الإسلام - نبذة موجزة عن الإسلام (مشتملة على الأدلة)
Lɩslaoongã Toagsg sẽn kʋʋg koεεga sẽn wiligd Lɩslaoongã wala a sẽn wa Alkʋrãan wagellã la Nabiyaamã sunnah pʋgã yaa gaf sẽn be sʋka, n gũbg wĩngri sẽn kʋʋg koεεgɑ n wilgd Lɩslɑɑngã sẽn yaa a soaba, n vẽnegd a yẽg nins sẽn tʋg n pak n yɩɩdã, lɑ ɑ sɑglsã, la a sõmblemã, n yiisd-ɑ Lɩslɑɑngã tikr nins sẽn yaa yẽgã pʋgẽ, yẽ me la Alkʋrãan wagellã la Nabiyaamã Sunnah, la gafã b tognd-a lɑ Sãri tʋʋmã sẽn zao b rãmb fãa gilli (bɑɑlɩgsã) sẽn yaa b lɩslaamba la sẽn ka b lɩslaamba, ne bãmb buudɑ goamɑ sẽn yaa zĩig ningã fãa la zãmaan ning fãa, n lɑgem ne yεlã sẽn yõs taabã fãa lɑ allhɑɑl-rãmbã. (Kopɩ…
These files are generated automatically from the book's text; their layout may differ from the printed edition.
Lɩslaoongã
Toagsg sẽn kʋʋg koεεga sẽn wiligd Lɩslaoongã wala a sẽn wa Alkʋrãan wagellã la Nabiyaamã sunnah pʋgã
yaa gaf sẽn be sʋka, n gũbg wĩngri sẽn kʋʋg koεεgɑ n wilgd Lɩslɑɑngã sẽn yaa a soaba, n vẽnegd a yẽg nins sẽn tʋg n pak n yɩɩdã, lɑ ɑ sɑglsã, la a sõmblemã, n yiisd-ɑ Lɩslɑɑngã tikr nins sẽn yaa yẽgã pʋgẽ, yẽ me la Alkʋrãan wagellã la Nabiyaamã Sunnah, la gafã b tognd-a lɑ Sãri tʋʋmã sẽn zao b rãmb fãa gilli (bɑɑlɩgsã) sẽn yaa b lɩslaamba la sẽn ka b lɩslaamba, ne bãmb buudɑ goamɑ sẽn yaa zĩig ningã fãa la zãmaan ning fãa, n lɑgem ne yεlã sẽn yõs taabã fãa lɑ allhɑɑl-rãmbã.
(Kopɩ (yiisegu) sẽn tigim daliil-rãmb sẽn yi Alkʋrãan wagellẽ wã la Nɑbiyɑɑmɑ Sunnãh)
1- Lɩslaoongã yaa Wẽnd tẽn-tʋmde n tʋg nebã fãa gill nengẽ, rẽnd yẽnda la Wẽnd tẽn-tʋmd ningã sẽn duumdã, sẽn wa n pids Wẽnd tẽn-tʋmã fãa gilli:
Lɩslaoongã, yẽnda la Wẽnd tẽn-tʋmd n tʋg nebã fãa gill nengẽ, Wẽnd yeelame, A Naam zẽkyã: { Lɑ Tõnd kɑ tʋm foo rẽndɑme tɩ fo yɑɑ sũ-noɑɑgd lɑ bugsdɑ nebɑ fãɑ yĩngɑ, lɑ nebã wʋsgã fãɑ kɑ mi ye}. [Assaba'ʋ 28], la Wẽnd le yeelame A Naam zẽkyã: {Yeele: nebɑ, ɑd mɑm yɑɑ Wẽnd tẽn-tʋʋm n tʋg yãmb fãɑ nengẽ} [Al-Aɑraafʋ 158] Wẽnd le yeelame A Naam zẽkyã: {Yãmb a neba! Sɩda tẽn-tʋʋmã waa yãmb nengẽ ne sɩda, sẽn yi yãmb Soabã nengẽ, bɩ y kõ sɩda, tɩ rẽ n são ne-yã, la y sã n kɩfle, ad Wẽnd n so sẽn be saasẽ wã la tengã, la Wẽnd yɩɩme n yaa ɑ Mita, n yaa bʋʋd Mita.} [Annisaa'ʋ: 170 ]
Lɩslaoongã la Wẽnd tẽn-tʋmde sẽn duumdi, yẽ n leb n pids Wẽnd Tẽn-tʋmã fãa gilli, Wẽnd yeelame, A Naam zẽkyã: {A Mʋhɑmmɑd kɑ yɩ n yɑɑ yãmb roɑpã bɑɑ ɑ yembr bɑɑbɑ ye, lɑ ɑ yɑɑ Wẽnd tẽn-tʋʋmã n yɑɑ tɑɑsdbã Pɩdsdɑ, lɑ Wẽnd yɩɩme n yɑɑ ɑ Mitɑ ne bũmb ɑ fãɑ gilli} [Al-ahzaab 40],
2- La lɩslaoongã ka dĩin sẽn welge n kõ buud toore maa neb toor ye, ad a yaa Wẽnd dĩin n kõ nebã fãa gill kεp.
LaLa lɩslaoongã ka dĩin sẽn welge n kõ buud toore maa neb toor ye, ad a yaa Wẽnd dĩin n kõ nebã fãa gill kεpi, la rãeenem sagl sẽn be Alkʋrãan zɩsgã pʋgẽ, yaa Wẽnd koεεgã A nɑɑm zẽk yã: { yãmb ɑ nebɑ, tũ-y yãmb Soɑbã, sẽn nɑɑnɑ yãmbã lɑ sẽn deng yãmb tɑoorã sãnd-sãnde y nɑ pɑɑm Wẽn-zoεεgɑ} {Albɑƙɑrɑ 21}; Wẽnd leb n yeelame A Naam zẽkyã: { Yãmb ɑ nebã! zoe-y Soɑb ning sẽn nɑɑna yãmb n yi yõor ɑ yembrã lɑ A nɑɑn ɑ pɑgã n yi yõ-kãng pʋgẽ, lɑ A sãeg sẽn yi bãmb b yiibã nengẽ rɑp wʋsgo lɑ pɑgbɑ } [Annisaa'ʋ:1 ]. La yii a ʿƲmar biig nengẽ, -Wẽnd yard be b yiibã yĩnga- tɩ Wẽnd Tẽntʋʋmã -pʋʋsg la tɩlgr be a yĩnga- a goma ne nebã Mak pakrã raare n yeele: «yãmb ɑ neba! Ad Wẽnd sεεsa zɩɩlem sasa yεlã n bas yãmbã, la ɑ wug-m-mengã ne yaab-rãmbã, rẽnd nebã yaa neb a yiibu: manegdɑ sẽn yaa Wẽnd zoεta n yɑɑ tɩrg Wẽnd nengẽ, la nin-wẽnga sẽn yaa zu-be-neda n yaa yaalg Wẽnd nengẽ. La nebã yaa a Adam koamba, la Wẽnd naana a Adam ne tom. Wẽnd yeelame, A Naam zẽkame:{ yãmb ɑ nebã ɑd Tõnd nɑɑnɑ yãmb n yi rɑo lɑ pɑgɑ, lɑ D mɑɑn yãmb tɩ yɑɑ zãmɑɑn fãɑ ne ɑ neb lɑ buu-rãmbɑ bʋl yĩng tɩ bãng tɑɑbɑ, ɑd yãmb wɑoor sẽn yɩɩdɑ Wẽnd nengẽ yɑɑ sẽn yɩɩdɑ ne Wẽnd zoεεg yãmb pʋgẽ, ɑd Wẽnd yɑɑ ɑ Mitɑ n yɑɑ Minim-tẽng-n-biigɑ}.[Al-Hugrɑɑt: 13]» A Attirmiizi n togs-a, (3270). La fo ka yãt Alkʋrãan zɩsgã sagls pʋgẽ, maa Tẽn-tʋʋm wagellã sagls pʋgẽ -pʋʋsg la tɩlgr be a yĩnga- Sari sẽn tʋg n welg n kõ neba, maa zãma, tɩ yɑɑ b buudã yĩngɑ, mɑɑ b zãmɑnã nebɑ mɑɑ b kõbgã yĩng ye.
3- Lɩslaoongã yẽ la Wẽnd tẽn-tʋmd ningã sẽn wa n pids nabiyaam-rãmbã la tẽn-tʋʋmbã sẽn reng taoorã tẽn-tʋmã n tʋg b nebẽ wã. pʋʋsg la tɩlgr be b yĩnga.
Lɩslaoongã yẽ la Wẽnd tẽn-tʋmd ningã sẽn wa n pids nabiyaam-rãmbã la tẽn-tʋʋmbã sẽn reng taoorã tẽn-tʋmã, n tʋg b nebẽ wã. pʋʋsg la tɩlgr be b yĩnga.Wẽnd yeelame A Naam zẽkyã: {Ad Tõnd tʋma fo nengẽ, wala D sẽn tʋm a Nuuh nengẽ wã, la nabiyaam-rãmbã nengẽ yẽ loogrã poorẽ wã, la Tõnd tʋm a ɭbraahɩɩm nengẽ la a ɭsmaa'ɩɩl la a ɭshaak, la a Yaakuub, la Yagengsã, la a ɭɩsa la a Ayyʋʋba la a Yuunusa la a Haarʋʋna la a Sʋlaymaanɑ, la Tõnd kõ a Daawʋʋd Zabʋʋri} [Annisaa'ʋ: 163 ] La dĩin-kãngã Wẽnd sẽn tʋms-ɑ tɩ tʋg Tẽn-tʋʋmã a Mʋhammad -Wẽnd pʋʋsg la A tɩlgr be a yĩng- nengẽ wã, yẽnda la dĩin ningã Wẽnd sẽn tuk n kõ nabiyaam-rãmb nins sẽn reng taoorã, la a sagl-ba ne rẽndã, Wẽnd yeelame, A Naam zẽkyã: {A tuka sor sẽn yɑɑ dĩin n kõ yãmba, A sẽn sagl a Nuuh ne bũmb ningã, la bũmb ning Tõnd sẽn tʋm fo nẽngã wã, la Tõnd sẽn sagl a ɭbraahɩɩm ne bũmb ningã, la a Muusa la Iisa, tɩ y yãnas ne dĩinã la y ra bao n na n wels taab a pʋgẽ ye, paka lɑgem-n-taarã rãmba bũmb ning yãmb sẽn boond-b n tʋgdẽ wã, Wẽnd tũusda A sẽn rat-ɑ soaba n pẽneg A menga, la A kãndagd ned ning sẽn lebsd a menga A nengẽ} [Aššʋʋrɑɑ: 13] La yã wã Wẽnd sẽn tʋms-a tɩ tʋg Tẽn-tʋʋmã a Mʋhammad -Wẽnd pʋʋsg la A tɩlgr be a yĩng- nengẽ wã, yaa Wẽnd Gaf-rãmbã sẽn reng a taoorã sɩdgre sẽn yɑɑ wala Taooraatã, la Lingiilã taoor tɩ b na n ka toeem b yiibɑ ye, Wẽnd yeelame A Naam zẽkyã: { Lɑ Tõnd sẽn tʋms-ɑ soɑb fo nengẽ wã sẽn yɑɑ Gɑfã, yẽ lɑ sidã n sɩdgd sẽn deng yẽndã tɑoorã. Ad Wẽnd ne A yembsã A yɑɑ Mitɑ n yɑɑ Netɑ } [Faaṭɩr: 31]
4-Nabiyaam-rãmbã -tɩlgr be b yĩnga- b dĩinã yaa a yembr tãa la b tũudmã soya yõsa taaba:
Nabiyaam-rãmbã dĩinã -tɩlgr be b yĩnga- yaa a yembr tãa la b tũudmã soya yõsa taaba.Wẽnd yeelame, A Naam zẽkyã: {Lɑ Tõnd sikɑ Gɑfã fo nengẽ ne sɩdɑ t'ɑ sɩdgd sẽn reng ɑ tɑoorã sẽn yɑɑ gɑfã-rãmbɑ lɑ ɑ yãmbd-bɑ, bɩ f bʋ b sʋkã ne Wẽnd sẽn sikã, lɑ f rɑ pʋg b yɑm-leedã n bɑs sẽn wɑ fo nengẽ wã ye,yãmb yembr kɑm fãɑ Tõnd mɑɑnɑ šari lɑ nɑ-kẽndre n kõ-bɑ, lɑ Wẽnd sã n dɑ tʋllɑ A nɑ mɑɑn yãmb zãmã ɑ yembre, lɑ yɑɑ A sẽn nɑ n zɑrb yãmb n ges A sẽn kõ yãmb bũmb ningã y sẽn nɑ n mɑɑnegɑ, bɩ y reng tɑɑbɑ yel-sõmã pʋgẽ, y fãɑ lebeng-zĩig yɑɑ Wẽnd nengẽ t'A kõ-y kibɑre y sẽn rɑ yõsd tɑɑb bũmb ning pʋgẽ wã} [Almaa-ɩda: 48] Tɩ Nabiyaamã yeele pʋʋsg la tɩlgr be a yĩnga: «Maam n sõmb ne a Isa a Maryam biigã n yɩɩd nebã, dũni kaanẽ la Yaoolem raarã, la nabiyaam-rãmbã b yaa bɑ-biisi, b ma-rãmbã yɑɑ toɑy-toɑyɑ tɩ b dĩinã yaa a yembre» A Al-bʋhaarɩ n togs-a (3443).
5- Lɩslaoongã boondame n tʋgdẽ -wala nabiyaam-rãmbã fãa sẽn bool n tʋgã: a Nuuh la a ɭbraahɩɩm la a Musa la a Sʋlaymaan la a Daawʋʋd la a Isa tɩlgr be b zugu - n tʋg kõ-sɩdɑ tɩ ad Soabã Yẽndã la Wẽnde, n yaɑ a Naandã, n ya a Rɩlgda, sẽn vɩɩmsde la A kʋʋda, n ya a Naamã Soaadã, Yẽndã me n kẽnesd yεlã, n yaɑ a nimbãan-Zoata, n yaa ɑ Yolsda.
Lɩslaoongã boondame n tʋgdẽ -wala nabiyaam-rãmbã fãa sẽn bool n tʋgã: a Nuuh la a ɭbraahɩɩm la a Musa la a Sʋlaymaan la a Daawʋʋd la a Isa tɩlgr be b zugu - n tʋg kõ-sɩdɑ tɩ ad Soabã Yẽndã la Wẽnde, n ya a Naandã, n yaɑ a Rɩlgda, sẽn vɩɩmsde la A kʋʋda, n yaɑ a Naamã Soaadã, Yẽndã me n kẽnesd yεlã, n ya a nimbãan-Zoata, n yaa Yolsda.Wẽnd yeelame, A Naam zẽkyã: { yãmb ɑ nebã! tẽeg-y Wẽnd neemã wã A sẽn kõ yãmbã, rẽ yĩngɑ nɑɑnd zẽng sẽn kɑ Wẽnd n dɩlgd yãmb tɩ yit sɑɑsẽ wã lɑ tẽngã? Soɑb sẽn tũud n tɩlg kɑ be rẽndɑ Yẽ, lɑ nɑ n yɩɩ wãn-wãn tɩ b wẽnemsd yãmb n yit sɩd-kũunã } [Faaṭɩr: 3] Wẽnd le yeelame A Naam zẽkayã: { Yeele ãnd n rɩlged yãmb sẽn yit saasẽ wã la tẽngã la ãnd n so wʋmbã la ninã, la ãnd n yiisd vɩt kũum pʋgẽ, la a yiisd kũum vɩt pʋgẽ, la ãnd n rabsd yellã, bãng tɩ b na n yeelame tɩ yaa Wẽnde; bɩ f yeele, y ka na n zoe Wẽnde?}. [Yuunus 31] Wẽnd le yeelame A Naam zẽkayã: {Rẽ yĩnga ka Yẽnd n sɩngd naanegã, rẽ poorẽ t'A leb n yik-a b kũumɑ poorẽ, la A rɩlgd yãmb sẽn yi saasẽ wã la tẽngẽ wã. Rẽ yĩnga soab zẽng n be n lɑgm Wẽnde? Yeele: " wa-y ne y daliilã tɩ y sã n yɩɩme n yaa sɩd-rãmba } [Annamlʋ 64]
La Nabiyaam-rãmbã fãa la tẽnt-tʋʋmbã gilli -tɩlgr be b zugu- b tʋms-b lame tɩ b bool n tʋg Wẽnd A Yembr tãa tũudum, Wẽnd yeelame A Naam zẽkyã: { Ad Tõnd tʋmsame tɩ kẽng zãma nengẽ fãa tẽn-tʋʋma, sẽn na yɩl tɩ b yeel nebã: " tũ-y Wẽnde la zãag-y mens ne rʋbsã. Tɩ be b pʋgẽ Wẽnd sẽn kãndag b rãmbɑ, la be b pʋgẽ menengã sẽn sɩdg b rãmb zugu. Bɩ y Kẽn tẽngã zugu n ges-y yagsdbã baasgã sẽn yɩ to-to ningã } [Annaẖlʋ 36] Wẽnd leb n yeelame A Naam zẽkyã: {Lɑ Tõnd pa tʋms Tẽn-tʋʋm buudu sẽn reng fo taoorã, rẽndame tɩ Tõnd tʋms wahɩ a nengẽ tɩ ad: " soab ka be rẽnda Mɑɑm, bɩ y tũ-Maɑm" } [Al-ambiyaa'ʋ 25] Rẽnd Wẽnd kõo kibare, a Nuuh yelle -tɩlgr be a yĩnga- t'a yeelame: " { M nebã! Tũ-y Wẽnde, yãmb kɑ tɑr soɑb zẽng sẽn kɑ Yẽ ye, ɑd mɑm yεεsdɑ yãmb zug rɑ-kẽengã rɑɑr nongã} [Al-A' ̌ raaf 59]. La Noangã a ɭbraahɩɩm -tɩlgr be a yĩnga- yẽ me yeela wala Wẽnd sẽn togse t'a yeelame: { Lɑ ɑ Ibrɑɑhɩɩmɑ ɑ sẽn wɑ n yeel ɑ nebã: "tũ-y Wẽnd lɑ y zoe-A, tɩ rẽ lɑ sõɑmɑ y yĩngɑ tɩ yãmb sã n dɑ yɩ n miẽ } [Al-ankabʋʋtʋ:16]. La a Ṣaalɩh -tɩlgr be a yĩnga- yeelame, wala Wẽnd sẽn togs ɑ yellã: { t'ɑ yeele: m nebɑ tũ-y Wẽnd, yãmb kɑ tɑr Soɑb zẽng sẽn kɑ Yẽ ye, sɩdɑ vẽenem sẽn yi y Soɑbã nengẽ wɑɑ yãmb nengẽ, woto yɑɑ Wẽnd yʋgemde sẽn yɑɑ yel-solmde yãmb yĩngɑ, bɩ y bɑs-ɑ t'ɑ rɩt Wẽnd tẽn-gãongã zugu, lɑ y rɑ wɑ sɑɑg tɩ wẽng tɑ-ɑ tɩ nɑong sẽn zɑbd wɑ pɑɑm yãmb ye} [Al-aʿraafʋ: 73]. T'a Šʋ'ʿayb -tɩlgr be a yĩnga- yeele, wala Wẽnd sẽn togse: { M nebɑ, tũ-y Wẽnde, yãmb kɑ tɑr Soɑbɑ zẽng sẽn kɑ Yẽ ye, sɩdɑ, vẽenem yi y Soɑbã nengẽ n wɑ yãmb nengẽ, bɩ y pids vũgbã lɑ zɩslm-mɑgbã, lɑ y rɑ boog nebã b teedẽ wã ye, lɑ y rɑ sãɑm tẽn-gãngã pugẽ A sẽn mɑlg-ɑ poorẽ ye, rẽ lɑ sõmɑ yãmb yĩngɑ tɩ y sã n yɑɑ sɩd kõɑtbɑ} [Al-aʿraafʋ: 85]
La rãeenem Wẽnd sẽn na n gom ne a Musa, tɩlgr be a yĩnga, A yeel-a lame, A Naam yɩlgyã: { Lɑ M tũusa foom, bɩ f kelg wahɩ M sẽn na tʋms tɩ wa fo nengẽ wã (13) Ad yaa Maam la Wẽnde, Soab ka be rẽnda Maam, bɩ f tũ Maam la f yãnas ne Pʋʋsgã n tẽeg Mɑm yʋʋrã. (14) } [Ṭaha 13-14] Wẽnd le yeelame, n togsda a Musa yelle -tɩlgr be a yĩnga- t'a kosa gũudum ne Wẽnde, n yeele: { Ad mam kota gũudum ne mam Soobã la yãmb Soabã, n yi waoog-m-meng soɑb fãa sẽn pa kõt sɩda ne Geelgã Raarã} [Ġaafɩr: 27] La Wẽnd yeelame n togsda a Sɩɩs-tɩ-maag yelle, tɩlgr be a yĩnga, t'a yeelame: { Ad yaa Wẽnd la mam Soabã n leb n yaa yãmb Soabã, bɩ y tũ-A, tɩ woto la so-tɩrga.) Aal-ɭmraan: 51. Wẽnd le yeelame, A Naam zẽkyã, n togsda a Sɩɩs-tɩ-maag yellã -yεsɑ-tɩlgr be a yĩnga, t'a yeelame: { yãmb ɑ ɭsrɑɑɩɩl koɑmbɑ tũ-y Wẽnde sẽn yɑɑ mɑm Soɑbã ne yãmb Soɑbã, ɑd yel sẽn yɑlẽ sẽn mɑɑnɑ lɑgm-n-tɑɑr ne Wẽnde sɩd-sɩdɑ Wẽnd gɩdg-ɑ lɑ ne arzãnã t'ɑ gãɑg zĩig yɑɑ bugumẽ, lɑ wẽgdbã pɑ tɑr sõngd buud ye} [Al-mɑɑidɑ:72].
Pʋsẽ n pɑ woto ye, halɩ n tɩ tãag Taooraatã la Lingiilã, waa b yiibã pʋgẽ, sẽn kengde tɩ b tũ Wẽnd A Yembr tãa, bɑla waa sãri ɑ yiib soɑbẽ sebrã "deteronom" pʋga, a Musa koεεga ɑ sẽn yeele tɩlgr be a yĩnga: (kelge foom a ɭsraaɩɩlɑ, Soabã lɑ tõnd Tũudɑ yaa Soab A Yembre) Kεoog leb n wɑɑme n kengd Wẽn-yembga yelle a Mark Lingiilã pʋgɑ, zĩig ning Sɩɩs-tɩ-maag sẽn yeele, tɩlgr be a yĩnga: (Ad rãeenem saglsã: yaa tɩ f kelge foom a ɭsraɩɩlɑ tɩ ɑd Wẽnde sẽn yɑɑ tõnd Soabã a yaa Soɑb Yεngɑ).
La Wẽnd vẽnegame A Naam yɩ wagell n zẽke, tɩ nabiyaam-rãmbã fãɑ b tʋms-b lame ne yell-kãngã sẽn yaa bedrã, yẽ me lɑ Bool n tʋg Wẽnd yeengã, Wẽnd yeelame A Naam zẽkyã: { Lɑ ad Tõnd tʋmsame tɩ kẽng zãma fãa nengẽ Tẽn-tʋʋma t'ɑ yeel-ba]: "tũ-y Wẽnd la y zãag rʋbse, Tɩ be b pʋgẽ Wẽnd sẽn kãnde,la be b pʋgẽ meneng sẽn sɩdg b rãmb zugu} [Annaẖlʋ 36] A leb n yeelame A Naam Zẽkyã: {yeele: "kõ-y maam kibare bũmb ning yãmb sẽn tũud tɩ pa yɩ ne Wẽndã, wilg-y maam bõe la b naan Tẽngãngã zugu, bɩ b tara nɑɑgr saasẽ wã? Wa-y n wĩng-y mɑɑm gaf sẽn reng yã wã taoore (Alkʋrãanã) maa bãngr vũun sẽn togsd yãmb sẽn yetã tɩ y sã n yaa sɩd-rãmba.} [Alahƙaafʋ :4] A Šeeẖ a Sa'ʿadɩ yeelame, Wẽnd na yols-a: (Aɑyɑrã kɩtɑme tɩ b bãnge tɩ lagem-n-taarã-rãmb tɑk-n-tɑɑrã b lagem-n-taarã pʋgẽ wã, b pa tik b nokoεεmã pʋga daliili b pɑ tik tagmase, la ad b tika sãmse sẽn yaa zĩri-beedã, la b yɑm-yãɑb sẽn nɑre; la yam-dãmb sẽn sãamã, bũmb ning sẽn wiligd a sãangã, yaa fo sẽn na n pʋg b yεlã la b bãngrã la b tʋʋmã, la f ges bũmb nins bãmb sẽn rɩk b vɩɩmã fãa gilli n tũud-bã b Alhɑɑlã sẽn yɑɑ soɑbã, rẽ yĩngã b kõ-b la yõod (bãmb sẽn tũud bũmb ning zẽng sẽn ka Wẽndã), baa fʋɩ zem tɩ yɑɑ dũni kaanẽ mɑɑ Laahr raarã?) Taysɩɩr Alkariim Almannaan: 779.
6- Wẽnde, A Naam yɩlgame n zẽke Yẽnda la-ɑ Naanda, Yẽ me n sõmb ne tũudmã Yẽ a yembr tãa, la b ra tʋg n tũ n lagem-A zẽng sẽn ka Yẽ ye.
Wẽnde, Yẽnda n sõmb tɩ b tũ-A, Yẽ a yembr tãa, la b ra tʋg n tũ bũmb n lagem-A zẽng sẽn ka Yẽ ye, Wẽnd yeelame A Naam zẽkyã: {Yãmb ɑ nebɑ tũ-y y Soɑbã, sẽn nɑɑnɑ yãmbã lɑ sẽn deng b yãmb tɑorã tɩ sãnd-sãnde y nɑ pɑɑm Wẽnd-zoεεgɑ (21) Saob nig sẽn mɑɑnɑ Tẽngã tɩ yɑɑ sẽn yɑdge, lɑ Sɑɑsã tɩ yɑɑ sẽn me, lɑ A sik koom Sɑɑsẽ wã n yiis ne ɑ sɑbɑbo tɩ-biis buud fãa tɩ yɑɑ rɩtlɑ yãmb yĩnga, bɩ y ra mɑɑn gees-n-tɑɑse n lɑgem ne Wẽnde tɩ yãmb yɑol n miẽ tɩ soɑb pɑ be n rɩlgd yãmb tɩ sã n pɑ Wẽnd ye (22) } [Albaƙara: 21-22]. Rẽnd Naab ning sẽn naana tõndã la A naan zãma-rɑmb nins sẽn reng tõnd taoorã, lɑɑ A maan tẽngã tɩ yaa pĩirã tõnd yĩnga, n sik koom n kõ tõndo sẽn yi saasẽ wã, n buls n kõ tõndo sẽn tũ ne koomã tɩ-biis kõbg toor-toore tɩ yaa rɩtl ne tõndo; ad Yẽ n sõmb ne tũudmã Yẽ a yembre. Wẽnd yeelame, A Naam zẽkayã: {Yãmb ɑ nebɑ! tẽeg-y Wẽnd neemã wã, A sẽn kõ yãmbã, rẽ yĩngɑ nɑɑnd zẽng n be be sẽn kɑ Wẽnde n dɩlgd yãmb tɩ yit sɑɑsẽ wã lɑ tẽngẽ wã bɩɩ? Soɑb sẽn tũud kɑe ye rẽndɑ Yẽ, lɑ yɑɑ wãn tɩ b tɑr yãmb n tɑt n teesd woto?} [Faaṭɩr: 3] Rẽnd Naab ning sẽn naandã la A rɩlgdẽ wã, Yẽ n sõmb ne tũudmã, Yẽ A yembr tãa, la Wẽnd yeelame A Naam zẽkayã: {Soab-kãngã la yãmb Soabã, soɑb kɑ be tɩ sã n pɑ Yẽ ye, Yẽ n naan bũmbã fãa bɩ y tũ-A, la Yẽ la bũmbã fãa bobenda} [Al-anʿaamʋ : 102]
La bũmb fãa b sẽn tũ zẽng tɩ ka Wẽnde a ka sõmb ne tũudum ye, balɑɑ bũn-kãng ka so baa sẽn tʋg n paood n yɩɩdɑ saasẽ wã ka tẽngẽ wã, a leb n ka lagem-n-taag ne Wẽnde baa fʋɩ pʋgẽ, a leb n ka sõngda ne Wẽnde, rẽnd na n yɩɩ wãna tɩ b wa kot yã wã soab n lagemd Wẽnde maa b maan-a lagem-taag ne Wẽnde? Wẽnd yeelame, A Naam zẽkayã: {Yeele: bool-y yãmb sẽn dɩk n mɑɑn soabẽ-dãmb zẽng sẽn kɑ Wẽndã, ɑd b kɑ so bɑa goandag biig bilgri sɑɑsẽ kɑ tẽngã pʋg me, lɑ b leb kɑ tɑr lɑgm-n-so b yiibã pʋgẽ ye, A le kɑ tɑr sõɑngd bɑɑ a yembre b pʋgẽ wã ye } [Assaba'ʋ: 22]
Lɑ Wẽnde, A Naam yɩlgyã n zẽke, ad yaa Yẽnda n Naan bõn-naands-kãensã, n maan-b tɩ b beẽ b sẽn rag n dɑ ka be poorẽ, lɑ b belemã yaa tagmase n wilgd Wẽnd belemã la A Naamã la A Sobendã. Wẽnd yeelame, A Naam zẽkyã: {Lɑ sẽn be A yel-soalmẽ wã yɑɑ A sẽn nɑɑn yãmb ne tãndã, rẽ poorẽ tɩ yãmb yɑɑ neb n sẽegdẽ. (20) Lɑ sẽn be A yel-soɑlmɑ pʋgẽ yɑɑ A sẽn nɑɑn pɑgb yãmb yĩngɑ sẽn yi yãmb mensẽ wã bʋl yĩng lɑ yãmb pɑɑm yĩ-yõgnego b nengẽ, lɑ A ning nonglem lɑ yolsg yãmb sʋkɑ, ad woto pʋgẽ yel-soɑlem be be ne sẽn tɑgsdbã. (21) Lɑ sẽn le be A yel-soɑlmã pʋgẽ yɑɑ sɑɑsã lɑ tẽngã naanegã lɑ yãmb zɩlmã wã lɑ y kõbgã yõs-tɑɑbã, ad wãnde pʋgẽ yel-soɑlem be be ne mitbã.(22) Lɑ sẽn le be A yεl-soɑlemã pʋgẽ yɑɑ yãmb gõeemɑ yʋng lɑ wĩntoogã lɑ yãmb sẽn baood A yɩɩledmã, ad wãnde pʋgẽ yel-soɑlem be be ne sẽn kelgdbã.(23) Lɑ sẽn be A yel-soɑlmã pʋgẽ yɑɑ A sẽn yãnesd yãmb sɑ-yãgrã tɩ yɑɑ yεεsg lɑ tẽebo, lɑ A sikd kõom tɩ yi sɑɑgẽ wã t'A vʋʋg tẽn-gõngã ne-ɑ ɑ sẽn dɑ ki poore, ad wãnde pʋgẽ wã sɩdɑ yel-soɑlem be be ne sẽn tɑgsdbã (24) Lɑ sẽn le be A yεl-soɑlmã pʋgẽ yɑɑ sɑɑsã ne tẽngã sẽn yɑls ne A sɑgallã, rẽ poorẽ t'A sã n bool yãmb bool vuk tẽn-gõngẽ wã lɑ yãmb sẽn tɑr yiib bɑlɑ. (25) Lɑ sẽn n be sɑɑsẽ lɑ tẽngẽ yɑɑ Yẽ soolem, b fãɑ yɑɑ sɑk-n-tũ-rãmb A yĩngɑ. (26) Lɑ Yẽndɑ n sɩngd naanegã, n le wɑ yik-ɑ b kũumɑ poorẽ, lɑ yikrã n yɩɩd nɑɑnɑ ne-A} [Arrʋʋm: 20-27]
La a Namrʋʋt kɩɩsa a Soabã belem, t'a ɭbraahɩɩm yeel-a -tɩlgr ba a yĩnga- wala Wẽnd sẽn kõ ɑ kibarã: { Lɑ ɑ ɭbrɑɑhɩɩm yeelyã: " lɑ Wẽnd wɑtɑ ne wĩndgã ɑ sẽn pukdẽ wã, bɩ fo kɩt t'ɑ puk ɑ sẽn lʋitẽ wã" .Tɩ sẽn kɩflã wã yirbi, lɑ ɑd Wẽnd pɑ peegd neb sẽn yɑɑ wẽgdb ye.} {Albɑƙɑrɑ 258}; Yaa woto bal la a ɭbraahɩɩm maan daliili n wilig a nebã tɩ ad Wẽnde Yẽnd n kãndag yẽnda lɑ A rɩlg-a la A yũnug-a, la ɑ sã n lʋɩ bãaga Yẽ n tɩpd-a, Yẽ me la Naab ning sẽn kʋʋd-a la A vʋʋgd-ɑ, t'a yeele wala Wẽnd sẽn kõ ɑ kibarã: {Soab ning sẽn naan maamɑ Yẽ n kãndagd maam (78) Naab ning sẽn rɩlgd maamɑ la A yũnugd maamã (79) Lɑ mam sã n bẽ, Yẽ n kõt maam laafɩ (80) Naab ning sẽn reegda mam yõorã rẽ poorẽ t'A vʋʋg maam(81)} [Aššʋ'ʿaraa'ʋ :78-81] La Wẽnd leb n yeelame n kõt ɑ Muusɑ kibare -tɩlgr be a yĩnga- t'a Musa gome n lub a Fɩr'ʿaoon n yeel-a: tɩ ad yẽ Soaba Yẽnda: {La sẽn naan bũmbã fãa gillã, rẽ poorẽ t'A kãndeg-ɑ} [Ṭaha :50]
La Wẽnd wõra sẽn be saasẽ la tẽngã fãa gilli n kõ ninsaala, la A gũbg-a ne A neemã wã, bʋɩl yĩng t'a na tũ Wẽnde la a ra maan sõm-zɩɩlem ne-A ye, Wẽnd yeelame A Naam zẽkyã: {Rẽ yĩngɑ yãmb kɑ yã tɩ Wẽnd nomɑ sẽn be sɑɑsɑ pʋsẽ lɑ tẽngã zug n kõ yãmbɑ, lɑ A kõ yãmb A neemã wã tɩ gale sẽn solg lɑ sẽn vẽnege? Lɑ bee nebã pʋgẽ neb sẽn wẽed no-koeemd Wẽnd yellã pʋgẽ tɩ kɑ yɩ ne bãngr ye pɑ kãndegre pɑ sebr sẽn vẽnegde.} [Lʋƙmaanʋ: 20] La wẽnd sẽn wõr n kõ ninsaalã sẽn be saasã la tẽngã fãa gillã, ad A naan-a lame, la A segl-A ne bũmb ning fãa a sẽn tar tʋlsem ne wã, sẽn yaa tʋba la nini la sũuri, bʋɩl yĩng t'a na karem bãngr ningã sẽn na n naf-a, n leb n toglg-ɑ ne a Lalldã la a Naandã, Wẽnd yeelame, A Naam zẽkyã: {Lɑ Wẽnd yiisɑ yãmb y ma-rãmbã pʋsẽ tɩ y pa mi baa fʋɩ, la A naan ninã la tʋbã la sũyã n kõ yãmba tɩ raar ninga y na pʋʋs barka.} [Annahlʋ: 78]
Rẽnd Wẽnde -A Naam yɩlgame n zẽke- A naana dũni-kãngã fãa gilli la A naan ninsaalɑ n seglg a yĩnga a sẽn tar tʋlsem ne bũmb ningã fãa gilli sẽn yaa yĩn-wila lɑ pãnga, la A leb kõ-a bũmb ningã fãa sẽn na sõng-a t'a yals ne Wẽnd tũudumɑ la tẽngã vɩɩmsgo, rẽ poorẽ tɩ Wẽnd wõr n kõ-a sẽn be saasẽ wã gilli la sẽn be tẽngẽ wã.
La Wẽnd rɩkɑ A sẽn nɑɑm bõn-naands bεd-kãensã tɩ yɑɑ tɑgmse n wilgd a Rʋbʋʋbɩya wã (a Wẽndlmã) tɩ rẽ wilgd tɩlɑe t'A yaa Soab Tũudungã, A yeelame, A Naam yɩlgame n zẽke: {Yeele yɑɑ ãnd n rɩlged yãmb sẽn yit saasẽ wã la tẽngã la ãnd n so wʋmbã la ninã, la ãnd n yiisd vɩt kiid pʋgẽ, la A yiisd kɩɩng vɩt pʋgẽ, la ãnd n rabsd yellã, b na n yeelame tɩ yaa Wẽnde; bɩ f yeele, rẽnd y ka na n zoe Wẽnde?} [Yuunus 31] Wẽnd le yeelame, a naam yɩlgyã: {yeele: "kõ-y maam kibare bũmb ning yãmb sẽn tũud tɩ pa yɩ ne Wẽndã, wilg-y maam bõe la b naan Tẽngãngã zugu, bɩ b tara lagm-n-taar saasẽ wã? Wa-y ne gaf sẽn reng yã wã taoore (Alkʋrãanã) maa bãngr vũuna tɩ y sã n yaa sɩd-rãmba.} [Al-ahƙaafʋ :4] Wẽnd le yeelame A Naam zẽkyã: {A nɑɑnɑ sɑɑsã tɩ yãmb ne-ɑ tɩ pa tũ ne ra-tεεdg ye, lɑ A ning tãms tẽngã pʋgẽ bʋɩl yĩng lɑ ɑ rɑ miim ne yãmb ye, lɑ A sãeg bõn-yãnemdg bʋud fãɑ ɑ pʋgẽ, lɑ A sik koom tɩ yi sɑɑgẽ wã n buls bũmb buud fãɑ tɩ be neere. Wẽnd nɑɑnegã lɑ woto, bɩ y wilg mɑɑm zẽng sẽn kɑ Yẽ wã sẽn nɑɑnɑ bũmb ningɑ, pɑ woto ye ɑd wẽgdbã bee meneng pʋgẽ sẽn yɑɑ vẽenegɑ } {Lʋƙmaanʋ: 10-11} Wẽnd le yeelame, A naam yɩlgyã: {bɩ b naana bãmb tɩ pɑ tũ ne Nɑɑndɑ, bɩ yaa bãmb la naandbã n nɑɑn b mensã? (35) bɩ bãmb n naan saasã la Tẽngã? Pa woto ye! B pa mɑɑnd bãng n wãag ne Wẽnd ye.(36) bɩ bãmb tɑrɑ fo Soɑbɑ bɑowã bɩ yɑɑ bãmb lɑ windbã? (37)} [Aṭṭʋʋr: 35-37] A Šeeẖ Sa'ʿadɩ yeelame: (Woto yaa sẽn wɑ ne daliil b zugu ne yell ningɑ b sẽn ka tɑr b sẽn nɑ n mɑɑneg ɑ pʋgẽ, rẽnda sak-n-kõ-sɩd bala maa b yi yamã lɑ dĩinã sẽn togdã pʋgẽ) Tafsɩɩr ɭbn Sa'ʿadɩ 816.
7- Wẽnd la Naanda bũmb ning sẽn be dũni wã fãɑ, tõnd sẽn ne la d sẽn ka ne, la zẽng sẽn ka Yẽ yaa bõn-naandga sẽn be a bõn-naandsã pʋgẽ, lɑ A nɑɑn saasã la tẽngã rasem a yoob pʋgẽ
Wẽnde -A Naam yɩlgyã, Yẽnda la Naanda bũmb ningã sẽn be dũni wã tõnd sẽn ne la d sẽn ka ne, la zẽng sẽn ka Yẽ yaa bõn-naandga sẽn be a bõn-naandsã pʋgẽ, Wẽnd yeelɑme A Naam zẽkyã: {Yeele: " yɑɑ ãnd la saas la tẽng Soabã?" yeele: "yaa Wẽnde". Yeele: " yãmb na n bɑwɑ lɑll-n-tɑɑs zẽng sẽn pa Wẽnde, sẽn pa so nɑfɑ ne b mensã pɑ nong me? yeel-bɑ, rẽ yĩngã zoang ne net yɑɑ yembr bɩɩ? Bɩ Lik ne Vẽenem yɑɑ yembre? Bɩ b mɑɑnɑ ne Wẽnd lagem-n-taase sẽn naan wala Wẽnd naanegã, hal tɩ naanegã wa wõneg taab bãmb nengẽ tɩ b kɑ miẽ welge? yeele: " Wẽnd la bũnb ɑ fãa Naanda, A yaa ɑ Yembre n yaa ɑ Wilb Naaba.} [Arra'ʿdʋ: 16]. Wẽnd le yeelame, A Naam zẽkyã: { La A naand yãmb sẽn pa mi.} [Annahlʋ: 8]
La Wẽnd naana saasã la tẽngã, rasm a yoob pʋgẽ, Wẽnd yeelame, A Naam zẽkyã: {Yẽ la ning sẽn naan saas la Tẽnga rasm a yoob pʋgẽ, rẽ poorẽ t'A zẽke Al-aršã (Naamã goeel) yingri (zẽkr sẽn tog ne Wẽnde).A mii bũmb ning sẽn kẽed Tẽnga pʋgẽ la bũmb ning sẽn yit a pʋgẽ, la bũmb ning sẽn sigd saagẽ wã la bũmb ning sẽn rʋʋd beenẽ, la A lagma yãmba yãmb sẽn beẽ fãa, Wẽnd leb n yaa Mita ne bũmb ning yãmb sẽn tʋmdã.} [Alhadɩɩdʋ: 4] Wẽnd le yeelame A Naam zẽkyã: {la sɩd la hakɩɩka Tõnd naana saasã la Tẽngã, la bũmb ning sẽn be b yiibã sʋka rasm a yoob pʋgẽ, la yaams buud pa sɩɩs Tõnd ye.} [Ƙaaf :38]
8- La Wẽnde, A Naam yɩlgame n zẽke, a ka tar lagem-n-taaga A Naamẽ wã maa A naanegẽ wã maa A kordgẽ wã maa A tũudmẽ wã ye.
