الأذكار التي تقال صباحًا ومساءً

Mərhəmətli və Rəhimli Allahın adı ilə. Səhər və axşam deyilən zikrlər

Allah, Ondan başqa ilah yoxdur, (əbədi) Yaşayandır, (bütün yaratdıqlarının) Qəyyumudur. Onu nə mürgü, nə də yuxu tutar. Göylərdə və yerdə nə varsa, Ona məxsusdur. Onun izni olmadan Onun yanında kim havadarlıq edə bilər? O, (məxluqatın) gələcəyini və keçmişini bilir. Onlar Onun elmindən, Onun istədiyindən başqa heç bir şey qavraya bilməzlər. Onun Kürsüsü göyləri və yeri əhatə edir. Bunları qoruyub saxlamaq Ona ağır gəlmir. O, Ucadır, Əzəmətlidir. Əl-Bəqərə 255, Ayətul-kursi

"Peyğəmbər öz Rəbbindən ona nazil edilənə iman gətirdi, möminlər də (iman gətirdilər). Hamısı Allaha, Onun mələklərinə, kitablarına və elçilərinə iman gətirdilər. (Onlar dedilər): “Biz Onun elçiləri arasında fərq qoymuruq!” Onlar dedilər: “Eşitdik və itaət etdik! Ey Rəbbimiz! Səndən bağışlanma diləyirik, dönüş də yalnız Sənədir!”* Allah hər kəsi yalnız onun qüvvəsi çatdığı qədər mükəlləf edər. Hər kəsin qazandığı (xeyir yalnız) onun özünə, qazandığı (şər də yalnız) öz əleyhinədir. “Ey Rəbbimiz, unutsaq və ya xəta etsək bizi cəzalandırma! Ey Rəbbimiz, bizdən əvvəlkilərə yüklədiyin kimi, bizə də ağır yük yükləmə! Ey Rəbbimiz, gücümüz çatmayan şeyi daşımağa bizi vadar etmə! Bizi əfv et, bizi bağışla və bizə rəhm et! Sən bizim Himayədarımızsan! Kafirləri məğlub etməkdə bizə yardım et!” Əl-Bəqərə,285-286

De: “O Allah Təkdir! De: “Sığınıram sübhün Rəbbinə! De: “Sığınıram insanların Rəbbinə Sürələr tam şəkildə 3 dəfə (oxunur).

Allahın yaratdıqlarının şərrindən Onun tam kəlimələrinə sığınıram (Üç dəfə söylənilir)

Adı çəkildikdə nə yerdə, nə də göydə heç bir şeyin zərər vermədiyi Allahın adı ilə! O, eşidəndir, biləndir! (Üç dəfə)

Rəbb olaraq Allahdan, din olaraq İslamdan, peyğəmbər olaraq Muhəmməddən (Allahın salavatı və salamı onun üzərinə olsun) razı oldum. (Üç dəfə)

Sabaha çıxdıq, mülk də Allahın olaraq sabaha çıxdı.Həmd də Allaha məxsusdur, Allahdan başqa ibadətə və itaətə layiq haqq məbud yoxdur, təkdir və şəriksizdir, Mülk və Həmd onundur və O, hər şeyə qadirdir. Rəbbim, Səndən bu günün xeyrini və bundan sonrakı xeyri diləyirəm. Bu günün şərrindən və bundan sonrakı şərdən Sənə sığınıram. Rəbbim! Tənbəllikdən və pis qocalıqdan Sənə sığınıram, Rəbbim Cəhənnəm əzabından və qəbir əzabından Sənə sığınıram. Axşam isə deyir: Axşama çıxdıq və mülk də Allahın olaraq axşama çıxdı. Və deyir: Rəbbim, səndən bu gecənin xeyrini diləyirəm... (Səhərə çıxdıq və mülk də səhərə çıxdı) və (bu günün) sözlərinin əvəzinə sona qədər (digər sözləri olduğu kimi deyir).

Allahım! Sənin sayəndə səhərə çıxdıq, Sənin sayəndə axşama çıxdıq, Sənin sayəndə yaşayırıq, Sənin sayəndə ölürük! Qayıdış Sənədir! Axşam isə deyir: Allahım! Sənin sayəndə axşama çıxdıq, Sənin sayəndə səhərə çıxdıq, Sənin sayəndə ölürük, Sənin sayəndə yaşayırıq! Dönüş Sənədir!

Allahım! Bu səhər mənə və ya yaratdıqlarından hər hansı birinə verdiyin nemət Səndəndir. Sən Təksən, şərikin yoxdur. Həmd Sənədir, şükür Sənədir! Axşam isə deyir: Bu axşam verdiyin.

(üç dəfə),

Allahım! Dünyada və axirətdə Səndən əfv və salamatlıq diləyirəm! Allahım! Dinim, dünyam, ailəm və malım üçün Səndən əfv və salamatlıq diləyirəm! Allahım! Eyiblərimi ört və qorxularımdan məni əmin-amanlıqda et! Allahım! Məni önümdən, arxamdan, sağımdan, solumdan və başımın üstündən qoru. Ayağımın altının qazılmasından Sənin əzəmətinə sığınıram.

Allahım Sən mənim Rəbbimsən, Səndən başqa ibadətə layiq məbud yoxdur, məni Sən yaratdın, mən Sənin qulunam, mən Sənə olan əhdimə və vədimə bacardığım qədər sadiqəm, etdiklərimin şərrindən Sənə sığınıram, mənə verdiyin neməti etiraf edirəm və günahımı boynuma alıram, məni bağışla, günahları yalnız Sən bağışlayırsan.

«Göyləri və yeri yaradan, qeybdə və aşkarda olanı Bilən, Hər şeyin Rəbbi və Hökmdarı olan Allahım! Şahidlik edirəm ki, Səndən başqa ibadətə layiq haqq məbud yoxdur. Nəfsimin şərindən, şeytanın şərrindən və şirkindən, özümə pislik etməkdən yaxud onu bir müsəlmana yetirməkdən Sənə sığınıram.

Allahım! Sənin Özündən başqa məbud olmayan, Tək və şəriksiz Allah olduğuna, Muhəmmədin Sənin qulun və rəsulun olduğuna Səni, Ərşini daşıyanları, mələklərini, peyğəmbərlərini və bütün yaratdıqlarını şahid tutaraq səhərə çıxdım! Axşam isə (deyir) "Allahım! .... axşama çıxdım." Sona qədər (Dörd dəfə).

Allahdan başqa ibadətə layiq məbud yoxdur, təkdir, şəriki yoxdur, mülk və həmd Ona məxsusdur. O hər şeyə qadirdir. Səhər və axşam (100 dəfə).

Allah mənə yetər, Ondan başqa ibadətə layiq məbud yoxdur, Ona təvəkkül etdim və O əzəmətli ərşin Rəbbidir. (Yeddi dəfə).

Allah pak və nöqsansızdır və həmd Ona məxsusdur. Səhər və ya axşam (yüz dəfə). Və ya hər ikisində (deyilir).

Allahdan bağışlanma diləyirəm və Ona tövbə edirəm. (Yüz dəfə).

Bunu yazmaq imkanım oldu. Uca Allahdan bunu faydalı etməsini diləyirəm.

Bunu Muhəmməd Saleh Əl-Useymin (Allah ona rəhmət etsin) hicri tarixi ilə 20/1/1418 -də yazdı.