الإسلام دين رسل الله

ອິສລາມ ສາສະໜາຂອງບັນດາສາສະດາທູດຂອງອັລລໍຫ໌

ອິສລາມຄືການຍອມຈຳນົນຕໍ່ພຣະເຈົ້າ ຜູ້ສ້າງ ແລະ ຜູ້ບໍລິຫານຈັດການຈັກກະວານ, ການນໍາພາຕົນເອງໄປສູ່ຄວາມເຊື່ອຟັງພຣະອົງດ້ວຍຄວາມຮັກ ແລະ ການເທີດທູນ, ແລະ ພື້ນຖານຂອງອິສລາມຄືການສັດທາຕໍ່ພຣະເຈົ້າອັລລໍຫ໌, ແລະ ວ່າພຣະອົງຄືຜູ້ສ້າງ ແລະ ສິ່ງອື່ນໆທັງໝົດນອກຈາກພຣະອົງລ້ວນແຕ່ເປັນສິ່ງທີ່ຖືກສ້າງ, ແລະ ວ່າພຣະອົງຄືຜູ້ທີ່ສົມຄວນໄດ້ຮັບການເຄົາລົບພັກດີພຽງອົງດຽວ ໂດຍບໍ່ມີພາກີໃດໆຮ່ວມກັບພຣະອົງ, ບໍ່ມີຜູ້ທີ່ສົມຄວນໄດ້ຮັບການເຄົາລົບພັກດີຢ່າງແທ້ຈິງນອກຈາກພຣະອົງ, ພຣະອົງຊົງມີພຣະນາມອັນຈົບງາມ ແລະ ຄຸນລັກສະນະອັນສູງສົ່ງ, ແລະ ພຣະອົງຊົງມີຄວາມສົມບູນແບບຢ່າງແທ້ຈິງປາສະຈາກຄວາມບົກຜ່ອງໃດໆ, ພຣະອົງບໍ່ໄດ້ໃຫ້ກຳເນີດ ແລະ ບໍ່ໄດ້ຖືກໃຫ້ກຳເນີດ ແລະ ບໍ່ມີສິ່ງໃດທຽບເທົ່າ ຫຼື ຄ້າຍຄືພຣະອົງ, ພຣະອົງບໍ່ໄດ້ເຂົ້າສິງສະຖິດ ແລະ ບໍ່ໄດ້ຈຳແລງກາຍໃນສິ່ງໃດໜຶ່ງຈາກສິ່ງທີ່ພຣະອົງຊົງສ້າງ.

ອິສລາມຄືສາສະໜາຂອງພຣະເຈົ້າ ທີ່ພຣະອົງຈະບໍ່ຮັບຮອງສາສະໜາອື່ນໃດຈາກມະນຸດນອກຈາກສາສະໜານີ້, ແລະເປັນສາສະໜາທີ່ສາດສະດາທຸກທ່ານ (ຂໍຄວາມສັນຕິສຸກຈົງປະສົບກັບພວກທ່ານ) ໄດ້ນຳມາ.

ແລະ ຫຼັກການປະການສຳຄັນອັນໜຶ່ງຂອງສາສະໜາອິສລາມ ແມ່ນການສັດທາເຊື່ອໃນບັນດາສາສະໜະທູດທຸກທ່ານ, ແລະ ເຊື່ອວ່າອັລລໍຮ໌ໄດ້ສົ່ງບັນດາສາສະໜະທູດມາເພື່ອເຜີຍແຜ່ບັນດາຄຳສັ່ງຂອງພຣະອົງໃຫ້ແກ່ປວງບ່າວຂອງພຣະອົງ ແລະ ໄດ້ປະທານບັນດາຄຳພີລົງມາໃຫ້ພວກເຂົາ, ແລະ ສາສະໜະທູດຄົນສຸດທ້າຍຂອງພວກເຂົາແມ່ນທ່ານມຸຮັມມັດ (ອະໄລຮິສສະລາມ), ເຊິ່ງອັລລໍຮ໌ໄດ້ສົ່ງມາພ້ອມກັບບົດບັນຍັດສຸດທ້າຍຂອງພຣະອົງ ແລະ ເປັນບົດບັນຍັດທີ່ມາຍົກເລີກບົດບັນຍັດຂອງສາສະໜະທູດກ່ອນໜ້ານັ້ນ, ອັລລໍຮ໌ໄດ້ຊົງສະໜັບສະໜຸນທ່ານດ້ວຍສັນຍານຕ່າງໆ ທີ່ຍິ່ງໃຫຍ່, ແລະ ສັນຍານທີ່ຍິ່ງໃຫຍ່ທີ່ສຸດຄືຄຳພີອັລກູຣອານ ເຊິ່ງເປັນພຣະວັດຈະນະຂອງພຣະເຈົ້າແຫ່ງສາກົນລະໂລກ, ເປັນຄັມພີທີ່ຍິ່ງໃຫຍ່ທີ່ສຸດທີ່ມະນຸດເຄີຍຮູ້ຈັກມາ, ມີຄວາມອັດສະຈັນທັງໃນເນື້ອໃນ, ຄຳເວົ້າ ແລະ ໂຄງສ້າງຂອງມັນ, ໃນນັ້ນມີການຊີ້ແນະ ແນະນຳໃຫ້ໄປສູ່ຄວາມຈິງ ທີ່ນຳໄປສູ່ຄວາມສຸກໃນໂລກນີ້ ແລະ ໃນວັນອາຄິເຣາະຫ໌ ໂລກໜ້າ, ແລະ ມັນໄດ້ຖືກປົກປັກຮັກສາໄວ້ຈົນເຖິງທຸກມື້ນີ້ດ້ວຍພາສາອາຣັບ ເຊິ່ງເປັນພາສາທີ່ມັນໄດ້ຖືກປະທານລົງມາ, ໂດຍບໍ່ມີການປ່ຽນແປງ ແລະ ບໍ່ມີການບິດເບືອນໃນນັ້ນເລີຍ ແມ່ນແຕ່ຕົວອັກສອນດຽວ,