La Wẽnde, A Naam yɩlgame n zẽke, Yẽnda la Naamã Soaala, lagem-n-taag ka be ne-A, A naanegã pʋgẽ, maa A Naamã pʋgẽ, maa A kordgã pʋgẽ. Wẽnd yeelɑme A Naam zẽkyã: { yeele: "kõ-y maam kibare bũmb ning yãmb sẽn tũud tɩ pa yɩ ne Wẽndã, wilg-y maam bõe la b naan Tẽn gãngã zugu, bɩ b tara lagm-n-taar saasẽ wã? Wa-y ne gaf sẽn reng yã wã taoore (Alkʋrãanã) maa bãngr vũuna tɩ y sã n yaa sɩd-rãmba.} [Al-ahƙaafʋ :4] A Šeeẖ a Sa'ʿadɩ yeelame, Wẽnd na yols-a: A maana rɑt n nɑ yeelɑme: {Yeel} bãmbã sẽn maand b lagem-n-taar ne Wẽndã, sẽn yɑɑ rʋbsã la gees-n-taasã sẽn ka tar nafa la ka so nomsgã, b ka so kũum, b ka so vɩɩm, b ka so Yikri, yeel-ba - n wilg b rʋbsã kongre la b sẽn ka sõmb ne tũudum baa fʋɩ {wilg-y maam b sẽn naan tẽngã poorẽ, bɩ b tara lagem-n-taare ne Wẽnd saasẽ wã}, rẽ yĩnga, bãmb naana bũmb saasẽ wã bɩ yaa tẽngẽ wã bɩɩ? Rẽ yĩngã b naana tãms bɩɩ? Rẽ yĩnga b zolgɑ kʋɩls bɩɩ? Rẽ yĩngã b sãega rũms bɩɩ? Rẽ yĩnga b bulsa tɩɩs bɩɩ? Rẽ yĩnga b sõngame tɩ b naan baa fʋɩ sẽn yi woto fãa? Rẽnd bũmb baa a yembre ka zĩndi b nengẽ sẽn yi wãnde ye, ne bãmb meng sẽn sak n reeg b zugẽ, tɩ b ka tõe rẽ ye, rẽnd wãnde yaa tagmase yam pʋgẽ, sẽn yaa vẽenega tɩ zẽng sẽn ka yɩ ne Wẽnd tũudum yaa zaalem.
Rẽ poorẽ, t'a kɩɩs-bɑ n yeel-bɑ tɩ daliil sẽn reeg gãf-rãmbẽ wã kɑ be ye, A yeelɑme: {Wa-y ne gafo taaor tɩ gaf-kãngã ( Alkʋrãɑnɑ) pɑ wa} tɩ gɑfã boond n tʋgd lagem-n-taare, { mɑɑ bãngr sẽn dɑ loog vũune} yãmb sẽn rɩk a faad tẽn-tʋʋmbẽ wã sẽn reng taoorã t'ɑ sagndẽ tɩ b mɑɑn lɑgm-n-tɑɑre. D sẽn mi yaa tɩ b konga ne b na wa ne tagmase sẽn yi baa tẽn-tʋʋm a yembr nengẽ sẽn wilgd rẽndɑ, d pʋs n loeeme n wãage n maan hakɩɩka tɩ tẽn-tʋʋmbã fãa gill boolame n tʋg b Soabã yeembgo, la b gɩdge n yi lagem-n-taar ne-A, yẽ me la bãng bedre b sẽn yã b nengẽ) Tafsɩɩr ɭbn Sa'ʿadɩ 779.
La Wẽnde -A Naam yɩlgame n zẽke- Yẽ la Naamã Soaala A ka tar lagem-n-taaga a Naamẽ wã ye, Wẽnd yeelame A Naam zẽkyã: {Yeele: " m Soɑbɑ Wẽnde, nɑɑm Soɑɑdɑ, Fo kõtɑ nɑɑmã F sẽn tʋll ɑ soɑbɑ, lɑ F reegd nɑɑmã F sẽn tʋll ɑ soɑb nengẽ, lɑ F zɩsgd F sẽn tʋll ɑ soɑbɑ lɑ F fɑɑgd F sẽn tʋll-ɑ, sõmã wã bee Fo nugẽ, ɑd Fo yɑɑ Tõodg ne bũmbã fãɑ} [Aal-ɭmraan: 26.] Wẽnd leb n yeelame, A Naam zẽkyã, n wilgdẽ tɩ naam sẽn pidi, yaa Yẽnda n so dũni Yikr raarã {raar ning bãmb sẽn vẽnegdã, tɩ bãmb bũmb bɑ ɑ yembr pa solgd Wẽnd ye, ãnd n so naamã rũnda? Yaa Wẽnd sẽn yaa a Yembrã n yaa Windã.} [Ġaafɩr: 16]
La Wẽnde, A Naam yɩlgame n zẽke, a ka tar lagem-n-taaga A Naamẽ wã, maa A naanegẽ wã, maa A kordgẽ, maa A tũudmẽ wã., Wẽnd yeelame, A Naam zẽkyã { La yeele: "pẽgr be ne Wẽnde, Nɑɑb ning sẽn pa tar biiga, A leb n pa tar lagem-n-taaga A naamã pʋga, A pa tar lall-n-taaga pãng kaaleg ying ye, la f waoog-A n zɩsg-A zɩsgr tεkẽ.} [Al-ɩsraa'ʋ: 111] Wẽnd leb n yeelame, A Naam zẽkyã: { Naab ning sẽn so saasã la tẽnga nɑɑmɑ, A pa tar biiga, A pa tar lagem-n-taaga A naamẽ wã ye, A naana bũmbã fãa n kɩt t'a zems zemsg tεkẽ} [Al-Fʋrƙaanu :2] Rẽnd Wẽnde, Yẽnda la Soaala, la zẽng sẽn ka Yẽ yaa Yẽnda n so, A Naam yɩlgame, Yẽnda la Naandã la zẽng sẽn ka Yẽ yaa bõn-naandga, yaa Yẽnda la sẽn korded yεla, la ning yel sẽn yaa woto yaa tɩlae tɩ b tũ-A, zẽng sẽn pa Yẽnda tũudum yaa yam pɑ tɑ lɑ rẽ, n yaa lagem-n-taare, n sãam dũni wã la Laahre, Wẽnd yeelame, A Naam zẽkyã: {Lɑ b yeele: (Yɑhʋʋd-rãmbã) " yɩ-y Yɑhʋʋd-rãmbɑ mɑɑ Nɑsɑɑr-rãmbɑ tɩ y na yɩ kãndagdba, yeele: "ayae, yɑɑ a ɭbrɑɑhɩɩm Dĩinɑ la tõnd tũud bɑlɑ, sẽn yɑɑ Wẽn-yeemdã, ɑ pɑ yɩ n yɑɑ Lɑgme-n-tɑɑr soɑb ye"} {Albɑƙɑrɑ 135}; Wẽnd le yeelame A Naam zẽkyã: { Lɑ ãnd dĩin n mɑnege n le yɩɩd sẽn bɑs ɑ mengɑ n tũud Wẽnde tɩ yẽ yɑɑ mɑnegdɑ lɑ ɑ tũ ɑ ɭbrɑɑhɩɩm dĩinɑ sẽn kɩll n yi lɑgm-n-tɑɑrã n tẽeg tɩrg ne Wẽnd-yembgã, lɑ Wẽnd gãdɑ ɭbrɑɑhɩɩm n mɑɑn A zoɑ} [Annisaa'ʋ: 125 ] La Sɩdã (Wẽnde) A Naam yɩlgame, A vẽnegame tɩ ned ning sẽn wa n tʋg n tũud zẽng sẽn ka a ɭbraahɩɩm sorã sẽn yɑɑ Wẽnd noangã -tɩlgr be a yĩngɑ- rẽnd yẽ soab n maan a meng yalem, Wẽnd yeelame A Naam zẽkyã: {lɑ ãnd n kisgd ɑ ɭbrɑɑhɩɩm Dĩinã sã n pɑ sẽn yɑlm ɑ mengɑ, lɑ hɑkɩɩkɑ Tõnd tũus-ɑ lɑme Dũni pʋgẽ, lɑ Yɑoolem rɑɑrã ɑ bee nin-sõmbsã pʋgẽ} {Albɑƙɑrɑ 130};
9- La Wẽnde, A Naam yɩlgame, A ka roge, b ka rog-A, A ka tar mams-n-taaga, A ka tar bilg-n-taaga.
La Wẽnde, A Naam yɩlgame, A ka roge, b ka rog-A, A ka tar mams-n-taaga, A ka tar bilg-n-taaga.Wẽnd yeelame, A Naam yɩlgame n zẽke: {Yeele: Yẽnda la Wẽnde, A yaa A Yembr tãɑ. (1) Wẽnd la b sẽn Tikd A soɑbɑ. (2) A ka roge, b ka rog-A.(3) Mams-n-taag me ba a yembr ka ne-A ye. (4)} [Al-ɭẖlɑɑṣ:1-4]. Wẽnd le yeelame A Naam zẽkyã: {Saasã la tẽngã la bũmb nins sẽn be b yiibã sʋk Soabã, bɩ f tũ-A la f maan sugr ne A tũudmã, rẽ yĩnga fo mii A wõneg bɩɩ? A pɑ tɑr to tɩ tɑr A yʋʋrã ye.} [Maryam: 65] La Wẽnd leb n yeelame, A Naam yɩ wagelle: {Saas la tẽng yẽbgdã,a maana pagba sẽn yi yãmb mẽnsẽ wã n kõ yãmba, la yãɑg lɑ rɑogo rũmsẽ wã me, n wʋsgd yãmb sẽn tũ ne b yiibã, bũmb pa be n wõnd-A ye, la Yẽnda la ɑ Wʋmda n ya a Neta.} [Aššʋʋraa: 11]
10- La Wẽnde, A Naam yɩlgame n zẽke, A ka sigd bũmb pʋgẽ, A ka lebgd yĩng soaba n kẽ bũmb pʋgẽ baa fʋɩ sẽn yi A sẽn nɑɑnɑ pʋgẽ ye:
La Wẽnde, A Naam yɩlgame n zẽke, A ka sigd bũmb pʋgẽ, A ka lebgd yĩng soaba n kẽ bũmb pʋgẽ baa fʋɩ sẽn yi A sẽn nɑɑnɑ pʋgẽ ye, A leb n ka naagd A Meng ne baa fʋɩ, bala Wẽnde, Yẽnd la Naanda, la zẽng sẽn ka Wẽnde, yaa bon-naandga, Yẽ yaa Paada la zẽng sẽn ka Yẽnda yaa sata, la bũmb fãa, Yẽnda la a Soaada, Yẽnda la a Naanda, rẽnd A ka sigd baa fʋɩ A bon-naandsẽ wã ye, A bon-naandsã me, baa a yembr ka tõe n sigi Wẽnd pʋgẽ ye, A Naam yɩlgame n zẽke,lɑ Wẽnde -A nɑɑm yɩlgɑme n zẽke- Yẽ bedremã n yɩɩd fãa gillã, Yẽ zɩslem n yɩɩd bũmbã fãa gilli, Wẽnd yeelame -A Naam zẽkyã- n kɩɩsd neb nins sẽn yag tɩ Wẽnd siga a Sɩɩs-tɩ-maag pʋgẽ wã: {Sɩda neb nins kɩfl-yã, sẽn yeel-b tɩ Wẽnd la a Sɩɩs-tɩ-maagã a Maryam biigã, yeele: " yaa ãnd n tõe n gɩdg Wẽnd baa a fʋɩ t'A sã n tʋl n na n halk a Sɩɩs-tɩ-maag a Maryam biigã la a ma wã la sẽn be tẽng pʋg fãa, la Wẽnd n so saas la tẽng naamã la sẽn be b yiibã sʋka. A naanda A sẽn tʋlle, la Wẽnd yaa tõogd ne bũmbɑ fãa.} [Al-Maa'ɩda 17]. Wẽnd le yeelame A Naam zẽkyã: {lɑ Wẽnd n so yɑɑng lɑ wĩnto-lʋɩɩngẽ, rẽnd yãmb sẽn toglẽ fãɑ, be lɑ Wẽnd be, ɑd Wẽnd yɑɑ Yɑlengɑ n yɑɑ Mitɑ (115) lɑ b yeele: "Wẽnd tɑrɑ biigɑ". Ad A Nɑɑm yɩlgame! Pɑ woto ye, A soo sẽn be Sɑɑsẽ wã lɑ Tẽngẽ, ãnkãm fãɑ yɑɑ sẽn sɑk A tõogã (116) yɑɑ sɑɑs lɑ tẽng Yẽbgdɑ, A sã n bʋ yelle, A yet-ɑ lɑme: "yɩ". T'ɑ be yɩɩbo. (117) } {Albɑƙɑrɑ 115-117}; Wẽnd le yeelame A Naam zẽkyã: {La b (yɑhʋʋ-rãmb lɑ nɑsɑɑr-dãmbɑ) yeelɑme tɩ: " yolsg naabã tara biiga". (88) Ad yãmb wa ne yel-kisgdg sẽn yaa bedre. (89) Saasã tʋll n pãrsame gom-kãngã yĩnga tɩ tẽngã tʋll n pus n pãrse tɩ tãmsã tʋll n wuri wurub tεkẽ. (90) B sẽn yeel tɩ yolsg naabã tara biigã yĩnga. (91) La pa sõmb ne yolsg Naabã t'A wa tar biig ye. (91) Ad bũmb ning sẽn be saasẽ wã la tẽngẽ wã fãa wata yolsg Naab nengẽ tɩ b yaa yembse n gãnegd b mense. (93) Ad A minimã gũbg-b-lame la A sõd-b sõdb tεkẽ.(94) Lɑ b yembr fãɑ na n waa A nengẽ Yikr raarã t'ɑ yaa ɑ yembre. (95)} [Maryam 88-95] A leb n yeelame A Naam Zẽkyã: {Wẽnde, soɑb sẽn tũud n tɩlg kɑ be tɩ sã n pɑ Yẽ ye, A yɑɑ Vɩta vɩɩm sẽn pid Soɑbɑ n yɑɑ Mɑɑn-m-toor Soɑbɑ, gõeem pɑ yõnkd-A, pɑ Suusgu, A soo sẽn be sɑɑsẽ wã lɑ sẽn be tẽngẽ wã, ãnd n nɑ n sugs A nengẽ tɩ sã n pɑ tũ ne A yɑrdɑ, A mii sẽn be bãmb neng tɑoore lɑ b poorẽ, lɑ b pɑ gũbgd bũmb A bãngrẽ wã ye sã n pɑ A sẽn tʋll ɑ soɑbɑ, A tɑgbã zĩigẽ ( Alkʋrsɩyʋ) yãmbɑ sɑɑsã lɑ tẽngã, lɑ b yiibã gũub pɑ zu-leoog ne-A ye, lɑ Yẽ lɑ ɑ Zẽkr Nɑɑbɑ n yɑɑ ɑ Zɩsgo} [Albaƙara: 255]. Rẽnd ned ning yell sẽn yaa woto, t'A bon-naandsã me yaa woto, A na n kẽe bon-naandsã pʋgẽ wãn-wãna? Maa A rɩk-a t'a yaa A biiga wãn-wãna? Maa A maan-a t'a lagm-A n yaa Soab wãn-wãna?
11- Wẽnde -A Naam yɩlgame n zẽke- A yaa nimbãan-Zoεta n yaa Yoalsda ne A yembsã, rẽ n kɩt t'A tʋm tẽn-tʋʋmbã, la A sik Gaf-rãmbã.
Wẽnde, A Naam yɩlgame n zẽke, A yaa nimbãan-Zoεta n yaa Yoalsda ne A yembsã, la sẽn be A yolsgã ne A yembsã pʋgẽ, yaa A sẽn tʋm tẽn-tʋʋmbã b nengẽ, la A sik Gaf-rãmbã n kõ-ba, bʋɩl yĩng tɩ b na yi kɩfẽndã la lagem-n-taarã ligsẽ n tʋg Wẽnd-yembgã lɑ kãndagrã vẽenemẽ, Wẽnd yeelame A Naam zẽkyã: {Yẽ la Soab ning sẽn sikd a yɑmbã zugu Aayae vẽenesã, t'A na yiis yãmb ligsẽ wã n tʋg vẽenemẽ wã, la Wẽnd yaa nimbãan-zoεta n yaa yolsd ne yãmba.} [Alhadɩɩdʋ: 9]
lWẽnd le yeelame A Naam zẽkyã: {La Tõnd pa tʋms foom rẽnda yolsg yĩnga ne dũni wã rãmba.} [Al-Anbiyɑɑʋ:107]. La Wẽnd sagla A Nabiyaamã t'a togs yembsã tɩ yaa Yẽnda la Yaafdã la Yolsdã, rẽnd Wẽnd yeelame A Naam zẽkyã: { Kõ M yembsã kibare tɩ yaa Maam la yaafg naaba n ya a yolsg Naaba} [Al-hiǧrʋ 49] La sẽn leb n be A nimbãan-zoεεgã la A yolsgã pʋgẽ, yaa tɩ yaa Yẽnd n pãrgd keelem la A sikd sẽn be neere A yembsã zugu, Wẽnd yeelame A Naam zẽkyã: {La tɩ Wẽnd sã n sɩɩs foom ne wẽnga, ned pa be n tõe n lak-a tɩ pa Yẽ ye. La A sã n tʋll foom ne neere ned pa tõe n tus-a tɩ pa Yẽ ye. A kõta A yɩɩdlemã A sẽn rat ned ningɑ A yembsã sʋka, Yẽ la yaafg naaba n yaa yolsg Naaba.} [Yuunus: 107]
12- Wẽnd la Soab sẽn yaa Yolsda, Yẽnd A Yembr tãa n na n geel yembsã Dũni wã yikr raarã, wakat ning A sẽn na n yik-b fãa b yãadẽ wã, n rol ned fãa a sẽn tʋmã, sõma la wẽnga. Rẽnd ned ning sẽn tʋma n yaa sɩd-kõta, yẽ soab tara neema sẽn duumdi, la ned ning sẽn kɩfla la a tʋm wẽnga, yẽ tara nong sẽn yaa bedre yaoolem raarã.
Wẽnd la Soaba, n yaa ɑ Yoalsda, Yẽnd A Yembre n na n geel yembsã dũni yikr raarã, b sẽn wat n yik b fãa gilli b yaadẽ wã, n rol ned fãa gilli a sẽn tʋmã, zem tɩ yaa sõma maa yaa wẽnga. Rẽnd ned ning sẽn tʋma tʋʋm sõmbse n yaa sɩd-kõta, yẽnda tara neema sẽn duumdi. La sẽn kɩfla la a tʋm wẽnse, yẽ tara nongo sẽn yaa zɩsgo dũni yikr raarã. Rẽnd sẽn be Wẽnd tẽeg-tɩrga pidb pʋgẽ -A Naam yɩlgame n zẽke- la A bʋʋdã minim la A yolsgã ne A yembsã, yaa A sẽn maan dũni-kãngã tɩ yaa tʋʋm zaka, la A leb n maan zak ɑ yiibẽ soabã tɩ yaa rolbo la geelgo la yel-sõmde, bʋɩl yĩng tɩ manegd na paame a maan-neerã yel-sõmde, tɩ nin-wẽnga la wẽgda la maan-n-zʋʋg soaba paam a kedgrã la wẽgbã sɩbgre; la yel-kãngã yõy sãnd sẽn tõe n wɑ kɩɩs-a yĩngã, Wẽnd maana tagmas-rãmb sẽn yaa wʋsgo sẽn wiligdi tɩ yikrã kũumã poorẽ wã yaa sɩda, sãmbg ka be a pʋgẽ ye, Wẽnd yeelame, A Naam zẽkyã: {la sẽn leb n be A yel-soalmã pʋgẽ, yɑɑ fo sẽn ne tẽngã t'a yaa sẽn kʋɩ, tɩ Tõnd sã n sik koom a zugu la a sẽn pusi n fugumdi, ad soab ning sẽn vʋʋg-a wã hakɩɩka A yaa kũ-rãmb vʋʋgda, ad A yaa tõogd ne bũmbã fãa gilli} [Fʋṣṣɩlat :39] Wẽnd yeelame A Naam zẽkyã: { yãmb ɑ nebã, y sã n bee sik pʋg ne Dũn wã yikrã, bɩ y bãng tɩ Tõnd naana yãmb ne tãndo, rẽ loogr poorẽ n yi mani, rẽ loogr poorẽ n yi zɩ-pelle, rẽ poorẽ n yi nẽm-võre, be be naaneg sẽn pida leb n be be naaneg sẽn pa pidi tɩ nɑ n fɑbe, lɑ yɑɑ sẽn na yɩl n wĩnig yãmb (Tõnd pãnga), la D tabend rog-wʋʋdẽ wã bũmb ninga D sẽn tʋlle, n tʋg n tãag wakat sẽn yãke rɑɑre, rẽ poorẽ tɩ D yiis yãmb tɩ y yaa komb-peelse, rẽ poorẽ tɩ y wa tʋg n ta y bi-bɩɩlem sɑsɑ. Be yãmb pʋgẽ sẽn maand kaalem, la be yãmb pʋgẽ ned sẽn na n tɩ kʋʋl n tɩ ta a yõorã yaalg wakato t'a le ka mi bɑɑ fʋɩ a sẽn dɑ mi poorẽ, lɑ fo yẽta tẽng-gãngã t'a yaa sẽn kʋɩ n pelge, tɩ Tõnd sã n sik koom a zugu, la a sẽn wʋʋgde n pusi, n bul n yiis bõn-bundi toor-toore tɩ be neere } [Al-haǧ : 5] Rẽnd Wẽnd sẽn yɑɑ Yẽ lɑ sɩdã, A togs Aaya-kãngã pʋgẽ, tagmas a tãabo yɑm wεεngẽ sẽn wiligd Yikrã kũumã poorẽ, bãmb me lɑ :
1- Yɑɑ tɩ nisaalã Wẽnd naan-a lɑ ɑ sɩngrẽ wã ne tom, rẽnd sẽn naanã ne tomã a toẽeme n leb n lebs-a a sẽn wat n lebg tom.
2-Yaa tɩ Wẽnd sẽn naan ninsaalã ne ko-pεεlgã (Mɑni), A leb n tõeema n lebs ninsaala vɩɩmẽ a kũumã poorẽ.
3-Yaa tɩ sẽn vʋʋgɑ tẽngã ne sɑ-koomã a sẽn dɑ ki poorẽ wã, A tõeeme n vʋʋg nebã b kũumã poorẽ, leb n be Aayae-kãngã pʋgẽ tagmas sẽn yaa bedre, n wiligd tɩ Alkʋrãanã yel-solmã sẽn kɑ to lɑ ɑ sẽn komsɩd geesdbã, rẽnd yɑɑ wãn-wãn to lɑ Aayar-kãngã tõog n tigm- ne ɑ sẽn ka wok fãɑ- tagmas-rãmb a tãabo yɑm wεεngẽ tɩ yɑɑ vẽenegɑ n wilgd masaal sẽn yaa bedre.
Wẽnd le yeelame A Naam zẽkyã: { Raar ning Tõnd sẽn na n wa pil saagã tɩ yaa wala gaf-rãmb karaaga pilbu, Tõnd na n lebs-a lame wala Tõnd sẽn da sɩng a naaneg-a toto wã, yaa pʋleng D sẽn rɩke, D na n pidsɑme} [Al-ambiyaa'ʋ:104 ] Wẽnd leb n yeelame A Naam zẽkyã: { La kɩfrã rɩkɑ bilgr n wilig Tõndo lɑ ɑ yĩmɑ a naanegã sẽn yɩlã; ɑ yeelɑme: " Ãnd n tõe n vʋʋg kõabã t'a sã n kẽ bugdu?". (78) { Yeel-ɑ:" Soab ning sẽn yẽbg-ɑ raẽenemã n nɑ n vʋʋg-ɑ, la Yẽnd n yaa mit ne naaneg fãa"} [Yasɩɩn: 79] Wẽnd le yeelame A Naam zẽkyã: {Rẽ yĩnga yãmb naanegã n yɩɩd toom bɩɩ, bɩ yaa saagã? yɑɑ Wẽnd n me-a. (27) A zẽk a beoongã n zems a taaba. (28) n sobg a yʋngã la A vẽneg a wĩndgã. (29) la Tẽngã, rẽ poorẽ lɑ A yɑdg-a. (30) A yiis a pʋgẽ a koomã la a yamdã (31) La tãmsã, Yẽ n sεl-bɑ (32) [Annazi'ʿaat :27-32] Rẽnd Naab a Wẽnd vẽnegame n wilig tõnd tɩ ninsaal naanegã a ka kεgεng n yɩɩd saasã la tẽngã naaneg ye, la bũmb ning sẽn be b yiibã sʋka, rẽnd (Wẽnd) ning sẽn tõe n naan saasã la tẽngã, A ka kongde n na n lebs ninsaala noor ɑ yiibẽ soab ye.
13- Wẽnde -A Naam yɩlgame n zẽke- A naana a Adama ne tom, n maan ɑ koambã tɩ b fɩɩgdẽ yẽ loogr poorẽ, rẽnd nebã fãa gilli, b yẽgrã yaa yembre, yɩɩdlem ka be ne kõbgo n yɩɩd kõbg a to ye, (yɩɩdlem) ka be ne neba neb a taab zugu ye, sã n ka ne Wẽn-zoεεg bala.
Wẽnde -A Naam yɩlgame n zẽke- A naana a Adɑm ne tom, n maan ɑ koambã tɩ b fɩɩgdẽ rẽ loogr poorẽ, rẽnd nebã fãa gilli b yẽgrã yaa yembre, yɩɩdlem ka be ne kõbgo kõbg a to zug ye, (yɩɩdlem) ka be ne neb me neb a taab zugu sã n ka ne Wẽnd zoεεg bala. Wẽnd yeelame A Naam zẽkyã: { yãmb a neba! Ad Tõnd naana yãmba roap la pagba n maan yãmb tɩ y yaa ninbuiidu, la buud-buudu, tɩ y na bãng taab yĩnga, ad yãmb sẽn yɩɩda waoogr Wẽnd nengẽ yaa yãmb sẽn yɩɩda ne Wẽn-zoεεga, ad Wẽnd yaa mita, n yaa minim tẽng-n-biiga.} [Alhʋǧʋraat 13] Wẽnd le yeelame A Naam zẽkyã: { Lɑ Wẽnd nɑɑnɑ yãmb ne tom, rẽ poorẽ tɩ tũ ne yĩng-koome (Mɑni), rẽ poorẽ t'A mɑɑn yãmb yiib-yiibu (rɑo lɑ pɑga), lɑ yãɑng kɑ be sẽn nɑ rɩk pʋgɑ, ɑ le kɑ rogde rẽndɑme ti yɑɑ ne A sẽn mi tiiri, lɑ bõn-nɑɑndg buud kɑ be yõor sẽn nɑ wogle, ɑ yõorã me pɑ boogd bɑɑ bilfu, rẽndɑme tɩ rɑ gʋlsɑ sebr pʋgẽ. Ad rẽndɑ yɑɑ nɑɑnɑ wʋsg ne Wẽnde.} [Faaṭɩr: 11] Wẽnd le yeelame A Naam zẽkyã: { Yẽ la Soab ning sẽn naana yãmba n yi tomẽ, rẽ poorẽ n yi zɩ-pelle, rẽ poorẽ t'A yiis yãmba tɩ y yaa bi-beelgɑ, rẽ poorẽ tɩ yãmb tat y pãng sɑsɑ, rẽ poorẽ tɩ y yɩ nin-kẽembɑ. Lɑ bee yãmb pʋgẽ sẽn kiid tɩ ka ta nin-kẽeg wɑkɑt ye. Lɑ sẽn na yɩlẽ tɩ y ta wɑkɑt sẽn yãk rɑɑre lɑ sãnd-sãnde y na tags n gese} [Ġaafɩr: 67] Wẽnd leb n yeelame -A Naam zẽkyã- n wilg t'A naana Sɩɩs-tɩ-maagã ne sagell ning sẽn yaa tɩlae t'a yɩ wã, wala A sẽn naan a Adam ne tom sẽn tũ ne Sagell ning sẽn yaa tɩlae tɩ yɩ wã, Wẽnd yeelame A Naam zẽkyã: (Ad a Isɑ bilgri Wẽnd nengẽ yɑɑ wɑlɑ ɑ Aɑdɑma, A nɑɑn-ɑ lɑme ne tom, rẽ poorẽ t'A yeel-ɑ:" yɩ ! ". T'ɑ be yɩɩbẽ) {Aal-ɭmraan: 59}. Lɑ mɑm rɑ reng n togsɑme tɩ looge gom-sʋll (paragraf) sõor a (2), tɩ Nabiyaamã -Wẽnd pʋʋsg la A tɩlgr be a yĩnga- a wilgame tɩ nebã fãa zema taaba, yɩɩdlem ka be ne nedɑ a to zugu rẽnda ne Wẽn-zoεεga.
14- La biig fãa rogda Rog-ne wã ( Lɩslɑɑngã) zugu.
La biig fãa rogda Rog-ne wã ( Lɩslɑɑngã) zugu, Wẽnd yeelɑme A Naam zẽkyã: {Bɩ f togl f nengã n tees dĩinã tɩ f yaa sẽn bɑld n yit lɑgm-n-tɑɑre n tognd Wẽn-yemgo, woto yɑɑ yɑlẽ ning Wẽnd sẽn nɑɑn nebã ɑ zʋgã, Wẽnd naanegã kɑ tɑr tedgr ye, wãnde lɑ dĩin sẽn yɑɑ tɩrgã, lɑ ad nebã sẽn yɩɩd wʋsg fãɑ kɑ mi ye} [Arrʋʋm: 30] La Alhanafɩyã wã (Wẽnd yembgã) yẽnda la a ɭbraahɩɩm sẽn yaa Wẽnd noangã Sorã -Wẽnd tɩlgr be a yĩnga- Wẽnd yeelame A Naam zẽkayã: {Rẽ loogr poorẽ tɩ Tõnd tʋms tɩ wɑ fo nengẽ: " tɩ f tũ a ɭbraahɩɩm sorã sẽn yaa sor sẽn kɩld n yit lɑgm-n-tɑɑrã n tʋgd Wẽn-yembgã, lɑ a ɭbrɑɑhɩɩm pa yɩ n naag lagem-n-taarã rãmb ye.} [Annahlʋ: 123] La Wẽnd Tẽn-tʋʋmã -Wẽnd pʋʋsg la A Tɩlgr be a yĩnga- yeelame: «Biig ka yɩ n na n roge, rẽndame t'a roga Rog-ne wã (Lɩslɑɑngã) zugu, t'a rogdb a yiibã maan t'a lebg Yahʋʋda, maa b maan t'a lebg Nasaara, maa b maan t'a lebg maoong-kʋʋda, tɩ yaa wala rũmsã sẽn rogd b koambã tɩ b nɑɑnegã yɑɑ sẽn pidã, rẽ yĩnga yãmb yãta tʋb gɩrs b pʋgẽ?» Rẽ poorẽ, t'a Abʋʋ Hʋraεεra yeele, Wẽnd yard be a yinga: { yɑɑ yɑlẽ ning Wẽnd sẽn nɑɑn nebã ɑ zʋgã, Wẽnd naanegã kɑ tɑr tedgr ye, wãnde lɑ dĩin sẽn yɑɑ tɩrgã, lɑ ad nebã wʋsg fãɑ kɑ mi ye} [Arrʋʋm : 30] Ṣahɩɩh Albʋẖaarɩ 4775. Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: «Ad mam Soabã sagla maam tɩ m wilg-y yã y sẽn zɩ bũmb ninga, A sẽn wilg maam bũmb ning mam ra-kãngã pʋgẽ wã, "tɩ arzεk fãa Mam sẽn kõ yamba yaa halaale, la ad Mɑm maana M yembsã tɩ yaa Wẽnd yembdbã b fãa gilli, la ad sʋɩtãambã n waa b nengẽ, n veoog-ba n yi b dĩinẽ wã, n gɩdb-bɑ n yi bũm ning Mam sẽn kõ-b sor ne-ɑ tɩ yɑɑ hɑlɑɑlã, la b sagl-ba tɩ b maan lagem-ntaar ne Maam, ne bũmb ning Mam sẽn ka sik tagmas a zugu » A Muslim n togs-a 2865.
15- La ned ka be ninsaalbã pʋgẽ n rogdẽ t'a yaa tudgda maa a rɩk a to tudgdr faad ye:
Ned ka be ninsaalbã pʋgẽ n rogdẽ t'a yaa tudgda maa a rɩk a to tudgdr faad ye, la Wẽnd kõo tõnd kibare -A Naam zẽkyã- t'a Adama -tɩlgr be a yĩnga- a sẽn wa n yõsg Wẽnd sagellã, n rɩ tɩɩgã yẽ ne a pagɑ ɑ Hɑwɑɑ wã, t'a maana mimsa la a tuubi, la a kos Wẽnd yaafgo, tɩ Wẽnd leems-a t'a yeel gom-biis sẽn yaa yɩlma, t'a sɩd yeel-ba, tɩ Wẽnd reeg b yiibã tuubgu, Wẽnd yeelame A Naam zẽkyã: {La tẽeg Tõnd sẽn wa n yeel a Adɑma: "zĩndi, foom ne f pɑgã Arzãnâ pʋgẽ, lɑ y rɩ ɑ pʋgẽ ne mɑɑn-m-yɑm yãmb y sẽn dɑt fãɑ, lɑ y rɑ pẽneg tɩ-kãngã tɩ y yɩtɑ wẽg-m-mens rãmbɑ (35) t'ɑ sʋɩtãan kɩt tɩ b yiibã sɑlg tɩɩga wεεngẽ, n yɩ sabab n yiis b yiibã b sẽn dɑ beẽ wã, tɩ Tõnd yeel-bɑ: sig-y yãmb ne tɑɑb yɑɑ beem, lɑ yãmb tɑrɑ Tẽngã pʋgẽ yõgneg zĩigɑ lɑ wʋm-noogo n tʋg wɑkɑto (36) t'ɑ Adɑm reeg goam-biisi sẽn yi ɑ Soɑbã nengẽ, t'A reeg ɑ tuubgã, ɑd A yɑɑ tuubg Rεεgdɑ n yɑɑ Yolsdɑ (37) Tɩ Tõnd yeelle: "sig-y fãa gilli n yi Arzẽnɑ pʋgẽ, tɩ kãndagr sã n wɑ yãmb nengẽ sẽn yi Mɑm nengẽ, rẽnd sẽn tũ Mɑm Kãndagrã ɑd yaεεs kɑ b zugu, b kõ n sãɑm b sũur me ye (38)} {Albɑƙɑrɑ 35-38}; La Wẽnd sẽn reeg a Adam tuubgã -tɩlgr be a yĩnga-, rẽnd a ka le tʋk tudgrã ye, rẽnd zĩ-kãngã, a koambã ka leb n rɩkd tudgr ning sẽn yẽes ne tuubgã fɑɑd ye, la yẽgrã yaa tɩ ninsaala a ka rɩkd a to zɩɩb ye, Wẽnd yeelame A Naam zẽkyã: { Lɑ yõor fãɑ pɑ tʋmd rẽndɑ ɑ meng zugu, lɑ zɩ-tʋkd pɑ tʋkd ɑ to zɩɩb ye, rẽ poorẽ y lebeng-zĩig yɑɑ y Soɑbɑ nengẽ t,A kõe kɩbɑre y sẽn rɑ yɩ n yõsd tɑɑb bũmb ning pʋgẽ wã} [Al-anʿaamʋ : 164]
Wẽnd le yeelame A Naam zẽkyã: { Ned ning sẽn kãndaga a kãndagrã nefda a mengã, le ned ning sẽn menemã yaa a meng bɑlɑ, la yõor pa tʋk a to zɩɩb ye, la Tõnd pa yɩ n nɑ sɩbge rẽndame tɩ D reng n tʋm tẽn-tʋʋma.} [Al-ɩsraa'ʋ: 15] Wẽnd le yeelame A Naam zẽkyã: { La yõor pa tʋk a to zɩɩb ye, lɑ yel-wẽn-soɑb sã n bool tɩ b sõng-ɑ n tʋke, b kɑ sõngd n tʋk bɑɑ fʋɩ, bɑɑ tɩ sã n yɑɑ rog-pẽta, ɑd fo sẽn bugsdã yɑɑ neb nins sẽn yεεsd b Soɑbã ne b sẽn ka ne-A wã fãɑ la b yals Pʋsgã, lɑ sẽn yɩlgdɑ ɑ yɩlgd ɑ meng yĩng bɑlɑ, lɑ yɑɑ Wẽnd nengẽ lɑ lebgrã zĩigɑ.} [Faaṭɩr: 18]
16- La nebã naanegã võorã yaa: Wẽnd tũudmã Yẽ A Yembre:
La nebã naanegã võorã yaa: Wẽnd tũudmã, Yẽ A Yembre, Wẽnd yeelame A Naam zẽkyã: { Mam ka naan zĩn-dãmbã la nĩnsaalbã rẽndame tɩ yaa b na tũ Maam yĩnga} [Azzaarɩyaat 56],
17- Lɩslaoongã waooga ninsaala - b rap la b pagba- la a leb kõ-a a hakε-rãmbɑ gilli, la a maan-a tɩ b na n sok-a a sẽn tũus yεl ninsã fãa gilli la a tʋʋmã fãa gilli la a mɑnesmã fãa, lɑ ɑ tʋkd-ɑ tʋʋm ning fãɑ sẽn nɑ n nams a mengã, maa sẽn namsd neb a taaba.
Lɩslaoongã waooga ninsaala - b rap la b pagba- rẽnd Wẽnde - Anɑɑm zẽkyã- Naana ninsaalã, bʋɩl yĩng t'a na yɩ lεdsda tẽngã pʋgẽ Wẽnd yeelame, A Naam zẽkyã: { lɑ tẽeg f Soɑbã sẽn dɑ yeel Mɑlεgsã: ad Mɑm nɑ n ningɑ Tẽngɑ pʋgẽ Lεdsdɑ } {Albɑƙɑrɑ: 30};
La waoog-kãngã, a gũbga ne Adam koambã gilli, Wẽnd yeelame A Naam zẽkyã: { Lɑ ɑd Tõnd waooga a Adam-koambã la D wõr n kõ-ba sẽn nɑ rɩk-bɑ ween-vɩʋʋgẽ la mogrẽ la D rɩlg-ba rɩ-yɩlm buud fãɑ la D zẽnk-ba n yɩɩg Tõnd sẽn naanɑ wʋsg fãa yɩɩsg tεkẽ} [Al-ɩsraa'ʋ: 70] Wẽnd le yeelame A Naam zẽkyã: { Sɩd la hakɩɩka, Tõnd naana ninsaala, t'ɑ tɑr yagd sẽn yɩɩd sõmblem.} [Attɩɩnu :4]
La Wẽnd gɩdgɑ ninsaala t'a maan a mengã zʋʋre n pʋgd bũmb b sẽn tũudi, maa bõn-pʋgdga zẽng sẽn ka Wẽnd ye, Wẽnd yeelame A Naam zẽkyã: { Lɑ be nebã pʋgẽ sẽn gãd-b soab-dãmbɑ zẽms sẽn pɑ Wẽnde n nong-bɑ wɑlɑ Wẽnd nonglem, lɑ ɑd sẽn kõ-b sɩdã, bãmb Wẽndã nonglem keelem n yɩɩd bãmbã sẽn nong-b sob-rãmbã, lɑ lɑk wẽgdbã sã n dɑ yãtẽ lɑme bãmb alhɑɑlã, bãmb sẽn wɑt n yã nongã n bãng tɩ pãng fãɑ yɑɑ Wẽnd n so lɑ b bãng tɩ Wẽnd yɑɑ nɑms kεgẽn soɑbɑ. wɑkɑt ning b sẽn n pʋgb rãmbã sẽn wɑt n zãag b mens ne sẽn tũb bãmbã, tɩ b yã nongã mõsã tɩ tõk-n-taarã ne bãmb sʋkã wãɑge. (B nɑɑn n gũus b mense) } {Albɑƙɑrɑ: 165-166}; La Wẽnd leb n yeelame -A Naam zẽkyã- n wilgd pʋgdbã la b sẽn pʋgd-b rãmb ne zĩri-beedã, b halhaalã sẽn nɑ n yɩ dũni yikr raarã: {Sẽn mɑɑn-b wɑoog-m-mengã yeelɑ valemsã :" rẽ yĩngɑ tõnd n gɩdg yãmb n yi sɩdã tũubu, ɑ sẽn wɑ yãmb nengẽ poorẽ? Ka woto ye, yãmb n dɑ yɩ n yɑɑ nin-wẽns balɑ" (32) Lɑ sẽn yɑ b valemsã yeelɑ wɑoog-m-mengã-rãmbã: "yɑɑ yʋng lɑ wĩntoog sɩlem tʋʋmɑ, yãmb sẽn dɑ sɑgẽnd tõnd tɩ d kɩfl ne Wẽndã lɑ d bɑo lɑgm-n-tɑɑs n pɑɑs-A". Tɩ b solgɑ mɑɑn-m-bãngẽ b sẽn wɑ n yã nongã; lɑ Tõnd ningɑ sẽn kɩfl-ba yubli n wã bãnse. Rẽ yĩngɑ b rond-b lɑme tɩ kɑ b sẽn dɑ tʋmdã? (33) [Assaba'ʋ: 32-33]
La sẽn pid Wẽnd tẽeg tɩrgã pʋgẽ -A Naam zẽkyã- yikr raarã, yaa A sẽn na n rogl boaandb la taoor rãmba nins sẽn yaa menemdbã, b mensã zɩɩbã la bãmb sẽn mens-b rãmb tɩ ka tũ ne bãngrã zɩɩbo, Wẽnd yeelame A Naam zẽkyã: {Tɩ b nɑ n wɑ tʋk b zɩɩbã pɑeem dũni-yikrã raare la neb nins bãmb sẽn menmesd-b tɩ pɑ tũ ne bãngrã zɩɩbo, ad bãmbã sẽn tʋkdã yɩ wẽnga.} [Annahlʋ: 25]
La lɩslaamdã leb n kõo ninsaala a hakε-rãmb gilli, dũni kaanẽ la laahre, la hakε ning sẽn tʋg n zɩs n yɩɩd lɩslaoongã sẽn kõ la a vẽneg n wilig nebã, yaa Wẽnd hakε wã sẽn be nebã zugã la nebã hakε sẽn be ne Wẽndã. rẽnd yi a Mʋ'ʿaaz nengẽ, Wẽnd yard be a yĩnga, a yeelame: « Mam da zao Nabiyaam poorẽ ɑ bõngɑ zug -Wẽnd pʋʋsg la A tɩlgr be a yĩnga- t'a yeel mɑɑm: " a Mʋ'ʿaaze".Tɩ m yeele: " m sak-yã, m sɑk f yĩngɑ". Rẽ poorẽ t'a yeel woto buud noor tãabo: "rẽ yĩnga fo mii Wẽnd hakε wã A yembsã zugu?" Tɩ mam yeel tɩ ayoo, t'a yeele: " Wẽnd hakε wã sẽn be A yembsã zugu, yaa b tũ-A la b ra maan lagem-n-taar ne-A baa fʋɩ ye". Rẽ poorẽ t'a kẽn waka pʋgẽ bɑlɑ, n yeele: " a Mʋ'ʿaaze!" Tɩ mam yeele: " m sak-yã".T'a yeele: " rẽ yĩnga fo mii yembsã hakε sẽn rog Wẽnd bɩɩ, tɩ b sã n maan rẽndã?: Yɑɑ A rɑ sɩbgd-b ye» Ṣahɩɩh Albʋẖaarɩ (6840).
