შუამავლის მეჩეთის მონახულების წესები და მისი დადგენილებები
გადმოსცა ალ-ბუხარიმ (1189) და მუსლიმმა (827), აქ მოცემულია მისლიმის ვერსია.
გადმოსცა ალ-ბუხარიმ (1190) და მუსლიმმა (1394).
გადმოსცა ალ-ბუხარიმ (1195) და მუსლიმმა (1390).
ქება-დიდება ალლაჰს, სამყაროთა ღმერთს, ლოცვა და მშვიდობა ჩვენ შუამავალს, მის ოჯახს და ყველა მის მეგობარს.
ამის შემდეგ:
ეს არის მოკლე ნაშრომი შუამავლის მეჩეთის მონახულების წესებზე და მის დადგენილებებზე, შევეცადეთ მასში განგვემარტა მომნახულებლისთვის ის ძირითადი წესები, რაც მას სჭირდება შუამავლის მეჩეთის მონახულების დროს.
ალლაჰს ვთხოვთ, რომ ეს ნაშრომი დაადგინოს წრფელად მისი კმაყოფილებისთვის, და რომ სასარგებლო გახადოს ზოგადად ყველა მუსლიმისთვის.
ისლამური კონტენტის სხვადასხვა ენაზე გავრცელების ასოციაციის სამეცნიერო კომიტეტი
მოკლე გზამკვლევი
შუამავლის (ალლაჰის ლოცვა და მშვიდობა მას) მეჩეთის მონახულება წარმოადგენს სუნნას (სასურველია), მას არ გააჩნია კონკრეტული დადგენილი დრო, ის არ შედის ჰაჯობის საქმეებში, არ არიან ჰაჯები ვალდებულნი - კაცები ან ქალები - მოინახულონ ალლაჰის შუამავლის (ალლაჰის ლოცვა და მშვიდობა მას) საფლავი და არც ბაყი'ას სასაფლაო.
არ შეიძლება ექსკურსიების და მგზავრობების მოწყობა შუამავლის (ალლაჰის ლოცვა და მშვიდობა მას) სასაფლაოს მონახულების მიზნით, რადგან მგზავრობა ღვთისმსახურების მიზნით არ შეიძლება შესრულდეს საფლავის მონახულებისთვის, არამედ, მხოლოდ სამი მეჩეთის მონახულების მიზნითაა დასაშვები გამგზავრება, შუამავალმა (ალლაჰის ლოცვა და მშვიდობა მას) თქვა:«არ იმოგზაუროთ გარდა სამი მეჩეთის მოსანახულებლად: ამ მეჩეთის (შუამავლის მეჩეთის), ნაკრძალი მეჩეთის (მასჯიდი ჰარამი) და ალ-აყსას მეჩეთის».
ამგვარად, ქალაქ მედინიდან შორს მცხოვრებს არ აქვს უფლება იმოგზაუროს საფლავის მონახულების მიზნით, თუმცა მას შეუძლია იმოგზაუროს ძვირფასი შუამავლის მეჩეთის მონახულების განზრახვით, როცა მოინახულებს მეჩეთს, ასევე მოინახულებს შუამავლის (ალლაჰის ლოცვა და მშვიდობა მას) და მისი საჰაბების სასაფლაოებს და შუამავლის მეჩეთის მონახულებაში მისი სასაფლაოს მონახულებაც შედის (ალლაჰმა დალოცოს და მიესალმოს მას).
