ຫຼັກພື້ນຖານສາມປະການ ແລະ ຫຼັກຖານຂອງມັນ
ທ່ານອາຈານ ມຸຫຳມັດ ອັດ-ຕະມີມີ (ຂໍພຣະອົງຊົງເມດຕາທ່ານ)
ດ້ວຍພຣະນາມຂອງອັລລໍຫ໌ ຜູ້ຊົງກະລຸນາປານີ ຜູ້ຊົງເມດຕາສະເໝີ
ຈົ່ງຮູ້ເຖີດວ່າ - ຂໍພຣະອົງອັລລໍຫ໌ຊົງເມດຕາຕໍ່ເຈົ້າ - ເປັນວາຢິບເໜືອພວກເຮົາທີ່ຕ້ອງຮຽນຮູ້ ສີ່ປະການຄື:
ປະການທີ່ໜຶ່ງ: ຄວາມຮູ້, ເຊິ່ງແມ່ນການຮູ້ຈັກອັລລໍຫ໌, ການຮູ້ຈັກນາບີຂອງພຣະອົງ, ແລະການຮູ້ຈັກສາສະໜາອິດສະລາມພ້ອມດ້ວຍຫຼັກຖານ.
ປະການທີ່ສອງ: ການນຳໄປປະຕິບັດ.
ປະການທີ່ສາມ: ການຮຽກຮ້ອງເຊີນຊວນໄປສູ່ເຕົາຮີດ.
ປະການທີ່ສີ່: ການອົດທົນຕໍ່ການທຳຮ້າຍໃນການເຊີນຊວນ.
ຄຳກ່າວຂອງທ່ານ ອັຊຊາຟີອີ ຂໍອັລລໍຫ໌ຊົງເມດຕາທ່ານ: ຫາກອັລລໍຫ໌ບໍ່ໄດ້ຊົງປະທານຫຼັກຖານອື່ນໃດລົງມາແກ່ປວງບ່າວຂອງພຣະອົງ ນອກຈາກບົດນີ້, ມັນກໍ່ພຽງພໍແລ້ວສຳລັບພວກເຂົາ.
ແລະ ທ່ານອິມາມ ບຸຄໍຣີ ຣໍ່ຮິມະຮຸລລໍຮ໌ ຕະອາລາ ໄດ້ກ່າວວ່າ: ບົດວ່າດ້ວຍ: ຄວາມຮູ້ກ່ອນຄຳເວົ້າ ແລະ ການກະທຳ; ແລະ ຫຼັກຖານຄື: ດັງທີ່ພຣະອົງຜູ້ຊົງສູງສົ່ງໄດ້ກ່າວໄວ້ວ່າ: ﴾ ດັ່ງນັ້ນຈົ່ງຮູ້ເຖີດວ່າ ບໍ່ມີພະເຈົ້າອື່ນໃດທີ່ຖືກກາບໄຫວ້ໂດຍທ່ຽງແທ້ ນອກຈາກອັລລໍຫ໌ ແລະ ຈົ່ງຂໍອະໄພໂທດຕໍ່ຄວາມຜິດຂອງເຈົ້າ...﴿ [ມຸຫຳມັດ: 9],
ດັ່ງນັ້ນ ພຣະອົງຈຶ່ງເລີ່ມຕົ້ນດ້ວຍຄວາມຮູ້ ກ່ອນຄຳເວົ້າ ແລະ ການກະທຳ.
ຈົ່ງຮູ້ໄວ້ເຖີດວ່າ - ຂໍອົງອັລລໍຮ໌ຊົງໂປດເມດຕາຕໍ່ເຈົ້າ -: ເປັນພາກບັງຄັບສຳຫຼັບມຸສລິມ ແລະ ມຸສລິມະຫ໌ທຸກຄົນ ທີ່ຈະຕ້ອງຮຽນຮູ້ ແລະ ປະຕິບັດຕາມສາມປະເດັນດັ່ງຕໍ່ໄປນີ້:
ປະການທີໜຶ່ງຄື: ພຣະອົງອັລລໍຫ໌ໄດ້ຊົງສ້າງພວກເຮົາ ແລະ ໄດ້ຊົງປະທານປັດໃຈຍັງຊີບໃຫ້ແກ່ພວກເຮົາ, ແລະ ພຣະອົງບໍ່ໄດ້ຊົງປະປ່ອຍພວກເຮົາໄວ້ໂດຍບໍ່ຮູ້ຈຸດໝາຍ; ແຕ່ພຣະອົງໄດ້ຊົງ ສົ່ງສາດສະດາທູດທ່ານໜຶ່ງມາຍັງພວກເຮົາ, ສະນັ້ນ ຜູ້ໃດທີ່ເຊື່ອຟັງເພິ່ນກໍຈະໄດ້ເຂົ້າສວນສະຫວັນ, ແລະ ຜູ້ໃດທີ່ຝ່າຝືນເພິ່ນກໍຈະໄດ້ເຂົ້ານະຮົກ.
