ყურანში და სუნნაში მოცემული ვედრება
ავტორი უზენაესი ალლაჰის საჭიროების მქონე {ალლაჰს ეკუთვნის საუკეთესო სახელები. მაშ, შეევედრეთ მას მათი მეშვეობით, და მიატოვეთ ისინი, ვინც უარყოფენ მის სახელებს, მათ მიეზღვებათ იმისთვის, რასაც სჩადიოდნენ} (სურა ალ-ა'რაფ, აიათი: 180). ალლაჰი - პირველი - უკანასკნელი - აშკარა - დაფარული - მაღალი - უმაღლესი სახელითა ალლაჰისა მოწყალისა, შემწყალებლისა
These files are generated automatically from the book's text; their layout may differ from the printed edition.
ყურანში და სუნნაში მოცემული ვედრება
ავტორი
უზენაესი ალლაჰის საჭიროების მქონე
დ. სა'იდ იბნ 'ალი ვაჰფ ალ-ყაჰტაანი {ალლაჰს ეკუთვნის საუკეთესო სახელები. მაშ, შეევედრეთ მას მათი მეშვეობით, და მიატოვეთ ისინი, ვინც უარყოფენ მის სახელებს, მათ მიეზღვებათ იმისთვის, რასაც სჩადიოდნენ} (სურა ალ-ა'რაფ, აიათი: 180).
ალლაჰი - პირველი - უკანასკნელი - აშკარა - დაფარული - მაღალი - უმაღლესი სახელითა ალლაჰისა მოწყალისა, შემწყალებლისა
შესავალი
განდიდებული - დიდებული - უმაღლესი დიდების მქონე - უდიდესი - ყოვლისმსმენი - ყოვლისმხედველი - ყოვლისმცოდნე
ყველაფრისმცოდნე - შექებული - დიადი - ყოვლისშემძლე - ყველაფრისშემძლე - მმართველი - ძლიერი ყველა ქება დიდება ალლაჰს ეკუთვნის. ვადიდებთ მას, ვთხოვთ დახმარებას, ვთხოვთ მიტევებას და ვინანიებთ მის წინაშე. ალლაჰს შევეფარებით ჩვენი სულების ბოროტებისგან და ჩვენი ცუდი საქმეებისგან. ვისაც ალლაჰი უწინამძღვრებს ჭეშმარიტი გზით, ვერავინ აცდუნებს მას, ხოლო ვისაც ალლაჰი აცდუნებს, მას ვერავინ დააყენებს ჭეშმარიტებაზე. ვამოწმებ, რომ არ არსებობს ღვთაება, რომელიც ღირსია თაყვანისცემისა, გარდა ერთადერთი ალლაჰისა, რომელსაც არ ჰყავს თანამოზიარე, და ვამოწმებ, რომ მუჰამმადი მისი მონა და მოციქულია. ალლაჰის ლოცვა და მშვიდობა იყოს მასზე, მის ოჯახზე, მის საჰაბებზე და მათზე, ვინც მათ მიყვა კეთილშობილებით განკითხვის დღემდე, და მხურვალე სალამი. ამის შემდეგ:
ურყევი - მდიდარი - ყოვლადბრძენი - ლმობიერი - მპატიებელი - მიმტევებელი - ყოვლისმიმტევებელი ეს არის ჩემი წიგნის მოკლე შინაარსი (ზიქრი, ვედრება და რუყიათი მკურნალობა ყურანიდან და სუნნადან) [2], მისგან ამოვიღე მხოლოდ ვედრების ნაწილი; რათა მარტივი იყოს მისით სარგებლობა, მას დავამატე ზოგიერთი ვედრება და სასარგებლო რჩევები, უზენაესი ალლაჰის ნებით, ვთხოვ უზენაეს ალლაჰს, თავისი მშვენიერი სახელებით და დიდებული თვისებებით, რომ ამყოფოს ის მისი ძვირფასი სახისთვის (კმაყოფილებისთვის), ჭეშმარიტად, ის არის ამაზე პასუხისმგებელი და შესწევს ამის ძალა. [2] ნახსენები წიგნის ორიგინალი დაიბეჭდა, - მადლობა ალლაჰს- მასში მოცემული ჰადისების გადმოცემების ვრცლად მოცემით, ოთხ ტომად; ზიქრები ((მუსლიმის ჯავშანი)) პირველ და მეორე ტომებში, ვედრება მესამე ტომში, რუყიათი ვედრებით მკურნალობა მეოთხე ტომში.
მომნანიების მიმღები - თვალყურის მდევნები - დამცავი - წყალობის მქონე - ახლოსმყოფი - პასუხისგამცემი ალლაჰის ლოცვა, მშვიდობა და ბარაქა, ჩვენს მოციქულ მუჰამმადს, მის ოჯახს, მის საჰაბებს და მასზე სიკეთით მიმყოლთ განკითხვის დღემდე.
მოსიყვარულე - მადლიერი - ყოველგვარი მადლიერების ღირსი - ბატონი - თვითკმარი - ძლევამოსილი - ყველაფრის მაკონტროლებელი დაწერა დ. სა'იდ იბნ 'ალი ვაჰფ ალ-ყაჰტაანი
უზენაესი - ანგარიშმგები - სწორი გზის მიმცემი - მსაჯული - ყოვლადწმიდა - მშვიდობის მომცემი - სიკეთის მომცემი გამოცემულია ჰიჯრით შააბანის თვეში 1408 წელს.
ვედრების სიკეთეები
მბოძებელი - მოწყალე - შემწყალებელი - გულუხვი - ყველაზე მეტად ხელგაშლილი - ლმობიერი - ყველა სიკეთის გამხსნელი,
მარჩენალი - სარჩოს მომცემი - მარადცოცხალი - მარადმსუფევი - ღმერთი - ხელმწიფე - მეფე თქვა უზენაესმა ალლაჰმა: {და თქვა თქვენმა ღმერთმა: მომიხმეთ და გიპასუხებთ! იმათ, ვისაც თავისი სიამაყით არ სურთ თაყვანი მცენ, დამცირებულნი შევლენ ჯოჯოხეთში}. სურა ღააფირ, აიათი: 60, ასევე, თქვა დიდებულმა და ძლევამოსილმა: {და როცა გკითხავენ ჩემი მსახურნი ჩემზე, ჭეშმარიტად, მე ახლოს ვარ და ვუპასუხებ მომხმობის ვედრებას, როცა მომიხმობს მე, დაე, მიპასუხონ და ირწმუნონ ჩემი, ეგებ წავიდნენ სწორე გზით}. სურა ალ-ბაყარა, აიათი: 186. თქვა შუამავალმა (ალლაჰის ლოცვა და მშვიდობა მას): «ვედრება თაყვანისცემაა», და შემდეგ თქვა: «და თქვა შენმა ღმერთმა: მომიხმეთ და გიპასუხებთ!» [3], თქვა შუამავალმა (ალლაჰის ლოცვა და მშვიდობა მას): «ჭეშმარიტად თქვენს ღმერთს ყოვლადმაღალს და ქებულს, მარადცოცხალს და გულუხვს რცხვენია, რომ არ უპასუხოს მისი მონის ვედრებას, როდესაც მონა აწევს ხელებს და შესთხოვს მას». [4], თქვა შუამავალმა (ალლაჰის ლოცვა და მშვიდობა მას): «რომელმა მუსლიმმაც არ უნდა მიმართოს ალლაჰს თხოვნით, რომელშიც არ არის ცოდვა და რომელიც არ არღვევს ნათესაურ კავშირებს, ალლაჰი მას აუცილებლად სამიდან ერთ-ერთს უბოძებს: ან მას ამქვეყნად მიანიჭებს იმას, რასაც ის ითხოვს, ან მას ახირეთისთვის შეუნახავს, რათა იქ დააჯილდოვოს ამის სანაცვლოდ, ან მოაცილებს მისგან იგივეს ტოლფას ბოროტებას». საჰაბებმა ჰკითხეს: "მაშინ ჩვენ უფრო მეტს შევევედრებით ალლაჰს!" მოციქულმა (ალლაჰის ლოცვა და მშვიდობა მას) უპასუხა: «ალლაჰთან [ამასთან შედარებით] კიდევ უფრო მეტი არის» [5]. [3] აბუ დაუდ, 2/78, ნომრით: 1481, ათ'თირმიზი, 5/211, ნომრით: 2959, და იბნ მააჯა, 2/1258, ნომრით: 3828, იმამი ალ-ალბანი (ლლაჰმა შეიწყალოს ის) ჰადის მიიჩნევს სანდოდ თავის წიგნში საჰიჰი ალ-ჯაამი ალ-საღირ, 3/150, და საჰიჰ იბნ მააჯა 2/324. [4] გადმოსცა აბუ დაუდმა 2/78, ნომრით: 1488, ათ'თირმიზიმ 5/557 ნომრით: 3556 და იბნ მააჯამ, 2/1271, ნომრით: 3865. იბნ ჰაჯარმა თქვა: "გადმოცემათა ჯაჭვი კარგია", იმამ ალბანი ჰადისს სანდოდ მიიჩნევს ჰაჰიჰ ათ'თირმიზიში, 3/179. [5] გადმოსცა ათ'თირმიზიმ 5/566, და 5/462, ნომრით: 3573, აჰმადმა, 3/18, ნომრით: 11150, იმამი ალბანი ჰადისს სანდოდ მიიჩნევს საჰიჰ ალ-ჯამი ას-საღირ, 5/116, საჰიჰ სუნან ათ'თირმიზი, 3/140.
ერთადერთი - ერთი- განდიდებული - გამჩენი - ყველაფრის გამჩენი - შემქმნელი - გამომსახველი ვედრების ეთიკა და პასუხის მიზეზები [6]: [6] ვედრების ეთიკა და პასუხის მიზეზები თავისი არგუმენტებით ორიგინალში, 3/927-975.
დამცველი (უსაფრთხოების მომცემი) - შემნახველი - ყოვლისმომცველი - მარჩენალი - ყველაფრის ბატონი- საკმარისი - ყოვლისმომცველი 1. როდესაც ადამიანი ალლაჰს მიმართავს ვედრებით, მას უნდა ჰქონდეს გულწრფელობა.
ჭეშმარიტი - უმშვენიერესი - რბილი (კეთილი) - მორცხვი - დამფარველი - ღვთაება - ყოვლისშემპყრობი 2- რომ დაიწყოს ალლაჰის დიდებით, და მისი შექებით, შემდეგ მოციქულის დალოცვით - ალლაჰის ლოცვა და მშვიდობა მას - და ამით დაასრულებს.
ხელგაწვდილი - გამცემი - წინწამწევი - უკანწამწევი - განმმარტავი - მბოძებელი- მფარველი 3- სიმტკიცე ვედრებაში და იმის რწმენა, რომ პასუხს მიიღებს.
შემწე - დამხმარე - მკურნალი - ძალაუფლების ბატონი - ადამიანთა შემკრები 4- სიჯიუტე ვედრებაში და შეუწყვეტლობა.
ცების და მიწის სინათლე - სიდიადის და გულუხვობის მფლობელი - ცათა და მიწის გამჩენი [1] 5- გულით კონცენტრირება ვედრების დროს. [1] იხილეთ ეს სიტყვები თავიანთი არგუმენტებით ყურანიდან და სუნნადან წიგნში: (ალლაჰის საუკეთესო სახელების განმარტება ყურანის და სუნნას სინათლეზე)... ავტორის.
6- ვედრება კარგად ყოფნის და გაჭირვების ჟამს.
7- არავისზე ხდება ვედრება, გარდა ერთადერთი ალლაჰისა.
8- ოჯახის, ქონების, შვილის და საკუთარი თავის არ დაწყევლა.
9- ხმის დამდაბლება ვედრების დროს, ხმამაღალსა და სიჩუმეს შორის.
10- ცოდვის აღიარება და მისი მონანიება, წყალობის აღიარება და მისთვის ალლაჰზე მადლობის გადახდა.
11- როდესაც ადამიანი ალლაჰს მიმართავს ვედრებით, უნდა მოერიდოს ძალადობრიობით შექმნილ რითმებსა და გადაჭარბებულ ხელოვნურობას.
12- თავმდაბლობა, მოწიწება, სურვილი და შიში.
13- [დუის მიღებისთვის] საჭიროა უსამართლოდ მიტაცებული ქონების დაბრუნება და ალლაჰთან სინანული.
14- ვედრების სამჯერ გამეორება.
15- ყიბლისკენ მიბრუნება.
16 - ხელების აწევა ვედრების დროს.
17- თუ შესაძლებელია ვედრებამდე აბდესის აღება.
18- არ უნდა გაადააჭარბოს ვედრებაში.
19- მავედრებელმა საკუთარი თავით უნდა დაიწყოს, როცა სხვისთვისაც ევედრება [7]. [7] მოციქულისგან - ალლაჰის ლოცვა და მშვიდობა მას - გადმოცემულია, რომ როცა ვედრებას აკეთებდა ჯერ საკუთარი თავისთვის შეევედრა, ასევე ისიც არის გადმოცემული, რომ მას საკუთარი თავით არ დაუწყია როგორც ანასის, იბნ მას'სუდის, უმმ ისმაილის და სხვების შემთხვევაში. ამ საკითხში დაწვრილებით ინფორმაცია იხილე: ან'ნავავის განმარტება საჰიჰ მუსლიმზე, 15/144, ასევე თუჰფათუ ალ-აჰვაზი სუნან ათ'თირმიზის განმარტება, 9/328, ფათჰ ალ-ბარი საჰიჰ ალ-ბუხარის განმარტება, 1/281.
20- უნდა შეევედროს ალლაჰს მისი მშვენიერი სახელებით და დიადი თვისებებით, ან კეთილი საქმით, რომელიც მავედრებელმა გააკეთა, ან ცოცხალი და ადგილზე მყოფი ღვთისმოსავი ადამიანის ვედრებით მისთვის.
21- მისი საკვები, სასმელი და ჩასაცმელი ჰალალი უნდა იყოს.
22- არ შესთხოვოს ცოდვაზე ან ნათესაური კავშირის გაწყვეტაზე.
23- უნდა მოუწოდებდეს სიკეთეს და კრძალავდეს ბოროტებას.
24- შორს უნდა იყოს ყველა ცოდვებისგან.
დროები, მდგომარეობები და ადგილები სადაც ვედრება შესმენილი იქნება [8]: [8] იხილეთ ეს დროები, მდგომარეობები და ადგილები თავიანთი არგუმენტებით და დაწვრილებით ორიგინალში, 3/ 975-1117.
1- ყადირის ღამე.
2- ღამის ბოლო მესამედი ნაწილი.
3- სავალდებულო ლოცვების შემდეგ.
4- აზანსა და იყამას შორის.
5- ერთი საათი ყოველ ღამე.
6- სავალდებულო ლოცვებისკენ მოწოდებისას.
7- წვიმის დროს.
8- როდესაც ალლაჰის გზაზე ადგას ჯარი.
9- პარასკევ დღეს ერთი განსაზღვრული დრო.
ყველაზე სწორი შეხედულება არის, რომ ეს არის ნაშუადღევის ლოცვის შემდეგ არსებული დრო, ასევე შესაძლებელია პარასკევის ლოცვის ან ხუტბას დროც იყოს.
10- ზამზამის წყალის დალევის დროს წრფელი განზრახვით.
11- სუჯუდის დროს.
12- ღამეში გაღვიძებისას, და ამ დროს ჰადისში გადმოცემული ვედრების წარმოთქმა.
13- როდესაც სუფთა(აბდესით) დაიძინებს, შემდეგ გაიღვიძებს ღამეში და შეევედრება.
14- ვედრების დროს ამ ვედრების წაკითხვა: «არ არსებობს ღვთაება, გარდა შენი, დიდებული ხარ შენ, ჭეშმარიტად, მე ვიყავი უსამართლოთაგან» /ლაა ილააჰა ილლაა ანთა სუბჰაანაქა ინნიი ქუნთუ მინაზზაალიმიინ/
15- ადამიანების ვედრება ადამიანის გარდაცვალების შემდეგ.
16- ალლაჰის შექების და მოციქულის (ალლაჰის ლოცვდა და მშვიდობა მას) დალოცვის შემდეგ ვედრება ბოლო თაშაჰუდზე.
17- ალლაჰის შექების შემდეგ თავისი დიადი სახელით, რომლის შემდეგ როცა შეევედრებიან პასუხობს და თუ სთხოვენ აძლევს [9]. [9] ალლაჰის დიადი სახელი იხილე ჰადისში ნომრით 203, ნომრით 104, და ნომრით 105 ამ წიგნში.
18- მუსლიმი ძმის მიერ მუსლიმ ძმაზე ვედრება მისი თანდასწრების გარეშე.
19- არაფა დღეს არაფატის მთაზე ვედრება.
20- რამადანის თვეში ვედრება.
21- ზიქრის დროს მუსლიმების შეკრების ადგილებში ვედრება.
22- განსაცდელის ღამის ვედრება, შემდეგნაირად: «ჭეშმარიტად, ჩვენ ალლაჰს ვეკუთვნით და ჭეშმარიტად მას მივუბრუნდებით, ჩემო ღმერთო, მომეცი მე საზღაური ჩემს უბედურებაში და შემიცვალე ის მასზე უკეთესით». /ინნაა ლილლააჰი ვა ინაა ილაიჰი რააჯი'უუნ, ალლაჰუმმა უჯურნიი ფიი მუსიიბათიი ვა ახლიფ ლიი ხაირან მინჰაა/
23- ვედრება მაშინ, როდესაც გული ალლაჰისკენაა მიმართული და სიწრფელე მატულობს.
24- ჩაგრულის წყევლა მასზე, ვინც ის დაჩაგრა.
25- მშობლის ვედრება შვილზე და დაწყევლა.
26- მგზავრის ვედრება.
27- მარხულის ვედრება, სანამ დაასრულებს მარხვას.
28- მარხულის ვედრება, როცა მარხვას ხსნის.
29- სირთულეში მყოფი ადამიანის ვედრება.
30- სამართლიანი მმართველის ვედრება.
31- მშობლების მიმართ კეთილი შვილის ვედრება.
32- აბდესის შემდეგ შესრულებული ვედრება, თუ სუნნაში გადმოცემული ვედრებით შეევედრება.
33- პატარა ჯამარათში ქვების სროლის შემდეგ ვედრება.
34- შუა ჯამარათში ქვების სროლის შემდეგ ვედრება.
35- ქააბას შიგნით შესრულებული ვედრება, და ეს მოიცავს იმასაც, ვინც იმყოფება ჰიჯრში (ნახევარწრიული დაბალი კედლით შემოღობილ და გადაუხურავ ადგილას), რადგან ჰიჯრი ითვლება ბაითულლაჰის (ალლაჰის სახლის) ნაწილად.
36- საფას გორაკზე შესრულებული ვედრება.
37- მარვას გორაკზე შესრულებული ვედრება.
38- ალ-მაშ'არი ალ-ჰარამში (მუზდალიფა) ვედრება.
მორწმუნე სადაც არ უნდა იყოს ყოველთვის ევედრება ღმერთს, დიდებული და ყოვლისშემძლე ალლაჰი ამბობს: {და როცა გკითხავენ ჩემი მსახურნი ჩემზე, ჭეშმარიტად, მე ახლოს ვარ და ვუპასუხებ მომხმობის ვედრებას, როცა მომიხმობს მე, დაე, მიპასუხონ და ირწმუნონ ჩემი, ეგებ წავიდნენ სწორე გზით}. სურა ალ-ბაყარა, აიათი: 186. მაგრამ ეს დროები, მდგომარეობები და ადგილები განსაკუთრებული ყურადღებით გამოირჩევა.
ყურანში და სუნნაში მოცემული ვედრება
ქება-დიდება მხოლოდ ალლაჰს, ლოცვა და მშვიდობა მას, ვის შემდეგაც აღარ მოვა სხვა მოციქული.
1- (( სახელითა ალლაჰისა მოწყალისა, შემწყალებლისა* ქება დიდება სამყაროების ღმერთს * მოწყალესა, მწყალობელსა * განკითხვის დღის მბრძანებელს * მხოლოდ შენ გეთაყვანებით და მხოლოდ შენ გთხოვთ დახმარებას * გვიწინამძღვრე ჭეშმარიტი გზით * იმათი გზით, რომელთაც მიეცი მოწყალება, არა - შერისხულთა და არც - გზააბნეულთა )) სურა ალ-ფათიჰა აიათები: 1-7.
2- ((ღმერთო ჩვენო, მიიღე ეს ჩვენგან, – ჭეშმარიტად, შენ ხარ ყოვლისმსმენი, ყოვლისმცოდნე)) სურა ალ-ბაყარა, აიათი: 127.
2 - «და გვაპატიე ჩვენ, ჭეშმარიტად შენ ხარ მპატიებელი, მწყალობელი». /ვათუბ ‘ალეინა, ინნაქა ანთა ათ-თავვაბურ-რაჰიიმ/ სურა ალ-ბაყარა, აიათი: 128.
4- «ო, ჩვენო უფალო, მოგვმადლე ამქვეყნიურ ცხოვრებაში სიკეთე და საიქიო ცხოვრებაში სიკეთე და დაგვიფარე ჯოჯოხეთის სატანჯველისაგან» /რაბბანაა აათინაა ფიდ-დუნია ჰასანათან ვაფილ-აახირათი ჰასანათან ვაყინაა ‘აზაბან-ნაარ/ სურა ალ-ბაყარა, აიათი: 201.
5- «მოვისმინეთ და დავმორჩილდით! გვაპატიე, ჩვენო ღმერთო და შენთანაა მისაქციელი» სურა ალ-ბაყარა, აიათი: 285.
6- «ღმერთო ჩვენო! ნუ მოგვკითხავ, თუკი დაგვავიწყდა ან შევცდით! ღმერთო ჩვენო! არ გვატვირთო მძიმე ტვირთი, როგორც იმათ ატვირთე, ვინც ჩვენზე უწინ იყო! ღმერთო ჩვენო! არ დაგვაკისრო ის, რისი ზიდვაც არ შეგვიძლია. და მოგვიტევე, გვაპატიე და შეგვიწყალე! შენა ხარ ჩვენი მბრძანებელი და დაგვეხმარე ურწმუნო ხალხზე!» სურა ალ-ბაყარა, აიათი: 286.
8- «ღმერთო ჩვენო! ვირწმუნეთ ჩვენ, გვაპატიე ჩვენი ცოდვები და დაგვიფარე ცეცხლის სატანჯველისგან» /რაბბანა ინნანა აამანნაა ფაღფირ ლანა ზუნუბანა ვაყინაა ‘აზაბან-ნარ/ სურა აალ იმრაან აიათი 16.
9- «ღმერთო, მიწყალობე შენი წიაღიდან სპეტაკი შთამომავლობა. ჭეშმარიტად, შენ ხარ შემსმენი ვედრებისა» /რაბბი ჰაბ ლიი მინ ლადუნქა ზურრიიათან ტაიიბათან ინნაქა სამიი‘უდ-დუ’აა / სურა აალ იმრაან აიათი 38.
10- «ღმერთო ჩვენო! ვირწმუნეთ ჩვენ, რაც ზემოავლინე, და გავყევით შუამავალს. მაშ, ჩაგვწერე ჩვენც მოწმეთა რიგებში» სურა აალი იმრაან აიათი 53.
11- «ღმერთო ჩვენო! გვაპატიე ჩვენი ცოდვები და გადაცდომები ჩვენს საქმეებში; გაამტიცე ჩვენი ტერფები და შეგვეწიე ურჯულო ხალხის წინააღმდეგ» /რაბბანა ღფირ ლანა ზუნუბანა ვა ისრააფანა ფიი ამრინაა ვასაბბით აყდაამანაა ვანსურნაა ‘ალალ-ყაუმილ-ქაფირიინ/ სურა აალ იმრაან აიათი 147.
12- «ღმერთო ჩვენო! ტყუილ-უბრალოდ არ გაგიჩენია შენ ეს ყოველივე! შენ ყოვლად უნაკლო ხარ! დაგვიფარე ცეცხლის სატანჯველისგან*» /რაბბანა მაახალაყთა ჰააზა ბაატილან სუბჰაანაქა ფაყინაა ‘აზაბან-ნაარ/ «ღმერთო ჩვენო! ჭეშმარიტად, ვისაც შენ ცეცხლში შეიყვან, »მართლაც სამარცხვინო მდგომარეობაში ჩააგდებ მას. და არავინაა დამხმარე – უსამართლოთა*» /რაბბანა ინნაქა მან თუდხილინ-ნარა ფაყად ახზაითაჰუ ვამაა ლიზ-ზაალიმიინა მინ ანსაარ/ «ღმერთო ჩვენო! ჭეშმარიტად, მოგვესმა ჩვენ ხმა მქადაგებლისა, რომელიც რწმენისკენ მოგვიწოდებდა, რომ თქვენი ღმერთი ირწმუნეთო, და ჩვენც ვირწმუნეთ. ღმერთო ჩვენო! გვაპატიე ჩვენი ცოდვები, დაგვიფარე ჩვენ მიერ ჩადენილი უკეთურებანი და კეთილ ხალხთან ერთად მოგვაკვდინე!*» /რაბბანა ინნანა სამი‘ნაა მუნაადიიან იუნაადიი ლილ-იიმაან ან აამინუ ბირაბბიქუმ ფაამანნაა რაბბაანა ფაღფირ ლანა ზუნუუბანა ვაქაფფირ ‘ანნაა საიიი-აათინაა ვათავაფფანაა მა'ალ-აბრაარ/ «ღმერთო ჩვენო! მოგვეცი ის, რაც შენი შუამავლების მეშვეობით აღგვითქვი და არ ჩაგვაგდო განკითხვის დღეს სამარცხვინო მდგომარეობაში. ჭეშმარიტად, არ დაარღვევ შენ აღთქმას» /რაბბანა ვა აათინაა მაა ვა‘ადთთანაა ‘ალაა რუსულიქა ვალაა თუხზინაა იაუმალ-ყიამათი ინნაქა ლაა თუხლიფულ-მიი‘აად/ სურა აალ იმრაან აიათი 191-194.
13- «ღმერთო ჩვენო! ვირწმუნეთ ჩვენ, მაშ, ჩაგვწერე ჩვენც მოწმეთა რიგებში» სურა ალ-მაიდა აიათი: 83.
14- «ღმერთო ჩვენო! ჭეშმარიტად, ჩვენ უსამართლოდ მოვექეცით საკუთარ სულებს, და თუ არ გვაპატიებ და არ შეგვიწყალებ, უთუოდ, ჩვენ ვიქნებით განადგურებულთაგანი/წაგებულთაგანი» /რაბბანა ზალამნაა ანფუსანა ვაინ ლამ თაღფირ ლანა ვათარჰამნაა ლანაქუნანნა მინალ-ხაასირიინ/ სურა ალ-ა'რაფ, აიათი: 23.
15- «ღმერთო ჩვენო! ნუ გაგვამწესებ უსამართლო ხალხთან ერთად» /რაბბანა ლაა თაჯ‘ალნაა მა'ალ-ყაუმიზ-ზალიმინ/ სურა ალ-ა'რაფ, აიათი: 47.
16- ღმერთო ჩემო «შენ ხარ ჩვენი ბატონი, გვაპატიე ჩვენ და შეგვიწყალე, და შენ ხარ საუკეთესო მპატიებელი* მოგვმადლე ამქვეყნიურ ცხოვრებაში სიკეთე და საიქიო ცხოვრებაში სიკეთე» სურა ალ-ა'რაფ, ორი აიათი: 155-156.
17- «საკმარისია ჩემთვის ალლაჰი, არ არსებობს ღმერთი მის გარდა, მას მივენდობი და ის არის დიდებული 'არშის ღმერთი» სურა ათ-თაუბა, აიათი: 129.
18- «ღმერთო ჩვენო! ნუ დაგვადგენ გამოცდად უსამართლო ხალხთათვის* /რაბბანა ლაა თაჯ‘ალნაა ფითნათან ლილ-ყაუმიზ-ზალიმინ/ და გვიხსენ შენი წყალობით ურწმუნო ხალხისაგან» /ვანაჯჯინაა ბირაჰმათიქა მინალ-ყაუმილ-ქააფირიინ/ სურა იუნუს ორი აიათი: 85-86.
19- «ღმერთო, მე მოგეკედლები შენ, რომ გთხოვო ის რაზეც არ გამაჩნია მე ცოდნა, თუ არ მომიტევებ მე და შემიწყალებ ვიქნები წაწყმედილთაგან» სურა ჰუუდ აიათი: 47.
20- ((ღმერთო ჩემო (( ო, ცების და მიწის გამჩენო, შენ ხარ ჩემი მფარველი ამქვეყნად და საიქიოშიც, მიმიბარე მუსლიმად და მამყოფე მართლებთან ერთად)) სურა იუსუფ, აიათი: 101 [10]. [10] იხილეთ სარგებლისთვის: სარგებლის წიგნი იბნ ალ-ყაიმის, გ 436, და 437.
21- ((ღმერთო! ჰქმენი ეს ქვეყანა უსაფრთხოდ და დამიფარე მე და ჩემი შთამომავალი კერპების თაყვანისცემისგან)) /რაბბი ჯ‘ალ ჰააზალ-ბალადა აამინან ვაჯნუბნიი ვაბანიია ან ნნააბუდალ-ასნაამ/ სურა იბრააჰიმ, აიათი: 35.
