صفة العمرة

ઉમરાહની રીત (પ્રેક્ટીકલ અને સંક્ષિપ્ત સમજૂતી સાથે) તમે કેવી રીતે ઉમરાહ કરશો? (સરળ વિડ્યો કલીપ) આ વિડિયોમાં એહરામથી લઈને તહલ્લુલ અર્થાત્ હલાલ થવા સુધી ઉમરહના કાર્યો ક્રમવાર ખૂબ જ સરળ અને સ્પષ્ટ રીતે સમજાવવામાં આવ્યા છે, વિડિયો જુઓ અને સરળતાથી ઉમરહ કરવાની શ્રેષ્ઠ પદ્ધતિ શીખો. ઉમરાહનો તરીકો

જે વ્યક્તિ ઉમરાહ કરવા ઈચ્છતો હોય, તેના માટે જરૂરી છે કે તે પોતાના માટે નક્કી કરેલ મિકાતથી એહરામ બાંધે.

મિકાત: એવી જગ્યાઓ, જેને નબી સલ્લલ્લાહુ અલૈહિ વસલ્લમએ નક્કી કરી છે. જ્યાંથી હજ અથવા ઉમરહ કરનાર વ્યક્તિ એહરામ બાંધે.

તમારા માંથી કોઈ પણ વ્યક્તિ જેણે ઉમરહ અથવા હજની નિયત કરી હોય, જો તે આ જગ્યાએથી પસાર થાય તો તેના માટે એહરામ બાંધવું જરૂરી છે, એહરામ બાંધ્યા વગર આગળ જવું જાઈઝ નથી.

અને જે વ્યક્તિનું રહેઠાણ આ મિકાત કરતા મક્કહની નજીક હોય, જેમ કે જિદ્દાહના રહેવાસીઓ: તો તેમની મિકાત તે જ જગ્યા ગણાશે; તેઓ ત્યાંથી જ હજ અને ઉમરહ માટે એહરામ બાંધે.

અને મક્કાહના રહેવાસીઓ, તેઓ હજ માટે મક્કાહમાં પોતાના ઘરેથી જ એહરામ બાંધશે. અને ઉમરહ માટે તેઓ મક્કહથી બહાર હિલ્લ અર્થાત્ હરમની સીમાથી બહાર જઈ ત્યાંથી એહરામ બાંધે, જેમ કે તન્ઇમ નામની જગ્યા અથવા તેના જેવી જગ્યાઓ.

અને જો કોઈ વ્યક્તિ વિમાનમાં હોય, તો મિકાત બરાબર આવે ત્યારે તે એહરામ બાંધે, તેથી તે તૈયાર થઈને મિકાત પહોંચતા પહેલા એહરામના કપડાં પહેરી લે, તો જ્યારે તેની બરાબર આવે, તરત જ એહરામની નિયત કરે, અને સાવચેતી રૂપે તે મિકાત પર પહોંચતા પહેલા જ તલબિયહ પઢી શકે છે, જેથી વિમાનની ઝડપના કારણે તલબિયાહની જગ્યા પસાર ન થઈ જાય. અને તેના માટે એરપોર્ટ પર ઉતરતા સુધી વિલંબ કરવો જાઈઝ નથી.

એહરામનો તરીકો અને તેના આદેશો

જે વ્યક્તિ એહરામ અર્થાત્ ઉમરહન અને હજના કાર્યોમાં દાખલ થવાનો ઈરાદો કરે:

૧. તેના માટે ગુસ્લ કરવું મુસ્તહબ છે.

૨. અને પુરુષો માટે ખુશ્બુ લગાવવુ મુસ્તહબ છે, અને તે શરીર અને દાઢી પર લગાવશે, એહરામના કપડા પર નહીં.

૩. એહરામના કપડાં પહેરવા જરૂરી છે, જે પુરુષ માટે ઈજાર અને ચાદર છે. અને સુન્નત છે કે તે બંને કપડાં સફેદ અને પાક હોય અથવા નવા હોય.