Lɩslaoogã leb n gũu ninsaal a dĩinã sẽn yaa sɩdã, la a arzεka la a burkĩndã Wẽnd pʋʋsg la A tɩlgr be a yĩng- yeelame: «Ad Wẽnd harma yãmb zugu, y zɩ-rãmba la y arzεgsã la y birkĩndã, wala A sẽn haram rũndã raarã, y kiu-kãngã pʋgẽ, y tẽng-kãngã pʋgẽ wã» Ṣahɩɩh Albʋẖaarɩ (6501). La Tẽn-tʋʋmã, Wẽnd pʋʋsg la A tɩlgr be a yĩnga, moonɑme n togs alkaool-kãngã sẽn yaa zɩsgã hagiim ningã sẽn yaa Wẽnd-na-wat-ne hɑgiimdã, neb sẽn zĩnd beenẽ sẽn yɩɩd tus koabga sẽn yaa a Ṣahaabsã, la a yɩlem maanã-kãngã n leb n kεng-a kibsã raare, Wẽnd-na-wat-ne hagiimdẽ wã.
La lɩslaoongã maana ninsaala tɩ b na n sok-a a yɑm-yãkrã fãa, la a tʋʋmã la a manesmã, Wẽnd yeelame A Naam zẽkyã: {la ninsaal fãa Tõnd rɩka a tʋʋm gafo n pid a yublẽ wã, lɑ d yiisd-a lɑ yikrɑ raarã tɩ yɑɑ sebre, t'ɑ mikd-ɑ t'a yaa sẽn pɑeele, tɩ b yet-ɑ kɑrem f sebrã tɩ rũndɑ rɑɑrã tɑɑ tεk ne foo ne f sẽn nɑ n geel f mengã} [Al-ɩsraa'ʋ: 13] Rat n yeel t'a sẽn tʋm tɩ yaa sõma la wẽnga, Wẽnd maandame tɩ tab ne-a, a ka zʋʋgd yẽnda n kẽng nin zẽng ye, rẽnd b ka geend ninsaal ne a to tʋʋmã, b ka geend ned a to ne yẽ me tʋʋma, Wẽnd yeelame, A Naam zẽkyã: { Foom ɑ ninsaala, fo yaa yaamsda ne tʋʋm n tʋg f Soabã nengẽ yaams tεkẽ, n na n yεk-A} [Al-inšɩƙaaƙʋ: 6] A leb n yeelame A Naam Zẽkyã: {Ned ning sẽn tʋma sẽn sombe yaa a meng yĩnga, la ned ning sẽn wẽnga be ne-a, lɑ fo Soabã pa yɩ n yaa wẽgd baa bilf ne A yembsɑ ye.} [Fʋṣṣɩlat :46]
la Lɩslaoongã rogenda ninsaala a sẽn maan tʋʋm ning fãa tɩ namsda a menga, maa namsd neb a taaba, Wẽnd yeelame A Naam zẽkyã: { Lɑ sẽn mɑɑnɑ beegre ɑd ɑ mɑɑndɑ a mengɑ, lɑ Wẽnd yɩɩme n yɑɑ mitɑ n yɑɑ bʋʋd-mitɑ} [Annisaa'ʋ: 111 ] Wẽnd le yeelame A Naam zẽkyã: { yaa rẽnda yĩnga tɩ Tõnd gʋls n rogl ɭsrayεεl koamba, tɩ ned sã n kʋ yõore, tɩ pa tũ ne yõor sẽn kʋ tɩ b nɑ n dole, maa yaa sãang lɑ ɑ mɑɑn tẽngã pʋga, yaa wala a kʋʋ nebã zãnga, la ned sã n põsg-a (yõore), yaa wala a vɩɩmsa nebã gilli.} [Al-Maa'ɩda 32]. Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: «Ned ka kʋʋd yõor ne wẽgdo, rẽndame tɩ b yãk kʋʋbã zɩɩbo (zunuuba) n roglg a Adam bi-rẽengã zugu, bala yaa yẽ n yɩ pipi n tuk kʋʋbã sore» Ṣahɩɩh Muslim (5150).
18- La Lɩslaoongã maana rapa la pagbã tɩ b yaa yembre, sã n yaa ne tʋʋmã wεεngẽ, la sakrã la rolbã la yel-sõmdã wεεngẽ
La Lɩslaoongã maana rapa la pagbã tɩ b yaa yembre, sã n yaa ne tʋʋmã wεεngẽ, la sakrã la rolbã la yel-sõmdã wεεngẽ, Wẽnd yeelame A Naam zẽkyã: { Lɑ sẽn tʋmdɑ sõmɑ zem t'a yɑɑ rɑo bɩ yɑɑ pɑgɑ tɩ yẽ yɑɑ sɩd-kõtɑ yɑɑ bãmb rãmbɑ n kẽed arzãnɑ tɩ b pɑ wẽgd-b bɑɑ tamarʋ nor-mugnum bilgr ye} [Annisaa'ʋ: 124 ] Wẽnd le yeelame A Naam zẽkyã: { Ned ning sẽn tʋma sõma, zem tɩ yaa paga maa raoa, n yaa sɩd-kɩta, D na vɩɩms a soab vɩɩm sẽn yaa yɩlenga, la D na rol-b keoor sõmblem sẽn yɩɩd b sẽn da yɩ n tʋmdã.} [Annaẖlʋ 97] Wẽnd le yeelame A Naam zẽkyã: { Ned ning sẽn tʋma wẽnga, b pa roand-a sã n pa a bilgr ye! La ned ning sẽn tʋma somã, yaa rao tɩ yaa paga, t'a yaa sɩd-kõata, yaa bãmb rãmbã n kẽed Arzãna, b rɩlgd-b la a pʋgẽ, tɩ pa yɩ ne geelg ye} [Ġaafɩr: 40] Wẽnd le yeelame A Naam zẽkyã: { Ad lɩslaambã lɑ lɩslaam pogsã, lɑ sɩd-kõtbã lɑ sɩd-kõt pogsã, lɑ wõr-m-meng rãmbɑ lɑ wõr-m-meng pogsã, lɑ sɩd-toagsdbã lɑ sɩd-toagsdb pogsã, lɑ sug-maandbã lɑ sug-maand pogsã, lɑ Wẽnd-zoɑtbã lɑ Wẽnd-zet pogsã, lɑ doos-mɑɑndbã lɑ doos-mɑɑnd pogsã, lɑ no-loεtbã lɑ no-loεtb pogsã, lɑ sẽn gũusd b tɑo wã b rɑp lɑ b pɑgbɑ lɑ Wẽnd yʋʋrã tẽegdb wʋsg wʋsgã b rɑpã lɑ b pɑgbɑ, Wẽnd seglɑ yaafgo lɑ rolb sẽn yɑɑ kẽeng b yĩngɑ.} [Al-ahzaab :35 ],
19- Lɩslaoongã waooga paga la a maan tɩ pagbã b yaa rapa bεgse tʋʋmã wεεngẽ, la a rogl rawa rɩlgrã t'a sã n yaa tõog soɑbɑ, rẽnd bi-pugl rɩlgre zao a ba, tɩ ma wã rɩlgr zao a biigã t'a sã n yaa kãsma n tar tõogo, tɩ pag rɩlgre zao a sɩda.
la lɩslaoongã maaname tɩ pɑgbɑ yɑɑ rɑopɑ boɑgɑ Wẽnd Tẽn-tʋʋmã- Wẽnd pʋʋsg la A tɩlgr be a yĩng- yeelame: "Ad pagbã yaa rapa bεgse". A Attirmiizi n togs-a, (113)
La sẽn be Lɩslaoongã sẽn waoog paga, yaa Lɩslaoongã sẽn maan tɩ ma rɩlgr yaa tɩlae n zao a biigã t'a sã n yaa tõoda. Wẽnd Tẽn-tʋʋmã- Wẽnd pʋʋsg la A tɩlgr be a yĩng- yeelame: «Ad nug ning sẽn kõtã wã, yẽ lɑ sẽn zẽkã, kõ f ma wã, la f ba wã, la fo tao poaka, la f tao rawa, rẽ poorẽ sẽn pẽ foom n yɩɩda, la sẽn pẽ foom n yɩɩda» lɩmaam Ahmad n reeg-a La rogdb a yiibã dargε sẽn ta to-to ɑ vẽnegrã watame -tɩ Wẽnd sã n sake- gʋls sull -(paragraf limoro)- sõor(29) wã
La sẽn be Lɩslaoongã sẽn waoog paga pʋgẽ, yaa a sẽn rogl rawa t'a rɩlg pagã, t'a sã n yaa tõog soɑbɑ, Wẽnd yeelame A Naam zẽkyã: {Tõog soab fãa yãk ɑ tõogã n rɩlge, la ned ning b sẽn wa n weoog a rɩtlã ɑ zugu, bɩ a rɩlg Wẽnd sẽn kõ-a wã tεkɑ, Wẽnd pa rogend yõore rẽnda bũmb ninga A sẽn kõ-a wã, ɑd Wẽnd na n maana keelemã poorẽ yol-yole.} [Aṭṭalaaƙʋ: 7] La rao n sok Nabiyaamã, Wẽnd pʋʋsg la A tɩlgr be a yĩnga, pag hakε sẽn zao a sɩd yaa bõe? T'a yeele: «yaa f rɩlg-a tɩ f sã n rɩ, la f yelg-a tɩ f sã n yelge, la f ra pãb nengã la f ra yeel t'a yaa yook ye» lɩmaam Ahmad n reeg-a La Wẽnd Tẽn-tʋʋmã- Wẽnd pʋʋsg la A tɩlgr be a yĩngɑ- yeelame, n vẽnegd pagbã hakε-rãmbã sãndã sẽn zao b sɩdbã: «La b (Pãgbã) tɑrɑ hɑkε tɩ rog yãmb zugu, yɑɑ b rɩlgrã lɑ b yeelgrã ne manegre» Ṣahɩɩh Muslim A le yeeleme pʋʋsg la tɩlgr be a yĩnga: «zunuub taa tεk ne ninsaala t'a wa tʋg n yeeb a sẽn rɩlgd b rãmbã» lɩmaam Ahmad n reeg-a T'a Alẖaṭaabɩɩ yeele: (A sẽn yeele : " t'a sẽn rɩlgd-b rãmbã" a rat n yeelame ned ning rɩlgr sẽn zao yẽ wã, la ɑ maanã wã yaa wala a yeta do-manndã, " ra maan doaaga ne bũmb ning sẽn pɑ sek fo zakã rãmb tɩ kellɑ ye , n rat n bao keoor be, tɩ rẽnda wat n lebga zunuubu tɩ fo sã n yeeb-ba)
La sẽn leb n be Lɩslaoongã sẽn waoog pagã, yaa a sẽn maan tɩ bi-pugl rɩlgr yaa tɩlae n zao a ba wã, Wẽnd yeelame A Naam zẽkyã: { Lɑ mɑ-rãmbã yẽsemdɑ b Koɑmbã yʋʋm ɑ yiibu sẽn pidi, sẽn tʋllɑ n nɑ n pids yẽsengã, lɑ b sẽn doge n nɑ kõ ɑ soɑbɑ (sɑɑmbã) n nɑ n rɩlg-bɑ lɑ ɑ yeelg-bɑ wɑlɑ b sẽn minim n mɑɑndẽ } [Albɑƙɑrɑ: 233 ] Tɩ Wẽnd vẽneg n wilg tɩ zao ba ning sẽn paama biiga t'a rɩlg a biig-a la a yelg-a sẽn zemse. la Wẽnd koεεg sẽn le yeele: {la pɑgbɑ sã n sɑk n na n yẽsem n kõ yãmba, bɩ y kɩs-y b keoorã} [Aṭṭalaaƙʋ: 6] Tɩ Wẽnd maan tɩ yaa tɩlae tɩ biigã yẽsengã keoore roga a bawã zugu, tɩ rẽndã wiligdẽ tɩ ad biig rɩlgr zao a ba wã zugu. la sã n yeel tɩ (roagda) a gũbgda rawa la pag fãa, la hadiis ning sẽn watã wã, tagmas n be beenẽ n wiligdẽ tɩ pag la a komabã rɩlgre yaa tɩlae n zao bɑ wã zugu. Rẽnd reegame n yi a Aaɩsa nengẽ, Wẽnd yard be a yĩnga, t'a Hĩnd yeela Nabiyaama -Wẽnd pʋʋsg la A tɩlgr be a yĩnga- t'a Abʋʋ Sʋfyaan yaa rawa sẽn yɑɑ beed soaba, tɩ mam tar tʋlsem n na n yãk a ligdã, tɩ Nabiyaamã yeele: «Yãk sẽn sekd foom la f biigã wɑlɑ b sẽn mi tɩ bũm ning sekdɑme wã» Albʋhaarɩ n togs-a, Tɩ Nabiyaam wagellã welg n wilig koam-pugli wã la tao-pogsã rɩlgrã yɩɩdlem ning sẽn be a pʋgẽ wã, tɩ Wẽnd Tẽn-tʋʋm -pʋʋsg la A tɩlgr be a yĩng- yeele: « Ned ning sẽn zãa koam-pugli a yiibu maa koam-pugli a tãabo maa tao-pogs a yiibu maa tao-pogs a tãabo, hal tɩ b wa tʋg n welge, maa a maan kaalem n bas-ba, maam ne yẽ soabã d na n yɩɩ wala bãmbã b yiibã, rẽ t'ɑ teesɑ ne a nug-bi ɑ yiibã, nug-bi teesdgã la a nug-bu sʋgrã » Sɩlsɩlat Aṣṣahɩɩha 296.
20- La kũumã ka yẽnda la sεεb ning sẽn ka tar tεɑkã ye, ad a yaa bũmb sẽn yaa tedgre, n na n yi tʋʋm zakẽ n na n kẽng rolb zakẽ, la kũumã a rɩkda yĩngã la yõorã fãa, la yõorã me kũum yaa a sẽn na wa welg n bas yĩngã, rẽ poorẽ ɑ lebgd n waa yĩngẽ wã b sẽn wat n na n yik nebã dũni yikr raarã. La yõorã ka bũmb sẽn toeemde kũumã poorẽ n kẽng yĩnga a to ye, a leb n ka kẽed yĩng a to.
Kũumã ka yẽnda la sεεb ning sẽn ka tar tεkã ye, Wẽnd yeelame, A Naam zẽkyã: { Yeele: "kũum Mɑlεkã b sẽn bobl-ɑ soɑb ne yãmbã tɩ reegd yãmb yõyã yẽ n nɑ n kʋ yãmbɑ, rẽ poorẽ yãmb Soɑbã nengẽ lɑ b nɑ n lebs yãmb".} [Assaǧda :11 ] la kũumã a rɩkda yĩngã la yõorã fãa, la yõorã me kũum yaa a sẽn na wa welg n bas yĩngã, rẽ poorẽ ɑ lebgd n waa yĩngẽ wã b sẽn wat n na n yik nebã dũni yikr raarã. Wẽnd yeelame A Naam zẽkyã: { Wẽnd n kʋʋd yõyã b kũumã wakato, la sẽn pa ki a goeemẽ wã, rẽnd A yõkd A sẽn bʋ kũumã a soab zugã, la A bas ɑ to wã n tʋg wakat sẽn yãk raare, ad yel-soalm be rẽ pʋgẽ ne neb sẽn tagsd n getẽ.} [Azzʋmar: 42] Tɩ Tẽn-tʋʋmã -Wẽnd pʋʋsg la A Tɩlgr be a yĩngɑ- yeele: «B sã n reeg yõorã, ninã tũnegd-a lame ( ɑ nogdɑme n get-ɑ) » A Muslim l togs-a 920. La kũumã poorẽ, ninsaal tedgedame n yi tʋʋm zakẽ n kẽng rolbã zakẽ, Wẽnd yeelame, A Naam zẽkyã: { Yãmb fãa lebgr zĩig yaa Yẽ nengẽ, woto yaa Wẽnd pʋlʋngo sẽn yaa sɩda, yaa Yẽ n yẽbgd naanegã rẽ loogr poorẽ t'A le lebs-a (n vʋʋg-a) sẽn na yɩl n rol sẽn kõ b sɩdã-rãmbã la b maan tʋʋm neerã ne mɑnegre. La sã n yaa ne kɩfl-rãmbã b na n kõ-b la bõn-yũudi sẽn yɑɑ ko-tʋʋlgɑ sẽn yi Gεhɩɩm pʋgẽ la nang sẽn zabde, b sẽn da yɩ n kɩfldẽ wã yĩnga} [Yuunus: 4]
La yõorã ka toeemde kũumã poorẽ n kẽng yĩng a to ye, b leb ka kẽed taab ye, rẽnd neb nins sẽn yeel tɩ yõyã kẽeda taaba, yam ka wilgd-a, nenem me ka wiligd-a, lɑ bũmb baa fʋɩ ka be n wĩnigd loεεg-kãngã sẽn yi nabiyaam-rãmbã nengẽ ye, pʋʋsg la tɩlgr be b yĩnga.
21-Lɩslaoongã boondame n tʋg tɩ b kõ sɩda ne kõ-sɩdã yẽga sẽn yaa b bεd-bεdã, bãmb me la kõ-sɩd ne Wẽnde la A malεgsã la Wẽnd Gaf-rãmbã, wala Taooraat la Lingiila la Zabʋʋri, -taoor tɩ b yiibã b na ka toeem-ba, la Alkʋrãanã, la kõ sɩda ne Nabiyaam-rãmbã fãa la Tẽn-tʋʋmbã, tɩlgr be b yĩnga, la leb n kõ sɩda ne b Pidsdã a Mʋhammad, sẽn yaa Wẽnd Tẽn-tʋʋmã, sẽn yaa Nabiyaam-rãmbã la tẽn-tʋʋmbã Pidsda, la kõ sɩd ne Yaoolem raarã. La d bãng tɩ ad dũni vɩɩmã, sã n da yaa yẽ la tεka, d mikdame tɩ vɩɩmã la belmã yaa bũmb sẽn yaa reem bala. la d leb n kõ sɩda ne Wẽnd Bʋʋdã la A Pʋlengã.
La lɩslaoongã boondame n tʋgd kõ-sɩda ne lɩɩmaoongã (sɩd-kũunã) yẽga sẽn yaa b bεd-bεdã, nabiyaam-rãmbã fãa la tẽn-tʋʋmbã sẽn bool n tʋgã -tɩlgr be b yĩnga- la bãmb me lɑ woto:
Rẽenem: yaa kõ-sɩd ne Wẽnde tɩ yaa Soaba, n yaa Naanda, n yaa Rɩlgda, n yaa Rabsda ne dũni-kãngã, leb n yaa Yẽnda a Yembr tãa n sõmbe tɩ b tũ-A, la bõn-tũudg fãa zẽng sẽn ka Wẽnde yaa zaalem, ka sõmb tɩ b tũ-a ye, sã n ka Wẽnd A Yembr bala, la tũudum ka manegde rẽndame tɩ yaa Wẽnde, la daliils renga taoore sẽn vẽnege n wiligd masaal-kãngã goms-sull (paragraf) sõor ɑ (8) wã.
La Wẽnd wilgame, A Naam yɩlgame n zẽke, yẽg-kãensã sẽn yaa bεd-bεdã Aayae-rãmb wʋsg pʋgẽ, sẽn yaa toor-toore n be Alkʋrãan zɩsgã pʋgẽ, sẽn be a pʋgẽ yaa Wẽnd koεεg sẽn yeele, A Naam zẽkayã: { Tẽn-tʋʋmã kõo sɩdɑ ne b sẽn sik n kõ-ɑ sẽn yi ɑ Soɑbɑ nengẽ wã, lɑ muumin-dãmbã me yɑɑ boto, b yem kɑm fãɑ kõo sɩd ne Wẽnd lɑ A Mɑlεgsã lɑ A Gɑf-rãmbã lɑ A Tẽn-tʋʋmbã. Tõnd pɑ welgd bɑɑ a yembre A Tẽn-tʋʋmbã pʋgẽ ye, lɑ b yeele: "d wʋmame, d tũume, d kot-F lɑ yɑɑfɑ d Soɑbã. Lebengã-zĩig me yɑɑ Fo nengẽ".} [Albakara: 285] . Wẽnd leb n yeelame A Naam zẽkyã: { Mɑnegrã pɑ yãmb toglg y nemsã Yɑɑngɑ mɑɑ Winto-lʋɩtgẽ ye, la ɑd mɑnegrã yɑɑ sẽn kõ a sɩd ne Wẽnde lɑ Lɑɑhr rɑɑrã lɑ Mɑlεgsã lɑ Gɑfã lɑ Nɑbiyɑɑm-rãmbã lɑ ɑ yẽk ɑ Arzẽkã ne ɑ sẽn noang-ɑ wã fãɑ n kõ ɑ rog-pẽtbɑ lɑ kɩɩbse lɑ nim-bãɑn-rãmbɑ lɑ kẽnd-kẽnda lɑ bõosdbɑ lɑ yembs bɑs burĩndi lɑ ɑ yãnes ne Pʋʋsgo lɑ ɑ kõ Zɑka, lɑ sẽn pidsd-b pʋleng tɩ b sã n pʋlme lɑ sẽn mɑɑd-b sugr keelem pʋsẽ lɑ nɑmesgo lɑ keelmã wɑkɑto. Bãmb rãmb lɑ sẽn sɩdgbã, bãmb rãmbã lɑ Wẽnd-zoetbã} [Albaƙara:177.] La Wẽnd boolame n tʋgd kõ-sɩda ne sɩd-kũunã yẽga sẽn yaa bεd-bεdã, la A leb n vẽnege, tɩ ned ning sẽn kɩfl ne bãmbã, ad a soab menemame meneng sẽn zãre, Wẽnd yeelame A Naam zẽkyã: { Yãmb ɑ sɩd kõtbɑ! Kõ-y sɩd ne Wẽnd lɑ A tẽn-tʋʋmɑ lɑ Gɑf ning sẽn sik A tẽn-tʋʋmã zugã lɑ gɑf ning sẽn dɑ reng n sigã. Lɑ sẽn kɩfẽndɑ ne Wẽnd lɑ A Mɑlεgsã lɑ A Gɑf-rãmbã lɑ A Tẽn-tʋʋmbã lɑ yɑoolem rɑɑrã, sɩdɑ ɑ menmɑ meneg sẽn zãɑge} [Annisaa'ʋ: 136 ] La bee hadiisɑ pʋga, sẽn yi a Ʋmar ɭbn Hataab nengẽ, Wẽnd yard be a yĩnga, a yeelame: ( Raar a yembr lɑ tõnd da zĩ Wẽnd Tẽn-tʋʋm nengẽ -Wẽnd pʋʋsg la A tɩlgr be a yĩnga- tɩ rao wɑ puk tõnd nengẽ, t'a futã peelem yɑɑ wʋsgo, t'a zoobdã sablem yɑɑ wʋsgo, lɑ b ka ne so-toɑk tagmas me a zug ye, ned baa a yembr me ka mi-a tõnd sʋkɑ ye, halɩ t'a wa tʋg n zĩnd Nabiyaama nengẽ, Wẽnd pʋʋsg la A tɩlgr be a yĩnga, n tik a rũmɑ yiibã ne a rũmã, n rɩk a gε a yiibã n tees a gε a yiibã, n yeele: " Mʋhammad, togs maam lɩslaoongã sẽn yɑɑ ɑ soɑbɑ: "tɩ Wẽnd Tẽn-tʋʋma, Wẽnd pʋʋsg la a tɩlgr be a yĩnga, yeele: " lɩslaoongã yaa fo sẽn na n kõ sɩd tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, pʋʋsg la tɩlgr be a yĩnga, la f yals ne Pʋʋsgo la f yãk zaka n kõ, la f loe Ramadaan no-loere, la f kaag Roogã tɩ f sã n paam sor n na n tʋg beenẽ". La a (rɑwã) yeelyã: " f togsɑ sɩda". T'a Ʋmar yeele: "tɩ tõnd maan yel-solemd ne-a, a sẽn sokd-a wã la a leb n sɩdgd-a wã". La rawa yeelyã: " bɩ f kõ maam kibare sɩd-kũun sẽn yaa a soaba", Tɩ Nabiyaamã yeele: " yaa f kõ sɩd ne Wẽnde, la A malεgsã la Gaf-rãmbã la A Tẽn-tʋʋmbã la Yaoolem Raarã, la f kõ sɩd ne Pʋlʋngã, a wẽnga la a sõma". La a yeelyã: " f togsa sɩda". T'a yeele: " bɩ f togs maam manegr sẽn yɑɑ ɑ soɑbɑ". T'ɑ yeele: « yaa fo tũ Wẽnde, tɩ yaa wala fo ne-A lame, bala fo sã n yɩ n ka ne-A, ad A ne-f lame». Ṣahɩɩh Muslim 8. Rẽnd hadiis-kãngã pʋgẽ, a Gibriila -tɩlgr be a yĩnga- waa Tẽn-tʋʋm a Mʋhammad nengẽ -Wẽnd pʋʋsg la A tɩlgr be a yĩnga- n sok-a dĩinã dargε-rãmba, bãmb me yaa lɩslaoongo, la sɩd-kũuni la manegre, tɩ Tẽn-tʋʋm a Mʋhammad leok-a Wẽnd pʋʋsg la A tɩlgr be a yĩnga, rẽ poorẽ tɩ Tẽn-tʋʋm a Mʋhammad, Wẽnd pʋʋsg la A tɩlgr be a yĩnga kõ a Ṣahaabsã kibare, Wẽnd yard be b yĩnga, tɩ ad yã wã yaa a Gibriila tɩlgr be a zugu, a waa yãmb nengẽ, n na n wilig-y y dĩinã. Rẽnd yaa wãnde la Lɩslaoongã, n yaa Wẽnd Tẽn-tʋmde, t'a Gibriil wa ne-a tɩ Tẽn-tʋʋmã rɩk-a n taas a nebã, t'a Ṣahaabsã -Wẽnd yard be b yĩnga- ruls-a lɑ b taas-a nebã Nabiyaamã loogrã poorẽ.
Yiib soaba: yaa kõ-sɩd ne malεgsã, bãmb me yaa dũni sẽn solge, Wẽnd naan-b lame, n maan-ba tɩ b yaa yalẽ ninga sẽn welge, la A rogl-ba tʋʋma sẽn yaa zɩsdo, la sẽn be b tʋʋm bεdã pʋgẽ, yaa Wẽnd tẽn-tʋmã taasgo tẽn-tʋʋmbã la nabiyaam-rãmbã nengẽ, tɩlgr be b yĩnga. La malεgsã sẽn tʋg n yɩɩda ne zɩslem, yaa a Gibriila, tɩlgr be a yĩnga, la bũmb ninga sẽn wiligd tɩ yaa a Gibriil -tɩlgr be a yĩnga- n sigd ne Wahɩ wã n kõt tẽn-tʋʋmbã -pʋʋsg la tɩlgr be b yĩnga- yaa Wẽnd koεεgã sẽn yeele A Naam zẽkyã: { A sikda malεgsã ne wahɩ wã sẽn yɑɑ A sagellã, A sẽn tʋll ɑ soɑb nengẽ A yembsã pʋgẽ, tɩ b bugs n yeel tɩ: "Soab ka be rẽnda Maam, bɩ y zoe-Ma".}! [Annahlʋ: 2] Wẽnd le yeelame A Naam zẽkyã: {Ad a sigame n yi bõn-naandsã Soab nengẽ (192) Bas-m-yam yõ-yɩlemdã (ɑ Gibriil) n sik ne-a (193) Fo sũurẽ wã, sẽn na yɩl tɩ fo yɩ bugsda (194) Ne Laarab-rãmb zelemde sẽn vẽnegde. (195) Lɑ ɑd a bee rãeenem (Tẽn-tʋʋmbã) gaf-rãmb pʋgẽ (196)} [Aššʋ'ʿraa-ʋ: 192-196]
Tãab soaba: yaa kõ-sɩd ne Wẽnd Gaf-rãmbã, wala Taooraatã la Lingiilã la Zabʋʋrã -taoor tɩ b na ka toeem-ba-. La Alkʋrãanã Wẽnd yeelame A Naam zẽkyã: { Yãmb ɑ sɩd kõtbɑ! Kõ-y sɩd ne Wẽnd lɑ A tẽn-tʋʋmɑ lɑ Gɑf ning sẽn sik A tẽn-tʋʋmã zugã lɑ gɑf ning sẽn dɑ reng n sigã. Lɑ sẽn kɩfẽndɑ ne Wẽnd lɑ A Mɑlεgsã lɑ A Gɑf-rãmbã lɑ A Tẽn-tʋʋmbã lɑ yɑoolem rɑɑrã, sɩdɑ ɑ menmɑ meneg sẽn zãɑge} [Annisaa'ʋ: 136 ] Wẽnd le yeelame A Naam zẽkyã: { A sikɑ Gɑfã fo zug ne sɩdɑ n sɩdgd sẽn deng ɑ tɑoorã lɑ A sik Tɑoorɑɑtã lɑ Ingiilã (3) sẽn deng tɑoore tɩ yɑɑ kãndagr ne nebã lɑ A sik Kʋrɑɑnã, ɑd sẽn kifl-b ne Wẽnd Aɑyae wã b tɑrɑ nɑmsg sẽn yɑɑ kεgengɑ, lɑ Wẽnd yɑɑ ɑ Windɑ n yɑɑ Sɩbgdɑ (4)} [Aal-ʿɭmraan: 3-4] Wẽnd l yeelame A Naam zẽkyã: { Tẽn-tʋʋmã kõo sɩdɑ ne b sẽn sik n kõ-ɑ sẽn yi ɑ Soɑbɑ nengẽ wã lɑ muumin-dãmbã me, yem kɑm fãɑ kõo sɩd ne Wẽnde lɑ A Mɑlεgsã lɑ A Gɑf-rãmbã lɑ A Tẽn-tʋʋmbã. Tõnd pɑ welgd bɑɑ a yembre A Tẽn-tʋʋmbã pʋgẽ ye, lɑ b yeele: "d wʋmame d tũume, d kot-F lɑ yɑɑfɑ d Soɑbã. Lebengã-zĩig me yɑɑ Fo nengẽ".} [Albakara: 285] . A le yeelame A Naam Zẽkyã: { Yeele d kõo sɩd ne Wẽnd lɑ sẽn siki n kõ tõndã lɑ sẽn sik n kõ ɑ ɭbrɑɑhɩɩm lɑ ɑ ɭsmɑɑɩɩl lɑ ɑ ɭshɑɑƙ lɑ ɑ Yɑɑkub lɑ Yɑgẽnsã lɑ b sẽn kõ ɑ Mʋʋsɑ lɑ ɑ ɭɩsɑ lɑ Nɑbiyɑɑm-rãmbã sẽn yi b Soɑbɑ nengã wã tõnd pɑ welged bɑ ɑ yembre b sʋk ye tõnd me yɑɑ Sɑk-n-tũ rãmbɑ ne-A} [Aal-ɭmraan: 84.]
Naas soaba: yaa kõ-sɩd ne Nabiyaam-rãmbã la Tẽn-tʋʋmbã fãa -tɩlgr be b yĩnga-. Rẽnd yaa tɩlae tɩ d kõ sɩd ne nabiyaam-rãmbã lɑ tẽn-tʋʋmbã fãa, tɩlgr be b yĩnga, la d loe tɩ b fãa gill yaa sẽn yi Wẽnd nengẽ, n taasd b nebã Wẽnd tẽn-tʋmã la A dĩinã la A Sari wã, Wẽnd yeelame A Naam zẽkyã: {Yeel-y: " d kõo sɩd ne Wẽnd lɑ sẽn sik n kõ tõndã lɑ sẽn sik n kõ a ɭbrɑɑhɩɩm lɑ ɑ ɭsmɑɑɩɩl lɑ a ɭshɑɑk lɑ a Yɑ'ɑƙuub lɑ Yɑgensã lɑ b sẽn kõ ɑ Muusɑ lɑ ɭɩsɑ lɑ b sẽn kõ Nɑbiyɑɑm-rãmbã sẽn yi b Soɑbã nengã wã, tõnd pɑ welgd bɑɑ a yembre b sʋkɑ ye, tõnd me yɑɑ sɑk-n-tũ-rãmbɑ ne-A} [Albakara: 136] Wẽnd le yeelame A Naam zẽkyã: {Tẽn-tʋʋmã kõo sɩdɑ ne b sẽn sik n kõ-ɑ sẽn yi ɑ Soɑbɑ nengẽ wã lɑ muumin-dãmbã me yɑɑ boto, yem kɑm fãɑ kõo sɩd ne Wẽnd lɑ A Mɑlεgsã lɑ A Gɑf-rãmbã lɑ A Tẽn-tʋʋmbã. Tõnd pɑ welgd bɑɑ a yembre A Tẽn-tʋʋmbã sʋk ye, lɑ b yeele: "d wʋmame, d tũume, d kot-F yɑɑfɑ d Soɑbã. Lebengã-zĩig me yɑɑ Fo nengẽ".} [Albakara: 285] . Wẽnd le yeelame A Naam zẽkyã: { Yeele: " d kõo sɩd ne Wẽnd lɑ sẽn sik n kõ tõndã lɑ sẽn sik n kõ a ɭbrɑɑhɩɩm lɑ ɑ ɭsmɑɑɩɩl lɑ a ɭshɑɑk lɑ a Yɑ'ɑƙuub lɑ Yɑgensã lɑ b sẽn kõ ɑ Muusɑ lɑ ɑ ɭɩsɑ lɑ b sẽn kõ Nɑbiyɑɑm-rãmbã sẽn yi b Soɑbã nengã wã, tõnd pɑ welgd bɑɑ a yemre b sʋkɑ ye, tõnd me yɑɑ sɑk-n-tũ-rãmbɑ ne-A} [Aal-ɭmraan: 84.]
La a leb n kõ sɩd ne b Pidsdã, yẽ me la a Mʋhammad, Wẽnd Tẽn-tʋumã, n yaa nabiyaam-rãmbã la tẽn-tʋʋmbã Pidsdã, pʋʋsg la tɩlgr be b yĩnga, Wẽnd yeelame A Naam zẽkyã: { Lɑ tẽeg wɑkɑt ning Wẽnd sẽn deeg Nɑbiyɑɑm-rãmbã pʋlengã n yeel-bɑ: " M sã n kõ yãmb Gɑfo lɑ Bʋʋd-minim, rẽ poorẽ tɩ Tẽn-tʋʋm wɑ yãmb nengẽ, n sɩdgd sẽn be ne yãmbã, yãmb nɑ n kõo sɩdɑ ne-ɑ lɑ y sõng-ɑ?" La A yeele: " yãmb reegɑ y zugẽ lɑ y sɑk Mɑm Pʋlengã?" La b yeelyã: " d sɑkɑme". t'A yeele: " bɩ y mɑɑn kaseto tɩ Mɑ me lɑgmɑ yãmbɑ n mɑɑn Kɑseto".} &[Aal-ɭmraan: 81.]
Rẽnd Lɩlaoongã, a maana kõ-sɩdã tɩ yɑɑ tɩlae ne tẽn-tʋʋmã la nabiyaam-rãmbã gilli sẽn gũbgã, leb n yaa tɩlae tɩ b leb n welg n kõ sɩda ne b Pidsdã, yẽ me la Tẽn-tʋʋmã a Mʋhammade, Wẽnd pʋʋsg la A tɩlgr be a yĩnga, Wẽnd yeelame A Naam zẽkyã: { Yeel b sẽn kõ-b rãmb Gɑfã: " yãmb pɑ be fʋɩ zugu hɑl tɩ y wɑ yãnes ne Tɑoorɑɑtã lɑ Lɩngiilã lɑ b sẽn sik tɩ wɑ yãmb nengẽ sẽn yi y Soɑbã nengẽ wã".} [Al-Maa'ɩda 68]. Wẽnd le yeelame A Naam zẽkyã: { Yeele:" yãmb ɑ Gɑfã rãmbɑ! Wɑ-y tɩ d tʋg gomd sẽn yɑɑ tɩrgɑ tõnd ne tɑɑb sʋkɑ, yɑɑ tɩ d rɑ wɑ tũ rẽndɑ Wẽnde, lɑ d rɑ mɑɑn Lɑgm-n-tɑɑre ne-A bɑɑ fʋɩ lɑ d rɑ rɩk tɑɑbɑ n mɑɑn soab-rãmbɑ zẽng tɩ pɑ Wẽnd ye". Lɑ bãmb sã n rɑεεge bɩ yeel-bɑ:" bɩ y mɑɑn kɑseto tɩ tõnd yɑɑ Lɩslɑɑmbɑ".} [Aal-ɭmraan: 64.]
La ned sã n kɩfl ne nabiyaam a yembre, sɩda la hakɩɩka a kɩfla ne nabiyaam-rãmbã la tẽn-tʋʋmbã fãa -tɩlgr be b yĩnga- rẽ n kɩt tɩ Wẽnd yeele, n kõt kibare ne A sẽn bʋ a Nuuh nebã zugu, tɩlgr be a yĩnga: {A Nuuh nebã yagsa Tẽn-tʋʋmbã} [Aššʋ'ʿraa-ʋ: 105] La bũmb ning sẽn ka solge, yaa t'a Nuuhu -tɩlgr be a yĩnga- tẽn-tʋʋm ka reng a taoor ye, la lagem ne rẽ fãa, a nebã sẽn wa n yags-a wã, yags-kãng kell n lebgame tɩ yaa wala tẽn-tʋʋmbã la nabiyaam-rãmbã fãa yagsgo, bala b fãa boollã yaa a yembre, b raabã yaa a yembre.
Nu soaba: yaa kõ-sɩd ne Yaoolem raarã, yẽ me la Yikrã raare, la dũni-kãngã vɩɩmã saabẽ, Wẽnd sagenda Malεk ɑ ɭsraafɩɩla -tɩlgr be a yĩnga- t'a peeb vũbg-n-lʋɩ wã peebgo, tɩ vũbg n lʋɩ n kɩ Wẽnd sẽn tʋll-ɑ soɑb fãɑ, Wẽnd yeelame A Naam zẽkyã: { tɩ b peeb Baorgã, tɩ sẽn be saasẽ la tẽngẽ fãa ki, rẽnda Wẽnd sẽn tʋll a soab bɑlɑ, rẽ poorẽ tɩ b le peeb peebg a to tɩ bãmb yaa sẽn yik n yas n getẽ.} [Azzʋmar: 68] La sẽn be saasẽ wã la tẽngã fãa sã n halke, rẽnda Wẽnd sẽn tʋll a soab bala, Wẽnd na n pila saasã la tẽngã, wala Wẽnd koεεg sẽn yeele A sẽn togs pʋgẽ, A Naam zẽkyã: {Raar ning Tõnd sẽn na n wa pil saaga tɩ yaa wala sεb karaaga pilbu, Tõnd na n lebs-a nɑɑnegã wala Tõnd sẽn da sɩng-a wã yɑɑ pʋleng D sẽn rɩke, n na n pidsi.} [Al-ambiyaa'ʋ:104 ] Wẽnd le yeelame A Naam zẽkyã: { B pa zɩsg Wẽnd A zɩsgr tεkẽ ye, tɩ tẽngã fãa gilli yaa A yõng vuka yikrã raare, tɩ saasã yaa sẽn põd ne A rɩtgo, yɩlgem be ne Wẽnd, A naam leb n zẽke n yi bũmb ning b sẽn maan ne lagem-n-taarã.} [Azzʋmar: 67] Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: «Wẽnd põtame -A Naam yɩ wage n zẽke- saasã dũni Yikr raare, rẽ poorẽ t'A rɩk-ba ne A Rɩtg Nugã, rẽ poorẽ t'A yeele: "Maam la Naabã, pãng rãmbã bεε? Waoog-m-mens rãmbã bεε?" Rẽ poorẽ t'A pil tẽngã ne A Gabgã, n yeele;" Maam la Naabã, pãng rãmbã bεε? Waoog-m-mens rãmbã bεε?» A Mulim n reeg-a.
