Name: တမန်တော်မြတ် ﷺ ၏ ဆွလာသ်ဝတ်ပြုပုံ
Author: ပညာရှင်ကြီး ရှိုက်ခ် အဗ္ဗဒွလ်အဇီးဇ် ဗင်န် ဗာဇ်

တမန်တော်မြတ် ﷺ ၏ ဆွလာသ်ဝတ်ပြုပုံ

တမန်တော်မြတ် ﷺ ၏ ဆွလာသ်ဝတ်ပြုပုံ" စာအုပ်တွင် ရှိုက်ခ် အဗ်ဒွလ်အဇီးဇ် ဗင်န် ဗာဇ် (အလ္လာဟ်အရှင်မြတ် သူ၏ အ ပေါ် ကရုဏာသက်ရောက်တော်မူပါစေ) သည် မွတ်စ်လင်မ်များအတွက် ၎င်းတို့၏ ဆွလာသ်ဝတ်ပြုရာတွင် လမ်းညွှန်မှုဖြစ်စေရန် ခိုင်လုံသော သက်သေအထောက် အထားများအပေါ် အခြေခံ၍ တမန်တော်မြတ် ﷺ ၏ ဆွလာသ်ဝတ်ပြုပုံကို လွယ် ကူသောဟန်ပန်၊ တိကျသော နည်းစနစ်များဖြင့် အကျဉ်းချုပ် ဖော်ပြထားပါ သည်။ ၎င်းတွင် ဝုဿွူပြုခြင်းမှစ၍ စလာမ်လှည့်သည့်အထိ ဆွလာသ်၏ မဏ္ဍိုင်များ၊ စွန္နသ်များနှင့် လက္ခဏာရပ်များကို ရှင်းလင်းတင်ပြထားပြီး၊သက် သေအထောက်အထားနှင့် ရှင်းလင်းချက်တို့ကို ပေါင်းစပ်ကာ အကြီးမြတ်ဆုံးသော ခဝပ်ကိုးကွယ်မှုတွင် တမန်တော်မြတ် ﷺ အား…

Language: lang_my

Prepared by: ပညာရှင်ကြီး ရှိုက်ခ် အဗ္ဗဒွလ်အဇီးဇ် ဗင်န် ဗာဇ်

Version: 2.1

Download PDF 449 KB

This PDF is generated automatically from the book's text; its layout may differ from the printed edition.

