمًا غَفُورًا} "ساتوں آسمان اور زمین اور جو بھی ان میں ہے اسی کی تسبیح کر رہے ہیں۔ ایسی کوئی چیز نہیں جو اسے پاکیزگی اور تعریف کے ساتھ یاد نہ کرتی ہو۔ ہاں یہ صحیح ہے کہ تم ا کنی تسبیح سمجھ نہیں سکتے، وہ بڑا بُرد بار اور بخشنے والا ہے"۔ [الإسراء: ۴۴] اور اس کی عظمت کے آگے جھکی ہوئی ہے، جیسا کہ فرمان الہی ہے: {ثُمَّ اسْتَوَى إِلَى السَّمَاءِ وَهِيَ دُخَانٌ فَقَالَ لَهَا وَلِلْأَرْضِ ائْتِيَا طَوْعًا أَوْ كَرْهًا قَالَتَا أَتَيْنَا طَائِعِينَ} "پھر آسمانوں کی طرف متوجہ ہوا اور وہ دھواں (سا) تھا پس اسے اور زمین سے فرمایا کہ تم دونوں خوشی سے آؤ یا ناخوشی سے دونوں نے عرض کیا بخوشی حاضر ہیں"۔ [فصلت: ۱۱]

بندوں کے رب کے خلاف ڈھٹائی کرنے پر یہ کائنات ڈرتی اور گھبراتی ہے، جیسا کہ اللہ تعالیٰ نے فرمایا: { تَكَادُ السَّمَاوَاتُ يَتَفَطَّرْنَ مِنْهُ وَتَنْشَقُّ الْأَرْضُ وَتَخِرُّ الْجِبَالُ هَدًّا* "قریب ہے کہ اس قول کی وجہ سے آسمان پھٹ جائیں اور زمین شق ہوجائے اور پہاڑ ریزہ ریزہ ہوجائیں۔ أَنْ دَعَوْا لِلرَّحْمَنِ وَلَدًا} کہ وہ رحمٰن کی اولاد ثابت کرنے بیٹھے". [مریم : ۹۰-۹۱]

باب: چاند اور سورج کی تخلیق کا بیان

ہمارا ایمان ہے کہ سورج اور چاند بھی اللہ تعالیٰ کی مخلوق ہیں، جیسا کہ اللہ تعالی نے فرمایا: {وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَ الْقَمَرَ كُلٌّ فِي فَلَكٍ يَسْبَحُونَ} "وہی اللہ ہے جس نے رات اور دن، سورج اور چاند کو پیدا کیا ہے ان میں سے ہر ایک اپنے اپنے مدار میں تیرتے پھرتے ہیں"۔ [ الأنبیاء : ۳۳ ]

ہمارا ایمان اس بات پر بھی ہے کہ سورج اور چاند دو نوں چلتے ہیں، جیسا کہ اللہ سبحانہ تعالیٰ نے فرمایا: {وَالشَّمْسُ تَجْرِي لِمُسْتَقَرٍّ لَهَا ذَلِكَ تَقْدِيرُ الْعَزِيزِ الْعَلِيمِ*۔ "اور سورج کے لئے جو مقررہ راہ ہے وہ اسی پر چلتارہتا ہے۔ یہ ہے مقرر کردہ، غالب باعلم اللہ تعالیٰ کا۔ وَالْقَمَرَ قَدَّرْنَاهُ مَنَازِلَ حَتَّى عَادَ كَالْعُرْجُونِ الْقَدِيمِ*۔ اور چاند کی ہم نے منزلیں مقرر کر رکھی ہیں کہ وہ لوٹ کر پرانی ٹہنی کی طرح ہوجاتا ہے۔ لَا الشَّمْسُ يَنْبَغِي لَهَا أَنْ تُدْرِكَ الْقَمَرَ وَلَا اللَّيْلُ سَابِقُ النَّهَارِ وَ كُلٌّ فِي فَلَكٍ يَسْبَحُونَ}۔ نہ آفتاب کی یہ مجال ہے کہ چاند کو پکڑ ے اور نہ رات دن پر آگے بڑھ جانے والی ہے اور سب کے سب آسمان میں تیرتے پھرتے ہیں"۔ [یس : ۳۸-۴۰] برکتوں واﻻ ہے وه اللہ جو بہترین پیدا کرنے واﻻ ہے۔

اور یہ دونوں اللہ تعالیٰ کے حکم سےچلتے ہیں، ان دونوں کےچلنے میں بندوں ہی کا فائدہ ہے اور یہ اللہ تعالیٰ کی طرف سے بندوں کے لئے بہت بڑی رحمت ہے، جیسا کہ قرآن کہتا ہے: { وَسَخَّرَ لَكُمُ الشَّمْسَ وَالْقَمَرَ دَائِبَيْنِ وَسَخَّرَ لَكُمُ اللَّيْلَ وَالنَّهَارَ} "اسی نے تمہارے لئے سورج چاند کو مسخر کردیا ہے کہ برابر ہی چل رہے ہیں اور رات دن کو بھی تمہارے کام میں لگا رکھا ہے"۔ [ابراھیم : ۳۳] اوراللہ تعالیٰ نے فر مایا: {وَالشَّمْسَ وَالْقَمَرَ وَالنُّجُومَ مُسَخَّرَاتٍ بِأَمْرِهِ} "اور سورج اور چاند اور دوسرے ستاروں کو پیدا کیا ایسے طور پر کہ سب اس کے حکم کے تابع ہیں"۔ [الأعراف : ۵۴]

اور اللہ تعالیٰ نے سورج اور چاند کو ایک عظیم حکمت کے لیے پیدا کیا جس کا احاطہ نہیں کیا جا سکتا ہے، اور انہی حکمتوں میں سے چند کا ذکر اللہ عز وجل کے اس فرمان میں ہوا ہے: فَالِقُ الْإِصْبَاحِ وَجَعَلَ اللَّيْلَ سَكَنًا وَالشَّمْسَ وَالْقَمَرَ حُسْبَانًا ذَلِكَ تَقْدِيرُ الْعَزِيزِ الْعَلِيمِ } "وہ صبح کا نکالنے والا اس نے رات کو راحت کی چیز بنایا ہے اور سورج اور چاند کو حساب سے رکھا ہے یہ ٹھہرائی بات ہے ایسی ذات کی جو قادر ہے بڑے علم والا ہے"۔ [الأنعام: ۹۶] اور’’حُسْبَانًا ‘‘ کی تفسیر میں ابن عباس رضی اللہ عنہما فرماتے ہیں: ’’حُسْبَانًا ‘‘ سے مراد یہاں دن، مہینے اور سال ہیں۔ (تفسیر الطبری :558/11) اورخود اللہ تعالیٰ نے بھی بعض مقام پر سورج اور چاند کی پیدائش کی حکمتیں بیان کی ہیں، جیسا کہ اللہ تعالیٰ نے فرمایا: {هُوَ الَّذِي جَعَلَ الشَّمْسَ ضِيَاءً وَالْقَمَرَ نُورًا وَقَدَّرَهُ مَنَازِلَ لِتَعْلَمُوا عَدَدَ السِّنِينَ وَالْحِسَابَ مَا خَلَقَ اللَّهُ ذَلِكَ إِلَّا بِالْحَقِّ يُفَصِّلُ الْآيَاتِ لِقَوْمٍ يَعْلَمُونَ} "وہ اللہ تعالیٰ ایسا ہے جس نے آفتاب کو چمکتا ہوا بنایا اور چاند کو نورانی بنایا اور اس کے لیے منزلیں مقرر کیں تاکہ تم برسوں کی گنتی اور حساب معلوم کرلیا کرو، اللہ تعالیٰ نے یہ چیزیں بے فائدہ نہیں پیدا کیں، وہ یہ دلائل ان کو صاف صاف بتلارہا ہے جو دانش رکھتے ہیں"۔ [ یونس: ۵]

ہمارا ایمان ہے کہ ان دونوں کو اللہ تعالیٰ نے اپنی عظیم نشانیوں میں سے ایسی نشانی قرار دیا جواس کى ربوبیت پر دلالت کرتى ہے, اور اس کى یہ ربوبیت اس کى الوہیت کو مستلزم ہے، جیسا کہ اللہ تعالیٰ نے فرمایا: {وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ وَسَخَّرَ الشَّمْسَ وَالْقَمَرَ لَيَقُولُنَّ اللَّهُ فَأَنَّى يُؤْفَكُونَ} "اگر آپ ان سب سے پوچھیں کہ زمین اور آسمان کو کس نے پیدا کیا اور سورج و چاند کو کس نے مسخر کیا؟ تو وہ ضرور کہیں گے کہ اللہ تعالیٰ پھر تم کہاں بہکے جا رہے ہو؟" [العنکبوت: ۶۱] اور اللہ تعالیٰ نے فرمایا: {وَمِنْ آيَاتِهِ اللَّيْلُ وَالنَّهَارُ وَالشَّمْسُ وَالْقَمَرُ لَا تَسْجُدُوا لِلشَّمْسِ وَلَا لِلْقَمَرِ وَاسْجُدُوا لِلَّهِ الَّذِي خَلَقَهُنَّ إِنْ كُنْتُمْ إِيَّاهُ تَعْبُدُونَ } "اور دن رات اور سورج چاند بھی (اسی کی) نشانیوں میں سے ہیں، تم سورج کو سجدہ نہ کرو نہ چاند کو، بلکہ سجدہ اس اللہ کے لئے کرو جس نے سب کو پیدا کیا ہے اگر تمہیں اس کی عبادت کرنی ہے تو"۔ [فصلت: ۳۷] اور ’’الصحیح‘‘ میں اللہ کے رسول ﷺ نے فرمایا: ’’إِنَّ الشَّمْسَ وَالقَمَرَ آيَتَانِ مِنْ آيَاتِ اللَّهِ، لاَ يَنْكَسِفَانِ لِمَوْتِ أَحَدٍ وَلاَ لِحَيَاتِهِ، وَلَكِنَّ اللَّهَ تَعَالَى يُخَوِّفُ بِهَا عِبَادَهُ‘‘۔ "سورج اور چاند اللہ کی نشانیوں میں سےدو نشانیاں ہیں، کسی کے موت و حیات پر وہ دونوں گرہن زدہ نہیں ہوتے، لیکن اللہ تعالیٰ ان نشانیوں کے ذریعہ اپنے بندو ں کو ڈراتا ہے"۔ (صحیح بخاری :۱۰۴۸، سنن النسائی :۱۴۵۹)

ہمارا ایمان ہے کہ دیگر مخلوقات کی طرح سورج چاند بھی اللہ کے لئے سجدہ کرتے ہیں جیسا کہ اللہ تعالیٰ نے فرمایا: { أَلَمْ تَرَ أَنَّ اللَّهَ يَسْجُدُ لَهُ مَنْ فِي السَّمَاوَاتِ وَمَنْ فِي الْأَرْضِ وَالشَّمْسُ وَالْقَمَرُ وَالنُّجُومُ وَالْجِبَالُ وَالشَّجَرُ وَالدَّوَابُّ وَكَثِيرٌ مِنَ النَّاسِ وَكَثِيرٌ حَقَّ عَلَيْهِ الْعَذَابُ وَمَنْ يُهِنِ اللَّهُ فَمَا لَهُ مِنْ مُكْرِمٍ إِنَّ اللَّهَ يَفْعَلُ مَا يَشَاءُ} "کیا تو نہیں دیکھ رہا کہ اللہ کے سامنے سجدے میں ہیں سب آسمانوں والے اور سب زمینوں والے اور سورج اور چاند اور ستارے اور پہاڑ اور درخت اور جانور اور بہت سے انسان بھی ہاں بہت سے وہ بھی ہیں جن پر عذاب کا مقولہ ثابت ہوچکا ہے، جسے اللہ تعالیٰ ذلیل کر دے اسے کوئی عزت دینے والا نہیں، اللہ جو چاہتا ہے کرتا ہے"۔ [ الحج : ۱۸]

ہمارا ایمان ہے کہ سورج روزانہ عرش کے نیچے سجدہ کرتا ہے، جیسا کہ اللہ کے رسول ﷺ نے اس کی خبر دیا ہے۔ ابو ذر رضی اللہ عنہ سے روایت ہے کہ جب سورج غروب ہوگیا تو اللہ کے رسول ﷺ نے ان سے فرمایا : ’’أَتَدْرِي أَيْنَ تَذْهَبُ؟ قُلْتُ: اللَّهُ وَرَسُولُهُ أَعْلَمُ، قَالَ:فَإِنَّهَا تَذْهَبُ حَتَّى تَسْجُدَ تَحْتَ العَرْشِ، فَتَسْتَأْذِنَ فَيُؤْذَنُ لَهَا وَيُوشِكُ أَنْ تَسْجُدَ، فَلاَ يُقْبَلَ مِنْهَا، وَتَسْتَأْذِنَ فَلاَ يُؤْذَنَ لَهَا يُقَالُ لَهَا: ارْجِعِي مِنْ حَيْثُ جِئْتِ، فَتَطْلُعُ مِنْ مَغْرِبِهَا، فَذَلِكَ قَوْلُهُ تَعَالَى: {وَالشَّمْسُ تَجْرِي لِمُسْتَقَرٍّ لَهَا ذَلِكَ تَقْدِيرُ العَزِيزِ العَلِيمِ} [يس: ۳۸]‘‘۔ کیا تم جانتے ہو کہ وہ کہاں جا رہا ہے؟ میں نے کہا: اللہ اور اس کے رسول زیادہ بہتر جانتے ہیں، فرمایا: وہ عرش کے نیچے سجدہ کرنے جا رہا ہے پھر وہ اجازت طلب کرے گا تو اسے اجازت مل جا ئے گی اورممکن ہے کہ وہ سجدہ کرے تو قبول نہ کیا جا ئے اور اجازت طلب کرے تو اسے اجازت نہ دی جا ئے اور کہا جا ئے کہ تو جہاں سے آیا ہے وہیں لوٹ جا تو وہ مغرب سے طلوع ہوگا جیسا کہ اللہ تعالیٰ کا فرمان ہے: {وَالشَّمْسُ تَجْرِي لِمُسْتَقَرٍّ لَهَا ذَلِكَ تَقْدِيرُ العَزِيزِ العَلِيمِ}[يس: ۳۸] سورج اپنے قرار گاہ پر چلتا ہے اور یہ مقرر کردہ ہے غالب اور سب کچھ جننے والا کا"۔ (صحیح بخاری: ۳۱۹۹، صحیح مسلم: ۱۵۹، سنن أبی داود: ۴۰۰۲، جامع الترمذي: ۲۱۸۶، ۳۲۲۷)

باب: ستاروں کی تخلیق کا بیان

ہم ایمان رکھتے ہیں کہ اور ستارے بھی اللہ تعالیٰ کی مخلوق ہیں اور انہیں بھی اللہ نے کسی عظیم حکمت کے تحت پید کیا ہے، جیسا کہ اللہ تعالیٰ نے ان کے بارے میں اپنے اس قول میں فرمایا: {وَعَلَامَاتٍ وَبِالنَّجْمِ هُمْ يَهْتَدُونَ} "اور بھی بہت سی نشانیاں مقرر فرمائیں اور ستاروں سے بھی لوگ راہ حاصل کرتے ہیں"۔ [النحل: 16] ابو قتادہ رحمہ اللہ فرماتے ہیں کہ ’’والعلامات: النجوم، وإن الله تبارك وتعالى إنما خلق هذه النجوم لثلاث خصلات: جعلها زينة للسماء، وجعلها يهتدي بها، وجعلها رجوما للشياطين. فمن تعاطى فيها غير ذلك، فقد رأيه وأخطأ حظه و أضاع نصيبه وتكلَّف ما لا علم له به‘‘ "علامات سےمراد: ستارے ہیں۔ اللہ تبارک و تعالیٰ نے تین کاموں کے لئےستاروں کو پیدا کیا (۱) انہیں آسمان کی زینت بنایا۔ (۲) انہیں رہنمائی کا ذریعہ بنایا۔(۳) انہیں شیطانوں کے مارنے کا ذریعہ بنایا۔ اب ان کے علاوہ اگر کوئی اور کو ئی سبب بتاتا ہے تو اس کی بات غلط تسلیم کی جا ئے گی اور اس کا حصہ برباد ہو جا ئے گا، کیوں کہ اس نے اپنے آپ کو ایسی بات کا مکلف بنایا ہے جس کا اس کے پاس علم نہیں ہے"۔ (تفسیر الطبری: ۱۷/ ۱۸۵)

اور ابو موسی رضی اللہ عنہ سے روایت ہے انہوں نے فرمایا کہ: ’’صَلَّيْنَا الْمَغْرِبَ مَعَ رَسُولِ اللهِ صَلَّى اللهُ عَلَيْهِ وَسَلَّمَ، ثُمَّ قُلْنَا: لَوْ جَلَسْنَا حَتَّى نُصَلِّيَ مَعَهُ الْعِشَاءَ قَالَ فَجَلَسْنَا، فَخَرَجَ عَلَيْنَا، فَقَالَ: مَا زِلْتُمْ هَاهُنَا؟قُلْنَا: يَا رَسُولَ اللهِ صَلَّيْنَا مَعَكَ الْمَغْرِبَ، ثُمَّ قُلْنَا: نَجْلِسُ حَتَّى نُصَلِّيَ مَعَكَ الْعِشَاءَ، قَالَ أَحْسَنْتُمْ أَوْ أَصَبْتُمْ، قَالَ فَرَفَعَ رَأْسَهُ إِلَى السَّمَاءِ، وَكَانَ كَثِيرًا مِمَّا يَرْفَعُ رَأْسَهُ إِلَى السَّمَاءِ، فَقَالَ: النُّجُومُ أَمَنَةٌ لِلسَّمَاءِ، فَإِذَا ذَهَبَتِ النُّجُومُ أَتَى السَّمَاءَ مَا تُوعَدُ، وَأَنَا أَمَنَةٌ لِأَصْحَابِي، فَإِذَا ذَهَبْتُ أَتَى أَصْحَابِي مَا يُوعَدُونَ، وَأَصْحَابِي أَمَنَةٌ لِأُمَّتِي، فَإِذَا ذَهَبَ أَصْحَابِي أَتَى أُمَّتِي مَا يُوعَدُونَ‘‘۔ "ہم نے اللہ کے رسول ﷺ کے ساتھ مغرب کی نماز ادا کی۔ پھر ہم نے سوچا کہ کاش ہم بیٹھے رہتے تا کہ ہم آپ ﷺکے ساتھ عشاء کی نماز بھی پڑھ لیں۔ فرماتے ہیں کہ: ہم بیٹھ گئے، پھر آپ ہمارے پاس آئے اور کہا کہ ابھی تم سب یہیں ہو؟ ہم نے کہا کہ اے اللہ کے رسول! ہم نے آپ کے ساتھ مغرب کی نماز ادا کی تو سوچے کہ بیٹھے رہیں یہاں تک کہ عشاء کی نماز بھی آپ ہی کے ساتھ ادا کرلیں، تو آپ نے کہا کہ تم سب نے اچھا کیا یا تم سب نے صحیح کیا، فرماتے ہیں کہ پھر آپ نے اپنا سر آسمان کی طرف اٹھایا اور اکثر آپ اپنا سر آسمان ہی کی طرف اٹھاتے تھے پھر کہا ستارے آسمان کے امین ہیں، جب ستارے ختم ہوجائیں گے تو آسمان کے پاس وہ تمام چیزیں آئیں گی جن کا اس سے وعدہ کیا جاتا ہے۔ اور میں صحابہ کا امین ہوں، جب میں چلے جاؤں گا تو صحابہ کے پاس وہ تمام چیزیں آئیں گی جن کا ان سے وعدہ کیا جاتا ہے۔ اور میرے صحابہ میری امت کے امین ہیں، جب میرے صحابہ چلے جا ئیں گے تو میری امت کے پاس وہ تمام چیزیں آئیں گی جن کا ان سے وعدہ کیا جاتا ہے"۔ (صحیح مسلم: ۲۵۳۱)

ایک اور مقام پر اللہ تعالیٰ نے فرمایا: {وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِلشَّيَاطِينِ} "یقینا ہم نے آسمانِ دنیا کو ستاروں سے مزین کیا اور ہم نے اسے شیطانوں کے مارنے کا ذریعہ بنایا"۔ [الملک: ۵]

عبد اللہ بن عباس رضی اللہ عنہما سے روایت ہے انہوں نے فرمایا کہ: ’’ أَخْبَرَنِي رَجُلٌ مِنْ أَصْحَابِ النَّبِيِّ صَلَّى اللهُ عَلَيْهِ وَسَلَّمَ مِنَ الْأَنْصَارِ، أَنَّهُمْ بَيْنَمَا هُمْ جُلُوسٌ لَيْلَةً مَعَ رَسُولِ اللهِ صَلَّى اللهُ عَلَيْهِ وَسَلَّمَ رُمِيَ بِنَجْمٍ فَاسْتَنَارَ، فَقَالَ لَهُمْ رَسُولُ اللهِ صَلَّى اللهُ عَلَيْهِ وَسَلَّمَ: مَاذَا كُنْتُمْ تَقُولُونَ فِي الْجَاهِلِيَّةِ، إِذَا رُمِيَ بِمِثْلِ هَذَا؟ قَالُوا: اللهُ وَرَسُولُهُ أَعْلَمُ، كُنَّا نَقُولُ وُلِدَ اللَّيْلَةَ رَجُلٌ عَظِيمٌ، وَمَاتَ رَجُلٌ عَظِيمٌ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: فَإِنَّهَا لَا يُرْمَى بِهَا لِمَوْتِ أَحَدٍ وَلَا لِحَيَاتِهِ، وَلَكِنْ رَبُّنَا تَبَارَكَ وَتَعَالَى اسْمُهُ، إِذَا قَضَى أَمْرًا سَبَّحَ حَمَلَةُ الْعَرْشِ، ثُمَّ سَبَّحَ أَهْلُ السَّمَاءِ الَّذِينَ يَلُونَهُمْ، حَتَّى يَبْلُغَ التَّسْبِيحُ أَهْلَ هَذِهِ السَّمَاءِ الدُّنْيَا ثُمَّ قَالَ: الَّذِينَ يَلُونَ حَمَلَةَ الْعَرْشِ لِحَمَلَةِ الْعَرْشِ: مَاذَا قَالَ رَبُّكُمْ؟ فَيُخْبِرُونَهُمْ مَاذَا قَالَ: قَالَ فَيَسْتَخْبِرُ بَعْضُ أَهْلِ السَّمَاوَاتِ بَعْضًا، حَتَّى يَبْلُغَ الْخَبَرُ هَذِهِ السَّمَاءَ الدُّنْيَا، فَتَخْطَفُ الْجِنُّ السَّمْعَ فَيَقْذِفُونَ إِلَى أَوْلِيَائِهِمْ، وَيُرْمَوْنَ بِهِ، فَمَا جَاءُوا بِهِ عَلَى وَجْهِهِ فَهُوَ حَقٌّ، وَلَكِنَّهُمْ يَقْرِفُونَ فِيهِ وَيَزِيدُونَ‘‘۔ "مجھے ایک انصاری صحابی نے بتایا کہ وہ رات کو اللہ کے رسول ﷺکے ساتھ بیٹھے ہوئے تھے کہ اتنے میں ایک ستارہ ٹوٹا اور چمکا تو اللہ کے رسول ﷺنے فرمایا: تم دورجاہلیت میں اسے کیا کہتے تھے جب اس طرح کوئى ستارا ٹوٹتا تھا؟ انہوں نے کہا: اللہ اور اس کے رسول بہتر جانتے ہیں لیکن ہم یوں کہتے: آج کی رات کوئی بڑا شخص پیدا ہوا ہے یا مرا ہے، تواللہ کے رسول ﷺ نے فرمایا: یہ کسی کے مرنے یا پیدا ہونے کی وجہ سے نہیں ٹوٹتا، لیکن ہمارا وہ رب جو با برکت ہے اور جس کا نام بلند وبرتر ہے وہ جب کسی کام کا فیصلہ کرتاہے تو عرش کے اٹھانے والے فرشتے اس کی پاکی بیان کرتے ہیں پھر ان کے پاس والے آسمان کے فرشتے پاکی بیان کرتے ہیں یہاں تک کہ وہ تسبیح پہلے آسمان والوں تک پہنچتی ہے پھر جو لوگ عرش اٹھانے والے فرشتوں سے قریب ہیں وہ ان سے پوچھتے ہیں کہ تمہارے رب نے کیا کہا؟ وہ انہیں وہ بات بتاتے ہیں جو اس نے کہا ہے، اسی طرح آسمان والے ایک دوسرے سے پوچھتے ہیں یہاں تک کہ وہ خبر پہلے آسمان والوں تک آتی ہے تو جِن چپکے چپکے سنتے ہیں (اور ان سے وہ خبر اچک لیتے ہیں) اور اپنے دوستوں کو آ کر سناتے ہیں، تو ان کو (اس وقت) ان ستاروں سے مارا جاتا ہے۔ پھر جو خبر وہ ان کے پاس لاتے ہیں وہ صحیح ہوتی ہے لیکن وہ اس میں جھوٹ ملاکر زیادہ کردیتے ہیں"۔ (صحیح مسلم: ۲۲۲۹)

نبی ﷺ کی آمد سے پہلے جن و شیاطین آسمان کی باتیں چپکے چپکے سنتے تھے لیکن نبی ﷺ کى بعثت کے بعد انہیں روک دیا گیا جیسا کہ اللہ تعالیٰ نے اس کے بارے میں خبر دیتے ہوئے فرمایا: {وَأَنَّا كُنَّا نَقْعُدُ مِنْهَا مَقَاعِدَ لِلسَّمْعِ فَمَنْ يَسْتَمِعِ الْآنَ يَجِدْ لَهُ شِهَابًا رَصَدًا} "اور یقینا اس سے پہلے ہم باتیں سننے کے لئے آسمان میں جگہ جگہ بیٹھ جایا کرتے تھے، اب جو بھی کان لگاتا ہے وہ ایک شعلے کو اپنی تاک میں پاتا ہے"۔ [الجن : 9] اور ارشاد باری تعالیٰ ہے: {إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ*۔ "ہم نے آسمانِ دنیا کو ستاروں کی زینت سے آراستہ کیا۔ وَحِفْظًا مِنْ كُلِّ شَيْطَانٍ مَارِدٍ*۔ اور حفاظت کی سرکش شیطان سے۔ لَا يَسَّمَّعُونَ إِلَى الْمَلَإِ الْأَعْلَى وَ يُقْذَفُونَ مِنْ كُلِّ جَانِبٍ*۔ عالمِ بالا کے فرشتوں (کی باتوں) کو سننے کے لئے وہ کان بھی نہیں لگا سکتے بلکہ ہر طرف سے وہ مارے جاتے ہیں۔ دُحُورًا وَلَهُمْ عَذَابٌ وَاصِبٌ*َ۔ بھگانے کے لئے اور اُن کے لئے دائمی عذاب ہے۔ إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ} مگر جو کوئی ایک آدھ بات اچک لے بھاگے تو (فوراً ہی) اس کے پیچھے دہکتا ہوا شعلہ لگ جاتا ہے"۔ [الصافات : 6-10]

اور عبد اللہ بن عباس رضی اللہ عنہما سے روایت ہے، انہوں نے فرمایا کہ:’’كَانَ الجِنُّ يَصْعَدُونَ إِلَى السَّمَاءِ يَسْتَمِعُونَ الوَحْيَ، فَإِذَا سَمِعُوا الكَلِمَةَ زَادُوا فِيهَا تِسْعًا، فَأَمَّا الكَلِمَةُ فَتَكُونُ حَقًّا، وَأَمَّا مَا زَادُوهُ فَيَكُونُ بَاطِلًا، فَلَمَّا بُعِثَ رَسُولُ اللَّهِ صَلَّى اللَّهُ عَلَيْهِ وَسَلَّمَ مُنِعُوا مَقَاعِدَهُمْ، فَذَكَرُوا ذَلِكَ لِإِبْلِيسَ، وَ لَمْ تَكُنِ النُّجُومُ يُرْمَى بِهَا قَبْلَ ذَلِكَ، فَقَالَ لَهُمْ إِبْلِيسُ: مَا هَذَا إِلَّا مِنْ أَمْرٍ قَدْ حَدَثَ فِي الأَرْضِ، فَبَعَثَ جُنُودَهُ فَوَجَدُوا رَسُولَ اللَّهِ صَلَّى اللَّهُ عَلَيْهِ وَسَلَّمَ قَائِمًا يُصَلِّي بَيْنَ جَبَلَيْنِ أُرَاهُ قَالَ: بِمَكَّةَ، فَلَقُوهُ فَأَخْبَرُوهُ، فَقَالَ: هَذَا الْحَدَثُ الَّذِي حَدَثَ فِي الْأَرْضِ‘‘۔ "جن آسمان کی طرف چڑھ کر وحی سنتے تھے، اگر وہ ایک بات سنتے تو اس میں نو کا اضافہ کردیتے، رہی بات اس کلمے کی جو وہ سنتے تھے تو وہ حق ہوتا تھا لیکن جو بات وہ اس کے ساتھ ملاتے تھے وہ باطل ہوتی تھی۔ لیکن جب اللہ کے رسولﷺ مبعوث کئے گئے تو انہیں ان کی نشستوں سے روک دیا گیا تو انہوں نے اس کا تذکرہ ابلیس سے کیا: اس سے پہلے انہیں ستاروں کے ذریعہ نہیں مارا جاتا تھا، ابلیس نے ان سے کہا:زمین میں کوئی حادثہ رونما ہوا ہے، اس نے(پتا لگانے کے لیے) اپنے لشکر بھیجا، انہیں اللہ کے رسول ﷺ دو پہاڑوں کے درمیان کھڑے نماز پڑھتے ہوئے ملے، راوی فرماتے ہیں کہ: میرے خیال سے یہ واقعہ مکہ میں پیش آیا۔ تو یہ افراد ابلیس سے ملے اور واقعہ کی تفصیل سے آگاہ کیا تو اس نے کہا یہی وہ واقعہ ہے جو زمین میں رونما ہواہے"۔ (جامع الترمذی : ۳۳۲۴، مسند أحمد :۲۴۸۲، سنن النسائی الکبری :۱۱۵۶۲، مسند أبی یعلی :۲۵۰۲)

ہمارا یہ ایمان ہے کہ ستارے نفع و نقصان کے مالک نہیں ہیں اور نہ ہی کسی آسمانی اور ارضی حادثے میں ان کا کچھ اثر ہوتا ہے۔ اور جو یہ عقیدہ رکھے کہ یہ ستارے بذات خود اثر انداز ہوتے ہیں تو وہ مشرک ہے یا کافر۔ ابن عباس رضی اللہ عنہما سے روایت ہے انہوں نے فرمایا کہ: ’’مُطِرَ النَّاسُ عَلَى عَهْدِ النَّبِيِّ صَلَّى اللهُ عَلَيْهِ وَسَلَّمَ، فَقَالَ: النَّبِيُّ صَلَّى اللهُ عَلَيْهِ وَسَلَّمَ: أَصْبَحَ مِنَ النَّاسِ شَاكِرٌ وَمِنْهُمْ كَافِرٌ، قَالُوا: هَذِهِ رَحْمَةُ اللهِ، وَقَالَ بَعْضُهُمْ: لَقَدْ صَدَقَ نَوْءُ كَذَا وَكَذَا ، قَالَ: فَنَزَلَتْ هَذِهِ الْآيَةُ: {فَلَا أُقْسِمُ بِمَوَاقِعِ النُّجُومِ} [الواقعة: ۷۵]، حَتَّى بَلَغَ: {وَتَجْعَلُونَ رِزْقَكُمْ أَنَّكُمْ تُكَذِّبُونَ} [الواقعة: ۸۲]‘‘۔ نبی ﷺ کے عہد میں لوگوں پر بارش نازل کی گئی تو نبی ﷺ نے فرمایا: لوگوں میں سے بعض نے شکر گزار ہو کر صبح کی اور بعض نے نا شکری کی حالت میں اور( بعض) لوگو ں نے کہا کہ یہ اللہ کی رحمت ہے اور انہیں میں سے بعض نے کہا کہ فلاں اور فلاں نوء نچھتر سچے نکلے۔ فرماتے ہیں کہ تب یہ آیت نازل ہوئی {فَلَا أُقْسِمُ بِمَوَاقِعِ النُّجُومِ} "میں ستاروں کے گرنے کی جگہوں کی قسم کھاتا ہوں"، سے {وَتَجْعَلُونَ رِزْقَكُمْ أَنَّكُمْ تُكَذِّبُونَ} "تم اسے جھٹلا کر اپنی روزی حاصل کرتے ہو"، تک نازل ہو ئی۔(الواقعہ: ۷۲۔ ۸۲) (صحیح مسلم: ۷۳)

اور اللہ کے رسول ﷺ نے فرمایا: ’’أَخْوَفُ مَا أَخَافُ عَلَى أُمَّتِي فِي آخِرِ زَمَانِهَا إِيمَانٌ بِالنُّجُومِ، وَتَكْذِيبٌ بِالْقَدَرِ، وَحَيْفُ السُّلْطَانِ‘‘۔ "مجھے اپنی امت پر آخری زمانے میں سب سے زیادہ خوف ستاروں پر ایمان لانے، تقدیر کے جھٹلانے اور بادشاہوں کے ظلم کا ہے"۔ (منسد الرویانی : ۱۲۴۵، معجم الطبرانی فی الکبیر : ۸۱۱۳)

اللہ کے نبی ﷺ نے علم نجوم حاصل کرنے سے منع فرمایا ہے۔ جیسا کہ اللہ کے رسول ﷺ نے فرمایا: ’’مَنْ اقْتَبَسَ عِلْمًا مِنَ النُّجُومِ، اقْتَبَسَ شُعْبَةً مِنَ السِّحْرِ زَادَ مَا زَادَ‘‘۔ "جس نے علم نجوم کا کوئی حصہ اخذ کیا تو اس نے جادو کا ایک حصہ اخذ کیا، وہ جتنا اضافہ کرے گا اتنا ہی اضافہ ہو گا"۔ ( سنن آبی داود : ۳۹۰۵، سنن ابن ماجہ : ۳۷۲۶، مصنف ابن أبی شیہ ۲۶۱۵۹، مسند أحمد : ۲۰۰۰، المنتخب من مسند عبد بن حميد: ۷۱۴)۔

ستارو ں کی بابت صرف اتنا علم حاصل کرنا جائز ہے کہ جتنے سے آپ کو خشکی یا تری میں رہنمائی مل جا ئے کیوں کہ علم اس سے زیادہ علم نجوم کا سیکھنا کہانت کا سبب بنتا ہے۔ سعید بن جبیر رضی اللہ عنہ سے روایت ہے انہوں نے فرمایا کہ: ’ ’جَاءَ رَجُلٌ إِلَى عَبْدِ اللَّهِ بْنِ عَبَّاسٍ فَقَالَ: يَا أَبَا عَبَّاسٍ أَوْصِنِي، فَقَالَ: أُوصِيكَ بِتَقْوَى اللَّهِ، وَإِيَّاكَ وَذِكْرَ أَصْحَابِ النَّبِيِّ صَلَّى اللَّهُ عَلَيْهِ وَسَلَّمَ، فَإِنَّكَ لَا تَدْرِي مَا سَبَقَ لَهُمْ مِنَ الْفَضْلِ، وَإِيَّاكَ وَعَمَلَ النُّجُومِ إِلَّا مَا يُهْتَدَى بِهِ فِي بَرٍّ أَوْ بَحْرٍ، فَإِنَّهَا تَدْعُوا إِلَى كَهَانَةٍ، وَإِيَّاكَ وَمُجَالَسَةَ الَّذِينَ يُكَذِّبُونَ بِالْقَدَرِ، وَمَنْ أَحَبَّ أَنْ تُسْتَجَابَ دَعْوَتُهُ وَأَنْ يُزَكَّى عَمَلُهُ وَيُقْبَلَ مِنْهُ فَلْيُصْدِقْ حَدِيثَهُ، وَلْيُؤَدِّ أَمَانَتَهُ وَلْيُسْلِمْ صَدْرَهُ لِلْمُسْلِمِينَ‘‘۔ ایک آدمی عبد اللہ بن عباس کے پاس آیا اور کہا کہ اے ابو عباس ! مجھے وصیت کیجئے تو انہوں نے کہا کہ میں تمہیں اللہ سے ڈرنے کی وصیت کرتا ہوں، صحابہ کا (غلط انداز میں ) تذکرہ کرنے سے بچو کیوں کہ ان کے جو فضائل ہیں وہ آپ نہیں جانتے، خشکی و تری میں رہنمائی حاصل کرنے کے علاوہ نجوم کے عمل و دخل سے بچو کیوں کہ وہ کہانت کا سبب ہے، تقدیر کو جھٹلانے والوں کی ہم نشینی سے بچو۔ جو چاہتا ہے کہ اس کی دعا قبول ہو، اس کے عمل کا تزکیہ کیا جا ئے اور اسے قبول کیا جائے وہ سچ بولے، امانت ادا کردے اور اپنا سینہ مسلمانوں کے لئے صاف رکھے"۔ (الإبانۃ الکبری لإبن بطۃ :۱۹۸۷)

باب: فرشتوں کی تخلیق کا بیان

ہمارا ایمان ہے کہ فرشتوں کو اللہ نے نور سے پیدا ہے، جیسا کہ عائشہ رضی اللہ عنہا فرماتی ہیں کہ اللہ کے رسول ﷺ نے فرمایا: ’’خُلِقَتِ الْمَلَائِكَةُ مِنْ نُورٍ، وَ خُلِقَ الْجَانُّ مِنْ مَارِجٍ مِنْ نَارٍ، وَخُلِقَ آدَمُ مِمَّا وُصِفَ لَكُمْ‘‘۔ "فرشتے نور سے پیدا کئے گئے ہیں، جِن آگ کی لپٹ سے پیدا کئے گئے ہیں اور آدم اس چیز سے پیدا کئے گئے ہیں جو تمہارے لئے بیان کی گئی ہے (یعنی مٹی سے)۔ (صحیح مسلم: ۲۹۹۶)

اور اللہ تعالیٰ نے فرشتوں کو الگ الگ طرح بنایا ہے، اللہ تعالیٰ کا فرمان ہے: {الْحَمْدُ لِلَّهِ فَاطِرِ السَّمَاوَاتِ وَالْأَرْضِ جَاعِلِ الْمَلَائِكَةِ رُسُلًا أُولِي أَجْنِحَةٍ مَثْنَى وَثُلَاثَ وَرُبَاعَ يَزِيدُ فِي الْخَلْقِ مَا يَشَاءُ إِنَّ اللَّهَ عَلَى كُلِّ شَيْءٍ قَدِيرٌ} "اس اللہ کے لئے تمام تعریفیں سزاوار ہیں جو (ابتداء) آسمانوں اور زمینوں کا پیدا کرنے والا اور دو دو تین تین چار چار پروں والے فرشتوں کو اپنا پیغمبر (قاصد) بنانے والا ہے، مخلوق میں جو چاہے زیادتی کرتا ہے، اللہ تعالیٰ یقیناً ہر چیز پر قادر ہے"۔ [فاطر: ۱]

آپ ﷺ نےخود بتایا ہے کہ آپ ﷺ نے جبرائیل علیہ السلام کا دیدار کیا ہے، ان کے پاس چھ سو پر ہیں اور وہ عظیم مخلوق ہیں۔ ابو اسحاق شیبانی فرماتے ہیں کہ میں نے زر بن حبیش سے اللہ تعالیٰ کے اس فرمان: {فَكَانَ قَابَ قَوْسَيْنِ أَوْ أَدْنَى(۹) فَأَوْحَى إِلَى عَبْدِهِ مَا أَوْحَى(۱۰)} "پس وہ دو کمانوں کے بقدر فاصلہ پر رہ گیا بلکہ اس سے بھی کم (۹) پس اس نے اللہ کے بندے کو وحی پہنچائی جو بھی پہنچائی (۱۰)"۔ [النجم: ۹-۱۰] کی بابت پوچھا تو فرمایا ک:ہ مجھے ابن مسعود نے بتایا ہےکہ: ’’ أَنَّهُ رَأَى جِبْرِيلَ، لَهُ سِتُّمِائَةِ جَنَاحٍ‘‘ نبی صلى اللہ علیہ وسلم نے جبرئیل کو دیکھا ہے اس حال میں کہ ان کے پاس چھ سو پر تھے"۔ (صحیح بخاری :۳۲۳۲، صحیح مسلم :۱۷۴، جامع الترمذی : ۳۲۷۷) اور عائشہ رضی اللہ عنہا فرماتی ہیں کہ’’مَنْ زَعَمَ أَنَّ مُحَمَّدًا رَأَى رَبَّهُ فَقَدْ أَعْظَمَ، وَلَكِنْ قَدْ رَأَى جِبْرِيلَ فِي صُورَتِهِ وَخَلْقُهُ سَادٌّ مَا بَيْنَ الأُفُقِ‘‘ "جس نے یہ گمان کیا کہ محمد نے اپنے رب کو دیکھا ہےتو اس نے بہت بڑا بہتان باندھا، لیکن انہوں نے جبرئیل کو ان کی اصلی صورت اور خلقت میں دیکھا تھا، اس حال میں کہ انہوں (جبرئیل )نے اُفق کے درمیان کی تمام چیزوں کو ڈھانپ رکھا تھا"۔ (صحیح بخاری :۳۲۳۴، صحیح مسلم :۱۷۷، جامع الترمذی : ۳۰۶۸)

اس باب میں ہم اتنے ہی پر اکتفا کرتے ہیں ان شاء اللہ ایمان بالملائکہ والے بیان میں اس پر تفصیلی بحث کریں گے۔

باب: جِن و شیاطین کی تخلیق کا بیان

ہمارا ایمان ہے کہ جِنوں کو اللہ تعالیٰ نے آگ کی لپٹ سے پیدا کیا ہے، جیسا کہ اللہ عز وجل نے فرمایا: {وَالْجَانَّ خَلَقْنَاهُ مِنْ قَبْلُ مِنْ نَارِ السَّمُومِ } "اس سے(انسانوں کی تخلیق سے ) پہلے جِنات کو ہم نے لُو والی آگ سے پیدا کیا"۔ [الحجر: ۲۷) اور یہ بھی فر مایا: {وَخَلَقَ الْجَانَّ مِنْ مَارِجٍ مِنْ نَارٍ } "اور جِنات کو آگ کے شعلے سے پیدا کیا"۔ [الرحمن : ۱۵] اور اللہ کے رسول ﷺ نے فرمایا: ’’خُلِقَتِ الْمَلَائِكَةُ مِنْ نُورٍ، وَخُلِقَ الْجَانُّ مِنْ مَارِجٍ مِنْ نَارٍ، وَخُلِقَ آدَمُ مِمَّا وُصِفَ لَكُمْ‘‘۔ "فرشتے نور سے پیداکئے گئے، جِن آگ کی لپٹ سے پیدا کئے گئے اور آدم اس چیز سے پیدا کئے گئے ہیں جو تمہارے لئے بیان کی گئی ہے (یعنی مٹی سے)"۔ (صحیح مسلم: ۲۹۹۶)

ہمارا ایمان ہے کہ اللہ تعالیٰ نے جِن و انس کو اپنی عبادت کے لئے پیدا کیا ہے، جیسا کہ اللہ تعالیٰ نے فرمایا: {وَمَا خَلَقْتُ الْجِنَّ وَالْاِنْسَ اِلَّا لِيَعْبُدُوْنِ} "میں نے جِنات اور انسانوں کو محض اس لئے پیدا کیا ہے کہ وہ صرف میری عبادت کریں"۔ (الذاریات : ۵۶) اور جِنوں میں صرف ڈرانے والے تھے لیکن رسول کوئی نہیں تھا، جیسا کہ فرمان الہی ہے: {وَإِذْ صَرَفْنَا إِلَيْكَ نَفَرًا مِنَ الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنْصِتُوا فَلَمَّا قُضِيَ وَلَّوْا إِلَى قَوْمِهِمْ مُنْذِرِينَ} "اور یاد کرو ! جبکہ ہم نے جِنوں کی ایک جماعت کو تیری طرف متوجہ کیا کہ وہ قرآن سنیں، پس جب (نبی کے) پاس پہنچ گئے تو (ایک دوسرے سے) کہنے لگے خاموش ہوجاؤ پھر جب پڑھ کر ختم ہوگیا تو اپنی قوم کو خبردار کرنے کے لئے واپس لوٹ گئے"۔ [الأحقاف: ۲۹] اورابن عباس رضی اللہ عنہما اس آیت کی تفسیر میں فرماتے ہیں کہ: ’’الرُّسُلُ مِنْ بَنِي آدَمَ، وَمِنَ الْجِنِّ نُذُر‘‘۔ " سارے رسول انسانوں ہی میں سے تھے، اور جِنوں میں صرف ڈرانے والے آئے ہیں"۔ ( تفسیر ابن کثیر :3/340)

رہی بات اللہ تعالیٰ کے اس فرمان کی کہ { يَامَعْشَرَ الْجِنِّ وَالْإِنْسِ أَلَمْ يَأْتِكُمْ رُسُلٌ مِنْكُمْ يَقُصُّونَ عَلَيْكُمْ آيَاتِي} اے جِن واِنس کی جماعت ! کیا تمہارے پاس تم ہی میں سےرسول نہیں آئے جو تم پر میری آیتیں بیان کرتے؟۔ (الأنعام : ۱۳۰) تو یہاں کل بول کر جز مراد لیا گیا ہے ، یہاں صرف انسان مخاطب ہیں، اس خطاب میں جن شامل نہیں ہیں جیسا کہ اللہ تعالی یہ فرمان { وَجَعَلَ الْقَمَرَ فِيهِنَّ نُورًا} اور چاند کو ان میں روشن بنایا۔ [نوح :۱۶] اور جیسےکہ اس فرمان {فَكَذَّبُوهُ فَعَقَرُوهَا } "تو انہوں (قوم ثمود) نے اسے (صالح علیہ السلام کو) جھٹلایا اور اسے (اونٹنی کو) ذبح کردیا"۔ (الشمس :۱۴) میں پورى قوم ثمود کو بولا گیا ہے جب کہ ان میں اونٹنی کو مارنے والا صرف ایک ہی تھا۔

ہمارا ایمان ہے کہ جِنوں کو اللہ تعالیٰ نے انسانوں سے پہلے پیدا کیا ہے، اسی لئے اللہ تعالیٰ نے فر مایا: {وَالْجَانَّ خَلَقْنَاهُ مِنْ قَبْلُ مِنْ نَارِ السَّمُومِ } "اس سے پہلے جِنات کو ہم نے لُو والی آگ سے پیدا کیا"۔ [الحجر: ۲۷] شیطانوں کا سردار ابلیس ہے۔ اللہ تعالیٰ ہمیں اس کے شر سے محفوظ رکھے۔ اللہ تعالیٰ نے اسے دوسرے جنوں اور شیطانوں کی طرح آگ سے پیدا کیا۔ ابلیس کے بارے میں خبر دیتے ہوئے اللہ تعالیٰ نے فرمایا: { أَنَا خَيْرٌ مِنْهُ خَلَقْتَنِي مِنْ نَارٍ وَخَلَقْتَهُ مِنْ طِينٍ } "میں اس سے بہتر ہوں تو نے مجھ کو آگ سے پیدا کیا اور اس کو تو نے خاک سے پیدا کیا"۔ [الأعراف: ۱۲] اور ابلیس جِنوں میں سے تھا، جیسا کہ اللہ تعالیٰ نے فرمایا: {وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ } "اور جب ہم نے فرشتوں کو حکم دیا کہ تم آدم کو سجدہ کرو تو ابلیس کے سِوا سب نے سجدہ کیا، یہ جِنوں میں سے تھا اس نے اپنے رب کی نافرمانی کی"۔ [ الکھف:۵۰]

ابلیس ہی نے آدم و حوا علیہما السلام کودھوکہ د ے کر گمراہ کیا یہاں تک کہ اس نےجنت سے نکلوادیا، چونکہ اس نے ان دونوں کے دل و دماغ میں وسوسہ ڈال کر شجرئہ ممنوعہ کی طرف مائل کردیا اور قسم کھا کر بولا کہ میں تم دونوں کا خیر خواہ ہوں، اب وہ دونوں اس کی باتوں میں آگئےاورشجرئہ ممنوعہ کا پھل کھا لئے جیسا کہ اللہ تعالیٰ نے فرمایا: { وَيَاآدَمُ اسْكُنْ أَنْتَ وَزَوْجُكَ الْجَنَّةَ فَكُلَا مِنْ حَيْثُ شِئْتُمَا وَلَا تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ *۔ "اور ہم نے حکم دیا کہ اے آدم! تم اور تمہاری بیوی جنت میں رہو۔ پھر جس جگہ سے چاہو دونوں کھاؤ، اوراس درخت کے پاس مت جاؤ ورنہ تم دونوں ﻇالموں میں سے ہوجاؤ گے۔ فَوَسْوَسَ لَهُمَا الشَّيْطَانُ لِيُبْدِيَ لَهُمَا مَا وُورِيَ عَنْهُمَا مِنْ سَوْآتِهِمَا وَقَالَ مَا نَهَاكُمَا رَبُّكُمَا عَنْ هَذِهِ الشَّجَرَةِ إِلَّا أَنْ تَكُونَا مَلَكَيْنِ أَوْ تَكُونَا مِنَ الْخَالِدِينَ *۔ پھر شیطان نے ان دونوں کے دلوں میں وسوسہ ڈالا تاکہ ان کی شرمگاہیں جو ایک دوسرے سے پوشیدہ تھیں دونوں کے روبرو بے پردہ کردے اور کہنے لگا کہ تمہارے رب نے تم دونوں کو اس درخت سے اور کسی سبب سے منع نہیں فرمایا، مگر محض اس وجہ سے کہ تم دونوں کہیں فرشتے ہوجاؤ یا کہیں ہمیشہ زندہ رہنے والوں میں سے ہوجاؤ۔ وَقَاسَمَهُمَا إِنِّي لَكُمَا لَمِنَ النَّاصِحِينَ*۔ اور ان دونوں کے روبرو قسم کھالی کہ یقین جانیئے میں تم دونوں کا خیر خواہ ہوں۔ فَدَلَّاهُمَا بِغُرُورٍ فَلَمَّا ذَاقَا الشَّجَرَةَ بَدَتْ لَهُمَا سَوْآتُهُمَا وَطَفِقَا يَخْصِفَانِ عَلَيْهِمَا مِنْ وَرَقِ الْجَنَّةِ وَنَادَاهُمَا رَبُّهُمَا أَلَمْ أَنْهَكُمَا عَنْ تِلْكُمَا الشَّجَرَةِ وَأَقُلْ لَكُمَا إِنَّ الشَّيْطَانَ لَكُمَا عَدُوٌّ مُبِينٌ*۔ سو ان دونوں کو فریب سے نیچے لے آیا پس ان دونوں نے جب درخت کو چکھا دونوں کی شرمگاہیں ایک دوسرے کے روبرو بے پردہ ہوگئیں اور دونوں اپنے اوپر جنت کے پتے جوڑ جوڑ کر رکھنے لگے اور ان کے رب نے ان کو پکارا کیا میں تم دونوں کو اس درخت سے منع نہ کرچکا تھا اور یہ نہ کہہ چکا کہ شیطان تمہارا صریح دشمن ہے؟ ۔ قَالَا رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ} دونوں نے کہا اے ہمارے رب! ہم نے اپنا بڑا نقصان کیا اور اگر تو ہماری مغفرت نہ کرے گا اور ہم پر رحم نہ کرے گا تو واقعی ہم نقصان پانے والوں میں سے ہوجائیں گے"۔ [الأعراف: ۱۹۔۲۳]

ہمارا ایمان ہے کہ جب شیطان نے آدم کا سجدہ کرنے سے انکار کردیا تو اس پر اللہ تعالیٰ کا غضب نازل ہوا، اللہ تعالی نے اسے ملعون قرار دیا اور اسے ہمیشگی والی جنت سے بھگا دیا اور جب اس نے اللہ تعالی سے قیامت تک کے لئے مہلت طلب کی تو من جانب اللہ اسے مہلت مل گئی، مہلت ملتے ہی اس نے اللہ تعالی کی عزت کی قسم کھا کر کہا کہ میں سوائے مخلص اور نیک بندوں کے تمام انسانوں کو فتنے میں مبتلا کروں گا جیسا کہ اللہ تعالی نے اس کے مکرو فریب اور چال بازی کا تذکرہ کرتے ہو ئے فرمایا: {إِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِنْ طِينٍ *۔ "جبکہ آپ کے رب نے فرشتوں سے ارشاد فرمایا کہ میں مٹی سے انسان کو پیدا کرنے والا ہوں۔ {فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا لَهُ سَاجِدِينَ*۔ تو جب میں اسے پورا بنا چکوں اور اس میں اپنی روح پھونک دوں تو تم سب اس کے لیے سجدے میں گر پڑنا۔ فَسَجَدَ الْمَلَائِكَةُ كُلُّهُمْ أَجْمَعُونَ *۔ چنانچہ تمام فرشتوں نے سجدہ کیا ۔ إِلَّا إِبْلِيسَ اسْتَكْبَرَ وَكَانَ مِنَ الْكَافِرِينَ* مگر ابلیس نے (نہ کیا)، اس نے تکبر کیا اور وہ تھا کافروں میں سے۔ قَالَ يَاإِبْلِيسُ مَا مَنَعَكَ أَنْ تَسْجُدَ لِمَا خَلَقْتُ بِيَدَيَّ أَسْتَكْبَرْتَ أَمْ كُنْتَ مِنَ الْعَالِينَ *۔ اللہ تعالیٰ نے فرمایا اے ابلیس! تجھے اسے سجدہ کرنے سے کس چیز نے روکا، جسے میں نے اپنے ہاتھوں سے پیدا کیا، کیا تو کچھ گھمنڈ میں آگیا ہے؟ یا تو بڑے درجے والوں میں سے ہے۔ قَالَ أَنَا خَيْرٌ مِنْهُ خَلَقْتَنِي مِنْ نَارٍ وَخَلَقْتَهُ مِنْ طِينٍ *۔ اس نے جواب دیا کہ میں اس سے بہتر ہوں، تو نے مجھے آگ سے بنایا، اور اسے مٹی سے بنایا ہے۔ قَالَ فَاخْرُجْ مِنْهَا فَإِنَّكَ رَجِيمٌ*۔ ارشاد ہوا کہ تو یہاں سے نکل جا تو مردود ہوا ۔ وَإِنَّ عَلَيْكَ لَعْنَتِي إِلَى يَوْمِ الدِّينِ *۔ اور تجھ پر قیامت کے دن تک میری لعنت وپھٹکار ہے۔ قَالَ رَبِّ فَأَنْظِرْنِي إِلَى يَوْمِ يُبْعَثُونَ*۔ کہنے لگا میرے رب مجھے لوگوں کے اٹھ کھڑے ہونے کے دن تک مہلت دے ۔ قَالَ فَإِنَّكَ مِنَ الْمُنْظَرِينَ*۔ اللہ تعالیٰ نے فرمایا تو مہلت پانے والوں میں سے ہے۔ إِلَى يَوْمِ الْوَقْتِ الْمَعْلُومِ * متعین وقت کے دن تک۔ قَالَ فَبِعِزَّتِكَ لَأُغْوِيَنَّهُمْ أَجْمَعِينَ *۔ کہنے لگا پھر تو تیری عزت کی قسم! میں ان سب کو یقیناً بہکا دوں گا ۔ إِلَّا عِبَادَكَ مِنْهُمُ الْمُخْلَصِينَ } بجز تیرے ان بندوں کے جو چیدہ اور پسندیدہ ہوں"۔ [ ص: ۷۱- ۸۳] اور شیطان بولا جیسا کہ اللہ تعالیٰ نے اس کے بارے میں فرمایا: { قَالَ فَبِمَا أَغْوَيْتَنِي لَأَقْعُدَنَّ لَهُمْ صِرَاطَكَ الْمُسْتَقِيمَ *۔ "اس نے کہا بسبب اس کے کہ تو نے مجھ کو گمراہ کیا ہے میں قسم کھاتا ہوں کہ میں ان کے لئے تیری سیدھی راہ پر بیٹھوں گا۔ ثُمَّ لَآتِيَنَّهُمْ مِنْ بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَنْ شَمَائِلِهِمْ وَلَا تَجِدُ أَكْثَرَهُمْ شَاكِرِينَ } پھر ان پر حملہ کروں گا ان کے آگے سے بھی اور ان کے پیچھے سے بھی اور ان کی داہنی جانب سے بھی اور ان کی بائیں جانب سے بھی اور تو ان میں سے اکثر کو شکر گزار نہ پائے گا"۔ [الأعراف: 16، 17].

جِن بھی شریعت کے مخاطب اور احکامِ شریعت کے مکلف ہیں، کیوں کہ انہیں بھی ڈرانے والوں اور رسولوں سے وحی کی باتیں سننے اور اس کو سمجھنے کی طاقت و قوت حاصل ہے؛ اسی لئےانہوں نے قرآن سن کر جو کہا تھا، اسے اللہ تعالیٰ نے بایں الفاظ بیان کیا: {وَإِذْ صَرَفْنَا إِلَيْكَ نَفَرًا مِنَ الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنْصِتُوا فَلَمَّا قُضِيَ وَلَّوْا إِلَى قَوْمِهِمْ مُنْذِرِينَ*۔ "اور یاد کرو! جبکہ ہم نے جِنوں کی ایک جماعت کو تیری طرف متوجہ کیا کہ وہ قرآن سنیں، پس جب )(نبی کے) پاس پہنچ گئے تو (ایک دوسرے سے) کہنے لگے خاموش ہو جاؤ پھر جب پڑھ کر ختم ہوگیا تو اپنی قوم کو خبردار کرنے کے لئے واپس لوٹ گئے۔ قَالُوا يَاقَوْمَنَا إِنَّا سَمِعْنَا كِتَابًا أُنْزِلَ مِنْ بَعْدِ مُوسَى مُصَدِّقًا لِمَا بَيْنَ يَدَيْهِ يَهْدِي إِلَى الْحَقِّ وَإِلَى طَرِيقٍ مُسْتَقِيمٍ} کہنے لگے اے ہماری قوم! ہم نے یقیناً وہ کتاب سنی ہے جو موسیٰ (علیہ السلام) کے بعد نازل کی گئی ہے جو اپنے سے پہلی کتابوں کی تصدیق کرنے والی ہے جو سچے دین کی اور راہ راست کی طرف رہنمائی کرتی ہے"۔ [الأحقاف : ۲۹-۳۰]

ہم انسانوں کی طرح جِنوں میں بھی کچھ اچھے لوگ تو کچھ برے لوگ ہیں، کچھ نیک ہیں تو کچھ بد ہیں، اُن میں سے ایمان لانے والا بھی جنت میں جائے گا، اور کفر کرنے والا جہنم میں جا ئے گا، جیسا کہ اللہ تعالی نے فرمایا: {وَأَنَّا مِنَّا الصَّالِحُونَ وَمِنَّا دُونَ ذَلِكَ كُنَّا طَرَائِقَ قِدَدًا} "اور یہ کہ (بیشک) بعض تو ہم میں نیکوکار ہیں اور بعض اس کے برعکس بھی ہیں، ہم مختلف طریقوں سے بٹے ہوئے ہیں"۔ [الجن: ۱۱] ایک اور مقام پر اللہ تعالیٰ نے فر مایا: {وَأَنَّا مِنَّا الْمُسْلِمُونَ وَمِنَّا الْقَاسِطُونَ فَمَنْ أَسْلَمَ فَأُولَئِكَ تَحَرَّوْا رَشَدًا*۔ "ہاں ہم میں بعض تو مسلمان ہیں اور بعض بےانصاف ہیں پس جو فرمانبردار ہوگئے انہوں نے تو راہ راست کا قصد کیا۔ وَأَمَّا الْقَاسِطُونَ فَكَانُوا لِجَهَنَّمَ حَطَبًا} اور جو ظالم ہیں وہ جہنم کا ایندھن بن گئے"۔ [الجن: ۱۴-۱۵]

فرشتے بھی روز قیامت فاجرو فاسق اور سرکش انسان کو سرزنش کریں گے، جیسا کہ اللہ تعالی نے فرمایا: {يَامَعْشَرَ الْجِنِّ وَالْإِنْسِ أَلَمْ يَأْتِكُمْ رُسُلٌ مِنْكُمْ يَقُصُّونَ عَلَيْكُمْ آيَاتِي وَيُنْذِرُونَكُمْ لِقَاءَ يَوْمِكُمْ هَذَا قَالُوا شَهِدْنَا عَلَى أَنْفُسِنَا وَغَرَّتْهُمُ الْحَيَاةُ الدُّنْيَا وَشَهِدُوا عَلَى أَنْفُسِهِمْ أَنَّهُمْ كَانُوا كَافِرِينَ} "اے جنات اور انسانوں کی جماعت ! کیا تمہارے پاس تم میں سے پیغمبر نہیں آئے تھےجو تم سے میرے احکام بیان کرتے اور تم کو آج کے دن کی خبر دیتے؟ وہ سب عرض کریں گے کہ ہم اپنے اوپر اقرار کرتے ہیں اور ان کو دنیاوی زندگی نے بھول میں ڈالے رکھا اور یہ لوگ اقرار کرنے والے ہوں گے کہ وہ کافر تھے"۔ [الأنعام: ۱۳۰] اوردوسرے مقام پر اللہ تعالیٰ نے یہ بھی فرمایا: {قَالَ ادْخُلُوا فِي أُمَمٍ قَدْ خَلَتْ مِنْ قَبْلِكُمْ مِنَ الْجِنِّ وَالْإِنْسِ فِي النَّارِ} "(اللہ تعالیٰ) کہے گا کہ جو فرقے تم سے پہلے گزر چکے ہیں جنات میں سے بھی اور آدمیوں میں سے بھی ان کے ساتھ تم بھی دوزخ میں جاؤ"۔ [الأعراف: ۳۸]

اور اللہ تعالیٰ نے یہ واضح کردیا ہے کہ ان کے جہنم میں جانے کا سبب ہدایت کا نہ سننا اوراسے نہ قبول کرنا ہے، جیسا کہ اللہ تعالیٰ نے فرمایا: {وَلَقَدْ ذَرَأْنَا لِجَهَنَّمَ كَثِيرًا مِنَ الْجِنِّ وَالْإِنْسِ لَهُمْ قُلُوبٌ لَا يَفْقَهُونَ بِهَا وَلَهُمْ أَعْيُنٌ لَا يُبْصِرُونَ بِهَا وَلَهُمْ آذَانٌ لَا يَسْمَعُونَ بِهَا } "اور ہم نے ایسے بہت سے جن اور انسان دوزخ کے لئے پیدا کئے ہیں جن کے دل ایسے ہیں جن سے نہیں سمجھتے اور جن کی آنکھیں ایسی ہیں جن سے نہیں دیکھتے اور جن کے کان ایسے ہیں جن سے نہیں سنتے"۔ [الأعراف: ۱۷۹] یہ آیت اس بات پر دلالت کرتی ہے کہ جنوں کے پاس بھی سمجھنے کے لئے دل، دیکھنے کے لئے آنکھ اورسننے کے لئے کان ہیں۔ انہیں زور دار آواز بھی عطا کی گئی ہے جس کے ذریعہ مخلوق میں یہ وحشت پیدا کرتے اور ڈراتےہیں، جیسا کہ اس کی وضاحت کرتے ہو ئےکہ اللہ تعالیٰ نے فرمایا: {وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَ أَجْلِبْ عَلَيْهِمْ بِخَيْلِكَ وَرَجِلِكَ} "ان میں سے تو جسے بھی اپنی آواز سے بہکا سکے گا بہکا لے اور ان پر اپنے سوار اور پیادے چڑھالے"۔ [الإسراء: ۶۴]

اسی لئے اللہ تعالیٰ نے اپنے بندو ں کو نصیحت کردیا ہے تاکہ شیطان انہیں دھوکہ نہ د ے سکے جیسا کہ اس نے ان کے ماں باپ یعنی آدم و حوا کو دھوکہ دیا تھا، شیطانی شکنجے سے بچنے کی تلقین کرتے ہوئے اللہ تعالیٰ نے فرمایا: {يَابَنِي آدَمَ لَا يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُمْ مِنَ الْجَنَّةِ يَنْزِعُ عَنْهُمَا لِبَاسَهُمَا لِيُرِيَهُمَا سَوْآتِهِمَا إِنَّهُ يَرَاكُمْ هُوَ وَقَبِيلُهُ مِنْ حَيْثُ لَا تَرَوْنَهُمْ إِنَّا جَعَلْنَا الشَّيَاطِينَ أَوْلِيَاءَ لِلَّذِينَ لَا يُؤْمِنُونَ} "اے اولاد آدم ! شیطان تم کو کسی خرابی میں نہ ڈال د ے جیسا کہ اس نے تمہارے ماں باپ کو جنت سے باہر کردیا ایسی حالت میں ان کا لباس بھی اتروا دیا تاکہ وہ ان کو ان کی شرم گاہیں دکھائے، وہ اور اس کا لشکر تم کو ایسے طور پر دیکھتا ہے کہ تم ان کو نہیں دیکھتے ہو ہم نے شیطانوں کو ان ہی لوگوں کا دوست بنایا ہے جو ایمان نہیں لاتے"۔ [الأعراف: ۲۷]

