Ɛwɔ suban pa ne mmara nhyehyɛe a ɛfa Ɔkɔmhyɛni Asɔredan nsrahwɛ ho.
Bukhare na yi nu(1189) ne Moslim (827) na LAFZU yi yɛ nedea.
ɛfiri Buhaari (1190)ɛne Muslim(1394) mo.
ɛfiri Buhaari(1195) ɛne Muslim(1390) mo.
Aseda nyina ara wɔ Allah abɔdeɛ nyinaa wura, Na nhyira ne asomdwoe nka Akɔmyɛfoɔ ne Asomafoɔ nyinaa animonyam nii, yɛ Kɔmhyɛni Mohammed ɛna Ne fiefoɔ ɛna Ne yɔnkofo (Asuafoɔ) nyinaa ara.
Wae akyi no:
Wae yɛ nkrasɛm tiawa bi a ɛfa suban pa ne mmara nhyehyɛe a ɛfa Ɔkɔmhyɛni Asɔredan nsrahwɛ ho a ɛyɛ yɛn ani abere sɛ yɛbɛkyerɛkyerɛ nea nsrahwɛfoɔ dodoɔ a ɔba Ɔkɔmhyɛni Asɔredan no ho hia.
Yɛsrɛ Onyankopɔn sɛ ɔmma no nyɛ dwuma a ɛyɛ Ɔno nko dwumadie, na ɔmfa ho mfasoɔ mma Nkramofoɔ nyinaa.
Nyansahu Boayikuo a ɛwɔ Islam Nsɛm a Ɛwɔ Mu Dwumadibea Fekuo a Ɛwɔ Kasa Ho
Nsɛm tiawa a wɔaboaboa ano no
Wɔpɛ sɛ wobɛkɔ akɔsra Ɔkɔmhyɛni Asɔredan, Nyankopɔn nhyira ne N`asomdwoe nka no, na ɛnni bere pɔtee biara, na ɛnyɛ Hajj adwuma no fa bi - mmarima anaa mmaa - nni asɛde sɛ wɔbɛkɔ akɔsra Ɔsomafo no damoa, Nyankopɔn nhyira ne N`asomdwoe nka no anaa Al Bakee damoa.
Ɛnnyɛ ho kwan sɛ wobɛtu kwan sɛdeɛ ɛbɛyɛ a wobɛkɔ akɔsra Ɔkɔmhyɛni no damoa, Nyankopɔn nhyira ne N`asomdwoe nka no, Na sɛ woretu kwan de asom a, ɛnyɛ sɛ wobɛkɔ akɔsra adamoa, na mmom sɛ wobɛkɔ akɔsra asɔredan mmiɛnsa no nko ara, Ɔkɔmhyɛni no, Nyankopɔn nhyira ne N`asomdwoe nka no, kaa sɛ:(Ntu kwan gye sɛ wokɔ kɔsra asɔredan mmeɛnsa yi: me asɔredan yi, Asɔredan Kronkron, ne Al-Aqsa Asɔredan)
Obi a ɔne Medina ntam kwan ware no, wɔmma no kwan sɛ ɔbɛtu kwan a n’adwene ne sɛ ɔbɛkɔ akɔsra Nna (ɔdamoa) no, nanso wɔma ho kwan sɛ ɔde n’adwene betu kwan sɛ ɔbɛkɔ akɔsra Ɔkɔmhyɛni no Asɔredan, Sɛ odu hɔ a, ɔbɛtu akɔsra ne nna no Nyankopɔn nhyira ne N`asomdwoe nka no, ɛna n’ayɔnkofo nna nso, na nna no no adi n`asɔredan nsrahwɛ no akyire, Nyankopɔn nhyira ne N`asomdwoe nka no.