Font size

အကယ်၍ ဆန္ဒရှိလျှင် ၎င်း၏အစား ဤသို့ရွတ်ဆိုနိုင်သည်။ "(စွဗ်ဟာနကလ္လာဟွမ္မ ဝဗိဟမ်ဒိက၊ ဝသဗာရကတ်စ်မုက၊ ဝသအားလာဂျဒ်ဒုက၊ ဝလာအိလာဟဂိုင်းရုက်။) အဓိပ္ပါယ် - အို အလ္လာဟ်အရှင်မြတ်၊ အသင်အရှင်မြတ်သည် ချွတ်ယွင်းချက်အပေါင်းမှ ကင်းစင်တော်မူပါသည်ဟု ကျွန်တော်မျိုး မြွတ်ဟနေပါ၏။ အသင်အရှင်မြတ်သည်သာလျှင် ချီးမွမ်းခြင်းကို ခံထိုက်တော်မူသောအရှင်ဖြစ်တော်မူ၏။ အသင်အရှင်မြတ်၏ နာမတော်သည် မင်္ဂလာအပေါင်းနှင့် ပြည့်စုံတော်မူပါ၏။ အသင်အရှင်မြတ်၏ ဘုန်းတန်ခိုးတော် သည် (အတိုင်းအဆမရှိ) ကြီးမားတော်မူ၏။ အသင်အရှင်မြတ်မှတစ်ပါး အခြားကိုးကွယ် ထိုက်တော်မူသော အရှင်ဟူ၍ မရှိ။ [5]၊" အကယ်၍ ၎င်းနှစ်ခုမှလွဲ၍ တမန်တော်မြတ်မ်ﷺ ထံတော်မှ မှန်ကန်ခိုင်လုံစွာ အ တည်ဖြစ်ထားသော အခြား အဖွင့်ဆုမွန်ဒုအာများကို ရွတ်ဖတ်ပါကလည်း အပြစ်မရှိပါ။ အကောင်းဆုံးမှာ ၎င်းတို့ကို တစ်လှည့်စီ ရွတ်ဖတ်သင့်သည်။အဘယ် ကြောင့်ဆိုသော် ထိုသို့ပြုလုပ်ခြင်းသည် လိုက်နာကျင့်သုံးရာတွင် ပို၍ ပြီးပြည့်စုံသောကြောင့် ဖြစ်သည်။ ထို့နောက် "အာအူဇုဗိလ္လာဟိ မင်နရှ်ရှိုင်သွာနိရ် ရဂျီးမ်၊ ဗစ်စ်မိလ္လာဟိရ် ရဟ်မာနိရ် ရဟီးမ်" ဟု ရွတ် ဆိုပြီးနောက် စူရဟ် ဖာသိဟဟ် ဖတ်ရမည်။ အဘယ်ကြောင့်ဆိုသော် အောက်ပါအတိုင်း မိန့်ကြားတော်မူချက် ရှိသော ကြောင့်ဖြစ်သည်။ စူရဟ် ဖာသိဟဟ် မရွတ်ဖတ်သူ၏ ဆွလာသ်သည် အထမမြောက်ပေ။ [6]။ ထို့နောက် “အာမီးန်”ကို အသံထွက်ရွတ်ဖတ်ရသော ဆွလာသ်များတွင် အသံထွက်၍လည်းကောင်း၊ အသံတိတ်ရွတ်ဖတ်ရသော ဆွလာသ်များတွင် အသံတိတ်၍လည်းကောင်း ရွတ်ဆိုရမည်။ ထို့နောက် ကျမ်းမြတ်ကုရ်အာန်မှ မိမိအတွက်လွယ်ကူသည့် စူရဟ်ကို ရွတ်ဆိုရမည်။ ဖာသိဟဟ်ဖတ်ပြီးနောက် ရွတ်ဖတ်ရန် အကောင်းဆုံးမှာ ဇုဟုရ်၊ အစွရ်နှင့် အိရှာအ် ဆွလာသ်များတွင် အလယ်အလတ်ရှိသော မုဖဆွလ်စူရဟ်များကို ရွတ်ဖတ်ရန်ဖြစ်သည်။ ဖဂ်ျရ်ဆွလာသ်တွင် ရှည် လျားသော မုဖဆွလ်စူရဟ်များကို ရွတ် ဖတ်ရန်ဖြစ်သည်။ မဂ်ရိဗ်ဆွလာသ်တွင် တစ်ခါတစ်ရံ ရှည်လျားသောစူရဟ်များကို လည်းကောင်း၊ တစ်ခါတစ်ရံ တို တောင်းသောစူရဟ်များကို လည်းကောင်း ရွတ်ဖတ်ရန်ဖြစ်သည်။ ဤသည်မှာ ယင်းနှင့်ပတ်သက်၍ လာရှိထားသော ဟဒီးဆ်တော်များနှင့်အညီ ကျင့်ဆောင်ခြင်းဖြစ်သည်။ [5] မွတ်စ်လင်မ်ကျမ်း၊ ဟဒီးဆ်အမှတ် (၃၉၉)။ [6] ဗုခါရီကျမ်း၊ ဟဒီးဆ်အမှတ် (၇၅၆)။