ქალებისთვის დაუშვებელია მოციქულის (ალლაჰის ლოცვა და მშვიდობა მას) საფლავის, ისევე როგორც სხვა საფლავების მონახულება, რადგან მოციქული (ალლაჰის ლოცვა და მშვიდობა მას) წყევლიდა ქალებს, რომლებიც ხშირად აკითხავდნენ სასაფლაოებს. ამის მიზეზია ის, რომ ასეთი მონახულებები ხშირად თან სდევს აკრძალულ ქმედებებს, როგორიცაა მოთქმა, შეუფერეფელი გარეგნობა და შარიათის სხვა დარღვევები. ამის ნაცვლად, ქალებისთვის სასურველია რაც შეიძლება ხშირად წარმოთქვან სალამი და დუა მოციქულისთვის (ალლაჰის ლოცვა და მშვიდობა მას) — იქნება ეს მეჩეთში თუ მის გარეთ. ეს ყველაფერი მიაღწევს მას, მიუხედავად იმისა, სად იმყოფება ქალი, რადგან მოციქულმა (ალლაჰის ლოცვა და მშვიდობა მას) თქვა:«არ გადააქციოთ თქვენი სახლები საფლავებად და არ აქციოთ ჩემი საფლავი სადღესასწაულო ადგილად. დამლოცეთ, რადგან თქვენი დალოცვა ჩემამდე აღწევს, სადაც არ უნდა იმყოფებოდეთ».შუამავალმა (ალლაჰის ლოცვა და მშვიდობა მას) თქვა:«ჭეშმარიტად, ალლაჰს ჰყავს მოსიარულე ანგელოზები მიწაზე, რომლებიც გადმომცემენ ჩემი თემის სალამს».
როცა ადამიანი შევა შუამავლის მეჩეთში სასურველია პირველი მარჯვენა ფეხით შევიდეს და შესვლის დროს წარმოთქვას: «ღმერთო, გახსენი ჩემთვის შენი წყალობის კარები»(ალლაჰუმმა ფთაჰ ლიი აბვააბა რაჰმათიქ), ასევე შეუძლია გაიმეოროს ეს ვედრება სხვა მეჩეთებში შესვლისას.
შუამავლის (ალლაჰის ლოცვა და მშვიდობა მას) მეჩეთში შესვლისას კონკრეტული ვედრება არ არსებობს.
შემდეგ შეასრულებს ორ მუხლ მისასალმებელ ლოცვას (თაჰიათულ მასჯიდ).
თუ დრო არ მიეკუთვნება იმ აკრძალულ პერიოდებს, როცა ლოცვა არ შეიძლება, ადამიანს შეუძლია აღასრულოს დამატებითი ნაფილის ლოცვები — რამდენიც სურს, ორ-ორ რაქაათად. ალლაჰის მოციქულმა (ალლაჰის ლოცვა და მშვიდობა მას) თქვა:«ლოცვა ჩემს ამ მეჩეთში უკეთესია, ვიდრე ათასი ლოცვა სხვა მეჩეთებში, გარდა აკრძალული მეჩეთისა [მექქაში]».
სასურველია ლოცვას შეეცადოს არ'რავდაში - ეს არის შუამავლის (ალლაჰის ლოცვა და მშვიდობა მას) მიმბარსა და ოთახს შორის ადგილი - თუ შეძლებს იქ ლოცვას: შუამავალმა (ალლაჰის ლოცვა და მშვიდობა მას) თქვა:«ჩემს სახლსა და ჩემს მინბარს შორის არის ბაღი სამოთხის ბაღებიდან».
და თუ ვერ მოახერხებს იქ ლოცვას, მაშინ ილოცებს მეჩეთის ნებისმიერ ადგილას. ეს არ ეხება ჯგუფურ ლოცვას, ჯგუფური ლოცვის დროს მან უნდა შეეცადოს გაჩერდეს პირველ მწკრივში, რომელიც იმამის უკანაა; ზოგადად გადმოცემული მტკიცებულებების მიხედვით.
თუ ადამიანი მოისურვებს, რომ მოინახულოს მოციქულის (ალლაჰის ლოცვა და მშვიდობა მას) და მისი ორი მეგობარის სასაფლაოები:
მას მართებს, რომ დადგეს მოწიწებითა და მოკრძალებით მოციქულის (ალლაჰის ლოცვა და მშვიდობა მას) საფლავთან და ჩუმად მიესალმოს მას, თქვას: «ასსალამუ 'ალაიქა იაა რასუულულლაჰ ვა რაჰმათულლაჰი ვა ბარაქათუჰ» — მშვიდობა შენ, ო ალლაჰის მოციქულო, ალლაჰის წყალობა და კურთხევა. თუ კი დაამატებს შემდეგს: «ვუმოწმებ, რომ შენ ხარ ალლაჰის ჭეშმარიტი მოციქული, რომ გადმოეცი გზავნილი, შეასრულე შენზე დაკისრებული ამანათი, ალლაჰის გზაზე იბრძოლე ისე, როგორც ეს სჭირდებოდა, გულწრფელად განაგებდი თემს. ალლაჰმა მოგაგოს შენი თემის სახელით საუკეთესო ჯილდო, რომელიც კი ოდესმე მიუცია მას რომელიმე წინასწარმეტყველისთვის თავისი თემის გამო» — ამაში არ არის არანაირი პრობლემა.