22- ((ღმერთო მე და ჩემი შთამომავალი გვამყოფე ლოცვის შემსრულებელთაგან, ღმერთო ჩვენო, ისმინე ჩვენი ვედრება)) /რაბბი ჯ‘ალნიი მუყიიმას-სალაათი ვამინ ზურრიიიათიი რაბბანაა ვა თაყაბბალ დუა’ი/ სურა იბრააჰიმ, აიათი: 40.
23- ((ღმერთო ჩემო! მომიტევე მე, ჩემს მშობლებს, და მორწმუნეებს ანგარიშსწორების დღეს)) /რაბბანა ღფირ ლიი ვა ლივალიდაია ვა ლილ-მუ’მინიინა იაუმა იაყუუმულ-ჰისააბ/ სურა იბრააჰიმ, აიათი: 41.
24- ((ღმერთო ჩვენო! მოგვეცი ჩვენ შენგან წყალობა და მოგვმადლე ჩვენი საქმე საუკეთესო ფორმით)) /რაბბანა აათინაა მინ ლლადუნქა რაჰმათან ვაჰაიი’ ლანაა მინ ამრინაა რაშადან/ სურა ალ-ქაჰფ, აიათი: 10.
25- ((ღმერთო ჩემო, გახსენ ჩემი გული* და გაადვილე ჩემი საქმე* და მოხსენი სიმძიმე ჩემი ენიდან, რათა გაიგონ ჩემი სიტყვა)) სურა ტაჰა, აიათები: 25-28.
26- ((ღმერთო ჩემო შემმატე ცოდნა)) სურა ტაჰა, აიათი: 114.
27- «არ არსებობს ღვთაება, გარდა შენი დიდებული ხარ შენ, ჭეშმარიტად, მე ვიყავი უსამართლოთაგან» სურა ალ-ანბიაა, აიათი: 87.
28 - «ღმერთო ჩემო! არ დამტოვო მარტო, შენ ხარ საუკეთესო მემკვიდრეობის მომცემი» სურა ალ-ანბიაა, აიათი: 89.
29 - «ღმერთო ჩემო! შენ მოგეკედლები ეშმაკთა ცდუნებისაგან* და შენ მოგეკედლები, რომ არ მოევლინონ ჩემთან!» სურა ალ-მუ'მუმინუნ, ორი აიათი 97-98.
30- «ღმერთო ჩვენო! ვირწმუნეთ ჩვენ, გვაპატიე ჩვენ და შეგვიწყალე, შენ ხარ საუკეთესო შემწყალებელი» სურა ალ-მუ'მუმინუნ, აიათი: 109.
31- «ღმერთო ჩემო! მაპატიე და შემიწყალე, შენ ხარ საუკეთესო შემწყალებელი» სურა ალ-მუ'მუმინუნ, აიათი: 118.
32 - «უფალო ჩვენო! მოგვაშორე ჯოჯოხეთის სატანჯველი, რადგან მისი სატანჯველი არასდროს შეწყდება* ნამდვილად, საზიზღარია ეს ადგილი ყოფნისა და ცხოვრებისათვის» ალ-ფურყან, ორი აიათი: 65-66.
33- «ღმერთო ჩვენო! მოგვმადლე ჩვენ, ჩვენი მეუღლეებიდან და შთამომავლებიდან ჩვენი თვალის ჩინნი, და დაგვადგინე ჩვენ ღვთისმოშიშთა წინამძღოლნად» სურა ალ-ფურყაან, აიათი: 74.
34- «ღმერთო ჩემო! მიწყალობე სიბრძნე და მამყოფე მართალთაგანი* მომეცი სწორი სიტყვა მომავალ თაობაში* და დამადგინე სამოთხის წყალობის მემკვიდრედ» სურა აშ-შუ'არაა, აიათები: 83-85.
35- «არ დამამცირო, როცა წარსდგებიან* იმ დღეს, როცა სარგებელი არ ექნება ქონებას და შვილებს* გარდა ვინც შეხვდება ალლაჰს სუფთა გულით» სურა აშ-შუ'არაა, აიათები: 87-89.
36- «ღმერთო ჩემო! შთამაგონე, რომ ვიყო მადლიერი იმისათვის, რაც მიბოძე მე და ჩემს მშობლებს, და რომ ვაკეთო კეთილი საქმე, რომელსაც მოიწონებ. და შემიყვანე შენი წყალობით შენს მართალ მსახურთა რიგებში» სურა ან-ნამლ, აიათი: 19.
37- «ღმერთო ჩემო, უსამართლოდ მოვექეცი ჩემს თავს და მომიტევე მე» სურა ალ-ყასას, აიათი: 16.
38- «ღმერთო ჩემო, მიხსენი უსამართლო ხალხისგან» სურა ალ-ყასას, აიათი: 21.
39- «ვიმედოვნებ, ჩემი ღმერთი წამიყვანს სწორი გზით» სურა ალ-ყასას, აიათი: 22.
40- «ღმერთო ჩემო! ჭეშმარიტად, მე მჭირდება ყველა სიკეთე, რომელსაც მოავლენ ჩემზე» სურა ალ-ყასას, აიათი: 24.
41- «ღმერთო ჩემო, შემეწიე არეულობის მთესველი ხალხის წინაშე» სურა ალ-'ანქაბუთ, აიათი: 30.
42- «ღმერთო ჩემო! მიწყალობე მე მართლებიდან [შთამომავლობა]» სურა ას-სააფაათ, აიათი: 100.
43- «ღმერთო ჩემო! შთამაგონე, რომ ვიყო მადლიერი იმისათვის, რაც მიბოძე მე და ჩემს მშობლებს, და რომ ვაკეთო კეთილი საქმე, რომელსაც მოიწონებ. და მომმადლე სიკეთე ჩემს შთამომავლობაში. შენ გთხოვ შენდობას და მე ერთ-ერთი მუსლიმთაგანი ვარ» სურა ალ-აჰყააფ, აიათი: 15.
44- «ღმერთო ჩვენო! გვაპატიე ჩვენ და ჩვენს ძმებს, რომლებმაც ჩვენზე ადრე ირწმუნეს, და არ გააღვივო ჩვენს გულებში შური მათ მიმართ, რომელთაც ირწმუნეს, ჩვენო ღმერთო! ჭეშმარიტად, შენ ხარ ლმობიერი, შემწყალებელი» სურა ალ-ჰაშრ, აიათი: 10.
45- «ღმერთო ჩვენო! შენ მოგენდეთ, მხოლოდ შენ გსასოებთ და შენთანაა მისაქციელი» სურა ალ-მუმთაჰანა, აიათი: 4.
46- «ღმერთო ჩვენო! არ დაგვადგინო გამოცდად მათ მიმართ, რომელთაც უარყვეს, გვაპატიე ჩვენ, ჩვენო ღმერთო, ჭეშმარიტად შენ ხარ ძლევამოსილი, ბრძენი» სურა ალ-მუმთაჰანა, აიათი: 5.
47- «ღმერთო ჩემო, მომიტევე მე, ჩემს მშობლებს, მას ვინც შემოვიდა ჩემს სახლში მორწმუნედ, მორწმუნე კაცებს და მორწმუნე ქალებს» სურა ნუუჰ, აიათი: 28.
48- «ღმერთო ჩვენო! სრულყავი ჩვენი სინათლე, და გვაპატიე ჩვენ, ჭეშმარიტად, შენ ყოველივეს ძალა შეგწევს» სურა ათ-თაჰრიიმ, აიათი: 8.
49- «ღმერთო ჩემო, წამიყვანე სწორ გზაზე შენი ნებით, რაშიც მოხდა განხეთქილება და გადასცდა სწორ გზას, ჭეშმარიტად შენ დაადგენ სწორ გზაზე ინებებ ვისაც» [11]. [11] ამოღებულია სურა ალ-ბაყარადან, აიათი: 213.
50- «ღმერთო ჩემო! მომეცი სიბრძნე, რომელიც ვისაც მიეცემა ჭეშმარიტად, მას ძალიან ბევრი სიკეთე მიეცა» [12]. [12] ამოღებულია სურა ალ-ბაყარადან, აიათი: 269.
51- «ღმერთო ჩემო! განამამტკიცე მტკიცე სიტყვით ამქვეყნადაც და იმქვეყნადაც» [13]. [13] ამოღებულია სურა იბრაჰიმიდან, აიათი: 27.
52- «ღმერთო ჩემო, შეგვაყვარე ჩვენ რწმენა და გაალამაზე ჩვენს გულებში, შეგვაზიზღე ურწმუნოება, აკრძალვები და ცოდვები და დაგვადგინე სწორ გზაზე მყოფთაგან» [14]. [14] ამოღებულია სურა ალ-ჰუჯურათიდან, აიათი: 7.
53- «ღმერთო ჩემო! დამიფარე ჩემი სულის სიძუნწისაგან, და დამადგინე გადარჩენილთაგან» [15]. [15] ამოღებულია სურა ალ-თაღაბუნ, აიათი: 16.
54- «ო, ალლაჰ, ჩვენო უფალო! მოგვმადლე ამქვეყნად სიკეთე, საიქიოში სიკეთე და დაგვიცავი ცეცხლის სატანჯველისგან» [16]. [16] გადმოსცემს ალ-ბუხარი ნომრით: (4522), ასევე ნომრით: (6389), და მუსლიმი ნომრით: (2690).
55- «ღმერთო ჩემო! შენ შეგეფარები ცეცხლის ცდუნებისა და ცეცხლის სასჯელისაგან, საფლავის ცდუნებისა და საფლავის სასჯელისაგან, სიმდიდრის ცუდი ცდუნებისა და სიღარიბის ცუდი ცდუნებისაგან, ღმერთო ჩემო! შენ შეგეფარები ცრუ მესიას ცუდი ცდუნებისაგან, ღმერთო ჩემო! გაწმინდე ჩემი გული ცივი და ყინულიანი წყლით, გაასუფთავე ჩემი გული ცოდვებისგან ისე, როგორც თეთრი ტანისამოსი გაასუფთავე ლაქებისაგან, და დამაშორე მე ჩემს ცოდვებს ისე, როგორც დააშორე აღმოსავლეთი და დასავლეთი. ღმერთო ჩემო! შენ შეგეფარები სიზარმაცისაგან, ცოდვებისაგან და ვალებისაგან» [17]. [17] გადმოსცემს ალ-ბუხარი ნომრით: (832), და მუსლიმი ნომრით: (589).
56- «ღმერთო ჩემო! შენ მოგეკედლები სისუსტისგან და სიზარმაცისგან, სიმხდალისგან, სიბერისგან და სიძუნწისგან, შენ მოგეკედლები საფლავის სასჯელისგან, სიცოცხლისა და სიკვდილის ცდუნებისგან» [18]. [18] გადმოსცემს ალ-ბუხარი ნომრით: (2823), და მუსლიმი ნომრით: (2706).
57- «ღმერთო ჩემო! შენ შეგეფარები განსაცდელის სირთულისგან, უბედურების სირთულისგან, ცუდი ბედისწერისგან და მტრების დამცირებისგან» [19]./ალლაჰუმმ ინნი ა‘უუზუ ბიქა მინ ჯაჰდილ-ბალა’, ვა დარაქიშ-შაყაა’, ვა სუუილ-ყადააი, ვა შამაათათილ-ა‘ადა/ [19]გადმოსცემს ალ-ბუხარი ნომრით: (6347) და მუსლიმი ნომრით: (2707) სიტყვებით: შუამავალი (ალლაჰის ლოცვა და მშვიდობა მას) შეეფარებოდა ალლაჰს განსაცდელის სირთულისგან, უბედურების სირთულისგან, ცუდი ბედისწერისგან და მტრებისგან დამცირებისაგან.
58 - «ო, ალლაჰ! მოაწესრიგე ჩემი რწმენა, რომელიც ჩემი საქმეების დაცვას წარმოადგენს, მოაწესრიგე ეს სამყარო, რომელშიც მე ვცხოვრობ, და მოაწესრიგე მარადიული სამყარო, სადაც დავბრუნდები. აქციე ჩემი ცხოვრება ისეთი, რომ მხოლოდ სიკეთე შემმატოს, და აქციე ჩემი სიკვდილი დასვენებად ყოველგვარი ბოროტებისგან» [20]. [20] გადმოსცა მუსლიმმა ნომრით: (2720).
59 - «ღმერთო ჩემო! შენ გთხოვ სწორ გზას, ღვთისმოშიშობას, პატიოსნებას და სიმდიდრეს» [21]. [21] გადმოსცა მუსლიმმა ნომრით: (2721).
61- «ღმერთო ჩემო! წამიყვანე სწორ გზაზე და განმამტკიცე, ღმერთო ჩემო! შენ გთხოვ სწორ გზას და სიმტკიცეს» [23]. [23] გადმოსცა მუსლიმმა ნომრით: (2725).
62- «ო ალლაჰ, შენ შეგეფარები შენი სიკეთის დაკარგვისგან, შენი წყალობის ცვლილებისგან, შენი მოულოდნელი სასჯელისა და შენი ყოველი რისხვისგან» [24]. [24] გადმოსცა მუსლიმმა ნომრით: (2739).
63- «ღმერთო ჩემო! შენ შეგეფარები იმ ბოროტებისგან, რომელიც ჩამიდენია და იმ ბოროტებისგან, რომელიც არ ჩამიდენია» [25]. [25] გადმოსცა მუსლიმმა ნომრით: (2716).
64- «ღმერთო ჩემო! გამიმრავლე ქონება და შვილები, და მომეცი ბარაქა იმაში, რაც მიწყალობე» [26], «{გაახანგრძლივე ჩემი სიცოცხლე შენს მორჩილებაში, და გამოასწორე ჩემი ქმედებები} და მომიტევე მე» [27]. [26] ამაზე მიუთითებს მოციქულის (ალლაჰის ლოცვა და მშვიდობა მას) ვედრება ანასისთვის: «ღმერთო ჩემო!გაუმრავლე ქონება და შვილები, და მიეცი ბარაქა იმაში, რაც უწყალობე», ალ-ბუხარი, ნომრით: (1982), და მუსლიმი, ნომრით: (660). [27] ალ-ბუხარი ალ-ადაბ ალ-მუფრადში ნომრით: 653, იმამ ალ-ალბანი მიიჩნევს სანდოდ სილსილა ალ-აჰადისი ას-საჰიჰაში, ნომრით: 2241, და ასევე საჰიჰი ალ-ადაბ ალ-მუფრადში, გვ. 244, ბრჭყალებში მოცემული ნაწილი მიუთითებს შუამავლის (ალლაჰის ლოცვა და მშვიდობა მას) სიტყვებზე, როდესაც მას ჰკითხეს: ვინ არის ადამიანთა შორის საუკეთესო? მან თქვა: «ვინც იცოცხლა დიდხანს და ჰქონდა კარგი საქმეები», ათ-თირმიზი, ნომრით: 2329, აჰმადი, ნომრით: 17716, იმამ ალ-ალბანი სანდოდ მიიჩნევს ჰადის ჰაჰიჰ ათ'თირმიზიში, 2/271, ჩვენს ძვირფას შეიხს იბნ ბაზს (ალლაჰმა შეიწყალოს ის) შევეკითხე ეს ვედრება არის თუ არა სუნნა? მან თქვა: "დიახ".
65- «არ არსებობს ღვთაება, გარდა ალლაჰისა დიდებულისა, შემწყნარებლისა, არ არსებობს ღვთაება, გარდა ალლაჰისა, დიდებული არშის ღმერთისა, არ არსებობს ღვთაება, გარდა ალლაჰისა ცათა ღმერთისა, და მიწის ღმერთისა, და დიადი არშის ღმერთისა» [28]. [28] გადმოსცემს ალ-ბუხარი ნომრით: (6345), და მუსლიმი ნომრით: (2730).
66- «ალლაჰო, მე შენს მოწყალებას ვიმედოვნებ, ნუ მიმატოვებ საკუთარი თავის იმედად თვალის დახამხამების დროითაც კი, გამიმართე ჩემი ყველა საქმე. არ არსებობს არანაირი ღმერთი შენს გარდა» [29]. [29] აბუ დაუდი, ნომრით: (5090), აჰმად, 5/42, იმამ ალ-ალბანი ჰადისს მიიჩნევს კარგად საჰიჰ აბუ დაუდში, 3/250, ასევე საჰიჰ ალ-ადაბ ალ-მუფრად, 260, ასევე, ამ ჰადისის გადმოცემათა ჯაჭვს კარგად აფასებს სწავლული იბნ ბაზი თუჰფათი ალ-ახიარში, გვ. 24.
67- «არ არსებობს ღვთაება, გარდა შენი, დიდებული ხარ შენ, ჭეშმარიტად, მე ვიყავი უსამართლოთაგან» [30]. [30] ათ'თირმიზი ნომრით: 3505, ალ-ჰაქიმი ჰადისს სანდოდ მიიჩნევს და ასევე მას ეთანხმება ალ-ზაჰაბი, 1/505, იმამ ალ-ალბანი ჰადისს სანდოდ მიიჩნევს საჰიჰი ათ'თირმიზში 3/168, სიტყვებით: «ზიი ან'ნუნის (იუნუს შუამავალი) ვედრება როდესაც შეევედრა ვეშაპის მუცელში: "არ არსებობს ღვთაება, გარდა შენი, დიდებული ხარ შენ, ჭეშმარიტად, მე ვიყავი უსამართლოთაგა". [ალ-ანბია:87] ჭეშმარიტად, ყოველი მუსლიმი, ვინც ამ ვედრებით შეევედრება აუცილებლად უპასუხებს მას ალლაჰი.
68- «ღმერთო ჩემო, მე შენი მონა ვარ, შენი მონა კაცის შვილი და შენი მონა ქალის შვილი, შენს ხელში ვარ, შენი ბრძანება ჩემზე ვრცელდება, შენი დადგენილი ბედისწერა სამართლიანია, შენ გთხოვ შენი ყოველი სახელით, რომელიც გეკუთვნის, რომელიც უწოდე შენს თავს, ან ასწავლე რომელიმე შენს ქმნილებას, ან გარდმოავლინე შენს წიგნში, ან შეინახე ის შენთან, შენს დაფარულ ცოდნაში, რომ აქციო ყურანი ჩემი გულის გაზაფხულად, ჩემი მკერდის სინათლედ, ჩემი წუხილის შვებად და ჩემი დარდის გამქრობად» [31]. [31]აჰმად, 1/391,452, ალ-ჰააქიმ, 1/509, ალ-ჰააფიზი ჰადისს კარგად მიიჩნევს თახრიჯ ალ-აზქარში, იმამ ალ-ალბაანი სანდოდ მიიჩნევს ჰადისს თახრიჯ ალ-ქალამ ატ-ტაიბ, გვ.73.
69- «ღმერთო ჩემო! გულების მომქცევო, მოაქციე ჩვენი გულები შენს მორჩილებაში» [32]. [32]გადმოსცა მუსლიმმა ნომრით (2654).
70- «ო გულების გარდამქნელო, გაამაგრე ჩემი გული შენს რელიგიაში» [33]. [33] ათ'თირმიზი ნომერი: 3522, აჰმადი, 4/182, ალ-ჰაქიმი, 1/525, და 528, სანდოდ მიიჩნია ჰადისი, და მას დაეთანხმა აზ-ზაჰაბი, იმამ ალ-ალბანი ჰაიდისს მიიჩნევს სანდოდ საჰიჰ ალ-ჯამი'ში, 6/309, და საჰიიჰ ათ'თირმიზიში 3/171. უმმ სალამამ თქვა (ალლაჰი იყოს მისით კმაყოფილი): «ეს შუამავლის - ალლაჰის ლოცვა და მშვიდობა მას - ყველაზე ხშირად გაკეთებული ვედრებებიდან იყო».
71- «ო, ალლაჰ, შენ გთხოვ კეთილდღეობას, ამქვეყნად და მარადიულ ცხოვრებაში» [34]. [34] ათ'თრმიზი, ნომრით: 3514, ალ-ბუხარი ალ-ადაბ ალ-მუფრად, ნომრით: 726, ათ'თირმიზის მიერ გადმოცემულ სიტყვებში: "ალლაჰს სთხოვეთ, სიმშვიდე ამქვეყნად და იმქვეყნად", სხვა სიტყვებში: «ალლაჰს სთხოვეთ პატიება და სიმშვიდე, რადგან არავის არ მისცემია წრფელი რწმენის შემდეგ იმაზე დიდი სიკეთე ვიდრე სიმშვიდეა», იმამ ალ-ალბანი ჰადისს მიიჩნევს სანდოდ საჰიჰ იბნ მააჯაში, 3/180, და 3/185,3/170. მას აქვს გადმოცემაში მოწმე [დამხმარე] ჰადისები: იმამ აჰმადის მუსნადში აჰმად შაქირის თანაწყობით 1/156-157.
72- «ღმერთო ჩემო! მოგვეცი კეთილი დასასრული ყველა საქმეში, და დაგვიფარე ამქვეყნიური სირცხვილისგან და იმქვეყნიური სასჯელისგან» [35]. [35] აჰმადი 181/4, ატ-ტაბარი ალ-ქაბირში, 2/33/1169, და ასევე ად-დუ'აში ნომრით: 1436, და იბნ ჰიბანმა ნომრით: 2424, 2425 (მავაარიდ), ალ-ჰაფიზ ალ-ჰაისამიმ თქვა მაჯმა'ი ალ-ზავააიდში, 10/178: "აჰმადის გადმომცემები, და ატ-ტაბარის გადმოცემათა ერთ ერთი ჯაჭვები სანდოა".
73- «ღმერთო! დამეხმარე მე და ნუ დაეხმარები ჩემს წინააღმდეგ, შემეწიე მე და ნუ შეეწევი ჩემს წინააღმდეგ, ხელი მომიმართე ჩემს გეგმებში და ნუ მოუმართავ ჩემს წინააღმდეგ, წამიყვანე სწორ გზაზე და გამიადვილე მე სწორი გზა, დამეხმარე მათ წინააღმდეგ, ვინც ზღვარგადასულია ჩემს მიმართ, ღმერთო, მამყოფე შენს მიმართ მადლიერი, შენი გამხსენებელი, შენსკენ მომქცევი, შენი მორჩილი, შენი მოშიში, შენი მორჩილი, შენსკენ მომქცევი, მოკედლებული, მსასოებელი, ღმერთო, მიიღე ჩემი მონანიება, გაწმინდე ჩემი ცოდვები, უპასუხე ჩემს ვედრებას, გააძლიერე ჩემი არგუმენტი, დაადგინე სწორ გზაზე ჩემი გული, გაასწორე ჩემი ენა, გაწმინდე ჩემი გული შურისგან» [36]. [36] გადმოსცა ალ-ბუხარიმ ალ-ადაბ ალ მუფრადში, 664 და 665, აბუ დაუდმა ნომრით: 1510, 1511, ათ'თირმიზიმ ნომრით: 3551, იბნ მააჯამ, ნომრით : 3830, აჰმადმა 1/127, ალ-ჰააქიმი სანდოდ მიიჩნევს ჰადისს და აზ-ზაჰაბი ეთანხმება მას, 1/519, იმამ ალ-ალბანი ჰადისს სანდოდ მიიჩნევს საჰიჰ აბუ დაუდში, 1/414, და საჰიჰ ათ'თირმიზიში 3/178.
74- «ღმერთო ჩემო, შენ გთხოვ იმ სიკეთეს, რაც გთხოვა შენმა მოციქულმა მუჰამმადმა (ალლაჰის ლოცვა და მშვიდობა მას) და შემოგეფარები იმ სიავისაგან, რისგანაც შემოგეფარა შენი მოციქული მუჰამმადი (ალლაჰის ლოცვა და მშვიდობა მას), შენ ხარ შემწე და შენზეა სურვილის ახდენის იმედი, არ არსებობს ძალა და შესაძლებლობა, გარდა ალლაჰისა» [37]. [37] გადმოსცემს ათ'თირმიზი, ნომრით: 3521, იბნ მააჯა, ნომრით: 3846, იგივე მნიშვნელობით, ათ'თირმიზიმ თქვა: "ეს ჰადისი კარგი იშვიათი ჰადისია", იმამ ალ-ალბანი ჰადისს სუსტად მიიჩნევს, და'იიფ ათ'თირმიზიში, გვ.387.
75- «ღმერთო ჩემო! შენ შეგეფარები ჩემი სმენის ბოროტებისგან, თვალის ბოროტებისგან, ენის ბოროტებისგან, გულის ბოროტებისგან და სასქესო ორგანოს ბოროტებისგან» [38]. [38] აბუ დაუდ, ნომრით: 1551, ათ'თირმიზი, ნომრით: 3492, ან-ნასაი, ნომრით: 5470, და სხვები. იმამ ალ-ალბანი (ლლაჰმა შეიწყალოს ის) ჰადის მიიჩნევს სანდოდ საჰიჰი ათ'თირმიზში, 3/166, და საჰიჰ ან-ნასაიში, 3/1108.
76- «ღმერთო ჩემო, შენ შეგეფარები კეთრისაგან, სიგიჟისგან, კანის დაავადებისგან და [სხვა] ცუდი დაავადებებისგან« [39]. [39] აბუ დაუდ, ნომრით: 1554, ან-ნასააიმ, ნომრით: 5493, აჰმად, 3/192, იმამ ალ-ალბანი (ლლაჰმა შეიწყალოს ის) ჰადისს მიიჩნევს სანდოდ საჰიჰ ათ'თირმიზში, 3/ 1116 და საჰიჰ ან-ნასაიში, 3/ 184.
77- «ო, ალლაჰ, შენ შეგევედრები, რომ დამიფარო ცუდი ზნე-ჩვეულებებისგან, უსამართლო ქმედებებისგან და ვნებებისგან» [40]. [40] გადმოსცა ათ'თირმიზიმ ნომრით 3591, იბნ ჰიბბანმა , ნომრით 2422(მავაარიდში), ალ-ჰააქიმიმ, 1/532, ატ-ტაბარიმ ალ-ქაბირში, 19/19/36, და 5/462. იმამ ალბანი ჰადისს სანდოდ მიიჩნევს საჰიჰ ათ'თირმიზში, 3/184.
78- «ჩემო ღმერთო! ჭეშმარიტად, შენ ხარ მიმტევებელი, მწყალობელი, გიყვარს მიტევება და მომიტევე» [41]. [41] ათ'თირმიზი, ნომრით: 3513, ან-ნასააიმ, ალ-ქუბრაში ნომრით: 7712, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ათ'თირმიზში, 170/3.
79- «ჩემო ღმერთო! შენ გთხოვ სიკეთის კეთებას, მოუწონარის მიტოვებას და უპოვართა სიყვარულს, მაპატიე და შემიწყალე მე, შენ თუ გადაწყვეტ რომელიმე საზოგადოებას დაატეხო განსაცდელი, მომაკვდინე განსაცდელში მოხვედრის გარეშე, შენ გთხოვ, შენს სიყვარულს, იმის სიყვარულს, ვისაც შენ უყვარხარ და იმ ქმედების სიყვარულს, რომელიც შენთან დამაახლოვებს». [42] [42] ამ სიტყვებით გადმოსცემს აჰმადი 243/5, ათ'თირმიზი, ნომრით 3235, მსგავსი სიტყვებით და ჰადისს კარგად მიიჩნევეს, თქვა: მე ვკითხე მუჰამმად ბინ ისმა'ილს - ანუ ალ-ბუხარის - და მან თქვა: «ეს ჰადისი კარგი მართალი ჰადისია», ჰადისის ბოლოს შუამავალი (ალლაჰის ლოცვა და მშვიდობა მას) ამბობს: «ეს არის ჭეშმარიტება, მაშ, ისწავლეთ და ასწავლეთ ის», ალ-ჰააქიმი 521/1, იმამ ალ-ალბანი ჰადისს სანდოდ მიიჩნევს საჰიჰი ათ'თირმიზში, 318/3.
80- «ო, ალლაჰ, გთხოვ შენგან ყოველგვარ სიკეთეს — როგორც ნაადრევს, ისე გვიანს, იმას, რაც ჩემთვის ცნობილია, და იმას, რაც ჩემთვის უცნობია*. შენ შეგეფარები ყოველგვარი ბოროტებისგან, როგორც ამქვეყნად, ისე მომავალ ცხოვრებაში, იმისგან, რაც ჩემთვის ცნობილია, და იმისგან, რაც ჩემთვის უცნობია. ო, ალლაჰ, გთხოვ შენგან იმ სიკეთეს, რასაც შენგან ითხოვდა შენი მონა და მოციქული, და შეგეფარები იმ ბოროტებისგან, [რისგანაც შენს დაცვას ითხოვდა] [მისგან] შენი მონა და მოციქული. ო, ალლაჰ, გთხოვ სამოთხეს და ყველაფერს, რაც მასთან მიახლოებას ხელს უწყობს — სიტყვებითა და საქმეებით, და შენ შეგეფარები ცეცხლისგან და ყველაფრისგან, რაც მასთან მიახლოებას ხელს უწყობს — სიტყვებითა და საქმეებით. და გთხოვ, რომ შენი ყოველი განგება ჩემთვის სიკეთედ აქციო» [43]. [43] იბნ მააჯა, ნომრით: 3846 გადმოსცა ამ სიტყვებით, და აჰმადი, 134/6, მეორე დამატებული სიტვით, ალ-ჰაქიმი ჰადისს სანდოდ მიიჩნევს და მას ეთანხმება ალ-ზაჰაბი, 521/1, პირველი დამატებული სიტყვა მისი გადმოცემულია, იმამ ალ-ალბანი ჰადისს სანდოდ მიიჩნევს საჰიჰ იბნ მააჯაში, 2/327.