(၇) (اَللّٰهُ أَكْبَر)ဆိုပြီး လက်နှစ်ဖက်ကို ပခုံး (သို့မဟုတ်) နားရွက်နှင့်တစ်တန်းတည်း မြှောက်ကာ ရုကူအ် ပြုရမည်။ ဦခေါင်းကို ကျောနှင့်တစ်ပြေးတည်းထားရမည်။ လက် ချောင်းများကို ချဲထားကာ လက်နှစ်ဖက်ဖြင့် ဒူးခေါင်းကို ဆုပ်ကိုင်ထားရမည်။ ရုကူအ်ပြုရာတွင် ငြိမ်သက်စွာရှိရမည်။ ထို့နောက် ရုကူအ်ပြုနေစဉ် “ سُبْحَانَ رَبِيَّ الْعَظِيْم ” ဟု ရွတ်ဆိုရမည်။ အဓိပ္ပါယ် - (ကျွန်တော်မျိုး၏ ကြီးကျယ်မြင့်မြတ်လှသောအရှင်မြတ်သည် ချွတ်ယွင်းချက်အပေါင်းမှ ကင်းစင်တော်မူကြောင်း မြွက်ဟနေပါ၏။) ၎င်းကို သုံးကြိမ် (သို့မ ဟုတ်) ထိုထက်ပို၍ ရွတ်ဆိုခြင်းက ပို၍ ကောင်းမြတ်သည်။ ၎င်းအပြင် အောက်ပါအတိုင်း တွဲဖက်ရွတ်ဆိုခြင်းသည် နှစ်သက်ဖွယ်ရာ ဖြစ်သည်။ (အို အလ္လာဟ်အရှင်မြတ်၊ အသင်အရှင်မြတ်သည် ချွတ်ယွင်းချက်အပေါင်းမှ ကင်းစင်တော်မူပါသည်။ အသင်အရှင်မြတ်သည်သာလျှင် ချီးမွမ်းခြင်းကို ခံထိုက်တော်မူသောအရှင်ဖြစ်တော်မူ၏။ အို အလ္လာဟ်အရှင်မြတ်၊ ကျွန်တော်မျိုးအား အပြစ်များမှ လွတ်ငြိမ်းချမ်းသာခွင့် ပေးသနားတော်မူပါ။) [7] [7] ဗုခါရီကျမ်း၊ ဟဒီးဆ်အမှတ် (၈၁၇)၊ မွတ်စ်လင်မ်ကျမ်း၊ ဟဒီးဆ်အမှတ် (၄၈၄)။

(၉) “ ُاَللّٰهُ أَكْبَر ”ရွတ်ဆိုကာ စဂ်ျဒဟ်ဦးချရမည်။ မိမိအတွက် လွယ်ကူပါက လက်နှစ်ဘက်မချမီ ဒူးနှစ်ဘက်ကို အရင်ချရမည်။ အကယ်၍ ခက်ခဲပါက ဒူးနှစ်ဘက်မချမီ လက်နှစ်ဘက်ကို အရင်ချနိုင် သည်။ ခြေချောင်းများနှင့် လက်ချောင်းများအားလုံးကို ကိဗ်လဟ်ဘက်သို့ လှည့်ထားရမည်ဖြစ်ပြီး လက်ချောင်းများကို စေ့ထားကာ ဆန့်တန်းထားရမည်။ စဂ်ျဒဟ်အား နဖူးနှင့် နှာခေါင်း၊ လက်နှစ်ဘက်၊ ဒူးနှစ်ဘက်၊ ခြေချောင်းများ၏ အတွင်းပိုင်း စသည့်အစိတ်အပိုင်း ခုနစ်ခုဖြင့် ပြုလုပ်ရမည်။ ထို့နောက် “စွဗ်ဟာနရဗ္ဗိယလ်အအ်လာ” ဟုရွတ်ဆိုရမည်။ ၎င်းအား သုံးကြိမ် သို့မဟုတ် ထို့ထက်ပို၍ ရွတ်ဆိုခြင်းသည် စွန္နသ်ဖြစ်သည်။ ထို့အပြင် ၎င်းနှင့်အတူ အောက်ပါအတိုင်း ရွတ်ဆိုခြင်းသည် မွတ်စ်သဟဗ် ဖြစ်သည်- "(စွဗ်ဟာနကလ္လာဟွမ္မ ရဗ္ဗနာ ဝဗိဟမ်ဒိက၊ အလ္လာဟွမ်မဂ်ဖိရ်လီ) အို အလ္လာဟ်အရှင်မြတ်၊ အသင်အရှင်မြတ်သည် ချို့တဲ့ခြင်းအပေါင်းမှ သန့် ရှင်းစင်ကြယ်တော်မူပါသည်။ အို - ကျွန် တော်မျိုးတို့အား ဖန်ဆင်းမွေးမြူတော်မူသောအရှင်၊ ချီးမွမ်းခြင်းဟူသမျှသည် အသင်အရှင်မြတ်နှင့်သာ ထိုက်တန်တော်မူသည်။ အို - အလ္လာဟ်အရှင်မြတ် ကျွန် တော်မျိုးအား အပြစ်များမှ လွတ်ငြိမ်း ချမ်းသာခွင့် ပေးသနားတော်မူပါ။" ဆုတောင်းဒုအာများကို အများအပြား ပြု လုပ်ရမည်၊ အကြောင်းမှာ တမန်တော်မြတ် (ﷺ) မိန့်တော်မူသည်မှာ- (ရုကူဦးညွတ်ရာတွင် မွေးမြူဖန်ဆင်းတော်မူသောအရှင်မြတ်အား ကြီးကြယ်ထွတ်မြတ်ကြောင်းမြွတ်ဟပါလေ။ ၎င်းပြင်စဂ်ျဒဟ်ဦးချရာတွင် တတ်နိုင်သမျှကြိုးစားပြီးဆုတောင်းပါလေ။ အသင်တို့အဖို့ ထိုတောင်းဆုမှာ ပို၍လက်ခံနိုင်ခြေရှိသည်။) [10]. [10] မွတ်စ်လင်မ်ကျမ်း၊ ဟဒီးဆ်အမှတ် (၄၇၉)။

