ʿƲmrã wã sɩfã, wilgr sẽn tũ ne tʋʋmde n le yaa koɛɛga Wãn-wãn to la fo maand ʿƲmra? Videyo sẽn zãmsd nana-nana. Videyo sẽn wilgd ʿƲmrã wã tũudum tʋʋm tɩ pʋgd taaba n sɩng ne ɭḥrAamã n tãag Taḥallulã (Yidg n yi ɭhraamã), ne manesem sẽn yaa nana la vẽenega, ges videyo wã n zãms fo sẽn na n maan f ʿƲmrã wã nana la manegr to-to. ʿƲmrã wã sɩfã Yaa tɩlae ne ned ning sẽn data ʿƲmra t'a ning a ɭhraamã teedã Toadg ning a sẽn pɩʋʋgd-a wã. Al-mawaaƙɩɩtã: yaa zĩis nins Nabiyaamã (Wẽnd pʋʋsg la A tɩlgr be a yĩnga) sẽn yãkã tɩ ned ning sẽn rat n maan Hagiimd maa ʿƲmrã wã yeelg a ɭhraamã teed beenẽ. Rẽnd…
ʿƲmrã wã sɩfã, wilgr sẽn tũ ne tʋʋmde n le yaa koɛɛgaWãn-wãn to la fo maand ʿƲmra? Videyo sẽn zãmsd nana-nana.Videyo sẽn wilgd ʿƲmrã wã tũudum tʋʋm tɩ pʋgd taaba n sɩng ne ɭḥrAamã n tãag Taḥallulã (Yidg n yi ɭhraamã), ne manesem sẽn yaa nana la vẽenega, ges videyo wã n zãms fo sẽn na n maan f ʿƲmrã wã nana la manegr to-to.ʿƲmrã wã sɩfã
Yaa tɩlae ne ned ning sẽn data ʿƲmra t'a ning a ɭhraamã teedã Toadg ning a sẽn pɩʋʋgd-a wã.
Al-mawaaƙɩɩtã: yaa zĩis nins Nabiyaamã (Wẽnd pʋʋsg la A tɩlgr be a yĩnga) sẽn yãkãtɩ ned ning sẽn rat n maan Hagiimd maa ʿƲmrã wã yeelg a ɭhraamã teed beenẽ.
Rẽnd ned ning sẽn wa n pɩʋʋg zĩ-kãensã a yembre, n maan Anniyã ne hagiimd maa ʿƲmra: yaa tɩlae ne-a t'a yeelg ɭhraamã teed beenẽ, la ka sεgd ne-a t'a zʋʋg beenẽ n ka ning ɭhraamã ye.
La ned ning sẽn tʋg n pẽ Mak n yɩɩd zĩ-kãensã, wala Ǧidda nebã:Rẽnd yẽnda Al-miiƙaatã yaa a zĩigẽ wã, a rɩkda a teedã a zĩigẽ wã n tʋg n maan a hagiimdã la a ʿƲmrã wã beenẽ.
La sã n yaa Mak rãmbã: bãmb yeelgda b ɭhraamã futã Hagiimdã yĩnga b zagsẽ wã Maka.La sã n yaa ʿƲmra, b yitame n kẽng zĩig ning sẽn ka Harmã pʋga, n tʋg n yeelg b ɭhraamã futã beenẽ, wala At-Tanʿɩɩm la sẽn wõnd rẽnda.
La ned ning sẽn be sɩlgẽ: a yeelgda a teedã t'a sã n wa tʋg n yeglg toadgẽ wã,A segẽndame n yeelg ɭhraamã futu taoor t'a na n ka yeglg toadgẽ wã,T'a sã n wa tʋg n yeglg-a a maanda a Anniy wã wakat-kãngã,La sõmba ne-a t'a maan sẽn na gũbgi, a maanda a Talbiyã wã taoor t'a na n ka yeglg zĩigã, a sẽn yεεsd t'a maanegã zĩig na n wa põsgã, sɩlgã sẽn tʋʋlã yĩnga.La ka sakd ne-a t'a yaoolg-a halɩ tɩ sɩlgã wa tʋg n sig a sɩlg yir ye.
ɭhrɑɑmã sɩfã lɑ ɑ bʋʋd-rãmbã
Ned fãa sẽn tʋll n kẽ ɭhraam pʋgẽ, ad a tog n:
1. Yaa mustahab (b maana nonglem) ne-a t'a so koom woto yĩnga.
2. La yaa mustahab (b maana nonglem) ne rapã tɩ b ning yũ-noodo,La yɩta yĩngẽ wã la toεεngẽ wã, pa ɭhraamã fut pʋgẽ ye.
3. La ɭhraamã fut ningr yaa tɩlae, la yẽnda rao wã yĩnga yaa fu-sẽk la fu-loabdgaLa sũnnã yaa tɩ b yiibã yɩ peelse, n yɩ yɩlma, bɩ b yɩ paala.