შემდეგ ცოტა მარჯვნივ გადაინაცვლებს და მიესალმება აბუ ბაქრ ა'სიდდიყს (ალლაჰი იყოს მისით კმაყოფილი).
შემდეგ კიდევ გადაინაცვლებს ცოტა მარჯვნივ და მიესალმება უმარ იბნ ალ-ხატტაბს. იბნ უმარი (ალლაჰი იყოს მათით კმაყოფილი) როცა მიესალმებოდა ალლაჰის შუამავალს (ალლაჰის ლოცვა და მშვიდობა მას) და მის ორ მეგობარს (აბუ ბაქრს და უმარს) ძირითადად შემდეგ სიტყვებზე მეტს არ ამბობდა: «მშვიდობა შენ, ო ალლაჰის შუამავალო, მშვიდობა შენ, ო აბუ ბაქრ, და მშვიდობა შენ, ო მამაჩემო», — შემდეგ მიდიოდა.
არ არის მიზანშეწონილი დიდხანს გაჩერება ან ვედრება ალლაჰის შუამავლის (ალლაჰის ლოცვა და მშვიდობა მას) და მისი ორი მეგობარის საფლავებთან, იმამ მალიქი ამას მოუწონარად მიიჩნევდა და თქვა: «ეს არის სიახლე, რომელიც არ გაუკეთებიათ მართმორწმუნე წინაპრებს, ამ თემის მომდევნო თაობები ვერ მიაღწევენ წარმატებას სხვაგვარად, თუ არა იმით, რითაც მიაღწიეს მისმა პირველმა თაობებმა».
ზოგიერთი მლოცველის ქმედება — ვედრების აღვლენა მოციქულის (ალლაჰის ლოცვა და მშვიდობა მას) საფლავთან, როცა მისკენ პირით დგანან და ვედრების დროს ხელებს სწევენ — ეწინააღმდეგება ალლაჰის მოციქულის (ალლაჰის ლოცვა და მშვიდობა მას) საჰაბების და მათ გზას, ვინც სიკეთეში გაჰყვა მათ. მეტიც, ეს მიეკუთვნება რელიგიაში შემოტანილ სიახლეებს (ბიდ'ა).
ზოგიერთი მომნახველი კი, როდესაც შუამავალს (ალლაჰის ლოცვა და მშვიდობა მას) ესალმება შემდეგნაირად იქცევა: მარჯვენა ხელს მარცხენაზე დაიდებს, შემდეგ ხელებს მკერდზე ან ცოტა დაბლა დაილაგებს, როგორც მლოცველის პოზიციაში, ამ ფორმით შუამავალზე (ალლაჰის ლოცვა და მშვიდობა მას) მისალმება დაუშვებელია; რადგან ეს არის ქედის მოხრის და ღვთისმსახურების პოზიცია, რომელიც მხოლოდ უზენაესი ალლაჰის წინაშე სრულდება, როგორც მოგვითხრო იბნ ჰაჯარმა (ალლაჰმა შეიწყალოს ის) თავის წიგნში "ფათხ ალ-ბარი", სწავლულების სიტყვებით.
დაუშვებელია ვინმემ შეეცადოს ალლაჰთან დაახლოებას (ღვთისმსახურება) მის ოთახზე შეხებით, ან მის ირგვლივ ტავაფის გაკეთებით, მიუღებელია შუამავალისგან (ალლაჰის ლოცვა და მშვიდობა მას) სირთულეების მოხსნის, ავადმყოფის განკურნების და მსგავსი რამეების თხოვნა; რადგან ამ ყველაფრის თხოვნა არ შეიძლება არავისზე, გარდა ერთადერთი ღმერთისა.