اور ہم اس بات پر ایمان رکھتے ہیں کہ بندگان الہیہ کو گمراہ کرنے، انہیں بگاڑنےاورراہ راست سے بھٹکانے میں شیطان اپنے لاؤلشکر سمیت لگا ہوا ہے لیکن اس کے باوجود وہ اللہ کے مخلص بندوں کو گمراہ نہیں کر پائے گا، جیسا کہ اللہ تعالیٰ نے فرمایا: {وَكَذَلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الْإِنْسِ وَالْجِنِّ يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُورًا وَلَوْ شَاءَ رَبُّكَ مَا فَعَلُوهُ فَذَرْهُمْ وَمَا يَفْتَرُونَ} "اور اسی طرح ہم نے ہر نبی کے دشمن بہت سے شیطان پیدا کئے تھے کچھ آدمی اور کچھ جِن جن میں سے بعض بعضوں کو چکنی چپڑی باتوں کا وسوسہ ڈالتے رہتے تھے تاکہ ان کو دھوکا میں ڈال دیں اور اگر اللہ تعالیٰ چاہتا تو یہ ایسے کام نہ کرسکتے سو ان لوگوں کو اور جو کچھ یہ الزام تراشی کر رہے ہیں اس کو آپ رہنے دیجئے"۔ [الأنعام: ۱۱۲] اور رسول صلى اللہ علیہ وسلم کى حدیث ہے کہ آپ ﷺ نے فرمایا: ’’إِنَّ عِفْرِيتًا مِنَ الجِنِّ تَفَلَّتَ عَلَيَّ البَارِحَةَ - أَوْ كَلِمَةً نَحْوَهَا - لِيَقْطَعَ عَلَيَّ الصَّلاَةَ، فَأَمْكَنَنِي اللَّهُ مِنْهُ، فَأَرَدْتُ أَنْ أَرْبِطَهُ إِلَى سَارِيَةٍ مِنْ سَوَارِي المَسْجِدِ حَتَّى تُصْبِحُوا وَتَنْظُرُوا إِلَيْهِ كُلُّكُمْ، فَذَكَرْتُ قَوْلَ أَخِي سُلَيْمَانَ: رَبِّ هَبْ لِي مُلْكًا لاَ يَنْبَغِي لِأَحَدٍ مِنْ بَعْدِي ، قَالَ رَوْحٌ: فَرَدَّهُ خَاسِئًا‘‘۔ "گذشتہ رات ایک سرکش جن اچانک میرے پاس آیا (یا اسی طرح کی کوئی بات آپ نے فرمائی) تاکہ وہ میری نماز میں خلل ڈالے، لیکن اللہ نے مجھے اس پر قابو د ے دیا اور میں نے سوچا کہ مسجد کے کسی ستون کے ساتھ اسے باندھ دوں تاکہ صبح کو تم سب بھی اسے دیکھو، پھر مجھے اپنے بھائی سلیمان کی یہ دعا یاد آ گئی (اے میرے رب! مجھے ایسی بادشاہت عطا کر جو میرے بعد کسی کو حاصل نہ ہو)۔ رَوْح فرماتے ہیں کہ: آپ نے اسے ذلیل کر کےبھگا دیا"۔ (صحیح بخاری:۴۱۶، صحیح مسلم: ۵۱۴) اور ابن مسعود رضی اللہ عنہ سے روایت ہے انہوں نے کہا کہ اللہ کے رسول ﷺ نے فرمایا: "تم میں سے کوئی شخص بھی نہیں مگر اللہ نے اس کے ساتھ جنوں میں سے اس کا ایک ساتھی مقرر کردیا ہے (جو اسے برائی کی طرف مائل رکھتا ہے۔)" انھوں (صحابہ کرام رضوان اللہ عنھم اجمعین) نے کہا: اللہ کے رسول اللہ ﷺ ! آپ کے ساتھ بھی؟ آپ ﷺ نے فرمایا: "اور میرے ساتھ بھی لیکن اللہ تعالیٰ نے اس کے مقابلے میں میری مدد فرمائی ہے اور وہ مسلمان ہوگیا، اس لیے (اب) وہ مجھے خیر کے سوا کوئی بات نہیں کہتا۔" (صحیح مسلم: ۲۸۱۴)

سبرہ بن ابو فاکہ رضی اللہ عنہ سے روایت ہے انہوں نے کہا کہ میں نے اللہ کے رسول ﷺ کو فرماتے ہوئے سنا: ’’إِنَّ الشَّيْطَانَ قَعَدَ لِابْنِ آدَمَ بِأَطْرُقِهِ، فَقَعَدَ لَهُ بِطَرِيقِ الْإِسْلَامِ، فَقَالَ: تُسْلِمُ وَتَذَرُ دِينَكَ وَدِينَ آبَائِكَ وَآبَاءِ أَبِيكَ، فَعَصَاهُ فَأَسْلَمَ، ثُمَّ قَعَدَ لَهُ بِطَرِيقِ الْهِجْرَةِ، فَقَالَ: تُهَاجِرُ وَتَدَعُ أَرْضَكَ وَسَمَاءَكَ، وَإِنَّمَا مَثَلُ الْمُهَاجِرِ كَمَثَلِ الْفَرَسِ فِي الطِّوَلِ، فَعَصَاهُ فَهَاجَرَ، ثُمَّ قَعَدَ لَهُ بِطَرِيقِ الْجِهَادِ، فَقَالَ: تُجَاهِدُ فَهُوَ جَهْدُ النَّفْسِ وَالْمَالِ، فَتُقَاتِلُ فَتُقْتَلُ، فَتُنْكَحُ الْمَرْأَةُ، وَيُقْسَمُ الْمَالُ، فَعَصَاهُ فَجَاهَدَ، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: فَمَنْ فَعَلَ ذَلِكَ كَانَ حَقًّا عَلَى اللَّهِ عَزَّ وَجَلَّ أَنْ يُدْخِلَهُ الْجَنَّةَ، وَ مَنْ قُتِلَ كَانَ حَقًّا عَلَى اللَّهِ عَزَّ وَجَلَّ أَنْ يُدْخِلَهُ الْجَنَّةَ، وَإِنْ غَرِقَ كَانَ حَقًّا عَلَى اللَّهِ أَنْ يُدْخِلَهُ الْجَنَّةَ، أَوْ وَقَصَتْهُ دَابَّتُهُ كَانَ حَقًّا عَلَى اللَّهِ أَنْ يُدْخِلَهُ الْجَنَّةَ‘‘۔ "شیطان انسان (کو گمراہ کرنے کے لیے) اس کے سارے راستوں پر بیٹھا، وہ اس کے لیے اسلام کے راستے پر بیٹھا اور کہا: کیا تو اسلام لا کر اپنے اور اپنے آباء و اجداد کے دین کو چھوڑ د ے گا؟ لیکن انسان اس کی نافرمانی کرکے مسلمان ہوجاتا ہے، پھر وہ اس کے لئے ہجرت کے راستے پر بیٹھتا ہے اور کہتا ہے کہ کیا تو ہجرت کرکے اپنی زمین اور آسمان چھوڑ دے گا؟ جب کہ مہاجر کی مثال رسی میں گھوڑے کی طرح ہے لیکن وہ اس کی نافرمانی کرکے ہجرت کرلیتا ہے، پھر وہ اس کے لئے جہاد کے راستے پر آکر بیٹھتا ہے اور کہتا ہے کہ تو جہاد کرے گا؟ یہ تو جان ومال کی مشقت ہے اور تو لڑائی کرے گا تو تو مارا جائے گا اور تیری عورت کا نکاح کردیا جا ئے گا، تیرا مال تقسیم کردیا جائے گا لیکن وہ اس کی نافرمانی کرکے جہاد کرتا ہے، پھر اللہ کے رسول ﷺ نے فرمایا: جو شخص یہ سب کچھ کرے تو اللہ عزوجل پر لازم ہے کہ اسے جنت میں داخل فرمائے اور اگر کوئی قتل کر دیا جائے تو اللہ عزوجل پر لازم ہے کہ اسے جنت میں داخل فرمائے اور اگر وہ غرق ہوجائے تو بھی اللہ پر لازم ہے کہ اسے جنت میں داخل فرمائے یا اسے اس کا چوپایہ گرا دے تو بھی اللہ پر لازم ہے کہ وہ اسے جنت میں داخل فرمائے"۔ (سنن النسائی : ۳۱۳۴، السنن الکبری للنسائی :۴۳۲۷، مصنف ابن أبی شیبہ :۱۹۶۷۵، مسند أحمد :۱۵۹۵۸، صحیح ابن حبان :۴۵۹۳)

اب یہیں سے اندازہ لگاؤ کہ شیطان نے جب انبیاء کو نہیں چھوڑا تو ان کے علاوہ کو تو بدرجۂ اولی نہیں چھو ڑے گا، جب اس کے شر و فتن سے انبیاء تک نہیں بچے تو ہم کہاں سے بچیں گے، ابو علاء رضی اللہ عنہ سے روایت ہے کہ عثمان بن ابو العاص نبی ﷺ کے پاس آئے اور عرض کیا: ’’ يَا رَسُولَ اللهِ إِنَّ الشَّيْطَانَ قَدْ حَالَ بَيْنِي وَبَيْنَ صَلَاتِي وَقِرَاءَتِي يَلْبِسُهَا عَلَيَّ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: اے اللہ کے رسول ! شیطان میرے، میری نماز اور میری قرأت کے در میان حائل ہو کر اسے مجھ پر خلط ملط کردیتا ہے تو اللہ کے رسول ﷺ نے فر مایا: ذَاكَ شَيْطَانٌ يُقَالُ لَهُ خَنْزَبٌ، فَإِذَا أَحْسَسْتَهُ فَتَعَوَّذْ بِاللهِ مِنْهُ، وَاتْفِلْ عَلَى يَسَارِكَ ثَلَاثًا، قَالَ: فَفَعَلْتُ ذَلِكَ فَأَذْهَبَهُ اللهُ عَنِّي‘‘۔ وہ ایک شیطان ہے جسے خنزب کہا جاتا ہے، جب تمہیں اس کا احساس ہو تو اس سے اللہ کی پناہ طلب کرو، اور اپنے با ئیں جانب تین بار تھو کو، آپ فر ماتے ہیں: کہ میں نے ایسا کیا تو اسے اللہ تعالیٰ نے مجھ سے دور کردیا"۔ (صحیح مسلم: ۲۲۰۳)

اور ’’صحیح بخاری‘‘ میں ہے کہ اللہ کے رسول ﷺ نے فرمایا: ’’إِنَّ الشَّيْطَانَ يَجْرِي مِنَ ابْنِ آدَمَ مَجْرَى الدَّمِ‘‘۔ "شیطان انسانی رگوں میں خون کی طرح دوڑتا ہے"۔ (صحیح بخاری : ۷۱۷۱ ، ۲۰۳۸) امام ابن بطہ رحمہ اللہ نے اپنی کتاب ’’الإبانة الكبرى‘‘میں ایک باب اسی مفہوم پر قائم کیا ہے۔ ’’بَابُ الْإِيمَانِ بِأَنَّ الشَّيْطَانَ مَخْلُوقٌ مُسَلَّطٌ عَلَى بَنِي آدَمَ يَجْرِي مِنْهُمْ مَجْرَى الدَّمِ إِلَّا مَنْ عَصَمَهُ اللَّهُ مِنْهُ وَمَنْ أَنْكَرَ ذَلِكَ فَهُوَ مِنَ الْفِرَقِ الْهَالِكَةِ‘‘۔ یعنی باب ہے اس بات پر ایمان سے متعلق کہ شیطان مخلوق ہے، بنی آدم پر مسلط ہے، ان کے خون کے رگوں میں دوڑ رہا ہے، اس سے صرف وہی بچے گا جسے اللہ تعالیٰ بچا لے اور جس نے اس کا انکار کیا وہ ہلاک ہونے والے فرقوں میں سے ہے۔ (الإبانة الكبرلابن بطہ: 4/61)

اور ہمیں یہ بھی معلوم ہے کہ ابن آدم پر فرشتے بھی آتے ہیں اور شیطان بھی لیکن ہمارے رسول ﷺ نے شیطانی اثرات سے بچنے کا راستہ ہمیں بتا دیا ہے، عبد اللہ بن مسعود رضی اللہ عنہ فرماتے ہیں کہ اللہ کے رسول ﷺ نے فرمایا: ’’ إِنَّ لِلشَّيْطَانِ لَمَّةً بِابْنِ آدَمَ وَلِلْمَلَكِ لَمَّةً فَأَمَّا لَمَّةُ الشَّيْطَانِ فَإِيعَادٌ بِالشَّرِّ وَتَكْذِيبٌ بِالحَقِّ، وَأَمَّا لَمَّةُ المَلَكِ فَإِيعَادٌ بِالخَيْرِ وَتَصْدِيقٌ بِالحَقِّ،فَمَنْ وَجَدَ ذَلِكَ فَلْيَعْلَمْ أَنَّهُ مِنَ اللَّهِ فَلْيَحْمَدِ اللَّهَ وَمَنْ وَجَدَ الأُخْرَى فَلْيَتَعَوَّذْ بِاللَّهِ مِنَ الشَّيْطَانِ الرَّجِيمِ، ثُمَّ قَرَأَ {الشَّيْطَانُ يَعِدُكُمُ الفَقْرَ وَيَأْمُرُكُمْ بِالفَحْشَاءِ} [البقرة: ۲۶۸] الآيَةَ‘‘۔ "انسان پر شیطان کا بھی وسوسہ ہوتا ہے اور فرشتوں کا بھی وسوسہ ہوتا ہے، رہی بات شیطانی وسوسے کی تو وہ برا ئی کا وعدہ اور حق کی تکذیب کرتا ہے اور رہی بات فرشتوں کے وسوسے کی تو وہ اچھائی کا وعدہ اورحق کی تصدیق کرتا ہے، بنا بریں جو اسے پا ئے وہ اللہ کی تعریف کرے اور دوسرا پا ئے تو شیطان رجیم سے اللہ کی پناہ طلب کرے، پھر آپ نے یہ آیت پڑھى {الشَّيْطَانُ يَعِدُكُمُ الفَقْرَ وَ يَأْمُرُكُمْ بِالفَحْشَاءِ} شیطان تم سے فقر کا وعدہ کرتا ہے اور تمہیں بے حیائی کا حکم دیتا ہے۔[البقرة: ۲۶۸] الآيَةَ"۔ (جامع الترمذی: ۲۹۸۸، الزهد لابن المبارك: ۱۴۳۵، کتاب الزهد لأحمد بن حنبل: ۸۵۴، کتاب الزهد لأبی داود: ۱۶۴)

ہمارا ایمان ہے کہ اللہ تعالیٰ کے مومن بندے جب تک استغفار کرتے رہیں گے تب تک شیطانی مکرو فریب اور چال بازیوں سےاللہ ان کی حفاظت کرتا رہے گا، جیسا کہ اللہ کے رسول ﷺ نے فر مایا: ’’إِنَّ الشَّيْطَانَ قَالَ: وَعِزَّتِكَ يَا رَبِّ، لَا أَبْرَحُ أُغْوِي عِبَادَكَ مَا دَامَتْ أَرْوَاحُهُمْ فِي أَجْسَادِهِمْ، قَالَ الرَّبُّ: وَعِزَّتِي وَجَلَالِي لَا أَزَالُ أَغْفِرُ لَهُمْ مَا اسْتَغْفَرُونِي‘‘۔ "شیطان بولا کہ اے میرے رب ! تیرے عزت کی قسم میں تیرے بندوں کو بہکاتا رہوں گا جب تک ان کی روحیں ان کے جسموں میں موجود رہیں گی، رب نے کہا میرے عزت و جلال کی قسم میں انہیں تب تک معاف کرتا رہوں گا جب تک وہ مجھ سے مغفرت طلب کرتے رہیں گے"۔ (مسند أحمد: ۱۱۲۳۷، المنتخب من مسند عبد بن حميد: ۹۳۲، مسند أبی یعلی: ۱۲۷۳، ۱۳۹۹، المعجم الأوسط: ۸۷۸۸، الدعاء للطبرانی: ۱۷۷۹)

ہمیں یہ بھی معلوم ہے کہ شیطان انسان اور دیگر تمام مخلوق کا روپ دھار سکتا ہے۔ چنانچہ’’صحیح بخاری‘‘ میں ابو ہریرہ رضی اللہ عنہ سے روایت ہے انہوں نے فرمایا کہ: ’’وَكَّلَنِي رَسُولُ اللَّهِ صَلَّى اللهُ عَلَيْهِ وَسَلَّمَ بِحِفْظِ زَكَاةِ رَمَضَانَ فَأَتَانِي آتٍ فَجَعَلَ يَحْثُو مِنَ الطَّعَامِ فَأَخَذْتُهُ، فَقُلْتُ لَأَرْفَعَنَّكَ إِلَى رَسُولِ اللَّهِ صَلَّى اللهُ عَلَيْهِ وَسَلَّمَ - فَذَكَرَ الحَدِيثَ -، فَقَالَ: إِذَا أَوَيْتَ إِلَى فِرَاشِكَ فَاقْرَأْ آيَةَ الكُرْسِيِّ، لَنْ يَزَالَ عَلَيْكَ مِنَ اللَّهِ حَافِظٌ، وَلاَ يَقْرَبُكَ شَيْطَانٌ حَتَّى تُصْبِحَ، فَقَالَ النَّبِيُّ صَلَّى اللهُ عَلَيْهِ وَسَلَّمَ۔ مجھے اللہ کے رسول ﷺ رمضان کی زکوۃ کی حفاظت پر مامور کیا کہ اچانک میرے پاس ایک آنے والا آیا اور اناج بھرنے لگا لیکن میں نے اسے پکڑ لیا اور کہا کہ میں تجھے اللہ کے رسول کے پاس لے چلوں گا پھر انہوں نے آخر تک حدیث بیان کی-تو اس نے کہا کہ جب آپ بستر پر جا ئیں تو آیۃ الکرسی پڑ ھ لیں، اللہ کی طرف سے آپ کے لئے ایک محافظ آپ کے پاس مقرر ہو جائے گا اور صبح تک شیطان آپ کے قریب نہیں آ ئے گا (ساری باتیں سن کر ) نبی ﷺ نے فرمایا: صَدَقَكَ وَهُوَ كَذُوبٌ ذَاكَ شَيْطَانٌ‘‘ کہ اس نے تم سےسچ کہا ہے لیکن وہ جھوٹا ہے، کیوں کہ وہ شیطان تھا۔ (صحیح بخاری: ۳۲۷۵، ۵۰۱۰، اسے امام بخاری رحمہ اللہ نے اپنے استاد عثمان بن ہیثم سے دو جگہوں پر معلقا روایت کیا ہے)

دور جاہلیت میں لوگ -اپنی شدید جہالت کی وجہ سے- جنات کے سرداروں سے پناہ مانگتے تھے جس سے ان کے خوف اور بوجھ (تھکن) میں مزید اضافہ ہوتا تھا۔ اس کے بارے میں اللہ تعالیٰ ہمیں اطلاع دیتے ہوئے فرمایا: {وَأَنَّهُ كَانَ رِجَالٌ مِنَ الْإِنْسِ يَعُوذُونَ بِرِجَالٍ مِنَ الْجِنِّ فَزَادُوهُمْ رَهَقًا} "بات یہ ہے کہ چند انسان بعض جنات سے پناہ طلب کیا کرتے تھے جس سے جنات اپنی سرکشی میں اور بڑھ گئے"۔ [الجن: ۶]

ہم اس پر بھی ایمان رکھتے ہیں کہ بت پرست جنوں ہی کی عبادت کرتے ہیں، جیسا کہ اللہ تعالیٰ نے ان بت پرستوں کے معبودوں کی حقیقت بیان کرتے ہوئے فرمایا: {وَ يَوْمَ يَحْشُرُهُمْ جَمِيعًا ثُمَّ يَقُولُ لِلْمَلَائِكَةِ أَهَؤُلَاءِ إِيَّاكُمْ كَانُوا يَعْبُدُونَ*۔ "اور ان سب کو اللہ اس دن جمع کرکے فرشتوں سے دریافت فرمائے گا کہ کیا یہ لوگ تمہاری عبادت کرتے تھے۔ قَالُوا سُبْحَانَكَ أَنْتَ وَلِيُّنَا مِنْ دُونِهِمْ بَلْ كَانُوا يَعْبُدُونَ الْجِنَّ أَكْثَرُهُمْ بِهِمْ مُؤْمِنُونَ } وہ کہیں گے تیری ذات پاک ہے اور ہمارا ولی تو تو ہے نہ کہ یہ بلکہ یہ لوگ جنوں کی عبادت کرتے تھے، ان میں کے اکثر کا ان ہی پر ایمان تھا"۔ [سبأ : ۴۰-۴۱]

ہمیں یہ بات بھی معلوم ہے کہ شیطان انسان سے اسی طرح کفریہ کام لےکراس سے برأت کا اظہار کرلیتا ہے، اسے تنہا اور اکیلا چھوڑ دیتا ہے، جیسا کہ اللہ تعالیٰ فرماتا ہے: {كَمَثَلِ الشَّيْطَانِ إِذْ قَالَ لِلْإِنْسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِنْكَ إِنِّي أَخَافُ اللَّهَ رَبَّ الْعَالَمِينَ} "شیطان کی طرح کہ اس نے انسان سے کہا کفر کر، جب وہ کفر کر چکا تو کہنے لگا میں تو تجھ سے بری ہوں، میں تو اللہ رب العالمین سے ڈرتا ہوں"۔ [الحشر: ۱۶] اسی طرح شیطان انہیں جادو کے ذریعہ دھوکہ میں مبتلا کرتا ہے اور سیکھنے کی بھی تلقین کرتا ہے، جیسا کہ اللہ تعالیٰ نے فرمایا: {وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ} "لیکن شیطانو ں نے کفر کیا اس حال میں کہ وہ لوگوں کو جادو سکھاتے تھے۔ [البقرۃ: ۱۰۲]

اور ہم یہ بھی جانتے ہیں کہ آخرت میں شیطان اپنے تمام ساتھیوں سے براءت کا اظہار کرلے گا، انہیں بروزِ قیامت تنہا چھوڑ د ے گا بلکہ وہ اس وقت انہیں اپنی اس اتباع پر ملامت بھی کرے گا، اللہ تعالیٰ نے شیطان کے بارے میں خبر دیاہےکہ وہ جہنم کی دہکتی ہوئی آگ میں کھڑا ہو کر اپنے ساتھیوں سے کہے گا: { وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ وَمَا كَانَ لِيَ عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي فَلَا تَلُومُونِي وَلُومُوا أَنْفُسَكُمْ مَا أَنَا بِمُصْرِخِكُمْ وَمَا أَنْتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِنْ قَبْلُ إِنَّ الظَّالِمِينَ لَهُمْ عَذَابٌ أَلِيمٌ} "جب اور کام کا فیصلہ کردیا جائے گا شیطان کہے گا کہ اللہ نے تمہیں سچا وعدہ دیا تھا اور میں نے تم سے جو وعدے کئے تھے ان کے خلاف کیا میرا تو تم پر کوئی دباؤ تو تھا نہیں، ہاں میں نے تمہیں پکارا اور تم نے میری مان لی، پس تم مجھے الزام نہ لگاؤ بلکہ خود اپنے آپ کو ملامت کرو، نہ میں تمہارا فریاد رس اور نہ تم میری فریاد کو پہنچنے والے میں تو سرے سے مانتا ہی نہیں کہ تم مجھے اس سے پہلے اللہ کا شریک مانتے رہے یقیناً ظالموں کے لئے دردناک عذاب ہے"۔ [ابراھیم: ۲۲]

باب: انسانوں کی تخلیق کا بیان

ہمارا ایمان ہے کہ اللہ تعالیٰ نے فرشتوں سے کہا کہ وہ اس روئے زمین کواپنی عبادت سے معمور کرنے کے لئے ایک خلیفہ بنا نے والا ہے، جیسا کہ اللہ تعالیٰ نے فر مایا: {وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لَا تَعْلَمُونَ} "اور جب تیرے رب نے فرشتوں سے کہا کہ میں زمین میں خلیفہ بنانے والا ہوں تو انہوں نے کہا کہ ایسے شخص کو کیوں پیدا کرتا ہے جو زمین میں فساد کرے اور خون بہائے ہم تیری تسبیح اور پاکیزگی بیان کرنے والے ہیں، اللہ تعالیٰ نے فرمایا، جو میں جانتا ہوں تم نہیں جانتے"۔ [البقرۃ: ۳۰] اوراللہ تعالیٰ نے یہ بھی واضح کردیا ہے کہ آدم علیہ السلام کی تخلیق مٹی سے ہوئی ہے، جیسا کہ فرمان الہی ہے: { إِنَّ مَثَلَ عِيسَى عِنْدَ اللَّهِ كَمَثَلِ آدَمَ خَلَقَهُ مِنْ تُرَابٍ ثُمَّ قَالَ لَهُ كُنْ فَيَكُونُ} "اللہ تعالیٰ کے نزدیک عیسیٰ (علیہ السلام) کی مثال ہو بہو آدم (علیہ السلام) کی مثال ہے جسے مٹی سے بنا کر کے کہہ دیا کہ ہوجا، پس وہ ہوگیا"۔ اللہ کے رسول ﷺ نے فرمایا: «إِنَّ اللَّهَ عز وجل خَلَقَ آدَمَ مِنْ قَبْضَةٍ قَبَضَهَا مِنْ جَمِيعِ الْأَرْضِ، فَجَاءَ بَنُو آدَمَ عَلَى قَدْرِ الْأَرْضِ. جَاءَ مِنْهُمُ الْأَبْيَضُ وَالْأَحْمَرُ وَالْأَسْوَدُ وَبَيْنَ ذَلِكَ، وَالْخَبِيثُ وَالطَّيِّبُ، وَالسَّهْلُ وَالْحَزْنُ، وَبَيْنَ ذَلِكَ». "اللہ تعالیٰ نے آدم کو ایک مٹھی مٹی سے پیدا کیا، اسے اس نے زمین کے تمام حصوں سے لیا تھا، اسی لئے تمام بنی آدم مٹی ہی کے بقدر آئے، کوئی سرخ ہے، کوئی سفید، کوئی سیاہ ، کوئی ان کے درمیان، کوئی نرم، کوئی سخت، کوئی خبیث اور کوئی پاک باز"۔ (سنن أبی داود: ۴۶۹۳، جامع الترمذی: ۲۹۵۵، تفسیر عبد الرزاق :۴۱، مسند أحمد :۱۹۵۸۲، مسند البزار : ۳۰۲۵، ۳۰۲۶) اللہ تعالی نے اس مٹی کا پہلے گارا بنایا پھر اس کی کئی ادوار میں تخلیق کی، جیسا کہ اللہ تعالیٰ نے فرمایا: {وَلَقَدْ خَلَقْنَا الْإِنْسَانَ مِنْ صَلْصَالٍ مِنْ حَمَإٍ مَسْنُونٍ *۔ "یقیناً ہم نے انسان کو کالی اور سڑی ہوئی کھنکھناتی مٹی سے پیدا فرمایا ہے۔ وَالْجَانَّ خَلَقْنَاهُ مِنْ قَبْلُ مِنْ نَارِ السَّمُوم*۔ اور اس سے پہلے جِنات کو ہم نے لو والی آگ سے پیدا کیا۔ وَإِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِنْ صَلْصَالٍ مِنْ حَمَإٍ مَسْنُونٍ*۔ اور جب تیرے رب نے فرشتوں سے فرمایا کہ میں ایک انسان کو کالی اور سڑی ہوئی کھنکھناتی مٹی سے پیدا کرنے والا ہوں۔ فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا لَهُ سَاجِدِينَ*۔ تو جب میں اسے پورا بنا چکوں اور اس میں اپنی روح پھونک دوں تو تم سب اس کے لیے سجدے میں گر پڑنا۔ فَسَجَدَ الْمَلَائِكَةُ كُلُّهُمْ أَجْمَعُونَ} چنانچہ تمام فرشتوں نے سب کے سب نے سجدہ کر لیا"۔ [الحجر: ۲۶-۳۰] اور اللہ تعلیٰ نے فر مایا: {وَلَقَدْ خَلَقْنَا الْإِنْسَانَ مِنْ سُلَالَةٍ مِنْ طِينٍ} "یقیناً ہم نے انسان کو مٹی کے جوہر سے پیدا کیا"۔ [المؤمنون: ۱۲] اوراللہ عز و جل نے فر مایا: {فَاسْتَفْتِهِمْ أَهُمْ أَشَدُّ خَلْقًا أَمْ مَنْ خَلَقْنَا إِنَّا خَلَقْنَاهُمْ مِنْ طِينٍ لَازِبٍ} "ان کافروں سے پوچھو تو کہ آیا ان کا پیدا کرنا زیادہ دشوار ہے یا (ان کا) جنہیں ہم نے ان کے علاوہ پیدا کیا ہے؟ ہم نے (انسانوں) کو لیسدار مٹی سے پیدا کیا ہے"؟۔ [الصآفات: ۱۱]

آدم علیہ السلام کی تخلیق کے سلسلے میں وارد شدہ آیات ذکر کرنے کے بعد امام احمد بن حنبل رحمہ اللہ فر ماتے ہیں: ’’نقول: هذا بدء خلق آدم، خلقه الله أول بدء من تراب، ثم من طينة حمراء وسوداء وبيضاء، ومن طينة طيبة وسبخة، فكذلك ذريته طيب، وخبيث، أسود وأحمر و أبيض. ثم بلَّ ذلك التراب فصار طينًا، فذلك قوله: من طين، فلما لصق الطين بعضه ببعض، فصار طينًا لازبًا، بمعنى لاصقًا، ثم قال: {مِنْ سُلالَةٍ مِنْ طِينٍ} يقول: مثل الطين إذا عصر انسل من بين الأصابع، ثم نتن فصار حمأ مسنونًا، فخلق من الحمأ، فلما جفَّ صار صلصالاً كالفخار، يقول: صار له صلصلة كصلصلة الفخار، له دوي كدوي الفخار.فهذا بيان خلق آدم، وأما قوله: {مِنْ سُلالَةٍ مِنْ مَاءٍ مَهِينٍ} [السجدة: ۸]فهذا بدء خلق ذريته، من سلالة يعني النطفة إذا انسلت من الرجل، فذلك قوله: {مِنْ مَاءٍ} ، يعني النطفة، {مَهِينٍ} يعني ضعيف‘‘۔ ہم کہتے ہیں کہ یہ آدم کی سب سے پہلی تخلیق ہے، سب سے پہلے اللہ تعالیٰ نے انہیں مٹی سے پھرسرخ، کالے، سفید ،عمدہ اورکھارے و نمکین گارے سےبنایا، اسی لئے ان کی اولاد میں پاک، خبیث، کالے، گورے اور سرخ ہیں پھر وہ مٹی گیلی ہو کر تو گارا ہوگئی، اللہ تعالیٰ کے اس فرمان {من طين} کا یہی معنی ہے، پھرجب وہ مٹی باہم ایک دوسرے سے چپک گئی تو وہ جمی ہوئی یعنی چپکنے والی مٹی ہوگئی۔ اور اللہ تعالیٰ کے اس فرمان {مِنْ سُلالَةٍ مِنْ طِينٍ} کے بارے میں فرمایا کہ: مثل مٹى کے کہ نچوڑتے وقت گارا انگلیوں کے درمیان سے گرجائے پھراس سے بد بو آنے لگی تو وہ سڑی ہوئی مٹی کی طرح ہو گئی اور وہ سڑی ہوئی مٹی سے بنائے گئے پھر جب وہ سوکھ گئی تووہ کھنکھناتی ہوئی مٹی کی طرح مضبوط ہوگئی۔ یہی آدم علیہ السلام کی خلقت کا بیان ہے۔ اور رہی بات اللہ تعالیٰ کے اس فرمان{مِنْ سُلالَةٍ مِنْ مَاءٍ مَهِينٍ} [السجدة: ۸] کی تو یہ ان کے ذریت کی ابتدائی تخلیق کا بیان ہے، انہیں (سُلالَةٍ) یعنی نطفہ سے پیدا کیا گیا ہے کیوں کہ وہ آدمی سے ٹپکتا ہے، اسی لئے اللہ تعالیٰ نے کہا {مِنْ مَاءٍ} یعنی نطفہ اور {مَهِينٍ} یعنی حقیرو ضعیف قطرہ"۔ (کتاب الرد علی الجہمیۃ والزنادقۃ: ص : ۱۷۹-۱۸۰، ط :دغش العجمی۔)

ہمارا ایمان ہے کہ آدم علیہ السلام کو اللہ تعالیٰ نے اپنے با برکت اور با عزت ہاتھوں سے پیدا کیا، اور فرشتوں سے ان کا سجدہ کرایا، جیسا کہ اللہ تعالیٰ فرماتا ہے: {فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا لَهُ سَاجِدِينَ *۔ "تو جب میں اسے پورا بنا چکوں اوراس میں اپنی روح پھونک دوں تو تم سب اس کے لیے سجد ے میں گر پڑنا۔ فَسَجَدَ الْمَلَائِكَةُ كُلُّهُمْ أَجْمَعُونَ} چنانچہ سب کے سب تمام فرشتوں نے سجدہ کر لیا"۔ [الحجر: ۲۹-۳۰] اور اللہ کے رسول ﷺ نے فرمایا: ’’يَجْتَمِعُ المُؤْمِنُونَ يَوْمَ القِيَامَةِ، فَيَقُولُونَ: لَوِ اسْتَشْفَعْنَا إِلَى رَبِّنَا، فَيَأْتُونَ آدَمَ فَيَقُولُونَ: أَنْتَ أَبُو النَّاسِ، خَلَقَكَ اللَّهُ بِيَدِهِ، وَأَسْجَدَ لَكَ مَلاَئِكَتَهُ‘‘۔ بروزِ قیامت سارے مومن جمع ہو کر کہیں گے کاش اپنے رب کے حضور ہم کوئی سفارشی بنا لیتے تو وہ آدم کے پاس آکرکہیں گے: کہ آپ لوگوں کے باپ ہیں، اللہ نے آپ کو اپنے ہاتھوں سے بنایا ہے اور اپنے فرشتوں کو آپ کا سجدہ کروایا ہے۔ (صحیح بخاری: ۴۴۷۶، صحیح مسلم :۱۹۳، سنن ابن ماجہ : ۴۳۱۲۔)

اور ہمارا ایمان ہے کہ اللہ تعالیٰ نے آدم علیہ السلام کو اپنی شکل و صورت پر پیدا کیا ہے، جیسا کہ ابو ھریرہ رضی اللہ عنہ سے روایت ہے کہ اللہ کے نبی ﷺ نے فرمایا: ’’خَلَقَ اللَّهُ آدَمَ عَلَى صُورَتِهِ، طُولُهُ سِتُّونَ ذِرَاعًا‘‘۔ اللہ تعالیٰ نے آدم کو اپنی صورت پر پیدا کیاہے، اور ان کی لمبائی ساٹھ گز ہے۔ (صحیح بخاری:۶۲۲۷، صحیح مسلم: ۲۸۴۱) اور ابو ھریرہ رضی اللہ عنہ سے مروی ہے کہ اللہ کے رسول ﷺ نے فرمایا: ’’إِذَا قَاتَلَ أَحَدُكُمْ أَخَاهُ، فَلْيَجْتَنِبِ الْوَجْهَ، فَإِنَّ اللهَ خَلَقَ آدَمَ عَلَى صُورَتِهِ‘‘ اگر تم میں کا کوئی اپنے بھا ئی سے قتال کر ے تو چہرے سے بچے، کیوں کہ آدم کو اللہ نے اپنی صورت پر پیدا کیا ہے۔ (صحیح بخاری : ۲۵۵۹، صحیح مسلم: ۲۶۱۲، اور یہ مسلم کے الفاظ ہیں۔) اور ابو ہریرہ رضی اللہ عنہ سے روایت ہے کہ اللہ کے رسول ﷺ نے فر مایا: ’’إِذَا ضَرَبَ أَحَدُكُمْ فَلْيَجْتَنِبِ الْوَجْهَ، وَلَا يَقُولَنَّ: قَبَّحَ اللَّهُ وَجْهَكَ، وَوَجْهَ مَنْ أَشْبَهُ وَجْهَكَ؛ فَإِنَّ اللَّهُ خَلَقَ آدَمَ عَلَى صُورَتِهِ‘‘۔ جب تم میں کا کوئی مارے تو چہر ے سے بچے اور ہرگز یہ نہ کہے کہ اللہ تعالیٰ تیر ے اور اس کے چہر ے کو بگاڑ د ے جس کا چہرہ تیر ے چہر ے کی طرح ہو، کیوں کہ اللہ تعالیٰ نے آدم کو اپنی صورت پر پیدا کیا ہے۔ (مصنف عبد الرزاق :۱۷۹۵۲، مسند الحمیدی : ۱۱۵۳، مسند أحمد ۷۴۲۰ ، الأدب المفرد: ۱۷۳، السنۃ لابن عاصم :۵۳۱)

ہمارا ایمان ہے کہ اللہ تعالیٰ نے آدم ہی سے ان کی بیوی حوا کو بھی پیدا کیا ہے تاکہ وہ اس سے سکون حاصل کریں، جیسا کہ اللہ تعالیٰ نے فرمایا: {هُوَ الَّذِي خَلَقَكُمْ مِنْ نَفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا} "اور اللہ تعالیٰ ایسا ہے جس نے تم کو ایک تن واحد سے پیدا کیا اور اسی سے اس کا جوڑا بنایا تاکہ وہ اس سے سکون حاصل کرے"۔ [الأعراف: ۱۸۹] اور اللہ تعالیٰ نے فر مایا: {يَاأَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً } "اے لوگو ! اپنے رب سے ڈرو جس نے تمہیں ایک جان سے پیدا کیا، اسی سے اس کی بیوی کو پیدا کر کے ان دونوں سے بہت سے مرد اور عورتیں پھیلادیں"۔ [النساء:۱]

ہمارا ایمان ہے کہ اللہ تعالیٰ نے آدم و حواء کو پیدا کرنے کے بعد دونوں کو جنت میں رہائش عطا کیا، جیسا کہ اللہ تعالی کا فرمان ہے: {وَقُلْنَا يَاآدَمُ اسْكُنْ أَنْتَ وَزَوْجُكَ الْجَنَّةَ وَكُلَا مِنْهَا رَغَدًا حَيْثُ شِئْتُمَا} "اور ہم نے کہہ دیا کہ اے آدم تم اور تمہاری بیوی جنت میں رہو اور جہاں کہیں سے چاہو با فراغت کھاؤ پیو"۔ [البقرۃ: ۳۵] اور دونوں کو ایک درخت کا پھل کھانے سے روک دیا لیکن شیطان نے انہیں بہکایا اور دونوں نے اس ممنوعہ شجر کا پھل کھا لیا نتیجے میں اللہ تعالی نے دونوں کو جنت سے نکال کر زمین پر بھیج دیا، جیسا کہ اللہ تعالیٰ نے فرمایا: { وَيَاآدَمُ اسْكُنْ أَنْتَ وَزَوْجُكَ الْجَنَّةَ فَكُلَا مِنْ حَيْثُ شِئْتُمَا وَلَا تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ* ۔ "اور ہم نے حکم دیا کہ اے آدم! تم اور تمہاری بیوی جنت میں رہو۔ پھر جس جگہ سے چاہو دونوں کھاؤ، اور اس درخت کے پاس مت جاؤ ورنہ تم دونوں ﻇالموں میں سے ہوجاؤ گے۔ فَوَسْوَسَ لَهُمَا الشَّيْطَانُ لِيُبْدِيَ لَهُمَا مَا وُورِيَ عَنْهُمَا مِنْ سَوْآتِهِمَا وَقَالَ مَا نَهَاكُمَا رَبُّكُمَا عَنْ هَذِهِ الشَّجَرَةِ إِلَّا أَنْ تَكُونَا مَلَكَيْنِ أَوْ تَكُونَا مِنَ الْخَالِدِينَ*۔ پھر شیطان نے ان دونوں کے دلوں میں وسوسہ ڈالا تاکہ ان کی شرمگاہیں جو ایک دوسرے سے پوشیدہ تھیں دونوں کے روبرو بے پردہ کرد ے اور کہنے لگا کہ تمہارے رب نے تم دونوں کو اس درخت سے اور کسی سبب سے منع نہیں فرمایا، مگر محض اس وجہ سے کہ تم دونوں کہیں فرشتے ہوجاؤ یا کہیں ہمیشہ زندہ رہنے والوں میں سے ہوجاؤ۔ وَقَاسَمَهُمَا إِنِّي لَكُمَا لَمِنَ النَّاصِحِينَ*۔ اور ان دونوں کے روبرو قسم کھالی کہ یقین جانیئے میں تم دونوں کا خیر خواہ ہوں۔ فَدَلَّاهُمَا بِغُرُورٍ فَلَمَّا ذَاقَا الشَّجَرَةَ بَدَتْ لَهُمَا سَوْآتُهُمَا وَطَفِقَا يَخْصِفَانِ عَلَيْهِمَا مِنْ وَرَقِ الْجَنَّةِ وَنَادَاهُمَا رَبُّهُمَا أَلَمْ أَنْهَكُمَا عَنْ تِلْكُمَا الشَّجَرَةِ وَأَقُلْ لَكُمَا إِنَّ الشَّيْطَانَ لَكُمَا عَدُوٌّ مُبِينٌ*۔ سو ان دونوں کو فریب سے نیچے لے آیا پس ان دونوں نے جب درخت کو چکھا دونوں کی شرمگاہیں ایک دوسرے کے روبرو بے پردہ ہوگئیں اور دونوں اپنے اوپر جنت کے پتے جوڑ جوڑ کر رکھنے لگے اور ان کے رب نے ان کو پکارا کیا میں تم دونوں کو اس درخت سے منع نہ کرچکا تھا اور یہ نہ کہہ چکا کہ شیطان تمہارا صریح دشمن ہے؟۔ قَالَا رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ*۔ دونوں نے کہا اے ہمارے رب! ہم نے اپنا بڑا نقصان کیا اور اگر تو ہماری مغفرت نہ کرے گا اور ہم پر رحم نہ کرے گا تو واقعی ہم نقصان پانے والوں میں سے ہوجائیں گے۔ قَالَ اهْبِطُوا بَعْضُكُمْ لِبَعْضٍ عَدُوٌّ وَلَكُمْ فِي الْأَرْضِ مُسْتَقَرٌّ وَمَتَاعٌ إِلَى حِينٍ*۔ حق تعالیٰ نے فرمایا کہ نیچے ایسی حالت میں جاؤ کہ تم باہم ایک دوسرے کے دشمن ہوگے اور تمہارے واسطے زمین میں رہنے کی جگہ ہے اور نفع حاصل کرنا ہے ایک وقت تک۔ قَالَ فِيهَا تَحْيَوْنَ وَفِيهَا تَمُوتُونَ وَمِنْهَا تُخْرَجُونَ } فرمایا تم کو وہاں ہی زندگی بسر کرنا ہے اور وہاں ہی مرنا ہے اور اسی میں سے پھر نکالے جاؤ گے"۔ [الأعراف: ۱۹۔ ۲۵]

ہمارا ایمان ہے کہ اللہ تعالیٰ نے آدم علیہ السلام کو زمین میں خلیفہ بنایا ہے۔ {وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لَا تَعْلَمُونَ} "اور جب تیرے رب نے فرشتوں سے کہا کہ میں زمین میں خلیفہ بنانے والا ہوں تو انہوں نے کہا کہ ایسے شخص کو کیوں پیدا کرتا ہے جو زمین میں فساد کرے اور خون بہائے ہم تیری تسبیح اور پاکیزگی بیان کرنے والے ہیں، اللہ تعالیٰ نے فرمایا، جو میں جانتا ہوں تم نہیں جانتے"۔ [البقرۃ: ۳۰]

اور اللہ تعالیٰ نے جب انہیں آزمایا تو وہ بھول گئے اور اس کی نافرمانی کر بیٹھے، پھر اللہ تعالیٰ نے ان کا انتخاب کیا اور انہیں ہدایت دی: {وَلَقَدْ عَهِدْنَا إِلَى آدَمَ مِنْ قَبْلُ فَنَسِيَ وَلَمْ نَجِدْ لَهُ عَزْمًا} "ہم نے آدم کو پہلے تاکیدی حکم دے دیا تھا لیکن وہ بھول گیا اور ہم نے اس میں کوئی عزم نہیں پایا"۔ [طہ: ۱۱۵] پھر آدم علیہ السلام نے اپنے رب سے چند کلمات سیکھا، اور وہی ان کے توبہ و مغفرت کا سبب بنا، جیسا کہ اللہ عزوجل نے فرمایا: { فَتَلَقَّى آدَمُ مِنْ رَبِّهِ كَلِمَاتٍ فَتَابَ عَلَيْهِ إِنَّهُ هُوَ التَّوَّابُ الرَّحِيمُ*۔ "آدم (علیہ السلام) نے اپنے رب سے چند باتیں سیکھ لیں اور اللہ تعالیٰ نے ان کی توبہ قبول فرمائی، بے شک وہی توبہ قبول کرنے والا اور رحم کرنے والا ہے۔ قُلْنَا اهْبِطُوا مِنْهَا جَمِيعًا فَإِمَّا يَأْتِيَنَّكُمْ مِنِّي هُدًى فَمَنْ تَبِعَ هُدَايَ فَلَا خَوْفٌ عَلَيْهِمْ وَلَا هُمْ يَحْزَنُونَ} ہم نے کہا تم سب یہاں سے چلے جاؤ، جب کبھی تمہارے پاس میری ہدایت پہنچے تو اس کی تابعداری کرنے والوں پر کوئی خوف وغم نہیں"۔ [البقرۃ: ۳۸،۳۷]

ہمارا ایمان ہے کہ آدم علیہ السلام کو پیدا کرنے سے چالیس سال پہلے ہی اللہ تعالیٰ نے سب کچھ لکھ دیا تھا، جیسا کہ صحیح حدیث میں ابو ہریرہ رضی اللہ عنہ روایت کرتے ہیں کہ اللہ کے نبی ﷺ نے فرمایا: ”آدم اور موسی علیہما السلام میں مباحثہ ہوا۔ موسی علیہ السلام نے ان سے کہا: اے آدم! آپ ہمارے باپ ہیں۔ آپ ہی ہماری محرومی کا سبب بنے اور آپ نے ہمیں جنت سے نکلوا دیا۔ (اس پر) آدم علیہ السلام نے ان سے کہا: اے موسی! آپ کو اللہ تعالیٰ نے ہم کلامی کے لیے منتخب كيا اور آپ کے لیے اپنے ہاتھ سے تورات کو لکھا۔ کیا آپ مجھے ایک ایسی بات پر ملامت کرتے ہیں جو اللہ تعالیٰ نے مجھے پیدا کرنے سے چالیس سال پہلے میری تقدیر میں لکھ دیا تھا؟ چنانچہ آدم علیہ السلام (دلیل میں) موسی علیہ السلام پر غالب آگئے۔ آدم علیہ السلام (دلیل میں) موسی علیہ السلام پر غالب آگئے“ آپ صلى اللہ علیہ وسلم نے یہ بات تین بار دہرائى۔ (صحیح بخاری : ۳۴۰۹، صحیح مسلم : ۱۵، سنن أبو داود: ۴۷۰۱، جامع الترمذي: ۲۱۳۴، ابن ماجه: ۸۰).

ہمارا ایمان ہے کہ اولاد آدم کى تخلیق کى ابتدا بالکل ویسى تھی جیسا کہ اس کے بارے میں خبر دیتے ہوئے اللہ تعالی نے فرمایا: {يَاأَيُّهَا النَّاسُ إِنْ كُنْتُمْ فِي رَيْبٍ مِنَ الْبَعْثِ فَإِنَّا خَلَقْنَاكُمْ مِنْ تُرَابٍ ثُمَّ مِنْ نُطْفَةٍ ثُمَّ مِنْ عَلَقَةٍ ثُمَّ مِنْ مُضْغَةٍ مُخَلَّقَةٍ وَغَيْرِ مُخَلَّقَةٍ لِنُبَيِّنَ لَكُمْ وَنُقِرُّ فِي الْأَرْحَامِ مَا نَشَاءُ إِلَى أَجَلٍ مُسَمًّى ثُمَّ نُخْرِجُكُمْ طِفْلًا ثُمَّ لِتَبْلُغُوا أَشُدَّكُمْ وَمِنْكُمْ مَنْ يُتَوَفَّى وَمِنْكُمْ مَنْ يُرَدُّ إِلَى أَرْذَلِ الْعُمُرِ لِكَيْلَا يَعْلَمَ مِنْ بَعْدِ عِلْمٍ شَيْئًا} "لوگو! اگر تمہیں مرنے کے بعد جی اٹھنے میں شک ہے تو سوچو ہم نے تمہیں مٹی سے پیدا کیا پھر نطفہ سے پھر خون بستہ سے پھر گوشت کے لوتھڑے سے جو صورت دیا گیا تھا اور بے نقشہ تھا، یہ ہم تم پر ﻇاہر کر دیتے ہیں، اور ہم جسے چاہیں ایک ٹھہرائے ہوئے وقت تک رحم مادر میں رکھتے ہیں پھر تمہیں بچپن کی حالت میں دنیا میں ﻻتے ہیں پھر تاکہ تم اپنی پوری جوانی کو پہنچو، تم میں سے بعض تو وہ ہیں جو فوت کر لئے جاتے ہیں اور بعض بے غرض عمر کی طرف پھر سے لوٹا دیئے جاتے ہیں کہ وہ ایک چیز سے باخبر ہونے کے بعد پھر بے خبر ہو جائے"۔ [الحج: ۵] ایک اور مقام پر اللہ تعالیٰ نے فرمایا: {وَلَقَدْ خَلَقْنَا الْإِنْسَانَ مِنْ سُلَالَةٍ مِنْ طِينٍ *۔ "یقیناً ہم نے انسان کو مٹی کے جوہر سے پیدا کیا۔ ثُمَّ جَعَلْنَاهُ نُطْفَةً فِي قَرَارٍ مَكِينٍ *۔ پھر اسے نطفہ بنا کر محفوظ جگہ میں قرار دے دیا۔ ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنْشَأْنَاهُ خَلْقًا آخَرَ فَتَبَارَكَ اللَّهُ أَحْسَنُ الْخَالِقِينَ} پھر نطفہ کو ہم نے جما ہوا خون بنا دیا، پھر اس خون کے لوتھڑے کو گوشت کا ٹکڑا کردیا۔ پھر گوشت کے ٹکڑے کو ہڈیاں بنا دیں، پھر ہڈیوں کو ہم نے گوشت پہنا دیاپھر دوسری بناوٹ میں اس کو پیدا کردیا، برکتوں والاہے وہ اللہ جو سب سے بہترین پیدا کرنے والاہے"۔ [المؤمنون: ۱۲-۱۴] اور عبد اللہ بن مسعود رضی اللہ عنہ سے روایت ہے انہوں نے کہا کہ اللہ کے رسول ﷺ جو صادق و مصدوق ہیں نے ہم سے بیان کرتے ہوئے فرمایا: ’’إِنَّ أَحَدَكُمْ يُجْمَعُ خَلْقُهُ فِي بَطْنِ أُمِّهِ أَرْبَعِينَ يَوْمًا، ثُمَّ يَكُونُ عَلَقَةً مِثْلَ ذَلِكَ، ثُمَّ يَكُونُ مُضْغَةً مِثْلَ ذَلِكَ، ثُمَّ يَبْعَثُ اللَّهُ مَلَكًا فَيُؤْمَرُ بِأَرْبَعِ كَلِمَاتٍ، وَيُقَالُ لَهُ: اكْتُبْ عَمَلَهُ، وَ رِزْقَهُ، وَ أَجَلَهُ، وَشَقِيٌّ أَوْ سَعِيدٌ، ثُمَّ يُنْفَخُ فِيهِ الرُّوحُ‘‘۔ تمہاری پیدائش کی تیاری تمہاری ماں کے پیٹ میں چالیس دنوں تک (نطفہ کی صورت) میں کی جاتی ہے پھر وہ اسی کے مثل خون کا لوتھڑا ہو جاتا ہے پھر وہ اسی کے مثل گوشت کا ٹکڑا ہو جاتا ہے، پھر اللہ ایک فرشتہ بھیجتا ہے تو اسے چار باتوں کا حکم دیا جاتا ہے، اس سے کہا جاتا ہے کہ اس کے عمل، اس کی روزی، اس کی مدت زندگی اور یہ کہ وہ بد ہے یا نیک، لکھ لے پھر اس میں روح پھونک دی جاتی ہے۔ (صحیح بخاری: ۳۲۰۸، صحیح مسلم: ۲۶۴۳، سنن أبو داود: ۴۷۰۸، جامع الترمذي: ۲۱۳۷، سنن ابن ماجه: ۷۶)۔

اللہ کے رسول ﷺ نے یہ بھی بتا دیا ہے کہ بچہ کیسے اپنے باپ یا ماں کی شکل اختیار کرتا ہے‘ یہ اس وقت کی بات ہے جب عبداللہ بن سلام رضی اللہ عنہ کو اللہ کے رسول ﷺ کے مدینہ آنے کی خبر ہوئی تو وہ آپ سے چند سوال کرنے کے لیے آئے اور عرض کیا: ’’إِنِّي سَائِلُكَ عَنْ ثَلاَثٍ لاَ يَعْلَمُهُنَّ إِلَّا نَبِيٌّ، مَا أَوَّلُ أَشْرَاطِ السَّاعَةِ؟ وَمَا أَوَّلُ طَعَامٍ يَأْكُلُهُ أَهْلُ الجَنَّةِ؟ وَمَا بَالُ الوَلَدِ يَنْزِعُ إِلَى أَبِيهِ أَوْ إِلَى أُمِّهِ؟، قَالَ: أَخْبَرَنِي بِهِ جِبْرِيلُ آنِفًا، قَالَ ابْنُ سَلاَمٍ: ذَاكَ عَدُوُّ اليَهُودِ مِنَ المَلاَئِكَةِ، قَالَ: أَمَّا أَوَّلُ أَشْرَاطِ السَّاعَةِ فَنَارٌ تَحْشُرُهُمْ مِنَ المَشْرِقِ إِلَى المَغْرِبِ، وَأَمَّا أَوَّلُ طَعَامٍ يَأْكُلُهُ أَهْلُ الجَنَّةِ فَزِيَادَةُ كَبِدِ الحُوتِ، وَأَمَّا الوَلَدُ فَإِذَا سَبَقَ مَاءُ الرَّجُلِ مَاءَ المَرْأَةِ نَزَعَ الوَلَدَ، وَإِذَا سَبَقَ مَاءُ المَرْأَةِ مَاءَ الرَّجُلِ نَزَعَتِ الوَلَدَ، قَالَ: أَشْهَدُ أَنْ لاَ إِلَهَ إِلَّا اللَّهُ، وَ أَنَّكَ رَسُولُ اللَّهِ‘‘۔ کہ میں آپ سے تین چیزوں کی بابت پوچھوں گا (کیوں کہ ) انہیں سوائے نبی کے کوئی نہیں جانتا ہے، قیامت کی سب سے پہلی شرط کیا ہے؟ جنتی سب سے پہلے کون سا کھانا کھا ئیں گے؟ اور اس لڑکے کی کیا حالت ہے جو اپنے باپ یا ماں کی طرف کھنچ جاتا ہے؟ فرمایا کہ اس کے بارے میں جبرائیل نے مجھے ابھی ابھی بتایا ہے، عبد اللہ بن سلام نے کہا کہ یہ فرشتوں میں یہودیوں کے دشمن ہیں، فرمایا رہی بات قیامت کی سب سے پہلی نشانی کی تو وہ ایسی آگ ہے جو مشرق سے مغرب تک لوگوں کو جمع کرے گی اور جنتی سب سے پہلے مچھلی کے کلیجے کا بڑھا ہوا ٹکڑا کھا ئیں گے اور رہی بات اولاد کی تو اگر مرد کا پانی عورت کے پانی سے سبقت کر جاتا ہے تو مرد لڑکے کو کھینچ لیتا ہے اور اگر عورت کا پانی مرد کے پانی پر سبقت کر جاتا ہے تو عورت لڑکے کو کھینچ لیتی ہے تو (عبد اللہ بن سلام نے) فر مایا: میں گواہی دیتا ہوں کہ اللہ کے سوا کوئی معبود برحق نہیں ہے اور آپ ﷺ اللہ کے رسول ہیں"۔ (صحیح بخاری :۳۹۳۸)

ہمارا ایمان ہے کہ سب آدم علیہ السلام کی اولاد ہیں، اور آدم کی پیدائش مٹی سے ہو ئی ہے، اس لئے کسی کو کسی پر فوقیت حاصل نہیں ہے سوائے تقوی کے، جیسا کہ اللہ تعالیٰ نے فرمایا: { يَاأَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ } "اے لوگو! ہم نے تم سب کو ایک (ہی) مرد وعورت سے پیدا کیا ہے اور اس لئے کہ تم آپس میں ایک دوسرے کو پہچانو کنبے اور قبیلے بنا دیئے ہیں، اللہ کے نزدیک تم سب میں باعزت وہ ہے جو سب سے زیادہ ڈرنے والا ہے، یقین مانو کہ اللہ دانا اور باخبر ہے"۔ [الحجرات: ۱۳] اور ابو ہریرہ رضی اللہ عنہ سے روایت ہے کہ اللہ کے رسول ﷺ نے فرمایا: ’’إِنَّ اللَّهَ عَزَّ وَجَلَّ قَدْ أَذْهَبَ عَنْكُمْ عُبِّيَّةَ الْجَاهِلِيَّةِ، وَفَخْرَهَا بِالْآبَاءِ مُؤْمِنٌ تَقِيٌّ، وَفَاجِرٌ شَقِيٌّ، أَنْتُمْ بَنُو آدَمَ وَآدَمُ مِنْ تُرَابٍ.......‘‘۔ اللہ عزوجل نے جاہلیت کا عیب اور عہد جاہلیت میں آباء واجداد پر فخرو غرور کو تم سے مٹا دیا ہے، متقی مومن اور بد بخت فاجر تم سب آدم کی اولاد ہو اور آدم مٹی سےپیدا کئے گئے ہیں۔ (سنن أبی داود: ۵۱۱۶، جامع الترمذی: ۳۹۵۶، الزهد للمعافى بن عمران الموصلي: ۱۴۷، الجامع في الحديث لابن وهب: ۳۰، مسند أحمد: ۸۷۳۶)

ہمارا ایمان ہے کہ اللہ تعالیٰ نے آدم علیہ السلام کو مٹی سے اور ان کی زوجہ محترمہ حوا علیہا السلام کو خود نفس آدم سے پیدا کیا، اورسوائے عیسی علیہ السلام کےدنیا کی تمام انسانیت کو حقیر پانی سے پیدا کیا، عیسی علیہ اسلام کو اللہ تعالیٰ نے بغیر ماں باپ کے پیدا کیا، جیسا کہ اللہ تعالیٰ نے فرمایا: {إِذْ قَالَتِ الْمَلَائِكَةُ يَامَرْيَمُ إِنَّ اللَّهَ يُبَشِّرُكِ بِكَلِمَةٍ مِنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهًا فِي الدُّنْيَا وَالْآخِرَةِ وَمِنَ الْمُقَرَّبِينَ *۔ "جب فرشتوں نے کہا اے مریم! اللہ تعالیٰ تجھے اپنے ایک کلمے کی خوشخبری دیتا ہے جس کا نام مسیح عیسیٰ بن مریم ہے جو دنیا اور آخرت میں ذی عزت ہے اور وہ میرے مقربین میں سے ہے۔ وَيُكَلِّمُ النَّاسَ فِي الْمَهْدِ وَكَهْلًا وَمِنَ الصَّالِحِينَ *۔ وہ لوگوں سے اپنے گہوارے میں باتیں کرے گا اور ادھیڑ عمر میں بھی اور وہ نیک لوگوں میں سے ہوگا۔ قَالَتْ رَبِّ أَنَّى يَكُونُ لِي وَلَدٌ وَلَمْ يَمْسَسْنِي بَشَرٌ قَالَ كَذَلِكِ اللَّهُ يَخْلُقُ مَا يَشَاءُ إِذَا قَضَى أَمْرًا فَإِنَّمَا يَقُولُ لَهُ كُنْ فَيَكُونُ } کہنے لگیں الٰہی مجھے لڑکا کیسے ہوگا؟ حالانکہ مجھے تو کسی انسان نے ہاتھ بھی نہیں لگایا، فرشتے نے کہا، اسی طرح اللہ تعالیٰ جو چاہے پیدا کرتا ہے، جب کبھی وہ کسی کام کو کرنا جاہتا ہے تو صرف یہ کہہ دیتا ہے کہ ہو جا! تو وہ ہو جاتا ہے"۔ [آل عمران: ۴۵-۴۷]

ہمارا ایمان ہے کہ عیسی علیہ السلام گرچہ عجیب طرح سے پیدا ہوئے ہیں لیکن وہ اللہ کے بندے اور اس کے رسول ہیں، جیسا کہ اللہ تعالیٰ نے فرمایا: {إِنْ هُوَ إِلَّا عَبْدٌ أَنْعَمْنَا عَلَيْهِ وَجَعَلْنَاهُ مَثَلًا لِبَنِي إِسْرَائِيلَ} "وہ ایک بندہ ہے جس پر ہم نے انعام کیا اور انہیں بنی اسرائیل کے لئے مثال بنادیا"۔ [الزخرف: ۵۹] وہ معبود نہیں تھے بلکہ ہماری طرح ایک انسان تھے، اور وہ بھی ہماری طرح کھاتے پیتے تھے،جیسا کہ اللہ تعالیٰ نے فرمایا: {مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ وَأُمُّهُ صِدِّيقَةٌ كَانَا يَأْكُلَانِ الطَّعَامَ انْظُرْ كَيْفَ نُبَيِّنُ لَهُمُ الْآيَاتِ ثُمَّ انْظُرْ أَنَّى يُؤْفَكُونَ} "مسیح ابن مریم سوا پیغمبر ہونے کے اور کچھ بھی نہیں، اس سے پہلے بھی بہت سے پیغمبر ہوچکے ہیں ان کی والدہ ایک راست باز عورت تھیں دونوں ماں بیٹے کھانا کھایا کرتے تھے، آپ دیکھیے کہ کس طرح ہم ان کے سامنے دلیلیں رکھتے ہیں پھر غور کیجیئے کہ کس طرح وہ پھرے جاتے ہیں"۔ [المائدۃ: ۷۵]

جن لوگوں نے آدم علیہ السلام کو معبود تسلیم کر لیا ہے اللہ تعالیٰ نے ان کی تردید میں بے شمار دلیلیں نازل کی ہیں، چند دلیلیں ملاحظہ کریں :۔ اللہ تعالیٰ نے فرمایا: {مَا اتَّخَذَ اللّٰهُ مِنْ وَّلَدٍ وَّمَا كَانَ مَعَهٗ مِنْ اِلٰهٍ اِذًا لَّذَهَبَ كُلُّ اِلٰهٍۢ بِمَا خَلَقَ وَلَعَلَا بَعْضُهُمْ عَلٰي بَعْضٍ ۭ سُبْحٰنَ اللّٰهِ عَمَّا يَصِفُوْنَ} "نہ تو اللہ نے کسی کو بیٹا بنایا اور نہ اس کے ساتھ اور کوئی معبود ہے، ورنہ ہر معبود اپنی مخلوق کو لئے لئے پھرتا اور ہر ایک دوسرے پر چڑھ دوڑتا، جو اوصاف یہ بتلاتے ہیں ان سے اللہ پاک (اور بےنیاز) ہے"۔ [المؤمنون: ۹۱] اور اللہ تعالیٰ نے فر مایا: {لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ قُلْ فَمَنْ يَمْلِكُ مِنَ اللَّهِ شَيْئًا إِنْ أَرَادَ أَنْ يُهْلِكَ الْمَسِيحَ ابْنَ مَرْيَمَ وَأُمَّهُ وَمَنْ فِي الْأَرْضِ جَمِيعًا وَلِلَّهِ مُلْكُ السَّمَاوَاتِ وَالْأَرْضِ وَمَا بَيْنَهُمَا يَخْلُقُ مَا يَشَاءُ وَاللَّهُ عَلَى كُلِّ شَيْءٍ قَدِيرٌ } "یقیناً وہ لوگ کافر ہوگئے جنہوں نے کہا اللہ ہی مسیح ابن مریم ہے، آپ ان سے کہہ دیجئے کہ اگر اللہ تعالیٰ مسیح ابن مریم اور اس کی والدہ اور روئے زمین کے سب لوگوں کو ہلاک کردینا چاہے تو کون ہے جو اللہ پر کچھ بھی اختیار رکھتا ہو؟ آسمانوں اور زمین دونوں کے درمیان کا کل ملک اللہ تعالیٰ ہی کا ہے وہ جو چاہتا ہے پیدا کرتا ہے اللہ ہر چیز پر قادر ہے"۔ [المائدۃ: ۱۷]

ہمارا ایمان ہے کہ اللہ تعالیٰ نے تمام لوگوں کو فطرت پر پیدا کیا ہے، جیسا کہ اللہ تعالیٰ نے فرمایا: { فَأَقِمْ وَجْهَكَ لِلدِّينِ حَنِيفًا فِطْرَتَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لَا يَعْلَمُونَ} "پس آپ یک سو ہو کر اپنا منہ دین کی طرف متوجہ کردیں، اللہ تعالیٰ کی وہ فطرت جس پراس نے لوگوں کو پیدا کیا ہے، اس اللہ تعالیٰ کے بنائے کو بدلنا نہیں یہی سیدھا دین ہے لیکن اکثر لوگ نہیں سمجھتے"۔ [الروم : ۳۰] ابن زید، مجاہد اور عکرمہ رحمہم اللہ فرماتے ہیں کہ’’الفطرۃ : الإسلام ‘‘ یعنی فطرت سے مراد اسلام ہے۔ (تفسیر الطبری : 20/98)۔

اورابن عباس رضی اللہ عنہما، ابراہیم نخعی، سعید بن جبیر، مجاہد، عکرمہ، قتادہ، ضحاک اور ابن زید رحمہم اللہ فر ماتے ہیں کہ اللہ تعالیٰ کے اس فرمان: {لَا تَبْدِيلَ لِخَلْقِ اللَّهِ} میں ’’ لِخَلْقِ اللَّہِ‘‘ کا معنی ہے ’’ لدین اللہ ‘‘یعنی دین الہی میں تبدیلی نہیں ہو سکتی ہے۔ اور امام بخاری رحمہ اللہ نے صحیح بخاری میں بات باندھا ہے’’بَابُ {لاَ تَبْدِيلَ لِخَلْقِ اللَّهِ} [الروم: ۳۰]: لِدِينِ اللَّهِ {خُلُقُ الأَوَّلِينَ}: دِينُ الأَوَّلِينَ، وَ الفِطْرَةُ الإِسْلاَمُ‘‘ یعنی باب ہے اس بیان میں کہ {لاَ تَبْدِيلَ لِخَلْقِ اللَّهِ} میں ’’خلق الله‘‘سے اللہ کا دین، {خُلْقُ الأَوَّلِينَ} سے دین الأولین اور ’’الفِطْرَةُ ‘‘ سے اسلام مراد ہے۔

اور ابو ہریرہ رضی اللہ عنہ سے روایت ہے، انہوں نے کہا کہ اللہ کے رسول ﷺ نے فر مایا: ’’مَا مِنْ مَوْلُودٍ إِلَّا يُولَدُ عَلَى الْفِطْرَةِ، فَأَبَوَاهُ يُهَوِّدَانِهِ وَيُنَصِّرَانِهِ وَيُمَجِّسَانِهِ، كَمَا تُنْتَجُ الْبَهِيمَةُ بَهِيمَةً جَمْعَاءَ، هَلْ تُحِسُّونَ فِيهَا مِنْ جَدْعَاءَ؟۔ "ہر ایک بچہ فطرت پرپیدا ہوتا ہے، پھر اس کے ماں باپ اس کو یہودی ونصرانی اور مجوسی بنادیتے ہیں، جیسے چوپایہ ہمیشہ صحیح سالم جانور جنتا ہے کیا تم کسی کو اس میں کان کٹا ہوا دیکھتے ہو"۔ پھر ابو ہریرہ رضی اللہ عنہ نے اس آیت کی تلاوت کی: {فِطْرَةَ اللَّهِ الَّتِي فَطَرَ النَّاسَ عَلَيْهَا لاَ تَبْدِيلَ لِخَلْقِ اللَّهِ ذَلِكَ الدِّينُ القَيِّمُ} [الروم: ۳۰] "یہ اللہ کی فطرت ہےجس پر اس نے لوگوں کو پیدا کیا ہے، اللہ کی فطرت میں کوئی تبدیلی ہو نے والی نہیں ہے، یہی سیدھا دین ہے"۔ [الروم: ۳۰]۔ (صحیح بخاری: ۴۷۷۵، صحیح مسلم: ۲۶۵۸، سنن أبی داود: ۴۷۱۴، جامع الترمذی: ۲۱۳۸۔ )

