صفة الوضوء والصلاة (مرئي)
Mɛtɛ yaasi a ba alwàla tɛ ? M Jìndè 1 Cɛ̀ɛkpɛ jìndè 2
This PDF is generated automatically from the book's text; its layout may differ from the printed edition.
Mɛtɛ yaasi a ba alwàla tɛ ?
M
Jìndè
1
Cɛ̀ɛkpɛ jìndè
2
{Noo ká noo nà cimi nɔ, dě noo tunu ka ba jingali wà noo mɔɔjìnɛ̀yo hinu , nna noo kàmmɛ̀yo ka kpee halī jɛ̀sɛ̀ dɔbuyo dɔ , wa yei ka noo bɔ̀nŋɔ̀yo tuusu , ka noo ceeyo hinu ka kpee cee mɔɔ hinka dɔ}
3
Jingari si dě ǹ na à tɛ alwàla bɔnŋɔ̀ , ya nɔ̀ alwala si dě niiya si , ya nɔ̀ niiya si dě Irikpɛ fisɔuyo nna gbei si , niiya binɛ gɔrdɔ nɔ̀ bìnɛ̀ kuna , à na ci dɛllɛ ga .
4
Nna Irikpɛ Māa
Irikpɛ Māa cɛyo (bismillaahi) bara sàriya nɔ̀ ká ǹ mà à tɛ alwàla tɛyo sintiyo dɔ .. Dě ya Irikpɛ Māa cɛyo di nɔ̀ irii sinti nnā iri ŋmɛnɛ alwàla tɛyo.. À banna, dě à ba ci sɔɔci, iri' n càkpà lǒ ka mɛ̄ɛ gɛiyanī nnā ..
5
Iri 'n kàmmɛ̀ hinka hinu cee hinza, kó sinti zǎ kàmmɛ̀ hinzeyo mɛɛmɛyo dɔ kó kpee halī kàmmɛ jìndèyo dɔ..
6
Iri 'n kàmmɛ̀ hinka ka kpee halī kàmmɛ̀ jìndè hinka hinu cɛrɛ ga cɛrɛ ga cee hinza
7
Sintiyo mà bara nna kàmmɛ gumɔ ká ǹ ba à hinu cee hinza , kàmmɛ̀ kàmmɛ wɔɔ hinuyo cee hinza mà ganā.
8
À binɛɛ hini ka tɛ ǹ mà kàmmɛ̀ igumɔ hinu (cee fɔ), ka kàmmɛ̀ iwɔ́ɔ hinu (cee fɔ) , ka yei ka kàmmɛ̀ igumɔ hinu (cee hinkàntɛ) , ka kàmmɛ̀ iwɔ́ɔ hinu (cee hinkàntɛ) ... À 'n tɛ zàŋa ya halī cee hinza kulu mà kùbe.
9
kó tabatanni ká harii tɔ kàmmɛ̀ hinzeyo binnī
10
À banna à 'n mɛɛ kukusu ka hari dàm nùnɛ̀..
11
Mɛɛ kukusuyo di dù kó tɛ̀ nɔ̀ nna hari dàmyo mɛɛ kuna ka kukusu ka tufa
12
Hari dàmyo nùnɛ̀ cɛ̀rɛɛ tɛ̀ nɔ̀ nna hari cènniyo nùnɛ̀ kuna nna hinanzobu káaraniyo , ka tɔntɔ̀nu nna hari di fɛ̃ɛyo nna kàmmɛ̀ iwɔɔ nna honanzobu zumanīyo.
13
Suna kuna nɔ̀ n mà mɛɛ kukusuyo nna hari cènniyo nùnɛ̀ kuna tɛ ka jáasani , dě n suu mɛɛhɔuyo ɔu n suu hamburu cùuta fɔ ..
14
Mɛɛ kukusuyo nna hari cènniyo nunɛ̀ kunaa tɛ̀ nɔ̀ nna hìnì hinka :
15
- Dɔbuyo(2) ; à yaasi nɔ̀ hari dàmyo kàmmɛ kòtòm fɔ kuna ka mɛɛ kukusu nna hari kàmmɛ kòtòm fɔ di ŋmɛnɛ zemìnɛ̀ zakā , ka hari cènniyo nùnɛ̀ kuna tɛ nna hari kàmmɛ kòtòm zèmìnɛ cìnni ...
Iri' n hari di kukusu mɛɛ kuna ka tufa , à banna iri 'n hari ká iri cènni nùnɛ̀ kuna fɛ̃ nna kàmmɛ̀ iwɔɔ..
Iri 'n tɛ zaŋa ya cee hinza nna hari kàmmɛ̀ kòtòm hinza.
16
- Fefeiyo(1) ; cɛrɛɛ yaasi nɔ̀ hari kàmmɛ̀ kòtòm fɔ lǒyo mɛɛ kukusuyo tikì sɛ, nna hari kàmmɛ̀ kòtòm fɔ ŋmàanì lǒyo hari cènniyo nùnɛ̀ kuna tikì sɛ. Iri 'n hari kàmmɛ̀ kòtòm fɔ kusǔm dàm mɛɛ kuna ka kukusu ka tufa ; à banna iri 'n hari kàmmɛ̀ kòtòm hìnkàntɛ kǎ ka à cènni nùnɛ̀ kuna ka yei ka à fɛ̃ nna kàmmɛ iwɔɔ ..
17
Mɛɛ kukusuyo nna hari cènniyo nùnɛ̀ kuna banna mɔ̀ɔjìnɛ̀ hinuyo yǎ ganā..
18
Mɔ̀ɔjìnɛ̀ zaka, kuyo ga, bara nɔ̀ zǎ gòosi bɔ̀nŋɔ̀ dɔ hamini zèiyo dɔ ka kpee tɔ̌na mɛ̄, hɛiyo ga binɛ, hanŋa fɔ ka kpee hanŋa hinkàntɛ bìnni
19
Mɔ̀ɔjìnɛ̀ hinuyo di kuna , hamini kulu ká à gono mɔ̀ɔjìnɛ̀ ga hinuyo bara tilàsi nɔ̀ ; zàŋa kàabɛ̀ hamini ká à na bá , nna mɛɛ hamini , nna mɔ̀ɔ sòmmu hinka , nna mɔ̀ɔ bɔ̀ŋɔdɔ haminiyo , nna mɛɛ hinze ganna ŋmɛnɛ cìre hamini..
20
Mɔ̀ɔjìnɛ̀ hinuyo binɛ gonna hìnì hinka :
21
Sìntè : Iri 'n hari kǎ kàmmɛ̀ kòtòm hinka mɛɛfɔ kuna , ka mɔ̀ɔjìnɛ̀ kulu hinu nnā , zǎ gòosi hamini ka kpee halī tɔ̌na bèenɛ̀ dɔ , kuyo ga , nna zǎ hanŋa kàmmɛ gumɔ ka kpee halī hanŋa kàmmɛ wɔɔ dɔ , hɛiyo ga. Dě kàabɛ̀ bara ibèerì , se ǹ mà hari dàm nna tɔ̌na cìre ka kàbɛ̀ di fefei fefei nnā .
Iri 'n tɛ zaŋa ya cee hinza , nŋa ya di yá binɛ bara cee hɛi kùbèntɛ , ɔu iri 'n tɛ zaŋa ya cee hinka , ɔu cee fɔ ká à bara tilasi .