(၁၃) အကယ်၍ ဆွလားသ်သည် ဖဂျရ်၊ ဂျွမ်အဟ်နှင့် အီးဒ်ဆွလားသ်များကဲ့သို့ နှစ်ရကအသ်ပါသော ဆွလားသ်ဖြစ်ပါက၊ ဒုတိယစဂ်ျဒဟ်မှထပြီးနောက် ဘယ်ဘက်ခြေထောက်အားဖြန့်ထားပြီး၊ ၎င်းပေါ်တွင်ထိုင်ကာ ညာဘက်ခြေထောက်အား ထောင်ထားရမည်။ ညာဘက်လက်ကို ညာဘက်ပေါင်ပေါ်တွင် တင်ထားကာ လက်ညှိုးမှလွဲ၍ ကျန်လက်ချောင်းများအားလုံးကို ဆုပ်ထားပြီး ၎င်းလက်ညှိုးဖြင့် သောင်ဟီးဒ်ကို ညွှန်ပြရမည်။ အကယ်၍ ညာဘက်လက်၏ လက်သူကြွယ်နှင့် လက်သန်းကို ဆုပ်ထားပြီး လက်မနှင့် လက်ခလယ်ကို အကွင်းပုံစံ ဝိုင်းထားကာ လက်ညှိုးဖြင့် ညွှန်ပြပါကလည်း ကောင်းမွန်ပေသည်။ အဘယ်ကြောင့်ဆိုသော် တမန်တော်မြတ် ﷺ ထံတော်မှ ဤပုံစံနှစ်မျိုးစလုံး အတည်ပြု လာရှိထားသော ကြောင့်ဖြစ်သည်။ ပိုမိုမြတ်သောအရာမှာ တစ်ခါ တစ်ရံ ဤပုံစံ၊ တစ်ခါတစ်ရံ အခြားပုံစံဖြင့် ပြုလုပ်ခြင်းဖြစ်သည်။ ထို့ပြင် ဘယ်ဘက်လက်ကို ဘယ်ဘက်ပေါင်နှင့် ဒူးပေါ်တွင် တင်ထားရမည်။ ထို့နောက် ဤသို့ထိုင်နေစဉ် သရှဟ်ဟုဒ်ကို ဖတ်ရမည်။ ၎င်းမှာ အောက်ပါအတိုင်းဖြစ်သည်- “အသ်သဟိယ္ယာသုလိလ္လာဟိ ဝတ်ဆ်ဆွလဝါးသု ဝသ်သွိုင်ယိဘားသု အတ်စ်စလာမုအလိုင်းက အိုက်ယုဟန်နဘိယ္ယုဝရဟ်မသုလ်လာဟိ ဝဗရကားသုဟူ အတ်စ်စလားမုအလိုင်းနာ ဝအလာ အိဗာဒိလ္လာဟိဆ်ဆွာလိဟီးန် အရှ်ဟဒုအန်လာအိလားဟအိလ်လလ္လာဟု ဝအရှ်ဟဒုအန်နမုဟမ္မဒန် အဗ်ဒုဟူဝရစူလုဟ်” အဓိပ္ပါယ် - နှုတ်မှရွတ်ဆိုရသော ချီးမွမ်းခြင်းများသည်လည်းကောင်း၊ ကိုယ်ခန္ဓာဖြင့်ပြုသော ခဝပ်မှုများသည်လည်းကောင်း၊သန့်စင်သော စိတ်စေတနာနှင့်ပြုသော ကောင်းမှုများသည်လည်းကောင်း၊ အလ္လာဟ်အရှင်မြတ်အဖို့သာလျှင် ဖြစ်တော်မူပါ၏။ ငြိမ်း ချမ်းသာယာခြင်းအပေါင်းနှင့် အရှင်မြတ်၏ ရဟ်မသ်ကရုဏာတော်အပေါင်းသည်လည်းကောင်း၊ ထိုအရှင်မြတ်၏ ဗရ်ကသ်ချီးမြှင့်ခြင်းများသည်လည်းကောင်း၊ နဗီတမန်တော်မြတ်ﷺ အပေါ်သို့ သက်ရောက်ပါစေ။ ထိုငြိမ်းချမ်းသာယာခြင်းအပေါင်းသည် ကျွန်တော်မျိုးတို့အပေါ်လည်း