عیاض بن حمار المجاشعی رضی اللہ عنہ سے روایت ہے کہ اللہ کے رسول ﷺ اپنے خطبہ کے دوران ایک دن فرمایا: ’’أَلَا إِنَّ رَبِّي أَمَرَنِي أَنْ أُعَلِّمَكُمْ مَا جَهِلْتُمْ، مِمَّا عَلَّمَنِي يَوْمِي هَذَا، كُلُّ مَالٍ نَحَلْتُهُ عَبْدًا حَلَالٌ، وَإِنِّي خَلَقْتُ عِبَادِي حُنَفَاءَ كُلَّهُمْ، وَإِنَّهُمْ أَتَتْهُمُ الشَّيَاطِينُ فَاجْتَالَتْهُمْ عَنْ دِينِهِمْ، وَ حَرَّمَتْ عَلَيْهِمْ مَا أَحْلَلْتُ لَهُمْ، وَأَمَرَتْهُمْ أَنْ يُشْرِكُوا بِي مَا لَمْ أُنْزِلْ بِهِ سُلْطَانًا‘‘۔ "آگاہ رہو! میرے رب نے مجھ کو حکم دیا کہ میں تمہیں وہ سکھاؤں جو تم نہیں جانتے ہو ان باتوں میں سے جو اس نے آج کے دن مجھ کو سکھایا ہے، میں جو مال اپنے بند ے کو دوں وہ حلال ہے، اور میں نے اپنے تمام بندوں کو مسلمان بنایا، لیکن ان کے پاس شیطان آئے اور انہیں ان کے دین سے بھٹکا دیا،اور جو چیزیں میں نے ان کے لیے حلال کی تھیں وہ حرام کردیا، اور انہیں حکم دیا کہ میرے ساتھ ایسی چیز کو شریک کریں جس پر میں نے کوئی دلیل نہیں اتاری"۔ (صحیح مسلم: ۲۸۶۵)

ہمارا ایمان ہے کہ اللہ تعالى نے بَعث بعد الممات کے منکرین پر حجت کو تمام کیااس طرح سے کہ انہیں ان کى تخلیق اول یعنی مٹی سے پیدا کرنے والا واقعہ یاد دلایا، جیسا کہ اللہ تعالیٰ نے فرمایا: {وَضَرَبَ لَنَا مَثَلًا وَنَسِيَ خَلْقَهُ قَالَ مَنْ يُحْيِ الْعِظَامَ وَهِيَ رَمِيمٌ*۔ اور اس نے ہمارے لئے مثال بیان کی اور اپنی (اصل) پیدائش کو بھول گیا، کہنے لگا ان گلی سڑی ہڈیوں کو کون زندہ کر سکتا ہے؟ ۔ قُلْ يُحْيِيهَا الَّذِي أَنْشَأَهَا أَوَّلَ مَرَّةٍ وَهُوَ بِكُلِّ خَلْقٍ عَلِيمٌ } آپ جواب دیجئے! کہ انہیں وہ زندہ کرے گا جس نے انہیں اول مرتبہ پیدا کیا ہے، جو سب طرح کی پیدائش کا بخوبی جاننے والا ہے"۔ [یس: ۷۸ - ۷۹]

اسی طرح اللہ تعالیٰ نے انہیں یہ بھی یاد دلایا کہ اس نے انہیں حقیر پانی سے پیدا کیا ہے، پھر وہ کیسے اپنے رب سے تکبر کرتے، اور حشر و نشر کا انکار کرتے ہیں؟ ! اللہ تعالیٰ نے فرمایا: {الَّذِي أَحْسَنَ كُلَّ شَيْءٍ خَلَقَهُ وَبَدَأَ خَلْقَ الْإِنْسَانِ مِنْ طِينٍ*۔ "جس نے نہایت خوب بنائی جو چیز بھی بنائی اور انسان کی بناوٹ مٹی سے شروع کی۔ ثُمَّ جَعَلَ نَسْلَهُ مِنْ سُلَالَةٍ مِنْ مَاءٍ مَهِينٍ*۔ پھر اس کی نسل ایک بے وقعت پانی کے نچوڑ سے چلائی۔ ثُمَّ سَوَّاهُ وَنَفَخَ فِيهِ مِنْ رُوحِهِ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلًا مَا تَشْكُرُونَ *۔ "پھر جسے ٹھیک ٹھاک کر کے اس میں اپنی جانب سے روح پھونکی، اسی نے تمہارے کان آنکھیں اور دل بنائے (اس پر بھی) تم بہت ہی تھوڑا احسان مانتے ہو۔ وَقَالُوا أَإِذَا ضَلَلْنَا فِي الْأَرْضِ أَإِنَّا لَفِي خَلْقٍ جَدِيدٍ بَلْ هُمْ بِلِقَاءِ رَبِّهِمْ كَافِرُونَ*۔ انہوں نے کہا کیا جب ہم زمین میں مل جائیں گے کیا پھر نئی پیدائش میں آجائیں گے؟ بلکہ (بات یہ ہے) کہ وہ لوگ اپنے رب کی ملاقات کے منکر ہیں۔ {قُلْ يَتَوَفَّاكُمْ مَلَكُ الْمَوْتِ الَّذِي وُكِّلَ بِكُمْ ثُمَّ إِلَى رَبِّكُمْ تُرْجَعُونَ} کہہ دیجئے ! کہ تمہیں موت کا فرشتہ فوت کرے گا جو تم پر مقرر کیا گیا ہے پھر تم سب اپنے رب کی طرف لوٹائے جاؤ گے"۔ [السجدۃ: ۷-۱۱]

ہمارا ایمان ہے کہ اللہ ہی عبادت کا حق دارہے کیوں کہ وہی سب کا خالق ہے، جیسا کہ اللہ تعالیٰ نے فرمایا: {يٰٓاَيُّهَا النَّاسُ اعْبُدُوْا رَبَّكُمُ الَّذِىْ خَلَقَكُمْ وَالَّذِيْنَ مِنْ قَبْلِكُمْ لَعَلَّكُمْ تَتَّقُوْنَ } "اے لوگوں! اپنے اس رب کی عبادت کرو جس نے تمہیں اور تم سے پہلے لوگوں کو پیدا کیا، یہی تمہارا بچاؤ ہے"۔ [البقرۃ: ۲۱]

اللہ تعالیٰ نے ہمیں قرآن مجید میں یہ بھی بتا دیا ہے کہ نوح علیہ السلام نے اپنی قوم سے کہا کہ جب اللہ تعالیٰ نے لوگوں کو کئی طرح سے پیدا کیا ہے، تو آخرلوگ اللہ تعالیٰ کی برتری کا عقیدہ کیوں نہیں رکھتے؟! اللہ تعالیٰ نے فرمایا: {مَا لَكُمْ لَا تَرْجُونَ لِلَّهِ وَقَارًا*۔ "تمہیں کیا ہوگیا ہے کہ تم اللہ کی برتری کا عقیدہ نہیں رکھتے؟۔ وَقَدْ خَلَقَكُمْ أَطْوَارًا} حالانکہ اس نے تمہیں طرح طرح سے پیدا کیا ہے۔ [نوح: ۱۳-۱۴]

برزخ اور آخرت کی زندگی میں انسان کے کئی احوال ہوں گے، جس کی تفصیل - ان شاء اللہ - یوم آخرت پر ایمان لانے کے بیان میں آرہی ہے۔

باب: روح کی تخلیق کا بیان

ہمیں معلوم ہے کہ روح اللہ کے حکم سے ہے اور اس روح کی بابت انسان بس وہی جانتا ہے جو اللہ تعالی نے اسے بتا دیا ہے، جیسا کہ اللہ تعالیٰ نے فرمایا: {وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُمْ مِنَ الْعِلْمِ إِلَّا قَلِيلًا } "اور یہ لوگ آپ سے روح کی بابت سوال کرتے ہیں، آپ جواب دیجئے کہ روح میرے رب کے حکم سے ہے اور تمہیں بہت ہی کم علم دیا گیا ہے"۔ [الإسراء: ۸۵] اور عبد اللہ رضی اللہ عنہ سے روایت ہے انہوں نے فرمایا کہ: ’’بَيْنَا أَنَا مَعَ النَّبِيِّ صَلَّى اللهُ عَلَيْهِ وَسَلَّمَ فِي حَرْثٍ، وَهُوَ مُتَّكِئٌ عَلَى عَسِيبٍ، إِذْ مَرَّ اليَهُودُ، فَقَالَ بَعْضُهُمْ لِبَعْضٍ: سَلُوهُ عَنِ الرُّوحِ، فَقَالَ: مَا رَأْيُكُمْ إِلَيْهِ؟ وَقَالَ بَعْضُهُمْ: لاَ يَسْتَقْبِلُكُمْ بِشَيْءٍ تَكْرَهُونَهُ، فَقَالُوا: سَلُوهُ، فَسَأَلُوهُ عَنِ الرُّوحِ، فَأَمْسَكَ النَّبِيُّ صَلَّى اللهُ عَلَيْهِ وَسَلَّمَ فَلَمْ يَرُدَّ عَلَيْهِمْ شَيْئًا، فَعَلِمْتُ أَنَّهُ يُوحَى إِلَيْهِ، فَقُمْتُ مَقَامِي فَلَمَّا نَزَلَ الوَحْيُ، قَالَ: {وَيَسْأَلُونَكَ عَنِ الرُّوحِ، قُلْ: الرُّوحُ مِنْ أَمْرِ رَبِّي وَمَا أُوتِيتُمْ مِنَ العِلْمِ إِلَّا قَلِيلًا} [الإسراء: ۸۵]‘‘۔ میں نبی ﷺ کے ساتھ ایک کھیت میں موجود تھا اور وہ کھجور کے ایک تنے پر ٹیک لگا ئے ہوئے تھے کہ اچانک کچھ یہودی گزرے تو ان میں سے بعض نے بعض کو کہا کہ ان سے روح کی بابت سوال کرو، تو اس نے کہا کہ اس سے پوچھنے کى تمہیں کیا حاجت؟ اور ان میں سے بعض نے کہا کہ کہیں وہ تمہارا استقبال ایسی چیز سے نہ کرے جو تمہیں نا پسند ہو (لیکن آپسی گفت و شنید کے بعد پوچھنے ہی پرسب کا اتفاق ہوا ) تو لوگوں نے کہا کہ ان سے پوچھو تو ان لوگوں نے نبى صلى اللہ علیہ وسلم سے روح کے بارے میں پوچھا لیکن نبی ﷺ رک گئے اور انہیں کوئی جواب نہ دیا تو میں سمجھ گیا کہ ان پر وحی نازل کی جا رہی ہے اس لئے میں اپنی جگہ کھڑا رہا، جب وحی نازل ہو گئی تو فر مایا {وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُمْ مِنَ الْعِلْمِ إِلَّا قَلِيلًا } لوگ آپ سے روح کی بابت پوچھتے ہیں کہہ دیجئے کہ روح میرے رب کے حکم سے ہے اور تمہیں بہت تھوڑا علم دیا گیا ہے" ۔(الإسراء :۸۵) (صحیح بخاری: ۴۷۲۱، صحیح مسلم: ۲۷۹۴، جامع الترمذی: ۳۱۴۱)۔

ہمارا ایمان ہے کہ روحیں مخلوق ہیں، جیسا کہ اللہ تعالیٰ نے فرمایا: {اَللّٰهُ خَالِقُ كُلِّ شَيْءٍ ۡ وَّهُوَ عَلٰي كُلِّ شَيْءٍ وَّكِيْلٌ } "اللہ ہر چیز کا پیدا کرنے والا ہے اور وہی ہر چیز پر نگہبان ہے"۔ [الزمر: ۶۲] اور جب اللہ تعالیٰ نے آدم علیہ السلام کوپوری طرح سے بنا کران کے اندرروح پھونک دیا، تو اللہ تعالیٰ نے فر مایا: {فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا لَهُ سَاجِدِينَ} "جب میں نے انہیں سنوارکر اپنی روح ان کے اندرپھونک دیا تو سب کے سب ان کے لئے سجدہ میں گر گئے"۔ [الحجر: ۲۹] اور جب جنین اپنی ماں کے پیٹ میں چار مہینے کا ہو جاتا ہے تو من جانب اللہ ایک فرشتہ آکر اس میں روح پھونکتا ہے، جیسا کہ عبد اللہ بن مسعود رضی اللہ عنہ سے روایت ہے، وہ کہتے ہیں کہ: اللہ کے رسول ﷺ، جو صادق و مصدوق ہیں، نے ہم سے بیان کرتے ہوئے فرمایا: إِنَّ أَحَدَكُمْ يُجْمَعُ خَلْقُهُ فِي بَطْنِ أُمِّهِ أَرْبَعِينَ يَوْمًا، ثُمَّ يَكُونُ عَلَقَةً مِثْلَ ذَلِكَ، ثُمَّ يَكُونُ مُضْغَةً مِثْلَ ذَلِكَ، ثُمَّ يَبْعَثُ اللَّهُ مَلَكًا فَيُؤْمَرُ بِأَرْبَعِ كَلِمَاتٍ، وَيُقَالُ لَهُ: اكْتُبْ عَمَلَهُ، وَ رِزْقَهُ، وَ أَجَلَهُ، وَشَقِيٌّ أَوْ سَعِيدٌ، ثُمَّ يُنْفَخُ فِيهِ الرُّوحُ‘‘۔ تم میں سے ایک شخص کی پیدائش اس کے ماں کے پیٹ میں چالیس دنوں تک بشکل نطفہ جمع کیا جاتا ہے، پھر وہ اسی طرح گوشت کا لوتھڑا ہو جاتا ہے، پھر اللہ تعالیٰ ایک فرشتہ بھیجتا ہے تو اسے چار باتوں کا حکم دیا جاتا ہے، اسے کہا جاتا ہے کہ تو اس کا عمل، اس کی روزی، اس کی موت اور اس کی نیک بختی یا بد بختی لکھ، پھر اس میں روح پھوک دی جاتی ہے۔ (صحیح بخاری :۳۲۰۸، صحیح مسلم :۲۶۴۳، سنن أبو داود: ۴۷۰۸، جامع الترمذي: ۲۱۳۷، اور سنن ابن ماجه: ۷۶). سوائے مسیح عیسی بن مریم کے کیوں کہ ان کے حمل کی ابتداء فرشتے کے پھونکنے سے ہو ئی تھی، جیسا کہ اللہ تعالیٰ نے فرمایا: {وَالَّتِي أَحْصَنَتْ فَرْجَهَا فَنَفَخْنَا فِيهَا مِنْ رُوحِنَا وَجَعَلْنَاهَا وَابْنَهَا آيَةً لِلْعَالَمِينَ } "اورجس نے اپنی شرمگاہ کی حفاظت کی تو ہم نے اس میں اپنی روح پھونکا اور ہم نے اسے اور اس کے لڑکے کو تمام جہاں والوں کے لئے نشانی بنا دیا"۔ [الأنبیاء: ۹۱] اوراللہ تعالیٰ نے فر مایا: {إِنَّمَا الْمَسِيحُ عِيسَى ابْنُ مَرْيَمَ رَسُولُ اللَّهِ وَكَلِمَتُهُ أَلْقَاهَا إِلَى مَرْيَمَ وَرُوحٌ مِنْهُ} "مسیح عیسیٰ بن مریم تو صرف اللہ کے رسول اور اس کے کلمہ (کن سے پیدا شدہ) ہیں جسے مریم کی طرف ڈال دیا گیا تھا اور اس کے پاس کی روح ہیں"۔ [النساء: ۱۷۱]

ہمارا اس بات پر بھی ایمان ہے کہ دوران نیند بھی روح قبض کی جاتی ہے، اور پھر اسے لو ٹا دیا جاتا ہے، جیسا کہ اللہ تعالیٰ نے فر مایا: { اللَّهُ يَتَوَفَّى الْأَنْفُسَ حِينَ مَوْتِهَا وَالَّتِي لَمْ تَمُتْ فِي مَنَامِهَا فَيُمْسِكُ الَّتِي قَضَى عَلَيْهَا الْمَوْتَ وَيُرْسِلُ الْأُخْرَى إِلَى أَجَلٍ مُّسَمًّى} "اللہ روحوں کو ان کی موت کے وقت قبض کرلیتا ہے اور جو مرے نہیں انکی روحیں سوتے میں (قبض کرلیتا ہے) پھر جن پر موت کا حکم کر چکتا ہے ان کو روک رکھتا ہے اور باقی روحوں کو ایک وقت مقرر تک کے لئے چھوڑ دیتا ہے"۔ [الزمر: ۴۲]

عبد اللہ بن ابو قتادہ سے مروی ہے وہ اپنے والد رضی اللہ عنہ سے روایت کرتے ہیں انہوں نے فرمایا کہ ’’سِرْنَا مَعَ النَّبِيِّ صَلَّى اللهُ عَلَيْهِ وَسَلَّمَ لَيْلَةً، فَقَالَ: بَعْضُ القَوْمِ: لَوْ عَرَّسْتَ بِنَا يَا رَسُولَ اللَّهِ، قَالَ: أَخَافُ أَنْ تَنَامُوا عَنِ الصَّلاَةِ، قَالَ بِلاَلٌ: أَنَا أُوقِظُكُمْ، فَاضْطَجَعُوا، وَأَسْنَدَ بِلاَلٌ ظَهْرَهُ إِلَى رَاحِلَتِهِ، فَغَلَبَتْهُ عَيْنَاهُ فَنَامَ، فَاسْتَيْقَظَ النَّبِيُّ صَلَّى اللهُ عَلَيْهِ وَسَلَّمَ، وَقَدْ طَلَعَ حَاجِبُ الشَّمْسِ، فَقَالَ: يَا بِلاَلُ، أَيْنَ مَا قُلْتَ؟ قَالَ: مَا أُلْقِيَتْ عَلَيَّ نَوْمَةٌ مِثْلُهَا قَطُّ، قَالَ: ہم نبی ﷺ کے ساتھ ایک رات چلے تو کچھ لوگوں نے کہا کہ اے اللہ کے رسول ! کاش آپ پڑاؤ ڈال دیتے، تو آپ نے فر مایا مجھے خوف ہے کہ تم سب نماز سے سو جاؤ گے لیکن بلال نے کہا کہ میں تم سب کو جگا دوں گا بنا بریں سب لیٹ گئے اور بلال نے اپنی سواری پر اپنی پیٹھ کو ٹیک دیا اتنے میں ان کی دونوں آنکھیں ان پر غالب آگئیں تو وہ بھی سو گئے، اب نبی ﷺاٹھے اس حال میں کہ سورج نکل چکا تھا پوچھا کہ اے بلال! اس کا کیا ہوا جو تم نے کہا تھا ؟ کہا اس کے مثل مجھ پر نیند کبھی نہیں طاری ہوئی، تب آپ نے فرمایا کہ: "إِنَّ اللَّهَ قَبَضَ أَرْوَاحَكُمْ حِينَ شَاءَ، وَرَدَّهَا عَلَيْكُمْ حِينَ شَاءَ‘‘ اللہ نے جب چاہا تو تمہاری روحوں کو قبض کرلیا اور جب چاہا تو لوٹا دیا۔ ( صحیح بخاری: ۵۹۵، سنن أبی داؤد: ۴۳۹، ۴۴۰، سنن النسائی: ۸۴۶)۔

اور ابو ہریرہ رضی اللہ عنہ سے روایت ہے، وہ کہتے ہیں کہ اللہ کے نبی ﷺ نے فرمایا: ’’إِذَا أَوَى أَحَدُكُمْ إِلَى فِرَاشِهِ فَلْيَنْفُضْ فِرَاشَهُ بِدَاخِلَةِ إِزَارِهِ، فَإِنَّهُ لاَ يَدْرِي مَا خَلَفَهُ عَلَيْهِ، ثُمَّ يَقُولُ: بِاسْمِكَ رَبِّ وَضَعْتُ جَنْبِي وَبِكَ أَرْفَعُهُ، إِنْ أَمْسَكْتَ نَفْسِي فَارْحَمْهَا، وَإِنْ أَرْسَلْتَهَا فَاحْفَظْهَا بِمَا تَحْفَظُ بِهِ عِبَادَكَ الصَّالِحِينَ‘‘۔ جب تم میں کا کوئی اپنے بستر پر پناہ لے تو وہ اپنے ازار کے کنارے سے اپنے بستر کو جھاڑ لے کیوں کہ وہ نہیں جانتا کہ اس کے بعد اس پر کیا آیا، پھر کہے ’’بِاسْمِكَ رَبِّ وَضَعْتُ جَنْبِي وَبِكَ أَرْفَعُهُ، إِنْ أَمْسَكْتَ نَفْسِي فَارْحَمْهَا، وَإِنْ أَرْسَلْتَهَا فَاحْفَظْهَا بِمَا تَحْفَظُ بِهِ عِبَادَكَ الصَّالِحِينَ‘‘۔ اے میرے رب ! تیرے ہی نام سے میں نے اپنا پہلو رکھا اور تیرے ہی نام سے میں اسے اٹھاؤں گا، اگر تونے میری جان کو روک لیا تو تو اس پر رحم فر ما اور اگر تو نے اسے چھوڑ دیا تو تو اس کی اسی طرح حفاظت کر جس طرح تو نے اپنے نیک بندوں کی حفاظت کی ہے۔ (صحیح بخاری: ۶۳۲۰، صحیح مسلم: ۲۷۱۴، سنن أبی داؤد: ۵۰۵۰، جامع الترمذی: ۳۴۰۱، سنن ابن ماجہ: ۳۸۷۴)۔

اس بات پر بھی ہمارا ایمان ہے کہ موت کے وقت روح بدن سے جدا ہو جاتی ہے، جیسا کہ اللہ تعالیٰ نے فر مایا: {كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ} "ہر نفس کو موت کا مزہ چکھنا ہے پھر تم ہماری ہی طرف لوٹا ئے جا ؤ گے"۔ [العنکبوت: ۵۷] گویا مرتے ہی روح بدن سے پوری طرح الگ ہو جاتی ہے اور نگاہ اس کا پیچھا کرتی ہے، جیسا کہ ام سلمہ رضی اللہ عنہا سے روایت ہے وہ فر ماتی ہیں کہ’’دَخَلَ رَسُولُ اللهِ صَلَّى اللهُ عَلَيْهِ وَسَلَّمَ عَلَى أَبِي سَلَمَةَ وَقَدْ شَقَّ بَصَرُهُ، فَأَغْمَضَهُ، ثُمَّ قَالَ: اللہ کے رسول ﷺ ابو سلمہ کے پاس آئے اس حال میں کہ ان کی نگاہ پھٹی ہوئی تھی تو آپ نے اسے بند کردیا پھر فرمایا: إِنَّ الرُّوحَ إِذَا قُبِضَ تَبِعَهُ الْبَصَرُ‘‘۔ کہ جب روح قبض کر لی جاتی ہے تو نگاہیں اس کا پیچھا کرتی ہیں۔ (صحیح مسلم : ۹۲۰ ، سنن أبی داؤد : ۳۱۱۸، سنن ابن ماجہ : ۱۴۵۴) گویا بدن کی طرح روح کی موت نہیں آتی، بلکہ روح کی موت اس کا بدن سے الگ ہو جانا ہے۔

ہمارا یہ بھی ایمان ہے کہ موت کے وقت فرشتے بدن سے روحیں نکالتے ہیں اور روحوں پر نعمتوں کی بارش ہوتی ہے یا ان پر عذاب نازل ہوتا ہے، جیسا کہ اللہ تعالیٰ نے فر مایا: {وَلَوْ تَرَى إِذِ الظَّالِمُونَ فِي غَمَرَاتِ الْمَوْتِ وَالْمَلَائِكَةُ بَاسِطُو أَيْدِيهِمْ أَخْرِجُوا أَنْفُسَكُمُ الْيَوْمَ تُجْزَوْنَ عَذَابَ الْهُونِ بِمَا كُنْتُمْ تَقُولُونَ عَلَى اللَّهِ غَيْرَ الْحَقِّ وَكُنْتُمْ عَنْ آيَاتِهِ تَسْتَكْبِرُونَ} [الأنعام: ۹۳] "اور اگر آپ اس وقت دیکھیں جب کہ یہ ظالم لوگ موت کی سختیوں میں ہوں گے اور فرشتے اپنے ہاتھ بڑھا رہے ہوں گے کہ ہاں اپنی جانیں نکالو، آج تمہیں ذلت کی سزا دی جائے گی اس سبب سے کہ تم اللہ تعالیٰ کے ذمہ جھوٹی باتیں لگاتے تھے اور تم اللہ تعالیٰ کی آیات سے تکبر کرتے تھے"۔

گویا فرشتہ روح نکالتا ہے پھر اس پر نعمتوں کی بارش ہوتی ہے یا اس پر عذاب نازل ہوتا ہے جس طرح جسم پر نازل ہوتا ہے جیسا کہ براء بن عازب رضی اللہ عنہما سے روایت ہے انہوں نے فرمایا کہ: ’’خَرَجْنَا مَعَ النَّبِيِّ صَلَّى اللهُ عَلَيْهِ وَسَلَّمَ، فِي جِنَازَةِ رَجُلٍ مِنَ الْأَنْصَارِ، فَانْتَهَيْنَا إِلَى الْقَبْرِ، وَلَمَّا يُلْحَدْ، فَجَلَسَ رَسُولُ اللَّهِ صَلَّى اللهُ عَلَيْهِ وَسَلَّمَ، وَجَلَسْنَا حَوْلَهُ، كَأَنَّ عَلَى رُءُوسِنَا الطَّيْرَ، وَفِي يَدِهِ عُودٌ يَنْكُتُ فِي الْأَرْضِ، فَرَفَعَ رَأْسَهُ، فَقَالَ: اسْتَعِيذُوا بِاللَّهِ مِنْ عَذَابِ الْقَبْرِ مَرَّتَيْنِ، أَوْ ثَلَاثًا ، ثُمَّ قَالَ: ہم اللہ کے رسول ﷺ کے ساتھ ایک انصاری آدمی کے جنازہ میں نکلے اور قبر تک پہنچ گئے لیکن قبر اب تک تیار نہیں ہو ئی تھی تو اللہ کے رسول ﷺ بیٹھ گئے اور ہم بھی آپ کے پاس اس طرح بیٹھ گئے گویا ہمارے سروں پر پرندے ہو ں، نبى صلى اللہ علیہ وسلم کے ہاتھ میں ایک لکڑی تھی جس سے وہ زمین کرید رہے تھے کہ اچانک انہوں نے اپنا سر اٹھایا اور دو یا تین مرتبہ کہا کہ عذاب قبر سے اللہ کی پناہ طلب کرو پھر فرمایا: إِنَّ الْعَبْدَ الْمُؤْمِنَ إِذَا كَانَ فِي انْقِطَاعٍ مِنَ الدُّنْيَا وَإِقْبَالٍ مِنَ الْآخِرَةِ، نَزَلَ إِلَيْهِ مَلَائِكَةٌ مِنَ السَّمَاءِ بِيضُ الْوُجُوهِ، كَأَنَّ وُجُوهَهُمُ الشَّمْسُ، مَعَهُمْ كَفَنٌ مِنْ أَكْفَانِ الْجَنَّةِ، وَحَنُوطٌ مِنْ حَنُوطِ الْجَنَّةِ، حَتَّى يَجْلِسُوا مِنْهُ مَدَّ الْبَصَرِ، ثُمَّ يَجِيءُ مَلَكُ الْمَوْتِ، عَلَيْهِ السَّلَامُ، حَتَّى يَجْلِسَ عِنْدَ رَأْسِهِ، فَيَقُولُ: أَيَّتُهَا النَّفْسُ الطَّيِّبَةُ، اخْرُجِي إِلَى مَغْفِرَةٍ مِنَ اللَّهِ وَرِضْوَانٍ. قَالَ: فَتَخْرُجُ تَسِيلُ كَمَا تَسِيلُ الْقَطْرَةُ مِنْ فِي السِّقَاءِ، فَيَأْخُذُهَا، فَإِذَا أَخَذَهَا لَمْ يَدَعُوهَا فِي يَدِهِ طَرْفَةَ عَيْنٍ حَتَّى يَأْخُذُوهَا، فَيَجْعَلُوهَا فِي ذَلِكَ الْكَفَنِ، وَفِي ذَلِكَ الْحَنُوطِ، وَيَخْرُجُ مِنْهَا كَأَطْيَبِ نَفْحَةِ مِسْكٍ وُجِدَتْ عَلَى وَجْهِ الْأَرْضِ قَالَ: فَيَصْعَدُونَ بِهَا، فَلَا يَمُرُّونَ، يَعْنِي بِهَا، عَلَى مَلَإٍ مِنَ الْمَلَائِكَةِ، إِلَّا قَالُوا: مَا هَذَا الرُّوحُ الطَّيِّبُ؟ فَيَقُولُونَ: فُلَانُ بْنُ فُلَانٍ، بِأَحْسَنِ أَسْمَائِهِ الَّتِي كَانُوا يُسَمُّونَهُ بِهَا فِي الدُّنْيَا، حَتَّى يَنْتَهُوا بِهَا إِلَى السَّمَاءِ الدُّنْيَا، فَيَسْتَفْتِحُونَ لَهُ، فَيُفْتَحُ لَهُمْ فَيُشَيِّعُهُ مِنْ كُلِّ سَمَاءٍ مُقَرَّبُوهَا إِلَى السَّمَاءِ الَّتِي تَلِيهَا، حَتَّى يُنْتَهَى بِهِ إِلَى السَّمَاءِ السَّابِعَةِ، فَيَقُولُ اللَّهُ عَزَّ وَجَلَّ: اكْتُبُوا كِتَابَ عَبْدِي فِي عِلِّيِّينَ، وَأَعِيدُوهُ إِلَى الْأَرْضِ، فَإِنِّي مِنْهَا خَلَقْتُهُمْ، وَفِيهَا أُعِيدُهُمْ، وَمِنْهَا أُخْرِجُهُمْ تَارَةً أُخْرَى .قَالَ: فَتُعَادُ رُوحُهُ فِي جَسَدِهِ‘‘۔ کہ مومن بندہ جب دنیا سے کٹ کر آخرت کو روانہ ہوتا ہے، تو اس کے پاس آسمان سے سفید چہرے والے فرشتے آتے ہیں، ان کا چہرہ سورج کی طرح ہوتا ہے، ان کے ساتھ جنتی کفن ہوتا ہے، جنتی خوشبو ہوتى ہے، وہ اس کے پاس اس کی نگاہ کی حد تک بیٹھ جاتے ہیں پھر ملک الموت علیہ السلام آتےہیں حتی کہ اس کے سر کے پاس بیٹھ جاتے ہیں اور کہتے ہیں کہ اے پاک نفس ! تو اللہ کى مغفرت اورخوشنودی کی طرف نکل، آپ صلى اللہ علیہ وسلم نے فرمایا: کہ وہ آرام سے آہستہ آہستہ ایسے ہی نکلتی جیسے قطرہ مشکیزے سے نکلتا ہے اور وہ اسے لے لیتے ہیں، جب وہ اسے لے جاتے ہیں تو پلک جھپکنے کے برابر ان کے ساتھی اسے لےکر اسی کفن اور اسی خوشبو میں رکھ لیتے ہیں، اس سے مشک کی طرح خوشبو پھوٹتی ہے جو پوری زمین پر محسوس کی جاتی ہے، فرماتے ہیں کہ وہ اسے لے کر (آسمان پر) چڑھتے ہیں، وہ فرشتوں کی جس جماعت سے بھی گزرتے وہ یہی کہتے ہیں کہ یہ پاکیزہ روح کس کی ہے؟ یہ کہتے ہیں کہ فلاں ابن فلاں کی، اس کا وہی پیارا نام لیتے ہیں جس سے وہ دنیا میں پکارا جاتا تھا حتی کہ اسے لے کر یہ سب آسمان دنیا تک پہنچ جاتے ہیں اور اس کے لئے (دروازہ) کھلواتے ہیں تو کھولا جاتا ہے(کھولتے ہی) شروع سے آخر تک ہر آسمان کےمقرب فرشتے اس کے ساتھ یکساں برتاؤ کرتے ہیں حتی کہ وہ اسے ساتویں آسمان تک لے کر پہنچ جاتے ہیں، تو اللہ عزوجل کہتا ہے: کہ میرے بندے کے اعمال علیین میں لکھ دو اور اسے زمین کی طرف لوٹا دو کیوں کہ اسی سے میں نے انہیں پیدا کیا ہے اور اسی میں لو ٹائیں گے اور اسی سے دو بارہ نکا لیں گے، آپ صلى اللہ علیہ وسلم نے فرمایا: کہ تو اس کی روح ان کے جسم میں لو ٹا دی جاتی ہے۔ (سنن أبی داود: ۳۲۱۲، سنن النسائی :۲۰۰۱، سنن ابن ماجہ :۱۵۴۸، مسند أبوداود الطیالسی :۷۸۹ ، مصنف عبد الرزاق :۶۳۲۴، ۶۷۳۷، مسند أحمد :۱۸۵۳۴، اور یہ الفاظ مسند احمد کے ہیں) مذکورہ روایت میں نبی کریم ﷺ نے بتایا کہ روح نکلتی ہے، بہتی ہے، قبض کی جاتی ہے کفنائی جاتی ہے،اسے اوپرلے جایا جاتا ہے پھر اسے واپس کر دیا جا تا ہے اور یہ سب مخلوق کی شان ہے۔

اور ہمارا اس بات پر بھی ایمان ہے کہ بدن سے الگ ہونے کے بعد روح یا تو نعمتوں میں قرار پاتی ہے یا تا قیامت عذاب الہی سے دو چار ہوتی ہے، جیسا کہ کعب بن مالک رضی اللہ عنہ اللہ سے مروی ہے کہ اللہ کے رسول ﷺ نے فرمایا: ’’إِنَّمَا نَسَمَةُ الْمُؤْمِنِ طَائِرٌ فِي شَجَرِ الْجَنَّةِ حَتَّى يَبْعَثَهُ اللَّهُ عَزَّ وَجَلَّ إِلَى جَسَدِهِ يَوْمَ الْقِيَامَةِ‘‘۔ مومن کی جان جنت کے درختوں میں اڑتی رہے گی تا آنکہ اللہ عزوجل بروز قیامت اسے اس کے جسم میں بھیج دے۔ (سنن النسائی: ۲۰۷۳، جامع الترمذی: ۱۶۴۱، سنن ابن ماجہ: ۴۲۷۱، تفسیر عبد الرزاق: ۴۸۴، ۲۶۸۱، مسند الحمیدی: ۸۹۷، مسند أحمد: ۱۵۷۷۶، ۱۵۷۷۷)۔

اور مسروق فر ماتے ہیں کہ ہم نے عبد اللہ بن مسعود رضی اللہ عنہ سے اس آیت کے بارے میں پوچھا: {وَلَا تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ} "تم یہ نہ سمجھو کہ جو لوگ اللہ کی راہ میں قتل کردیے گئے ہیں وہ مردہ ہیں بلکہ وہ اپنے رب کے پاس زندہ ہیں اور انہیں روزی دی جاتی ہے"۔ [آل عمران: ۱۶۹] تو آپ رضی اللہ عنہ نے جواب دیا: ’’أَمَا إِنَّا قَدْ سَأَلْنَا عَنْ ذَلِكَ، فَقَالَ: جہاں تک ہماری بات ہے، تو ہم نے اس کے بارے میں دریافت کیا، تو آپ صلى اللہ علیہ وسلم نے فرمایا: أَرْوَاحُهُمْ فِي جَوْفِ طَيْرٍ خُضْرٍ، لَهَا قَنَادِيلُ مُعَلَّقَةٌ بِالْعَرْشِ، تَسْرَحُ مِنَ الْجَنَّةِ حَيْثُ شَاءَتْ، ثُمَّ تَأْوِي إِلَى تِلْكَ الْقَنَادِيلِ‘‘۔ ان کی روحیں سبز پرندوں کے پیٹ میں ہیں، ان کے لئے عرش سے لٹکے ہوئے قندیل ہیں، وہ جنت میں جہاں چاہتی ہیں چرتی ہیں پھر انہی قندیلوں میں پاس واپس آجاتی ہیں۔ ( صحیح مسلم: ۱۸۸۷، جامع الترمذی: ۳۰۱۱، سنن ابن ماجہ: ۲۸۰۱)۔

کتاب: دین کے بیان میں

کتاب ہذا کا خلاصہ

٭ ہمارا ایمان ہے کہ بطور دین اللہ تعالی نے اسلام ہی کوپسند کیا ہے، اور سارے نبیوں کا دین یہی تھا اور یہی دین فطرت ہے جس پر اللہ تعالی نے لوگوں کو پیدا کیا ہے، اور اللہ تعالیٰ نے آدم اور ان کی ذریت سے عالم ارواح میں اسی کا وعدہ لیا تھا ۔

٭ ہم یہ بھی مانتے ہیں کہ ابراہیم علیہ السلام نے اپنے بیٹوں کو اسی اسلام کی وصیت کی تھی اور یعقوب علیہ السلام نے بھی اپنے بیٹوں کو اسی کی وصیت کی تھی اوریہی دین سب سے بہتر، کامل اور مکمل ہے، اللہ تعالیٰ کے نزدیک اس کے علاوہ کوئی اور دین قابلِ قبول نہیں ہے۔

٭ ہمارا اس بات پر بھی ایمان ہے کہ جبرائیل علیہ السلام یہی دین لے کر محمد عربی ﷺ کے پاس آئے تھے، اس دین کے مندرجہ ذیل مراتب ہیں: اسلام ، ایمان اور احسان اور ان میں سے ہر ایک کے ارکان ہیں۔

یہ دین ہر خیر کا مجموعہ ہے، قلبی و بدنی تمام اعمال کو شامل ہے۔

٭ اور ہمیں یہ بھی معلوم ہے کہ قول و عمل اور اعتقاد ہی کا نام ایمان ہے اور اہل ایمان میں ہر ایک کو اعمال ہی کی بنیاد پر فوقیت ملے گی۔ ہم یہ بھی مانتے ہیں کہ ایمان میں کمی زیادتی ہوتی ہے، اطاعت و فرماں برداری سے ایمان بڑھتا ہے اور معصیت و نا فرمانی سے گھٹتا ہے۔

٭ ہم اس بات پر بھی گواہ ہیں کہ اہل ایمان ہی دنیا و آخرت میں کامیابی سے ہم کنار ہوں گے، اور اس دین حق پر جو قائم ہیں، در جات و مراتب میں فرق ہونے کے باوجود سب کا ٹھکانہ جنت ہے۔

٭ ہمیں یہ معلوم ہے کہ کتاب و سنت کو لاز م پکڑنے، ان پر عمل کرنے اور ان کی مخالفت سے بچنے کے سلسلے میں قرآن و سنت میں بے شمار آیات واحادیث وارد ہیں اور ان کی مخالفت سے ایسے ہی روکا گیا ہے جیسے اختلاف وانتشار سے رو کا گیا ہے۔

باب: اسلام ہی اللہ کے یہاں دین ہے

٭ ہمارا ایمان ہے کہ اللہ کے نزدیک سب سے پسندیدہ دین ’’دین اسلام‘‘ ہے، جیسا کہ اللہ تعالی فرماتا ہے: {وَرَضِيتُ لَكُمُ الْإِسْلَامَ دِينًا} "اور میں تمہارے لئے اسلام کے دین ہونے پر راضی ہوگیا"۔ [المائدۃ: ۳] ایک اور جگہ اللہ تعالیٰ نے فرمایا: { إِنَّ الدِّينَ عِنْدَ اللَّهِ الْإِسْلَامُ } "بے شک اللہ تعالیٰ کے نزدیک دین اسلام ہی ہے"۔ [آل عمران: ۱۹] اور یہی دین سارے انبیاء کا دین رہا ہے، جیسا کہ اللہ تعالیٰ نے نوح علیہ السلام کی وہ بات بیان کیا ہے، جو انہوں نے اپنی قوم سے کہا تھا: {وَأُمِرْتُ أَنْ أَكُونَ مِنَ الْمُسْلِمِينَ } "اور مجھ کو حکم کیا گیا ہے کہ میں مسلمانوں میں سے رہوں"۔ [یونس : ۷۲] اور اللہ تعالیٰ نے ابراہیم علیہ السلام کی بابت فرمایا: {إِذْ قَالَ لَهُ رَبُّهُ أَسْلِمْ قَالَ أَسْلَمْتُ لِرَبِّ الْعَالَمِينَ } "جب انہیں ان کے رب نے کہا، فرمانبردار ہوجا، انہوں نے کہا، میں نے رب العالمین کی فرمانبرداری کی"۔ [البقرۃ : ۱۳۱]

٭ ہم یہ بھی مانتے ہیں کہ دین اسلام مکمل ہے، اسے اللہ تعالی نے مکمل کر دیا ہے، اس میں کسی بھی قسم کا نقص نہیں ہے، جیسا کہ اللہ تعالیٰ نے فرمایا: {اَلْيَوْمَ اَكْمَلْتُ لَكُمْ دِيْنَكُمْ وَاَتْمَمْتُ عَلَيْكُمْ نِعْمَتِيْ وَرَضِيْتُ لَكُمُ الْاِسْلَامَ دِيْنًا} "آج میں نے تمہارے لئے دین کو کامل کردیا اور تم پر اپنا انعام بھرپور کردیا اور تمہارے لئے اسلام کے دین ہونے پر رضامند ہوگیا"۔ [المائدۃ: ۳] اور یہی سب سے بہتر اور کامل دین ہےاوریہی دین حنیفیت ہے، جو کہ ابراہیم علیہ السلام کى ملت ہے، جیسا کہ اللہ تعالیٰ نے فرمایا: { وَمَنْ أَحْسَنُ دِينًا مِمَّنْ أَسْلَمَ وَجْهَهُ لِلَّهِ وَهُوَ مُحْسِنٌ وَاتَّبَعَ مِلَّةَ إِبْرَاهِيمَ حَنِيفًا وَاتَّخَذَ اللَّهُ إِبْرَاهِيمَ خَلِيلًا} "باعتبار دین کے اس سے اچھا کون ہے جو اپنے کو اللہ کے تابع کردے اور ہو بھی نیکو کار، ساتھ ہی یکسوئی والے ابراہیم کے دین کی پیروی کر رہا ہو اور ابراہیم (علیہ السلام) کو اللہ تعالیٰ نے اپنا دوست بنایا ہے"۔ [النساء: ۱۲۵] اور اللہ پاک نے فر مایا: { وَمَنْ يَرْغَبُ عَنْ مِلَّةِ إِبْرَاهِيمَ إِلَّا مَنْ سَفِهَ نَفْسَهُ وَلَقَدِ اصْطَفَيْنَاهُ فِي الدُّنْيَا وَإِنَّهُ فِي الْآخِرَةِ لَمِنَ الصَّالِحِينَ } "اور دین ابراہیمی سے وہی بے رغبتی کرے گا جو محض بیوقوف ہو، ہم نے تو اسے دنیا میں بھی برگزیدہ کیا تھا اور آخرت میں بھی وہ نیکو کاروں میں سے ہے"۔ [البقرۃ: ۱۳۰] اسی طرح اللہ تعالیٰ نے اپنے خلیل ابراہیم علیہ السلام کے سلسلے میں فرمایا: { مَا كَانَ إِبْرَاهِيمُ يَهُودِيًّا وَلَا نَصْرَانِيًّا وَلَكِنْ كَانَ حَنِيفًا مُسْلِمًا وَمَا كَانَ مِنَ الْمُشْرِكِينَ} "ابراہیم نہ تو یہودی تھے اور نہ ہی نصرانی تھے لیکن وہ خالص مسلمان تھے اور مشرکوں میں سے نہ تھے"۔ [آل عمران: ۶۷]

اور اسلام ہی وہ فطرت ہے جس پر اللہ تعالیٰ نے لوگوں کو پیدا کیا ہے، جیسا کہ اللہ تعالیٰ نے فرمایا: { فَأَقِمْ وَجْهَكَ لِلدِّينِ حَنِيفًا فِطْرَتَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لَا يَعْلَمُونَ } "پس آپ یکسو ہو کر اپنا منہ دین کی طرف متوجہ کردیں، اللہ تعالیٰ کی وہ فطرت جس پر اس نے لوگوں کو پیدا کیا ہے، اللہ تعالیٰ کے بنائے کو بدلنا نہیں یہی سیدھا دین ہے لیکن اکثر لوگ نہیں سمجھتے"۔ [الروم: ۳۰]

اور اللہ کے رسول ﷺ نے فرمایا: كُلُّ مَوْلُودٍ يُولَدُ عَلَى الفِطْرَةِ، فَأَبَوَاهُ يُهَوِّدَانِهِ، أَوْ يُنَصِّرَانِهِ، أَوْ يُمَجِّسَانِهِ، كَمَثَلِ البَهِيمَةِ تُنْتَجُ البَهِيمَةَ، هَلْ تَرَى فِيهَا جَدْعَاءَ»۔ ہر بچہ فطرت پر پیدا ہوتا ہے، لیکن اس کے ماں باپ اسے یا تو یہودی بنا دیتے ہیں، یا نصرانی بنادیتے ہیں یا مجوسی بنا دیتے ہیں، جیسا کہ چوپایہ صحیح سالم جانور جنتا ہے، کیا تم اس میں کوئی کن کٹا دیکھتے ہو؟"۔ پھر ابو ہریرہ رضی اللہ عنہ نے اس آیت کی تلاوت کی: {فِطْرَةَ اللَّهِ الَّتِي فَطَرَ النَّاسَ عَلَيْهَا لاَ تَبْدِيلَ لِخَلْقِ اللَّهِ ذَلِكَ الدِّينُ القَيِّمُ} "یہ اللہ کی فطرت ہےجس پر اس نے لوگوں کو پیدا کیا ہے، اللہ کی فطرت میں کوئی تبدیلی ہو نے والی نہیں ہے، یہی سیدھا دین ہے"۔ [الروم: ۳۰] (صحیح بخاری: ۱۳۸۵، صحیح مسلم : ۲۶۵۸، سنن أبی داود : ۴۷۱۴، جامع الترمذی: ۲۱۳۸)۔ اوراللہ تعالیٰ نے عالم ارواح میں آدم اور ان کی ذریت سے یہی وعدہ لیا تھا، جیسا کہ اللہ تعالیٰ نے فر مایا: { وَإِذْ أَخَذَ رَبُّكَ مِنْ بَنِي آدَمَ مِنْ ظُهُورِهِمْ ذُرِّيَّتَهُمْ وَ أَشْهَدَهُمْ عَلَى أَنْفُسِهِمْ أَلَسْتُ بِرَبِّكُمْ قَالُوا بَلَى شَهِدْنَا أَنْ تَقُولُوا يَوْمَ الْقِيَامَةِ إِنَّا كُنَّا عَنْ هَذَا غَافِلِينَ} "اور جب آپ کے رب نے اولاد آدم کی پشت سے ان کی اولاد کو نکالا اور ان سے ان ہی کے متعلق اقرار لیا کہ کیا میں تمہارا رب نہیں ہوں؟ سب نے جواب دیا کیوں نہیں ! ہم سب گواہ بنتے ہیں تاکہ تم لوگ قیامت کے روز یوں نہ کہو کہ ہم تو اس سے محض بے خبر تھے"۔ [الأعراف: ۱۷۲]

اورہمارا ایمان ہے کہ دین اسلام کے علاوہ اللہ تعالیٰ کوئی اوردین قبول نہیں کرے گا، جیسا کہ اللہ تعالیٰ نے فرمایا: {وَمَنْ يَّبْتَـغِ غَيْرَ الْاِسْلَامِ دِيْنًا فَلَنْ يُّقْبَلَ مِنْهُ ۚ وَھُوَ فِي الْاٰخِرَةِ مِنَ الْخٰسِرِيْنَ} "جو شخص اسلام کے سوا اور دین تلاش کرے، اس کا دین قبول نہ کیا جائے گا اور وہ آخرت میں نقصان پانے والوں میں ہوگا"۔ [آل عمران: ۸۵]

باب: اسلام کا بیان

٭ہمارا ایمان ہے کہ اللہ تعالی نے محمد ﷺ پر یہی دین جبرئیل علیہ السلام کے ذریعہ نازل کیا، اس کے کل تین مراتب ہیں: (۱)اسلام (۲) ایمان (۳) احسان اور ان میں سے ہر ایک کے ارکان ہیں۔ عمر بن خطاب رضی اللہ عنہ فر ماتے ہیں ’’بَيْنَمَا نَحْنُ عِنْدَ رَسُولِ اللهِ صَلَّى اللهُ عَلَيْهِ وَسَلَّمَ ذَاتَ يَوْمٍ، إِذْ طَلَعَ عَلَيْنَا رَجُلٌ شَدِيدُ بَيَاضِ الثِّيَابِ، شَدِيدُ سَوَادِ الشَّعَرِ، لَا يُرَى عَلَيْهِ أَثَرُ السَّفَرِ، وَلَا يَعْرِفُهُ مِنَّا أَحَدٌ، حَتَّى جَلَسَ إِلَى النَّبِيِّ صَلَّى اللهُ عَلَيْهِ وَسَلَّمَ، فَأَسْنَدَ رُكْبَتَيْهِ إِلَى رُكْبَتَيْهِ، وَوَضَعَ كَفَّيْهِ عَلَى فَخِذَيْهِ، وَقَالَ: يَا مُحَمَّدُ أَخْبِرْنِي عَنِ الْإِسْلَامِ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: الْإِسْلَامُ أَنْ تَشْهَدَ أَنْ لَا إِلَهَ إِلَّا اللهُ وَأَنَّ مُحَمَّدًا رَسُولُ اللهِ صَلَّى اللهُ عَلَيْهِ وَسَلَّمَ، وَتُقِيمَ الصَّلَاةَ، وَتُؤْتِيَ الزَّكَاةَ، وَتَصُومَ رَمَضَانَ، وَ تَحُجَّ الْبَيْتَ إِنِ اسْتَطَعْتَ إِلَيْهِ سَبِيلًا، قَالَ: صَدَقْتَ، قَالَ: فَعَجِبْنَا لَهُ يَسْأَلُهُ، وَيُصَدِّقُهُ، قَالَ: فَأَخْبِرْنِي عَنِ الْإِيمَانِ، قَالَ: أَنْ تُؤْمِنَ بِاللهِ، وَ مَلَائِكَتِهِ، وَكُتُبِهِ، وَرُسُلِهِ، وَالْيَوْمِ الْآخِرِ، وَتُؤْمِنَ بِالْقَدَرِ خَيْرِهِ وَشَرِّهِ، قَالَ: صَدَقْتَ، قَالَ: فَأَخْبِرْنِي عَنِ الْإِحْسَانِ، قَالَ: أَنْ تَعْبُدَ اللهَ كَأَنَّكَ تَرَاهُ، فَإِنْ لَمْ تَكُنْ تَرَاهُ فَإِنَّهُ يَرَاكَ، قَالَ: فَأَخْبِرْنِي عَنِ السَّاعَةِ، قَالَ: مَا الْمَسْئُولُ عَنْهَا بِأَعْلَمَ مِنَ السَّائِلِ قَالَ: فَأَخْبِرْنِي عَنْ أَمَارَتِهَا، قَالَ: أَنْ تَلِدَ الْأَمَةُ رَبَّتَهَا، وَأَنْ تَرَى الْحُفَاةَ الْعُرَاةَ الْعَالَةَ رِعَاءَ الشَّاءِ يَتَطَاوَلُونَ فِي الْبُنْيَانِ، قَالَ: ثُمَّ انْطَلَقَ فَلَبِثْتُ مَلِيًّا، ثُمَّ قَالَ لِي: يَا عُمَرُ أَتَدْرِي مَنِ السَّائِلُ؟ قُلْتُ: اللهُ وَ رَسُولُهُ أَعْلَمُ، قَالَ: فَإِنَّهُ جِبْرِيلُ أَتَاكُمْ يُعَلِّمُكُمْ دِينَكُمْ‘‘۔ "ایک دن ہم اللہ کے رسول ﷺکے پاس بیٹھے ہوئے تھے کہ ہمارے پاس ایک ایسا شخص آیا جس کے کپڑے نہایت سفید اور بال نہایت کالے تھے، اس پر سفر کی کوئی نشانی ظاہر نہیں ہو رہی تھی اور ہم میں سےاسے کو ئی پہچانتا بھی نہیں تھا، وہ نبی ﷺکے پاس آ کربیٹھ گیا اور اپنے گھٹنے نبی ﷺکے گھٹنوں سے ملا دیا اوراپنی دونوں ہتھیلیاں خود دونوں رانوں پر رکھ دیا، پھر عرض کیا: اے محمد! مجھے اسلام کے بارے میں بتا ئیے تو اللہ کے رسول ﷺ نے فرمایا: اسلام یہ ہے کہ آپ گواہی دیں کہ اللہ کے سوا کو ئی معبود برحق نہیں اور محمد ﷺ اللہ کے رسول ہیں، نماز قائم کریں، زکوۃ ادا کریں، ماہ رمضان کے روزے رکھیں اور اگر طاقت ہو تو خانہ کعبہ کا (کم از کم زندگی میں ایک بار) حج کریں، وہ بولا: سچ کہا آپ نے، ہمیں تعجب ہوا کہ و ہی آپ سے پوچھتا بھی ہے پھر وہی کہتا بھی ہے کہ آپ نے سچ کہا، پھر عرض کیا: مجھے ایمان کے بارے میں بتاؤ، فرمایا : اللہ پر، اس کے فرشتوں پر، اس کی کتابوں پر، اس کے رسولوں پر اور یوم آخرت پر ایمان لانا اور اس بات پر بھی ایمان لانا کہ تقدیر اچھی ہے یا بری (ایمان کہلاتا ہے)، کہا: آپ نے سچ کہا، پھر فرمایا: مجھے احسان کے بارے میں بتاؤ، (آپ ﷺ نے) فرمایا: آپ اللہ کی عبادت اس طرح کریں کہ جیسے آپ اسے دیکھ رہے ہوں اور اگر آپ اسے نہیں دیکھ رہے ہیں تو اللہ آپ کو دیکھ رہا ہے، فرمایا: قیامت کے بارے میں بتاؤ: فرمایا: سائل سے زیادہ وہ نہیں جانتا ہے جس سے سوال کیا گیا ہے، فرمایا: مجھے اس کی نشانیوں کے بارے میں بتاؤ، فرمایا: لونڈی اپنی مالکن جنے گی، آپ دیکھیں گے ننگے بدن، ننگے پاؤں والے، کنگال اور بکریاں چرانے والے فقراء عمارتیں بنانے میں فخر محسوس کریں گے، فرماتے ہیں کہ پھر وہ چلا گیا تو میں کچھ دیر ٹھہرا پھر (آپﷺ ) نے مجھے کہا کہ اے عمر ! تم کو معلوم ہے کہ وہ سائل کون تھا؟(فرماتے ہیں کہ) میں نے کہا: اللہ اور اس کے رسول زیادہ بہتر جانتے ہیں، فرمایا: وہ جبرئیل تھے جو تمہارے پاس تم کو تمہارا دین سکھانے آئے تھے۔ (صحیح مسلم : ۸،سنن أبی داود: ۴۶۹۵، جامع الترمذي: ۲۶۱۰، سنن النسائي: ۴۹۹۰، سنن ابن ماجه:۶۳).

اور ارکان اسلام کی وضاحت نبی اکرم ﷺ نے دوسری حدیثوں میں بھی کی ہے، چنانچہ آپ نے فرمایا: "اسلام کی بنیاد پانچ چیزوں پر ہے: اس بات کی گواہی دینا کہ اللہ کے علاوہ کوئی برحق معبود نہیں ہے اورمحمد (ﷺ) اللہ کے رسول ہیں، نماز قائم کرنا، زکاۃ دینا، حج کرنا اور رمضان کے روزے رکھنا۔‘‘ (صحیح بخاری: ۸، صحیح مسلم: ۱۶، جامع الترمذی: ۲۶۰۹، سنن النسائی: ۵۰۰۱)۔ طلحہ بن عبید اللہ فر ماتے ہیں کہ’’جَاءَ رَجُلٌ إِلَى رَسُولِ اللَّهِ صَلَّى اللهُ عَلَيْهِ وَسَلَّمَ مِنْ أَهْلِ نَجْدٍ ثَائِرَ الرَّأْسِ، يُسْمَعُ دَوِيُّ صَوْتِهِ وَلاَ يُفْقَهُ مَا يَقُولُ، حَتَّى دَنَا، فَإِذَا هُوَ يَسْأَلُ عَنِ الإِسْلاَمِ، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ:خَمْسُ صَلَوَاتٍ فِي اليَوْمِ وَاللَّيْلَةِ. فَقَالَ: هَلْ عَلَيَّ غَيْرُهَا؟ قَالَ: لاَ، إِلَّا أَنْ تَطَوَّعَ. قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: وَصِيَامُ رَمَضَانَ. قَالَ: هَلْ عَلَيَّ غَيْرُهُ؟ قَالَ:لاَ، إِلَّا أَنْ تَطَوَّعَ. قَالَ: وَذَكَرَ لَهُ رَسُولُ اللَّهِ صَلَّى اللهُ عَلَيْهِ وَسَلَّمَ الزَّكَاةَ، قَالَ: هَلْ عَلَيَّ غَيْرُهَا؟ قَالَ: لاَ، إِلَّا أَنْ تَطَوَّعَ. قَالَ: فَأَدْبَرَ الرَّجُلُ وَهُوَ يَقُولُ: وَاللَّهِ لاَ أَزِيدُ عَلَى هَذَا وَلاَ أَنْقُصُ، قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: أَفْلَحَ إِنْ صَدَقَ‘‘۔ نجد والوں میں ایک شخص پریشان حال اللہ کے رسولﷺ کے پاس آیا، ہم اس کی آواز کی بھنبھناہٹ سنتے تھے اور اس کی بات سمجھ میں نہیں آرہی تھی یہاں تک کہ وہ قریب ہوگیا، اچانک اس نے اسلام کے بارے میں پوچھا تو اللہ کے رسولﷺ نے فرمایا: دن اور رات میں پانچ نمازیں پڑھنا ہے، اس نے کہا کیا اس کے علاوہ مجھ پر کچھ اور ہے؟ کہا: نہیں، مگر یہ کہ تو نفل پڑھ لے، اللہ کے رسول ﷺنے فرمایا: اور رمضان کے روزے رکھنا، اس نے کہا اس کے علاوہ مجھ پر کچھ اور ہے؟ کہا : نہیں، مگر تو نفل روزے رکھ لے، فر ماتے ہیں کہ اللہ کے رسول ﷺنے اس سے زکوٰۃ کا تذکرہ کیا، وہ کہنے لگا کہ اس کے علاوہ مجھ پر کچھ اور ہے؟ کہا: نہیں مگر یہ کہ تو نفلی صدقہ دے دے، راوی کہتے ہیں کہ پھر وہ شخص پیٹھ پھیر کر یہ کہتے ہو ئے چلا کہ قسم اللہ کی میں نہ اس سے بڑھاؤں گا نہ گھٹاؤں گا، اللہ کے رسول ﷺنے فرمایا اگر یہ سچا ہے تو وہ کامیاب ہو گیا۔ (صحیح بخاری: ۴۶، صحیح مسلم: ۱۱، سنن أبی داود: ۳۹۱، سنن النسائی: ۴۵۸)۔

ایک اور مقام پر اللہ تعالیٰ نے فرمایا: {وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ وَذَلِكَ دِينُ الْقَيِّمَةِ} "انہیں اس کے سوا کوئی حکم نہیں دیا گیا کہ صرف اللہ کی عبادت کریں اسی کے لئے دین کو خالص رکھیں ابراہیم حنیف کے دین پر اور نماز قائم رکھیں اور زکوٰۃ دیتے رہیں یہی ہے دین سیدھی ملت کا"۔ [البینۃ: ۵ ] اور اللہ عز وجل نے فرمایا: { فَإِنْ تَابُوا وَأَقَامُوا الصَّلَاةَ وَآتَوُا الزَّكَاةَ فَخَلُّوا سَبِيلَهُمْ إِنَّ اللَّهَ غَفُورٌ رَحِيمٌ} "ہاں اگر وہ توبہ کرلیں اور نماز کے پابند ہوجائیں اور زکوٰۃ ادا کرنے لگیں تو تم ان کی راہیں چھوڑ دو یقیناً اللہ تعالیٰ بخشنے والا مہربان ہے"۔ [التوبۃ: ۵] ایک اور جگہ اللہ تعالیٰ نے فرمایا: {فَإِنْ تَابُوا وَأَقَامُوا الصَّلَاةَ وَآتَوُا الزَّكَاةَ فَإِخْوَانُكُمْ فِي الدِّينِ} "اگر وہ توبہ کر لیں اور نماز قائم کریں اور زکوہ ادا کریں تو وہ تمہارے دینی بھائی ہیں"۔ [التوبۃ: ۱۱] اور اللہ کے رسول ﷺ نے فرمایا: ’’أُمِرْتُ أَنْ أُقَاتِلَ النَّاسَ حَتَّى يَشْهَدُوا أَنْ لاَ إِلَهَ إِلَّا اللَّهُ، وَأَنَّ مُحَمَّدًا رَسُولُ اللَّهِ، وَيُقِيمُوا الصَّلاَةَ، وَيُؤْتُوا الزَّكَاةَ، فَإِذَا فَعَلُوا ذَلِكَ عَصَمُوا مِنِّي دِمَاءَهُمْ وَأَمْوَالَهُمْ إِلَّا بِحَقِّ الإِسْلاَمِ، وَحِسَابُهُمْ عَلَى اللَّهِ‘‘۔ "مجھے حکم دیا گیا ہے کہ میں لوگوں سے قتال کروں، تا آنکہ لوگ اس بات کی گواہی دینے لگیں کہ اللہ کے سوا کوئی معبود برحق نہیں، اور محمد اللہ کے رسول ہیں، نماز قائم کریں، اور زکوۃ ادا کریں، اگر لوگوں نے یہ کر لیا تو انہوں نے مجھ سے اپنا خون، اپنا مال اسلام کے حق کے ساتھ بچا لیا، اور ان کا حساب اللہ پر ہے"۔ (صحیح بخاری: ۲۵، صحیح مسلم: ۲۲)

اور ابو موسی رضی اللہ عنہ فرماتے ہیں کہ لوگوں نے پوچھا اے اللہ کے رسول ! کون سا اسلام سب سے افضل ہے؟ تو آپ ﷺ نے فرمایا :’’ مَنْ سَلِمَ المُسْلِمُونَ مِنْ لِسَانِهِ، وَيَدِهِ‘‘ : جس کی زبان اور ہاتھ سے دوسرے مسلمان محفوظ رہیں۔ (صحیح بخاری: ۱۱، صحیح مسلم : ۴۲، جامع الترمذی: ۲۵۰۴، سنن النسائی: ۴۹۹۹)۔

اور اللہ کے رسول ﷺ نے فرمایا: ’’إِذَا أَسْلَمَ العَبْدُ فَحَسُنَ إِسْلاَمُهُ، يُكَفِّرُ اللَّهُ عَنْهُ كُلَّ سَيِّئَةٍ كَانَ زَلَفَهَا، وَكَانَ بَعْدَ ذَلِكَ القِصَاصُ: الحَسَنَةُ بِعَشْرِ أَمْثَالِهَا إِلَى سَبْعِ مِائَةِ ضِعْفٍ، وَالسَّيِّئَةُ بِمِثْلِهَا إِلَّا أَنْ يَتَجَاوَزَ اللَّهُ عَنْهَا‘‘۔ جب بندہ اسلام لے آتا ہے اور اس کا اسلام بہتر ہوتا ہے، تو اللہ اس کے ہر گناہ جو اس نے پہلے کیا تھا مٹا دیتا ہے، اس کے بعد بدلہ ہے: ایک نیکی کا اسی کے مثل دس سے لے کر سات سو گنا تک، اور برائی کا اسی کے مثل الا یہ کہ اللہ اسے معاف کردے۔ (صحیح بخاری: ۴۱۔ معلقا، سنن النسائی: ۴۹۹۸)

باب: ایمان کا بیان

ہمارا ایمان ہے کہ دین کا دوسرا مرتبہ ایمان ہے۔ اس سے پہلےحدیث جبرئیل میں یہ بات آپ کو بتا دی گئی ہے کہ جبرئیل علیہ السلام نے آپ ﷺ سے ایمان کی بابت سوال کرتے ہوئے فرمایا: ’’فَأَخْبِرْنِي عَنِ الْإِيمَانِ، قَالَ:أَنْ تُؤْمِنَ بِاللهِ، وَمَلَائِكَتِهِ، وَكُتُبِهِ، وَرُسُلِهِ، وَالْيَوْمِ الْآخِرِ، وَ تُؤْمِنَ بِالْقَدَرِ خَيْرِهِ وَشَرِّهِ، قَالَ: صَدَقْتَ، قَالَ: ثُمَّ انْطَلَقَ فَلَبِثْتُ مَلِيًّا، ثُمَّ قَالَ لِي:يَا عُمَرُ أَتَدْرِي مَنِ السَّائِلُ؟قُلْتُ: اللهُ وَ رَسُولُهُ أَعْلَمُ، قَالَ: فَإِنَّهُ جِبْرِيلُ أَتَاكُمْ يُعَلِّمُكُمْ دِينَكُمْ‘‘۔ مجھے ایمان کے بارے میں بتاؤ؟ فرمایا :اللہ پر، اس کے فرشتوں پر، اس کی کتابوں پر، اس کے رسولوں پر اور یوم آخرت پر ایمان لانا اور اس بات پر بھی ایمان لانا کہ تقدیر اچھی ہے یا بری (ایمان کہلاتا ہے)، کہا آپ نے سچ کہا۔،،،،فرماتے ہیں: کہ پھر وہ چلا گیا تو میں کچھ دیر ٹھہرا پھر (آپﷺ ) نے مجھ سے پوچھا: کہ اے عمر ! تم کو معلوم ہے وہ سائل کون تھا ؟(فرماتے ہیں کہ) میں نے کہا: اللہ اور اس کے رسول زیادہ بہتر جانتے ہیں، فرمایا: وہ جبرئیل تھے جو تمہارے پاس تم کو تمہارا دین سکھانے آئے تھے۔ ( صحیح مسلم: ۸، سنن أبی داود: ۴۶۹۵، جامع الترمذي: ۲۶۱۰، سنن النسائي: ۴۹۹۰،سنن ابن ماجه: ۶۳).

