الأذكار التي تقال صباحًا ومساءً

Ամենաբարեգութ, ամենաողորմած Ալլահի անունով Առավոտյան և երեկոյան զիկրեր (Աստծո հիշատակումներ)

Ալլահը միակ Աստվածն է՝ Կենդանի և հավիտենական։ Նա չի քնում, նույնիսկ չի քնկոտանում։ Նրան են պատկանում երկինքն ու երկիրը։ Ոչ ոք չի կարող միջնորդել՝ բացի Նրա թույլտվությամբ։ Նա գիտի ամեն բան՝ անցյալն ու ապագան։ Մարդիկ չգիտեն Նրա գիտությունը՝ բացի այն, ինչ Նա կամենա։ Նրա Աթոռը ընդգռում է երկինքն ու երկիրը , և Նրան դժվար չէ դրանք պահելը։ Նա է Բարձրագույնը եւ Մեծագույնը։ Սուրա:2 (Կով) Այաթ 255

Մարգարեն հավատաց Տիրոջից իրեն իջեցվածին (ուղղարկվածին), և բոլոր հավատացյալները նույնպես։ Բոլորը հավատացին Ալլահին (Աստծու), հրեշտակներին, սուրբ գրքերին ու մարգարեներին։ Մենք չենք առանձնացնում որևէ մարգարեի։ Նրանք ասում են՝ «Մենք լսեցինք և հնազանդվեցինք։ Ների՛ր մեզ, մեր Տեր, դեպի Քեզ է մեր վերադարձը։» Ալլահը(Աստվածը) երբեք ոչ մեկին չի պարտավորեցնում այն բանով, ինչից նա անկարող է։ Ամեն մարդ կստանա այն, ինչ վաստակել է (լավ գործերի դիմաց), և կպատժվի իր վաստակած չարքերի համար։ Տե՛ր մեր, մի՛ պատժիր մեզ, եթե մենք մոռանանք կամ չկամեցած սխալ գործենք։ Տե՛ր մեր, մի՛ դնի մեր վրա ծանր պատիժ՝ ինչպես դրեցիր նրանց վրա, ովքեր ապրել են մեզանից առաջ։ Տե՛ր մեր, մի՛ բեռնի մեզ այնպիսի բանով, ինչը մեր ուժերից վեր է։ Ների՛ր մեզ, թողություն տուր մեզ, ողորմիր մեզ։ Դու ես մեր Տերը, օգնիր մեզ հաղթել անհավատ ազգերին։ Սուրա:2(Կով) Այաթ 285-286

Ասա. Նա է Ալլահը, Միակն է։ Ասա. Ապաստան եմ որոնում լուսաբացի Տիրոջ մոտ: Ասա. Ապաստան եմ որոնում մարդկանց Տիրոջ մոտ։ Սուրան ամբողջությամբ՝ երեք անգամ կրկնությամբ:

Ապաստան եմ փնտրում Ալլահի կատարյալ խոսքերի միջոցով այն ամենի չարից, ինչ նա ստեղծել է։ (Երեք անգամ):

Ալլահի անունով, ում անունը հիշելիս ոչինչ՝ ո՛չ երկրի վրա, ո՛չ երկնքում, չի կարող վնասել։ Եվ Նա է Լսողը, Գիտունը։ (Երեք անգամ):

Ես գոհ եմ Ալլահից՝ որպես իմ Տեր, Իսլամից՝ որպես իմ կրոն, և Մուհամմեդից (Խաղաղություն եւ օրհնություն լինի նրա վրա)՝ որպես իմ մարգարե։ (Երեք անգամ):

Արթնացանք՝ ի շնորհիվ Ալլահի, և այս օրն ու իշխանությունն ամբողջովին Նրան է պատկանում։ Փառք Ալլահին։ Ոչ մի աստված չկա բացի Ալլահից. Նա միակն է, չունի որևէ համատեղող։ Նրան է պատկանում թագավորությունը, Նրան՝ գովասանքը, և Նա ի զորու է ամեն բանի։ Տե՛ր, խնդրում եմ օրվա բարին և հետագա օրերի բարիքները։ Պաշտպանի՛ր ինձ այս օրվա չարից և այն ամենից, ինչ կգա հետո։ Տե՛ր, փրկի՛ր ինձ ծուլությունից, ծերությունից և ծերության տհաճ հետեւանքներից ։ Խնդրում եմ Քեզ՝ փրկի՛ր ինձ դժոխքի և գերեզմանի տանջանքներից։ Երեկոյան նա ասում է. Երեկոն եկավ, և արքայությունը պատկանում է Ալլահին։ Եվ նա ասում է. Տե՛ր իմ, խնդրում եմ՝ պարգևի՛ր ինձ այս գիշերվա բարին ու օրհնությունը... և այսպես շարունակ, այսինքն՝ դրա փոխարեն օգտագործվում է «Արթնաքանք...» և «այս օրը» ձևակերպումները։