သက်ရောက်ပါစေ။ အရှင်မြတ်၏ ကျွန်များဖြစ်သော သူတော်စင်သူတော်ကောင်းတို့အပေါ်လည်း သက်ရောက်ပါစေ။ ကျွန်တော်မျိုးသည် အလ္လာဟ်အရှင်မြတ်မှတစ်ပါး အခြားကိုးကွယ်ထိုက်သောအရှင် မရှိကြောင်း သက်သေခံအပ်ပါသည်။ မုဟမ္မဒ်(ဆွလ္လာဟုအလိုင်းဟိဝစလ္လမ်)သည် အရှင်မြတ်၏ အစေတော်နှင့် အရှင်မြတ်၏ ရစူလ်တမန်တော်ဖြစ်ကြောင်း ကျွန်တော်မျိုး သက်သေခံပါသည်။ ထို့နောက် အောက်ပါအတိုင်း ရွတ်ဆိုရမည်။ (အလ္လာဟုမ္မဆွလ္လိ အလာမုဟမ္မဒ် ဝအလာအားလိမုဟမ္မဒ် ကမာဆွလ်လိုင်းသ အလာအိဗ်ရာဟီးမ် ဝအလာအားလိအိဗ်ရာဟီးမ် အင်န်နကဟမီးဒုမ်မဂျီးဒ်၊ ဝဗာရိက် အလာမုဟမ္မဒ် ဝအလာအားလိမုဟမ္မဒ် ကမာဗားရက်သ အလာအိဗ်ရာဟီးမ် ဝအလာအားလိအိဗ်ရာဟီးမ် အင်န်နကဟမီးဒုမ်မဂျီးဒ်) [၁၃]. အဓိပ္ပါယ်။ ။ အို-အလ္လာဟ်အရှင်မြတ်၊ တမန်တော်မြတ်မုဟမ္မဒ်(ﷺ)နှင့်မုဟမ္မဒ်(ﷺ)၏ ကြင်ရာတော်များ၊ သားမြေးများအပေါ်သို့ ရဟ်မသ်ကရုဏာတော်အပေါင်းကို တမန်တော်အိဗ်ရာဟီးမ် (عَلَيْهِ السَّلَامُ)နှင့် အိဗ်ရာဟီးမ်(عَلَيْهِ السَّلَامُ)၏ သားမြေးများအပေါ် ချီးမြှင့်တော်မူသကဲ့သို့ ချီးမြှင့်တော်မူပါ။ ဧကန်စင်စစ် အသင်အရှင်မြတ်သည် ချီးမွမ်းခြင်းအပေါင်းကို ခံထိုက်တော်မူသော ခပ်သိမ်းကုန်သောဂုဏ်တော်အပေါင်းနှင့် ပြည့်စုံတော်မူသောအရှင်ဖြစ်တော်မူ၏။ ထိုမှတပါး တမန်တော်မြတ်မုဟမ္မဒ်(ﷺ)နှင့်မုဟမ္မဒ်(ﷺ)၏ ကြင်ရာတော်များ၊ သားမြေးများအပေါ်သို့ ဗရ်ကသ်ကောင်းချီးမင်္ဂလာအပေါင်းကို တမန်တော်အိဗ်ရာဟီးမ် (عَلَيْهِ السَّلَامُ)နှင့် အိဗ်ရာဟီးမ်(عَلَيْهِ السَّلَامُ)၏ သားမြေးများအပေါ် ချီးမြှင့်တော်မူသကဲ့သို့ ချီးမြှင့်တော်မူပါ။ ဧကန်စင်စစ် အသင်အရှင်မြတ်သည် ချီးမွမ်းခြင်းအပေါင်းကို ခံထိုက်တော်မူသော ခပ်သိမ်းကုန်သောဂုဏ်တော်အပေါင်းနှင့် ပြည့်စုံတော်မူသောအရှင်ဖြစ်တော်မူ၏။ [၁၃] [13] ဗုခါရီကျမ်း၊ ဟဒီးဆ်အမှတ် (၇၉၇) ၊ မွတ်စ်လင်မ်ကျမ်း၊ ဟဒီးဆ်အမှတ် (၄၀၂)။

မွတ်စ်လင်မ်အမျိုးသားနှင့် အမျိုးသမီးတိုင်းအတွက် ဇုဟိုရ်ဆွလာသ် မတိုင်မီ လေးရကအသ်၊ ဇုဟိုရ်ဆွလားသ်ပြီး နှစ်ရကအသ်၊ မဂ်ရိဗ်ဆွလားသ်ပြီး နှစ်ရကအသ်၊ အိရှာဆွလားသ်ပြီး နှစ်ရကအသ်နှင့် ဖဂျရ်ဆွလားသ်မတိုင်မီ နှစ်ရကအသ်တို့ကို ဝတ်ပြုရန် ပြဋ္ဌာန်းထားသည်။ စုစုပေါင်း (၁၂) ရကအသ်ဖြစ်သည်။ ၎င်းရကအသ်များကို ရဝါသိဗ်ဟု ခေါ်သည်။ အကြောင်းမူကား တမန်တော်မြတ်သ ﷺ သည် နေရပ်တွင်ရှိနေချိန်၌ ၎င်းတို့ကို စွဲစွဲမြဲမြဲ ဝတ်ပြုခဲ့သောကြောင့် ဖြစ်သည်။ ခရီးထွက်နေစဉ်တွင်မူ ဖဂျရ်စွန္နသ်နှင့် ဝသိရ်ဆွလားသ်မှလွဲ၍ ကျန်ဆွလားသ်များကို စွန့်လွှတ်လေ့ရှိသည်။ တမန်တော်မြတ် ﷺ သည် ထိုဆွလားသ်နှစ်ခုကို မိမိအရပ်ဒေသ၌ရော ခရီးထွက်နေစဉ်တွင်ပါ အမြဲတစေ ဝတ်ပြုလေ့ရှိသည်။ ဤနဖိလ်ဆွလားသ်များနှင့် ဝသိရ်ဆွလားသ်ကို အိမ်၌ ဝတ်ပြုခြင်းသည် ပို၍မွန်မြတ်သည်။ အကယ်၍ ဗလီ၌ ဝတ်ပြုလျှင်လည်း အပြစ်မရှိပေ။ အကြောင်းမှာ တမန်တော်မြတ် ﷺ က မိန့်ကြားထားသောကြောင့် ဖြစ်သည် - (ဖရ်ဿ်ဆွလားသ်မှအပ လူတစ်ဦး၏ မိမိအိမ်တွင် ဆွလားသ်ဆောက်တည်ခြင်းသည် အမွန်မြတ်ဆုံးဖြစ်သည်။) [19]. [19]ဗုခါရီကျမ်း၊ ဟဒီးဆ်အမှတ် (၆၈၆၀)။