ແລະ ສ່ວນໜຶ່ງຈາກຫຼັກການຂອງສາສະໜາອິສລາມ ແມ່ນການສັດທາເຊື່ອໃນມະລາອິກະຫ໌ (ທູດສະຫວັນ), ແລະ ການສັດທາເຊື່ອໃນວັນສຸດທ້າຍ ເຊິ່ງໃນນັ້ນອັລລໍຮ໌ຈະຊົງເຮັດໃຫ້ຜູ້ຄົນອອກຈາກຫຼຸມຝັງສົບຂອງເຂົາເຈົ້າໃນວັນຟື້ນຄືນຊີບ ເພື່ອເຮັດການສອບສວນພວກເຂົາກ່ຽວກັບສິ່ງທີ່ພວກເຂົາໄດ້ກະທຳໄວ້. ໃຜກໍ່ຕາມທີ່ໄດ້ກະທຳຄວາມດີໂດຍເຂົາເປັນຜູ້ສັດທາ ເຂົາຈະໄດ້ຮັບຄວາມສຸກຊົ່ວນິຣັນດອນໃນສະຫວັນ, ແລະ ໃຜກໍ່ຕາມທີ່ປະຕິເສດສັດທາ ແລະ ກະທຳຄວາມຊົ່ວ ເຂົາຈະຖືກລົງໂທດຢ່າງສາຫັດໃນນະຣົກ. ແລະ ຫຼັກການຂອງອິສລາມອີກປະການໜຶ່ງ ແມ່ນການສັດທາເຊື່ອໃນການກຳນົດຂອງອັລລໍຮ໌ສຳລັບມະນຸດທຸກຄົນ ບໍ່ວ່າຈະເປັນສິ່ງດີ ຫຼື ສິ່ງທີ່ມະນຸດເບິ່ງວ່າບໍ່ດີ — ທຸກຢ່າງເກີດຂຶ້ນຕາມພຣະປະສົງ ແລະ ພຣະປັນຍາຂອງພຣະອົງ.

ຊາວມຸສລິມເຊື່ອວ່າ ພຣະເຍຊູຄືບ່າວຂອງອັລລໍຫ໌ ແລະ ເປັນສາດສະດາທູດຂອງພຣະອົງ, ແລະ ທ່ານບໍ່ແມ່ນລູກຂອງພຣະເຈົ້າ; ເພາະວ່າອັລລໍຫ໌ນັ້ນຍິ່ງໃຫຍ່ ເປັນໄປບໍ່ໄດ້ທີ່ພຣະອົງຈະມີພັນລະຍາ ຫຼື ລູກ, ແຕ່ອັລລໍຫ໌ໄດ້ບອກພວກເຮົາໃນຄຳພີກຸຣອານວ່າ ພຣະເຍຊູເປັນສາດສະດາທ່ານໜຶ່ງທີ່ພຣະອົງໄດ້ປະທານປາຕິຫານຫຼາຍຢ່າງໃຫ້ແກ່ທ່ານ ແລະ ໄດ້ສົ່ງທ່ານມາເພື່ອເຊີນຊວນຜູ້ຄົນຂອງທ່ານໃຫ້ນັບຖືບູຊາອັລລໍຫ໌ພຽງຜູ້ດຽວບໍ່ມີຜູ້ອື່ນມາທຽບຄຽງ, ແລະ ພຣະອົງຍັງໄດ້ບອກອີກວ່າ ພຣະເຍຊູບໍ່ໄດ້ຮຽກຮ້ອງໃຫ້ຜູ້ຄົນມາເຄົາລົບບູຊາຕົນເອງ ແຕ່ກັບກັນນັ້ນໂຕຂອງທ່ານເອງກໍ່ໄດ້ເຄົາລົບບູຊາພຣະຜູ້ສ້າງຂອງທ່ານ.