22
Àhìnkàntɛ : Iri 'n hari dàm kàmmɛ̀ igumɔ fɔlɔnku kuna ka à dòoru mɔ̀ɔjìnɛ̀ ga, ka mɔ̀ɔjìnɛ̀ hinu nna kàmmɛ̀ hinka kulu mɛɛfɔ zàŋa hài ká iri cìba hìnì sìntè kuna.. Iri 'n tɛ zàŋa ya cee hinza..
23
Alwàla dɔbu dɔbuyo (hinuyo) sɛsɛrɛyo cɛrɛ ga bara tilasi nɔ̀ , nŋa ǹ hinu hinuyo di mó dɔbuyo nna cɛ̀rɛ bɔ̀ŋɔ̄ bara tilasi . À sɛ ir'n su jina ka dɔbu fɔ hinu dɔbu fɔ ŋmàanì ká à hinuyo ba jina sɛ , iri binɛ mà su kɔkɔ̀rɔ̀ ka dɔbu fɔ hinu dɔbu fɔ ŋmàanī ká à hinuyo ba kɔkɔ̀rɔ̀ sɛ..
24
Mɔ̀ɔjìnɛ̀ hinuyo banna iri 'n kpee kàmmɛ̀ hinka hinuyo ga.
25
Kàmmɛ̀ hinka zaka ká ǹ hinuyo bara tilasi nɔ̀ : zǎ kàmmɛ̀ hinzeyo mɛɛmɛɛyo ka kpee halī jɛ̀sɛ̀ dɔbu , ka margu nna jɛ̀sɛ̀ dɔbu hinka di hinuyo.
26
Iri 'n sinti nna kàmmɛ igumɔ hinuyo zǎ kàmmɛ̀ hinzeyo dɔ, kó kàmmɛ̀ hinka hinzeyo dàm cɛ̀rɛ kuna ko gu ǹ fefei fefei nna cɛrɛ , halī ka hari tɔyanī jɛsɛ dɔbu (ka hinu ka margu nna àla)
27
.. à banna iri 'n yei kàmmɛ̀ iwɔɔ dɔ ka à hinu kpɛ̌nɛ zǎ kàmmɛ̀ hinzeyo halī jɛ̀sɛ̀ dɔbu , kó kàmmɛ̀ hinzeyo fefei fefei nna cɛrɛ..
28
Iri 'n kpee bɔ̀nŋɔ̀ tuusuyo ga.. Iri 'n kàmmɛ̀ (tàafɛ) hinka yeiyanī nna hari taagɔ , ka ǹ tɛ̀kɛ gòosi dɔ (bɔ̀nŋɔ̀ hamini sintiyo dɔ), ka kpee nna kàmmɛ̀ (tàafɛ) hinka di halī kpanna, ka yei ka kàmmɛ̀ (tàafɛ) hinka di yèeti ka kpee nnā halī nunŋu ka iri sinti nna tuusuyo di .. Bɔ̀nŋɔ̀ tuusuyo kuna binɛ fèfei si bɔ̀nŋɔ̀ kɔli kɔlikpɛ nna bɔ̀nŋɔ̀ haminikpɛ bìnnī..
29
À banna iri 'n hanŋa hinka tuusu nna hari ká à cìnnì (kàmmɛ̀ tàafɛ hinka ga) bɔ̀nŋɔ̀ tuusuyo banna . Irii tɛ zaŋa ya nɔ̀ cee fɔ..
30
Hanŋa hinka tuusuyo yaasi nɔ̀ iri 'n kàmmɛ̀ hinze ká ň cìba nnā dàm hanŋa hinka kuna ka ǹ tuusu , ka hanŋa hinka banna banna tuusu nna kàmmɛ̀ hinze bèerì , saadi irii bara ká iri nà hanŋa hinka banna banna nna ǹ kuna tuusu nɔ̀ ya..
31
À banna iri 'n kpee cèe hinka hinuyo ga , cèe hinka zaka ká ǹ hinuyo bara tilasi binɛ nɔ̀ : zǎ cèe hinze mɛɛmɛɛyo ka kpee halī cèe mɔ̃ɔ hinka dɔ , cèe banna hinka hinuyo binɛ bara tilasi nɔ̀ .
32
Iri 'n sinti nna cèe kàmmɛ igumɔ kó cèe hinzeyo fefei fefei nna cɛrɛ (hinuyo kuna). Iri 'n kùla nna cèe banna hinka nna cèe bɔ̀nŋɔ̀dɔ hinka hinuyo..
33
À banna iri 'n cèe kàmmɛ iwɔɔ hinu zàŋa ká iri nà cèe kàmmɛ igumɔ hinu , ka na diriŋa cèe hinzeyo fefeiyo nna cɛrɛ , nna nànɛyo ka cèe kpanŋa kusǔm hinuyo bara ká à tɛ̀ nŋa hari tɔ cèe mɔ̃ɔ hinka ga ka bòori.
34
Á sěda ká kpeei fɔ si kábà hìma ǹ mà bɔ̀ɔta ŋmaa à sɛ fàase Irikpɛ Fɔlɔnku À sinna kàsìnɛ . Nŋa á sěda ka Muhammadu bara À tǎm nɔ̀ ka bara À dìya .
35
Sunna kuna , ǹ bāa Irikpɛ Māa cɛyo wɔ̀ tɛyo nna Irikpɛ ŋmaarɛyo alwàla tɛyo beeniyo banna . Nŋa sunna kuna ǹ yei ka bāa alwàla tɛɛkpɛ mà tɔntɔ̀nu :
36
Irikpɛ , N mà a dàm warkáyo ň hini tuubayo kuna , ka a dàm warkáyo ň hini ǹ bɔ̀ŋɔ gɛiyaniyo kuna.
37
Ɔu
Gɛiyoo tabbatayo N ga , Nī Irikpɛ , ka margu nna N Saabuyo , á sěda ka kpeei fɔ si ká à hìma ǹ mà bɔ̀ɔta ŋmaa à sɛ fàase Nī , á kɔɔsuyo ŋmaarɛ N ga kó tuuba kó yei Ndɔ (Subhaanaka allaahumma wa bihamdika ashhadu an laa ilaaha illaa anta astagfiruka wa atuubu ilaika)
M
hài ká ǎ hantumyo taabulo ga
1
Mɛtɛ yaasi a ba alwàla tɛ ?
2
{Noo ká noo nà cimi nɔ, dě noo tunu ka ba jingali wà noo mɔɔjìnɛ̀yo hinu , nna noo kàmmɛ̀yo ka kpee halī jɛ̀sɛ̀ dɔbuyo dɔ , wa yei ka noo bɔ̀nŋɔ̀yo tuusu , ka noo ceeyo hinu ka kpee cee mɔɔ hinka dɔ}
[Al maaidah : 6]
3
Kàmmɛ̀ tàafɛ hinka hinuyo
4
Hari kukusuyo nna hari cènniyo nùnɛ̀ kuna
5
Dɔbuyo
6
Fefeiyo
7
Mɔ̀ɔjìnɛ̀ hinuyo
8
Sìntè
9
Àhìnkàntɛ
10
Niiya nna Irikpɛ Māa cɛyo
11
Kàmmɛ̀ hinka hinuyo (ka kɛi kàmmɛ̀ jìndè hinka)
12
Hari kukusuyo
13
Hari cènniyo nùnɛ̀ kuna
14
Mɔ̀ɔjìnɛ̀ hinuyo
15
Kàmmɛ̀ hinka hinuyo ka kpee margu nna jɛ̀sɛ̀ dɔbu hinka
16
Bɔ̀nŋɔ̀ tuusuyo nna hanŋa hinka tuusuyo
17
Cèe hinka hinuyo ka margu nna cèe mɔ̃ɔ hinka
18
Kàmmɛ̀ hinka hinuyo
19
Bɔ̀nŋɔ̀ tuusuyo
20
Bɔ̀nŋɔ̀ sintiyo dɔ = gòosi nunŋu ká bɔ̀nŋɔ̀ hamini zèiyoo sinti...
