ওমৰাৰ পদ্ধতি (এক ব্যৱহাৰিক আৰু সংক্ষিপ্ত বৰ্ণনা) ওমৰাহ কিদৰে পালন কৰিব? (এটি সৰল শিক্ষামূলক ভিডিঅ') এই ভিডিঅ'টোত ইহৰামৰ পৰা তাহাল্লুললৈকে ওমৰাৰ কাৰ্যসমূহ ক্ৰমানুসৰি অতি সৰল আৰু স্পষ্টভাৱে বুজোৱা হৈছে। ভিডিঅ'টো চাওক আৰু শিকি লওক কেনেকৈ আপুনি নিজৰ ওমৰাহ সহজে আৰু সুচাৰুৰূপে পালন কৰিব। ওমৰাৰ পদ্ধতি
ওমৰাহ কৰিব বিচৰা ব্যক্তিয়ে তেওঁৰ বাবে নিৰ্ধাৰিত মীকাতৰ পৰা ইহৰাম কৰাটো অনিবাৰ্য্য।
মীকাত কোৱা হয় সেইবোৰ স্থানক, যিবোৰ স্থান নবী চাল্লাল্লাহু আলাইহি অছাল্লামে নিৰ্ধাৰণ কৰিছে, যাতে হজ্জ বা ওমৰাহ কৰিব বিচৰা ব্যক্তিয়ে সেইবোৰৰ পৰাই ইহৰাম বান্ধে।
যিয়ে হজ্জ বা ওমৰাৰ নিয়্যত কৰি এই মীকাতসমূহৰ যিকোনো এটা মীকাত অতিক্ৰম কৰিব বিচাৰিব, তাৰ বাবে সেই স্থানত ইহৰাম পৰিধান কৰাটো অনিবাৰ্য্য। ইহৰাম পৰিধান নকৰাকৈ মীকাত অতিক্ৰম কৰা বৈধ নহয়।
যিয়ে এই মীকাতসমূহৰ তুলনাত মক্কাৰ নিকটৱৰ্তী ঠাইত থাকে, যেনে জেদ্দাৰ অধিবাসীসকল, এনেকুৱা ব্যক্তিৰ মীকাত হৈছে নিজৰ অৱস্থানস্থল। তেওঁ সেই স্থানৰ পৰাই হজ্জ আৰু ওমৰাৰ এহৰাম পৰিধান কৰিব।
আনহাতে মক্কাৰ বাসিন্দাসকলে হজ্জৰ বাবে মক্কাত থকা নিজৰ ঘৰৰ পৰাই এহৰাম পৰিধান কৰিব। পক্ষান্তৰে ওমৰাৰ বাবে তেওঁলোকে হাৰামৰ সীমাৰ (পৱিত্ৰ সীমাৰ) বাহিৰলৈ যাব লাগিব, যেনে তানঈম বা তেনেকুৱা স্থানলৈ গৈ এহৰাম পৰিধান কৰিব লাগিব।
এইদৰে বিমানত থকা ব্যক্তিয়ে, মীকাতৰ সমীপৱৰ্তী হোৱাৰ লগে লগে ইহৰাম বান্ধিব। গতিকে তেওঁ মীকাতত উপনীত হোৱাৰ আগতেই প্ৰস্তুতি ল'ব আৰু এহৰামৰ কাপোৰ পৰিধান কৰিব, আৰু মীকাতত উপনীত হোৱাৰ লগে লগে এহৰামৰ নিয়ত কৰিব, বিমান দ্ৰুতগতিত চলাৰ কাৰণে মীকাত পাৰ হোৱাৰ আশংকা হ'লে, সাৱধানতাবশতঃ মীকাতত উপনীত হোৱাৰ আগতেই তালবিয়া পাঠ কৰাৰ অনুমতি আছে। আৰু বিমান বন্দৰত অৱতৰণ নকৰালৈকে তালবিয়া পাঠ পলম কৰাটো তেওঁৰ বাবে বৈধ নহয়।
১. তেওঁৰ বাবে গোছল কৰা মুস্তাহাব।
২. কেৱল পুৰুষৰ বাবে সুগন্ধি ব্যৱহাৰ কৰাটো মুস্তাহাব, সুগন্ধি কেৱল শৰীৰ আৰু দাড়িত লগাব, এহৰামৰ কাপোৰত নহয়।
