ວິທີນະມາຊການຕາມແບບຢ່າງຂອງທ່ານນະບີ ﷺ

ວິທີນະມາຊການຕາມແບບຢ່າງຂອງທ່ານນະບີ ﷺ

ສາດສະດາຈານຜູ້ຊົງຄຸນນະວຸດ

ອັບດຸລອະຊີຊ ບິນ ອັບດຸລລໍຫ໌ ບິນ ບາຊ

ດ້ວຍພຣະນາມຂອງອັລລໍຫ໌ ຜູ້ຊົງເມດຕາ ກະລຸນາ ປານີສະເໝີ

ມວນການສັນລະເສິນທັ້ງຫຼາຍເປັນສິດຂອງອັລລໍຫ໌ພຽງຜູ້ດຽວ ຂໍການອວຍພອນຄວາມສັນຕິສຸກຈົ່ງມີແດ່ບ່າວຂອງພຣະອົງ ແລະ ຣໍຊູລຂອງພຣະອົງ ນະບີມູຮຳມັດ ແລະ ຕະຫຼອດຈົນບັນດາວົງວານຕະກູນ ແລະ ມິດສະຫາຍຂອງທ່ານ, ຕໍ່ໄປນີ້:

ນີ້ຄື ການອະທິບາຍສັ່ນໆ ກ່ຽວກັບການລະຫມາດຕາມແບບຢ່າງຂອງທ່ານ ນະບີ ຊໍລລັລລໍຮຸ ອະໄລຮິ ວະສັລລຳ ທີ່ຂ້ອຍຂໍນຳສະເໜີແດ່ພີ່ນ້ອງມຸສລິມມີນ ແລະ ມຸສລີມະຫ໌ ເພື່ອໃຫ້ທຸກຄົນທີ່ໄດ້ອ່ານຈະໄດ້ຮັບຄວາມຮູ້ ແລະ ເຂົ້າໃຈຫຼັກປະຕິບັດ ທີ່ຖືກຕ້ອງຕາມແບບຢ່າງຂອງທ່ານນະບີ ຊໍລລັລລໍຮຸ ອະໄລຮິ ວະສັລລຳ ດັ່ງທີທ່ານນະບີ ﷺ ໄດ້ກ່າວໄວ້ວ່າ: ຄວາມວ່າ: "ທ່ານທັ້ງຫຼາຍຈົ່ງລະຫມາດຄືທີ່ທ່ານເຫັນຂ້ອຍລະຫມາດ" [1]. ໃຫ້ຜູ້ອ່ານອະທິບາຍກ່ຽວເລື່ອງດັງກ່າວ (ການນະມາຊແນວໃດ). [1] ບັນທຶກໂດຍອັລບຸກຄໍຣີ : ເລກທີ່ (605)

1. ການອາບນ້ຳລະຫມາດໃຫ້ສົມບູນ. ກ່າວຄື ການອາບນ້ຳລະຫມາດໂດຍປະຕິບັດຕາມໂອງການຂອງອັລລໍຫ໌ ທີ່ພຣະອົງ ໄດ້ກ່າວໄວ້ວ່າ: ຄວາມໝາຍ: (ໂອ້ ບັນດາຜູ້ສັດທາທັ້ງຫຼາຍ ເມື່ອພວກເຈົ້າຍືນຂຶ້ນເພື່ອປະຕິບັດການລະຫມາດ ກໍ່ຈົ່ງລ້າງໜ້າຂອງພວກເຈົ້າ ແລະ ມືຂອງພວກເຈົ້າຈົນຮອດຂໍ້ສອກ ຈົ່ງລູບຫົວ ແລະ ຈົ່ງລ້າງຕີນຂອງພວກເຈົ້າຈົນຮອດຕາຕຸ່ມທັ້ງສອງ ..... ) [ຊູເຣາະຫ໌ ອັລ-ມາອິດະຫ໌ ບົດທີ່ 6]. ອັລອາຢະຫ໌.

ດັ່ງທີທ່ານນະບີ ຊໍລລັລລໍຮຸ ອະໄລຮິ ວະສັລລຳ ໄດ້ກ່າວໄວ້ວ່າ: ຄວາມໝາຍວ່າ: (ການລະຫມາດທີ່ປາດສະຈາກຄວາມສະອາດ (ການ ອາບນ້ຳລະຫມາດ) ຈະບໍ່ຖືກຕອບຮັບ) [2]. [2] ບັນທຶກໂດຍມຸສລິມ, ເລກທີ່ (224)

ແລະ ດັງຄຳກ່າວຂອງທ່ານນະບີ ຊໍລລັລລໍຮຸ ອະໄລຮິ ວະສັລລຳ ສຳຫຼັບຜູ້ທີ່ລະຫມາດຂອງເຂົາບໍ່ຖືກຕ້ອງ: ຄວາມໝາຍວ່າ : (ເມື່ອເຈົ້າຈະເຮັດການລະຫມາດ ກໍ່ຈົ່ງເຮັດວຸດຸ ອາບນ້ຳລະຫມາດໃຫ້ຄົບຖ້ວນເຖິດ) [3]. [3] ບັນທຶກໂດຍ ອັລບຸກຄໍຣີ, ເລກທີ່ (5782).

2. ໃຫ້ຜູ້ລະຫມາດຫັນໜ້າໄປທາງກິບລັດ ກ່າວຄືຫັນໜ້າ ແລະ ຮ່າງກາຍທັ້ງໝົດໄປທາງທິດກະບະຫ໌ ເຊິ່ງຕັ້ງຢູ່ທີ່ນະຄອນເມືອງ ມັກກະຫ໌ ປະເທດຊາອຸດິ ອາຣາເບັຍ ດ້ວຍການຕັ້ງເຈດຈະນາວ່າຈະເຮັດການລະຫມາດຕາມທີ່ໄດ້ຕັ້ງໃຈເອົາໄວ້ ບໍ່ວ່າຈະເປັນການລະຫມາດຟັຣດູ (ພາກບັງຄັບ) ຫຼື ສຸ ນັດ (ພາກສົ່ງເສິມ) ແລະ ບໍ່ຕ້ອງເວົ້າຈາອອກມາຈາກສິ່ງທີ່ຕັ້ງໃຈໄວ້ ເພາະວ່າການ ເວົ້າຈາເປັນສຽງອອກມານັ້ນມີບົດບັນຍັດໄວ້ວ່າເປັນ “ບິດອະຫ໌” ຄື ການເຮັດສິ່ງອື່ນຈາກສິ່ງທີ່ທ່ານນະບີບໍ່ໄດ້ປະຕິບັດ ແລະ ທ່ານນະບີເອງກໍ່ບໍ່ເຄີຍກ່າວນຽດ ຫຼື ສິ່ງທີ່ຕັ້ງໃຈອອກມາເປັນວາຈາ ບັນດາສໍຫາບະຫ໌(ສະຫາຍ)ຂອງທ່ານນະບີກໍ່ເຄີຍເຮັດເຊັ່ນກັນ ຄວນຕ້ອງໃຫ້ມີສິ່ງກີດກັນ (ສຸຕເຣາະຫ໌) ໜ້າອິມາມທີ່ເປັນຜູ້ນຳໃນການລະຫມາດ ຫຼື ຂ້າງໜ້າຜູ້ທີ່ເຮັດການລະຫມາດຄົນດຽວ ການຫັນໜ້າໄປທາງກິບລັດເປັນເງື່ອນໄຂໃນການເຮັດລະຫມາດ ແຕ່ກໍມີລະນີທີ່ຢົກເວັ້ນ ເຊິ່ງຖືກຂຽນໄວ້ຢ່າງຊັດເຈນໃນຕຳລາຂອງນັກວິຊາການອິສລາມ (ເຊັ່ນ ການປະຕິບັດລະຫມາດໃນຢາມທີ່ຢ້ານກົວ ຫຼື ສົງຄາມ ແລະການລະຫມາດສຸນັດບົນພາການະໃນຂະນະທີ່ເດິນທາງ ດ້ວຍທີ່ເຮົາບໍ່ຮູ້ທິດຕະເວັນຕົກຢ່າງເເນ່ນອນ ກໍ່ສາມາດເຮັດການລະຫມາດຫັນ ໜ້າໄປທາງທີ່ເຮົາສະດວກໄດ້)

3. ຕັກບິຣໍຕຸລອິຫ໌ຣອມ ກ່າວຕັກບິຣພ້ວມສາຍຕາທີ່ເບິ່ງໄປບ່ອນສຸຢູດ (ກົມກາບ) ດ້ວຍຄຳກ່າວວ່າ “ອັລລໍຮຸ ອັກບັຣ” ມີຄວາມໝາຍວ່າ “ອັລລໍຫ໌ຜູ້ຊົງຍິ່ງໃຫຍ່”.

