Name: ఇస్లామీయ విశ్వాసము యొక్క సారాంశము
Author: ముహమ్మద్ ఇబ్నె సాలిహ్ అల్ ఉథైమీన్

ఇస్లామీయ విశ్వాసము యొక్క సారాంశము

ఈ పుస్తకం ఈమాన్ యొక్క మౌలికాంశాలను వివరిస్తుంది; అంటే అల్లాహ్'పై, ఆయన దైవదూతలపై, ఆయన గ్రంథములపై, ఆయన ప్రవక్తలపై, అంతిమ దినముపై మరియు విధివ్రాతపై విశ్వాసము. ఇంకా ముస్లింలు విశ్వసించి వాటి ప్రకారమే ఆచరించవలసిన మౌలిక సూత్రాలను ఈ పుస్తకం చూపుతున్నది, అలాగే ఇస్లామీయ అఖీదాను (విశ్వాసమును, సిద్ధాంతమును) లోతుగా అర్థం చేసుకోవడం ద్వారా అల్లాహ్‌తో సంబంధాన్ని దృఢపరచడం యొక్క ప్రాముఖ్యతను ఉద్ఘాటిస్తున్నది.

భాష: lang_te

సిద్ధం చేసినవారు: ముహమ్మద్ ఇబ్నె సాలిహ్ అల్ ఉథైమీన్

సంస్కరణ: 1.2

Download PDF 1.2 MB

This PDF is generated automatically from the book's text; its layout may differ from the printed edition.

అనువాదాలు 41

Font size

అప్పుడప్పుడు దైవదూతలు అల్లాహ్ ఆదేశము మెరకు మానవ రూపంలో కూడా ప్రత్యక్షమవుతారు. జిబ్రయీల్ అలైహిస్సలాం విషయంలో కూడా అలాగే జరిగింది; అల్లాహ్ ఆయనను మర్యమ్ అలైహిస్సలాం వద్దకు పంపించినప్పుడు ఆయన ఆమె వద్దకు సామాన్య మానవుని రూపంలో ప్రత్యక్షమయ్యారు. అలాగే, దైవప్రవక్త సల్లల్లాహు అలైహి వసల్లం తన సహచరులతో కూర్చున్నప్పుడు, ఆయన స్వచ్ఛమైన తెల్లటి వస్త్రాలు ధరించి, నల్లటి జుట్టును కలిగిన ఒక మానవుని రూపంలో వచ్చారు; ఆయనపై ఎటువంటి ప్రయాణ చిహ్నములు కనిపించలేదు, దైవప్రవక్త సల్లల్లాహు అలైహి వసల్లం సహచరులలోంచి ఎవరికీ ఆయన ఎవరో తెలియదు. ఆయన వచ్చి దైవప్రవక్త సల్లల్లాహు అలైహి వసల్లం మోకాళ్లకు తన మోకాళ్లను ఆనించి, తన అరచేతులను ఆయన తొడలపై పెట్టారు. ఆ తరువాత ఆయన దైవప్రవక్త సల్లల్లాహు అలైహి వసల్లంతో ఇస్లాం గురించి, ఈమాన్ గురించి, ఇహ్సాన్ గురించి, ప్రళయము మరియు దాని సూచనల గురించి ప్రశ్నించారు; దానికి దైవప్రవక్త సల్లల్లాహు అలైహి వసల్లం సమాధానమిచ్చారు. ఆయన వెళ్ళిపోయిన తరువాత దైవప్రవక్త సల్లల్లాహు అలైహి వసల్లం అన్నారు: ఇతనే జిబ్రయీల్ అలైహిస్సలాం; మీకు మీ ధర్మం గురించి నేర్పటానికి మీ వద్దకు వచ్చారు.[8] [8] దీనిని ముస్లిం కితాబుల్ ఈమాన్ లో నమోదు చేసినారు, బాబు బయానుల్ ఈమాని వల్ ఇస్లామి వల్ ఇహ్సాని వ వుజూబిల్ ఈమాని బిథ్‌బాతి ఖదరిల్లాహి సుభానహు వ తఆలా, హదీథు సంఖ్య (8).