အကယ်၍ အဆွရ်မတိုင်မီ လေးရကအသ်၊ မဂ်ရိဗ်ဆွလားသ်မတိုင်မီ နှစ်ရကအသ်နှင့် အိရှာဆွလားသ်မတိုင်မီ နှစ်ရကအသ် ဝတ်ပြုမည်ဆိုလျှင် ကောင်းမွန်ပေသည်။ အဘယ်ကြောင့်ဆိုသော် ထိုအကြောင်းအရာနှင့်ပတ်သက်၍ တမန်တော်မြတ် (ﷺ) ထံမှ ခိုင်လုံသော အ ထောက်အထားများ လာရှိထားသော ကြောင့်ဖြစ်သည်။ ထို့ပြင် ဇုဟုရ်အပြီးတွင် လေးရကအသ်နှင့် ဇုဟုရ်မတိုင်မီ လေးရကအသ် ဝတ်ပြုမည်ဆိုလျှင်လည်း ကောင်းမွန်ပေသည်။အဘယ် ကြောင့်ဆိုသော် တမန်တော်မြတ် (ﷺ) က ဤသို့ မိန့်ကြားထားသောကြောင့်ဖြစ်သည်။ - (မည်သူမဆို ဇုဟုရ်ဆွလားသ်မတိုင်မီ လေးရကအသ်နှင့် ဇုဟုရ်ဆွလားသ်ပြီးနောက် လေးရကအသ်ကို စွဲစွဲမြဲမြဲ ဝတ်ပြုဆောက်တည်ခဲ့လျှင် အလ္လာဟ်အရှင်မြတ်သည် ထိုသူအပေါ် ဂျဟန္နမ်ငရဲမီးအား ဟရာမ်အဖြစ်သတ်မှတ် (တားမြစ်) တော်မူသည်။) [21]. အဓိပ္ပာယ်မှာ ၎င်းသည် စုနန်ရဝါသိဗ်အပြင် ဇုဟိုရ်ဆွလာသ်ပြီး (၂) ရကအသ်ကို ထပ်တိုးဝတ်ပြုရမည်ဟူ၍ ဖြစ်သည်။ အဘယ်ကြောင့်ဆိုသော် စုနန်ရဝါသိဗ်မှာ ဇုဟိုရ်ဆွလာသ် မတိုင်မီ လေးရကအသ်နှင့် ဇုဟိုရ်ဆွလာသ်ပြီး နှစ်ရကအသ်တို့ ဖြစ်သောကြောင့်ဖြစ်သည်။ သို့ဖြစ်ရာ ၎င်းဆွလာသ်ပြီးနောက် နှစ်ရကအသ်ကို ထပ်တိုးဝတ်ပြုလိုက်ပါက အွမ္မေဟဗီးဗဟ် (ရဿွိယလ္လာဟုအန်ဟာ) ၏ ဟဒီးဆ်တော်တွင် ဖော်ပြထားသည့်အတိုင်း ရရှိမည်ဖြစ်သည်။ [21] အဟ်မဒ်ကျမ်း၊ ဟဒီးစ်အမှတ် (၂၅၅၄၇)၊ သိရ်မီဇီကျမ်း၊ ဟဒီးစ်အမှတ် (၃၉၃)/ အဗူဒါဝူဒ်ကျမ်း၊ ဟဒီးစ်အမှတ် (၁၀၇၇)။

တမန်တော်မြတ် ﷺ ၏ ဆွလာသ်ဝတ်ပြုပုံ

တမန်တော်မြတ် ﷺ ၏ ဆွလာသ်ဝတ်ပြုပုံ

Related books

သစ်လွင်မွတ်စ်လင်မ်တို့အတွက် လမ်းညွှန်ချက်အကျဉ်း။

صفة الوضوء والصلاة (مرئي)

အစ္စလာမ်သည်ပွင့်လေသမျှသော ရစူလ်တမန်တော်အပေါင်း၏ သာသနာ ဖြစ်သည်။

الإسلام دين رب العالمين

Scan to Share