صفة الوضوء (شرح عملي ومختصر)

របៀបយកវូហ្ទុ (វីដេអូអនុវត្តផ្ទាល់)

របៀបយកវូហ្ទុ (វីដេអូខ្លី)

ការអនុវត្តជាក់ស្ដែងដែលបង្ហាញយ៉ាងច្បាស់ពីរបៀបយកវូហ្ទុ  ម្តងមួយជំហានៗ  គឺមានសារសំខាន់ណាស់ ពីព្រោះវូហ្ទុ គឺជាលក្ខខណ្ឌចាំបាច់ដើម្បីឱ្យសឡាតមានភាពត្រឹមត្រូវ។

សូមទស្សនាវីដេអូ ហើយរៀនពីរបៀបយកវូហ្ទុឲ្យបានត្រឹមត្រូវ។

របៀបយកវូហ្ទុ

គេមិនទទួលយកសឡាតទាំងឡាយណាដែលធ្វើឡើងដោយគ្មានភាពជ្រះស្អាតឡើយ។

ក្នុងនាមអល់ឡោះ

ពីសមិលឡះ

គេបង្គាប់ប្រើឲ្យសូត្រ ពីសមិលឡះ នៅពេលដំបូងនៃការយកវូហ្ទុ។ តាមរយៈពាក្យនេះហើយដែលយើងចាប់ផ្ដើមវូហ្ទុរបស់ពួកយើង។

យើងលាងប្រអប់ដៃទាំងពីរ

បន្ទាប់មក យើងខ្ពុរមាត់ និងស្រូបទឹកចូលក្នុងច្រមុះ។

ការខ្ពុរមាត់ គឺធ្វើឡើងដោយការដាក់ទឹកក្នុងមាត់ ហើយអង្រង់គ្រលុកៗក្នុងមាត់។

រីឯការស្រូបទឹកចូលក្នុងច្រមុះវិញ គឺធ្វើឡើងដោយការហឺតទឹកចូលក្នុងច្រមុះ

រួចញើសបញ្ចេញទឹកនោះមកក្រៅវិញ។

គប្បីខ្ពុរមាត់ឲ្យបានខ្លាំង និងហឺតទឹកចូលច្រមុះឲ្យបានជ្រៅ ប្រសិនបើគេមិនមែនជាអ្នកដែលបួស ឬបារម្ភខ្លាចមានគ្រោះថ្នាក់

លាងមុខនឹងទឹក

ព្រំខ្នាតនៃផ្ទៃមុខ

បណ្តោយ៖ ចាប់ពីជើងសក់ខាងមុខ រហូតដល់ចង្កា

ទទឹង៖ ចាប់ពីត្រចៀកម្ខាង ដល់ត្រចៀកម្ខាងទៀត។

ចាំបាច់ត្រូវលាងមុខ រួមទាំងរោមទាំងឡាយដែលមានលើផ្ទៃមុខផងដែរ ដូចជារោមចិញ្ចើមទាំងសងខាងជាដើម។

ចំពោះពុកចង្កាវិញ ប្រសិនបើស្ដើង ចាំបាច់ត្រូវលាងផ្ទៃស្បែកដែលនៅពីក្រោមពុកចង្កានោះផងដែរ។

តែប្រសិនបើវាក្រាស់ គឺអាចលាងត្រឹមផ្នែកខាងក្រៅបានហើយ។

ហើយស៊ូណិត គប្បីយកដៃឈ្លីពុកចង្កានោះដោយទឹកផងដែរ។

បន្ទាប់ពីលាងមុខរួច គឺត្រូវលាងដៃទាំងសងខាង ដោយយើងចាប់ផ្ដើមពីដៃស្តាំមុន។

ត្រូវលាងដៃទាំងសងខាង ចាប់ពីចុងម្រាមដៃ រហូតដល់កែងដៃ រួមជាមួយនឹងលាងកែងដៃទាំងសងខាងនោះផង។

បន្ទាប់មកទៀត គឺត្រូវជូតក្បាល។

យើងផ្សើមដៃទាំងសងខាងនឹងទឹកថ្មី

ក្រោយមក យើងដាក់ដៃទាំងសងខាងដែលសើមទឹកនោះលើផ្នែកខាងមុខនៃក្បាល រួចអូសដៃទាំងសងខាងនោះទៅកាន់កញ្ចឹងក

បន្ទាប់មក អូសត្រឡប់មកកាន់កន្លែងដើមវិញ។

បន្ទាប់មកទៀត យើងជូតស្លឹកត្រចៀកទាំងសងខាងដោយប្រើទឹកដែលនៅសល់ពីការជូតក្បាល។

យើងធ្វើបែបនេះចំនួនមួយដង។

ចំពោះរបៀបនៅក្នុងការជូតស្លឹកត្រចៀកវិញ

គឺយើងដាក់ម្រាមចង្អុលទៅក្នុងរន្ធត្រចៀកទាំងសងខាង រួចជូតផ្នែកខាងក្នុង ហើយប្រើមេដៃជូតផ្នែកខាងក្រៅនៃស្លឹកត្រចៀកទាំងសងខាង។

