រាល់ការសរសើរតម្កើង សម្រាប់អល់ឡោះជាម្ចាស់នៃពិភពទាំងអស់ សូមទ្រង់ប្រទានពរជ័យ និងសុខសន្តិភាពពេញលេញដល់ព្យាការីមូហាំម៉ាត់ ព្រមទាំងក្រុមគ្រួសារ ហើយនិងសហការី(សហាហ្ពាត់)របស់លោកទាំងអស់គ្នា។
នេះគឺជាសារសង្ខេបអំពីសុជីវធម៌នៃការទស្សនកិច្ចម៉ាស្ជិតណាពី និងច្បាប់បញ្ញត្តិរបស់វា ដែលយើងបានព្យាយាមរៀបរាប់អំពីប្រការចម្បងដែលអ្នកធ្វើអំុរ៉ោះចាំបាច់ត្រូវដឹង។
យើងសុំឱ្យអល់ឡោះជាម្ចាស់ប្រទាន់នូវភាពបរិសុទ្ធចំពោះកិច្ចការមួយនេះសម្រាប់ទ្រង់តែមួយគត់ និងក្លាយជាប្រយោជន៍ដល់ប្រជាជនម៉ូស្លីមទាំងអស់គ្នា។
គណៈកម្មការនៃអង្គការបម្រើការមាតិកាសាសនាអ៊ីស្លាមជាភាសានានា
គប្បីចំពោះការទស្សនកិច្ចម៉ាស្ជិតណាពី ﷺ គ្រប់ពេលវេលា ដោយមិនកំណត់ពេលវេលាជាក់លាក់ណាមួយឡើយ។ ហើយវាក៏មិនមែនស្ថិតនៅក្នុងប្រការហាជ្ជីនោះដែរ។ ហើយអ្នកធ្វើហាជ្ជីប្រុសស្រីក៏មិនចាំបាច់ត្រូវតែទៅទស្សនកិច្ចផ្នូរណាពីមូហាំម៉ាត់ ﷺ និង ប៉ាកៀកឡើយ។
មិនអនុញ្ញាតឱ្យព្យាយាមធ្វើដំណើរនៅក្នុងគោលបំណងដើម្បីទៅទស្សនកិច្ចផ្នូរណាពីមូហាំម៉ាត់ ﷺ ឡើយ។ ព្រោះការព្យាយាមធ្វើដំណើរគឺដើម្បីគោរពសក្ការៈប៉ុណ្ណោះ មិនមែនជាការទស្សនកិច្ចផ្នូរឡើយ។ ហើយត្រូវបានអនុញ្ញាតឱ្យព្យាយាមធ្វើដំណើរទៅកាន់ម៉ាស្ជិតចំនួនបីប៉ុណ្ណោះ។ ព្យាការី ﷺ លោកបានមានប្រសាសន៍ថា៖ “ចូរពួកអ្នកកុំព្យាយាមធ្វើដំណើរ លើកលែងតែទៅកាន់ម៉ាស្ជិតបីប៉ុណ្ណោះ គឺម៉ាស្ជិតអាល់ហារ៉ម(នៅម៉ាក្កះ) ម៉ាស្ជិតណាពី(នៅម៉ាទីណះ) និងម៉ាស្ជិតអាល់អឹកស(នៅក្រុងយេរូសាឡឹម)”
ហើយអ្នកដែលនៅឆ្ងាយពីទីក្រុងម៉ាឌីណះគឺមិនអនុញ្ញាតឱ្យព្យាយាមធ្វើដំណើរនៅក្នុងគោលបំណងដើម្បីទៅទស្សនកិច្ចផ្នូរណាពីមូហាំម៉ាត់ ﷺ ឡើយ។ តែក្នុងគោលបំណងដើម្បីគោរពសក្ការៈប៉ុណ្ណោះ។ ហើយនៅពេលដែលគេទៅដល់ទីនោះ គឺគេអាចទៅទស្សនកិច្ចផ្នូរណាពី ﷺ និងផ្នូររបស់សហាហ្ពាត់។ ដូច្នេះ ការទស្សនកិច្ចផ្នូរគ្រាន់តែជាផ្នែកមួយនៃការទស្សនកិច្ចទៅកាន់ម៉ាស្ជិតណាពី ﷺ ប៉ុណ្ណោះ។