21
Bɔ̀nŋɔ̀ mɛɛ zaka = kpanna dɔ nunŋu ká bɔ̀nŋɔ̀ hamini zèiyo kɛi..
22
Hanŋa hinka tuusuyo
23
Cèe hinka hinuyo
24
Andebi cì (Irikpɛ mà à fɔ̌ ka à saabu ka à yenanī) :
«Nìnɛ̀ ŋmɛnɛ àzaaba gono cèe kpanŋayo ká ǹ su gu ǹ hinu sãasã alwàla kuna sɛ , wǒ alwàla tɛyo kubanī sãasã».
Abuu Daawuuda ya nà hadiisi wɔ̀ ta.
25
Muslim yǎ nà hadiisi wɔ̀ ta.
26
«Irikpɛ , N mà a dàm warkáyo ň hini tuubayo kuna , ka a dàm warkáyo ň hini ǹ bɔ̀ŋɔ gɛiyaniyo kuna».
Tirmizi yá nà hadiisi wɔ̀ ta
27
«Gɛiyoo tabbatayo N ga , Nī Irikpɛ , ka margu nna N Saabuyo , á sěda ka kpeei fɔ si ká à hìma ǹ mà bɔ̀ɔta ŋmaa à sɛ fàase Nī , á kɔɔsuyo ŋmaarɛ N ga kó tuuba kó yei N dɔ».(Subhaanaka allaahumma wa bihamdika ashhadu an laa ilaaha illaa anta astagfiruka wa atuubu ilaika).
Nasaaï yá nà hadiisi wɔ̀ ta tila ká ň cɛ "ãmalu alyaumi wa allailati / Zaari nna ciini gbeiyo" kuna .
Mɛtɛ yaasi a ba jingali ?
Jingari (yaasi) zǎ Allaahu Akbaru (sìntè) halī sallamayo...
M
Jìndè
1
Kabura turaniyo jìndè..
2
Kabura turaniyoo dɔbuyo..
Niiya zàyo nɔ̀ gbei sintè ká jìngàrìkpɛ ba jina ka tɛ , à gɔrdɔ binɛ nɔ̀ bìnɛ̀ kuna.
3
Iri 'n mɔ̀ɔjìnɛ̀ nɔ̀ gabai kàmmɛ , dě n bara lèmam ɔu n bara n fɔlɔnku n mà sàamacī gaaru n mɔ̀ɔjìnɛ.
4
Allaahu akbar
Allaahu Akbar sìntè , nna àla nɔ̀ irii huro jingali kuna, à binɛ suu tɛ se ǹ mà à cì nna dɛllɛ..
5
Allaahu Akbar di ciyo dɔ iri 'n kàmmɛ̀ hinka zà ka kpee nnā jɛ̀sɛ̀ wàla hinka dɔbu hinka deedei zaka , kàmmɛ̀ hinzeyo tàafɛyo mǒ cìbayo alkibila dɔ kàmm...
Ɔu
iri 'n kàmmɛ̀ hinka di zà halī hanŋa hinka deedei zaka nna hìnì gùlè fɔ ká iri dom cìba di..
6
Allaahu Akbar di banna iri 'n kàmmɛ̀ hinka di tɛkɛ jɛnnɛ̀ ga , ɔu jɛ̀nnɛ̀ gannā gannā dɔ funbè ga , ɔu funbè gannā , à kuluyo wɔ̀ bara deedei nɔ̀..
iri 'n iri kàmmɛ̀ igumɔ tɛ̀kɛ kàmmɛ̀ iwɔɔ ga
ɔu iri 'n kàmmɛ iwɔɔ banna kɔtɔ nna kàmmɛ igumɔ tàafɛ..
ɔu iri 'n kàmmɛ dùmbùrɛ ká à gono kàmmɛ̀ nna jɛsɛ̀ bìnnī kɔtɔ nna kàmmɛ̀ tàafɛ igumɔ ..
7
Allaahuma baaĩd bainii wa baina hɔtɔɔyaaya kàmaa baãdta baina al-mashriki wà al-magribi, Allaahuma nakkinii min hɔtɔɔyaya kàmaa yunakkaa assaubu al-abyadu min addanasi , Allaahuma igsilnii min hɔtɔɔyaaya bi assalji wà al-maai wà al-baradi. «Iri Nɔ̀rukpɛ N mà mɔ̀ɔrɛ̄ dàm hɛ̄i nna a dɛrɛ dɛrɛyo bìnnì zàŋa ká N nà mɔ̀ɔrɛ̄ dàm wèenù hùniya nna wèenù kàniya bìnni , iri Nɔ̀rukpɛ N mà a gɛiyanī ka mɔɔranī nna a dɛrɛ dɛrɛyo zàŋa ká ň tàafɛ kpaarɛ mɔɔranī nna zìibì , iri Nɔ̀rukpɛ N mà a himɛ nna haranda tonnī, nna hari, nna cìniji tonni, ka mɔɔrani nna a dɛrɛ dɛrɛyo».
Iri 'n jingali feeriyo ŋmaarɛyo tɛ Allaahu Akbaru sìntè cìyo banna zǎ iri na (fatiha) cou jinā , jingali feeriyo ŋmaarɛyo ŋmàanī fɔyo binɛ kà. Nŋa à bara sunna nɔ̀ ǹ mǒ ŋmaarɛyo di tɛ koo bàaru bàarù...
8
Àũuzu billaahi min ashshaitɔɔni arradjiim Á huro nna Irikpɛ À mà sarī nna sèetam làalìntɛ
Hài ká ǎ jingali feeriyo ganā nɔ̀ : sarī ŋmaarɛ Irikpɛ ga , à banna faatiha couyo..
9
Irikpɛ hàmbùre nna nàsu bɔ̀nŋɔ̀, iri mǒ cou aaya fɔfɔ fɔfɔ .
10
Aamiin
à cìyo bara nɔ̀ sunna jìngàrìkpɛ sɛ , dě lemam dě lemam gànàkpɛ dě bɔnŋɔ fɔ jìngàrìkpɛ, à na bara fatiha ŋmɛnɛ aaya fɔ, à de bara nɔ̀ ŋmaarɛyo ká hài ká ǎ cì nɔ̀ : Irikpɛ mà tà .
11
Faatiha banna iri 'n cou al-kuani kuna zaka ká à bara iri sɛ sɔɔci , suura kùsǔm , ɔu à kuna zaka fɔ , couyo banna iri 'n dɛŋɛ̄i cɛɛnɛ ka dù ka kpee cɛ̀nŋɛ̀ kɔtɔ .
12
Allaahu Akbar
Iri 'n hùnùyo kɛ̄iyo koo kpee gungumyo ka cɛ̀nŋɛ̀ kɔtɔ ŋmɛnɛ Allaahu Akbar cì..