81- «ჩემო ღმერთო! დამიფარე ისლამით ფეხზე მდგომი, დამიფარე ისლამით მჯდომარე, დამიფარე ისლამით მწოლიარე, და ნუ მისცემ მტერს და არც მოშურნეს ჩემით გულის დაოკებას. ჩემო ღმერთო! შენ გთხოვ ყველა სიკეთეს, რომლის სამფლობელოები შენს ხელთაა, და შენ შეგეფერები ყველა ბოროტებისგან, რომლის სამფლობელოებიც შენს ხელთაა» [44]. [44] ალ-ჰაქიმ 1/525, ჰადისს სანდოდ მიიჩნევს, მას ეთანხმება ალ-ზაჰაბი, იმამ ალ-ალბანი ჰადისს კარგად მიიჩნევს საჰიჰ ალ-ჯამიში, 2/398, და სილსილათუ ალ-აჰაადისი ალ-საჰიჰა, 4/54, ნომრით: 1540.
82- «ღმერთო ჩემო! გვარგუნე შენი შიშისგან, რაც იქნება საზღვარი ჩვენსა და შენ აკრძალულებს შორის. და შენი მორჩილებიდან ის, რაც მიგვიყვანს შენ სამოთხემდე. და სიმტკიცე, რომელიც გაგვიადვილებს ამქვეყნიურ განსაცდელებს, ღმერთო ჩემო! გვასარგებლე ჩვენი სმენით, მხედველობით, და ძალით სანამ გვაცოცხლებ, დაადგინე ის ჩვენ შთამომავლად, გვაძევინე შური ვინც უსამართლოდ მოგვექცა, დაგვეხმარე მტრების წინააღმდეგ, და არ დაგვიდგინო განსაცდელი ჩვენს რელიგიაში, არ გვიქციო ეს ქვეყანა მთავარ საფიქრალად, და ცოდნის მიზნად. და არ გააბატონო ჩვენზე, ვინც არ გვწყალობს ჩვენ» [45]. [45] ათ'თირმიზი, ნომრით: 3502, ალ-ჰაქიმ 1/528, ჰადისს სანდოდ მიიჩნევს, მას ეთანხმება ალ-ზაჰაბი, იბნ ასსუნნი, ნომრით: 446, იმამ ალ-ალბანი ჰადისს კარგად მიიჩნევს საჰიჰიათ'თირმიზში, 3/168, და საჰიჰ ალ-ჯამი'ში, 1/400.
83- «ღმერთო ჩემო, შენ შეგეფარები სიმხდალისგან, და შეგეფარები სიძუნწისაგან, და შეგეფარები აღმოვჩნდე ხანდაზმულობის სისუსტეში, შეგეფარები ამქვეყნის განსაცდელისაგან, და საფლავის სასჯელისაგან» [46]. [46] გადმოსცემს ალ-ბუხარი ნომრით: 2822.
84 - «ღმერთო ჩემო, მაპატიე ჩემი ცოდვა და ჩემი უმეცრება, ჩემი უზომობა/ზღვარს გადასვლა ჩემს ყველა საქმეში და ის, რაც შენ ჩემზე უკეთ იცი! ო, ალლაჰ, მაპატიე რაც სერიოზულად გავაკეთე და ის, რაც ხუმრობით გავაკეთე, ის, რაც შეცდომით გავაკეთე, რაც განზრახ ჩავიდინე, რადგან ეს ყველაფერი ჩემთვის დამახასიათებელია» [47] [47] შეთანხმებული ჰადისი: გადმოსცემს ალ-ბუხარი ნომრით: (6398), და მუსლიმი ნომრით: (2719).
85 - «ჩემო ღმერთო, უეჭველად, მე უსამართლოდ მოვექეცი ჩემს თავს ბევრჯერ, და არავის შეუძლია ცოდვების პატიება გარდა შენისა, მაშ მომიტევე მე, შემიწყალე მე, ჭეშმარიტად, შენ მპატიებელი, შემწყალებელი ხარ» [48]. [48] შეთანხმებული ჰადისი: გადმოსცემს ალ-ბუხარი ნომრით: (834), და მუსლიმი ნომრით: (2705).
86 - «ღმერთო, მე შენს წინაშე დავმორჩილდი, შენში ვირწმუნე, შენ მოგენდე, შენსკენ მოვემართე, შენთვის ვმტრობ. ღმერთო, მე თავშესაფარს ვეძებ შენს დიდებაში, არ არსებობს ღმერთი გარდა შენი, რომ არ ჩამაგდო გზააბნევაში, შენ ხარ მარად ცოცხალი, რომელიც არასდროს კვდება, ხოლო ჯინებიც და ადამიანებიც კვდებიან» [49]. [49] შეთანხმებული ჰადისი: გადმოსცემს ალ-ბუხარი ნომრით: (6398), და მუსლიმი ნომრით: (2719).
87 - «ჩემო ღმერთო, შენ გთხოვ შენი წყალობის მომტან მიზეზებს, და შენი პატიების მომტან თვისებებს, და შორს ყოფნას ყველა ცოდვისგან, და სარგებლობას ყველა ღვთისმსახურებისგან, გამარჯვებას სამოთხით, და გადარჩენას ცეცხლისგან» [50]. [50] გადმოსცემს ალ-ჰაქიმ 1/525, მიიჩნევს ჰადისს სანდოდ და ეთანხმება ალ-ზაჰაბი და ალ-ბაიჰაყი ად-და'ავაათში, ნომრით: 206, იხილეთ: ალ-აზქარ იმამ ან-ნავავის, გვ.340, ჰადისს კარგად მიიჩნევს მეცნიერი აბდულყადირ ალ-არნავუტი.
88 - «ღმერთო ჩემო! აპატიე მორწმუნე კაცებს და მორწმუნე ქალებს» [51]. [51] 'უბაადას - ალლაჰი იყოს მისით კმაყოფილი - ჰადისში, ამბობს: გავიგონე შუამავალი (ალლაჰის ლოცვა და მშვიდობა მას) ამბობდა: «ვინც მორწმუნე ქალებისთვის და კაცებისთვის ითხოვს მიტევებას ალლაჰი მას ყოველ მორწმუნე ქალზე და ყოველ მორწმუნე კაცზე ერთ მადლს დაუწერს», გადმოსცა ატ-ტაბარიმ ალ-ქაბირში, 5/202, ნომრით: 5092, და 3/334, ნომრით: 2155, ალ-ჰაისამი გადმოცემათა ჯაჭვს მიიჩნევს კარგად მაჯმუა ალ-ზავაიდში, 10/210, იმამ ალ-ალბანი ჰადისს კარგად მიიჩნევს საჰიჰ ალ-ჯაამი'ში, ნომრით: 5902, 5/242.
89 - «ღმერთო ჩემო, მომიტევე მე ჩემი ცოდვა, მომეცი სიუხვე ჩემს საცხოვრებელში და მომეცი ბარაქა ჩემს ქონებაში» [52]. [52] ჰადისს გადმოსცემს აჰმადი ნომრით: 16599 და 23144, და 23188, ათ'თირმიზი ნომრით: 3500, და თქვეს გადმოცემათა ჯაჭვის შემსწავლებლებმა , 27/144, და 38/197, და ასევე 38/145: "კარგი ჰადისია მისი მსგავსი სხვა ჰადისებთან ერთად".
90 - «ღმერთო ჩემო! შენ გთხოვ შენი სიკეთიდან და წყალობიდან, ჭეშმარიტად, მას არავინ ფლობს შენს გარდა» [53]. [53] გადმოსცა ატ-ტაბარიმ. ალ-ჰაისამიმ მაჯმა'უ ალ-ზავააიდში თქვა: 159/10 "ჰადისის გადმომცემები იგივეა, რაც საჰიჰში, გარდა მუჰამმად იბნ ზიადისა, და ის სანდოა", იმამ ალ-ალბანი ჰადისს სანდოდ მიიჩნევს საჰიჰ ალ-ჯამი'ში, 405/1, ნომრით: 1278.
91- «ჩემო ღმერთო! შენ შემოგეფარები სიბერისაგან, გადაჩეხვისგან, ნგრევისგან, დარდისაგან, დახრჩობისგან, ხანძრისგან, შენ შეგეფარები, რომ მაცდინოს სატანამ სიკვდილის ჟამს, შენ შეგეფარები, რომ შენს გზაზე[ბრძოლაში] ზურგშექცეულმა მოვკვდე, შენ შეგეფარები (გველის ან მორიელის... კბენის გამო) სიკვდილისგან» [54]. [54] აბუ დაუდ, ნომრით: 1552, ან-ნასაი, ნომრით: 5531, და ნომრით: 5532, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ან-ნასაიში, 3/1123, და აბუ დაუდის საჰიჰ სუნანში, 1/425.
92- «ღმერთო ჩემო, შენ შეგეფარები შიმშილისგან, რაოდენ ცუდი თანმხლებია ის, შენ შეგეფარები ღალატისგან, რაოდენ ცუდი მეგობარია ის» [55]. [55] აბუ დაუდ, ნომრით: 1547, ან-ნასაი, ნომრით: 5483, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ან-ნასაიში, 3/1112.
93 - «ჩემო ღმერთო, შენ მოგეკედლები სისუსტისგან და სიზარმაცისგან, სიმხდალისგან, სიბერისგან და სიძუნწისგან, გულქვაობისგან, უგულისყურობისგან და სიდუხჭირისგან, დამცირებისგან და დაჩაგვრისგან. შენ შემოგეკედლები სიღარიბისგან, ურწმუნოებისგან, ცოდვებისგან, განხეთქილებისგან, ორპირობისგან, სახელის მოხვეჭისგან და თავმომწონეობისგან, შენ შემოგეკედლები სიბრმავისგან, სიმუნჯისგან, სიგიჟისგან, კეთროვანი დაავადებისგან და ყველა ცუდი დაავადებისგან» [56]. [56] გადმოსცა ან-ნასაი ნომრით: 5493, ალ-ჰაქიმი, 1/530, იმამ ალბანი სანდოდ მიიჩნევს ჰადისს საჰიჰ ალ-ჯაამი'ში 1/406, და 'ირვაა ღალილში' ნომრით: 852.
94 - «ღმერთო ჩემო! შენ შეგეფარები გაჭირვებისგან, სიდუხჭირისგან და დამცირებისგან, შენ შეგეფარები, რომ მოვიქცე უსამართლოდ ან მომექცნენ უსამართლოდ» [57]. [57] აბუ დაუდ, ნომრით: 1544, ამ-ნასაი, ნომრით: 5475, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ან-ნასაიში, 3/1111, ასევე საჰიჰ ალ-ჯაამი'ში, 1/407, ფრჩხილებში მოცემული გადმოცემულია იბნ ჰიბანის (მავარიდში), იმამ ალ-ალბანი სანდოდ მიიჩნევს ჰადისს მავარიდ ალ-ზამაანში, 2/455.
95 - «ღმერთო ჩემო, შენ შეგეფარები ცუდი მეზობლისგან სამუდამო საცხოვრებელში; ხოლო დროებით საცხოვრებელში მეზობელი შეიცვლება» [58]. [58] გადმოსცა ალ-ბუხარიმ ალ-ადაბუ ალ მუფრადში, ნომრით: 117, ალ-ჰაქიმი, 1/532, ალ-ჰააქიმი სანდოდ მიიჩნევს ჰადისს და აზ-ზაჰაბი ეთანხმება, გადმოსცემს ან-ნასაი ნომრით: 5517, იმამ ალ-ალბანი ჰადისს სანდოდ მიიჩნევს საჰიჰ ალ-ჯაამი'ში, 1/408, და საჰიჰ ან-ნასაიში 3/1118.
96 - «ჩემო ღმერო! შენ შეგეფარები გულისგან, რომელსაც არ ეშინია, სულისგან, რომელიც არ კმაყოფილდება, და ვედრებისგან, რომელიც არ მიიღება, ცოდნისგან, რომელიც სარგებელს არ მოიტანს, ჩემო ღმერთო, შენ შეგეფარები ამ ოთხი რამისგან» [59]. [59] გადმოსცა ათ'თირმიზიმ ნომრით: 3482, აბუ დაუდი, ნომრით: 1549, იმამ ალ-ალბანი ჰადისს სანდოდ მიიჩნევს საჰიჰ ალ-ჯაამი'ში, ნომრით: 1295, და საჰიჰ ან-ნასააიში, 3/1113.
97- «ღმერთო ჩემო, შენ შეგეფარები ცუდი დღისგან, ცუდი ღამისგან, ცუდი საათისგან, ცუდი მეგობრისგან, და ცუდი მეზობლისგან სამუდამო საცხოვრებელში» [60]. [60] გადმოსცემს ატ-ტაბარაანი. ალ-ჰაისამიმ ზავააიდში თქვა: 10/144: "ჰადისის გადმომცემები იგივეა, რაც საჰიჰში", იმამ ალ-ალბანი ჰადისს სანდოდ მიიჩნევს საჰიჰ ალ-ჯაამი'ში, 1/411 ნომრით: 1290.
98 - «ღმერთო ჩემო! შენ გთხოვ სამოთხეს და შენ შეგეკედლები ჯოჯოხეთისგან» (სამჯერ) [61]. [61] გადმოსცემს ათ'თირმიზი ნომრით: 2572, და იბნ მააჯა, ნომრით: 3340, და ან-ნასაი ნომრით: 5536, იმამ ალ-ალბანი ჰადისს სანდოდ მიიჩნევს საჰიჰ ათ'თირმიზიში, 2/319, საჰიჰ ან-ნასაი 3/1121, გადმოსცემს შემდეგი სიტყვებით: "ვინც სამჯერ სთხოვს ალლაჰს სამოთხეს, სამოთხე იტყვის: ღმერთო ჩემო, შეიყვანე ის სამოთხეში, ვინც სამჯერ შეეკედლება ალლაჰს ჯოჯოხეთისან, ჯოჯოხეთი იტყვის: ღმერთო ჩემო! დაიფარე ჯოჯოხეთისგან".
99 - «ჩემო ღმერთო! მომეცი ცოდნა რელიგიაში» [62]. [62] ამაზე მიუთითებს ალ-ბუხარის და მუსლიმის გადმოცემა შუამავლის (ალლაჰის ლოცვა და მშვიდობა მას) ვედრება იბნ აბბასის მიმართ (ალლაჰი იყოს მისით კმაყოფილი). ალ-ბუხარი ნომრით: 143, და მუსლიმი ნომრით: 2477.
100 - «ჩემო ღმერთო, მე შემოგეკედლები შენ, რომ რაიმე დაგიდგინო მოზიარედ ისე, რომ არ ვიცოდე, და შენ გთხოვ მიტევებას იმ ცოდვის გამო, რომელიც მე არ ვიცი» [63]. [63] გადმოსცა აჰმადმა 4/403, იბნ აბი შაიბაჰ, 10/337, ატ-ტაბარანიმ ალ-მუ'ჯამი ალ-ავსატში, 4/284, იმამ ალბანი ჰადისს კარგად მიიჩნევს საჰიჰ ათ-თარღიიბი ვა ათ-თარჰიბში, 1/19.
101- «ღმერთო ჩემო! სასარგებლო გახადე ჩემთვის ის, რაც შემასწავლე, და შემასწავლე მე ის, რაც სასარგებლოა ჩემთვის, და შემმატე ცოდნა» [64]. [64] ჰადისი გადმოსცა ათ-თირმიზიმ, ნომრით: 3599, და იბნ მააჯამ, ნომრით: 259, იმამ ალ-ალბანი ჰადისს სანდოდ მიიჩნევს, საჰიჰ იბნ მააჯაში, 1/47.
102 - «ღმერთო ჩემო! შენ გთხოვ სასარგებლო ცოდნას, ჰალალ სარჩოს და მიღებულ ღვთისმსახურებას» [65]. [65] ჰადისს გადმოსცემს იბნ მააჯა, ნომრით: 925, ან-ნასაი ა'მალი ალ-იავმი ვა ალ-ლაილაჰ, ნომრით:102, აჰმადი, 6/294, და 305, იმამ ალ-ალბანი ჰადისს სანდოდ მიიჩნევს საჰიჰ იბნ მააჯაში, 1/152.
103 - «ჩემო ღმერთო! შენ გთხოვ, ო ალლაჰ, ჭეშმარიტად, შენ ხარ ერთი, ერთადერთი, თვითკმარი რომელიც არც შობილა და რც უშვია და არც არავინ ყოფილა მსგავსი მისი, ერთადერთი ხარ, მომიტევე ჩემი ცოდვები, ჭეშმარიტად, შენ ხარ მიმტევებილი, მწყალობელი» [66]. [66] გადმოსცა ან'ნასაიმ ნომრით: 1300, ეს სიტყვები მას ეკუთვნის, ასევე ან'ნასაიმ ალ-ქუბრაში, ნომრით: 7665, აბუ დაუდი, ნომრით: 985, იმამ ალ-ალბანი სანდოდ მიიჩნევს ჰადისს საჰიჰ ან'ნასაიში, 1/147.
104 - «ჩემო ღმერთო! შენ გთხოვ, ჭეშმარიტად, ქება-დიდება შენ გეკუთვნის, არ არსებობს ღვთაება გარდა შენი, ერთადერთი ხარ, შენ არ გყავს მოზიარე, შენ ხარ მომმადლებელი, ცანის და მიწის გამჩენი, ო დიდების და კეთილშობილების პატრონო, ო მარადცოცხალო და მარადმსუფევო, შენ გთხოვ სამოთხეს და შენ შემოგეფარები ჯოჯოხეთისგან» [67]. [67] ჰადისს გადმოსცემს აბუ დაუდი, ნომრით: 1495, იბნ მააჯა, ნომრით: 3858, და ან'ნასაი, ნომრით: 1299, ათ'თირმიზი, ნომრით: 3544, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ან-ნასაიში, 1/279, ასევე საჰიჰ იბნ მააჯაში, 2/329.
105 - «ჩემო ღმერთო! შენ გთხოვ იმით, რომ ვამოწმებ, რომ ჭეშმარიტად, შენ ხარ ალლაჰი, არ არსებობს ღვთაება გარდა შენი, ერთადერთი, ას'სამადი, რომელიც არც შობილა და რც უშვია და არც არავინ ყოფილა მსგავსი მისი» [68]. [68] ჰადისი გადმოსცა აბუ დაუდმა ნომრით: 985, ათ'თირმიზიმ ნომრით: 3475, იბნ მააჯამ ნომრით: 3857, აჰმადმა 5/360, იმამ ალბანი ჰადისს სანდოდ მიიჩნევს საჰიჰ ათ-თირმიზიში, 3/163.
106 - «ღმერთო მომიტევე და მაპატიე მე, ჭეშმარიტად, შენ ხარ მპატიებელი, მიმტევებელი» [69]. [69] აბუ დაუდ, ნომრით: 1518, ათ'თირმიზი, ნომრით: 3434, ამ სიტყვებით ის გადმოსცემს. და ან-ნასაი, ალ-ქუბრაში, ნომრით: 10292, იბნ მააჯა, ნომრით: 3814, და იბნ მააჯა, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ იბნ მააჯა 3/153.
107 - «ღმერთო ჩემო! შენი დაფარული ცოდნით და შენი ბატონობით შენს ქმნილებებზე, მაცოცხლე სანამ, სანამ იცი რომ სიცოცხლე ჩემთვის სასარგებლო იქნება და მომაკვდინე თუ იცი, რომ სიკვდილი ჩემთვის უფრო სასარგებლოა, ღმერთო ჩემო! გთხოვ მამყოფე შენი მოშიში დაფარულში თუ ცხადში, შენ გთხოვ, მათქმევინო ჭეშმარიტი სიტყვა კმაყოფილებაში თუ სიბრაზეში, შენ გთხოვ, თანასწორობას გაჭირვებაში და ფუფუნებაში, გთხოვ ულევ წყალობას, გთხოვ უწყვეტ თვალისჩინს, გთხოვ კმაყოფილებას განჩინების შემდეგ, გთხოვ მშვიდ განსასვენებელს გარდაცვალების შემდეგ, გთხოვ შენი სახის ნახვის სიტკბოებას, და შენთან შეხვედრის მონატრებას დამაზიანებელი გაჭირვების და სწორი გზიდან ამცდენი განსაცდელის გარეშე, ღმერთო ჩემო! გაგვალამაზე რწმენის სილამაზით, გვამყოფე სწორ გზაზე მყოფნი და სწორი გზის მაჩვენებლები» [70]. [70] გადმოსცა ან-ნასაიმ ნომრით: 1305, აჰმადმა 4/264, იმამ ალ-ალბანი სანდოდ მიიჩნევს ჰადისს საჰიჰ ან-ნასაიში, 1/280, და 1/281.
108 - «ღმერთო ჩემო! მიწყალობე შენი სიყვარული, და მისი სიყვარული, ვისი სიყვარულიც სარგებელს მომიტანს შენს წინაშე, ღმერთო ჩემო! რაც მიწყალობე ჩემი საყვარელი რამიდან, გახადე იგი ძალა ჩემი იმ საქმეში, რომელიც შენ გიყვარს. ღმერთო ჩემო! რაც არ მომეცი იქიდან, რაც მიყვარდა, მომეცი დრო ვაკეთო ის, რაც შენ გიყვარს» [71]. [71] გადმოსცა ათ'თირმიზიმ, ნომრით: 3491, და კარგად მიიჩნევს ჰადისს. შეიხ აბდულყადირ ალ-არნავუტიმ თქვა: "ეს ისეა, როგორც მან თქვა». ჰადისზე მოკვლევა იხილე ჯამი' ალ-უსულში, 4/341.
109 - «ო ალლაჰ, გამწმინდე ჩემი ცოდვებისგან და შეცდომებისგან, გამასუფთავე როგორც თეთრი სამოსი იწმინდება ჭუჭყისგან; ო ალლაჰ, განმბანე ჩემი ცოდვებისგან თოვლით, ყინულით და ცივი წყლით» [72]. [72] გადმოსცემს მუსლიმი ნომრით: 476, და ან-ნასააი ნომრით 400.
110 - «ჩემო ღმერთო! შენ მოგეკედლები სიმხდალისგან, და სიძუნწისგან, (ღრმა) სიბერისგან, გულის განსაცდელისგან და საფლავის სასჯელისგან» [73]. [73] გადმოსცა ან'ნასაიმ ნომრით: 5469, შემდეგი სიტყვებით: "მოციქული (ალლაჰის ლოცვა და მშვიდობა მას) ალლაჰს ეკედლებოდა ხუთი რამისგან: სიძუნწისაგან, სიმხდალისაგან, ღრმა სიბერისაგან, გულის განსაცდელისაგან და საფლავის სასჯელისაგან", გადმოსცა აბუ დაუდმა, ნომრით: 1539, იმამ ალ-არნაუტი ჰადისს კარგად მიიჩნევს, ჯამი' ალ-უსულის გადმოცემებში, 4/363.
111 - «ღმერთო ჩემო! ღმერთო ჯიბრილისა და მიქაილისა, და ღმერთო ისრაფილისა, შენ შეგეფარები ცეცხლის სიცხისაგან და საფლავის სასჯელისაგან» [74]. [74] გადმოსცა ან'ნასაიმ ნომრით: 1344, აჰმადმა 6/61, და ალ-ბაიჰაყიმ ალ-და'ავათში ნომრით: 109, იმამ ალ-ალბანი სანდოდ მიიჩნევს ჰადისს საჰიჰ ან'ნასაიში, 3/1121, და, ჰადისების ჯაჭვში, ნომრით: 1544.
112 - «ღმერთო ჩემო! მომმადლე სიბრძნე და დამიფარე ჩემი სულის ბოროტებისგან» [75]. [75] გადმოსცემს ათ'თირმიზი ამ სიტყვებთ, 5/519, და ნომრით: 3483, მსგავსი სიტყვებით გადმოსცემს აჰმადი, 33/197, ნომრით:19992, ალ-ჰაქიმი, 1/510, მსგავსი სიტყვებით ასევე, ჰადისს სწორად მიიჩნევს და ალ-ზაჰაბი ეთანხმება მას. გადმოცემათა ჯაჭვის მეცნიერები აჰმადის ჰადისთან დაკავშირებით ამბობენ, 33/197: "გადმოცემათა ჯაჭვი ალ-ბუხარის და მუსლიმის პირობებით არის სწორი", ხოლო ათ'თირმიზის მიერ გადმოცემულ სიტყვას, იმამ ალ-ალბანი მიიჩნევს სუსტად და'ივ ათ'თირმიზიში, გ.397.
113 - «ღმერთო ჩემო! შენ გთხოვ სასარგებლო ცოდნას, და შენ შემოგეფარები უსარგებლო ცოდნისგან» [76]. [76] გადმოსცა ან'ნასააიმ ალ-ქუბრაში, ნომრით: 7867, იბნ მააჯამ ნომრით: 3843, იმამ ალ-ალბანი ჰადისს სანდოდ მიიჩნევს საჰიჰ იბნ მააჯაში, 2/327, შემდეგი სიტყვებით: «ალლაჰს სთხოვეთ სასარგებლო ცოდნა, და მიეკედლეთ ალლაჰს ცოდნისგან, რომელსაც სარგებელი არ მოაქვს».
114 - «ღმერთო ჩემო! [შვიდი] ზეცის და მიწის ღმერთო, და ღმერთო დიდებული არშისა, ჩვენო ღმერთო და ყოველივეს ღმერთო, გამპობო მარცვლის და კურკის, გადმომვლენო თორასი, ინჯილის და ფურყანის, შენ შემოგეფარები ყოველივე ბოროტებისგან, რომელთა მეუფეც შენ ხარ, ჩემო ღმერთო, შენ ხარ პირველი და არაფერი ყოფილა შენამდე, და შენ ხარ ბოლო და არაფერი იქნება შენს შემდეგ, შენ ხარ აშკარა და არაფერია შენს მაღლა, შენ ხარ ფარული და არაფერია შენს გარდა, გადაიხადე ჩვენი ვალები და ამოგვიყვანე გაჭირვებიდან» [77]. [77] გადმოსცა მუსლიმმა აბუ ჰურაირასგან (ალლაჰი იყოს მისით კმაყოფილი) ნომრით 2713.
115 - «ღმერთო ჩემო! გააერთიანე ჩვენი გულები, გამოასწორე ჩევნს შორის არსებული, წაგვიყვანე მშვიდობის გზაზე, გაგვიყვანე სიბნელიდან სინათლეზე, დაგვაშორე გარყვნილებიდან და განსაცდელიდან, აშკარა მისგან თუ დაფარული. მოგვეცი ბარაქა ჩვენ სმენაში, მხედველობაში, გულებში და ცოლ-შვილში, გვაპატიე ჩვენ, რამეთუ შენ მპატიებელი, მწყალობელი ხარ, გვამყოფე შენი წყალობის მიმართ მადლიერნი, მის გამო შენი შემქებნი, მისი მიმღებნი, და სრულყავი წყალობა ჩვენზე» [78]. [78] გადმოსცა აბუ დაუდმა, ნომრით: 969, და ალ-ჰაქიმმა იგივე სიტყვებით, 1/265, და თქვა: "ჰადისი სანდოა მუსლიმის პირობით", მას დაეთანხმა აზ-ზაჰაბი, 1/26, იმამ ალ-ალბანი ჰადისს სანდოდ მიიჩნევს საჰიჰ ალ-ადაბ ალ-მუფრადში, ნომრით: 630.
116 - «ღმერთო ჩემო! შენ გთხოვ საუკეთესო თხოვნას, საუკეთესო ვედრებას, საუკეთესო გადარჩენას, საუკეთესო საქმეს, საუკეთესო მადლს, საუკეთესო ცხოვრებას და საუკეთესო სიკვდილს, განმამტკიცე მე, დაამძიმე ჩემი სიკეთის სასწორი, სრულყავი ჩემი რწმენა, აამაღლე ჩემი საფეხურები, მიიღე ჩემი ლოცვა, მაპატიე ჩემი შეცდომები, შენ გთხოვ მაღალ საფეხურებს სამოთხეში, ღმერთო ჩემო! შენ გთხოვ მომცე ყველა სიკეთის გასაღები, კეთილი დასასრული, ყოვლისმომცველი სიკეთე, პირველი, უკანასკნელი, აშკარა და დაფარული სიკეთეები, და მაღალი საფეხურები სამოთხეში, ამინ. ღმერთო ჩემო! შენ გთხოვ, აამაღლო ჩემი ხსენება, მომიხსნა ჩემი ტვირთი, გამოასწორო ჩემი საქმე, გაწმინდო ჩემი გული, დაიცვა ჩემი ნამუსი, გაანათო ჩემი გული, და მომიტევო მე ჩემი ცოდვა, შენ გთხოვ მაღალ საფეხურებს სამოთხეში, ამინ, ღმერთო ჩემო! შენ გთხოვ, რომ მომცე ბარაქა ჩემს სულში, სმენაში, მხედველობაში, სულში, სხეულში, ზნეობაში, ოჯახში, სიცოცხლეში, სიკვდილში, საქმეში და მიიღე ჩემი კარგი ქმედებები, შენ გთხოვ, მაღალ საფეხურებს სამოთხეში, ამინ» [79]. [79] გადმოსცემს ალ-ჰაქიმი უმმ სალამასგან (ის შუამავალისგან) 1/520, ჰადისს მიიჩნევს სწორად და მას ეთანხმება აზ-ზაჰაბი, 1/520, ბაიჰაყი ალ-და'ავაათში, ნომრით: 225, და ატ'ტაბარაანიმ ალ-ქაბირში, 23/326, ნომრით: 717.