Ɛnnyɛ ho kwan sɛ ɔbaa bɛkɔ akɔsra Ɔkɔmhyɛni no adamena, Nyankopɔn nhyira no na ɔmma no asomdwoeɛ, anaa obi foforɔ biara damoa, ɛfiri sɛ ɔno, Nyankopɔn nhyira no na ɔmma no asomdwoeɛ, domee mmaa a wɔkɔsra adamoa, Esiane nea ebia wɔbɛyɛ wɔ osu, ahobrɛase, ne Nkramofo mmara a wobu so afoforo ho nti, Nanso wɔkamfo kyerɛ sɛ wɔn mpaebɔ ne wɔn nkyia nkɔ soro wɔ Ɔsomafoɔ no so, Onyankopɔn nhyira no na ɔmma no asomdwoeɛ, wɔ asɔredan mu ne mmeaeɛ foforɔ, Wɔde eyi kɔma Ɔkɔmhyɛni no, Onyankopɔn nhyira no na ɔmma no asomdwoe, baabiara a ɔwɔ, efisɛ ɔno, Onyankopɔn nhyira no na ɔmma no asomdwoe, ɔkaa sɛ:(Mma momfa mo afie nyɛ nna so,saa ara nso na momfa me nna so no nyɛ afahyɛ na mommɔ mpaeɛ mma me efiri sɛ mo mpaeɛ no bɛduru me hɔ baabi a mowɔ biara).Na Ɔkɔmhyɛni Nyame nhyira ne n'asomdwie nka no akasɛ:(Onyankopɔn wɔ abɔfo a wɔnam asase yi so na wɔde asomdwoe firi me dɔm nkyɛn berɛ me).
Na Se wo wura Medinnah Nyame Dan no mu a, ɛyɛ Sunnah sɛ wo de wo Nan Nifa de kan na wo ka sɛ: (ALLAHUMMA IFTAH LEE ABWAABA RAHMATIKA) sedeɛ wo bɛ ka saa Mpae bɔ yi wɔ Nyame dan biara wura mu.
Ntumtum ne Mpae bɔ soronko biara enni hɔ de ma Obi a owura Ɔkɔmhyɛni Nyame nhyira ne n'asomdwie nka no-Asɔredan no mu.
Afei ɔyɛ Salla rak'ah mmienu de kyia asɔredan no.
Na sɛ mmere no nyɛ bere a wɔabara a, ɔbɛtumi ayɛ Salla wɔ mu abɔ mpae bere tenten biara a ɔpɛ, rak’ah mmienu mmienu; Onyankopɔn Somafoɔ, Nyame nhyira ne n'asomdwie nka no, kaa sɛ:(Mpaebɔ (Salla) a wɔbɔ wɔ me asɔredan yi mu ye sen mpaebɔ apem wɔ asɔredan foforo biara mu, gye Asɔredan Kronkron no)
Ɛsɛ sɛ ɔbɔ mmɔden sɛ ɔbɛyɛ Asɔre wɔ Rawdah mu - a ɛyɛ beaeɛ a ɛda Ɔkɔmhyɛni no asɛnka agua (Minbar) ntam, Nyame nhyira ne n'asomdwie nka no, ne ne dan - sɛ ɛbɛyɛ yie ama no a; Efisɛ Ɔkɔmhyɛni, Nyame nhyira ne n'asomdwie nka no, kae sɛ:(Me Fie ne Me Minbar no Ntamu yɛ Turo / Surohemain (ALJANNAH) no mu Bea)
Na sɛ ɛrentumi nyɛ yiye mma no mpo a, Ɔnyɛ Asɔre wɔ Asɔredan no fã biara mu, Na wai nyɛ asafo Asɔre (Jamaa Salla) mu, Nanso Asafo Asɔre (Jamaa Salla) mu deɛ Ɔnhwɛ ɛkuo a edi kan a edi imam no akyi no so; Esiane ngyinasoɔ a ɛwɔ hɔ fa ho nti.