ایمان کا ایک خصوصی معنی ہے اور دوسرا عمومی، خصوصی معنی تو گزشتہ روایت میں پیش کرتے ہو ئے نبی کریمﷺ نے فرمایا: ’’أَنْ تُؤْمِنَ بِاللهِ، وَمَلَائِكَتِهِ، وَكُتُبِهِ، وَرُسُلِهِ، وَالْيَوْمِ الْآخِرِ، وَتُؤْمِنَ بِالْقَدَرِ خَيْرِهِ وَشَرِّهِ‘‘۔ اللہ پر، اس کے فرشتوں پر، اس کی کتابوں پر، اس کے رسولوں پر اور یوم آخرت پر ایمان لانا اور اس بات پر بھی ایمان لانا کہ تقدیر اچھی ہے یا بری (ایمان کہلاتا ہے)۔ اور عمومی معنی یہ ہے کہ ’’ھو جامع لکل خیر شامل لأعمال القلوب والجوارح ‘‘ ایمان ہر خیر کا جامع اور قلبی و بدنی اعمال کو شامل ہے، جیسا کہ اللہ تعالیٰ نے فر مایا: {إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَى رَبِّهِمْ يَتَوَكَّلُونَ * ۔ "بس ایمان والے تو ایسے ہوتے ہیں کہ جب اللہ تعالیٰ کا ذکر آتا ہے تو ان کے قلوب ڈر جاتے ہیں اور جب اللہ کی آیتیں ان کو پڑھ کر سنائی جاتیں ہیں تو وہ آیتیں ان کے ایمان کو اور زیادہ کردیتی ہیں اور وہ لوگ اپنے رب پر توکل کرتے ہیں۔ الَّذِينَ يُقِيمُونَ الصَّلَاةَ وَمِمَّا رَزَقْنَاهُمْ يُنْفِقُونَ * جو کہ نماز کی پابندی کرتے ہیں اور ہم نے ان کو جو کچھ دیا ہے وہ اس میں سے خرچ کرتے ہیں۔ أُولَئِكَ هُمُ الْمُؤْمِنُونَ حَقًّا لَهُمْ دَرَجَاتٌ عِنْدَ رَبِّهِمْ وَمَغْفِرَةٌ وَرِزْقٌ كَرِيمٌ} سچے ایمان والے یہی لوگ ہیں ان کے بڑے درجے ہیں ان کے رب کے پاس اور مغفرت اور عزت کی روزی ہے"۔ [الأنفال: ۲-۴]

اللہ کے نبی ﷺ نے عبد القیس کے وفد کے لیے ظاہری شعائر کی وضاحت کی ہے۔ صحیح میں ابن عباس رضی اللہ عنہما سے روایت ہے وہ فرماتے ہیں کہ: ’’إِنَّ وَفْدَ عَبْدِ القَيْسِ لَمَّا أَتَوُا النَّبِيَّ صَلَّى اللهُ عَلَيْهِ وَسَلَّمَ قَالَ: مَنِ القَوْمُ؟ - أَوْ مَنِ الوَفْدُ؟ - قَالُوا: رَبِيعَةُ. قَالَ: مَرْحَبًا بِالقَوْمِ، أَوْ بِالوَفْدِ، غَيْرَ خَزَايَا وَلاَ نَدَامَى، فَقَالُوا: يَا رَسُولَ اللَّهِ إِنَّا لاَ نَسْتَطِيعُ أَنْ نَأْتِيكَ إِلَّا فِي الشَّهْرِ الحَرَامِ، وَبَيْنَنَا وَبَيْنَكَ هَذَا الحَيُّ مِنْ كُفَّارِ مُضَرَ، فَمُرْنَا بِأَمْرٍ فَصْلٍ، نُخْبِرْ بِهِ مَنْ وَرَاءَنَا، وَنَدْخُلْ بِهِ الجَنَّةَ، وَسَأَلُوهُ عَنِ الأَشْرِبَةِ: فَأَمَرَهُمْ بِأَرْبَعٍ، وَنَهَاهُمْ عَنْ أَرْبَعٍ، أَمَرَهُمْ: بِالإِيمَانِ بِاللَّهِ وَحْدَهُ، قَالَ: أَتَدْرُونَ مَا الإِيمَانُ بِاللَّهِ وَحْدَهُ، قَالُوا: اللَّهُ وَرَسُولُهُ أَعْلَمُ، قَالَ: شَهَادَةُ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ، وَإِقَامُ الصَّلاَةِ، وَإِيتَاءُ الزَّكَاةِ، وَصِيَامُ رَمَضَانَ، وَأَنْ تُعْطُوا مِنَ المَغْنَمِ الخُمُسَ وَنَهَاهُمْ عَنْ أَرْبَعٍ: عَنِ الحَنْتَمِ وَالدُّبَّاءِ وَالنَّقِيرِ وَالمُزَفَّتِ، وَرُبَّمَا قَالَ: المُقَيَّرِ وَقَالَ: احْفَظُوهُنَّ وَ أَخْبِرُوا بِهِنَّ مَنْ وَرَاءَكُمْ‘‘۔ عبد القیس کا وفد جب نبی ﷺکے پاس آیا تو آپ نے پوچھا کہ یہ کون سی قوم کے لوگ ہیں یا یہ وفد کہاں کا ہے؟ انہوں نے کہا کہ ربیعہ، آپ نے فرمایا خوش آمدید نہ ذلیل ہونے والے اور نہ شرمندہ ہونے والی قوم یا وفد کو، انہوں نے کہا کہ: اے اللہ کے رسول! ہم آپ کے پاس صرف حرمت والے مہینوں ہی میں آ سکتے ہیں کیونکہ ہمارے اور آپ کے درمیان کفار مضر کا یہ قبیلہ ہے، اس لئے آپ ہمیں ایسی بات بتا دیجئے کہ جس کی خبر ہم اپنے پچھلے لوگوں کو بھی کر دیں اور اس کے ذریعہ ہم جنت میں داخل ہو جائیں اور انہوں نے آپ سے پینے کے بارے میں بھی پوچھا، تو آپ نے ان کو چار باتوں کا حکم دیا اور چار سے منع کیا، ان کو حکم دیا کہ ایک اللہ پر ایمان لاؤ پھر آپ نے پوچھا کہ کیا تم جانتے ہو کہ ایک اللہ پر ایمان لانے کا مطلب کیا ہے؟ انہوں نے کہا کہ اللہ اور اس کے رسول ہی کو زیادہ معلوم ہے، آپ نے فرمایا کہ اس بات کی گواہی دینا کہ اللہ کے سوا کوئی مبعود برحق نہیں ہے اور محمد اللہ کے سچے رسول ہیں اور نماز قائم کرنا، زکوٰۃ ادا کرنا، رمضان کے روزے رکھنا اور مال غنیمت میں سے جو ملے اس کا پانچواں حصہ ( بیت المال میں) دینا اور چار چیزوں سے انہیں منع کیا، سبز گھڑے سے، کدو کے بنائے ہوئے برتن سے، کھجور کے تنے کو کھود کر بنائے ہوئے برتن سے، اور روغنی برتن سے۔ اور فرمایا: کہ ان باتوں کو یادکر لو اورجو پیچھے رہ گئے ہیں اور یہاں نہیں آئے ہیں انہیں بھی بتادو۔ (صحیح بخاری: ۵۳، صحیح مسلم: ۱۷، سنن أبی داود: ۳۶۹۲، جامع الترمذی: ۲۶۱۱، سنن النسائی: ۵۰۳۱)۔

امام بخاری رحمہ اللہ نے صحیح بخاری میں ایک باب قائم کیاہے’’بَابُ أُمُورِ الإِيمَانِ‘‘ ایمان کے کاموں کا بیان، اس کے تحت اللہ تعالیٰ کا یہ فرمان نقل کیا ہے: {لَيْسَ الْبِرَّ أَنْ تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ وَلَكِنَّ الْبِرَّ مَنْ آمَنَ بِاللَّهِ وَالْيَوْمِ الْآخِرِ وَالْمَلَائِكَةِ وَ الْكِتَابِ وَالنَّبِيِّينَ وَآتَى الْمَالَ عَلَى حُبِّهِ ذَوِي الْقُرْبَى وَالْيَتَامَى وَالْمَسَاكِينَ وَابْنَ السَّبِيلِ وَالسَّائِلِينَ وَفِي الرِّقَابِ وَأَقَامَ الصَّلَاةَ وَآتَى الزَّكَاةَ وَالْمُوفُونَ بِعَهْدِهِمْ إِذَا عَاهَدُوا وَالصَّابِرِينَ فِي الْبَأْسَاءِ وَالضَّرَّاءِ وَحِينَ الْبَأْسِ أُولَئِكَ الَّذِينَ صَدَقُوا وَ أُولَئِكَ هُمُ الْمُتَّقُونَ} "ساری اچھائی مشرق ومغرب کی طرف منھ کرنے میں ہی نہیں بلکہ حقیقتاً اچھا وہ شخص ہے جو اللہ تعالی پر، قیامت کے دن پر، فرشتوں پر، کتاب اللہ پر اور نبیوں پر ایمان رکھنے والا ہو، جو مال سے محبت کرنے کے باوجود قرابت داروں، یتیموں، مسکینوں، مسافروں اور سوال کرنے والے کو د ے، غلاموں کو آزاد کرے، نماز کی پابندی اور زکوٰۃ کی ادائیگی کرے، جب وعدہ کرے تب اسے پورا کرے، تنگدستی، دکھ درد اور لڑائی کے وقت صبر کرے، یہی سچے لوگ ہیں اور یہی پرہیزگار ہیں"۔ [البقرۃ: ۱۷۷]

اور ہمارا ایمان ہے کہ ایمان قول و عمل اور عقید ے کے مجموعے کا نام ہے، جیسا کہ اللہ کے رسول ﷺ نے فرمایا: ’’الْإِيمَانُ بِضْعٌ وَسَبْعُونَ - أَوْ بِضْعٌ وَسِتُّونَ - شُعْبَةً، فَأَفْضَلُهَا قَوْلُ لَا إِلَهَ إِلَّا اللهُ، وَأَدْنَاهَا إِمَاطَةُ الْأَذَى عَنِ الطَّرِيقِ، وَالْحَيَاءُ شُعْبَةٌ مِنَ الْإِيمَانِ‘‘۔ ایمان کی تہتر تا اناسی یا ترستٹھ تا انسٹھ شاخیں ہیں، ان میں سب سے افضل لا الہ الا اللہ کا اقرار کرنا، اور سب سے کم تر راستے سے تکلیف دہ چیز کو ہٹانا ہے، اور حیاء ایمان کا ایک شعبہ ہے۔ ( صحیح بخاری: ۹، صحیح مسلم: ۳۵ ، اور الفاظ مسلم کے ہیں، سنن أبی داود: ۴۶۷۶، جامع الترمذی: ۲۶۱۴، سنن النسائی: ۵۰۰۵ ، سنن ابن ماجہ: ۵۷)

اور ہمارا ایمان ہے کہ اہل ایمان کو ان کے اپنے اعمال کے حساب سے ایک دوسرے پر برتری اور فضیلت حاصل ہے، جیسا کہ ابو سعید خدری رضی اللہ عنہ سے مروی ہے کہ اللہ کے نبی ﷺ نے فرمایا: ’’يَدْخُلُ أَهْلُ الجَنَّةِ الجَنَّةَ، وَأَهْلُ النَّارِ النَّارَ، ثُمَّ يَقُولُ اللَّهُ تَعَالَى: أَخْرِجُوا مِنَ النَّارِ مَنْ كَانَ فِي قَلْبِهِ مِثْقَالُ حَبَّةٍ مِنْ خَرْدَلٍ مِنْ إِيمَانٍ. فَيُخْرَجُونَ مِنْهَا قَدِ اسْوَدُّوا، فَيُلْقَوْنَ فِي نَهَرِ الحَيَا، أَوِ الحَيَاةِ - شَكَّ مَالِكٌ - فَيَنْبُتُونَ كَمَا تَنْبُتُ الحِبَّةُ فِي جَانِبِ السَّيْلِ، أَلَمْ تَرَ أَنَّهَا تَخْرُجُ صَفْرَاءَ مُلْتَوِيَةً‘‘۔ جنتی جنت میں اور دوزخی دوزح میں داخل ہو جائیں گے، تو اللہ تعالیٰ کہے گا: اسے دوزخ سے نکال لو جس کے دل میں رائی کے برابر ایمان تھا۔ تو انہیں نکال لیا جا ئے گا اس حال میں کہ وہ سیاہ ہو چکے ہوں گے، پھر انہیں زندگی کے نہر میں ڈال دیا جائے گا، تو وہ اس طرح اگیں گے جیسے پانی کے بہاؤ کے کنارے دانے اگتے ہیں، کیا تم نے نہیں دیکھا کہ دانہ زردی مائل پیچ در پیچ نکلتا ہے؟ ! (صحیح بخاری: ۲۲، صحیح مسلم: ۱۸۴)

ابو امامہ بن سہل بن حنیف سے روایت ہے کہ انہوں نے ابو سعید خدری رضی اللہ عنہ کو کہتے ہو ئے سنا کہ اللہ کے رسول ﷺ نے فرمایا: ’’بَيْنَا أَنَا نَائِمٌ، رَأَيْتُ النَّاسَ يُعْرَضُونَ عَلَيَّ وَعَلَيْهِمْ قُمُصٌ، مِنْهَا مَا يَبْلُغُ الثُّدِيَّ، وَمِنْهَا مَا دُونَ ذَلِكَ، وَعُرِضَ عَلَيَّ عُمَرُ بْنُ الخَطَّابِ وَعَلَيْهِ قَمِيصٌ يَجُرُّهُ. قَالُوا: فَمَا أَوَّلْتَ ذَلِكَ يَا رَسُولَ اللَّهِ؟ قَالَ: الدِّينَ‘‘ میں سو رہا تھا کہ ( خواب میں) دیکھا کہ لوگ مجھ پر پیش کئے جارہے ہیں، اور ان پر قمیصیں ہیں، ان میں سے بعض کی قمیص چھاتی تک پہونچتی ہے، اور بعض کی اس سے کم، اور مجھ پر عمر بن خطاب پیش کئے گئے اس حال میں کہ ان پر ایسی قمیص تھی جسے وہ گھسیٹ (کر چل) رہے تھے، لوگوں نے کہا: کہ اے اللہ کے رسول ! آپ نے اس کی کیا تاویل کیا؟ فر مایا: دین۔ (صحیح بخاری: ۲۳،صحیح مسلم: ۲۳۹۰، جامع الترمذی: ۲۲۸۵ اور اس میں ہے: نبی کے بعض صحابۂ کرام سے، سنن النسائی: ۵۰۱۱ )

٭ ہم یہ مانتے ہیں کہ ایمان گھٹتا بڑھتا ہے، اطاعت و فرماں برداری سے بڑھتا ہے اور نا فرمانی سے گھٹتا ہے، جیسا کہ اللہ تعالیٰ نے فر مایا: {نَحْنُ نَقُصُّ عَلَيْكَ نَبَأَهُمْ بِالْحَقِّ إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى} "ہم ان کا صحیح واقعہ تیرے سامنے بیان فرما رہے ہیں، یہ چند نوجوان اپنے رب پر ایمان ﻻئے تھے اور ہم نے ان کی ہدایت میں ترقی دی تھی"۔ [الکھف: ۱۳] اور فرمایا: {وَيَزْدَادَ الَّذِينَ آمَنُوا إِيمَانًا } "اور اہل ایمان کے ایمان میں اضافہ ہو جائے"۔ [المدثر: ۳۱]

اور اللہ کے رسول ﷺ نے فرمایا: ’’يَخْرُجُ مِنَ النَّارِ مَنْ قَالَ لاَ إِلَهَ إِلَّا اللَّهُ، وَفِي قَلْبِهِ وَزْنُ شَعِيرَةٍ مِنْ خَيْرٍ، وَيَخْرُجُ مِنَ النَّارِ مَنْ قَالَ لاَ إِلَهَ إِلَّا اللَّهُ، وَفِي قَلْبِهِ وَزْنُ بُرَّةٍ مِنْ خَيْرٍ، وَيَخْرُجُ مِنَ النَّارِ مَنْ قَالَ لاَ إِلَهَ إِلَّا اللَّهُ، وَفِي قَلْبِهِ وَزْنُ ذَرَّةٍ مِنْ خَيْرٍ‘‘۔ لا الہ الا اللہ کہنے والا دوزخ سے نکلے گا اس حال میں کہ اس کے دل میں جو کے برابر خیر ہوگا، لا الہ الا اللہ کہنے والا دوزخ سے نکلے گا اس حال میں کہ اس کے دل میں گیہوں کے برابر خیر ہوگا اورلا الہ الا اللہ کہنے والا دوزخ سے نکلے گا اس حال میں کہ اس کے دل میں ذرہ برابر خیر ہوگا۔ (صحیح بخاری: ۴۴، صحیح مسلم: ۱۹۳، جامع الترمذی: ۲۵۹۳)

عمر بن عبد العزیز نے عدی بن عدی کو لکھا کہ: ’’إِنَّ لِلْإِيمَانِ فَرَائِضَ، وَشَرَائِعَ، وَحُدُودًا، وَسُنَنًا، فَمَنِ اسْتَكْمَلَهَا اسْتَكْمَلَ الإِيمَانَ، وَمَنْ لَمْ يَسْتَكْمِلْهَا لَمْ يَسْتَكْمِلِ الإِيمَانَ، فَإِنْ أَعِشْ فَسَأُبَيِّنُهَا لَكُمْ حَتَّى تَعْمَلُوا بِهَا، وَإِنْ أَمُتْ فَمَا أَنَا عَلَى صُحْبَتِكُمْ بِحَرِيصٍ‘‘۔ ایمان کے کچھ فرائض، ضابطے، حدود اور سنتیں ہیں، جس نے انہیں مکمل کیا اس نے ایمان مکمل کیا، اور جس نے انہیں مکمل نہیں کیا اس نے ایمان مکمل نہیں کیا، اگر میں زندہ رہا تو تمہارے سامنے اس کی وضاحت کر دوں گا تا کہ تم سب اس پر عمل کر سکو، اور اگر مر گیا تو (جان لو ) کہ میں تمہاری صحبت پر حریص نہیں ہوں۔ (صحیح بخاری تعلیق کے ساتھ: ۱۰/۱، مصنف ابن أبی شیبہ: ۳۱۰۸۴، كتاب الإيمان لابن أبی شیبہ: ۱۳۵، السنۃ لأبی بکر ابن الخلال: ۱۱۶۲، ۱۵۵۳، الإبانة الكبرى لابن بطہ: ۱۱۶۲، شرح أصول اعتقاد أهل السنة للالكائي: ۱۵۷۲)۔

معمر، سفیان ثوری، مالک بن انس، ابن جریج اور سفیان بن عیینہ فر ماتے ہیں: ’’الْإِيمَانُ قَوْلٌ وَعَمَلٌ يَزِيدُ وَيَنْقُصُ‘‘۔ ایمان قول وعمل کا نام ہے اور یہ گھٹتا اور بڑھتا رہتاہے۔ (الإبانۃ الکبری لإبن بطۃ: ۲/۸۰۶، الشریعۃ للآجری: ۲/۶۰۶)

حافظ ابو بکر عبد اللہ بن زبیر الحُمیدی فرماتے ہیں: ایمان قول و عمل کا نام ہے، جوکہ گھٹتا بڑھتا ہے، بلا عمل کوئی قول نفع بخش نہیں ہوگا، اور کو ئی بھی قول و عمل بغیر نیت کے نفع بخش نہیں ہوگا، اور کوئی بھی قول و عمل اور نیت بغیر سنت کے نفع بخش نہیں۔ (أصول السنۃ للحمیدی: ص: ۳۷)

اور خلال فرماتے ہیں: مجھے عبد الملک المیمون نے بتایا کہ مجھے یعلى بن عبید نے ساٹھ سال سے زیادہ پہلے یہ بات کہی تھی ’’الْإِيمَانُ قَوْلٌ وَعَمَلٌ، وَإِنَّ الَّذِي يَصُومُ وَيُصَلِّي وَيَفْعَلُ الصَّالِحَاتِ أَكْثَرُ إِيمَانًا مِنَ الَّذِي يَسْرِقُ وَيَزْنِي‘‘۔ ایمان قول و عمل کا نام ہے، جو روزہ رکھتا ہے، نماز پڑھتا ہے اور نیکیاں کرتا ہے اس کا ایمان اس کے بالمقابل زیادہ ہے جو چوری کرتا ہے اور زنا کرتا ہے۔ (السنۃ لأبی بکر إبن الخلال: ۳/۵۹۰)

اور ابن ابی حاتم فر ماتے ہیں: ’’سألت أبي وأبا زرعة عن مذاهب أهل السنة في أصول الدين، وما أدركا عليه العلماء في جميع الأمصار، و ما يعتقدان من ذلك، فقالا: أدركنا العلماء في جميع الأنصار حجازاً وعراقاً وشاماً ويمناً فكان من مذهبهم: الإيمان قول وعمل، يزيد و ينقص‘‘۔ میں نے اپنے والد سے اور ابو زرعہ سے اصول دین میں اہل السنہ کے مذاہب کے بارے میں سوال کیا اور اس کے بارے میں بھی پوچھا جس پر ان دونوں نے دیگر ممالک میں علماء کو پایا اوراس سلسلے میں ان دونوں کے اعتقاد کے بارے میں بھی۔ تو دونوں نے کہا: کہ ہم نے تمام ممالک میں مثلا حجاز، عراق، شام اور یمن میں جن علماء کو پایا ان کا مذہب تھا: ایمان قول وعمل کا نام ہے، اور یہ گھٹتا بڑھتا ہے۔ (شرح أصول اعتقاد أہل السنۃ و الجماعۃ: ۱۹۸/۱، عقیدۃ السلف -مقدمۃ أبی زید القیروانی لکتابہ الرسالۃ: ص: ۲۹)۔

امام لالکائی فر ماتے ہیں کہ: ’’الإيمان قول وعمل‘‘ ایمان قول وعمل کا نام ہے۔ اور یہی بات کئی فقہاء نے کہا ہے: جیسے مالک بن انس ، عبد العزیز بن أبو سلمہ الماجشون ، لیث بن سعد ، اوزاعی ، سعید بن عبد العزیز ، ابن جریج ، سفیان بن عیینہ ، فضیل بن عیاض ، نافع بن عمر الجمحی ، محمد بن مسلم الطائفی ، محمد بن عبد اللہ بن عمرو بن عثمان بن عفان ، المثنی بن الصباح ، الشافعی ، عبد اللہ بن الزبیر الحمیدی ، ابو ابراہیم المزنی، سفیان ثوری ، شریک ، ابو بکر بن عیاش ، وکیع ، حماد بن سلمہ ، حماد بن زید ، یحیی بن سعید القطان ، عبد اللہ بن المبارک ، ابو اسحاق الفزاری ، النضر بن محمد المروزی ، النضر بن شمیل ، أحمد بن حنبل ، اسحاق بن راہویہ ، ابو ثور اور ابو عبید۔ (شرح أصول إعتقاد أہل السنۃ والجماعۃ للإمام اللکائی: ۹۱۳/۴)

ابو عبد اللہ ابن أبی زمنین نے اپنی کتاب ’’أصول السنۃ‘‘ میں فرمایا: باب اس بات کا کہ ایمان قول و عمل پر مشتمل ہے: اہل سنت کے نزدیک: ایمان دلوں میں اللہ تعالیٰ کے لیے اخلاص، زبان سے گواہی دینا اور اعضاء و جوارح کے ذریعہ نیک نیتی کے ساتھ اور سنت کے مطابق عمل کرنا ہے " (أصول السنۃ: ص: ۲۰۷)۔

باب: احسان کا بیان

٭ ہمارا ایمان ہے کہ دین کا تیسرا مرتبہ احسان ہے۔ جیسا کہ اللہ کے رسول ﷺ نے جبرائیل علیہ السلام کے جواب میں فرمایا، جس وقت انہوں نے آپ سے سوال کیا کہ مجھے احسان کے بارے میں بتاؤ، تو آپ ﷺ نے فرمایا: ’’اللہ کی عبادت اس طرح کرو گویا تم اسے دیکھ رہے ہو، اگر تم اسے نہیں دیکھ سکتے تو وہ تمہیں دیکھ رہا ہے۔ ۔ ۔‘‘۔ عمر رضی اللہ عنہ نے کہا: پھر وہ چلا گیا، میں نے تھوڑی دیر انتظار کیا، اس کے بعد رسول اللہ ﷺ نے مجھ سے فرمایا: "اے عمر، کیا تم جانتے ہو کہ سوال کرنے والا کون تھا؟" میں نے کہا: اللہ اور اس کے رسول بہتر جانتے ہیں۔ آپ صلی اللہ علیہ وسلم نے فرمایا: ”وہ جبرائیل تھے، وہ تمہیں تمہارا دین سکھانے آئے تھے۔ ( صحیح مسلم : ۸، سنن أبو داود: ۴۶۹۵، جامع الترمذي: ۲۶۱۰، سنن النسائي: ۴۹۹۰، سنن ابن ماجه: ۶۳)

اللہ تعالی نے فرمایا جو اس دین پر ہیں وہی حق پر ہیں گرچہ ان کا درجہ و مرتبہ الگ الگ ہے لیکن ان کا ٹھکانہ جنت ہے خواہ اہل اسلام ہوں، یا اہل ایمان ہوں، یا اہل احسان ہوں، سب کا ٹھکانہ جنت ہے، جیسا کہ اللہ عز وجل نے فرمایا: {وَالَّذِي أَوْحَيْنَا إِلَيْكَ مِنَ الْكِتَابِ هُوَ الْحَقُّ مُصَدِّقًا لِمَا بَيْنَ يَدَيْهِ إِنَّ اللَّهَ بِعِبَادِهِ لَخَبِيرٌ بَصِيرٌ *۔ "اور یہ کتاب جو ہم نے آپ کے پاس وحی کے طور پر بھیجی ہے یہ بالکل ٹھیک ہے جو کہ اپنے سے پہلی کتابوں کی بھی تصدیق کرتی ہے۔ اللہ تعالیٰ اپنے بندوں کی پوری خبر رکھنے والا خوب دیکھنے والا ہے۔ ثُمَّ أَوْرَثْنَا الْكِتَابَ الَّذِينَ اصْطَفَيْنَا مِنْ عِبَادِنَا فَمِنْهُمْ ظَالِمٌ لِنَفْسِهِ وَمِنْهُمْ مُقْتَصِدٌ وَمِنْهُمْ سَابِقٌ بِالْخَيْرَاتِ بِإِذْنِ اللَّهِ ذَلِكَ هُوَ الْفَضْلُ الْكَبِيرُ*۔ پھر ہم نے ان لوگوں کو (اس) کتاب کا وارث بنایا جن کو ہم نے اپنے بندوں میں سے پسند فرمایا پھر بعضے تو ان میں اپنی جانوں پرظلم کرنے والے ہیں اور بعضے ان میں متوسط درجے کے ہیں اور بعضے ان میں اللہ کی توفیق سے نیکیوں میں ترقی کئے چلے جاتے ہیں، یہ بڑا فضل ہے۔ جَنَّاتُ عَدْنٍ يَدْخُلُونَهَا يُحَلَّوْنَ فِيهَا مِنْ أَسَاوِرَ مِنْ ذَهَبٍ وَلُؤْلُؤًا وَلِبَاسُهُمْ فِيهَا حَرِيرٌ*۔ باغات ہمیشہ رہنے کے جن میں یہ لوگ داخل ہوں گے سونے کے کنگن اور موتی پہنائے جاویں گے اور پوشاک ان کی وہاں ریشم کی ہوگی۔ وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ إِنَّ رَبَّنَا لَغَفُورٌ شَكُورٌ } اور کہیں گے کہ تمام تعریفات اللہ کے لئے ہے جس نے ہم سے غم دور کیا، بےشک ہمارا رب بڑا بخشنے والا بڑا قدردان ہے"۔ [فاطر: ۳۱-۳۴]

باب: سنت کو لازم پکڑنے اور اس پر قائم رہنے کا حكم

سنت کو لا زم پکڑنے، اس پر چلنے، اس کی مخالفت نہ کرنے اور اختلاف و انتشار سے بچنے کی بے شمار دلیلیں قرآن و حدیث میں تواتر سے آئی ہیں۔ اللہ تعالی نے فر مایا: {لَقَدْ كَانَ لَكُمْ فِيْ رَسُوْلِ اللّٰهِ اُسْوَةٌ حَسَنَةٌ لِّمَنْ كَانَ يَرْجُوا اللّٰهَ وَالْيَوْمَ الْاٰخِرَ وَذَكَرَ اللّٰهَ كَثِيْرًا} "یقیناً تمہارے لئے رسول اللہ میں عمدہ نمونہ (موجود) ہے، ہر اس شخص کے لئے جو اللہ تعالیٰ اور قیامت کے دن کی توقع رکھتا ہے اور بکثرت اللہ تعالیٰ کی یاد کرتا ہے"۔ [الأحزاب: ۲۱] اور اللہ تعالیٰ نے فر مایا: {إِنَّ الَّذِينَ فَرَّقُوا دِينَهُمْ وَكَانُوا شِيَعًا لَسْتَ مِنْهُمْ فِي شَيْءٍ} "بے شک جن لوگوں نے اپنے دین کو جدا جدا کردیا اور گروہ گروہ بن گئے، آپ کا ان سے کوئی تعلق نہیں"۔ [الأنعام: ۱۵۹] اور اللہ تعالیٰ نے فر مایا: {شَرَعَ لَكُمْ مِنَ الدِّينِ مَا وَصَّى بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَى وَعِيسَى أَنْ أَقِيمُوا الدِّينَ وَلَا تَتَفَرَّقُوا فِيهِ} "اللہ تعالیٰ نے تمہارے لئے وہی دین مقرر کردیا ہے جس کے قائم کرنے کا اس نے نوح (علیہ السلام) کو حکم دیا تھا اور جو (بذریعہ وحی) ہم نے تیری طرف بھیج دی ہے، اور جس کا تاکیدی حکم ہم نے ابراہیم اور موسیٰ اور عیسیٰ (علیہم السلام) کو دیا تھا کہ اس دین کو قائم رکھنا اور اس میں پھوٹ نہ ڈالنا"۔ [الشوری: ۱۳]

جابر بن عبد اللہ رضی اللہ عنہما سے روایت ہے، وہ کہتے ہیں کہ اللہ کے رسول ﷺ نے فرمایا: ’’أَمَّا بَعْدُ، فَإِنَّ خَيْرَ الْحَدِيثِ كِتَابُ اللهِ، وَخَيْرُ الْهُدَى هُدَى مُحَمَّدٍ، وَشَرُّ الْأُمُورِ مُحْدَثَاتُهَا، وَكُلُّ بِدْعَةٍ ضَلَالَةٌ‘‘۔ اما بعد ! سب سے بہتر بات اللہ کی کتاب ہے، اور سب سے بہتر ہدایت محمد کی ہدایت ہے، اور سارے امور میں سب سے بُری نئی چیز کا ایجاد کرنا ہے، اور ہر بدعت گمراہی ہے۔ (صحیح مسلم: ۸۶۷، سنن النسائی: ۱۵۷۸، سنن أبی داود: ۲۹۵۴، سنن ابن ماجہ: ۴۵)

ابوہریرہ رضی اللہ عنہ سے روایت ہے کہ رسول اللہ ﷺ نے فرمایا: میری امت کے سب لوگ جنت میں جائیں گے، ماسوا ان کے جنھوں نے انکار کیا۔ پوچھا گیا کہ یا رسول اللہ! انکار کرنے والے کون ہوں گے؟ آپ ﷺ نے فرمایا: جس نے میری اطاعت کی، وہ جنت میں جائے گا اور جس نے میری نافرمانی کی، اس نے انکار کیا۔ (صحیح بخاری: ۷۲۸۰)

اور عرباض بن ساریہ رضی اللہ عنہ سے روایت ہے، وہ کہتے ہیں کہ: ’’وَعَظَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمًا بَعْدَ صَلَاةِ الغَدَاةِ مَوْعِظَةً بَلِيغَةً ذَرَفَتْ مِنْهَا العُيُونُ وَوَجِلَتْ مِنْهَا القُلُوبُ، فَقَالَ رَجُلٌ: إِنَّ هَذِهِ مَوْعِظَةُ مُوَدِّعٍ فَمَاذَا تَعْهَدُ إِلَيْنَا يَا رَسُولَ اللَّهِ؟ قَالَ: أُوصِيكُمْ بِتَقْوَى اللَّهِ وَالسَّمْعِ وَ الطَّاعَةِ ، وَإِنْ عَبْدٌ حَبَشِيٌّ، فَإِنَّهُ مَنْ يَعِشْ مِنْكُمْ يَرَى اخْتِلَافًا كَثِيرًا، وَإِيَّاكُمْ وَمُحْدَثَاتِ الأُمُورِ فَإِنَّهَا ضَلَالَةٌ فَمَنْ أَدْرَكَ ذَلِكَ مِنْكُمْ فَعَلَيْهِ بِسُنَّتِي وَسُنَّةِ الخُلَفَاءِ الرَّاشِدِينَ المَهْدِيِّينَ، عَضُّوا عَلَيْهَا بِالنَّوَاجِذِ‘‘۔ ہمیں اللہ کے رسول ﷺ نے صبح کی نماز کے بعد ایک ایسی بلیغ نصیحت کی کہ آنکھیں بہہ پڑیں اوردل دہل گئے تو ایک آدمی نے کہا کہ اے اللہ کے رسول ! (لگتا ہے) یہ الوداعی نصیحت ہے لہذا آپ ہمیں کیا نصیحت کرتے ہیں؟ فرمایا: میں تمہیں اللہ سے ڈرنے اور سمع و طاعت کی وصیت کرتا ہوں خواہ وہ حبشی غلام ہی کیوں نہ ہو، تم میں سے جو زندہ رہے گا وہ بہت زیادہ اختلاف دیکھے گا، اپنے آپ کونئے نئے امور سے بچاؤ کیوں کہ وہ گمراہی ہے، تم میں سے جو اس زمانے کو پا ئے اس پر میری اور ہدایت یافتہ خلفائے راشدین کی سنت کا پکڑنا لازم ہے، اسے تم سب ڈاڑھوں سے پکڑ لینا۔ (سنن أبی داود: ۴۶۰۷، جامع الترمذی: ۲۶۷۶، سنن ابن ماجہ: ۴۲، مسند أحمد: ۱۷۴۱۶، سنن الدارمی: ۹۶، اور اسے امام ترمذی نے صحیح کہا ہے۔)

امام بخاری رحمہ اللہ نے اپنی صحیح میں’’کتاب الإعتصام بالکتاب والسنۃ ‘‘ کے اندر فرمایا ہے: ’’باب الإقتداء بسنن رسول اللہ ﷺ ‘‘ یعنی اللہ کے رسول ﷺ کی سنتوں کی اقتداء کا بیان۔ اور اللہ تعالیٰ نے فرمایا { وَاجْعَلْنَا لِلْمُتَّقِينَ إِمَامًا} اورہمیں پرہیزگاروں کا پیشوا بنا۔(الفرقان :۷۴) یعنی ہمیں ایسا امام بنا دے کہ ہم اپنے سے پہلے والوں کی اقتداء کریں اور ہمارے بعد والے ہماری پیروی کریں۔ اور ابن عون فر ماتے ہیں: ’’ ثَلَاثٌ أُحِبُّهُنَّ لِنَفْسِي وَلِإِخْوَانِي هَذِهِ السُّنَّةُ أَنْ يَتَعَلَّمُوهَا وَيَسْأَلُوا عَنْهَا وَالْقُرْآنُ أَنْ يَتَفَهَّمُوهُ وَيَسْأَلُوا عَنْهُ وَيَدَعُوا النَّاسَ إِلَّا مِنْ خَيْرٍ‘‘۔ تین چیزیں ایسی ہیں جنہیں میں اپنے اور اپنے بھائیوں کے لئے پسند کرتا ہوں: (۱) یہی سنت ہے کہ لوگ اسے سیکھیں اور اس کے بارے میں پوچھیں (۲) قرآن ہے کہ اسے سمجھیں اور اس کے بارے میں پوچھیں (۳) اور لوگوں سے صرف بھلائی کا رابطہ رکھیں۔ (صحيح البخاري (8/ 139).)

کتاب: ایمان باللہ کے بیان میں

کتاب مذکور کا خلاصہ

ہمارا ایمان ہے کہ اللہ ہی سب سے پہلے ہے، اس کے پہلے کوئی چیز نہیں اور اللہ ہی سب سے آخر ہے، اس کے بعد کو ئی چیز نہیں، اور اللہ تعالى نے ہم سے اپنا تعارف اس طور پر کرایا کہ وہ آسمان اور زمین کا خالق ہے، وہی آسمان اور زمین کا حقیقی مالک ہے، وہی رات کو دن میں اور دن کو رات میں داخل کرتا ہے، یہ موجودہ کائنات اس بات پر گواہ ہے کہ اس کائنات کا موجد اور خالق وہی اکیلا اللہ ہے، اس کے علاوہ کو ئی اور اس کا خالق نہیں ہے۔

اور اللہ تعالى نے ایسى نشانیاں بھی ذکر کر دیں جو اس بات پر دلالت کرتی ہیں کہ اس کا ئنات کا موجد اور خالق وہی اللہ ہے اور دلیلیں اتنی زیادہ ہیں کہ ان کا احاطہ کرنا نا ممکن ہے اور اللہ تعالیٰ نے ہم پر اسی چیز کے ذریعہ حجت قائم کیا ہے جو ہم اپنے دل میں محسوس کرتے ہیں اور جو ہم اپنے ارد گرد دیکھتے ہیں۔

ہمارا ان تمام چیزوں پر ایمان ہے جن پر انبیاء ورسل کا ایمان تھا اور اللہ سبحانہ و تعالیٰ کے وجود پر دلالت کرنے والی ان تمام دلیلوں پر ہمارا یقین ہے جو انبیاء ورسل لے کر آئے۔

ہمارا ایمان ہے کہ اللہ ہی خالق ہے اور اس نے اپنی مخلوق میں سے کسی کو بھی بے کار پیدا نہیں کیا اور اس کی تخلیق اتفاق کا نتیجہ نہیں ہے بلکہ یہ ایک عظیم مقصد کے لئے ایک عمدہ تخلیق ہے۔

اس کے علاوہ اللہ تعالیٰ کے وجود اور اس کی ربوبیت پر دلالت کرنے والی اور بھی بہت سے بے شمار دلائل و شواہد قرآن مجید میں موجود ہیں اور یہ ساری دلیلیں عقلی ہیں اور نہایت عظیم براہین ہیں، اگر کوئی ان کی طرح یا ان سے ملتی جلتی کوئی اور دلیل لانا چاہے تو نہیں لا سکتا اور یہ ساری دلیلں اپنے تنوع کے باوجود تمام مخلوقات کے موافق ہیں اوران پرحجت قائم کرنے کے لئے کافی ہیں، گرچہ کافر اس کا انکار کریں اورباطل پرست انہیں نا پسند کریں، در اصل کافروں کے پاس سوائے انکار کے کوئی اور دلیل ہی نہیں ہے۔

ہمارا ایمان ہے کہ اپنی ربوبیت میں اللہ ایک ہے، وہی اکیلا خالق ہے، اسی نے تخلیق کی ابتداء کیا اور اس کی تخلیق میں اس کا کوئی شریک نہیں ہے، اللہ تعالیٰ اپنے حکم سے جو چاہتا ہے پیدا کرتا ہے، اور اسی کے ساتھ حسب منشا اسباب پیدا کرتا ہے، اس کے علاوہ تمام چیزیں مخلوق ہیں۔

ہمارا ایمان ہے کہ اللہ ہی ہر چیز کا رب، خالق اور مدبر ہے، وہی اس کا خالق اور مالک ہے، وہی اس میں تصرف کرنے والا ہے، کوئى مخلوق نہ تو اپنے نفس کى تدبیر کا اور نہ ہی اپنے سوا کسى اور کے تدبیر کا مالک ہے سوائے اتنا جتنا اللہ اس کو قوت وطاقت دے۔

ہمارا ایمان ہے کہ وہی حقیقی مالک ہے، اس کے علاوہ سب مملوک ہیں، اس کے علاوہ ہر بادشاہ کی ملکیت باطل ہے یا مؤقت اور زائل ہونے والی ہے۔

ہمارا ایمان ہے کہ اکیلا اللہ ہی زندہ کرنے اور مارنے والا ہے، اسی نے موت و حیات کو پیدا کیا، اور وہی لوگوں کو موت سے دوچار کرتا ہے۔

ہمارا ایمان ہے کہ وہی رزاق اور قوت وطاقت والا اور بہت زور آزور ہے، اس کے علاوہ کو ئی روزی رساں نہیں ہے اور نہ اس کے علاوہ کو ئی کفایت کرنے والا ہے۔ ہمارا ایمان ہے کہ اللہ تعالیٰ نے علمی اعتبار سے ہر چیز کا احاطہ کر رکھا ہے، چھوٹی ہو یا بڑی ہر چیز کا جاننے والا ہے، وہی غیب اور شہادت کا جاننے والا ہے۔

ہمارا ایمان ہے کہ اس نے غلبہ اور حکم کے اعتبار سے ہر چیز کو مقہور کر رکھا ہے۔

ہمارا ایمان ہے کہ اللہ جل شانہ ہی کے لئے پیدا کرنا اور حکم دینا ہے، اس کے علاوہ کو ئی رب نہیں ہے، اس کے علاوہ شریعت سازی کا حق دارکوئی نہیں ہے، وہی شریعت سازی کرتا ہے، فرائض سے روشناس کراتا ہے، دین کی وضاحت کرتا ہے، وہی اللہ ساری مخلوق کا خالق ہے، اسی نے ان کے لئے احکام مرتب کیا ہے، وہی ان کا مالک ہے اور وہی اکیلا ان کے حساب و کتاب پر قادر اور مستحق ہے۔

ہمارا ایمان ہے کہ اللہ تعالیٰ بندوں کا بھی خالق ہے اور بندوں کے افعال کا بھی خالق ہے۔

ہمارا ایمان ہے کہ مومن ہونے کے لئے انسان کا صرف توحید ربوبیت پر ایمان لے آنا کافی نہیں ہے، توحید ربوبیت صرف جنت میں داخلہ نہیں دلا سکتا بلکہ اللہ کے حقیقی معبود ہونے پر ایمان لانا ضروری ہے یعنی صرف اللہ کی عبادت کی جائے اور اس کے علاوہ کسی اور کی عبادت نہ کی جائے۔

ہمارا ایمان ہے کہ اللہ اپنی الوہیت میں بھی یکتا اور اکیلا ہے، اس کے سوا کو ئی معبود نہیں، وہ تنہا ہے، اس کا کو ئی شریک نہیں، وہی حق ہے، اس کے علاوہ جسے لوگ پکارتے ہیں وہ سب باطل ہیں، یہ بہت بڑا امر ہے اور اسی لئے اللہ تعالیٰ نے کتابیں نازل کی، رسولوں کو مبعوث کیا، جنت اور جہنم پیدا کیا، اس پر تمام جمہور علماء کا اتفاق ہے اور فطرت سلیمہ بھی اسی پر دلالت کرتی ہے، عقل سلیمہ نے اسی کی گواہی دی ہے، ہمیں پور ے وثوق اور اعتماد کے ساتھ معلوم ہے کہ تمام انبیاء کے دعوت کی بنیاد یہی توحید ہوا کرتی تھی، سارے نبیوں نے اپنی امت کو یہی دعوت دیا کہ اللہ کی عبادت کرو، اس کے سوا کسی اور کی عبادت نہ کرو۔

اور یہ بات یاد رہے کہ وہی عبادت حقیقی عبادت ہوگی جو اللہ رب العالمین کے لئے ہو اور جو نبی اکرم ﷺ کی سنت کے موافق ہو؛ کیوں کہ اللہ کے علاوہ ہر معبود کی عبادت باطل ہے۔

یعنی تنہا اللہ کے لئے الوہیت کو ثابت کرنا اور اس کے علاوہ کی عبادت کا انکار کرنا ہی دین الہی کی مضبوط بنیاد اور رکن رکین ہے، یہی دین کا محور و مرکز اور دعوت انبیاء کی اساس ہے، اورتوحید الوہیت کا معنى ہے: خالق کو مخلوق کے تمام اعمال کے ساتھ خاص کرنا یعنى ان اعمال کو صرف اللہ کے لئے بجا لانا۔

قرآن مجید میں توحید ربوبیت پر دلالت کرنے والی بہت ساری آیتیں ہیں جنہیں اللہ تعالیٰ بندوں پر بطور دلیل پیش کرتا ہے، اور یہ اس کى یہ ربوبیت اس کی عبادت یعنی توحید الوہیت کوبھی مستلزم ہے۔

ہمارا ایمان ہے کہ اللہِ واحد ہی کائنات کی تمام بڑی بڑی نشانیوں کا خالق ہے اور جب اس کے علاوہ کوئی اور خالق نہیں ہے تو اس کے علاوہ کوئی اور عبادت کے لائق بھی نہیں ہے۔

اللہ تعالیٰ نے توحید الوہیت کے سلسلے میں ساری دلیلیں مختلف انداز میں پیش کی ہیں تاکہ ان کے ذریعہ حجت قائم ہوجائے اور راستہ مکمل واضح ہوجائے اور پھرلوگوں کے لئے اللہ کے خلاف کوئی حجت باقی نہ رہے۔

اللہ کی الوہیت کا اقرار اور ساتھ ہی رسول صلی اللہ علیہ وسلم کی رسالت کا اقرار ہی وہ عمل ہے جسے اللہ نے ایمان اور کفر کے درمیان حد فاصل قرار دیا ہے۔

اللہ پر ایمان لانے کے ساتھ طاغوت کا انکار ، شرک اور اہل شرک سے براءت کا اظہار بھی ضروری ہے۔

اور ایمان کا دل میں ہونا کافی نہیں ہے بلکہ زبان سے اس کا اقرار کرنا بھی ضروری ہے نیزاعضاء وجوارح سے عمل کے بغیر ایمان ثابت نہیں ہوگا، دل میں موجود ایمان میں کمی و زیادتی ہوتی ہے۔

ایمان کے سلسلےمیں بندے کا اللہ رب العالمین کے لئے مخلص ہونا ضروری ہے، یعنی بند ے کو پورا یقین ہو، کسی بھی قسم کا کوئی شبہ نہ ہو، اس کا ایمان علم، اخلاص، قبول، فرماں برداری، اطاعت وتسلیم اور قولی و فعلی ہر اعتبار سے سچائی پر مشتمل ہو، ساتھ ساتھ اس دین سے، اس دین کے قوانین سے، اس دین کے لانے والے اور اس دین کی اتباع کرنے والوں سے محبت ہو۔

جس طرح اللہ تعالیٰ نے ایمان کی حقیقت، اس کا تقاضا اور اس کے ارکان اور شروط کی وضاحت کردی ہے اسی طرح مشرکین کے شبہے کا ازالہ بھی کردیا ہے اوربتا دیا ہے کہ ان کے پاس ان کے شرکیہ اعمال کےلئے کوئی حجت نہیں ہے کیوں کہ یہ جنہیں اللہ کا شریک ٹھہراتے ہیں وہ سب مخلوق ہیں، وہ کچھ پیدا نہیں کر سکتے بلکہ وہ تو خود پیدا کئے گئے ہیں، وہ آسمان اور زمین میں ذرہ برابر کسی بھی چیز کے مالک نہیں ہیں۔

اللہ تعالیٰ نے واضـح کردیا ہے کہ یہ شرکاء جن کی اللہ کے علاوہ عبادت کی جاتی ہے وہ کسی پکارنے والے کی پکار نہیں سن سکتے اور اگر وہ سن بھی لیں تو جواب نہیں دے سکتے، بروزِ قیامت یہ شرکاء ان کے شرک کا انکار اور ان سے براءت کا اظہار کریں گے۔

اسی طرح اللہ تعالیٰ نے یہ بھی واضـح کردیا ہے کہ یہ شرکاء جن کی اللہ کے علاوہ عبادت کی جاتی ہے وہ نفع و نقصان سے دو چار نہیں کر سکتے ہیں تو جب ان معبودانِ باطلہ کی یہ کیفیت ہے، تو وہ اللہ کے علاوہ عبادت کے لا ئق کیسے ہو ئے؟!

اللہ تعالیٰ نے فرشتوں کی عبادت کو باطل قرار دے کر یہ بتا دیا کہ اللہ کے اتنا قریب ہونے کے باوجود فرشتے بھی اللہ کی اجازت کے بغیر شفاعت نہیں کر سکتے، تو جب فرشتوں کی یہ حالت ہے تو جن کی عبادت اللہ کے علاوہ کی جاتی ہے وہ عبادت کے لا ئق کیسے ہو ں گے؟!

اسی طرح انبیاء ورسل بھی جن کا مقام دنیا و آخرت میں کافی بلند ہے لیکن اس کے باوجود وہ اپنے ہی نفع و نقصان کے مالک نہیں ہیں، تو وہ شخص کیسے ہوگا جو ان سے بھی مرتبہ میں کم ہے؟ !

ہمارا ایمان ہے کہ اللہ اپنی صفات و کمالات اور اپنی جلالت میں یکتا اور اکیلا ہے، اللہ تعالیٰ ہی کے لئے اچھے اچھے نام اور بہترین صفات ہیں، عقل کاملہ اس بات پر شاہد ہے اور فطرت سلیمہ اسے قبول کرتی ہے اور تمام علماءِ امت کا اس بات پر اجماع بھی ہے، بلکہ تمام رسالات الہیہ میں اللہ کی صفات، اسماء اور اس کے افعال کی وضاحت وبیان موجود ہے، اللہ تعالیٰ نے مشرکین کے بنے بنا ئے معبودوں کی عیب جوئی کرتے ہوئے فرمایا کہ وہ نہ ہی سن سکتے ہیں اور نہ ہی دیکھ سکتے ہیں۔

ہمارا ایمان ہے کہ اللہ تعالیٰ اسی طرح ہے جس طرح اس نےاور اس کے رسولﷺ نے بیان کیا ہے، بلکہ بندوں کے بیان سے اللہ کی ذات کہیں زیادہ فائق و برتر ہے، اس کے مثل کوئی چیز نہیں ہے، وہ سننے اور دیکھنے والا ہے، اس لئے ہم اللہ کے لئے وہی ثابت کرتے ہیں جو اس نے اپنے تئیں اور اس کے رسول ﷺ نے اس کے تئیں بیان کیا ہے، ہم ان تمام کا انکار کرتے ہیں جن کا انکار خود اللہ نے اپنے تئیں اور اس کے رسول نےاس کے تئیں کیا ہے، اور اس نفی واثبات کو ہم تعطیل، تمثیل، تکییف اور تحریف سے پرے رکھتے ہیں۔

ہمیں یقینی طورپر یہ معلوم ہے کہ مخلوق کی تخلیق سے پہلے ہی اللہ ان تمام صفات سے متصف تھا، وہ اجل سے ابد تک انتہائی درجے کے کمال، جلال اور جمال پر فائز ہے؛ وہی اول ہے اور وہی آخر ہے، اس کے پہلے کوئی چیز نہیں تھی، اور نہ اس کے بعد ہی کوئی چیز ہے، وہ اپنے اسماء و صفات کے ساتھ اول ہے کمال کے اعتبار سے بھی اور مجد وبزرگی کے اعتبار سے بھی اسی طرح وہ اپنے اسماء وصفات کے ساھ آخر ہے کمال کے اعبتار سے بھی اور مجد وبزرگى کے اعتبا رسے بھی۔

ہمارا ایمان ہے کہ اللہ تعالی کی بعض صفات کا تعلق اس کی ذات سے ہے جیسے حیات(زندگی)، علم(جاننا)، سماعت (سننا )، بصارت (دیکھنا )، ید (ہاتھ ) اور انگلیاں۔ اور بعض کا تعلق اس کی مشیئت سے ہے، جیسے غضب، رضا وخوشنودی اور نزول (اترنا)۔

ہمارا ایمان ہے کہ اللہ فعال لما یرید ہے، وہ جو چاہے، جب چاہے، جیسا چاہے کر سکتا ہے، وہ جسے چاہے عزت دے اور جسے چاہے ذلیل کردے، اس کے حکم کو کو ئی ٹالنے والا نہیں، اس کی تقدیر اور فیصلے پر کوئی انگلی نہیں اٹھا سکتا۔

ہمارا ایمان ہے کہ اللہ تعالیٰ کی بعض صفات مطلق وارد ہو ئی ہیں اس لئے ہم انہیں ویسے ہی تسلیم کرتے ہیں جیسے وہ وارد ہوئی ہیں، جیسے سماعت، حیات اور بصارت غیرہ، اور بعض مقید وارد ہو ئی ہیں اور جو مقید وارد ہو ئی ہیں وہ اسی قید کے ساتھ باقی رہیں گى جیسے اللہ تعالی کی ایک صفت یہ ہے کہ جب اس کے دشمن اس کے ساتھ مکر کرتے ہیں تو وہ بھی ان کے ساتھ مکر کرتا ہےاور جب اس کے دشمن اسے بھول جاتے ہیں تو وہ بھی انہیں بھلا دیتا ہے

اللہ تعالیٰ کی چند صفات یہ ہیں : علم، سماعت، حیات، بصارت، قیومیت اور کلام۔ اللہ تعالیٰ مخلوق کی تخلیق سے پہلے ہی سے صفت کلام (بات کرنا) سے متصف تھا، اور قبل اس کے کہ وہ ان سے ہم کلام ہو، اور اللہ تعالیٰ کے کلام کا تعلق اس کی مشیئت سے ہے، وہ جب چاہتا ہے بات کرتا ہے، قرآن مجید میں اللہ تعالیٰ کی صفت کلام کے حوالے سے کئی اعتبار سے کئی خبریں وارد ہوئی ہیں اور یہ بھی وارد ہوا ہے کہ اللہ اپنے بندوں سے کلام کرتا ہے، ان سے سر گوشی کرتا ہے، ان میں سے جسے چاہتا ہے پکارتا ہے، بروزِ قیامت بھی تمام مخلوق سے بات کرے گا، تمام مخلوق اللہ کی بات سنے گی۔

ہمارا ایمان ہے کہ اللہ تعالیٰ نے خود کو اپنی مخلوق سے نور کے حجاب میں چھپا لیا ہے، اس لئے دنیا میں اسے کوئی نہیں دیکھ سکتا، بعض نبیوں نے اللہ کی بات کو سنا ہے کیوں کہ اس نے ان نبیوں سے پردے کے پیچھے سے بات کیا، جیسا کہ موسی علیہ السلام سے بات کی۔

اللہ تعالیٰ کی بعض باتیں بعض کے مقابلے میں نئی اور بعض باتیں، بعض سے افضل ہوتی ہیں۔

اللہ کے کلام میں قرآن اور ہر وہ کتاب شامل ہے جو من جانب اللہ رسولوں پر نازل ہوئی ہیں، جیسے صحف ابراہیم ، صحف موسی ، تورات ، انجیل اور زبور ، یہ سب اللہ کا کلام ہیں، اور تمام کے ذریعہ اللہ نے بات کیا ہے، اسے جبرئیل علیہ السلام نے بلا واسطہ اللہ سے سنا اور اسے لے کر جبرئیل علیہ السلام تمام انبیاء ورسل علیہم السلام پر نازل ہو ئے، البتہ دیگر کتابوں کے مقابلے تورات کی ایک خصوصیت یہ بھی ہے کہ اللہ تعالیٰ نے اسے تختیوں پر لکھا ہوا نازل کیا، اللہ کا کلام اور اس کے کلمات مخلوق نہیں ہیں، کلام الہی کی تخلیق نہیں ہوئی ہے، کیا آپ نہیں دیکھتے کہ وہ خلق اور امر کے درمیان فصل ہے، نیز ہم اللہ کے شرعی اور کونی کلام کے درمیان فرق کرتے ہیں۔

اوراللہ کی بعض صفات یہ ہیں: العزۃ (عزت)، القہر(قہر)، الجبروت( جبروت)، الملکوت( ملکوت)، الکبریاء(کبریائی)، العظمۃ( عظمت )، الإرادۃ( ارادہ)، المشیئۃ ( مشیئت)، القدرۃ (قدرت ) اور الرحمۃ( رحمت)۔ سو رحمت بھی اللہ کی ایک صفت ہے، اور اس کى اضافت اللہ کی طرف، اضافۃ الصفۃ إلی الموصوف کے باب سے ہے۔

اللہ تعالیٰ کی ایک صفت العلو(بلند ہونا) بھی ہے؛ اور یہ علو، قہر وغلبہ کے اعتبارسے بھی ہے، صفات میں بلندى کے اعتبار سے بھی ہے اور ذات میں علو کے اعتبار سے بھی ہے، اللہ تعالى ان تینوں اعبتارات سے صفت علو سے متصف ہے۔ قرآن مجید، سنت نبوی ﷺ، عقل اور فطرت نے کئی اعتبار سے یہ ثابت کیا ہے کہ اللہ تعالیٰ کی ذات بلند ہے بلکہ اللہ تعالیٰ کے بلند وبالا ہونے پر دلالت کرنے والی دلیلوں کی بھی بہت ساری قسمیں ہیں، اورپھر ہرقسم کی نا قابل شمار قسمیں ہیں۔

اللہ تعالیٰ کی ایک صفت الإستواء علی العرش یعنی عرش پر مستوی ہونا بھی ہے اور اس صفت کا تذکرہ اللہ تعالیٰ نے قرآن مجید میں سات مقام پر کیا ہے۔

اسی طرح اللہ تعالیٰ کی صفات میں سے صفت محبت اور صفت رضا وخوشنودى ہے، نیز اس کى صفات میں سے ایک صفت کراھیتہ لأعداءہ یعنی دشمنوں کو نا پسند کرنا بھی ہے؛ کیوں کہ انہوں نے اللہ کے رسول ﷺ پر نازل کردہ احکام اورخوشنودئ الہی کو ناپسند کیا ہے۔

اللہ کی صفات میں سے ایک صفت اس کا اپنے اعداء پر غضب ناک ہونا ہے اوراس کى ایک صفت مقت ہے یعنى کافروں سے اس کى شدید ناراضگى۔

اللہ کی ایک صفت اپنے دشمنوں کے ساتھ مکر کرنا ہے جو اس کے اولیاء کے ساتھ مکر کرتے ہیں۔ اللہ کی ایک صفت اس کا شدید غصہ ہونا بھی ہے۔ اس کی ایک صفت مخادعۃ دھوکہ دینے والوں کو دھوکہ دینا بھی ہے، گویا اللہ ان منافقوں کو بھی دھوکہ دیتا ہے جو اسے دھوکہ دیتے ہیں (یعنی ان کی چالبازیوں کا اللہ انہیں بدلہ دیتا ہے)۔ اسی طرح اللہ کی ایک صفت اس شخص کے ساتھ استہزاء کرنا بھی ہے جو اس کے ساتھ استہزاء کرتے ہیں۔

اللہ تعالی کی تمام صفات میں الضحک (ہنسنا ) اور العجب (تعجب کرنا) ہے۔ اور اس کى ایک صفت المجئ (آنا ) بھی ہے کیوں کہ بروزِ قیامت وہ لوگوں کے درمیان فیصلہ کرنے کے لئے آئے گا۔

ہم اس کی صفت نزول پر بھی ایمان لاتے ہیں یعنی ہمارا ایمان ہے کہ اللہ تعالیٰ حقیقی معنوں میں آسمان دنیا پر نازل ہوتا ہے اور اس کے نزول کی کیفیت اس کے جلال اور عظمت کے اعتبار سے ہوتی ہے، دیگر مخلوق کی طرح اللہ کا نزول نہیں ہوتا ہے بلکہ یہ بھی ان تمام صفات کی طرح ہے جن پر ہم ایمان لاتے ہیں، جنہیں ہم جانتے ہیں لیکن اس کی کیفیت سے نا واقف ہیں بلکہ ہم اس پر اسی طرح ایمان لاتے ہیں جس طرح ہمیں صادق و مصدوق رسول صلی اللہ علیہ وسلم نے بتایا ہے۔

اور ہم اللہ تعالیٰ کی صفت معیت (اللہ مخلوق کے ساتھ ہے) پر بھی ایمان رکھتے ہیں۔ اور اس معیت کی دو قسمیں ہیں: معیت خاصہ، یہ اللہ تعالیٰ کے مقرب بندوں اور اس کے رسولوں کے لئے ہوتی ہے، اور اس کا تقاضہ مدد اور نصرت ہے۔ معیت عامہ، یہ تمام بنی نوع انسان، مومنوں اور کافروں سب کے لئے ہے، اور اس کا تقاضہ: علم، احاطہ، قدرت اور غلبہ وحکمرانی کو شامل ہے۔

یہ معیت حلول اور اختلاط کو مستلزم نہیں ہے اور نہ ہی علو الہی کے منافی ہے کیوں کہ علماء کا اس بات پر اجماع ہے کہ اس کا معنی علم واحاطہ ہے یعنی اللہ تعالیٰ اپنے علم، احاطہ اور قدرت کے اعتبار سے ہمارے ساتھ ہے۔

ہم اللہ کے لئے اسی طرح چہرے کو ثابت کرتے ہیں جس طرح اس کے جلال اور عظمت کو زیبا ہے، ہم اس کے لئے ہاتھ اسی طرح ثابت کرتے ہیں جس طرح اس کے جلال و کمال کو زیبا ہے، اس سلسلے میں قرآن اور احادیث میں کئی اعتبار سے دلیلیں پیش کی گئی ہیں، چناچہ یہ آیا ہے کہ اللہ کے لئے دو ہاتھ ہے، اللہ کبھی ہاتھ کی مٹھی بنالیتا ہے اور کبھی کھول دیتا ہے، اللہ تعالیٰ اسی اپنے اسى ہاتھ سے آسمان کو لپیٹ دے گا، زمین اس کى مٹھی میں ہوگى، اس کے ہاتھ کا یہ بھی وصف آیا ہے کہ وہ انگلیوں والا ہے، یہ سارى باتیں اس بات کو ثابت کررہی ہیں کہ اللہ کے جس ہاتھ کا ذکر قرآن وحدیث میں آیا ہے، وہ حقیقی ہاتھ ہے، لیکن اس کا ہاتھ اسی کے جلال کے شایان شان ہے، ہم اس پر دلالت کرنے والی آیات و احادیث کی تحریف ، تاویل اور تشبیہ نہیں کرتے ہیں۔ اس کی تمام صفتوں میں سے ایک انگلیوں کا ہونا بھی ہے۔

ہمارا ایمان ہے کہ بروز قیامت تمام مومنوں کو دیدار الہی نصیب ہوگا، قرآن واحادیث میں اس سلسلے میں کئی دلیلیں وارد ہوئی ہیں، بے شمار حدیثوں میں اللہ کے رسول ﷺ نے مومنوں کو یہ بشارت سنائی ہے کہ بروز قیامت تمام مومنوں کواللہ کا حقیقی دیدار نصیب ہوگا، وہ اپنی آنکھوں سے اللہ کو دیکھیں گے۔

اللہ تعالیٰ نے جس طرح اپنے آپ کو صفت کمال، صفت جلال، صفت جمال، صفت عزت اور صفت کبریائی سے متصف بتایا ہے اسی طرح اس نے اپنے آپ کو ان تمام صفات سے عاری و خالی بتایا ہے جن میں نقص ہوتا ہے۔ صفات الہیہ میں نفی کا ذکر قرآن و سنت میں اصل نہیں ہے، کیوں کہ صفات الہی کى بابت اصل اثبات ہے۔ صفات الہیہ کے بیان سے قرآن و سنت بھر ے پڑے ہیں اور وہی صفتیں بیان کی گئیں ہیں جو اس کے جلال، اس کی عظمت اور اس کے کمال کو زیبا ہیں۔ اگر وہ اپنے آپ سے کسی صفت کا انکار کر دے تو اس کی ضد میں کمال صفت کو ثابت کرنے کے لئے اس کا انکار کر تا ہے کیوں کہ انسان نے اللہ کی طرف نقائص کو منسوب کیا تو اللہ نے اس نقص کی نفی کی جس کی نسبت اس کی طرف کی گئی۔

ہمارا ایمان ہے کہ اللہ ہی کے لئے اچھے اچھے نام ہیں، اور انتہائی درجے کے حسن کو اس کے نام پہنچے ہو ئے ہیں یعنی اس سے بہتر کوئی نام نہیں ہے، اللہ کے ہر نام سے کوئی نہ کوئی صفت مشتق ہے، اس کے ناموں کی تعداد بہت زیادہ ہے، انہیں شمار نہیں کیا جا سکتا۔

اللہ تعالیٰ نے اپنے ناموں میں الحاد کرنے، ان کا یا ان کے معانی کا انکار کرنے سے یا انہیں معطل کرنے سے منع کیا ہے۔

قرآن و احادیث میں اللہ تعالیٰ کے اسماء و صفات کی تعداد اتنی زیادہ ہے کہ کسی ایک کتاب میں انہیں یکجا کرنا نا ممکن ہے، ہم اس کے اسماء و صفات پر اسی طرح ایمان لاتے ہیں جو رب العالمین کی مراد ہے اور رسول گرامی ﷺ کی مراد ہے، ہمیں معلوم ہے کہ ان کی حقیقت کوئی بھی انسان نہیں جان سکتا، نہ ان کا احاطہ کر سکتا ہے، نہ عقل ان تک پہونچ سکتی ہے اور ہم اپنے آپ کو ان کى تاویل کى مشقت سے بھی دور رکھتے ہیں۔