117 - ღმერთო ჩემო! დამაშორე ცუდი ზნეობისგან, ფიქრებისგან, ქმედებებისგან და ავადმყოფობისგან» [80]. [80] გადმოსცა ალ-ჰაქიმმა, 1/523, და თქვა: "ჰადისი სანდოა მუსლიმის პირობით", მას დაეთანხმა აზ-ზაჰაბი, 1/532, ჰადისს გადმოსცემს ატ'ტაბარაანი ალ-მუ'ჯამ ალ-ქაბირში, 19/19, ნომრით: 36, იმამ ალ-ალბანი ჰადისს სანდოდ მიიჩნევს ზილაალ ალ-ჯანნაში, ნომრით: 13.
118 - «ღმერთო ჩემო! მამყოფე კმაყოფილი იმის მიმართ, რაც მიწყალობე და მომეცი ბარაქა მასში, და დამიბრუნე ყველა დაკარგული, სიკეთით» [81]. [81] გადმოსცა ალ-ჰაქიმმა, 1/532, ჰადისს სანდოდ მიიჩნევს და აზ-ზაჰაბიც ეთანხმება, 1/510, იბნ აბბასისაგან - ალლაჰი იყოს მათით კმაყოფილი - და ალ-ბაიჰაყი ალ-ადაბში, ნომრით:1084, ალ-და'ავაათ ალ-ქაბირში, 211, ალ-ჰაფიზ იბნ ჰაჯარი ჰადისს კარგად მიიჩნევს ალ-ფუთუჰათი ალ-რაბბაანიაში, 4/383.
119 - «ღმერთო ჩემო! განმკითხე იოლი განკითხვით» [82]. [82] გადმოსცემს აჰმადი, 6/48, ალ-ჰაქიმი, 1/255, და თქვა: "ჰადისი სანდოა მუსლიმის პირობით", მას ეთანხმება აზ-ზაჰაბი, 1/255, აიშამ - ალლაჰი იყოს მისით კმაყოფილი - თქვა: ო ალლაჰის მოციქულო, რა არის იოლი განკითხვა? მან თქვა: «როცა შეხედავენ პირად საქმეებს და მასში არსებულს არ განიკითხავენ, ხოლო ვის პირად საქმეებზეც იქნება იმ დღეს დაწვრილებით განკითხვა, ის განადგურდება, ო აიშა, ყველაფერი რაც შეემთხვევა მორწმუნეს, ძლევამოსილი და დიდებული ალლაჰი ამით მას წაუშლის (ცოდვებს), ეკალითაც კი რომელიც მას შეერჭობა», ჰადისთან დაკავშირებით სწავლული ალ-ალბანი (ალლაჰმა შეიწყალოს ის) ამბობს მიშქათ ალ-მასაბიჰში: "გადმოცემათა ჯაჭვი კარგია".
120 - «ღმერთო ჩემო! შენ შემეწიე შენს ხსენებაში, შენთვის მადლიერების გამოხატვაში და ღვთისმსახურების საუკეთესო ფორმით შესრულებაში» [83]. [83] გადმოსცა აჰმადმა 2/299, ალ-ჰაქიმმა 1/499 და თქვა რომ ჰადისი სანდოა, და მას დაეთანხმა აზ-ზაჰაბი, ეს ასეა როგორც თქვეს (ჰადისი სწორია), აბუ დაუდი ჰადისს გადმოსცემს ნომრით: 1524, ან'ნასაი ალ-ქუბრაში, ნომრით: 9973, იმამ ალ-ალბანი ჰადისს სანდოდ მიიჩნევს საჰიჰ ალ-ადაბ ალ-მუფრადში, ნომრით: 534.
121 - «ღმერთო ჩემო! შენ გთხოვ რწმენას, რომელიც უკან არ იქცევა, წყალობას, რომელიც არ დამთავრდება და შენი შუამავლის მუჰამმადის (ალლაჰის ლოცვა და მშვიდობა მას) გვერდით ყოფნას ყველაზე მაღალ მარადიულ სამოთხეში» [84]. [84] ჰადისს გადმოსცემს იბნ ჰიბაანი (მავაარიდში), გვ.604, ნომრით: 2436, იბნ მას'უდისგან, ალლაჰი იყოს მისით კმაყოფილი, მარფუ'ან, იმამ აჰმადი ჰადისს სხვა გზით გადმოსცემს, 1/386, 400, ან'ნასაი ა'მალ ალ-იავ ვა ალ-ლაილაში, ნომრით: 869, იმამ ალ-ალბანი კარგად მიიჩნევს ას-სილსილაჰ ას-საჰიჰაში, ნომრით: 2301.
122 - «ღმერთო ჩემო! დამიფარე ჩემი სულის ბოროტებისგან, მტკიცე მამყოფე ყველაზე მართალ გზაზე ჩემ საქმეში, ღმერთო ჩემო! მომიტევე ყველა დაფარული და აშკარა ცოდვები, რაც შეცდომით მომივიდა და რაც განზრახ ჩავიდინე, რაც ვიცი და რაც არ ვიცი» [85]. [85] ჰადისს გადმოსცემს ან'ნასაი ალ-ქუბრაში, 6/246, ნომრით: 10830. ალ-ჰაქიმი 1/510, ჰადისს სანდოდ მიიჩნევს და მას ეთანხმება აზ'ზაჰაბი, ჰადისს გადმოსცემს აჰმადი, 4/444, ეს არის მუსნადში რმელსაც თაჰყიყი აქვს(რომელშიც მეცნიერული კვლევა არის ჩატარებული), 33/197, ნომრით: 19992, ალ-ჰაფიზი ამბობს წიგნში ალ-ისააბაჰ: "გადმოცემათა ჯაჭვი არის სანდო", იმამ ალ-ალბანი ჰადისს სანდოდ მიიჩნევს, რიად ას-საალიიჰინის გადმოცემაში, ამ ჰადისზე გაკეთებულ კომენტარში, ნომრით: 1495.
123 - «ო ალლაჰ, შენთან ვეძებ თავშესაფარს ვალის მძიმე ტვირთისგან, მტრებთან დამარცხებისგან და მათი სიხარულისგან ჩემი უბედურების გამო» [86]. [86] გადმოსცა ან-ნასაიმ ნომრით: 5475, აჰმადმა 2/173, იმამ ალ-ალბანი სანდოდ მიიჩნევს ჰადისს საჰიჰ ან-ნასააიში, 3/1113.
124 - «ღმერთო ჩემო! მომიტევე მე, დამადგინე სწორ გზაზე, მომეცი სარჩო. და მომეცი ჯანმრთელობა, ალლაჰს მივეკედლები შეზღუდული ადგილისგან განკითხვის დღეს» [87]. [87] ჰადისს გადმოსცემს ან'ნასაი, ნომრით: 1617, იბნ მააჯა, ნომრით: 1356, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ან-ნასაიში, 1/356, ასევე საჰიჰ იბნ მააჯაში, 1/226.
125 - «ღმერთო ჩემო! მასარგებლე ჩემი სმენით და მხედველობით, სიცოცხლის ბოლომდე დამიტოვე ისინი, შემეწიე მის წინაშე, ვინც უსამართლოდ მექცევა და იძიე ჩემთვის შური» [88]. [88] ჰადისს გადმოსცემს ათ'თირმიზი, ნომრით: 3681, ალ-ბუხარი წიგნში ალ-ადაბ ალ-მუფრადში, ნომრით: 650, ალ-ჰაქიმ 1/523, ჰადისს სანდოდ მიიჩნევს და მას ეთანხმება აზ-ზაჰაბი, იმამ ალ-ალბანი ჰადისს კარგად მიიჩნევს საჰიჰ ათ'თირმიზიში, 3/188.
126 - «ღმერთო ჩემო! შენ გთხოვ, სუფთა ცხოვრებას, ჯანმრთელ სიკვდილს, და მისაქციელს დამცირებისა და შერცხვენის გარეშე» [89]. [89] ჰადისს გადმოსცემს ალ-ჰააქიმი, 1/541, ალ-ბაზარი მუსნად ზავაიდში, 2/442, ნომრით: 2177, ალ-ტაბარაანი ად-დუაში, ნომრით: 1435, ალ-ჰაისამიმ თქვა მაჯმა'უ ალ-ზავააიდში, 10/179: "ალ-ტაბარაანის გადმოცემული ჯაჭვი კარგია".
127 - «ღმერთო ჩემო! შენ გეკუთვნის ყველა ქება-დიდება, ო ალლაჰ, არ არსებობს იმის შემკავებელი, რაც შენ წყალობად მოიღე, არ არსებობს წყალობის მომღები იმაში, რასაც შენ შეაკავებ, არ ჰყავს მას სწორ გზაზე წამყვანი, ვისაც შენ გზას აუბნევ, და არ ჰყავს იმას გზის ამბნევი, ვისაც შენ სწორ გზაზე წაიყვან, ვერავინ მოიღებს იმას, რაც შენ აკრძალე, ვერავინ აკრძალავს იმას, რაც შენ მოიღე, ვერავინ დაახლოვებს იმას, რაც შენ დააშორე, ვერავინ დააშორებს იმას, რაც შენ დაახლოვე, ღმერთო ჩემო! მოგვივლინე ჩვენ შენი ბარაქისგან, წყალობისგან, მადლისგან და სარჩოსგან, ღმერთო ჩემო! შენ გთხოვ მარადიულ წყალობას, რომელიც არც შეიცვლება და არც განადგურდება, ღმერთო ჩემო! შენ გთხოვ წყალობას განსაცდელის დღეს, სიმშვიდეს შიშის დღეს, ღმერთო ჩემო! შენ შეგეფარები იმ ბოროტებისაგან, რომელიც ჩვენ მოგვივლინე და იმ ბოროტებისაგან, რომელიც ჩვენ აგვიკრძალე, ღმერთო ჩემო! შეგვაყვარე ჩვენ რწმენა და გაალამაზე ის ჩვენს გულებში, შეგვაზიზღე ჩვენ ურწმუნოება, გარყვნილება, ცოდვები და დაგვადგინე სწორ გზაზე მყოფთაგან, ღმერთო ჩემო! მიგვიბარე მუსლიმებად, აღგვადდგინე მუსლიმებად, დაგვადგინე მართლებთან ერთად შერცხვენის და გზააბნევის გარეშე, ღმერთო ჩემო! მოსპე ურწმუნოები, რომლებიც ცრუდ რაცხავენ შენს შუამავლებს, აბრკოლებენ შენსკენ მომავალ გზას, შენი რისხვა და სასჯელი მოუვლინე მათ, ღმერთო ჩემო! მოსპე ის ურწმუნოები, რომელთაც მიეცათ წიგნი, ო ჭეშმარიტო ღვთაებავ» [ამინ] [90]. [90] ჰადისს გადმოსცემს აჰმადი ამ სიტყვებით, 3/424, და 24/246, ნომრით: 15492, ბრჭყალებში მოცემული ეკუთვნის ალ-ჰაქიმს, 1/507, 3/23-24, გადმოსცემს ალ-ბუხარი წიგნში ალ-ადაბ ალ-მუფრადში, ნომრით: 699, იმამ ალ-ალბანი ჰადისს სანდოდ მიიჩნევს ფიყჰ ალ-სიირას გადმოცემებში, გვ.284, ასევე საჰიჰ ალ-ბუხარის ალ-ადაბ ალ-მუფრადში, ნომრით: 538, გვ.259.
128 - «ღმერთო ჩემო, მომიტევე მე, შემიწყალე, დამადგინე სწორ გზაზე, მომეცი ჯანმრთელობა და მომეცი სარჩო» [91]. [91] გადმოსცემს მუსლიმი, ნომრით: 2696, და ნომრით: 2697, მუსლიმის გადმოცემაში: "ამ ვედრებაში შენთვის შეკრებილია ეს ქვეყანაც და ის ქვეყანაც", სუნან აბუ დაუდში ნომრით: 850, და თქვა: "როდესაც ბედუინი გაბრუნდა შუამავალმა - ალლაჰის ლოცვა და მშვიდობა მას - თქვა: «მისი ხელები აივსო სიკეთით».
«...გამაძლიერე და ამამაღლე» [92]. [92] იხილეთ: სუნან იბნ მაჯა, ნომრით: 898, სუნან ათ'თირმიზი, ნომრით: 284, იბნ მააჯა ჰადის სანდოდ მიიჩნევს, 1/148, ათ'თირმიზი სანდოდ მიიჩნევს, 1/90.
129 - «ღმერთო ჩემო! შეგვმატე და ნუ შეგვიზღუდავ, გვიწყალობე და ნუ წაგვართმევ, მოგვეცი და ნუ აგვიკრძალავ, აგვირჩიე ჩვენ და ნუ მისცემ სხვებს ჩვენზე უპირატესობას, გვამყოფე კმაყოფილი და იყავი ჩვენგან კმაყოფილი» [93]. [93] გადმოსცა ათ'თირმიზიმ, 5/326, ნომრით: 3173, ალ-ჰაქიმმა, 2/98, ჰადისს მიიჩნევს სანდოდ, შეიხ აბდულყადირ ალ-არნაუტი ჰადისს კარგად მიიჩნევს ჯამი ალ-უსული ჰადისის მოკვლევაში, 11/282, ნომრით: 8847.
130 - «ღმერთო ჩემო! საუკეთესო ფორმით გამაჩინე და საუკეთესო ზნეობა მომეცი» [94]. [94] გადმოსცა აჰმადმა ნომრით: 6/68, 155 და 1/403, იბნ ჰიბბაან (მავაარიდში 2423) ალ-ტაიალისი, 374, და მუსნად აბუ ი'ალა ნომრით: 5075, იმამ ალბანი სანდოდ მიიჩნევს ჰადისს 'ირვაა ღალილში' 1/115, ნომრით: 74.
131 - «ღმერთო ჩემო! გამამტკიცე და მამყოფე სწორ გზაზე, და სწორი გზისკენ მომხმობი» [95]. [95] ამაზე მიუთითებს მოციქულის - ალლაჰის ლოცვა და მშვიდობა მას - ვედრება ჯარირის მიმართ - ალლაჰი იყოს კმაყოფილი მისით - იხილეთ: ალ-ბუხარი, ნომრით: 6333, ასევე ნომრებით: 3020, 3036 და სხვები.
132 - «ღმერთო ჩემო! შენ გთხოვ, სიმტკიცეს საქმეებში და სიმტკიცეს სწორ გზაზე, შენ გთხოვ, შენი წყალობის გამომწვევ მიზეზს და შენი მიტევების მომტან ქმედებებს, შენ გთხოვ, მამყოფე შენი წყალობის მიმართ მადლიერი, შემასრულებინე საუკეთესო ფორმით შენი ღვთისმსახურება, შენ გთხოვ, სუფთა გულს და მართალ ენას, შენ გთხოვ, ყოველ სიკეთეს რაც იცი, შენ შეგეფარები ყოველი ბოროტებისგან რაც იცი, და მიტევებას გთხოვ იმ ყველაფრისთვის რაც იცი, ჭეშმარიტად, შენ დაფარულის მცოდნე ხარ» [96]. [96] გადმოსცემს აჰმადი, 28/338, ნომრით: 17114, 28/356, ნომრით: 17133, ათ'თირმიზი ნომრით: 3407, ატ-ტაბარაანი ალ-მუ'ჯამ ალ-ქაბირში ამ სიტყვებით, ნომრით: 7135, ნომრით; 7157, 7175, ნომრით: 7176, 7177, 7178, 7179 და 7180, გადმოსცემს იბნ ჰიბბანი თავის საჰიჰში, 3/215, ნომრით: 935, და 5/310, ნომრით: 1974, ჰადისს კარგად მიიჩნევს შუ'აიბ ალ-არნავუტი საჰიჰ იბნ ჰიბანში, 5/312, გადმოცემათა ჯაშვის მეცნიერები ჰადისს კარგად მიიჩნევენ, 28/338, ჰადისი გადმოსცემს იმამ ალ-ალბანი სილსილა ალ-აჰაადის ას-საჰიჰაში მეშვიდე ტომში ნომრით: 3228, და ასევე საჰიჰ მავარიდი აზ-ზამ'აანში, ნომრით: 2416 და 2418. და თქვა: "სანდოა სხვა მსგავსი ჰადისების გამო".
133 - «ღმერთო ჩემო! შენ გთხოვ ფირდავსის ყველაზე მაღალ სამოთხეს» [97]. [97] აღებულია მოციქულის - ალლაჰის ლოცვა და მშვიდობა მას - სიტყვებიდან: «როდესაც ალლაჰს სთხოვთ, სთოვეთ მას ფირდავსი; ის არის სამოთხის ცენტრი, ყველაზე მაღალი სამოთხე, მის ზემოთ არის მოწყალის არში, და მისგან გადმოედინება სამოთხის მდინარეები». გადმოსცემს ალ-ბუხარი, ნომრით: 2790, და ნომრით: 7423.
134 - «ღმერთო ჩემო! განაახლე რწმენა ჩემს გულში» [98]. [98] ამოღებულია აბდულლაჰ იბნ უმარის - ალლაჰი იყოს მათით კმაყოფილი - ჰადისიდან, თქვა: "ალლაჰის შუამავალმა - ალლაჰის ლოცვა და მშვიდობა მას - თქვა: «ჭეშმარიტად, რწმენა ძველდება ყველა თქვენგანის გულებში, ისე როგორც ძველდება ტანსაცმელი, და სთხოვეთ, ალლაჰს განაახლოს რწმენა თქვენს გულებში», ალ-ჰაქიმი 1/4, ჰადისს სანდოდ მიიჩნევს და აზ-ზაჰაბი ეთანხმება მას, ალ-ჰაისამიმ თქვა მაჯმა'უ აზ-ზავაიდში 1/52: "იმამ ატ-ტაბარაანი ჰადისს გადმოსცემს ალ-ქაბირში და მისი გადმოცემათა ჯაჭვი არის კარგი", იმამ ალ-ალბანი ჰადისს კარგად მიიჩნევს სილსილა ალ-აჰაადის ას-საჰიჰა, 4/113, ნომრით: 1585.
135 - «ღმერთო ჩემო, შენ შეგეფარები იმ ლოცვისგან, რომელსაც სარგებელი არ მოაქვს» [99]. [99] აბუ დაუდ, ნომრით: 1549, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ სუნან აბუ დაუდში, 1/424.
136 - «ღმერთო ჩემო! შენ შეგეფარები ცუდი მეზობლისაგან, მეუღლისაგან, რომელიც გამაჭაღარავებს სანამ გავჭაღარავდებოდე, შვილისგან, რომელიც ჩემი ბატონი იქნება, ქონებისგან, რომელიც ჩემი სასჯელი იქნება, ცბიერი მეგობრისგან, რომელიც სულ მითვალთავლებს და თვალყურს მადევნებს: თუ სიკეთეს ნახავს დამარხავს მას, და თუ ცუდს ნახავს მაშინვე გაავრცელებს მას» [100]. [100] გადმოსცა ატ-ტაბარანიმ ად-დუაში, 3/1425, ნომრით: 1339, იმამ ალ-ალბანი სილსილა ალ-აჰადის ას-საჰიჰაში ამბობს, 7/377, ნომრით 3137: "ვამბობ: ეს გადმოცემათა ჯაჭვი კარგია, მისი გადმომცემები ყველა ათ-თაზჰიბის გადმომცემია...".
137 - «ღმერთო ჩემო, ნუ შემარცხვენ აღდგომის დღეს» [101]. [101] ჰადისს გადმოსცემს აჰმადი თავის მუსნადიში, 29/596, ნომრით:18056, გადმოცემათა ჯაჭვის მეცნიერები ამბობენ: "გადმოცემათა ჯაჭვი სანდოა", იმამ ატ-ტაბარაანი გადმოსცემს ალ-მუ'ჯამულ ალ-ქაბირში, 3/20, ნომრით: 2524 სიტყვებით: "ღმერთო ჩემო, ნუ შემარცხვენ ადგომის დღეს, და ნუ შემარცხვენ განსაცდელის დღეს".
138 - «ო, ალლაჰ, შენ გთხოვ კეთილდღეობას, ამქვეყნად და მარადიულ ცხოვრებაში» [102]. [102] ჰადისს გადმოსცემს იბნ მააჯა, ნომრით: 3851, იმამ ალ-ალბანი ჰადისს სანდოდ მიიჩნევს საჰიჰ იბნ მააჯაში, 3/259, და სილსილათ ალ-აჰადისი ას-საჰიჰაში, ნომრით: 1138.
139 - «ჩემო ღმერთო! შენ შეგეფარები ცოდნისგან, რომელიც სარგებელს არ მოიტანს, საქმისგან, რომელიც არ იქნება მიღებული, გულისგან, რომელსაც არ ეშინია[ალლაჰისა] და სიტყვისგან რომელიც შესმენილი არ იქნება» [103]. [103] ჰადისს გადმოსცემს იბნ ჰიბბაანი ნომრით: 2440 (მავაარიდში), იმამ ალ-ალბაანი ჰადისს სანდოდ მიიჩნევს საჰიჰ მავაარიდ აზ-ზამაანში, 2/454, ნომრით: 2066.
140 - «ღმერთო ჩემო! შენ შემოგეკედლები დარდისა და წუხილისაგან, სისუსტისა და სიზარმაცისაგან, სიძუნწისა და სიმხდალისაგან, ვალის სიმძიმისაგან და ადამიანთა ჩაგვრისგან» [104]. [104] გადმოსცემს ალ-ბუხარი ნომრით: 6363, ანასმა თქვა ალლაჰი იყოს მისით კმაყოფილი: "მე ალლაჰის შუამავალს - ალლაჰის ლოცვა და მშვიდობა მას - ვემსახურებოდი ყოველთვის როცა ზეშთაგონება მოდიოდა, და ყოველთვის მესმოდა მისგან, ხშირად ამბობდა: «ღმერთო ჩემო! შენ შემოგეკედლები...».
141 - «ღმერთო ჩემო, შენ შეგეფარები ცეცხლის სასჯელისაგან, შენ შეგეფარები საფლავის სასჯელისაგან, შენ შეგეფარები ღია და დაფარული განსაცდელისაგან, და შენ შეგეფარები ცრუ მესიას განსაცდელისაგან» [105]. [105] გადმოსცემს მუსლიმი, ნომრით: 2867, მის გადმოცემაში ნათქვამია: «შეეფარეთ ალლაჰს ცეცხლის სასჯელისაგან».., [შეეფარეთ ალლაჰს საფლავის სასჯელისაგან...] და ასე შემდეგ.
142 - «ღმერთო ჩემო! შენ გთხოვ შაჰიდობას (მოწამეობრივ სიკვდილს) შენს გზაზე» [106]. [106] გადმოსცემს მუსლიმი ნომრით: 1909, ამოღებულია მოციქულის სიტყვებიდან - ალლაჰის ლოცვა და მშვიდობა მას -: «ვინც გულწრფელად ითხოვს ალლაჰისგან შაჰიდობას, ალლაჰი მას მიანიჭებს შაჰიდის ხარისხს, თუნდაც ის თავის საწოლში გარდაიცვალოს».
143 - «ღმერთო ჩემო, მომიტევე მე, ღმერთო ჩემო! მამყოფე მაღლა ბევრ ადამიანზე განკითხვის დღეს, ღმერთო ჩემო! მომიტევე ჩემი ცოდვები, და განკითხვის დღეს შემიყვანე ძვირფასი შესასვლელიდან» [107]. [107] გადმოსცემს ალ-ბუხარი ნომრით: 4323, მუსლიმი ნომრით: 2498, ეს არის შუამავლის - ალლაჰის ლოცვა და მშვიდობა მას - ვედრებიდან ამოღებული, რომელიც შეევედრა უბაიდ აბუ ამირისთვის, და ასევე მოციქულის - ალლაჰის ლოცვა და მშვიდობა მას - ვედრებიდან, აბუ ბარდასათვის - ალლაჰი იყოს მათით კმაყოფილი.
144 - «ღმერთო ჩემო! წამიყვანე სწორ გზაზე მათთან, ვინც შენ წაიყვანე სწორ გზაზე, მომეცი ჯამნრთელობა მათთან, ვისაც მიეცი ჯანმრთელობა, იყავი ჩემი შემწე მათთან, ვისაც შენ შეეწიე, მომეცი ბარაქა მასში, რაც მიწყალობე, დამიფარე ბოროტებისგან, რომელიც დაადგინე, ჭეშმარიტად, ვისი მეგობარიც შენ ხარ არ იქნება დამცირებული, დიდებული ხარ და უზენაესი ჩვენო ღმერთო» [108]. [108] გადმოსცემს აჰმადი მუსნადში, 3/249, ნომრით: 1723, მუსნადის შემსწავლელი მეცნიერები ამბობენ, 3/249: "გადმოცემული ჯაჭვი სწორია", ეს გადმოცემა არის ზოგადი და არ არის კონკრეტულად ვითრისთვის, როგორც არის ეს მოცემული სხვა გადმოცემებში, ამ გადმოცემაში ანასი - ალლაჰი იყოს მისით კმაყოფილი - ამბობს: "ის ჩვენ გვასწავლიდა ამ ვედრებას..."
14 5- «ჩემო ღმერთო, მაპატიე ჩემი შეცდომები განკითხვის დღეს» [109]. [109] გადმოსცემს მუსლიმი ნომრით: 214, შუამავალს - ალლაჰის ლოცვა და მშვიდობა მას - ჰკითხეს: "ო ალლაჰის შუამავალო, იბნ ჯუდ'ანი ჯაჰილიის დროს (ისლამამდელ პერიოდში) ინარჩუნებდა ნათესაურ კავშირებს და აჭმევდა ღარიბებს. ეს მისთვის სიკეთის მომტანია?" მან თქვა: «ეს არ მოუტანს სარგებელს, რადგან მას არასოდეს უთქვას: 'ო ღმერთო, მაპატიე ჩემი ცოდვებისთვის განკითხვის დღეს».
146 - «პატიებას ვთხოვ ძლევამოსილ ალლაჰს, არ არის ღვთაება გარდა მისი, მარადცოცხალისა, მარადმსუფევისა და მის წინაშე ვინანიებ» [110]. [110] ათ'თირმიზი, ნომრით: 3577, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ათ'თირმიზიში, 3/469: "ვინც ამას იტყვის ალლაჰი მიუტევებს მას, თუნდაც რომ ბრძოლის ველიდან გაქცეულიყოს".
147 - «ღმერთო ჩემო! მომიტევე ჩემი ცოდვა, გააქრე ჩემი გულის სიბრაზე, შორს მამყოფე ყველა შემცდენი ცდუნებებისგან» [111]. [111] აღებულია შუამავლის (ალლაჰის ლოცვა და მშვიდობა მას) ვედრებიდან აიშას მიმართ (ალლაჰი იყოს მისით კმაყოფილი): «ღმერთო ჩემო მიუტევე მას მისი ცოდვები, გააქრე მისი გულის სიბრაზე და შორს ამყოფე ყველა შემცდენი ცდუნებისაგან», გადმოსცემს იბნ ასაქირი თავისი გადმოცემათა ჯაჭვით "მორწმუნეთა დედების ორმოცი ამბავი", გვ.85, აიშასგან (ალლაჰის იყოს მისით კმაყოფილი) თქვა: "ეს ჰადისი არის კარგი სანდო ჰადისი, ბაყია ბინ ვალიდის ჰადისიდან", მსგავსს გადმოსცემს იბნ სინა, ამელ ფი ალ-იავ ვა ალ-ლაილა, ნომრით: 457, იბნ სინას სხვა გადმოცემაში ამბობს: "დამიფარე ეშმაკისაგან", ნაცვლად: "ყველა შემცდენი ცდუნებისაგან" იხილეთ გადმოცემა იმამ ალ-ალბანის ალ-და'იფში, ნომრით: 4207. მას ჰყავს მოწმე უმმ სალამასგან (ალლაჰი იყოს მისით კმაყოფილი) გადმოცემით, იმამ აჰმადის მუსნადში ნომრით: 26576, 44/2 მსგავსი შემდეგი სიტყვებით: "თქვი! ღმერთო ჩემო! შუამავალი მუჰამმედის, ლოცვა და მშვიდობა მას, ღმერთო, მომიტევე ჩემი ცოდვა, გააქრე ჩემი გულის სიბრაზე, შორს მამყოფე ყველა შემცდენი ცდუნებებისგან, სანამ მაცოცხლებ", ალ-ჰაისამი ჰადისს კარგად მიიჩნევს მაჯმა'უ ალ-ზავააიდში, 10/27, ეს გადმოცემა არის ატ-ტაბარაანის ალ-მუ'ჯამ ალ-ქაბირში, 23/338, ნომრით: 785, შემდეგი სიტყვების გარეშე: "სანამ მაცოცხლებ", მას ჰყავს მოწმე უმმ ჰანის გადმოცემაში (ალლაჰი იყოს მისით კმაყოფილი) თქვა: ო, ალლაჰის შუამავალო მასწავლე ვედრება, რომლითაც შევევედრები, მან თქვა: «თქვი: ღმერთო ჩემო, მომიტევე ჩემი ცოდვა...» ჰადისი, გადმოსცემს ალ-ხარაიტი ი'თილალი ალ-ყულუბში, ნომრით: 52, და მასაავი ალ-ახლაყში ნომრით: 323.