La pag sã n wa tʋg n be ɭhraam pʋgẽ, a yeelgda a sẽn rat fut ninsi, la a ra pukd a faas teedã ye,La a zãagd a meng ne Niƙaabã la nug-wʋʋd a yiibã yeelgo,La a lud a nengã la a nus a yiibã ne bũmb a to.
4. La ɭhraamã, yẽnda yaa Anniy wã maan n kẽ tũudmã pʋgẽ, t'a yeel tɩ:(M sak-F lame m Soab a Wẽnde, n na n maan ʿƲmra)(Labbayka Allaahumma ʿƲmratan)La sã n mik tɩ yaa nin zẽng la a maan ʿƲmrã wã n na n kõ a yetame(M sak-F lame m Soab a Wẽnde, n na n maan ʿƲmra n kõ a zagla).(Labbayka Allaahumma ʿƲmratan ʿan fʋlaanin)
5. La ɭhraamã rɩkd sã n yεεsd tɩ bũmb na n wa gɩdg-a t'a ka tõog n pids a tũudmã tʋʋmãsakda ne yẽ soabã t'a maan sart ɭhraamã ningr sasa n yeele:(M sak-F lame m Soab a Wẽnde n na n maan ʿƲmra, la ad bũmb gɩdgdg sã n gɩdg maam, mam tεkã yaa zĩig ning Fo sẽn gɩdg maamã).(Labbayka Allaahumma ʿƲmratan, wa in habasaniy haabisʋn fa mahilliy hayṯu habastaniy)Rẽnd wakat ning a sẽn wat n maan sart tɩ gɩdgr wa gɩdg-a, t'a ka tõog n na n pids tũudmã tʋʋmã, a tõeeme n yidg n yi-a, tɩ yell ka be ne-a ye.
6. Rẽ poorẽ t'a maand Labbaykã wʋsgo:(Labbayka allaahumma labbayka, labbayka laa Šariika laka Labayka, inna al-hamda wa anniʿmata laka wa al-mulk, laa Šariika laka)Labayka Allaahuma labayka, labayka laa šariika laka labayka, inna Al-hamda wa An-niiʿmata laka wa Al-mulk laa šarika laka.Rao wã zẽkda a koεεgã ne rẽndɑ,La yaa woto me ne paga, a sã n pa mik t'a bee rap-zẽms sʋka.
7. Sõmbame ne ɭhraam rɩkda, t'a zãag a meng ne yεl nins ɭhraamã rɩkrã sẽn gɩdgd-a, halɩ t'a wa sεεs tʋʋmã n yi a ɭhraamã pʋgẽ.
Yεl nins sẽn ka sakd ɭhraamã pʋgẽ wã yaa pʋɩɩb a tãabo:
Rẽenem: Pʋɩɩr ninga sẽn yaa haraam rapã la pagbã zugu:
Zoobdã põngr maa a wõrsgo, maa yĩn-kõbdã põmbo maa b tõsbo, sẽn yaa zĩig ning fãa a yĩngẽ wã.
Nus-yẽesã fãa wõrsgo maa b sãnda, a nus a yiibẽ wã maa a nao a yiibẽ wã.
Yũ-nood ningr a yĩngẽ maa a ɭhraamã fut pʋgẽ.
Ween-n-vɩɩgẽ tãoosgo, maa a yõkre baa t'a sã n ka kʋ-a.
Pag belengo, n na n kõ a mengã maa nin-zẽnga.
Fur loeese.
Pag salengo, sẽn ka tũ ne a taoorã, wala mokre maa saagr ne wʋm-noogo.
Kẽed-n-taare, yẽ me la kẽebo taoorẽ wã.
Yiib soaba: Pʋɩɩr sẽn yaa haraam rapã zugã:
Zugã ludbu ne bũmb sẽn tabende, wala: pugla la peende, la rɩk fu-loabdgã n ning zugẽ, maa sẽn wõnd rẽnda, sẽn yaa ludbu.
Fut nins b sẽn minim n yeelgdẽ, sẽn sẽ n gũbg yĩnga, ne yalẽ ning nebã sẽn minim n ningdẽ wã, wala fuug sẽn sẽ la pãntalõ-rãmba, la kasaabse.