باب: اللہ تعالیٰ کے وجود پر ایمان لانے کا بیان

ہمارا ایمان ہے کہ اللہ ہی سب سے پہلے ہے، اس سے پہلے کوئی چیز نہیں ہے، جیسا کہ اللہ تعالیٰ نے فرمایا: {هُوَ الْأَوَّلُ وَالْآخِرُ وَالظَّاهِرُ وَ الْبَاطِنُ وَهُوَ بِكُلِّ شَيْءٍ عَلِيمٌ} "وہی اول ہے وہی آخر ہے وہی ظاہر ہے اور وہی باطن ہے اور وہ ہر چیز کا جاننے والا ہے"۔ [الحدید: ۳] اور اللہ کے رسول ﷺ نے فرمایا: ’’كَانَ اللَّهُ وَلَمْ يَكُنْ شَيْءٌ قَبْلَهُ، وَكَانَ عَرْشُهُ عَلَى المَاءِ‘‘۔ اللہ تھا اس کے پہلے کوئی چیز نہیں تھی اور اس کا عرش پانی پر تھا۔ (صحیح بخاری: ۷۴۱۸، جامع الترمذي: ۳۹۵۱) اسے بخاری نے عمران بن حصين کی حدیث سے روایت کی ہے، اور ایک دوسری روایت میں یہ الفاظ آئے ہیں: ’’كَانَ اللَّهُ وَلَمْ يَكُنْ شَيْءٌ غَيْرُهُ، وَكَانَ عَرْشُهُ عَلَى المَاءِ‘‘۔اللہ تھا اس کے پہلے اس کے علاوہ کوئی چیز نہیں تھی اور اس کا عرش پانی پر تھا۔ (صحیح بخاری : ۳۱۹۱) اللہ تعالى نے ہم سے اپنا تعارف بعیں طور کرایا ہے کہ وہ وہی ہے جس نے آسمان اور زمین کو پیدا کیا، وہی آسمان اور زمین کا حقیقی مالک ہے، وہی رات کو دن اور دن کو رات میں داخل کرتا ہے، اللہ تعالیٰ کا فرمان ہے: {هُوَ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنْزِلُ مِنَ السَّمَاءِ وَمَا يَعْرُجُ فِيهَا وَهُوَ مَعَكُمْ أَيْنَ مَا كُنْتُمْ وَاللَّهُ بِمَا تَعْمَلُونَ بَصِيرٌ*۔ "وہی ہے جس نے آسمانوں اور زمین کو چھ دن میں پیدا کیا پھر عرش پر مستوی ہو گیا، وہ اس چیز کوجانتا ہے جو زمین میں داخل ہوتا ہے اور جو اس سے نکلتا ہے اور جو آسمان سے نیچے آتا ہے اور جو اس میں چڑھ کرجاتا ہے اور جہاں کہیں تم ہوگے وہ تمہارے ساتھ ہوگا اور جو تم کر رہے ہو اللہ دیکھ رہا ہے۔ (۴) لَهُ مُلْكُ السَّمَاوَاتِ وَالْأَرْضِ وَإِلَى اللَّهِ تُرْجَعُ الْأُمُورُ*۔ آسمانوں اور زمین کی بادشاہی اسی کے لئے ہے اور اللہ ہی کی طرف سارے امور لوٹائے جائیں گے۔ يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ وَهُوَ عَلِيمٌ بِذَاتِ الصُّدُورِ} وہی رات کو دن میں داخل کرتا ہے اور دن کو رات میں داخل کر تا ہے اور وہ سینوں کے بھیدوں کو جاننے والاہے"۔ [الحدید: ۴- ۶]۔

اور اللہ تعالیٰ نے یہ واضح کردیا کہ یہ موجودہ کائنات ہی اس بات پر شاہد ہے کہ اکیلا اللہ ہی اس کائنات کا موجد اور خالق ہے، اس کے علاوہ کوئی اس کا خالق نہیں ہے، جیسا کہ اللہ تعالیٰ نے فرمایا: {هَذَا خَلْقُ اللَّهِ فَأَرُونِي مَاذَا خَلَقَ الَّذِينَ مِنْ دُونِهِ} "یہ ہے اللہ کی مخلوق اب تم مجھے اس کے سوا دوسرے کسی کی کوئی مخلوق ہو تو دکھاؤ"۔ [لقمان: ۱۱] اسی لئے اللہ تعالیٰ نے ایسی بے شمار نشانیاں ذکر کی ہیں جو اس بات پر دلیل ہیں کہ اس کائنات کا موجد اور خالق وہی اللہ ہے، جن میں سے چند یہ ہیں: -مردہ سے زندہ کو اور زندہ سے مردہ کو نکالنا۔ ۔ تمام انسانوں کو مٹی سے پیدا کرنا۔ ۔ ہمارے ہی نفس سے ہماری بیویوں کو نکا لنا۔ ۔ تمام مخلوقات کے رنگوں اور زبانوں میں اختلاف ہونا۔ ۔ بندوں کا رات میں سونا اور دن میں روزی تلاش کرنا۔ ۔ اس نے بجلی کو خوف وامید کا سبب بنایا ، اور یہ کہ وہى آسمان سے پانی نازل کرتا ہے۔ ۔ اسی نے تخلیق کی ابتدا کی جیسا کہ اللہ پاک کا فرمان ہے: { يُخْرِجُ الْحَيَّ مِنَ الْمَيِّتِ وَيُخْرِجُ الْمَيِّتَ مِنَ الْحَيِّ وَيُحْيِ الْأَرْضَ بَعْدَ مَوْتِهَا وَكَذَلِكَ تُخْرَجُونَ* ۔ "(وہی) زندہ کو مردہ سے اور مردہ کو زندہ سے نکالتا ہے۔ اور وہی زمین کو اس کی موت کے بعد زندہ کرتا ہے اسی طرح تم (بھی) نکالے جاؤ گے۔ {وَمِنْ آيَاتِهِ أَنْ خَلَقَكُمْ مِنْ تُرَابٍ ثُمَّ إِذَا أَنْتُمْ بَشَرٌ تَنْتَشِرُونَ*۔ اللہ کی نشانیوں میں سے ہے کہ اس نے تم کو مٹی سے پیدا کیا پھر اب انسان بن کر(چلتے پھرتے) پھیل رہے ہو۔ وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ*۔ اور اس کی نشانیوں میں سے ہے کہ تمہاری ہی جنس سے بیویاں پیدا کیں تاکہ تم ان سے آرام پاؤ اس نے تمہارے درمیان محبت اور ہمدردی قائم کر دی، یقیناً غور وفکر کرنے والوں کے لئے اس میں بہت سی نشانیاں ہیں۔ وَمِنْ آيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ إِنَّ فِي ذَلِكَ لَآيَاتٍ لِلْعَالِمِينَ*۔ اس (کی قدرت) کی نشانیوں میں سے آسمانوں اور زمین کی پیدائش اور تمہاری زبانوں اور رنگتوں کا اختلاف (بھی) ہے، دانش مندوں کے لئے اس میں یقیناً بڑی نشانیاں ہیں۔ وَمِنْ آيَاتِهِ مَنَامُكُمْ بِاللَّيْلِ وَالنَّهَارِ وَابْتِغَاؤُكُمْ مِنْ فَضْلِهِ إِنَّ فِي ذَلِكَ لَآيَاتٍ لِقَوْمٍ يَسْمَعُونَ*۔ اور (بھی) اس کی (قدرت کی) نشانی تمہاری راتوں اور دن کی نیند میں ہے اور اس کے فضل (یعنی روزی) کو تمہارا تلاش کرنا بھی ہے، جو لوگ (کان لگا کر) سننے کے عادی ہیں ان کے لئے اس میں بہت سی نشانیاں ہیں۔ وَمِنْ آيَاتِهِ يُرِيكُمُ الْبَرْقَ خَوْفًا وَطَمَعًا وَيُنَزِّلُ مِنَ السَّمَاءِ مَاءً فَيُحْيِي بِهِ الْأَرْضَ بَعْدَ مَوْتِهَا إِنَّ فِي ذَلِكَ لَآيَاتٍ لِقَوْمٍ يَعْقِلُونَ*۔ اور اس کی نشانیوں میں سے ایک یہ (بھی) ہے کہ وہ تمہیں ڈرانے اور امیدوار بنانے کے لئے بجلیاں دکھاتا ہے اور آسمان سے بارش برساتا ہے اور اس مردہ زمین کو زندہ کر دیتا ہے، اس میں (بھی) عقلمندوں کے لئے بہت سی نشانیاں ہیں۔ وَمِنْ آيَاتِهِ أَنْ تَقُومَ السَّمَاءُ وَالْأَرْضُ بِأَمْرِهِ ثُمَّ إِذَا دَعَاكُمْ دَعْوَةً مِنَ الْأَرْضِ إِذَا أَنْتُمْ تَخْرُجُونَ*۔ اس کی ایک نشانی یہ بھی ہے کہ آسمان وزمین اسی کے حکم سے قائم ہیں، پھر جب وہ تمہیں آواز دے گا صرف ایک بار کی آواز کے ساتھ ہی تم سب زمین سے نکل آؤ گے۔ وَلَهُ مَنْ فِي السَّمَاوَاتِ وَالْأَرْضِ كُلٌّ لَهُ قَانِتُونَ*۔ اور زمین وآسمان کی ہر ہر چیز اس کی ملکیت ہے اور ہر ایک اس کے فرمان کے ماتحت ہے۔ وَهُوَ الَّذِي يَبْدَأُ الْخَلْقَ ثُمَّ يُعِيدُهُ وَهُوَ أَهْوَنُ عَلَيْهِ} وہی ہے جو اول بار مخلوق کو پیدا کرتا ہے پھر سے دوبارہ پیدا کرے گا اور یہ تو اس پر بہت ہی آسان ہے"۔ [الروم: ۱۹- ۲۷]

اور اس کى ربوبیت کى نشانیوں میں سے یہ بہی ہے کہ اللہ تعالی نے بعیں طور مخلوق پر اپنی حجت قائم کردی کہ اس نے تمام مخلوق کو ایک ہی نفس سے پیدا کیا ہے، جیسا کہ اللہ تعلیٰ نے فرمایا: {خَلَقَكُمْ مِنْ نَفْسٍ وَاحِدَةٍ ثُمَّ جَعَلَ مِنْهَا زَوْجَهَا وَأَنْزَلَ لَكُمْ مِنَ الْأَنْعَامِ ثَمَانِيَةَ أَزْوَاجٍ يَخْلُقُكُمْ فِي بُطُونِ أُمَّهَاتِكُمْ خَلْقًا مِنْ بَعْدِ خَلْقٍ فِي ظُلُمَاتٍ ثَلَاثٍ ذَلِكُمُ اللَّهُ رَبُّكُمْ لَهُ الْمُلْكُ لَا إِلَهَ إِلَّا هُوَ فَأَنَّى تُصْرَفُونَ} "اس نے تم سب کو ایک ہی جان سے پیدا کیا ہے پھر اسی سے اس کا جوڑا پیدا کیا اور تمہارے لئے چوپایوں میں سے (آٹھ نر و مادہ) اتارے وہ تمہیں تمہاری ماؤں کے پیٹوں میں ایک بناوٹ کے بعد دوسری بناوٹ پر بناتا ہے تین تین اندھیروں میں، یہی اللہ تعالیٰ تمہارا رب ہے اس کے لئے بادشاہت ہے، اس کے سوا کوئی معبود برحق نہیں، پھر تم کہاں بہک رہے ہو؟!" [الزمر: ۶] چنانچہ اللہ نے ابتدائے تخلیق کا ذکر کیا اور یہ کہ سارے حیوان اللہ تعالیٰ کی مخلوق ہیں، پھر ہمارے اوپر اپنی حجت تمام کرنے کے لیے اللہ تعالیٰ نے ہمیں رحمِ مادر کے اندر تاریکیوں میں پیدا کیا، اللہ ہی کسی نطفے کو انسانی شکل دے سکتا ہے، اس کے علاوہ کوئی اور نہیں د ے سکتا ہے۔

گزشتہ آیتوں میں اللہ تعالیٰ کے وجود کی ایک عظیم ترین دلیل یہ ذکر کی گئی ہےکہ اس نے آسمان، زمین اور ان کے درمیان اور ان کے او پر کی تمام چیزیں بھی پیدا کیا۔

اللہ تعالیٰ کے خالق ہو نے کی ایک دلیل یہ بھی ہے کہ اللہ نے مخلوق پر توجہ دی اور اس چیز پر بھی توجہ دی جسے لوگ اپنے نفس اور اپنی ذریت میں پاتے ہیں، انہیں ان کے ماؤں کے پیٹ سے اس حال میں نکا لا کہ وہ کچھ نہیں جا نتے تھے، اس نے ان کی نگہ داشت کی تا آنکہ ان کی خلقت اور بناوٹ مکمل ہو گئی، جیسا کہ اللہ تعالیٰ نے فرمایا: {وَاللَّهُ أَخْرَجَكُمْ مِنْ بُطُونِ أُمَّهَاتِكُمْ لَا تَعْلَمُونَ شَيْئًا وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ لَعَلَّكُمْ تَشْكُرُونَ } "اللہ تعالیٰ نے تمہیں تمہاری ماؤں کے پیٹوں سے نکالا ہے کہ اس وقت تم کچھ بھی نہیں جانتے تھے، اسی نے تمہارے کان اور آنکھیں اور دل بنائے کہ تم شکر گزاری کرو" ۔ [النحل: ۷۸ ] پھر جس طرح اس نے پیدا کیا اور انہیں تیار کیا اسی طرح اس نے اپنی تمام مخلوق کو صحیح باتوں اور صحیح راہ کی رہنمائی بھی کی جیسا کہ اللہ تعالیٰ نے فرعون کے بارے میں فرمایا: {قَالَ فَمَنْ رَبُّكُمَا يَامُوسَى} "اس نے کہا کہ اے موسی ! تم دونوں کا رب کون ہے؟" [طہ: ۴۹] تومن جانب اللہ جواب آیا: {قَالَ رَبُّنَا الَّذِي أَعْطَى كُلَّ شَيْءٍ خَلْقَهُ ثُمَّ هَدَى} "(موسى نے) جواب دیا کہ ہمارا رب وہ ہے جس نے ہر ایک کو اس کی خاص صورت، شکل عنایت فرمائی پھر راہ سجھا دی۔" [طہ: ۵۰]

ہمارا ایمان ہے کہ اللہ ہی نے زمین کو بچھایا، اس میں پہاڑوں کو نصب کیا اور اس میں ہر مناسب چیز کو اگایا، اس میں موجودہ توازن کا صحیح ہونا ہی اس بات کی دلیل ہے کہ وہی اس کا ئنات کا موجد ہے، اسی طرح اس نے ایک مخصوص ہیئت میں بارش نازل کیا حالانکہ یہ کام نہ کو ئی انسان کرسکتا ہے، اور نہ ہی اس بارش کو جمع کر سکتا ہے، اوریہ اس بات کی دلیل ہے کہ اس کا ئنات کا حقیقی موجد اور خالق وہی اللہ ہے جو اکیلا اور قہار ہے، جیسا کہ اللہ تعالیٰ نے فر مایا: {وَالْأَرْضَ مَدَدْنَاهَا وَ أَلْقَيْنَا فِيهَا رَوَاسِيَ وَأَنْبَتْنَا فِيهَا مِنْ كُلِّ شَيْءٍ مَوْزُونٍ*۔ "اور زمین کو ہم نے پھیلا دیا ہے اور اس پر (اٹل) پہاڑ ڈال دیئے ہیں، اور اس میں ہم نے ہر چیز ایک معین مقدار سے اگا دی ہے۔ وَجَعَلْنَا لَكُمْ فِيهَا مَعَايِشَ وَمَنْ لَسْتُمْ لَهُ بِرَازِقِينَ *۔ اور اسی میں ہم نے تمہاری روزیاں بنا دی ہیں اور جنہیں تم روزی دینے والے نہیں ہو۔ وَإِنْ مِنْ شَيْءٍ إِلَّا عِنْدَنَا خَزَائِنُهُ وَمَا نُنَزِّلُهُ إِلَّا بِقَدَرٍ مَعْلُومٍ*۔ اور جتنی بھی چیزیں ہیں ان سب کے خزانے ہمارے پاس ہیں، اور ہم ہر چیز کو اس کے مقررہ انداز سے اتارتے ہیں۔ وَأَرْسَلْنَا الرِّيَاحَ لَوَاقِحَ فَأَنْزَلْنَا مِنَ السَّمَاءِ مَاءً فَأَسْقَيْنَاكُمُوهُ وَمَا أَنْتُمْ لَهُ بِخَازِنِينَ} اور ہم بھیجتے ہیں بوجھل ہوائیں، پھر آسمان سے پانی برسا کرہم وہ تمہیں پلاتے ہیں اور تم اس کا ذخیرہ کرنے والے نہیں ہو"۔ [الحجر: ۱۹- ۲۲]

ہمارا ان تمام چیزوں پر ایمان ہے جن پر انبیاء ورسل ایمان لائے، اورانبیاء کی لائے ہوئے تمام دلائل و براہین پر ہمارا یقین ہے جو اللہ سبحانہ و تعالی کے وجود پر دلالت کرتے ہیں، جیسا کہ ابراہیم علیہ السلام نے نمرود پر دلیل بنایا کہ اللہ سورج کو مشرق سے لاتاہے، اب اگر کوئی اسے مغرب سے لانا چاہے تو نہیں لا سکتا، جیسا کہ فر مان الہی ہے: {قَالَ إِبْرَاهِيمُ فَإِنَّ اللَّهَ يَأْتِي بِالشَّمْسِ مِنَ الْمَشْرِقِ فَأْتِ بِهَا مِنَ الْمَغْرِبِ فَبُهِتَ الَّذِي كَفَرَ وَاللَّهُ لَا يَهْدِي الْقَوْمَ الظَّالِمِينَ} "ابراہیم (علیہ السلام) نے کہا کہ اللہ تعالیٰ سورج کو مشرق کی طرف سے لے آتا ہے اور تو اسے مغرب کی جانب سے لے آ اب تو وہ کافر بھونچکا رہ گیا، اور اللہ تعالیٰ ظالموں کو ہدایت نہیں دیتا"۔ [البقرۃ: ۲۵۸]

ابراہیم علیہ السلام نے اپنی قوم کے سامنے یہ دلیل پیش کہ اللہ تعالیٰ ہی نے آپ کو ہدایت دیا‘ وہی آپ کو کھلاتا پلاتا اور جب بیمار ہوتے ہیں تو شفا عطا کرتا ہے‘ وہ زندگی اور موت کا مالک ہے‘ جیسا کہ اس بابت فرمان باری تعالی ہے: {الَّذِي خَلَقَنِي فَهُوَ يَهْدِينِ*۔ "جس نے مجھے پیدا کیا ہے اور وہی میری رہبری فرماتا ہے۔ وَالَّذِي هُوَ يُطْعِمُنِي وَيَسْقِينِ*۔ وہی ہے جو مجھے کھلاتا پلاتا ہے۔ وَإِذَا مَرِضْتُ فَهُوَ يَشْفِينِ*۔ اور جب میں بیمار پڑ جاؤں تو مجھے شفا عطا فرماتا ہے۔ وَالَّذِي يُمِيتُنِي ثُمَّ يُحْيِينِ} اور وہی مجھے مار ڈالے گا پھر زندہ کردے گا"۔ [الشعراء: ۷۸- ۸۱] اور موسی علیہ السلام کے بارے میں بتایا کہ انہوں نے فرعون کے خلاف یہ کہہ کر حجت پیش کہ ان کا رب وہ ہے: {قَالَ رَبُّنَا الَّذِي أَعْطَى كُلَّ شَيْءٍ خَلْقَهُ ثُمَّ هَدَى} "(موسى علیہ السلام نے) جواب دیا کہ ہمارا رب وہ ہے جس نے ہر ایک کو اس کی خاص صورت، شکل عنایت فرمائی پھر راہ سجھا دی"۔ [طہ: ۵۰] قرآن مجید میں تو یہاں تک بتا دیا گیا ہے کہ اللہ تعالیٰ نے اپنے آپ کو ہر نقص سے پاک بتایا ہے اور ہم سے اپنا تعارف پیش کرتے ہو ئے اللہ تعالیٰ نے فر مایا: {سَبِّحِ اسْمَ رَبِّكَ الْأَعْلَى*۔ ا"پنے بہت ہی بلند اللہ کے نام کی پاکیزگی بیان کر۔ الَّذِي خَلَقَ فَسَوَّى*۔ جس نے پیدا کیا اور صحیح سالم بنایا۔ وَالَّذِي قَدَّرَ فَهَدَى} اور جس نے (ٹھیک ٹھاک) اندازہ کیا اور پھر راہ دکھائی"۔ [الأعلی: ۱- ۳]

اللہ تعالیٰ کے اس کا ئنات کا خالق و موجد ہونے کی ایک دلیل یہ بھی ہے کہ اسی نے ہرے بھرے باغات اگائے جب کہ انسان ایک درخت بھی نہیں اگا سکتا، اسی طرح ایک دلیل یہ بھی ہے کہ اس نے زمین کو قرار گاہ بنایا، اس میں نہریں بنایا اور مضبوط پہاڑ نصب کئے، دو دریاؤں کے درمیان فاصلہ بنایا تاکہ دونوں ایک دوسرے سے نہ ملیں۔ تنہا وہی مجبوروں کی پکار سننے والا ہے۔ خواہ وہ غیر مومن ہی کیوں نہ ہو، وہی خشکی و تری کی تاریکی میں لوگوں کی رہنمائی کرتا ہے، وہی بارش سے پہلےخوش خبری دینے والی ہوائیں چلاتا ہے، وہی ہمیں روزی دیتا ہے، اس کے علاوہ روزی دینے والا، پالنے والا اور پیدا کرنے والا کوئی نہیں ہے، اللہ تعالیٰ نے فرمایا: {أَمَّنْ خَلَقَ السَّمَاوَاتِ وَالْأَرْضَ وَأَنْزَلَ لَكُمْ مِنَ السَّمَاءِ مَاءً فَأَنْبَتْنَا بِهِ حَدَائِقَ ذَاتَ بَهْجَةٍ مَا كَانَ لَكُمْ أَنْ تُنْبِتُوا شَجَرَهَا أَإِلَهٌ مَعَ اللَّهِ بَلْ هُمْ قَوْمٌ يَعْدِلُونَ*۔ "بھلا بتاؤ تو کہ آسمانوں کو اور زمین کو کس نے پیدا کیا؟ کس نے آسمان سے بارش برسائی؟ پھر اس سے ہرے بھرے بارونق باغات اگا دیئے؟ ان باغوں کے درختوں کو تم ہر گز نہ اگا سکتے، کیا اللہ کے ساتھ اور کوئی معبود بھی ہے؟ بلکہ یہ لوگ ہٹ جاتے ہیں(سیدھی راہ سے)۔ أَمَّنْ جَعَلَ الْأَرْضَ قَرَارًا وَجَعَلَ خِلَالَهَا أَنْهَارًا وَجَعَلَ لَهَا رَوَاسِيَ وَجَعَلَ بَيْنَ الْبَحْرَيْنِ حَاجِزًا أَإِلَهٌ مَعَ اللَّهِ بَلْ أَكْثَرُهُمْ لَا يَعْلَمُونَ*۔ کیا وہ جس نے زمین کو قرار گاہ بنایا اور اس کے درمیان نہریں جاری کر دیں اور اس کے لیے پہاڑ بنائے اور دو سمندروں کے درمیان روک بنا دی کیا اللہ کے ساتھ اور کوئی معبود بھی ہے؟ بلکہ ان میں سے اکثر کچھ جانتے ہی نہیں۔ أَمَّنْ يُجِيبُ الْمُضْطَرَّ إِذَا دَعَاهُ وَ يَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونَ*۔ بے کس کی پکار کو جب کہ وہ پکارے، کون قبول کر کے سختی کو دور کردیتا ہے اور تمہیں زمین کا خلیفہ بناتا ہے، کیا اللہ تعالیٰ کے ساتھ اور معبود ہے؟ تم بہت کم نصیحت و عبرت حاصل کرتے ہو۔ أَمَّنْ يَهْدِيكُمْ فِي ظُلُمَاتِ الْبَرِّ وَالْبَحْرِ وَمَنْ يُرْسِلُ الرِّيَاحَ بُشْرًا بَيْنَ يَدَيْ رَحْمَتِهِ أَإِلَهٌ مَعَ اللَّهِ تَعَالَى اللَّهُ عَمَّا يُشْرِكُونَ*۔ کیا وہ جو تمہیں خشکی اور تری کی تاریکیوں میں راہ دکھاتا ہے اور جو اپنی رحمت سے پہلے ہی خوشخبریاں دینے والی ہوائیں چلاتا ہے، کیا اللہ کے ساتھ کوئی اور معبود بھی ہے جنہیں یہ شریک کرتے ہیں ان سب سے اللہ بلند وبالاتر ہے۔ أَمَّنْ يَبْدَأُ الْخَلْقَ ثُمَّ يُعِيدُهُ وَمَنْ يَرْزُقُكُمْ مِنَ السَّمَاءِ وَالْأَرْضِ أَإِلَهٌ مَعَ اللَّهِ قُلْ هَاتُوا بُرْهَانَكُمْ إِنْ كُنْتُمْ صَادِقِينَ} کیا وہ جو مخلوق کی اول دفعہ پیدائش کرتا ہے پھر اسے لوٹائے گا اور جو تمہیں آسمان اور زمین سے روزیاں د ے رہا ہے، کیا اللہ کے ساتھ کوئی اور معبود ہے؟ کہہ دیجئے کہ اگر سچے ہو تو اپنی دلیل لاؤ"۔ [النمل: ۶۰- ۶۴]

اوراللہ عزو جل نے فر مایا: {وَهُوَ الَّذِي مَدَّ الْأَرْضَ وَجَعَلَ فِيهَا رَوَاسِيَ وَأَنْهَارًا وَمِنْ كُلِّ الثَّمَرَاتِ جَعَلَ فِيهَا زَوْجَيْنِ اثْنَيْنِ يُغْشِي اللَّيْلَ النَّهَارَ إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ*۔ "اسی نے زمین پھیلا کر بچھا دی ہے اور اس میں پہاڑ اور نہریں پیدا کردی ہیں اور اس میں ہر قسم کے پھلوں کے جوڑے دوہرے دوہرے پیدا کردیئے وہ رات کو دن سے چھپا دیتا ہے۔ یقیناً غور و فکر کرنے والوں کے لئے اس میں بہت نشانیاں ہیں۔ وَفِي الْأَرْضِ قِطَعٌ مُتَجَاوِرَاتٌ وَجَنَّاتٌ مِنْ أَعْنَابٍ وَزَرْعٌ وَنَخِيلٌ صِنْوَانٌ وَغَيْرُ صِنْوَانٍ يُسْقَى بِمَاءٍ وَاحِدٍ وَنُفَضِّلُ بَعْضَهَا عَلَى بَعْضٍ فِي الْأُكُلِ إِنَّ فِي ذَلِكَ لَآيَاتٍ لِقَوْمٍ يَعْقِلُونَ} اور زمین میں مختلف ٹکڑے ایک دوسر ے سے لگتے لگاتے ہیں اور انگوروں کے باغات ہیں اور کھیت ہیں اور کھجوروں کے درخت ہیں، شاخ دار اور بعض ایسے ہیں جو بے شاخ ہیں سب ایک ہی پانی پلائے جاتے ہیں پھر بھی ہم ایک کو ایک پر کھانے میں برتری دیتے ہیں اس میں عقلمندوں کے لئے بہت سی نشانیاں ہیں"۔ [الرعد: ۳- ۴] چنانچہ اللہ پاک نے یہ ثابت کیا ہے کہ اللہ سبحانہ و تعالیٰ ہی نے تن تنہا زمین کو بچھایا، ہر درخت اور پھل کے جوڑے جوڑے بنائے، وہی تن تنہا دن کو رات سے ڈھانپتا ہے۔ اللہ تعالیٰ کے اس کا ئنات کا موجد ہونے کی ایک دلیل یہ بھی ہے کہ زمین کے مختلف ٹکڑے مشابہ و غیر مشابہ پھل پیدا کرتے ہیں، جب کہ سارے کے سارے ایک ہی پانی سے سیراب ہوتے ہیں، سو اللہ کی ذات پاک ہے، جس کے علاوہ کوئی رب اور کوئی خالق نہیں ہے۔

اللہ پاک نے بیان فرمایا کہ یہ پہاڑ اتنے سخت ہونے کے باوجود بھی‘ اپنے اندر خلقت کے اتنے انوکھے نمونے رکھتے ہیں کہ جو اللہ خالق کى انوکھى خلقت وکاریگرى کا بین ثبوت ہیں، چنانچہ اللہ تعالیٰ نے فرمایا: {وَ مِنَ الْجِبَالِ جُدَدٌۢ بِيْضٌ وَّحُمْرٌ مُّخْتَلِفٌ اَلْوَانُهَا وَغَرَابِيْبُ سُوْدٌ } "اور پہاڑوں کے مختلف حصے ہیں سفید اور سرخ کہ ان کی بھی رنگتیں مختلف ہیں اور بہت گہرے سیاہ"۔ [فاطر: ۲۷]

اس کی ایک دلیل یہ بھی ہے جو اللہ تعالیٰ نے بیان فرمایا کہ اسی نے سارے جہان کو پیدا کیا اور ان سب مخلوقات کو انسان کے تابع کردیا‘ اور اس کی ایک دلیل یہ بھی ہے کہ اس نے سمندروں میں کشتیاں چلا دی، جیسا کہ اللہ تعالیٰ نے فرمایا: {اللَّهُ الَّذِي سَخَّرَ لَكُمُ الْبَحْرَ لِتَجْرِيَ الْفُلْكُ فِيهِ بِأَمْرِهِ وَلِتَبْتَغُوا مِنْ فَضْلِهِ وَلَعَلَّكُمْ تَشْكُرُونَ *۔ "اللہ ہی ہے جس نے تمہارے لیے دریا کو تابع بنادیا تاکہ اس کے حکم سے اس میں کشتیاں چلیں اور تم اس کا فضل تلاش کرو اور تاکہ تم شکر بجالاؤ۔ {وَسَخَّرَ لَكُمْ مَا فِي السَّمَاوَاتِ وَمَا فِي الْأَرْضِ جَمِيعًا مِنْهُ إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ} اور آسمان و زمین کی ہر ہر چیز کو بھی اس نے اپنی طرف سے تمہارے لئے تابع کردیا ہے جو غور کریں یقیناً وہ اس میں بہت سی نشانیاں پالیں گے"۔ [الجاثیۃ: ۱۲-۱۳]

اللہ تعالى نے اپنے وجود کی دلیل یہ بھی بتائی کہ اس نے چوپایوں کو ہمارے لیے سواری‘ کھانے پینے اور پہننے اوڑھنے کا ذریعہ بنادیا‘ اور وہی ہے جو فضا میں پرندوں کو روکے رکھتا ہے‘ اللہ پاک وبرتر کا فرمان ہے: {أَلَمْ يَرَوْا إِلَى الطَّيْرِ مُسَخَّرَاتٍ فِي جَوِّ السَّمَاءِ مَا يُمْسِكُهُنَّ إِلَّا اللَّهُ إِنَّ فِي ذَلِكَ لَآيَاتٍ لِقَوْمٍ يُؤْمِنُونَ*۔ "کیا ان لوگوں نے پرندوں کو نہیں دیکھا جو تابع فرمان ہو کر فضا میں ہیں، جنہیں بجز اللہ تعالیٰ کے کوئی اور تھامے ہوئے نہیں، بیشک اس میں ایمان ﻻنے والے لوگوں کے لیے بڑی نشانیاں ہیں۔ وَاللَّهُ جَعَلَ لَكُمْ مِنْ بُيُوتِكُمْ سَكَنًا وَجَعَلَ لَكُمْ مِنْ جُلُودِ الْأَنْعَامِ بُيُوتًا تَسْتَخِفُّونَهَا يَوْمَ ظَعْنِكُمْ وَيَوْمَ إِقَامَتِكُمْ وَمِنْ أَصْوَافِهَا وَأَوْبَارِهَا وَأَشْعَارِهَا أَثَاثًا وَمَتَاعًا إِلَى حِينٍ*۔ اور اللہ تعالیٰ نے تمہارے لیے تمہارے گھروں میں سکونت کی جگہ بنا دی ہے اور اسی نے تمہارے لیے چوپایوں کی کھالوں کے گھر بنا دیے ہیں، جنہیں تم ہلکا پھلکا پاتے ہو اپنے کوچ کے دن اور اپنے ٹھہرنے کے دن بھی، اور ان کی اون اور روؤں اور بالوں سے بھی اس نے بہت سے سامان اور ایک وقت مقررہ تک کے لیے فائدہ کی چیزیں بنائیں۔ وَاللَّهُ جَعَلَ لَكُمْ مِمَّا خَلَقَ ظِلَالًا وَجَعَلَ لَكُمْ مِنَ الْجِبَالِ أَكْنَانًا وَجَعَلَ لَكُمْ سَرَابِيلَ تَقِيكُمُ الْحَرَّ وَسَرَابِيلَ تَقِيكُمْ بَأْسَكُمْ كَذَلِكَ يُتِمُّ نِعْمَتَهُ عَلَيْكُمْ لَعَلَّكُمْ تُسْلِمُونَ} اللہ ہی نے تمہارے لیے اپنی پیدا کردہ چیزوں میں سے سائے بنائے ہیں اور اسی نے تمہارے لیے پہاڑوں میں غار بنائے ہیں اور اسی نے تمہارے لیے کرتے بنائے ہیں جو تمہیں گرمی سے بچائیں اور ایسے کرتے بھی جو تمہیں لڑائی کے وقت کام آئیں۔ وه اسی طرح تمہیں اپنی پوری پوری نعمتیں دے رہا ہے کہ تم حکم بردار بن جاؤ"۔ [النحل: ۷۹ -۸۱] یہ تمام شواہد اللہ تعالیٰ کے وجود اور اس کی ربوبیت پر دلالت کرتے ہیں‘ اللہ پاک کے علاوہ کون ہے جس نے ان تمام مخلوقات کو پیدا کیا؟ ! اللہ کے علاوہ ان کا کوئی موجد نہیں اور نہ ہی اس کے علاوہ ان کا کوئی رب ہے۔

اس نے ایک ایسی عظیم دلیل بھی بنائی ہے جو ایک دن میں کئی بار ظاہر ہوتی اور گواہی دیتی ہے کہ اللہ تعالیٰ موجود ہے اور وہی پالنے والا ہے، اسی نے صبح کو پھاڑا، دانے اور گٹھلیوں کو پھاڑا۔ جیسا کہ اللہ تعالیٰ نے فرمایا: {إِنَّ اللَّهَ فَالِقُ الْحَبِّ وَالنَّوَى يُخْرِجُ الْحَيَّ مِنَ الْمَيِّتِ وَمُخْرِجُ الْمَيِّتِ مِنَ الْحَيِّ ذَلِكُمُ اللَّهُ فَأَنَّى تُؤْفَكُونَ*۔ "یبیشک اللہ تعالیٰ دانہ کو اور گٹھلیوں کو پھاڑنے والا ہے، وہ جاندار کو بےجان سے نکال لاتا ہے اور وہ بےجان کو جاندار سے نکالنے والا ہے، اللہ تعالیٰ یہ ہے، سو تم کہاں الٹے چلے جا رہے ہو۔ فَالِقُ الْإِصْبَاحِ وَجَعَلَ اللَّيْلَ سَكَنًا وَالشَّمْسَ وَالْقَمَرَ حُسْبَانًا ذَلِكَ تَقْدِيرُ الْعَزِيزِ الْعَلِيمِ} وہ صبح کا نکالنے والا‘ اس نے رات کو راحت کی چیز بنایا ہے اور سورج اور چاند کو حساب سے رکھا ہے یہ ٹھہرائی بات ہے ایسی ذات کی جو قادر ہے بڑے علم والا ہے"۔ [الأنعام: ۹۵۔ ۹۶]

جس طرح سورج اور چاند دو نشانیاں ہیں اسی طرح رات اور دن بھی دو ایسی نشانیاں ہیں جو اللہ تعالیٰ کے وجود اور اس کے رب ہونے پر دلالت کرتے ہیں، جیسا کہ فرمان الہی ہے: {وَجَعَلْنَا اللَّيْلَ وَالنَّهَارَ آيَتَيْنِ فَمَحَوْنَا آيَةَ اللَّيْلِ وَجَعَلْنَا آيَةَ النَّهَارِ مُبْصِرَةً} "ہم نے رات اور دن کو اپنی قدرت کی نشانیاں بنائی ہیں، رات کی نشانی کو تو ہم نے بے نور کردیا اور دن کی نشانی کو روشن بنایا ہے"۔ [الإسراء: ۱۲]

اسی طرح اللہ تعالیٰ نے سمندر بنایا جس کا پانی میٹھا یا کڑوا ہوتا ہے، ان دونوں سے تازہ گوشت اور زیور نکالا جاتا ہے، یہ سب اللہ تعالیٰ کے وجود پر دلالت کرتے ہیں، جیسا کہ اللہ تعالیٰ نے فرمایا: {وَهُوَ الَّذِي سَخَّرَ الْبَحْرَ لِتَأْكُلُوا مِنْهُ لَحْمًا طَرِيًّا وَتَسْتَخْرِجُوا مِنْهُ حِلْيَةً تَلْبَسُونَهَا وَتَرَى الْفُلْكَ مَوَاخِرَ فِيهِ} "اور دریا بھی اس نے تمہارے بس میں کردیے ہیں کہ تم اس میں سے (نکلا ہوا) تازہ گوشت کھاؤ اور اس میں سے اپنے پہننے کے زیورات نکال سکو اور تم دیکھتے ہو کہ کشتیاں اس میں پانی چیرتی ہوئی (چلتی) ہیں"۔ [النحل: ۱۴] ایک اور مقام پر اللہ تعالیٰ نے فرمایا: {وَهُوَ الَّذِي مَرَجَ الْبَحْرَيْنِ هَذَا عَذْبٌ فُرَاتٌ وَهَذَا مِلْحٌ أُجَاجٌ وَجَعَلَ بَيْنَهُمَا بَرْزَخًا وَحِجْرًا مَحْجُورًا} "اور وہی ہے جس نے سمندر آپس میں ملا رکھے ہیں، یہ ہے میٹھا اور مزیدار اور یہ ہے کھاری کڑوا ان دونوں کے درمیان ایک حجاب اور مضبوط اوٹ کردی"۔ [الفرقان: ۵۳]

اور اللہ تعالیٰ نے یہ بھی بتا دیا ہے کہ عقل سلیم یہ جانتی ہے کہ ایسى کائنات بغیر خالق کے وجود میں نہیں آسکتی، جیسا کہ فرمان الہی ہے: {وَهُوَ الَّذِي يُحْيِي وَيُمِيتُ وَلَهُ اخْتِلَافُ اللَّيْلِ وَالنَّهَارِ أَفَلَا تَعْقِلُونَ} "اور وہی ہے جو جلاتا ہے اور مارتا ہے اور رات دن کے رد و بدل کا مختار بھی وہی ہے۔ کیا تم کو سمجھ بوجھ نہیں؟" [المؤمنون: ۸۰] ایک اور جگہ اللہ عز وجل نے فرمایا: {قَالَ أَفَتَعْبُدُونَ مِنْ دُونِ اللَّهِ مَا لَا يَنْفَعُكُمْ شَيْئًا وَلَا يَضُرُّكُمْ*۔ "اللہ کے خلیل نے اسی وقت فرمایا افسوس! کیا تم اللہ کے علاوہ ان کی عبادت کرتے ہو جو نہ تمہیں کچھ بھی نفع پہنچا سکیں نہ نقصان۔ أُفٍّ لَكُمْ وَلِمَا تَعْبُدُونَ مِنْ دُونِ اللَّهِ أَفَلَا تَعْقِلُونَ} تف ہے تم پر اور ان پر جن کی تم اللہ کے سوا عبادت کرتے ہو۔ کیا تمہیں اتنی سی عقل بھی نہیں؟"۔ [الأنبیاء: ۶۶- ۶۷] اب کیا آپ اللہ سبحانہ وتعالیٰ کے وجود اور اس کی ربوبیت پر اس سے بھی بڑی دلیلیں دیکھنا چاہتے ہیں؟!

اللہ پاک نے ایسے لوگوں کی نکییر ہے جنہوں نے تخلیق کی نسبت اللہ کو چھوڑ کر کسی اور کی طرف کی ہے، اور ان سے زجر و توبیخ کے انداز میں سوال کیا ہے: کیا وہ عدم سے وجود میں آگئے ہیں؟ کیا انہوں نے اپنے آپ کو پیدا کر لیا ہے؟ کیا انہوں نے آسمان اور زمین کو پیدا کیا ہے؟ کیا ان کے پاس اللہ کے خزانے ہیں؟ یا وہ سب غالب وبا اختیار ہیں؟ جیسا کہ اللہ تعالیٰ نے فرمایا: أمْ خُلِقُوا مِنْ غَيْرِ شَيْءٍ أَمْ هُمُ الْخَالِقُون*۔ "یا کیا وہ بغیر کسی چیز کے خود ہی پیدا ہوگئے ہیں یا یہ خود اپنے خالق ہیں۔ أَمْ خَلَقُوا السَّمَوَاتِ وَ الأَرْضَ بَلْ لاَ يُوقِنُونَ*۔ کیا انہوں نے ہی آسمان اور زمین کو پیدا کیا ہے بلکہ وہ یقین نہیں کرتے۔ أَمْ عِنْدَهُمْ خَزَائِنُ رَبِّكَ أَمْ هُمُ المُسَيْطِرُونَ} کیا ان کے پاس تمہارے رب کے خزانے ہیں یا وہ لوگ نگراں ہیں"۔ [الطور: ۳۵-۳۷] یہ آیت ان عظیم آیتوں میں سے ہے جو اللہ تعالی کے وجود پر دلالت کرتی ہیں اوراسی لئے جبیربن مطعم رضی اللہ عنہ فرماتے ہیں کہ’’ سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقْرَأُ فِي المَغْرِبِ بِالطُّورِ، فَلَمَّا بَلَغَ هَذِهِ الآيَةَ: میں نے نبی ﷺ کو مغرب میں الطور پڑھتے ہو ئے سنا ، جب وہ اس آیت پر پہونچے: أمْ خُلِقُوا مِنْ غَيْرِ شَيْءٍ أَمْ هُمُ الْخَالِقُون*۔ "یا کیا وہ بغیر کسی چیز کے خود ہی پیدا ہوگئے ہیں یا یہ خود اپنے خالق ہیں۔ أَمْ خَلَقُوا السَّمَوَاتِ وَ الأَرْضَ بَلْ لاَ يُوقِنُونَ*۔ کیا انہوں نے ہی آسمان اور زمین کو پیدا کیا ہے بلکہ وہ یقین نہیں کرتے۔ أَمْ عِنْدَهُمْ خَزَائِنُ رَبِّكَ أَمْ هُمُ المُسَيْطِرُونَ} کیا ان کے پاس تمہارے رب کے خزانے ہیں یا وہ لوگ غالب وبا اخیتار ہیں"۔ تو فرماتے ہیں: کہ قریب تھا کہ میرا دل اڑ جا ئے۔ ( صحیح بخاری: ۴۸۵۴، صحیح مسلم: ۴۶۳، سنن أبی داود: ۸۱۱، سنن النسا ئی: ۹۸۷، سنن ابن ماجۃ: ۸۳۲)۔ جبیر رضی اللہ عنہ نے یہ آیت اسلام لانے سے پہلے سنا تھا جس سے یہ بات طشت ازبام ہوگئی کہ دنیا کی تمام چیزیں مخلوق ہیں، مربوب ہیں اور مقہور ہیں اور لوگوں کے بیان کردہ عیوب سے اللہ کی ذات پاک ہے۔

ایک اور مقام پر اللہ عز و جل نے فرمایا: {مَا أَشْهَدتُّهُمْ خَلْقَ السَّمَاوَاتِ وَالأَرْضِ وَلاَ خَلْقَ أَنفُسِهِمْ وَمَا كُنتُ مُتَّخِذَ الْمُضِلِّينَ عَضُدًا} "میں نے تو انھیں نہ اس وقت گواہ بنایا تھا جب آسمان اور زمین پیدا کئے تھے اور نہ اس وقت جب خود انھیں پیدا کیا تھا اور میں گمراہ کرنے والوں کو اپنا مددگار بنانے والا بھی نہیں"۔ [الكهف: 51] جب انسان کو نہ تو آسمانوں کی پیدائش کا کوئی علم ہے اور نہ اپنی ہی پیدائش کا کوئی علم ہے، تو کیوں وہ اپنے خالق اور موجد کا انکار کرتا ہے؟!

ہمارا ایمان ہے کہ اللہ تعالیٰ نے کسی کو بے کار پیدا نہیں کیا بلکہ یہ ایک عظیم مقصد کے لئے ایک عمدہ تخلیق ہے، جیسا کہ فرمان الہی ہے: {وَمَا خَلَقْنَا السَّمَاءَ وَالْأَرْضَ وَمَا بَيْنَهُمَا لَاعِبِينَ*۔ "ہم نے آسمان وزمین اور ان کے درمیان کی چیزوں کو کھیلتے ہوئے نہیں بنایا۔ لَوْ أَرَدْنَا أَنْ نَتَّخِذَ لَهْوًا لَاتَّخَذْنَاهُ مِنْ لَدُنَّا إِنْ كُنَّا فَاعِلِينَ } اگر ہم یوں ہی کھیل تماشے کا ارادہ کرتے تو اسے اپنے پاس سے ہی بنا لیتے، اگر ہم کرنے والے ہی ہوتے"۔ [الأنبیاء: ۱۶- ۱۷]

اللہ تعالیٰ نے ان عیسائیوں کی بھی تردید کی ہے جن کا گمان ہے کہ عیسی علیہ السلام معبود اور پیدا کرنے والے ہیں، اس کائنات کے مدبر اور پالنہار ہیں، اور واضح کردیا کہ آسمان اور زمین میں موجود کوئی بھی چیز اللہ تعالیٰ سے مخفی نہیں ہے، وہی رحم مادر میں انسان کی تصویر کشی کرتا ہے اور عیسی علیہ السلام بھی انہیں میں سے ہیں جن کو اللہ نے پیدا کیا اور رحم مادر میں ان کی تصویر کشی کی، جیسا کہ اللہ تعالیٰ نے فرمایا: {اِنَّ اللّٰهَ لَا يَخْفٰى عَلَيْهِ شَيْءٌ فِي الْاَرْضِ وَلَا فِي السَّمَاۗءِ*۔ "یقیناً اللہ تعالیٰ پر زمین وآسمان کی کوئی چیز پوشیدہ نہیں۔ ھُوَ الَّذِيْ يُصَوِّرُكُمْ فِي الْاَرْحَامِ كَيْفَ يَشَاۗءُ ۭ لَآ اِلٰهَ اِلَّا ھُوَ الْعَزِيْزُ الْحَكِيْمُ } وہ ماں کے پیٹ میں تمہاری صورتیں جس طرح چاہتا ہے بناتا ہے، اس کے سوا کوئی معبود برحق نہیں، وہ غالب ہے، حکمت والاہے"۔ [آل عمران: ۵- ۶] اس کے علاوہ اور بہت ساری دلیلیں قرآن مجید ۔جیسے سورۃ الأنعام اور سورۃ النحل وغیرہ میں موجود ہیں، جن کا شمار نا ممکن ہے اور یہ تمام کے تمام اس کی موجودگی اور اس کی ربوبیت پر دلالت کرتے ہیں۔

باب: اللہ تعالیٰ کی ربوبیت پر ایمان لانے کا بیان

ہمارا ایمان ہے کہ اللہ تعالیٰ اپنی ربوبیت میں اکیلا ہے، وہی تنہا خالق ہے، اسی نے تخلیق کی ابتداء کی اور اس کی تخلیق میں اس کا کوئی شریک نہیں ہے، جیسا کہ اللہ تعالیٰ نے فرمایا: {اللَّهُ يَبْدَأُ الْخَلْقَ ثُمَّ يُعِيدُهُ ثُمَّ إِلَيْهِ تُرْجَعُونَ} "اللہ تعالیٰ ہی مخلوق کی ابتداء کرتا ہے پھر وہی اسے دوبارہ پیدا کرے گا پھر تم سب اسی کی طرف لوٹائے جاؤ گے"۔ [الروم: ۱۱] اور اللہ تعالیٰ نے فر مایا: {قُلْ هَلْ مِنْ شُرَكَائِكُمْ مَنْ يَبْدَأُ الْخَلْقَ ثُمَّ يُعِيدُهُ قُلِ اللَّهُ يَبْدَأُ الْخَلْقَ ثُمَّ يُعِيدُهُ فَأَنَّى تُؤْفَكُونَ} "آپ یوں کہیے کہ تمہارے شرکاء میں کوئی ہے جو پہلی بار بھی پیدا کرے، پھر دوبارہ بھی پیدا کرے؟ آپ کہہ دیجئے کہ اللہ ہی پہلی بار پیدا کرتا ہے پھر وہی دوبارہ بھی پیدا کرے گا۔ تم کہاں پھرے جاتے ہو؟" [یونس: ۳۴]

اللہ تعالیٰ اپنے حکم سے جو چاہتا ہے پیدا کرتا ہے، جیسا کہ اللہ تعالیٰ نے فرمایا: {إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ} "وہ جب کبھی کسی چیز کا ارادہ کرتا ہے اسے اتنا فرما دینا (کافی ہے) کہ ہوجا، تو وہ اسی وقت ہوجاتی ہے"۔ [یس: ۸۲] اور اسی کے ساتھ حسب منشا اسباب پیدا کرتا ہے، جیسا کہ اللہ سبحانہ و تعالی نے فرمایا: {فَأَخْرَجْنَا بِهِ أَزْوَاجًا مِنْ نَبَاتٍ شَتَّى} "پھر برسات کی وجہ سے مختلف قسم کی پیداوار بھی ہم ہی پیدا کرتے ہیں"۔ [طہ: ۵۳] اور اللہ عز وجل نے فر مایا: {وَمِنْ كُلِّ الثَّمَرَاتِ جَعَلَ فِيهَا زَوْجَيْنِ اثْنَيْنِ} "اور ہر طرح کے پھلوں کی دو دو قسمیں پیدا کیں"۔ [الرعد: ۳] اوراللہ تعالیٰ نے فرمایا: {وَمِنْ كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ} "ہم نے ہر چیز کے جوڑے پیدا کیا تاکہ تم لوگ نصیحت حاصل کرو"۔ [الذاریات: ۴۹]

اللہ تعالیٰ نے بتایا کہ وہی ہر چیز کا خالق ہے، اس کے علاوہ ہر چیز مخلوق ہے، جیسا کہ فرمان الہی ہے: {اَللّٰهُ خَالِقُ كُلِّ شَيْءٍ ۡ وَّهُوَ عَلٰي كُلِّ شَيْءٍ وَّكِيْلٌ} "اللہ ہر چیز کا پیدا کرنے والا ہے اور وہی ہر چیز پر نگہبان ہے"۔ [الزمر: ۶۲]

ہمارا ایمان ہے کہ اللہ ہی ہر چیز کا رب، خالق اور مدبرہے، جیسا کہ اللہ تعالیٰ نے فرمایا: {يَاأَيُّهَا النَّاسُ اعْبُدُوا رَبَّكُمُ الَّذِي خَلَقَكُمْ وَالَّذِينَ مِنْ قَبْلِكُمْ لَعَلَّكُمْ تَتَّقُونَ*۔ "اے لوگو! اپنے اس رب کی عبادت کرو جس نے تمہیں اور تم سے پہلے کے لوگوں کو پیدا کیا، یہی تمہارا بچاؤ ہے۔ الَّذِي جَعَلَ لَكُمُ الْأَرْضَ فِرَاشًا وَالسَّمَاءَ بِنَاءً وَأَنْزَلَ مِنَ السَّمَاءِ مَاءً فَأَخْرَجَ بِهِ مِنَ الثَّمَرَاتِ رِزْقًا لَكُمْ} جس نے تمہارے لئے زمین کو فرش اور آسمان کو چھت بنایا اور آسمان سے پانی اتار کر اس سے پھل پیدا کرکے تمہیں روزی دی"۔ [البقرۃ: ۲۱۔۲۲] ایک اور مقام پر اللہ عز وجل نے فرمایا: {إِنَّ رَبَّكُمُ اللَّهُ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُدَبِّرُ الْأَمْرَ} "بلا شبہ تمہارا رب اللہ ہی ہے جس نے آسمانوں اور زمین کو چھ روز میں پیدا کردیا پھر عرش پر مستوى ہوا وہ ہر کام کی تدبیر کرتا ہے"۔ [یونس: ۳] سو وہی اللہ سبحانہ وتعالى آسمان اور زمین کا خالق و مالک ہے، وہی اس میں تصرف کرنے والا ہے، جیسا کہ اللہ جل شانہ نے فرمایا: {لَهُ مَقَالِيدُ السَّمَاوَاتِ وَالْأَرْضِ وَالَّذِينَ كَفَرُوا بِآيَاتِ اللَّهِ أُولَئِكَ هُمُ الْخَاسِرُونَ} "آسمانوں اور زمین کی کنجیوں کا مالک وہی ہے جن لوگوں نے اللہ کی آیتوں کا انکار کیا وہی خسارہ پانے والے ہیں"۔ [الزمر: ۶۳] کوئی بھی مخلوق اپنے یا اپنے علاوہ کسی اور کے معاملے کا مالک نہیں ہے سوائے اس کے جسے اللہ کسی پر مقدر کردے، فرشتے ہوں یا انبیاء ہوں یا اولیاء، اس کائنات میں نہ کوئی تصرف کر سکتا ہے اور نہ کوئی نفع و نقصان کا مالک ہے، جیسا کہ اللہ تعالیٰ نے فرمایا: {قُلِ ادْعُوا الَّذِينَ زَعَمْتُمْ مِنْ دُونِ اللَّهِ لَا يَمْلِكُونَ مِثْقَالَ ذَرَّةٍ فِي السَّمَاوَاتِ وَلَا فِي الْأَرْضِ وَمَا لَهُمْ فِيهِمَا مِنْ شِرْكٍ وَمَا لَهُ مِنْهُمْ مِنْ ظَهِيرٍ} "کہہ دیجئے! کہ اللہ کے سوا جن جن کا تمہیں گمان ہے (سب) کو پکار لو، نہ ان میں سے کسی کو آسمانوں اور زمینوں میں سے ایک ذرہ کا اختیار ہے نہ ان کا ان میں کوئی حصہ ہے نہ ان میں سے کوئی اللہ کا مدد گار ہے"۔ [سبأ: ۲۲]

ہمارا ایمان ہے کہ اللہ ہی حقیقی مالک ہے، اس کے علاوہ سب مملوک ہیں اور ہر بادشاہ کی ملکیت مؤقت اور زائل ہونے والی ہے، جیسا کہ اللہ تعالیٰ نے فرمایا: {مَالِكِ يَوْمِ الدِّينِ } "روز جزا کا مالک ہے"۔ [الفاتحۃ: ۴] اور اللہ تعالیٰ نے فر مایا: {قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ} "آپ کہہ دیجئے اے اللہ! اے تمام جہان کے مالک! تو جسے چاہے بادشاہی دے اور جس سے چاہے سلطنت چھین لے اور تو جسے چاہے عزت دے اورجسے چاہے ذلت دے، تیرے ہی ہاتھ میں سب بھلائیاں ہیں، بے شک تو ہر چیز پر قادر ہے"۔ [آل عمران: ۲۶] الله کے علاوہ سب مربوب اور مقہور ہیں، جیسا کہ اللہ تعالیٰ نے فرمایا: {إِنْ كُلُّ مَنْ فِي السَّمَاوَاتِ وَالْأَرْضِ إِلَّا آتِي الرَّحْمَنِ عَبْدًا} "آسمان و زمین میں جو بھی ہیں سب کے سب اللہ کے غلام بن کر ہی آنے والے ہیں"۔ [مریم: ۹۳]

ہمارا ایمان ہے کہ اللہ وہی ہے جس نے آسمان اور زمین کو پیدا كيا، رات کو دن اور دن کو رات پر لپیٹتا ہے، اسی نے سورج اورچاند کو مسخر کیا ہے، ان میں سے ہر ایک مقررہ وقت تک چلتے رہتے ہیں، جیسا کہ اللہ تعالیٰ نے فرمایا: {خَلَقَ السَّمَاوَاتِ وَالْأَرْضَ بِالْحَقِّ يُكَوِّرُ اللَّيْلَ عَلَى النَّهَارِ وَيُكَوِّرُ النَّهَارَ عَلَى اللَّيْلِ وَسَخَّرَ الشَّمْسَ وَالْقَمَرَ كُلٌّ يَجْرِي لِأَجَلٍ مُسَمًّى أَلَا هُوَ الْعَزِيزُ الْغَفَّارُ} "نہایت اچھی تدبیر سے اس نے آسمانوں اور زمین کو بنایا وہ رات کو دن اور دن کو رات پر لپیٹ دیتا ہے اور اس نے سورج اور چاند کو کام پر لگا رکھا ہے۔ ہر ایک مقررہ مدت تک چل رہا ہے یقین مانو کہ وہی زبردست اور گناہوں کا بخشنے والا ہے"۔ [الزمر: ۵] الله ہى نے سورج کو روشن اور چاند کو نور بنایا اور شب و روز کے اختلاف کو اپنی تخلیق کی عظمت اور حسن تدبیرپر دلالت کرنے والی نشانی بنایا، جیسا کہ اللہ تعالیٰ نے فرمایا: {هُوَ الَّذِي جَعَلَ الشَّمْسَ ضِيَاءً وَالْقَمَرَ نُورًا وَقَدَّرَهُ مَنَازِلَ لِتَعْلَمُوا عَدَدَ السِّنِينَ وَالْحِسَابَ مَا خَلَقَ اللَّهُ ذَلِكَ إِلَّا بِالْحَقِّ يُفَصِّلُ الْآيَاتِ لِقَوْمٍ يَعْلَمُونَ*۔ "وہ اللہ تعالیٰ ایسا ہے جس نے آفتاب کو چمکتا ہوا بنایا اور چاند کو نورانی بنایا اور اس کے لیے منزلیں مقرر کیں تاکہ تم برسوں کی گنتی اور حساب معلوم کرلیا کرو، اللہ تعالیٰ نے یہ چیزیں بے فائدہ نہیں پیدا کیں، وہ یہ دلائل ان کو صاف صاف بتلا رہا ہے جو دانش رکھتے ہیں۔ إِنَّ فِي اخْتِلَافِ اللَّيْلِ وَالنَّهَارِ وَمَا خَلَقَ اللَّهُ فِي السَّمَاوَاتِ وَالْأَرْضِ لَآيَاتٍ لِقَوْمٍ يَتَّقُونَ} بلاشبہ رات اور دن کے یکے بعد دیگرے آنے میں اور اللہ تعالیٰ نے جو کچھ آسمانوں اور زمین میں پیدا کیا ہے ان سب میں ان لوگوں کے واسطے دلائل ہیں جو اللہ کا ڈر رکھتے ہیں"۔ [یونس: ۵- ۶] اسی نے ہمیں ایک نفس سے پیدا کیا پھر اسی سے اس کا جوڑا بنایا، اور اسی نے تمام چوپایوں کو پیدا کیا، جیسا کہ اللہ پاک وبرتر نے فرمایا: {خَلَقَكُمْ مِنْ نَفْسٍ وَاحِدَةٍ ثُمَّ جَعَلَ مِنْهَا زَوْجَهَا وَأَنْزَلَ لَكُمْ مِنَ الْأَنْعَامِ ثَمَانِيَةَ أَزْوَاجٍ يَخْلُقُكُمْ فِي بُطُونِ أُمَّهَاتِكُمْ خَلْقًا مِنْ بَعْدِ خَلْقٍ فِي ظُلُمَاتٍ ثَلَاثٍ ذَلِكُمُ اللَّهُ رَبُّكُمْ لَهُ الْمُلْكُ لَا إِلَهَ إِلَّا هُوَ فَأَنَّى تُصْرَفُونَ} "اس نے تم سب کو ایک ہی جان سے پیدا کیا ہے پھر اسی سے اس کا جوڑا پیدا کیا اور تمہارے لئے چوپایوں میں سے (آٹھ نر و مادہ) اتارے وہ تمہیں تمہاری ماؤں کے پیٹوں میں ایک بناوٹ کے بعد دوسری بناوٹ پر بناتا ہے تین تین اندھیروں میں، یہی اللہ تعالیٰ تمہارا رب ہے اس کے لئے بادشاہت ہے، اس کے سوا کوئی معبود برحق نہیں، پھر تم کہاں بہک رہے ہو"۔ [الزمر: ۶]

ہمارا ایمان ہے کہ وہی رزاق، قوت والا اور نہایت زور آور ہے، اس کے علاوہ کوئی رازق نہیں ہے اور نہ اس کے علاوہ کوئی کفایت کرنے والا ہے، جیسا کہ اللہ تعالیٰ نے فرمایا: {إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ} "اللہ تعالیٰ تو خود ہی سب کا روزی رساں قوت والا اور نہایت زور آور ہے"۔ [الذاریات: ۵۸] اور اللہ عز وجل نے فر مایا: {وَمَا مِنْ دَابَّةٍ فِي الْأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُبِينٍ} "زمین پر چلنے پھرنے والے جتنے جاندار ہیں سب کی روزیاں اللہ تعالیٰ پر ہیں وہی ان کے رہنے سہنے کی جگہ کو جانتا ہے اور ان کے سونپے جانے کی جگہ کو بھی، سب کچھ واضح کتاب میں موجود ہے"۔ [ھود: ۶]

ہمارا ایمان ہے کہ اللہ تعالیٰ نے ہر چیز کا احاطہ کر رکھا ہے، اللہ کو ہر چیز معلوم ہے، جیسا کہ اللہ تعالیٰ نے فرمایا: {يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ} "وہ جانتا ہے جو ان کے سامنے ہے جو ان کے پیچھے ہے اور وہ اس کے علم میں سے کسی چیز کا احاطہ نہیں کرسکتے مگر وہ جتنا چاہے"۔ [البقرۃ: ۲۵۵] ہر چھوٹی بڑی چیز کا جاننے والا ہے، اس سے کو ئی چھوٹی یا بڑی چیز پوشیدہ نہیں ہے، جیسا کہ اللہ تعالیٰ نے فرمایا: {قُلْ بَلٰى وَرَبِّيْ لَتَاْتِيَنَّكُمْ عَالِمِ الْغَيْبِ لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ وَلَا أَصْغَرُ مِنْ ذَلِكَ وَلَا أَكْبَرُ إِلَّا فِي كِتَابٍ مُبِينٍ} "آپ کہہ دیجئے ! مجھے میرے رب کی قسم ! جو عالم الغیب ہے وہ یقیناً تم پر آئے گی۔ اللہ تعالیٰ سے ایک ذرے کے برابر کی چیز بھی پوشیدہ نہیں نہ آسمانوں میں نہ زمین میں بلکہ اس سے بھی چھوٹی اور بڑی ہر چیز کھلی کتاب میں موجود ہے"۔ [سبأ: ۳] اور اس کا علم اس کائنات کی ہر چیز کو محیط ہے، جیسا کہ اللہ تعالیٰ نے فرمایا: {وَعِنْدَهُ مَفَاتِحُ الْغَيْبِ لَا يَعْلَمُهَا إِلَّا هُوَ وَيَعْلَمُ مَا فِي الْبَرِّ وَالْبَحْرِ وَمَا تَسْقُطُ مِنْ وَرَقَةٍ إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا يَابِسٍ إِلَّا فِي كِتَابٍ مُبِينٍ} "اور اللہ تعالیٰ ہی کے پاس ہیں غیب کی کنجیاں (خزانے) ان کو کوئی نہیں جانتا بجز اللہ تعالیٰ کے اور وہ تمام چیزوں کو جانتا ہے جو کچھ خشکی میں ہے اور جو کچھ دریاؤں میں ہے اور کوئی پتہ نہیں گرتا مگر وہ اس کو بھی جانتا ہے اور کوئی دانہ زمین کے تاریک حصوں میں پڑتا اور نہ کوئی تر اور نہ کوئی خشک چیز گرتی ہے مگر یہ سب کتاب مبین میں ہیں"۔ [الأنعام: ۵۹] اور اس علم محیط کے ایک گوشے کی بھی وضاحت کرتے ہوئے فرمایا: {وَمَا مِنْ دَابَّةٍ فِي الْأَرْضِ وَلَا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُمْ مَا فَرَّطْنَا فِي الْكِتَابِ مِنْ شَيْءٍ ثُمَّ إِلَى رَبِّهِمْ يُحْشَرُونَ} "اور جتنے قسم کے جاندار زمین پر چلنے والے ہیں اور جتنے قسم کے پرند جانور ہیں کہ اپنے دونوں بازؤں سے اڑتے ہیں ان میں کوئی قسم ایسی نہیں جو کہ تمہاری طرح کے گروہ نہ ہوں ہم نے دفتر میں کوئی چیز نہیں چھوڑی پھر سب اپنے رب کے پاس جمع کئے جائیں گے"۔ [الأنعام: ۳۸]

اور ہم اس بات پر ایمان رکھتے ہیں کہ اللہ سبحانہ تعالیٰ حاضر وغائب کا جاننے والا ہے، اللہ تعالیٰ فرماتا ہے: {عَالِمُ الْغَيْبِ وَالشَّهَادَةِ الْكَبِيرُ الْمُتَعَالِ} "ظاہرو پوشیدہ کا وہ عالم ہے (سب سے) بڑا اور (سب سے) بلند وبالا"۔ [الرعد: ۹] ہمارا ایمان ہے کہ اللہ تعالیٰ غیب اور شہادت کا جاننے والا ہے، وہ اپنے غیب سے کسی کو با خبر نہیں کرتا سوائے اس کے جس سے وہ راضی ہو یعنی رسول کو، جیسا کہ اللہ تعالیٰ نے فرمایا: {عَالِمُ الْغَيْبِ فَلَا يُظْهِرُ عَلَى غَيْبِهِ أَحَدًا *۔ "وہ غیب کا جاننے والا ہے اور اپنے غیب پر کسی کو مطلع نہیں کرتا۔ إِلَّا مَنِ ارْتَضَى مِنْ رَسُولٍ فَإِنَّهُ يَسْلُكُ مِنْ بَيْنِ يَدَيْهِ وَمِنْ خَلْفِهِ رَصَدًا} سوائے اس رسول کے جسے وہ پسند کرلے لیکن اس کے بھی آگے پیچھے پہرے دار مقرر کردیتا ہے"۔ [الجن: ۲۶- ۲۷] غیب کا ہر دعوی دار جھوٹا اور افتراء پرداز ہے۔ رسول غیب نہیں جانتے تھے، اور اللہ تعالیٰ نے اپنے نبی ﷺ کو حکم دیا کہ آپ فرمائیں: {قُلْ لَا أَقُولُ لَكُمْ عِنْدِي خَزَائِنُ اللَّهِ وَلَا أَعْلَمُ الْغَيْبَ} "آپ کہہ دیجئے کہ نہ تو میں تم سے یہ کہتا ہوں کہ میرے پاس اللہ کے خزانے ہیں اور نہ میں غیب جانتا ہوں"۔ [الأنعام: ۵۰]

