A Al-bʋhaariy n reeg-a (1189) la a Muslim (827) la gom-billã bee Muslim pʋgẽ,
A Al-bʋẖaarɩ n reeg-a (1190) la a Muslim (1394).
A Al-bʋhaarɩ n reeg-a (1195) la a Muslim (1390),
Pẽgr tiging be ne Wẽnde sẽn yaa bõn-naandsã Naandã, la pʋʋsg la tɩlgr be tõnd Nabiyaamã zugu, a Mʋhammad, la a zakã rãmbɑ la a Ṣahaabsã gilli.
Rẽ loogr poorẽ:
Wãnde yaa sebr sẽn kʋʋg koεεga n gomd Nabiyaamã misrã kaagrã zʋgdo la a kaagrã bʋʋdo, tõnd modga a pʋgẽ n na n vẽneg Nabiyaamã misrã kaagr sẽn nong n tar tʋlsem ne yεl ninsã.
La Wẽnd la d kot-A t'A maan-a tɩ yaa pʋ-peelem ne Yẽnda yel-sõmdã raab bala, la A maan-a t'a naf lɩslaambã zãnga.
Bãngrã sull sẽn be Sull ning sẽn gεtɑ Lɩslaangã kɑrengã sõgnegã ne buud-rãmbã goamã.
Gomd sẽn kʋʋg koεεga
B bʋʋ nonglem tɩ b kaag Nabiyaamã miisrã (Wẽnd pʋʋsg la A tɩlgr be a yĩnga) la kaagrã ka tar wakat sẽn yãk toaag ye, a leb n ka lagem hagiimdã tʋʋmẽ, leb n ka tɩlae ne hagiimbã -b rap la b pagba- tɩ b kaag Tẽn-tʋʋmã yaoog ye (Wẽnd pʋʋsg la A tɩlgr be a yĩnga), ka tɩlae tɩ b kaag Baƙɩɩ'ɩ ye.
Ka sakd tɩ b sẽb teed n bob Nabiyaamã yaoogã kaagr yĩng ye (Wẽnd pʋʋsg la A tɩlgr be a yĩnga), bala bob teed n yi so-toak tɩ yaa tũudum yĩnga, a ka yɩt ne yaad kaagr ye, la yaa miisa a tãabã bala, Nabiyaamã yeelame (Wẽnd pʋʋsg la A tɩlgr be a yĩnga):(Sor pa bobd n tʋg tũudum zĩisẽ, tɩ sã n pa miisã a tãabẽ wã ye: yaa mam mis-kãngã la Mak lohormã miisrã la masgid Al-aƙṣaa =Aƙṣaa misrã, fɩlɩstɩɩn).
Rẽnd ned ning sẽn zãr ne Madiina, ka sakd ne yẽ t'a sẽb n tʋg Nabiyaamã yaoogã kaagr ye, la a sã n wa ta beenẽ, a kaagda a yaoogã (Wẽnd pʋʋsg la A tɩlgr be a yĩnga) la a Ṣahaabsã yaadã, t'a yaoogã kaagr yaa sẽn tũneg a miisrã kaagrã, (Wẽnd pʋʋsg la A tɩlgr be a yĩnga).
Sãri wã ka maan tɩ yaa tũudum tɩ pag wa tʋg n kaag Nabiyaamã yaoogã ye, (Wẽnd pʋʋsg la A tɩlgr be a yĩnga) ka zẽng sẽn ka Nabiyaam yaoogã, bala (Wẽnd pʋʋsg la A tɩlgr be a yĩnga) a kãaba pagb nins sẽn kaadg yaadã, la rẽ yaa bũmb ninga b sẽn tõe n wa maan sẽn yaa wiisgu, la lagsgo, la zẽng sẽn ka rẽnda, sẽn yaa yεl sẽn yõsg sãri wã sagellã, la b bʋʋ nonglem ne-ba tɩ b wʋsg Tẽn-tʋʋmã sallego, (Wẽnd pʋʋsg la A tɩlgr be a yĩnga), Nabiyaamã miisrẽ wã la zẽng sẽn ka beenẽ, tɩ rẽnda tat Nabiyaamã (Wẽnd pʋʋsg la A tɩlgr be a yĩnga), tɩ yẽ beẽ a sẽn be zĩig ning fãa, ne (Wẽnd pʋʋsg la A tɩlgr be a yĩnga) sẽn yeele:(Rɑ mɑɑn-y y rotã tɩ yɑɑ yɑɑd ye, lɑ y rɑ rɩk mɑm yɑoogã tɩ yɑɑ tigr bob n kẽng ye, lɑ y pʋʋs-mɑ; tɩ yãmb pʋʋsgã tɑtɑ mɑɑm y sẽn beẽ fãɑ).Nabiyaamã leb n yeelame (Wẽnd pʋʋsg la A tɩlgr be a yĩnga):(Ad Wẽnd tara malεgs sẽn yaa gilgdb Tẽngã pʋgẽ, n taasd maam m zãmã wã pʋʋsgã).