მედინაში ჩამოსულისთვის სასურველია თავისი ყოფნის განმავლობაში მოინახულოს მეჩეთი ყუბა და აღასრულოს მასში ლოცვა, რადგან მოციქული (ალლაჰის ლოცვა და მშვიდობა მას) სტუმრობდა მას როგორც მხედრად, ასევე ფეხით და ლოცულობდა მასში ორ რაქაათს. საჰლ იბნ ჰუნაიფის გადმოცემით, ალლაჰის მოციქულმა (ალლაჰის ლოცვა და მშვიდობა მას) თქვა:«ვინც საკუთარ სახლში აიღებს მცირე განბანვას, შემდეგ მივა ყუბას მეჩეთში და შეასრულებს იქ ლოცვას, ის მიიღებს უმრას ტოლ ჯილდოს».
მამაკაცებისთვის ბაყი'ის სასაფლაოს მონახულება - ალ-ბაყი'ის სასაფლაო არის მედინას სასაფლაო - შაჰიდების სასაფლაოების და ჰამზას სასაფლაოს (ალლაჰი იყოს კმაყოფილი მისით) მონახულება სუნნაა; რადგან შუამავალი (ალლაჰის ლოცვა და მშვიდობა მას) ინახულებდა მათ და ევედრებოდა მათთვის, როგორც თქვა შუამავალმა (ალლაჰის ლოცვა და მშვიდობა მას):«ადრე მე თქვენ აგიკრძალეთ სასაფლაოების მონახულება, ხოლო ახლა მოინახულეთ სასაფლაოები, რადგან ის იმქვეყნიურ ცხოვრებას გაგახსენებთ».
თუ მოინახულებს მათ წარმოთქვამს იმის მსგავს ვედრებას, როგორც სხვა სასაფლაოების მონახულებისას: "მშვიდობა თქვენ, ამ მიწის მკვიდრნო, მორწმუნეებო და მუსლიმებო, უეჭველად ჩვენც შემოგიერთდებით, ალლაჰმა შეიწყალოს ჩვენგან წასულნი პირველებიც და უკანასკნელებიც, ღმერთს ვთხოვთ, თქვენთვისაც და ჩვენთვისაც კეთილღეობას".
ეჭვსგარეშეა, რომ სასაფლაოების მონახულების მიზანი არის საიქიოს გახსენება და გარდაცვლილთა სასიკეთოდ მათთვის ვედრების აღვლენა და შუამავლის სუნნაზე მიყოლა (ალლაჰის ლოცვა და მშვიდობა მას). ეს არის შარიათით დადგენილი მონახულების ფორმა და მიზანი.
ხოლო მათი მონახულება იმ მიზნით, რომ სასაფლაოებთან შესრულდეს ვედრება, ან მათი ხათრით და ავტორიტეტით ალლაჰისგან რაიმის თხოვნა, მსგავსი მიზნით მათი მონახულება არის საზიზღარი ბიდათი (სიახლე), რომელიც არც ალლაჰს და არც მის შუამავალს (ალლაჰის ლოცვა და მშვიდობა მას) არ დაუწესებიათ, და არც მართლმორწმუნე წინაპრებს გაუკეთებიათ. ხოლო მათზე დახმარების თხოვნა, ან ავადმყოფობიდან განკურნების თხოვნა და მსგავსი ქმედებები არის დიდი შირქი (ისლამიდან გამყვანი ქმედება).
ძვირფასო მკითხველო, გაჩვენებთ ამ საკითხთან დაკავშირებულ ცრუ გამოგონილ ჰადისებს, რათა იცოდე ისინი, მოერიდო მათ და არ მოსტყუვდე მათით:
პირველი: «ვინც შეასრულა ჰაჯობა და მე არ მომინახულა, ის ჩემს მიმართ თავხედურად მოიქცა».
მეორე: «ვინც მომინახულა გარდაცვალების შემდეგ, თითქოს მან მე მომინახულა სიცოცხლეში».
მესამე: «ვინც მომინახულა მე და მოინახულა მამაჩემი იბრაჰიმი იმავე წელს, მე მას ალლაჰისგან სამოთხის გარანტიას ვაძლევ».