មិនអនុញ្ញាតឱ្យស្រ្តីទៅទស្សនកិច្ចផ្នូរណាពីមូហាំម៉ាត់ ﷺ និងផ្នូរអ្នកផ្សេងទៀតឡើយ ព្រោះណាពី ﷺ បានដាក់បណ្តាសាបណ្តាស្រ្តីទាំងឡាយដែលទៅទស្សនកិច្ចផ្នូរ ដោយសារតែពួកនាងអាចធ្វើអ្វីដែលផ្ទុយពីច្បាប់សាសនា ដូចជាការស្រែកយំ ការបង្ហាញរាយកាយមិនសមរម្យ និងការបំពានផ្សេងទៀត។ ប៉ុន្តែស្រ្តីត្រូវបានលើកទឹកចិត្តឱ្យបង្កើនការទូអាបួងសួងនិងសឡាវ៉ាត់ទៅចំពោះរ៉សួលុលឡោះ ﷺ នៅក្នុងម៉ាស្ជិតឬកន្លែងផ្សេងទៀត។ ការទូអាបួងសួងនិងសឡាវ៉ាត់ទៅចំពោះរ៉សួលុលឡោះ ﷺ ទាំងនេះនឹងទៅដល់គាត់ ﷺ ទោះបីជាពួកគេនៅទីណាក៏ដោយ។ ដូចដែលព្យាការី ﷺ មានប្រសាសន៏ថា៖ (ចូរកុំទុកផ្ទះរបស់អ្នកដូចជាផ្នូរ ហើយកុំទុកផ្នូររបស់ខ្ញុំដូចជាកន្លែងធ្វើបុណ្យ។ ចូរសឡាវ៉ាតមកចំពោះខ្ញុំ ព្រោះសឡាវ៉ាតរបស់អ្នកទាំងអស់គ្នានឹងមកដល់ខ្ញុំ ទោះពួកអ្នកនៅទីកន្លែងណាក៏ដោយ)។ ហើយរ៉ស៊ូលុលឡោះﷺ លោកបានមានប្រសាសន៍ថា ៖ (សម្រាប់អល់ឡោះ គឺមានបណ្តាម៉ាឡាអ៊ីកាត់ដែលធ្វើដំណើរជុំវិញផែនដី ហើយពួកគេនាំមកកាន់ខ្ញុំនូវការបួងសួងសុំសន្តិភាពនៃប្រជាជាតិរបស់ខ្ញុំ)។
នៅពេលដែលគេបានទៅដល់ម៉ាស្ជិត ស៊ូណិតឲ្យគេឈានជើងស្តាំចូលមុន ហើយសូត្រថា៖ (اللَّهُمَّ افْتَحْ لِي أَبْوَابَ رَحْمَتِكَ) ដូចជាការចូលក្នុងម៉ាស្ជិតផ្សេងដែរ។
ហើយការចូលក្នុងម៉ាស្ជិតណាពី ﷺ គឺគ្មានការកំណត់សូត្រអ្វីផ្សេងដោយឡែកឡើយ។
បន្ទាប់មក ត្រូវសឡាតតាហៃយ៉ាតុលម៉ាស្ជិតចំនួនពីររ៉ក្អាត់។
ប្រសិនបើពេលវេលាដែលគេចូលនោះ មិនមែនជាពេលដែលគេហាមឃាត់ទេនោះ គឺគេអាចសឡាតស៊ូណាត់បានតាមចំនួនដែលគេចង់ ដោយធ្វើការឱ្យសឡាតរាល់ពីររ៉ក្អាត់ម្តង។ រ៉ស៊ូលុលឡោះ សអវ លោកបានមានប្រសាសន៍ថា៖ “សឡាតនៅក្នុងម៉ាស្ជិតរបស់ខ្ញុំម្តង គឺល្អជាងសឡាតនៅម៉ាស្ជិតដទៃចំនួនមួយពាន់ដង លើកលែងតែម៉ាស្ជិតអាល់ហារ៉ម(នៅម៉ាក្កះ)ប៉ុណ្ណោះ”។
ហើយគេគួរតែព្យាយាមដើម្បីបានចូលសឡាតនៅក្នុងរ៉ាវហ្ទោះ(ជាកន្លែងមួយដែលនៅចន្លោះមីមពើរនិងផ្ទះរបស់គាត់ ដែលមានន័យថា សួនឧទ្យាន) ប្រសិនបើមានភាពងាយស្រួល ព្រោះរ៉ស៊ូលុលឡោះ សអវ លោកបានមានប្រសាសន៍ថា ៖ (កន្លែងមួយដែលនៅចន្លោះមីមពើរនិងផ្ទះរបស់ខ្ញុំ គឺជាសួនឧទ្យានមួយនៃសួនឧទ្យានឋានសួគ៌)
