صفة العمرة

Опис на умрата (кратко и практично објаснување. Како да извршиш умра? (Поедноставено едукативно видео) Видео кое по редослед ги објаснува обредите на умрата – од стапувањето во ихрам до излегувањето од него – на едноставен и јасен начин. Погледни го видеото и научи како да ја извршиш умрата лесно и правилно. Опис на умрата

Оној што сака да изврши умра е должен да влезе во ихрам од микатот што му е одреден.

Микатите се местата што Веровесникот ﷺ ги одредил за од нив да влезе во ихрам оној што сака да изврши аџилак или умра.

Кој ќе помине покрај некој од нив со намера да изврши аџилак или умра, должен е да влезе во ихрам од него и не му е дозволено да го помине без ихрам.

А оној што се наоѓа поблиску до Мека од овие микати, како жителите на Џеда: неговиот микат е местото каде што се наоѓа, па од таму влегува во ихрам за аџилак или умра.

Што се однесува пак до жителите на Мека, тие влегуваат во ихрам за аџилак од своите домови во Мека, додека за умра, излегуваат надвор од границите на харемот и од таму влегуваат во ихрам, како од Теним и слични места.

Оној што патува со авион, влегува во ихрам кога авиинот ќе биде на иста воздушна линија со микатот, затоа треба да се подготви и да ја облече облеката за ихрам пред да се израмни со воздушната линија на микатот. Кога ќе се израмни со него, веднаш треба да го искаже ниетот и да влезе во ихрам. Може, од претпазливост, да ја изговори телбијата и пред да се израмни со воздушната линија на микатот, од страв да не го пропушти местото за телбија поради брзината на авионот. И не му е дозволено да го одложи тоа сè до времето кога авионот ќе слета на аеродромот.

Опис на ихрамот и неговите прописи

Секој што сака да стапи во ихрам:

1. Се препорачува да се избања.

2. Се препорачува мажот да се намириса со парфем, и тоа на телото и брадата, но не и на облеката за ихрам.

3. Задолжително е да се облече облеката за ихрам, која за мажот се состои од изар (долен дел) и рида (горен дел). Сунет е тие да бидат бели и чисти, или нови.

Жената стапува во ихрам во каква било облека, без да биде нејзината облека вид на украс, но избегнува да носи никаб и ракавици, и ги покрива лицето и рацете со нешто друго.

4. Ихрамот е намера за влегување во обредот, па се изговара: Леббејке Аллахумме умретен (Ти се одзивам, Аллаху мој, за умра.) А ако извршува умра за некој друг, изговара: Леббејке Аллахумме умретен ан фуланин (Ти се одзивам, Аллаху мој, за умра за тој и тој.)

5. Доколку оној што сака да стапи во ихрам се плаши од пречка што би го спречила да го доврши својот обред, дозволено му е при ихрамот да постави услов, па го изговара следново: Леббејке Аллахумме ʿумратен, ве ин хабесени хабисун, фе-мехилли хајсу хабестени (Ти се одзивам, Аллаху мој, за умра, и ако ме спречи некаква пречка, моето излегување од ихрам ќе биде таму каде што ќе бидам спречен.) Кога ќе постави ваков услов и му се случи нешто што ќе го спречи да го доврши обредот, тогаш излегува од ихрам и нема никаква обврска.

6. Потоа често се изговара на глас телбијата: Леббејке Аллахумме леббејк, леббејке ла шерике леке леббејк, иннел-хамде вен-нимете леке вел-мулк, ла шерике лек. (Ти се одзивам, Аллаху мој Ти се одзивам, Ти се одзивам Тебе Кој нема здруженик, Ти се одзивам, благодарноста и благодетите се Твои, а Твоја е и власта, Ти Кој немаш здруженик.) Мажот го подига гласот при тоа, исто и жената – сè додека не е во присуство на туѓи мажи.

7. Оној што е во ихрам е должен да ги избегнува забраните на ихрамот сè додека не излезе од него.

Забраните за време на ихрамот се поделени во три категории:

Прво: Забрани што важат и за мажите и за жените:

Бричење, скратување или кубење на влакната од кој било дел од телото.

Сечење на ноктите, целосно или делумно, на рацете или нозете.

Ставање парфем на телото или на облеката за ихрам.

