صفة الوضوء والصلاة (مرئي)

តើខ្ញុំត្រូវយកទឹកវូហ្ទុដោយរបៀបណា?

ម

សំឡេង

1

សំឡេងអាហ្សាន

2

"ឱបណ្ដាអ្នកដែលមានជំនឿ! នៅពេលដែលពួកអ្នកមានបំណងសឡាត ចូរពួកអ្នកលាងមុខ និងដៃរហូតដល់កែងដៃ ព្រមទាំងជូតក្បាលរបស់ពួកអ្នក និងលាងជើងរបស់ពួកអ្នករហូតដល់ភ្នែកគោល"។

ស៊ូរ៉ោះ អាល់ម៉ាអ៊ីហ្ទះ អាយ៉ាត់ទី៦

3

គ្មានការសឡាតដោយគ្មានការយកទឹកវូហ្ទុបានឡើយ។ មិនអាចយកទឹកវូហ្ទុដោយគ្មានការនៀត(ការប៉ង)នោះទេ ហើយក៏មិនអាចនៀតដោយគ្មានចិត្តជ្រះថ្លា(អៀខ្លើស)បាននោះដែរហើយនៀតស្ដិតនៅក្នុងចិត្តមិនមែនលើអណ្ដាតនោះទេ។

4

ពីសមីលឡាហ

ច្បាប់តម្រូវឲ្យសូត្រពីសមីលឡះនៅពេលចាប់ផ្តើមយកទឹកវូហ្ទុ។ បន្ទាប់មក ប្រើស៊ីវ៉ាកដើម្បីសម្អាតមាត់ធ្មេញ ប្រសិនបើមានភាពងាយស្រួលក្នុងការធ្វើដូច្នោះ។

5

យើងលាងប្រអប់ដៃទាំងសងខាងចំនួន៣ដង ដោយចាប់ផ្តើមពីចុងម្រាមដៃរហូតដល់កដៃ

6

លាងប្រអប់ដៃទាំងពីររហូតដល់កដៃចំនួនបីដង ហើយត្រូវលាងជាបន្តបន្ទាប់គ្នា។

7

គេអាចចាប់ផ្តើមពីប្រអប់ដៃស្តាំមុនដោយលាងវាចំនួនបីដង។ បន្ទាប់មក លាងប្រអប់ដៃឆ្វេងវិញម្តងចំនួនបីដងដូចគ្នាដែរ។

8

ម្យ៉ាងទៀត គេក៏អនុញ្ញាតផងដែរឲ្យយើងអាចលាងប្រអប់ដៃខាងស្តាំ រួចមកប្រអប់ដៃខាងឆ្វេង រួចហើយលាងប្រអប់ដៃខាងស្តាំវិញ និងបន្ទាប់មកទៀត លាងប្រអប់ដៃខាងឆ្វេង(លាងឆ្លាស់គ្នា)។

9

ត្រូវប្រាកដថា ទឹកពិតជាបានជ្រាបដល់គ្រប់ម្រាមដៃទាំងអស់របស់យើង។

10

បន្ទាប់មក យើងចាប់ផ្តើមខ្ពុរមាត់ និងបឺតទឹកបញ្ចូលក្នុងច្រមុះ។

11

ការខ្ពុរមាត់គឺការដាក់ទឹកក្នុងមាត់ បន្ទាប់មកខ្ពុរនៅខាងក្នុង រួចខ្ជាក់ចេញ។

12

រីឯការបញ្ចូលទឹកចូលក្នុងច្រមុះវិញ គឺយើងត្រូវបឺតទឹកចូលក្នុងច្រមុះ។ បន្ទាប់មក យើងញើសចេញមកវិញ ដោយត្រូវប្រើដៃឆ្វេង។

13

ជាស៊ុណ្ណះ គប្បីត្រូវបឺតទឹកចូលច្រមុះឲ្យបានដិតដល់ លើកលែងតែអ្នកបួស ឬអ្នកដែលខ្លាចមានផលប៉ពាល់(ដូចជាឈ្លក់ទឹកជាដើម)។

14

សម្រាប់ការខ្ពុរមាត់និងការស្រូបទឹកតាមច្រមុះមានវិធីពីរយ៉ាង៖

15

វិធីទី១ គឺការធ្វើជាប់គ្នា។ យើងយកទឹកមួយក្បង់ដៃ ហើយប្រើពាក់កណ្តាលដើម្បីខ្ពុរមាត់ រួចប្រើពាក់កណ្តាលទៀតដើម្បីស្រូបតាមច្រមុះ...

យើងក្រឡុកទឹកក្នុងមាត់រួចខ្ជាក់ចេញ បន្ទាប់មកយើងខ្ពុរទឹកដែលយើងបានស្រូបចូលតាមច្រមុះចេញដោយប្រើដៃឆ្វេង..

យើងធ្វើបែបនេះបីដង ដោយប្រើទឹកបីដៃក្បុង។

16

ចំពោះការបែងចែក យើងត្រូវប្រើទឹកមួយក្បង់សម្រាប់ការខ្ពុរមាត់ដោយឡែក និងទឹកមួយដៃទៀតសម្រាប់ការលាងច្រមុះដោយឡែក។ យើងយកទឹកមួយក្បង់ ដាក់វាពេញក្នុងមាត់ ខ្ពុរវា រួចខ្ជាក់ចេញ។ បន្ទាប់មកយើងយកទឹកមួយក្បង់ទៀត ស្រូបចូលតាមច្រមុះ រួចខ្ពុរចេញដោយប្រើដៃឆ្វេង។

17

ក្រោយពីខ្ពុរមាត់ និងបឺតទឹកចូលច្រមុះ គឺដល់ការលាងមុខ

18

ទំហំមុខបណ្ដោយគឺចាប់ពីគល់ដុះសក់ក្បាលធម្មតារហូតដល់ចុងចង្ការ និងតាមទទឹងចន្លោះពីគុម្ពត្រចៀកម្ខាងទៅម្ខាងទៀត

19

យើងត្រូវលាងរាល់រោមនៅលើមុខទាំងអស់ដូចជា: ពុកមាត់ស្តើង ពុកមាត់ ចិញ្ចើម អញ្ចើម និងរោមដែលដុះក្រោមបបូរមាត់ក្រោម។

20

សម្រាប់ការលាងមុខមានពីរវិធី

21

ទីមួយ៖ យកទឹកដោយដៃទាំងពីរ បន្ទាប់មកលាងមុខដោយដៃទាំងពីរ ចាប់ពីដើមសក់ក្បាលធម្មតារហូតដល់ចុងចង្កា និងពីត្រចៀកស្តាំដល់ត្រចៀកឆ្វេង។ ប្រសិនបើមានពុកមាត់ក្រាស់ គួរតែដាក់ទឹកក្រោមចង្កា និងលាងពុកមាត់ឱ្យស្អាត។