ប្រសិនបើមិនមានភាពងាយស្រួលទេនោះ គឺគេអាចសឡាតនៅទីកន្លែងណាក៏បាននៅក្នុងម៉ាស្ជិត។ តែនេះគឺសម្រាប់សឡាតដែលមិនមែនជាចាម៉ាអះប៉ុណ្ណោះ។ រីឯការសឡាតចាម៉ាអះវិញ គឺគេគប្បីទៅសឡាតនៅជួរទីមួយដែលបន្ទាប់ពីអ៊ីមុាំ ដោយមានភស្តុតាងបញ្ជាក់អំពីរឿងនេះ។
ប្រសិនបើគេចង់ទៅទស្សនកិច្ចផ្នូរណាពី ﷺ និងផ្នូររបស់សហាហ្ពាត់ទាំងពីរ (គឺអាពូហ្ពាកើរ និងអ៊ូមើរ)៖
គេត្រូវឈរនៅទិសខាងមុខផ្នូររបស់ព្យាការី ប្រកបដោយសុជីវធម៌ មិនត្រូវតម្លើងសំឡេងខ្លាំងៗឡើយ និងត្រូវមានសេចក្តីថ្លៃថ្នូរ ហើយត្រូវឱ្យសាឡាមទៅចំពោះណាពី ﷺ ដោយពោលថា៖ السلام عليك أيها النبي ورحمة الله وبركاته ហើយបើសិនជាពោលទៀតថា៖
، أشهد أنك رسول الله حقا وأنك قد بلغت الرسالة وأديت الأمانة ونصحت الأمة وجاهدت في الله حق جهاده , فجزاك الله عن أمتك أفضل ما جزى نبيا عن أمته គឺគ្មានបញ្ហាឡើយ។
បន្ទាប់មក ត្រូវឈានជើងស្តាំមួយជំហាន ឬពីរជំហាន ដើម្បីឈរនៅមុខផ្នូររបស់អាពូហ្ពាកើរ រ៉ទីយ៉ល់ឡហ៊ូអាន់ហ៊ូ ហើយត្រូវឲ្យសាឡាមទៅកាន់គាត់។
ក្រោយមក ត្រូវឈានជើងស្តាំមួយជំហាន ឬពីរជំហានទៀត ដើម្បីឈរនៅមុខផ្នូររបស់អ៊ូមើរ រ៉ទីយ៉ល់ឡហ៊ូអាន់ហ៊ូ ហើយត្រូវឲ្យសាឡាមទៅកាន់គាត់។ អ៊ីបនូ អ៊ូមើរ រ៉ទីយ៉ល់ឡហ៊ូអាន់ហ៊ូម៉ា នៅបេលដែលគាត់ឲ្យសាឡាមទៅកាន់ណាពី ﷺ និងសហាហ្ពាត់ទាំងពីរ (គឺអាពូហ្ពាកើរ និងអ៊ូមើរ)៖ គឺគាត់មិនដែលពោលពាក្យលើសពីពាក្យថា៖ (السلام عليك يا رسول اللَّه، السلام عليك يا أبا بكر، السلام عليك يا أبتاه) ឡើយ។ បន្ទាប់មក គាត់ក៏ដើរចាកចេញ។
ហើយមិនតម្រូវឱ្យឈរនៅយូរ ឬសុំទូអានៅកន្លែងផ្នូរណាពី ﷺ និងសហាហ្ពាត់ទាំងពីរឡើយ។ ដោយអ៊ីមុាំម៉ាលីគ បានចាត់ទុកថាវាជាប្រការមឹកក្រុះ ហើយគាត់បាននិយាយថា៖ វាជាប្រការពិតអះដែលអ្នកសាឡាហ្វជំនាន់មុនមិនដែលធ្វើនោះឡើយ។ មិនគប្បីធ្វើនៅសម័យក្រោយសម្រាប់អ៊ូម៉ាត់នេះនោះឡើយ នូវអ្វីដែលអ្នកជំនាន់មុនមិនបានធ្វើវា។
ក៏ដូចគ្នាដែរ អ្វីដែលអ្នកទស្សនកិច្ធ និងអ្នកផ្សេងទៀតធ្វើអំពីការព្យាយាមទូអាដោយលើកដៃទាំងពីរបែរមុខទៅផ្នូរណាពី ﷺ ទាំងនេះគឺផ្ទុយពីអ្នកជំនាន់មុនអំពីសាឡាហ្វ និងអ្នកបន្ទាប់ពីពួកគាត់នៃពួកតាពីអុីនដ៏ល្អប្រសើរ ដែលវាគឺជាទង្វើពិទអះ(បង្កើតថ្មីនៅក្នុងសាសនាឥស្លាម)។