৩. এহৰামৰ কাপোৰ পৰিধান কৰাটো বাধ্যতামূলক। পুৰুষৰ বাবে এহৰাম হৈছে চিলাইবিহীন লুঙ্গী আৰু এখন চাদৰ। এই ক্ষেত্ৰত ছুন্নত হৈছে দুয়োখন কাপোৰ বগা আৰু পৰিষ্কাৰ-পৰিচ্ছন্ন হোৱা উচিত অথবা নতুন হ’ব লাগিব।
আৰু নাৰীসকলে সৌন্দৰ্য প্ৰকাশ নকৰাকৈ যিকোনো কাপোৰ পৰিধান কৰি ইহৰাম বান্ধিব পাৰিব, কিন্তু নিকাব আৰু হাতমোজা পৰিধান কৰাৰ পৰা বিৰত থাকিব লাগিব, আৰু বেলেগ কোনো উপায়েৰে নিজৰ মুখমণ্ডল আৰু হাত ঢাকি ৰাখিব।
৪- আৰু ইহৰাম হৈছে ইবাদতত প্ৰৱেশ কৰাৰ নিয়ত কৰা, সেয়ে ইহৰাম কৰিবলৈ এইদৰে ক'ব: লাব্বাইকা আল্লা-হুম্মা ওমৰাতান লাব্বাইক আল্লা-হুম্মা ওমৰাতান আৰু যদি আন কাৰোবাৰ হৈ ওমৰাহ কৰে তেন্তে ক’বঃ লাব্বাইকা আল্লা-হুম্মা ওমৰাতান আন ...... (ইয়াত ব্যক্তিজনৰ নাম ক'ব) লাব্বাইকা আল্লা-হুম্মা ওমৰাতান আন ...... (ইয়াত ব্যক্তিজনৰ নাম ক'ব)
৫. যদি কোনো ব্যক্তিয়ে এহৰাম পৰিধান কৰাৰ সময়ত এই আশংকা কৰে যে, তেওঁ হজ্জ বা ওমৰাহ পালনত বাধাগ্ৰস্থ হোৱাৰ সম্ভাৱনা আছে, তেন্তে তেওঁ এহৰাম পৰিধান কৰাৰ সময়ত চৰ্ত কৰিব পাৰে আৰু এইদৰে ক’ব: লাব্বাইকা আল্লা-হুম্মা ওমৰাতান, আৰু যদি কোনো বাধাই মোক বাধা দিয়ে, তেন্তে য'ত মই বাধাগ্ৰস্ত হ'ম, সেইটোৱে হ'ব মোৰ হালাল হোৱাৰ স্থান। লাব্বাইকা আল্লা-হুম্মা ওমৰাতান, ৱা ইন হাবাছানি হা-বিছুন ফামাহিল্লি হাইছু হাবাছতানি। এই চৰ্ত অনুযায়ী এহৰাম পৰিধান কৰাৰ পিছত তেওঁ যদি কোনো বাধাৰ সন্মুখীন হয় তেন্তে সেই ঠাইতে তেওঁ এহৰাম খুলিব পাৰিব, ইয়াৰ ফলত তেওঁৰ কোনো দম দিয়াৰ প্ৰয়োজন নাই।
৬- তাৰ পিছত বেছি বেছি তালবিয়াহ পাঠ কৰিবঃ লাব্বাইকা আল্লা-হুম্মা লাব্বাইক, লাব্বাইকা লা শ্বাৰীকা লাকা লাব্বাইক, ইন্নাল হামদা অন-নি'মাতা লাকা অল মুল্ক লা শ্বাৰীকা লাক।
অৰ্থঃ মই উপস্থিত হৈছোঁ হে আল্লাহ, মই উপস্থিত হৈছোঁ। মই উপস্থিত হৈছোঁ, তোমাৰ কোনো অংশীদাৰ নাই, মই উপস্থিত হৈছোঁ। নিশ্চয় সকলো প্ৰশংসা, নিয়ামত আৰু সাৰ্বভৌমত্ব একমাত্ৰ তোমাৰেই, তোমাৰ কোনো অংশীদাৰ নাই। লাব্বাইকা আল্লা-হুম্মা লাব্বাইক, লাব্বাইকা লা শ্বাৰীকা লাকা লাব্বাইক, ইন্নাল হামদা অন-নি'মাতা লাকা অল মুল্ক লা শ্বাৰীকা লাক। পুৰুষে এইটো উচ্চস্বৰে পাঠ কৰিব, এইদৰে নাৰীসকলেও পাঠ কৰিব, যদিহে তাই পৰ পুৰুষৰ সন্মুখত নাথাকে।