យើងធ្វើដូច្នេះបីដង ដែលជាការពេញលេញ ឬពីរដង ឬម្តង ដែលជាកាតព្វកិច្ច។

22

ទីពីរ៖ យកទឹកដោយដៃស្តាំប៉ុណ្ណោះ បន្ទាប់មកដាក់វានៅលើមុខ និងលាងមុខដោយដៃទាំងពីរដូចវิធីមុន។ យើងធ្វើដូច្នេះបីដង។

23

លំដាប់លំដោយនៃសរីរាង្គក្នុងការអនុវត្តវូហ្ទុគឺជាកាតព្វកិច្ច ហើយការបន្តបន្ទាប់រវាងពួកវាក៏ជាកាតព្វកិច្ចដែរ ដូច្នេះយើងមិនគួរដាក់សរីរាង្គមួយជំនួសសរីរាង្គមួយទៀត ឬពន្យារពេលក្នុងការផ្លាស់ប្តូរពីសរីរាង្គមួយទៅសរីរាង្គបន្ទាប់ទេ។

24

ក្រោយពីបញ្ចប់ការលាងមុខ យើងចូលដល់ការលាងដៃទាំងពីរ

25

ការកំណត់ព្រំដែននៃការលាងដៃដែលចាំបាច់គឺ: ចាប់ពីចុងម្រាមដៃរហូតដល់កែងដៃ ដោយត្រូវលាងកែងដៃទាំងពីរផង។

26

យើងចាប់ផ្ដើមលាងដៃខាងស្ដាំ ចាប់ពីចុងម្រាមដៃដោយឈ្លីរវាងបាតដៃទាំងពីរ។ បន្ទាប់មកត្រូវបន្ដលាងរហូតដល់កែងដៃ

27

បន្ទាប់មក យើងផ្លាស់ទៅដៃឆ្វេង និងលាងវាពីចុងម្រាមដៃរហូតដល់កដៃ ដោយធ្វើឱ្យទឹកហូរចូលរវាងម្រាមដៃ រហូតដល់កែងដៃ..

28

បន្ទាប់មក យើងចាប់ផ្តើមជូតក្បាល.. យើងជ្រលក់ដៃទាំងពីរក្នុងទឹកថ្មី បន្ទាប់មកដាក់ដៃទាំងពីរដែលទទឹកនោះនៅលើផ្នែកខាងមុខនៃក្បាល ហើយជូតទៅក្រោយក្បាល រួចត្រឡប់មកកន្លែងដែលយើងបានចាប់ផ្តើមវិញ.. មិនមានភាពខុសគ្នារវាងមនុស្សគ្មានសក់ និងមនុស្សមានសក់នោះទេ ក្នុងការកំណត់ព្រំដែននៃការជូតក្បាល..

29

បន្ទាប់មកជូតស្លឹកត្រចៀកទាំងពីរជាមួយទឹកដែលសល់ពីការជូតក្បាលនោះដោយត្រូវជូតតែមួយដងប៉ុណ្ណោះ

30

ការជូតត្រចៀក គឺត្រូវដាក់ម្រាមដៃចង្អុលចូលក្នុងរន្ធត្រចៀកទាំងពីរ ហើយជូតវា និងប្រើម្រាមដៃមេដើម្បីជូតផ្នែកខាងក្រៅនៃត្រចៀក។ តាមរបៀបនេះ យើងបានជូតត្រចៀកទាំងខាងក្នុង និងខាងក្រៅ។

31

បន្ទាប់មកយើងត្រូវលាងជើងទាំងពីរហើយដែនកំណត់នៃការលាងជើងដែលចាំបាច់នោះ គឺចាប់ពីចុងម្រាមជើងរហូតដល់ភ្នែកគោល ហើយការលាងកែងជើងគឺជាកាតព្វកិច្ចប្រការវ៉ាជឹបដែលត្រូវធ្វើ។

32

យើងចាប់ផ្ដើមលាងជើងស្ដាំ ហើយយើងឈ្លីចន្លោះម្រាមជើង និងត្រូវយកចិត្តទុកដាក់ត្រង់កែងជើងនិងខ្នងជើង។

33

បន្ទាប់មកត្រូវលាងជើងឆ្វេងដូចដែលយើងបានលាងជើងស្ដាំដែរ ហើយកុំភ្លេចឈ្លីចន្លោះម្រាមជើងនោះ ហើយត្រូវប្រាកដថា កែងជើងត្រូវតែលាងឲ្យសព្វ ហើយទឹកត្រូវតែសើមពេញកែងជើងពីរ។

34

أشْهَدُ أنْ لا إلهَ إِلَّا اللهُ وَحْدَهُ لا شَرِيكَ لَهُ، وأشهدُ أنَّ مُحَمَّدًا عَبْدُهُ وَرَسُولُهُ

35

ក្រោយពីយកវូហ្ទុចប់ ស៊ូណាត់គួរសូត្រហ្ស៊ីកៀរ និងទូអា ហើយគប្បីសូត្របន្ថែមថា ៖

36

اللَّهُمَّ اجْعَلْنِي مِنَ التَوَّابِينَ، واجْعَلْني مِنَ المُتَطَهِّرِينَ

37

ឬក៏

سُبْحانَكَ اللَّهُمَّ وبِحَمْدِكَ، أشْهَدُ أنْ لا إلهَ إِلاَّ أنْتَ، أسْتَغْفِرُكَ وأتُوبُ إِلَيْكَ

ម

សរសេរលើអេក្រង់

1

តើខ្ញុំត្រូវយកទឹកវូហ្ទុដោយរបៀបណា?

2

"ឱបណ្ដាអ្នកដែលមានជំនឿ! នៅពេលដែលពួកអ្នកមានបំណងសឡាត ចូរពួកអ្នកលាងមុខ និងដៃរហូតដល់កែងដៃ ព្រមទាំងជូតក្បាលរបស់ពួកអ្នក និងលាងជើងរបស់ពួកអ្នករហូតដល់ភ្នែកគោល"។

ស៊ូរ៉ោះ អាល់ម៉ាអ៊ីហ្ទះ អាយ៉ាត់ទី៦

3

លាងប្រអប់ដៃទាំងពីរ

4

ខ្ពុរមាត់ និងបឺតទឹកចូលច្រមុះ

5

ធ្វើភ្ជាប់គ្នា

6

ធ្វើដាច់ពីគ្នា

7

លាងមុខ

8

ទីមួយ

9

ទីពីរ

10

ការនៀត និងការសូត្រ ពីសមិលឡើ

11

លាងប្រអប់ដៃទាំងពីរ

12

ខ្ពុរមាត់

13

បឺតទឹកបញ្ចូលក្នុងច្រមុះ

14

លាងមុខ

15

លាងដៃទាំងពីរជាមួយនឹងកែងដៃ

16

ជូតក្បាល និងជូតស្លឹកត្រចៀកទាំងពីរ

17

លាងជើងទាំងពីរជាមួយនឹងកែងជើង

18

លាងដៃទាំងពីរ

19

ជូតក្បាល

20

ផ្នែកខាងដើមនៃក្បាល = ការកោងនៃថ្ងាស និងចាប់ផ្តើមពីកន្លែងដុះសក់ធម្មតា..