Jingari kuna nunŋu hìnkàntɛ ká kuna andebi (Irikpɛ mà à fɔ̌ ka à saabu ka à yeenanī) cin ka à kàmmɛ̀ zà bɔ̀nŋɔ̀ dɔ nɔ̀ ya ; à sɛ à bara sunna nɔ̀ iri mǒ gu iri kàmmɛ̀yo zà koo kpee nnā jɛ̀sɛ̀ dɔbu hinka ɔu hanŋa hinka dɔ..
13
Iri 'n kàmmɛ̀ hinka tɛ̀kɛ cɛ̀nŋɛ̀ hinka ga, kàmmɛ hinzeyo móo fefeiyo nna cɛrɛ koo gonoyo cɛ̀nŋɛ̀ hinka di ga zaŋa iri gu ǹ kɔtɔyo kàmmɛ̀ kuna nɔ̀.
Iri 'n nàsu gungumyo ka cɛ̀nŋɛ̀ kɔtɔ kuna, jɛ̀sɛ̀ hinka móo fefeiyo nna carau hinka. Iri 'n su jɛ̀bɛ̀rɛ̀ kǎ koo siiriyo koo yēi iri carau hinka kuna àfɔ dɔ kàmmɛ̀.
14
Banna móo kɛ̄iyo deedei ka suu mɔnŋɔyo , bɔ̀nŋɔ̀ nŋa mǒ sawayo deedei nna banna , iri su ba à zà bɔ̀nŋɔ̀dɔ iri binɛ su ba à gumanī.
15
Subhaana rabbii al-Ãziim «Gɛiyo tabbatayo a Nɔ̀rukpɛ Jirima Bèerìkpɛ ga»
Iri 'n tasbiihu (Irikpɛ Māa Gɛiyanīyo) tɛ ka yáara cee hinza , cee hɛi zaka cɛɛnɛ kùbèntɛ nɔ ya. Tasbiihu tɛyo cee fɔ binɛɛ tɛ̀ , iri binɛ ba hini ka tɔ̀ntɔ̀nu dě irii bā . Iri mǒ tasbiihuyo ká ǹ kà zǎ andebi dɔ tɛ koo bàarù bàarù.
16
Irikpɛ Māa cɛyo ká ň cì cɛ̀nŋɛ̀ kɔtɔyo kuna hɛi bā.
17
Samiã Allaahu lì man hàmidah.. Irikpɛ mã warka à nà À saabu sɛ
Iri ba à cì nɔ̀ saa ká irii tunu zǎ cɛ̀nŋɛ̀ kɔtɔyo kuna , dě irii jingali iri fɔlɔnku ɔu iri kuna àfɔ bara lèmam..
18
ko gu iri kàmmɛ̀yo zà koo kpee nnā jɛ̀sɛ̀ wàla dɔbuyo deedei ɔu hanŋa hinka deedei zaka , nunŋu hinzàntɛ ká dɔ irii kàmmɛ̀ zà nɔ̀ ya..
19
à banna iri 'n kɛ̄i deedei koo cì :
«Rabbanaa wà laka alhamdu». «Iri Nɔ̀rukpɛ , Ǹ Fɔlɔnku Tikì sɛ nɔ̀ saabuyo kulu gono».
20
hìnì gono iri sɛ ká tùnùyo zǎ cɛ̀nŋɛ̀ kɔtɔ kuna banna iri mà iri kàmmɛ̀yo tàm ɔu iri mà ǹ kɔtɔ..
21
Kɛ̄iyo kuyaniyo gungumyo ka cɛ̀nŋɛ̀ kɔtɔ banna bara sunna nɔ̀.
22
Allaahu Akbar
À banna iri 'n zùmmu gannā koo Allaahu Akbar tɛ zùmmùyo di kuna, Allaahu Akbar ká à bara hùnùyo kɛ̄iyo ka kpee sujadayo ŋmɛnɛ.
Iri 'n kàmmɛ̀ hinka jinanī cɛ̀nŋɛ̀ hinka sɛ , ɔu iri 'n cɛ̀nŋɛ̀ hinka jinanī kàmmɛ̀ hinka sɛ , mɔ̀ɔ yaasi hinka di kuna warka à sawa iri sɛ.
23
Nŋa à bara tilasi nɔ̀ iri 'n sùjada biri taaci ga ; zàŋa hài ká Irikpɛ dìyà nà iri cìba Irikpɛ mà à fɔ̌ ka à saabu ka à yeenanī.
Gòosi ka margu nna nùnɛ̀ , kàmmɛ̀ tàafɛ hinka , cee hinka , nna cɛ̀nŋɛ̀ hinka.
24
Iri 'n nàm cèe nzeyo mɛɛmɛɛyo mǒ cìbayo alkibla kàmmɛ , cèe hinkayo mó sìnŋìyo koo kɛ̄iyo.
Iri 'n taarā hinka fefei nna cɛrɛ ka gǔndē zà bɔ̀nŋɔ̀dɔ ka à fefeiyo nna ǹla (taala hinka di).
Iri 'n nàm kàmmɛ̀ dùmbùrɛ̀ hinka ká ǹ gono kàmmɛ̀ jìndè hinka nna jɛ̀sɛ̀ hinka bìnnī mó zàyo koo fefeiyo nna gannā koo mɔɔruyo nna carau , dě iri si koo jingali zàmā kuna ɔu irii hamburu warkáyo ǹ gono iri jɛrɛ cùutayo.
Iri 'n nàm kàmmɛ̀ hinka mó gono jɛ̀sɛ̀ wàla hinka deedei ɔu hanŋa hinka deedei..
25
«Subhaana rabbiya al-a'nlaa» «Gɛiyoo tàbbatayo à Nɔ̀rukpɛ Ká À Beeriyo Bissayo ga»..
Iri 'n tasbiihu (Irikpɛ Māa Gɛiyanīyo) tɛ ka yáara cee hinza , cee hɛi zaka cɛɛnɛ kùbèntɛ nɔ ya. Tasbiihu tɛyo cee fɔ binɛɛ tɛ̀ , iri binɛ ba hini ka tɔ̀ntɔ̀nu dě irii bā . Iri mǒ tasbiihuyo ká ǹ kà zǎ andebi dɔ tɛ koo bàarù bàarù. Iri mà (Iri mà Irikpɛ ŋmaarɛ) anduniya nna laahara ŋmɛnɛ alheiri ká iri bā ŋmaarɛ .
26
Irikpɛ dìyà cì (Irikpɛ mà à fɔ̌ ka à saabu ka à yeenanī) : «Sāa ká tǎm màanìyo nna à Nɔ̀rukpɛ ka bissa nɔ̀ , sāa ká ǎ sujadayo, à sɛ wà Irikpɛ ŋmaarɛyo bayanī»
27
Allaahu Akbar
Iri 'n bɔ̀nŋɔ̀ zà koo tùnu zǎ sùjadayo kuna koo cì Allaahu Akbar bɔ̀nŋɔ̀ zàyo koo tùnu di kuna.
Iri 'n cèe iwɔɔ dāari ka gɔrɔ à ga nàsu bɔ̀nŋɔ̀, ka cèe igumɔ sìnŋì , cèe igumɔ di nzeyo mó cìbayo alkibla kàmmɛ.
Ɔu
Iri 'n cèe hinka kulu sìnŋì ka gɔrɔ cèe kpanŋa hinka ga..