4. ຢົກຝ່າມື ທັ້ງສອງຂ້າງຂະນະຕັກບິຣ ກ່າວຄື ຢົກມືທັ້ງສອງຂ້າງຂະນະກ່າວຕັກບິຣ ໃຫ້ສູງລະດັບແຂນໄລ່ ຫຼື ຕິ່ງຫູດ້ວຍການເເບ່ນິ້ວມື ທັ້ງໝົດອອກ ແລະ ຫັນຝ່າມືໄປທາງກິບລັດ.

5. ວ່າງມື ທັ້ງສອງຂ້າງບົນໜ້າເອິກ ໃຫ້ວາງຝ່າມືຂວາທັບບົນມື ຊ້າຍ ຫຼື ບ່ອນຂໍ້ມືຊ້າຍ ຫຼື ວ່າງບ່ອນຊ່ວງແຂນຂະນະທີ່ຢືນລະຫມາດ ເພາະມີລາຍງານຈາກທ່ານນະບີ ຊັລລັລລໍຮຸ ອະໄລຮິ ວະສັລລຳ.

6. ສຸນັດສົ່ງເສິມໃຫ້ອ່ານດຸອາເປິດລະຫມາດ ອັລ-ອິສຕິຟຕາຫ໌ ກໍ່ຄື: ຄຳອ່ານ: (ອັລລໍຮຸມມະ ບາອີດໄບນີ ວະໄນນະ ຄໍຕໍຢາ ກະມາ ບາອັດຕະ ໄບນັລ ມັຊຣິກິ ວັລມັກຣິບ, ອັລລໍຮຸມມະ ນັກກິນີ ມິນັລ ຄໍຕໍຍາ ກະມາ ຍຸນັກກໍສ ເສົາບຸລ ອັບຍະດຸ ມິນັດດະນັສ, ອັລລໍຮຸມມັກ ສິລຄໍຕໍຢາຍະ ບິລມາອິ ວັສຊັລຈິ ວັລບະຣໍດິ) ຄວາມໝາຍວ່າ : ໂອ້ອັລລໍຫ໌ ຂໍຊົງແຍກບ່າວໃຫ້ຫ່າງໄກຈາກຄວາມຜິດປຽບດັງ ທີ່ພຣະອົງໄດ້ແຍກທິດຕະເວັນອອກກັບທິດຕະເວັນຕົກ ໂອ້ອັລລໍຫ໌ ຂໍພຣະອົງຊຳລະລ້າງບ່າວໃຫ້ບໍລິສຸດຈາກບາບ ດັງຜ້າຂາວສະອາດທີ່ຖືກຊຳລະອອກຈາກສິ່ງສົກກະປົກ ໂອ້ອັລລໍຫ໌ ໂປດລ້າງບ່າວຈາກຄວາມຜິດທັ້ງຫຼາຍ ດ້ວຍນ້ຳ, ດ້ວຍຫິມະ, ແລະ ນ້ຳລູກເຫັບ [4]. [4] ບັນທຶກໂດຍ ອັລບຸກຄໍຣີ, ເລກທີ່ (744) ແລະ ມຸສລິມ, ເລກທີ່ (598).

ຫຼື ຖ້າຕ້ອງການທີ່ຈະກ່າວອີກແບບໜຶ່ງແທນກໍ່ໄດ້, ກໍ່ຈົ່ງກ່າວວ່າ: ຄຳອ່ານ: (ຊູບຮານະ ກັລລໍຮຸມມະ ວະບິຮຳດິກະ ວະຕະບາຣໍ ກັສມຸກາ ວະຕະອາລາ ຈັດດຸກະ ວະລາອີລາຮະ ກ໋ອຍຣູກະ) ຄຳແປ: ມະຫາຄວາມບໍລິສຸດແດ່ພຣະອົງ, ໂອ້ອັລລໍຫ໌ ແລະ ການສັນເສີນທັງຫມົດເປັນຂອງພຣະອົງ, ຄວາມປະເສີດຢູ່ໃນພຣະນາມຂອງພຣະອົງ, ກຽດຂອງພຣະອົງນັ້ນສູງສົງ, ແລະ ບໍ່ມີພຣະເຈົ້າອື່ນໃດນອກຈາກພຣະອົງ” [5], ເມື່ອຜູ້ທີ່ຈະປະຕິບັດການລະຫມາດອ່ານດຸອາ ອັລ-ອິສຕິຟຕະຫ໌ ທີ່ມີສາຍງານ ຈາກທ່ານນະບີ ຊັລລັລລໍຫຸ ອະໄລຮິ ວະສັລລັມ ນອກຈາກສອງບົດດັງທີ່ກ່າວມາຂ້າງຕົ້ນ ກໍ່ຖືວ່າເປັນທີ່ອະນຸຍາດ ແລະ ຈະເປັນການດີຫຼາຍຫາກອ່ານດຸອາ ອັລ-ອິສ ຕິຟຕະຫ໌ ທີ່ບໍ່ຊ້ຳກັນ (ໃນແຕ່ລະຄັ້ງເວລາລະຫມາດ) ເພາະເປັນການປະຕິບັດຕາມສຸນນະຫ໌ຢ່າງສົມບູນ ຈາກນັ້ນໃຫ້ອ່ານຫຼັງຈາກດຸອາ ອັລ-ອິສຕິຟຕະຫ໌ ວ່າ: ອະອູຊຸ ບິລລາຮິ ມິນັຊ ໄຊ ຕອນ ນິຣຣໍຈີມ, ບິສມິລລາ ຫິຣ ເຣາະຫ໌ມານ ນິຣ ຣໍຫີມ, ແລ້ວອ່ານສູເຣາະຫ໌ ອັລ-ຟາຕີຫະຫ໌ ເພາະຈາກຄຳເວົ້າຂອງທ່ານນະບີ ຊໍລລັລລໍຫຸ ອະລັຍຮິ ວະສັລລັມ ທີ່ກ່າວໄວ້ວ່າ: ຄວາມໝາຍວ່າ: ການລະຫມາດຈະບໍ່ຖືກຕອບຮັບ ສຳລັບຜູ້ໃດທີ່ບໍ່ໄດ້ ອ່ານສູເຣາະຫ໌ ອັລ-ຟາຕີຫະຫ໌ [6]. ຫຼັງຈາກອ່ານສູເຣາະຫ໌ ອັລ-ຟາຕີຫະຫ໌ ເສັດຮຽບຮ້ອຍແລ້ວກໍ່ຈົງກ່າວວ່າ: “ອາມີນ” ເຊິງມີຄວາມໝາຍວ່າ: “ຂໍພຣະອົງອັລລໍຫ໌ຊົງຕອບຮັບ ດ້ວຍເຖິດ” ອ່ານສຽງດັງໃນການລະຫມາດທີ່ອ່ານສຽງດັງ (ຄື ມັກຣິບ, ອີຊາ, ແລະ ຊຸບຮີ) ແລະ ອ່ານດ້ວຍສຽງເບົາໃນການລະຫມາດທີ່ອ່ານບໍ່ສຽງດັງ (ຄື ຊຸຫ໌ຣີ, ແລະ ອັສຣີ) ແລະ ອ່ານຫຼັງຈາກນັ້ນຕາມດ້ວຍອາຍະຫ໌ອັລກຸຣອານທີ່ທ່ານສະດວກຈະອ່ານ ຈະເປັນການທີ່ດີສຸດຖ້າຫາກອ່ານສູເຣາະຫ໌ທີ່ມີຄວາມຍາວປານກາງ (ເອົາ-ສັດ ອັລ-ມຸຟັສສອລ) ໃນການລະຫມາດຊຸບຮີ (ຕອນເຊົ້າ), ແລະ ອ່ານສູເຣາະຫ໌ທີ່ຍາວ ແລະ ສັ່ນ (ກິສອສ ອັລ-ມູຟັສສອລ) ໃນບາງຄັ້ງໃນການລະຫມາດມັກຮິບ ນັ້ນຄື ການປະຕິບັດຕາມຫະດິຊທີ່ມີສາຍລາຍງານຈາກທ່ານນະບີ ຊັລລັລລໍຫຸ ອະລັຍຮິ ວະສັລ ລັມ. [5] ບັນທຶກໂດຍມຸສລິມ, ເລກທີ່ (399). [6] ບັນທຶກໂດຍອັລບຸກຄໍຣີ : ເລກທີ່ (756).