21

ផ្នែកខាងចុងនៃក្បាល = ចុងក្រោយនៃកន្លែងដុះសក់នៅផ្នែកខាងក្រោយក្បាល។

22

ជូតស្លឹកត្រចៀកទាំងពីរ

23

លាងជើងទាំងពីរ

24

ណាពី សអវ បានមានប្រសាសន៍ថា ៖

"អន្តរាយដោយភ្លើងនរកហើយចំពោះកែងជើងទាំងឡាយណាដែលយកវូហ្ទុមិនបានសព្វ។ ចូរពួកអ្នកយកវូហ្ទុលាងសម្អាតឲ្យបានសព្វល្អ"។

រាយការណ៍ដោយ អាពូហ្ទាវូទ

25

"ខ្ញុំសូមសច្ចាថា គ្មានទេម្ចាស់ដែលត្រូវគេគោរពសក្ការៈដ៏ត្រឹមត្រូវ មានតែអល់ឡោះម្នាក់គត់ គ្មានទេស៊ីរិកចំពោះទ្រង់ ហើយខ្ញុំសូមសច្ចាដែរថា ណាពីមូហាំម៉ាត់ គឺជាខ្ញុំបម្រើរបស់ទ្រង់ និងជាអ្នកនាំសាររបស់ទ្រង់"

រាយការណ៍ដោយ អ៊ីមាំមូស្លីម

26

"ឱអល់ឡោះជាម្ចាស់! សូមឲ្យខ្ញុំស្ថិតនៅក្នុងចំណោមអ្នកសារភាពកំហុស និងឲ្យខ្ញុំស្ថិតនៅក្នុងចំណោមអ្នកស្អាតស្អំផង"។

រាយការណ៍ដោយ អាត់តៀរមីហ្ស៊ី

27

"ឱអល់ឡោះជាម្ចាស់! ទ្រង់ដ៏មហាបរិសុទ្ធ! សូមសរសើរចំពោះទ្រង់ ខ្ញុំសូមធ្វើសាក្សីថា គ្មានទេម្ចាស់ដែលត្រូវគេគោរពសក្ការៈដ៏ត្រឹមត្រូវ មានតែទ្រង់ម្នាក់គត់។ខ្ញុំសូមអភ័យទោសនិងសារភាពកំហុសទៅចំពោះទ្រង់"។

រាយការណ៍ដោយ អាន់ណាសាអ៊ី ក្នុងសៀវភៅ "ទង្វើដែលត្រូវធ្វើនៅពេលថ្ងៃនិងពេលយប់"។

តើខ្ញុំត្រូវសឡាតដោយរបៀបណា?

ការសឡាត ចាប់ផ្តើមពីតឹកពៀរ រហូតដល់ឲ្យសឡាម

ម

សំឡេង

1

សំឡេងអ៊ីក៏ម៉ាត់

2

សំឡេងអ៊ីក៏ម៉ាត់នៅតែបន្ត

ការនៀត(ការប៉ង) គឺជាប្រការ ឬជាទង្វើដំបូងគេបង្អស់ដែលអ្នកសឡាតត្រូវធ្វើ ហើយកន្លែងនៀតគឺនៅក្នុងចិត្ត។

3

យើងតម្រង់ទៅកាន់គិបឡាត់។ ប្រសិនបើអ្នកជាអ៊ីម៉ាំ ឬជាអ្នកសឡាតម្នាក់ឯង ត្រូវដាក់របាំងមួយនៅខាងមុខអ្នក(ដើម្បីកុំឲ្យមនុស្សដើរកាត់)។

4

អល់ឡហ៊ូអឹកពើរ

តឹកពៀររ៉តុលអៀហរ៉ម គឺជាការចាប់ផ្ដើមនៃការសឡាតហើយយើងត្រូវតែបន្លឺវាចេញពីមាត់

5

នៅពេលតឹកពៀរ យើងលើកដៃទាំងពីររបស់យើងរហូតស្មើនឹងស្មាទាំងពីរ ហើយបែរបាតដៃទាំងពីរតមទៅកាន់ទិសគិបឡាត់។

ឬក៏

លើកដៃទាំងពីររហូតស្មើនឹងត្រចៀកទាំងសងខាងក៏បានដែរ។

6

យើងដាក់ដៃទាំងពីរបន្ទាប់ពីតឹកពៀររួចនៅលើដើមទ្រូង ឬនៅក្រោមដើមទ្រូង ឬនៅខាងលើផ្ចិត ឬដាក់នៅខាងក្រោមផ្ចិតក៏បាន។ ទាំងនេះ សុទ្ធតែត្រឹមត្រូវដូចគ្នា។

យើងដាក់ដៃស្តាំរបស់យើងលើប្រអប់ដៃឆ្វេង។

ឬក៏យើងក្ដោបដៃស្តាប់ដាក់់លើខ្នងដៃឆ្វេង

ឬក្ដោបដៃស្តាំដាក់លើកំភួនដៃឆ្វេង

7

អល់ឡ ហ៊ុមម៉ា ហ្ពាអ៊ីត ពៃនី វ៉ាពៃណា ខ ត យ៉ាយ៉ា កាម៉ា ហ្ពាអាត់តា ពៃណាល់ ម៉ាស្សរីគី វ៉ាល់ម៉ើករិប អល់ឡហ៊ុមម៉ា ណឹកគីនីមិន ខ ត យ៉ាយ៉ា កាម៉ាយូណឹក កស់ស្ហាវពុលអាប់យ៉ាទូ មីណាត់ហ្ទាណាស់។ អល់ឡហ៊ុមម៉ើកស៊ិលនី មិន ខ ត យ៉ាយ៉ា ពីសសាល់ជី វ៉ាល់ម៉ាអ៊ី វ៉ាល់ហ្ពារ៉ត់

យើងសូត្រទូអា អ៊ិសទីហ្វតាសនេះ បន្ទាប់ពី ពីតឹកពៀរ៉តុលអៀហរ៉មរួច និងមុនពេលសូត្រអាល់ហ្វាទីហះ។ មានសេចក្តីរាយការណ៍ជាច្រើនពីទូអាអ៊ិសទីហ្វតាសជាច្រើនផ្សេងទៀត ហើយជាប្រការស៊ុណ្ណះ គប្បីត្រូវសូត្រផ្លាស់ប្តូគ្នាឲ្យបានច្រើនប្រភេទ(កុំសូត្រតែប្រភេទដដែលៗ)។

8

អាអ៊ូហ្ស៊ូ ពិលឡាហ៊ី មីណាស ស្ហៃត៏នៀររ៉ជីម

បន្ទាប់ពីសូត្រទូអាអ៊ិសទីហ្វតាសរួច គឺសូត្រ អាអ៊ូហ្ស៊ូពិលឡះ។ បន្ទាប់មក សូត្រស៊ូរ៉ោះ អាល់ហ្វាទីហះ