Iri 'n kàmmɛ̀ igumɔ(1) tɛ̀kɛ taala igumɔ ga , ka kàmmɛ̀ iwɔɔ tɛ̀kɛ taala iwɔɔ ga, ǹ mǒ tɛ̀kɛyo koo gono cɛ̀nŋɛ̀ dɔ ɔu cɛ̀nŋɛ̀ ga.
28
Rabbi igfirlii.. A Nɔ̀rukpɛ, N mà a kɔɔsu..
nŋa nɔ̀ iri bo gu Irikpɛ ŋmaarɛ nnā sùjada hinka bìnni ká kuna iri ba gɔrɔ nàsu bɔ̀nŋɔ̀..
29
Allaahu Akbar
Iri 'n yàara ka zùmmu Allaahu Akbar cìyo bɔ̀nŋɔ̀ ka sùjada hìnkàntɛ tɛ , nŋa bɔ̀ŋɔ̄ binɛ bara sùjada sìntè tàka nɔ̀ , zǎ à tɛyo yaasi nna hài ká ň cì à kuna..
30
Allaahu Akbar
Iri 'n kàna rakaa hìnkàntɛ, mɔɔ yaasi ká iri nà rakaa sìntè tɛ nna :
Kàmmɛ̀ hinka tɛ̀kɛyo(1), faatiha nna alkurani kuna aayah ɔu aayayo couyo..
À banna iri 'n gungum ka cɛ̀nŋɛ̀ kɔtɔ..
Allaahu Akbar
Iri 'n tùnu..
Samiã Allaahu li man hamidahu..
à banna iri 'n sùjada.
Allaahu Akbar..
Iri 'n sujada cèe hìnkàntɛ, à banna iri 'n tùnu ka gɔ̀rɔ teiya tɛyo sɛ..
Allaahu Akbar..
Allaahu Akbar..
Allaahu Akbar..
31
Rakaa hìnkàntɛ beeniyo banna iri 'n gɔ̀rɔ teiya tɛyo sɛ , iri 'n gɔ̀rɔ cèe igumɔ tàafɛ ga , cèe iwɔɔ mó sìnŋìyo à ŋmɛnɛ hinzeyo mó cìbayo alkibla kàmmɛ..
32
Gɔ̀rɔyo cèe igumɔ tàafɛ ga ka cèe iwɔɔ sìnŋìi tɛ nɔ̀ jingali rakaa hinka ŋmɛnɛ teiya tɛyo dɔ ; zàŋa àsùba nna zumaa nna jingali ŋmaayo hinka ŋmɛnɛ jingali kuna , zàŋa ká ǎ tɛ nɔ̀ jingali rakaa hinza nna àtaaci ŋmɛnɛ teiya sintè tɛyo dɔ , nna gɔ̀rɔyo sùjada hinka bìnnī kuna..
33
Tàali binɛ si à 'n gɔ̀rɔyo yaasi ká ǎ hini tɛ dě à su ba hini ka gɔ̀rɔyo cèe igumɔ tàafɛ ga ka cèe iwɔɔ sìnŋìi tɛ à gá bayo sǎbu gànna ɔu à cèe hinka dòorɛ sǎbu gànna ɔu sǎbu fɔ ŋmàanì gànna..
34
Teiya tɛyo kuna iri 'n kàmmɛ̀ igumɔ tɛ̀kɛ taala igumɔ ga , kàmmɛ̀ nzeyo kulu mǒ kunŋkuniyo fàase kàmme ká ň ciba nnā ká iri bo cìbayo nnā..
35
ɔu iri 'n kàmmɛ̀ nze bèerì nna bìnnī bìnnī ŋmɛnɛ mɛɛmɛɛyo làti nna cɛrɛ ǹ mà tɛ kokoroko , iri 'n dù koo cìbayo nna kàmmɛ̀ nze ká ň cìba nnā..
36
Kàmmɛ̀ iwɔɔ cɛrɛ iri mà à tɛ̀kɛ taala iwɔɔ ga ɔu iri 'n cɛ̀nŋɛ̀ kɔtɔ nna àla.
Ǹ bā teiya tɛyo kuna iri mǒ kàmmɛ̀ igumɔ nze ká ň cìba nnā gùna.
37
«At-tahiyaatu lillaahi wà as-sɔlawaatu wà at-tɔyyibaatu as-salaamu anlaika wà rahmatullaahi wà barakaatuhuu, asa-salaamu ãlainaa wà ãlaa ĩbaadillaahi as-sɔɔlihiina. ash-hadu an laa ilaaha illa Allahu wà ash-hadu anna Muhammadan ãbduhuu wà rasuuluhu.» «Fɔ̌yo kulu gono Irikpɛ sɛ nɔ̀ , nna jingaliyo nna ihɛ̀nnɔyo kulu bɔ̀ŋɔ̄. Bàani nna yèenaayo mà tɔ n ga , nī andebi , nna Irikpɛ ŋmɛnɛ Sisibi nna À ŋmɛnɛ Alheiri Tùtuumayo bɔ̀ŋɔ̄ , bàani nna yèenaayo mà tɔ iriyo bɔ̀ŋɔ̄ ga , nna Irikpɛ tǎm hɛ̀nnɔyo kulu bɔ̀ŋɔ̄ ga . Á sěda ká kpei fɔ si ká à hima ǹ mà ganā nna cimi fàase Irikpɛ Fɔlɔnku , nŋa á sěda ká Muhammadu bara Irikpɛ tǎm nɔ̀ nna À dìyà»
Teiya sìntè fɔlɔnku nɔ̀ iri ba cou dě jigari bara rakaa hinza ɔu ataaci ŋmɛnɛ.
Amma dě jingali bara rakaa hinka ŋmɛnɛ , zàŋa àsùba jingali ɔu zuma jingali ɔu jingali ŋmaayo hinka ŋmɛnɛ jingali , se iri 'n teiya tɛyo funtanī nna sɔlaati ibraahiimiya tɛyo (ka tɔ̀ntɔ̀nu)..
(Allaahumma sɔlli ãlaa Muhammadin wa ãlaa aali Muhammadin, kamaa sɔlleita ãlaa Ibrahiima wa ãlaa aali Ibraahiima; innaka Hamiidun Majiidun, Allaahumma baarik ãlaa Muhammadin wa ãlaa aali Muhammadin kamaa baarakta ãlaa Ibrahima wa ãlaa aali Ibraahiima; innaka Hamiidun Majiidun) Irikpɛ , N mà fɔ̌yo nna saabuyo nna yèenāayo tɔyanī Muhammadu ga , ka tɔyanī Muhammadu fū bòroo ga , zàŋa ká N nà fɔ̌yo nna saabuyo nna yèenāayo tɔyanī Ibraahiima ga, ka tɔyanī Ibraahiima fū bòroo ga ; domi Nī yǎ Hìmaayo nna Saabuyo Kùbèntɛ, kó Barayo Jirima nna Yiiko Bèerì Kùbèntɛkpɛ . N mà yei ka tɔ̀ntɔ̀nu ka alheeri bayanī Muhammadu ga, nna Muhammadu fū bòroo ga, zàŋa ká N tɔ̀ntɔ̀nu ka alheeri bayanī Ibraahiima ga, nna Ibraahiima fū bòroo ga ; domi Nī yǎ Hìmaayo nna Saabuyo Kùbèntɛ, kó Barayo Jirima nna Yiiko Bèerì Kùbèntɛkpɛ.
38
Assalaamu ãleikum wa rahmatullahi ...
Assalaamu ãleikum wa rahmatullahi..