Rẽ poorẽ tɩ Wẽnd sagl malεkã, t'a lebg n fʋʋs noor a to, tɩ mik tɩ nebã yaa sẽn yik n getẽ, Wẽnd yeelame, A Naam zẽkyã: { rẽ poorẽ tɩ b le peeb peebg a to tɩ bãmb yaa sẽn yik n yas n getẽ } [Azzʋmar: 68] Rẽnd Wẽnd sã n yigs bõn-naandsã, A tigimd-b lame geelgã yĩnga, Wẽnd yeelame, A Naam zẽkyã: {raar ning Tẽngã sẽn pãrgd n basd-ba tɩ b yik n yãgdẽ, ɑd rẽ yaa Tiging sẽn yaa nana ne Tõndo.} [Ƙaaf: 44] Wẽnd le yeelame A Naam zẽkyã: { raar ning bãmb sẽn vẽnegdã, tɩ bũmb pa solgd Wẽnd ye, ãnd n so naamã rũnda? Yaa Wẽnd sẽn yaa a Yembrã n yaa Windã.} [Ġaafɩr: 16] Rẽnd ra-kãngã pʋgẽ -Wẽnd geenda nebã b fãa gilli, tɩ b sẽn wẽg a soab fãa maan n rol ned ningɑ sẽn wẽg-a wã, la A rol ninsaal fãa a sẽn tʋm bũmb ninga, Wẽnd yeelame, A Naam zẽkyã: { Rũndã b ronda yõor fãa a sẽn tʋme, wẽgd kɑe rũnda ye! Ad Wẽnd yaa Geel tʋʋlg Naaba.} [Ġaafɩr: 17] la Wẽnd yeelame A Naam zẽkyã: { Ad Wẽnd pɑ wẽgd bɑ sɑlensɑɑg bilgr ye, lɑ sã n yɑɑ neere A fãood-ɑ lɑme, lɑ A pɑɑs sẽn yi A nengẽ keoor sẽn yɑɑ zɩsgo} [Annisaa'ʋ: 40 ] Tɩ Wẽnd le yeele: {La ned ning sẽn wa n tʋma sẽn paood to-to fãa, tɩ yaa sõmɑ, a yãt-a lame (7) La ned ning sẽn wa n tʋma sẽn paood to-to fãa, tɩ yaa wẽnga, a yãt-a lame (8)} [ Azzalzala 7-8]. la Wẽnd yeelame A Naam zẽkyã: { La Tõnd na n rɩgla peesgã ne tẽeg-tɩrga, yikrɑ raarã, tɩ b pa na n wẽg yõor baa fʋɩ, baa tɩ sã n yaa bũmb bilf wala goandag biiga, D na n waa ne-a, la ad Tõnd geelgã sek yã} {Al-anbiyaa'ʋ 47 }
La Yikrã ne Geelgã loogr poorẽ, yaa rolbo, rẽnd sẽn tʋma sõma, yẽ soab tara neema sẽn duumdi sẽn ka gobgde, la sẽn tʋma wẽngɑ la kɩflem yẽ tara sɩbgre, Wẽnd yeelame A Naam zẽkyã: { ra-kãng raarã naamã yaa Wẽnd n so, A na n bʋʋ bãmb ne tab sʋka, neb nins sẽn kõ sɩdã la b maan tʋʋm sõmbsã bee neemã arzãn-dãmb pʋgẽ. (56)} La neb nins sẽn kɩflã la b yags Tõnd Aayae-rãmbã, nong faagdg be ne bãmba. (57)} [Al-haǧ : 56-67] La d bãngdame tɩ dũni vɩɩmã sã n da mikame tɩ yaa yẽnda la tεka,rẽnd vɩɩmã la belmã ra yaa reem, Wẽnd yeelame A Naam zẽkyã: { Rẽ yĩnga yãmb tẽedame tɩ Tõnd naana yãmb tɩ yɑɑ zaalem (wɩsg) bɑlɑ tɩ y ka na n lebg n wɑ Tõnd nengẽ?"} [Almuuminuun 115]
Yoob soaba: yaa kõ-sɩda ne Ƙaḍaa'ɩ (Bʋʋdã) la Ƙadar (Pʋlʋngã maa kordgã), yẽ me yaa f bãng tɩ yaa tɩlae tɩ f kõ sɩda tɩ Wẽnd bãnga sẽn yɩ wã fãa gilli, la sẽn na n yɩ dũni-kãngã pʋgẽ, la f leb n bãng tɩ Wẽnde A gʋlsa rẽ fãa gilli, taoor t'A na n ka naan saasã la tẽngã, Wẽnd yeelame A Naam zẽkyã: { La yel-soaandi kʋɩlem-biis bee A nengẽ, ned ka me-a tɩ sã n pa Yẽ ye, la A mi sẽn be wen-vɩʋʋsẽ la mogrẽ, la vãoog buud pa lɩʋte rẽndame t'A mi a tĩiri, pa bõn-bεεlle sẽn be tẽngã ligs pʋgẽ, pa bõn-maasre pa koεεnga, rẽndame t'a be gaf sẽn vẽnegd pʋgẽ} Al-An'ʿaam 59], la f leb n bãng tɩ Wẽnd gũbga bũmbɑ fãa ne bãngre, Wẽnd yeelame A Naam zẽkyã: { Wẽnd la Soab ning sẽn naan saas a yopoe,la Tẽngẽ wã me yaa bãmb bilgri, A yεla yaa sẽn sigd b sʋka bʋɩl yĩng tɩ y bãnge tɩ ad Wẽnd yaa tõogd ne bũmbã fãa gilli, la Wẽnd leb n gũbga bũmbã fãa ne bãngre} [Aṭṭalaaƙʋ: 12] La ad bũmb ka yɩte vɩɩm-kãngã pʋgẽ, sẽn yaa yel ningã fãa,rẽndame tɩ Wẽnd n rat-a, rẽndame tɩ Wẽnd n rabs-a la A tʋll-a la A naan-a , la A leb n yols a sabab-rãmbã, Wẽnd yeelame A Naam zẽkyã: { Naab ning sẽn so saasã la tẽngã nɑɑmã, lɑ A pa tar biiga, A pa tar lagem-n-taaga A naamẽ wã ye, A naana bũmbã fãa me n kɩt t'a zems zemsg tεkẽ} [Al-Fʋrƙaanu :2] La Wẽnd tara raab sẽn ta tεk yel-kãnsã pʋgẽ, nebã sẽn ka tõe n bãng rɑɑb ninga, Wẽnd yeelame A Naam zẽkyã: { Yɑɑ bãng nafa sẽn ta tεka, la bugsgã pa nafd-b ye} [Alƙamarʋ: 5] Wẽnd le yeelame A Naam zẽkyã: { Lɑ Yẽndɑ n sɩngd naanegã, n nɑ n le lebs-ɑ rẽ poorẽ, lɑ rẽ n yɩɩd nɑɑnɑ ne-A, lɑ bilgr sẽn yɩɩd zɩslem sɑɑsẽ lɑ tẽngẽ yɑɑ Yẽ soolem, lɑ Yẽ lɑ Windɑ n yaa Bʋʋd-mitɑ } [Arrʋʋm: 27] La Wẽnd sɩfa a meng ne Bãng bedre, la A leb n pʋd A Mengã tɩ bãng bedre Soaba, Wẽnd yeelame A Naam zẽkyã: { Wẽnd mɑɑnɑ kɑseto tɩ yel sẽn yɑlẽ soɑb sẽn tũudi n tɩlg kɑe rẽndɑ Yẽ, tɩ Mɑlεgsã lɑ bãngdbã mɑɑndɑ kɑset t'A yɑsɑ ne tẽeg-tɩrgɑ, Soɑb sẽn tũud n tɩlg kɑe sã n pɑ Yẽ sẽn yɑɑ ɑ wilb Nɑɑbã sẽn yɑɑ ɑ bʋʋd Mitã } [Aal-ɭmraan: 18.] Wẽnd leb n yeelame -A Naam zẽkyã- n kõt a ʿIisa kibare -tɩlgr be a yĩnga- tɩ ad a na n goma ne Wẽnd dũni Yikrã raare, n yeele: { Fo sã n nams-ba, b yaa Fo yembse, la F sã n yaaf-ba, ad Foo la ɑ Winda n yaa ɑ bʋʋd Mita".} [Al-Maa'ɩda 118]. La Wẽnd leb n yeelame -A Naam zẽkyã- a Muusa -tɩlgr be a yĩnga- A sẽn wa n bool-a Ṭʋʋr siniin tãngã kɩrengẽ wã: {" A Muusa, ad Maam la Wẽnde sẽn yaa ɑ wilb Naabã, n yaa ɑ Bʋʋd Mitã"} [Annamlʋ: 9]
La A sɩf Alkʋrãan zɩsgã ne bãng bedre, Wẽnd yeelame A Naam zẽkyã: {Alɩf, Laam, Ra. Yaa Gaf Aayae-rãmb maana sẽn manege la b wels-ɑ t'ɑ yi bʋʋd minim Soabã nengẽ.} [Huud: 1] Wẽnd le yeelame A Naam zẽkyã: { Rẽndɑ yaa fo Soɑbɑ sẽn tʋmes tɩ wɑ fo nengẽ wã sẽn yɑɑ bʋʋd-minim, lɑ ra tũ soab zẽng n naag ne Wẽnd tɩ b wa lobg-f Gεhannemã pʋgẽ tɩ f yaa b sẽn sãbs ɑ soɑbɑ n rig-ɑ n zãag ne yolsgo.} [Al-ɩsraa'ʋ: 39]
22-La nabiyaam-rãmbã, b gũ-b lame n yi tudgri, tɩlgr be b yĩnga, bũmb ning fãa b sẽn taasdã tɩ yi Wẽnd nengẽ wã, b leb n gũ-b lame n yi tudgri n yi bũmb fãa sẽn yõsg yam maa zʋg-sõngo, la nabiyaam-rãmbã, b rogl-b lame tɩ b taas Wẽnd saglsã A yembsẽ wã. La nabiyaam-rãmbã b ka tar baa fʋɩ sẽn yaa wala Rʋbʋʋbɩya ( Soolem) maa Ʋlʋʋhɩya (Sobendem). Ka woto ye, bãmb yaa yĩng rãmb bala, n wõnd nebã fãa gilli, tɩ Wẽnd tʋmsd A tẽn-tʋʋmdã tɩ kẽngd b nengẽ.
La nabiyaam-rãmbã, b gũ-b lame n yi tudgri, tɩlgr be b yĩnga, ne bũmb ning b sẽn taasdã tɩ yi Wẽnd nengẽ wã, bala Wẽnd tũusdame A bõn-naandsã pʋgẽ sẽn yɩɩd b sõmblem sẽn na yɩl tɩ b taas A tẽn-tʋmdã, Wẽnd yeelame A Naam zẽkyã: { Wẽnd tũusdɑ malεgsã wã Tẽn-tʋʋmba, la nebã wã me (Wẽnd tũusdɑ Tẽn-tʋʋmba) ad Wẽnd yaa Wʋmda n yaa Neta} [Al-haǧ : 75] A le yeelame A Naam zẽkyã: {ɑd Wẽnd tũusɑ ɑ Aɑdɑm lɑ ɑ Nuuh lɑ ɑ ɭbrɑɑhɩɩm zɑkɑ rãmbɑ lɑ ɑ ĩmrɑɑn zɑkɑ rãmbɑ bõd nãɑnsɑ zugu} [Aal-ɭmraan: 33.] A le yeelame A Naam zẽkyã: {T'A yeele: Muusɑɑ, ɑd Mɑm tũusɑ foom nebã zugu ne M tẽn-tʋmdã lɑ M goɑmɑ; bɩ f reeg Mɑm sẽn kõ fã, lɑ f yɩ bɑrk pʋʋsdɑ} [Al-aʿraafʋ: 144] La tẽn-tʋʋmbã, pʋʋsg la tɩlgr be b yĩnga, b miime tɩ bũmb ning sẽn sigd bãmb zugẽ wã, a yaa Wẽnd Wahɩ (tẽn-tʋmde) la b leb n yãt malεgsã tɩ b sigda ne Wahɩ wã, Wẽnd yeelame A Naam zẽkyã: { Yɑɑ sẽn solg Mita, A pa vẽnegd A yel-soondwã ne ned baa a yembr ye.(26) rẽnda ned ning A sẽn yar a soaba, sẽn yaa tẽn-tʋʋmbã, bãng tɩ Yẽnda A kẽesda yẽ soɑbã neng taoore la a poor wεεngẽ kordba (27) bʋɩl yĩnga t'a bãnge, tɩ b sɩd taasa b Soabã tẽn-tʋmdã, A leb n gũbga bũmb ninga sẽn be bãmb nengẽ wã, A leb n tigma bũmb ɑ fãa gill sõore. (28)} [Alginnu 26, 28] La Wẽnd sagl-b lame ne tẽn-tʋʋmdmã taasgo, Wẽnd yeelame, A Naam zẽkyã: {Tẽn-tʋʋma! Tɑɑs b sẽn sik fo nengẽ wã sẽn yi f Soɑbẽ wã, lɑ f sã n pɑ mɑɑne rẽnd f pɑ tɑɑs A Koεεgã ye. Lɑ Wẽnd n gũud foo n yi nebã. Ad Wẽnd pɑ kãndgd neb sẽn yɑɑ kɩfr-dãmb ye} [Al-Maa'ɩda 67]. A le yeelame A Naam zẽkyã: { yaa tẽn-tʋʋmb sẽn yaa sũ-noogdba la bugsdba, bʋɩl yĩng tɩ nebã ra tall padang Wẽnd zugu tẽn-tʋʋmbã poorẽ ye, la Wẽnd yɩɩme n yaa ɑ winda n yaa ɑ bʋʋd Mita.} [Annisaa'ʋ: 165 ]
La tẽnt-tʋʋmbã, pʋʋsg la tɩlgr be b yĩnga, b yεεsda Wẽnd yεεsg tεkẽ, la b leb n zoet-A, b ka paasd A tẽn-tʋʋmdã pʋgẽ b ka poogd-a, Wẽnd yeelame, A Naam zẽkyã: { la t'a sã n dag n pas n roglg Tõnd zugu goam sãnda.(44) D na yõk-a a poorẽ ne rɩtgo.(45) rẽ poorẽ, D na wãaga a sũurã gĩindi.(46) tɩ ned baa a yembr pa be yãmb pʋgẽ sẽn tõe n gɩdg-a ye. (47) [Alhaaƙa: 44-47] a ɭbn Katɩɩre -Wẽnd na yols-a- a yeelame: ( Wẽnd yetame, A Naam zẽkyã: {lak t'a sã n dag n pasg n roglg Tõnd zugu}, rat n na n yeele: A Mʋhammado, a sã n rag n yaa wala kɩfr-rãmbã sẽn yetã, n yaa pasd n rogend Tõnd zugu ne zĩri, n paasd a tẽn-tʋmdã pʋgẽ, maa a boogdẽ, maa a yeel bũmb sẽn yi yẽ meng nengẽ n yeel tɩ yaa Tõnd n yeele, tɩ yaool n ka woto, Tõnd rag n na yãge n nams-a. Rẽ n kɩt t'A yeele: {D na yõk-a a poogẽ ne rɩtgo.}, b yeelame: a võor rat n na n yeelame tɩ D na n sɩbg-a lame ne rɩtgo, bala yẽnda la pãng sẽn yɩɩd yõkr pʋgẽ. Tɩ koεεg a to yeele: D na n yõk-a lame ne a rɩtgã. A le yeelame A Naam Zẽkyã: {La tẽeg Wẽnd sẽn yeele: " ʿA ɭɩusa a Maryam biiga! fo n yeel nebã: " rɩk-y maam ne m ma wã tɩ yaa soab-rãmb a yiibu zẽng sẽn pa Wẽnde?". T'a yeele: " Fo Naam yɩlgame, pa sõmb ne maam tɩ m yeele m sẽn pa tar sor ne bũmb ning ye, mam sã n yeel-a lame, sɩda Fo miime, Fo mii sẽn be mam nengẽ, la m pa mi sẽn be Fo nengẽ ye, ad Foo la yel-soonde Mita, mam pa yeel-ba, rẽnda Fo sẽn sagl maam ne bũmb ningã: tɩ tũ-y Wẽnde sẽn yɑɑ maam ne yãmb Soabã, la mam ra yaa kaset maandɑ b zugu, m sẽn da be b pʋgẽ wã, la Fo sẽn wa n sɑɑs mɑm wɑkɑtã, Fo n yaa gũusdɑ b zugu, la Fo yaa sεεt ne bũmbã fãa} [Al-Maa'ɩda 116-117].
La Wẽnd yɩɩdlemã sẽn leb n be A nabiyaam-rãmbã la A tẽn-tʋʋmbã zugu -pʋʋsg la tɩlgr be b yĩnga- yaa tɩ Wẽnd tabend-b la A tẽn-tʋmdã taasgo, Wẽnd yeelame A Naam zẽkyã: "T'a yeele: " m maɑndɑ Wẽnd kaseto la maan-y kaset me –tɩ sɩd la hakɩɩka, mam pidga m meng n yi yãmb sẽn maan lagem-n-taarã ne bũmb ninsã.(54) zẽng sẽn pa Yẽ, bɩ y rab maam y fãa gilli, rẽ poorẽ ra koll-y maam ye.(55) Ad mam bobla m meng ne Wẽnde, sẽn yaa mam la yãmb Soabã. Bõn-vɩte ka be rẽndame t'A wõr-ɑ lame t'ɑ be A soolmẽ wã. Ad mam Soabã bee tẽeg-tɩrg zugu (56)} [Huud: 54-56] Wẽnd le yeelame A Naam zẽkyã: { La ad kella bilf tɩ b gũdg foom n yi Tõnd sẽn tʋms bũmb ning tɩ wa fo nengẽ wã n dɑt tɩ fo wãag zĩri sẽn pɑ yẽ n rogl Tõndo, wɑkɑt kãngɑ b rɑg n na rɩkẽ foom n mɑɑn b zoa. (73) La sã n pɑ Tõnd sẽn tabend foomã, fo rɑg n nɑ n kɩllɑ bilf n tʋg b nengẽ. (74) Lɑ f sã n mɑɑnẽ rẽ, rẽnd Tõnd rag n na leemsẽ foom sɩbg sɑbdgɑ vɩɩmã pʋgẽ, la sɩbg sɑbdgɑ kũumã poorẽ, rẽ poorẽ tɩ f pɑ paam fãɑgd n nɑ n sõng-fo n yi Tõnd ye. (75)} [Al-ɩsraa'ʋ: 73-75] La Aayae-kãensã la sẽn reng-b taoorã, b wilgdame, n leb n yaa tagmase tɩ Alkʋrãanã yaa sẽn siki n yi bõn-naands Naabã nengẽ, bala a sã n rag n yii Tẽn-tʋʋmã a Mʋhammad nengẽ -Wẽnd pʋʋsg la A tɩlgr be a yĩnga- a kõn n lagem gomd-kãensã sẽn togend-a wã ye.
La Wẽnd -A Naam yɩlgame n zẽke- A gũuda A Tẽn-tʋʋmbã n yi nebã wẽngã, Wẽnd yeelame A Naam zẽkyã:: { Tẽn-tʋʋma! Tɑɑs b sẽn sik fo nengẽ wã sẽn yi f Soɑbẽ wã, lɑ f sã n pɑ mɑɑne rẽnd f pɑ tɑɑs A Koεεgã ye. Lɑ Wẽnd n gũud foo n yi nebã. Ad Wẽnd pɑ kãndɑgd neb sẽn yɑɑ kɩfr-dãmb ye} [Al-Maa'ɩda 67]. Wẽnd le yeelame A Naam zẽkyã: { Lɑ karem n togs-ba a Nuuh kibarã a sẽn wa n yeel a zãmã wã: " yãmb ɑ mam zãmã, sã n mikame tɩ mam zĩndgã (yãmb sʋkã) la mam sẽn tẽegd Wẽnd tagmasã namsda yãmba, bɩ y bãng tɩ yaa Wẽnd la mam bobl ne m menga. Bɩ y tigim y yellã yãmb la y lagem-n-taasã, rẽ poorẽ tɩ y maan y sẽn rat mam zugu la y ra gũ maam ye } [Yuunus: 71] la Wẽnd yeelame A Naam zẽkyã, n togsd a Muusa koεεga, tɩlgr be a yĩnga: { B yiibɑ yeelɑme tõnd Soɑbɑ ɑd tõnd yɑeesdɑme t'ɑ Fɩrɑon rɑ wɑ mɑɑn tɩ loog tõnd zugu wɑll ɑ kedge ye, t'A yeele:" ra yaees-y ye, Mam bee ne yãmbã, M wʋmdame la M neẽ} [Ṭaha :45-46] Tɩ Wẽnd vẽneg n wiligi, tɩ ad A gũusda A tẽn-tʋʋmbã, tɩlgr be b yĩnga, n yi b bεεbã, tɩ b ka tõe n ta-b ne wẽng ye, la Wẽnd leb n kõo kibare, t'A gũuda A tẽn-tʋmdã, tɩ paasg ka tõe n kẽ a pʋgẽ, a leb n ka tõe n booge, Wẽnd yeelame A Naam zẽkyã: {Ad yaa Tõnd n sik Alkʋrãanã, la ad yaa Tõnd n na n gũ-a.} {Al-higir 9}
La nabiyaam-rãmbã, tɩlgr be b yĩnga, b gũ-b lame n yi bũmb sẽn yõsgd yam la zʋgdo, Wẽnd yeelame A Naam zẽkyã, t'A yɑɑ sẽn yɩlgd A Nabiyaamã a Mʋhammad: {Ad fo bee zʋg-wagall zugu} [Alƙalam: 4] A leb n gomɑ a yell yεsa n yeele: {La yãmb nedã pa gãeeng ye.} [Attɑkwɩɩr: 22] La rẽnda yaa sẽn na yɩl tɩ b paam n yik n yals ne tẽn-tʋmdã kɩsgo yɑlsg sẽn yɑɑ sõma n yɩɩdɑ, la Nabiyaam-rãmbã, bãmb me lɑ b sẽn rogle tɩ b taas Wẽnd saglsã A yembsẽ wã, b ka tar bũmb sẽn yaa Wẽndlem, maa sobendum tõog baa a yembr ye, b pʋs n yaa yĩng rãmba, wala yĩng rãmbã fãa gilli, tɩ Wẽnd tʋmd A Tẽn-tʋmã tɩ kẽngd b nengẽ, Wẽnd yeelame A Naam zẽkyã: {Tɩ b tẽn-tʋʋmbã yeele:" yaa sɩd tɩ tõnd yaa neb wala yãmbɑ, la ad Wẽnd kõta yɩɩdlem A yembsã pʋgẽ ned ning A sẽn tʋlle, lɑ tõnd pɑ tõe n wa ne tɑgmes yãmb nengẽ rẽndɑ ne Wẽnd tõogo, lɑ ad yaa Wẽnd la sɩd-kõtbã bobend b mense ne-A} [ɭbraahɩɩm: 11] Wẽnd le yeelame, A nɑɑm zẽkyã, n sɑgend A Tẽn-tʋʋmã ɑ Mʋhɑmmɑd -Wẽnd pʋʋsg lɑ A tɩlgr be ɑ yĩngɑ- t'ɑ yeel ɑ nebã: {Yeele:" ad mam yaa ned wa yãmb bilgri, tɩ b tʋm wahɩ tɩ wat mam nengẽ, tɩ yãmb Soabã yaa Wẽnd a yembre, lɑ ned ning sẽn tẽed a na ki n tɩ seg a Soabã, bɩ a tʋm tʋʋm sõma la a ra maan lagem-n-taar ne a Soabã baa fʋɩ ye".} [Al-kɑhf:110].
23- La lɩslaoongã boondame n togd Wẽnd tũubu A Yembre, ne tũudmã yẽg nins sẽn yaa b bεd n tɩ yɩɩdã, bãmb me la: Pʋʋsgã: sẽn yaa yasgo, la sulgri (Rukʋ), la suguudu la Wẽnd Yʋʋr tẽegre, la A pẽgbo, la kosgo. Ninsaal pʋʋsd-b la raar fãa noor a nu, lɑ yɩɩd-taabã fãa sɑtɑ a pʋgẽ, rẽnd rakãagre la talga la naaba la sẽn ka naaba, fãa bee rulg a yembr zugu pʋʋsgã pʋgẽ. La Zakã: Yẽ me yaa sõor sẽn yaa bilfu sẽn yi arzεkẽ wã, n zems ne sart-rãmba, la sõor ningã Wẽnd sẽn yãke, tɩ yaa tɩlae n be rakãagbã arzεgsẽ, tɩ b yiisd n kõt talse la zẽng sẽn ka bãmbɑ. Yaa vugr tãa yʋʋm pʋgẽ. La no-loeerã: Yẽ me la yõk-m-menga n yi bõn-kaoodɩ Ramadaanã kiuugɑ wĩntoogã pʋgẽ, ɑ yaa bũmb sẽn wubd yõorã ne raabo la sugri. La hagiimdã: Yẽ me la Wẽnd Roogã toglgo sẽn be Mak sẽn yaa tẽn-wagellã, noor vugri yõorã woglem pʋgẽ, tɩ zɑo sẽn yaa tõog soɑbɑ n tõe n kẽnge, la hagiimdã pʋgẽ, nebã fãa zemsa taaba tɩ b yaa sẽn togl Naandã -A Naam yɩlgyã- tɩ yɩɩd-tɑɑbã la zugundã yεlã fãa menemda beenẽ tɩ b lebg bũmb a yembre.
La lɩslaoongã boondame n tʋgd Wẽnd tũudum, ne tũud bεd nins sẽn tʋg n yɩɩdã, la zẽng sẽn ka bãmba sẽn yaa tũudum-rãmba, la tũud-kãensã sẽn yaa bεdã Wẽnd maan-b lame tɩ b yaa tɩlae n rogl Nabiyaam-rãmbã fãa la tẽn-tʋʋmbã -pʋʋsg la tɩlgr be b yĩnga- la tũudum-rãmbã sẽn tʋg n yɩɩd zɩslemã yɑɑ:
Rãeenem: yaa Pʋʋsgã, Wẽnd maan-a lame t'a yaa farila n yɑɑ tɩlɑe n rog lɩslaambã, wala A sẽn maan-a n rogl nabiyaam-rãmbã la tẽn-tʋʋmbã fãa -pʋʋsg la tɩlgr be b yĩnga- la Wẽnd sagla A nabiyaamã sẽn yɑɑ A noangã a ɭbraahɩɩm -tɩlgr be a yĩnga- t'a yɩlg A Roogã, gilgdbã yĩngɑ la pʋʋsdbã sẽn yaa zõondbã n yaa sugiuud maandebã, Wẽnd yeelame, A Naam zẽkyã: { Lɑ tẽeg Tõnd sẽn mɑɑn Roogã tɩ yɑɑ Lεbεng zĩigɑ ne nebã lɑ Bɑs-m-yɑm: " lɑ y rɩk-y ɑ ɭbrɑɑhɩɩm nɑ-tɑgdrẽ wã tɩ yɩ Pʋʋsʋg zĩigɑ". Lɑ Tõnd sɑglɑ ɑ ɭbrɑɑhɩɩm ne ɑ ɭssmɑɑɩɩlɑ: Tɩ yɩlg-y M Roogã gilgdbã lɑ wũgdbã lɑ pʋʋsdbã yingɑ".} [Albaƙara: 125]. La Wẽnd maan-a lame t'a yaa tɩlae, a Muusa zugu, rãeenem boolgẽ sẽn na n bool a Muusa tɩlgr be a yĩnga, Wẽnd yeelame A Naam zẽkyã: { Ad yaa Maam la fo Soabã, bi f pidg f neood a yiibã, bala fo bee Tuuwaa ko-so-yɩlengẽ wã. (12) { Lɑ Mɑm tũusa foom, bɩ f kelg wahɩ M sẽn na n tʋms tɩ wa fo nengẽ wã.} (13) { Ad yaa Maam la Wẽnde, Soab ka be, rẽnda Maam, bɩ f tũ Maam la f yãnas Pʋʋsgã n tẽeg Mɑm yʋʋrã.} (14) [Ṭaha 12-14] La a Sɩɩs-tɩ-maage a Iisa -tɩlgr be a yĩnga- a kõo kibare, tɩ Wẽnd sagla yẽnda ne Pʋʋsg la Zak yãkre, t'a yeel wala Wẽnd sẽn kõ kibare, A Naam zẽkyã: {La A maan maam tɩ mam tar barka mam sẽn be zĩig ning fãa, la A sagl maam ne pʋʋsg la zak tɩ mam sã n ket n be vɩɩm pʋgẽ } [Maryam: 31] La Pʋʋsgã lɩslaoongã pʋgẽ, yaa yalsgo, la zõondgo, la suguudu, la Wẽnd Yʋʋrã tẽegre la A pẽgbo, la doos kosgo, ninsaal pʋʋsd-a la raar fãa noor a nu, Wẽnd yeelame A Naam zẽkyã: {Gũus-y Pʋʋs-rãmbã lɑ Tẽn-n-sʋgr (Lɑɑsɑrã) Pʋʋsgã lɑ y yãnes ne Puʋsgã Wẽnd A Ye yĩngɑ tɩ y yɑɑ gãneg-m-mens rãmbɑ} [Albakara: 238] Wẽnd le yeelame A Naam zẽkyã: { Yãnas pʋʋsgã sẽn sɩng wĩntoogã kɩllg wakato n tɩ tãag zĩ-sobdo la Fɑgir kɑrm-n-wogle, ad Fɑgir pʋʋsgã Mɑlεgsã yɩɩme n zĩndid beenẽ n seet-ɑ} [Al-ɩsraa'ʋ: 78] tɩ pʋʋsg la tɩlgr be a yĩnga yeele: ( La sã n yaa rukuu wã (zõondgã), bɩ y zɩsg Soabã beenẽ -A Naam yɩ wagell n zẽke- la sã n yaa suguudẽ wã, bɩ y nigd pãnga ne kosgã, tɩ ad beenẽ n pẽ ne b na reeg y yĩnga) Ṣahɩɩh Muslim
Yiib soaba: yaa Zaka, Wẽnd maan-a lame t'a yaa tɩlae n rog lɩslaambã, wala A sẽn maan-a n rogl nabiyaam-rãmb la tẽn-tʋʋmb sẽn reng taoorã -pʋʋsg la tɩlgr be b yĩnga- yẽ me yaa bũmb sẽn yaa bilfu arzεkã pʋga, n zems ne sart-rãmba la toaag ning Wẽnd sẽn yãke, yaa tɩlae n be rakãagbã arzεgs pʋga, tɩ b kõt-a talsã, la zẽng sẽn ka bãmba, yaa vugr tãa yʋʋm pʋgẽ, Wẽnd yeelame, A Naam zẽkyã: {Reeg sãrã b ɑrzεgsẽ wã n yɩlgd-ba la f kos b yĩnga, tɩ ad fo kosgã yaa yĩn-yõgnego ne-ba, la Wẽnd yaa Wʋmda n yaa Mita } [Attaoba: 103] La wakat ning Nabiyaamã, -Wẽnd pʋʋsg la A tɩlgr be a yĩnga- sẽn wa n tʋms a Mʋ'ʿaaze -Wẽnd yard be a yĩnga- t'a kẽng Yamanã a yeel-a lame: « Ad fo na n kẽnga neb sẽn yaa Gaf a taabã rãmb nengẽ, bɩ f bool-b n tʋg tɩ b maan kaset tɩ soab sẽn na n tũ n tɩlg ka be rẽnda Wẽnde, la mam yaa Wẽnd Tẽn-tʋʋma, b sã n tũ foom rẽn pʋgẽ, bɩ f wilg-ba tɩ Wẽnde -A Naam zɩsgame n yaa wagelle- A maaname n rogl bãmba wakat a nu raar fãa la yʋng pʋgẽ. B sã n tũ rẽnda, bɩ f wilg-ba, tɩ ad Wẽnde -A Naam zɩsgame n yaa wagelle- A maaname n rogl bãmba zɑkɑ b arzεgsã pʋgẽ, tɩ b reeg b rakãpẽ wã n lebs b talsẽ wã. B sã n sak n tũ rẽnda, bɩ f gũus b arzεg waglã, la f zoe b sẽn wẽg a soab kãabgo, tɩ ad gɩdgr ka be a kãabgã ne Wẽnd sʋk ye» A Attirmiizi n togs-a, (625)
Tãab soaba: yaa No-loeerã, Wẽnd maan-a lame t'a yaa tɩlae n rogl lɩslaambã, wala A sẽn maan-a n rogl nabiyaam-rãmbã la tẽn-tʋʋmbã sẽn reng taoorã -pʋʋsg la tɩlgr be b yĩnga- Wẽnd yeelame A Naam zẽkyã: { Yãmb ɑ neb nins sẽn kõ sɩd ne Wẽnde b roglɑ yãmb no-loeerã wɑlɑ b sẽn dogl sẽn deng-b yãmb tɑoorã sãnd-sãnde y nɑ zoe Wẽnde} [Al-baƙara: 183 ] Yẽ me yaa: yõk-m-meng n yi bõn-kaoodɩ Ramadaanã kiuugã wĩntoodã pʋsẽ, la no-loeerã a wubda Adam biig yõorẽ wã raabo la sugri Wẽnd pʋʋsg la A tɩlgr be a yĩnga- yeelame: «Wẽnd yetɑme -A Naam yɩ wagell n zẽke- no-loeerã yaa Maam n so, la yaa Maam n rond-a, yẽndɑ basda a yamleoogã la a rɩɩbã la a yũubã Mam yĩnga, la no-loeere a yaa gãnga, la no-loεt tara kɩdeng a yiibu: kɩdenga a sẽn wat n kao noorã, la kɩdenga a sẽn wat n na n seg a Soabã» Ṣahɩɩh Albʋẖaarɩ (7492).
Naas soaba: yaa hagiimdã, Wẽnd maan-a lame n rogl lɩslaambã, wala Wẽnd sẽn maan-a t'a yaa tɩlae n rogl nabiyaam-rãmba la tẽn-tʋʋmbã sẽn reng taoorã -pʋʋsg la tɩlgr be b yĩnga- la A sagl A nabiyaam a ɭbraahɩɩm sẽn yaa Noangã -tɩlgr be a yĩnga- t'a bool n tʋg hagiimdã, Wẽnd yeelame A Naam zẽkyã: { Lɑ mõon n bool nebã tɩ b wa maan hagiimdã. B na n waa fo nengẽ tɩ b yɑɑ sẽn kẽnd ne nao la rũm-zoamdg buud toor-toore, n yit zĩis sẽn zãr fãɑ} [Al-haǧ 27] Lɑ Wẽnd sagl-a lame t'a yɩlg Ro-kʋd kãsengã hagiimbã yĩngã, tɩ Wẽnd yeele A Naam zẽkyã: { Lɑ tẽeg wakat ningɑ Tõnd sẽn wa n tees Roogã [Alkaabã] zĩig n wĩnig a ɭbraahɩɩm [n yeel-a]: " ra maan lagem-n-taar ne Maam baa fʋɩ, la yɩlg Mam Roogã neb nins sẽn maand Tawaafã la yãsdbã la suguud maandbã yĩnga} [Al-haǧ : 26]
La hahiimdã: yaa Wẽnd Roogã toglgo, sẽn be Mak tẽng wagellã pʋgẽ, n tʋg n tʋm tʋʋmã b sẽn mi, yaa vugri vɩɩmã pʋgẽ, n rog tõoda, Wẽnd yeelame A Naam zẽkyã: { la roga nebã tɩ b kaag Roogã Wẽnd yĩnga, sẽn paam a sor n na tʋg be, la sẽn maan ɑ sõmb-zɩɩlem, rẽnd Wẽnd yaa sek-m-meng Soaba n yi bõn-naandsã.} {Aal-ɭmraan: 97}. La hagiimdẽ wã, lɩslaambã sẽn yaa hagiim maandebã tigimda taab zĩig a yembre, tɩ b yaa sẽn yɩlg tũudmã ne Naandã A Naam yɩlgyã, lɑ hagiimbã fãa gilli, b maanda hagiimdã tʋʋma na-kẽndr ɑ yembre, rẽnd zĩisɑ yõs taabã la nebã yalẽ wã la b vɩɩma yõs taabã, rẽ fãa menemda zĩ-kãngã.
24- La sẽn welgd tũud-rãmbã lɩslɑɑngɑ pʋgɑ n tʋg n yɩɩd, yaa t'a yalẽ-rãmbã la a wakat-rãmbã la sart-rãmbã, yɑɑ Wẽnd n tuk-b -A Naam yɩlgame n zẽke- la A sẽn taas A Tẽn-tʋʋmã, Wẽnd pʋʋsg la A tɩlgr be a yĩnga, tɩ ninsaalbã ka kẽes b toaag a pʋgẽ ye, zem tɩ yaa paasgo maa boogre, n wa tãag rũnda, rẽnd tũud-kãensã fãa gill sẽn yaa bεd-bεdã, tẽn-tʋʋmbã fãa boolame n tʋg-a, tɩlgr be b yĩnga.
La sẽn welgd tũud-rãmbã lɩslɑɑngɑ pʋgɑ n tʋg n yɩɩdɑ, yaa t'a yalẽ-rãmbã la a wakat-rãmbã la sart-rãmbã, yɑɑ Wẽnd n tuk-b -A Naam yɩlgame n zẽke- la A sẽn taas A Tẽn-tʋʋmã -Wẽnd pʋʋsg la A tɩlgr be a yĩnga- tɩ ninsaalbã ka kẽes b toaag a pʋgẽ ye zem tɩ yaa paasgo maa boogre n wa tãag rũnda, A yeelɑme A Nɑɑm zẽkyã { rũnda M pidsa y dĩinã n kõ-yã, la M pids y zugu M neemã wã la M yar Lɩslaoongã ne-yã tɩ yaa dĩini} [Al-Maa'ɩda 3]. Wẽnd le yeelame A Naam zẽkyã: { bɩ f gãd bũmb ninga b sẽn tʋms fo nengẽ wã, ad fo bee sor-tɩrg zugu} [Azzʋẖrʋf: 43] Wẽnd yeelame -A Naam zẽkyã- sẽn kẽed Pʋʋsgã wεεngẽ: { Lɑ yãmb sã n sε Pʋʋsgã bɩ y tẽeg Wẽnd yʋʋrã tɩ y yɑɑ sẽn yãse lɑ zĩidbɑ lɑ y kɩllgẽ, lɑ y sã n wɑ yõgne bɩ y yãnes tɩrg ne Pʋʋsgã, ɑd Pʋʋsgã yɩɩme n yɑɑ tɩlɑe n yãk wɑkɑ tɩ rog sɩd-kõtbɑ zugu} [Annisaa'ʋ: 103], Wẽnd le yeelame -A Naam zẽkyã- sẽn kẽed ne Zakã kẽesg zĩigã: Ad zɑkã kõtɑ tɑllsã, lɑ nin-bãɑn-nebã, lɑ sẽn tʋmdub zɑkɑ pʋgẽ wã, lɑ sẽn nɑ belm b rãmb sũyã ne lɩslɑɑngã, lɑ kẽes yembdã pʋgẽ tɩ b bɑss-b burkĩndi, lɑ sɑm-dɑmbã, lɑ Wẽnd-sorã-sõgndbã, lɑ kẽn-kẽndbɑ, yɑɑ tɩlɑy n yɑɑ Wẽnd sɑglle, lɑ Wẽnd yɑɑ bãngdɑ n yɑɑ yell-gãngr-mitɑ. Attaooba: 60 Wẽnd le yeelame -A Naam zẽkyã- No-loeerẽ wεεgẽ: {Rɑmɑdɑɑn kiuugã b sẽn sik Alkʋrɑɑnã ɑ pʋgẽ wã tɩ yɑɑ kãndagr ne nebã lɑ vẽenese sẽn yɑɑ kãndagre lɑ welgre sɩd ne zĩri sʋkɑ, lɑ sẽn sεεdɑ kiuugã yãmb pʋgẽ bɩ ɑ loe-ɑ, lɑ sẽn yɑɑ bãɑdɑ mɑɑ ɑ be sor zug bɩ ɑ geel rɑsm zẽmse n wɑ loe n role, ɑd Wẽnd rɑtɑ yãmb ne yol-yole lɑ A pɑ rɑt yãmb ne keelem ye, lɑ sẽn nɑ yɩl lɑ y pids sõorã lɑ y mɑɑn Tɑkbɩɩr (zɩsg Wẽnd) ne A sẽn kãndag-yã, la sãnd-sãnde y nɑ pʋʋs bɑrkɑ} [Albakara:185.] Wẽnd le yeelame -A Naam zẽkyã- sẽn kẽed ne hadiimdã: {Hɑgiimdã yɑɑ kiis sẽn yãnk toaagɑ, lɑ neb nins sẽn dogl-b mens ne Hɑgiimdã b pʋgẽ bɩ b bãng tɩ Wʋms-noog ne pɑgbɑ lɑ Wẽn-kɩɩsgo lɑ no-koεεmɑ kɑ be Hagiimdẽ wã ye, lɑ yãmb sẽn mɑɑn tɩ yɑɑ sõmã fãɑ Wẽnd mi-ɑ lɑm, lɑ y bɑo sɩlfãntɑ tɩ ɑd sɩlfãntɑ sẽn yɩɩd sõmblem yɑɑ Wẽn-zoεεgɑ, lɑ y zoe Mɑɑm yãmb ɑ yɑm-bεεl rãmbɑ} [Albakara:197.] La tũud-kãensã fãa sẽn yaa bεdã, nabiyaam-rãmbã fãa -pʋʋsg la tɩlgr be b yĩnga- b boolame n tʋg-ba
25- Lɩslaoongã Tẽn-tʋʋmã, yẽ la a Mʋhammad n yaa a Abdʋllaah biiga, n yi a ɭsmaa'ʿɩɩl sẽn yaa a ɭbraahɩɩm biigã pendẽ -pʋʋsg la tɩlgr be b yĩnga- a roga Maka, yʋʋm 571 nabi Iisa rogmã poorẽ, b tʋms-a lame t'a be Maka, t'a yik rẽ poorẽ n kẽng Madiina, la a ka lagem a nebã rʋbsã tũub yεlẽ ye, la a rag n yɩɩme n lagemd-ba tʋʋm sõmbs a taaba sẽn yaa waglã pʋgẽ, a rag n yɩɩme n be zʋgd sẽn yaa zɩsd pʋgẽ, taoor tɩ b na n ka tʋms-a ye. La a nebã rag n yɩɩme n da boond-a t'a Lɑmin (bas-m-yam soaba). Wẽnd tʋms-a lame a sẽn wa n ta yʋʋm pis naase (40). La Wẽnd keng a boollã ne tagmas-rãmba (yεl soalem-rãmba) sẽn yaa zɩsdo, la sẽn tʋg n yɩɩda yaa Alkʋrãan wagellã, yẽ me lɑ nabiyaam-rãmba tagmas-rãmb zɩslem sẽn tʋg n yɩɩda, yẽ me la tagmas ning sẽn pa n ketẽ sẽn yi nabiyaam-rãmbã tagmas-rãmbẽ wã n na n tʋg n tãag rũnda. La Wẽnd sẽn wa n tʋg n pids dĩinã n kõ-a wã, Tẽn-tʋʋma -Wẽnd pʋʋsg la A tɩlgr be a yĩnga- a taas-a la taasg tεkẽ. A maana kaalem t'a yʋʋmã yaa pis yoobe la a tãabo (63) tɩ b mum-a Madiin sẽn yaa Nabiyaamã tẽngẽ wã Wẽnd pʋʋsg la A tɩlgr be a yĩnga .La Tẽn-tʋʋm a Mʋhammade -Wẽnd pʋʋsg la A tɩlgr be a yĩnga- yẽnda la nabiyaam-rãmbã la tẽn-tʋʋmbã Pidsda, Wẽnd tʋms-a lame ne kãndagre la sɩd dĩin sẽn na yɩl t'a yiis nebã rʋbsã tũudum likẽ la kɩfẽndã la zɩɩlmã n tʋg Wẽnd yembgã vẽenemẽ la sɩd-kũuni. La Wẽnd maana kaset a yĩnga t'A tʋms-a lame t'a yaa boaanda n tʋg Wẽnde ne Wẽnd tõogo.