9

ដោយត្រូវជាមួយនឹងការផ្ចង់អារម្មណ៍ និងចិត្តស្ងប់ស្ងាត់។ យើងសូត្រមួយអាយ៉ាត់ម្ដងៗ។

10

អាមីន

ការពោលពាក្យ "អាមីន" គឺជាប្រការស៊ូណិតមិនថាជាអ៊ីម៉ាំ ឬម៉ាក់មុម និងអ្នកសឡាតម្នាក់ឯងនោះទេ ហើយពាក្យនេះ ពុំមែនជាអាយ៉ាត់មួយនៃស៊ូរ៉ោះ អាល់ហ្វាទីហះ នោះទេ។ តាមពិត វាគ្រាន់តែជាពាក្យទូអា ជាពាក្យបួងសួងមួយដែលមានន័យថា "ឱអល់ឡោះជាម្ចាស់! សូមទ្រង់មេត្តាទទួលយកផងចុះ"។

11

បន្ទាប់ពីសូត្រ អាល់ហ្វាទីហះ ចប់ យើងសូត្រផ្នែកណាមួយនៃគម្ពីរគួរអានដែលងាយស្រួលសម្រាប់យើងក្នុងការសូត្រវា អាចថាមួយស៊ូរ៉ោះក៏បាន ឬផ្នែកខ្លះនៃស៊ូរ៉ោះក៏បាន។ បន្ទាប់ពីសូត្រចប់ យើងនៅស្ងៀមបន្តិចសិនមុននឹងយើងឱនចុះទៅរូកុ។

12

អល់ឡហ៊ូអឹកពើរ

យើងត្រូវតឹកពៀរពេលផ្លាស់ផ្លាស់ប្តូពីឈរទៅរូកុ។

នេះគឺជាកន្លែងទីពីរដែលណាពី សអវ លោកលើកដៃទាំងពីររបស់លោក។ ដូចនេះ គប្បីយើងត្រូវលើកដៃទាំងពីរស្មើនឹងស្មា ឬស្នើនឹងត្រចៀកទាំងពីរ។

13

យើងដាក់បាតដៃទាំងពីរលើក្បាលជង្គង់ទាំងពីរ ហើយយើងបើកម្រាមដៃឲ្យចេញពីគ្នា និងសង្កត់ពីលើក្បាលជង្គង់ទាំងពីរ ប្រៀបដូចជាយើងកាន់វាយ៉ាងមាំ។

យើងត្រូវរូកុដោយមានលំនឹង ហើយញែកដៃទាំងពីរចេញពីដងខ្លួន។ ហើយមិនត្រូវបង្ហាញផ្នែកថ្ពាល់ដោយទ្រេតទៅម្ខាងណាមួយឡើយ

14

ខ្នងរបស់យើងត្រូវតម្រង់ឲ្យទ្រង់ មិនកោង ហើយក្បាលរបស់យើងត្រូវស្មើគ្នាជាមួយនឹងខ្នង មិនត្រូវងើយក្បាលលើ ហើយក៏មិនត្រូវឱនក្បាលចុះនោះដែរ។

15

ស៊ុបហាណារ៉ប់ពីយ៉ាល់អាហ្ស៊ីម

គប្បីសូត្រវាចំនួនបីដង ដែលវាជាចំនួនដែលល្អជាងគេ។ យើងអាចសូត្រតែមួយក៏បានដែរ ហើយយើងក៏អាចបន្ថែម(លើសពីបីដង)បានដែរ។ យើងអាចប្រើប្រាស់ទម្រង់ផ្សេងៗគ្នានៃការសូត្រដែលមានពីក្នុងស៊ុណ្ណះ

16

ហ្ស៊ីកៀរដែលគេសូត្រនៅក្នុងពេលរូកុ គឺមានចំនួនច្រើន។

17

សាមីអល់ឡហ៊ូលីម៉ាន់ហាមីហ្ទះ

យើងសូត្រវានៅពេលដែលយើងកំពុងងើបពីរូកុមកវិញ ក្នុងពេលដែលយើងគឺជាអ្នកដែលសឡាតម្នាក់់ឯង ឬពេលធ្វើជាអ៊ីម៉ាំ។

18

លើកដៃទាំងពីរស្មើនឹងស្មា ឬស្នើនឹងត្រចៀកទាំងពីរ នេះ គឺជាកន្លែងទីបីដែលយើងត្រូវលើកដៃទាំងពីរ។

19

បន្ទាប់មក យើងត្រូវឈរត្រង់ខ្លួន ហើយសូត្រថា ៖

រ៉ប់ហ្ពាណា វ៉ាឡាកាល់ហាំទូ

20

ក្រោយពេលងើបពីរូកុវិញ យើងអាចទម្លាក់ដៃចុះក្រោម ឬឱបដៃនៅទ្រូង។

21

ហើយតាមស៊ុនណះ គួរឈរយូរបន្តិចក្រោយពីរុកូ និងត្រូវធ្វើវាដោយស្ងប់ស្ងាត់និងមានលំនឹង។

22

អល់ឡហ៊ូអឹកពើរ

បន្ទាប់មក យើងត្រូវលុតក្រាបទៅលើដី(ឬផ្ទៃ)ដោយភ្ជាប់ជាមួយនឹងការសូត្រតឹកពៀរនៅពេលផ្លាស់ប្តូរពីការឈរទៅកាន់ការស៊ូជោត។

យើងដាក់ដៃមុនជង្គង់ ឬជង្គង់មុនដៃ អាស្រ័យលើអ្វីដែលងាយស្រួលសម្រាប់យើង។

23

ចាំបាច់ត្រូវស៊ូជោតលើអវៈយវៈទាំងប្រាំពីរ ដូចដែលរ៉ស៊ូលុលឡោះ សអវ បានបង្រៀនយើង

គឺថ្ងាស់ជាមួយនឹងច្រមុះ បាតដៃទាំងពីរ បាតជើងទាំងពីរ និងក្បាលជង្គង់ទាំងពីរ។

24

យើងដាក់ម្រាមជើងទាំងពីរឲ្យចង្អុលទៅទិសគិបឡាត់ ហើយបញ្ឈរប្រអប់ជើងទាំងពីរឡើង

យើងញែកចន្លោះភ្លៅចេញពីកំភួនជើង ហើយលើកពោះឡើងពីលើភ្លៅទាំងពីរ

យើងលើកដៃទាំងពីរឡើងពីដី និងឲ្យឆ្ងាយពីចំហៀង លើកលែងតែយើងកំពុងសឡាតជាក្រុម(ជើម៉ាអះ) ហើយខ្លាចប៉ះពាល់អ្នកដែលនៅជុំវិញយើង។