Sallamayoo tɛ̀ nɔ̀ teiya nna Irikpɛ ŋmaarɛyo ká ǹ kà andebi sunna kuna couyo bànna.. dě jingali bara rakaa hinka ŋmɛnɛ..
39
Iri 'n Allaahi Akbar cìyo mayanī cɛɛnɛ cɛɛnɛ.
Amma dě jingali bara rakaa hinza ŋmɛnɛ zàŋa magaribi , ɔu rakaa taaci ŋmɛnɛ zàŋa alzafari nna laasari nna lèesa jingali ,
40
se teiya sìntè tɛyo banna iri 'n tùnu rakaa fɔ cìnnī jingaliyo sɛ dě magaribi jingali kuna nɔ̀ iri gono , ɔu rakaa hinka cìnnī jingali sɛ dě alzafari nna laasari nna lèesa jingali kuna nɔ̀ iri gono. Rakaayo di jingaliyo kuna iri 'n faatiha cou , ka tɔ̀ntɔ̀nu nna kpàarɛyo ká iri jina ka tɛ gungum ka cɛ̀nŋɛ̀ kɔtɔ nna sùjadayo nna kɛ̄iyo nna gɔ̀rɔyo senni tɛyo kuna..
41
Allahu akbar
42
Teiya kɔkɔ̀rɔ̀ ká à bara jingali teiya hinka ŋmɛnɛ kuna gɔ̀rɔyo ká ň cɛ "tawarruk" nɔ̀ andebi (Irikpɛ mà à fɔ̌ ka à saabu ka à yeenanī) cin tɛ..
43
"Tàwarruki" gɔ̀rɔ̀yo di binɛɛ gono nɔ̀ jingali rakaa hinza nna àtaaci ŋmɛnɛyo tìkì teiya kɔkɔ̀rɔ̀ tɛyo kuna , à tɛyo mɔɔ yaasi binɛ hɛi ba :
44
Cèe iwɔɔ dāarìyo , ka cèe igumɔ sìnŋì , ka ǹ kulu kǎ kàmmɛ igumɔ kàmmɛ , ka nàm kɔ̀sɛ̀ zakā hinka mó tɛ̀kɛyo gànna ga.
ɔu :
cèe hinka kulu dāarìyo , ka ǹ kǎ kàmmɛ igumɔ kàmmɛ.
ɔu :
à 'n cèe igumɔ dāarì , ka cèe iwɔɔ dàm taala igumɔ nna cèe dùmbùrɛ̀ ká à gu à ganā bìnnī.
45
Teiya kɔkɔ̀rɔ̀ ŋmɛnɛ gɔ̀rɔyo kuna , irii teiya cou , à bannā iri mà à gananī nna asɔlaati tɛyo andebi sɛ Irikpɛ mà à fɔ̌ ka à saabu ka à yeenanī.
46
Teiya tɛyo banna , zǎ iri na sallama jina , iri 'n sari nŋmaarɛ Irikpɛ ga nna hàyà taaci : jahannama ŋmɛnɛ àzaaba , nna sàarɛ̄ guusu ŋmɛnɛ àzaaba , nna hunayo nna buyo ŋmɛnɛ bitani nna ǹ nawaya , nna masiihu dajjaali ŋmɛnɛ bitani nna à nawya ŋmɛnɛ ilàalɔ..
ka Irikpɛ ŋmaarɛ anduniya nna lahara ŋmɛnɛ alheiri kulu ká irii bā..
47
Assalamu ãleikum wa rahmatullaahi
Assalaamu ãlékum wa rahmatullahi..
Bèniyo jingali nna bɔŋɔ feeriyo ka kǎ à kuna suu tɛ fàase nna sallamayo..
48
Nna sallama nɔ̀ irii bara ká iri beeni jingaliyo .
(Astagfiru Allaaha.. Astagfiru Allaha.. Astagfiru Allaha..) Á kɔɔsuyo ŋmaarɛ Irikpɛ ga.. Á kɔɔsuyo ŋmaarɛ Irikpɛ ga.. Á kɔɔsuyo ŋmaarɛ Irikpɛ ga..
49
Sunna kuna jìgàrìkpɛ sɛ nɔ̀ dě à sallama à ' kɔɔsuyo ŋmaarɛ Irikpɛ ga cee hinza, ka Irikpɛ KpeibKá Ǎ Gɛiyo ko Bèeriyo Māa cɛ nna À Kpèitɛ̀rɛ Māacɛɛ cɛɛyo ká ǹ kà zǎ Irikpɛ dìyà dɔ̄ (Irikpɛ mà à fɔ̌ ka à saabubka à yeenanī)..
M
Hài ká ǎ hantumyo digi ga
1
Lèmam nɔ̀ ǹ bara ɔu n bara n fɔlɔnku
2
Allaahu Akbar sìntè
3
Iri 'n kàmmɛ̀ hinka zà ka kpee nnā jɛ̀sɛ̀ wàla hinka deedei
4
ɔu ka kpee hanŋa hinka deedei
55
Iri 'n kàmmɛ̀ hinka tɛkɛ jɛ̀nnɛ ga
6
ɔu fùmbè ga
7
ɔu fùmbè gannā
8
Iri kàmmɛ igumɔ iri mà à tɛ̀kɛ kàmmɛ iwɔɔ ga
9
ɔu iri 'n jɛ̀sɛ̀ iwɔɔ gannā dùmbùrɛ̀ kɔtɔ nna kàmmɛ̀ tàafɛ igumɔ
10
Jingari feeriyo ŋmaarɛyo
11
Allaahuma baaĩd bainii wa baina hɔtɔɔyaaya kàmaa baãdta baina al-mashriki wà al-magribi, Allaahuma nakkinii min hɔtɔɔyaya kàmaa yunakkaa assaubu al-abyadu min addanasi , Allaahuma igsilnii min hɔtɔɔyaaya bi assalji wà al-maai wà al-baradi. «Iri Nɔ̀rukpɛ N mà mɔ̀ɔrɛ̄ dàm hɛ̄i nna a dɛrɛ dɛrɛyo bìnnì zàŋa ká N nà mɔ̀ɔrɛ̄ dàm wèenù hùniya nna wèenù kàniya bìnni , iri Nɔ̀rukpɛ N mà a gɛiyanī ka mɔɔranī nna a dɛrɛ dɛrɛyo zàŋa ká ň tàafɛ kpaarɛ mɔɔranī nna zìibì , iri Nɔ̀rukpɛ N mà a himɛ nna haranda tonnī, nna hari, nna cìniji tonni, ka mɔɔrani nna a dɛrɛ dɛrɛyo».
12
Sunna kuna nɔ̀ Irikpɛ Māa cɛyo di tɛ ka bàaru
13
Al-istiãazah Sari ŋmaarɛyo
14
Aũuzu bi Allahi min ashaitɔɔni arradjiim Á huro nna Irikpɛ ko gu À ŋmaarɛ À mà a sari ka mɔɔranī nna sèetam làalìntɛ
15
Al-fatiha
16
Nna Irikpɛ Māa , Gòmìnikpɛ , Sisibikpɛ (1) Sáabuyo kulu Irikpɛ ŋmɛnɛ nɔ̀ , haliita kulu Nɔ̀rupkɛ (2) Kpei Gòmìnikpɛ , Sisibikpɛ (3) Bàna hɛnɛ Mɛ̀ikpɛ (4) N sɛ nɔ̀ irii tàmtɛrɛ ŋmaa , N ga nɔ̀ irii gayo cèeji (5) N mà iri cìba hìnì deedei (6) warkáayo N nà niima tɛ ǹ sɛ hìnì , à na ci warkáayo Ń biriŋayo nna ǹla , à binɛ na ci dɛ̀rɛ̀ntɛyo (7)
17
Aamiin
18
Irikpɛ ŋmaarɛyo nɔ̀ ká ǎ cì : Nī , iri Nɔ̀rukpɛ , N mà tà
19
Al-kurani kuna iri 'n zaka ká iri hini cou
20
Gungum ka cɛ̀nŋɛ̀ kɔtɔ..