Lɩslaoongã Tẽn-tʋʋmã, yẽ la a Mʋhammad, n yaa a Abdʋllaah biiga, n yi a ɭsmaa'ʿɩɩl sẽn yaa a ɭbraahɩɩm biigã pendẽ, pʋʋsg la tɩlgr be b yĩnga, a roga Maka, yʋʋm 571 nabi Iisa rogmã poorẽ, b tʋms-a lame t'a be Maka, t'a yik rẽ poorẽ n kẽng Madiina. La a nebã rag n yɩɩme n da boond-a t'a Lamin ( ɑ bas-m-yam soaba). La a ka lagem a nebã rʋbsã tũub yεlẽ ye, la a rag n yɩɩme n lagemd-ba tʋʋm sõmbs a taaba sẽn yaa waglã pʋgẽ, a rag n yɩɩme n be zʋgd sẽn yaa zɩsd pʋgẽ, taoor tɩ b na n ka tʋms-a ye. A Soabã sɩf-a lame ne zʋgd sẽn zɩse, Wẽnd yeela ɑ zugu A Naam zẽkyã: {Ad fo bee zʋg-wagall zugu} [Alƙalam: 4] La Wẽnd tʋmss-a lame a sẽn wa n ta yʋʋm pis-naase, la Wẽnd kεng-a ne tagmas-rãmba (yεl-soalemã) sẽn yaa bεda, la sẽn tʋg n yaa bedr n yɩɩda yaa Alkʋrãan wagellã. A Tẽn-tʋʋmã yeelɑme Wẽnd pʋʋsg la A tɩlgr be a yĩnga: «Nabiyaam ka zĩnd nabiyaam-rãmbã pʋgẽ, rẽndame tɩ b kõ-a bũmb ning sẽn wĩngd ɑ nɑbiyɑɑmdmã tɩ nebã pɑɑm n kõ sɩd ne-ɑ, la ad b sẽn kõ maam bũmb ningã yɩɩ Wahɩ( Alkʋrãɑnã) tɩ Wẽnd tʋm-a mam nengẽ, la m tẽedame tɩ mam pʋgdbã n na n yɩɩge dũni wã yikr raare» Ṣahɩɩhʋ Albʋẖaarɩɩ La Alkʋrãan wagellã yaa Wẽnd Wahɩ t'a tʋm a Tẽn-tʋʋmã nengẽ, Wẽnd pʋʋsg la A tɩlgr be a yĩnga, Wẽnd yeelame sẽn kẽed ne Kʋrãɑnɑ. {Ad Gaf-kãngã sik kɑ ɑ pʋgẽ ye, ɑ yɑɑ kãndgre ne Wẽnd-zoetbã} [Albɑƙɑrɑ 2] Wẽnd leb n yeela Alkʋrãɑnɑ yelle A Naam zẽkyã: {Rẽ yĩngɑ b pɑ tɑgsd Alkʋrãɑnɑ n getẽ lɑa? Lɑ ɑ sã n dɑg n pɑ sẽn yi Wẽnd nengẽ, b nɑ mikẽ ɑ pʋgẽ yõs-tɑɑb wʋsgo} [Annisaa'ʋ: 82 ] La Wẽnd geesa zĩn-dãmb la ninsaalba, tɩ b wa ne Alkʋrãanã buudu, Wẽnd yeelame, A Naam zẽkyã: {Yeele:" la tɩ ninsaalb la zĩn-dãmb sã n lagem taaba n na n wa ne sẽn wõnd Alkʋrãan-kãngã, b kõn n tõog n wa ne a bilgri, baa tɩ b sã n mɑɑn sõng sõng taaba.} [Al-ɩsraa'ʋ:88]. La Wẽnd leb n gees-b lame tɩ b wa ne Sʋʋr-rãmb piig sẽn wõnd wala Alkʋrãanã Sʋʋr-rãmba, Wẽnd yeelame, A Naam zẽkyã: {Bɩ b yetame: "t'a (Mohammad ) n wãag-a n rogle?" Yeele: "bɩ y wa ne Sʋʋra sẽn wõnd wãnde la y bool yãmb sẽn rat ned ning fãa t'a sõng-yã Wẽnd sẽn yãk A toɑgɑ tɩ y sã n yɑɑ sɩd-rãmba} [Huud: 13] pʋs n ka woto ye, Wẽnd gees-b lame tɩ b wa ne Sʋʋr a yembr tãa sẽn wõnd wala Alkʋrãanã, Wẽnd yeelame A Naam zẽkyã: {Lɑ yãmb sã n be sik pʋgẽ ne bũmb ning Tõnd sẽn sik D Yambã zugã, bɩ y wɑ ne Sʋʋrɑ wɑlɑ ɑ buudu lɑ y bool y sõngdbã zẽng sẽn pɑ Wẽnde tɩ sã n mik tɩ yãmb yɑɑ sɩd rãmbɑ} [Albɑƙɑrɑ 23]
Lɑ Alkʋrãan wagellã, yẽnda la yel-soalemã a yembr tãa sẽn yaa nabiyaam-rãmbã yel-soalem-rãmbã sẽn kelle n tɩ tãag rũnda. La wẽnd sẽn wa n pids dĩinã n kõ Tẽn-tʋʋmã -Wẽnd pʋʋsg la A tɩlgr be a yĩnga- t'a taas-a taasg tεkẽ wã Tẽn-tʋʋmã maana kaalem -Wẽnd pʋʋsg la A tɩlgr be a yĩnga- t'a yʋʋmã yɑɑ pis-yoob la a tãabo, la b mum-a la Madiina, Wẽnd pʋʋsg la A tɩlgr be a yĩnga.
La Tẽn-tʋʋm a Mʋhammade, yẽnda la nabiyaam-rãmbã la tẽn-tʋʋmbã Pidsda, Wẽnd yeelame A Naam zẽkyã: { A-Mʋhɑmmɑd kɑ yɩ n yɑɑ yãmb roɑpã bɑɑ ɑ yebr sɑɑmb ye, lɑ sẽn n be bɑlɑ yɑɑ t'ɑ yɑɑ Wẽnd tẽn-tʋʋmã n yɑɑ Nɑbiyɑɑm-rãmbã pɩdsdɑ, lɑ Wẽnd yɩɩme n yɑɑ mit ne bũmb fãɑ.} [Al-ahzaab 40], Yii a Abɩɩ Hʋrayrat nengẽ -Wẽnd yard be a yĩnga- tɩ Wẽnd Tẽn-tʋʋma -Wẽnd pʋʋsg la A tɩlgr be a yĩng- yeelame: «Ad maam biligri la nabiyaam-rãmbã sẽn reng taoorã bilgri, yaa wala ned sẽn na n me roogo n maneg-a t'a be neere, n nags-a, sã n pɑ tãng-koeemd ɑ yembr zĩig bala sẽn be pẽkẽ la a bas yã. Tɩ nebã gilgd roogã tɩ maand-b yel-solemde, la b yetẽ: " b ka na n rogl tãng-koeem-kãngã? Nabiyaamã yeelɑme: rẽnd yaa maam la tãnd-koeem-kãngã, maamme la nabiyaam-rãmbã Pidsda» Ṣahɩɩhʋ Albʋẖaarɩɩ, La Lingiilã pʋgẽ Sɩɩs-tɩ-maagã -tɩlgr be a yĩnga- a yeelame t'a yaa sẽn kõt nebã kiba-noogo ne Tẽn-tʋʋm a Mʋhammad wɑɑngã, Wẽnd pʋʋsg la A tɩlgr be a yĩnga: ( Kugr ning metbã sẽrn tõdg-a wã, ad yẽnda lebga roogã zu-raoogo, rẽ yĩnga yãmb ka tol n karem gaf-rãmbã pʋgẽ? A Yasʋʋ'ʋ yeel-b lame gomd sẽn yi Soaala nengẽ, tɩ ɑd yɩɩ yã wã, la ad a yaa yel-solemde tõnd gesg pʋgẽ). La Taooraatã gafã sẽn be ɑ rũndã wã waa a pʋgẽ Wẽnd koεεga sẽn yeel a Muusa, tɩlgr be a yĩnga: ( M na n maanɑ Nabiyaama n kõ-ba, sẽn yi b ma-biisã sʋka, sẽn wõnd foom la M ning M Goamã a noorẽ wã, t'a gomd ne ne-bã Mam sẽn sagend-a ne bũmb ningã fãa)
La Tẽn-tʋʋm a Mʋhammade, Wẽnd pʋʋsg la A tɩlgr be a yĩnga, Wẽnd tʋms-a lame ne kãndagre la dĩin sẽn yaa sɩda, la Wẽnd maana kaseto t'a bee sɩd zugu, la ad A tʋms-a lame t'a yaa boaanda n tʋg A nengẽ, ne A raabo, Wẽnd yeelame -A Naam zẽkyã: {La ad Wẽnd maana kaset ne A sẽn sik tɩ wa fo nengẽ wã, A sik-a la ne A bãngre malεgsã me maanda kaseto, la seedg ta tεk ne Wẽnde.} [Annisaa'ʋ: 166 ] Wẽnd le yeelame A Naam zẽkyã: { Yẽ la naab ning sẽn tʋms A Tẽn-tʋʋma ne kãndgre la sɩd dĩina bʋl yĩng t'A na kɩt t'ɑ wil Dĩin-rãmbã fãa zugu, la sεεt tɑ tεk tɩ sã n yɑɑ Wẽnde.} [Alfath :28] Wẽnd tʋms-a lame ne kãndagre, bʋl yĩng t'a yiis nebã n yi rʋbsã tũub likẽ la kɩfẽndã la zɩɩlemã n tʋg Wẽnd yembgo la sɩd-kũun vẽenem, Wẽnd yeelame A Naam zẽkyã: { Wẽnd kãndagda ne-a ned ning sẽn tũ A yarda sẽn yaa tɩlgr soya la A yiisd yãmb ligsẽ wã n tʋg vẽenemẽ wã ne A tõogã la A peegd-ba n tʋg so-tɩrga} [Al-Maa'ɩda 16]. Wẽnd le yeelame A Naam zẽkyã: { Alɩf, Laam, Raa, yɑɑ Gɑf Tõnd sẽn sik-a n tʋg fo nẽngẽ, sẽn na yɩl tɩ fo yiis nebã likẽ wã n tʋg vẽenemẽ wã ne fo Soabã raabo, n tʋg ɑ wilb-naabã sẽn yɑɑ ɑ pẽgr-naabã sorẽ } [ɭbraahɩɩm: 1]
26- La lɩslaoongã sari wã Tẽn-tʋʋm a Mʋhammad -Wẽnd pʋʋsg la A tɩlgr be a yĩnga- sẽn wɑ ne-ɑ wã, yaa yẽnd n pidsd Wẽnd tẽn-tʋʋm-rãmbã fãa gill Sari-rãmba, yẽ me yaa Sari sẽn pidi, nebã dĩinɑ la b dũni wã manegr be a pʋgẽ, yẽ me gũusda nebã b dĩin-rãmba la b zɩ-rãmba la b arzεgse la yamã la b koambã, yẽ me n yẽes Sari-rãmb fãa sẽn reng taoore, wala sari-rãmb nins me sẽn da reng taoorã sẽn yẽes taabã.
Lɩslaoongã Sãri ning Tẽn-tʋʋm a Mʋhammad sẽn wa ne wã, yẽnda n pidsd Wẽnd tẽn-tʋmã la A Sari-rãmba. La Wẽnd pidsa dĩinã ne Tẽn-tʋʋm-kãngã, tɩ neemã wã pids nebã zugu ne Tẽn-tʋʋmã a Mʋhammad tʋmsgã -Wẽnd pʋʋsg la A tɩlgr be a yĩnga- Wẽnd yeelame A Naam zẽkyã: {Rũnda M pidsa y dĩinã n kõ-yã, la M pids y zugu M neemɑ wã la M yar Lɩslaoongã ne-yã tɩ yaa dĩine} [Al-Maa'ɩda 3].
La lɩslaoongã Sãri wã, yẽnda la sari sẽn pidi, dĩinã la dũni wã manegrã be a pʋgẽ, bala a tigma sẽn be Sari-rãmbã sẽn reng taoorã fãa gill pʋgẽ wã, n pids-a, Wẽnd yeelame A Naam zẽkyã: {ad Alkʋrãan-kãngã kãndagdame n tʋgd bũmb ning tɩreg sẽn yɩɩdã la a kõt sɩd kõtb nins sẽn maan tʋʋm sõmã wã sũ-noogo, tɩ b tara keoor sẽn yaa bedre.} [Al-ɩsraa'ʋ:9], La lɩslaoongã Sãri wã rok n basa nebã zɩɩb-rãmb nins sẽn dag n zao zamã-rãmb nins sẽn reng taoorã zugu, Wẽnd yeelame, A Naam zẽkyã: {Neb nins sẽn pʋgd Tẽn-tʋʋmã sẽn yɑɑ tɑɑsdã n yɑɑ zu-sɑbellã, bãmb sẽn mikd tɩ b gʋls ɑ soɑb yell bãmb nengẽ wã tɑorɑɑtã lɑ Lĩngiilã pʋgẽ, n sɑgẽnd bãmb ne mɑnegrã, lɑ ɑ gɩdgd-b ne yel-kitɩ, lɑ ɑ kõt b sor ne yel yɩlmã, lɑ ɑ gɩgd-b ne bõn-rẽgdã, lɑ ɑ rokd b zɩɩbã lɑ yel-gĩtɩ wã n bɑsd-bɑ; rẽnd neb nins sẽn kõb sɩd ne-ɑ wã lɑ b zɩsg-ɑ lɑ b sõng-ɑ lɑ b tũ vẽenem ningɑ b sẽn sig n tũng-ɑ wã, bãmb rɑbã lɑ tɩlgdbã} [Al-aʿraafʋ: 157]
La lɩslaoongã Sãri wã ɑ yẽesdɑ Sãri fãa sẽn reng taoore, Wẽnd yeelame, A Naam zẽkyã: { Lɑ Tõnd sikɑ Gɑfã fo nengẽ ne sɩdɑ t'ɑ sɩdgd sẽn reng ɑ tɑoorã sẽn yɑɑ gɑfã-rãmbɑ lɑ ɑ wind-bɑ, bɩ f bʋ b sʋkã ne Wẽnd sẽn sikã, lɑ f rɑ pʋg b yɑm-leedã n bɑs sẽn wɑ fo nengẽ wã ye, yembr kɑm fãɑ Tõnd mɑɑnɑ šari lɑ nɑ-kẽndre n kõ-bɑ, lɑ Wẽnd sã n tʋllɑ A nɑ mɑɑn yãmb zãmã ɑ ye, lɑ yɑɑ A sẽn nɑ n zɑrb yãmbɑ n ges A sẽn kõ wã pʋgẽ, bɩ y reng tɑɑbɑ yel-sõmã pʋgẽ, y fãɑ lebeng-zĩig yɑɑ Wẽnd nengẽ t'A kõ-y kibɑre y sẽn rɑ yõsd tɑɑbɑ yεl nins pʋgẽ wã} [Almaa-ɩda: 48] Rẽnd Alkʋrãan wagell ning sẽn kʋmb Sãri wã, a waame n sɩdgd sẽn reng taoorã, sẽn yaa Wẽnd Gaf-rãmba, n leb n bʋʋd-b fãa gilli, n yẽes-b fãa gilli.
27-La Wẽnde, A Naam yɩlgame n zẽke, A ka reegd dĩini sã n ka lɩslaoongã dĩin ye, ning A Tẽn-tʋʋm a Mʋhammad Wẽnd pʋʋsg la A tɩlgr be a yĩnga sẽn wa ne wã. La ned ning sẽn wa n tʋg n kẽ dĩin sẽn ka lɩslaoongã A ka na n tol n reeg a yĩng ye.
Wẽnde, A Naam yɩlgame n zẽke, A ka reegde, A sẽn tʋms a Mʋhammad poore -Wẽnd pʋʋsg la A tɩlgr be a yĩnga- dĩini tɩ sã n ka lɩslaoongã ye, ningɑ A Tẽn-tʋʋm a Mʋhammad Wẽnd pʋʋsg la A tɩlgr be a yĩnga sẽn wa ne wã. Wẽnd yeelame A Naam zẽkyã: {La sẽn baooda dĩin zẽng sẽn pa yɩ ne Lɩslaoongã, b pa na n tol n reeg a yĩng ye, la yẽndɑ Yaoolem raarã a yaa bõn-soaba} [Aal-ɭmraan: 85] Wẽnd le yeelame A Naam zẽkyã: { Ad Dĩinã Wẽnd nengẽ yɑɑ Lɩslɑoongã, lɑ b sẽn kõ-b rãmb Gɑfã pɑ yõs tɑɑbɑ rẽndɑ bãngrã sẽn wɑ b nengẽ poorẽ, tɩ yɑɑ kedgre bãmb ne tɑɑb sʋkɑ, lɑ sẽn kɩfla ne Wẽnd Aɑyɑr-rãmbɑ rẽnd Wẽnd geelg yɑɑ tʋʋlle} [Aal-ɭmraan: 19.] La lɩslaoong kãngã, yẽnda la a ɭbraahɩɩm sẽn yaa Wẽnd noangã dĩinã, tɩlgr be a yĩnga Wẽnd yeelame A Naam zẽkyã: { lɑ ãnd n kisgd ɑ ɭbrɑɑhɩɩm Dĩinã sã n pɑ sẽn mɑɑn ɑ meng yɑlmɑ, lɑ hɑkɩɩkɑ Tõnd tũus-ɑ lɑme Dũni pʋgẽ, lɑ Yɑoolem rɑɑrã ɑ bee nin-sõmbsã pʋgẽ} {Albɑƙɑrɑ 130}; Wẽnd le yeelame A Naam zẽkyã: { Lɑ ãnd dĩin n mɑneg n le yɩɩd sẽn bɑs ɑ mengɑ n tũ Wẽnde, tɩ yẽ yɑɑ mɑnegdɑ lɑ ɑ tũ ɑ ɭbrɑɑhɩɩm dĩinɑ sẽn kɩll n yi lɑgm-n-tɑɑrã n tẽeg tɩrg n tʋgd Wẽnd-yembgã, lɑ Wẽnd gãdɑ ɭbrɑɑhɩɩm t'a yɑɑ A zoɑ } [Annisaa'ʋ: 125 ] Lɑ Wẽnde sɑglɑ A Tẽn-tʋʋm ɑ Mʋhɑmɑd -pʋʋsg lɑ tɩlgr be ɑ yĩngɑ- t'ɑ yeele: {Yeele ɑd mɑm Soɑbã peegɑ mɑɑm n tog sor sẽn yɑɑ tɩrgɑ dĩin sẽn yɑɑ tɩrgɑ ɑ ɭbrɑɑhɩɩm dĩinɑ sẽn kɩldẽ n togd Wẽnd-yemgã, lɑ ɑ pɑ yɩ lɑgm-n-tɑɑr soɑb ye} [Al-anʿaamʋ : 161]
28- Alkʋrãan wagellã, yẽnda la gaf ning Wẽnd sẽn tʋms-a n tʋg A Tẽn-tʋʋmã a Mʋhammad -Wẽnd pʋʋsg la A tɩlgr be a yĩnga- nengẽ, ɑ yɑɑ bon-naands Naaba goam me, Wẽnd geesa ninsaalb la zĩn-rãmba tɩ b wa ne a buudu, maa Sʋʋra sẽn wõnd walɑ ɑ sʋʋrɑ-rãmbɑ buud bala, la geesgã ka bak n ket n be n tãag rũnda, la b ka tõog n wa ne-a ye. La Alkʋrãan wagellã, a loegsda sogsg wʋsgo, sẽn yirbd ned tus-kẽems wʋsgo. La Alkʋrãan wagellã yẽnda yaa Wẽnd sẽn gũ n yi toeeng buudu n tʋg n wa tãag rũnda ne Laarabiimd ningã a sẽn sig ne wã, Baa gom-bil a yembr ka boog beenẽ ye. A yaa bũmb me sẽn wẽ n yiisi, yaa gaf sẽn yaa bedre n ka tar to, tɩ sõmb tɩ b karem-a, la b lebg a maanã-rãmbã ne buud ɑ tɑɑbã goam. Yɑɑ wala Tẽn-tʋʋmã a Mʋhammade -Wẽnd pʋʋsg la A tɩlgr be a yĩnga- Sunnã me -Wẽnd pʋʋsg la A tɩlgr be a yĩnga- la a sẽn wilig yεl ninsã, la a vɩɩmã yellã, bãmb me yaa bũmb b sẽn gũusi n tall-a sẽn tũ ne toagsdb n yaa b sẽn maan-b rãmb bas-m-yam halɩ tɩ wa tʋg n ta tõndo, yẽ me yaa bũmbu b sẽn wẽ n yiis ne Laarabiimd ning Tẽn-tʋʋmã sẽn gomɑ -Wẽnd pʋʋsg la A tɩlgr be ɑ yĩngɑ- ɑ yaa bũmb me b sẽn lebg ne buud-rãmb goam wʋsgo. La Alkʋrãan wagellã ne Tẽn-tʋʋmã Sunnã-Wẽnd pʋʋsg la A tɩlgr be a yĩnga- yaa bãmbã b yiibã la yẽgr a yembr tãa b sẽn yãkd lɩslaoongã buudã la a Sãri-rãmbã ɑ pʋgẽ, rẽnd lɩslaoongã a ka bũmb sẽn reegde neb nins sẽn yet tɩ b yaa lɩslaambã mansmã pʋgẽ ye, la ad a yaa bũmb sẽn reegd n yi Wẽnd wahɩẽ wã: Alkʋrãan wagellẽ wã la Nabiyaamã Sunnẽ wã.
Alkʋrãan wagellã, yaa yẽnda la Gaf ningã Wẽnd sẽn tʋms-a n tʋg A Tẽn-tʋʋmã nengẽ sẽn yaa Laarbã, a Mʋhammad -Wẽnd pʋʋsg la A tɩlgr be a yĩnga- ne Laarabiimdu, yẽ me yaa bõn-naands Naabã goama, Wẽnd yeelame A Naam zẽkyã: { Ad a sigame n yi bõn-naandsã Soab nengẽ (162) Yõ-yɩlengã ɑ (Gibriil) sẽn yɑɑ bas-m-yam sɑbã n sik ne-a (193) Fo sũurẽ wã, sẽn na yɩl tɩ fo yɩ bugsda (194) Ne Laarab-rãmb zelemde sẽn vẽnegde. (195)} [Aššʋ'ʿraa-ʋ: 192-195] Wẽnd le yeelame A Naam zẽkyã: { Ad fo reegda Alkʋrãanã n yi ɑ Bʋʋd mitã sẽn yɑɑ ɑ Bãngdã nengẽ} [Annamlʋ: 6] La Alkʋrãan-kãngã, yaa sẽn siki n yi Wẽnd nengẽ, n leb n sɩdgd bũmb ning sẽn renga taoorã sẽn yaa Wẽnd gaf-rãmbã, Wẽnd yeelame -A Naam zẽkyã: {Alkʋrãan-kãngã ra pa tõe n yɩ tɩ yaa bũmb b sẽn wãag n rogl tɩ ka yi Wẽnd nengẽ ye, la ad a yaa sɩdgre ne sẽn reng ɑ taoorã, la Gafã welgrã sik ka be a pʋgẽ t'a yii bõn-nɑɑndsã Soab nengẽ ye} [Yuunus :37] La Alkʋrãan wagellã, a welsda masaall-rãmb wʋsg fãa Yahuud-rãmba la Nasaar-rãmb sẽn rag n yõs taab ɑ pʋgẽ b dĩinẽ wã, Wẽnd yeelame A Naam zẽkyã: { Ad Alkʋrãan-kãngã togsda ɭsrεεl koambã yel nins bãmb sẽn yõsd taab a pʋgẽ wã} [Annamlʋ: 76] La Alkʋrãan wagellã a kʋmba tagmas-rãmba la vẽenem, bũmb ning sẽn wãagd padang nebã zugu, sẽn kẽed ne hakɩɩk-rãmbã bãngr pʋgẽ sẽn yag ne bãng n wãɑg-rãmbɑ sẽn kẽed ne Wẽnde -A Naam yɩ wagell n zẽke- la A dĩinã la A Rolbã, Wẽnd yeelame A Naam zẽkyã: { La sɩd la hakɩɩka tõnd wẽe bilgri ne nebã Alkʋrãa kãnga pʋga, bilgr buud fãa, sãnd-sãnde bãmb na tẽege } [Azzʋmarʋ: 27] A le yeelame A Naam Zẽkyã: { Lɑ ɑd Tõnd sikɑ Alkʋrãanã n kõ foom tɩ yaa vẽnegr ne bũmb ɑ fãa, n leb n yaa kãndagre la yolsgo la sũ-noogre n kõ sɑk-n-tũ-rãmbã } [Annaẖlʋ 89]
La Alkʋrãan wagellã, a leokda sogsg wʋsgo sẽn yirbd tus-kẽems sẽn yi nebã pʋgẽ, rẽnd Alkʋrãan wagellã, a vẽnegdame yalε ning Wẽnd sẽn naan saasã la tẽngã, Wẽnd yeelame A Naam zẽkyã: {rẽ yĩnga kɩfr-rãmbã pa yã tɩ saasã la tẽngã rag n taba taaba? Tɩ Tõnd welg b yiibã, la Tõnd maana bõn-vɩɩl fãa n yi koomẽ, b pa nɑ n kõ sɩdɑ?} [Al-Anbiyaa'ʋ 30], la yɑɑ wãn-wãn lɑ Wẽnd nɑɑn ninsaalã? Wẽnd yeelame A Naam zẽkyã: { Yãmb ɑ nebã, y sã n bee sik pʋg ne Vʋʋgrã, bɩ y bãng tɩ Tõnd naana yãmb ne tãndo, rẽ loogr poorẽ n yi mani, rẽ loogr poorẽ n yi zɩ-pelle, rẽ poorẽ n yi nẽm-võre, be naaneg sẽn pidi lɑ naaneg sẽn pa pidi n nɑ n sãɑme, lɑ yɑɑ sẽn na yɩl n wĩnig yãmb (Tõnd pãnga), la D tabend rog-wʋʋsẽ wã bũmb ning D sẽn tʋlle, n tʋg n tãag wakat sẽn yãk rɑɑre, rẽ poorẽ tɩ D yiis yãmb tɩ y yaa komb-bãɑnego, rẽ poorẽ tɩ y wa tʋg n ta ra-sãnde. Be yãmb pʋgẽ sẽn maand kaalem t'a ka ta ra-sãnd wɑkɑt ye, la be yãmb pʋgẽ ned sẽn na n tɩ kʋʋl n tɩ ta a yõorã yaalg wakato, t'a le ka mi a sẽn dɑ mi poorẽ baa fʋɩ, lɑ fo yẽta tẽng-gãngã t'a yaa sẽn kʋɩ n pelge, tɩ Tõnd sã n sik koom a zugu, la a sẽn wʋʋgde n pusi, n bul n yiis bõn-bundi toor-toore tɩ be neere } [Alhagʋ: 5] la ninsɑɑl lεbεng zĩigẽ yaa yεεnẽ la manegdbã rolb sẽn na n yɩ a soaba la wẽngd rolb me sẽn na n yɩ a soaba vɩ-kãngã poorẽ, la daliil-rãmb renga a taoore tõnd sẽn togse masaal-kãngã pʋgẽ gom-sull (paragraf) sõor(20), la rẽ yĩnga belem-kãngã yɑɑ sẽn ling n wa woto bal bɩɩ.? bɩ b maan-a lame ne tʋlsem sẽn yaa zɩsgo? Wẽnd yeelame A Naam zẽkyã: { Rẽ yĩngɑ bãmb kɑ tɑgesdẽ n ges sɑɑsẽ lɑ tẽng bõn-nɑɑndse lɑ wẽnd sẽn nɑɑn buudã fãɑ lɑɑ? Lɑ b le kɑ ges me tɩ tõe tɩ b sɑsã wã kolgɑme lɑɑ? lɑ yɑɑ gom bʋs lɑ b nɑ n kõ sɩdɑ Alkʋrãɑn loogr poorẽ} [Al-aʿraafʋ: 185] A le yeelame A Naam Zẽkyã: { Rẽ yĩnga yãmb tẽedame tɩ Tõnd naana yãmb zaalem (wɩsga) yĩngɑ lɑ y ka na n lebg n tʋg Tõnd nengẽ?"} [Almuuminuun 115]
La Alkʋrãan wagellã yẽnda yaa Wẽnd sẽn gũ n yi toeeng buudu n tʋg n wa tãag rũnda, ne buud-gomd ning a sẽn sig ne wã. Wẽnd yeelame A Naam zẽkyã: { Ad yaa Tõnd n sik Alkʋrãanã, la ad yaa Tõnd n gũud-a.} {Al-higir 9} Baa gom-bil a yembr ka boog beenẽ kɩɩs taab rag n ka tõe n zĩnd beenẽ ye maa boogre maa tedgre ye, Wẽnd yeelame A Naam zẽkyã: { Rẽ yĩng ɑ b pɑ tɑgsd Alkʋrãɑnɑ n getẽ lɑa? Lɑ ɑ sã n dɑg n pɑ sẽn yi Wẽnd nengẽ b nɑ mikẽ ɑ pʋgẽ yõs-tɑɑb wʋsgo} [Annisaa'ʋ: 82 ] Yaa bũmb me b sẽn wẽ n yiisi, ɑ yaa gaf sẽn yaa zɩsgo n ka tar to, tɩ sõmb tɩ b karem-a, la b lebg a maanã-rãmbã ne buud a taabã goam. Wala Tẽn-tʋʋmã a Mʋhammad -Wẽnd pʋʋsg la A tɩlgr be a yĩnga -Sunnã la a sẽn sɑgl yεl ninsã la a vɩɩmã yellã, yẽ me yaa bũmb b sẽn gũusi n tall-a sẽn tũ ne toagsdb sẽn yaa b sẽn maan-b rãmb bas-m-yam halɩ tɩ wa tʋg n ta tõndo, yẽ me yaa bũmbu b sẽn wẽ n yiis ne Laarabiimd ning Tẽn-tʋʋmã -Wẽnd pʋʋsg la A tɩlgr be ɑ yĩngɑ- sẽn gomɑ, yaa bũmb b sẽn lebg ne buud-rãmb goam wʋsgo. La Alkʋrãan wagellã ne Tẽn-tʋʋmã Sunnã -Wẽnd pʋʋsg la A tɩlgr be a yĩnga- yaa bãmbã b yiibã la yẽgr a yembr tãa b sẽn yãkd lɩslaoongã buudã la a Sãri-rãmbã ɑ pʋgẽ, rẽnd lɩslaoongã a ka bũmb sẽn reegde neb nins sẽn yet tɩ b yaa lɩslaambã mansmã pʋgẽ ye, la ad b reegd-ɑ Wẽnd wahɩẽ wã sẽn pɑ tɑr tudgrã: Alkʋrãan wagellẽ wã la Nabiyaamã Sunnẽ wã. { Neb nins sẽn kɩfl ne Alkʋrãɑnɑ sẽn yɑɑ Tẽegrã a sẽn wa n wɑ b nengẽ, la ad a yaa gaf sẽn yaa zɩsgo zĩri-beed pa wat a tɑoorẽ pɑ ɑ poorẽ me, yaa sẽn sigi n yi bʋʋd Mitã nengẽ sẽn yaa Pẽgr Naaba } [Fʋṣṣɩlat :41-42] Tɩ Wẽnd yeele -A Naam zẽkyã- Nabiyaamã Sunnã yelle, la A wiligd t'a yaa Wahɩ sẽn yi Wẽnd nengẽ: { La bũmb ning Wẽnd Tẽn-tʋʋm sẽn wa ne yãmb nengẽ wã bɩ y reeg-y-yã-a, la a sẽn gɩdg yãmb n yi bũmb ninga bɩ y bas, la y zoe Wẽnde, ad Wẽnd yaa names kεgεng Soaba} [Alḥašrʋ 7],
29- La lɩslaoongã sagenda ne manegre n tʋg roagdb a yiibã, baa tɩ b sã n yɩɩme n ka moeemba, a leb n sagendame tɩ b rɩk na-kẽnd sõngo ne koambã
lɩslaoongã sagendame tɩ b manege n tʋg roagdb a yiibã, Wẽnd yeelame, A Naam zẽkyã: { Fo Soabã bʋʋme : tɩ ra tũ-y zẽng sẽn pa Yẽ ye, la y maneg n tʋg roagdb a yiibã: zem tɩ yaa b yembre n kʋʋle maa b yiibã fãa, bɩ f ra wa yĩgs b yiibã ra wa porg b yiibã, lɑ yeel-b koεεg sẽn tɑr waoore } [Al-ɩsraa'ʋ: 23] Wẽnd leb n yeelame A Naam zẽkyã: { La Tõnd sɑglɑ ninsɑɑl ne ɑ roɑgdb ɑ yiibã mɑnagre, ɑ mɑ wã zɩ-a lame ne ninbãaneg sẽn pʋg ninbãanega, lɑ ɑ yẽsengã yɑɑ yʋʋm ɑ yiib pʋgẽ: " bɩ f pʋʋs Maam la f roɑgdb ɑ yiibã bɑrkɑ , Mɑm nengẽ lɑ y nɑ n lebg n wɑ" } [Lʋƙmaan 14], Wẽnd le yeelame A Naam zẽkyã: { la Tõnd sagla ninsaala ne a rogdbã yiibã manegre, a ma wã zãa a pʋgã ne toom n le rog-a ne toom, la a pʋgã zãaba ne a bĩismã yãkrã yaa kiis pistã, halɩ t'a pãngã sã n wa pidi, t'a ta yʋʋm pis-naase la a sẽn yete: " m Soaba, leems maam tɩ m pʋʋs bɑrk Fo neemɑ ning Fo sẽn maan kõ maam-a la m roagdb a yiibã, lɑ F mɑɑn tɩ m tʋm sõma tɩ F yard-a, la F maneg maam m koambẽ wã, ad mam lebsa m meng F nengẽ, la ad mam bee lɩslaambã pʋgẽ".} [Al-ahƙaaf: 15] Le yii a Abɩɩ Hʋrayrat nengẽ, Wẽnd yard be a yĩnga, a yeelame,: ned n wa wẽnd tẽn-tʋʋm nengẽ -Wẽnd pʋʋsg la A tɩlgr be a yĩnga- n yeele: " Wẽnd Tẽn-tʋʋma, ãnda soab n be nebã pʋgẽ n sõmb ne mam tũud-n-ta sõngo?", T'a yeele: " F ma wã", Tɩ rawã yeele: " rẽ poorẽ yaa ãnda?" T'a yeele: " rẽ poorẽ yaa fo ma wã". T'a yeele: "rẽ poorẽ yaa ãnda?" T'a yeel-a: " rẽ poorẽ yaa fo ma wã" t'a soak-a: " rẽ poorẽ yaa ãnda?" T'a yeel-a: " rẽ poorẽ yaa f sɑɑmbã". Ṣahɩɩh Muslim
La sagl-kãngã sẽn yeel tɩ b maan neer ne roagdb a yiibã, zem tɩ b yɩɩme n yaa lɩslaamba maa b ka lɩslaamba Rẽnd yii a Asmaa'ɩ sẽn yaa a Abɩɩbakr bi-puglã nengẽ a yeelame: " mam ma wã waa mam nengẽ, la rẽ t'a yaa kɩfre, Ƙʋrayš-rãmb zamaane wã lɑ wakat ning b sẽn dɑ rɩk alkaool ne Nabiyaama -Wẽnd pʋʋsg la A tɩlgr be a yĩnga- lɑ ɑ wɑɑ ne a biiga, tɩ mam na n sok Nabiyaama -Wẽnd pʋʋsg la A tɩlgr be a yĩnga- n yeel-a: " ad mam ma wã waame la a tara raabo, rẽ yĩnga mam tõkd-a lame bɩɩ?" Tɩ Nabiyaamã yeele: " n-yee, tõk f ma wã". Ṣahɩɩhʋ Albʋẖaarɩɩ Baa tɩ roagdb a yĩibã fãa sã n nidg pãngã, n rat tɩ biigã wẽnemd n yi lɩslaamdẽ wã n tʋg kɩfẽndẽ wã, lɩslaoongã sagend-a la - wɑkɑt kãngɑ- t'a ra tũ-b ye, la a kell n pa bala n yaa sɩd-kõt ne Wẽnde, la a manegd-ba la ɑ tũud-b yiibã ne manegre, Wẽnd yeelame - A Naam zẽkyã: {lɑ b yiibã sã n pẽdg foo t'f lɑgm Mɑɑm ne bũmb fo sẽn kɑ tɑr ɑ bãngre bɩ f rɑ tũb ye, lɑ tũ b yiibã dũni yεlɑ pʋgẽ ne mɑlgre, lɑ f tũ ned ning sẽn lεbgɑ n wɑ Mɑm nengẽ wã sorã, rẽ poore Mɑm nengẽ lɑ y lebgr zĩig tɩ M togs'y y sẽn dɑ yɩ n tʋmdẽ wã } [Lʋƙmaan 15].
La lɩslaoongã ka gɩdgd lɩslaam t'a maneg a rog-pẽtba sẽn yaa kɩfr-rãmbã ye, maa zẽng sẽn ka a rog-pẽtba tɩ b sã n yɩɩme n ka neb sẽn zabd ne lɩslaambã ye, Wẽnd yeelame A naam zẽkyã: { Wẽnd pa gɩgdg yãmb n yi neb nins sẽn pa zab ne yãmb Dĩinã pʋgẽ wã la b pa yiis yãmb y zagsẽ wã tɩ y maneg-ba la y tẽeg tɩrg ne-ba ye, ad Wẽnd noanga tẽeg-tɩrg rãmba } [Al-mumtahɑna: 8]
La lɩslaoongã sagendame tɩ b maan neer ne koɑmbã, la bũmb sẽn tʋg n yɩɩd zɩslem tɩ lɩslaoongã sagl ne roagda: yaa a wilig a koambã b Soabã hakε-rãmb sẽn zɑo b zugã, wala Nabiyaamã -Wẽnd pʋʋsg la A tɩlgr be a yĩnga- sẽn yeel a sãmbibã biigɑ a Abdallaahh ɭbn Abbaas Wẽnd yard be b yiibã yĩnga : « M biig sõngo! M kõn n wilig-f goam Wẽnd sẽn na n naf foom ne goam ninsɩ?" Tɩ m yeele: õhõo! T'a yeele: "Gũus Wẽnde t'A gũusd-f lame, gũus Wẽnde tɩ f na n mikame t'A be f neng taoore, bãng Wẽnd yol-yol sasa t'A na bãng foom keelem sasa, f sã n na n kos bɩ f kos Wẽnde, f sã n na n bõos sõngre bɩ f bõos sõngr ne Wẽnde» A Ahmad n reeg-a 4/287
La Wẽnd sagla roagdb a yiibã tɩ b wilig b koambã bũmb ning sẽn na n naf-ba b dĩinã pʋgẽ la b dũni wã pʋgẽ, Wẽnd yeelame ANaam zẽkyã: { Yãmb ɑ neb nins sẽn kõ-b sɩd ne Wẽnde! Gũ-y mensã la y zags-rãmba n yi Bugumã a raadã yaa neba la kuga, malεgs n yãs a zugu sẽn yaa pãens rãmba n yaa kegemse, b pa kɩɩsd Wẽnd A sẽn sagl-b ne bũmb ningã ye, la b tʋmd b sẽn sɑgl-b ne bũmb ningã.} [Sʋʋratʋ Attahrɩɩm: 6] La yii a Ali nengẽ -Wẽnd yard be a yĩnga- Wẽnd koεεgã A sẽn yeel pʋgẽ A Naam zẽkyã: {Gũ-y mensã la y zags-rãmba n yi Bugumã} A yetɑme: "zʋgl-y-ba la y wilg-ba" Tɩ nabiyaamã -Wẽnd pʋʋsg la A tɩlgr be a yĩnga- sagla roagda t'a wilig a biigã Pʋʋsgo, bʋɩl yĩng t'a na kell n bɩ a zugu, tɩ Nabiyaamã -Wẽnd pʋʋsg la A tɩlgr be a yĩnga- yeele: (Sagl-y y koambã ne Pʋʋsgo tɩ b sã n wa tɑ yʋʋm a yopoe) A Abʋʋ Dawʋʋd n togs-a, A leb n yeelɑme pʋʋsg la tɩlgr be a yĩnga: «Yãmb yem kãm fãa gilli yaa gũuda, la yem kãm fãa gill me, b na n sok-a la a rũmsã yelle, limaam yaa gũuda, b na n sok-a la a bõn-gũudɩ wã yelle, rao me a yaa gũuda a zakã rãmbẽ, b na n sok-a lame a bõn-gũudwã yelle. Pag me yaa gũuda a sɩdã zakẽ, b na n sok-a lame a bõn-gũudwã yelle. Sõgn me yaa gũuda a zu-soabã arzεkẽ, b na n sok-a lame a bõn-gũudɩ wã yelle. Yãmb yembr fãa yaa gũuda, b nɑ n sok-y lame y bõn-gũudɩ wã yelle» . Ṣahɩɩh ɭbn Hɩbbaan 4490.
