SIFFAR UMARA (TAƘAITACCEN SHARHI A AIKACE) Yaya zakayi Umrah? ( Bidiyon koyarwa a sauƙaƙaƙƙe). Bidiyo ne da ke bayanin ayyukan Umara a jere tun daga harama har zuwa tahalluli, da usulubi a sauƙaƙe kuma a bayyane, kalli bidiyon ka koyi yadda zaka gudanar da umararka cikin sauƙi da kuma inganci. SIFFAR UMARA Yana wajaba a kan wanda ya yi nufin yin Umarah ya yi harama daga miƙatin da aka iyakance masa. Miƙatai: Su ne wuraren da Annabi - tsira da amincin Allah su tabbata a gare shi - ya ayyanasu Domin wanda ya yi nufin Hajji ko Umarah ya yi harama daga wurinsu. Duk wanda ya wuce ta ɗaya daga…
SIFFAR UMARA (TAƘAITACCEN SHARHI A AIKACE)Yaya zakayi Umrah? ( Bidiyon koyarwa a sauƙaƙaƙƙe).Bidiyo ne da ke bayanin ayyukan Umara a jere tun daga harama har zuwa tahalluli, da usulubi a sauƙaƙe kuma a bayyane, kalli bidiyon ka koyi yadda zaka gudanar da umararka cikin sauƙi da kuma inganci.SIFFAR UMARA
Yana wajaba a kan wanda ya yi nufin yin Umarah ya yi harama daga miƙatin da aka iyakance masa.
Miƙatai: Su ne wuraren da Annabi - tsira da amincin Allah su tabbata a gare shi - ya ayyanasuDomin wanda ya yi nufin Hajji ko Umarah ya yi harama daga wurinsu.
Duk wanda ya wuce ta ɗaya daga cikinsu yana mai yin niyyar Hajji ko Umarah: To ya wajaba a kansa ya yi harama daga wurin, kuma ba ya halatta gare shi ya ƙetare shi ba tare da harama ba.
Wanda ya kasance ya fi kusa da Makkah daga waɗannan miƙatan kamar mutanen Jidda:To lallai wurinsa shine miƙatinsa; dan haka sai ya yi harama daga wurin don Hajji da kuma Umarah.
Amma mutanen Makka: Sai su yi haramar Hajji daga gidajensu a Makka.Amma Umarah: to cewa zasu fita ne zuwa wajen harami sai su yi harama daga gare shi, kamar Tan'īm da makamancinsa.
Wanda ya kasance a cikin jirgi: to shi zai yi harama idan ya zo daura da miƙati,Sai ya yi shiri ya sanya tufafin harama kafin ya zo daura da miƙatin,Idan ya zo daura da shi sai ya yi niyyar harama a lokacin,Kuma zai iya kandagarki sai ya yi Talbiyyah kafin ya zo daura da miƙatin don jin tsoron kufcewar wurin Talbiyyar, saboda saurin jirgin,Ba ya halatta gare shi ya jinkirta shi har sai ya sauka a filin jirgin sama.
SIFFAR HARAMA DA HUKUNCE-HUKUNCENTA
Wanda ya yi nufin yin harama to cewa shi:
1. Ana so gare shi ya yi wanka.
2. Kuma ana son maza su shafa tirare,Kuma ya kasance a cikin jiki da gemu, ba'a tufafin Harama ba.
3. Kuma wajibi ne sanya tufafin Harama, waɗanda su ne: kwarjalle da mayafi ga maza,Kuma sunnah ne su zama farare masu tsafta ko kuma sababbi.
Kuma mace za ta yi Harama ne a abin da ta so na tufa, kada ta yi tabarruji da ado,Saidai cewa za ta guji sanya niƙabi da safar hannu,Kuma zata rufe fuskarta da hannayenta da wanin hakan.
4. Harama, ita ce niyyar shiga cikin ibada, dan haka sai ya ce:(AmsawarKa ya Allah Umarah)(Labbaikal Lāhumma Umratan)Idan ya kasance mai yi wa waninsa Umarah ne sai ya ce:(AmsawarKa ya Allah Umara ga wa ne).(Labbaikal Lāhumma umratan an fulānin).