យើងដាក់បាតដៃទាំងពីរស្រប់និងស្មា ឬស្របនិងត្រចៀក

25

ស៊ុបហាណា រ៉ប់ពីយ៉ាល់អាក់ឡើ

គប្បីសូត្រវាចំនួនបីដង ដែលវាជាចំនួនដែលល្អជាងគេ។ យើងអាចសូត្រតែមួយដងក៏បាន ហើយយើងក៏អាចបន្ថែម(លើសពីបីដង)បានដែរ។ គប្បីសូត្រឲ្យផ្លាស់ប្តូគ្នាឲ្យបានច្រើនប្រភេទតាមអ្វីដែលមានពីណាពីមក (កុំសូត្រតែប្រភេទដដែលៗ) ហើយយើងក៏អាចបួងសួងនៅក្នុងពេលស៊ូជោតនោះផងដែរនូវអ្វីដែលយើងប្រាថ្នា ទាំងប្រការល្អនៅក្នុងលោកិយ និងនៅថ្ងៃបរលោក។

26

រ៉ស៊ូលុលឡោះ សអវ លោកបានមានប្រសាសន៍ថា ៖ "ពេលដែលខ្ញុំអល់ឡោះនៅជិតទ្រង់ជាងគេ គឺពេលស៊ូជោត។ ហេតុនេះ ចូរពួកអ្នកបួងសួងសុំឲ្យច្រើននៅក្នុងពេលស៊ូជោត"។ (រាយការណ៍ដោយមូស្លីម)

27

អល់ឡហ៊ូអឹកពើរ

យើងងើបក្បាលរបស់យើងពីស៊ូជោត។ ដោយសូត្រជាមួយនិងតឹកពៀរ

យើងលាតជើងឆ្វេងនិងអង្គុយលើវា ដោយស្ងប់ស្ងាត់ ហើយដាក់ជើងស្តាំឈរ ចង្អុលម្រាមជើងទៅកាន់ទិសគិបឡាត់។

ឬក៏

ឬក៏បញ្ឈរជើងទាំងពីរ ហើយអង្គុយពីលើកែងជើង

យើងលាតដៃទាំងពីរចេញ; ដៃស្តាំដាក់លើភ្លៅស្តាំ និងដៃឆ្វេងដាក់លើភ្លៅឆ្វេង នៅត្រង់ជង្គង់ឬលើជង្គង់។

28

រ៉ប់ពៀហ្គ ហ្វៀរលី

យើងសូត្រដូចនេះនៅពេលដែលយើងស្ថិតចន្លោះរវាងស៊ូជោតទាំងពីរ ខណៈដែលយើងអង្គុយក្នុងភាពនឹងនរ។

29

អល់ឡហ៊ូអឹកពើរ

យើងឱនក្រាបចុះស៊ូជោត ដោយបន្លឺសម្លេងតឹកពៀរ ទៅកាន់ការក្រាបស៊ូជោតទីពីរ ដែលមានលក្ខណៈដូចគ្នានឹងការក្រាបស៊ូជោតទីមួយដែរ ទាំងរបៀបធ្វើ និងពាក្យដែលត្រូវសូត្រ..

30

អល់ឡហ៊ូអឹកពើរ

យើងត្រូវបំពេញសឡាតនៅរ៉ក្អាត់ទីពីរតាមរបៀបរបបដូចដែលយើងបានធ្វើនៅរ៉ក្អាត់ទីមួយដែរ។

គឺដាក់ដៃនៅលើទ្រូង សូត្រស៊ូរ៉ោះ អាល់ហ្វាទីហះ និងសូត្រអាយ៉ាត់ណាមួយនៃគម្ពីរគួរអាន។

បន្ទាប់មក យើងឱនរូកុ។

អល់ឡហ៊ូអឹកពើរ

រួចយើងក្រោកឈរឡើងវិញ

សាមីអល់ឡហ៊ូ លីម៉ាន់ហាមីហ្ទះ

បន្ទាប់មក យើងចុះទៅស៊ូជោត

អល់ឡហ៊ូអឹកពើរ

យើងស៊ូជោតចំនួនពីរដង។ បន្ទាប់មក យើងអង្គុយដើម្បីសូត្រតះយិត។

អល់ឡហ៊ូអឹកពើរ

អល់ឡហ៊ូអឹកពើរ

អល់ឡហ៊ូអឹកពើរ

31

បន្ទាប់ពីចប់រ៉ក្អាត់ទីពីរ យើងត្រូវអង្គុយចុះដើម្បីសូត្រតះយិត ដោយយើងត្រូវអង្គុយបែប ផ្ទាល់ដី"អ៊ីហ្វទីរ៉ស្ហ"។

32

ការអង្គុយបែប អ៊ីហ្វទីរ៉ស្ហ នេះ គឺត្រូវអង្គុយបែបនេះក្នុងសឡាតដែលមានពីររ៉ក្អាត់ ដូចជាសឡាតស៊ូពូស សឡាតជុមអាត់ និងសឡាតថ្ងៃរ៉យ៉ាទាំងពីរជាដើម ហើយក៏ដូចគ្នាដែរ គឺត្រូវអង្គុយបែបនេះក្នុងពេលសូត្រតះយិតទីមួយចំពោះសឡាតដែលមានបីរ៉ក្អាត់ និងសឡាតដែលមានបួនរ៉ក្អាត់ ហើយនិងការអង្គុយនៅចន្លោះរវាងស៊ូជោតទាំងពីរ។

33

គ្មានទោសពៃរ៍អ្វីនោះទេចំពោះអ្នកដែលមិនអាចអង្គុយតាមរបៀប អ៊ីហ្វទីរ៉ស្ហ នេះបានដោយសារតែគេជាមនុស្សមាឌធំ ឬធាត់ ឬអាចមានការឈឺចាប់ត្រង់ជើងជាដើមនោះ ដោយគេអាចអង្គុយតាមរបៀបណាក៏បានដែរដែលគេអាចអង្គុយបាន។

34

ក្នុងពេលអង្គយតះយិត យើងដាក់ដៃស្តាំលើភ្លៅខាងស្តាំដោយត្រូវក្ដោបម្រាមដៃទាំងអស់ លើកលែងតែម្រាមចង្អុលមួយប៉ុណ្ណោះ ដោយយើងត្រូវចង្អុលនឹងម្រាមចង្អុលនោះ។