Убивање на диво копнено ловно животно или обид за негово ловење, дури и ако не биде убиено.

Веридба, за себе или за друг.

Склучување брак.

Телесен контакт без полов однос, како што се бакнување или допирање со страст.

Полов однос, односно пенетрација во половиот орган.

Второ: Забрани што важат за мажите:

Покривање на главата со нешто што непосредно ја допира, како што се капче, турбан или ставање на горниот дел од ихрамот врз главата, како и сè друго со кое се има за цел нејзино покривање.

Носење вообичаена облека скроена според обликот на телото која вообичаено се носи, како што се: гелабија, панталони и кошула.

Трето: Забрани што важат за жените:

Носење никаб, бурка или превез сличен на никаб. Меѓутоа, должна е да го покрие лицето во присуство на мажи кои не ѝ се махрем, со нешто друго освен тоа што е спомнато.

Носење ракавици. Во присуство на мажи кои не ѝ се махрем, должна е да ги покрие своите раце.

Мутемирот ја започнува умрата со таваф околу Ќаба.

За таваф околу Ќабата се условува да биде во состојба на абдест.

Кога мухримот ќе влезе во Месџидул-харам, сунет е да влезе прво со десната нога и да ја изговори довата при влегување во џамија, која гласи: ,,Алахумме ифтах ли ебвабе рахметике.“ (Аллаху мој, отвори ми ги вратите на Твојата милост.)

Кога ќе ја види Ќаба, престанува со изговарање на телбијата.

Кога ќе сака да започне со тавафот, сунет е да направи идтиба, односно да го стави средниот дел од наметката под десната мишка, а двата краја преку левото рамо. Кога ќе заврши со тавафот, повторно ја наместува наметката и ги покрива двете рамена, бидејќи идтиба се практикува само за време на тавафот.

Тавафот започнува од Црниот камен.

Се препорачува да му пристапи на Црниот Камен, да го допре со десната рака и да го бакне. Ако не може да го бакне, го допира со рака, потоа ја бакнува својата рака. Ако не е во можност, го допира со нешто што има кај себе, како стап или слично, потоа го бакнува тоа. Ако не може ни тоа, тогаш се свртува кон каменот и покажува кон него со раката, но не ја бакнува. Најдобро е да не се турка, за да не ги вознемирува другите ниту самиот да биде вознемирен од нив.

Се препорачува при допирање на Црниот камен или при покажување кон него да изговори: ,,Аллаху екбер.“ (Аллах е најголем.)

Потоа продолжува надесно, така што Ќабата му е од левата страна. Кога ќе стигне до Јеменскиот агол, го допира без да го бакне. Ако не е во можност, токаш подобро е да не се турка и не покажува кон него.

„Господару наш, дај ни добро на овој и на оној свет и сочувај нè од казната во огнот!“ „Раббена атина фид-дуња хасенетен, ве фил-ахирати хасенетен, ве кина азабен-нар.“

Помеѓу Јеменскиот агол и Црниот камен изговара:

Секогаш кога ќе помине покрај Црниот камен, покажува кон него со раката и изговара: „Аллаху екбер.“ Аллаху екбер

Во преостанатиот дел од тавафот изговара што сака од зикрови, дови и рецитирање на Куранот.

Сунет е да се практикува рамл само во првите три круга, доколку е во можност да го направи тоа, односно забрзано одење со пократки чекори. А во преостанатите четири круга нема забрзано одење.

Кога ќе го заврши тавафот, препорачливо е да клања два реката зад Мекам Ибрахим, доколку тоа е возможно. доколку не е возможно, ќе ги клања на кое било место во Месџидул-харам. На првиот рекат, по Фатиха, рецитира: ,,Кажи: ,О, вие неверници..'“ А на вториот рекат, по Фатиха, рецитира: ,,Кажи: ,Тој е Аллах, Еден е!'“

Опис на сајот

Откако ќе ги заврши тавафот и двата реката, се упатува кон местото за сај. Кога ќе се приближи до ритчето Сафа, рецитира: ,,Сафа и Мерва, навистина, се Аллахови обредни места.“ Потоа изговара: ,,Ебдеу бима беде-е Аллаху бихи.“ (Почнувам со она со што започнал Аллах.)