અને સ્ત્રી, જે ઈચ્છે તે કપડાંમાં એહરામ બાંધી શકે છે, જે શણગારવાળા ન હોય, પરંતુ તે નકાબ અને હાથના મોજાં પહેરવાથી બચશે, અને તે પોતાનો ચહેરો અને હાથ અન્ય કોઈ વસ્તુથી ઢાંકશે.

૪. એહરામ, જે ઈબાદતમાં દાખલ થવાની નિયત છે, તો તે પઢે: (હે અલ્લાહ! હું ઉમરહ માટે હાજર છું) (લબ્બૈક અલ્લાહુમ્મ ઉમ્રતન) અને જો કોઈ બીજા વ્યક્તિ તરફથી ઉમરહ કરી રહ્યા હોય તો કહેવું જોઈએ: (હે અલ્લાહ! હું ફલાણા વ્યક્તિના ઉમરહ માટે હાજર છું) (લબ્બૈક અલ્લાહુમ્મ ઉમરતન અન ફુલાનિન).

૫. જો એહરામ બાંધવા ઇચ્છનાર વ્યક્તિને કોઈ અવરોધનો ડર હોય, જે તેને તેના ઉમરહ દરમિયાન ખલેલ પહોંચાડી શકે છે, તો એહરામ બાંધતી વખતે તેના માટે શરત લગાવવી જાયઝ છે, અને તે કહે: (હે અલ્લાહ હું ઉમરાહ માટે હાજર છું, અને જો કોઈ અવરોધે મને રોકી લીધો, તો હું ત્યાં જ હલાલ થઈ જઈશ જ્યાં મને રોકી દેવામાં આવશે). (લબ્બૈક અલ્લાહુમ્મ ઉમરતન, વ ઇન હબસની હાબિસુન ફમહિલ્લી હૈષુ હબસ્તની) જો તે કોઈ શરત મૂકે અને કંઈક એવું બને જે તેને ઉમરહ કરવા માટે અવરોધ બની જાય, તો તે ત્યાં જ હલાલ થઇ જાય અને તેના પર કોઈ ગુનોહ નથી.

૬. પછી વધુમાં વધુ તલ્બિયા પઢવું જોઈએ. (હું હાજર છું, હે અલ્લાહ! હું હાજર છું, હું હાજર છું, તારો કોઈ ભાગીદાર નથી, હું હાજર છું, ખરેખર દરેક પ્રકારની પ્રશંસા અને નેઅમતો તારા માટે જ છે, અને સામ્રાજ્ય તારું જ છે, તારો કોઈ ભાગીદાર નથી). (લબ્બૈક અલ્લાહુમ્મ લબ્બૈક, લબ્બૈક લા શરીક લક લબ્બૈક, ઇન્નલ હમ્દ વન્ નિઅમત લક વલ મુલ્ક લા શરીક લક) પુરુષ બુલંદ અવાજે કહેશે, અને એવી જ રીતે સ્ત્રી, જ્યાં સુધી તે ગેર મહરમ (અજાણ) પુરુષોની હાજરીમાં ન હોય.

૭. એહરામ બાંધનાર વ્યક્તિએ જ્યાં સુધી તે એહરામથી હલાલ ન થઈ જાય ત્યાં સુધી એહરામની સ્થિતિમાં પ્રતિબંધીત કાર્યોથી બચવું જોઈએ.

ઇહરામના પ્રતિબંધો ત્રણ પ્રકારના છે:

પહેલો પ્રકાર: જે પુરુષ અને સ્ત્રીઓ બન્ને માટે પ્રતિબંધિત છે:

શરીરના કોઈ પણ અંગના વાળ કાપવા, ખેંચવા અથવા કાઢવા.

બન્ને પગ અને હાથના સંપુર્ણ અથવા સહેજ નખ કાપવા.