Օ Ալլա՛հ, Քո շնորիվ ենք արթնանում, Քո շնորիվ ենք երեկոն դիմավորում, Քո միջոցով ենք ապրում և Քո կամքով ենք մահանում, և Քեզ է վերադարձը մեր։ Եվ երեկոյան նա ասում է. Օ Ալլա՛հ, Քո շնորիվ ենք երեկոն դիմավորում, Քո շնորիվ ենք արդնանում, Քո կամքով ենք մա, և Քեզ է վերադարձը մեր։

Օ՛ Ալլա՛հ, ամեն օրհնություն, որով ես կամ ինչ որ մեկը քո արարածներից օրհնվաց է, Քո ողորմությամբ է։ Դու միակն ես, չունես ոչ մի գործընկեր։ Քեզ են ուղղվում մեր փառքն ու երախտագիտությունը։ Եվ երեկոյան նա ասում է. Այն, ինչով երեկոն սկսվեց ինձ համար:

(Երեգ անգամ),

Օ՛ Ալլա՛հ, խնդրում եմ Քեզ ապահովություն այս կյանքում և հավերժությունում։ Ների՛ր ինձ ու պահի՛ր իմ հավատքը, կյանքս, ընտանիքս ու ունեցվածքս։ Ծածկի՛ր իմ թերությունները ու հանգստացրու ՛ վախերս։ Պաշտպանի՛ր ամեն կողմից՝ առաջից, հետևից, աջից, ձախից և վերևից։ Եվ ես ապավինում եմ Քո Մեծությանը, որ չվնասվեմ ներքևից։

Օ՛ Ալլա՛՛հ, Դու ես իմ Տերը, և չկա ուրիշ աստված բացի Քեզանից։ Դու ինձ ստեղծեցիր, ու ես Քո ծառան եմ։ Քո ուխտին ու խոստմանը հավատարիմ եմ, որքան կարող եմ։ Դիմում եմ Քեզ՝ պաշտպանի՛ր ինձ իմ գործած չարից։ Ընդունում եմ՝ ամեն բարիք Քեզանից է, և խոստովանում եմ իմ մեղքերը։ Ների՛ր ինձ, որովհետև մեղքերը միայն Դու կարող ես ներել։

Տե՛ր Ալլա՛հ, Դու ես երկինքների ու երկրի Արարիչը, տեսանելիի և անտեսի Գիտակիցը, ամեն ինչի Տերն ու Թագավորը։ Ես վկայում եմ, որ բացի Քեզանից աստված չկա։ Ապաստան եմ փնտրում Քեզ մոտ իմ սեփական չարությունից, սատանայի ու նրա թակարդների չարից, և այն բանից, որ վնաս բերեմ ինքս ինձ կամ ուրիշ մուսուլմանի։

Օ՜ Ալլա՛հ, այս առավոտյան վկայում եմ Քեզ, Գահդ կրողներին, հրեշտակներիդ, մարգարեներիդ ու բոլոր արարածներիդ, որ Դու ես միակ Աստվածը, և բացի Քեզանից չկա աստված։ Մուհամմադը Քո ծառան է ու առաքյալը։ Եվ երեկոյան Օ՜ Ալլա՛հ այս երեկո... և այլն (չորս անգամ)

Չկա ուրիշ աստված բացի Ալլահից, Նա մենակ է, չունի ոչ մի համահավասար եւ գործընկեր։ Նրան է պատկանում իշխանությունը և փառքը, և Նա ամեն ինչի վրա իզորու է։ (հարյուր անգամ) առավոտյան կամ երեկոյան։

«Ինձ բավական է Ալլահը․ չկա ուրիշ աստված բացի Նրանից։ Ես ապավինում եմ Նրան, և Նա է Գահի Տերը»։ (Յոթ անգամ) (Յոթ անգամ)

Փառավոր է Ալլահը, և Նրան է փառքը (հարյուր անգամ)  Առավոտյան, երեկոյան կամ երկուսում էլ.

Ներում եմ խնդրում Ալլահից և զղջում եմ Նրա առաջ: (Հարյուր անգամ) (հարյուր անգամ)

Ահա այն, ինչ հնարավոր եղավ գրի առնել։ Խնդրում եմ Ալլահին օգտակար դարձնի այն:

Գրել է Մուհամմադ Սալիհ Ուսայմինը՝ հիջրայի 1418 թ․ Մուհառռամ ամսի 20-ին։