అబ్దుల్లాహ్ ఇబ్న్ ఉమర్ రదియల్లాహు అన్హుమా ఉల్లేఖన: ప్రవక్త సల్లల్లాహు అలైహి వసల్లం ఇలా ప్రవచించారు: “నిశ్చయంగా అల్లాహ్ విశ్వాసపరుడిని దగ్గరకు తీసుకుని, అతని పై తన కనఫహ్ — అంటే పరదా — కప్పి అతడిని మరుగు పరుస్తాడు. తరువాత అతని పాపాలను ఒప్పుకునేలా చేస్తాడు; ‘నీవు ఫలానా పాపం చేశావు కదా? నీవు ఫలానా పాపం చేశావు కదా?’ అని అడుగుతాడు. అతను: ‘అవును, ఓ నా ప్రభూ’ అని సమాధానమిస్తాడు. చివరికి అతను తన పాపాలను అంగీకరించిన తరువాత, తాను వినాశనానికి గురి అవుతాడని తన మనసులో భావించినప్పుడు, అల్లాహ్ ఇలా అంటాడు: ‘ఇహలోకములో వాటిని నీపై నేను దాచి ఉంచాను; ఈ రోజు వాటిని నీ కొరకు క్షమిస్తున్నాను.’ ఆపై అతనికి అతని సత్కర్మల పత్రం ఇవ్వబడుతుంది. ఇక అవిశ్వాసులు మరియు కపటుల విషయానికొస్తే, వారిని సమస్త సృష్టి ముందు పిలిచి ఇలా ప్రకటించబడుతుంది: ‘వీరే తమ ప్రభువుపై అబద్ధం చెప్పినవారు. వినండి, దుర్మార్గులపై అల్లాహ్ యొక్క శాపము కురియుగాక.’[14]” (బుఖారీ, ముస్లిం) [14] దీనిని బుఖారీ కితాబుల్ మజాలిమ్ లో నమోదు చేసినారు. బాబు ఖౌలుల్లాహి తఅాలా: «అలా లఅనతుల్లాహి అలా అజ్-జాలిమీన్», హదీథు సంఖ్య (2309), మరియు ముస్లిం కితాబ్ అత్తౌబా లో నమోదు చేసినారు. బాబు కుబూల్ తౌబతిల్ ఖాతిల్, వ ఇన్ కథుర ఖత్లుహు, హదీథు సంఖ్య (2768).

స్వర్గం ఒక ఆనంద నిలయం. దానిని అల్లాహ్ ముస్లింల (తనకు విధేయులైన వారి) కోసం మరియు భక్తుల (తన పట్ల భయభక్తులు చూపే మత్తఖీల) కోసం సిద్ధం చేశాడు. వారు దేనినైతే విశ్వసించమని అల్లాహ్ ఆదేశించాడో, దానిని విశ్వసించారు. అల్లాహ్ మరియు ఆయన ప్రవక్తకు విధేయులై ఉన్నారు. అల్లాహ్ కు విధేయత చూపడంలో నిజాయితీగా, ఆయన ప్రవక్తను అనుసరించడంలో నిష్ఠగా ఉన్నారు. అందు వలన వారి కొరకు అక్కడ వివిధ రకాల ఆనందాలు ఉన్నాయి. «ఏ కన్ను చూడని, ఏ చెవి వినని మరియు ఏ మానవ హృదయములో తట్టనివి» [16]، మహోన్నతుడైన అల్లాహ్ ప్రకటన: నిశ్చయంగా, విశ్వసించి సత్కార్యాలు చేసేవారు, వారే సృష్టిలో అత్యంత ఉత్కృష్ట జీవులు. వారి ప్రతిఫలం వారి ప్రభువు వద్ద నిత్య స్వర్గాలు, వాటి క్రింద నదులు ప్రవహిస్తాయి, అందులో శాశ్వతంగా ఉంటారు. అల్లాహ్ వారితో సంతృప్తి చెందాడు మరియు వారు ఆయనతో సంతృప్తి చెందారు. ఇది తమ ప్రభువును భయపడే వారికి. [అల్-బయ్యినహ్ 98:7-8] మరియు మహోన్నతుడైన అల్లాహ్ ప్రకటన: కాని వారికి, వారి కర్మల ఫలితంగా వారి కొరకు (పరలోకంలో) కళ్ళకు చలువనిచ్చే ఎటువంటి సామాగ్రి దాచి పెట్టబడి ఉందో ఏ ప్రాణికీ తెలియదు. [అస్-సజదహ్ 32:17] [16] దీనిని బుఖారీ, హదీథు సంఖ్య. 4501, 'కితాబ్ అల్ తఫ్సీర్', అధ్యాయం: అల్లాహ్ వాక్కు: 'ఏ ప్రాణీ వారికి దాచి ఉంచబడిన నేత్రానందాన్ని ఎరుగదు' మరియు ముస్లిం, హదీథు సంఖ్య. 2824, 'కితాబ్ అల్-జన్నాహ్ వ-సిఫతి నఈమిహా వా-అహ్లిహా'లో ఉదహరించారు.