A sã n kẽ Nabiyaamã miisrẽ, b bʋʋ nonglem ne-a t'a lʋɩɩs a rɩtg naoorã a kõomã wakato, la a yeele (M Soab A Wẽnde, pak F Yolsgã ragnoy n kõ-ma= Allahʋmma ɭftahlɩɩ abwaaba Rahmatɩka) wala a sẽn yet rẽnda a sẽn wat n kẽed miisã wã fãa pʋgẽ wã.
La Nabiyaamã miisr pʋgẽ kõom (Wẽnd pʋʋsg la A tɩlgr be a yĩnga) a ka tar doaag sẽn welg toor ye.
Rẽ poorẽ a pʋʋsda rakaar a yiibu, sẽn yaa miisr kõom Pʋʋsgã.
La sã n mikame t'a kõomã sasa ka b sẽn gɩdg naafɩl maanego, sakdame t'a pʋʋs Naafɩlã a sẽn tõe tεka, rakaar a yiib-yiibu, Nabiyaamã yeelame (Wẽnd pʋʋsg la A tɩlgr be a yĩnga):(Pʋʋsgo mam miis-kãngã pʋgẽ, a yel-sõmdã yɩɩda Pʋʋs-rãmb tusri zẽng sẽn ka miis-kãngã pʋgẽ, sã n ka Lohorem miisrã bala).
La sõmba ne-a t'a bao n welg n pʋʋs Raoodã wã (baoogã) zĩigẽ, -yẽ me yaa zĩig ning sẽn be Nabiyaamã mimbarã (Wẽnd pʋʋsg la A tɩlgr be a yĩnga) la a roogã sʋka- tɩ woto sã n yaa yol-tol ne-a, ne Nabiyaamã sẽn yeele (Wẽnd pʋʋsg la A tɩlgr be a yĩnga):(Sẽn be mam zakã la mimbarã sʋka yaa bãoog sẽn yaa arzãn bãado).
La sã n ka yɩ naana ne-a t'a paam beenẽ n na n pʋʋse, a pʋʋsda zĩig ning fãa miisrã pʋgẽ, la woto yaa sẽn na n mik tɩ ka zamã Pʋʋsgo, la sã n mikame tɩ yaa zãma Pʋʋsgo bɩ a gũus rẽenem safã n paam-a, saf ning sẽn pʋgda limaamã wεεngẽ wã, ne daliil-rãmbã sẽn wa n wilg rẽnda tɩ tigmã.
La a sã n rat n kaag Nabiyaamã yaoogã (Wẽnd pʋʋsg la A tɩlgr be a yĩnga) la a tũud-n-taas a yiibã yaadã:
A yalsda Nabiyaamã yaoogẽ wã (Wẽnd pʋʋsg la A tɩlgr be a yĩnga) ne zʋgdo la tɩrlem, la a sik a koεεgã, rẽ poorẽ t'a ning Nabiyaamã (Wẽnd pʋʋsg la A tɩlgr be a yĩnga) sallem, n yeele: (Assalaamu ʿAlayka yaa Rasuulallaah wa rahmatul laah wa barakaatuh) la a sã n yeele: "(m maan kaset tɩ fo yaa Wẽnd Tẽn-tʋʋm sɩd-sɩda, la m maan kaset tɩ f taasa Tẽn-tʋmdã, la f kɩsa bobellã, f nidga pãng Wẽnd sorã pʋgẽ nidg pãng tεkẽ, f maana zãmã wã pʋ-peelem, bɩ Wẽnd na rol-f f zãmã wã yĩnga sõma sẽn yɩɩd Wẽnd sẽn yao Nabiyaam fãa a zãmã wã yĩngɑ)" yell ka be ye.