5. Idan mai nufin yin Harama ya kasance yana jin tsoron wani abin da zai hana shi cika ibadar saTo ya halatta gare shi a lokacin harama ya sanya sharaɗi sai ya ce:(AmasawarKa ya Allah Umarah, idan wani abu mai tsarewa ya tsareni, to wurin warware haramata (shine) inda Ka tsareni)(Labbaikal Lāhumma umratan, wa in habasani hābisun fa mahillī haisu habastanī)To duk sanda ya sanya sharaɗi, kuma abin da zai hana shi cika ayyukan ibadunsa ya same shi, to lallai shi zai warware Haramar sa kuma babu komai a kansa.
6. Sannan ya yawaita faɗin Talbiyyah:(AmsawarKa ya Allah amsawarKa, amsawarKa ba Ka da abokin tarayya amsawarKa, lallai godiya da ni'ima da mulki naKa ne, ba Ka da abokin tarayya)(Labbaikal Lāhumma labbaik, labbaika lā sharīka laka labbaik, innal hamda wanni'imata laka wal mulk, lā sharīka lak)Namiji zai ɗaga sautinsa da hakan,Haka nan ita ma mace, matuƙar ba ta kasance a gaban maza ajnabai ba.
7. Yana wajaba akan mai harama ya kiyaye abubuwan da ihrami yake hanawa har sai ya warware haramar sa.
Abubuwan da harama take hanawa sun kasu kashi uku:
Na farko: Ɓangaren da ya haramta akan maza da mata:
Aske gashi ko saisaye shi ko cizge shi daga kowane wuri na jikin sa.
Yanke farata gabaɗayan su ko wasu daga cikinsu na ƙafafuwa ko hannaye.
Shafa tirare a cikin jiki, ko tufafin harama.
Kashe abin farauta na sarari, ko farautarsa ko da bai kashe shi ba.
Nemawa kansa aure ko nemawa waninsa.
Ɗaura aure.
Rungumemeniya a abinda ba farji ba; kamar sumbata, da shafa don sha'awa.
Jima'i, shi ne tarawa a cikin farji.
Na biyu: Ɓangaren da ya haramta a kan maza:
Rufe kai da abin da yake ɗanfare da shi, misali: Hula, da rawani, da kuma ɗora mayafi akan kansa, ko wanin haka daga abin da ake nufin rufe kai da shi.
Sanya tufafi na al'ada wanda aka yayyanka gwargwadan jiki; da siffarsa ta al'ada, misali: Tufafin da aka yayyanka, da wanduna, da kuma riga.
Na uku: Ɓangaren da aka haramta a kan mata:
Sanya niƙabi ko burƙa ko shamaki (mayafin da ake rufe baki da hanci da shi) mai kama da niƙabi, kuma yana wajaba a kanta ta rufe fuskarta a wajen maza ajnabai da wani abun daban.
Sanya safar hannu a hannayenta, kuma yana wajaba a kanta ta rufe hannayenta a wajen mazan da ba muharamai ba.
Mai Umarah zai fara Umararsa da ɗawafi kewayen Ka'aba.
Ana sharɗantawa ga ɗawafi kewaye da Ka'aba ya kasance yana da tsarki.
Idan mai harama ya shiga masallacin Harami an sunnanta masa ya fara gabatar da ƙafarsa ta damaKuma zai faɗi addu'ar shiga masallaci, ita ce:"Ya Allah Ka buɗe min ƙofofin rahmarKa"."Allāhumma ftah lī abwaba rahmatika".
Idan ya ga Ka'abah to zai yanke Talbiya.
Idan ya yi nufin fara ɗawafi, an sunnanta masa ya yi iɗɗiba'i,Shine ya sanya tsakiyar mayafin sa a cikin hammatarsa ta dama, kuma gefunan sa (mayafin) a kan kafaɗarsa ta hagu,Idan ya gama ɗawafi sai ya dawo da mayafinsa ya rufe kafaɗunsa biyu; domin Idɗiba'i bigirensa shi ne ɗawafi kawai.
Zai fara ɗawafi daga Alhajarul Aswad.
An so yazo Hajarul Aswad da hannun sa na dama kuma ya sumbace shi,Idan sunbatar tasa ba ta yiwu ba sai ya taɓa shi da hannunsa, kuma ya sumbaci hannunsa,Idan hakan bai yi wu ba, sai ya taɓa shi da wani abinda ke tare da shi kamar sanda ko makamancinta, kuma ya sumbace shi,Idan hakan bai yi wu ba to sai ya fuskanci dutsen kuma ya yi nuni zuwa gare shi da hannunsa kawai kada ya sumbace shi,Kuma mafi kyau shi ne kada ya yi cunkoso da mutane har ya cutar da mutane ko su cutar da shi.
