حكم السحر والكهانة
გზავნილი ჯადოქრობისა და მკითხაობის დადგენილებაზე ავტორი: შეიხ აბდულ-აზიზ ბინ აბდულლაჰ ბინ ბააზ ალლაჰმა შეიწყალოს ის სახელითა ალლაჰისა მოწყალისა, შემწყალებლისა ჯადოქრობის, მკითხაობისა და მათთან დაკავშირებული საკითხების შესახებ განაჩენი [1] [1] აღნიშნული სტატიის ნაწილი გამოქვეყნდა " مجموع فتاوى ومقالات متنوعة "-ს მესამე ტომში სათაურით: "حكم السحر والكهانة وما يتعلق بها" („ჯადოქრობის, მკითხაობის და მათთან დაკავშირებული საკითხების განაჩენი“). ასევე, სტატია სრულად გამოიცა "رسالة في حكم السحر والكهانة" („ჯადოქრობისა და მკითხაობის განაჩენის შესახებ გზავნილი“) სახელწოდებით რელიგიური ადმინისტრაციის…
These files are generated automatically from the book's text; their layout may differ from the printed edition.
გზავნილი ჯადოქრობისა და მკითხაობის დადგენილებაზე
ავტორი: შეიხ აბდულ-აზიზ ბინ აბდულლაჰ ბინ ბააზ
ალლაჰმა შეიწყალოს ის
სახელითა ალლაჰისა მოწყალისა, შემწყალებლისა
ჯადოქრობის, მკითხაობისა და მათთან დაკავშირებული საკითხების შესახებ განაჩენი [1]
[1] აღნიშნული სტატიის ნაწილი გამოქვეყნდა " مجموع فتاوى ومقالات متنوعة "-ს მესამე ტომში სათაურით: "حكم السحر والكهانة وما يتعلق بها" („ჯადოქრობის, მკითხაობის და მათთან დაკავშირებული საკითხების განაჩენი“). ასევე, სტატია სრულად გამოიცა "رسالة في حكم السحر والكهانة" („ჯადოქრობისა და მკითხაობის განაჩენის შესახებ გზავნილი“) სახელწოდებით რელიგიური ადმინისტრაციის მიერ. სტატია ასევე გამოქვეყნდა ჟურნალებში: "اليمامة" და "البحوث الإسلامية".
ქება-დიდება მხოლოდ ალლაჰს, ლოცვა და მშვიდობა მას, ვის შემდეგ აღარ მოვა მოციქული, და შემდეგ:
ბოლო დროს ჯადოქრებისა და მკითხავების მომრავლების გამო, რომლებიც აცხადებენ, რომ ექიმები არიან და მკურნალობენ ჯადოს ან მკითხაობის საშუალებით, და მათი გავრცელების გამო ზოგიერთ ქვეყანაში, ისინი ხშირად იყენებენ უმეცარი და გულუბრყვილო ადამიანების მდგომარეობას. ამიტომ, ვხედავ, რომ ალლაჰისა და მისი მონებისადმი რჩევის გათვალისწინებით აუცილებელია ავხსნა, რა დიდ საფრთხეს წარმოადგენს ეს ისლამისა და მუსლიმებისთვის. ეს დაკავშირებულია ალლაჰის გარდა სხვა ძალებზე დამოკიდებულებასთან, და პირდაპირ ეწინააღმდეგება ალლაჰისა და მისი მოციქულის ბრძანებას.
უზენაესი ალლაჰის დახმარებით ვამბობ, რომ ერთსულოვნად ნებადართულია მკურნალობა, მუსლიმის შეუძლია მივიდეს ექიმთან შინაგანი, ქირურგიული, ნერვული და სხვა მსგავსი დაავადებების გამო. პიროვნებას რომელსაც აქვს დაავადება მას შეუძლია იმკურნალოს მისთვის შესაფერისი რელიგიურად ნებადართული პრეპარატებით, იმის შესაბამისად, როგორც არის სამედიცინო სფეროში ცნობილი. რადგან ეს არის ზოგადი მიზეზბების შექმნის მხრივ მოქმედება და არ გამორიცხავს ალლაჰზე იმედის დამყარებას. უეჭველად, უზენაესმა ალლაჰმა მოავლინა ავადმყოფობა და მასთან ერთად მოავლინა მისი წამალიც, ამის ცოდნა აქვს ზოგიერთს, ზოგს კი არა. თუმცა, ალლაჰმა არ დაუშვა თავისი მსახურების განკურნება იმით, რაც მათთვის აკრძალულია.
არ არის ნებადართული ავადმყოფისთვის მივიდეს მკითხავებთან, რომლებიც ამტკიცებენ დაფარულის ცოდნას, და ჰკითხოს მათ მისი ავადმყოფობის შესახებ, ასევე არ შეიძლება დაადასტუროს ის, რასაც ისინი ეუბნებიან, რადგან ისინი საუბრობენ დაფარულ ცოდნაზე, ან ისინი მოუხმობენ ჯინებს დასახმარებლად იმ ყველაფერში რაც მათ სურთ, ამ პიროვნებების დადგენილება ურწმუნოება და გზასაცდენილობაა თუ ისინი ამტკიცებენ, რომ მათ აქვთ დაფარულის ცოდნა. გადმოსცა მუსლიმმა თავის საჰიჰში, რომ შუამავალმა (ალლაჰის ლოცვა და მშვიდობა მას) თქვა: «ვინც მივა მკითხავთან და ჰკითხავს რაიმეს, მისი ლოცვა არ მიიღება ორმოცი დღის განმავლობაში». აბუ ჰურეირა (ალლაჰი იყოს მისით კმაყოფილი) გადმოსცემს, რომ შუამავალმა (ალლაჰის ლოცვა და მშვიდობა მას) თქვა: «ვინც მივიდა მკითხავთან და დაიჯერა ის, რასაც ის ამბობს, მან უარყო, რაც გარდმოევლინა მუჰამმადს (ალლაჰის ლოცვა და მშვიდობა მას)». ეს ჰადისი გადმოცემულია აბუ დაუდის მიერ და ჩაწერილია ოთხი სუნანის ავტორების მიერ. ალ-ჰაქიმმა ამ ჰადისს სანდოობის ხარისხი მიანიჭა და ის მოციქულისგან (ალლაჰის ლოცვა და მშვიდობა მას) გადმოცემულია შემდეგი სიტყვებით: «ვინც მივა მკითხავთან ან ჯადოქართან და დაუჯერებს მის ნათქვამს, უარყოფს იმას, რაც მუჰამმადზე (ალლაჰის ლოცვა და მშვიდობა მას) არის გარდმოვლენილი». იმრაან ბინ ჰუსაინი (ალლაჰი იყოს მისით კმაყოფილი)გადმოსცემს, რომ ალლაჰის შუამავალმა (ალლაჰის ლოცვა და მშვიდობა მას) თქვა: «ჩვენგან არ არის ის, ვინც ჩიტების ფრენით მკითხაობს ან მისთვის მკითხაობენ მათით, ვინც იმკითხავა ან ვისაც უმკითხავეს, ვინც ჯადო გააკეთა ან მივიდა ჯადოქართან, ვინც მივიდა მკითხავთან და დაიჯერა ის, რასაც ის ამბობს, მან უარყო ის, რაც გარდმოევლინა მუჰამმადს (ალლაჰის ლოცვა და მშვიდობა მას)». გადმოსცა ალ-ბაზზარიმ კარგი გადმოცემათა ჯაჭვით.
ამ კეთილშობილ ჰადისებში მკაცრად აკრძალულია მკითხავებთან, ჯადოქრებთან და მათ მსგავსებთან მისვლა, მათზე შეკითხვა და მათი სიტყვების დაჯერება, რაც სერიოზულ სასჯელს იწვევს. ამასთან, მმართველებს, პატრონაჟის მქონე პირებსა და ყველა იმ ადამიანს, ვისაც რაიმე ძალაუფლება ან შესაძლებლობა აქვს, ევალება მკითხავებთან და ჯადოქრებთან მისვლის აკრძალვა, მათზე მკაცრი უარყოფითი დამოკიდებულების გამოხატვა, ბაზრებში და სხვა ადგილებში მათი საქმიანობის შეზღუდვა და მათთან მისულთა მკაცრი გაკიცხვა. დასაშვები არ არის რომ მოგვატყუოს მათი ზოგიერთი სიტყვის გამართლებამ ზოგიერთ საკითხში და არც იმით მოვტყუვდეთ, რომ ბევრი ადამიანი მიდის მათთან, რადგან ეს ადამიანები უმეცრები არიან. მათი სიმართლის საფუძველზე ხალხის მოტყუება დაუშვებელია, რადგან მოციქულმა (ალლაჰის ლოცვა და მშვიდობა მას) მკაცრად აკრძალა მათთან მისვლა, მათზე შეკითხვა და მათი დაჯერება. ეს ყველაფერი მძიმე ცოდვად ითვლება, დიდ საფრთხეს შეიცავს და ცუდ შედეგებს იწვევს, რადგან ისინი მატყუარები და უწმინდურები არიან. ეს ჰადისები მოწმობენ მკითხავისა და ჯადოქრის ურწმუნოებაზე, რადგან ისინი ამტკიცებენ დაფარულის ცოდნას, რაც ურწმუნოებაა. ისინი თავიანთ მიზანს აღწევენ მხოლოდ ჯინების სამსახურითა და ალლაჰის ნაცვლად მათი თაყვანისცემით, რაც ალლაჰისადმი ურწმუნოება და შირქია. ის, ვინც იჯერებს მათ განცხადებას დაფარულის ცოდნის შესახებ, მათი მსგავსი ხდება. ხოლო ვინც ამ საქმეებს იღებს იმ ადამიანისგან, ვინც მაგ საქმიანობას ეწევა, ალლაჰის შუამავლისგან (ალლაჰის ლოცვა და მშვიდობა მას) შორს არიან. მუსლიმს არ აქვს უფლება, დაეთანხმოს იმ მეთოდებს, რომლებსაც ისინი მკურნალობისთვის სთავაზობენ, მაგალითად, შელოცვების წარმოთქმას, ტყვიის ჩამოსხმასა და სხვა ცრურწმენებს, რომლებსაც ისინი პრაქტიკაში იყენებენ. ეს მიეკუთვნება ჯადოქრობას და ადამიანების შეცდომაში შეყვანას. ვინც ამას ეთანხმება, ეხმარება მათ სიცრუეში და ურწმუნოებაში. როგორც ასევე დაუშვებელია, რომ რომელიმე მუსლიმი მათთან მივიდეს და სთხოვოს ინფორმაცია, ვისზე დაქორწინდება მისი შვილი ან ახლობელი, ან რა ურთიერთობა იქნება მეუღლეებსა და მათ ოჯახებს შორის, მათ შორის იქნება სიყვარული, ურთიერთპატივისცემა თუ იქნება მტრობა და განხეთქილება და მსგავსი.
რადგან ეს არის დაფარული ცოდნიდან, რომელიც ყოვლადუნაკლო და უზენაესი ალლაჰის გარდა არავინ უწყის.
ჯადოქრობა არის აკრძალული ურწმუნოება, როგორც თქვა უზენაესმა ალლაჰმა ორი ანგელოზის ამბავთან დაკავშირებით სურა ალ-ბაყარაში: «მაგრამ ის ორნი ისე არ ასწავლიდნენ ხალხს, თუ არ ეტყოდნენ: ჩვენა ვართ ცდუნება, და ურწმუნო ნუ იქნებით! და სწავლობდნენ (ადამიანები) მათგან როგორ გაეყარათ ერთმანეთისგან ცოლ-ქმარი, მაგრამ ამით (ჯადოსნობით) ზიანს ვერავის მიაყენებდნენ, თუ არა ალლაჰის ნება. და სწავლობდნენ იმას, რაც ავნებდა და არ გამოადგებოდა მათ; იცოდნენ ისიც, რომ ვინც ამას ასწავლის, წილი არ ექნება საიქიოში. და რა ცუდია ის, რაზეც თავიანთი სული გაყიდეს, მათ რომ სცოდნოდათ!» [2] [2] სურა ალ-ბაყარა, აიათი: 102.
ეს წმინდა აიათები მიუთითებს, რომ ჯადოსნობა არის ქუფრი (ურწმუნოება) და რომ ჯადოქრები მეუღლეებს აშორებენ ერთმანეთს. ასევე, აიათები აჩვენებს, რომ ჯადოსნობა თავისთავად არ ახდენს გავლენას არც სასარგებლოდ და არც საზიანოდ, არამედ მოქმედებს მხოლოდ ალლაჰის ნებართვით და მისი ბედისწერით, რადგან უზენაესმა ალლაჰმა შექმნა როგორც სიკეთე, ასევე ბოროტება. ამ უსამართლოებზე, რომლებიც წარმართებისგან მემკვიდრეობით იღებენ ამ ცოდნას და ავრცელებენ მას გონებით სუსტ ადამიანებზე, დიდია ზიანი და მძიმეა საფრთხე. ჩვენ ალლაჰს მივეკუთვნებით და მასთან დავბრუნდებით, საკმარისია ჩვენთვის ალლაჰი და რა დიდებული მფარველია ის. ასევე, ეს წმინდა აიათი მიუთითებს, რომ ისინი, ვინც ჯადოსნობას სწავლობენ, სწავლობენ იმას, რაც მათ ვნებს და არ არგებს. მათ ალლაჰთან არ აქვთ ხვედრი (ანუ არ აქვთ ბედნიერებისა და სიმშვიდის წილი). ეს არის დიდი გაფრთხილება, რომელიც მიუთითებს მათ მძიმე დანაკარგზე ამქვეყნად და მომავალ ცხოვრებაში. მათ საკუთარი თავი ყველაზე იაფად გაყიდეს. ამიტომ უზენაესმა ალლაჰმა გაკიცხა ისინი და თქვა: «და რა ცუდია ის, რაზეც გაყიდეს თავიანთი სულნი, რომ სცოდნოდათ» [3] აიათში მოცემული სიტყვა "ყიდვა" - გაყიდვის მნიშვნელობითაა. [3] სურა ალ-ბაყარა, აიათი: 102.