მეოთხე: «ვინც მოინახულა ჩემი საფლავი, ჩემი შუამდგომლობა მისთვის სავალდებულო გახდება».
ეს ჰადისები და სხვა მათი მსგავსი არცერთი არ არის გადმოცემული შუამავლისგან (ალლაჰის ლოცვა და მშვიდობა მას). ჰააფიზ ალ-უყაილიმ თქვა: «ამ თავში ამ ჰადისებისგან არც-ერთი სანდო არ არის». ჰააფიზ იბნ ჰაჯარმა თქვა თავის წიგნში "ათ-თალხის" მას შემდეგ, რაც ამ გადმოცემების უმრავლესობა ახსენა: «გზები, რომლითაც ეს ჰადისი გადმოეცა ყველა სუსტია».ჰაჯობის ან უმრას სუნნადან არ არის შუამავლის მეჩეთის მონახულება, არც მათი შესრულების წინ და არც მათი შესრულების შემდგომ; რადგან შუამავლის მეჩეთის მონახულება ზოგადად მოსაწონი საქციელია; ჰაჯობის ან უმრას შემსრულებელი თუ მას არ მოინახულებს მათი შესრულების დროს მას ცოდვა არ ჩაეთვლება, ჰაჯობა, უმრა და შუამავლის მეჩეთის მონახულება ერთმანეთთან არავითარ კავშირში არაა, არამედ ისინი ყველა დამოუკიდებელი ღვთისმსახურებებია. ვინც შეასრულა ჰაჯობა ან უმრა ის ვალდებული არ არის, რომ მოინახულოს შუამავლის მეჩეთი, ასევე, ვინც მოინახულა შუამავლის მეჩეთი, ის არ არის ვალდებული შეასრულოს ჰაჯობა ან უმრა, ხოლო თუ მას სურს, რომ ჰაჯობა, უმრა და შუამავლის მეჩეთის მონახულება ერთი მგზავრობის დროს გააერთიანოს, ეს პრობლემას არ წარმოადგენს.
კედლებზე ხელით შეხება, შუამავლის (ალლაჰის ლოცვა და მშვიდობა მას) საფლავის მონახულებისას რკინის სვეტებზე ხელით შეხება, ფანჯრებზე და სხვა ადგილებში ნაჭრების და თოკების მიბმა ბარაქის მიღების მიზნით და სხვა.
ბარაქა მხოლოდ იმაში, რაც ალლაჰმა და მისმა შუამავალმა (ალლაჰის ლოცვა და მშვიდობა მას) დაადგინეს, და არა სიახლეებში.
სხვადასხვა გამოქვაბულებში წასვლა, მაგალითად, უჰუდის მთაზე, ჰირას და სავრის გამოქვაბულებში მექქაში, იქ ნაჭრების შებმა, ვედრების გაკეთება იქ, რომელზეც ალლაჰს ნებართვა არ მოუცია და ამით ზედმეტი ტვირთის შექმნა.
ეს ყველაფერი არის ბიდათი (სიახლე), რომელსაც არავითარი საფუძველი არ გააჩნია წმინდა შარიათში.
მონახულება ზოგიერთი იმ ადგილის, სადაც ფიქრობენ, რომ იქ არის შუამავლისგან (ალლაჰის ლოცვა და მშვიდობა მას) დარჩენილი გადმონაშთები, მაგალითად, ადგილი სადაც აქლემი დაიმუხლა, ხათიმის ჭა, უსმანის ჭა, და ამ ადგილებიდან მიწის აღება ბარაქის მოლოდინში.
მკვდრებზე ვედრება სასაფლაოების მონახულებისას, ბაყი'ას სასაფლაოს, უჰუდის შაჰიდების სასაფლაოს მონახულებისას, იქ ფულის გადაგდება, იმის მიზნით, რომ ეს აახლოებს საფლავის მკვიდრთან და მოელიან ბარაქას.