ປະການທີ່ສາມຄື: ຜູ້ທີ່ເຊື່ອຟັງຕໍ່ຜູ້ຣໍຊູລ ແລະ ໃຫ້ເອກະພາບຕໍ່ອັລລໍຫ໌, ບໍ່ເປັນທີ່ອະນຸຍາດໃຫ້ລາວຜູກມິດກັບຜູ້ທີ່ເປັນສັດຕູຕໍ່ອັລລໍຫ໌ ແລະ ສາດສະດາຂອງພຣະອົງ, ເຖິງແມ່ນວ່າຈະເປັນຍາດຕິພີ່ນ້ອງທີ່ໃກ້ຊິດທີ່ສຸດກໍ່ຕາມ.
ແລະ ສິ່ງທີ່ຍິ່ງໃຫຍ່ທີ່ສຸດທີ່ອັລລໍຫ໌ໄດ້ສັ່ງຄື: ເຕົາຮີດ, ແລະ ມັນຄືການມອບການເຄົາລົບພັກດີບູຊາຕໍ່ພຣະອົງອັລລໍຫ໌ພຽງອົງດຽວ.
ແລະ ສິ່ງທີ່ຍິ່ງໃຫຍ່ທີ່ສຸດທີ່ພຣະອົງຊົງຫ້າມຄື: ການຕັ້ງພາຄີ, ເຊິ່ງຄືການຂໍພອນຈາກສິ່ງອື່ນຮ່ວມກັບພຣະອົງ.
ສະນັ້ນ ຖ້າຫາກທ່ານຖືກຖາມວ່າ: ຫຼັກການພື້ນຖານສາມປະການທີ່ມະນຸດຈຳເປັນຕ້ອງຮູ້ມີຫຍັງແດ່?
ທ່ານຈົ່ງກ່າວວ່າ: ການຮູ້ຈັກຂອງບ່າວຕໍ່ພຣະເຈົ້າຂອງຕົນ, ສາດສະໜາຂອງຕົນ, ແລະ ນະບີຂອງຕົນ; ທ່ານມຸຮຳມັດ ຊໍລລັລລໍຮຸ ອະໄລຮິ ວະສັລລຳ.
ຫາກມີຄົນຖາມທ່ານວ່າ: ໃຜຄືພຣະເຈົ້າຂອງທ່ານ?
ແລະ ຫາກມີຄົນກ່າວຖາມເຈົ້າວ່າ: ເຈົ້າຮູ້ຈັກພຣະຜູ້ອະພິບານຂອງເຈົ້າ ດ້ວຍສິ່ງໃດ?
ຈົ່ງກ່າວວ່າ: ດ້ວຍບັນດາສັນຍານຂອງພຣະອົງ ແລະ ບັນດາສິ່ງທີ່ພຣະອົງຊົງສ້າງ.
ແລະຈາກບັນດາສັນຍານຂອງພຣະອົງຄື: ການຄືນ, ແລະກາງເວັນ, ແລະດວງຕາເວັນ, ແລະດວງເດືອນ.
ແລະ ສ່ວນຫນຶ່ງຈາກການສ້າງຂອງພຣະອົງຄື: ຊັ້ນຟ້າທັ້ງເຈັດ ແລະ ສິ່ງທີ່ຢູ່ໃນນັ້ນ, ແລະແຜ່ນດິນທັ້ງເຈັດ ແລະ ສິ່ງທີ່ຢູ່ໃນນັ້ນ, ແລະ ສິ່ງທີ່ຢູ່ລະຫວ່າງທັ້ງສອງ.
ທ່ານ ອິບນຸ ກະສີຣ ຂໍອັລລໍຫ໌ເມດຕາຕໍ່ທ່ານ ໄດ້ກ່າວວ່າ: "ພຣະຜູ້ຊົງສ້າງສິ່ງເຫຼົ່ານີ້ ຄືຜູ້ທີ່ຄູ່ຄວນໄດ້ຮັບການນະມັດສະການ".