ដូចនេះ យើងជូតស្លឹកត្រចៀកទាំងសងខាង ទាំងផ្នែកខាងក្រៅ និងផ្នែកខាងក្នុង។

បន្ទាប់មក យើងបន្តទៅកាន់ការលាងជើងទាំងសងខាង។

ព្រំខ្នាតនៃជើងទាំងសងខាងដែលចាំបាច់ត្រូវលាង

គឺចាប់ពីចុងម្រាម រហូតដល់ភ្នែកគោលទាំងសងខាង

យើងចាប់ផ្ដើមលាងពីជើងស្តាំមុន។ ត្រូវយកម្រាមដៃឈ្លីតាមចន្លោះម្រាមជើង ព្រមទាំងយកចិត្តទុកដាក់ក្នុងការលាងកែងជើងទាំងពីរឱ្យបានសព្វល្អ។

បន្ទាប់មកទៀត យើងលាងជើងឆ្វេង ដូចដែលយើងលាងជើងស្តាំដែរ។

ការយកវូហ្ទុតាមលំដាប់លំដោយដូចបានរៀបរាប់ខាងលើ គឺជាប្រការចាំបាច់ដាច់ខាត(វ៉ាជិប)។

ហើយការធ្វើជាបន្តបន្ទាប់គ្នារវាងអវយវៈទាំងនោះ ក៏ជាប្រការដែលចាំបាច់ដាច់ខាត(វ៉ាជិប)ដូចគ្នា ពោលគឺយើងមិនត្រូវពន្យារពេលយូរពេកក្នុងការឈានបន្តពីអវយវៈមួយ ទៅអវយវៈបន្ទាប់ឡើយ។

ការលាងអវយវៈនីមួយៗត្រឹមតែមួយដង គឺគ្រប់គ្រាន់ហើយ។ ប៉ុន្តែ ស៊ូណិតគប្បីលាងពីរដង ឬបីដង ចំពោះការលាងមុខ ខ្ពុរមាត់ ស្រូបទឹកក្នុងច្រមុះ លាងដៃទាំងពីរ និងលាងជើងទាំងពីរ ហើយការធ្វើបែបនេះ គឺប្រសើរជាង។

បន្ទាប់ពីយកវូហ្ទុរួចរាល់ ស៊ូណិតសូត្រថា៖

ខ្ញុំសូមធ្វើសាក្សីថា គ្មានទេព្រះជាម្ចាស់ដែលត្រូវគេគោរពសក្ការៈដ៏ពិតប្រាកដ លើកលែងតែអល់ឡោះមួយគត់ ពុំមានដៃគូសម្រាប់ទ្រង់ឡើយ ហើយខ្ញុំសូមធ្វើសាក្សីទៀតថា មូហាំម៉ាត់ គឺជាខ្ញុំបម្រើ និងជាអ្នកនាំសាររបស់ទ្រង់។

អាស្ហហាទូ អាល់ឡា អ៊ីឡាហា អ៊ិលលល់ឡោះ វ៉ះដាហូ ឡើស្ហារីកាឡះ វ៉ាអាស្ហហាទូ អាន់ណា មូហាំម៉ាតាន់ អាប់ទូហូ វ៉ារ៉ស៊ូលុះ

ប្រសិនបើសូត្របន្ថែមនូវឃ្លាខាងក្រោមនេះទៀត គឺកាន់តែប្រសើរ៖

ឱអល់ឡោះជាម្ចាស់!  សូមទ្រង់មេត្តាឲ្យរូបខ្ញុំស្ថិតក្នុងចំណោមអ្នកដែលសារភាពកំហុស(តាវហ្ពាត់) និងស្ថិតក្នុងចំណោមអ្នកដែលស្អាតស្អំផង។

អល់ឡហ៊ុមម៉ាច់អាល់នី មីណាត់ តាវវ៉ាពីន វ៉ាច់អាល់នី មីណាល់ មូតាតោះហ៊ីរីន។

ស្កែនបាកូដ

គណៈកម្មការទទួលបន្ទុកកិច្ចការសាសនាប្រចាំម៉ាស្ជិតអាល់ហារ៉ម និងម៉ាស្ជិតអាន់ណាហ្ពាវី

សារនៃម៉ាស្ជិតដ៏ពិសិដ្ឋទាំងពីរ

មាតិកាណែនាំផ្នែកច្បាប់អ៊ីស្លាមសម្រាប់អ្នកមកកាន់ម៉ាស្ជិតអាល់ហារ៉ម និងម៉ាស្ជិតអាន់ណាហ្ពាវី ជាពហុភាសា