7. ກົ້ມຣູກົວະ ພ້ອມກ່າວຕັກບິຣ ຢົກມື ທັ້ງສອງຂ້າງໃຫ້ຢູ່ໃນລະດັບຫົວໄລ ຫຼື ຕິ່ງຫູ ພ້ອມກ່າວຕັກບິຣເພື່ອກົ້ມຣູກົວະ ໃຫ້ຫົວຕັ້ງກົງກັບແຜ່ນຫຼັງ ແລະ ວ່າງມືທັ້ງສອງຂ້າງເຖິງຫົວເຂົ່າໂດຍນິ້ວມືແຍກອອກຈາກກັນ ໃຫ້ມີຕຸມັນນີນະຫ໌ (ສະມາທິ ຫຼື ການເວັ້ນຊ່ວງໃຫ້ດົນພໍປະມານ) ໃນການຣູກົວະ ແລະ ກ່າວວ່າ: ຄຳອ່ານ : “ຊູບຮານະ ກັລລໍຮຸມມະ ວະບິຮຳດິກະ ອັລລໍຮຸມມະ ມັກຟິຣລີ” ຄວາມໝາຍວ່າ: ມະຫາບໍລິສຸດແດ່ພຣະອົງ ໂອ້ອັລລໍຫ໌ພຣະຜູ້ອະພິບານຂອງພວກເຮົາ ແລະ ດ້ວຍການສັນລະເສິນແດ່ພະອົງ ໂອ້ອັລລໍຫ໌ໂປດປະທານອະໄພຍະໂທດແກ່ຂ້ອຍດ້ວຍເຖິດ [7]. [7] ບັນທຶກໂດຍ ອັລບຸກຄໍຣີ, ເລກທີ່ (817) ແລະ ມຸສລິມ, ເລກທີ່ (484).

8. ເງີຍຫນ້າຂຶ້ນຈາກການຣູກົວະ ໃຫ້ຢົກມື ທັ້ງສອງຂ້າງໃຫ້ຢູ່ໃນລະດັບຫົວໄຫລ ຫຼື ຕິ່ງຫູ ພ້ອມກ່າວຕັກບິຣຂະນະເງີຍຫົວຂຶ້ນ ຈາກການຣູກົວະ ພ້ອມກ່າວວ່າ: “ສາມີອັລລໍຮຸ ລິມັນຮາ ມີດະຫ໌” ຄວາມໝາຍວ່າ: ອັລລໍຫ໌ຊົງໄດ້ຍິນ ສຳຫຼັບຜູ້ທີ່ສັນລະເສິນພຣະອົງ ໃຫ້ກ່າວເມື່ອເປັນອິມາມນຳລະຫມາດ ຫຼື ເມື່ອລະຫມາດຄົນດຽວ ຕອນຢືນກົງ ໃຫ້ກ່າວວ່າ: “ຣອບບະນາ ວະລາກັລຮຳ ຮຳດັນ ກະຊີຣອນ ຕ໋ອຍຢີບັນ ມູບາຣໍກັນ ຟີຮິ ມິລອັສສາມາ ວາຕິ ວະມິລອັລອັຣ ວະມິລອະ ມາຊິຕະ ມີນໄຊອິນ ບະດະຫ໌” ຄວາມໝາຍວ່າ: ໂອ້ພະຜູ້ອະພິບານແຫ່ງພວກເຮົາ ຂໍສັນລະເສິນແດ່ພຣະອົງ ດ້ວຍການສັນລະເສີນທີ່ທັ້ງຫຼາຍທີ່ດີ ແລະ ປະເສິດ ໃຫ້ເຕັມທັ້ງຟາກຟ້າ ແລະ ແຜ່ນດິນ, ແລະ ສິ່ງທີ່ຢູ່ໃນລະຫວ່າງທັ້ງສອງ ແລະ ເຕັມທຸກສິ່ງທີ່ພຣະອົງປະຊົງນອກເໜືອຈາກນັ້ນ [8]. [8] ບັນທຶກໂດຍ ອັລບຸກຄໍຣີ, ເລກທີ່ (711) ແລະ ມຸສລິມ, ເລກທີ່ (598).

ສຳຫຼັບມະມູມເຊິ່ງເປັນຜູ້ຕາມ ໃຫ້ກ່າວໃນຂະນະເງີຍໜ້າຂື້ນຈາກຣູກົວະດ້ວຍດຸອາຂ້າງຕົ້ນເຊັ່ນກັນ , ຖ້າຫາກຈະກ່າວເພິ່ມເຕິມທັ້ງຕອນເປັນອິມາມ ຫຼື ລະຫມາດຄົນດຽວວ່າ: “ອະຫ໌ລຸສ ສະນາອິ ວັລມະຈັດ ອະຮັກກຸມາ ກໍລັລອັບດຸ ວະກຸລລານາ ລະກະອັບ , ອັລລໍຮຸມມະ ລາມານິອະ ລິມາ ອະຕ໋ອຍຕະ ວະລາມັວະ ຕິຍາລິມາ ມານະຕະ ວະລາມັວະ ຕິຍະ ລິມາ ມານະຕາ ວະລາ ຍັນຟະອຸ ຊັລຈັດດິ ມິນກັລຈັດດຸ” ຄວາມໝາຍວ່າ: ພຣະອົງຜູ້ເປັນເຈົ້າຂອງການສັນລະເສິນ ແລະ ຄວາມຍິ່ງ ໃຫຍ່ ສິ່ງທີ່ບ່າວຄວນກ່າວຫຼາຍທີ່ສຸດ ເຊິ່ງພວກເຮົາທັ້ງຫຼາຍລ້ວນເປັນບ່າວຂອງພຣະອົງ ໂອ້ອັລລໍຫ໌ ພຣະຜູ້ອະພິບານແຫ່ງເຮົາ ບໍ່ມີຜູ້ໃດຫ້າມໄດ້ໃນສິ່ງທີ່ພຣະອົງຊົງປະທານ ແລະ ບໍ່ມີຜູ້ໃດໃຫ້ໄດ້ໃນສິ່ງທີ່ພຣະອົງຊົງຫ້າມໄວ້ ແລະ ຄວາມລ່ຳລວຍ/ອຳນາດຂອງຜູ້ໃດ ບໍ່ອາດອຳນວຍຜົນແກ່ຜູ້ຄົນນັ້ນຕໍ່ໜ້າພຣະອົງ (ຫຼື ຈາກການລົງໂທດຂອງພະອົງ) ໄດ້ [9]. ການອ່ານດຸອາຂ້າງຕົ້ນຈະເປັນສິ່ງທີ່ດີຫຼາຍ ເນື່ອງຈາກມີລາຍງານຈາກ ທ່ານນະບີ ຊໍລລັລລໍຫຸ ອະລັຍຮິ ວະສັລລັມ [9] ບັນທຶກໂດຍມຸສລິມ, ເລກທີ່ (477).