ແລະ ປະເພດຕ່າງໆ ຂອງການອິບາດະຫ໌ທີ່ອັລລໍຫ໌ໄດ້ຊົງບັນຊາໄວ້ນັ້ນ: - ເຊັ່ນ: ຫຼັກການອິດສະລາມ, ຫຼັກອີມານ ແລະ ຫຼັກອິຫ໌ຊານ; ແລະ ສ່ວນຫນຶ່ງຈາກການອິບາດະຫ໌ນັ້ນກໍຄື: ການຂໍວິງວອນ, ຄວາມຢ້ານກົວ, ຄວາມຫວັງ, ການມອບຫມາຍ, ຄວາມປາດຖະຫນາ, ຄວາມຢຳເກງ, ຄວາມນອບນ້ອມ, ຄວາມເກງຂາມ, ການກັບເນື້ອກັບຕົວ, ການຂໍຄວາມຊ່ວຍເຫຼືອ, ການຂໍຄວາມຄຸ້ມຄອງ, ການຂໍຄວາມຊ່ວຍເຫລືອ, ການເຊືອດສັດ, ການບົນບານ, ແລະ ອື່ນໆ ຈາກປະເພດຕ່າງໆ ຂອງການອິບາດະຫ໌ທີ່ອັລລໍຫ໌ໄດ້ຊົງບັນຊາໄວ້ - ທັງຫມົດນີ້ແມ່ນເພື່ອອັລລໍຫ໌ເທົ່ານັ້ນ; ແລະ ຫຼັກຖານກໍຄື ພຣະດຳລັດຂອງອັລລໍຫ໌ທີ່ວ່າ: (ແລະ ວ່າເເທ້ຈິງບັນດາມັສຍິດນັ້ນເປັນຂອງອັລລໍຫ໌ ດັງນັ້ນ ພວກເຈົ້າຢ່າໄດ້ວິງວອນຂໍຜູ້ໃດຄຽງຄູ່ກັບອັລລໍຫ໌) [ຊູເຣາະຫ໌ ອັລ-ຈິນ : 18].
ແລະ ໃນຫະດິຊ: «ການດຸອາ ແມ່ນ ແກ່ນແທ້ຂອງການອີບາດະຫ໌»
ແລະ ຫຼັກຖານໃນເລື່ອງຄວາມຍຳເກຣງຢ້ານກົວກໍ່ຄື: ຄຳດຳລັດຂອງອັລລໍຫ໌: (...ດັ່ງນັ້ນ ພວກເຈົ້າຢ່າໄດ້ຢ້ານກົວພວກເຂົາ ແຕ່ຈົ່ງຢ້ານກົວຂ້າເຖິດ ຫາກພວກເຈົ້າເປັນຜູ້ສັດທາ) [ສູເຣາະຫ໌ ອະລາອີມຣອນ: 175]
ແລະ ຫຼັກຖານຂອງຄວາມຫວັງກໍ່ຄື: ຄຳກ່າວຂອງອັລລໍຫ໌: (...ດັ່ງນັ້ນ ຜູ້ໃດທີ່ຫວັງຈະພົບພຣະເຈົ້າຂອງເຂົາ ກໍ່ຈົ່ງປະຕິບັດການງານທີ່ດີງາມ ແລະ ຢ່າຕັ້ງຜູ້ໃດມາເປັນພາຄີໃນການເຄົາລົບພັກດີຕໍ່ພຣະເຈົ້າຂອງເຂົາ) [ສູເຣາະຫ໌ ອັລກະຟີ :110].
ແລະຫຼັກຖານຂອງການຕາວັກກຸລ ກໍ່ຄື: ຄຳດຳລັດຂອງອັລລໍຫ໌: (...ແລະ ແດ່ອັລລໍຫ໌ພວກເຈົ້າຈົ່ງມອບໝາຍເຖິດ ຫາກພວກທ່ານເປັນຜູ້ສັດທາ) [ຊູເຣາະຫ໌ ອັລ-ມາອິດະຫ໌ : 23]. ແລະ ດຳລັດຂອງພຣະອົງທີ່ວ່າ : (...ແລະຜູ້ໃດມອບໝາຍຕໍ່ອັລລໍຫ໌ ພຣະອົງກໍ່ຈະຊົງພໍພຽງສຳຫຼັບເຂົາ...) [ສູເຣາະຫ໌ ອັດຕໍລາກ :3]
ແລະ ຫຼັກຖານຂອງຄວາມຫວັງ, ຄວາມຢ້ານກົວ ແລະ ການນອບນ້ອມຄື: ຄຳດຳລັດຂອງອັລລໍຫ໌: (ແທ້ຈິງພວກເຂົາເຄີຍຮີບຮ້ອນໃນການເຮັດຄວາມດີທັງຫລາຍ ແລະ ພວກເຂົາໄດ້ວິງວອນຕໍ່ເຮົາດ້ວຍຄວາມຫວັງ ແລະ ຄວາມຢ້ານກົວ ແລະ ພວກເຂົາເຄີຍເປັນຜູ້ນອບນ້ອມຖ່ອມຕົນຕໍ່ເຮົາ) [ສູເຣາະຫ໌ ອັລ-ອຳບິຍາ : 90]
ແລະ ຫຼັກຖານຂອງຄວາມຢຳເກຼງກໍ່ຄື: ຄຳດຳລັດຂອງອັລລໍຫ໌: (...ດັງນັ້ນ ພວກເຈົ້າຢ່າໄດ້ຢ້ານຕໍ່ພວກເຂົາ ແລະຈົ່ງຍຳເກຣງຢ້ານຂ້າເຖີດ...) [ສູເຣາະຫ໌ ອັລ-ມາອີດະຫ໌ : 3 ]
ການຮູ້ຈັກສາສະໜາອິສລາມພ້ອມດ້ວຍຫຼັກຖານ, ຄື: ການຍອມຈຳນົນຕໍ່ອັລລໍຫ໌ພຽງໜຶ່ງດຽວ, ການນໍາຕົວເອງໄປສູ່ການເຊື່ອຟັງພັກດີ ແລະ ປະຕິບັດຕາມຄໍາສັ່ງຂອງພຣະອົງ, ແລະ ການອອກຫາງຈາກການຕັ້ງພາຄີ (ຊິຣິກ) ແລະ ຜູ້ທີ່ຕັ້ງພາຄີ.