ہمارا ایمان ہے کہ اللہ ہی زندہ کرنے اور مارنے والا ہے، جیسا کہ اللہ تعالیٰ نے فرمایا: {إِنَّ اللَّهَ لَهُ مُلْكُ السَّمَاوَاتِ وَالْأَرْضِ يُحْيِي وَيُمِيتُ وَمَا لَكُمْ مِنْ دُونِ اللَّهِ مِنْ وَلِيٍّ وَلَا نَصِيرٍ} "بلا شبہ اللہ ہی کی سلطنت ہے آسمانوں اور زمین میں، وہی جلاتا اور مارتا ہے اور تمہارا اللہ کے سوا کوئی یار ہے اور نہ کوئی مدد گار"۔ [التوبۃ: ۱۱۶] اور اللہ تعالیٰ نے فرمایا: {وَهُوَ الَّذِي أَحْيَاكُمْ ثُمَّ يُمِيتُكُمْ ثُمَّ يُحْيِيكُمْ إِنَّ الْإِنْسَانَ لَكَفُورٌ} "اسی نے تمہیں زندگی بخشی پھر وہی تمہیں مار ڈالے گا پھر وہی تمہیں زندہ کرے گا، بے شک انسان البتہ ناشکرا ہے"۔ [الحج: ۶۶] وہی موت و حیات کا بھی خالق ہے، جیسا کہ فرمان الہی ہے: {الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا وَهُوَ الْعَزِيزُ الْغَفُورُ} "جس نے موت اور حیات کو اس لئے پیدا کیا کہ تمہیں آزمائے کہ تم میں اچھے کام کون کرتا ہے، اور وہ غالب اور بخشنے والا ہے"۔ [الملک: ۲] وہی جانوں کو موت سے دو چار کرتا ہے، جیسا کہ فرمان الہی ہے: {اَللّٰهُ يَتَوَفَّى الْاَنْفُسَ حِيْنَ مَوْتِهَا} "اللہ ہی روحوں کو ان کی موت کے وقت قبض کرلیتا ہے"۔ [الزمر: ۴۲]

ہمارا ایمان ہے کہ اللہ تعالیٰ ہی ہر چیز پر حاکم اور غالب ہے، جیسا کہ اللہ تعالیٰ نے ہمیں خبر دیتے ہوئے فرمایا: {وَلِلَّهِ يَسْجُدُ مَنْ فِي السَّمَاوَاتِ وَالْأَرْضِ طَوْعًا وَ كَرْهًا وَظِلَالُهُمْ بِالْغُدُوِّ وَالْآصَالِ} "اللہ ہی کے لئے زمین اور آسمانوں کی سب مخلوق خوشی اور ناخوشی سے سجدہ کرتی ہے اور ان کے سائے بھی صبح شام"۔ [الرعد: ۱۵] ایک اور مقام پر اللہ عز وجل نے فرمایا: {يَوْمَ هُم بَارِزُونَ لَا يَخْفَىٰ عَلَى اللَّهِ مِنْهُمْ شَيْءٌ لِّمَنِ الْمُلْكُ الْيَوْمَ لِلَّهِ الْوَاحِدِ الْقَهَّارِ} "جس دن سب لوگ ظاہر ہوجائیں گے ان کی کوئی چیز اللہ سے پوشیدہ نہ رہے گی۔ آج کس کی بادشاہی ہے؟ فقط اللہ واحد و قہار کی"۔ [غافر: ۱۶]

ہمارا ایمان ہے کہ اللہ تعالیٰ نے آسمان کو بنایا اور اسے بغیر کھمبے کے بلند کیا، جیسا کہ اللہ تعالیٰ نے فرمایا: {خَلَقَ السَّمَاوَاتِ بِغَيْرِ عَمَدٍ تَرَوْنَهَا وَأَلْقَى فِي الْأَرْضِ رَوَاسِيَ أَنْ تَمِيدَ بِكُمْ} "اسی نے آسمانوں کو بغیر ستون کے پیدا کیا۔ تم انھیں دیکھ رہے ہو اور اس نے زمین میں پہاڑوں کو ڈال دیا تاکہ وہ تمہیں جنبش نہ دے سکے"۔ [لقمان: ۱۰] اللہ تعالیٰ نے اپنی مخلوق کے لئے آسمانوں اور زمینوں کی ساری چیزوں کو مسخر(تابع) کردیا، اللہ عز وجل کا فرمان ہے : {وَسَخَّرَ لَكُمْ مَا فِي السَّمَاوَاتِ وَمَا فِي الْأَرْضِ جَمِيعًا مِنْهُ إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ} "اور آسمان و زمین کی ہر ہر چیز کو بھی اس نے اپنی طرف سے تمہارے لئے تابع کردیا ہے جو غور کریں یقیناً وہ اس میں بہت سی نشانیاں پالیں گے"۔ [الجاثیۃ: ۱۳]

ہمارا ایمان ہے کہ رب ذو الجلال ہی کے لئے پیدا کرنا اور حکم دینا ہے، جیسا کہ اللہ تعالیٰ نے فرمایا: { أَلَا لَهُ الْخَلْقُ وَالْأَمْرُ تَبَارَكَ اللَّهُ رَبُّ الْعَالَمِينَ} "یاد رکھو! اللہ ہی کے لئے خاص ہے خالق ہونا اور حاکم ہونا بڑی خوبیوں سے بھرا ہوا اللہ جو تمام عالم کا رب ہے"۔ [الأعراف: ۵۴] گویا اس کے علاوہ نہ کوئی رب ہے اور نہ کوئی شریعت ساز ، جیسا کہ اللہ تعالیٰ نے فرمایا: {شَرَعَ لَكُمْ مِنَ الدِّينِ مَا وَصَّى بِهِ نُوحًا وَالَّذِي أَوْحَيْنَا إِلَيْكَ} "اللہ تعالیٰ نے تمہارے لئے وہی دین مقرر کردیا ہے جس کے قائم کرنے کا اس نے نوح (علیہ السلام) کو حکم دیا تھا اور جو (بذریعہ وحی) ہم نے تیری طرف بھیج دی ہے"۔ [الشوری: ۱۳] اور اللہ تعالیٰ نے فر مایا: {لِكُلٍّ جَعَلْنَا مِنْكُمْ شِرْعَةً وَمِنْهَاجًا} "تم میں سے ہر ایک کے لیے ہم نے شریعت بنائی اور ایک راستہ بنایا"۔ [المائدۃ: ۴۸] وہی شریعت سازی کرتا ہے، فرائض سے روشناس کراتا ہے، اور دین کی وضاحت کرتا ہے۔ اللہ تعالیٰ نے ان لوگوں کی سخت نکیر کی ہے جنہوں نے احبار اور رہبان کو رب بنالیا، اور جو کچھ ان کے احبار و رہبان نے ان کے لئے مشروع کیا ہے اس کو انہوں نے قبول کرلیا۔ اللہ تعالی نے فرمایا: {اتَّخَذُوا أَحْبَارَهُمْ وَرُهْبَانَهُمْ أَرْبَابًا مِنْ دُونِ اللَّهِ} "ان لوگوں نے اللہ کو چھوڑ کر اپنے عالموں اور درویشوں کو رب بنایا ہے"۔ [التوبۃ: ۳۱] ایک اور جگہ اللہ سبحانہ و تعالیٰ نے فرمایا: { أَمْ لَهُمْ شُرَكَاءُ شَرَعُوا لَهُمْ مِنَ الدِّينِ مَا لَمْ يَأْذَنْ بِهِ اللَّهُ} "کیا ان لوگوں نے ایسے (اللہ کے) شریک (مقرر کر رکھے) ہیں جنہوں نے ایسے احکام دین مقرر کردیئے جو اللہ کے فرمائے ہوئے نہیں ہیں"۔ [الشوری: ۲۱]

جس طرح اللہ ہی ساری مخلوق کا خالق و مالک ہے، اسی طرح اسی نے ساری مخلوق کے لئے احکام مرتب کیا ہے، اور وہی اکیلا ان سے ان کے کرتوت کا حساب لے گا اور انہیں جزا یا سزا دے گا، جیسا کہ فرمایا: {وَخَلَقَ اللَّهُ السَّمَاوَاتِ وَالْأَرْضَ بِالْحَقِّ وَلِتُجْزَى كُلُّ نَفْسٍ بِمَا كَسَبَتْ وَهُمْ لَا يُظْلَمُونَ} "اور آسمانوں اور زمین کو اللہ نے بہت ہی عدل کے ساتھ پیدا کیا ہے اور تاکہ ہر شخص کو اس کے کئے ہوئے کام کا پورا پورا بدلہ دیا جائے اور ان پر ظلم نہ کیا جائے"۔ [الجاثیۃ: ۲۲] اور اللہ عز و جل نے فر مایا: { إِنَّ السَّاعَةَ آتِيَةٌ أَكَادُ أُخْفِيهَا لِتُجْزَى كُلُّ نَفْسٍ بِمَا تَسْعَى} "قیامت یقیناً آنے والی ہے جسے میں پوشیدہ رکھنا چاہتا ہوں تاکہ ہر شخص کو وہ بدلہ دیا جائے جو اس نے کوشش کی ہو"۔ [طہ: ۱۵]

ہمارا ایمان ہے کہ اللہ تعالیٰ بندوں کا بھی خالق ہے اور بندوں کے افعال کا بھی خالق ہے، جیسا کہ فرمان الہی ہے: {وَاللّٰهُ خَلَقَكُمْ وَمَا تَعْمَلُوْنَ} "اور اللہ نے تمہیں بھی اور تمہارے اعمال کو بھی پیدا کیا"۔ [الصآفات ۹۶]

ہم گواہی دیتے ہیں کہ ہر آیتِ کونیہ میں اللہ کے خالق ہونے کی دلیل موجود ہے، جیسا کہ اللہ تعالیٰ نے تاکید کرتے ہوئے فرمایا: { أَفَمَنْ يَخْلُقُ كَمَنْ لَا يَخْلُقُ أَفَلَا تَذَكَّرُونَ } "تو کیا وہ جو پیدا کرتا ہے اس جیسا ہے جو پیدا نہیں کرسکتا؟ کیا تم بالکل نہیں سوچتے"۔ [النحل: ۱۷] اور جنہیں اللہ کی ربوبیت اور الوہیت میں اس کا شریک بنالیا گیا ہے اللہ تعالیٰ نے ان تمام کا انکار کیا ہے کیوں کہ وہی اکیلا خالق ہے، جیسا کہ فرمان الہی ہے: {أَمْ جَعَلُوا لِلَّهِ شُرَكَاءَ خَلَقُوا كَخَلْقِهِ فَتَشَابَهَ الْخَلْقُ عَلَيْهِمْ قُلِ اللَّهُ خَالِقُ كُلِّ شَيْءٍ وَهُوَ الْوَاحِدُ الْقَهَّارُ} "کیا جنہیں یہ اللہ کا شریک ٹھرا رہے ہیں انہوں نے بھی اللہ کی طرح مخلوق پیدا کی ہے کہ ان کی نظر میں پیدائش مشتبہ ہوگئی ہو، کہہ دیجئے کہ صرف اللہ ہی تمام چیزوں کا خالق ہے وہ اکیلا ہے اور زبردست غالب ہے"۔ [الرعد: ۱۶]

مشرکین اللہ تعالیٰ کی ربوبیت پر ایمان لاتے تھے اور جانتے تھے کہ اللہ ہی پیدا کرنے والا، روزی دینے والا، زندہ کرنے والا اور مارنے والا ہے، وہی نفع و نقصان پہونچانے والا ہے، ان کے بت اور ان کے معبودان باطلہ نفع و نقصان کے مالک نہیں ہیں، ان بتوں کے تئیں ان مشرکین کا بس یہی عقیدہ تھا کہ وہ تقرب الی اللہ کا وسیلہ ہیں۔ لیکن اس اعتقاد کے باوجود اللہ تعالى نے ن کے اعمال کو قبول نہیں کیا، جیسا کہ اللہ تعالیٰ نے فرمایا: {وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ وَ سَخَّرَ الشَّمْسَ وَالْقَمَرَ لَيَقُولُنَّ اللَّهُ فَأَنَّى يُؤْفَكُونَ*۔ "اور اگر آپ ان سے دریافت کریں کہ زمین وآسمان کا خالق اور سورج چاند کو کام میں لگانے والا کون ہے؟ تو ان کا جواب یہی ہوگا کہ اللہ تعالیٰ۔ پھر کدھر الٹے جا رہے ہیں۔ اللَّهُ يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ إِنَّ اللَّهَ بِكُلِّ شَيْءٍ عَلِيمٌ*۔ اللہ تعالیٰ اپنے بندوں میں سے جسے چاہے فراخ روزی دیتا ہے اور جسے چاہے تنگ۔ یقیناً اللہ تعالیٰ ہر چیز کا جاننے والاہے۔ وَلَئِنْ سَأَلْتَهُمْ مَنْ نَزَّلَ مِنَ السَّمَاءِ مَاءً فَأَحْيَا بِهِ الْأَرْضَ مِنْ بَعْدِ مَوْتِهَا لَيَقُولُنَّ اللَّهُ قُلِ الْحَمْدُ لِلَّهِ بَلْ أَكْثَرُهُمْ لَا يَعْقِلُونَ} اور اگر آپ ان سے سوال کریں کہ آسمان سے پانی اتار کر زمین کو اس کی موت کے بعد زندہ کس نے کیا؟ تو یقیناً ان کا جواب یہی ہوگا اللہ تعالیٰ نے۔ آپ کہہ دیں کہ ہر تعریف اللہ ہی کے لئے سزاوار ہے، بلکہ ان میں سے اکثر بے عقل ہیں"۔ [العنکبوت: ۶۱-۶۳] اس کے باوجود کہ زمانہ رسول کے مشرکین مصیبت میں اللہ ہی سے استغاثہ کرتے تھے، پریشانی میں اسی کی پناہ لیتے تھے، لیکن یہ کرنا ان کے کچھ کام نہ آیا کیوں کہ وہ اپنے شرک وکفر پر ہی قائم رہے، جیسا کہ فرمان الہی ہے: {فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ *۔ "پس یہ لوگ جب کشتیوں میں سوار ہوتے ہیں تو اللہ تعالیٰ ہی کو پکارتے ہیں اس کے لئے عبادت کو خالص کر کے پھر جب وہ انہیں خشکی کی طرف بچا ﻻتا ہے تو اسی وقت شرک کرنے لگتے ہیں۔ لِيَكْفُرُوا بِمَا آتَيْنَاهُمْ وَلِيَتَمَتَّعُوا فَسَوْفَ يَعْلَمُونَ } تاکہ ہماری دی ہوئی نعمتوں سے مکرتے رہیں اور برتتے رہیں، ابھی ابھی انہیں پتہ چل جائے گا"۔ [العنکبوت: ۶۵- ۶۶]

باب: اللہ تعالیٰ کی الوہیت پر ایمان لانے کا بیان

ہمارا ایمان ہے کہ اللہ اپنی الوہیت میں یکتا اور اکیلا ہے، اللہ کے سوا کوئی معبود برحق نہیں، وہ تنہا ہے، اس کا کوئی شریک نہیں، وہی حق ہے، اس کے علاوہ جسے لوگ پکارتے ہیں وہ باطل ہیں یہ بہت بڑا امر ہے اور اسی وجہ سے اللہ تعالی نے کتابیں نازل کی، رسولوں کو مبعوث کیا، جنت اور جہنم کوپیدا کیا، فطرت اور عقل سلیم بھی اس پر دلالت کرتی اور اس کى گواہی دیتی ہے، ہمیں پورا یقین ہے کہ تمام انبیاء کی دعوت کی بنیاد یہی توحید ہوا کرتی تھی، یعنی سارے نبیوں نے اپنی قوم کو اللہ کی عبادت کی طرف بلایا اور اس کے علاوہ کی عبادت سے روکا ہے، جیسا کہ اللہ جل شانہ نے فرمایا: {وَمَا أَرْسَلْنَا مِنْ قَبْلِكَ مِنْ رَسُولٍ إِلَّا نُوحِي إِلَيْهِ أَنَّهُ لَا إِلَهَ إِلَّا أَنَا فَاعْبُدُونِ} "تجھ سے پہلے بھی جو رسول ہم نے بھیجا اس کی طرف یہی وحی نازل فرمائی کہ میرے سوا کوئی معبود برحق نہیں پس تم سب میری ہی عبادت کرو"۔ [الأنبیاء: ۲۵] اور اللہ سبحانہ و تعالیٰ نے فر مایا: {وَلَقَدْ بَعَثْنَا فِيْ كُلِّ اُمَّةٍ رَّسُوْلًا اَنِ اعْبُدُوا اللّٰهَ وَاجْتَنِبُوا الطَّاغُوْتَ} "ہم نے ہر امت میں رسول بھیجا کہ (لوگو) صرف اللہ کی عبادت کرو اور اس کے سوا تمام معبودوں سے بچو"۔ [النحل: ۳۶] اور اللہ حق سبحانہ نے فرمایا: {وَسْـَٔــلْ مَنْ اَرْسَلْنَا مِنْ قَبْلِكَ مِنْ رُّسُلِنَآ اَجَعَلْنَا مِنْ دُوْنِ الرَّحْمٰنِ اٰلِهَةً يُّعْبَدُوْنَ} "اور ہمارے ان نبیوں سے پوچھو ! جنہیں ہم نے آپ سے پہلے بھیجا تھا کہ کیا ہم نے سوائے رحمٰن کے اور معبود مقرر کئے تھے جن کی عبادت کی جائے؟"۔ [الزخرف: ۴۵] ہر نبی نے اپنی قوم سے کہا کہ اللہ کی عبادت کرو، اس کے علاوہ تمہارا کوئی معبود نہیں ہے، نوح علیہ السلام سے لے کر محمد عربی ﷺ تک سارے نبیوں نے یہی دعوت دیا، نوح علیہ السلام کی بابت اللہ تعالیٰ نے خبر دیتے ہوئے فرمایا: {يٰقَوْمِ اعْبُدُوا اللّٰهَ مَا لَكُمْ مِّنْ اِلٰهٍ غَيْرُهٗ } "اے میری قوم کے لوگو ! اللہ کی عبادت کرو اس کے علاوہ تمہارا کوئی معبود نہیں ہے"۔ [الأعراف: ۵۹] اور اللہ نے سب سے آخری رسول محمدﷺ کے بارے میں خبر دیتے ہوئے فرمایا: {قُلْ اِنَّمَآ اَنَا مُنْذِرٌ وَّمَا مِنْ اِلٰهٍ اِلَّا اللّٰهُ الْوَاحِدُ الْقَهَّارُ} "کہہ دیجئے ! کہ میں تو صرف خبردار کرنے والا ہوں اور بجز اللہ واحد غالب کے کوئی لائق عبادت نہیں"۔ [ص: ۶۵] اور اللہ تعالیٰ نے فر مایا: {ذٰلِكُمُ اللّٰهُ رَبُّكُمْ ۚ لَآ اِلٰهَ اِلَّا هُوَ ۚ خَالِقُ كُلِّ شَيْءٍ فَاعْبُدُوْهُ} "یہ اللہ تعالیٰ تمہارا رب ! اس کے سوا کوئی عبادت کے لائق نہیں، ہر چیز کا پیدا کرنے والا ہے تم اس کی عبادت کرو"۔ [الأنعام: ۱۰۲]

اسی امر عظیم کے لئے اللہ تعالیٰ نے ساری مخلوق کو پیدا کیا، جیسا کہ اللہ تعالیٰ نے فرمایا: {وَمَا خَلَقْتُ الْجِنَّ وَالْاِنْسَ اِلَّا لِيَعْبُدُوْنِ} "میں نے جنات اور انسانوں کو محض اس لئے پیدا کیا ہے کہ وہ صرف میری عبادت کریں"۔ [الذاریات: ۵۶] ’’ يَعْبُدُوْنِ‘‘ کا معنی ہے ’’یوحدون‘‘ یعنی خالص ایک اللہ کی عبادت کرنا اور اس کو ایک جاننا۔ جیسا کہ اس آیت کی تفسیر میں امام بخاری رحمہ اللہ نےفرمایا: ’’مَا خَلَقْتُ أَهْلَ السَّعَادَةِ مِنْ أَهْلِ الْفَرِيقَيْنِ إِلَّا ليوحدون‘‘۔ میں نے دونوں فریقوں میں سے سعادت مندوں کو اسی لئے پیدا کیا ہے تاکہ وہ میری وحدانیت کا اقرار کریں"۔ (یہ قول صحيح البخاري: ۸/ ۶۰۰ میں بغیر کسى نسبت کے مذکور ہے، اور ابن حجر۔ رحمہ اللہ۔ نے ’’فتح الباری‘‘ میں اس کو ‘‘الفراء۔ ۸ /۶۰۰‘‘ کا قول بتایا ہے۔ )

اور ابن عباس رضی اللہ عنہما فر ماتے ہیں کہ’’لَمَّا بَعَثَ النَّبِيُّ صَلَّى اللهُ عَلَيْهِ وَسَلَّمَ مُعَاذَ بْنَ جَبَلٍ إِلَى نَحْوِ أَهْلِ اليَمَنِ قَالَ لَهُ: إِنَّكَ تَقْدَمُ عَلَى قَوْمٍ مِنْ أَهْلِ الكِتَابِ، فَلْيَكُنْ أَوَّلَ مَا تَدْعُوهُمْ إِلَى أَنْ يُوَحِّدُوا اللَّهَ تَعَالَى‘‘۔ جب نبی ﷺنے معاذ بن جبل کو اہل یمن کی طرف بھیجا تو ان سے فرمایا کہ تم اہل کتاب میں سے ایک قوم کے پاس جا رہے ہو،اس لیے سب سے پہلے انہیں اس کی دعوت دینا کہ وہ اللہ کو ایک مانیں"۔ (صحیح بخاری: ۱۴۵۸، صحیح مسلم: ۱۹) اور امام بخاری رحمہ اللہ نے اس پر بایں انداز باب باندھا ہے: ’’بَابُ مَا جَاءَ فِي دُعَاءِ النَّبِيِّ صَلَّى اللَّهُ عَلَيْهِ وَسَلَّمَ أُمَّتَهُ إِلَى تَوْحِيدِ اللَّهِ تَبَارَكَ وَ تَعَالَى‘‘۔ باب ہے نبی ﷺ کا اپنی امت کو اللہ تبارک وتعالیٰ کی توحید کی طرف دعوت دینے کے بیان میں۔

اور یہ بات یاد رہے کہ حقیقت میں عبادت وہی ہے جو خالص اللہ رب العالمین کے لئے ہو اور جو نبی اکرم ﷺ کی سنت کے موافق ہو، اور اللہ کے علاوہ ہر معبود کی عبادت باطل ہے، جیسا کہ اللہ تعالیٰ نے فرمایا: {ذٰلِكَ بِاَنَّ اللّٰهَ هُوَ الْحَقُّ وَاَنَّ مَا يَدْعُوْنَ مِنْ دُوْنِهٖ هُوَ الْبَاطِلُ} "یہ سب اس لئے کہ اللہ ہی حق ہے اور اس کے سوا جسے بھی پکارتے ہیں وہ باطل ہے"۔ [الحج : ۶۲] اور لا الہ الا اللہ کا معنی ہے اللہ کے سوا کوئی معبود بر حق نہیں کیوں کہ اسى معنى پر سابقہ آیتیں دلالت کررہی ہیں۔

صرف ایک اللہ پر ایمان لانا، اسی کی عبادت کرنا اور اس کے علاوہ کسی اور کی عبادت نہ کرنا ہی کلمہ ’’ لاالہ الا اللہ ‘‘ کا مضمون ہے، یہ ایسا عظیم کلمہ ہے جس میں اللہ کے علاوہ ہر معبود کی عبادت کی نفی کی گئی ہے اور اللہ کے علاوہ ہر معبود سے حقیقی الوہیت کا انکار کیا گیا ہے، حقیقی الوہیت کا اثبات صرف اللہ رب العالمین کے لئے کیا گیا ہے، عبادت صحیحہ صرف اللہ واحد کے لئے ہوگی، یہ کلمہ قرآن مجید میں کئی بار اور کئی مقام پر آیا ہے اور نفی و اثبات پر مشتمل اس معنی کی بے شمار آیتیں قرآن مجید میں آئی ہیں، جیسے اللہ تعالیٰ کا یہ فرمان: {وَلَقَدْ بَعَثْنَا فِيْ كُلِّ اُمَّةٍ رَّسُوْلًا اَنِ اعْبُدُوا اللّٰهَ وَاجْتَنِبُوا الطَّاغُوْتَ} "ہم نے ہر امت میں رسول بھیجا کہ (لوگو) صرف اللہ کی عبادت کرو اور اس کے سوا تمام معبودوں سے بچو"۔ [النحل: ۳۶] ایک اور مقام پر اللہ عزوجل نے فرمایا: {وَاعْبُدُوا اللّٰهَ وَلَا تُشْرِكُوْا بِهٖ شَـيْـــــًٔـا} "اور اللہ تعالیٰ کی عبادت کرو اور اس کے ساتھ کسی کو شریک نہ کرو"۔ [النساء: ۳۶]

یہ دین الہی کی مضبوط بنیاد اور رکن رکین ہے یعنی صرف ایک اللہ کے لئے الوہیت کو ثابت کرنا اور اس کے علاوہ کی عبادت کا انکار کرنا ہی دین کا محور و مرکز اور انبیاء کی دعوت کی بنیاد ہے، اس کا معنی یہ ہے کہ مخلوق کے تمام اعمال کو صرف ایک اللہ ہی نے پیدا کیا ہے، بنیادی یا تاکیدی طور پر قرآن مجید کی کوئی سورت آپ اس امر سے خالی نہیں پا ئیں گے، اور اللہ تعالیٰ نے ساری مخلوق پر بے شمار دلیلوں اور ان گِنت شواہد کے ذریعہ حجت قائم کیا ہے، ان کا شمار کرنا نا ممکن ہے اور اس امر کی سب سے بڑی دلیل اللہ تعالیٰ کا اس بات پر گواہی دینا ہے؛ جیسا کہ اللہ تعالیٰ فرماتا ہے: {قُلْ أَيُّ شَيْءٍ أَكْبَرُ شَهَادةً قُلِ اللّهِ شَهِيدٌ بِيْنِي وَبَيْنَكُمْ وَأُوحِيَ إِلَيَّ هَذَا الْقُرْآنُ لأُنذِرَكُم بِهِ وَمَن بَلَغَ أَئِنَّكُمْ لَتَشْهَدُونَ أَنَّ مَعَ اللّهِ آلِهَةً أُخْرَى قُل لاَّ أَشْهَدُ قُلْ إِنَّمَا هُوَ إِلَـهٌ وَاحِدٌ وَإِنَّنِي بَرِيءٌ مِّمَّا تُشْرِكُون} "آپ کہیے کہ سب سے بڑی چیز گواہی دینے کے لئے کون ہے، آپ کہیے کہ میرے اور تمہارے درمیان اللہ گواہ ہے اور میرے پاس یہ قرآن بطور وحی کے بھیجا گیا ہے تاکہ میں اس قرآن کے ذریعہ سے تم کو اور جس جس کو یہ قرآن پہنچے ان سب کو ڈراؤں کیا تم سچ مچ یہی گواہی دو گے کہ اللہ تعالیٰ کے ساتھ کچھ اور معبود بھی ہیں، آپ کہہ دیجئے کہ میں تو گواہی نہیں دیتا۔ آپ فرما دیجئے کہ بس وہ تو ایک ہی معبود ہے اور بیشک میں تمہارے شرک سے بیزار ہوں"۔ [الأنعام: ۱۹]

اللہ تعالی نے بھی گواہی دی ہے اور اللہ کی مخلوق میں سب سے اہم لوگ یعنی فرشتے اور اہلِ علم نے بھی گواہی دی ہے اور یہ گواہی سب سے اہم چیز یعنی اللہ کی وحدانیت اور اس کی الوہیت کے لئے ہے، جیسا کہ اللہ تعالیٰ نے فر مایا: {شَهِدَ اللّٰهُ اَنَّهٗ لَآ اِلٰهَ اِلَّا ھُوَ ۙ وَالْمَلٰۗىِٕكَةُ وَاُولُوا الْعِلْمِ قَاۗىِٕمًۢا بِالْقِسْطِ ۭ لَآ اِلٰهَ اِلَّا ھُوَ الْعَزِيْزُ الْحَكِيْمُ} "اللہ تعالیٰ، فرشتے اور اہل علم اس بات کی گواہی دیتے ہیں کہ اللہ کے سوا کوئی معبود برحق نہیں اور وہ عدل کو قائم رکھنے والا ہے، اس غالب اور حکمت والے کے سوا کوئی عبادت کے لائق نہیں"۔ [آل عمران: ۱۸] اور فرشتوں و اہل علم نے اللہ کے تئیں اسی چیز کی گواہی دی ہے جس چیز کی گواہی اللہ تعالیٰ نے خود اپنے لئے دی ہے، جیسا کہ فر مان الہی ہے: {وَكَفٰى بِاللّٰهِ شَهِيْدًا} "اور اللہ بطور گواہ کافی ہے"۔ [النساء: ۷۹]

اللہ تعالی نے اپنی تمام مخلوق پر یہ حجت تمام کردیا ہے کہ اللہ ہی اس کا ئنات کی تمام چیزوں کا خالق ہے، بلکہ ہر آیت کونیہ کو اس بات پر دلیل بنایا ہے کہ وہی الوہیت اور عبادت کا حق دار ہے اور اسی لئے قرآن مجید میں اس سلسلے میں بکثرت سوالات آئے ہیں اور اس بات کا اقرار کرنے کی تاکید کی گئی ہے کہ وہی خالق، وہی رازق، وہی زندہ کرنے والا اور مارنے والا ہے پھر ان کی تردید کی گئی ہے جو اللہ کی عبادت نہیں کرتے یا اللہ کی عبادت تو کرتے ہیں لیکن اس کی عبادت میں کسی اور کو شریک کر لیتے ہیں، جیسا کہ اللہ تعالیٰ نے فرمایا: {وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ وَ سَخَّرَ الشَّمْسَ وَالْقَمَرَ لَيَقُولُنَّ اللَّهُ فَأَنَّى يُؤْفَكُونَ*۔ "اور اگر آپ ان سے دریافت کریں کہ زمین وآسمان کا خالق اور سورج چاند کو کام میں لگانے والا کون ہے؟ تو ان کا جواب یہی ہوگا کہ اللہ تعالیٰ۔ پھر کدھر الٹے جا رہے ہیں۔ اللَّهُ يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ إِنَّ اللَّهَ بِكُلِّ شَيْءٍ عَلِيمٌ*۔ اللہ تعالیٰ اپنے بندوں میں سے جسے چاہے فراخ روزی دیتا ہے اور جسے چاہے تنگ۔ یقیناً اللہ تعالیٰ ہر چیز کا جاننے والاہے۔ وَلَئِنْ سَأَلْتَهُمْ مَنْ نَزَّلَ مِنَ السَّمَاءِ مَاءً فَأَحْيَا بِهِ الْأَرْضَ مِنْ بَعْدِ مَوْتِهَا لَيَقُولُنَّ اللَّهُ قُلِ الْحَمْدُ لِلَّهِ بَلْ أَكْثَرُهُمْ لَا يَعْقِلُونَ} اور اگر آپ ان سے سوال کریں کہ آسمان سے پانی اتار کر زمین کو اس کی موت کے بعد زندہ کس نے کیا؟ تو یقیناً ان کا جواب یہی ہوگا اللہ تعالیٰ نے۔ آپ کہہ دیں کہ ہر تعریف اللہ ہی کے لئے سزاوار ہے، بلکہ ان میں سے اکثر بے عقل ہیں"۔ [العنکبوت: ۶۱- ۶۳] اور اللہ تعالیٰ نے فرمایا: {وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ لَيَقُولُنَّ خَلَقَهُنَّ الْعَزِيزُ الْعَلِيمُ*۔ "اگر آپ ان سے دریافت کریں کہ آسمانوں اور زمین کو کس نے پیدا کیا تو یقیناً ان کا جواب یہی ہوگا کہ انہیں غالب و دانا (اللہ) نے ہی پیدا کیا ہے۔ الَّذِي جَعَلَ لَكُمُ الْأَرْضَ مَهْدًا وَجَعَلَ لَكُمْ فِيهَا سُبُلًا لَعَلَّكُمْ تَهْتَدُونَ*۔ وہی ہے جس نے تمہارے لیے زمین کو فرش (بچھونا) بنایا اور اس میں تمہارے لیے راستے کردیے تاکہ تم راہ پالیا کرو۔ وَالَّذِي نَزَّلَ مِنَ السَّمَاءِ مَاءً بِقَدَرٍ فَأَنْشَرْنَا بِهِ بَلْدَةً مَيْتًا كَذَلِكَ تُخْرَجُونَ*۔ اسی نے آسمان سے ایک اندازے کے مطابق پانی نازل فرمایا، پس ہم نے اس سے مردہ شہر کو زندہ کردیا، اسی طرح تم نکالے جاؤ گے۔ وَالَّذِي خَلَقَ الْأَزْوَاجَ كُلَّهَا وَجَعَلَ لَكُمْ مِنَ الْفُلْكِ وَالْأَنْعَامِ مَا تَرْكَبُونَ} جس نے تمام چیزوں کے جوڑے بنائے اور تمہارے لیے کشتیاں بنائیں اور چوپائے جانور (پیدا کیے) جن پر تم سوار ہوتے ہو"۔ [الزخرف: ۹- ۱۲]

اللہ تعالیٰ نے اپنے بندوں پر یہ حجت بھی تمام کردیا ہے کہ بندوں پر اللہ تعالیٰ کی جو نعمتیں ہیں‘ اللہ نے ان کا اقرار کرا لیا‘ جس سے ان پر نعمتوں کے پیدا کرنے والے کی عبادت واجب ہو جاتی ہے جیسا کہ اللہ تعالیٰ نے فرمایا: {قُلْ مَنْ يَرْزُقُكُمْ مِنَ السَّمَاءِ وَالْأَرْضِ أَمَّنْ يَمْلِكُ السَّمْعَ وَالْأَبْصَارَ وَمَنْ يُخْرِجُ الْحَيَّ مِنَ الْمَيِّتِ وَيُخْرِجُ الْمَيِّتَ مِنَ الْحَيِّ وَمَنْ يُدَبِّرُ الْأَمْرَ فَسَيَقُولُونَ اللَّهُ فَقُلْ أَفَلَا تَتَّقُونَ*۔ "آپ کہیے کہ وہ کون ہے جو تم کو آسمان اور زمین سے رزق پہنچاتا ہے یا وہ کون ہے جو کانوں اور آنکھوں پر پورا اختیار رکھتا ہے اور وہ کون ہے جو زندہ کو مردہ سے نکالتا ہے اور مردہ کو زندہ سے نکالتا ہے اور وہ کون ہے جو تمام کاموں کی تدبیر کرتا ہے؟ ضرور وہ یہی کہیں گے کہ اللہ۔ تو ان سے کہیے کہ پھر کیوں نہیں ڈرتے"۔ فَذَلِكُمُ اللَّهُ رَبُّكُمُ الْحَقُّ فَمَاذَا بَعْدَ الْحَقِّ إِلَّا الضَّلَالُ فَأَنَّى تُصْرَفُونَ} "وہی اللہ تمہارا حقیقی رب ہے اور حق کے بعد نہیں ہے مگر گمراہی، پھرتم کہاں پھیرے جارہے ہو؟"۔ [یونس: ۳۱- ۳۲]

اللہ تعالی نے اپنے بندوں پرقرآن مجید کی بہت ساری ایسی آیتوں کو بھی حجت بنایا ہےجو توحید ربوبیت پر دلالت کرنے کے ساتھ عبادت الہی یعنی توحید الوہیت کو بھی مستلزم ہیں، اس کائنات کی تمام بڑی بڑی نشانیوں کا خالق بھی وہی اکیلا ہے تو جب اس کے علاوہ کوئی اور خالق نہیں ہے تو اس کے علاوہ کوئی اور عبادت کے لائق بھی نہیں ہے، اسی لئے مندرجہ ذیل آیتوں میں اللہ تعالی نے ذیل میں آرہی آیات کو اپنے اس قول کے ساتھ کیا {أَإِلَهٌ مَّعَ اللَّهِ} "کیا اللہ کے ساتھ کوئی اور معبود بھی ہے": {أَمَّنْ خَلَقَ السَّمَاوَاتِ وَالْأَرْضَ وَأَنْزَلَ لَكُمْ مِنَ السَّمَاءِ مَاءً فَأَنْبَتْنَا بِهِ حَدَائِقَ ذَاتَ بَهْجَةٍ مَا كَانَ لَكُمْ أَنْ تُنْبِتُوا شَجَرَهَا أَإِلَهٌ مَعَ اللَّهِ بَلْ هُمْ قَوْمٌ يَعْدِلُونَ*۔ "بھلا بتاؤ تو؟ کہ آسمانوں کو اور زمین کو کس نے پیدا کیا؟ کس نے آسمان سے بارش برسائی؟ پھر اس سے ہرے بھرے بارونق باغات اگا دیئے؟ ان باغوں کے درختوں کو تم ہر گز نہ اگا سکتے، کیا اللہ کے ساتھ اور کوئی معبود بھی ہے؟ بلکہ یہ لوگ ہٹ جاتے ہیں (سیدھی راہ سے)۔ أَمَّنْ جَعَلَ الْأَرْضَ قَرَارًا وَجَعَلَ خِلَالَهَا أَنْهَارًا وَجَعَلَ لَهَا رَوَاسِيَ وَجَعَلَ بَيْنَ الْبَحْرَيْنِ حَاجِزًا أَإِلَهٌ مَعَ اللَّهِ بَلْ أَكْثَرُهُمْ لَا يَعْلَمُونَ*۔ کیا وہ جس نے زمین کو قرار گاہ بنایا اور اس کے درمیان نہریں جاری کردیں اور اس کے لیے پہاڑ بنائے اور دو سمندروں کے درمیان روک بنا دی کیا اللہ کے ساتھ اور کوئی معبود بھی ہے؟ بلکہ ان میں سے اکثر کچھ جانتے ہی نہیں۔ {أَمَّنْ يُجِيبُ الْمُضْطَرَّ إِذَا دَعَاهُ وَ يَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونَ} بے کس کی پکار کو جب کہ وہ پکارے، کون قبول کر کے سختی کو دور کردیتا ہے اور تمہیں زمین کا خلیفہ بناتا ہے۔ کیا اللہ تعالیٰ کے ساتھ اور معبود ہے؟ تم بہت کم نصیحت و عبرت حاصل کرتے ہو۔ أَمَّنْ يَهْدِيكُمْ فِي ظُلُمَاتِ الْبَرِّ وَالْبَحْرِ وَمَنْ يُرْسِلُ الرِّيَاحَ بُشْرًا بَيْنَ يَدَيْ رَحْمَتِهِ أَإِلَهٌ مَعَ اللَّهِ تَعَالَى اللَّهُ عَمَّا يُشْرِكُونَ} کیا وہ جو تمہیں خشکی اور تری کی تاریکیوں میں راہ د کھاتا ہے اور جو اپنی رحمت سے پہلے ہی خوشخبریاں دینے والی ہوائیں چلاتا ہے، کیا اللہ کے ساتھ کوئی اور معبود بھی ہے جنہیں یہ شریک کرتے ہیں، ان سب سے اللہ بلند وبالاتر ہے"۔ [النمل: ۶۰ - ۶۳]

اللہ تعالیٰ نے سورۃ الروم میں توحید ربوبیت پر دلالت کرنے والی بڑی بڑی مخلوقات کا ذکر کیا ہے لیکن وہ مخلوقات جہاں توحید ربوبیت پر دلیل ہیں وہیں وہ توحید الوہیت کو بھی مستلزم ہیں، جیسا کہ اللہ سبحانہ و تعالیٰ نے فرمایا: {وَمِنْ آيَاتِهِ أَنْ خَلَقَكُمْ مِنْ تُرَابٍ ثُمَّ إِذَا أَنْتُمْ بَشَرٌ تَنْتَشِرُونَ*۔ "اللہ کی نشانیوں میں سے ہے کہ اس نے تم کو مٹی سے پیدا کیا پھر اب انسان بن کر (چلتے پھرتے) پھیل رہے ہو۔ وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ*۔ اور اس کی نشانیوں میں سے ہے کہ تمہاری ہی جنس سے بیویاں پیدا کیں تاکہ تم ان سے آرام پاؤ اس نے تمہارے درمیان محبت اور ہمدردی قائم کر دی، یقیناً غور وفکر کرنے والوں کے لئے اس میں بہت سی نشانیاں ہیں۔ وَمِنْ آيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ إِنَّ فِي ذَلِكَ لَآيَاتٍ لِلْعَالِمِينَ*۔ اس (کی قدرت) کی نشانیوں میں سے آسمانوں اور زمین کی پیدائش اور تمہاری زبانوں اور رنگتوں کا اختلاف (بھی) ہے، دانش مندوں کے لئے اس میں یقیناً بڑی نشانیاں ہیں۔ وَمِنْ آيَاتِهِ مَنَامُكُمْ بِاللَّيْلِ وَالنَّهَارِ وَابْتِغَاؤُكُمْ مِنْ فَضْلِهِ إِنَّ فِي ذَلِكَ لَآيَاتٍ لِقَوْمٍ يَسْمَعُونَ*۔ اور (بھی) اس کی (قدرت کی) نشانی تمہاری راتوں اور دن کی نیند میں ہے اور اس کے فضل (یعنی روزی) کو تمہارا تلاش کرنا بھی ہے، جو لوگ (کان لگا کر) سننے کے عادی ہیں ان کے لئے اس میں بہت سی نشانیاں ہیں۔ وَمِنْ آيَاتِهِ يُرِيكُمُ الْبَرْقَ خَوْفًا وَطَمَعًا وَيُنَزِّلُ مِنَ السَّمَاءِ مَاءً فَيُحْيِي بِهِ الْأَرْضَ بَعْدَ مَوْتِهَا إِنَّ فِي ذَلِكَ لَآيَاتٍ لِقَوْمٍ يَعْقِلُونَ*۔ اور اس کی نشانیوں میں سے ایک یہ (بھی) ہے کہ وہ تمہیں ڈرانے اور امیدوار بنانے کے لئے بجلیاں دکھاتا ہے اور آسمان سے بارش برساتا ہے اور اس سے مردہ زمین کو زندہ کر دیتا ہے، اس میں (بھی) عقلمندوں کے لئے بہت سی نشانیاں ہیں۔ وَمِنْ آيَاتِهِ أَنْ تَقُومَ السَّمَاءُ وَالْأَرْضُ بِأَمْرِهِ ثُمَّ إِذَا دَعَاكُمْ دَعْوَةً مِنَ الْأَرْضِ إِذَا أَنْتُمْ تَخْرُجُونَ*۔ اس کی ایک نشانی یہ بھی ہے کہ آسمان وزمین اسی کے حکم سے قائم ہیں، پھر جب وہ تمہیں آواز دے گا صرف ایک بار کی آواز کے ساتھ ہی تم سب زمین سے نکل آؤ گے۔ وَلَهُ مَنْ فِي السَّمَاوَاتِ وَالْأَرْضِ كُلٌّ لَهُ قَانِتُونَ* وَهُوَ الَّذِي يَبْدَأُ الْخَلْقَ ثُمَّ يُعِيدُهُ وَهُوَ أَهْوَنُ عَلَيْهِ وَلَهُ الْمَثَلُ الْأَعْلَى فِي السَّمَاوَاتِ وَالْأَرْضِ وَهُوَ الْعَزِيزُ الْحَكِيمُ*۔ اور زمین وآسمان کی ہر ہر چیز اس کی ملکیت ہے اور ہر ایک اس کے فرمان کے ماتحت ہے۔ وہی ہے جو اول بار مخلوق کو پیدا کرتا ہے پھر سے دوبارہ پیدا کرے گا اور یہ تو اس پر بہت ہی آسان ہے۔ اسی کی بہترین اور اعلیٰ صفت ہے، آسمانوں میں اور زمین میں بھی اور وہی غلبے والا حکمت والاہے۔ ضَرَبَ لَكُمْ مَثَلًا مِنْ أَنْفُسِكُمْ هَلْ لَكُمْ مِنْ مَا مَلَكَتْ أَيْمَانُكُمْ مِنْ شُرَكَاءَ فِي مَا رَزَقْنَاكُمْ فَأَنْتُمْ فِيهِ سَوَاءٌ تَخَافُونَهُمْ كَخِيفَتِكُمْ أَنْفُسَكُمْ كَذَلِكَ نُفَصِّلُ الْآيَاتِ لِقَوْمٍ يَعْقِلُونَ*۔ اللہ تعالیٰ نے تمہارے لئے ایک مثال خود تمہاری ہی بیان فرمائی، جو کچھ ہم نے تمہیں دے رکھا ہے کیا اس میں تمہارے غلاموں میں سے بھی کوئی تمہارا شریک ہے؟ کہ تم اور وہ اس میں برابر درجے کے ہو؟ اور تم ان کا ایسا خطرہ رکھتے ہو جیسا خود اپنوں کا، ہم عقل رکھنے والوں کے لئے اسی طرح کھول کھول کر آیتیں بیان کر دیتے ہیں۔ بَلِ اتَّبَعَ الَّذِينَ ظَلَمُوا أَهْوَاءَهُمْ بِغَيْرِ عِلْمٍ فَمَنْ يَهْدِي مَنْ أَضَلَّ اللَّهُ وَمَا لَهُمْ مِنْ نَاصِرِينَ} بلکہ بات یہ ہے کہ یہ ﻇالم تو بغیر علم کے خواہش پرستی کر رہے ہیں، اسے کون راہ دکھائے جسے اللہ تعالیٰ راہ سے ہٹا دے، ان کا ایک بھی مددگار نہیں"۔ [الروم: ۲۰- ۲۹] دیکھئے ہر آیت کی ابتداء {وَمِنْ آيَاتِهِ} سے ہوئی ہے یعنی یہ بتایا جا رہا ہے کہ ہر ربوبیت پر دلالت کرنے والی کوئی دلیل جس کا تذکرہ مذکورہ آیات میں آیا ہے وہ توحید الوہیت کو بھی مستلزم ہے پھر اس کےفورا بعد اللہ تعالی نے ان کے لئے مثال بیان کی ہے جو کسی مخلوق کو اس کے برابر مانیں۔ امام طبری رحمہ اللہ اپنی تفسیر میں اس آیت کا مفہوم بیان کرتے ہوئے فرماتے ہیں کہ ’’ أكان أحدكم مشاركا مملوكه في فراشه وزوجته؟! فكذلكم الله لا يرضى أن يعدل به أحد من خلقه‘‘۔ کیا تم میں سے کوئی اپنے غلام کو اپنے بستر اور اپنی بیوی میں شریک کرتا ہے؟ تو پھر اللہ کی مخلوق میں سے کسی کو اس کے برابر کرنے سے وہ کیسے راضی ہوگا ؟ ایسا قتادہ نے فرمایا۔ (تفسیر الطبری : ۲۰/۹۵). اس کے بعد اللہ تعالیٰ نے اس بات پر آکر ختم کیا ہے کہ فطرت سلیمہ بھی اسی بات کا تقاضا کرتی ہے کہ صرف ایک اللہ کی عبادت کی جا ئے جیسا کہ فرمایا: { فَأَقِمْ وَجْهَكَ لِلدِّينِ حَنِيفًا فِطْرَتَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لَا يَعْلَمُونَ } "پس آپ یکسو ہو کر اپنا منہ دین کی طرف متوجہ کردیں، اللہ تعالیٰ کی وہ فطرت جس پر اس نے لوگوں کو پیدا کیا ہے، اس اللہ تعالیٰ کے بنائے کو بدلنا نہیں یہی سیدھا دین ہے لیکن اکثر لوگ نہیں سمجھتے"۔ [الروم : ۳۰ ]

اللہ تعالی نے توحید الوہیت کے سلسلے میں ساری دلیلیں مختلف انداز میں پیش کی ہے تاکہ حجت قائم ہوجائے اور لوگوں کے لئے حق کا راستہ واضح ہوجائے۔ جیسے اللہ تعالیٰ نے لوگوں پر قطعی اور خاموش کرنے والی دلیلیں پیش کی اور اپنی وحدانیت پر دلالت کرنے والے مضبوط شواہد پیش کیے‘ چنانچہ اللہ تعالى نے کئی مثالیں بیان کیں اور اللہ پاک نے حق بیان فرما دیا‘ ارشاد باری تعالی ہے: {وَضَرَبَ اللّٰهُ مَثَلًا رَّجُلَيْنِ اَحَدُهُمَآ اَبْكَمُ لَا يَـقْدِرُ عَلٰي شَيْءٍ وَّهُوَ كَلٌّ عَلٰي مَوْلٰىهُ ۙ اَيْنَـمَا يُوَجِّهْهُّ لَا يَاْتِ بِخَيْرٍ ۭهَلْ يَسْتَوِيْ هُوَ ۙ وَمَنْ يَّاْمُرُ بِالْعَدْلِ ۙ وَهُوَ عَلٰي صِرَاطٍ مُّسْتَــقِيْمٍ } "اللہ تعالیٰ ایک اور مثال بیان فرماتا ہے دو شخصوں کی، جن میں سے ایک تو گونگا ہے اور کسی چیز پر اختیار نہیں رکھتا بلکہ وہ اپنے مالک پر بوجھ ہے کہیں بھی اسے بھیج دو کوئی بھلائی نہیں لاتا، کیا یہ اور وہ جو عدل کا حکم دیتا ہے اور ہے بھی سیدھی راہ پر، برابر ہوسکتے ہیں؟"۔ [النحل: ۷۶] اس آیت کی تفسیر میں امام ابن جریر طبری رحمہ اللہ فرماتے ہیں کہ: ’’وهذا مثل ضربه الله تعالى لنفسه والآلهة التي تُعبد من دونه، فقال تعالى ذكره (وَضَرَبَ اللَّهُ مَثَلا رَجُلَيْنِ أَحَدُهُمَا أَبْكَمُ لا يَقْدِرُ عَلَى شَيْءٍ) يعني بذلك الصنم أنه لا يسمع شيئا، ولا ينطق، لأنه إما خشب منحوت، وإما نحاس مصنوع لا يقدر على نفع لمن خدمه، ولا دفع ضرّ عنه وهو كَلٌّ على مولاه، يقول: وهو عيال على ابن عمه وحلفائه وأهل ولايته، فكذلك الصنم كَلّ على من يعبده، يحتاج أن يحمله، ويضعه ويخدمه، كالأبكم من الناس الذي لا يقدر على شيء، فهو كَلّ على أوليائه من بني أعمامه وغيرهم (أَيْنَمَا يُوَجِّهْهُ لا يَأْتِ بِخَيْرٍ) يقول: حيثما يوجهه لا يأت بخير، لأنه لا يفهم ما يُقال له، ولا يقدر أن يعبر عن نفسه ما يريد، فهو لا يفهم، ولا يُفْهَم عنه، فكذلك الصنم،لا يعقل ما يقال له، فيأتمر لأمر من أمره، ولا ينطق فيأمر وينهي، يقول الله تعالى (هَلْ يَسْتَوِي هُوَ وَمَنْ يَأْمُرُ بِالْعَدْلِ)يعني: هل يستوي هذا الأبكم الكلّ على مولاه الذي لا يأتي بخير حيث توجه ومن هو ناطق متكلم يأمر بالحقّ ويدعو إليه وهو الله الواحد القهار، الذي يدعو عباده إلى توحيده وطاعته، يقول: لا يستوي هو تعالى ذكره، والصنم الذي صفته ما وصف‘‘۔ اللہ تعالیٰ نے اپنے اور اپنے علاوہ دیگر معبودان باطلہ (جن کی اس کے علاوہ عبادت کی جاتی ہے )کی مثال بیان کرتے ہو ئے فرمایا {وَ ضَرَبَ اللَّهُ مَثَلًا رَجُلَيْنِ أَحَدُهُمَا أَبْكَمُ لَا يَقْدِرُ عَلَى شَيْءٍ} "اللہ تعالیٰ ایک اور مثال بیان فرماتا ہے، دو شخصوں کی، جن میں سے ایک تو گونگا ہے اور کسی چیز پر اختیار نہیں رکھتا"۔ یعنی اللہ تعالیٰ فرماتا ہے: کہ یہ بت نہ سنتے ہیں اور نہ ہی بو لتے ہیں کیوں کہ وہ لکڑی یا پیتل کے بنے ہو ئے مجسمے ہیں، یہ کسی خدمت گزار کو نہ نفع پہونچا سکتے ہیں اور نہ ہی ان پر آئی ہوئی کسی مصیبت کو ٹال سکتے ہیں، کیوں کہ وہ خود اپنےآقا پر بوجھ ہیں اور اللہ نے یہ بھی کہا کہ جیسے بچے اپنے چچا کے لڑکے، اپنے اتحادیوں اور اپنے حلیفوں پر بوجھ ہوتےہیں اسی طرح یہ بت بھی اپنے عبادت گزاروں کے لئے بوجھ ہوا کرتے ہیں کیوں کہ یہ اٹھا نے، رکھنے اور خدمت گزاروں کے محتاج ہوا کرتے ہیں اس گونگے کی طرح جو کسی چیز پر قدرت نہیں رکھتا بلکہ وہ اپنے سر پرستوں یعنی اپنے چچا زاد وغیرہ پر بوجھ ہوتا ہے۔ اس کے بعد فرمایا (أَيْنَمَا يُوَجِّهْهُ لا يَأْتِ بِخَيْرٍ) "مالک اسے چاہےجہاں بھیج دے لیکن وہ بھلائی نہیں لا سکتا"۔ یعنی جس طرح سر پرست گونگے کو جس طرف چاہے پھیرے لیکن وہ اسے کوئی بھلائی نہیں پہونچا سکتا ہے کیوں کہ وہ نہ تو کوئی بات سمجھتا ہے اور نہ ہی وہ اپنے ما فی الضمیر کی ادائیگی کر سکتا ہے، اسی لئے وہ سمجھ نہیں سکتا اور نہ ہی اس کی بات سمجھی جا سکتی ہے اسی طرح یہ بت بھی ہیں، نہ یہ ہماری کوئی بات سمجھتے ہیں اور نہ ہی کسی حکم کی بجا آوری کر سکتے ہیں اور نہ ہی یہ بول سکتے ہیں کہ کسی کام کا ہمیں حکم دیں یا کسی کام سے روکیں۔ اس کے بعد اللہ تعالیٰ نے فر مایا(هَلْ يَسْتَوِي هُوَ وَمَنْ يَأْمُرُ بِالْعَدْلِ) "کیا یہ اور وہ جو عدل کا حکم دیتا ہے برابر ہوسکتے ہیں"۔ یعنی کیا یہ گونگا جو اپنے آقا پر بوجھ بنا ہوا ہے، جو کو ئی خیر تک نہیں پہونچا سکتا ہے اسے چاہے جہاں لے کے چلے جاؤ لیکن کوئی فائدہ ہونے والا نہیں ہے کیا یہ وہ اور وہ برار ہو سکتا ہے جو بولتا ہے، جو صحیح بات کا حکم دیتا اور اسی کی طرف بلاتا ہے او رجو اللہ واحد ہے جو قہار اور زبردست ہے، جو اپنے بندوں کو توحید اور اطاعت کی طرف بلاتا ہے کیا دونوں برابر ہو سکتے ہیں؟ اللہ تعالیٰ کہتا ہے کہ اللہ اور مذکورہ بت دونوں برابر نہیں ہو سکتے ہیں۔ (تفسیر الطبری : ۲۶۲/ ۱۷).

مجاہد رحمہ اللہ فرماتے ہیں کہ اللہ تعالیٰ نے معبود حقیقی اور معبودان باطلہ کی ایک اور مثال بیان فرمائی ہے۔ (تفسیر الطبری: ۲۸۵/ ۲۱). اللہ تعالی فرماتا ہے: {ضَرَبَ اللَّهُ مَثَلًا رَجُلًا فِيهِ شُرَكَاءُ مُتَشَاكِسُونَ وَرَجُلًا سَلَمًا لِرَجُلٍ هَلْ يَسْتَوِيَانِ مَثَلًا الْحَمْدُ لِلَّهِ بَلْ أَكْثَرُهُمْ لَا يَعْلَمُونَ} "اللہ تعالیٰ مثال بیان فرما رہا ہے ایک وه شخص جس میں بہت سے باہم ضد رکھنے والے ساجھی ہیں، اور دوسرا وه شخص جو صرف ایک ہی کا (غلام) ہے، کیا یہ دونوں صفت میں یکساں ہیں، اللہ تعالیٰ ہی کے لئے سب تعریف ہے۔ بات یہ ہے کہ ان میں کے اکثر لوگ سمجھتے نہیں". [الزمر: ۲۹]

یہ عمل - یعنی اللہ کی الوہیت کا اقرار اور ساتھ ہی رسول صلی اللہ علیہ وسلم کی رسالت کا اقرار- اسے اللہ نے ایمان اور کفر کے درمیان حد فاصل قرار دیا ہے‘ اللہ تعالی کا فرمان ہے: {فَإِذَا انْسَلَخَ الْأَشْهُرُ الْحُرُمُ فَاقْتُلُوا الْمُشْرِكِينَ حَيْثُ وَجَدْتُمُوهُمْ وَخُذُوهُمْ وَاحْصُرُوهُمْ وَاقْعُدُوا لَهُمْ كُلَّ مَرْصَدٍ فَإِنْ تَابُوا وَأَقَامُوا الصَّلَاةَ وَآتَوُا الزَّكَاةَ فَخَلُّوا سَبِيلَهُمْ} "پھر حرمت والے مہینوں کے گزرتے ہی مشرکوں کو جہاں پاؤ قتل کرو انہیں گرفتار کرو، ان کا محاصرہ کرلو اور ان کی تاک میں ہر گھاٹی میں جا بیٹھو، ہاں اگر وہ توبہ کرلیں اور نماز کے پابند ہو جائیں اور زکوٰۃ ادا کرنے لگیں تو تم ان کی راہیں چھوڑ دو۔ یقیناً اللہ تعالیٰ بخشنے والامہربان ہے"۔ [التوبۃ: ۵] اور اللہ سبحانہ و تعالیٰ نے فر مایا: {فَإِنْ تَابُوا وَأَقَامُوا الصَّلَاةَ وَآتَوُا الزَّكَاةَ فَإِخْوَانُكُمْ فِي الدِّينِ} "اگر وہ توبہ کر لیں اور نماز قائم کریں اور زکوہ ادا کریں تو وہ تمہارے دینی بھا ئی ہیں"۔ [التوبۃ: ۱۱] ابن عمر رضی اللہ عنہما سے روایت ہے کہ اللہ کے رسول ﷺ نے فرمایا: ’’أُمِرْتُ أَنْ أُقَاتِلَ النَّاسَ حَتَّى يَشْهَدُوا أَنْ لاَ إِلَهَ إِلَّا اللَّهُ، وَأَنَّ مُحَمَّدًا رَسُولُ اللَّهِ، وَيُقِيمُوا الصَّلاَةَ، وَيُؤْتُوا الزَّكَاةَ، فَإِذَا فَعَلُوا ذَلِكَ عَصَمُوا مِنِّي دِمَاءَهُمْ وَأَمْوَالَهُمْ إِلَّا بِحَقِّ الإِسْلاَمِ، وَحِسَابُهُمْ عَلَى اللَّهِ‘‘۔ "مجھے حکم دیا گیا ہے کہ میں لوگوں سے قتال کروں تا آنکہ لوگ اس بات کی گواہی دینے لگیں کہ اللہ کے سوا کوئی معبود برحق نہیں اور محمد اللہ کے رسول ہیں، نماز قائم کریں اور زکوۃ ادا کریں، اگر لوگوں نے یہ کر لیا تو انہوں نے مجھ سے اپنا خون، اپنا مال اسلام کے حق کے ساتھ بچا لیا اور ان کا حساب اللہ پر ہے"۔ ( صحیح بخاری: ۱۳۹۹، ۷۲۸۴، صحیح مسلم: ۲۰، سنن أبی داود: ۱۵۵۶، جامع الترمذی: ۲۶۰۷، سنن النسائی: ۲۴۴۳)۔

اور اس ایمان کا صرف دل میں ہونا کافی نہیں ہے، بلکہ زبان سے بھی اس کا اقرار ضروری ہے، اسی لئے اللہ کے رسول ﷺ نے فرمایا ہے: ’’أُمِرْتُ أَنْ أُقَاتِلَ النَّاسَ حَتَّى يَشْهَدُوا أَنْ لاَ إِلَهَ إِلَّا اللَّهُ‘‘۔ مجھے حکم دیا گیا ہے کہ میں لوگوں سے قتال کروں حتی کہ لوگ اس بات کی گواہی دیں کہ اللہ کے سوا کو ئی معبود برحق نہیں ہے۔ (صحیح بخاری: ۲۵، صحیح مسلم: ۲۲) اور ایمان اس وقت تک مکمل نہیں ہوگا جب تک کہ اس کے تقاضے کے مطابق عمل نہ کیا جا ئے، جیسا کہ اللہ تعالیٰ نے فرمایا: {إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَى رَبِّهِمْ يَتَوَكَّلُونَ*۔ "بس ایمان والے تو ایسے ہوتے ہیں کہ جب اللہ تعالیٰ کا ذکر آتا ہے تو ان کے قلوب ڈر جاتے ہیں اور جب اللہ کی آیتیں ان کو پڑھ کر سنائی جاتیں ہیں تو وہ آیتیں ان کے ایمان کو اور زیادہ کردیتی ہیں اور وہ لوگ اپنے رب پر توکل کرتے ہیں"۔ الَّذِينَ يُقِيمُونَ الصَّلَاةَ وَمِمَّا رَزَقْنَاهُمْ يُنْفِقُونَ*۔ "جو کہ نماز کی پابندی کرتے ہیں اور ہم نے ان کو جو کچھ دیا ہے وہ اس میں سے خرچ کرتے ہیں۔ أُولَئِكَ هُمُ الْمُؤْمِنُونَ حَقًّا} سچے ایمان والے یہ لوگ ہیں"۔ [الأنفال: ۲- ۴] ارشاد باری تعالی ہے: {لَيْسَ الْبِرَّ أَنْ تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ وَلَكِنَّ الْبِرَّ مَنْ آمَنَ بِاللَّهِ وَالْيَوْمِ الْآخِرِ وَالْمَلَائِكَةِ وَ الْكِتَابِ وَالنَّبِيِّينَ وَآتَى الْمَالَ عَلَى حُبِّهِ ذَوِي الْقُرْبَى وَالْيَتَامَى وَالْمَسَاكِينَ وَابْنَ السَّبِيلِ وَالسَّائِلِينَ وَفِي الرِّقَابِ وَأَقَامَ الصَّلَاةَ وَآتَى الزَّكَاةَ وَالْمُوفُونَ بِعَهْدِهِمْ إِذَا عَاهَدُوا وَالصَّابِرِينَ فِي الْبَأْسَاءِ وَالضَّرَّاءِ وَحِينَ الْبَأْسِ أُولَئِكَ الَّذِينَ صَدَقُوا وَ أُولَئِكَ هُمُ الْمُتَّقُونَ} "ساری اچھائی مشرق ومغرب کی طرف منھ کرنے میں ہی نہیں بلکہ حقیقتاً اچھا وہ شخص ہے جو اللہ تعالیٰ پر، قیامت کے دن پر، فرشتوں پر، کتاب اللہ پر اور نبیوں پر ایمان رکھنے والا ہو، جو مال سے محبت کرنے کے باوجود قرابت داروں، یتیموں، مسکینوں، مسافروں اور سوال کرنے والے کو دے، غلاموں کو آزاد کرے، نماز کی پابندی اور زکوٰۃ کی ادائیگی کرے، جب وعدہ کرے تو اسے پورا کرے، تنگدستی، دکھ درد اور لڑائی کے وقت صبر کرے، یہی سچے لوگ ہیں اور یہی پرہیزگار ہیں"۔ [البقرۃ: ۱۷۷]

اور اللہ کے رسول ﷺ نے فرمایا: ’’مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ‘‘۔ تم میں سے جو منکر دیکھے تو اسے اپنے ہاتھ سے روکے، اگر اس کی طاقت نہ ہو تو اپنی زبان سے، اور اگر اس کی بھی طاقت نہ ہو تو اسے دل میں برا جانے، اور یہ ایمان کا سب سے کم تر درجہ ہے۔ (صحیح مسلم: ۴۹ ، سنن أبی داود: ۱۱۴۰ ، جامع الترمذی: ۲۱۷۲، سنن النسا ئی: ۵۰۰۸، سنن ابن ماجہ: ۱۲۷۵)۔ تو یہ حدیث اس بات پر دلالت کرتی ہے کہ ایمان دل میں گھٹتا بڑھتا رہتا ہے۔

اور ایمان باللہ کے ساتھ ساتھ طاغوت کا انکار بھی ضروری ہے، جیسا کہ اللہ تعالیٰ نے فرمایا: {فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدِ اسْتَمْسَكَ بِالْعُرْوَةِ الْوُثْقَى لَا انْفِصَامَ لَهَا وَاللَّهُ سَمِيعٌ عَلِيمٌ} "اس لئے کہ جو شخص اللہ تعالیٰ کے سوا دوسرے معبودوں کا انکار کرکے اللہ تعالیٰ پر ایمان ﻻئے اس نے مضبوط کڑے کو تھام لیا، جو کبھی نہ ٹوٹے گا اور اللہ تعالیٰ سننے والا، جاننے والا ہے"۔ [البقرۃ: ۲۵۶] اور شرک اور اہل شرک سے براءت کا اظہار بھی ضروری ہے کیوں کہ شرک سے براءت کا اظہار کئے بغیر کوئی بھی موحد نہیں ہو سکتا ہے، جیسا کہ فرمان الہی ہے: {وَإِذْ قَالَ إِبْرَاهِيمُ لِأَبِيهِ وَقَوْمِهِ إِنَّنِي بَرَاءٌ مِمَّا تَعْبُدُونَ } "اور جبکہ ابراہیم (علیہ السلام) نے اپنے والد سے اور اپنی قوم سے فرمایا کہ میں ان چیزوں سے بیزار ہوں جن کی تم عبادت کرتے ہو"۔ [الزخرف: ۲۶]

اس ایمان کے تئیں ضروری ہے کہ بندہ اللہ تعالیٰ کے لئے مخلص ہو، جیسا کہ فرمان الہی ہے: {هُوَ الْحَيُّ لَا إِلَهَ إِلَّا هُوَ فَادْعُوهُ مُخْلِصِينَ لَهُ الدِّينَ الْحَمْدُ لِلَّهِ رَبِّ الْعَالَمِينَ} "وہ زندہ ہے جس کے سوا کوئی معبود برحق نہیں پس تم خالص اس کی عبادت کرتے ہوئے اسے پکارو، تمام خوبیاں اللہ ہی کے لیے ہیں جو تمام جہانوں کا رب ہے"۔ [غافر: ۶۵] اور اللہ تعالیٰ نے فرمایا: {وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ} "انہیں اس کے سوا کوئی حکم نہیں دیا گیا کہ صرف اللہ کی عبادت کریں اسی کے لئے دین کو خالص رکھیں۔ ابراہیم حنیف کے دین پر"۔ [البینۃ: ۵] اور ابو ہریرہ رضی اللہ عنہ سے روایت ہے کہ انہوں نے اللہ کے رسول سے پوچھا’’ مَنْ أَسْعَدُ النَّاسِ بِشَفَاعَتِكَ يَوْمَ القِيَامَةِ؟ قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: لَقَدْ ظَنَنْتُ يَا أَبَا هُرَيْرَةَ أَنْ لاَ يَسْأَلُنِي عَنْ هَذَا الحَدِيثِ أَحَدٌ أَوَّلُ مِنْكَ لِمَا رَأَيْتُ مِنْ حِرْصِكَ عَلَى الحَدِيثِ أَسْعَدُ النَّاسِ بِشَفَاعَتِي يَوْمَ القِيَامَةِ، مَنْ قَالَ لاَ إِلَهَ إِلَّا اللَّهُ، خَالِصًا مِنْ قَلْبِهِ، أَوْ نَفْسِهِ‘‘۔ بروز قیامت لوگوں میں آپ کی شفاعت کا سب سے زیادہ حق دار کون ہوگا؟ تو اللہ کے رسول ﷺنے فرمایا: اے ابوہریرہ ! مجھے یقین تھا کہ تم سے پہلے اس حدیث کے بارے میں مجھ سےکوئی نہیں پوچھے گا کیونکہ میں نے حدیث کے تئیں تمہیں زیادہ حریص دیکھا ہے، بروز قیامت لوگوں میں میری شفاعت کا سب سے زیادہ حق دار وہ ہو گا جس نے سچے دل یا سچے جی سے لا إله إلا الله کہا ہوگا۔ (صحیح بخاری: ۹۹، ۶۵۷۰)۔