ແລະ ສຸນັດໃຫ້ວ່າງມື ທັ້ງສອງຂ້າງເຖິງໜ້າອົກ ໂດຍທີ່ມື ຂວາທັບມືຊ້າຍ ກ່າວຄື ເຮັດຄືກັບຂະນະຍື່ນກົງກ່ອນທີ່ຈະກົ້ມຣູກົວະ ເພາະມີສາຍລາຍງານຈາກທ່ານນະບີ ຊັລລັລລໍຫຸ ອະໄລຮິ ວະສັລລັມ ຈາກຫະດິຊ ວາອິລ ບິນ ຮາຈັຣ ແລະ ສະຫັລ ບິນ ສະ ອັດ ຣໍດີຍັລລໍຫຸ ອັນຮຸມາ.

9. ລົງສຸຢູດກົ້ມກາບພ້ອມກ່າວຕັກບິຣ ຫາກເປັນການສະດວກໃຫ້ເອົາຝ້າມືທັ້ງສອງລົງກ່ອນຫົວເຂົ່າ ແລະ ນິ້ວມືກັບນິ້ວຕີນຢັນກັບພື້ນ ພ້ອມຫັນທັ້ງນິ້ວມື ແລະ ນິ້ວຕີນໄປທາງກິບລັດໃນຂະນະສຸຢູດ ໃຫ້ຍຶດເອົາວ່າອະໄວຍະວະທັ້ງເຈັດຕ້ອງສຳຜັດກັບພື້ນທີ່ຈະສຸຢູດ ຄື ໜ້າຜາກກັບຫູດັງ, ຝ່າມືທັ້ງສອງຂ້າງ, ຫົວເຂົ່າທັ້ງສອງຂ້າງ, ແລະ ນິ້ວຕີນທັ້ງສອງຂ້າງ ໃຫ້ກ່າວຂະນະສຸຢູດ ວ່າ: "ຊຸບນາບະຣອບບິ ຍັລອະລາ" ຄວາມໝາຍວ່າ: ມະຫາບໍລິສຸດແດ່ພຣະຜູ້ອະພິບານຂອງຂ້ອຍ ຜູ້ຊົງສູງສົ່ງ, ຈະເປັນການດີຖ້າຫາກອ່ານສາມຄັ້ງ ຫຼືຫຼາຍກວ່ານັ້ນ ແລະ ສຸນັດໃຫ້ກ່າວພ້ອມດຸອາດັງນີ້ ຄື : ຄຳອ່ານ : “ຊູບຮານະ ກັລລໍຮຸມມະ ວະບິຮຳດິກະ ອັລລໍຮຸມມະ ມັກຟິຣລີ” ຄວາມໝາຍວ່າ: ມະຫາບໍລິສຸດແດ່ພຣະອົງ ໂອ້ອັລລໍຫ໌ພຣະຜູ້ອະພິບານຂອງພວກເຮົາ ແລະ ດ້ວຍການສັນລະເສິນແດ່ພະອົງ ໂອ້ອັລລໍຫ໌ໂປດປະທານອະໄພຍະໂທດແກ່ຂ້ອຍດ້ວຍເຖິດ, ຄວນມີການຂໍດຸອານີ້ໃຫ້ຫຼາຍ ໆ ໃນຂະນະສຸຢູດ ເນື່ອງຈາກຫະດິຊທ່ານ ນະບີ ຊັລລັລລໍຫຸ ອະລັຍຮິ ວະສັລລັມ ໄດ້ກ່າວວ່າ: ຄວາມໝາຍວ່າ: “ເມື່ອການກົ້ມຣູກົວະ ພວກທ່ານຈົ່ງກ່າວຢ້ອງຢໍເຖິງຄວາມຍິ່ງໃຫຍ່ຂອງອັລລໍຫ໌ ແລະ ເມື່ອຮອດສຸຢູດ ພວກທ່ານຈົ່ງພະຍາຍາມຂໍດຸອາໃຫ້ຫຼາຍໆ ເພາະນັ້ນຄື ຊ່ວງທີ່ດີທີ່ສຸດຂອງການຂໍ ເພາະ ອັລລໍຫ໌ຈະຕອບຮັບຈາກພວກທ່ານ [10]. [10] ບັນທຶກໂດຍມຸສລິມ, ເລກທີ່ (479).

ໃຫ້ຂໍແຕ່ຄວາມດີງາມທັ້ງໂລກນີ້ ແລະ ໂລກໜ້າຈາກພຣະອົງອັລລໍຫ໌ທັ້ງໃນ ການລະຫມາດຟັຣດູ ແລະ ລະຫມາດສຸນັດ ໃນຂະນະສຸຢູດ ທ່ານຈົ່ງຢືດແຂນໃຫ້ຫ່າງຈາກລຳຕົວ ໜ້າທອງ ແລະ ສະໂພກ, ແລະ ໃຫ້ສະໂພກຫ່າງຫຼື ແຍກອອກຈາກຂາ ພ້ອມກັບຍົກແຂນໃຫ້ຂຶ້ນເໜືອພື້ນ ດັງຄຳກ່າວຂອງທ່ານນະບີ ຊັລລັລລໍຮຸ ອະໄລຮິ ວະສັລລັມ: ຄວາມໝາຍວ່າ: “ທ່ານຈົ່ງສຸຢູດໃຫ້ດີພໍປານກາງ (ບໍ່ນອນລາບ ແລະ ບໍ່ງໍໂຕ) ແລະ ຫ້າມບຸກຄົນໃດວາງແຂນຂອງລາວບົນພື້ນເຊັ່ນດັງກັບຫມາເຮັດ” [11]. [11] ບັນທຶກໂດຍ ອັລບຸກຄໍຣີ, ເລກທີ່ (788) ແລະ ມຸສລິມ, ເລກທີ່ (493).

10. ຍົກຫົວຂຶ້ນພ້ອມກ່າວຕັກບິຣ ເມື່ອລຸກຂຶ້ນຈາກສຸຢູດໃຫ້ນັ່ງທັບເຖິງຕີນຊ້າຍທີ່ວາງພັບເຖິງພື້ນ ແລະ ໃຫ້ຕີນ ຂວາຍັນກັບພື້ນ ແລະ ນຳມືໄປວາງເຖິງຫົວເຂົ່າ ແລະ ຕົ້ນຂາທັ້ງສອງຂ້າງ ແລະ ໃຫ້ກ່າວວ່າ: “ຣອບບິກ ຟິຣລີ ວັຣຮັມນີ ວະຫ໌ດີນີ ວັຣຊຸກນີ ວະອາຟີນີ ວັຈບຸຣນີ” ຄວາມໝາຍວ່າ: ໂອ້ ອັລລໍຫ໌ ຂໍຊົງໂປດໃຫ້ການອະໄພຍະໂທດແກ່ຂ້ອຍ ຂໍຊົງໂປດເມດຕາຂ້ອຍ ຂໍຊົງໃຫ້ການຊີ້ນຳແກ່ຂ້ອຍ ຂໍຊົງໂປດປະທານປັດຈັຍຍັງຊີບແກ່ຂ້ອຍ ຂໍພຣະອົງໂປດຄຸ້ມຄອງຂ້ອຍ ແລະ ຊົງປະທານຄວາມລ່ຳລວຍໃຫ້ຂ້ອຍດ້ວຍທອນ [12]. ແລະ ໃຫ້ມີ ຕຸມະນີນະຫ໌ (ສະມາທິ ຫຼື ການເວັ້ນຊ່ວງໃຫ້ດົນພໍປະມານ) ໃນການນັ່ງ [12] ບັນທຶກໂດຍ ອັດຕິຣມີຊີ ເລກທີ່ (284), ແລະ ອະບູ ດາວູດ ເລກທີ່ (850), ແລະ ອິບນຸ ມາຈະຫ໌ ເລກທີ່ (898).