ເຊິ່ງປະກອບດ້ວຍສາມລຳດັບຂັ້ນ: ອັລ-ອິສລາມ, ອັລ-ອີມານ, ແລະ ອັລ-ອິຫ໌ຊານ.
ແລະ ແຕ່ລະ ລະດັບກໍມີຫຼັກການຂອງມັນ.
ຫຼັກການອິສລາມມີຫ້າປະການຄື: ການປະຕິຍານວ່າ ບໍ່ມີພຣະເຈົ້າອື່ນໃດນອກຈາກອັລລໍຫ໌ ແລະ ມຸຮຳມັດເປັນສາສະນະທູດຂອງອັລລໍຫ໌, ການດຳລົງໄວ້ເຊິ່ງການລະຫມາດ, ການຈ່າຍຊະກາດ, ການຖືສິນອົດໃນເດືອນຣໍມະດອນ, ແລະ ການປະກອບພິທິຮັຈຫ໌ ນະ ບ້ານອັນສັກສິດຂອງອັລລໍຫ໌.
ແລະ ມີຄວາມໝາຍກໍ່ຄື: ບໍ່ມີການເຄົາລົບພັກດີທີ່ແທ້ຈິງນອກຈາກອັລລໍຫ໌.
"ລາອິລາຮະ" ຄືການປະຕິເສດທຸກສັບພະສິ່ງທີ່ຖືກເຄົາລົບສັກກາລະອື່ນຈາກອັລລໍຫ໌.
“ອິລລັລລໍຫ໌” ຄືການຢັ້ງຢືນການເຄົາລົບພັກດີໃຫ້ແດ່ອັລລໍຫ໌ພຽງພຣະອົງດຽວ.
ບໍ່ມີຜູ້ໃດເປັນພາຄີຫຸ້ນສ່ວນກັບພຣະອົງໃນການເຄົາລົບພັກດີກາບໄຫວ້, ເຊັ່ນດຽວກັບທີ່ບໍ່ມີຜູ້ໃດເປັນພາຄິຮ່ວມກັບພຣະອົງໃນອຳນາດການປົກຄອງຂອງພຣະອົງເລີຍ.
ຄວາມໝາຍຂອງການປະຕິຍານຕົນວ່າ ມຸຮຳມັດເປັນສາສະນະທູດຂອງອັລລໍຫ໌ ຄື: ການປະຕິບັດຕາມໃນສິ່ງທີ່ທ່ານສັ່ງໃຊ້, ເຊື່ອໃນສິ່ງທີ່ທ່ານນຳມາບອກ, ອອກຫ່າງຈາກສິ່ງທີ່ທ່ານສັ່ງຫ້າມ, ແລະ ບໍ່ມີການອີບາດະຫ໌ເຄົາລົບສັກກາລະຕໍ່ອັລລໍຫ໌ ນອກຈາກສິ່ງທີ່ທ່ານບັນຍັດໄວ້ເທົ່ານັ້ນ.
ແລະ ຫຼັກຖານຂອງການເຮັດຮັຈຄື: ຄຳດຳລັດຂອງພຣະອົງອັລລໍຫ໌ຕະອາລາທີ່ວ່າ: (ແລະ ສິດທິຂອງອັລລໍຫ໌ທີ່ມີແກ່ມະນຸດນັ້ນ ຄືການມຸ່ງສູ່ບ້ານຫຼັງນັ້ນ (ໝາຍເຖິງກະບະຫ໌ ໄບຕຸລລໍຫ໌ເພື່ອປະກອບພິທີຫັຈ ແລະ ອຸມເຣາະຫ໌) ອັນໄດ້ແກ່ ຜູ້ທີ່ມີຄວາມສາມາດຫາທາງໄປຍັງບ້ານຫຼັງນັ້ນໄດ້ ແລະ ຜູ້ໃດປະຕິເສດ (ບໍ່ໄປປະກອບພິທີຫັຈ) ແທ້ຈິງ ອັລລໍຫ໌ບໍ່ຊົງເພິ່ງພາປະຊາຊາດທັ້ງຫຼາຍ) [ສຸເຣາະຫ໌ ອະລາອິມຣອນ : 97].