148 - «ღმერთო ჩემო! მაცოცხლე შენი შუამავლის (ალლჰის ლოცვა და მშვიდობა მას) სუნნაზე, და მიმიბარე მისი უმმადან, და დამიფარე ყოველი შემცდენი ცდუნებისაგან» [112]. [112] გადმოსცემს ალ-ბაიჰაყი ალ-ქუბრაში, 5/95, იბნ უმარის ვედრებისგანმ რომელიც რომლის გადმოცემის ჯაჭვი მასზეა გაჩერებული, ასევე გადმოსცემს იბნ მულაყყანი წიგნში ალ-ბადრ ალ-მუნიირში, 6/309, და თქვა ალ-დიასგან გადმოცემით: "მისი გადმოცემათა ჯაჭვი არის კარგი". იბნ მა'სუდი ამბობს ალლაჰი იყოს მისით კმაყოფილი: "არცერთმა თქვენგანმა არ თქვას: ღმერთო ჩემო! შენ შეგეფარები ცდუნებისაგან, რადგან ყველას ირგვლივ ახლავს; რადგან ალლაჰი ამბობს: ''ჭეშმარიტად თქვენი ქონება და შვილები ცდუნებაა'' [ალ-თაღააბუნ:15], და რომელიმე თქვენგანი როცა ღმერთს შეეკედლება, შეეკედლოს ყოველგვარი შემცდენი ცდუნებებისგან", გადმოსცემს იბნ ჯაარირი თავის თაფსირში,13/475, ნომრით: 15912, იბნ ბატტალი ახსენებს საჰიჰ ალ-ბუხარის განმარტებაში, 4/13.
149 - «ჩემო ღმერთო, დალოცე მუჰამმედი და მისი ოჯახი, ისე როგორც დალოცე იბრაჰიმი და მისი ოჯახი, ჭეშმარიტად, მხოლოდ შენ გეკუთვნის ქება და დიდება. მოჰმადლე მუჰამმედს და მის ოჯახს ბარაქა, ისე როგორც მიჰმადლე იბრაჰიმს [ორივე სამყაროში] და მის ოჯახს, ჭეშმარიტად, შენ ხარ ქებული და დიდებული» [113]. [113] გადმოსცა ალ-ბუხარიმ: 3370, და რაც არის ბრჭყალებში მუსლიმმა ნომრით: 405, აბუ ჰურაირასგან (ალლაჰი იყოს მისით კმაყოფილი).
და ყოველი ქება დიდება ალლაჰს ეკუთვნის, სამყაროთა ღმერთს, როგორც შეეფერება მის სიდიადეს და დიდებულ მბრძანებლობას, ალლაჰმა დალოცოს და მიესალმოს მის მსახურსა და მოციქულს, ჩვენს წინასწარმეტყველ მუჰამმადს, მის ოჯახს, მის ყველა საჰაბას და მათ, ვინც სიკეთით გაჰყვა მათ განკითხვის დღემდე.
რუყიათი (შელოცვებით) მკურნალობა
ყურანიდან და სუნნადან
უზენაესი ალლაჰის საჭიროების მქონე
დ. სა'იდ ბინ ალი ვაჰფ ალ-ყაჰტაანიი
სახელითა ალლაჰისა მოწყალისა, შემწყალებლისა
შესავალი: ყურანით და სუნნათით მკურნალობის მნიშვნელობა
ყველა ქება დიდება ალლაჰს ეკუთვნის. ვადიდებთ მას, ვთხოვთ დახმარებას, ვთხოვთ მიტევებას და ვინანიებთ მის წინაშე. ალლაჰს შევეფარებით ჩვენი სულების ბოროტებისგან და ჩვენი ცუდი საქმეებისგან. ვისაც ალლაჰი უწინამძღვრებს ჭეშმარიტი გზით, ვერავინ აცდუნებს მას, ხოლო ვისაც ალლაჰი აცდუნებს, მას ვერავინ დააყენებს ჭეშმარიტებაზე. ვამოწმებ, რომ არ არსებობს ღვთაება, რომელიც ღირსია თაყვანისცემისა, გარდა ერთადერთი ალლაჰისა, რომელსაც არ ჰყავს თანამოზიარე, და ვამოწმებ, რომ მუჰამმადი მისი მონა და მოციქულია. ალლაჰის ლოცვა, და მშვიდობა იყოს მასზე, მის ოჯახზე, მის საჰაბებზე და მათზე, ვინც მათ მიყვა კეთილშობილებით განკითხვის დღემდე, და მხურვალე მისალმება. ამის შემდეგ:
არ არის ეჭვი იმაში, რომ ძვირფასი ყურანით მკურნალობა დამტკიცებულია მოციქულისგან (ალლაჰის ლოცვა და მშვიდობა მას) რუყიათი: ეს არის ეფექტური მკურნალობა და სრული ჯანმრთელობა, ძლევამოსილი და დიდებული ალლაჰი ამბობს: {უთხარი იგია მათთვის, რომელთაც ირწმუნეს, ჭეშმარიტი გზა და შვება} სურა ფუსსილათ აიათი 44. ყოვლადუნაკლო და უზენაესი ალლაჰი ამბობს: {და გარდმოვავლენთ ყურანიდან, რაშიც არის განკურნება და წყალობა მორწმუნეთათვის, და არ შეჰმატებს უსამართლოებს გარდა წაგებისა} სურა ალ-ისრაა აიათი: 82. სიტყვა მინ(من) ამ აიათში სახეობას ნიშნავს, განმარტება: ჭეშმარიტად, მთლიანი ყურანი არის განკურნება, როგორც არის მოცემული ზემოთ მოცემულ აიათში [1], უზენაესი ამბობს: {ეი, ადამიანებო! ჭეშმარიტად, მოვიდა თქვენთან შეგონება თქვენი ღმერთისგან და განკურნება იმისა, რაც არის გულებში, ჭეშმარიტი გზა და წყალობა მორწმუნეთათვის} სურა იუნუს, აიათი: 57.
წმინდა ყურანში არის სრული განკურნება, გულის და სხეულის ყველა დაავადებებისაგან, ამქვეყნიური და იმქვეყნიური ყველა დაავადებისგან, მაგრამ ყველას არ ეძლევა საშუალება და არც წარმატება, რომ იმკურნალოს ყურანით, თუ ავადმყოფი მისით მკურნალობს თავის ავადმყოფობაზე, უნდა იმკურნალოს გულწრფელობით, რწმენით, სრული მიღებით, მტკიცე რწმენით და პირობების შესრულებით, ასეთ შემთხვევაში მას ავადმყოფობა ვერაფერს დააკლებს. როგორ უნდა გაუძლოს ავადმყოფობამ ცისა და მიწის ღმერთის სიტყვებს, როდესაც ეს სიტყვები მთაზე რომ გარდმოვლენილიყო დაშლიდა მას, მიწაზე რომ გარდმოვლენილიყო დაანაწევრებდა, არ არსებობს სხეულის (ფიზიკური) და გულის (ფსიქოლოგიური) დაავადება, რომლის სამკურნალოდაც არ იყოს ნაჩვენები გზა წმინდა ყურანში, და მისი გამომწვევი მიზეზი, და მისგან დაცვა, ვისაც ალლაჰმა უბოძა მისი წიგნის გაგების უნარი. უზენაესმა ალლაჰმა ყურანში ახსენა გულისა და სხეულის დაავადებები, და ახსენა გულისა და სხეულის მედიცინა: [1] იხილეთ: საკმარი პასუხი მისთვის, ვინც იკითხა განმკურნებადი წამალი, იმამ იბნულ ყაიმის ნაშრომი, გვ.20.
გულის დაავადებები ორი სახეობისაა: მცდარი წარმოდგენები და ეჭვები, ვნებების და გზასაცდენილობის დაავადება. უზენაესი ალლაჰი გულის დაავადებებს დაწვრილებით ახსენებს, ასევე ახსენებს ამ დაავადებების გამომწვევ მიზეზებს და მათ წამალს [2], უზენაესი ალლაჰი ამბობს: {ნუთუ არ არის მათთვის საკმარისი, რომ ჩვენ შენზე გარდმოვავლინეთ წიგნი, რომელსაც უკითხავენ მათ, ჭეშმარიტად, მასში არის წყალობა და შეხსენება მორწმუნე საზოგადოებისათვის} სურა ალ-'ანქაბუუთ, აიათი: 51. თქვა იბნ ალ-ყაიმმა (ალლაჰმა შეიწყალოს ის): «ვისაც არ განკურნავს ყურანი, ალლაჰმა არ განკურნოს ის, და ვისთვისაც არ არის საკმარისი ყურანი, ალლაჰმა არ აკმაროს მას» [3]. [2] ზად ალ-მა'აად იბნ ალ-ყაიმის, 4/6, და 4/352. [3] ზად ალ-მა'აად ,4/352.
ხოლო სხეულის დაავადებები, ყურანმა მათ ზოგად მედიცინაზე, მიზეზებზე და წესებზე მიუთითა, ამიტომ ანატომიური მედიცინის წესები მთლიანად მოცემულია წმინდა ყურანში, ეს არის სამი რამ: ჯანმრთელობის დაცვა, შემაწუხებელი რამისგან თავდაცვა და შემაწუხებელი გაფუჭებული რამეებისგან შორს ყოფნა, ამის და სხვა სახეობების არგუმენტირება [4]. [4] ზაად ალ-მა'აად ,4/352, და 4/6.
მორწმუნე თუ კარგად იმკურნალებს ყურანით; ის აუცილებლად შეამჩნევს საოცარ ეფექტს სწრაფ განკურნებაში.
თქვა იბნ ალ-ყაიმმა (ალლაჰმა შეიწყალოს ის): «მე ერთხელ მექქაში ყოფნისას ძლიერ ავად გავხდი, ვერ ვპოულობდი ვერც ექიმს და ვერც წამალს, და მე თვითონ ვმკურნალობდი ჩემს თავს ალ-ფათიჰას სურის კითხვით, რაშიც საოცარ შედეგს ვამჩნევდი: ავიღებდი ზამზამის წყალს, ვუკითხავდი მას ძალიან ბევრჯერ (ალ-ფათიჰას), შემდეგ კი ვსვამდი, და სრულიად განვიკურნე, ამის შემდეგ მე ძალიან ბევრი ავადმყოფობის დროს ამ მეთოდს მივმართავდი, და ამ ფორმით მკურნალობით ძალიან დიდ სარგებელს ვიღებდი, ვისაც ჰქონდა რაიმე სახის ტკივილი მე მსგავს მეთოდს ვურჩევდი მას, და ძალიან ბევრი მათგანი სწრაფადვე იმკურნებოდა» [5]. [5] იხილეთ: ზად ა'-მა'აადში 4/178, და ალ-ჯავაბ ალ-ქააფი, გვ.21.
ასევე შუამავლისეული სანდო რუყიათი მკურნალობა, არის ერთ-ერთი ყველაზე სასარგებლო წამალი, ვედრება თუ შორს იქნება მისი აღსრულების ხელისშემშლელი ფაქტორებისგან ეს არის ყველაზე დიდი მიზეზი ზარალის თავიდან აცილების და საწადელის მიღწევის, და ის არის ყველაზე სასარგებლო წამლიდან ერთ-ერთი, განსაკუთრებით როდესაც მტკიცედ ხდება ვედრება, ეს არის უბედურების მტერი, ებრძვის და განკურნავს მას, აბრკოლებს მის განხორციელებას ან ამცირებს საგრძნობლად, თუ მაინც განხორციელდა [6], შუამავლის (ალლაჰის ლოცვა და მშვიდობა მას) სიტყვებიდან: «ვედრება სარგებელს მოიტანს იმისთვის, რაც მოხდა და რაც ჯერ არ მომხდარა, მაშ, აღასრულეთ ვედრება, ალლაჰის მსახურნო» [7]; შუამავლის (ალლაჰის ლოცვა და მშვიდობა მას) თქმით: «ბედისწერას ვედრების გარდა ვერაფერი შეაჩერებს, სიცოცხლეს კი სიკეთის გარდა ვერაფერი გაზრდის» [8]. მაგრამ არსებობს საკითხი, რომელიც კარგად უნდა გვესმოდეს: აიათები, ზიქრები, ვედრებები და ალლაჰზე მიკედლებები, რომლითაც ხდება მკურნალობა და რუყიას კითხვა, ყველა მათგანი თავისთავად არის სასარგებლო და მკურნალი, მაგრამ საჭიროებს შესმენას, მკითხავის ძალას და გავლენას, ვისი განკურნებაც დაგვიანდება ეს არის მკითხავის ნაკლები გავლენის გამო, ან წაკითხულის მიუღებლობის გამო, ან ძლიერი დამაბრკოლებელის გამო, რომელიც ხელს უშლის მკურნალობას; რუყიათი მკურნალობა ორგვარია: [6] იხილეთ: ალ-ჯავაბ ალ-ქაფი, გვ.22-25. [7] გადმოსცემს ათ'თირმიზი, ნომრით: 3548, ალ-ჰააქიმ 1/670, აჰმადი ნომრით: 22044, ჰადისს კარგად მიიჩნეს იმამ ალ-ალბანი, იხილეთ: საჰიჰ ალ-ჯამი'ში, 3/151, ნომრით: 3403. [8] ალ-ჰაქიმ 1/670, ათ'თირმიზი ნომრით: 2139, ჰადისს კარგად მიიჩნევს იმამ ალ-ალბანი, სილსილათუ ალ-აჰადისი ას-საჰიჰა, 1/76, ნომრით: 154.
პირველი საკითხი: ავადმყოფის მხრიდან, სულიერად უნდა იყოს ძლიერი, წრფელი უნდა იყოს უზენაესი ალლაჰის მიმართ და მტკიცედ უნდა სწამდეს, რომ ყურანი არის განკურნება და წყალობა მორწმუნეთათვის, სწორად და ძლიერად უნდა მიეკედლოს ალლაჰს, რომელსაც მისი გული და ენა დაეთანხმება; რადგან ეს არის ბრძოლის ფორმა, და მებრძოლი ვერ შეძლებს გამარჯვებას მტერზე, გარდა ორი საქმით:
იარაღი უნდა იყოს თავისთავად გამართული და ხარისხიანი, მებრძოლის ხელი (ძალა) უნდა იყოს ძლიერი, თუ რომელიმე ამ პირობიდან ერთი არ არის შესრულებული, იარაღი ვერ მოახდენს მნიშვნელოვან ზეგავლენას. ხოლო თუ ორივე პირობა არ იქნება, გული კი შორს იქნება ერთღმერთიანობისგან, ღმერთზე მიკედლებისგან, რწმენისა და ღვთისკენ მისწრაფებისგან, მას არავითარი იარაღი არ გააჩნია.
მეორე საკითხი: მისი მხრიდან, ვინც მკურნალობს ყურანით და სუნნათი, მას ასევე უნდა ახასიათებდეს ეს ორივე თვისება [9]; ამის გამო იბნ ალ-თიინმა (ალლაჰმა შეიწყალოს ის) თქვა: «ალლაჰის სახელებით, მასზე მიკედლებით და სხვა საშუალებებით რუყია არის სულიერი მედიცინა, თუ ის ღვთისმოსავი ადამიანების ენით იქნება შესრულებული, ის განკურნავს უზენაესი ალლაჰის ნებით» [10]. [9] იხილეთ: ზად ა'-მა'აადში 4/68, და ალ-ჯავაბ ალ-ქააფი, გვ.21. [10] ფათჰ ალ-ბაარი იბნ ჰაჯარის, 10/196.
სწავლულები ერთხმად თანხმდებიან, რომ რუყიათი მკურნალობა დასაშვებია თუ სამი პირობა იქნება დაცული:
პირველი პირობა: უნდა იყოს უზენაესი ალლაჰის სიტყვებით, ან მისი სახელებით ან თვისებებით, ან შუამავლის სიტყვებით (ალლაჰის ლოცვა და მშვიდობა მას).
მეორე პირობა: უნდა იყოს არაბულ ენაზე, ან სხვა ენაზე, მაგრამ მნიშვნელობა გასაგები უნდა იყოს.
მესამე პირობა: რწმენა იმისა, რომ თვითონ რუყიას გავლენის მოხდენა არ შეუძლია; არამედ, უზენაესი ალლაჰის ძალით [11], რუყია არის მხოლოდ ერთ-ერთი საბაბი. [11] იხილეთ ფათჰ ალ-ბარში 10/195, და სწავლული ბინ ბაზის ფათვაში, 2/384.
ამის გამო ძალიან დიდი მნიშვნელობის გამო შევამოკლე ჩემ წიგნში რუყიას ნაწილი: "ზიქრი, ვედრება და მკურნალობა რიყუათი ყურანიდან და სუნნადან", მას დავამატე მრავალი სასარგებლო რჩევა უზენაესი ალლაჰის ნებით, ვსთხოვ უზენაეს ალლაჰს, მისი მშვენიერი სახელებით და მისი საუკეთესო თვისებებით, რომ ეს ნაშრომი ამყოფოს წრფელად მისი კმაყოფილებისათვის, სარგებელი მომიტანოს მე, მას ვინც წაიკითხავს, ვინც დაბეჭდავს, ვინც გახდა მიზეზი მისი გავრცელების და ყველა მუსლიმებს; ჭეშმარიტად, ის არის დიდებული, მასზე პასუხისმგებელი და ამაზე შესწევს ძალა, ალლაჰმა დალოცოს, მიესალმოს და ბარაქა მისცეს ჩვენ შუამავალს მუჰამმედს, მის ოჯახს, მის მეგობრებს და მათ ვინც მიჰყვება კეთილად განკითხვის დღემდე.
უზენაესი ალლაჰის საჭიროების მქონე
დ. სა'იდ იბნ 'ალი იბნ ვაჰბ ალ-ყაჰტაანი
შეადგინა ჰიჯრით 18/ 6/ 1414.
1- ჯადოს განკურნება
ჯადოს რუყიათი მოხსნა ორ ნაწილად იყოფა:
პირველ კატეგორიას მიეკუთვნება ყველაფერი, რაც საშუალებას აძლევს ადამიანს, თავი დაიცვას ჯადოსნური ზემოქმედებისგან, რის მაგალითებსაც ქვემოთ მოვიყვანთ:
1- ყველა რელიგიური ვალდებულების შესრულება, ყველა აკრძალულისგან შორს ყოფნა და ყველა ცუდი საქციელის გამო მონანიება.
2 - წმინდა ყურანის ხშირად კითხვა, ადამიანს უნდა ჰქონდეს განსაზღვრული ოდენობა, რომელსაც წაიკითხავს ყოველდღე.
3 - ვედრებებით თავის დაცვა, ალლაჰზე მიკედლება, ცნობილი ზიქრების გაკეთება, მათგან ერთერთია: «ალლაჰის სახელით, რომლის სახელითაც ვერავინ მიაყენებს ზიანს ვერც მიწაზე და ვერც ცაში, ის ყოვლისმსმენი და ყოვლისმცოდნეა» სამჯერ დილით და საღამოს [12], აიათალქურსის კითხვა ყოველი ლოცვის შემდეგ, ძილის წინ, დილით და საღამოს [13], ასევე კითხვა: {თქვი იგია, ალლაჰი ერთადერთი} [სურა ალ-იხლას] ორი დამცავი სურა (მუ'ავიზათაინი [სურა ალ-ფალაყ და ან-ნასი)] სამჯერ დილით, საღამოს და ძილის წინ, ასევე ვედრება: «არ არსებობს ღმერთი გარდა ალლაჰისა, ერთადერთისა რომელსაც არ ჰყავს თანაზიარი, მას ეკუთვნის მეუფება და დიდება. და ის ყოვლისშემძლეა» - სამჯერ ყოველ დღე [14], დილის და საღამოს ზიქრების დაცვა, სავალდებულო ლოცვების შემდეგ ზიქრების დაცვა, ძილის და გაღვიძების ზიქრების დაცვა, სახლში შესვლის და გამოსვლის ზიქრები, ტრანსპორტში ჩაჯდომისას წარმოსათქმელი ზიქრები, მეჩეთში შესვლის და გამოსვლის დროს წარმოსათქმელი ზიქრები, საპირფარეშოში შესვლისას და გამოსვლისას წარმოსათქმელი ვედრება, ვედრება მაშინ, როდესაც განსაცდელში მყოფს ვიხილავთ და სხვა. ამაზე მეტი ინფორმაცია ვახსენე "ჰისნ ალ-მუსლიმში/ მუსლიმის ჯავშანში", მდგომარეობების, სიტუაციების, დროების და ადგილების მიხედვით, ეჭვგარეშეა ის, რომ ამ ვედრებების დაცვა არის ერთ-ერთი მიზეზი ჯადოსგან, თვალისცემისგან და ჯინებისგან თავის დაცვისა, უზენაესი ალლაჰის ნებით, ასევე ეს ვედრებებია ყველაზე დიდი წამალი მას შემდეგ, თუ ეს უბედურებები ან სხვა მსგავსი რამ შეემთხვევა ადამიანს [15]. [12] ჰადისი გადმოსცა ათ-თირმიზიმ, ნომრით: 3388, აბუ დაუდი, ნომრით: 5088, იბნ მააჯამ, ნომრით: 3869, იმამ ალ-ალბანი ჰადისს სანდოდ მიიჩნევს, საჰიჰ იბნ მააჯაში, 2/332. [13] ალ-ჰაქიმი ჰადისს სანდოდ მიიჩნევს, მას ეთანხმება აზ-ზაჰაბი, 1/562, იმამ ალ-ალბანი ჰადისს კარგად მიიჩნევს საჰიჰ ალ-თარღიიბ ვა ათ-თარჰიიბ, 1/273, ნომრით: 658. [14] გადმოსცემს ალ-ბუხარი, 4/95, ნომრით: (3293), და მუსლიმი, 4/2071, ნომრით: (2691). [15] იხილეთ: ზაად ალ-მა'აადში, 4/126, და სწავლული ბინ ბაზის მაჯმუა ფათავაში, 3/277, იხილეთ "ათი მიზეზი, რითაც ხდება მოშურნის და ჯადოქრის ბოროტებისგან თავის დაცვა", მესამე ნაწილში, "თვალისცემის მკურნალობა", ამ წიგნში.
4 - შვიცი ცალი 'აჯვას სახეობის ფინიკის მირთმევა დილით უზმოზე, თუ ამის საშუალება იქნება; შუამავლის (ალლაჰის ლოცვა და მშვიდობა მას) სიტყვებიდან: «ვინც დილით უზმოზე შვიდ ცალ 'აჯვას ხურმას მიირთმევს, მას იმ დღეს საწამლავი და ჯადო ვერაფერს ავნებს» [16]. ყველაზე კარგია, რომ ფინიკი იყოს ქალაქ მედინიდან, ორ ნაკრძალ ტერიტორიას შორის, როგორც არის მოცემული მუსლიმის გადმოცემაში, პატივცემული შეიხი და დიდი სწავლული აბდულაზიზ ბინ აბდულლაჰ ბინ ბაზი (ალლაჰმა შეიწყალოს ის) თვლის, რომ ქალაქ მედინის ყველა სახეობის ფინიკში არის მსგავსი თვისება; შუამავლის (ალლაჰის ლოცვა და მშვიდობა მას) სიტყვებიდან: «ვინც დილით შეჭამს შვიდ ფინიკს, რომლებიც მოყვანილია მის ლავურ [17] ველებს შორის, იმ დღეს შხამი ზიანს ვერ მიაყენებს მას საღამომდე». ჰადისი [18]. [16] იხ. ალ-ბუხარი,და ფათჰულ ბაარიც10/247, ნომრით: (5445), და მუსლიმი, 3/ 1618, ნომრით: (2047). [17] ლავური ველები აქ გულისხმობს მიწის მონაკვეთს, რომელიც დაფარულია ფოროვანი შავი ვულკანური ქვებით, თითქოს ცეცხლში შემწვარია. მოცემულ შემთხვევაში საუბარია ორ ლავურ ველზე, რომლებიც აკრავს ღირსშესანიშნავ მედინას. იხ. „ფაიდ ალ-ქადირ ალ-მუნავი“ (ტომი 2, გვ. 514). [18] გადმოსცა მუსლიმმა, 3/1618, ნომრით: (2047).
გარდა ამისა, შეიხ იბნ ბაზის, ალლაჰმა შეიწყალოს იგი, მოსაზრებით, არსებობს საფუძველი იმედისა, რომ ადამიანისათვის ასეთივე დაცვას წარმოადგენენ ნებისმიერი შვიდი ხურმა, და არა მხოლოდ მედინური ხურმა.
მეორე ნაწილი: ჯადოს განკურნება მისი განხორციელების მერე ორი სახეობისაა:
პირველი სახეობა: მისი ამოღება და განადგურება თუ მოხდა და მისი ადგილსამყოფელის დადგენა ნებადართული შარიათული გზებით, ეს არის ყველაზე სრულყოფილი მეთოდი, რომლითაც განიკურნება მოჯადოებული [19]. [19] იხილეთ: ზაად ალ-მა'აად, 4/124, ალ-ბუხარი ფათჰულ ბაარისთან ერთად, 10/132, ნომრით: 5765, მუსლიმი, 4/1917, ნომრით: 2189, ბინ ბაზის მაჯმუ'ა ფათავა 3/228.
მეორე სახეობა: შარიათული რუყია, მისგანაა: [20]. [20] იხილეთ: ფათჰ ალ-ჰაყ ალ-მუბინ, ეპილეფსიის, ჯადოს და თვალის მკურნალობა, გვ.138.
პირველი: აიღებს მწვანე სიდრის შვიდ ფურცელს, შემდეგ დააქუცმაცებს ორ ქვას შორის, ან მსგავს რაიმეში, შემდეგ დაასხამ იმ ოდენობის წყალს, რომელიც საკმარისი იქნება საბანაოდ, და წაიკითხავს მასში:
«ალლაჰს შევეფარები ქვით ჩაქოლილი ეშმაკისგან». /'აუზუბილლაჰი მინა შშაიტანი რრაჯიიმ/. {არ არის ღვთაება, ალლაჰის, უკვდავის, მარადისის გარდა, თვლემა არ ეუფლება მას და არც ძილი. მისია, რაც ცაშია და რაც ქვეყანაზე, და მის წინაშე არავის შეუძლია იშუამდგომლოს, თუ არა მისი ნება. მან იცის, რაც მათ უწინაა და რაც მათ შემდგომაა. ისინი კი მის ცოდნისგან მხოლოდ იმას გასწვდებიან, რასაც ინებებს. ტახტი მისი გარემოიცავს ცათა და ქვეყანას და მათი დაცვა არ უმძიმს მას. და იგი უზენაესი, დიდებულია}. სურა ალ-ბაყარა, აიათი: 255.
{და ზეშთავაგონეთ მუსას: გადააგდე შენი ჯოხი. და აჰა, იგი შთანთქავს ყველაფერს, რასაც თხზავენ [ჯადოქრები] (117) და იქმნა ჭეშმარიტება და ამაო იქნა ყოველი, რასაც აკეთებდნენ [ჯადოქრები] (118) ასე დამარცხდნენ და უკან გაბრუნდნენ დამცირებულნი (119) და ძირს დეცნენ ჯადოქრები საჯდაზე (120) და თქვეს: ჩვენ ვირწმუნეთ სამყაროთა ღმერთის (121) მუსას და ჰარუნის ღმერთის} სურა ალ-ა'რაფ, აიათები: 117-122.
{და ბრძანა ფარაონმა: მომგვარეთ ყოველი მცოდნე ჯადოქარი (79) და როცა მოვიდნენ ჯადოქრები, უთხრა მუსამ: გადაისროლეთ ის, რასაც ისვრით (80) და როცა ისროლეს, უთხრა მუსამ: რაც თქვენ ქენით, ჯადოქრობაა. ჭეშმარიტად, ალლაჰი ამაოჰყოფს მას. ალლაჰი არ გამართავს ამრევთა საქმეს (81) და დაამკვიდრებს ალლაჰი ჭეშმარიტებას თავისი სიტყვებით, თუნდაც არ მოსწონდეთ ცოდვილებს} სურა იუნუს, აიათები: 79-82.