Tãab soaba: Pʋɩɩr sẽn yaa haraam pagbã zugu:
Niƙaab yeelgre maa bʋrƙʋʿ maa sẽpo sẽn wõnd Niƙaabã, la yaa tɩlae ne-a t'a lud a nengã ra-zẽmsã zĩigẽ ne bõn-zẽng sẽn ka rẽnda.
Nu-wʋʋd a yiib ningr a nusẽ wã, la yaa tɩlae ne-a t'a lud a nus a yiibã ra-zẽmsã zĩigẽ.
ʿƲmra maand sɩngda a ʿƲmra wã ne Al-Ƙaabã (Wẽnd Roogã) gilgri.
La yaa tɩlae Wẽnd Roogã gilgrã yĩnga, t'a yɩ sẽn yɩlg a mengã.
ɭhraam ningd sã n kẽ Lohorem miisrẽ wã, yaa sũnn ne-a t'a reng a rɩtg naoorãLa a yeel miisrã kõom doaagã, la yẽ me la:"M Soab A Wẽnde, pak F Yolsgã ragnoy n kõ-ma."Allaahumma ɭftahlɩɩ abwaaba Rahmatɩka
A sã n wa yã Al-Ƙaabã, a wãagda Talbiyã wã.
La a sã n rat n sɩng Tawaafã, Sũnnah yaa t'a sẽbdame,yaa a rɩk a fuugã pʋsʋka n ning a rɩtg bãokã tẽngre, t'a kɩrems a yiibã be a goabg bãokẽ wãLa a sã n wa sε Tawaafã a lebsda a fu-loabdgã n lud a bãgd a yiibã, bala sẽb-kãngã zĩigã yaa Tawaafẽ wã bala.
Ṭawaafã (Roogã gilgrã) sɩngda kug-sabellẽ wã.
Lɑ b bʋʋ nonglem t'a wa Kug-sabεllẽ wã ne a rɩtg nugã n mok-a,La a sã n ka tõog n mok-a, a sɩɩsd-a-la ne a nugã, n mok a nugã,La a sã n ka tõe, a sɩɩsd-a-la ne bũmb a sẽn zãadfe wala raoogo bɩ sẽn wõnd woto, n mok-a,La a sã n ka tõoge, a togenda kugrã n tees-a ne a nugã, la a pa mokd a nugã ye,La sẽn yɩɩd sõmblemã yaa t'a ra sẽdg nebã ye, n namsd nebã, tɩ bãmb me namsd-a.
La b bʋʋ nonglem t'a yeele kugrã sɩɩsgẽ maa a teesgẽ wã:(Wẽnd n yɩɩd bedrem).(Allaahʋ Akbarʋ).
Rẽ poorẽ t'a rɩk rɩtg wɛɛngẽ, tɩ Al-ƙaabã be a goabg wɛɛngẽ,T'a sã n ta Yamaaniy zeng-raoogã, a sɩɩsd-a-la ne a nugã tɩ ka tũ ne mokr ye,La a sã n ka tõoge bɩ a ra sẽdg ye, la a ra tees me ye.
(D Soɑbɑ A Wẽnde! Kõ-d Dũni pʋgẽ sẽn be neere lɑ Yɑoolem rɑɑrã sẽn be neere, lɑ F gũ tõnd ne Bugmã nɑmsgo)(Rabbanaa aatɩnaa fɩddʋnyaa hasanatan wa fɩl Aaẖiratɩ hasanatan waƙɩnaa ʿazaabannaar)
La a yeta Yamaan zeng-raoogã la Kug-sabεllã sʋka:
La a sẽn pɩʋʋg Kug-sabεllã fãa a teesd-a-la ne a nugã n yeele:(Wẽnd n yɩɩd bedrem).(Allaahʋ Akbarʋ).
La a yeta a Tawaafã fãa sẽn ketã, yẽ sẽn nong bũmb ning sẽn yaa Wẽnd yʋʋr tẽegre, la doaaga la Alkʋrãan karengo.
La Sũnnah yaa a zãoos rẽenem gilgr a tãabã bala, sã n yɩ nana ne-a woto,n yãg n kẽne tɩ na-kãdmã pẽ taaba,La sã n yaa gilgr a naasã sẽn ketã yãg-n-kẽnd ka b pʋgẽ ye.
A sã n sa Tawaafã la Rakaar a yiibã, a yitame n kẽng kẽnã zĩigẽ,A sã n wa pẽneg Safaa a karemda:(Ad Ṣɑfɑɑ ne Mɑrwɑɑ bee Wẽnd Sãri wã tɑgmas-rãmb pʋgẽ)Rẽ poorẽ t'a yeele:"M sɩngda ne Wẽnd sẽn sɩng ne wã.""Abdaʿʋ bimaa bada'a Allaahʋ bihii".