ក៏ដូចគ្នាដែរ អ្វីដែលអ្នកទស្សនកិច្ធធ្វើនៅពេលឱ្យសាឡាមទៅកាន់ណាពី ﷺ ដោយការដាក់ដៃស្តាំលើដៃឆ្វេងលើទ្រូងឬក្រោមទ្រូង ដូចគ្នាទៅនឹងពេលសឡាតនោះ គឺមិនត្រូវបានអនុញ្ញាតឡើយនៅពេលឱ្យសាឡាមទៅកាន់ណាពី ﷺ ព្រោះការធ្វើបែបនេះ វាជារូបភាពនៃការឱនលំទោន បន្ទាបខ្លួន និងគោរពសក្ការៈ ដែលវាមិនគប្បីឡើយ លើកលែងតែសម្រាប់អល់ឡោះ ដូចដែល អ៊ីបនូហាជើរ បានលើកឡើងនៅក្នុងសៀវភៅ الفتح عن العلماء ។
ហើយមិនត្រូវបានអនុញ្ញាតសម្រាប់នរណាម្នាក់ក្នុងការធ្វើការបញ្ជិតខ្លួនទៅចំពោះអល់ឡោះ ដោយការស្ទាបប៉ះ ឬតវ៉ាហ្វជុំវិញផ្ទះណាពីឡើយ។ ហើយមិនត្រូវទូអាសុំទៅកាន់ណាពី ﷺ ដើម្បីជួយបំពេញតម្រូវការរបស់គេ ឬឱ្យគេបានជាសះស្បើយពីជំងឺ និងផ្សេងៗទៀតនោះឡើយ ព្រោះការសុំទូអាទាំងនោះ គឺសម្រាប់អល់ឡោះម្នាក់គត់។
គេក៏ស៊ូណិតឲ្យអ្នកដែលទៅទស្សនកិច្ចម៉ាទីណះនៅពេលដែលមានវត្តមាននៅទីនោះ គម្បីទៅទស្សនកិច្ចម៉ាស្ជិតគូហ្ពាកដើម្បីសឡាតទីនោះផងដែរ ព្រោះរ៉ស៊ូលុលឡោះ ﷺ លោកបានទៅទីនោះដោយថ្មើរជើង និងដោយយានជំនិះ ហើយបានសឡាតនៅក្នុងម៉ាស្ជិតនោះពីររ៉ក្អាត់។ អំពីសាហាល ពិន ហានាហ្វ បាននិយាយថា៖ រ៉ស៊ូលុលឡោះ ﷺ បានមានប្រសាសន៍ថា៖ “ជនណាដែលបានយកទឹកវូហ្ទុពីផ្ទះរបស់ខ្លួន ហើយបានធ្វើដំណើរទៅម៉ាស្ជិតគូហ្ពាក ហើយបានសឡាតនៅក្នុងវា នោះគេទទួលបានផលបុណ្យស្មើនឹងការធ្វើអ៊ុមរ៉ោះ”។
គេប្រើស៊ូណិតឲ្យទៅទស្សនកិច្ចទីបញ្ចុះសពអាល់ហ្ពាកៀកនៅម៉ាទីណះនិងផ្នូររបស់អ្នកដែលបានស្លាប់ស្ហាហុីទ និងផ្នូរហាំហ្សះ رضي الله عنه ព្រោះព្យាការី ﷺ លោកធ្លាប់ទៅទស្សនកិច្ចផ្នូរពួកគេ និងបួងសួងសុំទូអាឲ្យពួកគេ ហើយរ៉ស៊ូលុលឡោះ ﷺ បានមានប្រសាសន៍ថា៖ (ខ្ញុំធ្លាប់បានហាមអ្នកមិនឱ្យទៅទស្សនកិច្ចផ្នូរ ហើយឥឡូវចូរអ្នកទៅទស្សនកិច្ចវាចុះ ព្រោះវាធ្វើឱ្យអ្នកនឹកដល់ថ្ងៃបរលោក)