ალლაჰს ვთხოვ მშვიდობას და დაცვას ჯადოქრებისგან, მკითხავებისგან და სხვა მარჩიელებისგან. ასევე ვთხოვ ყოვლადუნაკლოს დაიფაროს მუსლიმები მათი ბოროტებისგან, წარმატება მისცეს მუსლიმთა მმართველებს მათგან სიფრთხილეში და მათზე ალლაჰის დადგენილების სისრულეში მოყვანაში, რათა დაისვენონ მორწმუნეებმა მათი ბოროტებისგან და მათი ბინძური ქმედებებისგან. ჭეშმარიტად, ალლაჰი ხელგაშლია და დიდსულოვანი.
ალლაჰმა თავისი მონებისთვის დაადგინა საშუალებები, რომლითაც მათ შეუძლიათ დაიცვან თავი ჯადოს ბოროტებისგან, სანამ ის მოხდება. ასევე, ალლაჰმა განმარტა, როგორ განიკურნონ მისგან, თუ ის უკვე განხორციელდა. ეს ყველაფერი მისი წყალობისა და სიკეთის გამოხატულებაა თავისი მონების მიმართ და იმისთვის, რომ მისი წყალობა სრულიად გაეღოს მათზე.
მომდევნო ნაწილში ვნახავთ ჯადოქრობის საფრთხისგან თავის დაცვის საშუალებებს მანამ, სანამ ის განხორციელდება და იმას, თუ როგორ ვიმკურნალოთ მისი განხორციელების შემდეგ რელიგიურად ნებადართული საშუალებებით.
რაც შეეხება ჯადოქრობისგან თავის დაცვას მანამ, სანამ ის მოხდება, მათ შორის ყველაზე მნიშვნელოვანი და სასარგებლო არის: თავის დაცვა რელიგიური ლოცვებით, ვედრებებით და ღმერთზე მიკედლება გადმოცემული ისლამური ტექსტებით, ესენია: აიათულ-ქურსის კითხვა ყველა სავალდებულო ლოცვის შემდეგ, სალამის მიცემის შემდეგ არსებული ლოცვების წაკითხვის ბოლოს, ასევე მისი კითხვა ძილის წინ, აიათულ ქურსი ყველაზე ძვირფასი აიათია ძვირფას ყურანში, ის არის უზენაესის სიტყვები: «არ არის ღვთაება, ალლაჰის, უკვდავის, მარადისის გარდა, თვლემა არ ეუფლება მას და არც ძილი. მისია, რაც ცაშია და რაც ქვეყანაზე, და მის წინაშე არავის შეუძლია იშუამდგომლოს, თუ არა მისი ნება. მან იცის, რაც მათ უწინაა და რაც მათ შემდგომაა. ისინი კი მის ცოდნისგან მხოლოდ იმას გასწვდებიან, რასაც ინებებს. ტახტი მისი გარემოიცავს ცათა და ქვეყანას და მათი დაცვა არ უმძიმს მას. და იგი უზენაესი, დიდებულია» [4] / ალლაჰუ ლაა ილააჰა ილლაა ჰუვალ ჰაიუილ ყაიუუმ, ლაა თა'ხუზუჰუ სინათუ ვალაა ნავმ, ლაჰუუ მა ფიი სსამაავაათი ვა მაა ფილ არდ, მან ზა ლლაზიი იაშფა'უ 'ინდაჰუუ ილლაა ბი-იზნიჰ, ია'ლამუ მაა ბაინა აიდიიჰიმ ვა მაა ხალფაჰუმ, ვა ლაა იუჰიიტუუნა ბი-შაი-ინ მინ 'ილმიჰიი ილლაა ბი მაა-შაა'ა, ვასი'ა ქურსიუჰუ სსამაავაათუ ვალ-არდ, ვა ლაა ია-უუ-დუჰუუ ჰიფზუჰუმაა ვა ჰუვალ 'ალიულ 'აზიიმ/. [4] სურა ალ-ბაყარა, აიათი: 255.
აქედან გამომდინარეობს საკითხავი: 1. თქვი: იგია, ალლაჰი ერთადერთი! [5] [5] სურა ალ-იხლას, აიათი: 1.
და თქვი: მივეკედლები აისის უფალს [6] [6] სურა ალ-ფალაყ, აიათი: 1.
და თქვი: მივეკედლები ღმერთს ადამიანთა [7] ყოველი სავალდებულო ლოცვის შემდეგ ამ სამი სურის სამ-სამჯერ გამეორება, დილის ლოცვის შემდეგ, სამხრობის ლოცვის შემდეგ და ძილის წინ. ასევე: ბოლო ორი აიათის წაკითხვა სურა ალ-ბაყარადან საღამოს, ეს ორი აიათია უზენაესის სიტყვები: «ირწმუნა შუამავალმა, რაც თავისი ღმერთისგან ზემოევლინა და მორწმუნეებმაც. ირწმუნა ყველამ ალლაჰი, მისი ანგელოზები, მისი წიგნები, მისი შუამავლები. არ განვასხვავებთ მის შუამავალთაგან არც ერთს! და თქვეს მათ: ვისმენთ და ვემორჩილებით! ღმერთო ჩვენო, (გევედრებით) შენს მიტევებას და შენთან დავბრუნდებით» [8] სურის ბოლომდე [8] სურა ალ-ბაყარა, აიათი: 285. [7] სურა ან-ნაას, აიათი: 1.
შუამავლისგან (ალლაჰის ლოცვა და მშვიდობა მას) სანდო გზით არის გადმოცემული, რომ მან თქვა: «ვინც სურა ალ-ბაყარას ბოლო ორ აიათს წაიკითხავს, მისთვის საკმარისი იქნება ღამის განმავლობაში». ამის მნიშვნელობა არის, ალლაჰმა უკეთ უწყის: საკმარისი იქნება მისთვის ყველა ცუდისგან დასაცავად, აქედან გამომდინარეობს ხშირად მიკედლება ღმერთზე(ალლაჰის ყველა სიტყვებით მისი გაჩენილის სიავისაგან) დღისით და ღამით ნებისმიერ ადგილას გაჩერებისას სახლში, უდაბნოში, ტყეში, თუ ზღვაში. შუამავლის (ალლაჰის ლოცვა და მშვიდობა მას) სიტყვებიდან გამომდინარე: «ვინც დაბინავდება რომელიმე ადგილას და იტყვის: "მივეკედლები ალლაჰს, მისი სრულყოფილი სიტყვებით, იმ სიავისგან, რაც მან შექმნა" /ა'უუზუ ბი ქალიმაათი ლლააჰი თაამმაათი მინ შარრი მაა ხალაყ/, მას ვერაფერი ავნებს მანამ, სანამ იმ ადგილს არ დატოვებს». აქედან გამომდინარე, ეს სიტყვები მუსლიმმა უნდა გაიმეოროს დილით და საღამოს სამ-სამჯერ. «ალლაჰის სახელით, რომლის სახელითაც ვერავინ მიაყენებს ზიანს ვერც მიწაზე და ვერც ცაში, ის ხომ ყოვლისმსმენი და ყოვლისმცოდნეა» /ბისმილლაჰი ლლაზიი ლაა იადურრუ მა'ა სმიჰიი შაიუნ ფილ არდი, ვა ლაა ფი სსამააი, ვა ჰუვა სსამიი'ულ 'ალიიმ/ შუამავალმა (ალლაჰის ლოცვა და მშვიდობა მას) მართლაც მოუწოდა ამ ვედრების გამეორება, რადგან მასში არის დაცვა ყოველგვარი ცუდისგან.
ეს ვედრებები და ღმერთზე მიკედლებები არის ყველაზე დიდი მიზეზთაგანი ჯადოქრობისგან და მსგავსი საზიანო რამეებისგან თავდასაცავად, ვინც იცავს მათ ჭეშმარიტად და რწმენით ალლაჰზე მინდობილი და მიკედლებული წრფელი გულით, რაზეც იყო მითითებული ამ ვედრებებში. ეს არის ასევე ყველაზე დიდი საბრძოლო იარაღი ჯადოს გასაქრობად მისი განხორციელების შემდეგ, ალლაჰზე გახშირებული ვედრებასთან ერთად. ასევე უზენაესზე თხოვნა მოგაშოროს ზარალი და გააქროს განსაცდელი. ასევე შუამავლისგან (ალლაჰის ლოცვა და მშვიდობა მას) გადმოცემული არის ვედრებები ჯადოს დაავადებების და მსგავსი რამეების სამკურნალოდ. შუამავალი (ალლაჰის ლოცვა და მშვიდობა მას) ამ ვედრებებს უკითხავდა თავის მეგობრებს: «ღმერთო ჩემო, ადამიანთა ღმერთო, გააქრე განსაცდელი და განკურნე, შენ ხარ განმკურნებელი, არ არსებობს განკურნება გარდა შენი განკურნებისა - განკურნება, რომლის შემდეგაც არ რჩება ავადმყოფობის კვალიც». /ალლაჰუმმა რაბბნნაასი, აზჰიბილ ბა'სა ვაშფი ანთაშშააფიი ლაა შიფაა'ა ილლაა შიფააუქ შიფაა'ან ლაა იუღაადირუ საყამან/ ამას გაიმეორებს სამჯერ, აქედან არის ასევე შელოცვა, რომელიც შეულოცა ჯიბრილ ანგელოზმა შუამავალს (ალლაჰის ლოცვა და მშვიდობა მას) შემდეგი სიტყვებით: «ალლაჰის სახელით შეგილოცავ (რუყიას) შენ, ყველაფრისგან, რაც შენ გაწუხებს, ყოველი სულის სიავისაგან, ან შურიანი თვალისგან, ალლაჰი გაგკურნავს შენ, ალლაჰის სახელით შეგილოვა შენ» / ბისმილლაჰი ურყიიქ მინ ქულლი შაი'ინ იუ'ზიიქ, ვა მინ შარრი ქულლი ნაფსინ ავ 'აინინ ჰაასიდინ, ალლაჰუ იაშფიიქ ბისმილლაჰი არყიიქ/ ეს გაიმეოროს სამჯერ.
და თუ ჯადოს ზიანი უკვე მოხდა, მისგან განკურნების ერთ-ერთი მეთოდი არის შემდეგი, რაც განსაკუთრებით გამოსადეგია მამაკაცისთვის, რომელსაც აქვს სირთულე ცოლთან სიახლოვეში: უნდა აიღოს შვიდი მწვანე ფოთოლი ლოტოსის ხის (სიდრის), დააქუცმაცოს ისინი ქვით ან რაიმე მსგავსით და ჩაყაროს ჭურჭელში. შემდეგ ჩაასხას წყალი, რაც საკმარისია სხეულის დაბანისთვის, და წაიკითხოს მასში: აიათ ალ-ქურსი და {უთხარი: ჰეი, ურწმუნოებო!} [9] და {თქვი: იგია, ალლაჰი ერთადერთი} [10], {თქვი: მივეკედლები აისის უფალს} [11], და {თქვი: მივეკედლები ღმერთს ადამიანთა} [12], ასევე, ჯადოს აიათები სურა ალ-ა'რაფში, ეს არის უზენაესის სიტყვები: «და ზეშთავაგონეთ მუსას- გადააგდე შენი ჯოხი- და აჰა, იგი შთანთქავს ყველაფერს, რასაც თხზავენ * და იქმნა ჭეშმარიტება და ამაო იქნა ყოველი, რასაც აკეთებდნენ * ასე დამარცხდნენ და უკან გაბრუნდნენ დამცირებულნი». [13] ასევე, აიათები სურა იუნუსში, ეს არის უზენაესის სიტყვები: «და ბრძანა ფარაონმა: მომგვარეთ ყოველი მცოდნე ჯადოქარი * და როცა მოვიდნენ ჯადოქრები, უთხრა მუსამ: გადაისროლეთ ის, რასაც ისვრით * და როცა ისროლეს, უთხრა მუსამ: რაც თქვენ ქენით, ჯადოქრობაა. ჭეშმარიტად,ალლაჰი ამაოჰყოფს მას. ალლაჰი არ გამართავს ამრევთა საქმეს * და დაამკვიდრებს ალლაჰი ჭეშმარიტებას თავისი სიტყვებით, თუნდაც არ მოსწონდეთ ცოდვილებს» [14] აიათები სურა ტაჰაში: «უთხრეს: ჰეი მუსა! ან ისროლე, ან ჩვენ ვიქნებით პირველნი, ვინც ისვრის * მიუგო: დიახ ისროლეთ! - როცა მათი თოკები და მათი კვერთხები, თავიანთი ჯადოქრობიდან გამომდინარე, მოეჩვენა მას, როგორც მუცელზე ჩქარა მოსიარულე * მაშინ მუსამ თავისთავში შიში იგრძნო * ვუთხარით: ნუ გეშინია, შენ გამარჯვებული ხარ! * ისროლე, რაც მარჯვენაში გიჭირავს და გადაყლაპავს იმას, რაც მათ გააკეთეს. ჭეშმარიტად, მათი ნამოქმედარი მხოლოდ ჯადოქრის მზაკვრობაა და არ ექნება წარმატება ჯადოქარს, სადაც წავა!» [9] სურა ალ-ქააფირუნ, აიათი: 1. [10] სურა ალ-იხლას, აიათი: 1. [11] სურა ალ-ფალაყ, აიათი: 1. [12] სურა ან-ნაას, აიათი: 1. [13] სურა ალ-ა'რაფ, აიათი: 117-119. [14] სურა იუნუს, აიათები: 79-82. [15] სურა ტაჰა, აიათები: 65-69.
იმის შემდეგ, რაც წაიკითხავს წყალზე ზემოთ მოცემულ აიათებს, უნდა დალიოს მისგან სამი კლუპი წყალი, დარჩენილი წყლით კი უნდა დაიბანოს ტანი. ამის შედეგად ალლაჰის ნებით მისი დაავადება გაქრება. თუ საჭიროა ამ პროცედურის ორჯერ ან მეტჯერ გამეორება, ეს პრობლემა არ არის, სანამ დაავადება სრულად არ გაქრება.
რაც შეეხება ჯადოქრების დახმარებით მკურნალობას, რომელიც ხდება ჯინებთან დაახლოების საშუალებით, მათზე მსხვერპლის შეწირვით ან სხვა რაიმე დაახლოების საშუალებით - ეს არ შეიძლება, რადგან ეს არის ეშმაკისეული საქმე, და უფრო მეტიც ეს არის - დიდი შირქი(დიდი ურწმუნოება). ამიტომ აუცილებელია სიფრთხილის გამოჩენა ამ საკითხში. ასევე დაუშვებელია ჯადოს მკურნალობა ჯადოქრებთან, მისნებთან და თაღლითებთან კონსულტაციით ან მათი მითითებების შესრულებით, რადგან ისინი არ არიან სანდონი. ისინი მატყუარები და ცოდვილები არიან, რომლებიც თავს დაფარულის მცოდნეებად წარმოაჩენენ და ადამიანებს ატყუებენ. მოციქულმა (ალლაჰის ლოცვა და მშვიდობა მას) გააფრთხილა იმაზე, რომ არ უნდა მიხვიდეთ მათთან, არ უნდა სთხოვოთ რჩევა და არ უნდა ირწმუნოთ მათი ნათქვამი, როგორც ეს ამ წიგნის დასაწყისში იქნა განმარტებული. შუამავლისგან (ალლაჰის ლოცვა და მშვიდობა მას) გვაქვს გადმოცემული სწორი გზით; მას ჰკითხეს ან-ნუშრას შესახებ (უმეცრების პერიოდში გავრცელებული მკითხაობის ერთ-ერთი ფორმა) და მან თქვა: «ის ეშმაკის საქმეთაგანია». გადმოსცემს იმამ აჰმადი და აბუ დაუდი კარგი გადმოცემათა ჯაჭვით. "ან-ნუშრა" გულისხმობს ჯადოსგან მოჯადოებულის განთავისუფლებას. მოციქულის (ალლაჰის ლოცვა და მშვიდობა მას) ამ სიტყვებით იგულისხმება "ან-ნუშრა", რომელსაც ჯაჰილიას ეპოქის ადამიანები იყენებდნენ. ეს არის ჯადოქარზე თხოვნა ჯადოს მოსახსნელად ან მისი მოხსნა სხვა ჯადოქრის მიერ, იგივე ჯადოს გამოყენებით.
მაგრამ რელიგიური შელოცვით, ალლაჰზე მიკედლებით, რელიგიურად ნებადართული ლოცვებით ჯადოს მოხსნა შეიძლება და არ არის პრობლემა, როგორც ზემოთ ავღნიშნეთ. ამ ყველაფერზე დაწერა სწავლულმა იბნ ალ-ყაიმმა და შეიხ აბდურრაჰმან იბნ ჰასანმა წიგნში "ფათჰულ - მაჯიიდ" (ალლაჰმა შეიწყალოს ისინი), ასევე, ამ თემაზე დაწერეს ამ ორის გარდა სხვა სწავლულებმაც.
ალლაჰს ვთხოვთ, რომ მუსლიმებს მისცეს შვება ყოველივე ცუდისგან, და დაიცვას მათზე თავიანთი რელიგია, და უწყალობოს მათ მისი გაგება, და მისცეს მათ გამოსავალი ყველაფრისგან, რაც ეწინააღმდეგება მის შარიათს, ლოცვა და მშვიდობა მის მსახურს და შუამავალს მუჰამმადს, მის ოჯახს და მის საჰაბებს.
ცოლის მიერ ქმარზე ჯადოს გაკეთება [16]
[16] გამოქვეყნებულია ძვირფასი შეიხის კაბინეტიდან: 1387/11/9 მთვარის კალენდრით.
თქვენი თარიღიანი წერილი მივიღე, ალლაჰმა დაგაყენოთ მართალ გზაზე. თქვენ აღწერეთ ის, რაც თქვენ შეგემთხვათ, როცა ახალ ცოლთან სიახლოვე მოინდომეთ, თქვენი მისვლა შიეხთან, მისი ფათვა და ძველი ცოლის მიერ გაკეთებული საქმე, რამაც ხელი შეგიშალათ ახალ ცოლთან ურთიერთობაში. ასევე დასვით შეკითხვა ამ საკითხთან დაკავშირებული ჰუქმის შესახებ, რაც გასაგები გახდა. «ვინც ღამით წაიკითხავს აიათულ-ქურსის მას ალლაჰი გამოუგზავნის დამცველს და ვერ მიუახლოვდება მას ეშმაკი დილამდე». ასევე სანდო გზით არის მისგან გადმოცემული, რომ მან (ალლაჰის ლოცვა და მშვიდობა მას) თქვა:
პასუხი: თუ ძველმა ცოლმა დაადასტურა მისი ჩადენილი ქმედება, ან კიდევ დამტკიცდა მისი ქმედება მტკიცე არგუმენტით, ჭეშმარიტად, მან ძალიან ცუდი რამ ჩაიდინა, მისი ქმედება ურწმუნოება და გზასაცდენილობაა, რადგან მისი ეს ქმედება არის აკრძალული ჯადოქრობა, ჯადოქარი კი არის ურწმუნო, როგორც თქვა უზენაესმა ალლაჰმა: «და გაჰყვნენ ისინი იმას, რასაც ეშმაკები ქადაგებდნენ სულეიმანის სამეფოს წინააღმდეგ. სულეიმანი ურწმუნო არ ყოფილა, ეშმაკები იყვნენ ურწმუნონი. ასწავლიდნენ ხალხს ჯადოსნობას და იმას, რაც ზემოევლინა ორივე ანგელოზს ბაბილონში, ჰარუთსა და მარუთს. მაგრამ ის ორნი ისე არ ასწავლიდნენ ხალხს, თუ არ ეტყოდნენ: ჩვენა ვართ ცდუნება, და ურწმუნო ნუ იქნებით! და სწავლობდნენ (ადამიანები) მათგან როგორ გაეყარათ ერთმანეთისგან ცოლ-ქმარი, მაგრამ ამით (ჯადოსნობით) ზიანს ვერავის მიაყენებდნენ, თუ არა ალლაჰის ნება. და სწავლობდნენ იმას, რაც ავნებდა და არ გამოადგებოდა მათ; იცოდნენ ისიც, რომ ვინც ამას ასწავლის, წილი არ ექნება საიქიოში. და რა ცუდია ის, რაზეც თავიანთი სული გაყიდეს, მათ რომ სცოდნოდათ!» [17] ეს ძვირფასი აიათი მიუთითებს იმაზე, რომ ჯადოქრობა არის ურწმუნოება, და ჯადოქარი არის ურწმუნო, ჯადოქრები ასწავლიან რაც ზარალს მოიტანს და არა იმას, რაშიც სარგებელია, მათი მიზანია ცოლ-ქმრის გაშორება, მათ არ ექნებათ წილი ალლაჰთან განკითხვის დღეს - ანუ მათ არ ექნებათ ჯოჯოხეთისგან თავის დაღწევის არავითარი საშუალება. ასევე სანდო ჰადისში, რომელიც გადმოცემულია ალლაჰის შუამავლისგან (ალლაჰის ლოცვა და მსვიდობა მას) მან თქვა: «ერიდეთ შვიდ დამღუპველ ცოდვას*». ჰკითხეს: ო ალლაჰის მოციქულო, და რომელია ისინი?» მან თქვა: «ალლაჰზე თანაზიარის დადგენა, ჯადოქრობა, იმ სულის მოკვლა, რომლის მოკვლაც ალლაჰმა აკრძალა, გარდა იმისა, რაც ეხება სამართლის აღდგენას(შარიათით), მევახშეობა(რიბა), ობლის ქონების მიტაცება, ბრძოლის ველიდან გაქცევა და პატიოსანი, უდანაშაულო მორწმუნე ქალებზე მრუშობის დაბრალება.» [17] სურა ალ-ბაყარა, აიათი: 102.
რაც შეეხება შიეხს, რომელმაც მოგცათ წამალი, როგორც ჩანს, ისიც ჯადოქარია, ისევე როგორც ის ქალი, რადგან ჯადოს საქმეებზე ცოდნა მხოლოდ ჯადოქრებს აქვთ. ასევე, ის მიეკუთვნება მისნებისა და კერპთაყვანისმცემელ ქურუმების კატეგორიას, რომლებიც ცნობილია გაურკვეველ საკითხებში დაფარულის ცოდნის პრეტენზიით. მუსლიმს ევალება, გამოიჩინოს სიფრთხილე მათ მიმართ და არ ირწმუნოს მათი პრეტენზიები დაფარულის ცოდნაზე, რადგან მოციქულმა (ალლაჰის ლოცვა და მშვიდობა მას) თქვა: «ვინც მივიდა მკითხავთან და მას რაიმე ჰკითხა, მისი ლოცვა არ იქნება მიღებული ორმოცი ღამის განმავლობაში».
იმამ მუსლიმი ამ ჰადისს თავის საჰიჰში გადმოსცემს, ასევე შუამავალმა (ალლაჰის ლოცვა და მშვიდობა მას) თქვა: «ვინც მივიდა მკითხავთან და დაიჯერა ის, რასაც ის ამბობს, მან უარყო, რაც გარდმოევლინა მუჰამმადს (ალლაჰის ლოცვა და მშვიდობა მას)».
ჯადოსგან განკურნების კიდევ ერთი გზა, რომელიც ერთ-ერთი ყველაზე ეფექტურია, არის ძალისხმევა იმის გასაგებად, თუ სად იმყოფება ჯადოს ნივთი – მიწაში, მთაზე ან სხვაგან. როდესაც მისი ადგილმდებარეობა ირკვევა და იგი ამოღებული და განადგურებულია, ჯადოს ზემოქმედება უქმდება. ვალდებული ხარ მოინანიო ის საქციელი, რაც ჩაიდინე. ასევე უნდა აცნობო მომხდარის შესახებ შესაბამის ორგანოს და სასამართლოს ხსენებული შეიხის და შენი ძველი ცოლის შესახებ, რადგან სასამართლომ და შესაბამისმა ორგანომ მოახდინოს მათი შეკავება, და თუ შენ კიდევ შეგემთხვევა მსგავსი რამ, უნდა აცნობო შარიათის მცოდნე სწავლულებს, რათა გასწავლონ შარიათული წამალი. ალლაჰმა გვიწყალობოს ჩვენც და შენც მისი რელიგიის გაგება და სიმტკიცე მასში, და დაგვიფაროს ისეთი ქმედებებისგან, რაც მას ეწინააღმდეგება, ჭეშმარიტად ის გულუხვია და სულგრძელი.
ეს იყო რისი განმარტებაც იყო შესაძლებელი ჯადოსგან თავდასაცავ საშუალებებთან დაკავშირებით და მისგან სამკურნალოდ, ხოლო წარმატების მომცემი ალლაჰია. ალლაჰის მშვიდობა, წყალობა და ბარაქა იყოს თქვენზე.
ჯადოქრებზე და მკითხავებზე შეკითხვის დადგენილება [18]
[18] ეს არის კითხვა პასუხები პროგრამიდან ( სინათლე გზაზე).
შეკითხვა: ძმა: ს.ღ.ბ. (სახელის ინიციალები) რიადიდან სვამს შეკითხვას: იემენის გარკვეულ რეგიონებში არსებობენ ადამიანები, რომლებიც ცნობილია, როგორც "საადები" (السادة). ისინი ასრულებენ ქმედებებს, რომლებიც ეწინააღმდეგება რელიგიას, მაგალითად, მკითხაობას და ჯადოქრობას. ისინი ამტკიცებენ, რომ შეუძლიათ განკურნონ რთული დაავადებები და ამის დასამტკიცებლად ხანჯლებით ჭრილობებს იყენებენ, ან იჭრიან ენას და შემდეგ მას უბრუნებენ პირვანდელ მდგომარეობას ყოველგვარი ზიანის გარეშე. ზოგიერთი მათგანი ასრულებს ლოცვას, ზოგი კი არა. ასევე ისინი ქორწინდებიან მათი საგვარეულოს გარდა სხვა ქალებზე, და არავისზე აქორწინებენ მათი საგვარეულოს ქალებს. როდესაც ავადმყოფისთვის ვედრებას აკეთებენ ამბობენ: "ო, ალლაჰო, ო, შენ და შენ", - და ახსენებენ მათი რომელიმე წინაპრის სახელს.
წარსულში ადამიანები დიდ პატივს სცემდნენ მათ, თვლიდნენ განსაკუთრებულ პიროვნებებად, რომლებიც ალლაჰთან იყვნენ და მათ "ალლაჰის კაცებად" (رجال الله) უწოდებდნენ. დღეს კი საზოგადოება გაიყო: ახალგაზრდები და განათლებულები – ამ ჯგუფს შორის არიან ადამიანები, რომლებიც ეწინააღმდეგებიან ამ პრაქტიკებს და არ აღიარებენ მათ განსაკუთრებულობას, ხანდაზმულები და გაუნათლებლები – ეს ჯგუფი კვლავინდებურად მიიჩნევს მათ განსაკუთრებულ პიროვნებებად. გთხოვთ, თუ შეიძლება გაგვიმარტოთ ამ საკითხის ჭეშმარიტება.
პასუხი: ესენი და მათი მსგავსნი არიან სუფისტური ჯგუფები, რომლებსაც აქვთ ცუდი ქმედებები და უაზრო საქციელები, ასევე ესენი არიან იმ ჯადოქართა ნაწილი, რომლებზეც თქვა შუამავალმა (ალლაჰის ლოცვა და მშვიდობა მას): «ვინც მივა მკითხავთან და ჰკითხავს რაიმეს, მისი ლოცვა არ მიიღება ორმოცი დღის განმავლობაში». ეს იმიტომ, რომ ისინი იჩემებენ დაფარულის ცოდნას, ემსახურებიან ჯინებს და ეთაყვანებიან მათ, ატყუებენ საზოგადებას იმ ჯადოქრობის სახეობებით, რომელზეც ალლაჰმა თქვა მუსასა და ფარაონის ამბავზე: «(მუსამ) მიუგო: ისროლეთ! და როცა ისროლეს, მონუსხეს ხალხის თვალები, შეაძრწუნეს ისინი და უჩვენეს დიდი ჯადოქრობა». [19] არ შეიძლება მათთან მისვლა და მათზე შეკითხვების დასმა ამ ძვირფასი ჰადისიდან გამომდინარე, რომელშიც შუამავალმა (ალლაჰმა დალოცოს და მიესალმოს მას) თქვა: «ვინც მივიდა მკითხავთან და დაიჯერა ის, რასაც ის ამბობს, მან უარყო, რაც გარდმოევლინა მუჰამმადს (ალლაჰის ლოცვა და მშვიდობა მას)». სხვა გადმოცემაში ნათქვამია: «ვინც მივა მკითხავთან ან ჯადოქართან და დაუჯერებს მის ნათქვამს, უარყოფს იმას, რაც მუჰამმადზე (ალლაჰის ლოცვა და მშვიდობა მას) არის გარდმოვლენილი». [19 ]სურა ალ-ა'რაფ, აიათი: 116.
აბდუ ალ-აზიზ ბინ აბდულლაჰ ბინ ბაზისგან ძვირფას ძმას... ალლაჰის სალამი, წყალობა და ბარაქა იყოს თქვენზე, ამის შემდეგ: ხოლო მათი ვედრება ალლაჰის გარდა სხვაზე ან მათი მიკედლება ალლაჰის გარდა სხვაზე, ან მათი მტკიცება რომ მათ მამებს და წინაპრებს ჰქონდათ სამყაროზე გავლენა, ან რომ მათ შეუძლიათ ავადმყოფის განკურნება, ან რომ პასუხობენ მათ ვედრებებს მათი გარდაცვალების და სიშორის მიუხედავად, ეს ყველაფერი არის უზენაესი ალლაჰის უარყოფა და დიდი შირქი, აუცილებელია მათი გაკიცხვა, მათთან არ უნდა მივიდეთ და არ უნდა ვკითხოთ მათ არაფერი, და არ დავიჯეროთ რასაც ამბობენ, რადგან მათ ამ საქმეში გააერთიანეს ჯადოქრობა და მკითხაობა ერთად, ასევე მუშრიქების ქმედება რომ ისინი მოზიარეს უდგენენ ალლაჰს ღვთისმსახურებაში, ეკედლებიან სხვას ალლაჰის გარდა და დახმარებას ითხოვენ ალლაჰის გარდა სხვებისგან: ჯინებისგან, მკვდრებისგან და სხვებისგან, რომლებსაც აწერენ თავიანთ თავს და ამტკიცებენ, რომ ისინი მათი მამები და წინაპრები არიან, ან სხვა ადამიანებს და იჩემებენ, რომ ისინი არიან ალლაჰის მეგობრები და ფლობენ სასწაულების მოხდენის უნარებს. არამედ, ეს ყველაფერი არის ჯადოქრობის, მარჩიელობისა და მკითხაობის საქმეებიდან, რაც მიუღებელია სუფთა შარიათისთვის.
რაც შეეხება ხმლებით სხეულებზე ცემა ან ენების მოკვეთვა - ეს ყველაფერი ხალხისთვის კარგად შენიღბული მასკარადია, ეს ყველაფერი არის აკრძალული ჯადოქრობა, რომლის აკრძალვაზეც მოვიდა ბევრი ტექსტი ყურანსა თუ სუნნაში, მის აკრძალვაზე და მისგან შორს ყოფნაზე როგორც ვნახეთ, ჭკვიანი ადამიან არ უნდა მოტყუვდეს მაგით, ეს არის იმ სახეობისგან, რაზეც თქვა უზენაესმა ალლაჰმა ფარაუნის ჯადოქრებთან დაკავშირებით თქვა: «მოეჩვენა მას, როგორც მუცელზე ჩქარა მოსიარულე». [20] ამათ კი გაერთიანეს ჯადოქრობა, ნათელმხილველობა, წინასწარმეტყველება და მკითხაობა, ასევე გაერთიანეს დიდი შირქი, ალლაჰის გარდა სხვაზე დახმარების თხოვნა, ალლაჰის გარდა სხვაზე მიკედლება, ასევე გაერთიანეს მტკიცება იმისა, რომ მათ აქვთ დაფარულის ცოდნა და შეუძლიათ სამყაროში ზოგიერთი ქმედების მოხდენა, და ეს ყველა სახეობა არის დიდი შირქი და აშკარა ურწმუნოება გამომდინარე ჯადოქრული ქმედებებიდან, რომელიც აკრძალა უზენაესმა ალლაჰმა, ასევე გამომდინარე იმის მტკიცებიდან, რომ მათ აქვთ დაფარულის ცოდნა, რომელიც მხოლოდ და მხოლოდ ალლაჰმა იცის, როგორც თქვა უზენაესმა: «თქვი, ზეცაში და მიწაზე მყოფთადან არავინ იცის დაფარული, გარდა ალლაჰისა» [21] ვალდებულნი არიან ყველა მცოდნე მუსლიმები, ვინც იცის მათი მდგომარეობა გაკიცხოს ისინი, გამოაშკარაოს მათი საზიზღარი ქმედებები, რადგანაც ეს არის აკრძალული და აცნობოს მათ შესახებ მმართველს. თუ ისინი ისლამურ ქვეყნებში იმყოფებიან უნდა დაისაჯონ ისე, როგორც იმსახურებენ შარიათით და აღკვეთილ უნდა იქნეს მათი ბოროტება, მუსლიმების დასაცავად მათი აბსურდული და მცდარი ქმედებებისგან. [21] სურა ან-ნამლ, აიათი: 65. [20] სურა ტაჰა, აიათი: 66.
ალლაჰია წარმატების მომცემი.
ხალხურ ექიმთან მკურნალობა, რომელიც იყენებს ჯინებს. [40]
[40] გამოქვეყნებულია პატივცემული შეიხის ნაშრომში (მაჯმუ'უ ფათავა ვა მაყაალაათუ მუთანავვი'ა) მეხუთე ნაწილი გვერდი (418-420).
შეკითხვა: არსებობს ადამიანთა ჯგუფი, რომლებიც მკურნალობენ ხალხური მედიცინით. როგორც ისინი ამბობენ, როდესაც მივედი ერთ-ერთ მათგანთან მან მითხრა: დამიწერე შენი და დედაშენის სახელები და ხვალ შემოგვიარე. როდესაც მათთან ვინმე მივა, მას ეუბნებიან: შენ გჭირს ეს და ეს და შენი წამალი არის ეს და ეს. ერთ-ერთი მათგანი ამბობს, რომ ის ალლაჰის სიტყვას იყენებს თავის წამალში, რას ფიქრობთ მსგავს ადამიანებზე? რა არის მათთან მისვლის დადგენილება? (შეკითხვის ავტორი) ს.ა.ღ. ჰაილიდან.
პასუხი: ვინც მსგავს რამეს იყენებს თავის წამალში ეს მეტყველებს იმაზე, რომ ის იყენებს ჯინებს და ამტკიცებს, რომ იცის დაფარული, არ შეიძლება მათთან მკურნალობა, ასევე არ შეიძლება მათთან შეკითხვების დასასმელად მისვლა: შუამავლის (ალლაჰის ლოცვა და მშვიდობა მას) სიტყვებიდან გამომდინარე, რომელმაც ამ კატეგორის ხალხზე თქვა: «ვინც მივიდა მკითხავთან და მას რაიმე ჰკითხა, მისი ლოცვა არ იქნება მიღებული ორმოცი ღამის განმავლობაში». გადმოსცა მუსლიმმა თავის საჰიჰში.
გადმოცემულია შუამავლისგან (ალლაჰის ლოცვა და მშვიდობა მას) ბევრი ჰადისი, სადაც ის კრძალავს მისვლას მკითხავებთან, მისნებთან, ნათელმხილველებთან და ჯადოქრებთან, კრძალავს მათზე შეკითხვას და მათი დაჯერებას; შუამავალმა (ალლაჰის ლოცვა და მშვიდობა მას) თქვა: «ვინც მივიდა მკითხავთან და დაიჯერა ის, რასაც ის ამბობს, მან უარყო, რაც გარდმოევლინა მუჰამმადს (ალლაჰის ლოცვა და მშვიდობა მას)». ვინც ამტკიცებს, რომ ხვდება დაფარულს კენჭების ან ნიჟარების სროლის გამოყენებით ან ქვიშაზე გავლებული ხაზებით ან ავადმყოფზე მისი, მისი მშობლის ან რომელიმე ახლობლის სახელის კითხვით, ეს ყველაფერი მიუთითებს, რომ ის არის ჯადოქარი და მკითხავი, რომლებზეც შუამავალმა (ალლაჰის ლოცვა და მშვიდობა მას) აკრძალა შეკითხვების დასმა და მათზე დაჯერება.
აუცილებელია მათგან, მათზე შეკითხვის დასმისგან, და მათთან მკურნალობისგან შორს ყოფნა, თუნდაც ისინის ამტკიცებდნენ, რომ ყურანით მკურნალობენ, რადგან გზასამცდარი ხალხის წესია ტყუილი და სიცრუე და არ შეიძლება მათზე დაჯერება, რასაც ისინი ამბობენ. აუცილებელია, ვინც მათთგან რომელიმეზე გაიგებს, მათ შესახებ აცნობოს მმართველებს და აღმასრულებელ ორგანოებს, შესაბამის ცენტრებს ყველა ქვეყანაში, რადგან განსჯილი იქნენ ალლაჰის კანონით, რათა დაისვენონ მუსლიმებმა მათი ზარალისგან, მათი უკეთურობისგან და მათ მიერ ადამიანთა ქონების უსამართლოდ მითვისებისგან.
ალლაჰია შემწე, არ არსებობს ძალა და ძლევამოსილება გარდა ალლაჰისა.
ჯადოსგან შარიათული მკურნალობა [22]
[22] პროგრამა "სინათლე გზაზე" ჩანაწერებიდან: 53.
შეკითხვა: ერთ-ერთი სწავლულისგან მოვისმინე: "ვინც ფიქრობს, რომ მას აქვს ჯადო, მან უნდა აიღოს შვიდი ლოტოსის (სიდრა) ფოთოლი, მოათავსოს წყლიან ვედროში, შემდეგ მას უნდა წაუკითხოს ორი სურა: მუ'ავიზათ (სურა ალ-ფალაყი და სურა ალ-ნაასი). აიათ ალ-ქურსი და სურა: {უთხარი: ჰეი, ურწმუნოებო}, უზენაესი ალლაჰის სიტყვები: {რაც გადმოევლინა ორ ანგელოზზე ბაბილონში ჰარუთსა და მარუთს} [23], ასევე სურა "ალ-ფათიჰა". ეს რამდენად სწორია? რა უნდა გააკეთოს მან, ვინც ფიქრობს რომ მოჯადოებულია? გაგვაგებინეთ, ალლაჰმა მოგცეთ სიკეთე. [23] სურა ალ-ბაყარა, აიათი: 102.
პასუხი: არ არის ეჭვი, რომ ჯადოქრობა არსებობს და შესაძლებელია ის განხორციელდეს და მას ჰქონდეს გავლენა უზენაესი ალლაჰის ნებით, როგორც თქვა უზენაესმა და ყოვლადუნაკლო ალლაჰმა ჯადოქრების შესახებ: «და გაჰყვნენ ისინი იმას, რასაც ეშმაკები ქადაგებდნენ სულეიმანის სამეფოს წინააღმდეგ. სულეიმანი ურწმუნო არ ყოფილა, ეშმაკები იყვნენ ურწმუნონი. ასწავლიდნენ ხალხს ჯადოსნობას და იმას, რაც ზემოევლინა ორივე ანგელოზს ბაბილონში, ჰარუთსა და მარუთს. მაგრამ ის ორნი ისე არ ასწავლიდნენ ხალხს» ანუ: ორი ანგელოზი «თუ არ ეტყოდნენ: ჩვენა ვართ ცდუნება, და ურწმუნო ნუ იქნებით! და სწავლობდნენ (ადამიანები) მათგან როგორ გაეყარათ ერთმანეთისგან ცოლ-ქმარი, მაგრამ ამით (ჯადოსნობით) ზიანს ვერავის მიაყენებდნენ, თუ არა ალლაჰის ნება». [24] ჯადოქრობას აქვს გავლენა, მაგრამ მხოლოდ ალლაჰის მიერ დადგენილი ბედისწერით, რამეთუ არ არსებობს რაიმე არსებული გარდა უზენაესი და ყოვლადუნაკლო ალლაჰის განჩინებისა და ბედისწერისა. მაგრამ ჯადოქრობას აქვს გამოსავალი და წამალი. ეს შუამავალსაც შეემთხვა(ალლაჰის ლოცვა და მშვიდობა მას), ალლაჰმა კი გაათავისულა და იხსნა მისი უბედურებისგან, იპოვეს ჯადოქრის მიერ გაკეთებული, აიღეს და გაანადგურეს, ალლაჰმა დაიფარა მისი მოციქული მისგან(ჯადოსგან) ლოცვა და მშვიდობა მას. ამგვარად, თუ იქნება აღმოჩენილი ჯადოქრის ნამოქმედარი: გაფსკვნილი ძაფები, ერთმანეთს მიმაგრებული ლურსმნები, ან სხვა რაიმე, ეს ყველაფერი უნდა იქნეს ერთმანეთს მოცილებული, რადგან ჯადოქრები ამ ყველაფერს უბერავენ ერთმანეთზე გადანასკვის დროს და მათით ხდება ზარალის მიყენება, მათი ბინძური განზრახვებიდან გამომდინარე, ზოგჯერ სრულდება ალლაჰის ნებით, რაც მათ ჩაიფიქრეს ზოგჯერ კი არა. ჩვენს ღმერთს შესწევს ყველაფერზე ძალა, ის არის ყოვლადუნაკლო, უზენაესი, ზოგჯერ შესაძლებელია ჯადოსგან განკურნება კითხვით, სულერთია მოჯადოებული პიროვნება უკითხავს საკუთარ თავს თუ ის იქნება სრულ ჭკუაზე, და ზოგჯერ კი მას უკითხავს სხვა, შემდეგ შეუბერავს მას გულმკერდზე ან სხვა რომელიმე ორგანოზე, და უკითხავს მას: ალ-ფაათიჰას, აიათულ-ქურსის, ყულჰუვალლაჰუ, ორ დამცავს (ალ-ფალაყს და ან-ნაას), ცნობილ ჯადოს(საწინააღმდეგო) აიათებს სურა ალ-ა'რაფიდან, სურა იუნუსიდან და სურა ტაჰადან. სურა ალ-ა'რაფიდან ალლაჰის სიტყვები: «და ზეშთავაგონეთ მუსას- გადააგდე შენი ჯოხი- და აჰა, იგი შთანთქავს ყველაფერს, რასაც თხზავენ * და იქმნა ჭეშმარიტება და ამაო იქნა ყოველი, რასაც აკეთებდნენ * ასე დამარცხდნენ და უკან გაბრუნდნენ დამცირებულნი». [25] სურა იუნუსიდან უზენაესის სიტყვები: «და ბრძანა ფარაონმა: მომგვარეთ ყოველი მცოდნე ჯადოქარი * და როცა მოვიდნენ ჯადოქრები, უთხრა მუსამ: გადაისროლეთ ის, რასაც ისვრით * და როცა ისროლეს, უთხრა მუსამ: რაც თქვენ ქენით, ჯადოქრობაა. ჭეშმარიტად,ალლაჰი ამაოჰყოფს მას. ალლაჰი არ გამართავს ამრევთა საქმეს * და დაამკვიდრებს ალლაჰი ჭეშმარიტებას თავისი სიტყვებით, თუნდაც არ მოსწონდეთ ცოდვილებს» [26] სურა ტაჰადან უზენაესის სიტყვები: «უთხრეს: ჰეი მუსა! ან ისროლე, ან ჩვენ ვიქნებით პირველნი, ვინც ისვრის * მიუგო: დიახ ისროლეთ! - როცა მათი თოკები და მათი კვერთხები, თავიანთი ჯადოქრობიდან გამომდინარე, მოეჩვენა მას, როგორც მუცელზე ჩქარა მოსიარულე * მაშინ მუსამ თავისთავში შიში იგრძნო * ვუთხარით: ნუ გეშინია, შენ გამარჯვებული ხარ! * ისროლე, რაც მარჯვენაში გიჭირავს და გადაყლაპავს იმას, რაც მათ გააკეთეს. ჭეშმარიტად, მათი ნამოქმედარი მხოლოდ ჯადოქრის მზაკვრობაა და არ ექნება წარმატება ჯადოქარს, სადაც წავა!» ასევე წაიკითხავს სურას: {უთხარი: ჰეი, ურწმუნოებო}, ბოლომდე, და სურა: {თქვი იგია, ალლაჰი ერთადერთი} და {თქვი: მივეკედლები აისის უფალს} და {თქვი: მივეკედლები ღმერთს ადამიანთა} უმჯობესია, რომ სურები: "ალ-იხლას", "ალ-ფალაყ" და "ან-ნაას" გაიმეოროს სამ-სამჯერ, შემდეგ წაიკითხოს შემდეგი ვედრება მისი ჯანმრთელობისთვის: «ღმერთო ჩემო, ადამიანთა ღმერთო, გააქრე განსაცდელი და განკურნე, შენ ხარ განმკურნებელი, არ არსებობს განკურნება გარდა შენი განკურნებისა - განკურნება, რომლის შემდეგაც არ რჩება ავადმყოფობის კვალიც». /ალლაჰუმმა რაბბი ნნაასი, აზჰიბილ ბა'ს ვაშფი ანთა შააფიი ლაა შიფაა'ა ილლა შიფააუქ შიფაა'ან ლაა იუღაადირუ საყამან/ ასევე წაუკითხავს: "ალლაჰის სახელით გიკითხავ შენ ყველაფრისგან, რაც შენ გაწუხებს, ყველა სულიერის სიავისაგან, ან მოშურნე თვალისგან, ალლაჰმა მოგცეს ჯანმრთელობა, ალლაჰის სახელით გიკითხავ შენ" /ბისმილლაჰი არყიიქ მინ ქულლი შაი'ინ იუ'ზიიქ, ვა მინ შარრი ქულლი ნაფსინ ავ 'აინი ჰაასიდინ, ალლაჰუ იაშფიიქ, ბისმილლაჰი არყიიქ/, და გაიმეორებს ამას სამჯერ. შემდეგ შეევედრება მისთვის ჯანმრთელობას და შვებას, თუ იტყვის მის წაკითხულში: "მიგაკედლებ შენ ალლაჰის სრულყოფილი სიტყვებით, მისი გაჩენილი სიავისაგან" / უ'იიზუქ ბიქალიმაათი-ლლააჰი თაამმაათი მინ შარრი მა ხალაყ/, და თუ ამას გაიმეორებს სამჯერ კარგი იქნება. [27] სურა ტაჰა, აიათები: 65-69. [26] სურა იუნუს, აიათები: 79-82. [25] სურა ალ-ა'რაფ, აიათი: 117-119. [24] სურა ალ-ბაყარა, აიათი: 102.
ეს ყველაფერი არის სასარგებლო წამალი. და თუ წაიკითხავს ამ შელოცვას და ვედრებებს წყალზე, შემდეგ დალევს მას მოჯადოებული და ასევე იბანავებს ამ წყლით, ეს იქნება მისთვის ჯანმრთელობის და შვების მიზეზი ალლაჰის ნებით. თუ ის წყალში მწვანე ლოტოსის (სიდრა) დაქუცმაცებულ შვიდ ფოთოლს ჩააგდებს - ესეც ასევე გამოჯანმრთელების მიზეზი იქნება. ეს ხშირად გამოიცადა და ალლაჰის ნებით სარგებელი მოაქვს. ჩვენ ძალიან ბევრ ადამიანზე გამოვცადეთ და ალლაჰის ნებით მათ მიიღეს სარგებელი ამით. ეს არის სასარგებლო და კარგი წამალი მოჯადოებულთათვის, ასევე ეს წამალი სარგებელს მოუტანს მას, ვისაც არ შეუძლია ცოლთან მიახლოება (ჯადოს გამო). რადგან ზოგიერთ ადამიანს ეკრძალება ცოლთან მიახლოება და არ შეუძლიათ მათთან კონტაქტის დამყარება (ჯადოს გამო) და თუ ის გამოიყენებს ამ შელოცვას და ამ ვედრებებს ალლაჰის ნებით მას ექნება სარგებელი. სულერთია ის წაუკითხავს საკუთარ თავს, თუ მას წაუკითხავს სხვა, ან წაუკითხავს წყალს შემდეგ დალევს, მისგან დარჩენილი წყლით კი იბანავებს, ეს ყველაფერი სარგებელს მოუტანს მოჯადოებულსაც და მას, ვისაც ცოლთან მიახლოება არ შეუძლია. ეს ყველაფერი არის მიზეზები, ხოლო განმკურნებელი უზენაესი და ყოვლადუნაკლო ალლაჰია, ერთადერთი და მას ყველაფერზე ძალა შესწევს. დიდებულის და უზენაესის ხელშია ავადმყოფობაც და წამალიც. ყველაფერი მისი ბედისწერით და განჩინებით ხდება, შუამავლისგან (ალლაჰის ლოცვა და მშვიდობა მას) სანდო გზით არის გადმოცემული, რომ მან თქვა: «ალლაჰს არ გარდმოუვლენია დაავადება ისე, რომ მასთან ერთად მისი წამალიც არ გარდმოევლინოს, იცის ეს მან, ვინც იცის და არ იცის მან, ვინც არ იცის».
და ეს არის უზენაესის და ყოვლადუნაკლოს სიკეთე. ალლაჰია წარმატების მომცემი და ჭეშმარიტი გზის მაჩვენებელი.
განმარტება ჯინის ადამიანის სხეულში შესვლის ჭეშმარიტებაზე და ამ საკითხის უარმყოფელთა საპასუხოდ [28]
[28] პასუხი რომელიც გაეგზავნა შეიხ ატ-ტანტავის თარიღით: 1408/11/3 მთვარის კალენდრით.
ქება-დიდება ალლაჰს, ლოცვა და მშვიდობა ალლაჰის შუამავალს, მის ოჯახს, მის საჰაბებს და მას, ვინც გაჰყვა მის გზას;
ამის შემდეგ: ზოგიერთმა ადგილობრივმა ჟურნალმა და სხვებმა გამოაქვეყნეს ამა წლის შა'ბანის თვეში, ვგულისხმობ 1407 წლის (მთვარის კალენდრით) მომხდარი ამბების შესახებ მოკლედ თუ გრძლად ზოგიერთი ჯინის მიერ აღიარება - რომელმაც შეიპყრო ზოგიერთი მორწმუნე ქალი რიადში - ისლამის მიღებაზე, მას შემდეგ რაც მან მიიღო ისლამი როცა რიადში მცხოვრებმა ერთერთმა ძმამ აბდულლა ბინ მუშრიფ ალ-ღუმერიმ წაუკითხა ერთერთ შეპყრობილ ქალს შემდეგ კი მიმართა ჯინს, შეგონება გაუკეთა მას, ალლაჰის სახელით მოუწოდა და აცნობა მას, რომ უსამართლობა (ზულმი) არის აკრძალული და დიდი ცოდვა. როცა ჯინმა მას უთხრა, რომ ის იყო ურწმუნო ბუდისტი მან (აბდულლაჰმა) ჯინს მოუწოდა ისლამის მიღებისკენ. მოუწოდა გამოსულიყო ქალის სხეულიდან, ჯინი დათანხმდა აბდულლაჰის მოწოდებას და მან მიიღო ისლამი. შემდეგ გადაწყვიტეს აბდულლაჰმა და ქალის ახლობლებმა, რომ მოეყვანათ ეს ქალი ჩემთან, რათა მომესმინა ჯინის მიერ ისლამის აღიარება, მათ მოიყვანეს ჩემთან ქალი და მე მასში მყოფ ჯინს ვკითხე ქალში შესვლის მიზეზებზე, მან კი მითხრა მასი შესვლის მიზეზები, მან დაილაპარაკა ქალის ენით, მაგრამ მისი საუბარი კაცის საუბარს ჰგავდა და არა ქალის, ის იჯდა ჩემგან შორიახლოს სკამზე, მისი ძმა და აბდულლააჰ ბინ მუშრიფი, და ასევე სხვა შეიხები ესწრებოდნენ ამას და ესმოდათ ჯინის საუბარი. მან აშკარად დაადასტურა ისლამი, გვითხრა რომ ის იყო რელიგიით ინდოელი ბუდისტი, მას ვურჩიე და მივეცი დარიგება ღმერთის შიში ჰქონოდა, გამოსულიყო ქალის სხეულიდან და თავი დაენებებინა მასზე უსამართლო მოქცევას. მან კი ეს დამიდასტურა და თქვა: მე ვაღიარებ ისლამს. მე მას ვურჩიე, რომ მოეწოდებინა მისი ხალხი ისლამისკენ, მის შემდეგ რაც ალლაჰმა მას სწორი გზა აჩვენა და მას აღუთქვა სიკეთე. მან დატოვა ქალის სხეული და მისი ბოლო სიტყვა იყო: ასსალაამუ ალეიქუმ(მშვიდობა თქვენ). შემდეგ დაილაპარაკა ქალმა თავისი ბუნებრივი ენით, და იგრძნო სიმშვიდე და თავისუფლება იმ ჯინისგან დაღლილობის შემდეგ. ერთი თვის შემდეგ ან უფრო მეტი დაბრუნდა ჩემთან, თავის ძმებთან, დასთან და ბიძასთან ერთად და გვიამბო, რომ თავს კარგად და მშვიდად გრძნობს და მასთან აღარ დაბრუნებულა(ჯინი), მადლობა ღმერთს. მე მას ვკითხე, თუ რას გრძნობდა მაშინ, როცა ჯინი იყო მის სხეულში, მან მითხრა რომ მას უცნაური აზრები მოსდიოდა რელიგიის საწინაღმდეგო, ასევე ბუდიზმისკენ იხრებოდა და უნდოდა, რომ ბუდიზმის შესახებ წიგნები წაეკითხა. მას შემდეგ რაც ალლაჰმა გაათავისუფლა და გაქრა მისგან ეს ფიქრები, ის დაუბრუნდა ძველ მდგომარეობას და შორს მსგავსი არასწორი ფიქრებისგან.