{მათ თქვეს: ო მუსა, ან შენ ისროლე ან ჩვენ ვისვრით პირველები (65) უთხრა: პირიქით ისროლეთ თქვენ, ამგვარად მათი თოკები და კვერთხები მოეჩვენა მას მათი ჯადოქრობის გამო, როგორც მცოცავის მუცელზე (66) ამგვარად მუსა თავისთავად შეიპყრო შიშის გრძნობამ (67) ვუთხარით: ნუ გეშინია ჭეშმარიტად, შენ ხარ ამაღლებული (68) ისროლე, რაც მარჯვენაში გიჭირავს და გადაყლაპავს იმას, რაც მათ გააკეთეს. ჭეშმარიტად, მათი ნამოქმედარი მხოლოდ ჯადოქრის მზაკვრობაა და არ ექნება წარმატება ჯადოქარს, სადაც წავა (69) და პირქვე დაემხნენ საჯდაზე ჯადოქრები, თქვეს: ჩვენ ვირწმუნეთ ჰარუნის და მუსას ღმერთის} სურა ტაჰა, აიათები: 65-70.
სახელითა ალლაჰისა მოწყალისა, შემწყალებლისა {უთხარი: ჰეი, ურწმუნოებო! (1) არ ვცემ თაყვანს იმას, რასაც თქვენ ეთაყვანებით! (2) და არც თქვენ ეთაყვანებით იმას, ვისაც მე ვეთაყვანები! (3) და არც მე ვარ მოთაყვანე იმის, რასაც თქვენ ეთაყვანებით (4) და არც თქვენ ეთაყვანებით იმას, ვისაც მე ვეთაყვანები (5) თქვენი რჯული თქვენ, და ჩემი რჯული მე}
სახელითა ალლაჰისა მოწყალისა, შემწყალებლისა {თქვი: იგია, ალლაჰი ერთადერთი! (1) ალლაჰი "სამედია" (თვითკმარი) [2] არ შობილა და არც უშვია (3) და არც არავინ ყოფილა ბადალი მისი}.
სახელითა ალლაჰისა მოწყალისა, შემწყალებლისა {თქვი: მივეკედლები აისის უფალს (1) სიავისაგან იმისა, რაც მან შექმნა (2) სიავისაგან წყვდიადისა, როცა იგი ფარავს, (3) სიავისაგან კვანძებზე მბერავ ჯადოქართა (4) მოშურნეს სიავისგან, როცა მას შურს}.
სახელითა ალლაჰისა მოწყალისა, შემწყალებლისა {თქვი: მივეკედლები ღმერთს ადამიანთა (1) უფალს ადამიანთა (2) ღვთაებას ადამიანთა (3) სიავისგან დაფარული მაცდუნებლისა (4) რომელიც ცდუნებას თესავს კაცთა გულებში (5) (გინდ იყოს) ჯინთაგან ან კაცთაგან}
იმის შემდეგ, რაც წაიკითხავს წყალზე ზემოთ მოცემულ აიათებს, უნდა დალიოს მისგან სამი ყლუპი, დარჩენილი წყლით კი უნდა დაიბანოს ტანი. ამის შედეგად, ალლაჰის ნებით, მისი დაავადება გაქრება. თუ საჭიროა ამ პროცედურის ორჯერ ან მეტჯერ გამეორება, ეს პრობლემა არ არის, სანამ დაავადება სრულად არ გაქრება, ძალიან ხშირად გამოიცადა და უზენაესმა ალლაჰმა მისცა სარგებელი, ეს მეთოდი ასევე კარგია მათთვის, ვისაც აქვთ ცოლქმრული პრობლემები [21]. [21] იხილეთ: ფათვა ბინ ბააზ, 3/279, ფათჰ ალ-მაჯიიდ, გვ.346, უპირობო სიმტკიცე ავი სულების და ჯადოქრების განდევნისა, ვაჰიდ აბდუსსაალამის გვ.109-117, არსებობს სასარგებლო და აუცილებელი რუყია უზენაესი ალლაჰის ნებით, ავტორი აბდურაზზაყ, 11/13, ფათჰ ალ-ბაარ იბნ ჰაჯარ, 10/ 233.
მეორე: იკითხება სურა ალ-ფათიჰა, აიათ ალქურსი, ბოლო ორი აიათი სურა ალ-ბაყარადან, სურა ალ-იხლასი, მუ'ავიზათაინი (სურა ალ-ფალაყ და ან-ნას) სამჯერ ან უფრო მეტჯერ, შემდეგ გადაბერვა და მარჯვენა ხელის ტკივილის ადგილზე წასმა [22]. [24] გადმოსცა მუსლიმმა, 4/1728, ნომრით: 2202.
მესამე: ალლაჰზე მიკედლებები, რუყია და ყოვლისმომცველი ვედრებები: [22] იხილეთ: ალ-ბუხარი ალ-ფათჰთან ერთად, 9/62, ნომრით: 5016, მუსლიმი, 4/1723, ნომრით: 2192, და ალ-ბუხარის ალ-ფათჰთან ერთად, 10/208.
1 - ვთხოვ უზენაეს ალლაჰს, დიდებული არშის ღმერთს, რომ გამოგაჯანმრთელოს (შვიდჯერ) [23]. [23] აბუ დაუდ, 3/187, ნომრით: 3106, ათ-თირმიზი, 2/410 ნომრით: 2083, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ალ-ჯა'მიში, 5/180, და,332 და აბუ დაუდის საჰიჰ სუნანში, 2/276.
2 - ავადმყოფი ხელს დაიდებს იმ ადგილას, სადაც ტკივილები აქვს და იტყვის: "ბისმილლაჰ" (ალლაჰის სახელით), სამჯერ, შემდეგ კი შვიდჯერ იტყვის: "შევეფარები ალლაჰს და მის ძლევამოსილებას ბოროტებისგან, რასაც ვგრძნობ და რისიც მეშინია" /აუზუბულლაჰი ვა ყუდრათიჰი მინ შარრი მაა აჯიდუ ვა უჰააზირ/ [24]. [27] გადმოსცა მუსლიმმა, 4/1728, ნომრით: 2709.
3- «ღმერთო ჩემო, ადამიანთა ღმერთო, გააქრე განსაცდელი და განკურნე, შენ ხარ განმკურნებელი, არ არსებობს განკურნება გარდა შენი განკურნებისა - განკურნება, რომლის შემდეგაც არ რჩება ავადმყოფობის კვალიც» [25]. /ალლაჰუმმა რაბბნნაასი, აზჰიბილ ბა'სა ვაშფი ანთაშშააფიი ლაა შიფაა'ა ილლაა შიფააუქ შიფაა'ან ლაა იუღაადირუ საყამან/ [68] ალ-ბუხარი ალ-ფათჰთან ერთად 10/206, ნომრით: (5745), და მუსლიმი, 4/1724, ნომრით: (2194).
4- «ალლაჰის სრულყოფილ სიტყვებს მივეფარები ყოველი შემაწუხებელი ეშმაკისაგან და ყოველი ბოროტი თვალისაგან» [26] /აზ'უუზუბი ქალიმმაათი ლლააჰი თთამმაათი მუნ ქულლი შაიტაანინ ვა ჰაამმათინ, ვა მინ ქულლი 'აინინ ლაამმათინ/ [26] გადმოსცემს ალ-ბუხარი ალ-ფათჰთან ერთად 6/408, ნომრით: (3371).
6- «ალლაჰის სრულყოფილ სიტყვებს მივეფარები მისი: სიბრაზისგან და რისხვისგან, მის მსახურთა ბოროტებისგან, ეშმაკთა ხრიკებისაგან და მათი სიახლოვისაგან» [28]. /ა'უუზუბიქალიმაათი ლლააჰი თთაამმაათი მინ ღადაბათინ ვა 'იყააბათინ ვა შარრი 'იბაადათინ ვა მინ ჰამაზაათი შშაიაატიინი ვა ან იაჰდურუუნ/ [28] აბუ დაუდ, ნომრით: 3893, ათ'თირმიზი, ნომრით: 3528, იმამ ალ-ალბანი (ალლაჰმა შეიწყალოს ის) ჰადისს მიიჩნევს კარგად საჰიჰ ათ'თირმიზიში 3/171.
7- «ალლაჰის სრულყოფილ სიტყვებს შევეფარები, რომელსაც ვერ გაექცევა ვერც ღვთისმოშიში და ვერც ცოდვილი, იმ ბოროტებისგან, რომელიც გააჩინა, შექმნა და გაამრავლა, ყველა ბოროტება, რომელიც გადრმოევლინება ზეციდან, ყველა ბოროტებისგან, რომელიც ამაღლდება ზეცაში, ყველა ბოროტება, რომელიც გავრცელებულია მიწაზე, ყველა ბოროტება, რომელიც გამოდის მისგან/მიწისგან, დღის და ღამის ბოროტი ცდუნებებისგან და ყველა ბოროტების მომტანი სტუმრისგან, გარდა იმ სტუმრისა, რომელსაც მოაქვს სიკეთე, ო მოწყალეო» [29]. [29] აჰმადის მუსნადი, 3/119, ნომრით: 15461, გადმოცემათა ჯაჭვი სანდოა, იბნ ალ-სუნნი ნომრით: 637, იხილეთ: მაჯმა'უ ალ-ზავაიდ, 10/127, იმამ ალ-ალბანი ჰადისს სანდოდ მიიჩნევს სილსილა ალ-აჰადისი ას-საჰიჰაში, 7/196.
8- «ღმერთო ჩემო! შენ ხარ შვიდი ზეცის და მიწის ღმერთი, და ღმერთი დიდებული არშისა, ჩვენი ღმერთი და ყოველივეს ღმერთი, გამპობი მარცვლის და კურკის, გადმომვლენი თორასი, ინჯილის და ყურანის, შენ შემოგეფარები ყოველივე ბოროტებისგან, რომელთა მეუფეც შენ ხარ, ჩემო ღმერთო, შენ ხარ პირველი და არაფერი ყოფილა შენამდე, და შენ ხარ ბოლო და არაფერი იქნება შენს შემდეგ, შენ ხარ აშკარა და არაფერია შენს მაღლა, შენ ხარ ფარული და არაფერია შენს გარდა...» [30]. [30] გადმოსცა მუსლიმმა, 4/2084, ნომრით: 2713.
9- «ალლაჰის სახელით შეგილოცავ (რუყიას) შენ, ყველაფრისგან, რაც შენ გაწუხებს, ყოველი სულის სიავისაგან, ან შურიანი თვალისგან, ალლაჰი გაგკურნავს შენ, ალლაჰის სახელით შეგილოვაც შენ» [31] / ბისმილლაჰი ურყიიქ მინ ქულლი შაი'ინ იუ'ზიიქ, ვა მინ შარრი ქულლი ნაფსინ ავ 'აინინ ჰაასიდინ, ალლაჰუ იაშფიიქ ბისმილლაჰი არყიიქ/ [31] გადმოსცა მუსლიმმა აბუ სა'იდ ალ-ხუდრისგან (ალლაჰი იყოს მისით კმაყოფილი), 4/1718, ნომრით 2186.
10- «ალლაჰის სახელით, ის გამოგაკეთებს, ყველა დაავადებისგან გაგმკურნავს, მოშურნე შურისგან, როცა შურს და ყველა ბოროტი თვალისგან» [32]. [32] გადმოსცემს მუსლიმი, გადმოცემულია აიშასგან (ალლაჰი იყოს მისით კმაყოფილი), 4/1718, ნომრით: 2185.
11- «ალლაჰის სახელით შეგილოცავ (რუყიას) შენ, ყველაფრისგან, რაც შენ გაწუხებს, ყოველი სულის სიავისგან, ან შურიანი თვალისგან, ალლაჰი გაგკურნავს შენ» [33] [33] ჰადისს გადმოსცემს იბნ მააჯა, ნომრით: 3527, 'უბაადა იბნ ას-საამითისგან (ალლაჰი იყოს მისით კმაყოფილი) იმამ ალ-ალბანი ჰადისს სანდოდ მიიჩნევს საჰიჰ იბნ მააჯაში, 2/268.
ამ მიკედლებებით, ვედრებებით და რუყიათი განიკურნება ჯადო, ავი თვალი, ჯინის შეხება და სხვა დაავადებები; ეს არის საერთო და სასარგებლო რუყია, ალლაჰის ნებით.
მესამე სახეობა: ჰიჯამით იმ ადგილიდან ან ორგანოდან სისხლის გამოტუმბვა, სადაც გამოჩნდა ჯადოს კვალი, თუ ამის შესაძლებლობა იქნება, თუ არ იქნება ამის შესაძლებლობა, საკმარისია ისე მკურნალობა, როგორც იყო მაღლა ნახსენები, ქება-დიდება უზენაეს ალლაჰს [34]. [34] იხილეთ: ზაად ალ-მა'ად, 4/125, არსებობს ჯადოს მოხსნის სხვა სახეობებიც, მისი განხორციელების შემდეგ, არ არის პრობლემა მათ გამოყენებაში თუ სარგებელი მოაქვს მას, იხილეთ: იბნ აბუ შაიბას ნაშრომში, 7/386-387, ფათჰ ალ-ბარი, 10/ 233-234, აბდურაზაყის მუსანნაფში, 11/13, ალ-საარიმ ალ-ბათთაარ, გვ.194-200, და დოქტორი მუსფირ ალ-დემინის წიგნში, ჯადო მისი რეალობა და მდგომარეობა, გვ.64-66.
მეოთხე სახეობა: ბუნებრივი მედიკამენტები, არსებობს ბუნებრივი სასარგებლო საშუალებები, რომელზეც მიუთითა წმინდა ყურანმა და სუფთა სუნნამ, თუ ადამიანი მათ გამოიყენებს დაჯერებით, რწმენით, ალლაჰის სასოებით, იმის რწმენასთან ერთად, რომ სარგებელი ალლაჰისგან მოდის, და უზენაესი ალლაჰი მას მისცემს სარგებელს, ასევე არსებობს წამლები, რომლის შემადგენლობაც არის მცენარეებით და მსგავსი საშუალებები, ეს ყველაფერი დამტკიცებულია გამოცდილებით, ამიტომ შარიათით არავითარი აკრძალვა არ არსებობს მათი გამოყენების, თუ არ იქნება აკრძალული ნივთიერება [35]. [35] იხილეთ: ფათჰ ალ-ჰაყ ალ-მუბინ, ეპილეფსიის, ჯადოს, და თვალის მკურნალობა, გვ.139. [46] იხილეთ: რაც იყო მოცემული ამ წიგნში ჯადოსგან მკურნალობა, მეორე სახეობაში.
უზენაესი ალლაჰის ნების შემდეგ ბუნებრივი სამკურნალო საშუალებებია: თაფლი [36], შავი თმინი [37], ზამზამის წყალი [38], წვიმის წყალი, როგორც თქვა უზენაესმა ალლაჰმა: {და გარდმოვავლინეთ ზეციდან ბარაქიანი წყალი} სურა ყააფ, აიათი: 9. [36] იხილეთ: ფათჰ ალ-ჰაყ ალ-მუბინ, გვ.140, თაფლით მკურნალობა მოცემულია ამ წიგნში. [37] იხილეთ: ფათჰ ალ-ჰაყ ალ-მუბინ, გვ.141, შავი მარცვლებით მკურნალობა ამ წიგნში. [38] იხილეთ: ფათჰ ალ-ჰაყ ალ-მუბინ, გვ.144, ზამზამის წყლით მკურნალობა მოცემულია ამ წიგნში.
ზეითუნის ზეთი; ალლაჰის შუამავალმა (ალლაჰის ლოცვა და მშვიდობა მას) თქვა: «მიირთვით ზეითუნის ზეთი და წაისვით ის; ჭეშმარიტად, ის არის დალოცვილი ხისგან» [39], გამოცდილებით, მისი გამოყენებით და შესწავლით დამტკიცებულია, რომ ის არის საუკეთესო ზეთი [40]. ბუნებრივ სამედიცინო საშუალებებს ასევე მიეკუთვნება: ბანაობა, გასუფთავება, სუნამოს გამოყენება [41]. [39] ჰადისი გადმოსცა აჰმადმა მუსნადში, 3/497, ნომრით: 16055, ათ'თირმიზიმ ნომრით: 1851, იბნ მააჯამ, ნომრით: 3319, იმამ ალბანი ჰადისს სანდოდ მიიჩნევს ჰაჰიჰ ათ-თირმიზიში, 2/166. [40] იხილეთ: ფათჰ ალ-ჰაყყ ალ-მუბინ, ეპილეფსიის, ჯადოს, და თვალის მკურნალობა, გვ.142. [41] იხილეთ: მაღლა მოცემული წყარო, გვ.145.
2- ავი თვალის მკურნალობა
ავი თვალის ცემისგან მკურნალობის სახეობები:
პირველი ნაწილი: დაცვის ზოგიერთი საშუალება ბოროტი თვალის ზემოქმედებისგან:
1- დაცვა და მკურნალობა მისთვის, ვინც შიშობს რომ ავი თვალი შეხვდა, ზიქრებით, ვედრებებით და დაშვებული ფორმით ალლაჰზე მიკედლებებით, როგორც იყო მოცემული პირველ ნაწილში ჯადოსგან მკურნალობაზე [42]. [42] იხილეთ: რაც იყო მოცემული ამ წიგნში ჯადოსგან მკურნალობა.
2 - ვინც შიშობს, რომ ავი თვალი არ შეხვდეს ის ევედრება, - თუ უყურებს საკუთარ თავს, ან მის ქონებას, ან შვილს, ან ძმას ან სხვა ვინმეს, ვინც მასში გაოცებას იწვევს - ევედრება და ამბობს: «რაც ალლაჰმა ინება, არ არსებობს ძალა გარდა ალლაჰისა, ღმერთო ჩემო, დალოცე ის» /მაა შაა ალლაჰ ლაა ყუვვათა ილლაა ბილლაჰ, ალლაჰუმმა ბაარიქ ალლაჰის შუამავლის (ალლაჰის ლოცვა და მშვიდობა მას) სიტყვებიდან: «როდესაც რომელიმე თქვენგანი დაინახავს ისეთ რამეს თავის ძმაზე, რაც ძალიან მოეწონება, დაე შესთხოვოს ბარაქა» [43]. [43] ჰადისს გადმოსცემს იმამ მალიქი მუვატაში, 2/938, იბნ მააჯა, 2/1160 ნომრით: 3509, აჰმადი 4/447, ნომრით: 15700, იმამ ალ-ალბანი ჰადისს სანდოდ მიიჩნევს საჰიჰ იბნ მააჯაში, 2/265. ზად ალ-მა'ად, 4/170, უპირობო სიმტკიცე ავი სულების და ჯადოქრების განდევნისა, ვაჰიდ აბდულსალამის გვ.229-252.
3 - თვალში მოსახვედრი სამშვენისების დამალვა მისგან, ვინც შიშობს ავი თვალის შეხებას [44]. [44] იხილეთ: სუნნას განმარტება, ბაღავის მიერ, 13/116, ზაად ალ-მა'აად, 4/173.
მეორე ნაწილი: სხვადასხვა სახის მკურნალობა მათთვის, ვინც დაზარალდა ავი თვალისგან:
1. თუ ცნობილია ის ადამიანი, რომელმაც ვინმეს თვალისცა, მას უნდა სთხოვონ, რომ აიღოს მცირე განბანვა (ვუდუ). ამის შემდეგ, მისგან დარჩენილი წყლით დიდი განბანვა (ღუსლი) უნდა აიღოს იმან, ვინც დაზარალდა ავი თვალისგან [45]. [45] იხილეთ: სუნან აბუ დაუდ, 4/9, ნომრით: 5056, იმამ ალ-ალბანი ჰადისს სანდოდ მიიჩნევს სილსილა ალ-აჰადის ას-საჰიჰა, 6/61, ზად ალ-მა'ად, 4/153, ასევე იხილეთ: დაცვა და მკურნალობა ყურანიდან და სუნნადან, მუჰამმად ბინ შაი'ის, გვ.144-147.
2- საჭიროა ბევრჯერ წაიკითხოს: სურა {თქვი: იგია, ალლაჰი ერთადერთი} (ალ-იხლას) მუ'ავიზათაინი, (სურა ალ-ფალაყ და ალ-ნაას), აიათ ალქურსი, სურა ალ-ბაყარას ბოლო აიათები და სხვა ცნობილი და დასაშვები ვედრებები რუყიაში, ხელზე შებერვა და შემდეგ ტკივილის არეში მარჯვენა ხელის მოსმა, როგორც იყო მოცემული მეორე სახეობაში ჯადოსგან განკურნება, მეორე აბზაცში ((ჯ)) ნომრით 1-11[46]. [57] იხილეთ: რაც იყო მოცემული ამ წიგნში ჯადოსგან მკურნალობა, მეორე სახეობაში.
3 - წაუკითხავს წყალს, შემდეგ შეუბერავს მას და შემდეგ დალევს ავადმყოფი, დარჩენილ ნაწილს კი გადაივლებს [47], ან წაუკითხავს ზეითუნის ზეთს და შემდეგ შეიზელს მას [48], თუ წაკითხვა მოხდება ზამზამის წყალზე ეს იქნება სრულყოფილი, თუ ამის შესაძლებლობა არსებობს [49], ან წვიმის წყალზე [50]. [47] გადმოცემულია სუნან აბუ დაუდში,4/10, ნომრით: 3885, ასე მოექცა შუამავალი (ალლაჰის ლოცვა და მშვიდობა მას), სააბით იბნ ყაისს. იმამ ალ-ალბანი ჰადისს სუსტად მიიჩნევს, და'იფ აბუ დაუდში, ნომრით 836. [48] გადმოცემულია იმამ აჰმადის მუსნადში, 3/497, ნომრით 16055, ჰადისს კარგად მიიჩნევს იმამ ალ-ალბანი, სილსილათუ ალ-აჰადისი ას-საჰიჰა, 1/108, ნომრით: 379. [49] იხილეთ: რაც იყო მოცემული ამ წიგნში ჯადოსგან მკურნალობა, მეოთხე სახეობაში. [52] იხილეთ: რაც იყო მოცემული ამ წიგნში ჯადოსგან მკურნალობა, მეორე სახეობაში.
4 - შესაძლებელია ავადმყოფისთვის ყურანიდან აიათების დაწერა, შემდეგ მათი გარეცხვა და წყლის დალევა, ესენია: სურა ალ-ფათიჰა, აიათ ალქურსი და სურა ალ-ბაყარას ბოლო ორი აიათი, {თქვი: იგია, ალლაჰი ერთადერთი} მუ'ავიზათაინი (სურა ალ-ფალაყ და ალ-ნაას), როგორც იყო მოცემული მეორე სახეობაში ჯადოსგან განკურნება, აბზაცში ((ბ)) და ((ჯ)) ნომრით 1-11[52]. [51] იხილეთ: ზად ალ-მა'აად იბნ ალ-ყაიმის, 4/170, და იბნ თაიმიას ფათავა, 64/19. [50] იხილეთ: რაც იყო მოცემული ამ წიგნში ჯადოსგან მკურნალობა, მეოთხე სახეობაში.
მესამე ნაწილი: იმ პირობების შექმნა, რომელიც ხელს უშლის მოშურნე თვალის გამოვლენას, ეს არის შემდეგი:
1- ალლაჰზე თხოვნით მიმართვა, რომ დაგიცვას მოშურნის ბოროტებისგან.
2- უზენაესი და ძლევამოსილი ალლაჰის შიში, მისი ბრძანებების შესრულება და აკრძალვებზე მორიდება: «დაიცავი [ახსენე] ალლაჰი და ის დაგიცავს შენ» [53]. [53] ათ'თირმიზი, ნომრით: 2516, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ათ'თირმიზიში, 2/309.
3 - მოშურნეზე მოთმინება და მასზე მიტევება, არ მტრობს მას, არ უჩივის და არც განიზრახავს საკუთარ თავში მასზე რაიმეს ვნებას.
4 - ალლაჰზე მიკედლება, და ვინც მიეკედლება ალლაჰს ის მისთვის საკმარისია.
5 - არ უნდა ეშინოდეს შურიანის და არც უნდა მისცეს გულს უფლება, რომ მასზე ფიქრით იყოს დაკავებული — ეს ერთ-ერთი ყველაზე ეფექტური გზაა მკურნალობისთვის.
6- ალლაჰის სასოება, მის მიმართ გულწრფელობა და მისი კმაყოფილების სურვილი.
7- ცოდვების მონანიება; რადგან ცოდვები ადამიანზე მის მტრებს უხსნის გზას: {და რა განსაცდელიც შეგემთხვათ თქვენ, ისაა მხოლოდ, რაც მოიხვეჭა თქვენმა ხელებმა, და პატიობს ბევრს} სურა აშ-შუურა, აიათი; 30.
8 - მოწყალება და სიკეთის გაცემა, რისი შესაძლებლობაც არსებობს; ამ ყველაფერს აქვს ძალიან ეფექტური გავლენა ავი თვალის, უბედურების და მოშურნის შურისგან დასაცავად.
9 - აუცილებელია შურიანის, მჩაგვრელისა და დამნაშავის ბოროტების ცეცხლის ჩაქრობა კეთილმოქმედებით მათ მიმართ. რაც უფრო მეტ ზიანს მოგაყენებს, უფრო დაგჩაგრავს და შეშურდება, მით მეტი სიკეთე უნდა აჩვენო მას, უფრო გულით უნდა მოეპყრო და მეტი თანაგრძნობა გამოიჩინო მის მიმართ. თუმცა ამის გაკეთება მხოლოდ მას შეუძლია, ვინც ალლაჰისგან დიდი მადლი მიიღო.
10 - ერთთღმერთიანობაზე მოფრთხილება, უზენაესის და ბრძენის მიმართ გულწრფელობა, რომელსაც ვერავინ და ვერაფერს ავნებს, ასევე ვერავინ მოიტანს სარგებელს, გარდა მისი ნების, ის ამ ყველაფრის ერთად შემკრებია და მის ირგვლივ ტრიალებს ყველა ეს მიზეზები, ერთღმერთიანობა არის ალლაჰის ურყევი ციხესიმაგრე, რომელში შემსვლელიც იქნება დაცული.
ეს არის ათი მიზეზი, რომელიც განდევნის მოშურნის, ავი თვალის და ჯადოქრის ბოროტებას [54]. [54] იხილეთ: ბადაი' ალ-ფავაიდ იბნ ალ-ყაიმ, 2/238-245.
3 - ჯინების მიერ ადამიანის შეპყრობის განკურნება
შებყრობილის განკურნება, რომლის სხეულშიც შევა და დამკვიდრდება ჯინი ორი სახეობისაა:
პირველი ნაწილი: სანამ ეს მოხდებოდეს:
დაცვის საშუალებაა, ყველა სავალდებულო და აუცილებელი ქმედებების შესრულება, ყველა აკრძალვებისგან შორს ყოფნა, ყველა ცუდი ქმედებებისგან მონანიება, ზიქრებით თავის დაცვა, ვედრებები და შარიათული მიკედლებები ალლაჰზე.
მეორე ნაწილი: მკურნალობა ჯინის შესვლის შემდეგ:
ამ ტიპის მკურნალობა უნდა განახორციელოს მუსლიმმა, რომლის გული და ენა თანხმობაშია ერთმანეთთან, როცა ის კითხულობს რუყიას შეპყრობილზე. ასეთ შემთხვევებში საუკეთესო მკურნალობის საშუალება არის შემდეგი სურებისა და აიათების რუყიად კითხვა: სურა "ალ-ფათიჰა", აიათულ ქურსი, სურა "ალ-ბაყარის" ბოლო ორი აიათი, და ასევე… {თქვი: იგია, ალლაჰი ერთადერთი!} (სურა 112) და {თქვი: შევეფარები განთიადის მეუფეს}, (სურა 113) და {თქვი: შევეფარები ადამიანთა მეუფეს} (სურა 114) შემდეგ გადაუბერავს შეპყრობილს, გაიმეორებს სამჯერ ან უფრო მეტჯერ, ასევე წაიკითხავს სხვა აიათებს ყურანიდან; რადგან მთლიანი ყურანი არის შვება იმისა, რაც არის გულებში, არის შვება, სწორი გზა და წყალობა მორწმუნეთათვის [56] და რუყიას ვედრებებს, როგორც არის მოცემული ჯადოს მოხსნის მეორე ნაწილში ((ბ)) და ((ჯ) [57], ამ მკურნალობის დროს აუცილებელია ორი რამ: [55] იხილეთ: სუნან აბუ დაუდში, 4/13-14, ნომრით 3896, აჰმადი, 5/210, ნომრით: 21835, ჰადისს კარგად მიიჩნევს იმამ ალ-ალბანი, სილსილათუ ალ-აჰადისი ას-საჰიჰა, ნომრით: 2028. [56] იხილეთ: იმამ აჰმადის მუსნადის დალაგება ალ-ფათჰ ალ-რაბაანი, 17-183.
რათა შეპყრობილ ადამიანს ჰქონდეს შიდა სიძლიერე, გულწრფელად ისწრაფოდეს ალლაჰისაკენ და შესაფერისად მიმართავდეს მას დაცვის თხოვნით — რაც გულისა და ენის თანხმობას გულისხმობს.