શરીર અથવા એહરામના કપડા પર ખુશ્બુ લગાવવી.

જાનવરોનો શિકાર કરવો અથવા તેમને પકડવા, ભલેને કતલ કરવા માટે ન પકડવા હોય.

પોતે અથવા બીજા માટે સગાઈ કરવી.

શાદી કરવા

સંભોગ સિવાય ભેગા થવું, બોસો આપવો, ઈચ્છા સાથે સ્પર્શ કરવું.

સમાગમ, તે ગુપ્તાંગમાં દાખલ કરવું છે.

બીજો પ્રકાર: જે ફક્ત પુરુષો માટે પ્રતિબંધિત છે:

માથાને કોઈ જોડાયેલી વસ્તુ વડે ઢાંકવું, જેમ કે: ટોપી અને પાઘડી, અને માથા પર ચાદર મુકવી, અથવા અન્ય કોઈ પણ વસ્તુ જેનાથી માથું ઢાંકવાનો હેતુ હોય.

સામાન્ય ફોર્મ-ફિટિંગ કપડાં તેની પરંપરાગત મુજબ પહેરવા, જેમ કે સીવેલા કપડાં, પાયજામા અને કમીસ.

ત્રીજો પ્રકાર: જે ફક્ત સ્ત્રીઓ માટે પ્રતિબંધિત છે:

નકાબ, બુરકો જેવી કોઈ વસ્તુથી ચહેરો ઢાંકવો, અને અજાણ પુરુષોની સામે તેણીએ બીજી કોઈ વસ્તુ દ્વારા પોતાનો ચહેરો ઢાંકવો જરૂરી છે.

હાથમાં મોજા પહેરવા, અને અજાણ પુરુષોની સામે તેણીએ પોતાના હાથ ઢાંકવા જરૂરી છે.

ઉમરહ કરનાર પોતાના ઉમરહની શરૂઆત કાબાના તવાફથી કરે છે.

અને કાબા સમક્ષ તવાફ માટે જરૂરી શરત છે કે તે વઝૂની સ્થિતિમાં હોય.

એહરામ બાંધનાર વ્યક્તિ જ્યારે મસ્જિદે હરામમાં પ્રવેશ કરે, તો સુન્નત એ છે કે પોતાનો પહેલા જમણો પગ મૂકે. અને મસ્જિદમાં દાખલ થતી વખતે આ દુઆ પઢે: "હે અલ્લાહ, મારા માટે તમારી રહેમતના દરવાજા ખોલી દો". "અલ્લાહુમ્મફ્તહ લી અબવાબ રહમતિક".

જ્યારે કાબાને જુએ ત્યારે તલ્બિયહ પઢવાનું બંધ કરી દે.

અને જ્યારે તે તવાફ શરૂ કરવાનો ઇરાદો કરે, તો તેના માટે ઇઝ્તિબાઅ કરવું સુન્નત છે, તે એ કે પોતાની ચાદરના વચ્ચેના ભાગને જમણી બગલની અંદરથી પસાર કરી તેના બન્ને કિનારાને ડાબા ખભા પર નાખે, ફરી જયારે તવાફ પૂર્ણ થાય, તો પોતાની ચાદર પહેલાની સ્થિતિમાં કરી બંને ખભા ઢાંકી લે; કારણ કે ઇઝ્તિબાઅ ફક્ત તવાફ દરમિયાન જ હોવુ જોઈએ.

હજરે અસ્વદથી તવાફ શરૂ કરવો જોઈએ.