ລຳດັບຂັ້ນທີ່ສອງ: ອັລ-ອີມານ; ເຊິ່ງມັນຄື: ຄວາມເຊື່ອສັດທາທີ່ແບ່ງອອກເປັນ ເຈັດສິບກວ່າຂະແໜ່ງ, ສິ່ງທີ່ປະເສີດທີ່ສຸດຂອງມັນຄືການກ່າວ: ລາອີລາຮະ ອິລລັລລໍຫ໌, ແລະ ສິ່ງທີ່ຕ່ຳທີ່ສຸດຂອງມັນຄືການຂະຈັດອັນຕະລາຍອອກຈາກຖະໜົນຫົນທາງ, ແລະ ຄວາມລະອາຍໃຈນັ້ນ ເປັນສ່ວນໜຶ່ງຂອງຄວາມສັດທາ.
ແລະ ຫຼັກການຂອງມັນມີ 6 ປະການຄື: ສັດທາເຊື່ອໃນອັລລໍຮ໌, ສັດທາຕໍ່ບັນດາມາລະອີກະຫ໌ເທວະທູດຂອງພຣະອົງ, ສັດທາຕໍ່ບັນດາຄຳພີຂອງພຣະອົງ, ສັດທາຕໍ່ສາດສະດາທູດຂອງພຣະອົງ, ສັດທາຕໍ່ມື້ວັນສິ້ນໂລກ, ແລະ ສັດທາຕໍ່ກຳຫນົດພາວະທັ້ງຄວາມດີ ແລະ ຄວາມຊົ່ວ.
ລະດັບທີສາມ: ອັລ-ອິຫ໌ຊານ - ເຊິ່ງເປັນຫຼັກການດຽວ - "ຄືການເຄົາລົບພັກດີຕໍ່ອັລລໍຫ໌ ປຽບດັງທ່ານໄດ້ເຫັນພຣະອົງ, ຫາກວ່າທ່ານບໍ່ສາມາດເຫັນພຣະອົງໄດ້ ແທ້ຈິງແລ້ວພຣະອົງກໍ່ຊົງເຫັນທ່ານ.
ຫຼັກຖານຈາກຊຸນນະຫ໌ຄື: ຫະດິຊທ່ານຈິບຣີລທີ່ໂດ່ງດັງ, ຈາກທ່ານອຸມັຣ ຣໍດິຍັລລໍຮຸ ອັນຮຸ ໄດ້ເລົ່າວ່າ: ໃນຂະນະທີ່ພວກເຮົານັ່ງຢູ່ກັບທ່ານຣໍສູລຸລລໍຮ໌ ຊໍລລັລລໍຮຸ ອະໄລຮິ ວະສັລລຳ ໃນມື້ໜຶ່ງ, ທັນໃດນັ້ນກໍມີຊາຍຄົນໜຶ່ງປະກົດຕົວຕໍ່ໜ້າພວກເຮົາ, ລາວນຸ່ງເຄື່ອງສີຂາວສະອາດ, ຜົມດຳສະໜິດ, ບໍ່ເຫັນຮ່ອງຮອຍຂອງການເດີນທາງ, ແລະບໍ່ມີໃຜໃນພວກເຮົາຮູ້ຈັກລາວ, ຈົນລາວໄດ້ມານັ່ງຕໍ່ໜ້າທ່ານນະບີ ຊໍລລັລລໍຮຸ ອະໄລຮິ ວະສັລລຳ, ແລ້ວເອົາຫົວເຂົ່າຂອງລາວຕິດກັບຫົວເຂົ່າຂອງທ່ານ, ແລະ ວາງມືທັງສອງເບື້ອງຂອງລາວເທິງຂາຂອງທ່ານ, ແລະກ່າວວ່າ: ໂອ້ ມຸຮຳມັດ
ຈົ່ງບອກໃຫ້ຂ້ອຍຮູ້ກ່ຽວກັບອັລ-ອິສລາມ?
ທ່ານຣໍຊູລລຸລລໍຫ໌ ຊໍລລັລລໍຮຸ ອະໄລຮິ ວະສັລລຳ ໄດ້ກ່າວວ່າ: ອິສລາມຄື: ການປະຕິຍານວ່າ ບໍ່ມີພຣະເຈົ້າອື່ນໃດນອກຈາກອັລລໍຫ໌ ແລະ ມຸຮຳມັດເປັນສາສະນະທູດຂອງອັລລໍຫ໌, ດຳລົງໄວ້ເຊິ່ງການລະຫມາດ, ຈ່າຍສະກາດ, ຖືສິນອົດໃນເດືອນຣໍມະດອນ, ແລະ ປະກອບພິທີຮັຈຫ໌ ຫາກມີຄວາມສາມາດ, ລາວໄດ້ກ່າວວ່າ: ທ່ານກ່າວຈິງແທ້ແລ້ວ - ພວກຂ້າພະເຈົ້າຕ່າງກໍປະຫລາດໃຈໃນຕົວລາວ, ທີ່ລາວຖາມເພິ່ນ ແລ້ວກໍຢືນຢັນວ່າເພິ່ນກ່າວຈິງ –.