მეორე საკითხი ასევე მკურნალი ადამიანი ანალოგიურად უნდა იყოს განწყობილი არსებულ საქმეზე, რადგან იარაღის ძალა იმით განისაზღვრება, თუ ვინ იყენებს მას [58]. [58] იხილეთ: ვრცელი და სასარგებლო რუყია ალ-სარიმ ალ-ბათთაარში, გვ.109-117, შეიხ ვაჰიიდ აბდუსსალამის ნაშრომი, იხილეთ: ზაად ალ-მა'ადში, 4/66-69, ადამიანში ჯინის შესვლის ჭეშმარიტი განმარტება და პასუხი მას, ვინც ამას უარყოფს, შეიხ აბდულაზიზ ბინ აბდულლაჰ ბინ ბაზის ნაშრომი, გვ.14, იბნ ათ-თაიმიას ფათვა, 19/9-65, და 24/276, დაცვა და მკურნალობა ყურანიდან და სუნნადან მუჰამმად ბინ შაი'ის, გვ.66-69. იხილეთ: სახლიდან ჯინის განდევნის მეთოდი, დაცვა და მკურნალობა ყურანიდან და სუნნადან მუჰამმად ბინ შაი'ის, გვ.59, ეშმაკების და ჯინების სამყარო ალ-აშყარის ნაშრომი, გვ.130.
შებყრობილის ყურთან თუ აზანს წაიკითხავენ კარგია; რადგან ეშმაკი გაურბის აზანის ხმას [59]. [59] იხილეთ: ფათჰ ალ-ჰაყ ალ-მუბინ, ეპილეფსიის, ჯადოს, და თვალის მკურნალობა, გვ.112, ალ-ბუხარი, ნომრით: 574.
4 - სულიერი დაავადებების მკურნალობა:
[60] იხილეთ შემდეგ ნაშრომში: გულის გახარების მიზეზები ზაად ალ-მა'ად, 2/23-28, და წიგნში: სასარგებლო საშუალებები ბედნიერი ცხოვრებისთვის, სწავლული აბდურაჰმან ბინ ნაასირ ას-სა'დის (ალლაჰმა შეიწყალოს ის).
ქვემოთ მოკლედ ჩამოთვლილია სულიერი დაავადებებისა და დეპრესიის მკურნალობის საუკეთესო საშუალებები [60], რომლებიც მოიცავს შემდეგს:
1 - სწორ გზაზე დადგომა და თაჰვიდის (ერთღმერთიანობის) აღიარება. მეორე მხრივ, გზიდან გადახვევა და შირქი (მრავალღმერთიანობა) დეპრესიის ძირითადი მიზეზებია.
2- წრფელი რწმენის სინათლე, რომელსაც ალლაჰი ჩაუნერგავს თავის მსახურს გულში, და მასთან ერთად კეთილი საქმე.
3 - სასარგებლო ცოდნა, ვინაიდან რაც უფრო მეტ ასეთ ცოდნას შეიძენს ალლაჰის მონა, მით უფრო იგრძნობს სიხარულს მისი გული და მით უფრო განვრცობილი და მშვიდი გახდება ის.
4 - მონანიება და უზენაეს ალლაჰთან დაბრუნება - იმასთან, ვინც უნდა გვიყვარდეს მთელი გულით, ვისკენაც უნდა ვისწრაფოდეთ და ვისი მსახურებითაც უნდა ვტკბებოდეთ.
5 - მუდმივად ალლაჰის ხსენება, ყველა მდგომარეობაში, ნებისმიერ სიტუაციაში, ალლაჰის ხსენებას აქვს საოცარი ეფექტი გულის გახსნაზე და სიმშვიდეზე, ასევე მისი დარდის და ტკივილის გაქრობაზე.
6 - ადამიანებისთვის სიკეთის გაკეთება, სიკეთის ყველა სახეობით, მათთვის სარგებლის მოტანა შესაძლებლობისდამიხედვით, მოწყალე და სიკეთის მკეთებელი ადამიანი არის ყველაზე მშვიდი გულის მქონე, ყველაზე კარგი ხასიათის და ყველაზე სასარგებლო გულის მქონე ადამიანთა შორის.
7- სიმამაცე, მამაც ადამიანს ყოველთვის მშვიდი და გახსნილი აქვს გული.
8 - გულის გაწმენდა [61] განკიცხვადი თვისებებისგან, რომლებიც უეჭველად ჩაგრავს მას და ტკივილს აყენებს. საუბარია ისეთ თვისებებზე, როგორიცაა შური, ბოროტება და უსამართლობა — ეს ხასიათდება იმ ადამიანებში, ვინც მტრულად და სიძულვილით არის განწყობილი სხვების მიმართ. გადმოცემულია, რომ ერთ-ერთ კითხვაზე — ვინ არის ადამიანებიდან უღირსეულესი — ალლაჰის მოციქულმა, ალლაჰის ლოცვა და მშვიდობა მას, უპასუხა: «ყველა სუფთა გულის და მართალი ენის მქონე», მათ იკითხეს: მართალი ენის მქონე გასაგებია, და ვინ არის სუფთა გულის მქონე? თქვა: «ეს არის ღვთისმოშიში, სუფთა - ცოდვების გარეშე, არ არის მასში არც უსამართლობა, არც სიძულვილი და არც შური» [62]. [61] დაღალ ნიშნავს: რაღაცაში არსებული ნაკლი, რომელიც მას აფუჭებს. [62] ჰადისი გადმოსცა იბნ მააჯამ, ნომრით: 4216, იმამ ალ-ალბანი ჰადისს სანდოდ მიიჩნევს, საჰიჰ იბნ მააჯაში, 2/411.
9 - არააუცილებელი მზერისგან, საუბრისგან, მოსმენისგან, შეკრებებისგან, საკვებისგან და ზედმეტი ძილისგან თავის შეკავება; რადგან ამ ყველაფრის მიტოვება არის ერთ-ერთი მიზეზი გულის გახსნის და მისი წყალობის, ასევე გულის დარდის და ტკივილის გაქრობის.
10 - დაკავება რაიმე საქმით ან სასარგებლო სწავლებით. ეს გულს უბიძგებს, რომ გადაერთოს იმ საქმიდან, რაც მას წუხილს აყენებს.
11 - აუცილებელია ყურადღება მივაქციოთ ყოველდღიურ საქმეებს — ეს გაათავისუფლებს ადამიანს მომავლის შფოთვისგან და შეაჩერებს წარსულის გამო მწუხარებას. საქმე იმაშია, რომ თუ ალლაჰის მონა მთელი გულით დაიკავებს თავს იმით, რაც სარგებელს მოუტანს მას ორივე სამყაროში, დაუწყებს თავის უფალს თხოვნას მიზნის მიღწევისათვის და მისგან დახმარებას მოითხოვს, ის გათავისუფლდება შფოთვისა და წუხილისგან.
12- აუცილებელია შეხედო მათ, ვისაც შენზე სუსტი ჯანმრთელობა და ნაკლები ქონება აქვს, და არა მათ, ვისაც უკეთესი ჯანმრთელობა და მეტი მონიჭებული წყალობა აქვს.
13 - წარსულში დარჩენილი არასასიამოვნო ფაქტების დავიწყება, რომლის თავიდან აცილება უკვე შეუძლებელია, არასდროს აღარ უნდა მოხდეს მასზე ფიქრი.
14 - თუ ალლაჰის მონას რაიმე განსაცდელი შეემთხვევა, მან უნდა ეცადოს შეამსუბუქოს ის — განსაზღვროს, რა შეიძლება იყოს ამ უბედურების ყველაზე მძიმე შედეგი, და შეძლებისდაგვარად ეცადოს, თავი აარიდოს ამ ყველაზე მძიმე შედეგს.
15 - გულს უნდა ჰქონდეს სიმტკიცე და არ უნდა ღელავდეს იმაზე, რაც მხოლოდ წარმოდგენილია და რაც მხოლოდ ცუდი ფიქრების წარმოშობას იწვევს. ასევე აუცილებელია მოთმინება და რისხვისგან თავის შეკავება, არ შეგეშინდეს იმის დაკარგვის, რაც გიყვარს, და არ ელოდო უბედურებას. პირიქით — მიანდე შენი საქმეები ყოვლადძლიერ და დიად ალლაჰს, იმოქმედე იმ ფარგლებში, რაც არსებული მდგომარეობიდან გამომდინარე სარგებელს მოგიტანს, და მიმართე ალლაჰს მიტევებისა და ყოველგვარი ბოროტებისგან დახსნის თხოვნით.
16 - გული უნდა იყოს ალლაჰზე მიკედლებული და მინდობილი, და უზენაესის და ყოვლადუნაკლოს მიმართ დადებითი ზრახვებით განწყობილი, რადგან ვინც მინდობილია უზენაეს ალლაჰზე, მას ვერაფერს ავნებს ცუდი აზრები. [65] გადმოსცემს აბუ დაუდი, 4/324, ნომრით: 5090, აჰმადი, 5/42, ნომრით: 0430, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ალ-ჯა'მიში, ნომრით; 3388, და კარგად მიიჩნევს აბუ დაუდის საჰიჰ სუნანში, 3/251.
17 - გონიერი ადამიანი აცნობიერებს, რომ მისი ნამდვილი ცხოვრება — ეს არის ბედნიერებისა და სიმშვიდის ცხოვრება, და რომ ეს ცხოვრება ძალიან მოკლეა. ამიტომ, მან არ უნდა დაუშვას, რომ ეს დრო შფოთვამ და წუხილმა შეუმციროს, რადგან ეს ეწინააღმდეგება ნამდვილი ცხოვრების არსს.
18 - როდესაც ადამიანს რაიმე უსიამოვნო რამ შეემთხვევა ან ამისი შეეშინდება, მან უნდა შეადაროს ეს დანარჩენ იმ წყალობებს, რომლებიც მას აქვს, იქნება ეს რელიგიური თუ ამქვეყნიური. ამ შედარებისას ნათელი გახდება, რამდენად მრავალრიცხოვანია მისი წყალობები, ასევე, მან უნდა შეადაროს ის ზიანი, რომლისაც ეშინია, იმ მრავალ შესაძლებლობას, რომ ეს ზიანი შეიძლება არ მოხდეს. მან არ უნდა დაუშვას, რომ სუსტი შესაძლებლობა (ალბათობა) აღემატებოდეს ძლიერ, მრავალ შესაძლებლობას. ამგვარად, მისი შფოთვა და შიში გაქრება.
19 - ყველას უნდა ახსოვდეს, რომ ადამიანები რომც აყენებდნენ მას წყენას — განსაკუთრებით თუ ეს ეხება ბოროტ სიტყვებს — ეს ვერ ავნებს მას, არამედ ზიანი მიადგება მხოლოდ იმას, ვინც ამ სიტყვებს წარმოთქვამს. ამიტომაც არ უნდა მიაქციო ამას ყურადღება და არც იფიქრო მსგავს რამეზე, რათა მართლაც არ მოგაყენოს ზიანი.
20 - ყურადღება იმას უნდა დაუთმოს, რაც მას სარგებელს მოუტანს რელიგიაში და ამქვეყნად.
21 - ალლაჰის მონა უნდა ელოდოს მადლს იმ სიკეთისთვის, რასაც ადამიანებისთვის აკეთებს, მხოლოდ ალლაჰისგან — მას უნდა ახსოვდეს, რომ ეს საქციელი მის ურთიერთობას ეხება ალლაჰთან და არ უნდა მიაქციოს მნიშვნელობა იმ მადლიერებას, რომელსაც გამოხატავენ ან არ გამოხატავენ ადამიანები, ვისაც ის სიკეთეს უკეთებს. რადგან უზენაესი ალლაჰი ამბობს, რომ ალლაჰის მართლმორწმუნე მონები ამბობენ: {ჩვენ მხოლოდ ალლაჰის კმაყოფილების სურვილით გაპურებთ, ჩვენ არ გვსურს თქვენგან საზღაური და არც მადლობა} სურა ალ-ინსაან, აიათი: 9.
22 - სასარგებლო საქმეების მიზნად დასახვა და მათი შესრულებისკენ სწრაფვა, არ უნდა გადაერთოს მოუწონარ ქმედებებზე, არ უნდა დაძაბოს მათით გონება და აზრები.
23 - საქმეების დროული გადაწყვეტა და სამომავლო საქმეებისთვის მზადყოფნა ფსიქოლოგიურად და ფიზიკურად.
24 - ყველა სასარგებლო საქმესა და ცოდნის სახეობას შორის უნდა აირჩიოს ყველაზე მნიშვნელოვანი, განსაკუთრებული ყურადღება უნდა დაუთმოს იმას, რისკენაც ყველაზე მეტად აქვს მიდრეკილება. ჯერ უნდა ითხოვოს დახმარება ალლაჰისგან, ხოლო შემდეგ – რჩევა ადამიანებისგან. თუ აღმოჩნდება, რომ ეს საქმე სარგებელს მოიტანს და ადამიანი გადაწყვეტს მის კეთებას, მან ყველაფერში უნდა დაეყრდნოს სრულად ალლაჰს.
25 - ალლაჰის მოცემული აშკარა და დაფარული წყალობების გახსენება, რადგან მათზე საუბრით ალლაჰი გააქრობს დარდს და სევდას, და მსახურს უბიძგებს მადლიერებისაკენ.
26 - თუ მუსლიმი თავის მეუღლეში, ნათესავში ან ნებისმიერ სხვა ადამიანში, ვისთანაც მას ურთიერთობა აქვს, შეამჩნევს რაიმე ნაკლს, უნდა გაიხსენოს მისი ღირსებები და შეადაროს ეს ღირსებები იმ ნაკლს — ეს დაეხმარება მას ურთიერთობის შენარჩუნებაში და მოუტანს სიხარულს. გადმოცემულია, რომ ალლაჰის მოციქულმა (ალლაჰის ლოცვა და მშვიდობა მას) თქვა: «მორწმუნე მამაკაცს არ უნდა სძულდეს მორწმუნე ქალი. თუ მას მისგან ერთი თვისება არ მოსწონს, აუცილებლად მოეწონება სხვა თვისება» [63]. [63] გადმოსცა მუსლიმმა, 2/1091, ნომრით: 1469.
27 - ყველა ქმედებების გამოსწორებისათვის ვედრება, მათ შორის ყველაზე მთავარია: «ო, ალლაჰ! მოაწესრიგე ჩემი რელიგია, რომელიც ჩემი საქმეების დაცვას წარმოადგენს, მოაწესრიგე ეს სამყარო, რომელშიც მე ვცხოვრობ, და მოაწესრიგე მარადიული სამყარო, სადაც დავბრუნდები. აქციე ჩემი ცხოვრება ისეთი, რომ მხოლოდ სიკეთე შემმატოს, და აქციე ჩემი სიკვდილი დასვენებად ყოველგვარი ბოროტებისგან!» [64]. ასევე: «ალლაჰო, მე შენს მოწყალებას ვიმედოვნებ, ნუ მიმატოვებ საკუთარი თავის იმედად თვალის დახამხამების დროითაც კი, გამიმართე ჩემი ყველა საქმე. არ არსებობს არანაირი ღმერთი შენს გარდა» [65]. [64] გადმოსცა მუსლიმმა, 4/2087, ნომრით: 2720. [89] გადმოსცა აბუ დაუდმა, 4/324, ნომრით: 5092, აჰმადმა, 5/42, ნომრით: 20430, იმამ ალბანი სანდოდ მიიჩნევს ჰადისს 'ირვაა ღალილში' ნომრით: 3/357, და ალ-არნავუტი მუსნადის განმარტებაში, 34/75.
28 - ჯიჰადი ალლაჰის გზაზე; ალლაჰის შუამავალმა (ალლაჰის ლოცვა და მშვიდობა მას) თქვა: «იბრძოლეთ ალლაჰის გზაზე; ჭეშმარიტად, ალლაჰის გზაზე ჯიჰადი არის სამოთხის კარიბჭეებიდან ერთ-ერთი კარიბჭე, ალლაჰი მისით იხსნის ადამიანს დარდისგან და სევდისგან» [66]. [66] გადმოცემულია იმამ აჰმადის მუსნადში, 5/314, 316, 319, 330, 326, ნომრებით: 21624, 22680,22732, ალ-ჰაქიმი ჰადისს მიიჩნევს სანდოდ და მას ეთანხმება აზ-ზაჰაბი, 2/75, ასევე ჰადისს სანდოდ მიიჩნევს იმამ ალ-ალბანი, სილსილათუ ალ-აჰადის ას-საჰიჰა, 2/274.
ყველაფერი, რაც ზემოთ იქნა ნათქვამი, დაეხმარება სულიერი დაავადებებისგან განკურნებაში და გახდება ერთ-ერთი ყველაზე ეფექტური გზა შფოთვისა და წუხილისგან გასათავისუფლებლად მათთვის, ვინც ამაზე იფიქრებს და გულწრფელად ეცდება ამ საშუალებების პრაქტიკაში განხორციელებას. სწორედ ამ საშუალებებით მკურნალობდნენ ზოგიერთი სწავლულები ამგვარ დაავადებებს, და ალლაჰის ნებით, ეს მეთოდები დიდ სარგებელს მოუტანდა ავადმყოფებს. [67] [67] იხილეთ: სასარგებლო საშუალებების შესავალი, მეხუთე გამოცემა. გვ.6.
5 - წყლულების და ჭრილობების მკურნალობა
როდესაც ადამიანი რაიმეს უჩიოდა, ჰქონდა რაიმე წყლული ან ჭრილობა, ალლაჰის შუამავალი (ალლაჰის ლოცვა და მშვიდობა მას) შემდეგნაირად იქცეოდა, სუფიანმა საჩვენებელი თითი შეახო მიწას, შემდეგ წამოსწია და თქვა: «ალლაჰის სახელით. ჩვენი ქვეყნის მიწა, ერთმანეთის ნერწყვით, განიკურნება ჩვენი ავადმყოფი ამით, ჩვენი უფლის ნებით». /ბისმილლაჰ; თურბათუ არდინაა, ბი-რიიყათი ბა‘დინა, იუშფაა ბიჰი საყიიმუნაა ბი-იზნი რაბბინაა/ [68]. [25] იხ. ალ-ბუხარი ალ-ფათჰთან ერთად 10/206, ნომრით: (5750), და მუსლიმი, 4/1721, ნომრით: (2191).
[83] ნათქვამია: სიბრაზე და გაბრაზება: საპირისპირო კმაყოფილებისა. გაბრაზდა ანუ განრისხდა ის გაბრაზებულია. გააბრაზა ანუ განარისხა, მიცემულმა გააბრაზა, ანუ მცირედ ჩათვალა, მისგან ამას არ ელოდა. ძლიერ გაბრაზდა, განეკუთვნება თა'იბას (დაიღალა) ჯგუფს [გრამატიკულად]... მე მას გავუბრაზდი, მე ის გავაბრაზე მსგავსია: მე ის განვარისხე, იხილეთ ას-სიჰაჰში სიბრაზე, და ალ-მისბაჰ ალ-მუნირში, სიბრაზე.
ჰადისის მნიშვნელობა: ადამიანი საჩვენებელი თითის წვერს დაისველებს ნერწყვით, შემდეგ თითს შეახებს მიწას და მას აჰყვება მიწა, ამის შემდეგ მას შეახებს ჭრილობას, ან წყლულს და იტყვის: მოცემულ ვედრებას შეხების დროს [69]. [69] იხილეთ: იმამ ან-ნავავის განმარტება საჰიჰ მუსლიმზე, 14/184, იბნ ჰაჯარის ფათჰ ალ-ბარი, 10/208, ჰადისის სრული განმარტება იხილეთ ზაად ალ'მა'ადში, 4/186-187. [84] ანუ: მუსლიმი ადამიანი.
6 - უბედურების წამალი
{არ მომხდარა მოსახდენი დედამიწაზე და არც თქვენს სულებში, რომ არ ყოფილიყო წიგნში იმაზე უწინ, ვიდრე ჩვენ მას მოვახდენდით. ჭეშმარიტად, ეს იოლია ალლაჰისთვის. (22) რათა არ იდარდოთ იმაზე, რაც დაგემართათ, და არ იხაროთ იმით, რაც გებოძათ, რამეთუ ალლაჰს არ უყვარს თავმომწონე, ამაყები} სურა ალ-ჰადიდ ორი აიათი: 22-23.
2- {არ მომხდარა მოსახდენი, გარდა ალლაჰის ნებით, ვინც ირწმუნებს ალლაჰის მის გულს მისცემს ჭეშმარიტებას, ჭეშმარიტად ალლაჰი ყოვლისმცოდნეა} სურა ათ-თა'ღააბუნ აიათი: 16.
3- «არ არსებობს არც ერთი მუსლიმი, რომელსაც შეემთხვა რაიმე უბედურება და რომელმაც არ წარმოთქვა ის, რაც ალლაჰმა უბრძანა: ''ჭეშმარიტად, ჩვენ ალლაჰს ვეკუთვნით და მასთან ვბრუნდებით'' ო, ალლაჰო, მომანიჭე ჯილდო ჩემს უბედურებაზე და მიბოძე მის ნაცვლად უკეთესი", — თუ არა ის, რომ ალლაჰი მას ნამდვილად მისცემს უკეთესს მის ნაცვლად» [70]. [70] გადმოსცა მუსლიმმა, 2/633, ნომრით: 918.
4- «როდესაც მორწმუნეს შვილი გარდაეცვლება ალლაჰი თავის ანგელოზებს ეუბნება: მიიბარეთ ჩემი მსახურის შვილის სული? ისინი ამბობებ: დიახ, ის იტყვის: მას ამოჰგლიჯეთ გულის ნაყოფი? ამბობენ: დიახ, იტყვის: რა თქვა ჩემმა მსახურმა? იტყვიან: განგადიდა და თქვა: ალლაჰს ვეკუთვნით და მას მივუბრუნდებით [71], იტყვის: აუგეთ ჩემს მონას სახლი სამოთხეში, და უწოდეთ მას მადლიერების სახლი» [72]. [71] ანუ მან თქვა: ალჰამდულილლაჰ - დიდება ალლაჰს, ჭეშმარიტად, ჩვენ ალლაჰს ვეკუთვნით და მასთან დავბრუნდებით. [72] ათ'თირმიზი, ნომრით: 1021, იმამ ალ-ალბანი (ალლაჰმა შეიწყალოს ის) ჰადისს მიიჩნევს კარგად საჰიჰ ათ'თირმიზიში, 1/298.
5- «უზენაესი ალლაჰი ამბობს: ჩემი მორწმუნე მონის ჯილდო ჩემს წინაშე მხოლოდ სამოთხეა, როდესაც მე მას წავართმევ ოჯახის წევრს ამქვეყნად, ის კი ჯილდოს ჩემგან მოელის» [73]. [73] ალ-ბუხარი ალ-ფათჰთან ერთად 11/242, ნომრით: 6424.
შუამავალმა (ალლაჰის ლოცვა და მშვიდობა მას) იმ კაცს, რომელსაც შვილი გარდაეცვალა უთხრა: «ნუთუ არ გსურს მიხვიდე სამოთხის კარებიდან რომელიმე კართან და ის [შენი ბავშვი] იქ გელოდებოდეს?» [74] [74] გადმოსცემს აჰმადი, ნომრით 15595, ან-ნასაი, 4/23, ალ-ჯანაიზში, უბედურების ჟამს მოთმინების და მადლის მიღების მოლოდინის თავში, ნომრით: 1870, გადმოცემათა ჯაჭვი სანდოა ალ-ბუხარის პირობების შესაბამისად, ჰადისს სანდოდ მიიჩნევს იბნ ჰიბბანი, 8/209, იმამ ალბანი ჰადისს სანდოდ მიიჩნევს საჰიჰ ალ-თარღიიბ ალ-თარჰიბში, ნომრით 2007, იხილეთ: ფათჰ ალ-ბარში, 11/243.
7- «უზენაესი ალლაჰი ამბობს: 'თუ ჩემს მორჩილს გამოვცდი იმით, რომ მას ორი საყვარელი (თვალი) წავართვი, და იგი მოთმინებას გამოიჩენს (ჩემი საზღაურის იმედით), მაშინ ჩემი მხრიდან მისთვის ანაზღაურება სამოთხე იქნება». [75]. [75] გადმოსცემს ალ-ბუხარი ალ-ფათჰთან ერთად 10/116, ნომრით: 5653, ბრჭყალებში მოცემული სიტყვა გადმოცემულია სუნან ათ'თირმიზში, ნომრით: 2400, იხილეთ: საჰიჰ ათ'თირმიზი, 2/286.
8- «არ არსებობს მუსლიმი, რომელსაც რაიმე ტკივილი ან ავადმყოფობა შეემთხვევა ან სხვა განსაცდელი და ალლაჰმა ამით არ მოაშორებს მის ცოდვებს, როგორც ხეს ასცვივებს თავის ფოთლებს» [76]. [76] გადმოსცემს ალ-ბუხარი ალ-ფათჰთან ერთად 10/120, ნომრით: 5648, და მუსლიმი, 4/1991, ნომრით: 2571.
9- «ნებისმიერ მუსლიმს, რომელსაც შეერჭობა ეკალი ან უფრო დიდი რამ შეემთხვევა, ამით მას უფრო მაღალი საფეხური დაეწერება და ამით წაეშლება ცოდვა» [77]. [77] გადმოსცა მუსლიმმა, 4/1991, ნომრით: 2572.
10- «რაც არ უნდა შეემთხვეს მუსლიმს: ავადმყოფობა [78], დაღლილობა [79] დაავადება, მწუხარება, სევდა რომელიც აწუხებს მას [80] — ალლაჰი აუცილებლად აპატიებს მას ამის გამო მისი ცოდვებიდან» [81]. [78] ''ვასაბ'': მოურჩენელი დაავადება, აქედანაა უზენაესი ალლაჰის სიტყვები: {და მათვისაა სასჯელი მოურჩენელი} ანუ: უწყვეტი, მარადიული. იხილეთ ან'ნავავის განმარტება, 16/130. [79] ''ნასაბ'': დაღლილობა. [80] გადმოცემებში ნათქვამია ''იაჰუმმუჰუ'' და ''იუჰამუჰუ'' ანუ: დარდი, ორივე ფორმით სწორია. იხილეთ ან'ნავავის განმარტება საჰიჰ მუსლიმზე, 16/130. [81] გადმოსცა მუსლიმმა, 4/1993, ნომრით: 2573.
11- «ჭეშმარიტად, უდიდეს საზღაურს ახლავს უდიდესი უბედურება, და როდესაც ალლაჰი შეიყვარებს ხალხს გაუგზავნის მათ განსაცდელს, და თუ ისინი იქნებიან ამით კმაყოფილი, მაშინ მიიღებენ კმაყოფილებას, ხოლო თუ განრისხდებიან ამით - მიიღებენ რისხვას» [82] [83]. [85] ათ'თირმიზი, ნომრით: 2698, იბნ მააჯამ ნომრით: 4023, იმამ ალ-ალბანი (ალლაჰმა შეიწყალოს ის) ჰადისს მიიჩნევს კარგად საჰიჰ ათ'თირმიზიში, 2/286.
21- «... უბედურება არ ტოვებს მონას[84] მანამ, სანამ არ დატოვებს მას დედამიწაზე ყოველგვარი ცოდვის გარეშე» [85]. [82] ათ'თირმიზი, ნომრით: 2396, იბნ მააჯა ნომრით: 4031, იმამ ალ-ალბანი (ალლაჰმა შეიწყალოს ის) ჰადისს მიიჩნევს კარგად საჰიჰ ათ'თირმიზიში, 2/286.
7- სევდის და მწუხარების წამალი.
1- მორწმუნეს რაც შეემთხვევა სევდა თუ მწუხარება და იტყვის: «ღმერთო ჩემო, მე შენი მონა ვარ, შენი მონის შვილი და შენი მონა ქალის შვილი, შენს ხელში ვარ, წარსული შენ ბრძანებაშია, შენი დადგენილება სამართლიანია, შენ გთხოვ შენი ყოველი სახელით, რომელიც შენ გეკუთვნის, რომელიც უწოდე შენს თავს, ან ასწავლე რომელიმე შენს ქმნილებას, ან გარდმოავლინე შენს წიგნში, ან შეინახე ის შენთან, შენს დაფარულ ცოდნაში: რომ აქციო ყურანი ჩემი გულის გაზაფხულად, ჩემი მკერდის სინათლედ, ჩემი წუხილის შვებად და ჩემი დარდის გამქრობად», ალლაჰი გაუქრობს მას წუხილს და დარდს და მათ ნაცვლად მისცემს სიხარულს [86]. [86] გადმოსცა აჰმადმა, 1/391, ნომრით: 3712, იმამ ალ-ალბანი ჰადისს სანდოდ მიიჩნევს ''საჰიჰ ათ-თარღიბ ვა ათ-თარჰიბ'', ნომრით 182.
2- «ღმერთო ჩემო! შენ შემოგეკედლები დარდისა და წუხილისაგან, სისუსტისა და სიზარმაცისაგან, სიძუნწისა და სიმხდალისაგან, ვალის სიმძიმისაგან და ადამიანთა ჩაგვრისგან» [87]. [87] ალ-ბუხარი, 7/158, ნომრით 2893, ალლაჰის შუამავალი, ალლაჰის ლოცვა და მშვიდობა მას, ხშირად აკეთებდა ამ ვედრებას, იხილეთ: ალ-ბუხარი ალ-ფათჰთან ერთად 11/173.
8- მწუხარების წამალი.
1- «არ არსებობს ღვთაება, გარდა ალლაჰისა დიდებულისა, შემწყნარებლისა, არ არსებობს ღვთაება, გარდა ალლაჰის, დიდებული არშის ღმერთისა, არ არსებობს ღვთაება, გარდა ალლაჰისა ცათა ღმერთისა, და მიწის ღმერთისა, და დიადი არშის ღმერთისა» [88]. [88] გადმოსცემს ალ-ბუხარი, 7/154 ნომრით: (6346), და მუსლიმი, 4/2092, ნომრით: (2730).
2-
«ალლაჰო, მე შენს მოწყალებას ვიმედოვნებ, ნუ მიმატოვებ საკუთარი თავის იმედად თვალის დახამხამების დროითაც კი, გამიმართე ჩემი ყველა საქმე. არ არსებობს არანაირი ღმერთი შენს გარდა». [89].
3- «არ არსებობს ღვთაება გარდა შენი, დიდებული ხარ შენ, ჭეშმარიტად, მე ვიყავი უსამართლოთაგან» [90]. [90] ჰადისს გადმოსცემს ათ'თირმიზი, 5/529, ნომრით: 3505, ალ-ჰააქიმი სანდოდ მიიჩნევს და მას ეთანხმება აზ-ზაჰაბი, 1/505, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ათ'თირმიზიში, 3/168.
4- «ალლაჰი, ალლაჰია ჩემი ღმერთი, არ დავუდგენ მას არავითარ მოზიარეს» [91]. [91] აბუ დაუდ, 2/87, ნომრით: 1525, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ იბნ მააჯაში, 2/335, და საჰიჰ ათ'თირმიზიში, 4/196.
9- ავადმყოფის მიერ საკუთარ თავზე მკურნალობა
«დადე ხელი იმ ადგილას, რომელიც აგტკივდა და სამჯერ თქვი: ‘ბისმილლაჰ’ (ალლაჰის სახელით), შემდეგ კი შვიდჯერ თქვი: ‘შევეფარები ალლაჰს და მის ძლევამოსილებას ბოროტებისგან, რასაც ვგრძნობ და რისიც მეშინია» [92]. [92] გადმოსცა მუსლიმმა, 4/1728, ნომრით: 2202.
10- ავადმყოფის მკურნალობა მისი მონახულებისას
«ვინც მოინახულებს ავადმყოფს, რომელსაც ჯერ სიკვდილის დრო არ მოსვლია და მასთან იტყვის შვიდჯერ: "ვთხოვ უზენაეს ალლაჰს, დიდებილი არშის ღმერთს, რომ გამოგაჯანმრთელოს", ალლაჰი მას ამ ავადმყოფობისგან გამოაჯანმრთელებს» [93]. [93] გადმოსცა ათ'თირმიზიმ ნომრით: 2083, აბუ დაუდი, ნომრით: 3893, იმამ ალ-ალბანი ჰადისს სანდოდ მიიჩნევს საჰიჰ ათ'თირმიზიში, 2/210, და საჰიჰ ალ-ჯაამი'ში, 5/180.
11- ძილის დროს შიშის და შფოთვის მკურნალობა
«ალლაჰის სრულყოფილ სიტყვებს მივეფარები იმ სიავისგან, რომელიც მან შექმნა: მისი სიბრაზისგან და რისხვისგან, მის მსახურთა ბოროტებისგან, ეშმაკთა ხრიკებისაგან და მათი სიახლოვისაგან» [94]. [94] აბუ დაუდ, 4/12, ნომრით: 3893, იმამ ალ-ალბანი (ალლაჰმა შეიწყალოს ის) ჰადისს მიიჩნევს კარგად საჰიჰ ათ'თირმიზიში 3/171.
12- სიცხის წამალი
თქვა შუამავალმა (ალლაჰის ლოცვა და მშვიდობა მას): «ცხელება არის ჯოჯოხეთის ალიდან, და გააგრილეთ ის წყლით» [95] [95] ალ-ბუხარი ალ-ფათჰთან ერთად 10/174, ნომრით: (3264), და მუსლიმი, 4/1733, ნომრით: (2210).
13- დაგესლილის და ნაკბენის წამალი
1-უნდა წაიკითხო სურა „ალ-ფათიჰა“, დააგროვო ნერწყვი და აფურთხო ნაკბენის ადგილს. [96] [96] ალ-ბუხარი ალ-ფათჰთან ერთად, 10/208, მედიცინის წიგნი, თავი შუამავლის რუყია (ალლაჰის ლოცვა და მშვიდობა მას).
2- დაიმუშავებს მას წყლით და მარილით, შემდეგი სურების კითხვასთან ერთად: {უთხარი: ჰეი, ურწმუნოებო}, და მუავიზათაინი (სურა ალ-ფალაყ და ან-ნაას) [97]. [97] გადმოცემულია ალ-ტაბარანის ალ-მუ'ჯამუ ალ-საღიირში, 2/830, ალ-ჰაისამი ამ ჰადისის გადმოცემათა ჯაჭვს მიიჩნევს კარგად მა'ჯმა' ალ-ზავაიდში, 5/111, იმამ ალ-ალბანი, სანდოდ მიიჩნევს სილსილათუ ალ-აჰადისი ას-საჰიჰა, ნომრით: 548.
14- სიბრაზის წამალი
სიბრაზის მკურნალობა არის ორი ფორმით:
პირველი გზა: დაცვა
ეს მიიღწევა სიბრაზის გამომწვევი მიზეზებისგან შორს ყოფნით, ეს მიზეზებია: სიამაყე, თავმომწონეობა, ტრაბახობა, გასაკიცხი სიხარბე, შეუსაბამო ხუმრობა და იუმორი და სხვა მსგავსი ქმედებები.
მეორე გზა: გაბრაზების შემდეგი წამალი
ეს შემოიფარგლება ოთხი ფორმით:
- ალლაჰზე შეეფარე ქვით ჩაქოლილი შაიტნისგან. "აუზუბილლაჰი მინა შაიტანი რაჯიიმ".
აბდესი (მცირე განბანვა).
მდგომარეობის შეცვლა, რომელშიც გაბრაზებული იყო: დაჯდომა, ან დაწოლა, ან გარეთ გასვლა, ან საუბრისგან თავის შეკავება ან სხვა.
გახსენება იმისა, თუ რა დიდი მადლია სიბრაზის შეკავება, და როგორ სასჯელს იმსახურებს სიბრაზე[98]. [98] ამ ყველაფერზე დაწვრილებითი ინფორმაცია იხილეთ სანდო არგუმენტებით: ენის უბედურებებში, გვ. 110-112, და სიბრძნე ალლაჰისკენ მოწოდებისას, გვ. 64-66 წიგნის ავტორის.
15- შავი მარცვლებით (თმინით) მკურნალობა
თქვა შუამავალმა (ალლაჰის ლოცვა და მშვიდობა მას): «შავ მარცვლებში [თმინში] არის შვება ყველა დაავადებისთვის, გარდა სიკვდილისა» იბნ ჰიშამი ამბობს: ას-საამ : არის სიკვდილი, შავი მარცვლები: შავ თმინს ასევე ეძახიან შუნიზს [99], შავ თმინს ძალიან ბევრი სასარგებლო თვისებები გააჩნია, მისი სიტყვები: "შვებაა ყველა დავაადების", ჰგავს უზენაესი ალლაჰის სიტყვებს: {გაანადგურებს ყველაფერს, მისი ღმერთის ბრძანებით} სურა ალ-აჰყააფ, აიათი: 25. ანუ ყველაფერი რაც ითვალისწინებს განადგურებას და მისი მსგავსები [100]. [99] ალ-ბუხარი ალ-ფათჰთან ერთად 10/143, ნომრით: (5688), და მუსლიმი, 1735, ნომრით: (2215). [100]. იხილეთ: ზაა ალ-მა'აადში, 4/297, და წიგნში მედიცინა ყურანიდან და სუნნადან, სწავლულის აბდულლატიფ ალ-ბაღდადის, გვ.88.
16- მკურნალობა თაფლით
1- თქვა დიდებულმა ალლაჰმა ფუტკართან დაკავშირებით: {გამოდის მისი მუცლიდან სხვადასხვა ფერის დასალევი, მასშია განკურნება ადამიანთათვის, ჭეშმარიტად, ამაში არის სასწაული იმ ხალხისთვის, ვინც დაფიქრდება} სურა ან-ნაჰლ აიათი: 69.
2- თქვა შუამავალმა (ალლაჰის ლოცვა და მშვიდობა მას):
«განკურნება სამ რამეშია: ჰიჯამას (სისხლის გამოშვება) გაკეთებით, თაფლის მიღებით და დამწვრობით მკურნალობით, მაგრამ მე ვუკრძალავ ჩემს თემს დამწვრობით მკურნალობას» [101]. [101] ალ-ბუხარი ალ-ფათჰთან ერთად, 10/137, ნომრით: 5681, ასევე იხილეთ თაფლის სასარგებლო თვისებები: ზაად ალ-მა'აადში, 4/50-62, და წიგნში მედიცინა ყურანიდან და სუნნადან, სწავლულის მუვაფფაყუდდიინ აბდულლატიფ ალ-ბაღდადის, გვ.129-136.
17- ზამზამის წყლით მკურნალობა
შუამავალმა (ალლაჰის ლოცვა და მშვიდობა მას) თქვა ზამზამის წყლის შესახებ: «ზამზამის წყალი კურთხეულია და ის არის საკვები, რომელიც კვებავს [და ავადმყოფობის წამალი]» [102]. [102] გადმოსცემს მუსლიმი, 4/1922, ნომრით: 2473, ბრჭყალებში მოცემული ნაწილი გადმოცემულია ალ-ბაზზაარში, 2/86, და ალ-ბაიჰაყის ას-სუნან ალ-ქუბრაში, 5/147, ასევე ატ-ტაბარანის ალ-მუ'ჯამ ალ-ავსატში, 3/247, გადმოცემათა ჯაჭვი არის სანდო, იხილეთ: მაჯმა' აზ-ზავააიდში, 3/286.
2- ჯაბირის ჰადისი: «ზამზამის წყალი იმისთვისაა, რისთვისაც მას სვამენ» [103]. [103] ჰადისი გადმოსცა იბნ მააჯამ, ნომრით: 3062, და სხვებმა, იმამ ალ-ალბანი ჰადისს სანდოდ მიიჩნევს, საჰიჰ იბნ მააჯაში, 2/183, და ირვაა ალ-ღალილში, 4/320.
3- სარწმუნოდ გადმოცემულია შუამავლისაგან (ალლაჰის ლოცვა და მშვიდობა მას), რომ ის: ''ატარებდა ზამზამის წყალს [სისუფთავისთვის] და ჭურჭლით, ის მას ავადმყოფებს ასხამდა და ალევინებდა'' [105]. თქვა იბნ ალ-ყაიმმა (ალლაჰმა შეიწყალოს ის): «მეც და სხვებმაც ზამზამის წყლის დალევით ძალიან ბევრი გასაოცარი რამე ვიხილეთ, მე მას მრავალი ავადმყოფობის დროს ვსვამდი და გამოვჯამრთელდი [106] უზენაესი ალლაჰის ნებით» [107]. [104] ალ-იდავა: გამასუფთავებელი, ალ-მუხთარ ას-სიჰააჰ, 11/1. [105] გადმოსცემს ათ'თირმიზი, 1/180, ნომრით: 963, ალ-ბაიჰაყი, 5/202, იმამ ალ-ალბანი (ალლაჰმა შეიწყალოს ის) ჰადისს მიიჩნევს სანდოდ საჰიჰ ათ'თირმიზიში, 1/284, ასევე სილსილათუ ალ-აჰადისი ას-საჰიჰა, 2/572, ნომრით: 883, ზაად ალ-მა'აად, 4/392. [106] და სხვა ჰიჯაზის მკვიდრნიც ამბობებ: '' ფაბარითუ فَبَرِئْتُ გამოვჯანმრთელდი''. იხილეთ: ალ-ნიჰაია ფი ღარიბი ალ-ჰადის, 1/111. [107] ზად ალ-მა'აად ,4/393, და 178.
18- გულის დაავადებების წამალი
გული სამგვარია:
1- ჯანსაღი გული: ეს არის ის, რომლის გარეშეც ვერავინ გადარჩება განკითხვის დღეს, გარდა ის, ვისაც აქვს ჯანსღი გული, უზენაესი ალლაჰი ამბობს: {დღე როცა სარგებელი არ ექნება ქონებას და შვილებს (88) გარდა ვინც მივა ალლაჰთან სუფთა გულით} სურა აშ-შუ'არაა, ორი აიათი: 88-89.
ჯანსაღია ის გული, რომელიც განთავისუფლებულია ყოველი იმ სურვილისგან, რაც ალლაჰის ბრძანებებსა და აკრძალვებს არ შეესაბამება; რომელიც უარყოფს ყოველგვარ საეჭვოს, რაც ეწინააღმდეგება ალლაჰის მიერ გარდამოსულს; რომელიც აღარ არის არავის მონა ალლაჰის გარდა და რომელმაც უარი თქვა მიმართოს განსჯისთვის ვინმეს გარდა ალლაჰისა და მისი მოციქულისა (ალლაჰის ლოცვა და მშვიდობა მას).
საერთო ჯამში ჯანსაღი და სუფთა გული არის ის: რომელიც შორს არის, რომ მასში იყოს ალლაჰთან ერთად სხვა მოზიარე რაიმე ფორმით; პირიქით, მისი თაყვანისცემა წრფელია ალლაჰის წინაშე; მართვით, სიყვარულით, მინდობით, სასოებით, ქედისმოხრით, შიშით და იმედით. მისი ქმედებები წრფელია ალლაჰის წინაშე, თუ შეიყვარებს, შეიყვარებს ალლაჰის გულისთვის, თუ შეიძულებს, შეიძულებს ალლაჰის გულისთვის, თუ გასცემს, გასცემს ალლაჰის გულისთვის, თუ აკრძალავს, აკრძალავს ალლაჰის გულისთვის, მისი ყველა დარდი ალლაჰს უკავშირდება, მისი ყველა სიყვარული ალლაჰს უკავშირდება, მისი სული, სხეული, ქმედებები, ძილი, სიფხიზლე, საუბარი ყველაფერი ალლაჰს ეკუთვნის, მისთვის ყველაზე საყვარელი საუბარი ალლაჰზე საუბარია, მისი ფიქრი ყოველთვის ალლაჰის კმაყოფილება და სიყვარულია [108], უზენაეს ალლაჰს ვთხოვ მოგვცეს ასეთი გულები. [108] იხილეთ: იმამ იბნ ალ-ყაიმის (ალლაჰმა შეიწყალოს ის) ნაშრომი. გაჭირვებულის დახმარება ეშმაკის ხაფანგებისგან(ვნებებისგან), 1/7, და 73.
2- მკვდარი გული: ეს არის პირველის საპირისპირო, ეს არის გული, რომელმაც არ იცის მისი გამჩენი, არ ეთაყვანება მას, მის ბრძანენებს არ ასრულებს, არ აკეთებს იმას, რაც უყვარს და რითიც არის კმაყოფილი; პირიქით, ის იმყოფება ვნებებში და განცხრომაში, თუნდაც ეს ყველაფერი იწვევდეს მისი ღმერთის რისხვას და სიბრაზეს, ის ეთაყვანება ალლაჰის გარდა სხვას: სიყვარულით, შიშით, იმედით, კმაყოფილებით, განრისხებით, განდიდებით და თავის დახრით, თუ გაბრაზდა, გაბრაზდება თავისი ვნებების გამო, თუ შეიყვარა, შეიყვარებს თავისი ვნებების გამო, თუ გასცა, გასცემს თავისი ვნებების გამო, თუ აკრძალა, აკრძალავს თავისს ვნებების გამო, მისი ვნებები მისი იმამია, გრძნობები - წინამძღოლი, უცოდინრობა - მძღოლი და უგულისყურობა - ტრანსპორტი, რაშიც ზის [109]. ალლაჰს ვთხოვ, დაგვიფაროს მსგავსი გულისგან. [109] იხილეთ: იმამ იბნ ალ-ყაიმის (ალლაჰმა შეიწყალოს ის) ნაშრომი. გაჭირვებულის დახმარება ეშმაკის ხაფანგებისგან, 1/9.
3- ავადმყოფი გული: ეს არის გული, რომელიც ჯერ კიდევ ცოცხალია, ის არის დაავადებული, მას აქვს ორი მდგომარეობა - ზოგჯერ ერთ მდგომარეობაშია, ზოგჯერ სხვა მდგომარეობაშია, მისი მდგომარეობა იცვლება იმისდა მიხედვით თუ რა რომელი მდგომარეობა სძლევს მას, ამ გულში არსებობს უზენაესი ალლაჰის შიში, მისი რწმენა, მის მიმართ გულწრფელობა და მასზე მიკედლება: ხოლო მდგომარეობა, რომელშიც მხოლოდ ეს ქვეყანა არსებობს - მასშია ვნებების სიყვარული და მათი განხორციელებისთვის მცდელობა, შური, სიამაყე, თავმომწონეობა, დიდების სიყვარული, მმართველობით დედამიწაზე არეულობის გავრცელება, ორპირობა, თავისმოსაწონი ქმედებები, ხელმომჭირნეობა და სიძუნწე, რაც არის მისი გაფუჭების და განადგურების მდგომარეობა[ 110]. ალლაჰმა დაგვიფაროს მსგავსი გულისგან. [110] იხილეთ: გაჭირვებულის დახმარება, 1/9.
გულის მკურნალობა ყველა მისი დაავადებებისაგან მოცემულია წმინდა ყურანში.
თქვა უზენაესმა ალლაჰმა: {ეი, ადამიანებო! ჭეშმარიტად მოვიდა თქვენთან შეგონება თქვენი ღმერთისგან და განკურნება იმისა, რაც არის გულებში, ჭეშმარიტი გზა, და წყალობა მორწმუნეთათვის} სურა იუნუს, აიათი: 57. უზენაესმა თქვა: {და გარდმოვავლენთ ყურანიდან, რაშიც არის განკურნება და წყალობა მორწმუნეთათვის, და არ შეჰმატებს უსამართლოებს გარდა წაგებისა} სურა ალ-ისრაა აიათი: 82.
გულის დაავადებები ორგვარია:
პირველი სახეობა, რომლის არსებობის შემთხვევაში გულის პატრონი ვერავითარ ტკივილს ვერ გრძნობს, ეს ავადმყოფობა არის უცოდინრობა, ეჭვები და მცდარი აზრები, ეს არის ორივე სახეობიდან ყველაზე მტკივნეული მდგომარეობა, მაგრამ გულის უვარგისობის გამო ის ვერაფერს გრძნობს.
მეორე სახეობა: მდგომარეობა, რომელიც იწვევს ტკივილს: როგორიცაა სევდა, დარდი, მწუხარება და სიბრაზე, ეს ავადმყოფობა შეიძლება გაქრეს ბუნებრივი მკურნალობით, მათი გამომწვევი მიზეზების გაქრობით და სხვა [111]. [111] იხილეთ: გაჭირვებულის დახმარება, 1/44.
გულის მკურნალობა შესაძლებელია ოთხი საშუალებით:
პირველი: წმინდა ყურანით; რადგან ის არის განკურნება გულში არსებული ეჭვების, აქრობს მასში არსებული შირქის კვალს, ურწმუნოების სიბინძურეს, ეჭვების და ვნებების დაავადებებს, ის არის ჭეშმარიტი გზა მისთვის, ვინც მას შეისწავლის და იმოქმედებს მისით, და წყალობა მორწმუნეთათვის, რაც იქნება მათთვის ამქვეყნიური თუ იმქვეყნიური ჯილდო, უზენაესი ალლაჰი ამბობს: {განა ის, ვინც (სულიერად) მკვდარი იყო და (რწმენით) გამოვაცოცხლეთ; გამოვაცოცხლეთ და მივმადლეთ ნათელი, რითაც ხალხში დაიარება, – მსგავსია იმისა, რომლის მაგალითიც ბნელეთში მყოფისას ჰგავს, საიდანაც არ არის გამომსვლელი? ამგვარად მოკაზმულა ურწმუნოთათვის ის, რასაც აკეთებენ} სურა ალ-ან'ამ, აიათი: 122.
მეორე: გულს, რომელსაც სამი რამ ესაჭიროება:
1- რაც მის სიძლიერეს შეუწყობს ხელს და ეს შესაძლებელია რწმენით, კარგი ქმედებებით და ყოველდღიური ღვთისმსახურების რიტუალებით.
2- გულის დაცვა ყოველგვარი დაზიანებებისაგან, ეს შესაძლებელია ყველა ცოდვისგან და სხვადასხვა დარღვევებისგან შორს ყოფნით.
3- ყველა შემაწუხებელი მდგომარეობიდან შორს ყოფნა, ეს მოხდება მონანიებით და მიტევების თხოვნით.
მესამე: გულის დავადებების მკურნალობა, სულით მასზე კონტროლის დამყარებით.
მას აქვს ორი გამოსავალი: ანგარიშის მოკითხვა და წინააღმდეგობა, ანგარიშის მოკითხვა ორი სახეობისაა:
პირველი სახეობა: საქმის შესრულებამდე, ამას აქვს ოთხი მდგომარეობა:
1- ძალუძს თუ არა მას ეს საქმე?
2- ამ საქმის გაკეთება უკეთესია მისთვის, თუ მიტოვება?
3- ამ ქმედებით მას ალლაჰის კმაყოფილება სურს?
4- შეუძლია ამ საქმის დაძლევა, თუ მას ჰყავს დამხმარეები რომლებიც დაეხმარებიან ამ საქმეში და შეეწევიან მას, თუ ეს საქმე საჭიროებს დამხმარეებს? თუ ამ კითხვაზე მას გააჩნია პასუხი წამოიწყებს მას, თუ არა და არ უნდა შეუდგეს ამ საქმეს არასდროს.
მეორე სახეობა: საქმის წამოწყების შემდეგ, მას აქვს სამი მდგომარეობა:
1- საკუთარი თავის განსჯა, რომელიც სრულყოფილად არ დამორჩილდა და უზენაესი ალლაჰის უფლებაში დაარღვია რაიმე, არ ყოფილა ისე, როგორც მისგან იყო სასურველი რომ ყოფილიყო, უზენაესი ალლაჰის უფლებებია: გულწრფელობა: რჩევა-დარიგება, თვალყურის დევნება, სიკეთეზე დამოწმება, ალლაჰის მასზე ნაბოძები წყალობის დამოწმება, ამის შემდეგ მისი მხრიდან ყველა დარღვევის დამოწმება.
2- საუთარი თავის განსჯა ყველა იმ ქმედებისათვის, რომლის მიტოვებაც უკეთესი იყო ვიდრე ჩადენა.
3- საკუთარი თავის განსჯა იმ ნებაყოფილობითი ან სასურველი ქმედების გამოტოვებისთვის, რომლის შესრულებაც შეეძლო, ამით თუ სურდა მას ალლაჰის კმაყოფილება და ის ქვეყანა რათა მოგებული ყოფილიყო? თუ მას სურდა ეს ქვეყანა და ამით ის იქნება წაგებული.
ამ ყველაფრის შეკრება იქნება, რომ ადამიანმა პირველ რიგში საკუთარი თავი განსაჯოს სავალდებულო ღვთისმსახურებების გამო, შემდეგ საკუთარ თავს გაუწიოს ანგარიში თუ აქვს რაიმე დარღვევები, შემდეგ განსაჯოს აკრძალულებში, თუკი მიხვდება რომ მან ჩაიდინა რაიმე აკრძალული ქმედება აუცილებლად უნდა იჩქაროს მონანიებისაკენ და ალლაჰზე მიტევების თხოვნა, შემდეგ ის რაც ჩაიდინა ორგანოებით, შემდეგ კი უგულისყურობის გამო [112]. [112] იხილეთ: გაჭირვაბულის დახმარება, 1/136.
მეოთხე საქმე: გულის დაავადების მკურნალობა მასზე ეშმაკის გაბატონებისაგან:
ეშმაკი არის ადამიანის მტერი, ადამიანი შორს უნდა იყოს მისგან იმ ქმედებებით, რაც ალლაჰმა მას დაუდგინა და მისგან მიკედლებით, გადმოცემულია რომ შუამავალმა (ალლაჰის ლოცვა და მშვიდობა მას) ერთად შეკრიბა საკუთარი სულის სიბოროტისგან და ეშმაკის სიბოროტისგან მიკედლება, მან უთხრა აბუ ბაქარს: «"თქვი: ო ღმერთო, ცებისა და მიწის შემქმნელო, ფარულისა და აშკარას მცოდნეო, ცათა და მიწის შემქმნელო, ბატონო და მეუფევ ყოველივესი! ვამოწმებ, რომ არ არსებობს ღმერთი შენს გარდა, შენ შეგეფარები ჩემი სულის სიავისგან, შაიტანის სიავისა და შირქისგან (მრავალღმერთიანობისგან), და იმისგან, რითაც ზიანს მივაყენებ ჩემს თავს ან ზიანს მივაყენებ რომელიმე მუსლიმს", ეს წარმოთქვი დილით და საღამოს და მაშინ როცა დაწვები დასაძინებლად» [113]. [113] გადმოსცა ათ'თირმიზიმ ნომრით: 3392, აბუ დაუდი, ნომრით: 5058, იმამ ალ-ალბანი ჰადისს სანდოდ მიიჩნევს საჰიჰ ათ'თირმიზიში, 3/142.
ალლაჰზე მიკედლება, მინდობა და გულწრფელობა ხელს უშლის ეშმაკის გაბატონებას [114]. [114] იხილეთ: გაჭირვებულის დახმარება, 1/45-162.
ალლაჰმა დალოცოს და მიესალმოს მის მსახურსა და მოციქულს მუჰამმადს, მის ოჯახს, მის ყველა საჰაბას და მათ, ვინც სიკეთით გაჰყვა მათ განკითხვის დღემდე.
Related books
All books
გზავნილი ჯადოქრობისა და მკითხაობის დადგენილებაზე28 languagesგზავნილი ჯადოქრობისა და მკითხაობის დადგენილებაზე
ავტორი: შეიხ აბდულ-აზიზ ბინ აბდულლაჰ ბინ ბააზ ალლაჰმა შეიწყალოს ის სახელითა ალლაჰისა მოწყალისა, შემწყალებლისა ჯადოქრობის, მკითხაობისა და მათთან დაკავშირებული საკითხების შესახებ განაჩენი [1] [1] აღნიშნული სტატიის ნაწილი გამოქვეყნდა " مجموع فتاوى ومقالات متنوعة "-ს მესამე ტომში სათაურით: "حكم السحر والكهانة وما يتعلق بها" („ჯადოქრობის, მკითხაობის და მათთან დაკავშირებული საკითხების განაჩენი“). ასევე, სტატია სრულად გამოიცა "رسالة في حكم السحر والكهانة" („ჯადოქრობისა და მკითხაობის განაჩენის შესახებ გზავნილი“) სახელწოდებით რელიგიური ადმინისტრაციის მიერ. სტატია ასევე გამოქვეყნდა ჟურნალებში:…
დიდი ცოდვების ლექსიკონი13 languagesდიდი ცოდვების ლექსიკონი
წიგნი დეტალურად განმარტავს ისლამში ყველაზე მნიშვნელოვან დიდ ცოდვებს, დაწყებული მრავალღმერთიანობით და მოიცავს ალლაჰზე და მის მოციქულზე სიცრუეს, ბიდათს(სიახლეს), რიას (თვალთმაქცობას), ასევე ლოცვის მიტოვებას, მრუშობასა და ქურდობას. გარდა ამისა, წიგნი განმარტავს ამ დიდი ცოდვების ზიანს ამქვეყნად და საიქიოში, ყურანიდან და სუნნადან მოტანილი მტკიცებულებების საფუძველზე, და ეხება ამ ცოდვებისგან თავდაცვისა და განკურნების გზებს მონანიების, ღვთისმოშიშებისა და კეთილი საქმეების გზით.
ჰაჯობასთან, უმრასთან და მონახულებასთან დაკავშირებული მრავალი საკითხის გამოკვლევა და განმარტება, ყურანისა და სუნნას შუქზე54 languagesჰაჯობასთან, უმრასთან და მონახულებასთან დაკავშირებული მრავალი საკითხის გამოკვლევა და განმარტება, ყურანისა და სუნნას შუქზე
წიგნი ყურანისა და სუნნას შუქზე განმარტავს ჰაჯობის, უმრასა და მონახულების დადგენილებებს, ჰაჯობისა და უმრას ვალდებულებებს, იჰრამის დროს აკრძალულ საქმეებსა და შუამავლის მეჩეთის მონახულების წესებს, და აფრთხილებს ამ ღვთისმსახურებებში რელიგიაში ახლადშემოტანილი საქმეებისგან.
მუსლიმის სიმაგრე - ვედრებები წიგნიდან და სუნიდან57 languagesმუსლიმის სიმაგრე - ვედრებები წიგნიდან და სუნიდან
წიგნში თავმოყრილია ზიქრები ყურანიდან და სუნნადან, რათა გაადვილდეს მათი წარმოთქმა სხვადასხვა დროსა და ვითარებაში; ის მოიცავს ვედრებებს გაღვიძების, განბანის, ლოცვის, მგზავრობისა და სხვა შემთხვევებისთვის, რაც მუსლიმს საკუთარი თავის დაცვაში ეხმარება, რათა იყოს ალლაჰის მფარველობისა და მზრუნველობის ქვეშ.