৭. মুহৰিম ব্যক্তিয়ে হালাল নোহোৱালৈকে ইহৰামৰ নিষিদ্ধ বিষয়সমূহ বৰ্জন কৰা অনিবাৰ্য্য।
ইহৰামৰ নিষিদ্ধ বিষয়সমূহ হৈছে তিনি প্ৰকাৰৰঃ
প্রথম: পুৰুষ আৰু মহিলা উভয়ৰ বাবে নিষিদ্ধ বিষয়সমূহ:
শৰীৰৰ যিকোনো ঠাইৰ চুলি খুৰোৱা বা কাটি পেলোৱা অথবা উঘালি পেলোৱা।
হাত ভৰিৰ নখ চুটি কৰা বা একেবাৰে উঠাই পেলোৱা।
শৰীৰত বা এহৰামৰ কাপোৰত সুগন্ধি ব্যৱহাৰ কৰা।
স্থলৰ কোনো জীৱ-জন্তু হত্যা কৰা বা চিকাৰ কৰা।
নিজৰ কাৰণে হওক বা বেলেগৰ কাৰণে বিবাহৰ প্ৰস্তাৱ দিয়া।
স্ত্ৰীক চুমা খোৱা বা কামনাৰ সৈতে স্পৰ্শ কৰা।
দ্বিতীয়ঃ যিবোৰ কেৱল পুৰুষৰ বাবে নিষিদ্ধ
মূৰত লাগি থকা কোনো বস্তুৰে মূৰ ঢাকি ৰখা, যেনে- টুপি, পাগুৰি, এইদৰে মূৰৰ ওপৰত চাদৰ ৰখা, বা অন্য এনেকুৱা বস্তু যাৰ দ্বাৰা মূৰ ঢাকিবলৈ মনস্থ কৰা হয়।
শৰীৰৰ জোখ অনুসৰি চিলাই কৰা সচৰাচৰ পিন্ধা কাপোৰ সাধাৰণভাৱে পৰিধান কৰা, যেনে- জুব্বা, পাইজামা আৰু কামিচ আদি।
তৃতীয়ঃ যিবোৰ মহিলাসকলৰ বাবে নিষিদ্ধ
নিকাব, মুখ ঢাকি ৰখা পৰ্দা বা লিছাম আদি পিন্ধা নিষেধ, আৰু এই সময়ছোৱাত পৰপুৰুষৰ সন্মুখত বেলেগ উপায়েৰে নিজৰ মুখমণ্ডল ঢাকি ৰখাটো তাইৰ বাবে ওৱাজিব।
হাতমোজা পিন্ধা নিষেধ, কিন্তু পৰপুৰুষৰ সন্মুখত নিজৰ হাত ঢাকি ৰখাটো তেওঁৰ বাবে অনিবাৰ্য্য।
ওমৰাহ পালনকাৰীয়ে কাবা ঘৰৰ চাৰিওফালে তাৱাফ কৰি নিজৰ ওমৰাহ আৰম্ভ কৰে।
আৰু কাবা ঘৰৰ তাৱাফ কৰিবলৈ পৱিত্ৰ অৱস্থাত থকাটো হৈছে চৰ্ত।
মুহৰিম ব্যক্তিয়ে যেতিয়া মছজিদে হাৰামত প্ৰৱেশ কৰিব, তেতিয়া তেওঁ সোঁ ভৰি প্ৰথমে আগুৱাই দিয়াটো হৈছে ছুন্নত। আৰু মছজিদত প্ৰৱেশ কৰাৰ দুআ পাঠ কৰিব, সেয়া হৈছেঃ "আল্লা-হুম্মাফ তাহলী আবৱা-বা ৰাহমাতিক।" "আল্লা-হুম্মাফ তাহলী আবৱা-বা ৰাহমাতিক।"
কাবা ঘৰ যেতিয়া দেখা পাব, তেতিয়া তালবিয়া পাঠ বন্ধ কৰিব।