Rẽ poorẽ t'a kẽng rɩtg wεεngẽ bilfu n pʋʋs a Abuu Bakr Aṣ-ṣidiiƙi (Wẽnd yard be a yĩnga).
Rẽ poorẽ t'a kẽng rɩtg bilfu, n pʋʋs a ʿƲmar ɭbn Al-ẖaṭṭaabe, la a ɭbn ʿƲmar rag n yɩɩme (Wẽnd yard be b yiibã yĩnga), t'a sã n ning Nabiyaamã sallem (Wẽnd pʋʋsg la A tɩlgr be a yĩnga) la a tũud-n-taas a yiibã, a ka paasd noor wsg fãa gilli n zʋʋg a koεεg: (Assalaamu ʿAlayka Yaa Rasuulallaah, Assalaamu ʿAlayka yaa Abaa Bakr, Assalaamu ʿAlayka yaa Abataah "Assalaamu ʿAlayka, m baaba sõngo") rẽ poorẽ t'a looge.
La ka sõmb tɩ b woglg yalsgã maa doaagã Tẽn-tʋʋmã (Wẽnd pʋʋsg la A tɩlgr be a yĩnga) yaoogẽ wã ye, la a tũud-n-taas a yiibã yaadẽ wã ye, bala limaam maalik kisa rẽ, n yeele: "yẽ yaa bũmb sẽn yaa bida reng taoor-rãmbã ka maan-a ye, la zãmã-kãngã baasgã bũmb ka na n maneg-a, sã n ka bũmb ning sẽn maneg a rẽenem soabã".
Yaa woto bal la kaagdbã sãnda sẽn maande, la zẽng sẽn pa bãmbã, n baood n na n maan doos a yaoogẽ wã, n tees yaoogã n zẽk b nus n kotẽ, woto fãa gill yõsga ne bũmb ning reng taoor rãmb sẽn rag n maande, sẽn yaa Wẽnd Tẽn-tʋʋm Ṣahaabsã la Taabɩʿɩɩn (neb nins sẽn pʋg bãmbã) ne manegrã, la rag n pʋs n yaa bidah n yaa yel-sɩngdse.
La yaa woto bal la kaagdbã sãnda sẽn maande, b sẽn wat n na n ning Nabiyaamã sallemã (Wẽnd pʋʋsg la A tɩlgr be a yĩnga) n rɩk a rɩtgã n ning a goabgã zugu, a yãoogẽ wã maa a yãoogã tẽngre, tɩ yaa wala a pʋʋsdame, rẽnd yalε-kãngã ka sakde b sẽn wat n ningd Nabiyaamã sallemã ye (Wẽnd pʋʋsg la A tɩlgr be a yĩnga), bala a yaa gãneg-m-menga la tũudum sẽn ka sõmbe, rẽnda ne Wẽnde, wala a ɭbn Hagεr (Wẽnd na yols-a) sẽn togsã, a gãfã sẽn boond tɩ Fath Al-baariy wã pʋgẽ, sẽn yi bãngdbã koeese.
La ka sõmbe ne ned baa a yembr t'a bao tũudum n na n pẽneg Wẽnd ne yaoogã saagr ye, maa a gilgr ye, ka sõmb n kos Nabiyaamã (Wẽnd pʋʋsg la A tɩlgr be a yĩnga) t'a manes b yεl ye, maa a kõ b bãad-rãmb laafɩ ye, la sẽn wõnd rẽ, bala yel-kãensã fãa gill ka baood rẽnda Wẽnd nengẽ, A Yembre.
B bʋʋ nonglem ne Madiin kaagda, a sẽn wat n be Madiinã, t'a kaag Ƙʋbaa miisrã, la a pʋʋsg a pʋgẽ, bala Nabiyaamã (Wẽnd pʋʋsg la A tɩlgr be a yĩnga), a ra wata beenẽ t'a yaa sẽn zao maa kẽnda, n pʋʋsd rakaar a yiib beenẽ, sẽn yi a Sahl ɭbn Hʋnayf nengẽ (Wẽnd yard be a yĩnga), a yeelame: Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩnga):(Ned ning sẽn yɩlg a meng a zakẽ wã, rẽ poorẽ t'a wa Ƙʋbaa miisrẽ wã, n pʋʋs a pʋgẽ, a tara yel-sõmd wala ʿƲmra yel-sõmde).