ეს ყველაფერი არის აშკარა შეცდომა, ზოგ შემთხვევაში კი ეს არის დიდი შირქი, როგორც თქვეს სწავლულებმა, ამ ყველაფერზე მიუთითებს ალლაჰის წიგნი და მისი შუამავლის სუნნა (ალლაჰის ლოცვა და მშვიდობა მას); რადგან ღვთისმსახურება მხოლოდ და მხოლოდ ალლაჰს ეკუთვნის და არ შეიძლება თაყვანისცემა სხვისი გულისთვის შესრულდეს, როგორც ვედრება, მსხვერპლშეწირვა, ფიცი და სხვა. როგორც თქვა ალლაჰმა:{მათ არ ბრძანებიათ არაფერი იმის გარდა, რომ ალლაჰისათვის თაყვანი ეცათ გულწრფელად}[ალ-ბაინააჰ : 5].
ხოლო ალლაჰმა უკეთ უწყის! ალლაჰის ლოცვა და მშვიდობა ჩვენ შუამავალს, მის ოჯახს და მის ყველა საჰაბას!
შუამავლის მეჩეთის ღირსებები და წესები და შუამავლის (ალლაჰის ლოცვა და მშვიდობა მას) და მისი ორი მეგობრის (ალლაჰი იყოს მათით კმაყოფილი) საფლავების მონახულების დადგენილებები.
52 languages
შუამავლის მეჩეთის ღირსებები და წესები და შუამავლის (ალლაჰის ლოცვა და მშვიდობა მას) და მისი ორი მეგობრის (ალლაჰი იყოს მათით კმაყოფილი) საფლავების მონახულების დადგენილებები.
წიგნი განმარტავს შუამავლის მეჩეთის მადლიანობასა და მისი მონახულების წესებს, ასევე წარმოაჩენს შუამავლის (ალლაჰის ლოცვა და მშვიდობა მას) საფლავის და მისი ორი მეგობრის (ალლაჰი იყოს მათით კმაყოფილი) საფლავების მონახულების წესებს, და ამასთანავე ხაზს უსვამს მონახულებისას მოკრძალების, სიწმინდისა და რელიგიაში ახლადშემოტანილი საქმეებისგან თავის არიდების მნიშვნელობას.
ქება-დიდება ალლაჰს, სამყაროთა ღმერთს, ლოცვა და მშვიდობა ჩვენ შუამავალს, მის ოჯახს და ყველა მის მეგობარს. ამის შემდეგ: ეს არის მოკლე გზავნილი უმრას შესრულების წესებზე, დადგენილებებზე და ეთიკაზე, რომელშიც გულმოდგინედ ვეცადეთ აგვეხსნა ის უმთავრესი საკითხები, რაც უმრას შესრულებისთვის მომლოცველს სჭირდება. ალლაჰს ვთხოვთ, რომ ეს ნაშრომი დაადგინოს წრფელად მისი კმაყოფილებისთვის, და რომ სასარგებლო გახადოს ზოგადად ყველა მუსლიმისთვის.
ჰაჯობასთან, უმრასთან და მონახულებასთან დაკავშირებული მრავალი საკითხის გამოკვლევა და განმარტება, ყურანისა და სუნნას შუქზე
54 languages
ჰაჯობასთან, უმრასთან და მონახულებასთან დაკავშირებული მრავალი საკითხის გამოკვლევა და განმარტება, ყურანისა და სუნნას შუქზე
წიგნი ყურანისა და სუნნას შუქზე განმარტავს ჰაჯობის, უმრასა და მონახულების დადგენილებებს, ჰაჯობისა და უმრას ვალდებულებებს, იჰრამის დროს აკრძალულ საქმეებსა და შუამავლის მეჩეთის მონახულების წესებს, და აფრთხილებს ამ ღვთისმსახურებებში რელიგიაში ახლადშემოტანილი საქმეებისგან.
უმრასთან დაკავშირებული შეცდომები და დარღვევები პირველი: ადამიანების შეცდომები და დარღვევები იჰრამში იჰლალის მიტოვება, ეს არის როდესაც არ ამაღლებს ხმას ღვთისმსახურების დაწყებისას, როცა შევა იჰრამში და იწყებს ღვთისმსახურებას. სუნნაა: ამ დროს ხმის ამაღლება.