Na sɛ obi pɛ sɛ ɔkɔ sra kɔmhyɛni-Nyame nhyira ne asomdwoe nka no-nna ne n'asuafoɔ mmienu no a:
Ɛwɔ sɛ ɔgyina ne nna no anim-Nyame nhyira ne asomdwoe nka no-wɔ ahobrɛaseɛ mu ne obuo mu, na ɔmma ne nne nkɔ fam, na afei ɔnkyea no- Nyame nhyira ne asomdwoe nka no- a ɔreka sɛ: "Nyame asomdwoe nka wo, O Nyame somafoɔ, ne N'ahummɔborɔ ne Ne nhyira". Na sɛ ɔka sɛ: "Medi adanseɛ sɛ woyɛ Nyankopɔn somafoɔ nokwafoɔ, na wokaa nsɛmpa no, na wohwɛɛ nhwɛsodeɛ so yie, na wokoo nkoden wɔ Nyame mu nkoden kann, na wotuu ɔmanfoɔ no fo, na Nyankopɔn nhyira wo wɔ wo dɔm din mu nhyira a ɛdi mu pa ara a Ɔde ama kɔmhyɛni bi wɔ ne dɔm din mu. Ɛnneɛ mfomsoɔ biara nni ho.
Afei na wadane n'ani ahwɛ nifa so kakra akyea Abu Bakr Al-Siddiq, Nyame anni nnye ne ho.
Afei na wadane n'ani bio ahwɛ nifa so kakra akyea Umar ibn Al- Khattab, na mmerɛ a Ibn Umar(Umar ba)- Nyame anigyeɛ mmra wɔn so- bɛkyea Somafoɔ no- Nyame nhyira ne asomdwoe nka no- no, ne ne n'asuafoɔ mmienu no, ɔrenka mmoro sɛ: "Nyame asomdwoe nka wo, O Nyame somafoɔ, Nyame asomdwoe nka wo, O Abu Bakr, Nyame asomdwoe nka wo O me papa" afei na ɔkɔ.
Ɛnni kwan sɛ obi gyina anaa bɔ mpaeɛ wɔ Somani no- Nyame nhyira ne asomdwoe nka no- nna so kyɛ,ne n'asuafoɔ mmienu no nna so, Na Malik ampɛ saa na ɔkaa sɛ: ɛyɛ nsakratomu a muslimifoɔ a wɔdii kan no anyɛ, na dɔm kuo a ɛtwa toɔ no ntumi nyɛ nsakraeɛ biara wɔ mu gye sɛ nsakraeɛ a ɛbaa mu kane no.
Na saara nso na neɛ nsrahwɛfoɔ no binom ne wɔn a wɔkeka ho a wɔhwehwɛ sɛ ɔbɔ mpaeɛ wɔ ne nna so wɔ berɛ wɔn ani kyerɛ nna no so na wɔama wɔn nsa so rebɔ mpaeɛ, na wei nyina ara ne neɛ adikanfoɔ apapafoɔ a na wɔfiri Allah somafoɔ no asuafoɔ no mu ne wɔn a wɔde papayɔ dii wɔn akyi no yɛɛyɛ bɔ abira, na ɛka nsakratom a asisi no ho.
Na saara nso na neɛ nsrahwɛfoɔ no binom yɛ berɛ a wɔreto ɔkɔmhyɛni salaam (Allah nhyira ne n'asomdwoeɛ nka no), na ɔde ne nsa nifa ato ne nsa benkum so de ato ne koko so anaa ase te sɛneɛ ɔreyɛ asɔre, na saa nneyɛɛ no mfata ɛberɛ a woreto ɔkɔmhyɛni salaam (Allah nhyira ne n'asomdwoeɛ nka no), ɛfiri sɛ saa nneyɛɛ no ahobraseɛ ne nyamesom a ɛmfata sɛ ɔyɛ ma obibiara agye Allah, sɛneɛ Hafiz ibn Hajar Allah nhu no mmɔbɔ kaaɛ wɔ 'Al Fathi anil Ulamaa' nwoma mu no.
Na enni mu sɛ obi bɛbɛn Allah ɛnam boba a ɔde ne nsa apepa ho nti, anaa ɔretwa boba no ho hyia nti, ɛna ɛmfata sɛ obi bɛbisa Allah somafoɔ no (Allah nhyira ne n'asomdwoeɛ nka no) n'ahiasɛm bi, anaa ɔhwehwɛ ayare sa, ne neɛ ɛkeka ho, ɛfiri sɛ weinom nyina ara wɔnhwehwɛ mfiri obiara nkyɛn agye Allah nko ara.