ລາວຈຶ່ງຖາມວ່າ: ຈົ່ງບອກໃຫ້ຂ້ອຍຮູ້ກ່ຽວກັບອັລ-ອີມ່ານ?
ທ່ານກ່າວວ່າ: «ການທີ່ທ່ານສັດທາຕໍ່ອັລລໍຫ໌, ບັນດາມະລາອີກະຫ໌ຂອງພຣະອົງ, ບັນດາຄຳພີຂອງພຣະອົງ, ບັນດາສາສະໜະທູດຂອງພຣະອົງ, ວັນປໍລະໂລກ, ແລະ ການທີ່ທ່ານສັດທາຕໍ່ການກຳໜົດທັງຄວາມດີ ແລະ ຄວາມຊົ່ວ.» ລາວກ່າວວ່າ: «ທ່ານເວົ້າຈິງເເທ້ແລ້ວ.»
ແລ້ວກ່າວຕໍ່ວ່າ: ຈົ່ງບອກໃຫ້ຂ້ອຍຮູ້ກ່ຽວກັບອັລ-ອິຫ໌ຊານ?
ລາວຈຶ່ງຖາມອີກວ່າ: ຈົ່ງບອກຂ້ອຍກ່ຽວກັບວັນກິຍາມະຫ໌?
ລາວຈຶ່ງກ່າວວ່າ: ສະນັ້ນ ຈົ່ງບອກໃຫ້ຂ້ອຍຮູ້ກ່ຽວກັບສັນຍານຂອງມັນ?
ທ່ານໄດ້ກ່າວວ່າ: ຄືການທີ່ທາດຍິງຈະໃຫ້ກຳເນີດລູກມາເປັນເຈົ້ານາຍຂອງນາງ, ແລະ ເຈົ້າຈະໄດ້ເຫັນບັນດາຄົນຍ່າງຕີນເປົ່າ, ເປືອຍກາຍ, ຍາກຈົນ ທີ່ເປັນຄົນລ້ຽງແກະ, ແຂ່ງຂັນກັນໃນການສ້າງອາຄານຕຶກສູງ.
ຈາກນັ້ນລາວກໍ່ຈາກໄປ ແລະຂ້ອຍ (ໝາຍເຖິ່ງອຸມັຣ) ກໍ່ຫາຍໜ້າໄປຫຼາຍມື້ ຕໍ່ມາທ່ານນະບີ ໄດ້ຖາມຂ້ອຍວ່າ “ໂອ້ອຸມັຣ ເຈົ້າຮູ້ບໍ່ວ່າ ຜູ້ຖາມຕອນນັ້ນແມ່ນໃຜ?” ຂ້ອຍຕອບວ່າ “ອັລລໍຫ໌ ແລະ ຣໍສູລຂອງພຣະອົງເທົ່ານັ້ນທີ່ຮູ້” ທ່ານນະບີຈຶງຕອບວ່າ “ແທ້ຈິງລາວຄື ຈິບຣີລ (ເທວະທູດຂອງອັລລໍຫ໌) ລາວມາຫາພວກທ່ານ ເພື່ອສອນພວກທ່ານ ກ່ຽວກັບເລື່ອງສາສະໜາຂອງພວກທ່ານ”
ການຮູ້ຈັກນະບີຂອງພວກທ່ານ ທ່ານມຸຮຳມັດ (ຂໍອັລລໍຫ໌ປະທານຄວາມເມດຕາ ແລະ ສັນຕິສຸກແດ່ທ່ານ), ທ່ານຄື ມຸຮຳມັດ ບິນ ອັບດຸລລໍຮ໌ ບິນ ອັບດຸລມູດຕໍລິບ ບິນ ຮາຊິມ, ແລະ ຮາຊິມແມ່ນສ່ວນໜຶ່ງຂອງເຜົ່າກູຣອຍສ, ແລະ ເຜົ່າກູຣອຍສ໌ແມ່ນສ່ວນໜຶ່ງຈາກບັນດາເຜົ່າອາຣັບ, ແລະ ບັນດາເຜົ່າອາຣັບແມ່ນມາຈາກວົງວານຂອງ ອິສມາອີລ ບິນ ອິບຣໍຮີມ, ອະໄລຮິສສະລາມ ແລະ ນະບີຂອງເຮົາເປັນນະບີທີ່ປະເສີດເລີດເລີທີ່ສຸດ.
ທ່ານມີອາຍຸ 63 ປີ, ໂດຍໄດ້ໃຊ້ຊີວິດ 40 ປີກ່ອນໜ້າທີ່ຈະໄດ້ຮັບການແຕ່ງຕັ້ງເປັນສາດສະດາ, ແລະອີກ 23 ປີ ທີ່ເຫຼືອຢູ່ໃນຖານະເປັນສາດສະດາທູດ.
ທ່ານໄດ້ຖືກແຕ່ງຕັ້ງເປັນນະບີດ້ວຍສຸເຣາະຫ໌ ອິກຣໍ, ແລະ ຖືກສົ່ງມາເປັນຣໍຊູລດ້ວຍສຸເຣາະຫ໌ ອັລ-ມຸດດັສຊິຣ, ແລະ ເມືອງຂອງທ່ານແມ່ນນະຄອນມັກກະຫ໌.