35

ឬក៏យើងអាចយកចុងម្រាមដៃកណ្តាលភ្ជាប់នឹងចុងមេដៃ រួចម្រាមចង្អុល ចង្អុលទៅមុខ។

36

ចំណែកឯដៃឆ្វេងវិញ យើងអាចលាតវាដាក់នៅលើភ្លៅឆ្វេង ឬក្ដោបដៃឆ្វេងដាក់លើក្បាកជង្គង់។

នៅក្នុងពេលតះយិត ស៊ូណិតឲ្យយើងសម្លឹងមើលទៅកាន់ម្រាមដៃចង្អុលខាងស្តាំ។

37

អាត់តាហ៊ីយ៉ាទូ លីលឡើហ៊ី វ៉ាសស៏ឡើវ៉ាទូ វ៉ាត់តុយយីហ្ពាត អាស្សាឡាម៉ូ អាឡៃកា អៃយូហាន់ណាពីយូ វ៉ារ៉ោះម៉ាទុលឡ៏ហ៊ី វ៉ាហ្ពារ៉កាទុះ អាស្សាឡាម៉ូ អាឡៃណា វ៉ាអាឡើ អ៊ីហ្ពាទីលឡើហ៊ីស សលីហ៊ីន អាស់ហាទូ អាលឡើអ៊ីឡើហើ អ៊ិលលល់ឡោះ វ៉ាអាស់ហាទូ អាន់ណា ម៉ូហាំម៉ាហ្ទាន់ អាប់ទូហ៊ូ វ៉ារ៉ស៊ូលុះ។

យើងសូត្រវានៅពេលតះយិតទីមួយប្រសិនបើសឡាតនោះ ជាសឡាតដែលមានបីរ៉ក្អាត់ ឬជាសឡាតដែលមានបួនរ៉ក្អាត់។

រីឯសឡាតដែលមានពីររ៉ក្អាត់ ដូចជាសឡាតស៊ូពុស សឡាតជុមអាត់ ឬសឡាតថ្ងៃរ៉យ៉ាទាំងពីរជាដើមនោះ គឺយើងត្រូវសូត្រតះយិតនេះរហូតដល់ចប់ជាមួយនឹងការសឡាវ៉ាតលើណាពីតាមបែប សឡាវ៉ាតអ៊ីព្រហ៊ីមីយ៉ះ។

អល់ឡរហ៊ុំម៉ា សល់លី អាលើ ម៉ូហាំម៉ាត់ វ៉ាអាលើ អាលី ម៉ូហាំម៉ាត់ កាម៉ា សល់ឡៃតា អាលើ អ៊ីពរ៉ហ៊ីម វ៉ាអាលើ អាលី អ៊ីពរ៉ហ៊ីម អ៊ីនណាកា ហាមីទុំ ម៉ាជីទ វ៉ាពើរិក អាលើ ម៉ូហាំម៉ាត់ វ៉ាអាលើ អាលី ម៉ូហាំម៉ាត់ កាម៉ា ពើរឹកតា អាលើ អ៊ីពរ៉ ហ៊ីម វ៉ាអាលើ អាលី អ៊ីពរ៉ហ៊ីម អ៊ីនណាកាហាមីទុំ ម៉ាជីទ។

38

អាស្សាឡាមូអាឡៃគុម វ៉ារ៉ោះម៉ាតុលឡោះ

អាស្សាឡាមូអាឡៃគុម វ៉ារ៉ោះម៉ាតុលឡោះ

ត្រូវឲ្យសាឡាមបន្ទាប់ពីបញ្ចប់ការសូត្រតះយិត និងការសូត្រទូអាផ្សេងៗដែលមាននៅក្នុងស៊ុណ្ណះរបស់ណាពី។ ប៉ុន្តែ នេះគឺសម្រាប់តែសឡាតដែលមានពីររ៉ក្អាត់ប៉ុណ្ណោះ។

39

អល់ឡហ៊ូ អឹកពើរ

ចំណែកឯសឡាតដែលមានបីរ៉ក្អាត់ ដូចជាសឡាតម៉ាហ្គ្រិប ឬមានបួនរ៉ក្អាត់ ដូចជាសឡាតស៊ូហ៊ោរ សឡាតអាសើរ និងសឡាតអ៊ីស្ហានោះ

40

គឺបន្ទាប់ពីបញ្ចប់ការសូត្រតះយិតទីមួយហើយយើងត្រូវក្រោកឈរដើម្បីបំពេញមួយរ៉ក្អាត់ទៀត ប្រសិនបើយើងសឡាតម៉ាហ្គ្រិប ឬបំពេញពីររ៉ក្អាត់ទៀតប្រសិនបើយើងសឡាតស៊ូហ៊ោរ ឬសឡាតអាសើរ ឬសឡាតអ៊ីស្ហា ដោយយើងត្រូវសូត្រស៊ូរ៉ោះ អាល់ហ្វាទីហះ រួចមកត្រូវបំពេញនូវប្រការទាំងអស់ដែលមានដូចជារូកុ ស៊ូជោត ការឈរ និងការអង្គុយជាដើមដូចដែលយើងបានលើកឡើងយ៉ាងលម្អិតពីខាងលើ។

41

អល់ឡហ៊ូអឹកពើរ

42

ណាពី សអវ លោកអង្គុយបែប "តាវ៉ាររុក" នៅក្នុងពេលតះយិតចុងក្រោយចំពោះសឡាតទាំងឡាយដែលមានតះយិតពីរដង។

43

ការអង្គុយបែប តាវ៉ាររុក នេះ គឺសម្រាប់តែសឡាតដែលមានបីរ៉ក្អាត់ និងសឡាតដែលមានបួនរ៉ក្អាត់ប៉ុណ្ណោះ ហើយវាមានរបៀបជាច្រើន ៖

44

ការអង្គុយដោយដាក់ជើងខាងឆ្វេងរាបស្មើ ហើយបញ្ឈរជើងស្តាំ និងបញ្ចេញវាទាំងពីរមកចំហៀងខាងស្តាំ រួចដាក់គូទលើដី

ឬក៏

ឬក៏ដាក់ជើងទាំងពីររាបស្មើ ហើយទាញជើងទាំងពីរចំហៀងខាងស្តាំ

ឬក៏

ការអង្គុយដោយដាក់ជើងខាងស្តាំរាបស្មើ ហើយបញ្ចូលជើងខាងឆ្វេងនៅចន្លោះរវាងភ្លៅ និងកំភួនជើងខាងស្តាំ

45

ហើយនៅក្នុងការអង្គុយតះយិតចុងក្រោយនេះ គឺយើងសូត្រតះយិត។ បន្ទាប់មក យើងសឡាវ៉ាតលើណាពី សអវ ។

46

មុននឹងឲ្យសាឡាម និងបន្ទាប់ពីបញ្ចប់ការសូត្រតះយិត យើងសុំការបញ្ចៀសពីអល់ឡោះអំពីបួនប្រការ គឺសុំការបញ្ចៀសពីទណ្ឌកម្មភ្លើងនរក និងពីទណ្ឌកម្មនៅក្នុងផ្នូរ ភាពវឹកវរនៅក្នុងជីវិតរស់នៅនិងពេលស្លាប់ និងភាពអាក្រក់នៃភាពវឹកវរបណ្ដាលមកពីម៉ាស៊ីហ៍អាត់ហ្ទាច់ហ្ជាល។

ហើយយើងអាចសុំទូអាបួងសួងអ្វីផ្សេងទៀតតាមដែលយើងចង់់អំពីប្រការល្អទាំងនៅក្នុងលោកិយ និងនៅថ្ងៃបរលោក។