Yɛpɛ sɛ neɛ wakɔ Madina nsrahwɛ berɛ ɔwɔ hɔ no kɔsra Quba asɔredan no na ɔyɛ asɔre wɔ mu; ɛfiri sɛ na ɔkɔmhyɛni (Allah nhyira ne n'asomdwoeɛ nka no) tena aboa so anaa de nanteɛ kɔ hɔ na wayɛ rakat mmienu,
yɛnyaa hadisi yi firii Sahl bin Hanif nkyɛn ɔkaa sɛ, Allah somafoɔ, (Allah nhyira ne n'asomdwoeɛ nka no) kaa sɛ:(Neɛ ɔbɛte ne ho - kuta nsuo- wɔ ne fie na waba Quba asɔredan no mu na wayɛ asɔre wɔ mu no, ne nhyira te sɛ neɛ wayɛ umrah).
Na ɛyɛ ne kwan so sɛ mmarima no bɛkɔ akɔsra Baqee'u asieɛ - na ɛno ne Madina asieɛ ne mogyadansefoɔ asieɛ, ne Hamza Allah nnye no ntom nna so, ɛfiri sɛ na ɔkɔmhyɛni (Allah nhyira ne n'asomdwoeɛ nka no) kɔsra wɔn na wabɔ mpaeɛ ama wɔn, ɛsiane neɛ ɔkɔmhyɛni Allah nhyira ne n'asomdwoeɛ nka no kaaɛ:(Mebraa mo sɛ mobɛkɔ akɔsra asieɛ, afei monkɔ hɔ nsrahwɛ ɛfiri sɛ ɛkaakae mo awieɛberɛ no - atɛmmuada).
Na ɔnka sɛ berɛ a ɔrekɔ sra wɔn no adeɛ a ɔka berɛ a ɔrekɔ sra asieɛ berɛ:
(Allah asomdwoeɛ nka mo a mo wɔ fie ha, ɛmu agyedifoɔ ne muslimifoɔ, na sɛ Allah yɛ adom a yɛbɛtoa mo, na Allah nhu yɛ mu adikanfoɔ ne abɛdiakyire foɔ mmɔbɔ, yɛsrɛ asetena pa ma yɛ ho ne mo).
Na akyinnyeɛ biara nni ho sɛ botaeɛ nti a wɔkɔ sra nna ne sɛ wɔbɛkaakae awieberɛ no (atɛmmuada) na wɔayɛ owufoɔ no papa wɔ berɛ a wɔrebɔ mpaeɛ ama wɔn, na wɔadi Ɔkɔmhyɛni anamɔn akyi (Allah nhyira ne n'asomdwoeɛ nka no) na wei ne nsrahwɛ a ɛnam (Islam) mmarakwan so.
Na mmom sɛ worekɔsra wɔn na wo botaeɛ ne sɛ worekɔ srɛ mpaeɛ afiri wɔn nkyɛn, anaa wonam wɔn so anaa wɔn gyinaberɛ so abisa Allah biribi, ne neɛ ɛkeka ho no, ɛneɛ na saa nsrahwɛ yi yɛ nsakratom a ɛyɛ bɔne a Allah anaa Ne somafoɔ no (Allah nhyira ne n'asomdwoeɛ nka no) anhyɛ mmara biara saa. Na adikanfoɔ apapafoɔ no nso annyɛ saa, na sɛ worekɔ srɛ wɔn ahiasɛm bi, anaa ayaresa ne neɛ ɛkeka ho no deɛ ɛyɛ bosomsom akɛseɛ no bia.
Oh ɔkenkanfoɔ weinom yɛ bɔsrɛmka hadisi bi a ɛfa saa ɔfa yi ho sɛneɛ wobɛhunu na wayɛ ahwɛyie na annaadaa wo:
Neɛ edi kan: (obi biara a ɔbɛkɔ haji 'hagyi' na wankɔ sra me no ayi me totwene).