اور اللہ کے رسول ﷺ نے فرمایا: ’’فَإِنَّ اللَّهَ قَدْ حَرَّمَ عَلَى النَّارِ مَنْ قَالَ: لاَ إِلَهَ إِلَّا اللَّهُ، يَبْتَغِي بِذَلِكَ وَجْهَ اللَّهِ‘‘۔ اللہ نے اسے جہنم پر حرام کردیا ہے جس نے لا إله إلا الله کہا اس حال میں کہ اس کے ذریعہ وہ اللہ کی رضا مندی تلاش کر رہا ہو۔ (صحیح بخاری: ۴۲۵، صحیح مسلم: ۳۳، سنن النسائی: ۷۸۸، سنن ابن ماجہ: ۷۵۴)

اور اس پر پورا یقین ہو کسی طرح کا کوئی شک و شبہ نہ ہو، جیسا کہ اللہ تعالیٰ نے فرمایا: {إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا} "مومن تو وہ ہیں جو اللہ پر اور اس کے رسول پر (پکا) ایمان لائیں پھر شک و شبہ نہ کریں"۔ [الحجرات: ۱۵] اور باغ والے کافر کے بارے میں اللہ تعالیٰ نے خبر دیتے ہوئے فر مایا: {وّمَآ اَظُنُّ السَّاعَةَ قَاۗىِٕمَةً ۙ وَّلَىِٕنْ رُّدِدْتُّ اِلٰى رَبِّيْ لَاَجِدَنَّ خَيْرًا مِّنْهَا مُنْقَلَبًا} "اور نہ میں قیامت کو قائم ہونے والی خیال کرتا ہوں اور اگر (بالفرض) میں اپنے رب کی طرف لوٹایا بھی گیا تو یقیناً میں (اس لوٹنے کی جگہ) اس سے بھی زیادہ بہتر پاؤں گا"۔ [الکھف: ۳۶]

اور اس ایمان کا علم پر مشتمل ہونا بھی ضروری ہے کیوں کہ جب علم ہوگا تو ایمان کی حقیقت، ایمان کا تقاضا اور ایمان کے مخالف اعمال سے آگاہی ہوگی، جیسا کہ اللہ تعالیٰ نے فرمایا: {فَاعْلَمْ أَنَّهُ لَا إِلَهَ إِلَّا اللَّهُ} "سو جان لو کہ اللہ کے سوا کوئی معبود برحق نہیں ہے"۔ [محمد: ۱۹]

اور علم اور اخلاص کے ساتھ پیغام رسول اور ایمان کے تمام مشتملات کا قبول کرنا بھی ضروری ہے، کلمہ {لَا إِلَهَ إِلَّا اللَّهُ} اسی مفہوم پر دلالت کرتا ہے یعنی یہ بتاتا ہے کہ صرف ایک اللہ کی عبادت کی جائے اور اس کے سوا کسی اور کی عبادت نہ کی جائے، کسی نے اس کلمے کا اقرار کر لیا لیکن صرف اللہ کی عبادت نہیں کی تو وہ انہیں لوگوں کی طرح ہے جن کے سلسلے میں اللہ تعالیٰ نے فرمایا: {إِنَّهُمْ كَانُوا إِذَا قِيلَ لَهُمْ لَا إِلَهَ إِلَّا اللَّهُ يَسْتَكْبِرُونَ*۔ "یہ وہ (لوگ) ہیں کہ جب ان سے کہا جاتا تھا کہ اللہ کے سوا کوئی معبود برحق نہیں تو یہ سرکشی کرتے تھے۔ وَيَقُولُونَ أَئِنَّا لَتَارِكُو آلِهَتِنَا لِشَاعِرٍ مَجْنُونٍ} اور کہتے تھے کہ کیا ہم اپنے معبودوں کو ایک دیوانے شاعر کی بات پر چھوڑ دیں؟"۔ [الصافات: ۳۵-۳۶]

اور اس کی فرماں برداری کی جائے، اس کے سامنے سرِ تسلیم خم کیا جا ئے، جیسا کہ رب ذو الجلال نے فرمایا: {وَمَنْ يُسْلِمْ وَجْهَهُ إِلَى اللَّهِ وَهُوَ مُحْسِنٌ فَقَدِ اسْتَمْسَكَ بِالْعُرْوَةِ الْوُثْقَى } "اور جو (شخص) اپنے آپ کو اللہ کے تابع کر دے اور ہو بھی نیکوکار تو یقیناً اس نے مضبوط کڑا تھام لیا"۔ [لقمان: ۲۲]

اور اس کلمے کا اقرار کرنے والا اپنے قول و فعل اور عقیدے میں اتنا سچا ہوکہ وہ نبی ﷺ کی دی گئی بشارتیں حاصل کرلے، جیسا کہ نبی کریمﷺ کے مندرجہ ذیل فرمان میں مذکور ہے: ’’مَا مِنْ أَحَدٍ يَشْهَدُ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ، صِدْقًا مِنْ قَلْبِهِ، إِلَّا حَرَّمَهُ اللَّهُ عَلَى النَّارِ‘‘۔ نہیں ہے کوئی جو سچے دل سے گواہی دے کہ اللہ کے سوا کوئی معبود برحق نہیں اور محمد اللہ کے رسول ہیں، مگر اللہ اسے آگ پر حرام کر دیتا ہے"۔ (صحیح بخاری: ۱۲۸، صحیح مسلم: ۳۲)

اور وہ اس دین، اس شریعت، اس شریعت کے لانے والے اور اس پر عمل کرنے والے سے محبت کرنے والا ہو، جیسا کہ فرمان الہی ہے: {وَمِنَ النَّاسِ مَنْ يَّتَّخِذُ مِنْ دُوْنِ اللّٰهِ اَنْدَادًا يُّحِبُّوْنَهُمْ كَحُبِّ اللّٰهِ ۭ وَالَّذِيْنَ اٰمَنُوْٓا اَشَدُّ حُبًّا لِّلّٰهِ ۭ} "بعض لوگ ایسے بھی ہیں جو اللہ کے شریک اوروں کو ٹھہرا کر ان سے ایسی محبت رکھتے ہیں، جیسی محبت اللہ سے ہونی چاہیے اور ایمان والے اللہ کی محبت میں بہت سخت ہوتے ہیں"۔ [البقرۃ: ۱۶۵] اور اللہ کے رسول ﷺ نے فرمایا: ’’لاَ يُؤْمِنُ أَحَدُكُمْ، حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ‘‘۔ تم میں کا کوئی مومن نہیں ہو سکتا یہاں تک کہ میں اس کے نزدیک اس کے باپ، اس کی اولاد اور تمام لوگوں سے زیادہ محبوب نہ ہو جاؤں۔ (صحیح بخاری: ۱۵، صحیح مسلم: ۴۴، سنن النسائی: ۵۰۱۳، سنن ابن ماجہ: ۶۷ ) اور اللہ کے رسول ﷺ نے فرمایا: ’’ثَلاَثٌ مَنْ كُنَّ فِيهِ وَجَدَ حَلاَوَةَ الإِيمَانِ: أَنْ يَكُونَ اللَّهُ وَرَسُولُهُ أَحَبَّ إِلَيْهِ مِمَّا سِوَاهُمَا، وَأَنْ يُحِبَّ المَرْءَ لاَ يُحِبُّهُ إِلَّا لِلَّهِ، وَأَنْ يَكْرَهَ أَنْ يَعُودَ فِي الكُفْرِ كَمَا يَكْرَهُ أَنْ يُقْذَفَ فِي النَّارِ‘‘۔ تین خصلتیں جس کے اندرہوں گی وہی ایمان کی مٹھاس پا ئے گا۔ پہلا یہ کہ اللہ اور اس کا رسول اس کے نزدیک ان تمام سےزیادہ محبوب ہو جائیں جو ان دونوں کے علاوہ ہوں۔ دوسرا یہ کہ آدمی کسی آدمی سے محض اللہ کے لیے محبت کرے۔ تیسرا یہ کہ وہ کفر میں لوٹنا ایسے ہی نا پسند کرے جیسے وہ آگ میں ڈالے جانے کو نا پسند کرتاہے۔ (صحیح بخاری: ۱۶، صحیح مسلم: ۴۳، جامع الترمذی: ۲۶۲۴، سنن النسائی: ۴۹۸۷، سنن ابن ماجہ: ۴۰۳۳)۔

اور جس طرح اللہ تعالیٰ نے ایمان کی حقیقت، اس کے تقاضے اور اس کے ارکان و شروط کی وضاحت کردی ہے اسی طرح عداوت پرست مشرکین کے شبہے کا ازالہ بھی کردیا ہے اور یہ بھی بتا دیا ہے کہ ان کے پاس ان کے شرکیہ اعمال کے لئے کوئی حجت نہیں ہے کیوں کہ یہ جنہیں اللہ کا شریک ٹھہراتے ہیں وہ سب مخلوق ہیں، وہ کوئی بھی چیز پیدا نہیں کرسکتے ہیں، وہ آسمان اور زمین میں ذرہ برابر کسی بھی چیز کے مالک نہیں ہیں، جیسا کہ فرمان الہی ہے: {أَيُشْرِكُونَ مَا لَا يَخْلُقُ شَيْئًا وَهُمْ يُخْلَقُونَ*۔ "کیا ایسوں کو شریک ٹھہراتے ہیں جو کسی چیز کو پیدا نہ کر سکیں اور وہ خود ہی پیدا کئے گئے ہوں۔ وَلَا يَسْتَطِيعُونَ لَهُمْ نَصْرًا وَلَا أَنْفُسَهُمْ يَنْصُرُونَ*۔ اور وہ ان کو کسی قسم کی مدد نہیں دے سکتے اور وہ خود بھی اپنی مدد نہیں کرسکتے۔ وَإِنْ تَدْعُوهُمْ إِلَى الْهُدَى لَا يَتَّبِعُوكُمْ سَوَاءٌ عَلَيْكُمْ أَدَعَوْتُمُوهُمْ أَمْ أَنْتُمْ صَامِتُونَ *۔ اور اگر تم ان کو کوئی بات بتلانے کو پکارو تو تمہارے کہنے پر نہ چلیں تمہارے اعتبار سے دونوں امر برابر ہیں خواہ تم ان کو پکارو یا تم خاموش رہو۔ {إِنَّ الَّذِينَ تَدْعُونَ مِنْ دُونِ اللَّهِ عِبَادٌ أَمْثَالُكُمْ فَادْعُوهُمْ فَلْيَسْتَجِيبُوا لَكُمْ إِنْ كُنْتُمْ صَادِقِينَ*۔ واقعی تم اللہ کو چھوڑ کر جن کی عبادت کرتے ہو وہ بھی تم ہی جیسے بندے ہیں سو تم ان کو پکارو پھر ان کو چاہئے کہ تمہارا کہنا کر دیں اگر تم سچے ہو۔ {أَلَهُمْ أَرْجُلٌ يَمْشُونَ بِهَا أَمْ لَهُمْ أَيْدٍ يَبْطِشُونَ بِهَا أَمْ لَهُمْ أَعْيُنٌ يُبْصِرُونَ بِهَا أَمْ لَهُمْ آذَانٌ يَسْمَعُونَ بِهَا قُلِ ادْعُوا شُرَكَاءَكُمْ ثُمَّ كِيدُونِ فَلَا تُنْظِرُونِ} کیا ان کے پاؤں ہیں جن سے وہ چلتے ہوں یا ان کے ہاتھ ہیں جن سے وہ کسی چیز کو تھام سکیں، یا ان کی آنکھیں ہیں جن سے وہ دیکھتے ہوں یا ان کے کان ہیں جن سے وہ سنتے ہیں۔ آپ کہہ دیجئے! تم اپنے سب شرکاء کو بلا لو، پھر میری ضرر رسانی کی تدبیر کرو پھر مجھ کو ذرا مہلت مت دو۔ إِنَّ وَلِيِّيَ اللَّهُ الَّذِي نَزَّلَ الْكِتَابَ وَهُوَ يَتَوَلَّى الصَّالِحِينَ *۔ یقیناً میرا مددگار اللہ تعالیٰ ہے جس نے یہ کتاب نازل فرمائی اور وہ نیک بندوں کی مدد کرتا ہے۔ وَالَّذِينَ تَدْعُونَ مِنْ دُونِهِ لَا يَسْتَطِيعُونَ نَصْرَكُمْ وَلَا أَنْفُسَهُمْ يَنْصُرُونَ *۔ اور تم جن لوگوں کی اللہ کو چھوڑ کر عبادت کرتے ہو وہ تمہاری کچھ مدد نہیں کرسکتے اور نہ وہ اپنی مدد کرسکتے ہیں۔ وَإِنْ تَدْعُوهُمْ إِلَى الْهُدَى لَا يَسْمَعُوا وَتَرَاهُمْ يَنْظُرُونَ إِلَيْكَ وَهُمْ لَا يُبْصِرُونَ} اور ان کو اگر کوئی بات بتلانے کو پکارو تو اس کو نہ سنیں اور ان کو آپ دیکھتے ہیں کہ گویا وہ آپ کو دیکھ رہے ہیں اور وہ کچھ بھی نہیں دیکھتے"۔ [الأعراف: ۱۹۱۔ ۱۹۸] اور اللہ تعالیٰ نے فرمایا: {قُلِ ادْعُوا الَّذِينَ زَعَمْتُمْ مِنْ دُونِ اللَّهِ لَا يَمْلِكُونَ مِثْقَالَ ذَرَّةٍ فِي السَّمَاوَاتِ وَلَا فِي الْأَرْضِ وَمَا لَهُمْ فِيهِمَا مِنْ شِرْكٍ وَمَا لَهُ مِنْهُمْ مِنْ ظَهِيرٍ*۔ "کہہ دیجئے! کہ اللہ کے سوا جن جن کا تمہیں گمان ہے (سب) کو پکار لو، نہ ان میں سے کسی کو آسمانوں اور زمینوں میں سے ایک ذرہ کا اختیار ہے نہ ان کا ان میں کوئی حصہ ہے نہ ان میں سے کوئی اللہ کا مددگار ہے۔ وَلَا تَنْفَعُ الشَّفَاعَةُ عِنْدَهُ إِلَّا لِمَنْ أَذِنَ لَهُ } شفاعت (سفارش) بھی اس کے پاس کچھ نفع نہیں دیتی بجز ان کے جن کے لئے اجازت ہوجائے۔ [سبأ: ۲۲- ۲۳] ان تمام آیتوں نے شرک کے تمام راستے مسدود کردیے۔

اللہ تعالیٰ نے واضـح کردیا ہے کہ یہ مشرکین جنہیں اللہ کے برابر مانتے ہیں اور اللہ کے علاوہ جن کی عبادت کرتے ہیں وہ ان کی پکار تک نہیں سن سکتے اور اگر وہ سن بھی لیں تو جواب نہیں د ے سکتے، بروز قیامت یہ شرکاء ان کے شرک کا انکار اور ان سے براءت کا اظہار کریں گے، جیسا کہ فرمان باری تعالی ہے: {إِنْ تَدْعُوهُمْ لَا يَسْمَعُوا دُعَاءَكُمْ وَلَوْ سَمِعُوا مَا اسْتَجَابُوا لَكُمْ وَيَوْمَ الْقِيَامَةِ يَكْفُرُونَ بِشِرْكِكُمْ وَلَا يُنَبِّئُكَ مِثْلُ خَبِيرٍ} "اگر تم انہیں پکارو وہ تمہاری پکار سنتے ہی نہیں اور اگر (با لفرض) سن بھی لیں تو فریاد رسی نہیں کریں گے بلکہ قیامت کے دن تمہارے شریک اس شرک کا صاف انکار کر جائیں گے۔ آپ کو کوئی بھی حق تعالیٰ جیسا خبردار خبریں نہ دے گا"۔ [فاطر: ۱۴]

اسی طرح اللہ تعالیٰ نے یہ بھی واضـح کردیا ہے کہ یہ مشرکین اللہ کے علاوہ جن کی عبادت کرتے ہیں وہ نہ نفع پہونچا سکتے ہیں اور نہ نقصان سے دو چار کر سکتے ہیں تو جب ان کی یہ کیفیت ہے تو یہ عبادت کے لا ئق کیسے ہو ئے؟! فرمان باری تعالی ہے: {وَاتَّخَذُوا مِنْ دُونِهِ آلِهَةً لَا يَخْلُقُونَ شَيْئًا وَهُمْ يُخْلَقُونَ وَلَا يَمْلِكُونَ لِأَنْفُسِهِمْ ضَرًّا وَلَا نَفْعًا وَلَا يَمْلِكُونَ مَوْتًا وَلَا حَيَاةً وَلَا نُشُورًا} "ان لوگوں نے اللہ کے سوا جنہیں اپنے معبود ٹھہرا رکھے ہیں وہ کسی چیز کو پیدا نہیں کرسکتے بلکہ وہ خود پیدا کئے جاتے ہیں، یہ تو اپنی جان کے نقصان کا بھی اختیار نہیں رکھتے اور نہ موت وحیات کے اور نہ دوبارہ جی اٹھنے کے وہ مالک ہیں"۔ [الفرقان: ۳]

اسی طرح اللہ تعالیٰ نے یہ بھی واضـح کردیا ہے کہ یہ مشرکین اللہ کے علاوہ جن کی عبادت کرتے ہیں وہ ان کے لئے روزی کے مالک نہیں ہیں، جیسا کہ اللہ تعالیٰ نے فرمایا: {وَيَعْبُدُونَ مِنْ دُونِ اللَّهِ مَا لَا يَمْلِكُ لَهُمْ رِزْقًا مِنَ السَّمَاوَاتِ وَالْأَرْضِ شَيْئًا وَلَا يَسْتَطِيعُونَ} "اور وہ اللہ تعالیٰ کے سوا ان کی عبادت کرتے ہیں جو آسمانوں اور زمین سے انھیں کچھ بھی روزی نہیں دے سکتے اور نہ قدرت رکھتے ہیں"۔ [النحل: ۷۳] سوچنے والی بات ہے کہ لوگ اس کی عبادت کیسے کررہے ہیں جو نہ نفع پہونچا سکتا ہے، نہ نقصان سے دو چار کر سکتا ہے، نہ روزی دے سکتا ہے اور نہ ہی کسی چیز کا مالک ہے؟!

اسی طرح اللہ تعالیٰ نے بطور دلیل یہ بھی پیش کیا ہے کہ جب انہیں کوئی مصیبت پہونچتی ہے اور وہ پریشانی کا شکار ہوتے ہیں تو دین کو اللہ کے لئے خالص کرتے ہو ئے اسی کی پناہ لیتے ہیں لیکن جب انہیں من جانب اللہ شفا مل جاتی ہے تو پھر شرکیہ اعمال انجام دینے لگتے ہیں، جیسا کہ اللہ تعالیٰ نے فرمایا: {فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ } "پس یہ لوگ جب کشتیوں میں سوار ہوتے ہیں تو اللہ تعالیٰ ہی کو پکارتے ہیں اس کے لئے عبادت کو خالص کرکے پھر جب وہ انھیں خشکی کی طرف بچا لاتا ہے تو اسی وقت شرک کرنے لگتے ہیں"۔ [العنکبوت: ۶۵]

چونکہ مشرکوں کا یہ دعوی تھا کہ اللہ تعالیٰ نے اپنے لئے اولاد بنایا ہے تو اللہ تعالیٰ نے ان کے اس باطل نظریہ کی بھی تردید کیا جس طرح ان کے گزشتہ دعوی یعنی اللہ تعالیٰ کے برابر کسی کو تسلیم کرنے کی تردید کیا، جیسا کہ اللہ تعالیٰ نے فرمایا: {مَا اتَّخَذَ اللّٰهُ مِنْ وَّلَدٍ وَّمَا كَانَ مَعَهٗ مِنْ اِلٰهٍ اِذًا لَّذَهَبَ كُلُّ اِلٰهٍۢ بِمَا خَلَقَ وَلَعَلَا بَعْضُهُمْ عَلٰي بَعْضٍ ۭ سُبْحٰنَ اللّٰهِ عَمَّا يَصِفُوْنَ } "نہ تو اللہ نے کسی کو بیٹا بنایا اور نہ اس کے ساتھ اور کوئی معبود ہے، ورنہ ہر معبود اپنی مخلوق کو لئے لئے پھرتا اور ہر ایک دوسرے پر چڑھ دوڑتا۔ جو اوصاف یہ بتلاتے ہیں ان سے اللہ پاک (اور بےنیاز) ہے"۔ [المؤمنون: ۹۱] اور اللہ تعالیٰ نے فرمایا: {لَوْ كَانَ فِيهِمَا آلِهَةٌ إِلَّا اللَّهُ لَفَسَدَتَا فَسُبْحَانَ اللَّهِ رَبِّ الْعَرْشِ عَمَّا يَصِفُونَ} "اگر ان دونوں ( آسمان و زمین) میں اللہ کے علاوہ کوئی اور معبود ہوتا تو دونوں درہم برہم ہوجا تے پس اللہ، عرش کے رب کی ذات پاک ہے ان تمام باتوں سے جو وہ لوگ بیان کرتے ہیں"۔ [الأنبیاء: ۲۲] جب یہود و نصاری نے اللہ تعالیٰ کے لئے اولاد ہونے کا گمان کیا تو اللہ تعالی نے فرمایا: {وَقَالَتِ الْيَهُودُ عُزَيْرٌ ابْنُ اللَّهِ وَقَالَتِ النَّصَارَى الْمَسِيحُ ابْنُ اللَّهِ ذَلِكَ قَوْلُهُمْ بِأَفْوَاهِهِمْ يُضَاهِئُونَ قَوْلَ الَّذِينَ كَفَرُوا مِنْ قَبْلُ قَاتَلَهُمُ اللَّهُ أَنَّى يُؤْفَكُونَ} "یہود کہتے ہیں عزیر اللہ کا بیٹا ہے اور نصرانی کہتے ہیں مسیح اللہ کا بیٹا ہے یہ قول صرف ان کے منہ کی بات ہے، اگلے منکروں کی بات کی یہ بھی نقل کرنے لگے۔ اللہ انہیں غارت کرے وہ کیسے پلٹائے جاتے ہیں"۔ [التوبۃ: ۳۰] اس آیت میں اللہ تعالیٰ نے یہود و نصاری کے اصل عقیدے ہی کی تردید کردی ہے کہ کھانے پینے والا انسان کیسے معبود ہوسکتا ہے؟! کیوں کہ اللہ تعالیٰ نہ کھاتا ہے نہ پیتا ہے اور نہ ہی اسے ان چیزوں کی ضرورت ہوتی ہے جن کا ایک انسان محتاج ہوتا ہے، جیسا کہ فرمان باری تعالی ہے: {مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ وَأُمُّهُ صِدِّيقَةٌ كَانَا يَأْكُلَانِ الطَّعَامَ انْظُرْ كَيْفَ نُبَيِّنُ لَهُمُ الْآيَاتِ ثُمَّ انْظُرْ أَنَّى يُؤْفَكُونَ*۔ "مسیح ابن مریم سوائے پیغمبر ہونے کے اور کچھ بھی نہیں، اس سے پہلے بھی بہت سے پیغمبر ہوچکے ہیں ان کی والدہ ایک راست باز عورت تھیں دونوں ماں بیٹے کھانا کھایا کرتے تھے، آپ دیکھیے کہ کس طرح ہم ان کے سامنے دلیلیں رکھتے ہیں پھر غور کیجیئے کہ کس طرح وہ پھر ے جاتے ہیں۔ قُلْ أَتَعْبُدُونَ مِنْ دُونِ اللَّهِ مَا لَا يَمْلِكُ لَكُمْ ضَرًّا وَلَا نَفْعًا وَاللَّهُ هُوَ السَّمِيعُ الْعَلِيمُ } آپ کہہ دیجیئے کہ کیا تم اللہ کے سوا ان کی عبادت کرتے ہو جو نہ تمہارے کسی نقصان کے مالک ہیں اور نہ کسی نفع کے، اللہ ہی خوب سننے اور پوری طرح جاننے والا ہے"۔ [المائدۃ: ۷۵- ۷۶]

اللہ تعالیٰ نے فرشتوں کی عبادت کو باطل قرار دے کر یہ بتا دیا کہ اللہ کے اتنا قریب ہونے کے باوجود فرشتے بھی اللہ کی اجازت کے بغیر شفاعت نہیں کر سکتے، جیسا کہ اللہ تعالیٰ نے فرمایا: {وَكَمْ مِنْ مَلَكٍ فِي السَّمَاوَاتِ لَا تُغْنِي شَفَاعَتُهُمْ شَيْئًا إِلَّا مِنْ بَعْدِ أَنْ يَأْذَنَ اللَّهُ لِمَنْ يَشَاءُ وَيَرْضَى} "اور بہت سے فرشتے آسمانوں میں ہیں جن کی سفارش کچھ بھی نفع نہیں دے سکتی مگر یہ اور بات ہے کہ اللہ تعالیٰ اپنی خوشی اور اپنی چاہت سے جس کے لئے چاہے اجازت دے دے"۔ [النجم: ۲۶] حالانکہ فرشتے اللہ سے ڈرتے ہیں جو ان کے اوپر ہے، جیسا کہ فرمان الہی ہے: {وَلِلّٰهِ يَسْجُدُ مَا فِي السَّمٰوٰتِ وَمَا فِي الْاَرْضِ مِنْ دَاۗبَّـةٍ وَّالْمَلٰۗىِٕكَةُ وَهُمْ لَا يَسْتَكْبِرُوْنَ*۔ "یقیناً آسمان و زمین کے کل جاندار اور تمام فرشتے اللہ تعالیٰ کے سامنے سجدے کرتے ہیں اور ذرا بھی تکبر نہیں کرتے۔ يَخَافُونَ رَبَّهُمْ مِنْ فَوْقِهِمْ وَيَفْعَلُونَ مَا يُؤْمَرُونَ} اور اپنے رب سے جو ان کے اوپر ہے، کپکپاتے رہتے ہیں اور جو حکم مل جائے اس کی تعمیل کرتے ہیں"۔ [النحل: ۴۹- ۵۰] ایک اور مقام پر اللہ تعالیٰ نے فرمایا: {لَنْ يَسْتَنْكِفَ الْمَسِيحُ أَنْ يَكُونَ عَبْدًا لِلَّهِ وَلَا الْمَلَائِكَةُ الْمُقَرَّبُونَ وَمَنْ يَسْتَنْكِفْ عَنْ عِبَادَتِهِ وَيَسْتَكْبِرْ فَسَيَحْشُرُ هُمْ إِلَيْهِ جَمِيعًا} "مسیح (علیہ السلام) کو اللہ کا بندہ ہونے میں کوئی ننگ و عار نہیں یا تکبر و انکار ہرگز ہو ہی نہیں سکتا اور ان مقرب فرشتوں کو۔ اس کی بندگی سے جو بھی دل چرائے اور تکبر و انکار کرے اللہ تعالیٰ ان سب کو اکٹھا اپنی طرف جمع کرے گا"۔ [النساء: ۱۷۲] تو جب فرشتوں کا یہ حال ہے تو اللہ کے سوا ان کى عبادت کیسے کى جاسکتی ہے؟

اسی طرح انبیاء و رسل کا معاملہ بھی ہے یعنی ان کا مقام اللہ کے نزدیک کافی بلند ہونے کے باوجود وہ اپنے ہی نفع و نقصان کے مالک نہیں ہیں، تو وہ شخص کیسے ہوگا جومرتبہ میں ان سے بھی کم ہوگا؟ یہ انبیاء رغبت اور ڈر سے اللہ کی عبادت کرتے تھے، جیسا کہ اللہ تعالیٰ نے فرمایا: {إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ} "یہ بزرگ لوگ نیک کاموں کی طرف جلدی کرتے تھے اور ہمیں لالچ طمع اور ڈر خوف سے پکارتے تھے۔ ہمارے سامنے عاجزی کرنے والے تھے"۔ [الأنبیاء: ۹۰] اور اس نے اپنے نبی محمد ﷺ کو یہ حکم دیا کہ وہ یہ فرمائیں جیسا کہ اللہ تعالیٰ نے اپنے اس فرمان میں خبر دیا ہے : {قُلْ لَا أَمْلِكُ لِنَفْسِي نَفْعًا وَلَا ضَرًّا إِلَّا مَا شَاءَ اللَّهُ وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ إِنْ أَنَا إِلَّا نَذِيرٌ وَ بَشِيرٌ لِقَوْمٍ يُؤْمِنُونَ} "آپ فرما دیجئے کہ میں خود اپنی ذات خاص کے لئے کسی نفع کا اختیار نہیں رکھتا اور نہ کسی ضرر کا، مگر اتنا ہی کہ جتنا اللہ نے چاہا اور اگر میں غیب کی باتیں جانتا ہوتا تو میں بہت منافع حاصل کرلیتا اور کوئی نقصان مجھے نہ پہنچتا۔ میں تو محض ڈرانے والا اور بشارت دینے والا ہوں ان لوگوں کو جو ایمان رکھتے ہیں"۔ [الأعراف: ۱۸۸] اور جب غزوہ احد کے دن ان مشرکین پر اللہ کے رسول ﷺ نے بد دعا کی جنہوں نے آپ کو تکلیف پہونچایا تھا تو اللہ تعالیٰ نے یہ آیت نازل کی: {لَيْسَ لَكَ مِنَ الْأَمْرِ شَيْءٌ أَوْ يَتُوبَ عَلَيْهِمْ أَوْ يُعَذِّبَهُمْ فَإِنَّهُمْ ظَالِمُونَ} "اے پیغمبر! آپ کے اختیار میں کچھ نہیں اللہ تعالیٰ چاہے تو ان کی توبہ قبول کرلے یا عذاب دے کیونکہ وہ ظالم ہی"ں۔ [آل عمران: ۱۲۸] زہری سے مروی ہے، انہوں نے کہا کہ مجھے سالم نے اپنے والد عبداللہ بن عمر رضی اللہ عنہما سے روایت کیا کہ انہوں نے رسول اللہ صلی اللہ علیہ وسلم سے سنا، جب نبی کریم صلی اللہ علیہ وسلم فجر کی آخری رکعت کے رکوع سے سر مبارک اٹھاتے تو یہ دعا کرتے ”اے اللہ! فلاں، فلاں اور فلاں" کو اپنی رحمت سے دور کر دے۔“ یہ دعا آپ «سمع الله لمن حمده ربنا ولك الحمد» کے بعد کرتے تھے۔ اس پر اللہ تعالیٰ نے یہ آیت «ليس لك من الأمر شىء‏» سے «فإنهم ظالمون‏» (آل عمران: 128) تک نازل کی۔ ”اے محمد! آپ کے اختیار میں کچھ نہیں، اللہ چاہے تو ان کی توبہ قبول کرے یا عذاب دے،۔۔۔۔ کیونکہ وہ ظالم ہیں“۔ (صحیح بخاری: ۴۵۵۹، سنن النسا ئی: ۱۰۷۸)۔

باب: اللہ کے اسما ء و صفات پر ایمان لانے کا بیان

ہمارا ایمان ہے کہ اللہ تعالیٰ اپنی صفات و کمالات اور اپنی جلالت میں یکتا اور اکیلا ہے، اسی کے لئے اچھے اچھے نام اور اعلی صفات ہیں، کتاب وسنت کے نصوص اس بارے میں تواتر سے وارد ہیں، عقل کاملہ اسی بات پر شاہد ہے اور فطرت سلیمہ اسے قبول کرتی ہے، تمام علماء امت کا اس بات پر اجماع ہے، بلکہ تمام رسالات الیہ اللہ تعالیٰ کے اسماء و صفات اور افعال کو بیان کرنے والی ہیں، اللہ تعالیٰ نے بتوں کی عبادت کرنے والے مشرکوں کی عیب جوئی کی ہے؛ کیوں کہ وہ انہیں کی طرح ایک مخلوق ہیں بلکہ ان سے بھی ناقص اور کم تر ہیں، یہ نہ دیکھ سکتے ہیں اور نہ سن سکتے ہیں، نہ ان کے پاس پاؤں ہے کہ اس سے چلیں اور نہ ہاتھ ہے کہ اس سے پکڑسکیں، جیسا کہ اللہ تعالیٰ نے فرمایا: {إِنَّ الَّذِينَ تَدْعُونَ مِنْ دُونِ اللَّهِ عِبَادٌ أَمْثَالُكُمْ فَادْعُوهُمْ فَلْيَسْتَجِيبُوا لَكُمْ إِنْ كُنْتُمْ صَادِقِينَ*۔ "واقعی تم اللہ کو چھوڑ کر جن کی عبادت کرتے ہو وہ بھی تم ہی جیسے بندے ہیں سو تم ان کو پکارو پھر ان کو چاہئے کہ تمہارا کہنا کردیں اگر تم سچے ہو۔ {أَلَهُمْ أَرْجُلٌ يَمْشُونَ بِهَا أَمْ لَهُمْ أَيْدٍ يَبْطِشُونَ بِهَا أَمْ لَهُمْ أَعْيُنٌ يُبْصِرُونَ بِهَا أَمْ لَهُمْ آذَانٌ يَسْمَعُونَ بِهَا قُلِ ادْعُوا شُرَكَاءَكُمْ ثُمَّ كِيدُونِ فَلَا تُنْظِرُونِ} کیا ان کے پاؤں ہیں جن سے وہ چلتے ہوں یا ان کے ہاتھ ہیں جن سے وہ کسی چیز کو تھام سکیں، یا ان کی آنکھیں ہیں جن سے وہ دیکھتے ہوں یا ان کے کان ہیں جن سے وہ سنتے ہیں آپ کہہ دیجئے! تم اپنے سب شرکاء کو بلا لو، پھر میری ضرر رسانی کی تدبیر کرو پھر مجھ کو ذرا مہلت مت دو"۔ [الأعراف: ۱۹۴۔ ۱۹۵] اور اللہ تعالیٰ نے فرمایا: {وَاتَّخَذَ قَوْمُ مُوسَى مِنْ بَعْدِهِ مِنْ حُلِيِّهِمْ عِجْلًا جَسَدًا لَهُ خُوَارٌ أَلَمْ يَرَوْا أَنَّهُ لَا يُكَلِّمُهُمْ وَلَا يَهْدِيهِمْ سَبِيلًا اتَّخَذُوهُ وَ كَانُوا ظَالِمِينَ} "اور موسیٰ (علیہ السلام) کی قوم نے ان کے بعد اپنے زیوروں کا ایک بچھڑا معبود ٹھہرا لیا جو کہ ایک قالب تھا جس میں ایک آواز تھی، کیا انہوں نے یہ نہ دیکھا کہ وہ ان سے بات نہیں کرتا تھا اور نہ ان کو کوئی راہ بتلاتا تھا۔ اس کو انہوں نے معبود قرار دیا اور بڑی بے انصافی کا کام کیا"۔ [الأعراف: ۱۴۸]

ہمارا ایمان ہے کہ اللہ اسی طرح ہے جس طرح اس نے اور اس کے رسول نے بیان کیا ہے بلکہ بندوں کے بیان سے اللہ کی ذات کہیں زیادہ فائق و برتر ہے، اس کے مثل کوئی چیز نہیں ہے، وہ سننے اور دیکھنے والا ہے، جیسا کہ اللہ تعالیٰ نے فرمایا: {لَيْسَ كَمِثْلِهٖ شَيْءٌ ۚ وَهُوَ السَّمِيْعُ الْبَصِيْرُ} "اس کے جیسی کوئی چیز نہیں ہے اور وہ سب کچھ سننے اور جاننے والا ہے"۔ [الشوری: ۱۱] اس لئے ہم اللہ کے لئے وہی ثابت کرتے ہیں جو اس نے اپنے تئیں یا اس کے رسول ﷺ نے اس کے تئیں ثابت کیا اور ہم ان تمام اوصاف کا انکار کرتے ہیں جن کا انکار خود اللہ نے اپنے سے یا اللہ کے رسولﷺ نے کیا ہے، اور یہ اثبات وانکار ہم ہم بلا تعطیل، بلا تمثیل، بلا تکییف اور بلا تحریف کرتے ہیں۔ ہمیں بالیقین یہ معلوم ہے کہ مخلوق کی تخلیق سے پہلے ہی سے اللہ تعالیٰ ان تمام صفات سے متصف ہے، وہ اجل سے ابد تک انتہائی درجے کے کمال، جلال اور جمال پر فائز ہے، کیوں کہ وہی اول ہے اور وہی آخر ہے، اس کے پہلے کوئی چیز نہیں تھی اور نہ اس کے بعد ہی کوئی چیز ہے، سو وہی اول ہے اپنے اسماء و صفات کے ساتھ جو کمال وبزرگى والے ہیں اور وہی آخر ہے اپنے اسماء وصفات کے ساتھ جو کمال اور بزرگی والے ہیں۔

ہمارا ایمان ہے کہ اللہ کی طرح کوئی بھی مخلوق علمی اعتبار سے ساری چیزوں کا احاطہ نہیں کر سکتی ہے، اور نہ لوگوں کی نگاہیں اسے پا سکتی ہیں، جیسا کہ اللہ تعالیٰ نے فرمایا: {يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِهِ عِلْمًا} "جو کچھ ان کے آگے پیچھے ہے اسے اللہ ہی جانتا ہے مخلوق کا علم اس پر حاوی نہیں ہوسکتا"۔ [طہ: ۱۱۰] اللہ جل شانہ نے مزید فرمایا: {لَا تُدْرِكُهُ الْأَبْصَارُ وَهُوَ يُدْرِكُ الْأَبْصَارَ } "اس کو تو کسی کی نگاہ محیط نہیں ہوسکتی اور وہ سب نگاہوں کو محیط ہوجاتا ہے"۔ [الأنعام: ۱۰۳] امام ابن قتیبہ رحمہ اللہ فرماتے ہیں کہ’’الواجب علينا أن ننتهي في صفات الله حيث انتهى في صفته أو حيث انتهى رسوله صلى الله عليه و سلم ولا نزيل اللفظ عما تعرفه العرب وتضعه عليه ونمسك عما سوى ذلك‘‘۔ ہم پر واجب ہے کہ ہم اللہ کی صفات کی انتہا وہیں پر کریں جہاں پر اللہ اور اس کے رسول ﷺ نے کیا ہے اور ہم لفظ کو اس مقام سے دور نہیں کریں جو عرب کے یہاں معروف ہے اور جیسا اسے اہل عرب استعمال کرتے ہیں اور اس کے علاوہ ہم ہر چیز سے رک جائیں۔ ( الاختلاف في اللفظ والرد على الجهمية و المشبهة، لابن قتیبۃ: ص: ۴۴)۔

ہمارا ایمان ہے کہ اللہ تعالیٰ کی بعض صفات کا تعلق اس کی ذات کو لازم ہے، جیسے الحیات (زندہ رہنا )، العلم(جاننا)، السمع (سننا)، البصر (دیکھنا)، الید (ہاتھ )، اور الأصابع (انگلیاں)۔ اور بعض کا تعلق اس کی مشیئت سے ہے، جیسے الغضب (غصہ)، الرضا (خوشنودی)، النزول (اترنا)۔ اور ہمارا اس بات پر بھی ایمان ہے کہ اللہ جو چاہتا ہے کرتا ہے، وہ جو چاہے، جب چاہے، جیسا چاہے کر سکتا ہے، وہ جسے چاہے عزت د ے اور جسے چاہے ذلیل کرد ے، نہ اس کے امر کا کوئی ٹالنے والا ہے، اورنہ ہی اس کے قضاء اور اس کے حکم پر کوئی تعاقب کرنے والا ہے۔

ہمارا ایمان ہے کہ اللہ تعالیٰ کی بعض صفات مطلق وارد ہوئی ہیں اس لئے ہم انہیں ویسے ہی تسلیم کرتے ہیں جیسے وہ وارد ہوئی ہیں، جیسے سمع ، حیات اور بصر وغیرہ، اور بعض مقید وارد ہوئی ہیں اور جو مقید وارد ہوئی ہیں انہیں اسی قید کے ساتھ باقی رکھتے ہیں، جیسے اللہ تعالیٰ کی ایک صفت یہ ہے کہ جب اس کے دشمن اس کے ساتھ مکر کرتے ہیں تو وہ بھی ان کے ساتھ مکر کرتا ہے اور جب اس کے دشمن اسے بھول جاتے ہیں تو وہ بھی انہیں بھلا دیتا ہے۔

ہمارا ایمان ہے کہ اللہ کی بعض صفات ایک ہی طریقے پر وارد ہوئی ہیں، جیسے صفت حیات، صفت قیومیت، صفت عظمت، یہ تمام صفتیں قرآن و حدیث میں ایک ہی طرز پر وارد ہوئی ہیں اور بعض صفتیں کئی طرز پر وارد ہوئی ہیں، جیسے صفت کلام، صفت علو، صفت ید اور مومنوں کاجنت میں جانا اور قیامت کے میدان میں اپنے رب کا دیدار کرنا۔

اللہ تعالیٰ کی ایک صفت العلم (جاننا) اور ایک صفت السمع (سننا)ہے، جیسا کہ اللہ تعالی نے فرمایا: {قَالَ رَبِّي يَعْلَمُ الْقَوْلَ فِي السَّمَاءِ وَالْأَرْضِ وَ هُوَ السَّمِيعُ الْعَلِيمُ} "پیغمبر نے کہا كہ میرا رب ہر اس بات کو جو زمین و آسمان میں ہے بخوبی جانتا ہے، وہ بہت ہی سننے والا اور جاننے والا ہے"۔ [الأنبیاء: ۴]

اور اللہ تعالیٰ کی ایک صفت البصر(دیکھنا) ہے، جیسا کہ اللہ تعالی نے فرمایا: {إِنَّ اللَّهَ هُوَ السَّمِيعُ الْبَصِيرُ} "اللہ ہی سننے اور دیکھنے والا ہے"۔ [غافر: ۲۰] ابو ہریرہ رضی اللہ عنہ کے غلام ابو یونس سلیم بن جبیر نے فرمایا: میں نے ابو ہریرہ رضی اللہ عنہ کو یہ آیت پڑھتے ہو ئے سنا {إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ إِنَّ اللَّهَ نِعِمَّا يَعِظُكُمْ بِهِ إِنَّ اللَّهَ كَانَ سَمِيعًا بَصِيرًا} "اللہ تعالیٰ تمہیں تاکیدی حکم دیتا ہے کہ امانت والوں کی امانتیں انہیں پہنچاؤ اور جب لوگوں کا فیصلہ کرو تو عدل اور انصاف سے فیصلہ کرو یقیناً وہ بہتر چیز ہے جس کی نصیحت تمہیں اللہ تعالیٰ کر رہا ہے، بیشک اللہ تعالیٰ سنتا ہے دیکھتا ہے"۔ (النساء : ۵۸) فرماتے ہیں کہ’’رَأَيْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَضَعُ إِبْهَامَهُ عَلَى أُذُنِهِ، وَالَّتِي تَلِيهَا عَلَى عَيْنِهِ، قَالَ أَبُو هُرَيْرَةَ: رَأَيْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقْرَؤُهَا وَيَضَعُ إِصْبَعَيْهِ، قَالَ ابْنُ يُونُسَ: قَالَ الْمُقْرِئُ: يَعْنِي: إِنَّ اللَّهَ سَمِيعٌ بَصِيرٌ‘‘۔ میں نے رسول اللہ ﷺ کو دیکھا کہ آپ ﷺ نے (اس آیت کو پڑھتے ہوئے) اپنے انگوٹھے کو اپنے کان اور اس کے ساتھ والی انگلی(یعنی شہادت کی انگلی) کو اپنی آنکھ پر رکھا ہوا ہے۔ ابوہریرہ رضی اللہ عنہ کہتے ہیں کہ میں نے دیکھا کہ آپ ﷺ اس آیت کو پڑھ رہے ہیں اور آپ ﷺ نے اپنی دونوں انگلیوں کو (کان اور آنکھ پر) رکھا ہوا ہے۔ ابن یونس کہتے ہیں کہ: (عبداللہ بن یزید) مقری فر ماتے ہیں: یعنی’’إِنَّ اللَّهَ سَمِيعٌ بَصِيرٌ‘‘ یعنی اللہ تعالیٰ کے لئےسمع وبصر ہے۔ (سنن أبی داود: ۴۷۲۸ ، جزء فيه قراءات النبي صلى الله عليه وسلم لأبی حفص بن عمر: ۳۳، التوحید لابن خزیمۃ: ۴۹ ، التفسیر لابن أبی حاتم: ۵۵۲۴)

اللہ کی ایک صفت العین(آنکھ ) ہے، جیسا کہ اللہ تعالیٰ نے فرمایا: {وَلِتُصْنَعَ عَلَى عَيْنِي} "اور تاکہ تمہاری تربیت میری آنکھوں کے سامنے ہو"۔ [طہ: ۳۹] نیز اللہ تعالى نے فرمایا: {وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا} "تو اپنے رب کے حکم کے انتظار میں صبر سے کام لے، بیشک تو ہماری آنکھوں کے سامنے ہے"۔ [الطور: ۴۸ ] اور اللہ تعالیٰ فرماتا ہے: { وَاصْنَعِ الْفُلْكَ بِأَعْيُنِنَا وَوَحْيِنَا} "اور ایک کشتی ہماری آنکھوں کے سامنے اور ہماری وحی سے تیار کر"۔ [ھود: ۳۷ ] اور اللہ تعالیٰ نے فرمایا: {تَجْرِي بِأَعْيُنِنَا} "جو ہماری آنکھوں کے سامنے چل رہی تھی"۔ [القمر: ۱۴] اور نافع, عبد اللہ رضی اللہ عنہ سے روایت کرتے ہوئے کہتے ہیں کہ نبی ﷺ کے پاس دجال کا تذکرہ کیا گیا تو آپ ﷺ نے فرمایا: ’’إِنَّ اللَّهَ لاَ يَخْفَى عَلَيْكُمْ، إِنَّ اللَّهَ لَيْسَ بِأَعْوَرَ - وَأَشَارَ بِيَدِهِ إِلَى عَيْنِهِ - وَإِنَّ المَسِيحَ الدَّجَّالَ أَعْوَرُ العَيْنِ اليُمْنَى، كَأَنَّ عَيْنَهُ عِنَبَةٌ طَافِيَةٌ‘‘۔ اللہ تم پر مخفی نہیں ہے اور اللہ کانا نہیں ہے (اور انہوں نے اپنے ہاتھ سے اپنی آنکھ کی طرف اشارہ کیا ) اور مسیح دجال کانا ہے داہنی آنکھ سے، جیسے اس کی آنکھ انگور کا ایک اٹھا ہوا دانہ ہو۔ (صحیح بخاری: ۷۴۰۷، صحیح مسلم: ۱۶۹ ، سنن أبی داود: ۴۷۵۷، جامع الترمذی: ۲۲۴۱)

اللہ کی ایک صفت الحیاۃ (زندگی) اور القیومیۃ (قائم رہنا)ہے، جیسا کہ اللہ تعالیٰ نے فر مایا: {لَا إِلَهَ إِلَّا هُوَ الْحَيُّ الْقَيُّومُ} "اللہ اس کے سوا کوئی معبود برحق نہیں ہے اور وہ زندہ اور قائم رہنے والا ہے"۔ [آل عمران: ۲]

اللہ کی ایک صفت الکلام (بات کرنا ) بھی ہے، اللہ تمام مخلوق کو پیدا کرنے سے پہلے ہی سے اور قبل اس کے کہ ان سے کلام کرے اس صفت سے متصف ہے، اللہ تعالیٰ کے کلام کا تعلق اس کی مشیئت پر موقوف ہے، وہ جب چاہتا ہے بات کرتا ہے، قرآن مجید میں اللہ تعالیٰ کی صفت کلام کئی اعتبار سے وارد ہوئی ہیں، اللہ نے جہاں کہیں بھی یہ خبر دی ہے کہ وہ حکم دیتا اور منع کرتا ہے تو در اصل یہ اس کی صفت کلام پر دلالت کرتا ہے، جیسا کہ اللہ تعالیٰ کا فرمان ہے: {إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ} "اللہ تعالیٰ عدل کا، بھلائی کا اور قرابت داروں کے ساتھ سلوک کرنے کا حکم دیتا ہے اور بے حیائی کے کاموں، ناشائستہ حرکتوں اور ظلم و زیادتی سے روکتا ہے، وہ خود تمہیں نصیحتیں کر رہا ہے کہ تم نصیحت حاصل کرو"۔ [النحل: ۹۰] اسی طرح اللہ تعالیٰ کا (قال-کہا) یا (یقول-کہتا ہے) کہہ کر اپنے بارے میں خبر دینا بھی اللہ کی صفت کلام پر دال ہے، جیسا کہ فرمان الہی ہے: {إِذْ قَالَ اللَّهُ يَاعِيسَى إِنِّي مُتَوَفِّيكَ وَرَافِعُكَ إِلَيَّ} "جب اللہ تعالیٰ نے فرمایا کہ اے عیسیٰ ! میں تجھے پورا لینے والا ہوں اور تجھے اپنی طرف اٹھانے والا ہوں"۔ [آل عمران: ۵۵] اسی طرح جن خبروں کی نسبت اللہ کی طرف کی گئی ہے ان میں بھی اللہ رب العالمین کی صفت کلام کا ثبوت ہے، جیسا کہ اللہ تعالیٰ نے فرمایا: {قَالَتْ مَنْ أَنْبَأَكَ هَذَا قَالَ نَبَّأَنِيَ الْعَلِيمُ الْخَبِيرُ} "وہ کہنے لگی اس کی خبر آپ کو کس نے دی؟ کہا سب جاننے والے پوری خبر رکھنے والے اللہ نے مجھے یہ بتلایا ہے"۔ [التحریم: ۳]

اسی طرح جو ندا وپکار اور مناجات اللہ کی طرف منسوب ہیں وہ بھی اللہ تعالیٰ کی صفت کلام پر دلالت کرتی ہیں، جیسا کہ اللہ تعالیٰ نے فرمایا: {وَنَادَيْنَاهُ مِنْ جَانِبِ الطُّورِ الْأَيْمَنِ وَقَرَّبْنَاهُ نَجِيًّا} "ہم نے اسے طور کی دائیں جانب سے آواز دی اور راز گوئی کرتے ہوئے اسے قریب کرلیا"۔ [مریم: ۵۲] اسی طرح قرآن مجید میں جو قول یا جو کلام اللہ تعالیٰ کی طرف منسوب ہے وہ اللہ تعالیٰ کی صفت کلام ہی پر دلیل ہے۔ اور اس طرح کی دلیلیں قرآن مجید میں بے شمارہیں، انہیں میں سے اللہ تعالیٰ کا فرشتوں سے کلام کرنا بھی ہے، جیسا کہ اللہ تعالیٰ نے فرمایا: {وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً} "اور جب تیرے رب نے فرشتوں سے کہا کہ میں زمین میں خلیفہ بنانے والا ہوں"۔ [البقرۃ: ۳۰] اور آدم علیہ السلام سے بھی گفتگو کیا: {وَقُلْنَا يَاآدَمُ اسْكُنْ أَنْتَ وَزَوْجُكَ الْجَنَّةَ وَكُلَا مِنْهَا رَغَدًا حَيْثُ شِئْتُمَا} "اور ہم نے کہہ دیا کہ اے آدم تم اور تمہاری بیوی جنت میں رہو اور جہاں کہیں سے چاہو با فراغت کھاؤ پیو"۔ [البقرۃ: ۳۵] اللہ تعالى نے موسیٰ علیہ السلام سے بھی بات کیا: {قَالَ يَامُوسَى إِنِّي اصْطَفَيْتُكَ عَلَى النَّاسِ بِرِسَالَاتِي وَبِكَلَامِي} "ارشاد ہوا اے موسیٰ ! میں نے پیغمبری اور اپنی ہم کلامی سے اور لوگوں پر تم کو امتیاز دیا ہے"۔ [الأعراف: ۱۴۴]

اللہ رب العالمین کے کلام کی ایک شکل ندا یعنی پکارنا ہے، جیسا کہ اللہ تعالیٰ نے ابراہیم علیہ السلام کو پکارا، اللہ تعالیٰ نے فرمایا: {وَنَادَيْنَاهُ أَنْ يَاإِبْرَاهِيمُ} "تو ہم نے اسے آواز دی کہ اے ابراہیم!"۔ [الصآفات: ۱۰۴] اسی طرح اللہ تعالیٰ کی صفت کلام کی ایک شکل سر گوشی کرنا بھی ہے، جیسا کہ اللہ تعالیٰ نے موسی علیہ السلام سے سر گوشی کیا: {وَنَادَيْنَاهُ مِنْ جَانِبِ الطُّورِ الْأَيْمَنِ وَقَرَّبْنَاهُ نَجِيًّا} "ہم نے اسے طور کی دائیں جانب سے آواز دی اور راز گوئی کرتے ہوئے اسے قریب کرلیا"۔ [مریم: ۵۲] ابن عباس رضی اللہ عنہما اس آیت {وَقَرَّبْنَاهُ نَجِيًّا} کے بارے میں فرماتے ہیں: ’’حَتَّى سَمِعَ صَرِيفَ الْقَلَمِ‘‘ حتی کہ اس نے قلم کی آواز سنی۔ ( مصنف إبن أبی شیبۃ: ۳۲۵۰۶، الزہد لہنا د بن السری: ۱۴۹ ، السنۃ لعبد اللہ بن أحمد: ۱۲۳۱، التفسیر للطبری: ۵۵۹/ ۱۵، المستدرک علی الصحیحین للحاکم: ۳۴۷۲) اور سُدی رحمہ اللہ {وَقَرَّبْنَاهُ نَجِيًّا} کے بارے میں فرماتے ہیں: ’’ أُدْخِلَ فِي السماء فَكُلِّمَ ‘‘ انہیں آسمان میں داخل کردیا گیا پھر ان سے بات کی گئی۔ (تفسیر ابن کثیر: ۲۳۸/ ۵، الدر المنثور فی التفسیر بالماثور: ۵/۵۱۵) اورفرشتے ہمارے رب کی بات سن سکتے ہیں، جیسا کہ اللہ کے اس فرمان میں ہے: (یہاں تک کہ جب ان کے دلوں سے گھبراہٹ دور کردی جاتی ہے تو پوچھتے ہیں تمہارے رب نے کیا فرمایا؟ جواب دیتے ہیں کہ حق فرمایا، اور وه بلند وباﻻ اور بہت بڑا ہے.) [سبأ: ۲۳] اور مسروق، عبد اللہ رضی اللہ عنہ سے روایت کرتے ہیں، انہوں نے کہا کہ اللہ کے رسول ﷺ نے فرمایا: ” جب اللہ تعالیٰ وحی کے لیے کلام کرتا ہے تو سبھی آسمان والے آواز سنتے ہیں جیسے کسی چکنے پتھر پر زنجیر کھینچی جارہی ہو، پھر وہ بیہوش کر دیے جاتے ہیں اور اسی حال میں رہتے ہیں یہاں تک کہ ان کے پاس جبرائیل آتے ہیں، جب جبرائیل ان کے پاس آتے ہیں تو ان کی غشی جاتی رہتی ہے، پھر وہ کہتے ہیں: اے جبرائیل! تمہارے رب نے کیا کہا؟ وہ کہتے ہیں: حق فرمایا تو وہ سب کہتے ہیں حق فرمایا حق فرمایا“۔ (سنن أبی داود: ۴۷۳۸، الرد علی الجہمیۃ لعثمان بن سعید الدارمی: ۱۵۸، السنۃ لعبد اللہ بن أحمد: ۵۳۶، تعظیم قدر الصلاۃ لمحمد بن نصر: ۲۱۷)

بروز قیامت اللہ تعالیٰ تمام مخلوق سے بات کر ے گا، جیسا کہ اللہ کے رسول ﷺنے اس کے بارے میں خبردیتے ہوئے فرمایا: ’’ مَا مِنْكُمْ مِنْ أَحَدٍ إِلَّا سَيُكَلِّمُهُ رَبُّهُ، لَيْسَ بَيْنَهُ وَبَيْنَهُ تُرْجُمَانٌ، وَلاَ حِجَابٌ يَحْجُبُهُ‘‘۔ تم میں کا کوئی نہیں ہے مگر یہ کہ اس کا رب اس سے کلام کر ے گا اس حال میں کہ اس کے اور اس (بند ے) کے درمیان کوئی ترجمان نہ ہو گا اور نہ کوئی حجاب ہو گا جو اسے چھپائے رکھے۔ (صحیح بخاری: ۷۴۴۳، صحیح مسلم: ۱۰۱۶ ، جامع الترمذی: ۲۴۱۵، سنن ابن ماجہ: ۱۸۵)

اور بروز قیامت تمام مخلوق اللہ تعالیٰ کی بات کو سنیں گے، جیسا کہ حدیث میں عبداللہ بن أنیس رضی اللہ عنہ سے مروی ہے، انہوں نے کہا کہ میں نے اللہ کے نبی ﷺ کو فرماتے ہوئے سنا: ’’يَحْشُرُ اللَّهُ العِبَادَ، فَيُنَادِيهِمْ بِصَوْتٍ يَسْمَعُهُ مَنْ بَعُدَ كَمَا يَسْمَعُهُ مَنْ قَرُبَ: أَنَا المَلِكُ، أَنَا الدَّيَّانُ‘‘۔ اللہ بندوں کو جمع کرکے انہیں ایسی آواز میں پکارے گا کہ اسے دور سے ایسے ہی سنیں گے جیسے قریب سے سنتے ہیں: میں بادشاہ ہوں، میں ہی بدلہ دینے والا ہوں۔ (صحیح بخاری معلقا: ۹/ ۱۴۱، الأدب المفرد: ۹۷۰ ، خلق أفعال العباد: ۹۰ ، مسند أحمد: ۱۶۰۴۲)

ہمارا ایمان ہے کہ اللہ تعالیٰ نے خود کو اپنی مخلوق سےچھپا لیا ہے، اس لئے دنیا میں اسے کوئی نہیں دیکھ سکتا، وہ اپنے نبیوں اور فرشتوں میں سے جس سے چاہتا ہے پردے کے پیچھے سے بات کرتا ہے، جیسا کہ اللہ تعالیٰ نے فرمایا: {وَمَا كَانَ لِبَشَرٍ أَنْ يُكَلِّمَهُ اللَّهُ إِلَّا وَحْيًا أَوْ مِنْ وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ إِنَّهُ عَلِيٌّ حَكِيمٌ } "ناممکن ہے کہ کسی بندے سے اللہ تعالیٰ کلام کرے مگر وحی کے ذریعے یا پردے کے پیچھے سے یا کسی فرشتہ کو بھیجے اور وہ اللہ کے حکم سے جو وہ چاہے وحی کرے، بیشک وہ برتر حکمت والا ہے"۔ [الشوری: ۵۱]

اور ابو موسی رضی اللہ عنہ سے مروی ہے، انہوں نے کہا کہ: ’’قَامَ فِينَا رَسُولُ اللهِ صَلَّى اللهُ عَلَيْهِ وَسَلَّمَ بِخَمْسِ كَلِمَاتٍ، فَقَالَ: إِنَّ اللهَ عَزَّ وَجَلَّ لَا يَنَامُ، وَلَا يَنْبَغِي لَهُ أَنْ يَنَامَ، يَخْفِضُ الْقِسْطَ وَيَرْفَعُهُ، يُرْفَعُ إِلَيْهِ عَمَلُ اللَّيْلِ قَبْلَ عَمَلِ النَّهَارِ، وَعَمَلُ النَّهَارِ قَبْلَ عَمَلِ اللَّيْلِ، حِجَابُهُ النُّورُ لَوْ كَشَفَهُ لَأَحْرَقَتْ سُبُحَاتُ وَجْهِهِ مَا انْتَهَى إِلَيْهِ بَصَرُهُ مِنْ خَلْقِهِ‘‘ ہمارے درمیان اللہ کے رسول ﷺ پانچ باتیں لے کر کھڑے ہو ئے اور فرمایا: اللہ عزوجل نہ سوتا ہے اور نہ اس کے لئے سونا مناسب ہے، وہ ترازو کو اوپر اور نیچے کرتا ہے، رات کا عمل دن کے عمل کے پہلے اور دن کا عمل رات کے عمل کے پہلے اس کے پاس پیش کیا جاتا ہے، اس کا حجاب نور ہے، اگر وہ اسے کھول دے تو اس کے چہرے کا جلال وجمال جہاں تک پہونچے گى وہاں تک مخلوقات کو جلا دے گی۔ (صحیح مسلم: ۱۷۹، سنن ابن ماجہ: ۱۹۵)

اللہ رب العالمین کا بعض کلام بعض سے نیا ہوتا ہے، جیسا کہ اللہ عز وجل نے فرمایا: {مَا يَأْتِيهِمْ مِنْ ذِكْرٍ مِنْ رَبِّهِمْ مُحْدَثٍ إِلَّا اسْتَمَعُوهُ وَهُمْ يَلْعَبُونَ} "ان کے پاس ان کے رب کی طرف سے جو بھی نئی نئی نصیحت آتی ہے اسے وہ کھیل کود میں ہی سنتے ہیں"۔ [الأنبیاء: ۲] اللہ تعالیٰ کا بعض کلام بعض کے مقابلے میں افضل ہوتا ہے۔ ابو سعید خدری رضی اللہ عنہ سے مروی ہے کہ: "ایک آدمی نے دوسرے آدمی سے سنا کہ وہ ﴿ قُل ھُوَ اللہُ أَحَد﴾ بار بار پڑھ رہا ہے، جب صبح ہوئی تو اس نے رسول اللہ ﷺ کی خدمت میں حاضر ہو کر اس واقعے کا ذکر کیا گویا وہ اس عمل میں کوئی بڑا ثواب نہ خیال کرتا تھا، رسول اللہ ﷺ نے فرمایا: ”اس ذات کی قسم جس کے ہاتھ میں میری جان ہے! یہ سورت، قرآن کے ایک تہائی حصے کے برابر ہے‘‘۔ (صحیح بخاری: ۵۰۱۳، سنن أبی داود: ۱۴۶۱، سنن النسائی: ۹۹۵)

عبد اللہ بن عباس رضی اللہ عنہما سے روایت ہے، وہ فرماتے ہیں کہ’’بَيْنَمَا جِبْرِيلُ قَاعِدٌ عِنْدَ النَّبِيِّ صَلَّى اللهُ عَلَيْهِ وَ سَلَّمَ، سَمِعَ نَقِيضًا مِنْ فَوْقِهِ، فَرَفَعَ رَأْسَهُ، فَقَالَ: هَذَا بَابٌ مِنَ السَّمَاءِ فُتِحَ الْيَوْمَ لَمْ يُفْتَحْ قَطُّ إِلَّا الْيَوْمَ، فَنَزَلَ مِنْهُ مَلَكٌ، فَقَالَ: هَذَا مَلَكٌ نَزَلَ إِلَى الْأَرْضِ لَمْ يَنْزِلْ قَطُّ إِلَّا الْيَوْمَ، فَسَلَّمَ، وَقَالَ: أَبْشِرْ بِنُورَيْنِ أُوتِيتَهُمَا لَمْ يُؤْتَهُمَا نَبِيٌّ قَبْلَكَ: فَاتِحَةُ الْكِتَابِ، وَخَوَاتِيمُ سُورَةِ الْبَقَرَةِ، لَنْ تَقْرَأَ بِحَرْفٍ مِنْهُمَا إِلَّا أُعْطِيتَهُ‘‘۔ ایک مرتبہ جبرائیل نبی ﷺ کے پاس بیٹھے ہو ئے تھے کہ انہوں نے اپنے اوپر زور کی آواز سنی تو اپنا سر اٹھایا اور کہا یہ آسمان کا ایک دروازہ ہے جسے آج کھولا گیا ہے، آج سے پہلے کبھی نہیں کھو لا گیا تھا، اس سے ایک فرشتہ نکلا تو آپ نے کہا یہ فرشتہ جو زمین کی طرف آرہا ہے آج ہی صرف زمین کى طرف اترا ہے، تو اس نے سلام کیا اور کہا دو نور کی خوشخبری ہو جو آپ کو عطا کی گئی ہیں، آپ سے پہلے کسی نبی کو نہیں دی گئیں تھیں: فاتحۃ الکتاب اور سورۃ البقرۃ کا آخر، آپ ان میں کا ایک حرف نہیں پڑھیں گے مگر آپ کو (مانگی ہوئی ہر چیز) عطا کی جائے گی۔ (صحیح مسلم : ۸۰۶ ، سنن النسا ئی: ۹۱۲)