Kuma an so a lokacin taɓa dutsen ko nuni zuwa gare shi ya ce:(Allah ne Mafi girma)(Allāhu Akbar).
Sannan sai ya yi dama kuma ya sanya Ka'aba a hagunsa,Idan ya kai Rukunul Yamani sai ya shafa shi ba tare da sumbata ba,To idan hakan bai sauƙaƙa ba, to kada ya yi cunkoso da mutane a kansa, kuma kada ya yi nuni zuwa gare shi.
(Ya Ubangijinmu Ka bamu kyakkyawa a duniya, kuma Ka bamu kyakkyawa a lahira, kuma Ka karemu azabar wuta)(Rabbanā ātinā fiddunya hasanatan, wa fil ākhirati hasanatan, wa ƙina azāban nār)
Kuma tsakanin Rukunul Yamani da Hajarul Aswad zaice:
A duk lokacin da ya wuce Hajarul Aswad sai ya yi nuni zuwa gare shi da hannunsa kuma ya ce:(Allah ne mafi girma)(Allāhu Akbar)
A ragowar ɗawafinsa zai faɗi abinda ya so na zikiri da addu'a da kuma karatun Alƙur'ani.
Kuma sunnah ita ce ya yi sassarfa a kewaye ukun farko kawai, idan hakan ya sauƙaƙa a gare shi,Da gaggawa a cikin tafiya tare da kusantar taku,Amma ragowar kewaye huɗun to babu gaggawa a cikinsu.
Idan ya gama ɗawafi da raka'o'in sa biyu to zai fita zuwa wurin Sa'ayi,Idan ya kusa da Safa sai ya karanta:{Lalle ne Safã da Marwa suna daga wurãren ibãdar Allah}Sannan sai ya ce:"Zan fara da abin da Allah Ya fara da shi.""Abda'u bimāā bada'allhu bihi.
Sannan an so ya fuskanci alƙibla wato Ka'aba, sai ya ce:(Babu abin bautawa da cancanta sai Allah, Shi kaɗai yake ba Shi da abokin tarayya, mulki naSa ne kuma godiya taSa ce, kuma Shi Mai iko ne akan dukkan komai,Babu abin bautawa da cancanta sai Allah Shi kaɗai, Ya cika alƙawarinSa, Ya taimaki bawanSa, kuma Ya tarwatsa ƙungiyoyi ƙawance Shi kaɗai"(Lā ilāha illallāhu wahdahū lā sharīka lahū, lahul mulku wa lahul hamdu, wa huwa alā kulli shai'in ƙadīr,Lā ilāha illallāhu wahdah, anjaza wa'dah, wa nasara abdah, wa hazamal ahzaba wahdah".Zai maimaita hakan sau uku, sai ya yi addu'a a tsakanin hakan.
Sannan ya sauka daga Safa zuwa Marwa yana mai tafiya,Idan ya isa koriyar alama sai maza kawai su yi gaggawa mai tsanani,Idan ya isa koriyar alama ta biyu sai ya yi tafiya.
Idan ya isa Marwa an shar'anta masa ya aikata abin da ya yi akan SafaNa kabbara, da addu'a, da karatu, da fuskantar Ka'abah.
Sannan ya sauka daga Marwa zuwa Safa yana mai tafiya,Idan ya isa koriyar alama sai ya yi gaggawa mai tsanani,Idan ya isa koriyar alama ta biyu sai ya yi tafiya.
Haka nan har sai ya cika kewaye bakwai,Tafiyarsa daga Safa zuwa Marwa kewaye ne,Kuma dawowarsa daga Marwa zuwa Safa ma wani kewayan ne daban;Yana mai farawa da Safa kuma yana mai ƙarewa da Marwa.
Ya faɗi abin da ya so na zikiri da addu'a da karatun Alƙur'ani a cikin Sa'ayin sa.
SIFFAR ƘWAL-ƘWAL DA KUMA SAISAYE:
Idan mai Umarah ya cika ɗawafin sa da Sa'ayin sa to ya wajaba akan namiji ya aske kansa ƙwal-ƙwal ko ya saisaye shi,Abin da ya wajaba shine aski ƙwal-ƙwal ko saisayen ya zama ya game dukkanin kai.
Ita kuwa mace zata rage gwargwadon kan ɗan yatsa daga gefen gashinta.