ແລະ ອິສລາມເປັນສາສະໜາທີ່ສອດຄ່ອງກັບທຳມະຊາດ ແລະ ສາມັນສຳນຶກອັນບໍລິສຸດ ເປັນທີ່ຍອມຮັບຂອງຈິດວິນຍານທີ່ບໍລິສຸດ ແລະ ເປັນສາສະໜາທີ່ພຣະຜູ້ສ້າງຜູ້ຊົງຍິ່ງໃຫຍ່ໄດ້ບັນຍັດໃຫ້ແກ່ບ່າວຂອງພຣະອົງ. ແລະ ເປັນສາສະໜາແຫ່ງຄວາມດີ ແລະ ຄວາມສຸກສຳລັບມວນມະນຸດຊາດທຸກຄົນ. ເປັນສາສະໜາທີ່ບໍ່ໄດ້ຍົກຍ້ອງກຸ່ມໃດໜຶ່ງເໜືອກວ່າກຸ່ມອື່ນ ຫຼື ສີຜິວໃດໜຶ່ງເໜືອກວ່າສີຜິວອື່ນ. ໃນອິສລາມ ມະນຸດທຸກຄົນມີຄວາມເທົ່າທຽມກັນ ແລະ ບໍ່ມີຜູ້ໃດທີ່ໂດດເດັ່ນເໜືອຄົນອື່ນ ເວັ້ນແຕ່ໃນກອບແຫ່ງການກະທຳຄຸນງາມຄວາມດີທີ່ລາວໄດ້ເຮັດໄວ້ເທົ່ານັ້ນ.

ແລະ ເປັນສິ່ງຈຳເປັນສຳລັບທຸກຄົນທີ່ມີສະຕິປັນຍາ ທີ່ຈະຕ້ອງສັດທາຕໍ່ອັລລໍຫ໌ວ່າພຣະອົງຄືພຣະຜູ້ອະພິບານ, ແລະ ສັດທາວ່າອິສລາມຄືສາສະໜາຂອງຕົນ, ແລະ ສັດທາໃນມຸຮຳມັດວ່າເປັນສາສະນະທູດ, ແລະ ນີ້ຄືສິ່ງຈຳເປັນທີ່ມະນຸດບໍ່ສາມາດປະຕິເສດໄດ້; ເພາະວ່າອັລລໍຫ໌ຈະຊົງສອບສວນເຂົາໃນວັນກິຍາມະຫ໌ ກ່ຽວກັບການຕອບຮັບຕໍ່ບັນດາສາສະນະທູດ; ໃຜກໍຕາມທີ່ເປັນຜູ້ສັດທາ ລາວຈະໄດ້ຮັບໄຊຊະນະ ແລະ ຄວາມສຳເລັດຢ່າງໃຫຍ່, ແລະ ໃຜກໍຕາມທີ່ເປັນຜູ້ປະຕິເສດຄວາມສັດທາ ລາວຈະຕ້ອງປະສົບກັບການຂາດທຶນຢ່າງຊັດເຈນ.

ໃຜກໍ່ຕາມທີ່ຕ້ອງການປ່ຽນມານັບຖືສາສະໜາອິສລາມ ກໍ່ຈົ່ງກ່າວວ່າ: (ອັຊຮາດຸ ອັລລາ ອິລາຮະ ອິລລັລລໍຮຸ ວະອັຊຮະດຸ ອັນນະ ມຸຮຳມະດັນ ຣໍສູລລຸລລໍຫ໌) "ຂ້ອຍຂໍປະຕິຍານວ່າ ບໍ່ມີພຣະເຈົ້າອື່ນໃດທີ່ຄວນແກ່ການເຄົາລົບພັກດີຢ່າງແທ້ຈິງນອກຈາກອັລລໍຫ໌ ແລະ ຂ້ອຍຂໍປະຕິຍານວ່າມຸຮຳມັດເປັນສາສະນະທູດຂອງອັລລໍຫ໌" ໂດຍຮູ້ຄວາມໝາຍຂອງມັນ ແລະ ສັດທາຕໍ່ມັນ ແລະ ດ້ວຍການກ່າວຄຳປະຕິຍານນີ້ເຂົາກໍ່ໄດ້ກາຍເປັນມຸສລິມແລ້ວ ຈາກນັ້ນເຂົາກໍ່ສຶກສາບົດບັນຫຍັດຕ່າງໆ ຂອງສາສະໜາອິສລາມທີ່ລະເລັກທີ່ລະນ້ອຍ ເພື່ອເຂົາຈະໄດ້ປະຕິບັດໃນສິ່ງທີ່ອັລລໍຫ໌ຊົງບັນຊາໃຫ້ເຂົາກະທຳ.

ເພື່ອສຶກສາຂໍ້ມູນອິສລາມເພິ່ມເຕິມ