ສຸຢູດກາບຄັ້ງສຸດທ້າຍ ໃຫ້ກ່າວຕັກບິຣຂະນະລົງສຸຢູດ ແລະ ປະຕິບັດໃຫ້ຄື ກັບການສຸຢູດໃຫ້ຄັ້ງທຳອິດ.

12. ເງີຍຫົວຂຶ້ນຈາກການສຸຢູດພ້ອມກ່າວຕັກບິຣ ເມື່ອເງີຍຫົວຂຶ້ນຈາກສຸຢູດ ໃຫ້ນັ່ງແປບໜຶ່ງ ນັ່ງຄືກັບການນັ່ງລະວ່າງສອງສຸຢູດເຊິ່ງເອິ້ນວ່ານັ່ງພັກ ມັນຄືສຸນັດຖ້າຫາກບໍ່ປະຕິບັດເຊັ່ນນີ້ກໍ່ຖືວ່າບໍ່ໜ້າກຽດ ແລະ ບໍ່ມີການຊິກິຣ ຫຼື ດຸອາໃດໆໃນຂະນະນັ່ງພັກ ເສັດແລ້ວໃຫ້ລຸກຂຶ້ນລະຫມາດຣໍກະອັດທີ່ສອງ ໃຫມ່ ຈັບທີ່ຫົວເຂົ່າຂະນະລຸກຂຶ້ນຢືນຫາກເປັນການສະດວກ, ແຕ່ຖ້າຫາກລຳບາກກໍ່ໃຊ້ມືດັນກັບພື້ນ, ເມື່ອຢືນກົງແລ້ວໃຫ້ອ່ານ ສູເຣາະຫ໌ ອັລ-ຟາຕິຫະຫ໌ ແລະ ຕາມດ້ວຍອາຍະຫ໌ທີ່ສະດວກທີ່ຈະອ່ານ ໃຫ້ປະຕິບັດຄືກັບຣໍກະອັດທຳອິດ.

13. ກໍລະນີລະຫມາດສອງຣໍກະອັດ ການລະຫມາດທີ່ມີ 2 ຣໍກະອັດ ເຊັ່ນ ລະຫມາດຊຸບຮິ ລະຫມາດວັນສຸກ, ລະຫມາດວັນອີດ ວິທີ່ນັ່ງຫຼັງຈາກລຸກຂຶ້ ນຈາກການສຸຢູດຄັ້ງທີ່ສອງ ໃຫ້ນັ່ງບົນຕີນຊ້າຍທີ່ສຽບເຂົ້າໄປວາງໃຕ້ສະໂພກ ແລະ ໃຫ້ຕີນຂວາຍັນກັບພື້ນ, ນຳມືຂວາໄປວາງເຖິງຂາຂວາພ້ອມກັບກຳນິ້ວມືທັ້ງໝົດຢົກເວັ້ນນິ້ວຊີ້ ແລະ ຊີ້ນິ້ວຊີ້ເພື່ອເປັນສັນຍະລັກແຫ່ງຄວາມເປັນເອກະພາບຂອງພຣະອົງອັລລໍຫ໌, ຈະເປັນການດີຫຼາຍຫາກກຳນິ້ວກ້ອຍ ແລະ ນິ້ວກາງ ແລະໃຫ້ຫົວແມ່ມືຕໍກັນເປັນວົງກັບນິ້ວກາງ ແລະ ຊີ້ດ້ວຍນິ້ວຊີ້ ເນື່ອງຈາກການນັ່ງທັ້ງສອງລັກສະນະລ້ວນເປັນການປະຕິບັດຂອງທ່ານນະບີ ຊັລລັລລໍຫຸ ອະໄລຮິ ວະສັລລັມ ທັ້ງນັ້ນ ດັງນັ້ນ ຫາກປະຕິບັດທັ້ງສອງວິທີໂດຍບໍ່ຊ້ຳກັນຈະເປັນສິ່ງທີ່ດີຫຼາຍ ແລະ ໃຫ້ນຳມືຊ້າຍວາງເຖິງເຂົ່າຂາຂ້າງຊ້າຍ, ໃນຂະນະນັ່ງໃຫ້ອ່ານຕະຊະຮຸດ ຄື : ຄຳອ່ານ: ອັດຕະຮີຢາຕຸ ລິລລາຮິ , ວັສ ສໍລາວາຕຸ ວັດ ຕອຍຢີບາຕຸ , ອັສ ສະລາມຸ ອະໄລກາ ໄອຢູຮັນ ນະບີຍຸ ວະເຣາະມາ ຕຸລລໍຮິ ວະບະເຣາະກາຕຸ , ອັສສະລາມມຸ ອະໄລນາ ວະອະລາ ອິບາດີລລາຮິ ຊໍລີຮີນ ອັຊຮະດຸອັລລາ ອິລາຮະ ອິລລັລລໍຮ໌ , ວະອັຊຮະດຸ ອັນນະ ມຸຮຳມະດັນ ອັບດຸຮູ ວະເຣາະຊູລຸຮ໌. ຄຳແປ: (ຄວາມເຄົາລົບ, ຄວາມພັກດີ ແລະຄຸນນະທຳສິລະທັມທັ້ງຫລາຍ ເປັນສິດຂອງອັລລໍຮ໌ (ຫຼືຄວາມພັກດີ ຄືການເຮັດຄວາມດີທາງຄຳເວົ້າ ທາງກິລິຍາມາລະຍາດ ແລະທາງຊັບສິນທັ້ງຫລາຍເປັນສິດທິຂອງອັລລໍຮ໌ທັ້ງຫມົດ) ຂໍຄວາມສັນຕິສຸກ ຄວາມເມດຕາແຫ່ງອັລລໍຮ໌ ແລະຄວາມຈະເລີນແຫ່ງພຣະອົງຈົງມີແດ່ທ່ານ ໂອ້ທ່ານນາບີ ຂໍຄວາມສັນຕິສຸກ ຈົ່ງມີແກ່ພວກເຮົາ ແລະ ແກ່ບັນດາບ່າວຜູ້ທີ່ມີຄຸນນະທຳແຫ່ງອັລລໍຮ໌, ຂ້ອຍຂໍປະຕິຍານຕົນວ່າ ບໍ່ມີພຣະເຈົ້າອື່ນໃດນອກຈາກອັລລໍຮ໌ ແລະ ມຸຮຳມັດນັ້ນ ເປັນບ່າວ ແລະ ສາດສະດາທູດຂອງພຣະອົງ). ແລະ ກ່າວຕໍ່ອີກວ່າ: ຄຳອ່ານ: ອັລລໍຮ໌ຮຸມມາ ສໍລລີ ອະລາ ມຸຮຳມັດ ວະອາລາ ອາລີ ມຸຮຳມັດ ກະມາສໍລໄລຕະ ອະລາ ອິບຣໍຮີມ ວະ ອະລາ ອາລີ ອິບຣໍຮີມ ອິນນະກະ ຮະມິດ ດຸມ ມະຈີດ, ວະບາຣິກ ອະລາ ມຸຮຳມັດ ວະອະລາ ອາລີ ມຸຮຳມັດ ກະມາ ບາຣ໊ອກຕະ ອະລາ ອິບຣໍຮີມ ວະອະລາ ອາລີ ອິບຣໍຮີບ ອິນນະກະ ຮະມີດຸນ ມະຢີດ. ຄຳແປ : ໂອ້ ອັລລໍຮ໌ ໄດ້ໂປຼດເມດຕາ (ຫຼື ສັນລະເສີນຍົກຍ້ອງ) ມຸຮຳມັດ ແລະ ບໍລິວານຕະກູນຂອງມຸຮຳມັດ ຄືດັ່ງທີ່ໃຫ້ການສັນລະເສີນແກ່ ອິບຣໍຮີມ ແລະ ຄອບຄົວຂອງອິບຣໍຮີມ, ໂອ້ ອັລລໍຮ໌ ຂໍພຣະອົງໄດ້ໃຫ້ເພິ່ມຄວາມຈະເລີນໃຫ້ແກ່ມຸຮຳມັດ ແລະ ບໍລິວານຕະກູນຂອງມຸຮຳມັດ ຄືດັ່ງທີ່ໃຫ້ຄວາມຈະເລີນໃຫ້ແກ່ອິບຣໍຮີມ ແລະ ຄອບຄົວຂອງອິບຣໍຮີມ ແທ້ຈິງພຣະອົງເປັນພຣະເຈົ້າທີ່ຄູ່ຄວນການສັນລະເສີນໃຫ້ກຽດ. [13] ບັນທຶກໂດຍ ອັລບຸກຄໍຣີ, ເລກທີ່ (797) ແລະ ມຸສລິມ, ເລກທີ່ (402).