তাৱাফ আৰম্ভ কৰাৰ সময়ত এহৰামৰ চাদৰটো ইজতিবা কৰি লোৱা ছুন্নত। চাদৰৰ মাজৰ অংশ সোঁ কাষলতিৰ তলত আৰু ইয়াৰ মূৰ দুখন বাওঁ কান্ধৰ ওপৰত ৰাখিব, তাৱাফ শেষ কৰাৰ পিছত চাদৰখন আকৌ ঘূৰাই আনিব আৰু কান্ধ দুখন ঢাকি ল'ব। কাৰণ কেৱল তাৱাফৰ সময়তহে ইজতিবা কৰিব লাগে।
তাৱাফ হাজৰে আছৱাদৰ পৰা আৰম্ভ হয়।
মুস্তাহাব হৈছে, হাজৰে আছৱাদৰ ওচৰলৈ গৈ ইয়াক সোঁ হাতেৰে স্পৰ্শ কৰিব আৰু চুমা খাব। যদি চুমা খোৱাৰ সুযোগ নাথাকে তেন্তে হাতেৰে স্পৰ্শ কৰিব আৰু হাতত চুমা খাব। যদি সেয়া সম্ভৱ নহয় তেন্তে লগত থকা কোনো বস্তুৰে স্পৰ্শ কৰিব, যেনে- লাখুটি আদিৰে আৰু সেইটোক চুমা খাব। যদি এইটোও সম্ভৱ নহয় তেন্তে হাজৰে আছৱাদৰ ফালে মুখ কৰি থিয় হৈ হাতেৰে ইংগিত কৰিব, কিন্তু এই অৱস্থাত হাতত চুমা নাখাব, ভিৰ নকৰাই উত্তম, যাতে মানুহক কষ্ট দিয়া নহয় আৰু নিজেও কষ্ট নাপায়।
হাজৰে আছৱাদ স্পৰ্শ কৰাৰ সময়ত বা ইংগিত কৰাৰ সময়ত এইদৰে কোৱাটো মুস্তাহাবঃ আল্লাহু আকবাৰ। আল্লাহু আকবৰ।
তাৰ পাছত সোঁফালেৰে আগবাঢ়িব আৰু কাবা ঘৰক নিজৰ বাওঁফালে ৰাখিব, ৰুকনে য়ামানী পোৱাৰ পাছত, চুমা নোখোৱাকৈ স্পৰ্শ কৰিব, যদি এয়া সম্ভৱ নহয়, তেন্তে ঠেলা হেঁচা নকৰিব, আৰু ইয়াত ইংগিত কৰাৰো প্ৰয়োজন নাই।
“ৰাব্বানা আ-তিনা ফিদ্দুনিয়া হাছানাতাওঁ অফিল আ-খিৰাতি হাছানাহ, অক্বিনা আজা-বান্নাৰ।’’ ৰাব্বানা আ-তিনা ফিদ দুনিয়া হাছানাতাওঁ অফিল আ-খিৰাতি হাছানাতাওঁ অক্বিনা আজা-বান না-ৰ।
অৰ্থঃ হে আমাৰ প্ৰতিপালক! আমাক পৃথিৱীত কল্যাণ প্ৰদান কৰা আৰু আখিৰাততো কল্যাণ দিয়া, লগতে আমাক জাহান্নামৰ শাস্তিৰ পৰা ৰক্ষা কৰা।
ৰুকনে য়ামানী আৰু হাজৰে আছৱাদৰ মাজত এই দুআ পাঠ কৰিবঃ
যেতিয়াই হাজৰে আছৱাদৰ ওচৰলৈ আহিব তেতিয়াই হাতেৰে ইংগিত কৰিব আৰু ক'বঃ আল্লাহু আকবাৰ। আল্লাহু আকবাৰ
তাৱাফৰ সময়ছোৱাত নিজৰ পছন্দ মতে যিকোনো দুআ, জিকৰ-আজকাৰ আৰু কোৰআন পাঠ কৰিব পাৰে।
কেৱল প্ৰথম তিনি তাৱাফত ৰমল কৰা ছুন্নত, যদিহে তেওঁৰ বাবে সেয়া সম্ভৱ হয়, চুটি খোজেৰে খৰকৈ খোজ কাঢ়ি যোৱাক ৰমল বোলে, বাকী চাৰি তাৱাফত খৰকৈ খোজকঢ়াৰ প্ৰয়োজন নাই।
