పరమ పరిశుద్ధుడు మరియు మహిమాన్వితుడైన అల్లాహ్ ప్రకటన: 'నేను నా నీతిమంతులైన దాసుల కొరకు అంతకు ముందెన్నడూ ఎవరి కళ్లూ చూడని, ఎవరి చెవులూ వినని, ఎవరి హృదయాలూ ఊహించని వాటిని సిద్ధం చేసి ఉంచాను.'

ఈ హదీథు ప్రవక్త సల్లల్లాహు అలైహి వసల్లం తన ప్రభువు నుండి చెప్పిన హదీథులలో ఒకటి. దీనిని హదీథు ఖుద్సీ లేదా దైవిక హదీథు అంటారు మరియు దాని పదాలు మరియు అర్థం అల్లాహ్ నుండి వచ్చాయి. అయితే, ఖుర్అన్‌ను ఇతర హదీథుల నుండి వేరు చేసే లక్షణాలు అంటే దాని పఠనం ఆరాధన కావడం, దాని ద్వారా శుద్ధి చేయడం, మార్గదర్శకం కావడం, అద్భుత స్వభావం కలిగి ఉండటం మొదలైన విషయాలు ఇందులో లేవు.

అల్లాహ్ తన ఉత్తమ దాసుల కొరకు సిద్ధం చేసిన ప్రతిఫలాలు పొందేందుకు సత్కార్యాలు చేయడం, పాపాలను వదిలేయడం గురించి ప్రోత్సహించబడింది

మహోన్నతుడైన అల్లాహ్ తన గ్రంథం (ఖుర్ఆన్) మరియు తన ప్రవక్త సల్లల్లాహు అలైహి వసల్లం సున్నతుల ద్వారా స్వర్గం గురించి మనకు కొన్ని విషయాలు మాత్రమే తెలియజేశాడు. మనకు తెలియని వాటి వైభవం, తెలిసిన వాటి కంటే ఎంతో గొప్పది!

స్వర్గంలోని సుఖసౌఖ్యాల పరిపూర్ణత మరియు అక్కడి వాసులు పొందే నిర్మలమైన ఆనందం గురించి తెలుపబడింది.