21
Allaahu Akbar
22
Banna mǒ dāarìyo koo bara deedei ka suu mɔnŋɔyo..
23
Subhaana rabii Al-Ãziim Gɛiyoo tàbbatayo a Nɔ̀rukpɛ Bèerì Jirima Bèerìkpɛ ga
24
Gungum ka cɛ̀nŋɛ̀ kɔtɔ ŋmɛnɛ Irikpɛ Māa cɛyo ká ǹ kà zǎ andebi dɔ̄ kuna nɔ̀ :
25
Subbuuhun Kudduusun Rabbu al-malaaikati wa ar ruuh Irikpɛ nɔ̀ Kpei Ká Ǎ Gɛiyo koo mɔɔruyo nna hai fɔ kulu ká à suu himaayo nna Àla , malaaikayo nna malaaika Jìbriilu Nɔ̀rukpɛ..
26
SubhaanaKa Rabbanaa wa bi hamdiKa , Allaahumma igfirlii.. Gɛiyo tabbatayo N ga Nī iri Nɔ̀rukpɛ ka margu nna N saabuyo . Nī , Iri Nɔ̀rukpɛ , N mà a kɔɔsu..
27
Samiã Allaahu li man hamidahuu.. Irikpɛ mã warká à nà À saabu sɛ.
28
Rabbanaa wa laka al-hamdu , hamdan kasiiran tɔiban mubaarakan fiihi Iri Nɔ̀rukpɛ , N sɛ nɔ̀ saabuyo kulu gono , saabuyo tùutuuma hɛ̀nnɔ ká alheiri tùutuuma gono à kuna
29
Iri mà iri kàmmɛ̀ hinka tàm
30
ɔu iri mà ǹ kɔtɔ
31
Gòosi dàmyo gannā
32
Gòosi ka margu nna nùnɛ̀
33
Kàmmɛ̀ tàafɛ hinka
34
Cɛ̀nŋɛ̀ hinka
35
nna cèe kinka
36
Subhaana Rabbii Al-A'laa Gɛiyoo tabbatayo a Nɔ̀rukpɛ Ká À Beeriyoo Bissayo ga...
37
«Sāa ká tǎm màanìyo nna à Nɔ̀rukpɛ ka bissa nɔ̀ , sāa ká ǎ sujadayo, à sɛ wà Irikpɛ ŋmaarɛyo bayanī» Muslim yǎ nà hadiith di tà .
38
Gɔ̀rɔyo ká ň cɛ al-iftiraash
39
Gɔ̀rɔyo ká ň cɛ al-ik'ãau
40
Rabbi igfirlii ( cee hinza) A Nɔ̀rukpɛ , N mà a kɔɔsu (cee hinza)
41
Allaahuma igfir lii , wa irhamnii , wa ujburnii , wa ihdinii , wa urzuknii.. Nī , iri Nɔ̀rukpɛ , N mà a kɔɔsu , ka mã a sisibi , ka mà a hartà hartàyo lutu a sɛ , ka a siriyanĩ , ka a nɔ arziki..
42
Àsùba
43
alzumaa
44
jingali ŋmaayo hinka
45
alzafarì
46
Lǎsarì
47
Magaribi
48
Lèesa
49
«At-tahiyaatu lillaahi wà as-sɔlawaatu wà at-tɔyyibaatu as-salaamu anlaika wà rahmatullaahi wà barakaatuhuu, asa-salaamu ãlainaa wà ãlaa ĩbaadillaahi as-sɔɔlihiina. ash-hadu an laa ilaaha illa Allahu wà ash-hadu anna Muhammadan ãbduhuu wà rasuuluhu.» «Fɔ̌yo kulu gono Irikpɛ sɛ nɔ̀ , nna jingaliyo nna ihɛ̀nnɔyo kulu bɔ̀ŋɔ̄. Bàani nna yèenaayo mà tɔ n ga , nī andebi , nna Irikpɛ ŋmɛnɛ Sisibi nna À ŋmɛnɛ Alheiri Tùtuumayo bɔ̀ŋɔ̄ , bàani nna yèenaayo mà tɔ iriyo bɔ̀ŋɔ̄ ga , nna Irikpɛ tǎm hɛ̀nnɔyo kulu bɔ̀ŋɔ̄ ga . Á sěda ká kpei fɔ si ká à hima ǹ mà ganā nna cimi fàase Irikpɛ Fɔlɔnku , nŋa á sěda ká Muhammadu bara Irikpɛ tǎm nɔ̀ nna À dìyà»
50
«Allaahumma sɔlli ãlaa Muhammadin wa ãlaa aali Muhammadin, kamaa sɔlleita ãlaa Ibrahiima wa ãlaa aali Ibraahiima; innaka Hamiidun Majiidun, Allaahumma baarik ãlaa Muhammadin wa ãlaa aali Muhammadin kamaa baarakta ãlaa Ibrahima wa ãlaa aali Ibraahiima; innaka Hamiidun Majiidun». Irikpɛ , N mà fɔ̌yo nna saabuyo nna yèenāayo tɔyanī Muhammadu ga , ka tɔyanī Muhammadu fū bòroo ga , zàŋa ká N nà fɔ̌yo nna saabuyo nna yèenāayo tɔyanī Ibraahiima ga, ka tɔyanī Ibraahiima fū bòroo ga ; domi Nī yǎ Hìmaayo nna Saabuyo Kùbèntɛ, kó Barayo Jirima nna Yiiko Bèerì Kùbèntɛkpɛ . N mà yei ka tɔ̀ntɔ̀nu ka alheeri bayanī Muhammadu ga, nna Muhammadu fū bòroo ga, zàŋa ká N tɔ̀ntɔ̀nu ka alheeri bayanī Ibraahiima ga, nna Ibraahiima fū bòroo ga ; domi Nī yǎ Hìmaayo nna Saabuyo Kùbèntɛ, kó Barayo Jirima nna Yiiko Bèerì Kùbèntɛkpɛ.
51
Alzafarì - lǎasarì - magaribi - lèesa
52
Àsùba - àlzumaa - jingali ŋmaayo hinka ..
53
(Allaahumma sɔlli ãlaa Muhammadin wa ãlaa aali Muhammadin, kamaa sɔlleita ãlaa Ibrahiima wa ãlaa aali Ibraahiima; innaka Hamiidun Majiidun, Allaahumma baarik ãlaa Muhammadin wa ãlaa aali Muhammadin kamaa baarakta ãlaa Ibrahima wa ãlaa aali Ibraahiima; innaka Hamiidun Majiidun) Irikpɛ , N mà fɔ̌yo nna saabuyo nna yèenāayo tɔyanī Muhammadu ga , ka tɔyanī Muhammadu fū bòroo ga , zàŋa ká N nà fɔ̌yo nna saabuyo nna yèenāayo tɔyanī Ibraahiima ga, ka tɔyanī Ibraahiima fū bòroo ga ; domi Nī yǎ Hìmaayo nna Saabuyo Kùbèntɛ, kó Barayo Jirima nna Yiiko Bèerì Kùbèntɛkpɛ . N mà yei ka tɔ̀ntɔ̀nu ka alheeri bayanī Muhammadu ga, nna Muhammadu fū bòroo ga, zàŋa ká N tɔ̀ntɔ̀nu ka alheeri bayanī Ibraahiima ga, nna Ibraahiima fū bòroo ga ; domi Nī yǎ Hìmaayo nna Saabuyo Kùbèntɛ, kó Barayo Jirima nna Yiiko Bèerì Kùbèntɛkpɛ.