મુસ્તહબ છે કે તે હજરે અસ્વદ પાસે આવે, તેને જમણા હાથ વડે સ્પર્શ કરે અને તેનો બોસો લે, જો તેને બોસો આપવો શક્ય ન હોય, તો હાથ વડે સ્પર્શ કરે, અને હાથનો બોસો લે, જો તેના માટે શક્ય ન હોય, તો તેની જોડે રહેલી કોઈ વસ્તુ જેમ કે લાકડી વગેરેથી સ્પર્શ કરે, અને તેને બોસો આપે. જો તેના માટે આ શક્ય ન હોય, તો હજરે અસ્વદ તરફ મોઢું કરી હાથ વડે ઈશારો કરે પરંતુ હાથનો બોસો ન લે, બહેતર છે કે તે ભીડ ન કરે, જેથી લોકોને તકલીફ ન થાય અને તેને પોતાને પણ તકલીફ ન પહોંચે.

હજરે અસ્વદને સ્પર્શ કરતી વખતે અથવા તેના તરફ ઈશારો કરતી વખતે આ શબ્દો કહેવા મુસ્તહબ છે: (અલ્લાહુ અકબર : અલ્લાહ સૌથી મોટો છે). (અલ્લાહુ અકબર).

પછી તે જમણી તરફ ફરે છે અને કાબાને પોતાની ડાબી બાજુ રાખે, જ્યારે તે રુકને યમાની પાસે પહોંચે, ત્યારે તેને સ્પર્શ કરે અને બોસો ન આપે, જો શક્ય ન હોય તો ધક્કામુક્કી ન કરે, અને તેની તરફ ઈશારો પણ ન કરે.

(હે અમારા પાલનહાર! અમને દુનિયામાં પણ ભલાઈ આપ અને આખિરતમાં પણ ભલાઈ આપ અને અમને આગના અઝાબથી બચાવ). "રબ્બના આતિના ફીદ્ દુનિયા હસનતવ્ વફીલ્ આખિરતિ હસનતવ્ વકિના અઝાબન્ નાર". (અર્થ: હે અમારા પાલનહાર! અમને દૂનિયામાં ભલાઈ આપ અને આખિરતમાં પણ અને અમને જહન્નમના અઝાબથી બચાવી લે).

અને રુકને યમાની અને હજરે અસ્વદ દરમિયાન આ દુઆ પઢવી જોઈએ:

જ્યારે પણ હજરે અસ્વદ તરફ આવે, તો હાથ વડે ઈશારો કરે અને કહે: ("અલ્લાહુ અકબર" (અલ્લાહ સૌથી મોટો છે)). (અલ્લાહુ અકબર)

અને બાકીના તવાફમાં જે કંઈ ઈચ્છા થાય, ઝિક્ર, દુઆ અને કુરઆન મજીદની તિલાવત કરી શકે છે.

સુન્નત તરીકો એ છે કે ફક્ત પ્રથમ ત્રણ ચક્કરોમાં જ રમલ કરવું જોઈએ, જો તેના માટે શક્ય હોય. જે નાના નાના ડગલા ભરી જડપથી ચાલવું છે, અને બાકીના ચાર ચકકરોમાં ઝડપથી ચાલવાની જરૂર નથી.

અને જ્યારે તવાફ પૂરો કરી લે, તો મકામે ઈબ્રાહીમની પાછળ બે રકઅત નમાઝ પઢવી મુસ્તહબ છે, જો શક્ય હોય તો, અન્યથા મસ્જિદની કોઈ પણ જગ્યાએ નમાઝ પઢી લે પહેલી રકઅતમાં સૂરે ફાતિહા પઢયા બાદ આ સૂરહ પઢવી જોઈએ: {તમે કહી દો કે હે કાફિરો!} અને બીજી રકઅતમાં સૂરે ફાતિહા પઢયા પછી આ સૂરહ પઢવી જોઇએ: {તમે કહી દો કે અલ્લાહ એક જ છે}.

સઇ કરવાની રીત

તવાફ અને બે રકઅત નમાઝ પઢી લીધા પછી સઇ કરવા માટે મસઆ અર્થાત્ સઈ કરવાની જગ્યા તરફ જવું જોઈએ, જ્યારે સફાની નજીક પહોંચો તો આ આયત પઢો: {ખરેખર સફા અને મરવહ અલ્લાહની નિશાનીઓ માંથી છે} ફરી આ દુઆ પઢે: "હું ત્યાંથી શરૂ કરું છું, જ્યાંથી અલ્લાહએ શરૂ કર્યું". "અબ્દઉ બિમા બદઅલ્લાહુ બિહિ".

પછી કિબલા એટલે કે કઅબા તરફ મોઢું કરવું મુસ્તહબ છે, અને આ દુઆ પઢે: (અલ્લાહ સિવાય કોઈ ઇલાહ નથી, તે એકલો જ છે, અને તેનો કોઈ ભાગીદાર નથી, તેના માટે જ સામ્રાજ્ય છે અને તેના માટે જ પ્રસંશા છે, અને તે દરેક વસ્તુ પર કુદરત ધરાવે છે, અલ્લાહ સિવાય કોઈ સાચો ઇલાહ નથી, તે એકલો છે, તેણે પોતાનું વચન પૂરું કર્યું, પોતાના બંદાની મદદ કરી, અને તેણે એકલા જ સંપૂર્ણ લશ્કરને હરાવી દીધું). (લા ઇલાહ ઇલ્લલ્લાહુ વહદહુ લા શરીક લહુ, લહુલ મુલ્કુ વ લહુલ હમ્દુ, વ હુવ અલા કુલ્લિ શૈઇન કદીર, લા ઇલાહ ઈલ્લલ્લાહુ વહદહુ, અન્જઝ વઅદહુ, વનસર અબ્દહુ, વહઝિમલ્ અહ્ઝાબ વહદહુ) ત્રણ વખત આ દુઆ પઢવી જોઈએ, અને તેની વચ્ચે અન્ય દુઆઓ કરવી.

પછી સફા પરથી ઉતરી મરવહ તરફ ચાલતા જાઓ, જ્યારે લીલા રંગની લાઈટ દેખાય, તો ફક્ત પુરુષોએ જ ઝડપથી દોડવું જોઈએ, જ્યારે બીજી લીલી નિશાની પર પહોંચે ત્યારે ચાલવું જોઈએ.

જ્યારે મરવહ પર પહોંચો તો સફા પર જે પ્રમાણે કર્યું તે જ પ્રમાણે મરવહ પર કરવું. તકબીર, દુઆ, કિરાઅત અને કાબા તરફ મોઢું કરવું.

પછી મરવહ પરથી ઉતરી સફા તરફ ચાલતા આવવું, જ્યારે લીલા રંગની લાઈટ દેખાય તો ઝડપથી ચાલવું જોઈએ, જ્યારે બીજી લીલા રંગની લાઈટ દેખાય ત્યારે ચાલવું.

આ જ પ્રમાણે સાત ચક્કર પુરા કરવા, સફાથી મરવહ સુધી જવું તે એક ફેરો છે, અને મરવહથી સફા તરફ પાછું ફરવું તે બીજો ફેરો છે; સફાથી શરૂ કરશે અને મરવહ પર અંત કરશે.

સઈ દરમિયાન જે કંઈ ઈચ્છા થાય, ઝિક્ર, દુઆ અને કુરઆનની તિલાવત કરી શકો છો.

મૂંડન અને વાળ કપાવવાની રીત:

જ્યારે ઉમરહ કરનાર તવાફ અને સઈ પૂર્ણ કરી લે, તો પુરુષ માટે માથાનું મુંડન કરાવવું અથવા વાળ કપાવવા જરૂરી છે, અને જરૂરી છે કે મુંડન કરાવવું અથવા વાળ કપાવવા માથાના દરેક ભાગ માંથી હોય.

અને સ્ત્રી પોતાના વાળના છેડેથી એક ટેરવાં જેટલા વાળ કાપશે.

આ રીતે ઉમરાહ પૂર્ણ થાય છે.