47

អាស្សាឡាមូអាឡៃគុម វ៉ារ៉ោះម៉ាតុលឡោះ

អាស្សាឡាមូអាឡៃគុម វ៉ារ៉ោះម៉ាតុលឡោះ

សឡាតមិនអាចបញ្ចប់បានទេ លើកលែងតែតាមរយៈការឲ្យសាឡាម។

48

តាមរយៈការឲ្យសាឡាម ពិតណាស់ យើងបានបញ្ចប់ការសឡាតរបស់យើងហើយ។

អាសតើហ្គហ្វៀរុលឡោះ អាសតើហ្គហ្វៀរុលឡោះ អាសតើហ្គហ្វៀរុលឡោះ (ខ្ញុំសុំការអភ័យទោសពីអល់ឡោះ)

49

ជាប្រការស៊ុណ្ណះ បន្ទាប់ពីអ្នកសឡាតបានឲ្យសាឡាមហើយ ត្រូវសុំការអភ័យទោសពីអល់ឡោះចំនួនបីដង។ បន្ទាប់មក ត្រូវសូត្រហ្ស៊ីកៀរដូចដែលបានប្រាប់ពីពីរ៉ស៊ូលុលឡោះ សអវ។

27

សរសេរនៅលើអេក្រង់

1

ប្រសិនបើអ្នកជាអ៊ីម៉ាំ ឬអ្នកសឡាតម្នាក់ឯង

2

តឹកពៀរតុលអៀហរ៉ម

3

យើងលើកដៃទាំងពីរឲ្យស្មានឹងស្មាទាំងពីរ

4

ឬលើកដៃឲ្យស្មើនឹងត្រចៀកទាំងពីរ

5

ដាក់ដៃទាំងពីរនៅលើដើមទ្រូង

6

ឬនៅខាងលើផ្ចិត

7

ឬនៅក្រោមផ្ចិត

8

ដៃស្តាំរបស់យើងដាក់នៅលើប្រអប់ដៃខាងឆ្វេង

9

ឬក្ដោបដៃខាងស្តាំដាក់នៅពីលើកំភួនដៃខាងឆ្វេង

10

ទូអាអ៊ិសទីហ្វតះ

11

ឱអល់ឡោះជាម្ចាស់! សូមទ្រង់មេត្តាធ្វើឲ្យឃ្លាតឆ្ងាយផងចុះរវាងរូបខ្ញុំ និងកំហុសឆ្គងទាំងឡាយរបស់ខ្ញុំ ដូចដែលទ្រង់បានធ្វើឲ្យឃ្លាតឆ្ងាយពីគា្នរវាងទិសខាងកើតនិងទិសខាងលិច។ ឱអល់ឡោះជាម្ចាស់! សូមទ្រង់មេត្តាសម្អាតរូបខ្ញុំអំពីបាបកម្មទាំងឡាយ ដូចដែលគេសំអាតក្រណាត់ពណ៌សអំពីកំអែលផង។ ឱអល់ឡោះជាម្ចាស់! សូមទ្រង់មេត្តាលាងសម្អាតរូបខ្ញុំនឹងព្រិល ទឹក(ធម្មតា) និងព្រិលទឹកកផងចុះ។

12

ជាស៊ុណ្ណះ គប្បីសូត្រផ្លាសប្តួរឲ្យបានច្រើនប្រភេទ។

13

សូត្រ អាអ៊ូហ្ស៊ូពិលឡះ

14

អាអ៊ូហ្ស៊ូពិលឡើហ៊ីមីណាស់ស្ហៃតនៀររ៉ជីម

15

អាល់ហ្វាទីហះ

16

"រាល់ការសរសើរ គឺចំពោះអល់ឡោះដែលជាម្ចាស់គ្រប់គ្រងពិភពទាំងអស់។ ជាម្ចាស់មហាសប្បុរស មហាអាណិតស្រឡាញ់។ ជាសេ្ដច(គ្រប់គ្រង)នៃថ្ងៃជំនុំជំរះ(បរលោក)។ ចំពោះទ្រង់តែមួយគត់ដែលពួកយើងគោរពសក្ការៈ ហើយចំពោះទ្រង់តែមួយគត់ដែលពួកយើងសុំឱ្យជួយ។ សូមទ្រង់មេត្ដាចង្អុលបង្ហាញដល់ពួកយើងនូវមាគ៌ាដ៏ត្រឹមត្រូវផងចុះ។ គឺមាគ៌ារបស់បណ្ដាអ្នកដែលទ្រង់បានប្រទាននៀកម៉ាត់ ដល់ពួកគេ ពុំមែនជា(មាគ៌ា)អ្នកដែលត្រូវគេខឹងសម្បា និងពុំមែនជា(មាគ៌ា)ពួកដែលវងេ្វងឡើយ"។

17

អាមីន

18

នេះជាទូអា ដែលមានន័យថា "ឱអល់ឡោះជាម្ចាស់ សូមទ្រង់មេត្តាទទួលយកផងចុះ"

19

សូត្រអ្វីដែលងាយស្រួលពីគម្ពីរគួរអាន

20

ឱនរូកុ

21

អល់ឡហ៊ូអឹកពើរ

22

ខ្នងត្រូវស្មើដោយមិនត្រូវកោងនោះទេ

23

ស៊ុបហាណារ៉ប់ពីយ៉ាល់អាហ្ស៊ីម

24

ក្នុងចំណោមហ្ស៊ីកៀរក្នុងពេលរូកុដែលមានបញ្ជាក់ពីណាពីគឺ ៖

25

سُبُّوحٌ قُدُّوسٌ، ربُّ الملائكةِ والرُّوح

26

سُبحانَكَ ربَّنا وبحمدِك، اللهمَّ اغفِرْ لي

27

سَمِعَ اللهُ لمَن حَمِدَه

28

ربَّنا ولكَ الحمدُ، حمدًا كثيرًا طيِّبًا مُبارَكًا فيه

29

ទម្លាក់ដៃរបស់យើង

30

ឬឱបដៃក៏បាន

31

ក្រាបស៊ូជោត

32

ថ្ងាស់រួមជាមួយនឹងច្រមុះ

33

បាតដៃទាំងពីរ

34

ក្បាលជង្គង់ទាំងពីរ

35

ចុងជើងទាំងពីរ

36

ស៊ុបហាណារ៉ប់ពីយ៉ាល់អាល់ឡើ

37

"ពេលដែលខ្ញុំអល់ឡោះនៅជិតទ្រង់ជាងគេបំផុត គឺពេលស៊ូជោត។ ហេតុនេះ ចូរពួកអ្នកបួងសួងសុំឲ្យបានច្រើននៅក្នុងពេលស៊ូជោត" ។(រាយការណ៍ដោយមូស្លីម)

38

អង្គយរបៀប អ៊ិហ្វទីរ៉ស្ហ

39

អង្គុយចោងហោង

40

រ៉ប់ពៀហ្គហ្វៀរលី

41

اللهمَّ اغفِرْ لي، وارحَمني، واجبُرني، واهدِني، وارزُقني

42

ស៊ូពូស

43

ជុមអាត់(ថ្ងៃសុក្រ)