ແລະ ໃຫ້ກ່າວຂໍການຄຸ້ມຄອງຈາກອັລລໍຫ໌ ຈາກ 4 ຄວາມຊົ່ວຮ້າຍ ດັ່ງນີ້ ຄຳອ່ານ : (ອັລລໍຮຸມມະ ອິນນີ ອະອູຊຸ ບິກະ ມິນອະຊາບິ ຈະຮັນນຳ, ວະມິນ ອະຊາບິລ ກ໋ອບຣິ, ວະມິນ ຟິຕນະຕິລ ມະຫ໌ຍາ ວະມາມາຕ, ວະມິນ ຊັຣຣີ ຟິຕນະຫ໌ ມະຊີຮິດ ດັດຈານ) ຄວາມໝາຍ: “ຂ້ອຍຂໍການວິງວອນຈາກພຣະອົງອັລລໍຫ໌ ຂໍຊົງໂປດໃຫ້ຂ້ອຍຫ່າງໄກຈາກການທຳລະມານໃນນະລົກ ແລະ ຊົງໂປດໃຫ້ຂ້ອຍຫ່າງໄກຈາກການຖືກທໍລະມານໃນຫຼຸ່ມຝັງສົບ ແລະ ຊົງໂປດໃຫ້ຂ້ອຍຫ່າງໄກຈາກຄວາມຫາຍະນະໃນການໃຊ້ຊີວິດຄວາມເປັນຢູ່ປະຈຸບັນ ແລະ ຫຼັງຄວາມຕາຍ, ແລະ ຊົງໂປດໃຫ້ຂ້ອຍຫ່າງໄກຈາກຄວາມຫາຍະນະຊົ່ວຮ້າຍຟິຕນະຫ໌ຂອງດັດຈານ” [14]. [14] ບັນທຶກໂດຍ ອັລບຸກຄໍຣີ, ເລກທີ່ (1311) ແລະ ມຸສລິມ, ເລກທີ່ (588).

ໃຫ້ກ່າວຕາມດ້ວຍ ດຸອາ ຂໍຄວາມໂຊກດີມີໄຊ ທັ້ງໂລກນີ້ ແລະ ໂລກຫນ້າ ຕາມຄວາມປະສົ່ງຕ້ອງການ, ຫາກດຸອາ ໃຫ້ແກ່ພໍ່ແມ່ ຫຼື ຜູ້ອື່ນທີ່ເປັນມຸສລິມນັ້ນອະນຸຍາດໃຫ້ເຮັດໄດ້ ທັ້ງໃນລະຫມາດຟັຣດູ (ພາກບັງຄັບ) ແລະ ລະຫມາດສຸນນະຫ໌ (ຕາມໃຈສະຫມັກ) ເນື່ອງດ້ວຍຄຳກ່າວຂອງທ່ານນະບີ (ຊລ) ຈາກຫະດິຊຂອງທ່ຮນມັສອູດ ຣໍດີຍັລລໍຮຸ ອັນຮຸ ເມື່ອຄັ້ງທີ່ທ່ານຖືກສອນໃນເລື່ອງການນັ່ງຕະຊາຮຸດ: ( ໃຫ້ເລືອກສະລັບໄປມາຈາກດຸອາທີ່ທ່ານປະທັບໃຈ ແລະ ໃຫ້ເລືອກດຸອາຕາມທີ່ທ່ານມັກດຸອາ) [15]. ແລະ ໃນລາຍງານຫະດິຊບົດອື່ນ: (ໃຫ້ເລືອກຂໍພອນໃນສິ່ງທີ່ທ່ານຕ້ອງການ ສິ່ງທີ່ເປັນປະໂຫຍດຕໍ່ຕົນເອງ ຕາມສະດວກ) [16]. [15] ບັນທຶກໂດຍ ອັນນະສາອີ , ເລກທີ່ (1298). [16] ບັນທຶກໂດຍມຸສລິມ, ເລກທີ່ (402).

ແລະ ກວມເອົາທັ້ງສິ່ງເປັນປະໂຫຍດຕໍ່ບ່າວທັ້ງຫມົດທັ້ງໃນໂລກນີ້ ແລະ ໂລກຫນ້າ. ຫຼັງຈາກແລ້ວຈາກການຂໍດຸອາຂໍພອນ ໃຫ້ຫັນໃບໜ້າໄປທາງ ຂວາ ແລະ ຊ້າຍ ພ້ອມກ່າວສະລາມວ່າ : “ອັສສະລາມມຸ ອະໄລກຸມ ວະເຣາະມາຕຸລລໍຫ໌”