Потоа е препорачливо да се сврти кон киблата (Ќабата) и да го изговори следново: ,,Ла илахе иллаллаху вахдеху ла шерике лех, лехул-мулку ве лехул-хамду, ве хуве ала кулли шеј ин кадир; ла илахе иллаллаху вахдех, енџезе вадех, ве несара абдех, ве хеземел-ахзабе вахдех.“ (Нема друг вистински Бог освен Аллах, Единствениот, Кому никој не Му е рамен; Негова е власта и Нему Му припаѓа благодарноста, и Тој е над сè Семоќен. Нема друг вистински Бог освен Аллах, Единствениот; го исполни Своето ветување, го помогна Својот роб и Сам ги порази сојузниците.) Ова го повторува трипати, а помеѓу тоа упатува дова.

Потоа се спушта од Сафа кон Мерва одејќи. Кога ќе стигне до првата зелена ознака, мажите – само тие – одат забрзано, а кога ќе стигне до втората зелена ознака, продолжуваат да одат нормално.

Кога ќе стигне до Мерва, пропишано му е да го направи истото што го направил на Сафа односно да изговара текбир, да упатува дова, да рецитира и да се сврти кон Ќабата.

Потоа се спушта од Мерва кон Сафа одејќи, Кога ќе стигне до првата зелена ознака, оди забрзано, а кога ќе стигне до втората зелена ознака, продолжува да оди нормално.

Така продолжува сè додека не ги заврши седумте круга, Одењето од Сафа до Мерва се смета како еден круг, а враќањето од Мерва до Сафа како друг круг. Започнува од Сафа и завршува на Мерва.

За време на сајот изговара што сака од зикрови, дови и рецитирање на Куранот.

Опис на бричењето и скратувањето на косата:

Кога мутемирот ќе ги заврши тавафот и сајот, мажот е должен да ја избричи главата или да ја скрати косата, а задолжително е бричењето или скратувањето да ја опфати целата глава.

А жената скратува од краевите на својата коса колку еден врв на прст.

Со ова умрата е завршена.

Прописи за микатите

Медина Зул-Хулејфа Зат Ирк Ел Џухфа

Јелемлем Карн Ел Меназил Микатите

Мека Микат Ихрам за оние што се блиску до Мека Неговото место

Ихрам за жителите на Мека За аџилакот Од нивните домови За умрата Ет Тен‘им

Ихрам за оние што доаѓаат со авион Пред да се израмни со воздушната линија на микатот ја облекува облеката за ихрам При порамнување Прави намера/ниет за ихрам Започнува со телбијата Не е дозволено да се одложи влегувањето во ихрам сè до пристигнувањето на аеродромот

Опис на ихрамот и неговите прописи

Капење

Користење парфем

Само за мажите, не за жените Телото Брадата Облека

Облекување на облеката за ихрам Изар и рида (долна и горна наметка) Зикр бели Женско Облека каква што ќе посака Неукрасена Никаб Ракавици

Ихрам за умра:

Болест Настан

Условување при ниетот

Излегува од состојбата на ихрам и нема никаква обврска

Опис на телбијата:

Избегнување на забраните на ихрамот

сè додека не излезе од ихрам Забраните на ихрамот Забрането и за мажите и за жените Веридба за себе или за друг Склучување брак Забрането за мажите Машките Забрането за жените

Опис на тавафот За исправноста на тавафот услов е да се биде со абдест

Дова при влегување во џамија

Десната нога

Ел-идтиба Откривањето на десното рамо се практикува само за време на тавафот Тавафот започнува од Црниот камен

Јеменскиот агол

Што се изговара помеѓу Јеменскиот агол и Црниот камен

Зикр Дова Рецитирање Куран Пропишаност на рамлот-забрзаното одење во првите три круга

Клањање зад Мекам Ибрахим Доколку е возможно

,,Местото на кое стоеше Ибрахим нека ви биде простор зад кој намаз ќе извршувате.“

Опис на сајот

Мерва Сафа

Трипати. Трча Оди Зелената ознака Текбир Свртување кон Ќабата Седум круга Од Сафа до Мерва се смета за еден круг Круг 1 Опис на бричењето и скратувањето на косата

Задолжително бричење и скратување на косата за мажот Да ја опфати целата глава Задолжително скратување на косата за жената Жените

Умрата е завршена