ທ່ານໄດ້ໃຊ້ເວລາ 10 ປີໃນການຮຽກຮ້ອງສູ່ການໃຫ້ເອກະພາບຕໍ່ອັລລໍຮ໌, ຫຼັງຈາກ 10 ປີ, ທ່ານໄດ້ຖືກນຳຂຶ້ນສູ່ຟາກຟ້າ ແລະ ການລະຫມາດ 5 ເວລາກໍໄດ້ຖືກບັນຍັດຂຶ້ນ.
ທ່ານໄດ້ລະຫມາດຢູ່ເມືອງມັກກະຫ໌ເປັນເວລາ 3 ປີ, ຫຼັງຈາກນັ້ນຈຶ່ງໄດ້ຮັບບັນຊາໃຫ້ອົບພະຍົບໄປຍັງເມືອງມາດີນະຫ໌.
ອັລ-ຫິຈເຣາະຫ໌: ຄືການຍົກຍ້າຍຈາກດິນແດນແຫ່ງຊີຮິກ ໄປຍັງດິນແດນແຫ່ງອິດສະລາມ.
ການອົບພະຍົບນັ້ນມີຜົນຜູກມັດບັງຄັບສຳຫຼັບປະຊາຊາດນີ້ ຈາກເມືອງແຫ່ງຊິຣິກ (ການຕັ້ງພາຄີ) ໄປຍັງເມືອງແຫ່ງອິສລາມ, ແລະ ມັນຈະຍັງຄົງຢູ່ຈົນກວ່າວັນກິຍາມະຫ໌ຈະບັງເກີດຂຶ້ນ.
ຄຳກ່າວຂອງທ່ານ ອັລບະຄໍວີ ຂໍອັລລໍຫ໌ເມດຕາທ່ານ: ສາເຫດຂອງການປະທານໂອງການນີ້ລົງມາ: ແມ່ນກ່ຽວກັບບັນດາມຸສລິມທີ່ຢູ່ມັກກະຫ໌ ທີ່ບໍ່ໄດ້ອົບພະຍົບ, ໂດຍທີ່ອັລລໍຫ໌ໄດ້ຊົງເອີ້ນພວກເຂົາດ້ວຍນາມແຫ່ງການສັດທາ.
ແລະ ຫຼັກຖານຈາກຊຸນນະຫ໌ກ່ຽວກັບການຫິຈເຣາະຫ໌ ຄືຄຳກ່າວຂອງທ່ານວ່າ: «ການອົບພະຍົບຈະບໍ່ສິ້ນສຸດລົງ ຈົນກວ່າການເຕົາບະຫ໌ຈະສິ້ນສຸດລົງ, ແລະ ການເຕົາບະຫ໌ຈະບໍ່ສິ້ນສຸດລົງ ຈົນກວ່າດວງຕາເວັນຈະຂຶ້ນຈາກທາງທິດຕາເວັນຕົກຂອງມັນ. »
ເມື່ອທ່ານໄດ້ຕັ້ງຖິ່ນຖານຢູ່ເມືອງມາດີນະຫ໌, ທ່ານກໍ່ໄດ້ຖືກສັ່ງໃຫ້ປະຕິບັດຕາມຂໍ້ບັງຄັບທີ່ຍັງເຫຼືອຂອງສາສະໜາອິສລາມ - ເຊັ່ນ: ການຈ່າຍຊະກາດ, ການຖືສິນອົດ, ການເຮັດຫັຈ, ການອະຊານ, ການຈິຮາດ, ການສັ່ງໃຊ້ໃຫ້ເຮັດຄວາມດີ ແລະ ການຫ້າມປາມຈາກການເຮັດຄວາມຊົ່ວ - ແລະໄດ້ໃຊ້ເວລາໃນການປະຕິບັດຕາມນີ້ເປັນເວລາສິບປີ.
ທ່ານນະບີ ຊໍລລັລລໍຮຸ ອະໄລຮິ ວະຊັລລຳ ໄດ້ເສຍຊີວິດໄປແລ້ວ, ແລະ ສາສະໜາຂອງທ່ານຍັງຄົງຢູ່, ເຊິ່ງບໍ່ມີຄວາມດີໃດໆ ເວັ້ນເສຍແຕ່ທ່ານໄດ້ຊີ້ນຳອຸມະຫ໌ໄປສູ່ມັນ, ແລະ ບໍ່ມີຄວາມຊົ່ວໃດໆ ເວັ້ນເສຍແຕ່ທ່ານໄດ້ຕັກເຕືອນພວກເຂົາໃຫ້ລະວັງຈາກມັນ.
ແລະ ຄວາມດີທີ່ໄດ້ຊີ້ແນະໄວ້ຄື: ຫຼັກເຕົາຮີດ, ແລະ ບັນດາສິ່ງທັງຫມົດທີ່ອັລລໍຫ໌ຊົງຮັກ ແລະ ຊົງພໍພຣະໄທ.
ແລະ ຄວາມຊົ່ວຮ້າຍທີ່ພຣະອົງໄດ້ຕັກເຕືອນໃຫ້ອອກຫ່າງນັ້ນຄື: ການຕັ້ງພາຄີ ຫຼື ຊິຣິກ, ແລະ ທຸກສິ່ງທີ່ພຣະອົງອັລລໍຮ໌ຊົງກຽດຊັງ ແລະ ບໍ່ພໍພຣະໄທ.
ແລະ ອັລລໍຫ໌ໄດ້ຊົງໃຫ້ສາດສະໜາສົມບູນແລ້ວໂດຍຜ່ານທ່ານ; ຫຼັກຖານກໍຄືຄຳດຳລັດຂອງພຣະອົງອັລລໍຫ໌ທີ່ວ່າ: (...ມື້ນີ້ເຮົາໄດ້ເຮັດໃຫ້ສາສະຫນາຂອງພວກທ່ານສົມບູນແລ້ວ ແລະ ເຮົາໄດ້ໃຫ້ຄວາມໂປດປານຂອງເຮົາສົມບູນ ເຮົາເລືອກໃຫ້ອິສລາມເປັນສາສະຫນາຂອງພວກທ່ານ...) [ຊູເຣາະຫ໌ ອັລມາອີດະຮ໌ : 3].
ແລະ ຫຼັງຈາກການຟື້ນຄືນຊີບ ຈະຖືກຄິດບັນຊີຕອບແທ່ນ ແລະ ຈະໄດ້ຮັບລາງວັນຕາມການກະທຳຂອງພວກເຂົາ; ແລະ ຫຼັກຖານຄືຄຳຕຣັດຂອງອັລລໍຫ໌ ທີ່ວ່າ: (ເພື່ອທີ່ພຣະອົງຈະຕອບແທນແກ່ບັນດາຜູ້ທີ່ກະທຳຄວາມຊົ່ວຕາມທີ່ພວກເຂົາໄດ້ກະທຳໄວ້ ແລະ ຈະຕອບແທນແກ່ບັນດາຜູ້ທີ່ກະທຳຄວາມດີດ້ວຍຄວາມດີງາມ) [ຊູເຣາະຫ໌ ອັນນັຈມີ : 31]
ແລະ ທ່ານທຳອິດຂອງພວກເຂົາ ຄື ທ່ານນາບີ ນູຮ໌.
ພຣະອົງອັລລໍຫ໌ໄດ້ບັນຍັດໃຫ້ກັບປວງບ່າວທັງຫຼາຍຄື: ການປະຕິເສດຕໍ່ຕໍກູດ, ແລະ ໃຫ້ການສັດທາຕໍ່ອັລລໍຫ໌ເທົ່ານັ້ນ.
ຄຳກ່າວຂອງທ່ານ ອິບນຸ ອັລ-ກອຍຢິມ ຂໍອັລລໍຫ໌ຊົງເມດຕາທ່ານ: "ຄວາມໝາຍຂອງ “ອັຕ-ຕໍກູຕ” ແມ່ນ: ສິ່ງທີ່ບ່າວໄດ້ລະເມີດຂອບເຂດຂອງຕົນຜ່ານມັນ - ຈາກສິ່ງທີ່ຖືກເຄົາລົບກາບໄຫວ້, ຫຼື ຜູ້ທີ່ຖືກປະຕິບັດຕາມ, ຫຼື ຜູ້ທີ່ຖືກເຊື່ອຟັງ.
ບັນດາຕໍວາກີດ ນັ້ນມີຢູ່ຢ່າງຫຼວງຫຼາຍ, ແລະ ຫົວໜ້າຂອງພວກມັນມີຫ້າຈຳພວກຄື: ອິບລີສ - ຂໍພຣະອົງອັລລໍຮ໌ສາບແຊ່ງມັນ, ຜູ້ທີ່ຖືກເຄົາລົບບູຊາໂດຍທີ່ເຂົາເອງກໍພໍໃຈ, ຜູ້ທີ່ເຊີນຊວນຜູ້ຄົນໃຫ້ມາເຄົາລົບບູຊາຕົນເອງ, ຜູ້ທີ່ອ້າງຕົນວ່າຮູ້ສິ່ງໃດໜຶ່ງຈາກຄວາມຮູ້ໃນສິ່ງທີ່ຊ້ອນເລັ້ນ, ແລະ ຜູ້ທີ່ຕັດສິນດ້ວຍສິ່ງອື່ນທີ່ບໍ່ແມ່ນສິ່ງທີ່ອັລລໍຮ໌ໄດ້ປະທານລົງມາ.
ອັລລໍຫ໌ເປັນຜູ້ຊົງຮອບຮູ້ຍິ່ງ.