14. ກໍລະໜີລະຫມາດສາມ ຫຼື ສີ່ຣໍກະອັດ ການລະຫມາດທີ່ມີ 3 ຣໍກະອັດ ເຊັ່ນ ລະຫມາດມັກຣິບ ຫຼື ການລະມາດທີ່ ມີ 4 ຣໍກະອັດ ເຊັ່ນ ລະຫມາດຊູຫ໌ຣີ ລະຫມາດອັສຣີ ແລະ ລະຫມາດອີຊາ ໃຫ້ ອ່ານຕະຊະຮຸດຄັ້ງທຳອິດຄືກັບທີ່ເຮົາໄດ້ອະທິບາຍແລ້ວຂ້າງຕົ້ນ ພ້ອມກັບຂໍພອນ (ສໍລະວາດ) ໃຫ້ກັບທ່ານນະບີ ຊັລລັລລໍຫຸ ອະລັຍຮິ ວະສັລລັມ ເມື່ອເສັດສິ້ນແລ້ວໃຫ້ລຸກຂຶ້ນຢືນດ້ວຍການນຳມືທັ້ງສອງຂ້າງຈັບໄປທີ່ຫົວເຂົາຂະນະລຸກຂຶ້ນ ແລະ ຢົກມືທັ້ງສອງຂ້າງໃຫ້ຢູ່ລະດັບຫົວໄຫລ ຫຼື ຕິ່ງຫູຂະນະຢືນກົງພ້ອມກັບການກ່າວຕັກບິຣ “ອັລລໍຮຸ ອັກບັຣ” ຫຼັງຈາກນັ້ນໃຫ້ວາງມືທັ້ງສອງເຖິງໜ້າອົກ ດັງທີ່ໄດ້ສອນໄວ້ແລ້ວຕອນຕົ້ນ ແລະ ອ່ານສູເຣາະຫ໌ ອັລ-ຟາຕີຫະຫ໌ ຢ່າງດຽວໃນຣໍກະອັດທີ່ສາມ ແລະ ສີ່ ຖ້າອ່ານອາຍະຫ໌ອື່ນ ຫຼື ສູເຣາະຫ໌ອື່ນເພິ່ມຫຼັງຈາກ ອັລ-ຟາຕີຫະຫ໌ ໃນຣໍກະອັດທີ່ສາມ ແລະ ສີ່ ໃນການລະຫມາດຊຸຫຣີ ເປັນບາງຄັ້ງບາງຄ່າວກໍ່ຖືເປັນທີ່ອະນຸຍາດໃຫ້ເຮັດໄດ້ ເນື່ອງຈາກມີສາຍລາຍງານບົ່ງບອກກ່ຽວກັບເລື່ອງດັງກ່າວຈາກຫະດິຊ ຂອງອາບູ ສະອີດ ຣໍດິຍັລລໍຮຸ ອັນຮຸ ໃຫ້ນັ່ງອ່ານຕະຊະຫຸດສຸດທ້າຍ (ຄັ້ງທີ່ສອງ) ໃນຣໍກະອັດທີ່ສາມສຳລັບລະຫມາດມັກຣິບ ແລະ ໃຫ້ນັ່ງອ່ານຕະຊະຫຸດສຸດທ້າຍໃນຣໍກະອັດທີ່ສີ່ ສຳຫຼັບລະຫມາດ ຊຸຫ໌ຣີ ອັສຣີ ແລະ ອີຊາ ຄືກັບການກ່າວໃນລະຫມາດສອງຣໍກະອັດດັງທີ່ໄດ້ອະທິບາຍ ໄວ້ແລ້ວຂ້າງຕົ້ນ ແລະ ເມື່ອເສັດສິ້ນຈາກການອ່ານຕະຊະຮຸດສຸດທ້າຍແລ້ວ ກໍ່ໃຫ້ສະລາມຫັນໄປທາງຂວາກ່ອນ ແລະ ຕາມດ້ວຍຫັນໄປຂ້າງຊ້າຍ, ສິ່ງທີ່ເປັນສຸນັດ (ສົ່ງເສິມ) ໃຫ້ກ່າວຫຼັງລະຫມາດ - ການຂໍອະໄພອະຍະໂທດຈາກອັລລໍຫ໌ 3 ຄັ້ງຄື: "ອັສຕັກຟີ ຣຸລລໍຫ໌" ແລະ ກ່າວດຸອາອີກຄື: (ອັລລໍຮຸມມະ ອັນຕັສສະລາມ ວະມິນກັສສະລາມ, ຕະບາຣອກຕະ ຢາຊັລຈະລາ ລິວັລອິກຣອມ) [17]. ຄວາມໝາຍວ່າ: “ຂ້າພະເຈົ້າຂໍວິງວອນຈາກພຣະອົງອັລລໍຫ໌ ພຣະອົງຄືຄວາມສັນຕິສຸກ, ຄວາມສັນຕິທັ້ງຫຼາຍມາຈາກພຣະອົງ ພຣະອົງຊົງເປັນຜູ້ທີ່ປະເສິດ ໂອ໋ ພຣະອົງຊົງເປັນຜູ້ຄອບຄອງທັ້ງຄວາມຍິ່ງໃຫຍ່ ແລະ ກຽດຕິຢົດ ອິມາມຈະກ່າວດຸອານີ້ ກ່ອນທີ່ຈະຫັນໜ້າໄປທາງມະຫ໌ມູມ: ຄວາມໝາຍ: “ບໍ່ມີພຣະເຈົ້າອື່ນໃດນອກຈາກອັລລໍຫ໌ ພຽງພຣະອົງດຽວ ບໍ່ມີພາຄີໃດໆ ຄວບຄູ່ກັບພຣະອົງ ອຳນາດເປັນຂອງພຣະອົງ, ພຣະອົງມີເດຊານຸພາບເໜືອທຸກສິ່ງ ໂອ້ອັລລໍຫ໌ ພຣະຜູ້ອະພິບານແຫ່ງເຮົາ ບໍ່ມີຜູ້ໃດຫ້າມໄດ້ໃນສິ່ງທີ່ພຣະອົງຊົງປະທານ ແລະ ບໍ່ມີຜູ້ໃດໃຫ້ໄດ້ໃນສິ່ງທີ່ພຣະອົງຊົງຫ້າມໄວ້ ແລະຄວາມລ່ຳລວຍ ອຳນາດຂອງຜູ້ໃດບໍ່ອາດອຳນວຍຜົນແກ່ຜູ້ຄົນນັ້ນຕໍ່ໜ້າພຣະອົງ (ຫຼື ຈາກການລົງໂທດຂອງພຣະອົງ)ໄດ້ ບໍ່ມີຄວາມສາມາດ ແລະ ພຣະລັງອຳນາດໃດໆ ນອກຈາກພຣະອົງອັລລໍຫ໌ ແລະ ບໍ່ມີການເຄົາລົບພັກດີອື່ນໃດນອກຈາກພຣະອົງ, ພຣະອົງຊົງສິດທິໃນການປະທານ ຄວາມສິດທິໃນຄວາມປະເສິດ ຊົງສິດທິໃນການສັນລະເສິນທີ່ດີງາມ ບໍ່ມີພຣະເຈົ້າອື່ນໃດນອກຈາກພຣະອົງ ດ້ວຍຄວາມບໍລິສຸດໃນໃຈ ການເສິດຊູສາສະໜາຂອງພຣະອົງ ເຖິ່ງວ່າບັນດາຄົນກາຟິຣ (ຜູ້ປະຕິເສດ) ຈະກຽດຊັງບໍ່ມັກເຮົາກໍ່ຕາມ" [18]. [17] ບັນທຶກໂດຍມຸສລິມ, ເລກທີ່ (591). [18] ບັນທຶກໂດຍມຸສລິມ, ເລກທີ່ (402).

ແລະ ການກ່າວຕັສບີຫ໌ຫຼັງລະຫມາດຄື: - ກ່າວຕັສບີຫ໌ 33 ຄັ້ງ (ຊູບຮານັລລໍຫ໌) ຄວາມໝາຍວ່າ: “ພຣະອົງອັລລໍຫ໌ຊົງບໍລິສຸດທີ່ສຸດ” - ກ່າວຕະຫ໌ມີດ 33 ຄັ້ງ (ອັລຮຳດຸລິລລາຫ໌) ຄວາມໝາຍວ່າ: “ການສັນລະເສິນທັ້ງມວນເປັນສິດທິຂອງພະອົງອັລລໍຫ໌” - ກ່າວຕັກບີຣ 33 ຄັ້ງ (ອັລລໍຮຸ ອັກບັຣ) ຄວາມໝາຍວ່າ: “ພຣະອົງອັລລໍຫ໌ສົງຍິ່ງໃຫຍ່” ລວມກັນເປັນ 99 ແລະ ເພິ່ມອີກໜຶ່ງ ເປັນ 100 ກໍຄື: "ລາອິລາຮະ ອິລລັລລໍ ວະຫ໌ດະຮູ ລາຊະຣີກະລະຫ໌ ລະຮຸລມຸລກຸ ວະລາຮູລ ຮຳດູ ວະຮຸວາ ອະລາ ກຸລລິໄຊ ອິນກໍດິຣ" ແລະໃຫ້ອ່ານສາມກູນຄື: ອ່ານສູເຣາະຫ໌ ອັລ-ອິກລາສ, ສູເຣາະຫ໌ ອັລ-ຟະລັກ, ແລະ ສູເຣາະຫ໌ ອັລ- ນາສ ສຸນັດໃຫ້ອ່ານສູເຣາະຫ໌ທັ້ງສາມ: 3 ຄັ້ງ ຫຼັງຈາກລະຫມາດຊຸບຮີ ແລະ ຫຼັງລະຫມາດມັກຣິບ ເນື່ອງຈາກມີຫຼາຍຫະດິຊທີ່ລາຍງານເລື່ອງດັງກ່າວຈາກທ່ານນະບີ ຊັລລັລລໍຫຸ ອະລັຍຮິ ວະສັລລັມ.

ລະຫມາດສຸນັດ ອັຣ-ຣໍວາຕິບ ໄດ້ຖືກບັນຍັດແກ່ມຸສລິມທຸດຄົນໃຫ້ລະຫມາດສຸນັດກ່ອນລະຫມາດຊຸຫ໌ຣີ 4 ຣໍກະອັດ (ລະຫມາດຄັ້ງລະ 2 ຣໍກະອັດ) ຫຼັງຊຸຫ໌ຣີ 2 ຣໍກະອັດ, ລະຫມາດສຸນັດຫຼັງ ມັກຣິບ 2 ຣໍກະອັດ, ລະຫມາດສຸນັດຫຼັງອີຊາ 2 ຣໍກະອັດ, ແລະ ລະຫມາດສຸນັດ ກ່ອນຊູບຮີ 2 ຣໍກະອັດ, ຮວມທັ້ງໝົດເປັນ 12 ຣໍກະອັດ ການລະຫມາດສຸນັດ 12 ຣໍກະອັດດັງກ່າວເອິ້ນວ່າ ອັຣ-ຣໍວາຕິບ ເຊິ່ງທ່ານນະບີ ຊັລລັລລໍຫຸ ອະລັຍຮິ ວະສັລລັມ ໄດ້ຮັກສາປະຕິບັດການລະຫມາດສຸນັດດັງກ່າວໃນ ຍາມທີ່ທ່ານອະໄສຢູ່ພູມລຳເນົາ ແຕ່ເມື່ອທ່ານເດິນທາງ ທ່ານກໍ່ຈະລະຖິ້ມການລະຫມາດສຸນັດດັງກ່າວ ນອກຈາກວ່າລະຫມາດສຸນັດກ່ອນຊູບຮີ ແລະ ລະຫມາດສຸນັດວິຕິຣ ເຊິ່ງເປັນສິ່ງທີ່ທ່ານນະບີ ຊັລລັລລໍຫຸ ອະລັຍຮິ ວະສັລລັມ ຈະປະຕິບັດມັນເປັນຕະຫຼອດທັ້ງຢາມທີ່ອະໄສຢູ່ພູມລຳເນົາ ແລະ ຢາມເດິນທາງ, ການລະຫມາດສຸນັດ ອັຣ-ຣໍວາຕິບຢູ່ເຮືອນຈະເປັນສິ່ງທີ່ດີກວ່າ ແຕ່ຖ້າລະຫມາດຢູ່ມັສຍິດກໍ່ສາມາດເຮັດໄດ້ ເພາະຈາກຄຳສອນຂອງທ່ານນະບີ ຊັລລັລລໍຫຸ ອະລັຍຮິ ວະສັລລັມ ກ່າວໄວ້ວ່າ: ຄວາມໝາຍວ່າ: “ການລະຫມາດທີ່ດີປະເສິດສຸດຂອງບຸກຄົນໜຶ່ງນັ້ນ ຄື ປະຕິບັດ ລະຫມາດຢູ່ເຮືອນ ນອກຈາກວ່າການລະຫມາດຟັຣດູ (ພາກບັງຄັບ) ໃຫ້ລະຫມາດຢູ່ມັສຍິດ” [19]. [19] ບັນທຶກໂດຍອັລບຸກຄໍຣີ : ເລກທີ່ (6860).

ການຮັກສາລະຫມາດສຸນັດ ອັຣ-ຣໍວາຕິບ 12 ຣໍກະອັດໃຫ້ໄດ້ຕະຫຼອດໄປນັ້ນ ເປັນສາເຫດໜຶ່ງເຮັດໃຫ້ໄດ້ເຂົ້າສວນສະຫວັນ ເພາະຈາກຄຳກ່າວຂອງທ່ານນະບີ ຊັລລັລລໍຫຸ ອະລັຍຮິ ວະສັລລັມ ວ່າ: ຄວາມໝາຍວ່າ: “ຜູ້ໃດລະຫມາດສຸນັດ 12 ຣໍກະອັດ ໃນຍາມສວາຍ ແລະ ຍາມຄຳຄືນຂອງເຂົາ ດ້ວຍຄວາມສະມັກໃຈ ພຣະອົງຈະສ້າງບ້ານໃຫ້ເຂົາໃນສວນສະຫວັນ” [20]. [20] ບັນທຶກໂດຍມຸສລິມ, ເລກທີ່ (728).

ຖ້າຫາກລະຫມາດສຸນັດກ່ອນລະຫມາດອັສຣີ 4 ຣໍກະອັດ, ກ່ອນລະຫມາດ ມັກຣິບ 2 ຣໍກະອັດ, ແລະ ກ່ອນລະຫມາດອີຊາ 2 ຣໍກະອັດ, ຍ່ອມເປັນສິ່ງທີ່ດີງາມ ເພາະສິ່ງດັງກ່າວເປັນສິ່ງທີ່ຖືກຕ້ອງເຊິ່ງມີລາຍງານຈາກທ່ານນະບີ ຊັລລັລລໍຫຸ ອະລັຍ ຮິ ວະສັລລັມ ວ່າ: (ຜູ້ໃດຮັກສາໄວ້ເຊິ່ງການລະຫມາດ 4 ຣໍກະອັດກ່ອນຊຸຫ໌ຣີ ແລະ 4 ຣໍກະອັດຫຼັງຈາກມັນ ອັລລໍຫ໌ຈະຊົງຫ້າມລາວ (ບໍ່ໃຫ້ຖືກໂຍນ) ເຂົ້າສູ່ໄຟນະລົກ) [21]. ແລະ ຄວາມໝາຍກໍ່ຄື ລາວໄດ້ເພິ່ມອີກສອງຣໍກະອັດ (ຮອບລະສອງຣໍກະອັດ) ຫຼັງຈາກລະຫມາດຊຸຫ໌ຣີ ຈາກຊຸນນະຫ໌ຣໍວາຕິບ ທີ່ມີຢູ່ແລ້ວ ເພາະຊຸນນະຫ໌ ຣໍວາຕິບນັ້ນມີ 4 ຣໍກະອັດ ກ່ອນຊຸຫ໌ຣີ ແລະ ສອງຣໍກະອັດ ຫຼັງລະຫມາດຊຸຫ໌ຣີ, ດັງນັ້ນຫາກລາວເພິ່ມອີກສອງຣໍກະອັດ ຫຼັງຊຸຫ໌ຣີ ກໍ່ຈະໄດ້ຮັບຜົນລະບຸນຕາມທີ່ກ່າວໄວ້ໃນຫະດິຊຂອງທ່ານຍິງອຸມມຸ ຮາບີບະຫ໌ ຣໍດີຍັລລໍຮຸ ອັນຮາ. [21] ອະຫ໌ມັດ ເລກທີ່: (25547), ແລະ ຕິຣມີຊີ ເລກທີ່: (393), ແລະ ອະບູ ດາວູດ ເລກທີ່: (1077).

ຂໍອັລລໍຫ໌ປະທານເຕົາຟີກ (ທາງນຳ) ຂໍຄວາມຈຳເລິນ ແລະ ຄວາມສັນຕິສຸກ ຈົ່ງປະສົບແກ່ທ່ານນະບີຂອງເຮົາ ຊັລລັລລໍຫຸ ອະລັຍຮິ ວະສັລລັມ ຄື ທ່ານນະບີ ມຸຮຳມັດ ລູກຂອງອັບດຸລລໍຫ໌ ຕະຫຼອດຮອດຄົນໃນຄອບຄົວພີ່ນ້ອງຂອງທ່ານ ແລະ ສະຫາຍຂອງທ່ານທັ້ງຫຼາຍ ແລະ ຜູ້ທີ່ຮຽນຮູ້ສຶກສາປະຕິບັດຄວາມງາມຄວາມດີຕາມ ແນວທາງຂອງທ່ານຈົນຮອດວັນສິ້ນໂລກ ອາມີນ.