44

រ៉យ៉ាទាំងពីរ

45

ស៊ូហ៊ោរ

46

អាសើរ

47

ម៉ាហ្គ្រិប

48

អ៊ីស្ហា

49

"ឱអល់ឡោះដ៏អស្ចារ្យ! រាល់ការគោរព និងបណ្តាអំពើល្អ គឺសម្រាប់អល់ឡោះ។ សូមសេចក្តីសុខ ការអាណិតស្រឡាញ់ និងពរជ័យកើតមានដល់ណាពីមូហាំម៉ាត់។ សូមសេក្តីសុខកើតមានដល់ពួកយើង និងបណ្តាអ្នកមានជំនឿដ៏ពិតប្រាកដក្នុងចំណោមខ្ញុំបម្រើរបស់អល់ឡោះ។ ខ្ញុំសូមសច្ចាថា គ្មានទេម្ចាស់ដែលត្រូវគោរពសក្ការៈដ៏ពិតប្រាកដក្រៅពីអល់ឡោះ ហើយខ្ញុំសូមសច្ចាទៀតថា ពិតណាស់ មូហាំម៉ាត់ គឺជាខ្ញុំបម្រើរបស់ទ្រង់់ និងជាអ្នកនាំសាររបស់ទ្រង់"។

50

"ឱអល់ឡោះជាម្ចាស់! សូមទ្រង់សឡាវ៉ាត(លើកសរសើរ)ទៅចំពោះមូហាំម៉ាត់ និងក្រុមគ្រួសារមូហាំម៉ាត់ ដូចដែលទ្រង់បានសឡាវ៉ាតទៅចំពោះអ៊ីព្រហ៊ីម និងគ្រួសារអ៊ីព្រហ៊ីមផង។ ពិតណាស់ ទ្រង់គឺជាអ្នកដែលត្រូវគេកោតសរសើរ និងលើកតម្កើង។ ឱអល់ឡោះជាម្ចាស់! សូមទ្រង់ផ្ដល់ពរជ័យដល់មូហាំម៉ាត់ និងគ្រួសាររបស់មូហាំម៉ាត់ ដូចដែលបានផ្ដល់ពរជ័យដល់អ៊ីព្រហ៊ីម និងគ្រួសាររបស់អ៊ីព្រហ៊ីមផង។ ទ្រង់គឺជាអ្នកដែលត្រូវគេកោតសរសើរ និងលើកតម្កើង)"។

51

ស៊ូហ៊ោរ អាសើរ ម៉ាហ្គ្រិប អ៊ីស្ហា

52

ស៊ូពូស ជុមអាត់ រ៉យ៉ាទាំងពីរ

53

"ឱអល់ឡោះជាម្ចាស់! សូមទ្រង់សឡាវ៉ាត(លើកសរសើរ)ទៅចំពោះមូហាំម៉ាត់ និងក្រុមគ្រួសារមូហាំម៉ាត់ ដូចដែលទ្រង់បានសឡាវ៉ាតទៅចំពោះអ៊ីព្រហ៊ីម និងគ្រួសារអ៊ីព្រហ៊ីមផង។ ពិតណាស់ ទ្រង់គឺជាអ្នកដែលត្រូវគេកោតសរសើរ និងលើកតម្កើង។ ឱអល់ឡោះជាម្ចាស់! សូមទ្រង់ផ្ដល់ពរជ័យដល់មូហាំម៉ាត់ និងគ្រួសាររបស់មូហាំម៉ាត់ ដូចដែលបានផ្ដល់ពរជ័យដល់អ៊ីព្រហ៊ីម និងគ្រួសាររបស់អ៊ីព្រហ៊ីមផង។ ទ្រង់គឺជាអ្នកដែលត្រូវគេកោតសរសើរ និងលើកតម្កើង)"។

54

អាស្សាឡាមូអាឡៃគុមវ៉ារ៉ោះម៉ាតុលឡោះ

55

"ហើយនៅពេលលោកអង្គុយក្នុងរ៉ក្អាត់ចុងក្រោយ គឺលោកស៊កជើងឆ្វេងរបស់លោក(ពីក្រោមជើងស្តាំ) ជើងស្តាំដាក់បញ្ឈរ ហើយអង្គុយលើគូទរបស់គាត់"។ រាយការណ៍ដោយ អាល់ពូខរី

56

អង្គុយបែប តាវ៉ាររុក

57

"ឱអល់ឡោះជាម្ចាស់! ពិតប្រាកដណាស់ ខ្ញុំសុំពីទ្រង់មេត្ដាបញ្ជៀសខ្ញុំពីទណ្ឌកម្មនរក ទណ្ឌកម្មនៅក្នុងផ្នូរ ភាពវឹកវរនៅក្នុងជីវិតរស់នៅនិងពេលស្លាប់ និងភាពអាក្រក់នៃភាពវឹកវរបណ្ដាលមកពីម៉ាស៊ីហ៍អាត់ហ្ទាច់ហ្ជាលផងចុះ"។

58

"ឱអល់ឡោះជាម្ចាស់! ខ្ញុំពិតជាបានបំពានចំពោះខ្លួនឯងយ៉ាងខ្លាំង ហើយគ្មានអ្នកណាម្នាក់ជាអ្នកអភ័យទោសក្រៅពីទ្រង់ឡើយ។ ហេតុនេះ សូមទ្រង់មេត្តាអភ័យទោសដល់ខ្ញុំនូវការអភ័យទោសពីទ្រង់ និងអាណិតអាសូរខ្ញុំផងចុះ។ ពិតណាស់ ទ្រង់គឺជាអ្នកអភ័យទោសនិងអាណិតអាសូរបំផុត)"។ (រាយការណ៍ដោយអាល់ពូខរី)

59

អាសតើហ្គហ្វ៊ីរុលឡោះ (ចំនួនបីដង)

60

អំពីអាពូហ៊ូរ៉យរ៉ោះ (សូមអល់ឡោះពេញចិត្តចំពោះគាត់) ថា : ខ្ញុំបានលឺរ៉ស៊ូលុលឡោះ សអវ លោកបានមានប្រសាសន៍ថា ៖ "ពិតណាស់ អ្វីដែលគេជំនុំជម្រះមុនគេក្នុងចំណោមទង្វើរបស់មនុស្សលោកនៅថ្ងៃបរលោក គឺសឡាត។ ប្រសិនបើវាល្អប្រសើរ គាត់នឹងមានសុវត្ថិភាព និង ទទួលជោគជ័យ។ ប៉ុន្តែ ប្រសិនបើវាមិនល្អវិញនោះ គាត់នឹងបរាជ័យ និងខាតបង់"។ រាយការណ៍ដោយ អាពូហ្ទាវូទ អាត់តៀរមីហ្ស៊ី និងន