قرآن کریم اور تمام الہی یا آسمانی کتابیں جو اللہ کے رسولوں پر نازل ہو ئی ہیں، جیسے صحف ابراہیم، صحف موسی علیہما السلام، اور تورات، انجیل اور زبور، یہ سب اللہ کا کلام ہیں، اور سب کے ذریعہ اللہ نے کلام کیا ہے، انہیں جبرئیل علیہ السلام نے بلا واسطہ اللہ سے سناہے اور یہی لے کر انبیاء ورسل علیہم السلام پر نازل ہو ئے، البتہ دیگر کتابوں کے مقابلے تورات کی ایک خصوصیت یہ بھی ہے کہ اللہ تعالیٰ نے اسے تختیوں پر لکھا ہوا نازل کیا اورجبرئیل علیہ السلام تمام انبیاء و رسل علیہم السلام کے پاس وحی لیکر نازل ہوتے تھے، جیسا کہ اللہ تعالیٰ نے فرمایا: {نَزَلَ بِهِ الرُّوحُ الْأَمِينُ *۔ "اسے امانت دار فرشتہ لے کر آیا ہے۔ عَلَى قَلْبِكَ لِتَكُونَ مِنَ الْمُنْذِرِينَ} آپ کے دل پر کہ آپ آگاہ کر دینے والوں میں سے ہو جائیں"۔ [الشعراء: ۱۹۳-۱۹۴] اور اللہ عز وجل نے فر مایا: {فَآمِنُوا بِاللَّهِ وَرَسُولِهِ النَّبِيِّ الْأُمِّيِّ الَّذِي يُؤْمِنُ بِاللَّهِ وَكَلِمَاتِهِ وَاتَّبِعُوهُ لَعَلَّكُمْ تَهْتَدُونَ} "سو اللہ تعالیٰ پر ایمان لاؤ اور اس کے نبی امی پر جو کہ اللہ تعالیٰ پر اور اس کے احکام پر ایمان رکھتے ہیں اور ان کی پیروی کرو تاکہ تم راہ پر آجاؤ"۔ [الأعراف: ۱۵۸] اللہ کا کلام اور اور اس کے کلمات غیر مخلوق ہیں؛ اسی وجہ سے اللہ کے رسول ﷺ نے اللہ کے کلمات کے ذریعہ پناہ مانگی ہے۔ چنانچہ اللہ کے رسول ﷺ نے فرمایا: ’’مَنْ نَزَلَ مَنْزِلًا ثُمَّ قَالَ: أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ، لَمْ يَضُرَّهُ شَيْءٌ، حَتَّى يَرْتَحِلَ مِنْ مَنْزِلِهِ ذَلِكَ‘‘۔ جو کسی مقام پر پڑاؤ ڈالے پھر کہے :’’ أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ‘‘۔ تو اسے کوئی چیز نقصان نہیں پہونچا سکتی یہاں تک کہ وہ اپنے اس مقام سے کوچ نہ کر جا ئے۔ (صحیح مسلم: ۲۷۰۸، جامع الترمذی: ۳۴۳۷، سنن ابن ماجہ: ۳۵۴۷) اگر اللہ کا کلام مخلوق ہوتا تو اللہ کے نبی ﷺ اس کے ذریعہ استعاذہ نہیں کرتے، سو اللہ کا کلام مخلوق نہیں ہے، کیا آپ نہیں دیکھتے کہ اللہ نے اپنے قول اور اپنی مخلوق کے درمیان فصل قائم کیا ہے، جیسا کہ فرمایا: {أَلَا لَهُ الْخَلْقُ وَالْأَمْرُ} یاد رکھو اللہ ہی کے لئے خاص ہے تخلیق کرنا اور حکم دینا ۔(الأعراف : ۵۴) اللہ تعالیٰ کے اس کلام {أَلَا لَهُ الْخَلْقُ } میں ہر مخلوق داخل ہے، اب اس کے بعد جو ذکر کیا وہ مخلوق نہیں ہے چنانچہ فرمایا: {وَالْأَمْرُ} اور اس کا حکم ہی اس کا قول ہے اور اللہ تبارک و تعالی کا قول مخلوق نہیں ہو سکتا ہے۔ (دیکھئے: الرد علی الجہمیۃ للإمام أحمد : ص : ۲۲۴)

ہم تفریق کرتے ہیں اللہ کے کونی کلمات, جو کہ اللہ تعالى کے اس جیسے فرمان میں وارد ہیں: {وَلَقَدْ كُذِّبَتْ رُسُلٌ مِنْ قَبْلِكَ فَصَبَرُوا عَلَى مَا كُذِّبُوا وَ أُوذُوا حَتَّى أَتَاهُمْ نَصْرُنَا وَلَا مُبَدِّلَ لِكَلِمَاتِ اللَّهِ وَلَقَدْ جَاءَكَ مِنْ نَبَإِ الْمُرْسَلِينَ} "اور بہت سے پیغمبر جو آپ سے پہلے ہوئے ہیں ان کی بھی تکذیب کی جاچکی ہے سو انہوں نے اس پر صبر ہی کیا، ان کی تکذیب کی گئی اور ان کو ایذائیں پہنچائی گئیں یہاں تک کہ ہماری امداد ان کو پہنچی اور اللہ کی باتوں کا کوئی بدلنے والا نہیں اور آپ کے پاس بعض پیغمبروں کی بعض خبریں پہنچ چکی ہیں"۔ [الأنعام: ۳۴] اور جو اللہ تعالے کے اس فرمان میں مذکور ہیں: {قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا} "کہہ دیجئے کہ اگر میرے رب کی باتوں کے لکھنے کے لئے سمندر سیاہی بن جائے تو وہ بھی میرے رب کی باتوں کے ختم ہونے سے پہلے ہی ختم ہوجائے گا، گو ہم اسی جیسا اور بھی اس کی مدد میں لے آئیں"۔ [الکھف: ۱۰۹] اور اللہ کے شرعی کلام کے درمیان, وہ شرعی کلام جو اللہ کے اس جیسے فرمان میں واقع ہے: {وَتَمَّتْ كَلِمَتُ رَبِّكَ صِدْقًا وَعَدْلًا لَا مُبَدِّلَ لِكَلِمَاتِهِ وَهُوَ السَّمِيعُ الْعَلِيمُ} "آپ کے رب کا کلام سچائی اور انصاف کے اعتبار سے کامل ہے اس کے کمات کو کوئى بدلنے والا نہیں اور وہ خوب سننے والا اور جاننے والا ہے"۔ [الأنعام: ۱۱۵] اور جو اللہ کے اس فرمان میں مذکور ہے: { وَإِذِ ابْتَلَى إِبْرَاهِيمَ رَبُّهُ بِكَلِمَاتٍ فَأَتَمَّهُنَّ} "جب ابراہیم (علیہ السلام) کو ان کے رب نے کئی کئی باتوں سے آزمایا اور انہوں نے سب کو پورا کردیا"۔ [البقرۃ: ۱۲۴]

امام دارمی رحمہ اللہ فرماتے ہیں: ’ ’فَلَا يُنْكِرُ كَلَامَ اللَّهِ عَزَّ وَجَلَّ إِلَّا مَنْ يُرِيدُ إِبْطَالَ مَا أَنْزَلَ اللَّهُ عَزَّ وَجَلَّ، وَكَيْفَ يَعْجِزُ عَنِ الْكَلَامِ مَنْ عَلَّمَ الْعِبَادَ الْكَلَامَ، وَأَنْطَقَ الْأَنَامَ؟‘‘۔ اللہ عزوجل کے کلام کا انکار وہی کرے گا جو اللہ عزوجل کی نازل کردہ چیزوں کو جھٹلانا چاہے گا، بات کرنے سے وہ ذات کیسے عاجز ہو سکتی ہے جس نے بندوں کو بات کرنا اور ساری مخلوق کو بو لنا سکھایا ۔ ( الرد علی الجہمیۃ للدارمی : ص: ۱۵۵)

اللہ کی ایک صفت العزۃ (عزت) بھی ہے، جیسا کہ اللہ تعالی نے فرمایا: {سُبْحَانَ رَبِّكَ رَبِّ الْعِزَّةِ عَمَّا يَصِفُونَ} "پاک ہے آپ کا رب جو بہت بڑی عزت والا ہے ہر اس چیز سے (جو مشرک) بیان کرتے ہیں"۔ [الصآفات: ۱۸۰] اور اللہ تعالیٰ نے فر مایا: {مَنْ كَانَ يُرِيدُ الْعِزَّةَ فَلِلَّهِ الْعِزَّةُ جَمِيعًا} "جو عزت چاہتا ہے تو تمام عزت اللہ ہی کے لئے ہے"۔ [فاطر: ۱۰]

اسی طرح اللہ کی ایک صفت القہر( قہر وغلبہ) بھی ہے، جیسا کہ اللہ تعالی نے فرمایا: {وَمَا مِنْ إِلَهٍ إِلَّا اللَّهُ الْوَاحِدُ الْقَهَّارُ} "اور حقیقی معبود کوئى نہیں ہے بجز اللہ واحد غالب کے"۔ [ص: ۶۵]

اسی طرح الجبروت(جبروت)، الملکوت(ملکوت)، الکبریاء(کبریاء)، العظمۃ(عظمت) بھی اللہ کی صفات میں سے ہیں، اللہ کے نبی ﷺ رکوع کے دوران کہا کرتے تھے: ’’سُبْحَانَ ذِي الْجَبَرُوتِ وَالْمَلَكُوتِ وَالْكِبْرِيَاءِ وَالْعَظَمَةِ‘‘۔ طاقت وغلبہ والےوالے، بادشاہت والے، عزت نفس والے اور عظمت والے کی ذات پاک ہے۔ (سنن أبی داود: ۸۷۳، سنن النسائی: ۱۰۴۹، مسند أحمد: ۲۳۹۸۰، الشمائل للترمذی: ۳۱۴، مسند البزار: ۲۷۵۰) اور اللہ کے رسول ﷺ نے فرمایا: ’ ’الْكِبْرِيَاءُ رِدَائِي، وَالْعَظَمَةُ إِزَارِي، فَمَنْ نَازَعَنِي وَاحِدًا مِنْهُمَا، قَذَفْتُهُ فِي النَّارِ‘‘۔ کبریائی میری چادر، اور عظمت میری تہبند ہے، لہذا جس نے ان میں سے کسى ایک میں بھى میرا شریک بننا چاہا تو اسے میں جہنم میں ڈال دوں گا۔ (سنن أبی داود : ۴۰۹۰، سنن ابن ماجہ: ۴۱۷۴، مسند الحمیدی: ۱۱۸۳، مصنف ابن أبی شیبۃ: ۲۷۱۱۱، مسند أحمد: ۷۳۸۲)

اسی طرح الإرادۃ ( ارادہ)اور المشیئۃ ( مشیئت) بھی اللہ کی صفات میں سے ہیں، جیسا کہ اللہ تعالی نے فرمایا: { يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ} "اللہ تعالیٰ کا ارادہ تمہارے ساتھ آسانی کا ہے سختی کا نہیں"۔ [البقرۃ: ۱۸۵] اور اس کا فرمان ہے: {وَيُرِيدُ اللَّهُ أَنْ يُحِقَّ الْحَقَّ بِكَلِمَاتِهِ وَيَقْطَعَ دَابِرَ الْكَافِرِينَ} "اور اللہ تعالیٰ یہ چاہتا ہے کہ اپنے کلمات سے حق کا حق ہونا ثابت کردے اور ان کافروں کی جڑ کاٹ دے"۔ [الأنفال: ۷ ] اور اس کا فرمان ہے: {وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ} "اور تم بغیر رب کے چاہے کچھ نہیں چاہ سکتے"۔ [التکویر: ۲۹]

اسی طرح اللہ تعالیٰ کی ایک صفت القدرۃ (قدرت) بھی ہے، جیسا کہ اللہ تعالیٰ نے فرمایا: {وَمِنْ آيَاتِهِ خَلْقُ السَّمَاوَاتِ وَالْأَرْضِ وَمَا بَثَّ فِيهِمَا مِنْ دَابَّةٍ وَ هُوَ عَلَى جَمْعِهِمْ إِذَا يَشَاءُ قَدِيرٌ} "اور اس کی نشانیوں میں سے آسمانوں اور زمین کی پیدائش ہے اور ان میں جانداروں کا پھیلانا وہ اس پر بھی قادر ہے کہ جب چاہے انہیں جمع کر دے"۔ [الشوری: ۲۹] اور اس کا فرمان ہے: {إِنَّ اللَّهَ عَلَى كُلِّ شَيْءٍ قَدِيرٌ} "یقینااللہ ہر چیز پر قادر ہے"۔ [البقرۃ: ۲۰]

اسی طرح اللہ تعالیٰ کی ایک صفت الرحمۃ ( رحمت) بھی ہے، جیسا کہ اللہ رحیم رحمان نے فرمایا: {وَرَحْمَتِي وَسِعَتْ كُلَّ شَيْءٍ} "میری رحمت ہر چیز کو گھیرے ہو ئے ہے"۔ [الأعراف: ۱۵۶] اور اللہ سبحانہ و تعالیٰ نے فرمایا: {كَتَبَ رَبُّكُمْ عَلَى نَفْسِهِ الرَّحْمَةَ} "تمہارے رب نے مہربانی فرمانا اپنے ذمہ مقرر کرلیا ہے"۔ [الأنعام: ۵۴] تو رحمت بھی اللہ کی ایک صفت ہے، اور اس کی اضافت اللہ کی طرف اضافۃ الصفۃ الی الموصوف کے قبیل سے کى گئى ہے۔ اور کبھی کبھی قرآن و احادیث میں بھی صفت رحمت کو اللہ تعالیٰ کی طرف اضافت کے ساتھ ذکر کیا گیا ہے، خالق کى طرف مخلوق کی اضافت کے قبیل سے، جیسا کہ اللہ تعالیٰ نے فرمایا: {وَهُوَ الَّذِي أَرْسَلَ الرِّيَاحَ بُشْرًا بَيْنَ يَدَيْ رَحْمَتِهِ وَأَنْزَلْنَا مِنَ السَّمَاءِ مَاءً طَهُورًا} "اور وہی ہے جو باران رحمت سے پہلے خوشخبری دینے والی ہواؤں کو بھیجتا ہے اور ہم آسمان سے پاک پانی برساتے ہیں"۔ [الفرقان: ۴۸] اور ابو ہریرہ رضی اللہ عنہ سے روایت ہے کہ انہوں نے کہا کہ میں نے اللہ کے رسول ﷺ کو فرماتے ہوئے سنا: ’ ’إِنَّ اللَّهَ خَلَقَ الرَّحْمَةَ يَوْمَ خَلَقَهَا مِائَةَ رَحْمَةٍ‘‘۔ اللہ تعالیٰ نے رحمت کو جس دن بنایا تو اس کے سو حصے کئے۔ (صحیح بخاری: ۶۴۶۹، صحیح مسلم: ۲۷۵۲، جامع الترمذی: ۳۵۴۱، سنن ابن ماجہ: ۴۲۹۳) تو یہ والى رحمت مخلوق ہے اور اس کی اضافت اللہ کی طرف کی گئی ہے، خالق کى طرق مخلوق کی اضافت کے باب سے۔

اور اسی طرح اللہ کی ایک صفت العلو (بلند ہونا ) ہے یعنی اللہ تعالی اپنے ہر کام، اپنی ہر صفت اور ذات میں بلند و بالا ہے، مثلا اللہ تعالیٰ قہار ہے تو وہ اپنی اس صفت قہر میں بلند وبالا ہے، اللہ قادر ہے تو وہ اپنی اس صفت قدرت میں بلند وبالا ہے، اسی طرح وہ اپنی ذات کے اعتبار سے بھی بلند وبالا ہے اور یہ تینوں صفتیں اللہ تعالیٰ کے کامل ہونے پر دلالت کرتی ہیں، قرآن مجید، سنت نبوی ﷺ، عقل اور فطرت نے بھی کئی اعتبار سے یہ ثابت کیا ہے کہ اللہ تعالیٰ کی ذات بلند ہے، اللہ یا اللہ کے رسول ﷺکی بتائی تمام خبریں بلند و بالا ہیں اور دونوں اللہ کی بلندی پر دلالت کرتی ہیں، اسی طرح اللہ تعالیٰ کی طرف سے ناز ل ہونے والی تمام خبریں جیسے وحی کا نزول اور نازل ہونے والا حکم جو بروز قیامت فیصلے کے لئے آئے گا اور وہ حکم جو ہر رات اور یوم عرفہ کی شام میں نازل ہوتا ہے اور فرشتوں کا نزول یہ سب اللہ تعالیٰ کے بلند ہونے پر دلالت کرتے ہیں، اسی طرح ہر وہ خبر جس میں آیا ہے کہ اللہ آسمان میں ہے یا آسمان کے او پر ہے یا وہ عرش کے او پر ہے یا وہ عرش پر مستوی ہے، وہ سب خبریں اس کے بلند ہونے پر دلالت کرتی ہیں، اسی طرح ہر وہ خبر جس میں اللہ کی طرف چڑھنے کی بات آئی ہے یا اس سے ملتے جلتے کلمات کا استعمال ہوا ہے تو وہ بھی اللہ تعالیٰ کے بلند ہونے پر دلالت کرتی ہیں۔

ان میں سے چند یہ ہیں: ’’أن الملائکۃ تخاف ربہا من فوقہا‘‘ فرشتے اپنے رب سے اس کے او پر سے ڈرتے ہیں۔ ’’أنہا تعرج إلیہ‘‘ وہ اس کی طرف چڑھتے ہیں۔ ’’أن الأعمال ترفع إلیہ‘‘أعمال اس تک اٹھائے جا تے ہیں۔ ’’أنہ یصعد إلیہ‘‘وہ اس کی طرف چڑھتا ہے۔ ’’ أن اللہ رفع عیسی علیہ السلام‘‘ اللہ نے عیسی علیہ السلام کو اٹھا لیا۔ ’’أسری بنبینا محمد ﷺ ‘‘ہمارے نبی محمد ﷺ کو راتوں رات لے جایا گیا۔ ’’ عرج بہ إلی السماء‘‘ انہیں آسمان تک لے جایا گیا۔ یہ سارے جملے اللہ کے بلند ہونے پر دلالت کرتے ہیں بلکہ اللہ کے بلند و بالا ہونے پر دلالت کرنے والی دلیلوں کی بے شمار قسمیں ہیں، پھر ہرقسم کی کئی قسمیں ہیں، جن کا شمار بھارى مشفت وتکلیف کے بغیر ممکن نہیں۔

ان دلیلوں میں سے چند یہ ہیں: اللہ تعالیٰ کا فرمان ہے: {لَهُ مَا فِي السَّمَاوَاتِ وَمَا فِي الْأَرْضِ وَهُوَ الْعَلِيُّ الْعَظِيمُ} "آسمان اور زمین کی ساری چیزیں اسی کے لئے ہیں اور وہ بلند و بالا اور عظمت والا ہے"۔ [الشوری: ۴] اور اس کا یہ فرمان: {ذَلِكَ بِأَنَّ اللَّهَ هُوَ الْحَقُّ وَأَنَّ مَا يَدْعُونَ مِنْ دُونِهِ هُوَ الْبَاطِلُ وَأَنَّ اللَّهَ هُوَ الْعَلِيُّ الْكَبِيرُ} "یہ سب اس لئے کہ اللہ ہی حق ہے اور اس کے سوا جسے بھی پکارتے ہیں وہ باطل ہے بیشک اللہ ہی بلندی والا کبریائی والا ہے"۔ [الحج: ۶۲] اور اس کا یہ فرمان بھی: {إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ} "تمام تر ستھرے کلمات اسی کی طرف چڑھتے ہیں اور نیک عمل ان کو بلند کرتا ہے"۔ [فاطر: ۱۰] اللہ سبحانہ وتعالیٰ کا یہ قول بھی: {وَهَذَاكِتَابٌ أَنْزَلْنَاهُ مُبَارَكٌ فَاتَّبِعُوهُ وَاتَّقُوا لَعَلَّكُمْ تُرْحَمُونَ} "یہ ایک کتاب ہے جس کو ہم نے نازل کیا بڑی خیر و برکت والی سو اس کا اتباع کرو اور ڈرو تاکہ تم پر رحمت ہو"۔ [الأنعام: ۱۵۵] نیز اس کا یہ فرمان بھی: {إِنَّا أَنْزَلْنَاهُ قُرْآنًا عَرَبِيًّا لَعَلَّكُمْ تَعْقِلُونَ} "یقینا ہم نے اسے عربی زبان میں نازل کیا تاکہ تم لوگ سمجھ سکو"۔ [یوسف: ۲] اوراس کےعلو کى دلیل یہ فرمان الہی بھی ہے: {يَخَافُونَ رَبَّهُمْ مِنْ فَوْقِهِمْ وَيَفْعَلُونَ مَا يُؤْمَرُونَ} "اور اپنے رب سے جو ان کے اوپر ہے، کپکپاتے رہتے ہیں اور جو حکم مل جائے اس کی تعمیل کرتے ہیں"۔ [النحل: ۵۰ ] اور اللہ کا یہ فرمان بھی اللہ کى صفت علو کى دلیل ہے: {إِنِّي مُتَوَفِّيكَ وَرَافِعُكَ إِلَيَّ} "میں تجھے پورا لینے والا ہوں اور تجھے اپنی طرف اٹھانے والا ہوں"۔ [آل عمران: ۵۵] اور یہ فرمان الہی بھى اس کى دلیل ہے: {تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ} "جس کی طرف فرشتے اور روح چڑھتے ہیں ایک دن میں جس کی مقدار پچاس ہزار سال کی ہے"۔ [المعارج: ۴] اللہ کا یہ ارشاد بھی صفت علو کى دلیل ہے: {اَللّٰهُ الَّذِيْ خَلَقَ سَبْعَ سَمٰوٰتٍ وَّمِنَ الْاَرْضِ مِثْلَهُنَّ ۭ يَـتَنَزَّلُ الْاَمْرُ بَيْنَهُنَّ لِتَعْلَمُوْٓا اَنَّ اللّٰهَ عَلٰي كُلِّ شَيْءٍ قَدِيْرٌ ڏ وَّاَنَّ اللّٰهَ قَدْ اَحَاطَ بِكُلِّ شَيْءٍ عِلْمًا} "اللہ وہ ہے جس نے سات آسمان اور اسی کے مثل زمینیں بھی پیدا کیا، اس کا حکم ان کے درمیان اترتا ہے تاکہ تم جان لو کہ اللہ ہر چیز پر قادر ہے۔ اور اللہ تعالیٰ نے ہر چیز کو بہ اعتبار علم گھیر رکھا ہے"۔ [الطلاق: ۱۲] یہ ارشاد الہی بھی صفت علو کے دلائل میں سے ایک ہے: {بَلْ رَفَعَهُ اللَّهُ إِلَيْهِ وَكَانَ اللَّهُ عَزِيزًا حَكِيمًا} "بلکہ اللہ تعالیٰ نے انہیں اپنی طرف اٹھا لیا اور اللہ بڑا زبردست اور پوری حکمتوں والا ہے"۔ [النساء: ۱۵۸] یہ قول الہی بھی اسى عظیم صفت الہی کى دلیل ہے: {سُبْحَانَ الَّذِي أَسْرَى بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ الْبَصِيرُ} "پاک ہے وہ اللہ تعالیٰ جو اپنے بندے کو رات ہی رات میں مسجد حرام سے مسجد اقصیٰ تک لے گیا جس کے آس پاس ہم نے برکت دے رکھی ہے، اس لئے کہ ہم اسے اپنی قدرت کے بعض نمونے دکھائیں، یقیناً اللہ تعالیٰ ہی خوب سننے دیکھنے والاہے"۔ [الإسراء: ۱]

اور اللہ کے رسول ﷺ نے فرمایا: ’ ’لَمَّا قَضَى اللَّهُ الخَلْقَ، كَتَبَ كِتَابًا عِنْدَهُ: غَلَبَتْ، أَوْ قَالَ سَبَقَتْ رَحْمَتِي غَضَبِي، فَهُوَ عِنْدَهُ فَوْقَ العَرْشِ‘‘۔ اللہ جب ساری مخلوق پیدا کر چکا تو اس نے اپنے پاس ایک کتاب لکھ کر رکھ لیا: (اس میں یوں ہے) میری رحمت میرے غصے پر غالب ہے یا میرے غصے سے آگے بڑھ چکی ہے، اور وہ اس کے پاس عرش کے اوپر ہے۔ (صحیح بخاری: ۷۵۵۳، صحیح مسلم : ۲۷۵۱، جامع ترمذی: ۳۵۴۳، سنن ابن ماجہ: ۱۸۹) اور معاویہ بن حکم سلمی رضی اللہ عنہ فرماتے ہیں کہ: ’’بَيْنَا أَنَا أُصَلِّي مَعَ رَسُولِ اللهِ صَلَّى اللهُ عَلَيْهِ وَسَلَّمَ، إِذْ عَطَسَ رَجُلٌ مِنَ الْقَوْمِ، فَقُلْتُ: يَرْحَمُكَ اللهُ فَرَمَانِي الْقَوْمُ بِأَبْصَارِهِمْ، فَقُلْتُ: وَاثُكْلَ أُمِّيَاهْ، مَا شَأْنُكُمْ؟ تَنْظُرُونَ إِلَيَّ، فَجَعَلُوا يَضْرِبُونَ بِأَيْدِيهِمْ عَلَى أَفْخَاذِهِمْ، فَلَمَّا رَأَيْتُهُمْ يُصَمِّتُونَنِي لَكِنِّي سَكَتُّ، فَلَمَّا صَلَّى رَسُولُ اللهِ صَلَّى اللهُ عَلَيْهِ وَسَلَّمَ، فَبِأَبِي هُوَ وَأُمِّي، مَا رَأَيْتُ مُعَلِّمًا قَبْلَهُ وَلَا بَعْدَهُ أَحْسَنَ تَعْلِيمًا مِنْهُ، فَوَاللهِ، مَا كَهَرَنِي وَلَا ضَرَبَنِي وَلَا شَتَمَنِي، قَالَ: إِنَّ هَذِهِ الصَّلَاةَ لَا يَصْلُحُ فِيهَا شَيْءٌ مِنْ كَلَامِ النَّاسِ، إِنَّمَا هُوَ التَّسْبِيحُ وَالتَّكْبِيرُ وَقِرَاءَةُ الْقُرْآنِ أَوْ كَمَا قَالَ رَسُولُ اللهِ صَلَّى اللهُ عَلَيْهِ وَسَلَّمَ قُلْتُ: يَا رَسُولَ اللهِ، إِنِّي حَدِيثُ عَهْدٍ بِجَاهِلِيَّةٍ، وَقَدْ جَاءَ اللهُ بِالْإِسْلَامِ، وَإِنَّ مِنَّا رِجَالًا يَأْتُونَ الْكُهَّانَ، قَالَ:فَلَا تَأْتِهِمْ ،قَالَ: وَمِنَّا رِجَالٌ يَتَطَيَّرُونَ، قَالَ: ذَاكَ شَيْءٌ يَجِدُونَهُ فِي صُدُورِهِمْ، فَلَا يَصُدَّنَّهُمْ - قَالَ ابْنُ الصَّبَّاحِ: فَلَا يَصُدَّنَّكُمْ - قَالَ قُلْتُ :وَمِنَّا رِجَالٌ يَخُطُّونَ، قَالَ:كَانَ نَبِيٌّ مِنَ الْأَنْبِيَاءِ يَخُطُّ، فَمَنْ وَافَقَ خَطَّهُ فَذَاكَ، قَالَ: وَكَانَتْ لِي جَارِيَةٌ تَرْعَى غَنَمًا لِي قِبَلَ أُحُدٍ وَالْجَوَّانِيَّةِ، فَاطَّلَعْتُ ذَاتَ يَوْمٍ فَإِذَا الذِّيبُ قَدْ ذَهَبَ بِشَاةٍ مِنْ غَنَمِهَا، وَأَنَا رَجُلٌ مِنْ بَنِي آدَمَ، آسَفُ كَمَا يَأْسَفُونَ، لَكِنِّي صَكَكْتُهَا صَكَّةً، فَأَتَيْتُ رَسُولَ اللهِ صَلَّى اللهُ عَلَيْهِ وَسَلَّمَ فَعَظَّمَ ذَلِكَ عَلَيَّ، قُلْتُ: يَا رَسُولَ اللهِ أَفَلَا أُعْتِقُهَا؟ قَالَ: ائْتِنِي بِهَا، فَأَتَيْتُهُ بِهَا، فَقَالَ لَهَا: أَيْنَ اللهُ؟ قَالَتْ: فِي السَّمَاءِ، قَالَ: مَنْ أَنَا؟ قَالَتْ: أَنْتَ رَسُولُ اللهِ، قَالَ: أَعْتِقْهَا، فَإِنَّهَا مُؤْمِنَةٌ‘‘۔ ایک دن میں اللہ کے رسول ﷺ کے ساتھ نماز پڑھ رہا تھا کہ قوم کے ایک آدمی کو چھینک آئی تو میں نے کہا ’’يَرْحَمُكَ اللَّه‘‘ تو لوگوں نے مجھے گھور کر دیکھا تو میں نے کہا کاش مجھ پر میری ماں رو چکی ہوتی (یعنی میں مرجاتا) کیا بات ہے کہ تم لوگ مجھے ( اس طرح سے) دیکھ رہے ہو، تو وہ لوگ اپنے ہاتھ رانوں پر مارنے لگے، جب میں نے دیکھا کہ وہ لوگ مجھے خاموش کر رہے ہیں تو میں چپ ہوگیا، جب اللہ کے رسولﷺ نماز پڑھ چکے تو (آپ پر میرے ماں باپ قربان ہوں ) میں نے ان سے بہتر ان سے پہلے کوئی معلم نہیں دیکھا اور نہ ان کے بعد، اللہ کی قسم! انہوں نے مجھے نہ جھڑکا، نہ مارا، نہ گالی دی، بلکہ فرمایا نماز میں لوگوں کا بات کرنا درست نہیں ہیں، یہ تسبیح، تکبیر اور قرآن پڑھنے کے لئے ہے یا جیسا بھی اللہ کے رسول ﷺ نے فرمایا، میں نے عرض کیا اے اللہ کے رسول! میرا جاہلیت کا زمانہ ابھی نیا ہے، (اب) اللہ نے اسلام نصیب کیا، ہم میں سے بعض لوگ کاہنوں کے پاس آتے ہیں، فرمایا: تو ان کے پاس مت جا، ( میں نےپھر) کہا: ہم میں سے کچھ لوگ بد شگونی لیتے ہیں،(آپ نے) فرمایا: یہ ان کے دلوں کی بات ہے تو یہ خیال کسی کام سے ان کو نہ روکے یا وہ تم کو نہ روکے، ( پھر میں نے ) کہا: ہم میں سے بعض لوگ لکیریں کھینچتے ہیں،( آپ نے) فرمایا: ایک پیغمبر بھی لکیریں کھینچاکرتے تھے، اس لئے جس کی لکیر ان سىے موافقت کرجائے تووہ درست ہے، (معاویہ رضی اللہ عنہ نے ) کہا کہ میری ایک لونڈی تھی جو احد اور جوانیہ (ایک مقام کا نام ہے) کی طرف بکریاں چرایا کرتی تھی، ایک دن میں اچانک وہاں آ نکلا تو دیکھا کہ بھیڑیا ایک بکری کو لے کر چلاگیا ہے، آخر میں بھی آدمی ہوں مجھ کو بھی غصہ آ جاتا ہے جیسے لوگوں کو غصہ آتا ہے، میں نے اس کو ایک طمانچہ ماردیا پھر میں اللہ کے رسول ﷺ کے پاس آیا تو انہوں نے مجھ پر اسے بہت بڑا قرار دیا، میں نے کہا: اے اللہ کے رسول! کیا میں اس لونڈی کو آزاد نہ کر دوں؟( آپ نے )فرمایا: اس کو میرے پاس لے کر آؤ ، تو میں اسے ان کے پاس لے کر آیا،توآپ نے اس سے پوچھا: اللہ کہاں ہے؟ اس نے کہا: آسمان میں، آپ نے فرمایا: میں کون ہوں؟اس نے کہا: آپ اللہ کے رسول ہیں، تب آپ( ﷺ) نے فرمایا: تو اس کو آزاد کر دے یہ مؤمنہ ہے۔ (صحیح مسلم : ۵۳۷ ، سنن أبی داود: ۹۳۰ ، سنن النسا ئی: ۱۲۱۸)

ابو ہریرہ رضی اللہ عنہ سے مروی ہے کہ اللہ کے رسول ﷺ نے فرمایا: ’’يَتَعَاقَبُونَ فِيكُمْ مَلَائِكَةٌ بِاللَّيْلِ، وَمَلَائِكَةٌ بِالنَّهَارِ، وَيَجْتَمِعُونَ فِي صَلَاةِ الْفَجْرِ، وَصَلَاةِ الْعَصْرِ، ثُمَّ يَعْرُجُ الَّذِينَ بَاتُوا فِيكُمْ، فَيَسْأَلُهُمْ رَبُّهُمْ وَهُوَ أَعْلَمُ بِهِمْ: كَيْفَ تَرَكْتُمْ عِبَادِي؟ فَيَقُولُونَ: تَرَكْنَاهُمْ وَهُمْ يُصَلُّونَ، وَأَتَيْنَاهُمْ وَهُمْ يُصَلُّونَ‘‘۔ رات اور دن میں فرشتوں کی ڈیوٹیاں بدلتی رہتی ہیں اور فجر اور عصر کی نمازوں میں اکٹھا ہوتے ہیں، پھر تمہارے پاس رہنے والے فرشتے جب اوپر چڑھتے ہیں تو اللہ تعالیٰ پوچھتا ہے حالانکہ وہ ان سے بہت زیادہ اپنے بندوں کے متعلق جانتا ہے، کہ میرے بندوں کو تم نے کس حال میں چھوڑا؟ وہ جواب دیتے ہیں کہ ہم نے جب انہیں چھوڑا تو وہ نماز پڑھ رہے تھے اور جب ان کے پاس گئے تب بھی وہ نماز پڑھ رہے تھے۔ (صحیح بخاری: ۵۵۵، صحیح مسلم :۶۳۲، سنن النسائی: ۴۸۵) اور ابو رزین عقیلی رضی اللہ عنہ فرماتے ہیں کہ میں نے کہا: اے اللہ کے رسول ! ’’أَيْنَ كَانَ رَبُّنَا قَبْلَ أَنْ يَخْلُقَ خَلْقَهُ؟ اللہ تعالیٰ اپنے مخلوق کو پیدا کرنے سے پہلے کہاں تھا؟ تو آپ نے فرمایا: قَالَ:كَانَ فِي عَمَاءٍ مَا تَحْتَهُ هَوَاءٌ وَمَا فَوْقَهُ هَوَاءٌ، وَخَلَقَ عَرْشَهُ عَلَى المَاءِ‘‘۔ ( آپ نے) فرمایا: باریک بادل پر بلند تھا، جس کے کے نیچے بھی ہوا تھی اور اس کے اوپر بھی، اور اس نے اپنا عرش پیدا کیا پانی پر۔ (جامع الترمذی: ۳۱۰۹، سنن ابن ماجہ: ۱۸۲، مسند الطیالسی: ۱۱۸۹ ، مسند أحمد: ۱۶۱۸۸، السنۃ لإبن أبی عاصم: ۶۲۵) یہ اور ان کے علاوہ اوربھی بہت سی آیات و احادیث ہیں جو اللہ تعالیٰ کےصفت علو یعنی اس کے بلند ہونے پر دلا لت کرتی ہیں۔

صفت علو پر بے شمار دلیلیں ہیں، چںانچہ علماء اسلام کا اس کے اثبات پر اجماع بھی ہے نیز اسے عقل اور فطرت سلیمہ نے بھی تسلیم کیا ہے، حافظ ابن بطہ رحمہ اللہ فرماتے ہیں: ’’وَأَجْمَعَ الْمُسْلِمُونَ مِنَ الصَّحَابَةِ وَالتَّابِعِينَ، وَجَمِيعِ أَهْلِ الْعِلْمِ مِنَ الْمُؤْمِنِينَ أَنَّ اللَّهَ تَبَارَكَ وَتَعَالَى عَلَى عَرْشِهِ، فَوْقَ سَمَاوَاتِهِ بَائِنٌ مِنْ خَلْقِهِ، وَعِلْمُهُ مُحِيطٌ بِجَمِيعِ خَلْقِهِ‘‘۔ مسلمانوں میں تمام صحابہ و تابعین اور مومنوں میں تمام اہل علم کا اجماع ہے کہ اللہ تبار ک و تعالی ساتوں آسمانوں کے او پراپنی مخلوق سے الگ اپنے عرش پر موجودہے، اس کا علم اس کی تمام مخلوق کا احاطہ کئے ہو ئے ہے۔ ( الإنابۃ الکبری لإبن بطۃ : ۱۳۶/ ۷)

امام دارمی رحمہ اللہ فرماتے ہیں کہ ابن مبارک سے جب پوچھا گیا کہ ہم اپنے رب کے بارے میں کیسے جا نیں؟ تو آپ نے فرمایا: ’’بِأَنَّهُ فَوْقَ الْعَرْشِ، فَوْقَ السَّمَاءِ السَّابِعَةِ عَلَى الْعَرْشِ، بَائِنٌ مِنْ خَلْقِهِ‘‘۔ وہ عرش کے اوپرہے اور ساتوں آسمانوں کے اوپر عرش پر ہے اپنی مخلوق سے جدا ہے۔ ( الرد علی الجہمیۃ للدارمی : ص: ۹۸)

اللہ تعالیٰ کی ایک صفت الإستواء علی العرش یعنی عرش پر مستوی ہونا بھی ہے اور اس کا تذکرہ اللہ تعالیٰ نے قرآن مجید میں سات مقام پر کیا ہے، جن میں سے ایک اللہ تعالیٰ کا یہ فرمان ہے: {إِنَّ رَبَّكُمُ اللَّهُ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُغْشِي اللَّيْلَ النَّهَارَ يَطْلُبُهُ حَثِيثًا وَالشَّمْسَ وَالْقَمَرَ وَالنُّجُومَ مُسَخَّرَاتٍ بِأَمْرِهِ أَلَا لَهُ الْخَلْقُ وَالْأَمْرُ تَبَارَكَ اللَّهُ رَبُّ الْعَالَمِينَ } "بیشک تمہارا رب اللہ ہی ہے جس نے سب آسمانوں اور زمین کو چھ روز میں پیدا کیا ہے پھر عرش پر مستوی ہوا، وہ رات سے دن ایسے طور پر چھپا دیتا ہے کہ وہ رات اس د ن کو جلدی سے آ لیتی ہے اور سورج اور چاند اور دوسر ے ستاروں کو پیدا کیا ایسے طور پر کہ سب اس کے حکم کے تابع ہیں، یاد رکھو اللہ ہی کے لئے خاص ہے خالق ہونا اور حاکم ہونا بڑی خوبیوں سے بھرا ہوا اللہ جو تمام عالم کا رب ہے"۔ [الأعراف: ۵۴] اور ابو ہریرہ رضی اللہ عنہ سے روایت ہے، انہوں نے کہا کہ اللہ کے رسول ﷺ نے فرمایا: ’ ’لَمَّا قَضَى اللَّهُ الخَلْقَ، كَتَبَ كِتَابًا عِنْدَهُ: غَلَبَتْ، أَوْ قَالَ سَبَقَتْ رَحْمَتِي غَضَبِي، فَهُوَ عِنْدَهُ فَوْقَ العَرْشِ‘‘۔ اللہ جب ساری مخلوق پیدا کر چکا تو اس نے اپنے پاس ایک کتاب لکھ کر رکھ لیا ( اس میں یوں ہے) میری رحمت میرے غصے پر غالب ہے یا میرے غصے سے آگے بڑھ چکی ہےاور وہ اس کے پاس عرش کے اوپر ہے۔ (صحیح بخاری: ۷۵۵۳، صحیح مسلم : ۲۷۵۱، جامع الترمذی: ۳۵۴۳، سنن ابن ماجہ: ۱۸۹) لالکائى نے ابن عیینہ سے بیان کیا ہے کہ ابن عیینہ نے فرمایا کہ: ربیعہ سے اللہ تعالیٰ کے اس فرمان {الرَّحْمَنُ عَلَى الْعَرْشِ اسْتَوَى} کے سلسلے میں سوال کیا گیا کہ وہ کیسے مستوی ہوا؟ تو انہوں نے جواب دیا: الِاسْتِوَاءُ غَيْرُ مَجْهُوَلٍ وَالْكَيْفُ غَيْرُ مَعْقُولٍ ، وَمِنَ اللَّهِ الرِّسَالَةُ وَعَلَى الرَّسُولِ الْبَلَاغُ ، وَعَلَيْنَا التَّصْدِيقُ‘‘۔ استواء نا معلوم نہیں ہے اور اس کی کیفیت کى ادراک نہیں کیا جاسکتا، بس یہ اللہ کا پیغام ہے اور اسے رسول پر پہونچانے کی اور ہم پراس کی تصدیق کرنے کی ذمہ داری ہے۔ (شرح أصول اعتقاد أهل السنة والجماعة: ۳/۴۴۲، العرش للذہبی : ۲/۲۱۳) اور اسی طرح کا قول امام دار الہجرہ امام مالک رحمہ اللہ سے بھی نقل کیا گیا ہے۔ ( الحلية لأبی نعيم في: 6/ 325، 326، سنن البيهقي في الأسماء والصفات : 304/2، اور التمهيد لابن عبدالبر:7/ 138)۔ اور امام ذہبی رحمہ اللہ نے فرمایا کہ علما نے امام مالک کے قول: ’’الاستواء معلوم، والكيف مجهول، والإيمان به واجب، والسؤال عنه بدعة‘‘ کواسماء وصفات کے باب میں قاعدہ بنا لیا ہے جس کے مطابق وہ اپنى بات اس باب میں کہتے ہیں۔( العلو للذہبی : ۱۱۷/ ۱)

اللہ تعالیٰ کی ایک صفت المحبۃ ( محبت کرنا) ہے، جیسا کہ اللہ تعالیٰ نے فرمایا: {فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ} "اللہ تعالیٰ بہت جلد ایسی قوم کو لائے گا جو اللہ کی محبوب ہوگی اور وہ بھی اللہ سے محبت رکھتی ہوگی"۔ [المائدۃ: ۵۴] امام دارمی رحمہ اللہ فرماتے ہیں: ’’ فَجَمَعَ بَيْنَ الْحُبَّيْنِ: حُبِّ الْخَالِقِ وَحُبِّ الْمَخْلُوقِ، مُتَقَارِنَيْنِ، ثُمَّ فَرَّقَ بَيْنَ مَا يُحِبُّ وَمَا لَا يُحِبُّ، لِيَعْلَمَ خَلْقُهُ أَنَّهُمَا مُتَضَادَّانِ غَيْرُ مُتَّفِقَيْنِ، فَقَالَ: {لَا يُحِبُّ اللَّهُ الْجَهْرَ بِالسُّوءِ مِنْ الْقَوْل} (النساء : ۱۴۸) ، وَ {إِنَّهُ لَا يُحِبُّ الْمُسْرِفِين}(الأنعام : ۱۴۱)‘‘۔ اللہ تعالى نے ایک ہی جگہ خالق کی محبت اور مخلوق کی محبت کو جمع کردیا ہے، پھر تفریق بیان کى ہے اس چیز جس سے محبت کرنا چاہئے کے درمیان اور اس چیز کے مابین جس سےمحبت نہیں کیا جانا چاہئے تاکہ اس کی مخلوق جان لے کہ دونوں الگ الگ چیزیں ہیں، ایک نہیں ہیں، اسی لئے فرمایا: {لَا يُحِبُّ اللَّهُ الْجَهْرَ بِالسُّوءِ مِنْ الْقَوْل} برائی کے ساتھ آواز بلند کرنے کو اللہ پسند نہیں فرماتا ہے اور فرمایا: {إِنَّهُ لَا يُحِبُّ الْمُسْرِفِين} وہ حد سے تجاوز کرنے والے کو پسند نہیں کرتا ہے۔ (نقض الدارمی : ۲/ ۸۶۵)

اور فرمایا: {إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ} "اللہ توبہ کرنے والوں اور پاک رہنے والوں کو پسند کرتا ہے"۔ [البقرۃ: ۲۲۲] سھل بن سعد رضی اللہ عنہ سے روایت ہے، انہوں نے کہا کہ اللہ کے رسول ﷺ نے خیبر کے دن فرمایا: ’’لَأُعْطِيَنَّ الرَّايَةَ غَدًا رَجُلًا يُفْتَحُ عَلَى يَدَيْهِ، يُحِبُّ اللَّهَ وَ رَسُولَهُ، وَيُحِبُّهُ اللَّهُ وَرَسُولُهُ‘‘۔ کل میں جھنڈا ایسے آدمی کو دوں گا جس کے ہاتھوں پر فتح کیا جا ئے گا، جو اللہ اور اس کے رسول سے محبت کرتا ہے اور اللہ اور اس کے رسول ا س سے محبت کرتے ہیں۔ (صحیح بخاری: ۳۰۰۹، صحیح مسلم: ۲۴۰۶، سنن أبی داود: ۳۶۶۱) اور اللہ کے رسول ﷺ نے فرمایا: ’ ’لاَ يُؤْمِنُ أَحَدُكُمْ، حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ‘‘۔ تم میں سے کوئی مومن نہیں ہو سکتا تا آنکہ میں اس کے نزدیک اس کے باپ، اس کے لڑکے اور تمام لوگوں سے زیادہ محبوب نہ ہو جاؤ ں۔ (صحیح بخاری: ۱۵، صحیح مسلم: ۴۴، سنن النسا ئی: ۵۰۱۳، سنن ابن ماجہ: ۶۷ )

اور اللہ کی ایک صفت الرضاء ( خوش ہونا) ہے، جیسا کہ اللہ تعالی نے فرمایا: {وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنْصَارِ وَالَّذِينَ اتَّبَعُوهُمْ بِإِحْسَانٍ رَضِيَ اللَّهُ عَنْهُمْ وَرَضُوا عَنْهُ} "اور جو مہاجرین اور انصار سابق اور مقدم ہیں اور جتنے لوگ اخلاص کے ساتھ ان کے پیرو ہیں اللہ ان سب سے راضی ہوا اور وہ سب اس سے راضی ہوئے"۔ [التوبۃ:۱۰۰] اور عائشہ رضی اللہ عنہا سے روایت ہے، وہ فرماتی ہیں کہ ’’فَقَدْتُ رَسُولَ اللهِ صَلَّى اللهُ عَلَيْهِ وَسَلَّمَ لَيْلَةً مِنَ الْفِرَاشِ فَالْتَمَسْتُهُ فَوَقَعَتْ يَدِي عَلَى بَطْنِ قَدَمَيْهِ وَهُوَ فِي الْمَسْجِدِ وَهُمَا مَنْصُوبَتَانِ وَهُوَ يَقُولُ: میں نے ایک رات اللہ کے رسول ﷺ کو بستر سے غائب پایا تو میں نے انہیں تلاش کیا تو اچانک میرا ہاتھ آپ کے دونوں قدموں کے تلوے پر جا پڑا دراں حال کہ آپ سجدہ میں تھے اور آپ کے دونوں پاؤں کھڑے تھے اور(آپ ﷺ) کہہ رہے تھے: ’’اللهُمَّ أَعُوذُ بِرِضَاكَ مِنْ سَخَطِكَ، وَبِمُعَافَاتِكَ مِنْ عُقُوبَتِكَ، وَأَعُوذُ بِكَ مِنْكَ لَا أُحْصِي ثَنَاءً عَلَيْكَ أَنْتَ كَمَا أَثْنَيْتَ عَلَى نَفْسِكَ‘‘۔ اے اللہ! میں پناہ مانگتا ہوں تیری رضا کے ذریعے سے تیری ناراضی سے اور تیری عافیت کے ذریعے سے تیری سزا سے، اور میں تیری پناہ مانگتا ہوں تیری ذات کے ذریعے سےتیرے قہر و غضب سے، میں تیری تعریف کا شمار نہیں کر سکتا، تو ویسا ہی ہے جیسے تو نے خود اپنی تعریف بیان کی ہے۔ ( صحیح مسلم: ۴۸۶، سنن أبی داود: ۸۷۹ ، جامع الترمذی: ۳۴۹۳، سنن النسا ئی: ۱۶۹ ، سنن ابن ماجہ: ۳۸۴۱)

اللہ کی ایک صفت کراھیتہ لأعداءہ (دشمنوں کو نا پسند کرنا) ہے، یہ اس لئے کہ انہوں نےاللہ کے رسول ﷺ پر نازل کردہ احکام اور خوشنودئ الہی کو ناپسند کیا، جیسا کہ اللہ تعالیٰ نے فرمایا: {ذَلِكَ بِأَنَّهُمُ اتَّبَعُوا مَا أَسْخَطَ اللَّهَ وَكَرِهُوا رِضْوَانَهُ فَأَحْبَطَ أَعْمَالَهُمْ} یہ "اس بنا پر کہ یہ وہ راہ چلے جس سے انہوں نے اللہ کو ناراض کر دیا اورانہوں نے اس کی رضا مندی کو برا جانا، تو اللہ نے ان کے اعمال اکارت کر دیئے"۔ [محمد: ۲۸] اور اس کا فر مان ہے: {وَلَكِنْ كَرِهَ اللَّهُ انْبِعَاثَهُمْ فَثَبَّطَهُمْ وَقِيلَ اقْعُدُوا مَعَ الْقَاعِدِينَ} "لیکن اللہ کو ان کا اٹھنا پسند ہی نہ تھا اس لئے انہیں حرکت سے ہی روک دیا اور کہہ دیا گیا کہ تم بیٹھنے والوں کیساتھ بیٹھے رہو"۔ [التوبۃ: ۴۶] ابو ہریرہ رضی اللہ عنہ سے روایت ہے، انہوں نے کہا کہ اللہ کے رسول ﷺ نے فرمایا: ’’إِذَا أَحَبَّ عَبْدِي لِقَائِي أَحْبَبْتُ لِقَاءَهُ، وَإِذَا كَرِهَ لِقَائِي كَرِهْتُ لِقَاءَهُ‘‘۔ جب میرا بندہ میری ملاقات کو محبوب جانتا ہے ہے تو میں بھی اس کی ملاقات کو محبوب رکھـا ہوں، اور جب وہ میری ملاقات کو نا پسند کرتا ہے تو میں بھی اس کی ملاقات کو نا پسند کرتا ہوں۔ (صحیح بخاری: ۷۵۰۴، سنن النسا ئی: ۱۸۳۵)

اللہ کی ایک صفت الغضب علی أعدائہ( دشمنوں سے غصہ ہونا) ہے، جیسا کہ اللہ تعالیٰ نے فرمایا: {وَغَضِبَ اللَّهُ عَلَيْهِمْ وَلَعَنَهُمْ} "اللہ ان پر ناراض ہوا اور انہیں لعنت کی"۔ [الفتح: ۶] ابن عباس رضی اللہ عنہما فر ماتے ہیں: ’’اشْتَدَّ غَضَبُ اللَّهِ عَلَى مَنْ قَتَلَهُ النَّبِيُّ صَلَّى اللهُ عَلَيْهِ وَسَلَّمَ فِي سَبِيلِ اللَّهِ، اشْتَدَّ غَضَبُ اللَّهِ عَلَى قَوْمٍ دَمَّوْا وَجْهَ نَبِيِّ اللَّهِ صَلَّى اللهُ عَلَيْهِ وَسَلَّمَ‘‘ اللہ کا غصہ اس شخص پر سخت ہوگیا جسے نبی ﷺ نے اللہ کی راہ میں قتل کیا اور اللہ کا غصہ اس قوم پر سخت ہوگیا جنہوں نے نبی ﷺ کا چہرہ لہو لہان کردیا۔ (صحیح بخاری: ۴۰۷۴)

اللہ کی ایک صفت المقت( ناراض ہونا) یعنی اللہ کا کافروں سے نا راض ہونا ہے، جیسا کہ اللہ تعالی نے فرمایا: {إِنَّ الَّذِينَ كَفَرُوا يُنَادَوْنَ لَمَقْتُ اللَّهِ أَكْبَرُ مِنْ مَقْتِكُمْ أَنْفُسَكُمْ} بیشک "جنہوں نے کفر کیا انہیں آواز دی جائے گی کہ یقیناً اللہ کا تم پر غصہ ہونا اس سے بہت زیادہ ہے جو تم غصہ ہوتے تھے اپنے جی سے"۔ [غافر: ۱۰]

اللہ کی ایک صفت مکرہ بأعداءہ الذی یمکرون بأولیائہ ہے( اس کا اپنے ان دشمنوں کے ساتھ چال چلنا ہے جو لوگ اس کے اولیاء کے ساتھ چال چلتے ہیں یعنی اللہ ان کی چالبازیوں کا انہیں جواب دیتا ہے)، جیسا کہ اللہ تعالیٰ نے فرمایا: {وَمَكَرُوا مَكْرًا وَمَكَرْنَا مَكْرًا وَهُمْ لَا يَشْعُرُونَ *۔ "انہوں نے مکر (خفیہ تدبیر) کیا اور ہم نے بھی اور وہ اسے سمجھتے ہی نہ تھے۔ فَانْظُرْ كَيْفَ كَانَ عَاقِبَةُ مَكْرِهِمْ أَنَّا دَمَّرْنَا هُمْ وَ قَوْمَهُمْ أَجْمَعِينَ} (اب) دیکھ لے ان کے مکر کا انجام کیسا کچھ ہوا؟ کہ ہم نے ان کو اور ان کی قوم کو سب کو غارت کردیا"۔ [النمل: ۵۰- ۵۱]

اللہ کی ایک صفت الأسف(شدید غصہ ہونا) ہے، جیسا کہ اللہ تعالیٰ نے فرمایا: {فَلَمَّا آسَفُونَا انْتَقَمْنَا مِنْهُمْ فَأَغْرَقْنَاهُمْ أَجْمَعِينَ } "پھر جب انہوں نے ہمیں غصہ دلایا تو ہم نے ان سے انتقام لیا اور سب کو ڈبو دیا"۔ [الزخرف: ۵۵] قتادہ اور سدی فرماتے ہیں کہ: {فَلَمَّا آسَفُونَا } کا معنی ہے ’’أغضبونا‘‘ انہوں نے ہمیں غصہ دلایا۔ ( تفسیر الطبری : ۶۲۲/ ۲۱)

اللہ سبحانہ و تعالیٰ کی ایک صفت مخادعۃ من یخادعہ (دھوکہ دینے والوں کو دھوکہ دینا ) ہے، سو اللہ ان منافقوں کو دھوکہ دیتا ہے جو اسے دھوکہ دیتے ہیں (یعنی ان کی چالبازیوں کا اللہ انہیں بدلہ دیتا ہے)، جیسا کہ اللہ عزوجل نے فرمایا: {يُخٰدِعُوْنَ اللّٰهَ وَالَّذِيْنَ اٰمَنُوْا ۚ وَمَا يَخْدَعُوْنَ اِلَّآ اَنْفُسَھُمْ وَمَا يَشْعُرُوْنَ } "وہ اللہ تعالیٰ اور ایمان والوں کو دھوکا دیتے ہیں، لیکن دراصل وہ خود اپنے آپ کو دھوکا د ے رہے ہیں مگر سمجھتے نہیں"۔ [البقرۃ: ۹] اور اللہ نے فرمایا: {إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ} "بیشک منافق اللہ سے چال بازیاں کر رہے ہیں اور وہ انہیں اس چالبازی کا بدلہ دینے والا ہے"۔ [النساء: ۱۴۲]

اللہ تعالیٰ نے یہ بھی واضح کر دیا ہے کہ وہ اپنے دشمنوں کو ایسے ہی بھلا د ے گا جیسے انہوں نے اس کی ملاقات کو بھلا دیا، جیسا کہ اللہ تعالیٰ نے فرمایا: {الَّذِينَ اتَّخَذُوا دِينَهُمْ لَهْوًا وَلَعِبًا وَغَرَّتْهُمُ الْحَيَاةُ الدُّنْيَا فَالْيَوْمَ نَنْسَاهُمْ كَمَا نَسُوا لِقَاءَ يَوْمِهِمْ هَذَا} "جنہوں نے دنیا میں اپنے دین کو لہو و لعب بنا رکھا تھا اور جن کو دنیاوی زندگی نے دھوکے میں ڈال رکھا تھا سو ہم (بھی) آج کے روز ان کا نام بھول جائیں گے، جیسا کہ وہ اس د ن کوبھول گئے"۔ [الأعراف:۵۱]

اللہ کی ایک صفت اس شخص کے ساتھ استہزاء کرنا بھی ہے جو اس کے ساتھ استہزاء کرتا ہے جیسا کہ اللہ تعالیٰ نے فرمایا: {اللَّهُ يَسْتَهْزِئُ بِهِمْ وَ يَمُدُّهُمْ فِي طُغْيَانِهِمْ يَعْمَهُونَ } "اللہ تعالیٰ بھی ان سے مذاق کرتا ہے اور انہیں ان کی سرکشی اور بہکاو ے میں اور بڑھا دیتا ہے"۔ [البقرۃ: ۱۵] ابن عباس رضی اللہ عنہما اس آیت کی تفسیر میں فرماتے ہیں کہ: ’’ يسخر بهم للنقمة منهم‘‘۔ وہ ان سے بطور عقوبت ان کے ساتھ مذاق کررہا ہے۔ ( تفسیر الطبری: ۳۰۴/ ۱، التفسیر لابن أبی حاتم: ۱۴۳)

اللہ تعالیٰ کی ایک صفت الضحک (ہنسنا)ہے، جیسا کہ ابو ہریرہ رضی اللہ عنہ سے مروی ہے کہ نبی کریم ﷺ نے فرمایا: ’’يَضْحَكُ اللَّهُ إِلَى رَجُلَيْنِ يَقْتُلُ أَحَدُهُمَا الآخَرَ يَدْخُلاَنِ الجَنَّةَ‘‘۔ اللہ ان دونوں آدمیوں پر ہنستا ہے جن میں کا ایک دوسرے کو قتل کردیتا ہے لیکن پھر بھی دونوں جنت میں داخل ہو تے ہیں۔ ( صحیح بخاری: ۲۸۲۶، صحیح مسلم: ۱۸۹۰، سنن النسا ئی: ۳۱۶۶، سنن ابن ماجہ: ۱۹۱) بروز قیامت اللہ تعالیٰ کے دیدار کے سلسلے میں ابو ہریرہ رضی اللہ عنہ کی ایک طویل حدیث ہے جس میں جنت میں سب سے آخر میں داخل ہونے والوں کا ذکر کیا گیا، اسی میں ہے کہ: ’’فَيَقُولُ اللَّهُ: وَيْحَكَ يَا ابْنَ آدَمَ، مَا أَغْدَرَكَ، أَلَيْسَ قَدْ أَعْطَيْتَ العُهُودَ وَالمِيثَاقَ، أَنْ لاَ تَسْأَلَ غَيْرَ الَّذِي أُعْطِيتَ؟ فَيَقُولُ: يَا رَبِّ لاَ تَجْعَلْنِي أَشْقَى خَلْقِكَ، فَيَضْحَكُ اللَّهُ عَزَّ وَجَلَّ مِنْهُ، ثُمَّ يَأْذَنُ لَهُ فِي دُخُولِ الجَنَّةِ.....‘‘۔ پھر اللہ کہے گا کہ ابن آدم ! تجھ پر افسوس ہے تجھے کس چیز نے دھو کے میں ڈال دیا، کیا تو نے عہد و میثاق نہیں لیا تھا کہ اپنی دی ہوئی چیزوں کے علاوہ تو کچھ نہ مانگنا؟ تو وہ کہے گا اے رب ! تو مجھے اپنی مخلوق میں سب سے بد بخت شخص نہ بنا، تو اللہ عزوجل اس پر ہنسے گا پھر اسے جنت میں داخلے کی اجازت د ے د ے گا۔ (صحیح بخاری: ۸۰۶)

امام وکیع رحمہ اللہ فرماتے ہیں کہ: ’’إِذَا سُئِلْتُمْ: هَلْ يَضْحَكُ رَبُّنَا؟ فَقُولُوا: كَذَلِكَ سَمِعْنَا‘‘۔ جب تم سے پوچھا جائے کہ کیا ہمارا رب ہنستا ہے؟ تو کہہ دو کہ اسی طرح ہم نے سنا ہے۔ ( شرح اعتقاد أہل السنۃ والجماعۃ : ۴۷۷/ ۳)

حافظ ابن بطہ رحمہ اللہ نے اپنی کتاب ’’الإبانۃ‘‘ میں باب باندھا ہے’’بَابُ الْإِيمَانِ بِأَنَّ اللَّهَ عَزَّ وَجَلَّ يَضْحَكُ‘‘۔ اس بات پر ایمان کا بیان کہ اللہ عزوجل ہنستا ہے۔ پھر اسی باب کے تحت فر مایا کہ: "جان لو - اللہ تم پر رحم کرے - کہ حق کے پیروکار مومنوں کی ایک صفت یہ ہے کہ وہ صحیح آثار کی تصدیق کرتے ہیں اور ان کو قبول کرتے ہیں اور قیاس کے ذریعہ اس پر اعتراض نہیں کرتے ہیں اور نہ ہی ذاتی رجحانات کی بنیاد پر اپنی رائے قائم کرتے ہیں۔ بے شک ایمان تصدیق کا نام ہے اور مومن تصدیق کرنے والا ہے، اللہ عز وجل نے فرمایا: {فَلَا وَرَبِّكَ لَا يُؤْمِنُوْنَ حَتّٰي يُحَكِّمُوْكَ فِيْمَا شَجَــرَ بَيْنَھُمْ ثُمَّ لَا يَجِدُوْا فِيْٓ اَنْفُسِهِمْ حَرَجًا مِّمَّا قَضَيْتَ وَيُسَلِّمُوْا تَسْلِــيْمًا} "سو قسم ہے تیرے رب کی ! یہ مومن نہیں ہوسکتے جب تک کہ تمام آپس کے اختلاف میں آپ کو حاکم نہ مان لیں، پھر جو فیصلے آپ ان میں کردیں ان سے اپنے دل میں کسی طرح کی تنگی اور ناخوشی نہ پائیں اور فرمانبرداری کے ساتھ قبول کرلیں"۔ [النساء: ۶۵] پس مومنوں کی نشانیوں میں سے یہ بھی ہے کہ وہ اللہ کی وہی صفت بیان کریں جو اس نے اپنے لئے بیان کیا ہے اور جو اللہ کے رسول ﷺ نے بیان کیا ہے اور انہیں میں سے جو علماء نے نقل کیا اور ثقہ راویوں نے اسے روایت کیا ہے یعنی جو لوگ ان روایات یعنی حلال و حرام اور سنن و آثار میں حجت ہیں، اللہ کے رسول ﷺ سے جو ثابت ہے اس میں وہ کیوں اور کیسے (جیسے سوالات کے ذریعہ اعتراض) نہیں کرتے بلکہ اس کی اتباع کرتے ہیں، بدعت نہیں ایجاد کرتے ہیں،اسے تسلیم کرتے ہیں لیکن اعراض نہیں کرتے، وہ یقین کرتے ہیں لیکن شک نہیں کرتے کیوں کہ نبی ﷺ سے جو ثابت ہے اسے عادل علماء نے روایت کیا ہے، اسی لئے ان کی روایات کا قبول کرنا اور اس کی مخالفت سے بچنا مومنوں پر لازم ہے، یقینا اللہ تعالی ہنستا ہے اس کا انکار نہیں کیا جا سکتا، اس کا انکار وہی کرے گا جو علماء کے نزدیک قابل مذمت اور بدعتی ہے۔ ( الإبانۃ الکبری : ۹۱/ ۷)

اللہ کی ایک صفت المجئ یعنی آنا بھی ہے کیوں کہ بروز قیامت لوگوں کے درمیان فیصلہ کرنے کے لئے وہ آئے گا، جیسا کہ اللہ تعالی نے فرمایا: {هَلْ يَنْظُرُوْنَ اِلَّآ اَنْ تَاْتِيَهُمُ الْمَلٰۗىِٕكَةُ اَوْ يَاْتِيَ رَبُّكَ اَوْ يَاْتِيَ بَعْضُ اٰيٰتِ رَبِّكَ ۭ يَوْمَ يَاْتِيْ بَعْضُ اٰيٰتِ رَبِّكَ لَا يَنْفَعُ نَفْسًا اِيْمَانُهَا لَمْ تَكُنْ اٰمَنَتْ مِنْ قَبْلُ اَوْ كَسَبَتْ فِيْٓ اِيْمَانِهَا خَيْرًا ۭ قُلِ انْتَظِرُوْٓا اِنَّا مُنْتَظِرُوْنَ } "کیا یہ لوگ اس امر کے منتظر ہیں کہ ان کے پاس فرشتے آئیں یا ان کے پاس رب آئے یا آپ کے رب کی کوئی (بڑی) نشانی آئے جس روز آپ کے رب کی کوئی بڑی نشانی آپہنچے گی کسی ایسے شخص کا ایمان اس کے کام نہیں آئے گا جو پہلے سے ایمان نہیں رکھتا یا اس نے اپنے ایمان میں کوئی نیک عمل نہ کیا ہو آپ فرما دیجئے کہ تم منتظر رہو ہم بھی منتظر ہیں"۔ [الأنعام: ۱۵۸] اور اللہ تعالیٰ نے فر مایا: {وَجَاءَ رَبُّكَ وَالْمَلَكُ صَفًّا صَفًّا} "اور آپ کا رب آئے گا اس حال میں کہ فرشتے صف بصف کھڑے ہو ںگے"۔ [الفجر: ۲۲] اور اللہ تعالیٰ نے فر مایا: {هَلْ يَنْظُرُونَ إِلَّا أَنْ يَأْتِيَهُمُ اللَّهُ فِي ظُلَلٍ مِنَ الْغَمَامِ وَالْمَلَائِكَةُ وَقُضِيَ الْأَمْرُ وَإِلَى اللَّهِ تُرْجَعُ الْأُمُورُ} "کیا لوگوں کو اس بات کا انتظار ہے کہ ان کے پاس خود اللہ تعالیٰ بادل کے سائبانوں میں آجائے اور فرشتے بھی اور کام انتہا تک پہنچا دیا جائے، اللہ ہی کی طرف سے تمام کام لوٹائے جاتے ہیں"۔ [البقرۃ: ۲۱۰] اور ابو ہریرہ رضی اللہ عنہ سے روایت ہے کہ انہوں نے کہا کہ اللہ کے رسول ﷺ نے فرمایا: ’’ يَجْمَعُ اللهُ النَّاسَ يَوْمَ الْقِيَامَةِ فَيَقُولُ: مَنْ كَانَ يَعْبُدُ شَيْئًا فَلْيَتَّبِعْهُ۔ اللہ لوگوں کو قیامت کے د ن جمع کر ے گا تو کہے گا: جو جس کی عبادت کرتا تھا وہ اس کے پیچھے ہو جائے۔ اور حدیث آپ صلی اللہ علیہ وسلم کے اس قول تک بیان فرمائی: وَتَبْقَى هَذِهِ الْأُمَّةُ فِيهَا مُنَافِقُو هَا فَيَقُولُونَ هَذَا مَكَانُنَا حَتَّى يَأْتِيَنَا رَبُّنَا، فَإِذَا جَاءَ رَبُّنَا عَرَفْنَاهُ، فَيَأْتِيهِمُ اللَّهُ فَيَقُولُ: أَنَا رَبُّكُمْ، فَيَقُولُونَ: أَنْتَ رَبُّنَافَیَتْبَعُوْنَہ‘‘۔ اور یہ امت باقی رہ جا ئے اس حال میں کہ ان میں منافقین بھی ہوں گے، و ہ کہیں گے یہی ہماری جگہ ہے یہاں تک کہ ہمارا رب ہمارے پاس آ جا ئے گا اور جب ہمارا رب ہمارے پاس آجا ئے گا تو ہم اسے پہچان لیں گے تو اللہ ان کے پاس آئے گا اور کہے گا میں تمہارا رب ہوں تو وہ لوگ بھی کہیں گے کہ تو ہمارا رب ہے اور اس کے پیچھے ہو جا ئیں گے۔ (صحیح بخاری: ۸۰۶، صحیح مسلم: ۱۸۲، سنن أبی داود: ۴۷۳۰ ، جامع الترمذی: ۲۵۵۴، سنن ابن ماجہ: ۱۷۸)