ហើយការសូត្រនៅពេលដែលទៅទស្សនកិច្ចទីនោះ ក៏ដូចជាទៅទស្សនកិច្ចផ្នូរដទៃដែរ ដោយសូត្រថា៖ (السَّلَامُ عَلَيْكُمْ أَهْلَ الدِّيَارِ مِنَ الْمُؤْمِنِينَ وَالْمُسْلِمِينَ، وَإِنَّا إِنْ شَاءَ اللهُ لَلَاحِقُونَ، أَسْأَلُ اللهَ لَنَا وَلَكُمُ الْعَافِيَةَ)។
ជាការពិតណាស់ គោលបំណងនៃការទៅទស្សនកិច្ចផ្នូរ គឺដើម្បីនឹកដល់ថ្ងៃបរលោក និងធ្វើល្អទៅកាន់អ្នកដែលស្លាប់ដោយការទូអាបួងសួងសម្រាប់គេ និងធ្វើតាមស៊ុណ្ណះណាពី ﷺ ដែលនេះគឺជាទស្សនកិច្ចដែលស្របតាមច្បាប់នៃសាសនាឥស្លាម។
ហើយរីឯការទស្សនកិច្ចដើម្បីធ្វើការទូអាបួងសួងនៅឯផ្នូររបស់ពួកគេ ឬសុំអល់ឡោះតាមរយៈពួកគេ ឬតាមស្ថានភាពរបស់ពួកគេ ឬផ្សេងទៀតនោះ គឺជាប្រការពិទអះដែលត្រូវបានហាមឃាត់ និងមិនត្រូវបានអល់ឡោះ និងណាពី ﷺ បង្គាប់ប្រើនោះឡើយ។ ហើយអ្នកសាឡាហ្វជំនាន់មុនក៏មិនបានធ្វើដែរ។ រីឯការសុំជំនួយពីពួកគេ ឬសុំឱ្យជាសះស្បើយពីជំងីវិញនោះ វាជាប្រការស្ហុីរិកធំ។
អ្នកអានជាទីគោរព ខាងក្រោមនេះ គឺជាហាទីសដែលប្រឌិតមួយចំនួនក្នុងរឿងនេះ ដើម្បីឱ្យអ្នកបានស្គាល់វា និងប្រយ័ត្នអំពីវា៖
ទីមួយ៖ (អ្នកណាដែលមកធ្វើហាជ្ជីហើយមិនបានមកទស្សនកិច្ចខ្ញុំទេនោះ មានន័យថា គេមិនអើពើនឹងខ្ញុំឡើយ)។
ទីពីរ៖ (អ្នកណាដែលមកទស្សនកិច្ចខ្ញុំបន្ទាប់់ពីខ្ញុំស្លាប់នោះ គឺដូចជាគេបានមកទស្សនកិច្ចខ្ញុំនៅពេលនៅរស់ដែរ)។
ទីបី៖ (អ្នកណាដែលមកទស្សនកិច្ចខ្ញុំ និងឳពុករបស់ខ្ញុំនៅឆ្នាំតែមួយ នោះខ្ញុំនឹងធានានូវឋានសួគ៌ពីអល់ឡោះជួនគេ)។
ទីបួន៖ (អ្នកណាដែលមកទស្សនកិច្ចផ្នូររបស់ខ្ញុំ គឺគេនឹងត្រូវទទួលបានការស្ហាហ្វាអាត់(ជួយអន្តរាគម)ពីខ្ញុំ)។
ហាទីសទាំងនេះ និងហាទីសស្រដៀងគ្នាមួយចំនួនទៀត គឺគ្មានការបញ្ជាក់ពីណាពី ﷺ ឡើយ។ អាល់ហាហ្វីស អាល់អាគីលី បាននិយាយថា៖ គ្មានអ្វីដែលត្រឹមត្រូវក្នុងរឿងនេះទេ។ អាល់ហាហ្វីស អ៊ីបនូហាជើរ អាល់អាសក៏ឡានី បាននិយាយនៅក្នុងគីតាប التلخيص ថា៖ បន្ទាប់ពីបានរៀបរាប់ជាច្រើននៃរីវ៉ាយីតទាំងនេះ គឺសាណាត់ទាំងអស់នៃហាទីសនេះគឺខ្សោយ។ ការធ្វើទស្សនកិច្ចម៉ាស្ជិតរបស់ណាពីនៅមុន ឬក្រោយពេលធ្វើហាជ្ជី ឬអ៊ុំរ៉ោះវាមិនមែនជាស៊ុណ្ណះនៃការធ្វើហាជ្ជី ឬអ៊ុំរ៉ោះ ឬធ្វើឲ្យវាទាំងពីរមានភាពពេញលេញនោះឡើយ។ ដោយសារតែការទៅទស្សនកិច្ចម៉ាស្ជិតរបស់ណាពីគឺជាប្រការស៊ូណាត់ដាច់ដោយឡែក។ ប្រសិនបើអ្នកធ្វើហាជ្ជី ឬអ៊ុំរ៉ោះ មិនបានទៅទស្សនកិច្ចវាទេ ក៏គ្មានបាបកម្មលើគេឡើយ ហើយមិនមានទំនាក់ទំនងរវាងការធ្វើហាជ្ជី ឬអ៊ុំរ៉ោះ និងការទៅទស្សនកិច្ចម៉ាស្ជិតរបស់ណាពីទេ ព្រោះវាជាសកម្មភាពនៃការគោរពសក្ការៈដាច់ដោយឡែក។ អ្នកណាដែលធ្វើហាជ្ជី ឬអ៊ុំរ៉ោះ មិនមានកាតព្វកិច្ចទៅទស្សនកិច្ចម៉ាស្ជិតរបស់ណាពីឡើយ ហើយដូចគ្នាដែរ អ្នកណាដែលទៅទស្សនកិច្ចម៉ាស្ជិតរបស់ណាពី ក៏មិនមានកាតព្វកិច្ចធ្វើហាជ្ជី ឬអ៊ុំរ៉ោះដែរ។ ហើយប្រសិនបើគេចង់រួមបញ្ចូលការធ្វើហាជ្ជី ឬអ៊ុំរ៉ោះ និងការទស្សនកិច្ចម៉ាស្ជិតរបស់ណាពីក្នុងការធ្វើដំណើរតែមួយនោះ វាក៏មិនមានបញ្ហាអ្វីនោះទេ។
កំហុសឆ្គងនៅពេលទៅទស្សនកិច្ចម៉ាស្ជិតណាពី ជូតជញ្ជាំង និងរនាំងដែកពេលទៅទស្សនកិច្ចផ្នូរណាពី ហើយចងខ្សែ និងរបស់ផ្សេងៗនឹងបង្អួច ដើម្បីជាការតាពើររួក(ថ្នូរដើម្បីទទួលពរជ័យ)។
ហើយពរជ័យ(ហ្ពារ៉កាស) គឺជាអ្វីដែលអល់ឡោះ និងណាពី ﷺ បង្គាប់ប្រើ មិនមែនជាទង្វើពិទអះ(បង្កើតថ្មីនៅក្នុងសាសនាឥស្លាម)។
ការទៅកាន់រូងភ្នំអ៊ូហូទ និងរូងភ្នំហ្គោរ និងរូងភ្នំហ្សួរនៅក្រុងម៉ាក្កះ ហើយចងក្រណាត់នៅទីនោះ និងទូអាបួងសួងដោយពាក្យដែលអល់ឡោះមិនអនុញ្ញាត ហើយទ្រាំនឹងការលំបាកក្នុងការធ្វើដូច្នេះ។
ទាំងអស់នេះជាទង្វើពិទអះ(ការបង្កើតថ្មីនៅក្នុងសាសនា) ដែលគ្មានប្រភពពីច្បាប់ឥស្លាមដែលល្អឥតខ្ចោះនោះឡើយ។
ទៅទស្សនកិច្ចកន្លែងមួយចំនួនដែលគេអះអាងថាជាកេរដំណែលឬស្លាកស្នាមរបស់ណាពី ﷺ ដូចជាកន្លែងសម្រាករបស់សត្វអូដ្ឋ អណ្តូងអាល់ខទីម ឬអណ្តូងអ៊ូស្មាន និងយកដីពីកន្លែងទាំងនេះដើម្បីសុំប៉ារ៉កាស(ជាថ្នូរដើម្បីទទួលពរជ័យ)។
សុំទូអាពីអ្នកស្លាប់នៅពេលទៅទស្សនកិច្ចទីបញ្ចុះសពអាល់ហ្ពាកៀក និងទីបញ្ចុះសពអាសស្ហូហាទើក(ទុក្ករបុគ្គល)អ៊ូហូទ ហើយបោះលុយនៅទីនោះ ដើម្បីជាការបញ្ជិតខ្លួនទៅកាន់ពួកគេ និងស្វែងរកការតាពើររួក(ពរជ័យ)ពីក្រុមគ្រួសាររបស់ពួកគេ។
والله أعلم، وصلى الله وسلم على نبينا محمد، وعلى آله وصحبه أجمعين.