Rẽ poorẽ b bʋʋ nonglem t'a togl Al-ƙiblã (Al-Kaabã), la a yeele:Soab ka be tɩ sã n pa Wẽnd A Yembr ye, A pa tar lagm-n-taag ye, Naam yaa Yẽ n so, Pẽgr be ne Yẽ, Yẽnda me n leb n tõe bũmbã fãa,Soab ka be tɩ sã n pa Wẽnd a Yembr ye, a Pʋlengã yɩɩ sɩda, la a sõnga A yambã, la A leb tõoga bεεbã sulã Yẽ A Yembre(Soab ka be tɩ sã n pa Wẽnd A Yembr ye, a pa tar lagm-n-taag ye, Naam yaa Yẽ n so, la Pẽgr be ne Yẽ, la Yẽnda n yaa tõod ne bũmb fãaLɑɑ ilɑɑhɑ illɑɑ Allɑɑhu wɑhdɑhuu, anǧaza waʿdahu, wa naṣara ʿabdahu, wa hazamal ahzaaba wahdahuu"A yɩlemda rẽ noor a tãabo, la a kos Wẽnd wotol sʋka.
Rẽ poorẽ t'a sig Ṣafaa' n kẽng Marwaa n kẽnda,a sã n wa tʋg n ta zĩig ning sẽn yaa kẽegã, rapã bala n kẽnd kẽn sẽn yaa kεgenga,A sã n wa ta tagmas kẽeg a yiib soabã, bɩ a kẽne.
La a sã n wa tʋg n ta Marwaa' sãri maaname t'a tʋm wala a sẽn rag n maan Ṣafaa' wãWala takbɩɩr maanego, la doaaga, la karengo, la Wẽnd Roogã toglgo.
Rẽ poorẽ, a sig Marwaa' n kẽng Ṣafaa' t'a yaa sẽn kẽnde,t'a sã n wa tʋg n ta zĩig ning sẽn yaa kẽegã, a kẽnda kẽn sẽn yaa kεgenga,La a sã n wa ta tagmas kẽeg a yiib soabã, bɩ a kẽne.
Yaa woto la a maand halɩ n wa pids noor a yopoe wã,A kẽngrã n yi Ṣafaa n kẽng Marwaa wã yaa kẽnd a yembre,La a lebgrã sẽn yi Marwaa n kẽng Ṣafaa yaa kẽnd a to.A sɩngda ne Ṣafaa la a baas ne Marwaa.
La a yeta a kẽnẽ wã a sẽn nong bũmb ning sẽn yaa Wẽnd yʋʋr tẽegre, la doaaga la Alkʋrãan karengo.
Zoobdã põngr la a wõrsg sɩfo:
ʿƲmra maand sã n wa tʋg n pids a Tawaafã (Roogã gilgrã) la a kẽnã, yaa tɩlae ne raoã t'a põng a zoobdã maa a wõrse,La yaa tɩlae tɩ põngrã bɩ wõrsgã gũbg zugã gilli.
La paga wõrsda a zoobdã kɩrengã sẽn zems wala nug-rʋdre.
MakaAl-miiƙaatʋ (Toadga)Ned ning sẽn pẽ Mak ɭhraamã rɩkr zĩigaA zĩigã.
Mak rãmbã ɭhraamã rɩkr zĩigãHagiimdã yĩngan yi b zagsẽ wãʿƲmrã wã yĩngaAt-tanʿɩɩm
Ned ning sẽn wat ne sɩlgã ɭhraamã ningri zĩigãTaoor tɩ f na n ka ta Miiƙaatẽ wã (toadgẽ wã).a ning ɭhrɑɑmã futã.Sẽn ta a zugu wã sasaA rɩk ɭhraamã anniyãA sɩngda Labbaykã maanegola ka sakd ne ɭhraamã yaoolg n tʋg n tãag sɩlg yir ye.
Ihraamã sɩfã la a bʋʋdã
Koom soobo
Yũ-nood ningri
Rapã yĩnga, ka pagbã ye.YĩngãToεεngãFutã
ɭhraamã fut ningrifu-sẽk la fu-loabdgɑRaoaSẽn yaa peellaPagaFut nins a sẽn datãA ra pukd a faas teedã yeNikaabãNus-wʋʋd a yiibã
Maan Anniy ne ʿƲmrɑ wã ɭhraamã yeelgo:
Bãagayĩudgu
Sart ningr Anniy wã pʋgẽ
A yidgdame n yi ɭhraamẽ wã, la bũmb ka be ne-a ye.