ჩემთან მოვიდა ინფორმაცია ძვირფასი შეიხისგან ალი ატ-ტანტაავისგან, რომ ის უარყოფს მსგავსი რამის არსებობას. მან თქვა, რომ ეს არის სიცრუე და ტყუილი, შესაძლებელია რომ ქალს ჰქონოდა აუდიო ჩანაწერი და არ ყოფილიყო ეს მისი საუბარი. მე ვითხოვე აუდიო ჩანაწერი, სადაც ჩაწერილია მისი საუბარი და მივხვდი, რომ ეს ნამდვილად მისგანაა, რაც ითქვა. ძალიან გაკვირვებული დავრჩი მისგან, რომ ის ფიქრობს, რომ ეს ყველაფერი შეიძლებოდა აუდიო ჩანაწერი ყოფილიყო, რადგან მე ძალიან ბევრი შეკითხვა დავუსვი ჯინს და მან მიპასუხა. ეს არის მისგან ძალიან ცუდი შეცდომა და არასწორი ინფორმაციის გავრცელება, მან ახსენა ასევე, რომ ჯინის გამუსლიმანება ადამიანის ხელით ეწინააღმდეგება უზენაესი ალლაჰის სიტყვას სულეიმან შუამავლის ამბავში, როგორც არის მოცემული: «და მიწყალობე ისეთი მეუფება, რომელსაც ვერავინ მიაღწევს ჩემს შემდგომ». [29] ეჭვგარეშეა, რომ ესეც მისი ერთერთი შეცდომაა და არასწორი გაგება, ალლაჰმა მისცეს მას სწორი გზა; ადამიანთა ხელით ჯინის გამუსლიმანებაში არ არის არაფერი სულეიმანის ვედრების საწინააღმდეგო. ძალიან ბევრი ჯინი გამუსლიმანდა შუამავლის ხელით (ალლაჰის ლოცვა და მშვიდობა მას) [29] სურა საად აიათ: 35.
ალლაჰმა ეს ცხადჰყო სურა ალ-აჰყააფში და სურა ალ-ჯინში. ალ-ბუხარისა და მუსლიმის საჰიჰში არის გადმოცემული აბუ ჰურეირასგან (ალლაჰი იყოს მისით კმაყოფილი), რომ შუამავალმა (ალლაჰის ლოცვა და მშვიდობა მას) თქვა: «მოვიდა ჩემთან ეშმაკი და შემაწუხა, რათა შემეწყვიტა ლოცვა, მაგრამ ალლაჰმა მომცა ძალა და დავიჭირე ის. მინდოდა, რომ ის მეჩეთის ერთ-ერთ სვეტზე მიმება, რომ შეგძლებოდათ დილით მისი დანახვა, მაგრამ მე გამახსენდა ჩემი ძმის სულეიმანის(მშვიდობა მას) სიტყვები: {ღმერთო ჩემო, მომიტევე და მიწყალობე ისეთი მეუფება, რომელსაც ვერავინ მიაღწევს ჩემს შემდგომ}. [30], და ალლაჰმა განდევნა ის». ეს გადმოცემულია ა ალ-ბუხაარისგან, მუსლიმისგან კი: «წუხელ ღამით ჯინთაგან სახელად იფრითი მოვიდა ჩემთან და უნდოდა, რომ ჩემი ლოცვა გაეწყვვიტა, მაგრამ მე ალლაჰმა გამაძლიერა და მისი დაჭერა შევძელი ისე, რომ ის მეჩეთის სვეტებიდან ერთ-ერთზე მივაბი, რათა დილით შეძლებოდა მისი დანახვა ყველას ან თქვენ ყველას, შემდეგ გამახსენდა ჩემი ძმის სულეიმანის სიტყვა: {ღმერთო ჩემო, მომიტევე და მიწყალობე ისეთი მეუფება, რომელსაც ვერავინ მიაღწევს ჩემს შემდგომ}[31] და ალლაჰმა განდევნა ის». გადმოსცა ან-ნასაიმ ალ-ბუხარის(ჰადისების) პირობით აიშასგან (ალლაჰი იყოს მისით კმაყოფილი), რომ შუამავალი (ალლაჰის ლოცვა და მშვიდობა მას) ლოცულობდა და მოვიდა მასთან ეშმაკი, შუამავალმა (ალლაჰის ლოცვა და მშვიდობა მას) დაიწყო მასთან ჭიდილი და სწვდა მას ყელში და ახრჩობდა. ალლაჰის შუამავალმა (ალლაჰის ლოცვა და მშვიდობა მას) თქვა: «მისი ენის სიცივე ვიგრძენი ხელებში, რომ არა სულეიმანის ვედრება მას მივაჯაჭვევდი, რათა დაენახა ის ხალხს». ის (ჰადისი)აჰმადმა და აბუ დაუდმაც გადმოსცეს აბუ სა'იდის ჰადისისგან, სადაც ნათქვამია: «მივწვდებოდი მას ხელით და არ ვწყვეტდი მის ხრჩობას, სანამ არ ვიგრძენი მისი ნერწყვის სიცივე ამ ორ თითს შორის: ცერა თითსა და მის გვერდითა თითზე». გადმოსცა ალ-ბუხარიმ თავის "საჰიჰ"- ში კომენტარად, რომელიც მოცემულია "ალ-ფათჰ" - ში მეოთხე ტომის 487 გვერდზე, აბუ ჰურაირასგან (ალლაჰი იყოს მისით კმაყოფილი), რომ მან თქვა: «ალლაჰის შუამავალმა (ალლაჰის ლოცვა და მშვიდობა მას) დამავალა რამადანში შეგროვებული ზექათის შენახვა, მოვიდა ერთი პიროვნება და დაიწყო საჭმლის აღება (ზექათის) მე დავიჭირე ის და ვუთხარი: "ვფიცავ ალლაჰს, შენზე ვაცნობებ ალლაჰის შუამავალს (ალლაჰის ლოცვა და მშვიდობა მას). მან თქვა: მიჭირს მე, მყავს შვილები და ძალიან მჭირდება ეს ყველაფერი. აბუ ჰურეირამ თქვა: მე თავი დავანებე მას და როცა გათენდა ალლაჰის შუამავალმა (ალლაჰის ლოცვა და მშვიდობა მას) მითხრა: "ჰეი აბუ ჰურეირა, სად წაიყვანე შენი წუხანდელი ტყვე?" მე ვუთხარი: ალლაჰის შუამავალო, მან იჩივლა, რომ ძალიან სჭირდებოდა, რომ მას ჰყავდა შვილები, მე შევიბრალე ის და გავუხსენი გზა. შუამავალმა თქვა: "მან შენ მოგატყუა, ის ისევ დაბრუნდება". მე მივხვდი, რომ ის დაბრუნდებოდა შუამავლის (ალლაჰის ლოცვა და მშვიდობა მა) სიტყვებიდან გამომდინარე. როცა დავიწყე თვალთვალი, ის მოვიდა და დაიწყო ისევ საჭმლიდან(ზექათიდან) აღება, მე დავიჭირე ის და ვუთხარი: ვფიცავ ალლაჰს შენზე ვაცნობებ ალლაჰის შუამავალს (ალლაჰის ლოცვა და მშვიდობა მას) მან მითხრა: გამიშვი, მე ძალიან მიჭირს, შვილები მყავს აღარ დავბრუნდები, მე შევიბრალე ის და გაუხსენი გზა. როცა გათენდა ალლაჰის შუამავალმა (ალლაჰის ლოცვა და მშვიდობა მას) მითხრა: "ჰეი აბუ ჰურეირა, სად წაიყვანე შენი წუხანდელი ტყვე?" მე ვუთხარი: ალლაჰის შუამავალო, მან იჩივლა, რომ ძალიან სჭირდებოდა,და რომ მას ჰყავდა შვილები, მე შევიბრალე ის და გავუხსენი გზა. შუამავალმა თქვა: "მან შენ მოგატყუა, ის ისევ დაბრუნდება". დავიწყე თვალთვალი მესამედ, მოვიდა და დაიწყო ისევ საჭმლიდან(ზექათიდან) აღება, მე დავიჭირე ის და ვუთხარი: ვფიცავ ალლაჰს, შენზე ვაცნობებ ალლაჰის შუამავალს (ალლაჰის ლოცვა და მშვიდობა მას) ეს არის ბოლო ,შენ უკვე მესამედ მოხვედი და ამბობ, რომ აღარ დაბრუნდები, შემდეგ კი ისევ ბრუნდები, მან თქვა: გამიშვი და გასწავლი ისეთ სიტყვებს, რომლითაც ალლაჰი სარგებელს მოგიტანს, მას ვკითხე: რა სიტყვებია ისინი? მან თქვა: როცა დაწვები დასაძინებლად წაიკითხე აიათულ-ქურსი: {არ არსებობს ღვთაება, გარდა ალლაჰისა მარადცოცხალისა, მარადმსუფევისა} [32] ეს აიათი წაიკითხე ბოლომდე და შენ გეყოლება მცველი ალლაჰისგან გამოგზავნილი და ვერ მოგიახლოვდება სატანა გათენებამდის, და მე მას გავუხსენი გზა. როცა გათენდა ალლაჰის შუამავალმა (ალლაჰის ლოცვა და მშვიდობა მას) მითხრა: "ჰეი აბუ ჰურეირა, სად წაიყვანე შენი წუხანდელი ტყვე?" მე ვუთხარი: ალლაჰის შუამავალო, მან თქვა, რომ მე მასწავლიდა სიტყვებს, რომლითაც ალლაჰი სარგებელს მომიტანდა და მე მას გავუხსენი გზა. შუამავალმა მკითხა: "რა სიტყვები?" ვუთხარი: მან მითხრა: როცა დაწვები დასაძინებლად წაიკითხე აიათულ-ქურსი დასაწყისიდან ბოლომდე {არ არსებობს ღვთაება გარდა ალლაჰისა მარადცოცხალისა, მარადმსუფევისა} და შენ გეყოლება მცველი ალლაჰისგან გამოგზავნილი და ვერ მოგიახლოვდება ეშმაკი გათენებამდე, ეს სიტყვები არის ყველაზე კარგი რაც სიკეთეს მოგიტანს. შუამავალმა (ალლაჰის ლოცვა და მშვიდობა მას) თქვა: "მან სიმართლე გითხრა, როცა ის არის მატყუარა, იცი ვის ესაუბრებოდი სამი ღამე, ჰეი, აბუ ჰურეირა?" ვუთხარი: არა. თქვა: "ის იყო ეშმაკი". [31] სურა საად აიათი: 35. [32] სურა ალ-ბაყარა, აიათი: 255. [30] სურა საად აიათი: 35.
შუამავალმა (ალლაჰის ლოცვა და მშვიდობა მას) გვამცნო თავის სანდო ჰადისში, რომელიც გადმოგვცა ორმა შეიხმა (ალ-ბუხარი და მუსლიმი) საფიასგან (ალლაჰი იყოს მისით კმაყოფილი), რომ შუამავალმა (ალლაჰის ლოცვა და მშვიდობა მას) თქვა: «ჭეშმარიტად, ეშმაკი მოძრაობს ადამიანის სხეულში ისე, როგორც სისხლი».
გადმოგვცემს იმამ აჰმადი თავისი მუსნადის მეოთხე ტომში 216 გვერდზე კარგი გადმოცემათა ჯაჭვით, უსმან იბნ აბუ ალ-'აასი (ალლაჰი იყოს მისით კმაყოფილი) თქვა: ო, ალლაჰის შუამავალო, ეშმაკი ჩადგა ჩემსა და ჩემს ლოცვას და ჩემს კითხვას შორის, მან თქვა: «ეს არის ეშმაკი სახელად ხინზაბ და თუ იგრძნობ მის სიახლოვეს, მიეკედლე ალლაჰს მისგან და გადააფურთხე მარცხენა მხარეს სამჯერ». თქვა (ოსმან ბინ აბუ ალ-აასმა) მე გავაკეთე ასე და უზენაესმა ალლაჰმა ის მომაშორა." როგორც არის გადმოცემული სანდო ჰადისებში შუამავლისგან (ალლაჰის ლოცვა და მშვიდობა მას) ყველა ადამიანს ჰყავს თანამგზავრი ანგელოზებიდან და თანამგზავრი ეშმაკებისგან, შუამავალსაც კი (ალლაჰის ლოცვა და მშვიდობა მას), მაგრამ ალლაჰი დაეხმარა მას და მიიღო მან ისლამი და მხოლოდ სიკეთესკენ მოუწოდებდა მას (შუამავალს). უზენაესი ალლაჰის წიგნი, მისი შუამავლის (ალლაჰის ლოცვა და მშვიდობა მას) სუნნა და ისლამური სამყაროს ერთსულოვანი აზრი (იჯმაა') მიუთითებს იმაზე, რომ ჯინს შეუძლია ადამიანის სხეულში შეღწევა და მასზე ჭიდილი, და როგორ შეიძლება ვინც თავს თვლის მცოდნედ, რომ უარყოს ეს ყველაფერი ცოდნის და ჭეშმარიტების გარეშე, და ბაძავდეს ზოგიერთი სიახლის მიმდევართ და მათ, ვინც ეწინააღმდეგება სუნნასა და ისლამურ ერთობას. ალლაჰია შემწე და არ არსებობს ძალა და შემწეობა, გარდა ალლაჰისა. მე შენ გაგიზიარებ მკითხველო, რასაც შევძლებ სწავლულთა სიტყვებს ამასთან დაკავშირებით ალლაჰის ნებით.
ყურანის განმმარტებელთა სიტყვები (ალლაჰმა შეიწყალოს ისინი) უზენაესის სიტყვების: «რომელნიც მევახშეობას ეწევიან, (აღდგომის დღეს) ვერ აღსდგებიან (სხვაგვარად), თუ არა ისე, როგორც აღსდგება ეშმაკის შეხებით გაგიჟებული». [33] [33] სურა ალ-ბაყარა, აიათი: 275.
აბუ ჯა'ფარ იბნ ჯარირი (ალლაჰმა შეიწყალოს ის) ამბობს ამ აიათის განმარტებაში: «რომელნიც მევახშეობას ეწევიან, (აღდგომის დღეს) ვერ აღსდგებიან (სხვაგვარად), თუ არა ისე, როგორც აღსდგება ეშმაკის შეხებით გაგიჟებული». [34] მისი ტექსტია: აქ იგულისხმება, რომ შაითანი მას აგიჟებს ამქვეყნად, ეს კი იმას გულისხმობს, რომ ის ახრჩობს და აგდებს მას გონებიდან {من المس} - ეს ნიშნავს სიგიჟეს. [34] სურა ალ-ბაყარა, აიათი: 255.
ალ-ბაღავი (ალლაჰმა შეიწყალოს ის) მოცემული აიათის განმარტებაში ამბობს: «ვერ აღსდგებიან (სხვაგვარად), თუ არა ისე, როგორც აღსდგება ეშმაკის შეხებით გაგიჟებული». [35] ანუ: სიგიჟე. ამბობენ: „ადამიანს შეეხო“ და ის „შეხებული“ არის, თუ ის გიჟია. დასასრული. [35] სურა ალ-ბაყარა, აიათი: 275.
იბნ ქასირი (ალლაჰმა შეიწყალოს ის) მოცემული აიათის განმარტებაში ამბობს: «რომელნიც მევახშეობას ეწევიან, (აღდგომის დღეს) ვერ აღსდგებიან (სხვაგვარად), თუ არა ისე, როგორც აღსდგება ეშმაკის შეხებით გაგიჟებული». [36] ანუ: ისინი თავიანთი საფლავებიდან აღდგომის დღეს ისე ადგებიან, როგორც შეპყრობილი ადამიანი დგება მისი შეტევის დროს, როდესაც შაიტანი მას შეეხება და აგიჟებს. ეს იმიტომ, რომ მისი აღდგომა იქნება უცნაური და საშინელი. იბნ აბბასი (ალლაჰი იყოს მისით კმაყოფილი) ამბობს: «პროცენტის მჭამელი აღსდგება განკითხვის დღეს როგორც გიჟი, თითქოს მას ახრჩობდნენ». გადმოგვცემს იბნ აბუ ჰაათიმი, რომელმაც ასევე გადმოსცა: [36] სურა ალ-ბაყარა, აიათი: 275.
ავფ იბნი მაალიქისგან, საიდ ბინ ჯუბაირისგან, ალ-სა'დისგან, ალ-რაბი' იბნ ანასისგან, ყათადასგან და მუყათილ იბნ ჰაიანისგან მსგავსი (ჰადისი). აქ დაასრულა მისი სათქმელი ალლაჰმა შეიწყალოს ის.
ყურტუბი (ალლაჰმა შეიწყალოს ის) უზენაესის სიტყვების განმარტებაში ამბობს : «რომელნიც მევახშეობას ეწევიან, (აღდგომის დღეს) ვერ აღსდგებიან (სხვაგვარად), თუ არა ისე, როგორც აღსდგება ეშმაკის შეხებით გაგიჟებული». [37] ამ აიათში მოცემულია მტკიცებულება იმ ადამიანების შეხედულების უგულებელყოფის არასწორობაზე, ვინც უარყოფს ჯინების მხრიდან შეპყრობას და ამტკიცებს, რომ ეს ბუნების მოვლენების შედეგია და შაიტანი არ აღწევს ადამიანის სხეულში და არ ახდენს მასზე ზემოქმედებას. ციტატის დასასრული. ყურანის განმმარტებელთა სიტყვები მსგავსი მნიშვნელობით ბევრია, ვისაც სურს შეუძლია მოძებნოს. [37] სურა ალ-ბაყარა, აიათი: 275.
შეიხ ულ-ისლამ იბნ თეიმიამ (ალლაჰმა შეიწყალოს ის) თავის წიგნში "إيضاح الدلالة في عموم الرسالة للثقلين" (რომელიც შედის " مجموع الفتاوى " მე-19 ტომში, 9-დან 65-მდე გვერდზე) შემდეგი სიტყვები თქვა წინა ტექსტის შემდეგ: ამიტომ, მუ'თაზილებიდან გარკვეულმა ჯგუფებმა, როგორიცაა ალ-ჯუბბააი და აბუ ბაქრ არ-რააზიი და სხვებმა, უარყვეს ჯინების შესვლა შეპყრობილის სხეულში, თუმცა მათ არ უარყვეს ჯინების არსებობა. მათი უარყოფა გამოწვეული იყო იმით, რომ ეს საკითხი ისე ცხადად არ იყო წარმოდგენილი შუამავლის (ალლაჰის ლოცვა და მშვიდობა მას) გადმოცემებში, როგორც სხვა საკითხები. მიუხედავად ამისა, ისინი ცდებოდნენ ამაში. ამასთან დაკავშირებით, ალ-აშ'არიმ "აჰლუ სუნნა ვალ ჯამაას"-ს შეხედულებებში აღნიშნა, რომ ისინი აცხადებენ, რომ ჯინი შეპყრობილის სხეულში შედის, როგორც ეს ალლაჰმა თქვა: «რომელნიც მევახშეობას ეწევიან, (აღდგომის დღეს) ვერ აღსდგებიან (სხვაგვარად), თუ არა ისე, როგორც აღსდგება ეშმაკის შეხებით გაგიჟებული». [38] აბდულლაჰ იბნ აჰმად იბნ ჰანბალმა თქვა: "ვკითხე მამაჩემს (იმამ აჰმადს): "ზოგიერთი ადამიანი ამტკიცებს, რომ ჯინი არ შედის ადამიანის სხეულში". მამამ მიპასუხა: ''შვილო, ისინი ცრუობენ. განა არ ხედავ, რომ ის (ჯინი) ლაპარაკობს მისი (ადამიანის) ენით?" ეს საკითხი დეტალურად არის განხილული შესაბამის ადგილებში. ასევე მან თქვა (ალლაჰმა შეიწყალოს ის ) თავისი ფეთვების ოცდამეოთხე ტომში გვერდზე 276-277: «ჯინების არსებობა დადასტურებულია ალლაჰის წიგნით, შუამავლის სუნნათით და ისლამური მართლმორწმუნე წინაპრების და იმამების აზრთა ერთობით. ასევე, ჯინის შესვლა ადამიანის სხეულში დადასტურებულია აჰლი სუნნას იმამების და საზოგადოების აზრთა ერთობით». თქვა დიდებულმა ალლაჰმა: «რომელნიც მევახშეობას ეწევიან, (აღდგომის დღეს) ვერ აღსდგებიან (სხვაგვარად), თუ არა ისე, როგორც აღსდგება ეშმაკის შეხებით გაგიჟებული». [39] საჰიჰში გადმოცემულია შუამავლისგან (ალლაჰის ლოცვა და მშვიდობა მას): «ჭეშმარიტად, ეშმაკი მოძრაობს ადამიანის სხეულში ისე, როგორც სისხლი». [39] სურა ალ-ბაყარა, აიათი: 275. [38] სურა ალ-ბაყარა, აიათი: 275.
აბდულლა იბნ აჰმად იბნ ჰამბალმა თქვა: "ვკითხე მამაჩემს (იმამ აჰმადს): "ზოგიერთი ადამიანი ამტკიცებს, რომ ჯინი არ შედის ადამიანის სხეულში". მამამ მიპასუხა: ''შვილო, ისინი ცრუობენ. განა არ ხედავ, რომ ის (ჯინი) ლაპარაკობს მისი (ადამიანის) ენით?" მისი პასუხი, რაც მან გასცა ცნობილი ამბავია, ის აგიჟებს ადამიანს და ალაპარაკებს ისეთი ენით, რომლის მნიშვნელობა გაუგებარია, მას ურტყამენ სხეულზე ძლიერად, თუ ის ასე აქლემს დაარტყამს მასზე დარტყმის კვალს დატოვებს, ამასთან ერთად შეპყრობილი ვერ გრძნობს დარტყმას და ვერც სიტყვებს, რასაც საუბრობს, ასევე, შესაძლებელია, რომ შეპყრობილმა სხვას მიაყენოს ზიანი.
მუსლიმთა იმამებიდან არცერთი არ უარყოფს ჯინის შეჭრას შეპყრობილის სხეულში. ვინც ამას უარყოფს და ამტკიცებს, რომ შარიათი ამ მოსაზრებას ეწინააღმდეგება, მან შარიათზე ცილი დასწამა. შარიათის მტკიცებულებებში არაფერია, რაც ამ მოვლენას უარყოფს. ციტატის დასასრული.
იმამ იბნ ალ-ყაიმი (ალლაჰმა შეიწყალოს ის) ამბობს თავის წიგნში "ზაად ალ-მა'აად ფი ჰადი ხაირი ალ-'იბად", მეოთხე ტომში, 66-69 გვერდებზე: " შეპყრობა ორნაირია: 1. შეპყრობა ბინძური მიწიერი სულებისგან (ჯინებისგან). 2. შეპყრობა არაჯანსაღი სხეულებრივი ნივთიერებებისგან. მეორე ტიპის შეპყრობაზე ექიმები საუბრობენ, რაც შეეხება მის გამომწვევ მიზეზებს და მკურნალობის მეთოდებს.
რაც შეეხება სულების შეპყრობილობას: მათი წინამძღვრები და გონივრული ადამიანები ამას აღიარებენ და არ უარყოფენ. ისინი აღიარებენ, რომ ამის მკურნალობა გულისხმობს კეთილშობილი და კეთილი ზეციური სულების დაპირისპირებას ბოროტ და ბინძურ სულებთან, რათა მათი ზემოქმედება გაბათილდეს, მათი მოქმედებები დაიბლოკოს და ნეიტრალიზდეს. ჰიპოკრატემაც თავის ერთ-ერთ ნაშრომში ამაზე მიუთითა. მან აღნიშნა შეპყრობილობის ზოგიერთი მკურნალობის მეთოდი და თქვა:
"ეს ეფექტურია მხოლოდ იმ შეპყრობილობისთვის, რომლის მიზეზიც არაჯანსაღი სხეულის ნივთიერებები და ზოგადი მატერიაა. რაც შეეხება იმ შეპყრობილობას, რომელიც სულებისგან ხდება, ასეთ შემთხვევაში ეს მკურნალობა არაეფექტურია.
მაგრამ უღირსი, შეცდომაში მყოფი და უმეცარი ექიმები, ვისაც სჯერა ათეიზმის, უარყოფენ სულების შეპყრობილობას, ისინი არ ადასტურებენ, რომ მას შეშლილის სხეულზე გავლენის მოხდენა შეუძლია, ისინი უმეცრები არიან, რადგან სამედიცინო სფეროში არ არის ისეთი რამ, რაც ამისკენ უბიძგებს. ხოლო შეგრძნება და რეალობა მეტყველებს ამ ყველაფერზე, მათი პოზიცია, რომ ჭკუიდან შეშლა არის ამის გამომწვევი მიზეზი მართალია ზოგიერთ შემთხვევაში და არა ყველა შემთხვევაში, სიტყვებამდე სადაც თქვა: მათ ადგილზე ათეისტი ექიმები მოვიდნენ და მხოლოდ სხეულის არაჯანსაღი ნივთიერებებისგან გამოწვეული შეპყრობილობა აღიარეს. თუმცა, ვისაც გონება და ცოდნა აქვს ამ სულებთან და მათი ზემოქმედების შესახებ, მათ სიბრიყვესა და გონებრივი სუსტი მდგომარეობის გამო დასცინის.
ამ სახეობის წამალი დამოკიდებულია ორ საქმეზე: შეშლილის მხრიდან არსებულ საქმეზე, და ვინც მკურნალობს მისი მხრიდან არსებულ საქმეზე, რომელიც არის დამოკიდებული შეშლილზე ეს არის მისი სულიერი სიძლიერე, მისი წრფელი ლტოლვა სულების გამჩენის და ხელმწიფისკენ, და სწორი მიკედლება (ღმერთზე), რომელზეც თავისი გულის გამოძახილს ენა დაადასტურებს. ეს არის ბრძოლის ტიპი, და მებრძოლი ვერ მოიპოვებს გამარჯვებას თავის მტერზე იარაღით, თუ არ შესრულდება ორი პირობა: 1. იარაღი უნდა იყოს თავისთავად გამართული და ხარისხიანი. 2. მებრძოლის ხელი (ძალა) უნდა იყოს ძლიერი. თუ რომელიმე ამ პირობიდან ერთი არ არის შესრულებული, იარაღი ვერ მოახდენს მნიშვნელოვან ზეგავლენას. ხოლო თუ ორივე პირობა არ იქნება, გული კი შორს იქნება ერთღმერთიანობისგან, ღმერთზე მიკედლებისგან, რწმენისა და ღვთისკენ მისწრაფებისგან, მას არავითარი იარაღი არ გააჩნია.
მეორე მხრიდან, მკურნალის მიერ, ასევე აუცილებელია ამ ორი პირობის შესრულება: მკურნალის სიტყვებსა და მოქმედებებში უნდა იყოს ძალა და დარწმუნებულობა. ის უნდა იყოს ღვთის მიმართ მტკიცედ დაკავშირებული. ზოგიერთი მკურნალი მხოლოდ შემდეგი სიტყვებითაც კი ახერხებს ეფექტურ მკურნალობას: "გამოდი მისგან!" (უხრუჯ მინჰუ), ან "ალლაჰის სახელით" („ბისმილლაჰ“), ან "არ არსებობს ძალა და ძლევამოსილება, გარდა ალლაჰისა" (ლაა ჰავლა ვა ლაა ყუვვათა ილლა ბილლაჰ). წინასწარმეტყველი მუჰამმადი (ალლაჰის ლოცვა და მშვიდობა მას) ამბობდა: «გამოდი ალლაჰის მტერო! მე ალლაჰის შუამავალი ვარ!»
მე ვნახე, როგორ აგზავნიდა ჩვენი შეიხი შეპყრობილთან ვიღაცას, ვინც ლაპარაკობდა მის შიგნით მყოფ სულთან და ეუბნებოდა: "შეიხი გეუბნება: გამოდი, რადგან ეს შენთვის არ არის ნებადართული". ამის შემდეგ შეპყრობილი გონზე მოდიოდა. ზოგჯერ შეიხი თავად ესაუბრებოდა სულს, ხოლო თუ სული ჯიუტი იყო, მას დარტყმებით განდევნიდა, რის შემდეგაც შეპყრობილი გონზე მოდიოდა და ტკივილს საერთოდ არ გრძნობდა. ჩვენ და სხვებმაც ვნახეთ ეს ყველაფერი არაერთხელ, სიტყვებამდე სადაც თქვა: მოკლედ, ეს არის შეშლის სახეობა და მისი წამალი, ამას არ უარყოფს გარდა იმისა, ვისაც აქვს მცირე ცოდნა და შეზღუდული გონება. ყველაზე ხშირად ვისაც იპყრობენ ბოროტი სულები არიან ისინი, ვისაც აქვთ სუსტი რწმენა. შორს არის მათი ენები და გულები ალლაჰის ხსენებისგან, მასზე მიკედლებისგან და შუამავლისეული რწმენის გამამტკიცებლებისგან. ბოროტი სული მიდის იმ კაცთან, ვისაც არ აქვს დამცავი იარაღი და არის შიშველი ყოველგვარი დამცავისგან და მასზე მოქმედებს ეს. ამით დაასრულა თავისი სათქმელი (ალლაჰმა შეიწყალოს ის).
რაც ვახსენეთ შარიათის არგუმენტებიდან, სწავლულთა ერთსულოვანი აზრი და მუსლიმთა ერთობა ჯინის ადამიანის სხეულში შესვლის შესაძლებლობაზე, მკითხველთათვის აშკარა ხდება უარმყოფელთა სიტყვები და ძვირფასი შეიხის ატ-ტანტავის შეცდომა და უარყოფა ამ საკითხის.
მან დადო პირობა თავის სიტყვაში, რომ როდესაც ჭეშმარიტებისკენ მოუხმობენ ის დაუბრუნდება ჭეშმარიტებას, მაშ, ვიმედოვნებთ, რომ დაუბრუნდება სიმართლეს მას შემდეგ, რაც წაიკითხავს იმას, რაც ვახსენეთ, ალლაჰს ვთხოვთ ჩვენთვისაც და მისთვისაც ჭეშმარიტ გზას და წარმატებას. რაც ჩვენ ვახსენეთ ასევე ცნობილია, რაც დაიბეჭდა გაზეთ ალ-ნადვაში თავის 14/10/1407 წლის ჰიჯრით, გამოცემაში მერვე გვერდზე, დოქტორი მუჰამმად ირფანის თქმით, სიტყვა სიგიჟე გაქრა სამედიცინო ლექსიკონიდან. ის ამტკიცებს, რომ ჯინის შესვლა ადამიანის სხეულში და მისი ენით საუბარი სამეცნიერო სფეროში ასი პროცენტით არასწორად არის გაგებული. ეს არის სიცრუე, რომელიც წარმოიშვა შარიათის საქმეების ცოდნის ნაკლებობით და რაც გადაწყვიტეს სწავლულებმა და სუნასსა და მუსლიმთა ერთობამ, ეს საქმეები ბევრი ექიმისთვის უცნობიც რომ იყოს, ეს არ ნიშნავს, რომ ეს მის არ არსებობაზე არგუმენტად გამოდგება, პირიქით ეს მათ უცოდინრობაზე მიუთითებს, რაც მათ გარდა სხვა სანდოობით და სიწრფელით გამორჩეულმა სწავლულებმა შეიმეცნეს და მიხვდნენ რელიგიის საქმეთაგან. ეს არის აჰლი სუნნასა და მუსლიმთა ერთობის ერთსულოვანი აზრი, როგორც გადმოსცა შეიხულ ისლაამ იბნ თაიმიამ ყველა სწავლულისაგან, ასევე გადმოცემულია, რომ აბუ ალ-ჰასან ალ-აშ'არიმ გადმოსცა მსგავსი რამ აჰლი სუნნას და მუსლიმთა ერთობისგან. ასევე გადმოცემულია აბუ ალ-ჰასან ალ-აშ'არისგან: აბუ აბდულლაჰ მუჰამმად იბნ აბდულლაჰ აშ-შიბლი ალ-ჰანაფი გარდაცვლილი ჰიჯრით 799 წელს თავის წიგნში: "آكام المرجان في غرائب الأخبار وأحكام الجان" (სასწაული ამბებისა და ჯინების წესების შესახებ), აბუ აბდულლაჰ მუჰამმად იბნ აბდულლაჰ აშ-შიბლიმ განიხილა ეს საკითხი მოცემული წიგნის 51-ე თავში.
როგორც უკვე აღვნიშნეთ იბნ ალ-ყაიმის (ალლაჰმა შეიწყალოს ის) სიტყვებში, ექიმთა ლიდერები და გონიერები აღიარებენ ამ საკითხს და არ უარყოფენ მას. ამის საწინააღმდეგოდ, ამ საკითხს უარყოფენ მხოლოდ უცოდინარი, უგუნური და ათეისტი ექიმები. ეს უნდა გაიგო, მკითხველო, და მტკიცედ დაიცვა ის სიმართლე, რაც ჩვენ განვიხილეთ. არ დაუჯერო არც უცოდინარ ექიმებს, არც სხვებს, რომლებიც ამ საკითხზე საუბრობენ უპასუხისმგებლოდ, ცოდნისა და სიბრძნის გარეშე, და არც მათ, ვინც ბრმად მიჰყვება უცოდინარ ექიმებს ან მუ'თაზილათა და სხვა ბიდ'ათის (სიახლის) მიმდევრებს. ალლაჰია შემწე.
გაფრთხილება:
შეპყრობილი ადამიანი შეიძლება გადაადგილებდეს ხალიჩას, რომელზეც ზის, ცვლის ნივთებს და გადააქვს ისინი ერთი ადგილიდან მეორეში, ან ახორციელებს სხვა ისეთ ქმედებებს, რაც მის გარშემო მყოფ ადამიანებს აშკარად უჩვენებს, რომ ის, ვინც ლაპარაკობს ადამიანის ენით და ამოძრავებს ამ ნივთებს, არის სხვა სულიერი არსება და არა თავად ადამიანი.
ჩვენ მიერ ნახსენები შუამავლის (ალლაჰის ლოცვა და მშვიდობა მას) სანდო ჰადისები და სწავლულების სიტყვები ცხადად მიუთითებს, რომ ჯინთან საუბარი, მისი შეგონება, რელიგიურ საკითხებზე დამოძღვრა და ისლამისკენ მოწოდება, და ჯინის მიერ ამ მოწოდებაზე დადებითი პასუხის გაცემა არ ეწინააღმდეგება იმ გზას, რომელიც სულეიმანის შესახებ ალლაჰმა თქვა სურა "საად"-ში: «ღმერთო ჩემო, მომიტევე და მიწყალობე ისეთი მეუფება, რომელსაც ვერავინ მიაღწევს ჩემს შემდგომ. ჭეშმარიტად, შენ ხარ მომმადლებელი». ასევე, ჯინისთვის სიკეთისკენ მოწოდება, ბოროტების შეწყვეტისკენ შეგონება და მისი ცემა, თუ ის უარს ამბობს სხეულიდან გამოსვლაზე, არ ეწინააღმდეგება ზემოთ ნახსენებ აიათს. პირიქით, ეს ვალდებულებაა, რადგან ეს არის შემტევი აგრესორის მოგერიება, ჩაგრულის დახმარება, სიკეთისკენ მოწოდება და ბოროტების აკრძალვა. ეს იგივე პრინციპია, რაც ადამიანთან მიმართებით გამოიყენება, როდესაც ის ბოროტებას სჩადის და საჭირო ხდება მისი შესწორება. როგორც ზემოთ იყო მოცემული სანდო ჰადისში შუამავალმა (ალლაჰის ლოცვა და მშვიდობა მას) თქვა: «ყელში ვუჭერდი სანამ მას ნერწყვები არ გადმოსდინდა». თავის ძვირფას ხელზე (ალლაჰის ლოცვა და მშვიდობა მას ) თქვა: «რომ არა ჩემი ძმის სულეიმანის ვედრება მივაჯაჭვებდი, რათა ენახა ის ხალხს». მუსლიმის მიერ გადმოცემულ ჰადისში აბუ ად-დარდასგან: შუამავალმა (ალლაჰის ლოცვა და მშვიდობა მას) თქვა: «ალლაჰის მტერმა (იბლისმა)სატანამ მოიტანა ცეცხლის ნაკვეჩხლები, რათა ჩემთვის სახეში მოერტყა, მე ვთქვი: მივეკედლები ალლაჰს შენგან - სამჯერ, შემდეგ ვუთხარი: მე შენ გწყევლი ალლაჰის სრული წყევლით. მას უკან არ დაუხევია - სამჯერ, შემდეგ მინდოდა მისი დაკავება, ვფიცავ ალლაჰს, რომ არა ჩვენი ძმის სულეიმანის ვედრება მივაჯაჭვებდი და მისით ითამაშებდნენ მედინას ბავშვები». ამ მნიშვნელობის ჰადისები ბევრია და ასევე სწავლულთა სიტყვებიც.
ვიმედოვნებ, რაც ვახსენეთ იქნება საკმარისი და დამარწმუნებელი მისთვის, ვინც ეძებს ჭეშმარიტებას, ვთხოვ ალლაჰს საუკეთესო სახელებით და დიადი თვისებებით, რომ მოგვცეს წარმატება ჩვენც და ყველა მუსლიმს მისი რელიგიის გაგებაში და მასზე სიმტკიცეში, რომ გვიწყალობოს ჩვენ ყველას ჭეშმარიტება სიტყვებსა თუ ქმედებებში, და დაგვიფაროს ჩვენც და ყველა მუსლიმიც, რომ ვთქვათ მასზე რაიმე ცოდნის გარეშე, ან ვუარყოთ ის, რასაც ჩვენი ცოდნა არ სწვდება. ჭეშმარიტად, ის არის ამაზე პასუხისმგებელი და ყოვლისშემძლე.
ალლაჰის ლოცვა და მშვიდობა მის მსახურს და შუამავალს, ჩვენს მოციქულ მუჰამმადს, მის ოჯახს, მის საჰაბებს და მასზე სიკეთით მიმყოლთ.
[29] სურა საად აიათ: 35.
Related books
All books
الوسائل المفيدة للحياة السعيدة85 languagesالوسائل المفيدة للحياة السعيدة
كتاب "الوسائل المفيدة للحياة السعيدة" للشيخ عبد الرحمن بن ناصر السعدي، يتناول مفهوم السعادة الحقيقية التي يسعى لتحقيقها كل إنسان. الكتاب يوضح أن السعادة تتحقق بطاعة الله ورسوله، والعمل الصالح، والإيمان. ويُقسم السعادة إلى دنيوية مؤقتة وأخروية دائمة، ويربط بينهما بالرضا الإلهي للمؤمنين. يعتمد الكتاب على الأدلة الشرعية من القرآن والسنة لتقديم الأسباب المؤدية للسعادة وكيفية تحقيقها، مما يجعله دليلاً للمسلمين لتنظيم حياتهم على بصيرة وإيمان.
ისლამის მოკლე მიმოხილვა ისე, როგორც მოვიდა წმინდა ყურანში და შუამავლის სუნნაში71 languagesისლამის მოკლე მიმოხილვა ისე, როგორც მოვიდა წმინდა ყურანში და შუამავლის სუნნაში
ისლამი ეს წიგნი მოკლედ ხსნის ისლამის მნიშვნელოვან საფუძვლებს, სწავლებებს, მის ლამაზ მხარეებსა და ძირითად წყაროებს, რომლებსაც წმინდა ყურანი და შუამავლის სუნნეთი წარმოადგენს. წიგნი განკუთვნილია ყველა დროისა და ადგილმდებარეობის, ზრდასრული მუსლიმებისა და არამუსლიმებისთვის, მათ ენებზე. დროისა და ცხოვრებისეული პირობების მიუხედავად. (ეს ვერსია შეიცავს მტკიცებულებებს წმინდა ყურანიდან და შუამავლის სუნნადან) 1. ისლამი არის ალლაჰის გზავნილი ყველა ადამიანის მიმართ. ის არის ღვთიური გზავნილი, რომელიც არის მარადიული და საბოლოო ღვთიური წერილი. ისლამი არის ალლაჰის გზავნილი ყველა ადამიანის მიმართ. უზენაესი…
მოციქული მუჰამმადის (ალლაჰის ლოცვა და მშვიდობა მას) ლოცვის აღწერა82 languagesმოციქული მუჰამმადის (ალლაჰის ლოცვა და მშვიდობა მას) ლოცვის აღწერა
წიგნში მოციქული მუჰამმადის (ალლაჰის ლოცვა და მშვიდობა მას) ლოცვის ფორმა, ძვირფასი სწავლული შეიხი აბდულ-აზიზ იბნ ბაზ (ალლაჰმა შეიწყალოს ის) შეაჯამებს წინასწარმეტყველ მუჰამმადის (ალლაჰის ლოცვა და მშვიდობა მას) ლოცვის აღწერას მარტივი სტილითა და ზუსტი მეთოდოლოგიით, სანდო ტექსტებსა და ჰადისებზე დაყრდნობით, რათა ის იყოს გზამკვლევი მუსლიმისთვის ლოცვაში, წიგნში განმარტებულია ლოცვის საფუძვლები (ფუნდამენტური ნაწილები), სუნნათები და მისი ფორმა აბდესის დაწყებიდან მისალმებამდე, იგი აერთიანებს მტკიცებულებებს და მკაფიო განმარტებებს, და მოუწოდებს მორწმუნეს, რომ მოციქულ მუჰამმადს (ალლაჰის ლოცვა და მშვიდობა…
حقوق دعت إليها الفطرة26 languagesحقوق دعت إليها الفطرة
رسالة لطيفة تقدم شرحًا مفصلًا لعشرة حقوق أساسية تشمل حقوق الله تعالى، وحقوق النبي صلى الله عليه وسلم، وحقوق الوالدين، والأولاد، والأقارب، والجيران، والزّوجين، والرّعية والولاة، والمسلمين عمومًا، وغير المسلمين. يهدف الكتاب إلى تعزيز الفهم الصحيح للعلاقات الاجتماعية والواجبات الفردية تجاه الآخرين، مستندًا إلى نصوص الوحي من القرآن الكريم والسنة النبوية، مما يجعله مرجعًا مهمًا لكل مسلم يسعى لتطبيق الشريعة في حياته اليومية مع ربه ومع الآخرين.