তাৱাফ শেষ কৰি যদি সম্ভৱ হয় মাক্বামে ইব্ৰাহীমৰ পিছফালে দুই ৰাকাত নামাজ পঢ়া মুস্তাহাব৷ নহ'লে মছজিদৰ যিকোনো স্থানতে আদায় কৰিব। প্ৰথম ৰাকাতত ছুৰা ফাতিহাৰ পিছত পঢ়িবঃ ক্বুল ইয়া আয়্যুহাল কাফিৰূন। আৰু দ্বিতীয় ৰাকাতত ছুৰা ফাতিহাৰ পিছত পঢ়িবঃ ক্বুল হুৱাল্লাহু আহাদ।
ইয়াৰ পিছত মুস্তাহাব হৈছে কিবলা অৰ্থাৎ কাবাৰ ফালে মুখ কৰি এইটো পাঠ কৰিবঃ আল্লাহৰ বাহিৰে আন কোনো সত্য উপাস্য নাই। তেওঁ একক, তেওঁৰ কোনো অংশীদাৰ নাই। ৰাজত্ব তেওঁৰেই আৰু প্ৰশংসাও কেৱল তেওঁৰেই, আৰু তেওঁ সকলো ক্ষেত্ৰতে ক্ষমতাৱান। আল্লাহৰ বাহিৰে আন কোনো সত্য উপাস্য নাই, তেওঁ একক। তেওঁ নিজৰ প্ৰতিশ্ৰুতি ৰক্ষা কৰিছে, তেওঁৰ বান্দাক সহায় কৰিছে, আৰু শত্ৰুদলক অকলেই পৰাস্ত কৰিছে। লা ইলাহা ইল্লাল্লাহু অহদাহু লা শ্বৰীকা লাহ, লাহুল মুল্কু অলাহুল হাম্দু, অহুৱা আলা কুল্লি শ্বাইয়িন কাদীৰ, লা ইলাহা ইল্লাল্লাহু অহদাহু, আনজাঝা অদাহ, অনাচাৰা আব্দাহ, অহাঝিমাল আহঝা-বা অহদাহ। এইটো তিনিবাৰ পাঠ কৰিব, আৰু ইয়াৰ মাজত দুআ কৰিব।
ইয়াৰ পিছত মাৰৱাৰ পিনে যাবলৈ চাফাৰ পৰা খোজকাঢ়ি নামি আহিব, সেউজীয়া সংকেতত আহি কেৱল পুৰুষসকলেহে দৌৰি পাৰ হ'ব। দ্বিতীয় সেউজীয়া সংকেতত আহি খোজকাঢ়ি পাৰ হ'ব।
মাৰৱাত উপস্থিত হৈ সেইবোৰ কৰিব, যিবোৰ চাফাত উপস্থিত হৈ কৰিছিল। তাকবীৰ, দুআ, কিৰাআত আৰু কাবা ঘৰৰ ফালে মুখ কৰা।
ইয়াৰ পিছত মাৰৱাৰ পৰা চাফালৈ খোজকাঢ়ি নামি আহিব। সেউজীয়া সংকেতত আহি দৌৰি পাৰ হ'ব। দ্বিতীয় সেউজীয়া সংকেতত আহি খোজকাঢ়ি যাব।
এইদৰে সাত পাক সম্পূৰ্ণ কৰিব। চাফাৰ পৰা মাৰৱালৈ যোৱাটো হৈছে এটা ছায়ী, আৰু মাৰৱাৰ পৰা চাফালৈ অহাটো হৈছে আন এটা ছায়ী। চাফাৰ পৰা আৰম্ভ কৰিব আৰু মাৰৱাত শেষ কৰিব।
ছায়ী কৰাৰ সময়ছোৱাত নিজৰ পছন্দ মতে যিকোনো দুআ, জিকৰ-আজকাৰ আৰু কোৰআন পাঠ কৰিব পাৰে।
মূৰৰ চুলি চুটি কৰা বা মুণ্ডন কৰা:
ওমৰাহকাৰীয়ে তাৱাফ আৰু ছায়ী শেষ কৰাৰ পিছত পুৰুষসকলে মূৰৰ চুলি খুৰাই পেলাব লাগে অথবা চুলি চুটি কৰি ল'ব লাগে, আৰু ওৱাজিব হৈছে সম্পূৰ্ণ মূৰৰ চুলি খুৰাই পেলোৱা অথবা সম্পূৰ্ণ মূৰৰ চুলি চুটি কৰা।