La yaa Sũnn ne rapã tɩ b kaag Baƙɩɩ'ɩ yaadã, bãmb me la Madiin yaadã, la Šʋhadaa'-rãmbã yaadã, gɩhaadɩ zabdbã sẽn ki-b gɩhaadɩ wã zab-laasẽ wã yaado, la a Hamza yaoogã bee beenẽ (Wẽnd yard be a yĩnga), bala Nabiyaamã (Wẽnd pʋʋsg la A tɩlgr be a yĩnga) ra yɩɩme n ra kaagd-ba la a kot Wẽnd n kõt-ba, n leb n paase, Nabiyaamã koεεg sẽn yeele (Wẽnd pʋʋsg la A tɩlgr be a yĩnga):(Mam da yɩɩme n gɩdg yãmb kabã wã kaagre, la kaag-y-ba, tɩ ad b tẽegda yãmb laahrã yellã).
La a sã n na n wa tʋg n kaag-ba, a yetame, wala a sẽn yet yaad fãa gill kaagrẽ wã: (Assalaamu ʿAlaykum ahla ad-diyaari, minal muuminiina wal-muslimiina, wa innaa inšaa' Allaah bikum laahiƙuuna, wa yarhamul llaah al-mustaƙmiina minnaa wal-muta'aẖɩriina, nas'alullaah lanaa wa lakum al-ʿaafɩya= m ningd-y-la sallem zakã rãmba sẽn yaa sɩd-kõtb la lɩslaamba, la tõndo, Wẽnd sakr poorẽ, d na n paama yãmb ne so-kãngã zugu, la Wẽnd na yols sẽn reng-b taoore la sẽn na n yaool wa-ba, d kota Wẽnd t'A kõ tõnd la yãmb laafɩ).
La sik ka be tɩ b sẽn rat ne bũmb ning yaadã kaagrã pʋgẽ wã, yaa sẽn na tẽeg-f laahre, la f leb n maan neer n tʋg kiidbã ne fo sẽn wa n kos n kõ-ba la leb n yaa Nabiyaamã (Wẽnd pʋʋsg la A tɩlgr be a yĩnga) sunnah tikri, wãnde la kaagr ning sẽn yaa sãri wã.
La sã n yaa kaagd yaadã tɩ yaa sẽn na n kos yaadẽ wã, maa f kot Wẽnd ne bãmba, maa b lohorem-rãmba, la sẽn wõnd rẽ, woto yaa kaagr sẽn yaa Bidah tɩ sãri wã gɩdg-a, Wẽnd ka maan-a t'a yaa sãri, Wẽnd Tẽn-tʋʋmã ka maan-a t'a yaa sãri, (Wẽnd pʋʋsg la A tɩlgr be a yĩnga), rẽnd taoor rãmb sẽn yaa nin-sõmbs ka maan-a. La sã n yaa tʋg n kot yaadã rãmb tɩ b manes b yεla maa b tɩp bãad-rãmba, la sẽn wõnd rẽ, yẽnda yaa lagem-n-ta-kãsenga.
La foom a karemda! M na n kõ-f-la hadiis sãnda, sẽn yaa zĩri-beedo tɩ b yag n ning yaadã kaagr wεεngẽ, sẽn na yɩl tɩ f bãng tɩ yaa hadiis yoodo, la f gũus f menga, n ra wa belg-f meng ne-b ye:
Rẽenem: (Ned ning sẽn wa n maan hagiimd la a ka kaag maam, a soab baoo mam noore).
La yiib soabã: (Ned ning sẽn kaaga maam, m kũumã poorẽ, yaa wala a kaaga maam m vɩɩmã sasa).
La tãab soabã: (Ned ning sẽn kaaga maam la a kaag m saamba a ɭbraahɩɩm yʋʋmd a yembre, m na kõ-a bas-m-yam t'a na n kẽe arzãna).
Naas soabã: (Ned ning sẽn kaaga mam kabrã, mam Sugsgã yaa tɩlae ne-a).