Neɛ ɛtɔ so mmienu: (neɛ ɔbɛba abɛsra me wɔ me wuo akyi no te sɛneɛ wabɛsra me berɛ a mete nkwa mu).
Neɛ ɛtɔ so mmiɛnsa: neɛ ɔbɛba abɛsra me na wakɔsra me papa Ibrahim wɔ afe baako mu no, mehyɛ no bɔ sɛ Allah de no bɛkɔ ɔsoro aheman mu).
Neɛ ɛtɔ so ɛnan: (obibiara a ɔbɛkɔ akɔsra m'adakamina so no, mentwitwagyeɛ ayɛ nhyɛ wɔ ne so).
Wɔnnya nkyerɛɛ sɛ saa hadisi yi ne nea ɛtete saa no firi Ɔkɔmhyɛni no hɔ (Allah nhyira ne n'asomdwoeɛ nka no). Al-Hafiz Al-Aqili kaa sɛ: Biribiara nni hɔ a ɛyɛ nokorɛ wɔ saa asɛm yi mu. Al-Hafiz Ibn Hajar kaa wɔ Al-Talkhees mu sɛ: - bere a waka saa nsɛm yi mu dodoɔ no ara ho asɛm akyi no - nkɔnsɔnkɔnsɔn (tebɛka) a wɔde fa saa hadisi yi mu nyinaa yɛ mmerɛ.Ɛnyɛ Hajj anaa Umrah Sunnah no fã anaa wɔn pɛyɛ sɛ wɔbɛkɔ akɔsra Anabi Asɔredan ansa na Hajj anaa Umrah adu anaa akyi; Efisɛ wɔkamfo kyerɛ koraa sɛ wobɛkɔ Anabi Asɔredan mu, sɛ ɔkwantufo anaa nea ɔyɛ Umrah no ankɔ hɔ a, bɔne biara nni ne so, na abusuabɔ biara nni Hajj anaa Umrah ne Ɔkɔmhyɛni Asɔredan a wobɛkɔ akɔsra no ntam, efisɛ ɛyɛ ɔsom mu nneyɛe a ɛsono emu biara. Enti obiara a ɔbɛyɛ Hajj anaa Umrah no, ɛnyɛ n’asɛdeɛ sɛ ɔbɛkɔ Anabi Asɔredan mu, Saa ara nso na obiara a ɔbɛkɔ Anabi Asɔredan mu no, ɛnsɛ sɛ ɔyɛ Hajj anaa Umrah. Nanso, sɛ ɔde Hajj, Umrah, ne Nkɔmhyɛni Asɔredan mu nsrahwɛ bom wɔ akwantuo baako mu a, ɔhaw biara nni ho.
Mmara toɔ a ɛwɔ Ɔkɔmhyɛni asɔredan no nsrahwɛ ho.
Sɛ worepepa afasuo ne nnadeɛ mu ɛberɛ a worekɔ sra ɔkɔmhyɛni amusie no (Allah nhyira ne n'asomdwoeɛ nka no), na wakyekyere nhoma ne deɛ ɛtete saa wɔ mfɛnsere mu sɛ nhyira.
Efiri sɛ nhyira wɔ neɛ Allah ne Ne somafoɔ ahyɛ yɛn mu (Allah nhyira ne n'asomdwoeɛ nka no) na mmom ɛnyɛ nsakratom mu.
Sɛ worekɔ abodan a ɛwɔ Uhud bepɔ no so ne neɛ ɛkeka ho te sɛ Gari Hira ne Gari Thaur a ɛwɔ Makkah, na worekyekyere ntoma wɔ hɔ, na wode mpaeɛ a Allah mmaa wo kwan asrɛ no, na worebrɛ wɔ saa ɔkwn no so.
Na wei nyina ara yɛ nsakratom a ɛnni fapem biara wɔ (Islamsom) mmarasɛm krɔgyenn no mu.