নাৰীসকলে এক আঙুলি পৰিমাণ চুলি চুটি কৰি ল'ব লাগে।
এইদৰে ওমৰাহ সম্পূৰ্ণ হৈ যাব।
আল-মাদীনাহ জুল হুলাইফা যাতু ইৰক আল-জুহফাহ
য়ালামলাম কাৰনুল মানাঝিল মীক্বাতসমূহ:
মক্কা মীক্বাত মক্কাৰ নিকটৱৰ্তী লোকৰ এহৰাম ঠাই
মক্কাবাসীসকলৰ ইহৰাম হজ্জৰ বাবে তেওঁলোকৰ ঘৰসমূহৰ পৰা ওমৰাৰ বাবে তানঈম
বিমানযোগে অহা লোকৰ ইহৰাম মীকাতত উপনীত হোৱাৰ আগতেই এহৰামৰ কাপোৰ পৰিধান কৰিব সমান্তৰাল হোৱাৰ সময়ত এহৰামৰ নিয়ত কৰিব তালবিয়াহ আৰম্ভ কৰিব বিমানবন্দৰলৈকে এহৰাম কৰাত পলম কৰাটো বৈধ নহয়।
কেৱল পুৰুষৰ বাবে, নাৰীসকলৰ বাবে নহয় শৰীৰ দাড়ি পোছাক
এহৰামৰ কাপোৰ পৰিধান কৰা লুঙ্গী আৰু চাদৰ জিকৰ দুখন শুভ্ৰ নাৰী পছন্দ অনুযায়ী পোছাক পৰিধান কৰিব পাৰে সৌন্দৰ্য প্ৰকাশ নকৰাকৈ নিকাব হাতমোজা
নিয়ত কৰাৰ সময়ত চৰ্ত আৰোপ কৰা
তেওঁ হালাল হ'ব আৰু তেওঁৰ ওপৰত বেলেগ একো ওৱাজিব নহ’ব।
এহৰামৰ নিষিদ্ধ বিষয়সমূহ পৰিহাৰ কৰা
যেতিয়ালৈকে তেওঁ এহৰামৰ পৰা হালাল নহ'ব এহৰামৰ নিষিদ্ধ বিষয়সমূহ পুৰুষ আৰু মহিলা উভয়ৰ বাবে নিষিদ্ধ নিজৰ কাৰণে হওক বা বেলেগৰ কাৰণে বিবাহৰ প্ৰস্তাৱ দিয়া। নিকাহৰ বৈঠক কৰা পুৰুষৰ বাবে নিষিদ্ধ পুৰুষসকল মহিলাসকলৰ বাবে নিষিদ্ধ
তাৱাফৰ পদ্ধতি তাৱাফ কৰিবলৈ পৱিত্ৰ অৱস্থাত থকাটো হৈছে চৰ্ত।
ইজতিবা ইজতিবা কেৱল তাৱাফৰ বাবেহে। তাৱাফ হাজৰে আছৱাদৰ পৰা আৰম্ভ কৰিব।
দুয়োটা ৰুকনে য়ামানীৰ মাজত যি দুআ পাঠ কৰিব
জিকৰ দুআ কোৰআন তিলাৱত ৰমল কৰাটো চৰীয়তসন্মত। প্ৰথম তিনি পাকত
মাক্বামে ইব্ৰাহীমৰ পিছফালে নামাজ পঢ়া যদি সম্ভৱ হয়
"আৰু তোমালোকে মাকামে ইব্ৰাহীমক ছালাতৰ স্থানৰূপে গ্ৰহণ কৰা।"
তিনিবাৰ দৌৰ খোজকাঢ়ি সেউজীয়া সংকেত তাকবীৰ কাবা ঘৰৰ ফালে মুখ কৰা সাত পাক চাফাৰ পৰা মাৰৱালৈ যোৱাটো হৈছে এটা ছায়ী। চক্কৰ ১ মূৰৰ চুলি চুটি কৰা বা মুণ্ডন কৰা
পুৰুষৰ বাবে মূৰ খুৰোৱা আৰু চুলি চুটি কৰা ওৱাজিব। মূৰৰ গোটেই অংশ সামৰি মহিলাসকলৰ বাবে কেৱল চুলি কিছু পৰিমাণ সৰু কৰাটোহে অনিবাৰ্য্য। মহিলা