54
Assalaamu ãleikum wa rahmatullaahi
55
«Dě ǎ gɔ̀rɔ rakaa kɔkɔ̀rɔ sɛ , à gu à cèe iwɔɔ jinanī nɔ̀ , ka à hànsinɛ̀ sìnŋì , ka gɔrɔ à gɔ̀rɔ̀yo dɔ̄ ga». Buhari yá nà hadiisi di tà.
56
Gɔ̀rɔyo ka ň cɛ tawarruk
57
«Nī , Irikpɛ , á huro nna Nī ko gu N ŋmaarɛ N mà a sari ka mɔɔranī nna jahannama ŋmɛnɛ àzaaba , nna sàarɛ̄ guusu ŋmɛnɛ àzaaba , nna hunayo nna buyo ŋmɛnɛ bitani nna ǹ nawaya , nna masiihu dajjaali ŋmɛnɛ bitani nna à nawya ŋmɛnɛ ilàalɔ». Muslim yǎ nà hadiisi à tà.
58
«Allaahuma innii zɔlamtu nafsii zulman kàsiiran , wa laa yagfiru azzunuuba illaa Anta , fagfir lii magfiratan min ĩndika wa irhamnii innaka Anta al-gafuuru arRahiimu» Buhaari yà nà hadiisi di tà . «Nĩ , Irikpɛ , hɛ̄i a nà a bɔ̀ŋɔ̄ tàkī tàkīiyo tùutuuma , bɔ̀rɔ̀ fɔ binɛ suu tàaliyo kɔɔsu fàase Nī , à sɛ , N mà a kɔɔsu kɔɔsuyo kulu zǎ N Kpeitɛ̀rɛ dɔ̄ , ka mà a sisibi , dòmi Nī nɔ̀ Kɔɔsùkpɛ Sisibikpɛ» Buhaari yá na hadiisi di tà.
59
Astagfiru Allaha (cee hinza) Á kɔɔsuyo ŋmaarɛ Irikpɛ ga (cee hinza)
60
Nna fǎji tà Abuu Huraira dɔ̄ , Irikpɛ mà yarda nna àla , à cì : a mã Irikpɛ dìyà (Irikpɛ mà à fɔ̌ ka à saabu ka à yeenanī) gono koo cì : «Wà bei ká hàyà sìntè ká bɔ̀nŋɔ ǹ ba hisaabi tɛ tǎm sɛ ciyaama hɛnɛ à gbeiyo kuna nŋa nɔ̀ à jingali ; dě à bòori lalle à dùwa bà ka ŋmaa nɔ̀ ya , dě binɛ à sara lalle à zàm bà ka hasaara tɛ nɔ̀ ya». Abu Dauda nna Attirmiziy nna Annasaai yá nà hadiisi tà.
Related books
All books- Umura tɛyo yaasi25 languages
Umura tɛyo yaasi
«Umura tɛyo yaasi» tila cɛɛnɛ wɔ̀ ká à bara bèikpɛ jìrìmàntɛ Abdul Aziz bnu Baz (Irikpɛ mà mã à sisibi) ŋmɛnɛɛ umura gbeiyo kpàarɛ̄ tɛ nɔ̀ nna kpàarɛ̄ tɛyo yaasi ká ǎ gɛiyo koo bara saucìntɛ; domi à 'n bara (umura) gbeiyo tɛyo hìnì cìbayo ŋmɛnɛ ká à ba àlsìlaama gà à mà à umura tɛ Irikpɛ hàmbùre nna sauci bɔ̀nŋɔ̀, koo gonoyo nna Irikpɛ ŋmaarɛyo nna Irikpɛ Māa cɛyo káayo ǹ kà zǎ Andebi dɔ̄ umura gbei fɔ kulu tɛyo kuna .
- Andebi (Irikpɛ mà à fɔ̌ ka à saabu ka à yéenanī) jìngari mɔ̀ɔ yaasi .79 languages
Andebi (Irikpɛ mà à fɔ̌ ka à saabu ka à yéenanī) jìngari mɔ̀ɔ yaasi .
Andebi (Irikpɛ mà à fɔ̌ ka à saabu ka à yéenani) jìngari mɔ̀ɔ yaasi tila kuna , beikpɛɛ jìrìmantɛ Abdul Aziz bnu Baz (Irikpɛ mà mãa à sisibi) nà andebi (Irikpɛ mà à fɔ̌ ka à saabu ka à yéenani) jìngari mɔ̀ɔ yaasi kunkuni nɔ̀ yaasi sɔ̀ɔcintɛ nna hìni cirici lóoyo bɔnŋɔ, zeeriyo mɛɛcìnɛ̀ hɛnnɔ alàafiantɛyo ga bɔnŋɔ kpɛ̌nɛ, domi tila di mà hìni cìba àlsilàama sɛ à jìngariyo kuna . Tila di kuna à nà jìngari ziigoyo nna à sunnayo nna à tɛyo yaasi kpaaranī , zǎ alwàla tɛyo halī sallamayo, dàliili nna kpáarani tɛyo marguyo ka kana bɔnŋɔ, koo ŋmaarɛ boroo mó…
- الشهادتين78 languages
الشهادتين
Nda ni ga ba ka furo asilaama tɛrɛ, tilas ni ma šahaada woo kaŋ ga kaa ci nda jinde beeri: Ashehadu anlaa ilaaha illa laahu Ash hadu an la ilaha illallah Wa ashehadu anna Muhammadane rasuulullahi
- Mɛi yaa nà Anduniya haliita ? Mɛi yaa nà hɛi bɔ̀ŋɔɔ haliita ? Ifɔ gànna ?52 languages
Mɛi yaa nà Anduniya haliita ? Mɛi yaa nà hɛi bɔ̀ŋɔɔ haliita ? Ifɔ gànna ?
Tila wɔ̌ Anduniya nna bɔ̀rɔ hunù dɔ̀ kpàarɛ̄ ŋmɛnɛ fàtii fàtiiyo tɛ nɔ̀, kó làabaari nɔyo gaabi ká à gonna Halìitàkpɛ Bèeri Ká Nŋa nɔ̀ Irikpɛ, Kpei Ká À nà sàriyayo káayo bɔnŋɔ hunayoo dìrà dam . Nŋa Tila di yei kó Irikpɛ ŋmɛnɛ Zemyo nna cimi nɔɔyo diyàyo sɛ nna tilayo káayo ǹ zumani kitɛ zǎ bɔnŋɔ dɔ̀ kpàarɛ̄ tɛ, ka yei kó mɛɛcinɛ̀ sennani ká Àlsìlàamàtɛ̀rɛ yaa bara adiini cimi ŋmɛnɛ ká à gono nɔ̀ bɔnkaani ga tɔyo Anduniya nna Laahara kuna gànna .