Haramar wanda ya gabato ta jirgin sama.Kafin ya dauranci MiƙatiZai sanya tufafin haramaYayin daurantarwaSai ya yi niyyar ihramiZai fara TalbiyyaBa ya halatta a jinkirta harama zuwa filin jirgi.
SIFFAR HARAMA DA HUKUNCE-HUKUNCENTA
Yin wanka
Shafa turare
Ga maza banda mataJikiGemuTufafi
Sanya tufafin haramaKwarjalle da mayafiNamijiFarare guda biyuMaceAbin da ta so na tufafiKada ta zama mai bayyanar da adoNiƙabiSafar hannu
Yin harama da Umarah:
Rashin lafiyaWani abu mai faruwa
Yin sharaɗi a cikin niyya
Ya warware harama, babu komai a kan sa.
SIFFAR TALBIYYA:
Nisantar abubuwan da harama take hanawa
Har sai ya warware haramarsa.Abubuwan da harama take hanawaHaramun ne a kan maza da mataNemawa kansa aure ko nemawa wanin saƊaurin aureHaramun ne ga maza.MazaHaramun ne ga mata
Siffar ɗawafiAn sharɗanta dan yin ɗawafi ya kasance yana da tsarki.
Addu'ar shiga masallaci
Kafar dama
Al-idɗiba'uIdɗiba'i na ɗawafi ne kawai.Zai fara ɗawafi daga Alhajarul Aswad.
TAƘAITACCEN BAYANI A KAN SIFFAR UMARAH DA KUMA HUKUNCE-HUKUNCENTA
65 harsuna
TAƘAITACCEN BAYANI A KAN SIFFAR UMARAH DA KUMA HUKUNCE-HUKUNCENTA
Dukkan godiya ta tabbata ga Allah Ubangijin talikai, tsira da aminci su tabbata ga Annabimmu Muhammad, da alayensa da sahabbansa bakiɗaya. Bayan haka: Wannan taƙaitaccan bayani ne a kan siffar aikin Umarah da hukunce-hukuncenta da kuma ladubbanta, mun yi kwaɗayi a kawo bayanin galibin abinda mai yin Umarah yake da buƙatuwa zuwa gare shi. Allah muke roƙo Ya sanya shi tsarkakakke don zatinSa mai girma, kuma Ya amfanar da dukkanin musulmai da shi.
Taƙaitaccen littafin «Siffar Umarah» Na Shehin malami Abdul’Aziz bn Baz - Allah Ya yi masa rahama - yana bayanin ayyukan Umrah akan wani tsari (salo) fayyatacce, kuma mai sauƙi, domin ya zama jagora a aikace da zai taimakawa musulmi akan gudanar da ayyukan sa (na Umrah), cikin ƙanƙan da kai da kuma sauƙi, yana kuma tare da addu’o’i, da zikirai da a aka ruwaito a kowanne mataki.
TABBATACCAN BAYYANI A KAN YAWANCIN MAS'ALOLIN HAJJI DA UMRA DA KUMA ZIYARA A KAN DORON LITTAFI DA SUNNAH
54 harsuna
TABBATACCAN BAYYANI A KAN YAWANCIN MAS'ALOLIN HAJJI DA UMRA DA KUMA ZIYARA A KAN DORON LITTAFI DA SUNNAH
Littafin yana yin sharhin hukunce-hukuncen Hajji da Umra da Ziyara akan doron Littafi da Sunnah, yana bayyana wajiban Hajji da Umra, da abubuwan da aka haramta a lokacin harama, da kuma ladubban ziyarar Masallacin Annabi, yana mai gargaɗi a kan bidi'o'i a cikin waɗannan ibadu.
Littafin "Tsari ga wanda yake son yin Umarah da Hajji" na Sheikh Muhammad bn Saleh al-Uthaimeen, shi jagora ne da ya tartar kuma karbabbe ne ga dukkanin musulmin da yake tsinkaye don yin ayyukan Hajji da Umarah. Littafin yana gabatar da wani sharhi cikakke ne don ladubban tafiya, da hukunce-hukuncen harama, da abubuwan da suka wajaba ga mai yin Hajji da Umarah, yana mai dogara ga Alƙur'ani mai girma da Sunnar Annabi, kamar yadda littafin yake bayanin miƙatan Hajji a rarrabe, da Nau’ukan ibadu, da hukunce-hukuncen sallar matafiyi, yana mai bayyana yadda ake yin kowane rukuni daga cikin rukunan…