Worekɔ mmeammea bi a amanfoɔ susu sɛ ɛka ɔsomafoɔ no (Allah nhyira ne n'asomdwoeɛ nka no) nkaedum ho, te sɛ (Mabraku Naaqatu) beaɛ a yoma no kotooɛ no, ne (Bi'rul Khatam) kawa abura no anaa Uthman abura no, na wɔasa saa beaɛ no so dɔteɛ sɛ ɛyɛ nhyira.
Wɔrefrɛ awufoɔ berɛ a wɔbɛkɔ akɔsra nna a ɛwɔ Baqee'u ne Uhud mogyadansefoɔ nna no so, na wato sika agu wɔn so sɛ ɔbɛbɛn wɔn na wɔahwehwɛ nhyira afiri wɔn wura (nna no) nkyɛn.
Aseda nyina ara wɔ Allah abɔdeɛ nyinaa wura, Na nhyira ne asomdwoe nka Akɔmyɛfoɔ ne Asomafoɔ nyinaa animonyam nii, yɛ Kɔmhyɛni Mohammed ɛna Ne fiefoɔ ɛna Ne yɔnkofo (Asuafoɔ) nyinaa ara. Wae akyi no: Eyi yɛ nkrasɛm tiawa a ɛfa abrabɔ pa ne akwantu ho mmara ho, a yɛde ahwɛyiye akyerɛkyerɛ nea akwantufo no hia no mu dodow no ara mu. Yɛsrɛ Onyankopɔn sɛ ɔmma no nyɛ dwuma a ɛyɛ Ɔno nko dwumadie, na ɔmfa ho mfasoɔ mma Nkramofoɔ nyinaa. Nea edi kan: Akwantuo mu suban pa.
Me hyɛase wɔ Nyame din mu Hommɔborɔ hene Ɔdɛɛfoɔ hene. Senti / Ɛnti woabosa wo ho: Hwan na ɔbɔɔ ɔsoro ne asaase ne abɔdeɛ akɛseɛ a ɛwɔ mu no? Hwan na ɔbɔɔ nhyehyɛeɛ a ɛyɛ pɛpɛɛpɛ na ɛwie pɛyɛ yi wɔ mu?
Nhwɛsoɔ tiawa a ɛkyerɛ sɛnea yɛbɔ Salah ni, sɛnea ɛbɛyɛ a yɛbɛsom Allah wɔ nimdeɛ mu, na yɛn Salah no nnyinasoɔ ne n'ahwehwɛdeɛ nyinaa adi mu. Sɛnea wɔbɔ Salat/wo be ye Sallah Sɛ yɛpɛ sɛ yɛbɔ mpae a, ɛsɛ sɛ yɛtew yɛn ho fi efi nketewa ne efi akɛse ho. Na yɛbɔ mpae wɔ ntade a ɛho te a ɛkata yɛn adagyaw so mu. Na ɛsɛ sɛ yɛn ho ne baabi a yɛbɛyɛ sallah no ho tew fi fĩ biara ho. Yɛhwɛ Qiblah kwan. Na ɛyɛ Sunnah sɛ yɛbɛbɔ mpaeɛ ahwɛ nkataso/Sutra.
Sheikh Abdur-Rahman bin Nasir As-Sa’di nwoma, 'Nneɛma a ɛwɔ Mfasoɔ ma Asetena mu Anigyeɛ' no, di anigyeɛ ankasa nnyinasoɔ ho dwuma ɛnam gyidi mu nteaseɛ a emu dɔ so, na ɛkyerɛ ɔkenkanfoɔ no kwan kɔ akomatɔeɛmu denam gyidie ne adwuma pa so, ne Nyame kaeɛ, anisoɔ, adom ho adwendwene, papayɛ, Nyame mu ahotosoɔ, aboterɛ, ne nneɛma ho anisɔ. Wɔ ɔkwan fɛfɛɛfɛ so no, ɛde akwankyerɛ ma asetena a akomatɔeɛmu wom, a ɛkari pɛ, na anigyeɛ wom to w'anim, ɛmfa ho asetena mu nsakraeɛ no.