Rẽnd hadiis-kãensã la sẽn wõnd bãmbã, baa fʋɩ ka tablg n yi Nabiyaamã (Wẽnd pʋʋsg la A tɩlgr be a yĩnga) nengẽ ye, a Haafɩz Al-ʿƲƙayl yeelame (Wẽnd na yols-a): Baa fʋɩ ka maneg Baab-kãngã (ragno-kãngã) pʋgẽ ye. La a Haafɩz ɭbn Al-hagεr yeele (Wẽnd na yols-a) a Talẖɩɩṣã pʋgẽ -a sẽn togs rɩwaaya-kãensã (togs-kãensã) wʋsg fãa gilli- hadiis-kãngã soyã sẽn tall n kẽngã fãa yaa valemse.Ka be Hagiimdã maa ʿƲmrã Sũnn-rãmbẽ, maa yεl nins sẽn pids-b yiibã, Nabiyaamã miisrã kaagr ye, taoor t'a na n ka maan Hagiimdu maa ʿƲmra, maa b yiibã poorẽ, bala Nabiyaamã miisrã kaagrã, b bʋ-a-la nonglem, sẽn wa n yaa wakat ning fãa, rẽnd hagiimd maanda maa ʿƲmra maand sã n ka kaag miisrã yell ka be ye, lɑ loeer ka be Hagiimdã bɩ ʿƲmrã wã ne miisrã kaagr sʋk ye, bãmb b yiibã yaa tũud-rãmb sẽn welg taaba, rẽnd ned ning sẽn maana Hagiimdu maa ʿƲmra ka tɩlae ne-a t'a kaag Nabiyaamã miisr ye, yaa woto bala la ned ning sẽn kaaga Nabiyaamã miisrã, ka tɩlae ne-a t'a maan Hagiimdu maa ʿƲmra ye, la a sã n tigim Hagiimdã la ʿƲmrã wã la Nabiyaamã (Wẽnd pʋʋsg la A tɩlgr be a yĩnga) miisrã kaagr ne taaba, so-toɑk a yembr pʋgẽ, yell ka be ye.
Yεl b sẽn maand tɩ yõsgd Nabiyaamã miisrã kaagre:
Yaa b sẽn saagd m mens ne lalsã la bãensã raado, b sẽn wat n kaagd Tẽn-tʋʋmã yaoogã (Wẽnd pʋʋsg la A tɩlgr be a yĩnga) la b loet lamdo la sẽn wõnd rẽ fẽnetaẽ wã (peem leesẽ wã) tɩ yaa bark baoobo.
La ad al-bark a yaa bũmb ning Wẽnd la A Tẽn-tʋʋmã sẽn maan sãri wã (Wẽnd pʋʋsg la A tɩlgr be a yĩnga) la al-bark ka be bid'ah-rãmbã pʋgẽ ye.
Yaa kẽng tãmsã bogdẽ, wala Ʋhʋd tãngẽ wã la sẽn wõnd rẽ, sẽn yaa Hɩraa'a bokã la Ṯawr bokã sẽn be Maka la tʋg n loe kʋɩds beenẽ la tʋg n kot doos Wẽnd sẽn ka kõ sor ne, la ned sẽn na n maan musak n na n kẽng beenẽ fãa.
Wãnde fãa yaa bidah-rãmb sẽn ka tar yẽgr sãri wã pʋgẽ sẽn yɩlgã.
Tʋg n kaagd zĩis sãnda b sẽn yẽgemd tɩ yaa Nabiyaamã (Wẽnd pʋʋsg la A tɩlgr be a yĩnga) vũun-rãmb n be beenẽ, wala a yʋgʋmdã yĩgĩmdg zĩiga, la nug-bĩngã bulgã maa a ʿƲsmaan bulgẽ wã, la tʋg n yãk tom zĩ-kãngã n na n bao barka.
Tʋg n kot kiidbã, Baaƙiy yaadã kaagrẽ, la Ʋhʋd gɩhaadɩ wã zab-laasẽ wã yaadẽ, la tʋg n lobd lidg-rãmb beenẽ, tɩ yaa sẽn baood pẽnegr ne-ba la bark baoobo ne b rãmbã.