La lɩslaoongã sagla roagda t'a rɩlg a koamba la a zakã rãmbã, la d rag n reng n togsa bũmbu yel-kãngã pʋgẽ tɩ loog gom-buk (paragraf) sõor (15). Lɑ Nabiyaamã -Wẽnd pʋʋsg la a tɩlgr be a yĩnga- leb n vẽnegɑ yɩɩdlem ning sẽn be koambã rɩlgr pʋgẽ wã, t'ɑ yeele: « Wakɩr sẽn tʋg n yɩɩd ned sẽn yãkd-a n kõtẽ, yaa wakɩr fo sẽn na n rɩk-a n rɩllg f zak rãmba, la wakɩr fo sẽn na n rɩk n rɩlg f bõn-zoɑmdg sẽn na n tall n zab Wẽnd sorã pʋga, la wakɩr fo sẽn na n rɩk-a n rɩlg f tũud-n-taas Wẽnd sorã pʋga». A Abʋʋƙɩlaaba yeelame:a sɩnga ne koambã". Rẽ poorẽ t'a Abʋʋƙɩlaaba yeele: La ãnd keoore n le yɩɩd ned ning sẽn rɩlgd koamb sẽn yaa bãɑnego n yõkd-b n yi bõosgo tɩ Wẽnd nafd-ba la A sekd-ba sẽn tũ ne yẽndɑ". Ṣahɩɩh Muslim 994.
30- Lɩslaoongã sagenda ne tẽeg-tɩrga goamã la tʋʋmã pʋgẽ, hal n tʋg n tãag ne bεεbã fãa.
Wẽnde -A Naam yɩlge n zẽke- A yaa b sẽn sɩfd a Soab ne tẽeg tɩrga la maan-tɩ-zemse, A tʋʋmẽ wã la A rabsgã yembsã ne taab sʋka, A leb n bee so-tɩrg zugu A sẽn sagend bũmb ningã wã la A leb gɩdgdẽ wã la A sẽn naane la A kordã, Wẽnd yeelame A Naam zẽkyã: { Wẽnd mɑɑnɑ kɑseto tɩ ɑd soɑb sẽn tũudi n tɩlg kɑe rẽndɑ Yẽ, tɩ Mɑlεgsã lɑ bãngdbã mɑɑndɑ kɑset t'A yɑsɑ ne tẽeg-tɩrgɑ, Soɑb sẽn tũud n tɩlg kɑe sã n pɑ Yẽ ye, sẽn yɑɑ ɑ Wilb Nɑɑbã sẽn yɑɑ ɑ Bʋʋd Mitã } [Aal-ɭmraan: 18.] La Wẽnd sagenda ne tẽeg tɩrga, Wẽnd yeelame A Naam zẽkyã: {Yeele: " mam Soabã sagla ne tẽeg-tɩrga"} [Al-aʿraafʋ: 29] La Nabiyaam-rãmbã fãa la Tẽn-tʋʋmbã -pʋʋsg la tɩlgr be b yĩnga- b waa ne tẽeg tɩrga, Wẽnd yeelame A Naam zẽkyã: { Sɩd la hakɩɩka Tõnd tʋmsa d Tẽn-tʋʋmbã ne vẽenese, la Tõnd sik gafã n kõ-ba la tẽeg tɩrgã bʋɩl yĩng tɩ nebã na yals ne tẽeg tɩrga } [Alhadɩɩdʋ: 25] La tẽeg tɩrgã yẽnda la tẽeg tɩrga koeesẽ wã la tʋʋmẽ wã
La lɩslaoongã sagenda ne tẽeg tɩrga goamẽ la tʋʋmẽ, haln tʋg n tãag ne bεεbã fãa, Wẽnd yeelame, A naam zẽkyã: { Yãmb ɑ sɩd kõtbã! Yɩ-y yãnesdb ne sɩdɑ n kõt kɑsetã Wẽnd yĩngɑ bɑɑ tɩ yɑɑ y mens zugu mɑɑ yɑɑ roagdb ɑ yiibã lɑ rog-pẽtsã, ɑ sã n yɑɑ tɑrdɑ mɑɑ tɑlgɑ ɑd Wẽnd n sõmb ne b yiibã yel gesgo, bɩ y rɑ tũ yõor yɑm-leoogo n pɑ tẽeg tɩrg ye, lɑ yãmb sã n kɩlle mɑɑ y bɑllɑme, ɑd Wẽnd yɩɩme n yɑɑ Mitɑ ne yãmb sẽn tʋmdã} [Annisaa'ʋ : 135] Wẽnd le yeelame A Naam zẽkame: { La neb wẽngr ra wa kɩt tɩ yãmb pa tẽeg tɩrg ye, tɩ bala b gɩdga yãmb n yi lohorem Miihrã. La y sõng taaba manegr la Wẽnd zoεεg zugu, la y ra sõng taaba zunuub la beem zug ye. La y zoe Wẽnde, ad Wẽnd sɩbgrã yaa kεgenga} [Al-Maa'ɩda: 2]. Wẽnd le yeelame A Naam zẽkyã: { Yãmb a sɩd-kõtba, yɩ-y yalsdb ne Wẽnde, n maand kaset ne sɩda, la neb wẽngr ra wa rɩk yãmba tɩ y ka tẽeg tɩrg ye, tẽeg-y tɩrg tɩ rẽ n pẽ ne Wẽnd-zoεεga } [Al-Maa'ɩda 8]. Lɑ rẽ yĩnga fo yãta tẽmsã buudã na-kẽndrã rũndã-rũndɑ wã maa nebã dĩinã pʋgẽ wala sagl-kãngã buudu, sẽn yete tɩ b maan kaset ne sɩda la b togs sɩda, baa tɩ sã n yaa sẽn na nams fo mengã lɑ f roagdb a yiibã la f rog-pẽtsã, n le saglg ne tẽeg tɩrga ne f bε la sõm-soab fãa?.
La Nabiyaamã -Wẽnd pʋʋsg la A tɩlgr be a yĩnga- saglame tɩ b tẽeg tɩrg koambã ne taab sʋka Rẽnd rẽeg n yi a ʿAamer nengẽ, a yeelame, m wʋma a Annʋ'ʿʋmaan ɭbn Bašɩɩre,Wẽnd yard be b yiibã yĩnga, t'a be mimbarã zugu n yetẽ: " mam saamba kõo maam kũuni t'a ʿAmrat Bintu Rawaaha yeele: " mam ka nan yare hal tɩ fo wa tɩ maam kaset Wẽnd Tẽn-tʋʋm nengẽ -Wẽnd pʋʋsg la A tɩlgr be a yĩnga- t'a saambã wa Wẽnd Tẽn-tʋʋm nengẽ -Wẽnd pʋʋsg la A tɩlgr be a yĩnga- n yeele: " ad mam kõo m biigã sẽn yi mam pag a ʿAmrat Bintu Rawaah nengẽ kõoni, t'a mɑ wã yeel maam tɩ m wa maan foom kaseto Wẽnd Tẽn-tʋʋmã, tɩ Nabiyaamã yeele: fo kõ f koambã fãa wala woto bɩɩ?" Ta a yeele: "ayo", la a yeel-ɑ: " bɩ y zoe Wẽnde la y tẽeg tɩrg y koambã ne taab sʋka". A Annʋʿʋmaan yeelɑme: t'a lebge n tɩ reeg a kũunã) Ṣahɩɩh Albʋẖaarɩ (2587).
La woto yaa tɩ nebã la tẽmsã yεlã ka tõe n yik rẽndɑ ne tẽeg tɩrga, nebã leb n ka tõe n paam bas-m-yam ne b dĩinã la b zɩɩmã la b koambã la b burkĩndã la b arzεgsã la b tẽmsã rẽndame tɩ yaa ne tẽeg tɩrga, rẽ n kɩt tɩ tõnd mikdame tɩ Nabiyaamã -Wẽnd pʋʋsg la A tɩlgr be a yĩnga- Mak kɩfr-rãmbã sẽn wa n weoog lɩslaambã Makã, a sagl-b lame -Wẽnd pʋʋsg la A tɩlgr be ɑ yĩnga- tɩ b yi n kẽng Habša; la a togsa rẽnda võore n yeel tɩ naabɑ n be beenẽ n yaa tẽeg tɩrg soaba, tɩ b ka wẽg ned a nengẽ ye.
31- La lɩslaoongã sagenda ne manegre n tʋg bõn-naandsã gilli, n leb n boondẽ n tʋgd zʋg wagla la tʋʋm sõmbse.
lɩslaoongã sagendame tɩ b manege n tʋg Wẽnd bõn-naandsã gilli, Wẽnd yeelame, A Naam zẽkyã: { Ad Wẽnd sagenda ne tẽeg-tɩrg la manegre, la rog-pẽts sõngre} [Annahlʋ: 90] Wẽnd le yeelame A Naam zẽkyã: { Neb nins sẽn yãkd n nɑfdẽ noogo lɑ toog wɑkɑtã, lɑ sẽn vend b sũ-puuri lɑ sẽn yɑɑfdb nebã n bɑsdẽ wã. Lɑ Wẽnd nongɑ Mɑnegdbã } Aal-ɭmraan: 134. Tɩ Tẽn-tʋʋmã yeele -Wẽnd pʋʋsg la A tɩlgr be a yĩnga-: « Ad Wẽnd maaname tɩ yaa tɩlae tɩ b maneg n tʋg bũmb fãa gilli, rẽnd yãmb sã n na n kʋ, bɩ y maneg y kʋʋbã, y sãn nan kodge, bɩ y maneg y kodgrã, la ned fãa saas a sʋʋga la ɑ pems a rũn-kʋʋdgã» Ṣahɩɩh Muslim 1955.
La lɩslaoongã boondame n tʋgd zʋg wagla la tʋʋm sõmse, Wẽnd yeelame -A Naam zẽkyã- sẽn kẽed Tẽn-tʋʋmã a Mʋhammad -Wẽnd pʋʋsg la A tɩlgr be a yĩnga- sɩfã wεεngẽ gaf-rãmb nins sẽn loogã pʋgẽ: { Neb nins sẽn pʋgd Tẽn-tʋʋmã sẽn yɑɑ tɑɑsdã n yɑɑ zu-sɑbellã, bãmb sẽn mikd tɩ b gʋls ɑ soɑb yell bãmb nengẽ wã tɑorɑɑtã lɑ Lĩngiilã pʋgẽ, n sɑgẽnd bãmb ne mɑnegrã, lɑ ɑ gɩdgd-b n yit yel-kitɩ, lɑ ɑ kõt b sor ne yel yɩlmã, lɑ ɑ gɩgd-b ne bõn-rẽgdã, lɑ ɑ rokd b zɩɩbã lɑ yel-gĩtɩ wã n bɑsd-bɑ, rẽnd neb nins sẽn kõb sɩd ne-ɑ wã lɑ b zɩsg-ɑ lɑ b sõng-ɑ wã lɑ b tũ vẽenem ningɑ b sẽn sig n tũngɑ wã, bãmb rɑbã lɑ tɩlgdbã} [Al-aʿraafʋ: 157] Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: «ʿAaɩša! Ad Wẽnd yaa Bʋg-bʋge A noanga bʋg-bʋge, A kõta bʋg-bʋg pʋgẽ bũmb ning A sẽn ka kõt kãenkãe pʋgẽ, lɑ A sẽn pɑ kõt zẽng sẽn ka bʋg-bʋge» Ṣahɩɩh Muslim 2593. Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: « Ad Wẽnde, A gɩdga yãmb zugu: ma-rãmbã namsgo la koam-pugli wã busbu, la A kisg yãmb zugu y sẽn nɑ n gɩdgd bũmb ning b sẽn sõmb n kõ wã la kot bũmb ninga f sẽn ka sõmbe n reege, la A kisg yãmb zugu "b yeelame la a yeelame" la sogsg wʋsgo la arzεk yeebgo» Ṣahɩɩh Albʋẖaarɩ (2408). Tẽn-tʋʋmã -Wẽnd pʋʋsg la A Tɩlgr be a yĩng- le yeele: « Yãmb ka kẽed arzãnã halɩ tɩ y wa kõ sɩda, la y ka na n kõ sɩda halɩ tɩ y wa tɩ noang taaba, rẽ yĩnga m ka na wilg yãmb bũmbu, tɩ y sã n maan-a y nɑ yɩ taab nonglem?: Sãeeg-y pʋʋsgã yãmb ne taab sʋkɑ» Ṣahɩɩh Muslim 54.
32- La lɩslaamdã sagenda ne zʋg sõmbse, wala sɩda, la bas-m-yam, la boabl legsgo, la yõk-m-menga, la yãn-zoεεga, la raoodo, la kũuni, la kõ-yalengo, la tʋlsemɑ-rãmb sõngre, la pakr sẽn pak-b rãmb fãagre, la koɑmdeg rɩlgre, la yak-n-taar manegre, lɑ rogem tõkre, la maan bʋg-bʋg ne rũm mugsã.
La lɩslaamdã sagenda ne zʋgd b sẽn pẽgda, Wẽnd Tẽn-tʋʋm yeelame -Wẽnd pʋʋsg la A tɩlgr be a yĩnga- : (ad b tʋmsa maam tɩ m pids zʋg-waglã) Ṣahɩɩh Aladabɩ Almufradɩ 207, Tẽn-tʋʋmã -Wẽnd pʋʋsg la A Tɩlgr be a yĩng- le yeelɑme: (Ad sẽn tʋg n be yãmb pʋgẽ, sẽn tʋg n noom maam n yɩɩda, n leb n yɩɩd pẽnegr ne maam zĩndug zĩigẽ dũni wã Yikr raare, yaa yãmb sẽn yɩɩda ne zʋg sõmbse. La ad sẽn tʋg n yɩɩd gẽega yãmb pugẽ ne maam, n leb n yɩɩd zĩndug zĩig zãagre ne maam dũni wã yikr raare: yaa gom-to nebã, sẽn yaa gomd-n-paoogd-nebã-rãmba, n yaa gom-n-pid noor poεεm-poεεm-rãmba. La b yeel-yã, Wẽnd Tẽn-tʋʋmã, tõnd bãnga gom-to neba la gomd-n-paoogd-nebã-rãmba, la yaa ãnda la gom-n-pid noor poεεm-poεεm-rãmba? La a yeelyã:" Ad yaa waoog-m-meng-rãmba") Sɩlsɩlat Aṣṣahɩɩha 791. La yii a ʿAbdʋllaah ɭbn ʿAmr nengẽ -Wẽnd yard be b yiibã yĩnga- a yeelame: "Nabiyaama -Wẽnd pʋʋsg la A tɩlgr be a yĩnga- a ragn ka yɩ n yaa gom-to-neda, a ka yɩ n yaa gom-beed-soaba, a ka yɩ n yaa gom-yood-soaba" la ɑ rag n yɩɩme n yetẽ: (ad sẽn be yãmb nen-tũusdi wã pʋgẽ yɑɑ yãmb neb nins sẽn yɩɩd b ne zʋg-sõmbsã) Ṣahɩɩh Albʋẖaarɩ (3559). la zẽrng sẽn ka rẽnda, sẽn yaa Aayae-rãmb la hadiis-rãmbɑ, sẽn wiligdẽ tɩ lɩslaoongã pirisda ne zʋg-sõngo la tʋʋm sõmbse sẽn wɑ n tʋg n yɑɑ ɑ soɑb fãɑ.
La bũmb ning lɩslaamdã sẽn leb n sagende ne-ɑ: yaa togs-sɩda, Wẽnd Tẽn-tʋʋm yeelame -Wẽnd pʋʋsg la A tɩlgr be a yĩnga- : ( Modg-y n togsd-y sɩda, tɩ ad sɩdã a peegdame n tʋgd manegre, manegr me peegdame n tʋgd arzãna, la ned ka bakde n togsd sɩda, la a tũusd sɩda, halɩ tɩ b wa tʋg n gʋls Wẽnd nengẽ t'ɑ yaa sɩd soaba) Ṣahɩɩh Muslim 2607.
La bũmb ning lɩslaoongã sẽn sagend yεsa: yaa boabla lebsgo,Wẽnd yeelame A Naam zẽkyã: {ɑd Wẽnd sɑgendɑ yãmb tɩ y kõ boblã b rãmbɑ } [Annisaa'ʋ 58].
La bũmb ning lɩslaamdã sẽn leb n sagende: yaa yõk-m-menga, Wẽnd Tẽn-tʋʋm yeelame -Wẽnd pʋʋsg la A tɩlgr be a yĩnga- : « Neb a tãabo n be, tɩ yaa hakε n zao Wẽnde, t'A sõng-ba", La a togsa b pʋgẽ wã, (n yeele) " ad yaa ned sẽn furi n rɑt yõk-m-mengɑ» Sʋnan Attirmiizii 1655. La sẽn ra be a kosgã pʋgẽ -Wẽnd pʋʋsg la A tɩlgr be a yĩnga- yaa t'a ra yɩɩme n yetẽ: «M Soab a Wẽnde, m kot-f la kãndagre la Wẽnd zoεεga la yõk-m-menga la sek-m-mengɑ» Ṣahɩɩh Muslim 2721.
La bũmb ning lɩslaamgã sẽn leb n sagendẽ: yaa yãn-zoεεga, Wẽnd Tẽn-tʋʋm yeelame,Wẽnd pʋʋsg la A tɩlgr be a yĩnga: «Yãn-zoεεg ka wat ne bũmbu, rẽnda sẽn yaa sõma bala» Ṣahɩɩh Albʋẖaarɩ (6117). Wẽnd Tẽn-tʋʋmã -Wẽnd pʋʋsg la A Tɩlgr be a yĩnga- le yeelame: « dĩin fãa gill tara a zʋgdo, la lɩslaoongã zʋgdo yaa yãn-zoεεga » A Bayhaƙɩy togs-a Šʋ'ʿabɩ Al'ɩɩmaan pʋgẽ 6/2619
La bũmb ning lɩslaamdã sẽn leb n sagend ne-ɑ: yaa rɑoodo, rẽnd yi a Anas nengẽ -Wẽnd yard be a yĩnga- ɑ yeelɑme: « Tɩ Nabiyaamã, Wẽnd pʋʋsg la A tɩlgr be a yĩnga, rag n yɩɩme n yɩɩd nebã ne neerem, n leb n yɩɩd nebã ne sũ-keelem, n leb yɩɩd nebã ne kũuni, la sɩd la hakɩɩka, Madiin rãmb rag n virga raa a yembre n yεεs tɩ bεεb wayã, tɩ Nabiyaamã, Wẽnd pʋʋsg la A tɩlgr be a yĩnga, yẽ n reng-ba wed-moaag zugu» Ṣahɩɩh Albʋẖaarɩ 2820. La Wẽnd Tẽn-tʋʋma -Wẽnd pʋʋsg la A tɩlgr be a yĩngɑ- ra yɩɩme n kot gũudum ne Wẽnde n yi rabeem, rẽnd a rag n dɑ yetame: «M Soab a Wẽnde, m kot-F la gũudum n yi rabeem» Ṣahɩɩh Albʋẖaarɩ 6374.
La bũmb ning lɩslaoongã sẽn sagend yεsa: yaa kũuni lɑ wɑoore,Wẽnd yeelame A Naam zẽkyã: { sẽn yãkd b ɑrzεkse n nɑfd Wẽnd sorã pʋgẽ wã bilgri yɑɑ wɑlɑ bõn-beel ɑ yembr bilgri sẽn pus zut ɑ yopoe, zug fãɑ pʋgẽ yɑa bεεl koɑbgɑ n be be, lɑ Wẽnd fãoodɑme n kõt A sẽn tʋll ɑ soɑbɑ, lɑ Wẽnd yɑɑ kõ-yɑlang Soɑbɑ n yɑɑ Mitɑ} [Albɑƙɑrɑ 261] . La Wẽnd Tẽn-tʋʋmɑ -Wẽnd pʋʋsg la A tɩlgr be a yĩnga- a zʋgdã rag n yaa kũuni, rẽnd yii a Abbaas biig nengẽ, Wẽnd yard be b yiibã yĩnga a yeelame: « La Nabiyaamã -Wẽnd pʋʋsg la A tɩlgr be a yĩnga- ɑ ra yɩɩme n yɩɩd nebã ne kũuni ne sẽn sõmb buudɑ fãa, la a kũunã sẽn tʋg n yɩɩda yaa Ramadaan kiuugã pʋgẽ, wakat ning Gibriil sẽn wat n yekd-a wã. A Gibriil ra yɩɩme n sεgd Nabiyaama yʋng fãa gilli Ramadaanã pʋgẽ hal tɩ kiuugã wa ki, Nabiyaama -Wẽnd pʋʋsg la A tɩlgr be a yĩnga- yɑɑ sẽn dɑ lebsd Alkʋrãanã ne-a. Rẽnd a Gibriil sã n wa yεk-a a ra yɩɩme n kõtẽ t'a tʋʋlmã yɩɩd seb valagdga» Ṣahɩɩh Albʋẖaarɩ 1902.
La lɩslaoongã sẽn leb n sagend ne bũmb ninga: yaa tʋlsem soab sõngre, la sεhd fãagre, la koamdg rɩlgre, la yak-n-ta sõngo, la rogem tõkre, la maan bʋg-bʋg ne rũm mugsã. Rẽnd yii a Abdʋllaah ɭbn Amr nengẽ -Wẽnd yard be b yiibã yĩnga- tɩ rawa n sok Nabiyaama -Wẽnd pʋʋsg la A tɩlgr be a yĩnga- "Lɩslaoongã yel bog n tʋg n yɩɩda?" La a yεεl-a: «Rɩlg rɩɩbo la f ning sallem f sẽn mi a soab la f sẽn ka mi a soaba» Ṣahɩɩh Albʋẖaarɩ 12. Wẽnd Tẽn-tʋʋmã -Wẽnd pʋʋsg la A Tɩlgr be a yĩnga- le yeelame: « Rawa n da kend sor zugu, tɩ ko-yũũd keng a zugu, t'a yã bulga n sig bulgɑ pʋgẽ n yũ, la a sẽn wa n yi wã a yãa baag sẽn sesde, baagã wãbda tomã ko-yũudã keelem, tɩ rawã yeele: ad ko-yũudã sẽn tar ba-kãngã a keelmã taa wala a sẽn da tar maamã, t'a lebg n sig bulgẽ wã n pids a neoodrã ne koomã, n gãd-a ne a noorã n yi ne-a n yũnug baagã, tɩ Wẽnd pʋʋs a bark yel-kãngã n yaaf a zunuubã» lɑ b yeelyã: " Wẽnd Tẽn-tʋʋma tõnd tara keoor rũmsẽ wã me laa?" Tɩ Wẽnd Tẽn-tʋʋm yeele : " n-yee, sãoo-maasr fãa pʋgẽ keoor n be beenẽ» Ṣahɩɩh ɭbn Hɩbbaan 544. Tẽn-tʋʋmã -Wẽnd pʋʋsg la A Tɩlgr be a yĩng- le yeelme: « Ned sẽn yãs ne pʋg-kõap rɩlɩgre la nimbãan nebã, a yaa wala ned sẽn zabd gɩhaadɩ Wẽnd sorã pʋgẽ, maa a yaa wala ned sẽn yãs yʋngo ne Pʋʋsgo n loet noor wĩntoogo » Ṣahɩɩh Albʋẖaarɩ 5353.
La lɩslaoongã kengda rogmã hakε-rãmba, la a maan tɩ yaa tɩlae tɩ b tõk rogmã rãmbɑ, Wẽnd yeelame A Naam zẽkyã: { Nabiyaamã n sõmb ne sɩd kõtbã n yɩɩd b mensã, lɑ ɑ pɑgbã yɑɑ b mɑ-rãmbɑ, lɑ roɑgdbã n sõmb ne rɩ tɑɑb Fɑɑd n yɩɩdɑ sẽn kellã, sẽn yɑɑ Sɩd-kõtbã ne Muhɑɑgiriinɑ (Yikbã, sẽn yib Mɑkɑ n kẽng Mɑdĩinɑ) rɩk tɑɑb fɑɑdã, woto n be Wẽnd gɑfã bʋʋdẽ, sã n kɑ mikɑme tɩ y rɑt n mɑɑnɑ y lall-n-tɑɑsã neere, wãndɩ yɩɩme n yɑɑ sẽn n dɑ gʋls tɩ be Gɑfã pʋgẽ } [Al-ahzaab : 6], A leb n bugsa tõnd n yi rogem wãagre, lɑ A tõk rẽ ne sãɑng tẽngã pʋgẽ, Wẽnd yeelame A Naam zẽkyã: { la yãmb pɑ tẽed tɩ yãmb sã n gõd y kuids n bɑs sɑglsã, y nɑ n sãamɑ Tẽnga zugu la y wãag-y rogomɑ (22) bãmb la neb nins Wẽnd sẽn kãab-ba, t'A wʋng-ba la A zong b ninã (23) } [Mohammad: 22-23] Tɩ Wẽnd Tẽn-tʋʋm yeele -Wẽnd pʋʋsg la A tɩlgr be a yĩnga-: «ad rog wãagd ka kẽed arzãn ye» Ṣahɩɩh Muslim 2556. La rogem ning sẽn yaa tɩlae tɩ b tõkã: yaa roagdb a yiibã, la tão-pogsã, la tão-roapa, la sãmbibã, la pʋgd-rãmba, la yas-rãmba, la ma wã tao-pogsã
La lɩslaoongã kengdame tɩ b gũus yak hakε, baa t'a sã n yaa kɩfre Wẽnd yeelame A Naam zẽkyã: { Lɑ y tũ Wẽnde lɑ y rɑ mɑɑn lɑgm-n-tɑɑr ne Wẽnd bɑɑ fʋɩ, lɑ y mɑneg roɑgdb ɑ yiibã lɑ rog-pẽtbɑ lɑ kɩɩbse lɑ yɑk sẽn yɑɑ rog-pẽtɑ lɑ yɑkɑ, lɑ tũud-n-tɑɑgɑ lɑ kẽn-kẽndɑ lɑ yãmb nus sẽn so (yembse), ɑd Wẽnd pɑ nong ned sẽn yɑɑ wɑoog-m-meng soɑbɑ sẽn yɑɑ pugd ye } [Annisaa'ʋ 36]. Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: (A Gibriil pa bak n sagend maam ne yak tõkre, hal tɩ mam wa tẽ t'a na n kõo-a la pʋɩɩr faadẽ wã) Ṣahɩɩh Abɩɩ Daawʋʋda 5152
33- La lɩslaoongã kõo sor tɩ b rɩ rɩ-yɩlmã fãa, sẽn yaa rɩɩbo la bõn-yũudɩ, la a sagle tɩ b yɩlg sũyã la yĩnga, la zaka, rẽ n kɩte t'a kõ sor ne fur loεεga wala nabiyaam-rãmbã sẽn sagl ne rẽnda wã -tɩlgr be b yĩnga- bala b sagenda ne bũmb fãa sẽn yaa yɩlenga.
La lɩslaangã sagenda ne bõn-yɩlma sẽn yaa rɩɩbo la bõn-yũudɩ -Wẽnd Tẽn-tʋʋm yeelame -Wẽnd pʋʋsg la A tɩlgr be a yĩnga-: «Yãmb a nebã! Ad Wẽnd yaa yɩlenga, A ka reegd tɩ sã n ka yɩlgemd ye, la ad Wẽnd sagla sɩd-kõtbã ne bũmb ning sẽn sɑgl A Tẽn-tʋʋmbã, Wẽnd yeelame A Naam zẽkyã: {yãmb ɑ Tẽn-tʋʋmbã rɩ-y rɩyɩlmɑ Tõnd sẽn rɩlg yãmbã lɑ y pʋʋs Wẽnd bɑrkɑ tɩ sã n mikɑm tɩ yɑɑ Yẽ lɑ yãmb sẽn tũudã } n tɩ tãɑg Aɑyɑrã " togsdɑ yeelɑme: " Rẽ poorẽ tɩ Nɑbiyɑɑmɑ tẽeg raɑ yelle, sor sẽn wogle, t'a zugã bɩre n puki, t'a zẽk a nus a yiibã n tʋg saasẽ wã n yetẽ: "m Soab A Wẽnde! Sõng-ma", la a rɩtlã yaa haraam, a sẽn yeelgã yaa haraam, a bõn-yũudɩ wã yaa haraam, b leb n rɩlg-a la ne haraam, b na n reega kos-kãngã wãn-wãna?!» Ṣahɩɩh Muslim 1015. la Wẽnd yeelame A Naam zẽkyã: {Yeele: "ãnd n gɩdg faas-teed nins Wẽnd sẽn yiis n kõ A yembsã la rɩ-yɩlmã?" yeele: "ad b yaa sɩd-kõtbã yĩnga dũni vɩɩmã pʋga, la b yaa sẽn welg toor zalle ne bãmbɑ Yikr-raare. Yaa woto la Tõnd welsd Aayae-rãmbã bʋl yĩng tɩ nebã nɑ bãnge} [Al-aʿraafʋ: 32]
La lɩslaoongã sagendame tɩ b yɩlg sũyã la yĩnga la zaka, rẽ n kɩte t'a kõ sor ne fur loεεga, wala nabiyaam-rãmbã -tɩlgr be b yĩnga- sẽn sagl ne rẽnda wã, bala bãmb sagenda ne bũmb fãa sẽn yaa yɩlenga, Wẽnd yeelame A Naam zẽkyã: { La Wẽnd mɑɑnɑ pɑgb sẽn yi yãmb mensẽ wã n kõ yãmbɑ, la A leb n maan n kõ-yã sẽn yi yãmb pagbẽ wã kom-ribli la yagense, la A rɩlg yãmb rɩ-yɩlmã, lɑ pɑɑ zĩri wã la b kõt sɩd ne-ɑ lɑ b yaool n mɑɑn sõm-zɩɩlem ne Wẽnd neemɑ wã?} [Annahlʋ: 72] Wẽnd leb n yeelame A Naam zẽkyã: { La f futã bɩ f yɩlge (4) la rʋbsã bɩ f zãage. (5)] [Al-mudattɩrʋ: 4-5] Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: (Ka kẽed arzãnã, ned ning waoog-m-meng sẽn be a sũuri ɑ sẽn tʋg n paood n yɩɩd fãa, tɩ rao yeele:" la ned sã n rat t'a fuug yɩ neere, la a neoodr yɩ sõma?" Tɩ Nabiyaamã yeele: " Wẽnd yaa neere, A noanga neerem, la waoog-m-meng yaa sɩd tõdgre la nebã paoogre") Ṣahɩɩh Muslim 91.
La lɩslaoongã gɩdga haraamã yẽga, wɑla lagem-n-taar ne Wẽnde, la kɩfẽndo, la rʋbs tũubu la yeel Wẽnd zugu fo sẽn ka mi, la koam kʋʋbo, la kʋ yõor ninga Sari wã sẽn ka kõ sore tɩ b kʋ, la sãoong tẽngã pʋga, la tɩɩm, la yel-beedo a sẽn vẽneg la sẽn solg fãa, la yoobo la rap kẽed-n-taar ne taaba, la A gɩdg Rɩbɑɑgɑ la gɩf wãbre la bũmb ning b sẽn kodge rʋbs yĩnga, la a gɩdg kukur nemd wãbre la rẽgd-rãmbã fãa gilli, la a gɩdg kɩɩb arzεk rɩɩbo, la boogre vugbẽ wã la magbẽ wã, la a gɩdg rogem wãagre. Nabiyaam-rãmbã fãa gill zemsa taaba ne haraam-kãensã gɩdgre.
Lɩslaoongã gɩdga haraam-rãmbã yẽga, wala lagem-n-taar ne Wẽnde, la kɩfẽndo, la rʋbs tũubu, la gom n rogl Wẽnd tɩ ka tũ ne bãngr ye, la koamb kʋʋbo, Wẽnd yeelame A Naam zẽkyã: {Yeele wɑ-y tɩ m kɑrem yãmb soɑbã sẽn gidg yãmb zugã n wĩng yã, yɑɑ y rɑ mɑɑn lɑgm-n-tɑɑr ne-A bɑɑ fʋɩ, lɑ y mɑneg roɑgdbɑ yiibã, lɑ y rɑ kʋ y koɑmbɑ tɑlmd yĩng ye Tõnd n dilgd yãmbɑ lɑ bãmbɑ, lɑ y rɑ pẽneg yel-beedã sẽn vẽnge lɑ ɑ sẽn solge, lɑ y rɑ kʋ yõor ning Wẽnd sẽn gidgɑ rẽndme tɩ yɑɑ sẽn tũ sɩdɑ, yɑɑ wãnde lɑ A sɑgl yãmb ne-ɑ sãnd-sãnde y nɑ tɑl yɑm Lɑ y rɑ pẽneg kɩɩb ɑrzεk ye rẽndɑ ɑ mɑnegre hɑl tɩ ɑ wɑ tɑ ɑ rɑod wɑkɑt, lɑ y pids vũgbã lɑ mɑgbã ne tẽeg-tɩrgɑ, Tõnd pɑ rognd yõore rẽndɑ ɑ sẽn tõe, lɑ y sã n yeele bɩ y tẽeg tɩrgɑ bɑ tɩ sã n yɑɑ rog-pẽntɑ, lɑ y pids Wẽnd sɑrtã, yɑɑ wãnde lɑ A sɑgl yãmbɑ sãnd-sãnde y nɑ tẽege} [Al-anʿaamʋ : 151-152] Wẽnd leb n yeelame A Naam zẽkyã: {Yeele: " ad mam Soabã sẽn gɩdgã yaa yel-beedo ɑ sẽn solg la ɑ sẽn vẽnege la kedgr tɩ pa tũ ne sɩd ye, la Wẽnd leb n gɩdga y sẽn na n maan lagem-n-taar ne Wẽnde, A sẽn ka sik tɑgms ɑ zugu, la y sẽn na n yeel Wẽnd zugu yãmb sẽn pa mi".} [Al-aʿraafʋ: 33]
La lɩslaoongã gɩdga yõor kʋʋbo b sẽn ka kõ sore, Wẽnd yeelame, A Naam zẽkyã: { La y ra kʋ yõore ning Wẽnd sẽn gɩdg tɩ b rɑ kʋ wɑ ye, rẽndame tɩ tũu ne hakε, la b sẽn kʋ ned ning ne wẽgdo Tõnd kõ a nedã sor tɑ mɑɑn n dole, bɩ a ra maan n zʋʋg kʋʋbẽ wã ye, ɑd a yɑɑ b sẽn nɑ n sõng-ɑ soɑbɑ.} [Al-ɩsraa'ʋ: 33] Wẽnd le yeelame A Naam zẽkyã: { Bãmb la neb nins sẽn pa boond soab zẽng n lagem Wẽnde, la b pa kʋʋd yõor ning Wẽnd sẽn gɩdgã rẽndame tɩ tũu ne hakε, b leb n pa yood ye, la ned ning sẽn tʋm woto, a na n paama sɩbgre.} [Al-fʋrƙaanu: 68]
La lɩslaoongã gɩdga sãoong tẽngã pʋga, Wẽnd yeelame, A Naam zẽkyã: { Lɑ y rɑ sãɑm tẽngã A sẽn mɑneg-ɑ poor ye} [Al-aʿraafʋ: 56] Wẽnd le yeelame, n kõt kibar ne a Nabi Šʋ'ʿybe -tɩlgr be a yĩnga- t'a yeela a nebã: { m nebɑ, tũ-y Wẽnde, yãmb kɑ tɑr Soɑbɑ zẽng sẽn kɑ Yẽ ye, sɩdɑ, vẽenem yi y Soɑbã nengẽ n wɑ yãmb nengẽ, bɩ y pids vũgbã lɑ zɩslm-mɑgbã, lɑ y rɑ boog nebã b teedẽ wã ye, lɑ y rɑ sãɑm tẽn-gãongã pugẽ A sẽn mɑlg-ɑ poorẽ ye, rẽ lɑ sõmɑ yãmb yĩngɑ tɩ y sã n yɑɑ sɩd- kõtbɑ } [Al-aʿraafʋ: 85]
lɩslaoongã gɩdga tɩɩm me, Sɩd Naabã yeelame A Naam yɩlgɑme n zẽke: { Lɑ f Lob bũmb ning sẽn be fo rɩtgẽ wã a na n vela b sẽn maan yεl ninsã wã, ad b sẽn maan bũmb ningã wã yaa tɩɩm raba, la tɩɩm soab me pa tɩlgd ne ɑ bõn-dɑɑbã a sẽn kẽ zĩig ning fãa.} [Ṭaha : 69] Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: « Zoe-y n zãag-y yel-halkds a nu wã, la b yeelyã: " Wẽnd Tẽn-tʋʋma yaa bãmb la bʋse?" t'ɑ yeele: " yaa lagem-n-taar ne Wẽnde, la tɩɩm, la yõor ning Wẽnd sẽn gɩdg tɩ b ra kʋ tɩ sã n ka tũ ne lɩslaoong hakε wã kʋʋbo, la rɩbaag rɩɩbo, la kɩɩb arzεk rɩɩbo, la gũd-kuidg-n-zoe zabr raare, la Muumun pogsã sẽn yaa yõk-m-mensã rãmbã, sẽn pa ning b toaag ne yel-beedã rõdbo» Ṣahɩɩh Albʋẖaarɩ (6857).
Lɩslaamdã gɩdga yel-beedã sẽn vẽneg la sẽn solge la yoob la rap ne taab kẽed-n-taare, la reng n loogɑ gomd-bug kãngã sɩngrẽ wã, Aaya-rãmb nins sẽn togsd rẽndɑ. La lɩslaoongã harama rɩbaaga, Wẽnd yeelame, A Naam zẽkyã: { Yãmb ɑ neb nins sẽn kõ sɩdɑ, zoe-y Wẽnde lɑ y bɑs sẽn ket nebã nengẽ sẽn yɑɑ Rɩbɑɑgã tɩ yãmb sã n yɑɑ sɩd-kõtbɑ (278) Lɑ yãmb sã n pɑ mɑɑn rẽ bɩ y koll zɑbre sẽn yi Wẽnd lɑ A Tẽn-tʋʋmã nengẽ, lɑ yãmb sã n tuubi yãmb ligd-zutã yɑɑ yãmb n so, yãmb pɑ wẽgde b pɑ wẽgd yãmbɑ (279)} [Al-baƙara 278, 279] La Wẽnd ka pʋlʋm wẽnga ne zunuub soab t'A na n zaba ne-a wala A sẽn pʋlʋm wẽng ne rɩbaag soabã, bala bee rɩbaagã pʋgẽ, sẽn yaa dĩin wurbu, la tẽms la arzεgs la yõy wurbu.
La lɩslaoongã gɩdga gɩf wãbre la bũmb ning sẽn kodge n kõ rʋbse, la a gɩdg kurkur nemd wãbre, Wẽnd yeelame, A Naam zẽkyã: {B gɩdga yãmb ne gɩfo la zɩɩm la kukur nẽmdo la sẽn kodg tɩ pa tũ ne Wẽnd yʋʋre la sẽn gĩd n ki la sẽn pãb n kʋ la sẽn tar n lʋɩ la sẽn tã taaba, la na-yẽes-rãmb sẽn wãbe rẽnda y sẽn paam n kodge, la sẽn kood rʋbs zugu la yãmb sẽn na n baood pʋɩɩre ne mo-losre ( poeere) ɑd yãmb yel-kãngɑ yɑɑ dĩi-yiibu} [Al-Maa'ɩda 3].
La lɩslaoongã gɩdga rãam yũubu la bõn-rẽgdã fãa sẽn kellã, Wẽnd yeelame A Naam zẽkyã: { Yãmb a sɩd-kõtbã! Ad rãamã la tentεεgã la rʋbsã la poeesã, yaa rẽgd sẽn yaa a Sʋɩtãan tʋʋma, bɩ y zãag-a, sãnd-sãnde y na tɩlge. (90) Ad a Sʋɩtãan tʋllame n na n kẽes beem la gẽeg yãmb sʋka, rãamã la tentεεgã pʋgẽ, la a gɩd yãmb n yi Wẽnd yʋʋrã tẽegre la Pʋʋsga, la rẽ yĩnga yãmb nɑ n basame bɩɩ? (91)} [Al-Maa'ɩda 90, 91]. La renga taoore, gom-buk sõrr pis-tãabo la a yembre (31) sẽn togsd Wẽnd sẽn kõ kibare - A Naam zẽkyã - tɩ sẽn be Tẽn-tʋʋma -Wẽnd pʋʋsg la A tɩlgr be a yĩnga- sɩf-rãmbã pʋgẽ Taooraatẽ wã, yɑɑ t'a gɩdgda b zugu rẽgd-rãmba, Wẽnd yeelame -A Naam zẽkyã-: {Neb nins sẽn pʋgd Tẽn-tʋʋmã sẽn yɑɑ Nɑbiyɑɑmɑ n yɑɑ zu-sɑbellã, bãmb sẽn mikd tɩ b gʋls ɑ soɑb yell bãmb nengẽ wã tɑorɑɑtã lɑ Lĩngiilã pʋgẽ, n sɑgẽnd bãmb ne mɑnegrã, lɑ ɑ gɩdgd-b ne yel-kitɩ, lɑ ɑ kõt b sor ne yel yɩlmã, lɑ ɑ gɩgd-b ne bõn-rẽgdã, lɑ ɑ rokd b zɩɩbã lɑ yel-gĩtɩ wã n bɑsd-bɑ ۚ} [Al-aʿraafʋ: 157]
La lɩslaoongã gɩdga kɩɩb arzεk rɩɩbo, Wẽnd yeelame A Naam zẽkyã: {Lɑ y kɩs Kɩɩbsã b arzεgsã, lɑ y rɑ tedg yookã ne sõmã wã ye, lɑ y rɑ kɑlem b arzεgsã ne yãmb nengẽ wã n rɩtẽ ye, ɑd rẽ yɩɩme n yɑɑ yel-beedo sẽn bedme} [Annisaa'ʋ: 2 ] Wẽnd le yeelame A Naam zẽkyã: { Ad neb nins sẽn rɩt kɩɩbsã arzεgs ne wẽgdã, ad b sẽn rɩtã yɑɑ Bugum b pʋsẽ wã, lɑ b nɑ n widɑ Bugmã pʋgɑ} [Annisaa'ʋ 10].