મિકાતના આદેશો

મદીનહ ઝૂલ્ હુલૈફહ ઝાતે ઇર્ક અલ્ જુહ્ફહ

યલમ્લમ કર્ને મનાઝિલ અલ્ મવાકીત (મીકાતો)

મક્કહ મીકાત મક્કાહની નજીક રહેતા લોકો માટે એહરામ બાંધવાની જગ્યા તેનું સ્થળ

મક્કાહમાં રહેતા લોકોનું એહરામ હજ્જ માટે તેમના ઘરોમાંથી ઉમરહ માટે તન્અીમ

વિમાન દ્વારા આવનારનો એહરામ મીકાત પહોંચતા પહેલા એહરામ માટે કપડું પહેરે મીકાત સામે આવતી વખતે એહરામની નિયત કરે છે તલ્બિયહ પઢવાનું શરૂ કરે એરપોર્ટ સુધી એહરામ બાંધવામાં વિલંબ કરવો જાઈઝ નથી.

એહરામનો તરીકો અને તેના આદેશો

ગુસલ કરવું

ખુશ્બુ લગાવવી

પુરુષો માટે, સ્ત્રીઓ માટે નહીં શરીર દાઢી વસ્ત્રો

એહરામ માટે કપડું પહેરવું ઈજાર અને ચાદર ઝિક્ર બંને સફેદ સ્ત્રી તે જે ઈચ્છે તે વસ્ત્રો શણગાર વગર નકાબ હાથના મોજા

ઉમરાહ માટે એહરામ:

બીમારી અકસ્માત

નિયતમાં શરત લગાવવી

તે હલાલ છે અને તેના પર કોઈ વસ્તુ જરૂરી નથી.

તલ્બિયહ પઢવાનો તરીકો:

એહરામની સ્થિતિમાં પ્રતિબંધિત કાર્યોથી બચવું

જ્યાં સુધી તે એહરામથી હલાલ ન થઈ જાય એહરામની સ્થિતિમાં પ્રતિબંધીત કાર્યો પુરુષો અને સ્ત્રીઓ બન્ને માટે પ્રતિબંધિત કાર્યો પોતાના માટે અથવા અન્ય માટે સગાઈ કરવી શાદી કરવા પુરુષો માટે પ્રતિબંધિત કાર્યો પુરુષો સ્ત્રીઓ માટે પ્રતિબંધિત

તવાફની રીત તવાફ માટે જરૂરી શરત છે કે તે વઝૂની સ્થિતિમાં હોય.

મસ્જિદમાં દાખલ થતી વખતે પઢવાની દુઆ

જમણો પગ

ઇઝ્તિબાઅ ઇઝ્તિબાઅ ફક્ત તવાફ માટે જ છે. તવાફ હજરે અસ્વદથી શરૂ કરવો જોઈએ.

રુકને યમાની

બે યમની ખૂણાઓ વચ્ચે શું કહેવું

ઝિક્ર દુઆ કુરઆનની તિલાવત કરવી રમલ કરવું જાઈઝ છે પહેલા ત્રણ ચક્કરોમાં

મકામે ઈબ્રાહીમ પાછળ નમાઝ પઢવી જો શક્ય હોય તો

{અને તમે ઇબ્રાહીમની જગ્યાને નમાઝ પઢવાની જગ્યા બનાવી લો}

સઇ કરવાની રીત

મરવહ સફા

ત્રણ વખત દોડે છે. ચાલે છે લીલા રંગની લાઈટ તકબીર કાબા તરફ મોઢું કરવું સાત ચક્કર સફાથી મરવહ સુધી એક ફેરો છે. ચક્કર ૧ મૂંડન અને વાળ કપાવવાની રીત

પુરુષ માટે મૂંડન કરાવવું અને વાળ કપાવવા જરૂરી છે. માથાના દરેક ભાગમાં શામેલ સ્ત્રી માટે વાળ ટૂંકા કરવા જરૂરી છે. છોકરીઓ

ઉમરાહ પૂર્ણ થયો.