La yel-tuuti-kãensã sẽn yaa bεdã, pʋs n bee beenẽ sẽn yaa lagem-n-ta-kãsenga, wala bãngdbã sẽn togsã, tɩ Gafã la Wẽnd Tẽn-tʋʋmã Sũnnah wilgã (Wẽnd pʋʋsg la A tɩlgr be a yĩnga), bala tũudmã yaa Wẽnd A Yembr Tãa n so, ka sakd tɩ b wẽnems bũmb beenẽ n kõ zẽng sẽn ka Wẽnd ye, wala doaag kosgo, la kodgre, la pʋlenga la sẽn wõnd rẽ, ne A koεεg sẽn yeele (A Naam zẽk yã):(La b pa sagl-ba rẽnda b tũ Wẽnd, tɩ b yaa sẽn maan pʋ-peelem ne dĩinã, Wẽnd yĩnga).[Al-bayna (Vẽnegrã sʋʋra): 5].
La Wẽnd n yɩɩd minim, la Wẽnd na pʋʋs la A tɩlg tõnd Nabiyaamã a Mʋhammad, la a zakɑ rãmbɑ la a Ṣahaabsã gilli.
Sebr sẽn kʋʋg koεεga n gomd ʿƲmrã wã maaneg sɩfo la a bʋʋdo.
65 languages
Sebr sẽn kʋʋg koεεga n gomd ʿƲmrã wã maaneg sɩfo la a bʋʋdo.
Pẽgr be ne Wẽnd sẽn yaa bõn-naandsã Soabã, la pʋʋsg la tɩlg be tõnd Nabiyaamã a Mʋhammad zugu, ne a zaka rãmba la a Ṣahaabsã gilli. Rẽ loogr poorẽ: Rẽnd wãnde yɑɑ sebr sẽn kʋʋg koεεgɑ n gomd ʿƲmrã wã sɩfgo lɑ ɑ bʋʋdã lɑ ɑ zʋgdã, lɑ tõnd mɑɑnɑ nonglem ɑ pʋgẽ n nɑ n vẽneg bũmb ning ʿƲmrɑ mɑɑnd sẽn tɑr tʋlsem ne-ɑ noor wʋsgo. La Wẽnd la d kot-A t'A maan-ɑ t'ɑ yɩ yɩlengɑ ne Yẽnda yel-sõmdã raab bala, la A maan-a t'a naf lɩslaambã zãnga.
Tudg-rãmb la yõsg-rãmb nins sẽn kẽed ne ʿƲmrã wã. Rẽenem: nebã yõsg-rãmbã la b tuudgã ɭhraamã yelgrẽ. Yaa koεεgã zẽkr basbo, ne a sẽn ka zẽkd a koεεgã n pʋd tũudum ning a sẽn ratã a ɭhraamã ningr sɩngr wakato. La Sũnnah: yaa a zẽk a koεεgã ne rẽndɑ.
Pẽgr be ne Wẽnd sẽn yaa bõn-naandsã Soabã, la pʋʋsg la tɩlg be tõnd Nabiyaamã a Mʋhammad zugu, ne a zak rãmbã la a Ṣahaabsã gilli. Rẽ poorẽ: Ad wãnde yaa sebr sẽn kʋʋg koεεga, n gomd so-toak bʋʋd la a zʋgd yelle, tõnd talla nonglem a pʋgẽ, n na n vẽneg kẽnkẽnd sẽn tar tʋlsem ne yεl nins wʋsg fãa. La Wẽnd la d kot t'A maan-a tɩ yaa pʋ-peelem ne Yẽnda yel-sõmdã raab bala, la A maan-a t'a naf lɩslaambã zãnga. Rẽenem: so-toak zʋgd-rãmbã
يهدف الكتاب إلى تعليم المسلمين أساسيات دينهم بطريقة مبسطة وشاملة. يتناول مجموعة من الدروس المهمة مثل قراءة الفاتحة وقصار السور، وأركان الإسلام والإيمان، وأقسام التوحيد والشرك، وشروط وأركان وواجبات الصلاة، بالإضافة إلى مبطلاتها، مع بيان مختصر لشروط الوضوء وفروضه ونواقضه. كما يسلط الضوء على التحلي بالأخلاق الإسلامية والآداب الشرعية، ويقدم إرشادات لطيفة حول تجهيز الميت والصلاة عليه ودفنه.