La lɩslaoongã gɩdga boogr vugbẽ la zɩslem makrẽ (peesgẽ) wã, Wẽnd yeelame A Naam zẽkyã: {Wɩɩbd be ne zãmbdbã. (1) ninsi b sã n na n vũg nebã nengẽ lɑ b sẽn pidisdi(2) La b sã n na n vũg n kõ nebã, maa b sã n na n make, lɑ b sẽn zãmde (3) Rẽ yĩnga bãmbã pa tẽede tɩ b na n yik-b lame lɑɑ(4)} [Al-muṭaffɩfɩɩn 1-4]
La lɩslaoongã gɩdga rogem wãagre, la renga taoore gomb-buk pis-tãab la a yembrã (31) Aayae-rãmbã togsgo la hadiis-rãmb nins sẽn wiligd rẽnda. Lɑ nabiyaam-rãmbã ne tẽn-tʋʋmba -tɩlgr be b yĩnga- b gillã zemsa taaba yel-kãensã gɩdgrã pʋgẽ.
35- Lɩslaoongã gɩdgdame n yi zʋg-wẽnse, wala zĩri-beedo la wẽgbo, la zãmbo la belgre la sũ-kiiri la rab-wẽnse la wagdem la maan-n-zʋʋge la wẽgbo, la a gɩdgda zʋg-wẽng buudã fãa gilli.
Lɩslaoongã gɩdgdame n yi zʋg-sãbdsã fãa gilli, A yeelame A Naam zẽkyã: { Lɑ f rɑ wẽnemd f yεgdgã n kɩs nebã ye, lɑ f rɑ kẽnd tẽngɑ pʋg ne tɩtaam ye, ad Wẽnd kɑ nong wɑog-m-meng-soɑb fãɑ sẽn yaa pugd ye } [Lʋƙmaan : 18] Wẽnd Tẽn-tʋʋmã -Wẽnd pʋʋsg la A tɩlgr be a yĩng- yeelame: (Ad sẽn tʋg n be yãmb pʋgẽ, sẽn tʋg n noom maam n yɩɩda, n leb n yɩɩd pẽnegr ne maam zĩndug zĩigẽ dũni wã Yikr raare, yaa yãmb sẽn yɩɩda ne zʋg sõmbse. La ad sẽn tʋg n yɩɩd gẽega yãmb pugẽ mam nengẽ, n leb n yɩɩd zĩndug zĩig zãagre ne maam dũni wã yikr raare: yaa gom-to nebã, sẽn yaa gomd-n-paoogd-nebã-rãmba, n yaa gom-n-pid noor poεεm-poεεm-rãmba. La b yeel-yã, Wẽnd Tẽn-tʋʋmã, tõnd bãnga gom-to neba la gomd-n-paoogd-nebã-rãmba, la yaa ãnda la gom-n-pid noor poεεm-poεεm-rãmba? La a yeelyã:" Ad yaa waoog-m-meng-rãmba") Sɩlsɩlat Aṣṣahɩɩha 791.
Lɩslaoongã gɩdgda zĩri-beedo, A yeelame A naam zẽkyã: { ad Wẽnd pa kãndagd ned ning sẽn yaa maan-n-zʋʋg soaba n yaa zĩri-be-nedã ye,} [Ġaafɩr: 28] Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: « M busgsda yãmb ne zĩri-beedo, ad zĩri-beed peegdame n tʋgd wẽngẽ, wẽng me peegdame n tʋgd Bugmẽ, la ned ka bakd n yagda la ɑ tũusd yagbo, hal tɩ b wa tʋg n gʋls-a Wẽnd nengẽ t'a yaa pʋ-yagda» Ṣahɩɩh Muslim 2607. Tẽn-tʋʋmã -Wẽnd pʋʋsg la A Tɩlgr be a yĩng- le yeelɑme: « Munaafɩk tagmas yaa a tãabo ɑ sã n yẽs la ɑ sẽn yagde, a sã n pʋlme lɑ a sẽn viigdi, la b sã n maan-a bas-m-yam, lɑ a sẽn zãmde» Ṣahɩɩh Albʋẖaarɩ (6095).
Lɩslaamdã gɩdgda zãmbo la waa hadiis pʋgẽ «tɩ Wẽnd Tẽn-tʋʋma -Wẽnd pʋʋsg la A tɩlgr be a yinga- a pɩʋʋga rɩ-rʋdrẽ n rɩk ɑ nugã n kẽes a pʋgẽ, tɩ maasr paam a nus-bi wã, t'a yeele:« yaa bõe la woto rɩɩbã soaba?» la a yeelyã: " ad yaa saag n pɑɑm-ɑ Wẽnd Tẽn-tʋʋma". T'a yeel-a : " Fo rɑ ka nɑ n ning-a rɩɩbã zugu sẽn na yɩl tɩ nebã yãa-a! Ad sẽn maana zambo yẽ ka lɑgem mɑɑm ye» Ṣahɩɩh Muslim 102.
Lɩslaoongã gɩdgda pʋlik lɑ zãmbo la belgre, Wẽnd yeelame A naam zẽkyã: { Yãmb ɑ sẽn kõ-b sɩdɑ, rɑ zãmb-y Wẽnd lɑ A Tẽn-tʋʋmã ye, lɑ y rɑ zãmb yãmb netɑɑb boɑbl-rãmbɑ tɩ yãmb yɑool n miẽ ye} [Al-anfaalʋ: 27] A le yeelame A Naam Zẽkyã: { Sẽn pidsd b pʋleng ne Wẽndã la b pa yidigdb b Alkɑool ye} Arra'ʿdʋ 20 Tɩ Wẽnd Tẽn-tʋʋma -Wẽn pʋʋsg la A tɩlgr be a yĩnga- a rag n yeta a tã-biisã tɩ b sã n wa yit: « Zab-y-yã la y ra zãmb ye la y ra reem ne kũ-rãmbã ye, la y ra kʋ bi-kɩdg ye» Ṣahɩɩh Muslim 1731. Tẽn-tʋʋmã -Wẽnd pʋʋsg la A Tɩlgr be a yĩngɑ- le yeelɑme: «Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be nengẽ yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽse a yagdame, a sã n rɩk alkaoole a zãmbdame, a sã n zabe a wẽngdame» Ṣahɩɩh Albʋẖaarɩ (34).
Lɩslaoongã gɩdgdame n yi sũ-kiiri, Wẽnd yeelame A naam zẽkyã: { Bɩ yɑɑ nebã (ɑ Mʋhɑmmɑd ne ɑ pʋgdbã) lɑ b mɑɑn sũ-kĩiri ne Wẽnd sẽn kõ-b A yɩɩdlemɑ, sã n yɑɑ boto ɑd Tõnd kõo ɑ ɭbrɑɑhɩɩm zɑkã rãmb Gɑfã lɑ bʋʋd-minim lɑ D kõ-b nɑɑm sẽn yɑɑ zɩsgo} [Annisaa'ʋ: 54 ] Wẽnd le yeelame A Naam zẽkyã: {wʋsg nongɑme sẽn yi Gɑfã rãmbẽ tɩ b sã n rɑ tõe n lebs yãmb y sɩd-kũunã poorẽ tɩ yɑɑ Kɩfn-dãmbɑ, sũ-kĩir yĩng bɑlɑ sẽn yi bãmb nengẽ sɩdã sẽn vẽneg ne bãmb poorẽ. Bɩ y yɑɑf lɑ y bɑs tɩ looge hɑl tɩ Wẽnd yellã wɑ tɑ, ɑd Wẽnd yɑɑ tõod ne bũmb ɑ fãɑ } [Albaƙara: 109] Tẽn-tʋʋmã -Wẽnd pʋʋsg la A Tɩlgr be a yĩnga- le yeelɑme: « Ad zãmã-rãmb sẽn rag b yãmbã b bãaga taa yãmb nengẽ, sũ-kĩirã la gẽegã, ad yaa yẽ la põnda, m ka yet t'a põngda kõbd ye, la ad a põngda dĩinã, m wẽen ne mam yõorã sẽn be Naab ning nugẽ wã, yãmb kõ n kẽ arzãna halɩ tɩ y tʋg n kõ sɩda, y ka na n kõ sɩd me hal tɩ y wa maan taab noanglem, rẽ yĩnga m ka na n kõ y kibar ne bũmb ninga sẽn tabend yel-kãngã?: Sãeeg-y pʋʋsgã yãmb ne taab sʋka» Sʋnan Attirmiizii 2510.
Lɩslaoongã gɩdgdame n yi rab wẽnga, Wẽnd yeelame A naam zẽkyã: { yaa woto la Tõnd maan tẽng fãa pʋgẽ ɑ nin-wẽnse sẽn yɑɑ bεdɑ, tɩ b rabsd a pʋgẽ rɑb wẽnse, la b pa rabrsde rẽndɑ b mens bɑlɑ la ɑd b pa mi ye} [Al-anʿaamʋ : 123] La Wẽnd kõo kibare -A Naam zẽkyã- tɩ Yahʋʋd-rãmbã b mamsame n na n kʋ Sɩɩs-tɩ-maagã -tɩlgr be a yĩnga- la b rɩk rab wẽnga, la ad Wẽnd rɩka rab wẽng ne-ba. La wẽnd vẽnegame tɩ rab wẽng ka paamde tɩ sã n ka b rãmbã bala Wẽnd yeelame A Naam zẽkyã: { Lɑ ɑ ɭɩsɑ sẽn wɑ n bãng kɩfendã bãmb nengẽ wã ɑ yeelɑme: "ãnd n nɑ n sõng mɑɑm tɩ m bool n tʋg Wẽnde?" Lɑ ɑ pʋgdbã sẽn yɑɑ tɩrsã yeele: " tõnd yɑɑ Wẽnd sõngdbɑ, d kõo sɩd ne Wẽnde bɩ f mɑɑn kɑset tɩ tõnd yɑɑ sɑk-n-tũ rãmbɑ".(52) Tõnd Soɑbɑ d kõo sɩdɑ ne Fo sẽn sikã lɑ d pʋg Tẽn-tʋʋmã bɩ F gʋls tõndo n lɑgm kɑset mɑɑndbã (53) Lɑ b rikɑ rɑb wẽngɑ tɩ Wẽnd nɑ n rɑbse, lɑ yaɑ Wẽnd lɑ rɑbsdbã sẽn yɩɩd sõmblem(54) Tẽeg wɑkɑt ning Wẽnd sẽn yeel a ɭɩsɑ: " ɑd Mɑm nɑ n sɑɑsɑ fo wɑktã lɑ m zẽk foo n tʋg M nengẽ, lɑ M yɩlg foo n yi neb nins sẽn kɩflbã lɑ M mɑɑn sẽn pʋgb foo wã tɩ b wil sẽn kɩflbã n tɩ tãɑg Dũni yikr rɑɑre, rẽ poore y lεbeng-zĩig yɑɑ Tõnd nengẽ tɩ M bʋ yãmb ne tɑɑb sʋkɑ yãmb sẽn dɑ yɩ n yõsd tɑɑb yεl nins pʋgẽ wã (55)} [Aal-ɭmraan: 52-55.] Wẽnd leb n kõo kibar yεsa -A Naam zẽkyã- tɩ nabiyaama a Ṣaalɩḥ -tɩlgr be a yĩnga- a nebã rag n rat n kʋ-a lame ne sɩlim-wẽnga, tɩ b na dik rab wẽnga, tɩ Wẽnd rɩk rab wẽnga nebɑ n halk-ba b fãa gilli, Wẽnd yeelame A Naam zẽkyã: { B yeelɑme: " d wẽen ne Wẽnd tɩ tõnd na n kʋ-a lame ne a zakã rãmba yʋngo, la d yeel a nedã: "tõnd pa yã yẽ ne a zakã rãmb kʋʋbã ye, la ɑd tõnd togsdɑ sɩda".(49) La rabsɑ rabɑ tɩ Tõnd na n lebs b rabrã tɩ bãm yɑa sẽn pɑ ning b yɑmẽ (50) Bɩ f gese b rabrã baasg yɩɩ wãn-wãnɑ?: Tõnd halk-b lame la b nebã fãa gilli (51)} [Annamlʋ: 49-51]
La lɩslaamdã gɩdgda wagdem: Wẽnd Tẽn-tʋʋm yeelame, Wẽnd pʋʋsg la A tɩlgr be a yĩnga: «Yoaad ka yood a sẽn wãt n yoodã t'a yaa sɩd-kõat ye, wagdr me ka zuudi a sẽn wat n zuudã t'a yaa sɩd-kõat ye, rã-yũud ka yũud a sẽn wat n yũudã t'a yaa sɩd-kõat ye, la ad tuubgã ket n paεεla rẽ poorẽ» Ṣahɩɩh Albʋẖaarɩ 6810.
Lɩslaoongã gɩdgda maan-n-zʋʋgɑ, Wẽnd yeelame A naam zẽkyã: {ad Wẽnd sagenda ne tẽeg-tɩrg la manegre, la rog-pẽts sõngre, la A gɩdgd tʋʋm yood la yel-kiti la wẽgbo, A sagenda yãmb tɩ raare y na tags n gese.} [Annahlʋ: 90] Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: « Ad Wẽnd tʋmsame tɩ wa mam nengẽ, tɩ y gãneg y mense, hal tɩ ned ra wa maan n zʋʋg a to zugu ye, ned rɑ wa tʋg n pugl me ne a to ye» Ṣahɩɩh Abɩɩ Daawʋʋda 4895
Lɩslaoongã gɩdgda wẽgdo, Wẽnd yeelame A naam zẽkyã: { lɑ Wẽnd pɑ noang Wẽgdb ye} [Aal-ɭmraan: 57.] A le yeelame A Naam Zẽkyã: {Yell sẽn yalẽ ad wẽgdbã pa põsd ye} [Al-anʿaamʋ : 21] A le yeelame A Naam Zẽkyã: {La wẽgdbã A segla b yĩngɑ nong sẽn zabde.} [Al-insaanu: 31] Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: «Neb a tãabo n be tɩ b kosg ka lebsd ye, yaa Naab sẽn yaa tẽeg tɩrg soaba, la no-loεta hal t'a wa tʋg n kao a noorã, la b sẽn wẽg a soab kosgo, b tebend ɑ kosgã sawatẽ wã n pak sɑɑsã ragnoyã a yĩnga, Tɩ Wẽnd yetẽ -A Naam zẽkyã- M wẽen ne M Zɩslemɑ M na sõng-fo baa tɩ na n yɩ wakat loogr poorẽ» a Muslim n yiis hadiisã koεε-koεεga (2749) n lagem ne yõsgr bilf bala la ɑ Tirmiizi, (2526) yẽ me yaa ne yõs-taab bilfu, la a Ahmad (8043), la gomdã bilã meng yaa a Ahmad nengẽ la woto. La wakat ning Tẽn-tʋʋmã ɑ Mʋhɑmɑd -Wẽnd pʋʋsg la A tɩlgr be a yĩnga- sẽn wa n tʋm a Mu'ʿaaz Yamanã, sẽn be a sẽn yeel-a wã pʋgẽ: "L a f zoe b sẽn wẽg a soab kosgo, ad lill ka be ne-a ne Wẽnd sʋk ye" Ṣahɩɩh Albʋẖaarɩ 1496. Tẽn-tʋʋmã -Wẽnd pʋʋsg la A Tɩlgr be a yĩng- le yeelɑme: «Ad ned ning sẽn wa n tʋg wẽg b (lɩslaambã) sẽn rɩk alkaool n mɑɑn zems-n-tɑɑr ne-a tɩ b ka n zab ne-a, maa a paoog-a lame, maa a rogl-a lame a sẽn ka tõe, maa a reega bũmb a nengẽ tɩ ka tũ ne a yõor raabo, ad mam yaa a zab-n-taaga dũni Yikr raarã» Sunan Abɩɩ Daawʋʋd 3052. Rẽnd lɩslaoongã yɑɑ wala fo sẽn ne wã, a gɩdgdame n yi zʋg wẽng fãa gilli, maa tʋm-n-taar sẽn yaa wẽgbo wɑlla maan-n-zʋʋkɑ.
36- Lɩslaoongã gɩdgda ligda tʋm-n-taar ning rɩbaag sẽn be a pʋgẽ, maa namsgo, maa belgre, maa wẽgdo, maa zãmbo, maa a yɩta sabab n wa ne sãanga la namsgo n gũbgd zãmã wã la nebã yembr-yembre.
Lɩslaoongã gɩdgda ligda tʋm-n-taar ning rɩbaag sẽn be a pʋgẽ, maa namsgo, maa belgre, maa wẽgdo, maa zãmbo, maa a yɩta sabab n wa ne sãanga la namsgo n gũbgd zãmã wã la nebã yembr-yembre. La renga Gom-sull kãngã sɩngrẽ wã, Aayae-rãmbã la hadiis-rãmba togsgo, sẽn wiligdi sẽn gɩdgd rɩbaagã la wẽgdã la zãmbã mɑa sãanga tẽngã poor zugu, Wẽnd yeelame A Naam zẽkyã: {Lɑ neb nins sẽn nɑmsd-b muumin-rɑɑdã lɑ muumin-pogsã ne b sẽn pɑ tʋmã, ad b tʋkɑ zĩri lɑ zũnuub sẽn yɑɑ vẽenegɑ.} [Al-ahaab : 58] Wẽnd le yeelame A Naam zẽkyã: {Ned ning sẽn tʋma sẽn sombe yaa a meng yĩnga, la ned ning sẽn wẽnga be ne-a, lɑ fo Soabã pa yɩ n yaa wẽgd baa bilf ne A yembsã ye} [Fʋṣṣɩlat :46] «La waa Sũnnã pʋgẽ: tɩ Wẽnd Tẽn-tʋʋma -Wẽnd pʋʋsg la A tɩlgr be a yĩnga- a bʋʋme n wilg tɩ nɑmsg kɑ be nams taab me ka be ye» Sunan Abɩɩ Daawʋʋd, Tẽn-tʋʋmã -Wẽnd pʋʋsg la A Tɩlgr be a yĩng- le yeelɑme: «Ned ning sẽn kõta sɩd ne Wẽnd la Yaoolem raarã, bɩ a maneg n tʋg a yaka, ned ning sẽn le kõta sɩd ne Wẽnde la yaoolem raarã, bɩ a waoog ɑ sãana. lɑ Ned ning me sẽn kõta sɩd ne Wẽnd la Yaoolem raarã bɩ a yeel sẽn be neere maa a sĩndi. lɑ togs ɑ to pʋgẽ ɑ yeelɑme: bɩ ɑ mɑɑn neere n tʋg ɑ yɑkɑ » Ṣahɩɩh Muslim 47., Tẽn-tʋʋmã -Wẽnd pʋʋsg la A Tɩlgr be a yĩng- le yeelɑme: « B namsa paga yũug poorẽ, a pag-a lame hal t'a wa tʋg n ki, t'a kẽ Bugmẽ yũugã poorẽ, yẽ n ka rɩlg-a a pɑ yũnug-a, bala a pag-a lame, yẽ n ka bas-a me t'a rɩt tẽngã bõn-yoodo» Ṣahɩɩh Albʋẖaarɩ (3482). Wãnde yaa ned sẽn nams yũuga, la ned ning sẽn nams nebã yẽ nengẽ na n yɩɩ wãn-wãna? Rẽnd yi a Ʋmar biig nengẽ a yeelame: Wẽnd Tẽn-tʋʋm rʋʋ mimbarã n moond ne koεεg sẽn zẽke, n yeele: (Yaa yãmb neb nins sẽn kõ sɩd ne b zɩlmã tɩ Sɩd-kũunɑ na ka ta a sũurẽ wã, ra nams-y lɩslaambã ye, ra n zang-y-b ye, ra n pẽesɩ-y b zamsã ye, tɩ ad ned ning sẽn pẽes ɑ ma-biig zanga, Wẽnd pẽesdɑ a zangã, ned ning Wẽnd sẽn pẽes a soab zanga, A ningd-a la yãnde baa tɩ yaa a zɑkɑ sʋkɑ. Togsdɑ yeelɑme: " A Ʋmar biig gesa ALkɑɑbã raar a yembre n yeele: " ad fo bedrem ka to ye f lohorom me ka to ye, la ad sɩd-kõta n yɩɩd foo ne lohorom zɩslem Wẽnd nengẽ) A Attirmiizi n reeg-a (2032) la ɭbn Hɩbbaan (5763) Tẽn-tʋʋmã -Wẽnd pʋʋsg la A Tɩlgr be a yĩng- le yeele: (Ned ning sẽn kõta sɩd ne Wẽnde la Yaoolem raarã bɩ a ra nams a yak ye, ned ning sẽn kõta sɩd ne Wẽnde la yaoolem raarã bɩ a waoog ɑ sãana, ned ning me sẽn kõta sɩd ne Wẽnde la Yaoolem raarã bɩ a yeel sẽn be neere maa a sĩndi) Ṣahɩɩh Albʋẖaarɩ (6018). Le yi a Abʋʋ Hʋraurat nengẽ -Wẽnd yard be a yĩnga- tɩ yi Nabiyaama nengẽ -Wẽnd pʋʋsg la A tɩlgr be a yĩnga- t'a yeelame: "yãmb mii talg bɩɩ?" La b yeelyã: "Tõnd pʋgẽ, talg yaa ned sẽn ka tar wakɩre, a ka tar lago". La a (Nabiyaama) yeelyã: " ad talga mam poorẽ rãmbẽ wã yaa ned ning sẽn wat dũni yikr raarã ne no-loeere la Pʋʋsgo la Zaka, ɑ wɑtɑme lɑ mikɑme t'a tʋʋ yã wã soaba burkĩndi, n rõd yã wã soaba, n rɩ yã wã soab ligdi, tɩ b zĩndg-a tɩ yã wã soab mɑɑn n dole n deeg a yel-sõmbdã, tɩ yã wã soab me yãk a yel-sõmbdẽ wã. T'a yel-sõmã wã sã n wa sε taoor t'a ka yao sẽn be a zugã zãngɑ, b yãkda bãmbã zunuub-rãmbã n fãerg yẽnda, rẽ poorẽ tɩ b rɩk-a n fãeg Bugmẽ wã) A Muslim n yiis-a (2581), la a Attirmiizii (2418), la a Ahmad (8029), la gom-billã yaa sẽn be yẽ nengẽ wã.
Wẽnd Tẽn-tʋʋm le yeelame-: (Tɩɩg will n da be sorã zug n namsd nebã, tɩ ned rɩk-a tɩ yi sɑbɑb tɩ b kẽes-a arzãna) A Albʋẖaarɩɩ n yiis-a lame (652) t'a kõt maanã-kãngã, la a Muslim (1914) me sẽn wõnd woto, la a ɭbnʋ Maaǧah (3682), la a Ahmad (10432) la goamã biisã yaa bãmb b yiibã nengẽ la yi yã. Rẽnd bũmb sẽn namsd nebã rɩk n bas sorã a kẽesda arzãna, la ned ning sẽn namsda nebã la a sãam b vɩɩmã, yendã yellã nɑ n yɩɩ wãn-wãnã?
37- Lɩslaoongã waame n na n wa gũus yamã, la a gɩdg bũmb fãa sẽn sãam yamã, wala rãam yũubu, la sãrɩ wã zẽkɑ yamã yelle, n maan tɩ yaa yẽnda la tʋʋmã roglg zĩiga, n yidg-a n yi rog-m-mikã la kɩfẽnd yεlã bãeensã, la ka be lɩslaamdã pʋga sẽn yɑɑ yel-soaandɩ maa bʋʋd-rãmbɑ sẽn welg ne neb toore tɩ ka tũ ne neb a taab ye, ad a Bʋʋd-rãmbã fãa la a Šari-rãmbã fãa yaa sẽn zemsd ne yam sõmbsã, yẽ me la bũmb sẽn zemsd ne tẽeg tɩrga la yam bεddã yãɑbã.
Lɩslaoongã waa ne yɑm gũubu, la a zẽk a yellã, Wẽnd yeelame A Naam zẽkyã: {ad wʋmbã (tʋbã) la ninã, la sũurã, wãnde fãa b na n wa sok a yelle} [Al-ɩsraa'ʋ:36]. Rẽnd yaa tɩlae ne ninsaalã t'a gũus a yamã, rẽ n kɩt tɩ lɩslaoongã gɩdg rãamã la doɑroɑkã, la mam togsa rãamã gɩdgre gom-sull sõor (34), la Alkʋrãan wagellã Aayae wʋsg fãa pidsda ne Wẽnd koεεga, A Naam zẽkyã: {sãnd-sãnde y nɑ pɑɑm yɑm} [Albɑƙɑrɑ 242]. Wẽnd le yeelame A Naam zẽkyã: {La dũni vɩɩmã pa yɩ rẽndame tɩ yaa reem la wɩsgɑ, la ad Yaoolem zakɑ n yɩɩd sõmblem ne Wẽnd-zoεtbã, rẽ yĩnga y pa na n maan yam?} [Al-anʿaamʋ : 32] Wẽnd leb n yeelame A Naam zẽkyã: { Ad Tõnd sik-a-lame, t'ɑ yɑɑ Kʋrãan sẽn yɑɑ Laarabiimdu (goama), sẽn na yɩlẽ tɩ yãmb bãng ɑ võorã.} [Yuusuf :2] La Wẽnd vẽnegdame -A Naam zẽkyã- n wĩnig tɩ ad kãndagrã la bãng-nɑfɑ wã (Hɩkmã), b ka nafd ne b yiibã rẽnda yamã rãmbã, bãmb me la yam bεεl-bεεl rãmba, Wẽnd yeelame A Naam zẽkyã: { A kõtɑ yɑm-bedre(Hɩkmɑ) A sẽn tʋll ɑ soɑbɑ, lɑ b sẽn kõ-ɑ soɑbɑ yɑm-bedre ɑd b kõ-ɑ lɑ sõmɑ wʋsgo, lɑ pɑ tɑgsd n getẽ rẽndɑ yɑm-bεεl rãmbɑ} [Albƙara: 269]
La yaa woto yĩng la lɩslaangã maan yamã tɩ yaa tʋʋmã roglg zĩiga, Wẽnd Tẽn-tʋʋm yeelame, Wẽnd pʋʋsg la A tɩlgr be a yĩnga: «B zẽka kaal moogo n bɑs neb a tãabo, gõeta halɩ t'a wa tʋg n neke, la bi-bilfu hal t'a tʋg n ta zamsdo, la gãenga hɑlɩ t'a wa tʋg paam yam» A Albʋẖaarɩɩ n yiis-a gɩrga ne kengre, t'ɑ be taoor tɩ hadiis (5269) na n ka ta ye woto buudu, t'a Abʋʋ Daawʋʋd yiis-a woko (4402) la gomdã biis yaa yẽ (a Abʋʋ Daawʋʋd) nengẽ, la a Attirmiizii (yiis-a lame) (1423), la Annasaa'ɩ Assunan Alkʋbraa wã pʋgẽ (7346), la a Ahmad (956) n lɑgm yõs taab bilfu, la a ɭbnʋ Maaǧa (2042) koεεg-koεεga. La (lɩslaoongã) yidgɑ yɑmã n yi rog-m-mik la rʋbsã bãensẽ, Wẽnd yeelame- A Naam zẽkyã- n togsd zãmã-rãmb nins halhaal sẽn gãd-b b rog-m-migsã la b bas sɩd ning sẽn wa b nengẽ wã, n yi Wẽnd nengẽ wã. { Lɑ yaa woto bala Tõnd pa tʋms sẽn reng fo taoore bugsd fãa n tʋg tẽngẽ rẽnda a (tẽngã) rɩ-n-tɩkã-rãmb yeele: "tõnd mika d saamb-rãmba tɩ b be dĩin zugu, la tõnd yaa bãmb vũuna tikdba } [Azzʋẖrʋf: 23] Wẽnd le yeelame n togsd a ɭbraahɩɩm sẽn yaa ẖalɩɩlã (Wẽnd Noangã) tɩlgr be a yĩnga, t'a yeela a nebã: { Yaa bõe Nin-naands la woto yãmb sẽn yãs ne ɑ tũudumã lug-lugã?"(52) La b yeele: " tõnd mika d saam-rãmbã tɩ b tũud-ba" (53)} [Al-ambiyaa'ʋ: 52-53] Rẽnd lɩslaoongã waame n sagl nebã tɩ b bas rʋbsã tũubu la b zãag n bas rog-m-migs nins bãmb sẽn rɩk ɑ faadã b ba-rãmb la b yaab-rãmbẽ wã, la b tũ tẽn-tʋʋmbã soyã, pʋʋsg la tɩlgr be b yĩnga.
La ka be lɩslaoongã pʋgẽ, sẽn yaa yel-soondɩ la Bʋʋd-rãmbã, sẽn welg neb a taaba, tɩ ka zɑo neb a taabɑ zugye. B soka a Ali sẽn yaa Abʋʋ Ṭaalib biigã, Wẽnd yard be a yĩnga -yẽ me yaa Wẽnd Tẽn-tʋʋma -Wẽnd pʋʋsg la A tɩlgr be a yĩnga- sãm-bɩb biiga la a bi-puglã sɩda-: tɩ rẽ yĩngã Wẽnd Tẽn-tʋʋma -Wẽnd pʋʋsg la A tɩlgr be a yĩnga- ɑ welga yãmb ne bũmb ning bɩɩ? T'a yeele: « Wẽnd Tẽn-tʋʋma -Wẽnd pʋʋsg la A tɩlgr be a yĩnga- a ka welg tõnd ne baa fʋɩ tɩ ka gũbg ne nebã fãa gill ye, sã n ka bũmb ning sẽn be mam sʋ-kãngã wʋʋgẽ wã ". Togsdɑ yeelɑme: 't'a yiis sebre, tɩ gʋls a pʋgẽ tɩ : Wẽnd kãab beed be ne ned ning sẽn wa n tʋg n kodga tɩ ka tũ ne Wẽnd yʋʋr ye, Wẽnd kãab beed be ne ned ning sẽn tʋg n zu tẽngã todse, Wẽnd kãab beed le be ne ned ning sẽn kãaba a ba, Wẽnd kãab beed le be ne ned ning sẽn wa n soolɑ nin-kʋʋda» Ṣahɩɩh Muslim 1978. La lɩslaoongã Bʋʋd fãa la a Šari-rãmbã, b yaa bũmb sẽn wa n zemsd ne yam sõngo, n leb n yaa bũmb sẽn zemsd ne tẽeg tɩrga lɑ hɩkma (yam bedre).
38- La dĩin yoodã, b pʋgdbã sã n ka bãng bũmb ning sẽn be a pʋgẽ sẽn kɩɩsd taabã la yεl nins sẽn ka kẽed yamã, la b dĩinã taoor-rãmb sẽn liibd-ba n yetd-b tɩ ad dĩinã a yɩɩda yam tagsgo, yamɑ me ka tar toaaga dĩinã fasẽng pʋgẽ ye. La sã n yɑɑ lɩslaoongã a rɩka dĩinã tɩ yaa vẽenem n wõond yamã t'a rɩkd a sorã, rẽnd dĩin yoodã rãmba b ratame tɩ ninsaal bas a yamã la a pʋg bãmba, la lɩslaoongã a ratame tɩ ninsaal nek a yamã sẽn na yɩl bãng yεlã meng hakɩɩkã wala ɑ sẽn yaa to-to wã.
La dĩin yoodã, b pʋgdbã sã n ka bãng bũmb ning sẽn be a pʋgẽ sẽn kɩɩsd taabã la yεl nins sẽn ka kẽed yamã, la b dĩinã taoor-rãmb sẽn liibd-ba n yetd-b tɩ ad dĩinã a yɩɩda yam tagsgo, yamɑ me ka tar toaaga dĩinã fasẽng pʋgẽ ye. La sã n yɑɑ lɩslaoongã a rɩka dĩinã tɩ yaa vẽenem n wõond yamã t'a rɩkd a sorã, rẽnd dĩin yoodã rãmba b ratame tɩ ninsaal bas a yamã la a pʋg bãmba, la lɩslaoongã a ratame tɩ ninsaal nek a yamã sẽn na yɩl bãng yεlã meng hakɩɩkã wala ɑ sẽn yaa to-to wã. Wẽnd yeelame A Naam zẽkyã: { Yaa woto bɑlɑ la Tõnd tʋms Vɩɩm (Alkʋrãanã) sẽn yi Tõnd nengẽ, fo rag n ka mi yaa bõe la Gafã pa Lɩɩmaoong me, La ad Tõnd maan-a lame t'a yaa vẽenem, tɩ D kãndagd ne-a Tõnd sẽn tʋll a soaba D yembsẽ wã, La sɩd la hakɩɩka fo kãndagdame n tʋgd sor sẽn yaa tɩrga} [Aššʋʋraa: 52 ] Rẽnd wẽnd Wahɩ wã, a kʋmba daliil-rãmba la tagmas-rãmba sẽn peegd yam sõmã wã n tʋgd hakɩɩk-rãmb ninsɩ b sẽn rat n na n bãngã la b kõ sɩd ne-a wã, Wẽnd yeelame A Naam zẽkyã: {Yãmb a neba! Sɩda tikr waa yãmb nengẽ sẽn yi y Soabẽ wã, la D sikame tɩ wa yãmb nengẽ vẽenem sẽn vẽnegde} [Annisaa'ʋ: 174 ] Rẽnd wẽnde -A Naam yɩlgame n zẽke- A rata ninsaala t'a vɩɩms kãndagrã vẽenem pʋga la a bãngre la hakɩɩka, la sʋɩtãambã la kεdgdba zu-raadã, b rata ninsaala t'a pa kɩflmã liksẽ la zɩɩlmã la menegã, Wẽnd yeelame A Naam zẽkyã: { Wẽnd lɑ sɩd-kõtbã lɑlldɑ, A yiisdɑ bãmbɑ ligsẽ wã n tʋgd vẽenemẽ wã, lɑ sẽn kɩflbã bãmb lɑlldbɑ yɑɑ rʋbsã, b yiisdɑ bãmb vẽenemẽ wã n tʋgd ligsẽ wã } [Albɑƙɑrɑ :257]
39- Lɩslaoongã zɩsgda bãng sõngo la a leb n pirsd bãngr pẽesgo, pẽesg ning sẽn lak n yi yõor yɑm-leoog bãngrã, la a boondẽ n tʋgd tags-n-gesga la tagsgo tõnd mengã pʋgẽ la bõn-naandsã sẽn be tõnd kɩrengã, la bãngr pẽes n bãngã sã n mɑnge ɑ pɑ yõssgd ne lɩslaoongã ye.
Lɩslaoongã waoogda bãng sõngã, Wẽnd yeelame A naam zẽkyã: { Wẽnd zẽkda neb nins sẽn kõ sɩdã yãmb pʋgẽ wã la neb nins b sẽn kõ bãngrã Dargε rãmba, la Wẽnd yaa minim tẽng-n-biiga ne yãmb sẽn tʋmdã } [Al-mugεεdalah: 11] La Wẽnd tõka bãngdbã kasetã ne A Meng kaseto, la A malεgsã kaseto, tɩ yaa b sẽn na n seet bũmb ning sẽn yaa zɩsgo n tɩ yɩɩde, Wẽnd yeelame A Naam zẽkyã: {Wẽnd mɑɑnɑ kɑseto tɩ yel sẽn yɑlẽ soɑb sẽn tũudi n tɩlg kɑe rẽndɑ Yẽ, tɩ Mɑlεgsã lɑ bãngdbã mɑɑndɑ kɑset t'A yɑsɑ ne tẽeg-tɩrgɑ, Soɑb sẽn tũud n tɩlg kɑe sã n pɑ Yẽ sẽn yɑɑ wilb Nɑɑbã sẽn yɑɑ bʋʋd Mitã} [Aal-ɭmraan: 18.] La wãnde wilgda bãngdbã dargε lɩslaoongã pʋgẽ, la Wẽnd ka sagl A Nabiyaam a Mʋhammad -wẽnd pʋʋsg la A tɩlgr be a yĩnga- t'a kos paasg ne bũmb baa a yembre sã n ka bãngrã, Wẽnd yeelame A Naam zẽkyã: {la yeele: " M Soabã Wẽnde paas maam bãngre!"} [Ṭaha: 114], Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: « Ned ning sẽn wa n tuka sore, n baood bãngr a pʋgẽ, Wẽnd yolsda sor a yĩnga n tʋg arzẽna, la ad malεgsã gãnegda b pɩgsã tɩ yaa bãng-baood yard yĩnga, la ad bãng-baooda sẽn be saasẽ wã la sẽn be tẽngẽ wã kosda yaafa a yĩnga halɩ n tʋg n tãag zĩmã sẽn be koomẽ wã, la ad bãngd sẽn yɩɩd wẽnd-tũuda ɑ yaa wala kiuugã sẽn yɩɩd ãdsã sẽn ketã fãa wã, ad bãngdbã la nabiyaam-rãmbã fa-rɩkdba, lɑ ad nabiyaam-rãmbã b ka bas sãnem b ka bas wazuri, lɑ ad yaa bãngr la b bas-yã, rẽnd ned ning sẽn rɩk-a, ad a pɑɑmɑ pʋɩɩr sẽn pidi» A Abʋʋ Dawʋʋd n togs-a (3641) la a tirmiizi (2682) la ɭbn Maagε (223) la gomdã biis yaa yẽndã nengẽ la a be, la a Ahmad (21715).
La lɩslaoongã pirsda bãngr pẽesgo sẽn pidg n yi yõor-yamleoogo, a leb n boondame n tʋgd tags-n-gesga la tagsgo tõnd menga pʋga la bõn-naandsã sẽn be tõnd kɩrenga, Wẽnd yeelame A Naam zẽkyã: { D na n wilg-b la d yεl-soalmã ween-n-vɩɩsẽ wã la b mensẽ wã, hal tɩ wa vẽneg ne bãmba t'a (Alkʋrãanã) yaa sɩda, rẽ yĩngã pa sek ne fo Soabã t'A yaa Seetɑ ne bũmbã fãa gilli?} [Fʋṣṣɩlat :53] Wẽnd le yeelame A Naam zẽkyã: { Rẽ yĩngɑ bãmb kɑ tɑgesdẽ n ges Wẽnd soolemã sẽn be sɑɑsẽ wã lɑ tẽngɑ pʋgẽ wã lɑ wẽnd sẽn nɑɑn buudã fãɑ wã lɑɑ? Lɑ b le kɑ ges me tɩ tõe tɩ b sɑsã wã kolgɑme lɑɑ? lɑ yɑɑ gom bʋs lɑ b nɑ n kõ sɩdɑ Alkʋrãɑnɑ loogr poorẽ } [Al-aʿraafʋ: 185] Wẽnd yeelame A Naam zẽkyã: {Rẽ yĩngɑ bãmb kɑ kẽn tẽngɑ pʋgẽ n ges rẽenem rãmbɑ bɑɑsg sẽn n yɩ to-to wã lɑ? b pãngɑ rɑ yɩɩdɑ bãmbɑ, lɑ b koo tẽn-gõngã lɑ b me-ɑ n yɩɩd bãmb sẽn me-ɑ wã, lɑ b tẽn-tʋʋmbã wɑa b nengẽ ne vẽenem-dãmbã, lɑ Wẽnd kɑ yɩ n nɑ n wẽg-b ye, lɑ bãmbɑ n dɑ wẽgd b mense } [Arrʋʋm : 9]
La bãngr ning sẽn yaa sõmã wã a ka kɩɩsd ne lɩslaoongã ye, tõnd na n togsa bilgr a yembre Alkʋrãanã sẽn togs welsg wʋsgo a pʋgẽ, sẽn yɩɩd yʋʋm tusr la kobs naas (1400) sẽn da looge, tɩ rũndã-rũndɑ bãngrã nɑ bãngd-a yaoolem, tɩ b bãngrã wa tʋg n zemsd ne bũmb ning sẽn be Alkʋrãan wagellã pʋgẽ wã, yẽ me lɑ ninsaal naanegã a ma wã pʋgẽ wã, Wẽnd yeelame A Naam zẽkyã: { Lɑ ɑd Tõnd naana ninsɑɑlã sẽn tũ ne tãndo (12) Rẽ poorẽ tɩ Tõnd maan-a t'a yaa mani n ning-a tɑbleg zĩig sẽn yõgne (13) rẽ poorẽ tɩ Tõnd naan mɑni wã t'a yaa zɩ-pelle, rẽ poorẽ tɩ Tõnd naan zɩ-pellã t'a legb nem-gilgu, rẽ poorẽ tɩ Tõnd naan nem-gilgã t'a lebg kõbre, rẽ poorẽ tɩ Tõnd sẽgn kõbrã nemdo, rẽ poorẽ tɩ Tõnd maan-a t'a yaa naaneg a to, Wẽnd bark yɩ wagelle sẽn naand tɑ nɑɑngã sõmlem yɩɩd nɑɑndb buud fãɑ wã! (14)} [Almuuminuun 12-14]
40- La ad Wẽnd ka reegd tʋʋmde, A leb n ka kõt yel-sõmd a pʋgẽ, yaoolem raarã sã n ka mikame tɩ yaa ned sẽn kõ sɩd ne Wẽnde la a tũ-A la a kõ sɩd ne A tẽn-tʋʋmba, pʋʋsg la tɩlgr be b yĩnga, A leb n ka reegd tũud-rãmbã sã n ka bũmb ninga A sẽn tuk n kõ-ba ye. Rẽnd na n yɩɩ wãn-wãnã tɩ ninsaala kɩfl ne Wẽnde la a tẽed t'A na n kõ-a lame? La a ka reegd ned baa a yembr sɩd-kũuni sã n ka mikame t'a kõo sɩd ne nabiyaam-rãmbã fãa gill ye -pʋʋsg la tɩlgr be b yĩnga- la a kõ sɩd ne a Mʋhammad tẽn-tʋmdã, Wẽnd pʋʋsg la A tɩlgr be a yĩnga.
La ad Wẽnd ka reegd tʋʋmde, A leb n ka kõt yel-sõmd a pʋgẽ yaoolem raarã sã n ka mikame tɩ yaa ned sẽn kõ sɩd ne Wẽnde la a tũ-A la a kõ sɩd ne A tẽn-tʋʋmba, pʋʋsg la tɩlgr be b yĩnga, Wẽnd yeelame, A Naam zẽkyã: {Ned ning sẽn yãgda n rat (duni wã) pʋɩɩrã, Tõnd kõt-a la ɑ pʋgẽ D sẽn tʋlle n kõ Tõnd sẽn tʋll ned ninga, rẽ poorẽ tɩ Tõnd maane tɩ yaa Gεhannem la a na n kẽ, ne sãbgre la tãndgre. (18) Lɑ ned ning sẽn tʋlla yaoolem raarã la a tʋm n bao-a, t'ɑ yaa sɩd-kõta rẽnd bãmb rãmbɑ tʋʋmã na n yãa soeesgo. (19)} [Al-ɩsraa'ʋ: 18-19] Wẽnd le yeelame A Naam zẽkyã: {La ned ning sẽn wa n tʋm tʋʋm sõma t'ɑ yaa sɩd-kõta, b pa na n sãam a tʋʋmɑ ye, lɑ Tõnd na n gʋlsa (yel-sõmd) n kõ-a.} [Al-ambiyaa'ʋ: 94 ] La Wẽnde A Naam zẽkame, A ka reegd tũud-rãmbã sã n ka tũudũm ninga A sẽn tuk n kõ-ba ye, A yeelame A Naam zẽkyã: { Lɑ ned ning sẽn tẽed a Soabã sεgbã, bɩ a tʋm tʋʋm sõma la a ra maan lagem-n-taar ne a Soabã baa fʋɩ ye} [Al-kɑhf:110]. Rẽnd A vẽnegame tɩ tʋʋmdã ka yɩt sõma rãndame tɩ yɩ n yaa Wẽnd sẽn kõ sor tɩ b tũ wã, t'a soabã leb n yɩ n yaa pʋ-peelem soaba ne Wẽnde tʋʋmdã pʋgẽ, n yaa sɩd-kõt ne Wẽnde, n yaa sɩdgda ne A nabiyaam-rãmbã la A tẽn-tʋʋmbã -tɩlgr be b yĩnga- la ned ning tʋʋmd sẽn n ka boto wã Wẽnd yeelame A Naam zẽkyã: {Tɩ Tõnd rɩk b sẽn da tʋma (dũni kaanẽ wã) n maan-a t'a lebg wa tom sẽn yelegde.} [Al-Fʋrƙɑɑnʋ: 23] Wẽnd le yeelame A Naam zẽkyã: {Nens n be rɑ-kãngɑ rɑɑrã n bendge n yɑɑle (2) Sẽn yaa tʋʋm toog rãmba (3) B nɑ n kẽe Bugum sẽn tʋʋlle. (4)} [Algaašɩya: 2-4] Rẽnd nen-kãensã yaa sẽn bendge n yaɑmse tʋʋmã keelem, la sẽn n mik t'a rag n tʋmdame tɩ ka tũ ne kãndagr sẽn yi Wẽnd nengẽ wã, Wẽnd maaname t'a baasg yaa Bugum, bala yẽnda pɑ tʋm ne bũmb ning Wẽnd sẽn sik-a ye, la ad a tũu tũud-rãmb sẽn yaa yooko, lɑ ɑ pʋg menegã zut rãmba, sẽn yẽbgd tũud yoodã n kõt-bã, rẽnd tʋʋm sõng ning sẽn reegd Wẽnd nengẽ wã, yaa sẽn zems ne A Tẽn-tʋʋmã sẽn wa ne wã -Wẽnd pʋʋsg la A tɩlgr be a yĩnga- yaa wãn-wãna tɩ ned na n wa kɩfl ne Wẽnde la a tẽed t'A na n kõ-a la koeere??
La ad Wẽnd ka reegd ned bɑɑ ɑ yembr sɩd-kũuni rẽndɑme t-ɑ sã n kõ nɑbiyɑɑm-rãmbɑ fãɑ -pʋʋsg lɑ tɩlgr be b yĩngɑ- sɩdɑ, lɑ ɑ kõ sɩdɑ ne ɑ Mʋhɑmɑde -pʋʋsg lɑ tɩlgr be ɑ yĩngɑ- tẽn-tʋmdã. Tõnd rɑ togsɑme tɩ looge dɑliil-rãmbɑ sẽn wilgd rẽndɑ gom-buk sõor (20), lɑ Wẽnd le yeelɑme A nɑɑm zẽkyã: {Tẽn-tʋʋmã kõo sɩdɑ ne b sẽn sik n kõ-ɑ tɩ yɑɑ sẽn yi ɑ Soɑbɑ nengẽ wã lɑ muumin-dãmbã me, yem kɑm fãɑ kõo sɩd ne Wẽnde lɑ A Mɑlεgsã lɑ A Gɑf-rãmbã lɑ A Tẽn-tʋʋmbã, tõnd pɑ welgd bɑɑ a yembre A Tẽn-tʋʋmbã pʋgẽ ye, lɑ b yeele: "D wʋmame lɑ d tũ, d kot-F yɑɑfɑ. Lebengã-zĩig me yɑɑ Fo nengẽ".} [Albakara: 285] . Wẽnd le yeelame A Naam zẽkyã: { Yãmb ɑ sɩd kõtbɑ! Kõ-y sɩd ne Wẽnd lɑ A tẽn-tʋʋmɑ lɑ Gɑf ning sẽn sik A tẽn-tʋʋmã zugã lɑ gɑf ning sẽn dɑ reng n sigã. Lɑ sẽn kɩfẽndɑ ne Wẽnd lɑ A Mɑlεgsã lɑ A Gɑf-rãmbã lɑ A Tẽn-tʋʋmbã lɑ yɑoolem rɑɑrã sɩdɑ ɑ menmɑ meneg sẽn zãɑge} [Annisaa'ʋ: 136 ] Wẽnd le yeelame A Naam zẽkyã: { Lɑ tẽeg wɑkɑt ning Wẽnd sẽn deeg Nɑbiyɑɑm-rãmbã pʋlengã -n yeel-bɑ-: "M sã n kõ yãmb Gɑfo lɑ Bʋʋdo, rẽ poorẽ tɩ Tẽn-tʋʋm wɑ yãmb nengẽ, n sɩdgd sẽn be ne yãmbã, yãmb nɑ n kõo sɩd ne-ɑ? y nɑ sõng-ɑ?" A yeelɑme: " yãmb reegɑ y zugẽ lɑ y sɑk Mɑm Pʋlengã?" La b yeelyã: " d sɑkɑme". t'A (Wẽnd) yeele: " bɩ y mɑɑn kaseto tɩ Mɑ me lɑgmɑ yãmbɑ n mɑɑn Kɑseto".} {Aal-ɭmraan: 81}.
41- Ad Wẽnd tẽn-tʋmã fãa gilli ɑ raabã yaa: tɩ sɩd-dĩinɑ zẽk ninsaala t'a yɩ yamba sẽn welg toore ne Wẽnd A Yembre sẽn yaa bõn-naands Naabã, la b yidg-a n yi ninsaal yembdo, maa arzεgs maa rog-n-mik yembdo, rẽnd lɩslaoongã yaa wala fo sẽn ne to-to wã, a ka yɩlgd nebã n zẽk-ba n yɩɩd b zĩigẽ wã ye, a leb n ka maand-ba tɩ b yaa wẽn-dãmba la soben-rãmb ye.
Ad Wẽnd tẽn-tʋmã fãa gilli ɑ raabã yaa: tɩ sɩdɑ dĩinã zẽk ninsaala t'a yɩ yamba sẽn welg toore ne Wẽnd A Yembre sẽn yaa bõn-naands Naabã, la lɩslɑɑngã ɑ yidgdɑ ninsaalɑ n yi yembd mɑanego ne arzεgsã maa rog-n-mikã yεlã yembdo, Wẽnd Tẽn-tʋʋma -Wẽnd pʋʋsg la A tɩlgr be a yĩnga- yeelame: « Sãnem la wanzur (ligd) yamb halkyã, la koaba la gãng-la-pεεlga (fu-bεd) yamba, b sã n kõ-a la a sẽn yarde, la b sã n ka kõ-a la a sẽn ka yarde» Ṣahɩɩh Albʋẖaarɩ 6435. Rẽnd ninsaal sẽn yaa tɩrga a ka gãnegda a mengã rẽndame tɩ yaa ne Wẽnde, arzεk ka tõe n kɩt t'a yɩ yamba, ka lohorem, ka zugumdu, ka buudu, la bee togs-kãngã pʋgẽ sẽn pãrgd n wiligd karemdã nebã sẽn da be bũmb ning zugã taoor tɩ tẽn-tʋmdã na pa wa, la b lebga wãn-wãnɑ a waoongã poorẽ?
Wakat ning lɩslaam rãeemsã sẽn wa n yik ne b dĩinã n kẽng Ḥabša (Etiopi), tɩ Ḥabša naabã wakat-kãngã -Annagεεšɩɩ- sok-ba, n yeele-ba: " Yaa bõe la dĩin ningɑ yãmb sẽn welg y nebã a poorẽ wã, n ka kẽ mɑm dĩinẽ wã, lɑ y ka kẽ ned baa a yembr dĩinẽ? T'a Gεa'ʿfar ɭbn Abɩɩ Ṭaalib yeel-a: M naɑ! Ad tõnd rag n yaa neb sẽn yaa zɩɩlem rãmba, n tũud rʋbse la d wãbd gɩf-rãmba, la d maan yel-beedo, la d wãagd rogem, la d wẽngd yak-n-taare, pãng soab tõnd pʋgẽ wã a rɩta ned sẽn yaa valanga, ɑd tõnd rag n da bee woto zugu, halɩ tɩ Wẽnd wa tʋms Tẽn-tʋʋm tɩ wa tõnd nengẽ sẽn yi tõnd pʋgẽ, d mii a buudu la a sɩda la a bas-m-yam la a yõk-m-menga, a boola tõnd n tʋg Wẽnde bʋɩl yĩng tɩ d na yeem-A la d tũ-A la d bas bũmb ning tõnd sẽn da tũudã tõnd ne d yaab-rãmbã zẽng sẽn ka Wẽndã, sẽn yaa kuga la rʋbsã, lɑ a sagla tõnd ne sɩd goama la boabl lebsgo la rogem tõkre la yak-n-taar manegre, la d yõk d mens n yi sẽn gɩdgã la nebã zɩ-rãmbɑ, a le gɩdga tõnd n yi yel-beedo (yoobo) la zĩri-beed gomde, la kɩɩb arzεk rɩɩbo la pag sẽn yaa yõk-m-meng soab rõdbo, la a sagl tõndo tɩ d tũ Wẽnd a yembre d ra maan lagem-n-taar ne-A baa fʋɩ ye, a sagla tõnd ne pʋʋsgo la Zak yãkre la no-loeere" togsdɑ yeelame, a sõda lɩslaoongã yεla n wilig-a, tɩ tõnd sɩdg-a la d kõ sɩd ne-a la d pʋg-a a sẽn wa ne bũmb ningã, n tũ Wẽnd A Yembre, d ka maan lagem-n-taar ne-A baa fʋɩ ye, la d gɩdg bũmb ninga a sẽn gɩdg tõndã la d kõ sor ne bũmb ning a sẽn kõ sor ne a soaba ..." A Ahmad n yiis-a (1740) n lagem ne yõs-taab bilfu, la a Abʋʋ Nʋ'ʿɩɩm ((Hɩlyat Al-awlɩyaa'ʋ)) wã pʋgẽ (1/115) koεεg-koεεga. Rẽnd lɩslaoong yaa wala fo sẽn ne wã, a ka yɩlg neba n zẽk-ba n yɩɩg b zĩigẽ wã ye, a ka maan-ba tɩ b yaa Wẽnd-rãmba la soben-dãmb ye. Wẽnd yeelame A Naam zẽkyã: { Yeele:" yãmb ɑ Gɑfã rãmbɑ! Wɑ-y tɩ d tʋg gomd sẽn yɑɑ tɩrgɑ tõnd ne tɑɑb sʋkɑ, tɩ d rɑ wɑ tũ rẽndɑ Wẽnde, lɑ d rɑ mɑɑn Lɑgm-n-tɑɑre ne-A bɑɑ fʋɩ lɑ d rɑ rɩk tɑɑbɑ n mɑɑn soab-rãmbɑ zẽng tɩ pɑ yɩ Wẽnd ye". Lɑ bãmb sã n rɑεεge bɩ y yeel-bɑ:" mɑɑn-y kɑseto tɩ tõnd yɑɑ Lɩslɑɑmbɑ".} [Aal-ɭmraan: 64.] Wẽnd le yeelame A Naam zẽkyã: { Lɑ ɑ pɑ sɑgend yãmb tɩ y rɩk Mɑlεgsã lɑ Nɑbiyɑɑm-rãmbɑ n mɑɑn soɑb-rãmb ye, ɑ nɑ n sɑglɑ yãmb ne kɩfẽndo yãmb sẽn yɑɑ Lɩslɑɑm poorẽ?} {Aal-ɭmraan: 80}. Tɩ Tẽn-tʋʋmã -Wẽnd pʋʋsg la A Tɩlgr be a yĩng- yeele: « ra kils-y maam wala nasaar-rãmbã sẽn kils a Maryam biig a Iisa wã ye, ad mam yaa A yamba, bɩ y yeel-y tɩ Wẽnd yamba la A Tẽn-tʋʋma» Ṣahɩɩh Albʋẖaarɩ (3445).
42- Wẽnd tuka tuubgã sore lɩslaoongã pʋgẽ, yẽndame la ninsaal sẽn na n lebs a menga a Soabã nengẽ la a bas zunuuba maanego, la lɩslaoongã a wurda bũmb ning sẽn renga taoorã fãa sẽn yaa zunuub-rãmba, la tuubgã sũkda bũmb sẽn rag n renga taoore n yaa zunuub-rãmbã, rẽnd ninsaal ka tar tʋlsem n na n reeg a zugẽ ne ɑ zunuub-rãmbã ninsaalbã taoor ye.
Wẽnd tuka tuubgã sore lɩslaoongã pʋgẽ, yẽndame la ninsaal sẽn na n lebs a menga a Soabã nengẽ la a bas zunuuba maanego, Wẽnd yeelame A Naam zẽkyã: { La tuub-y y gilli n tʋg Wẽnd nengẽ yãmb ɑ sɩd-kõtbã tɩ raar ninga y na tɩlge} [Annuur: 31] Wẽnd le yeelame A Naam zẽkyã: { B pa mi tɩ yaa Wẽnd n reegd A yembsã tuubgu la A reegd doosã, lɑ yaa Wẽnd me la ɑ tuubg Rεεgda n yaa ɑ yolsg Naaba} [Attaooba: 104] Wẽnd le yeelame A Naam zẽkyã: { La Yẽ la Soab ning sẽn reegd tuubgã A yembsã nengẽ, la A yaafd n basd yεl-wẽna, la A mi bũmb ninga yãmb sẽn tʋmdã } [Aššʋʋraa: 25 ] Tɩ Wẽnd Tẽn-tʋʋmã -Wẽnd pʋʋsg la A Tɩlgr be a yĩnga- yeele: «Ad Wẽnd sũ-noog n yɩɩd ne a yamb sẽn yaa sɩd-kõta sẽn na n tuubi n leb A nengẽ, n yɩɩd ned sẽn na n be weoog pʋgẽ sẽn yaa halkr zĩiga, n tara a bõn-zombdga, tɩ yẽ rɩɩbã la a koomã be a zugu, tɩ yẽ gũs n wa yiki, tɩ mikame tɩ rũngã loogame, t'a bao-a halɩ tɩ ko-yũudã wa tʋg n paam-a, rẽ poorẽ t'a yeele: "m na n lebgame n tʋg m zĩig ning mam sẽn da beẽ wã n gãɑnde n kell n ki beenẽ". T'a rɩk a zugã n kogl a kãngã n na n kell n ki beenẽ, t'a wa neke n mik t'a rũnga yaa sẽn be beenẽ, t'a sɩrfãntã wã la a koomã la a rɩɩbã fãa bee ɑ zugu. Rẽnd Wẽnd sũ-noogo ne A yamb sẽn yaa sɩd-kõt tuubgu yɩɩda nin-kãngã soab sũurã sẽn noom ne a bõn-zombdgã la a sɩlfãntã wã» Ṣahɩɩh Muslim 2744.
La lɩslaoongã a wurda bũmb ning sẽn renga taoorã fãa sẽn yaa zunuub-rãmba, la tuubgã sũkda bũmb sẽn rag n renga taoorã sẽn yaa zunuub-rãmbã, Wẽnd yeelame A Naam zẽkyã: { Yeel sõm-zɩtbã tɩ b sã n tek n bɑse b nɑ bɑs sẽn deng tɑoorã tɩ loog b yĩngɑ, lɑ b sã n le lebg n wɑ, rẽnd pĩnd rãmbã mɑlsm rengɑ tɑor lɑ.} [Al-anfaalʋ: 38] La Wẽnd boola Nasaar-rãmbã tɩ b tuubi, n yeel, A Naam zẽkyã: { B pɑ nɑ n lebg n tʋg Wẽnd nengẽ lɑ b kos-A yɑɑfɑ? Lɑ Wẽnd yɑɑ Bɑs-tɩ-loog soɑbɑ n yɑɑ yolsdɑ } [Al-Maa'ɩda 74]. La Wẽnd kẽesɑ kɩɩsdbã la zunuub maandebã fãa gill yamleoogo tɩ b tuubi, t'A yeele A Naam zẽkyã: { yeele: " mam yembs nins sẽn maan n zʋʋg b mens zugã, ra n wãag-y tẽeb ne Wẽnd yolsga ye, ad Wẽnd yaafda zunuubã zãnga, ad Yẽnda la ɑ yaafg Naaba n yaa ɑ yolsda".} [Azzʋmar: 53] La wakat ninga a ʿAmbr ɭbn Al-ʿAaṣ sẽn wa n loe n wãage n na n tuubã, a yεεsame tɩ yẽ tʋʋm tuuti sẽn da loogã tɑoor t'ɑ pɑ tuubã b ka na n yaaf ye, ɑʿAmbr yeelɑme t'ɑ yɑɑ sẽn togsd yel-kãngã: ( Wakat ning Wẽnd sẽn wa n ning lɩslaoongã mam sũurẽ wã, a yeelame: m waa Nabiyaama -Wẽnd pʋʋsg la A tɩlgr be a yĩnga- nengẽ bʋɩl yĩng t'a na balem-ma, tɩ Nabiyaamã tẽeg a nugã tɩ mam yeele: "mam ka na n balem foom Wẽnd Tẽn-tʋʋmã hal tɩ f wa tɩ yaaf mam zunuubã sẽn da reng taorã "(ʿAmbr) yeelɑme: " tɩ Wẽnd Tẽn-tʋʋma -Wẽnd pʋʋsg la A tɩlgr be a yĩnga- yeel maam: "ʿAmbre, fo ka bãng tɩ higrã wã (yik ne f dĩin n keng Madiinã) a yaa sẽn sũkd zunuu-rãmbã sẽn da reng a taoorã laa? Ambre, fo ka bãng tɩ lɩslaoongã a sũkdɑ zunuub-rãmb sẽn da reng a taoorã laa?) A Muslim n yiis-a (121) woko la sẽn wõnd woto, la a Ahmad (17827) la gom-billã yaa yẽ nengẽ wã.
43- Rẽnd lɩslaoongã pʋga tõk-n-taare ninsaal ne a Soabã sʋka yɩtɑ tɩrga, rẽnd fo ka tar tʋlsem tɩ ned baa a yembr zĩnd foo ne Wẽnd sʋk ye, rẽnd lɩslaoongã gɩdgdame tɩ d wa tʋg n rɩk nisaalba tɩ b yaa soab-rãmba, maa b yaa lagem-n-taase ne Wẽnde A Soabẽndã wã maa A wẽndlemã pʋgẽ ye.
Rẽnd lɩslaoongã, a ka tar tʋlsem tɩ fo tʋg n togs f zunuub-rãmba ninsaalbã taoor ye, rẽnd lɩslaoongã pʋgẽ tõk-n-taarã ninsaala ne Wẽnd sʋka a yaa bũmb sẽn yaa tɩrga, ka baood tʋlsem n na n ning ned baa a yembre foom ne Wẽnd sʋk ye, rẽnd yɑɑ wala sẽn dag n loog gom-sull sõor (36). Tɩ Wẽnde -A Naam yɩ wagelle- A boola nebã fãa gilli n tʋg tuubgu la lebgre n tʋg A nengẽ, lɑ woto bala A gɩdga nebã tɩ b rɑ wa rɩk malεgsã la nabiyaam-rãmbã n maan tẽng-n-sʋgre Yẽnda ne A yembsã sʋk ye, Wẽnd yeelame A Naam zẽkyã: { Lɑ ɑ pɑ sɑgend yãmb tɩ y rɩk Mɑlεk-rãmbɑ lɑ Nɑbiyɑɑm-rãmbɑ n mɑɑn soɑb-rãmb ye, ɑ nɑ sɑglɑ yãmb ne kɩfẽndo yãmb sẽn yɑɑ Lɩslɑɑm poorẽ?} {Aal-ɭmraan: 80}. Rẽnd lɩslaoongã -wala fo sẽn ne wã- a gɩdgdame tɩ d wa tʋg n rɩk nisaalba tɩ b yaa soab-rãmba, maa b yaa lagem-n-taase ne Wẽnde, A (Rʋbʋʋbɩya) Soabẽndã, maa A (Ʋlʋʋhɩya) wẽndlemã pʋgẽ, Wẽnd yeelame -A Naam yɩ wagelle- sẽn kẽed ne Nasaar-rãmbã wεεngẽ: { B rɩkɑ b bãngdbã lɑ b tũudbã n mɑɑn sob-n-dãmbɑ zẽng sẽn tɩ pɑ Wẽnd ye, n pɑɑs ɑ Sɩɩs-tɩ-mɑɑg ɑ Mɑryɑm biigã, lɑ b yɑool n kɑ sɑgl-bɑ rẽndɑme tɩ b tũ Wẽnd sẽn yɑɑ Soɑb yεng tãɑ wã, Soɑb sẽn sõmb ne tũub kɑ be rẽndɑ Yẽndɑ, A yɩlgɑme n yi bãmb sẽn mɑɑn lɑgm-n-tɑɑr ne bũmb ninsã wã.} [Attaooba: 31] La Wẽnd kɩɩsa kɩfr-dãmbã tɩ bɑlɑ bãmb bɑoodɑ tẽng-n-sʋgse (taasdba) bãmb ne Wẽnd sʋka, tɩ Wẽnd yeele A Naam zẽkyã: { Ad yɑɑ Wẽnd n so dĩin sẽn yɩlẽngã, La neb nins sẽn gãd lall-n-taas tɩ pa yɩ ne-A wã, ( n yetẽ): " tõnd sẽn tũud-bã yɑɑ sẽn nɑ yɩl tɩ b pẽneg tõnd ne Wẽnd bɑlɑ". Ad Wẽnd bʋʋda bãmb ne taab sʋka, bũmb ning pʋgẽ bãmb sẽn yõs taaba, ad Wẽnd pa kãndagd ned ning sẽn yaa zĩri-be-neda n yaa kɩfr ye.} [Azzʋmar: 3] La Wẽnd vẽnegame n wiligi tɩ ad rʋb-tũudbã, sẽn yaa zɩɩlmã rãmbã, b ra yɩɩme n baood tẽng-n-sʋgse, bãmb ne Wẽnd sʋka, n yetẽ tɩ ad b pẽnegda bãmb ne Wẽnde.
Lɑ sã n mikame tɩ Wẽnd gɩdga nebã tɩ b ra rɩk nabiyaam-rãmbã la malεgsã n maan tẽn-n-sʋgse Yẽnda ne A yembsã sʋka, rẽnd zẽng sẽn ka bãmbɑ n yɩɩde, na n yɩɩ wãn-wãn tɩ nabiyaam-rãmbã la tẽn-tʋʋmbã mense -pʋʋsg la tɩlgr be b yĩnga- b yãgdame n baood pẽnegre ne Naab A Wẽnde, Wẽnd yeelame -A Naam zẽkyã- n kõt kibare nabiyaam-rãmbã la tẽn-tʋʋmbã ɑlhaalã, tɩlgr be b yĩnga: { ad bãmb ra yɩɩme n yãgd ne tʋʋm sõma, la b boond Tõnd ne yamleoogo la rɑbeem, la b rɑyɩɩme n yɑɑ gãneg-m-meng rãmbɑ ne Tõnd tũudumã } [Al-ambiyaa'ʋ:90] Wẽnd le yeelame A Naam zẽkyã: {Ad bãmb sẽn tũudb rãmbã bãm me baooda radgo sẽn yɑɑ tʋʋm sõmɑ n nɑ n pẽneg b Soabã n põs-tɑɑbɑ n nɑ n ges sẽn yɩɩdɑ ne tʋʋm sõng bãmb sʋkã, la b tʋll A yolsgã la b yεεsd A namsgã, ad fo Soabã sɩbgrã sõmbɑ ne gũusgu.} [Al-ɩsraa'ʋ: 57] Rat n yeel tɩ yãmb sẽn kot-b rãmb zẽng tɩ pa Wẽndã, -tɩ yaa nabiyaam-rãmb la nin-sõmbsã- ad bãmb mensã baooda pẽnegr ne Wẽnde, la b tẽed Wẽnd yolsgã la b yεεsd a nangã; rẽnd na n yɩɩ wãn-wãn tɩ b wa tʋg n kot bãmbã tɩ ka Wẽnde?
44- Seb-kãngã baasgẽ wã, d tẽegdame tɩ ad nebã, b zãmaan-rãmbã sẽn yõs-taabɑ la b tẽmsã yõs-taabã la b buud-rãmbã halɩ n tʋg n tãag ninsaalbã mensã fãa gilli, mikɑme tɩ b yõsa taaba b tagsɑ wεεngẽ la b tʋlsmẽ wã, n leb n yõs taaba b zĩisẽ wã la b tʋʋmẽ wã, rẽnd sã n yaa woto, a tara tʋlsem wʋsgo ne pεεgda sẽn na n togl bãmba la na-kẽndre sẽn na n tigim bãmba la bʋʋda sẽn na n bʋ-ba, lɑ yɑɑ tẽn-tʋʋmbã sẽn yaa waglã -pʋʋsg la tɩlgr be b yĩnga- bãmb n rɑ yãs ne yel-kãngã, sẽn tũ ne tẽn-tʋmd sẽn yi Naab A Wẽnd nengẽ -A Naam yɩlgyã- tɩ b peegd nebã n tʋgd sõma sore la kãndagre, la b tigimd-ba Wẽnd Šari wã zugu, la b bʋʋd b ne taab sʋka ne sɩda, tɩ b yellã yaa sẽn tẽeg tɩrga n zemsd bãmb me sak-n-tũ wã ne tẽn-tʋʋmbã tεka, la bãmb me wakatã pẽem ne Wẽnd (wahɩ wã) tẽn-tʋmdã. La ad Wẽnd pidsa tẽn-tʋmɑ ne A Tẽn-tʋʋma a Mohammad -Wẽnd pʋʋsg la A tɩlgr be a yĩnga- Tẽn-tʋmdã, la A bʋʋme tɩ yẽ n na n pa, lɑ A maan-a t'a yaa kãdagr ne nebã, n leb n yaa yolsgo, la vẽenem, la kãndagre n tʋg sor sẽn pẽnegd ne Wẽnde A Naam yɩlgyã:
Seb-kãngã baasgẽ wã, d tẽegdame tɩ ad nebã, b zãmaan-rãmbã sẽn yõs-taaã la b tẽmsã yõs-taabã la b buud-rãmbã halɩ n tʋg n tãag ninsaalbã mensã fãa gilli, mikɑme tɩ b yõsa taaba b tagsɑ wεεngẽ la b tʋlsmẽ wã, n leb n yõs taaba b zĩisẽ wã la b tʋʋmẽ wã, rẽnd sã n yaa woto, a tara tʋlsem wʋsgo ne pεεgda sẽn na n togl bãmba la na-kẽndre sẽn na n tigim bãmba la bʋʋda sẽn na n bʋ-ba, lɑ yɑɑ tẽn-tʋʋmbã sẽn yaa waglã -pʋʋsg la tɩlgr be b yĩnga- bãmb n rɑ yãs ne yel-kãngã, sẽn tũ ne tẽn-tʋmd sẽn yi Naab A Wẽnd nengẽ -A Naam yɩlgyã- tɩ b peegd nebã n tʋgd sõma sore la kãndagre, la b tigimd-ba Wẽnd Šari wã zugu, la b bʋʋd b ne taab sʋka ne sɩda, tɩ b yellã yaa sẽn tẽeg tɩrga n zemsd bãmb me sak-n-tũ ne tẽn-tʋʋmbã tεka, la bãmb me wakatã pẽem ne Wẽnd tẽn-tʋmdã (wahɩ wã). La menengã sẽn wa n wʋsgã, tɩ zɩɩlmã gũbgã, tɩ b tũ rʋbsã; Wẽnd tʋmsa a Nabiyaama a Mohammad-Wẽnd pʋʋsg la A tɩlgr be a yĩnga- ne kãndagre la dĩin sẽn yaa sɩda, bʋɩl yĩng t'a na yiis nebã kɩfẽndã ligsẽ la zɩɩlmã la rʋbsã, n tʋg sɩd-kũuni la kãndagrẽ.
45- Rẽ n kɩte, tɩ m boond foom a ninsaala, tɩ f yik n yals ne Wẽnd tũudmã yalsg sɩd-sɩda, n pidg n yi togs-n-taare la rog-m-mikã, la f bãng tɩ ad foo f kũumã poorẽ f na n leba f Soabã nengẽ, la f ges fo mengẽ wã la wee-n-vɩʋʋga sẽn be fo kɩremsã, bɩ f sak n tũ tɩ ad f paamda zunoogo f dũni wã pʋgẽ la f Laahrã pʋgẽ, la fo sã n rat n kẽ lɩslaoongã, ad ka be ne foom rẽndame tɩ f (maan kaseto tɩ soab sẽn na tũ n tɩlg ka be rẽnda Wẽnde, la a Mohammad me yaa Wẽnd Tẽn-tʋʋma) la f zãag f menga n yi bũmb fãa sẽn tũudi zẽng tɩ ka Wẽnde, la f kõ sɩda tɩ ad Wẽnde, A na n yika neb nins sẽn be yaadẽ wã, la f bãnge tɩ ad Geelgã la Rolbã yaa bũmb sẽn yaa sɩda, rẽnd fo sã n maan kaset-kãngã, fo lebga lɩslaama, rẽ poorẽ, bee ne foom tɩ f tũ Wẽnde, lɑ A sẽn kõ sor ne bũmb ningã, sẽn yaa Pʋʋsgo la zak yãkre la no-loeere, la hagiimdu tɩ f sã n paam sor n na n tʋg beenẽ.
Rẽ n kɩte, tɩ m boond foom a ninsaala, tɩ f yik n yals ne Wẽnd tũudmã yalsg sɩd-sɩda, n pidg f meng n yi togs-n-taare la rog-m-mikã, wala Wẽnd sẽn bool foo A koεεgã pʋgẽ n yeele -A Naam zẽk-: { Yeel-bɑ (Tẽn-tʋʋmã): "Ad mɑm sɑgẽndɑ yãmb ne yel yεng tãɑ: tɩ y yik yiib-yiibu lɑ yembr-yembre, rẽ poorẽ n nɑɑg tɑɑb n tɑgs n ges tɩ gãeemd kɑ tɑr yãmb nedɑ ye, ɑd a kɑ yɩ rẽndɑ bugsd bɑl ne yãmbɑ n yi nong-kεgεngɑ tɩ rɑ wɑ pɑɑm yãmb ye} [Saba'ʋ: 46] La fo leb n bãng tɩ fo kũumã poorẽ, f na n lebg n tʋgɑ f Soaba Wẽnd nengẽ, Wẽnd yeelame A Naam zẽkyã: { La pa be ne ninsaala rẽnda a sẽn tʋmã (39) La a tʋʋmã ɑ na n yã-a lɑme. (40) rẽ poorẽ tɩ b roal-a rolb sẽn pidi (41) La yaa fo Soabẽ wã la tεk zĩiga. (42) [Annagmu :39-42] La f ges f mengẽ wã, la wee-n-vɩʋʋgã sẽn be fo kɩremsã, Wẽnd yeelame A Naam zẽkyã: {Rẽ yĩngɑ bãmb kɑ tɑgesdẽ n ges Wẽnd soolemã sẽn be sɑɑsẽ lɑ tẽng pʋgẽ wã lɑ wẽnd sẽn nɑɑn buudã fãɑ wã lɑɑ? Lɑ b le kɑ ges me tɩ tõe tɩ b sɑsã wã kolgɑme tɩ bãmb tõe n kiime n pɑ pɑɑm n kõ sɩd lɑɑ? lɑ yɑɑ gom bʋs lɑ b nɑ n kõ sɩdɑ Alkʋrãɑnã loogr poorẽ.] [Al-aʿraafʋ: 185]
Bɩ f sak n tũ, tɩ ad f paamda zunoogo dũni lɑ Laahre, la fo sã n rat n kẽ lɩslaoongã, ad ka be ne foom rẽndame tɩ f (maan kaseto tɩ soab sẽn na tũ n tɩlg ka be rẽnda Wẽnde, la a Mohammad me yaa Wẽnd Tẽn-tʋʋma. La wakat ning Tẽn-tʋʋmã -Wẽnd pʋʋsg la A tɩlgr be a yĩnga- sẽn wa n tʋm a Mu'ʿaaz Yamanã, t'ɑ yɑɑ boonda n tʋg lɩslɑɑngã ɑ yeel-ɑ lɑme: « Ad fo reedɑ neb sẽn yaa Gaf a taabã rãmb nengẽ, bɩ f bool-bɑ n tʋg tɩ b maan kaset tɩ soab sẽn na n tũ n tɩlg ka be rẽnda Wẽnde, la mam yaa Wẽnd Tẽn-tʋʋma, b sã n sɑk n tũ rẽnda, bɩ f wilg-ba tɩ Wẽnde -A Naam zɩsgame n yaa wagelle- A maaname n rogl bãmba wakat a nu raar fãa la yʋng pʋgẽ. B sã n tũ rẽnda bɩ f wilg-ba tɩ ad Wẽnde -A Naam zɩsgame n yaa wagelle- A maaname n rogl bãmba zɑkɑ b arzεgsã pʋgẽ, tɩ b reeg b rakãpẽ wã n lebs b talsẽ wã. B sã n sak n tũ rẽnda, bɩ f gũus f mengɑ ne b arzεg waglã» Ṣahɩɩh Muslim 19. la f zãag f menga n yi bũmb fãa sẽn tũud zẽng tɩ ka yɩ ne Wẽnde, la f zãag f menga n yi bũmb fãa sẽn tũud tɩ ka Wẽndã, yẽnda la dĩin tɩrgã sẽn yaa Nabiyaama a ɭbraahɩɩm dĩinɑ -tɩlgr be a yĩngɑ- Wẽnd yeelame A Naam zẽkyã: { Sɩd la hakɩɩka togs-n-taɑr sẽn be neere zĩnda ne yãmba a ɭbraahɩɩm yellã pʋgẽ la neb nins sẽn lagm-a wã, b sẽn wa n yeel b nebã: "tõnd yaa zãagdb ne yãmba la bũmb ning yãmb sẽn tũud tɩ pa Wẽndã, tõnd kɩflɑ ne yãmba, la beem la gẽeg vẽnega tõnd ne yãmb sʋkɑ lae lae, halɩ tɩ y wa kõ sɩd ne Wẽnd a Yembre } [Almumtaḥɩna: 4] La f kõ sɩd tɩ ad Wẽnde, A yikda neb nins sẽn be yaadẽ wã, Wẽnd yeelame A Naam zẽkyã: { Woto tɩ bala yaa Wẽnd la Sɩdã, lɑ yaa Yẽnd n vʋʋgd kũ-rãmba, la ɑ yaa tũudɑ ne bũmb ɑ fãa(6) Lɑ ɑd dũni yikrã yaa sẽn wate sik ka a pʋgẽ ye, la ad Wẽnd na n yika neb nins sẽn be yaadẽ wã.(7) } [Al-haǧ: 6-7] La ad Geelgã la Rolbã yaa bũmb sẽn yaa sɩda, Wẽnd yeelame A Naam zẽkyã: { la Wẽnd naana saasã la tẽngã ne sɩda, la sẽn na rol yõor fãa gilli a sẽn tʋme, tɩ bãmb yaa b sẽn pa wẽgd-b rãmbɑ.} [Algaaṯɩya: 22]
Rẽnd fo sã n maan kaset-kãngã, fo lebga lɩslaama, rẽ poorẽ bee ne foom tɩ f tũ Wẽnde, ne A sẽn kõ sor ne bũmb ningã, sẽn yaa Pʋʋsgo la zak yãkre la no-loeere, la hagiimdu tɩ f sã n paam sor n na n tʋg beenẽ, la zẽng sẽn ka rẽnda.
Gɑfã gʋls-kãngã b yiis-ɑ la wɑkɑt 19-11-1441
Yaa karen-saam bedrã a Mʋhammad ɭbn Abdʋllaah Assʋhaim n gʋls-a
Loεεgã (Wẽnd yembgã) bãngr karen-saamba lɩslaoongã karengã bukẽ ( sẽn dɑ looge)
Karen-do bedre (Fakilte) sẽn geta wʋbrã yelã n be a naab a Sʋ'ʿʋʋd karen-do zakẽ wã (Inɩversɩte).
Rɩyaade, Arabɩ Saoodɩt tẽngã
Related books
All books
Toagsg sẽn kʋʋg koεεga sẽn wilgd Lɩslaoongã wεεngẽ, wala a sẽn wa Alkʋrãan wagellã la Nabiyaamã sũnnɑh pʋga61 languagesToagsg sẽn kʋʋg koεεga sẽn wilgd Lɩslaoongã wεεngẽ, wala a sẽn wa Alkʋrãan wagellã la Nabiyaamã sũnnɑh pʋga
Ne Wẽnd Yʋʋrã Albarka, sẽn yɑɑ Dũni yols zãng naabã, n leb yɑɑ Sɩd-kõatbã welg n yols naabã Lɩslaoongã. (Wãnde yɑɑ yiisgu, (Kopɩ) b sẽn n yãk daliil-rãmbã n bɑse) [1] [1] seb-kãngã tara yiisgɑ (kopɩ) a to sẽn tigim daliil-rãmbã sẽn yi Alkʋrãan wagellã la Sunnɑh, masaal fãa sẽn be a pʋgẽ ne ɑ dɑliil. Lɑ sẽn na yɩl n pɑɑm-ɑ n gese tũudɑ so-kãngã .https://islamhouse.com/ar/books/2830071 Yaa gaf sẽn be sʋka, a gũbgɑ wĩnig-rãmbɑ sẽn kʋʋg kεoogɑ n wĩngd Lɩslɑoongã sẽn yɑɑ ɑ soɑba, n vẽnegd a yẽg nins sẽn tʋg n pak n yɩɩda, la a sɑglsã, lɑ ɑ sõmblemã, n yõnged n yit a tigsg nins sẽn yaa yẽgã, yẽndɑ…
Sebr sẽn yaa koεεga, n na n kõ sẽn ka saka Wẽnd belemã.61 languagesSebr sẽn yaa koεεga, n na n kõ sẽn ka saka Wẽnd belemã.
Wãnde yɑɑ Sebr sẽn yaa koεεga, n na n kõ sẽn ka saka Wẽnd belemã, a gomda ne yamã n wilgdẽ tɩ ween-n-vɩʋʋgã la a na-kẽndrã, ka sakd t'a wa yɩ bũmb sẽn ling n yɩ ye, a leb n wilgdame tɩ Naand sẽn yaa minim soab n be beenẽ, Rẽ yĩnga sakda yam pʋgẽ, tɩ wãnde fãa gill waa zaalemẽ? Sã n yaa woto bɩ f pak f sũurã, n tagse, la f geele, la f bao sɩdã, tɩ f tõe pɑɑmɑ vẽenem ɑ pʋgẽ tɩ peeg-fo.
Lɩslaangã lɑ Wẽnd Tẽn-tʋʋmbã dĩini85 languagesLɩslaangã lɑ Wẽnd Tẽn-tʋʋmbã dĩini
Lɩslaangã yaa sak-n-tũ Wẽnde, sẽn yaa bõn-naandsã Naandã la b Rabsdã, la sak-n-tũ-A ne nonglem la waoogre, la lɩslaangã yẽgrã yaa kõ-sɩd ne Wẽnde, la kõ-sɩd tɩ Yẽnda la Naandã la zẽng sẽn ka Yẽ fãa yaa bõn-naandga, la Yẽnda n sõmb ne tũudmã, Yẽ A Yermbre, lagem-n-taag ka be ne-A, sẽn na n tũ a soab sɩd-sɩd ka be tɩ sã n ka Yẽ ye, A tara yʋy sẽn manege la sɩf-rãmb sẽn zẽke, A tara pidb zãnga, tɩ boogr ka be ye, A ka roge, b Ka rog-A, A ka tar lall-n-taaga, A ka tar mak-n-taaga, A ka tar bilg-n-taaga, A ka sigd yĩngã, A ka lebd yĩng baa fʋɩ A bõn-naandsã pʋgẽ ye. Lɩslaangã yaa Wẽnd dĩini (A…
الدروس المهمة لعامة الأمة78 languagesالمهمةالدروس المهمة لعامة الأمة
يهدف الكتاب إلى تعليم المسلمين أساسيات دينهم بطريقة مبسطة وشاملة. يتناول مجموعة من الدروس المهمة مثل قراءة الفاتحة وقصار السور، وأركان الإسلام والإيمان، وأقسام التوحيد والشرك، وشروط وأركان وواجبات الصلاة، بالإضافة إلى مبطلاتها، مع بيان مختصر لشروط الوضوء وفروضه ونواقضه. كما يسلط الضوء على التحلي بالأخلاق الإسلامية والآداب الشرعية، ويقدم إرشادات لطيفة حول تجهيز الميت والصلاة عليه ودفنه.