సహీహ్ ముస్లింలో జైద్ ఇబ్న్ థాబిత్ రదియల్లాహు అన్హు ఉల్లేఖన, దైవప్రవక్త సల్లల్లాహు అలైహి వసల్లం ఇలా సెలవిచ్చారు: ఒకవేళ మీరు మృతులను సమాధి చేయరన్న భయం లేకుంటే నేను మీకొరకు నేను వినే సమాధి శిక్షలనే మీకు వినిపించమని దుఆ చేసేవాడిని. తరువాత ఆయన సల్లల్లాహు అలైహి వసల్లం తన ముఖాన్ని వారి వైపు తిప్పుకుని ఇలా పలికినారు: నరకాగ్ని శిక్ష నుండి అల్లాహ్ శరణు కోరండి. వారు ఇలా పలుకుతారు : "మేము నరకాగ్ని శిక్ష నుండి అల్లాహ్ శరణు కోరుచున్నాము." అపుడు ఆయన ఇలా పలికినారు: అల్లాహ్ వద్ద సమాధి శిక్ష నుండి శరణు వేడుకోండి. వారు పలికారు: “మేము అల్లాహ్ వద్ద సమాధి శిక్ష నుండి శరణు కోరుచున్నాము,” అపుడు ఆయన ఇలా పలికినారు: ప్రకటమైనవియు, గుప్తమైనవియు అయిన పరీక్షల నుండి అల్లాహ్ శరణు వేడుకోండి. దానికి వారు ఇలా అన్నారు : “మేము అల్లాహ్ వద్ద ఫితన్ (పరీక్షలు)లో బయల్పడినవైనా, దాగి ఉన్నవైనా వాటి నుండి శరణు కోరుచున్నాము.” అపుడు ఆయన ఇలా అన్నారు: దజ్జాల్ ఉపద్రవపు కీడు నుండి అల్లాహ్ శరణు వేడుకోండి. దానికి వారు “మేము దజ్జాల్ ఉపద్రవం నుండి అల్లాహ్ శరణు వేడుకుంటున్నాము” అని బదులిచ్చారు [17]. [17] దీనిని ముస్లిం కితాబుల్ జన్నతి వ సిఫతు నయీమిహా వ అహ్లుహాలో నమోదు చేసినారు, బాబు అరాజి మఖ్అదిల్ మయ్యితి మినల్ జన్నతి అవ్ న్నారి అలైహి వ ఇథ్బాతి అజాబిల్ ఖబరి వత్తఅవ్వుజి మిన్హు, హదీథు సంఖ్య (2867).

మూడవది: బుఖారీ మరియు ముస్లింలు నమోదు చేసిన హదీథు (ఇక్కడ బుఖారీ భాష ఉపయోగించబడింది). అలీ ఇబ్న్ అబీ తాలిబ్ (రదియల్లాహ్ అన్హు) నుండి ఉదహరించబడింది. ప్రవక్త ముహమ్మద్ సల్లల్లాహు అలైహి వసల్లం ఇలా అన్నారు: మీలో ఎవరూ లేరు, కానీ అగ్నిలో (నరకం) లేదా స్వర్గంలో వారి స్థానం వ్రాయబడింది. అప్పుడు ప్రజలలో ఒక వ్యక్తి, 'ఓ అల్లాహ్ యొక్క ప్రవక్తా! మేము (మన విధిపై) ఆధారపడవచ్చా?' అని అడిగాడు. అపుడు ఆయన ఇలా అన్నారు: లేదు, మీరు మీ పనులు చేయండి. ఎందుకంటే ప్రతి ఒక్కరికీ (వారు దేనికోసం సృష్టించబడ్డారో) అది సులభతరం చేయబడింది. తరువాత ఆయన సల్లల్లాహు అలైహి వసల్లం ఇలా పఠించినారు: కాని ఎవడైతే (దానధర్మాలు) చేస్తూ దైవభీతి కలిగి ఉంటాడో! [అల్-లైల్ 92:5] ముస్లిం హదీథు పదాలలో ఇలా ఉన్నది: «ప్రతి ఒక్కరికి ఆ పని శులభతరం చేయబడినది దేని కొరకైతే వారు సృష్టించబడ్డారో»[21] దైవప్రవక్త సల్లల్లాహు అలైహి వసల్లం పని చేయమని ఆజ్ఞ ఇచ్చారు మరియు విధిపై ఆధారపడి కూర్చోవడాన్ని నిషేధించారు. [21] అల్-బుఖారీ: కితాబుల్-ఖదర్, బాబ్: వకాన అమ్రుల్లాహి ఖదరన్ మక్దూరన్, హదీథు సంఖ్య (6605); మరియు ముస్లిం: కితాబుల్-ఖదర్, బాబ్: మనిషి తన తల్లి గర్భంలో ఎలా సృష్టించబడతాడో, అతనిసంపద. మరణం (రిజ్కు, అజల్) (ఆయుష్షు), అమలు, దురదృష్టం మరియు సౌభాగ్యం వ్రాయబడుట గురించి, హదీథు సంఖ్య (2647).

ఇస్లామీయ విశ్వాసము యొక్క సారాంశము

ఇస్లామీయ విశ్వాసం యొక్క సారాంశము

ముందుమాట

ఇస్లామీయ ధర్మము

ఇస్లాం మూలస్థంభాలు

ఇస్లామీయ అఖీద (ఈమాన్) మూలస్థంభాలు:

మహోన్నతుడైన అల్లాహ్ పై విశ్వాసం:

దైవదూతలపై విశ్వాసం.

దైవగ్రంధాలపై విశ్వాసము

దైవసందేశహరులపై విశ్వాసము.

అంతిమదినంపై విశ్వాసము

విధివ్రాత పై విశ్వాసము:

ఇస్లామీయ అఖీద లక్ష్యాలు

Related books

సరియైన విశ్వాసం మరియు దానికి విరుద్ధమైన విషయాలు

త్రిసూత్రాలు మరియు వాటి ఆధారాలు

ఇస్లాం,దాని నియమాలు మరియు మూలసూత్రాలు.

ఇస్లాం దైవప్రవక్తల ధర్మం.

పంచుకోవడానికి స్కాన్ చేయండి