Talbiya wã sɩfã:
Yεl nins b sẽn gɩdg ɭhraamã rɩkr pʋgẽ wã zãagre
Halɩ t'a wa sεεs tũudmã tʋʋmã n yi a ɭhraamã pʋgẽ.Yεl nins b sẽn gɩdg ɭhraamã rɩkr pʋgẽ wãB gɩdga roapã la pagbã fãa.Pag belengo a meng yĩnga maa nin-zẽng yĩngaFur loeeseYaa haraam ne roapãRaopãYaa haraam ne pagbã
Tawaafã (Wẽnd Roogã gilgr) sɩfoYaa sart Tawaafã (Wẽnd Roogã gilgr) yĩnga tɩ ned yɩlg a menga.
Miisr kẽeb doaaga
rɩtg naoorã
Ning fu-pokã n bas bãokã yɩnga (Rɩk a fuugã pʋsʋka n ning a rɩtg bãokã tẽngre, t'a kɩrems a yiibã be a goabg bãokẽ wã°Sẽbrã (Rɩk a fuugã pʋsʋka n ning a rɩtg bãokã tẽngre, t'a kɩrems a yiibã be a goabg bãokẽ wã yaa Tawaafẽ wã bala.Tawaafã (Wẽnd Roogã gilgr) sɩngda kug-sabellẽ wã.
Yamaaniy zeng-raoogã
Bũmb ning a sẽn yeta Yamaaniy zeng-raad a yiibã sʋka
Noor a tãabozoetẽA kẽndameTagmas ning sẽn yaa kẽegãTakbɩɩreYaa Wẽnd Roogã toglgoKẽn a yopoeYi Safaa n kẽng Marwaa yaa kẽnd a yembre.Gilgr 1Zoobdã põngr la a wõrsg sɩfo
Zoobdã põngr maa a wõrsgo yaa tɩlae ne raoa.N gũbg zugã fãaZoobdã wõrsg yaa tɩlae ne pagaPagbã
Sebr sẽn kʋʋg koεεga n gomd ʿƲmrã wã maaneg sɩfo la a bʋʋdo.
65 languages
Sebr sẽn kʋʋg koεεga n gomd ʿƲmrã wã maaneg sɩfo la a bʋʋdo.
Pẽgr be ne Wẽnd sẽn yaa bõn-naandsã Soabã, la pʋʋsg la tɩlg be tõnd Nabiyaamã a Mʋhammad zugu, ne a zaka rãmba la a Ṣahaabsã gilli. Rẽ loogr poorẽ: Rẽnd wãnde yɑɑ sebr sẽn kʋʋg koεεgɑ n gomd ʿƲmrã wã sɩfgo lɑ ɑ bʋʋdã lɑ ɑ zʋgdã, lɑ tõnd mɑɑnɑ nonglem ɑ pʋgẽ n nɑ n vẽneg bũmb ning ʿƲmrɑ mɑɑnd sẽn tɑr tʋlsem ne-ɑ noor wʋsgo. La Wẽnd la d kot-A t'A maan-ɑ t'ɑ yɩ yɩlengɑ ne Yẽnda yel-sõmdã raab bala, la A maan-a t'a naf lɩslaambã zãnga.
Tudg-rãmb la yõsg-rãmb nins sẽn kẽed ne ʿƲmrã wã. Rẽenem: nebã yõsg-rãmbã la b tuudgã ɭhraamã yelgrẽ. Yaa koεεgã zẽkr basbo, ne a sẽn ka zẽkd a koεεgã n pʋd tũudum ning a sẽn ratã a ɭhraamã ningr sɩngr wakato. La Sũnnah: yaa a zẽk a koεεgã ne rẽndɑ.
Pẽgr be ne Wẽnd sẽn yaa bõn-naandsã Soabã, la pʋʋsg la tɩlg be tõnd Nabiyaamã a Mʋhammad zugu, ne a zaka rãmba la a Ṣahaabsã gilli. Rẽ loogre poorẽ: Ad wãnde yaa sebr sẽn kʋʋg koεεga, n gomd hagiimdã sɩfo, tõnd talla nonglem a pʋgẽ, n na n vẽneg hagiimd maand sẽn tar tʋlsem ne yεl ninsã. La Wẽnd la d kot-A t'A maan-ɑ t'ɑ yɩ yɩlengɑ tɩ yaa Yẽnda yel-sõmdã raab bala, la A maan-a t'a naf lɩslaambã zãnga. Tʋɩɩsgo: