ຄວາມຮູ້ທົ່ວໄປທີ່ມຸສລິມຄວນຈະຮູ້
ປື້ມ (ຄວາມຮູ້ທົ່ວໄປທີ່ມຸສລິມຄວນຈະຮູ້) ເປັນປື້ມທີ່ຍິ່ງໃຫຍ່, ທີ່ຖືກຮຽບຮຽງຂຶ້ນ ວ່າດ້ວຍຄວາມຮູ້ ແລະ ການອະທິບາຍທີ່ແຈ່ມແຈ້ງ, ໄດ້ຮວບຮວມສິ່ງທີ່ມຸສລິມຄວນຮູ້ ກ່ຽວກັບຫລັກການພື້ນຖານຂອງອະກີດະຮ໌, ບັນຍັດຂອງອິດສະລາມ, ແລະ ມາລະຍາດອັນດີງາມ, ດ້ວຍສຳນວນທີ່ປານີດງົດງາມ, ທີ່ຊ່ວຍເປີດປັນຍາໃຫ້ສະຫວ່າງ, ແລະ ເຮັດໃຫ້ຫົວໃຈສະຫງົບສຸກ, ຊ່ວຍຂັດເກົາຄວາມເຂົ້າໃຈ, ແລະ ຊີ້ນຳການກະທຳໃຫ້ຖືກຕ້ອງ, ສະນັ້ນ ປື້ມເຫຼັ້ມນີ້ຈຶ່ງເປັນກະແຈສູ່ການລອດພົ້ນຢ່າງແທ້ຈິງ, ແລະ ເປັນຄູ່ມືຂອງຜູ້ເດີນທາງໃນເສັ້ນທາງແຫ່ງການເຊື່ອຟັງພັກດີ ແລະ ການສະແຫວງຫາຄວາມຮູ້.
These files are generated automatically from the book's text; their layout may differ from the printed edition.
ຄວາມຮູ້ທົ່ວໄປທີ່ມຸສລິມຄວນຈະຮູ້
ຄຳນຳ
ມວນການສັນລະເສິນທັ້ງປວງເປັນສິດຂອງອັລລໍຮ໌ ຜູ້ອະພິບານແຫ່ງສາກົນລະໂລກ, ແລະ ຂໍການອວຍພອນຄວາມສັນຕິສຸກຈົ່ງມີແດ່ຜູ້ທີ່ຖືກສົ່ງມາເພື່ອເປັນຄວາມເມດຕາແກ່ຊາວໂລກທັ້ງຫຼາຍ, ແລະ ຕະຫຼອດຈົນບັນດາວົງວານຕະກູນ ແລະ ມິດສະຫາຍຂອງທ່ານ ແລະ ບັນດາຜູ້ທີ່ດຳເນີນຕາມຊຸນນະຫ໌ຂອງທ່ານ ແລະ ໄດ້ຮັບການຊີ້ແນະຕາມແນວທາງຂອງທ່ານຈົນເຖິງວັນແຫ່ງການຕອບແທນ, ຕໍ່ໄປນີ້:
ນີ້ຄືຂໍ້ຄວາມສະບັບຫຍໍ້, ທີ່ປະກອບດ້ວຍສິ່ງທີ່ສຳຄັນທີ່ສຸດທີ່ຊາວມຸສລິມຕ້ອງການໃນດ້ານຫຼັກຄວາມເຊື່ອ, ການເຄົາລົບສັກກະລະ ແລະ ການພົວພັນຕ່າງໆ, ພວກເຮົາໄດ້ຮວບຮວມມັນໄວ້ໃຫ້ແກ່ບັນດາຜູ້ມາຢ້ຽມຢາມທັງຊາຍແລະຍິງ ຂອງສອງສະຖານທີ່ສັກສິດອັນຊົງກຽດ, ເພື່ອໃຫ້ພວກເຂົາໄດ້ມີຄວາມຮູ້ແລະຄວາມເຂົ້າໃຈໃນເລື່ອງສາສະໜາຂອງພວກເຂົາ, ໂດຍຫວັງຈາກພຣະຜູ້ຊົງກະລຸນາປານີ, ພຣະຜູ້ຊົງໂປດປານ ວ່າພຣະອົງຈະໃຫ້ເກີດປະໂຫຍດດ້ວຍກັບມັນ, ແລະ ໃຫ້ມັນເປັນສິ່ງທີ່ດີງາມ ແລະ ບໍລິສຸດໃຈເພື່ອພຣະອົງ. ແທ້ຈິງພຣະອົງຄືຜູ້ທີ່ດີເລີດທີ່ສຸດທີ່ຖືກວອນຂໍ ແລະ ເປັນຜູ້ຊົງກະລຸນາທີ່ສຸດທີ່ຖືກຄາດຫວັງ.
ຄະນະກຳມະການວິຊາການ, ສຳນັກງານກິດຈະການດ້ານສາສະໜາ ປະຈຳມັດສະຍິດອັລຮະຣອມ ແລະ ມັດສະຍິດອັນນະບະວີ
ດ້ວຍພຣະນາມຂອງອັລລໍຫ໌ ຜູ້ຊົງກະລຸນາປຣາໜີ ຜູ້ຊົງເມດຕາສະເໝີ
ບົດທີ່ໜຶ່ງ:
ສິ່ງທີ່ກ່ຽວຂ້ອງກັບຫຼັກຄວາມເຊື່ອ
ຫົວຂໍ້ທີ່ໜຶ່ງ: ຄວາມໝາຍ ແລະ ຫຼັກການຂອງອິສລາມ:
ອິສລາມ ແມ່ນ: ການຍອມຈຳນົນຕໍ່ພຣະເຈົ້າດ້ວຍການໃຫ້ເອກະພາບຕໍ່ພຣະເຈົ້າດ້ວຍ (ເຕົາຮີດ), ການນໍາພາຕົນເອງໄປສູ່ຄວາມເຊື່ອຟັງ ແລະປະຕິບັດຕາມຄໍາສັ່ງຂອງພຣະອົງ, ແລະ ການອອກຫາງຈາກການຕັ້ງພາຄີ (ຊິຣິກ) ແລະ ຜູ້ທີ່ຕັ້ງພາຄີ.
ແລະ ຫຼັກການຂອງມັນມີຢູ່ 5 ປະການ:
ປະການທີໜຶ່ງ: ການປະຕິຍານຕົນວ່າ ບໍ່ມີພຣະເຈົ້າອື່ນໃດນອກຈາກອັລລໍຫ໌ ແລະ ນະບີມຸຮຳມັດເປັນສາສະນະທູດຂອງອັລລໍຫ໌.
ປະການທີ່ສອງ: ດຳລົງເຊິ່ງການລະຫມາດ.
ປະການທີ່ສາມ: ການຈ່າຍຊະກາດ (ບໍລິຈາກທານພາກບັງຄັບ)
ປະການທີ່ສີ: ການຖືສິນອົດໃນເດືອນຣໍມະດອນ.
ປະການທີ່ຫ້າ: ການປະກອບພິທີຮັຈ ທີ່ໄບຕຸລລໍຫ໌ ສໍາລັບຜູ້ທີ່ມີຄວາມສາມາດ.
ຄວາມສຳຄັນຂອງເຕົາຮີດ:
ຈົ່ງຮູ້ເຖີດວ່າ ອັລລໍຫ໌ ຜູ້ຊົງສູງສົ່ງ ໄດ້ຊົງສ້າງສັບພະສິ່ງທັງຫຼາຍ ເພື່ອໃຫ້ພວກເຂົາເຄົາລົບພັກດີຕໍ່ພຣະອົງ ແລະ ບໍ່ນຳສິ່ງໃດມາເປັນພາຄີຮ່ວມກັບພຣະອົງ, ອັລລໍຫ໌ ຕະອາລາ ໄດ້ກ່າວວ່າ : (ແລະ ຂ້າບໍ່ໄດ້ສ້າງຈິນ(ຜີ) ແລະ ມະນຸດ ມາເພື່ອຈຸດປະສົງອື່ນໃດ ເວັ້ນແຕ່ເພື່ອກາບໄຫວ້ເຄົາລົບພັກດີຕໍ່ຂ້າ) [ຊູເຣາະຫ໌ ອັຊສາຣິຍາຕ : 56], ແລະ ການອີບາດະຫ໌ນີ້ ຈະບໍ່ສາມາດຮັບຮູ້ໄດ້ນອກຈາກດ້ວຍຄວາມຮູ້, ດັ່ງທີ່ພຣະຜູ້ຊົງສູ່ງສົງໄດ້ຕຣັດວ່າ: (ສະນັ້ນ ຈົ່ງຮັບຮູ້ເຖິດວ່າ ບໍ່ມີພຣະເຈົ້າອື່ນໃດ (ທີ່ຖືກກາບໄຫວ້ໂດຍທຽງແທ້) ນອກຈາກອັລລໍຫ໌, ແລະ ຈົ່ງຂໍອະໄພຍະໂທດໃນຄວາມຜິດຂອງເຈົ້າ ແລະ ໃຫ້ແກ່ບັນດາຜູ້ສັດທາຊາຍ ແລະ ບັນດາຜູ້ສັດທາຍິງ, ແລະ ອັລລໍຫ໌ຊົງຮັບຮູ້ການເຄື່ອນໄຫວຂອງພວກເຈົ້າ ແລະ ທີ່ພຳນັກຂອງພວກເຈົ້າ) [ສຸເຣາະຫ໌ ມຸຮຳມັດ : 19], ດັງນັ້ນ, ຈຶ່ງຈຳຕ້ອງເລີ່ມດ້ວຍຄວາມຮູ້ ກ່ອນການກ່າວ ແລະ ການກະທຳ. ດັ່ງນັ້ນ ສິ່ງທີ່ສຳຄັນທີ່ສຸດທີ່ມຸສລິມຕ້ອງຮຽນຮູ້ ຄືການໃຫ້ເອກະພາບຕໍ່ອັລລໍຫ໌ ຜູ້ຊົງສູງສົ່ງ ແລະ ຊົງຍິ່ງໃຫຍ່; ເພາະວ່າມັນເປັນຮາກເຫງົ້າ ແລະ ພື້ນຖານຂອງສາສະໜາ, ສາດສະໜາຈະບໍ່ສາມາດຕັ້ງຫມັ້ນຢູ່ໄດ້ ນອກຈາກດ້ວຍຫຼັກເຕົາຮີດ, ເຊິ່ງເປັນຫນ້າທີ່ອັນທຳອິດຂອງຊາວມຸສລິມ ແລະ ເປັນຫນ້າທີ່ອັນສຸດທ້າຍ. ແລະ ເຕົາຮີດຄືຫຼັກການຂໍ້ທຳອິດຂອງຫຼັກການອິສລາມ ທີ່ມຸສລິມທຸກຄົນຈຳເປັນຕ້ອງຮູ້ ແລະ ປະຕິບັດຕາມ, ເຊິ່ງຫຼັກການດັ່ງກ່າວມີ 5 ປະການ, ດັ່ງລາຍງານຈາກທ່ານອັບດຸລລໍຫ໌ ບິນ ອຸມັຣ ຣໍດິຍັລລໍຮຸ ອັນຮຸມາ ໄດ້ກ່າວວ່າ: ຂ້າພະເຈົ້າໄດ້ຍິນ ທ່ານຣໍຊູລ ຂອງອັລລໍຫ໌ ﷺ ກ່າວວ່າ: «ຮາກຖານຂອງອິສລາມຕັ້ງຢູ່ເທິງ ຫ້າ ປະການ: ການປະຕິຍານວ່າ ບໍ່ມີພຣະເຈົ້າອື່ນໃດນອກຈາກອັລລໍຫ໌ ແລະ ມຸຮຳມັດເປັນສາສະນະທູດຂອງອັລລໍຫ໌, ດຳລົງໄວ້ເຊິ່ງການລະຫມາດ, ການຈ່າຍຊະກາດ, ການປະກອບພິທິຮັຈ, ແລະ ການຖືສິນອົດໃນເດືອນຣໍມະດອນ» [1]. [1] ບັນທຶກໂດຍ ອັລບຸກຄໍຣີ, ເລກທີ່ (8).
ຊາວມຸສລິມຈຶ່ງຈຳເປັນຕ້ອງຮຽນຮູ້ຄວາມໝາຍຂອງ ເຕົາຮີດ; ຄືການມອບການເຄົາລົບພັກດີບູຊາຕໍ່ອັລລໍຫ໌ພຽງຜູ້ດຽວ. ຫ້າມຕັ້ງສິ່ງໃດເປັນພາຄີກັບພຣະອົງໃນການເຄົາລົບບູຊາ, ບໍ່ວ່າຈະເປັນມະລາອີກະຫ໌ຜູ້ໃກ້ຊິດ ຫຼື ນະບີທີ່ຖືກສົ່ງມາ.
ຄວາມໝາຍຂອງການປະຕິຍານຕົນວ່າ ບໍ່ມີພຣະເຈົ້າອື່ນໃດນອກຈາກອັລລໍຫ໌:
ຄືການຍອມຮັບດ້ວຍຄວາມເຊື່ອໝັ້ນຢ່າງໜັກແໜ້ນວ່າ ບໍ່ມີຜູ້ໃດທີ່ຄູ່ຄວນແກ່ການເຄົາລົບສັກກາລະຢ່າງແທ້ຈິງ ນອກຈາກອັລລໍຫ໌. ດັ່ງນັ້ນ, ຕ້ອງເຄົາລົບບູຊາອັລລໍຫ໌ພຽງອົງດຽວ, ແລະ ອຸທິດການເຄົາລົບພັກດີທຸກປະເພດໃຫ້ແດ່ພຣະອົງເທົ່ານັ້ນ; ເຊັ່ນ ການຂໍວິງວອນ, ຄວາມຢ້ານກົວ, ຄວາມຫວັງ, ການມອບໝາຍ ແລະ ອື່ນໆ.
ແລະ ການປະຕິຍານຈະບໍ່ບັນລຸຜົນ ນອກຈາກດ້ວຍສອງຫຼັກຂໍ້ຄື:
ປະການທີໜຶ່ງ: ການປະຕິເສດຄວາມເປັນພຣະເຈົ້າ ແລະ ການເຄົາລົບພັກດີຕໍ່ສິ່ງອື່ນໃດນອກເໜືອຈາກອັລລໍຫ໌; ອັນໄດ້ແກ່ບັນດາພາຄີ, ພຣະເຈົ້າທັງຫຼາຍ ແລະ ບັນດາຈະເວັດຕ່າງໆ.
ປະການທີສອງ: ການຢັ້ງຢືນວ່າ ຄວາມເປັນພຣະເຈົ້າ ແລະ ການເຄົາລົບພັກດີຢ່າງແທ້ຈິງນັ້ນ ເປັນຂອງອັລລໍຫ໌ພຽງພຣະອົງດຽວ, ໂດຍບໍ່ມີສິ່ງອື່ນໃດນອກເໜືອຈາກພຣະອົງ. ອັລລໍຫ໌ໄດ້ກ່າວວ່າ : (ແລະ ໂດຍແນ່ນອນ ເຮົາໄດ້ແຕ່ຕັ້ງຣໍຊູລມາຍັງແຕ່ລະປະຊາຊາດ (ໂດຍຣໍຊູລຈະກ່າວແກ່ປະຊາຊາດນັ້ນໆ ວ່າ) ພວກທ່ານຈົ່ງເຄົາລົບພັກດີຕໍ່ອັລລໍຫ໌ ແລະ ຈົງຫຼີກຫນີ ອອກຫ່າງຈາກພວກຕໍກຼູດຮູບປັ້ນ (ຈະເວັດ)...) [ສຸເຣາະຫ໌ ອັນນະຫ໌ລຸ : 36].
ສຳຫລັບກົດເກນ ຫຼື ເງື່ອນໄຂຂອງ "ລາອິລາຮະ ອິລລັລລໍຮ໌" ບໍ່ມີພຣະເຈົ້າອື່ນໃດນອກຈາກອັລລໍຮ໌ ຄື:
ຂໍ້ທີ່ໜຶ່ງ: ຄວາມຮູ້ທີ່ກົງກັນຂ້າມກັບຄວາມໂງ່ຈ້າ.
ຂໍ້ທີ່ສອງ: ຄວາມໝັ່ນໃຈທີ່ປາສະຈາກຄວາມສົງໄສ.
ຂໍ້ທີສາມ: ເຈດຕະນາອັນບໍລິສຸດໃຈທີ່ປາສະຈາກການຕັ້ງພາຄີ.
ຂໍ້ທີສີ່: ຄວາມສັດຈະທີ່ກົງກັນຂ້າມກັບຄວາມເທັດ.
ຂໍ້ທີຫ້າ: ຄວາມຮັກທີ່ກົງກັນຂ້າມກັບຄວາມກຽດຊັງ.
ຂໍ້ທີ່ຫົກ: ການຍອມຈຳນົນທີ່ລົບລ້າງການລະຖິ້ມ.
ຂໍ້ທີ່ເຈັດ: ການຍອມຮັບ ໂດຍບໍ່ມີການປະຕິເສດ.
ຂໍ້ທີ່ແປດ: ການປະຕິເສດທຸກສິ່ງທີ່ຖືກເຄົາລົບບູຊານອກເໜືອຈາກອັລລໍຫ໌.
ແລະ ເງື່ອນໄຂເຫຼົ່ານີ້ຈຳເປັນຕ້ອງປະຕິບັດຕາມ, ເຊິ່ງໄດ້ຖືກຮວບຮ່ວມໄວ້ໃນໂອງການສອງບົດດັ່ງນີ້:
ອັນຄວາມຮູ້ ເຊື່ອຫມັ່ນຈາກຈິດໃຈ ແລະ ຄວາມບໍລິສຸດໃຈ ແລະ ຄວາມສັດຈິງຂອງທ່ານ ພ້ອມດ້ວຍຄວາມຮັກ ການຍອມຮັບ ແລະ ການປະຕິບັດຕາມຄຳບັນຊາໃຊ້.
ແລະ ອັນທີແປດທີ່ເພີ່ມຂຶ້ນມາຄື ການປະຕິເສດພຣະເຈົ້າອື່ນໃດນອກຈາກອັລລໍຮ໌.
ການບັນລຸຜົນຂອງຄຳປະຕິຍານນັ້ນ ຈະເກີດຂຶ້ນໄດ້ດ້ວຍການເຄົາລົບພັກດີຕໍ່ອັລລໍຫ໌ ຕະອາລາ ພຽງອົງດຽວ ໂດຍປາດສະຈາກຫຸ້ນສ່ວນໃດ ໆ, ແລະ ດ້ວຍຄວາມບໍລິສຸດໃຈໃນການເຄົາລົບພັກດີຕໍ່ພຣະອົງພຽງອົງດຽວ. ລາວຈຶ່ງບໍ່ວິງວອນຂໍຕໍ່ຜູ້ໃດນອກຈາກອັລລໍຫ໌, ບໍ່ໄວ້ວາງໃຈໃນຜູ້ໃດນອກຈາກອັລລໍຫ໌, ບໍ່ຫວັງຕໍ່ຜູ້ໃດນອກຈາກອັລລໍຫ໌, ບໍ່ລະຫມາດເພື່ອຜູ້ໃດນອກຈາກເພື່ອອັລລໍຫ໌, ແລະ ບໍ່ເຊື່ອດເພື່ອຜູ້ໃດນອກຈາກເພື່ອອັລລໍຫ໌ ຜູ້ຊົງບໍລິສຸດ ແລະ ສູງສົ່ງ.
ການທີ່ບາງຄົນໄປເດີນວຽນຮອບຫລຸມສົບ ແລະ ຂໍຄວາມຊ່ວຍເຫລືອຈາກຊາວຫລຸມສົບນອກເໜືອຈາກອັລລໍຫ໌ ກໍຖືເປັນຊິຣິກໃນການເຄົາລົບບູຊາ, ສະນັ້ນ, ຈຶ່ງຈຳເປັນຕ້ອງລະມັດລະວັງ ແລະ ຕັກເຕືອນໃຫ້ຫ່າງໄກຈາກສິ່ງດັ່ງກ່າວ; ເພາະວ່າສິ່ງນີ້ເປັນການກະທຳປະເພດດຽວກັນກັບທີ່ບັນດາຜູ້ຕັ້ງພາຄີກະທຳ, ຄືການເຄົາລົບບູຊາຮູບປັ້ນ, ຫີນ ແລະ ຕົ້ນໄມ້ ນອກເໜືອຈາກພຣະເຈົ້າອັລລໍຫ໌, ແລະ ນີ້ຄື "ຊິຣິກ" ຊຶ່ງບັນດາຄຳພີໄດ້ຖືກປະທານລົງມາ ແລະ ບັນດາຣໍຊູລໄດ້ຖືກສົ່ງມາ ກໍ່ເພື່ອຕັກເຕືອນ ແລະ ຫ້າມປາມຈາກມັນ.
ຄວາມໝາຍຂອງການປະຕິຍານຕົນວ່າ ມຸຮຳມັດເປັນສາສະນະທູດຂອງອັລລໍຫ໌ ຄື:
ເຊື່ອຟັງປະຕິບັດຕາມທ່ານໃນສິ່ງທີ່ທ່ານສັ່ງໃຊ້, ເຊື່ອມັ່ນໃນສິ່ງທີ່ທ່ານໄດ້ນຳມາບອກ, ອອກຫ່າງຈາກສິ່ງທີ່ທ່ານສັ່ງຫ້າມ ແລະ ຫ້າມບໍ່ໃຫ້ເຮັດ, ແລະ ບໍ່ໃຫ້ເຄົາລົບພັກດີຕໍ່ອັລລໍຮ໌ ຍົກເວັ້ນຕາມຮູບແບບທີ່ທ່ານຊົງບັນຊາໃຊ້. ຊາວມຸດສະລິມຈຶ່ງຢັ້ງຢືນວ່າ ທ່ານມຸຮຳມັດ ລູກຊາຍຂອງທ່ານອັບດຸລເລາະຫ໌ ຈາກຕະກູນ ກູຣອຊ ສາຍຕະກູນ ຮາຊິມ ຄືສາສະນະທູດຂອງອົງອັລລໍຮ໌ ຜູ້ຊົງສູງສົ່ງ ທີ່ຖືກສົ່ງມາສູ່ສັບພະສິ່ງທັງປວງ; ທັງຈິນ ແລະ ມະນຸດ. ດັ່ງທີ່ອັລລໍຫ໌ໄດ້ກ່າວວ່າ: (ຈົງກ່າວເຖີດ (ມູຮຳມັດ) ໂອ້ມະນຸດທັ້ງຫລາຍ ແທ້ຈິງຂ້ອຍເປັນຣໍຊູລຂອງອັລລໍຫ໌ ມາຍັງພວກທ່ານ ທັ້ງມວນ...) [ສຸເຣາະຫ໌ ອັລ-ອະຣອຟ : 158].
ແລະ ອັລລໍຫ໌ໄດ້ສົ່ງທ່ານມາເພື່ອເຜີຍແຜ່ສາສະໜາຂອງພຣະອົງ ແລະ ຊີ້ນຳມວນມະນຸດ, ດັ່ງທີ່ພຣະອົງໄດ້ຕຣັດວ່າ: (ແລະ ເຮົາບໍ່ໄດ້ສົ່ງເຈົ້າ (ມູຮຳໝັດ) ໃຫ້ເປັນອື່ນໃດ ເວັ້ນແຕ່ເປັນຜູ້ຕັກເຕືອນ ແລະ ເປັນຜູ້ຊີ້ນຳໃຫ້ແກ່ມະນຸດທັງປວງ, ແຕ່ສ່ວນຫລາຍຂອງມະນຸດນັ້ນ ບໍ່ຮູ້ ) [ສຸເຣາະຫຼ ຊາບະອ໌ : 28]. ແລະ ດັ່ງທີ່ພຣະຜູ້ຊົງສູ່ງສົງໄດ້ຕຣັດວ່າ: (ແລະຂ້າບໍ່ໄດ້ສົ່ງເຈົ້າ (ມູຮຳມັດ) ມາເພື່ອອື່ນໃດ ນອກເພື່ອເປັນຄວາມເມດຕາແກ່ຊາວໂລກ) [ສຸເຣາະຫຼ ອຳບີຍາ :107].
ແລະ ຄວາມໝາຍຂອງຄຳປະຕິຍານນີ້ຄື: ບໍ່ໃຫ້ມີຄວາມເຊື່ອວ່າ ທ່ານສາສະນະທູດຂອງອັລລໍຫ໌ ﷺ ມີສິດທິໃນຄວາມເປັນພຣະຜູ້ອະພິບານ ແລະ ການຈັດການໃນຈັກກະວານ, ຫຼື ມີສິດທິໃນການໄດ້ຮັບການເຄົາລົບສັກກາລະ, ຫາກແຕ່ທ່ານເປັນບ່າວທີ່ບໍ່ຖືກບູຊາ, ແລະ ເປັນສາສະນະທູດທີ່ບໍ່ຖືກປະຕິເສດ, ບໍ່ມີອຳນາດທີ່ຈະໃຫ້ຄຸນປະໂຫຍດ ແລະ ໂທດໃດໆ ແກ່ຕົນເອງ ແລະ ຜູ້ອື່ນໄດ້, ນອກຈາກສິ່ງທີ່ອັລລໍຫ໌ຊົງປະສົງ. ດັ່ງທີ່ພຣະຜູ້ຊົງສູ່ງສົງໄດ້ຕຣັດວ່າ: (ຈົງກ່າວເຖີດ (ມູຮຳມັດ) ວ່າ ຂ້ອຍບໍ່ໄດ້ກ່າວແກ່ພວກທ່ານວ່າ ຂ້ອຍມີຄັງສົມບັດຂອງອັລລໍຫ໌ ແລະ ຂ້ອຍກໍ່ບໍ່ຮູ້ສິ່ງເລັນລັບ ແລະ ຂ້ອຍກໍ່ບໍ່ໄດ້ກ່າວແກ່ພວກທ່ານວ່າ ຂ້ອຍເປັນມະລາອີກະຫ໌, ຂ້ອຍບໍ່ປະຕິບັດຕາມສິ່ງໃດ ນອກຈາກສິ່ງທີ່ຖືກວະຮີແກ່ຂ້ອຍ...) [ສູເຣາະຫ໌ ອັນອາມ : 50].
ຫົວຂໍ້ທີ່ສອງ: ຄວາມໝາຍ ແລະ ຫຼັກການຂອງການສັດທາ:
ອີມານ: ຄືການຍອມຮັບດ້ວຍຫົວໃຈ, ການກ່າວດ້ວຍວາຈາ, ແລະ ການປະຕິບັດດ້ວຍຫົວໃຈ ແລະ ຮ່າງກາຍ, ຈະເພິ່ມຂຶ້ນດ້ວຍການເຊື່ອຟັງ, ແລະ ຈະລົດລົງດ້ວຍການຝ່າຝືນ.
ການສັດທາຈຶ່ງເປັນເງື່ອນໄຂສຳລັບຄວາມຖືກຕ້ອງ ແລະ ການຖືກຕອບຮັບຂອງການປະຕິບັດສາສະນະກິດ, ເຊັ່ນດຽວກັນ, ການຕັ້ງພາຄີ ແລະ ການປະຕິເສດສັດທາ ເປັນສິ່ງທີ່ເຮັດໃຫ້ການເຊື່ອຟັງທັງໝົດເປັນໂມຄະ, ດັ່ງທີ່ອັລລໍຫ໌ຈະບໍ່ຊົງຕອບຮັບການລະຫມາດທີ່ປາດສະຈາກການອາບນ້ຳລະຫມາດ, ພຣະອົງກໍຈະບໍ່ຊົງຕອບຮັບອິບາດະຫ໌ທີ່ປາດສະຈາກການສັດທາ. ອັລລໍຫ໌ ຕະອາລາ ໄດ້ກ່າວວ່າ : (ແລະຜູ້ໃດປະຕິບັດຄວາມດີງາມທັ້ງຫຼາຍ ບໍ່ວ່າຈະເປັນເພດຊາຍ ຫຼື ເພດຍິງກໍ່ຕາມ ໂດຍທີ່ເຂົາເປັນຜູ້ສັດທາ, ດັ່ງນັ້ນຊົນເຫຼົ່ານັ້ນຈະໄດ້ເຂົ້າສວນສະຫວັນ ແລະ ພວກເຂົາຈະບໍ່ຖືກອະທຳແມ່ນແຕ່ໜ້ອຍດຽວ). [ສູເຣາະຫ໌ ອັນນິສາ: 124].
ແລະ ໄດ້ຊີ້ແຈງວ່າ ການຕັ້ງພາຄີຈະເຮັດໃຫ້ການງານໄຮ້ຜົນ, ດັ່ງທີ່ອັລລໍຫ໌ໄດ້ກ່າວວ່າ: (ແລະໂດຍແນ່ນອນໄດ້ມີວະຫ໌ຮີມາຍັງເຈົ້າ (ມູຮຳມັດ) ແລະ ມາຍັງບັນດານະບີກ່ອນຫນ້າເຈົ້າ ຫາກເຈົ້າຕັ້ງພາຄີຮ່ວມ (ກັບອັລລໍຫ໌), ແນ່ນອນການກະທໍາຂອງເຈົ້າກໍ່ບໍ່ມີຜົນ ແລະ ແນ່ນອນເຈົ້າຈະຢູ່ໃນກຸ່ມຜູ້ຂາດທຶນ) [ສູເຣາະຫ໌ ອັຊຊຸມັຣ : 65].
ຫຼັກການສັດທາ (ອີມານ) ມີ 6 ປະການຄື: ການສັດທາຕໍ່ອັລລໍຮ໌, ຕໍ່ບັນດາມາລາອີກະຂອງພຣະອົງ, ຕໍ່ບັນດາຄຳພີຂອງພຣະອົງ, ຕໍ່ບັນດາສາດສະດາທູດຂອງພຣະອົງ, ຕໍ່ວັນສິ້ນໂລກ, ແລະ ສັດທາຕໍ່ກຳນົດພາວະ ທັງຄວາມດີ ແລະ ຄວາມຊົ່ວ.
1) ການສັດທາຕໍ່ອັລລໍຫ໌ ປະກອບດ້ວຍ ສາມປະການ ດັງນີ້ຄື:
1- ການສັດທາຕໍ່ ຣູບູບິຢະຫ໌ ຂອງພຣະອົງ:
ຄືການໃຫ້ເອກະພາບຕໍ່ອັລລໍຫ໌ ຕະອາລາ ໃນການກະທຳຂອງພຣະອົງ, ເຊັ່ນ: ການສ້າງ, ການປະທານປັດໄຈຍັງຊີບ, ການໃຫ້ມີຊີວິດ ແລະ ການໃຫ້ຕາຍ, ບໍ່ມີຜູ້ສ້າງຍົກເວັ້ນອັລລໍຫ໌, ແລະ ບໍ່ມີຜູ້ປະທານປັດໄຈຍັງຊີບຍົກເວັ້ນອັລລໍຫ໌, ແລະ ບໍ່ມີຜູ້ໃຫ້ຊີວິດຍົກເວັ້ນອັລລໍຫ໌, ແລະ ບໍ່ມີຜູ້ໃຫ້ຄວາມຕາຍຍົກເວັ້ນອັລລໍຫ໌, ແລະ ບໍ່ມີຜູ້ໃດຄຸ້ມຄອງບໍລິຫານໃນຈັກກະວານນອກຈາກພຣະອົງ.
ແລະ ບໍ່ເປັນທີ່ຮູ້ກັນວ່າ; ມີໃຜໃນສັບພະສິ່ງຖືກສ້າງທັ້ງຫຼາຍປະຕິເສດຄວາມເປັນພຣະເຈົ້າຜູ້ມີອໍານາດສູງສຸດ, ຍົກເວັ້ນແຕ່ເປັນຄົນຈອງຫອງທີ່ບໍ່ເຊື່ອສິ່ງທີ່ພຣະໄດ້ກ່າວໄວ້, ດັ່ງທີ່ເກີດຂຶ້ນກັບຟິຣອູນ, ທີ່ໄດ້ກ່າວແກ່ກຸ່ມຊົນຂອງລາວວ່າ: (ຂ້າຄືພຣະເຈົ້າຂອງພວກເຈົ້າ ຜູ້ຊົງສູງສຸດ) [ສຸເຣາະຫ໌ ອັນນະຊີອ໋າຕ : 24], ຫາກແຕ່ສິ່ງນັ້ນບໍ່ແມ່ນມາຈາກຫຼັກຄວາມເຊື່ອ, ດັ່ງທີ່ອັລລໍຫ໌ໄດ້ກ່າວກ່ຽວກັບທ່ານນະບີມູຊາ ອະໄລຮິສ ສະລາມ ວ່າ: (ທ່ານນະບີມູຊາ) ໄດ້ກ່າວວ່າ ໂດຍແນ່ນອນ (ຟາໂຣ) ຍອມຮູ້ດີວ່າບໍ່ມີຜູ້ໃດປະທານສິ່ງເຫຼົ່ານີ້ ນອກຈາກພຣະເຈົ້າແຫ່ງຊັ້ນຟ້າທັ້ງຫລາຍ ແລະ ແຜ່ນດິນ ເພື່ອເປັນພະຍານ ແລະ ແທ້ຈິງຂ້ອຍຄິດວ່າແນ່ນອນທ່ານ ໂອ້ຟາໂຣເອີຍ ເປັນຜູ້ຫາຍະນະແລ້ວ) [ສູເຣາະຫ໌ ອິສຣໍ: 102], ແລະ ພຣະຜູ້ຊົງສູ່ງສົງໄດ້ຕຣັດວ່າ: (ແລະ ພວກເຂົາໄດ້ປະຕິເສດມັນຢ່າງບໍ່ຍຸດຕິທຳ ແລະ ເຍີ່ຍຍີງທັ້ງ ໆ ທີ່ຈິດໃຈພວກເຂົາເຊື່ອມັ່ນ...) [ສູເຣາະຫ໌ ອັລ-ນັມລຸ: 14].
ເປັນທີ່ແນ່ຊັດວ່າ ສັບພະສິ່ງຖືກສ້າງເຫຼົ່ານີ້ ຈະຕ້ອງມີຜູ້ສ້າງ. ເພາະວ່າສິ່ງໃດໜຶ່ງບໍ່ສາມາດເກີດຂຶ້ນເອງໄດ້; ເພາະສິ່ງໃດໜຶ່ງບໍ່ສາມາດສ້າງຕົວມັນເອງໄດ້ ແລະ ບໍ່ສາມາດເກີດຂຶ້ນເອງໂດຍບັງເອີນໄດ້. ທຸກໆສິ່ງທີ່ເກິດຂຶ້ນຍ່ອມມີຜູ້ເຮັດໃຫ້ເກິດ, ການມີຢູ່ຂອງລະບົບທີ່ຖືກປະດິດຂຶ້ນຢ່າງເປັນລະບຽບ ແລະ ສອດຄ່ອງກົມກຽວກັນນີ້, ກ່າວບໍ່ໄດ້ວ່າມັນເກິດຂຶ້ນເອງຕາມທຳມະຊາດ. ສະນັ້ນ ເປັນທີ່ແນ່ຊັດວ່າຈະຕ້ອງມີຜູ້ສ້າງ, ນັ່ນຄື ພຣະອົງອັລລໍຫ໌ ຜູ້ອະພິບານແຫ່ງສາກົນຈັກກະວານ. ອັລລໍຫ໌ ຕະອາລາ ໄດ້ກ່າວວ່າ : ( ຫຼືພວກເຂົາໄດ້ກຳເນີດໂດຍບໍ່ມີຜູ້ສ້າງ ? ຫຼື ພວກເຂົາສ້າງກັນເອງ ?) (ຫຼື ວ່າພວກເຂົາເປັນຜູ້ສ້າງຊັ້ນຟ້າທັ້ງຫຼາຍ ແລະ ແຜ່ນດິນນີ້? ບໍ່ດອກ ເພາະພວກເຂົາບໍ່ເຊື່ອຕ່າງຫາກ). [ສູເຣາະຫ໌ ອັດ-ຕູຣ : 35-36].
ບັນດາຜູ້ປະຕິເສດ ຜູ້ບູຊາຮູບປັ້ນ ໄດ້ເຄີຍຍື່ນຢັ້ງເຖີງການເປັນພຣະຜູ້ອະພິບານບໍລິຫານຂອງພຣະອົງອັລລໍຫ໌ ແຕ່ຫາກວ່າພວກເຂົາໄດ້ຕັ້ງພາຄິຫຸ້ນສວນແກ່ພຣະອົງໃນການເປັນພຣະຜູ້ເປັນເຈົ້າ, ແລະສິ່ງດັ່ງກ່າວກໍ່ບໍ່ໄດ້ເຮັດໃຫ້ພວກເຂົາໄດ້ເຂົ້າຮັບອິສລາມ. ທ່ານນະບີ ຊໍລລັລລໍຮຸ ອະໄລຮິ ວະຊັລລຳ ໄດ້ຕໍ່ສູ້ກັບພວກເຂົາ, ແລະ ໄດ້ອະນຸຍາດໃຫ້ຫຼັ່ງເລືອດ ແລະ ຍຶດຊັບສິນຂອງພວກເຂົາ; ເພາະວ່າພວກເຂົາໄດ້ຕັ້ງພາຄີໃນການອິບາດະຫ໌, ພວກເຂົາຈຶ່ງໄດ້ເຄົາລົບບູຊາສິ່ງອື່ນໆ ຄຽງຄູ່ກັບພຣະອົງ; ເຊັ່ນ: ບັນດາຮູບປັ້ນ, ບັນດາກ້ອນຫີນ, ບັນດາມະລາອີກະຫ໌ ແລະ ອື່ນໆ.
2- ການສັດທາຕໍ່ ອຸລູຮິຢະຫ໌ ຂອງພຣະອົງ:
ການສັດທາຕໍ່ການເປັນພຣະເຈົ້ານັ້ນຄື່ ພຣະອົງເປັນພຣະເຈົ້າທີ່ແທ້ຈິງພຽງອົງດຽວ ບໍ່ມີພາຄີໃດໆ ສຳລັບພຣະອົງ. ຄຳວ່າ (ອີລາຮ໌) ຫມາຍເຖີງ (ຜູ້ທີ່ຖືກຍົກຍ້ອງນັບຖື) ຄື: ຜູ້ທີ່ຖືກເຄົາລົບກາບໄຫວ້ດ້ວຍຄວາມຮັກ, ການເທີດທູນ ແລະ ການຖ່ອມຕົນ.
ອັລລໍຫ໌ ຕະອາລາ ໄດ້ກ່າວວ່າ : (ແລະ ຜູ້ທີ່ຄູ່ຄວນແດ່ການເຄົາລົບພັກດີຂອງພວກເຈົ້າ ມີພຽງພຣະອົງດຽວ ບໍ່ມີຜູ້ຄູ່ຄວນເຄົາລົບກາບໄຫວໃດໆ ນອກຈາກພຣະອົງອັລລໍຫ໌ຜູ້ຊົງກະລຸນາປານີ ຜູ້ສົງເມດຕາສະເຫມີ 16) [ສູເຣາະຫ໌ ອັລ-ບາກໍເຣາະຫ໌ : 163].
ທຸກສັບພະສິງທີ່ຖືກຍຶດຖືບູສາອື່ນຈາກອັລລໍຫ໌ນັ້ນ ຄື່ເປັນເທັດປອມ ໂມຂະ, ອັລລໍຫ໌ ຕະອາລາ ໄດ້ກ່າວວ່າ : (ເຊັ່ນນັ້ນແຫລະ ເພາະວ່າອັລລໍຫ໌ຄືຜູ້ຊົງສັດຈະ, ແລະ ແທ້ຈິງສິ່ງທີ່ພວກເຂົາວິງວອນຂໍອື່ນຈາກພຣະອົງນັ້ນເປັນເທັດ ແລະ ແທ້ຈິງອັລລໍຫ໌ເປັນຜູ້ຊົງສູງສົ່ງ ຜູ້ຊົງຍິ່ງໃຫຍ່ ) [ສູເຣາະຫ໌ ອັລ-ຮັຈ: 62].
ດ້ວຍເຫດນີ້ ບັນດາສາສະນະທູດຕັ້ງແຕ່ນະບີນູຫ໌ ຈົນເຖິງນະບີມຸຮຳມັດ ຈຶ່ງໄດ້ເຊີນຊວນປະຊາຊາດຂອງພວກເຂົາໄປສູ່ການໃຫ້ເອກະພາບແກ່ອັລລໍຫ໌ໃນການເຄົາລົບບູຊາ ໂດຍບໍ່ຕັ້ງສິ່ງໃດເປັນພາຄີກັບພຣະອົງ. ແລະ ພຣະອົງອັລລໍຫ໌ ໄດ້ຊົງເຮັດໃຫ້ການຍຶດຖືບັນດາພະເຈົ້າຂອງພວກປະຕິເສດເປັນໂມຂະ, ທີ່ພວກເຂົາໄດ້ເຄົາລົບບູຊາພ້ອມໆ ໄປກັບການພັກດີຕໍ່ພຣະອົງ, ພ້ອມທັງຂໍໃຫ້ປະສົບໄຊຊະນະ ແລະ ຂໍຄວາມຊ່ວຍເຫຼືອຈາກພວກມັນ, ດ້ວຍຫຼັກຖານການຍືນຍັນດ້ານສະຕິປັນຍາ 2 ປະການດັງນີ້:
ປະການທີ່ໜຶ່ງ: ພຣະເຈົ້າຈອມປອມເຫຼົ່ານີ້ທີ່ພວກເຂົາເຄົາລົບນັບຖືບໍ່ໄດ້ມີລັກສະນະອັນສູງສົ່ງໃດໆ ໃນການເປັນພຣະເຈົ້າ, ເພາະວ່າພວກເຂົາເປັນສິ່ງທີ່ຖື່ກສ້າງ, ບໍ່ແມ່ນຜູ້ສ້າງ, ບໍ່ໄດ້ນໍາເອົາຜົນປະໂຫຍດມາໃຫ້ຜູ້ນະມັດສະການ, ແລະ ບໍ່ສາມາດປ້ອງກັນອັນຕະລາຍທີ່ເກິດຕໍ່ພວກເຂົາໄດ້, ແລະ ບໍ່ມີອຳນາດຄວບຄຸມຄວາມເປັນ, ຄວາມຕາຍ ແລະ ການຟື້ນຂື້ນຊີບ. ດັ່ງທີ່ພຣະຜູ້ຊົງສູງສົ່ງ ໄດ້ຕຣັດວ່າ: (ພວກເຂົາໄດ້ເຄົາລົບບູຊາພຣະເຈົ້າອື່ນໆ ຈາກພຣະອົງໂດຍທີ່ພຣະເຈົ້າເຫລົ່ານັ້ນບໍ່ໄດ້ສ້າງສິ່ງໃດ ແລະ ທັ້ງທີ່ພວກເຂົາຖືກສ້າງຂື້ນມາ ແລະ ພວກເຂົາບໍ່ມີອຳນາດທີ່ຈະໃຫ້ໂທດໃຫ້ຄຸນແກ່ຕົວເອງໄດ້ ແລະ ພວກເຂົາບໍ່ມີອຳນາດຄວບຄຸມຄວາມຕາຍ ແລະ ຄວາມເປັນ ແລະ ການຟື້ນຂື້ນຊີບ) [ສູເຣາະຫ໌ ອັລ-ຟຸຣກອນ: 3].
ປະການທີ່ສອງ: ບັນດາຜູ້ປະຕິເສດສັດທາເຫຼົ່ານີ້ ໄດ້ເຄີຍຢືນຢັນວ່າ ອັລລໍຫ໌ ຕະອາລາ ເປັນຜູ້ສ້າງ ຜູ້ດູແລຈັດການພຽງອົງດຽວເທົ່ານັ້ນ, ດ້ວຍເຫດນີ້ຈຶ່ງຈຳເປັນທີ່ພວກເຂົາຈະຕ້ອງໃຫ້ເອກະພາບຕໍ່ພຣະອົງໃນການເປັນພຣະຜູ້ເປັນເຈົ້າ ດັ່ງທີ່ພວກເຂົາໄດ້ໃຫ້ເອກະພາບຕໍ່ພຣະອົງໃນການເປັນພຣະຜູ້ອະພິບານ. ດັ່ງທີ່ອັລລໍຫ໌ ຕະອາລາ ໄດ້ກ່າວວ່າ: (ຈົງກ່າວເຖີດ (ມູຮຳມັດ) ແຜ່ນດິນນີ້ ແລະ ຜູ້ທີ່ຢູ່ໃນນັ້ນເປັນຂອງໃຜ ?ຫາກພວກທ່ານຮູ້) (ພວກເຂົາຈະກ່າວວ່າມັນເປັນຂອງອັລລໍຫ໌ ຈົງກ່າວເຖີດ(ມູຮຳມັດ) ຖ້າເປັນເຊັ່ນນັ້ນພວກທ່ານຈະບໍ່ພິຈາລະນາໄຕຕຣອງແດ່ຫວາ) (ຈົ່ງກ່າວເຖີດ (ມູຮຳມັດ) ໃຜເປັນພຣະເຈົ້າຊັ້ນຟ້າທັ້ງເຈັດ ແລະ ເປັນຜູ້ສ້າງບັນລັງອັນຍິ່ງໃຫຍ່) (ພວກເຂົາຈະກ່າວວ່າມັນເປັນຂອງອັລລໍຫ໌ ຈົງກ່າວເຖີດ(ມູຮຳມັດ) ຖ້າເຊັ່ນນັ້ນພວກທ່ານຈະບໍ່ຍ້ານກົວ(ການລົງໂທດ) ຂອງພຣະອົງດອກຫລື ) (ຈົງກ່າວເຖີດ (ມູຮຳມັດ) ອຳນາດອັນກວ້າງໃຫຍ່ໄພສານຂອງທຸກສິງທຸກຢ່າງນີ້ຢູ່ໃນພະຫັດກຳມືຂອງຜູ້ໃດ ແລະ ພຣະອົງຊົງເປັນຜູ້ຄຸ້ມຄອງປົກປ້ອງ ແລະ ຈະບໍ່ມີຜູ້ໃດຄຸ້ມຄອງປົກປ້ອງພຣະອົງ ຫາກພວກທ່ານຮູ້) (ພວກເຂົາຈະກ່າວວ່າມັນເປັນຂອງອັລລໍຫ໌ ດັ່ງນັ້ນພວກທ່ານຖືກຫລອກຫລວງໄດ້ແນວໃດ) [ສູເຣາະຫ໌ ອັລ-ມຸມີນູນ: 84-89]. ເມື່ອພວກເຂົາໄດ້ຍອມຮັບໃນ ເຕົາຮີດ ອັລ-ຣຸບູບີຍະຫ໌ ແລ້ວ, ມັນຈຶ່ງເປັນຫນ້າທີ່ຂອງພວກເຂົາທີ່ຈະຕ້ອງມອບການເຄົາລົບບູຊາໃຫ້ແດ່ພຣະອົງພຽງຜູ້ດຽວ, ແລະ ບໍ່ຕັ້ງສິ່ງໃດເປັນພາຄີຮ່ວມກັບພຣະອົງໃນການເຄົາລົບບູຊາ.
3- ການສັດທາໃນ ອັສມາ - ວັສຊີຟາຕ:
ຄື: ການຍືນຍັນຕໍ່ການທີ່ພຣະອົງຊົງກ່າວເຖີງພຣະອົງເອງໃນຄຳພີຂອງພຣະອົງ ຫຼື ທີ່ທ່ານນະບີມຸຮຳມັດ ﷺ ໄດ້ກຳນົດໄວ້ໃນແບບຢ່າງຂອງທ່ານ; ຈາກພຣະນາມ ແລະ ຄຸນລັກສະນະ, ໃນລັກສະນະອັນສົມຄວນແກ່ພຣະອົງອັລລໍຫ໌, ໂດຍບໍ່ມີການບິດເບືອນ ແລະ ບໍ່ມີການປະຕິເສດ, ບໍ່ມີການສ້າງຖ້ອຍຄຳໃຫ້ເຫັນວ່າເປັນແນວໃດ ບໍ່ມີການປຽບເປີຍວ່າຄືກັບສິ່ງໃດ, ອັລລໍຫ໌ ຕະອາລາ ໄດ້ກ່າວວ່າ : (ແລະ ອັລລໍຫ໌ນັ້ນມີບັນດາພຣະນາມອັນງົດງາມ ດັ່ງນັ້ນ; ພວກເຈົ້າຈົ່ງຮຽກຫາພຣະອົງດ້ວຍພຣະນາມເຫຼົ່ານັ້ນເຖີດ ແລະຈົ່ງປ່ອຍຜູ້ທີ່ເຮັດໃຫ້ຜິດພຽນໃນບັນດາພຣະນາມຂອງພຣະອົງເຖີດ ໃນບໍ່ຊ້າພວກເຂົາຈະຖືກຕອບແທນໃນສິ່ງທີ່ພວກເຂົາໄດ້ເຮັດເອົາໄວ້) [ຊູເຣາະຫ໌ ອັລ-ອະຣໍຟ : 180], ແລະ ພຣະຜູ້ຊົງສູງສົ່ງໄດ້ຕຣັດວ່າ: (...ບໍ່ມີສິ່ງໃດສະເໝີເຫມືອນພຣະອົງ ແລະ ພຣະອົງເປັນຜູ້ຊົງໄດ້ຍິນ ຜູ້ຊົງເຫັນ) [ສູເຣາະຫ໌ອັລ-ຊູຣໍ ອາຍະຫ໌ 11].
ປະເພດຂອງຊີຣິກມີຢູ່ 3 ປະເພດຄື:
1- ຊິຣິກ ອັກບັຣ ; ການຕັ້ງພາຄີໃຫຍ່ (ການສ້າງຕັ້ງພັນທະມິດທີ່ຍິ່ງໃຫຍ່)
2. ຊິຣິກ ອັສກໍຣ ; ການຕັ້ງພາຄີນ້ອຍ
3. ຊິຣິກ ຄໍຟີ ; ການຕັ້ງພາຄີແບບເຊື້ອງໄວ້.
1. ຊິຣິກໃຫຍ່:
ຫລັກເກນຂອງມັນຄື: ການຕັ້ງສິ່ງອື່ນໃຫ້ສະເໝີພາບກັບອັລລໍຫ໌ ໃນສິ່ງທີ່ເປັນສິດທິສະເພາະຂອງພຣະອົງ. ດັ່ງທີ່ພຣະຜູ້ຊົງສູງສົ່ງໄດ້ຕຣັດວ່າ: (ຂະນະທີ່ພວກເຮົາເຮັດໃຫ້ພວກເຈົ້າເທົ່າທຽມກັບພຣະເຈົ້າແຫ່ງສາກົນລະໂລກ ) [ສູເຣາະຫ໌ ຊຸອະຣໍ : 98].
ເຊິ່ງລວມເຖິງ: ການອຸທິດການເຄົາລົບບູຊາໃຫ້ແກ່ສິ່ງອື່ນນອກເໜືອຈາກພຣະເຈົ້າອັລລໍຫ໌, ຫຼື ການອຸທິດການອິບາດະຫ໌ບາງປະເພດໃຫ້ກັບສິ່ງອື່ນນອກເໜືອຈາກພຣະອົງ ເຊັ່ນ: ການວອນຂໍ, ການຂໍຄວາມຊ່ວຍເຫລືອ, ການບົນບານ, ການເຊືອດສັດ ແລະ ການອິບາດະຫ໌ປະເພດອື່ນໆ.
ຫຼື ປະກອບດ້ວຍ: ການອະນຸມັດສິ່ງທີ່ພຣະອົງອັລລໍຮ໌ໄດ້ຫ້າມ, ຫຼື ການກຳນົດຫ້າມສິ່ງທີ່ພະອົງໄດ້ຊົງອະນຸມັດ, ຫຼື ການລົບລ້າງສິ່ງທີ່ອັລລໍຫ໌ໄດ້ຊົງບັງຄັບ, ເຊັ່ນການຖືວ່າສິ່ງທີ່ເປັນຂໍ້ຫ້າມຢ່າງຈະແຈ້ງໃນສາສະໜາ ເອົາມາເປັນສິ່ງທີ່ອະນຸມັດ; ເຊັ່ນ ການຜິດປະເວນີ, ຫຼື ການດື່ມເຫລົ້າສິ່ງເມົາຢາ, ຫຼື ການເນລະຄຸນພໍ່ແມ່, ຫຼື ດອກເບ້ຍ ແລະ ສິ່ງອື່ນໆ ທີ່ຄ້າຍຄືກັນນັ້ນ.
ຫຼື ການຫ້າມສິ່ງທີ່ດີງາມທີ່ພຣະອົງອັລລໍຫ໌ໄດ້ອະນຸມັດ, ຫຼື ການຍົກເລີກສິ່ງທີ່ອັລລໍຫ໌ຊົງບັງຄັບ; ເຊັ່ນການເຊື່ອວ່າການລະຫມາດບໍ່ເປັນວາຢິບ, ຫຼື ການຖືສິນອົດບໍ່ເປັນວາຢິບ, ຫຼື ການຈ່າຍຊະກາດບໍ່ເປັນວາຢິບ.
ຊິຣິກ-ອັກບັຣ ຈະເຮັດໃຫ້ການງານຕ່າງໆ ສູນເສຍໄປ, ແລະ ຈຳເປັນຕ້ອງຕົກຢູ່ໃນນາລົກຊົ່ວນິລັນດອນ ສຳຫລັບຜູ້ທີ່ເສຍຊີວິດໃນສະພາບດັ່ງກ່າວ. ດັ່ງທີ່ພຣະອົງໄດ້ຕຣັດວ່າ: ຄວາມໝາຍວ່າ : (...ແລະ ຖ້າຫາກພວກເຂົາໄດ້ຕັ້ງພາຄີຂື້ນ ແນ່ນອນສິ່ງທີ່ພວກເຂົາໄດ້ກະທຳກັນ ກໍ່ຈະສູນເສຍໄປຈາກພວກເຂົາ) [ສູເຣາະຫ໌ ອັນອາມ : 88].
ຜູ້ໃດທີ່ຕາຍໃນສະພາບເຊັ່ນນີ້ ເຂົາຜູ້ນັ້ນຈະບໍ່ໄດ້ຮັບການອະໄພໂທດ, ແລະ ສະຫວັນເປັນທີ່ຕ້ອງຫ້າມແກ່ເຂົາ, ດັ່ງທີ່ພຣະຜູ້ຊົງສູ່ງສົງໄດ້ຕຣັດວ່າ: (ເເທ້ຈິງອັລລໍຫ໌ ຈະບໍ່ຊົງອະໄພໂທດໃຫ້ແກ່ການທີ່ສິ່ງໜຶ່ງຈະຖືກໃຫ້ມີພາຄີ ຂຶ້ນແກ່ພຣະອົງ ແລະ ພຣະອົງຈະຊົງອະໄພໃຫ້ແກ່ສິ່ງອື່ນຈາກນັ້ນ ສຳຫຼັບຜູ້ທີ່ພຣະອົງຊົງປະສົງ...) [ສູເຣາະຫ໌ ນິຊາ: 48] ແລະ ພຣະຜູ້ຊົງສູງສົ່ງໄດ້ຕຣັດວ່າ: (ແທ້ຈິງຜູ້ໃດໃຫ້ມີການພາຄີຂຶ້ນແກ່ອັລລໍຫ໌ ແນ່ນອນ ອັລລໍຫ໌ຈະຊົງໃຫ້ສະຫວັນເປັນທີ່ຕ້ອງຫ້າມແກ່ເຂົາ ແລະ ທີ່ພຳນັກຂອງເຂົານັ້ນ ຄືນະລົກ...) (ສຸເຣາະຫ໌ ອັລ- ມາອິດະຮ໌ : 72).
2. ຊິຣິກນ້ອຍ:
ຄື: ສິ່ງທີ່ຖືກຢືນຢັນໃນຕົວບົດຕ່າງໆ ວ່າເປັນ ຊິຣິກ, ແຕ່ມັນຍັງບໍ່ເຖິງລະດັບຂອງ ຊິຣິກອັກບັຣ, ດັ່ງນັ້ນສິ່ງນີ້ຈຶ່ງຖືກເອີ້ນວ່າ ຊິຣິກ ອັສກໍຣ; ເຊັ່ນວ່າ: ການສາບານທີ່ບໍ່ໄດ້ເຮັດກັບອັລລໍຫ໌; ດັງເຊັ່ນການສາບານຕໍ່ອັລກະບະຫ໌, ຕໍ່ບັນດານະບີ, ຕໍ່ຄວາມໄວ້ວາງໃຈ, ຕໍ່ຊີວິດຂອງຜູ້ໃດຜູ້ຫນຶ່ງ ແລະ ສິ່ງທີ່ຄ້າຍຄືກັນນັ້ນ, ດັ່ງທີ່ທ່ານນະບີ ﷺ ໄດ້ກ່າວໄວ້ວ່າ: “ຜູ້ໃດກໍຕາມທີ່ໄດ້ສາບານດ້ວຍນາມອື່ນນອກຈາກອັລລໍຮ໌ ເຂົາຜູ້ນັ້ນໄດ້ຕົກເປັນຜູ້ປະຕິເສດສັດທາແລ້ວ ຫຼື ໄດ້ຕັ້ງພາຄີຕໍ່ພຣະອົງອັລລໍຮ໌ແລ້ວ” [2] [2] ບັນທຶກໂດຍ ທ່ານອີມ່າມອະຫ໌ມັດ ໃນໜັງສືມຸສນັດຂອງເພິ່ນ ເລກທີ (6072), ແລະ ທ່ານຕິຣມີຊີ, ເລກທີ (1535) ແລະ ກ່າວວ່າ: ຫະດິຊ ຮາຊັນ.
ແລະ ມັນອາດຈະເປັນການກະທຳທີ່ໃຫຍ່, ຂຶ້ນຢູ່ກັບສິ່ງທີ່ຢູ່ໃນຫົວໃຈຂອງຜູ້ກະທຳ, ຖ້າຫາກວ່າໃນຫົວໃຈຂອງຜູ້ສາບານຕໍ່ນະບີ ຫຼື ໄຊຄ໌ຜູ້ໃດຜູ້ໜຶ່ງ ມີຄວາມເຊື່ອວ່າເຂົາຜູ້ນັ້ນເທົ່າທຽມກັບອັລລໍຫ໌, ຫຼື ຖືກວິງວອນຂໍພອນນອກເໜືອຈາກອັລລໍຫ໌, ຫຼື ມີອຳນາດຄຸ້ມຄອງເອກະພົບ; ກໍຈະຖືວ່າເປັນການເຮັດຊິຣິກໃຫຍ່, ສ່ວນຜູ້ທີ່ສາບານດ້ວຍນາມອື່ນນອກຈາກອັລລໍຮ໌ ຫາກບໍ່ໄດ້ຕັ້ງໃຈ, ແຕ່ເປັນພຽງຄຳເວົ້າທີ່ຕິດປາກຈາກຄວາມເຄີຍຊິນ, ກໍຈະຖືວ່າເປັນຊີຣິກນ້ອຍ, ແລະ ສິ່ງນີ້ເກີດຂຶ້ນຫຼາຍໃນບາງພື້ນທີ່, ສະນັ້ນຈຶ່ງຈຳເປັນຕ້ອງໄດ້ເອົາໃຈໃສ່ ແລະ ຕັກເຕືອນບໍ່ໃຫ້ເກີດຂຶ້ນ, ເພື່ອເປັນການປົກປ້ອງ ແລະ ຮັກສາຄວາມເປັນເອກະ.
3- ຊິຣິກແບບເຊື້ອງໄວ້:
ແມ່ນການໂອ້ອວດທີ່ຢູ່ໃນຈິດໃຈ. ດັ່ງເຊັ່ນຜູ້ທີ່ເຮັດລະຫມາດ ຫຼື ອ່ານອັລກຸຣອານ ເພື່ອໂອ້ອວດຕໍ່ຜູ້ຄົນ, ຫຼື ກ່າວຕັຊບີຫ໌ ເພື່ອໃຫ້ພວກເຂົາສັນລະເສີນເຂົາ, ຫຼື ບໍລິຈາກທານ ເພື່ອໃຫ້ພວກເຂົາກ່າວຍ້ອງຍໍເຂົາ, ແລະ ການກະທຳນີ້ ຈະເຮັດໃຫ້ການງານທີ່ລາວໂອ້ອວດນັ້ນເປັນໂມຄະ, ບໍ່ລວມເຖິງການງານທີ່ເຫຼືອທີ່ລາວໄດ້ກະທຳດ້ວຍຄວາມບໍລິສຸດໃຈຕໍ່ອັລລໍຫ໌ ຜູ້ຊົງສູງສົ່ງ.
ທ່ານນະບີ ﷺ ກ່າວວ່າ: “ຊິຣິກໃນປະຊາຊາດນີ້ ແມ່ນເຊື່ອງຊ້ອນຍິ່ງກວ່າການຄານຂອງມົດດຳເທິງກ້ອນຫີນສີດຳໃນຄວາມມືດຂອງເວລາກາງຄືນ, ແລະ ການໄຖ່ໂທດຂອງມັນຄືການກ່າວວ່າ: "ໂອ້ ອັລລໍຮ໌, ແທ້ຈິງຂ້າພຣະອົງຂໍຄວາມຄຸ້ມຄອງຕໍ່ພຣະອົງ ຈາກການທີ່ຂ້ອຍຈະຕັ້ງພາຄີໃດໆ ຕໍ່ພຣະອົງ ໂດຍທີ່ຂ້ານ້ອຍຮູ້ໂຕ, ແລະ ຂ້ອຍຂໍອະໄພໂທດຕໍ່ພຣະອົງໃນຄວາມຜິດບາບທີ່ຂ້່ນ້ອຍບໍ່ຮູ້ໂຕ” [3]. [3] ບັນທຶກໂດຍ ອັລບຸກຄໍຣີ ໃນໜັງສື ອັລ-ອາດັບ ອັລ-ມຸຟຣອດ ເລກທີ່ (716), ອະຫ໌ມັດ ໃນໜັງສື ມຸສນັດ ເລກທີ່ (19606), ແລະ ອັດດິຍາ ອັລ-ມັກດິຊີ ໃນໜັງສື ອັລ-ອະຫາດິຊ ອັລ-ມຸຄຕາເຣາະຫ໌ (1/ 150), ກວດກາໂດຍທ່ານອັລ-ອັລບານີ ໃນໜັງສື ຊໍຮິຫ໌ ອັລ-ຈາມຽະ ອັຊ-ຊໍຄີຣ ເລກທີ່ (3731).
ປະເພດຂອງການຕົກສາສະໜາ (ກຸຟຸຣ) ມີດັງນີ້:
ປະເພດທີ່ໜຶ່ງ: ກຸຟຸຣໃຫຍ່:
ເປັນສິ່ງທີ່ເຮັດໃຫ້ຕ້ອງຕົກນາລົກຊົ່ວນິລັນດອນ, ເຊິ່ງມີ 5 ປະເພດດັ່ງນີ້:
1- ການປະຕິເສດສັດທາ ໂດຍການປະຕິເສດສັດຈະທຳ:
ຄືການເຊື່ອວ່າບັນດາຣໍຊູລນັ້ນກ່າວເທັດ, ແລະ ນີ້ເປັນສິ່ງທີ່ເກີດຂຶ້ນໜ້ອຍໃນໝູ່ຜູ້ປະຕິເສດສັດທາ; ເພາະວ່າອັລລໍຫ໌ ໄດ້ສະໜັບສະໜູນບັນດາສາດສະດາທູດຂອງພຣະອົງ ດ້ວຍຫຼັກຖານຕ່າງໆ ທີ່ຊັດເຈນ, ແລະ ສະພາບຂອງບັນດາຜູ້ປະຕິເສດເຫຼົ່ານີ້ ແມ່ນດັ່ງທີ່ອັລລໍຫ໌ໄດ້ພັນລະນາເຖິງພວກເຂົາວ່າ: (ແລະ ພວກເຂົາໄດ້ປະຕິເສດມັນຢ່າງບໍ່ຍຸດຕິທຳ ແລະ ເຍີຍຍິ່ງທັ້ງໆ ທີ່ຈິດໃຈພວກເຂົາເຊື່ອມັ່ນ...) [ສຸເຣາະຫ໌ ອັນ ນະຫ໌ລຸ :14].
2- ການປະຕິເສດສັດທາ ຍ້ອນການດື້ດຶງ ແລະ ຄວາມຈອງຫອງ:
ແລະ ນີ້ເປັນເໝືອນກັບການປະຕິເສດສັດທາຂອງອິບລີສ, ເພາະແທ້ຈິງລາວບໍ່ໄດ້ປະຕິເສດຄໍາສັ່ງຂອງອັລລໍຮ໌, ແຕ່ລາວໄດ້ຕອບໂຕ້ມັນດ້ວຍການບໍ່ເຊື່ອຟັງ ແລະ ຄວາມຈອງຫອງ, ອັລລໍຫ໌ ຕະອາລາ ໄດ້ກ່າວວ່າ : (ແລະ ເມື່ອເຮົາໄດ້ກ່າວແກ່ບັນດາມະລາອິກະຮ໌ວ່າ ຈົ່ງກົ້ມກາບຕໍ່ ອາດຳ, ພວກເຂົາກໍ່ໄດ້ກົ້ມກາບ ຍົກເວັ້ນອິບລີສ, ມັນໄດ້ປະຕິເສດ ແລະ ໂອຫັງ ແລະ ມັນກໍ່ຢູ່ໃນໝູ່ຜູ້ປະຕິເສດສັດທາ) [ສູເຣາະຫ໌ ອັລ-ບາກໍເຣາະຫ໌: 34].
3- ການປະຕິເສດສັດທາ ດ້ວຍການຫັນຫຼັງໜີ:
ນັ້ນກໍຄືການຫັນເຫອອກຈາກການປະຕິບັດຕາມຄວາມຈິງ ໂດຍບໍ່ຮັບຟັງ ແລະ ບໍ່ເປີດໃຈ, ບໍ່ສົນໃຈ ແລະ ບໍ່ໃສ່ໃຈ. ອັລລໍຫ໌ ຕະອາລາ ໄດ້ກ່າວວ່າ : (ແລະ ບໍ່ມີຜູ້ໃດທີ່ຈະອະທຳຍິ່ງໄປກວ່າຜູ້ທີ່ຖືກຕັກເຕືອນດ້ວຍບັນດາໂອງການຂອງພຣະຜູ້ເປັນເຈົ້າຂອງເຂົາ ແລ້ວເຂົາກໍ່ບໍ່ສົນໃຈມັນ, ແທ້ຈິງເຮົາຈະເປັນຜູ້ຕອບແທນແກ່ບັນດາຜູ້ກະທຳຜິດທັງຫຼາຍ). [ສູເຣາະຫ໌ ອັສ-ສະຈະດະຫ໌: 22].
ສ່ວນການບໍ່ໃສ່ໃຈໃນບາງເລື່ອງນັ້ນ ຖືເປັນການຝ່າຝືນ ບໍ່ແມ່ນການປະຕິເສດສັດທາ; ເຊັ່ນດຽວກັບຜູ້ທີ່ລະເລີຍການຮຽນຮູ້ບາງສ່ວນຂອງບົດບັນຍັດຈຳເປັນທາງສາສະໜາ ເຊັ່ນ: ຂໍ້ກຳນົດຂອງການຖືສິນອົດ ຫຼື ການປະກອບພິທີຮັຈ ເປັນຕົ້ນ.
4- ການປະຕິເສດສັດທາ ດ້ວຍຄວາມສົງໄສ:
ນັ້ນກໍຄືການທີ່ລາວລັງເລ, ບໍ່ຕັດສິນໃຈເຊື່ອໝັ້ນໃນສັດຈະທຳ, ແຕ່ກັບສົງໄສໃນເລື່ອງນັ້ນ, ດັ່ງດຳລັດຂອງພຣະອົງທີ່ວ່າ: (ແລະ ລາວໄດ້ເຂົ້າໄປໃນສວນຂອງລາວ ໃນຂະນະທີ່ລາວເປັນຜູ້ອະທຳຕໍ່ຕົນເອງ ໂດຍກ່າວວ່າ ຂ້ອຍບໍ່ຄິດວ່າສວນນີ້ຈະພິນາດໄປຕະຫຼອດໄປ ) (ແລະ ຂ້ອຍບໍ່ຄິດວ່າວັນສິ້ນໂລກຈະມີຂຶ້ນ ແລະ ຖ້າຫາກຂ້ອຍຈະຖືກສົ່ງກັບໄປຍັງພຣະເຈົ້າຂອງຂ້ອຍ ແນ່ນອນ ຂ້ອຍຈະພົບທີ່ກັບທີ່ດີຍິ່ງກວ່ານີ້) [ສູເຣາະຫ໌ ອັລ-ກະຫ໌ຟີ : 35-36]
5- ການປະຕິເສດສັດທາ ດ້ວຍນິຟາກ:
ຄືການສະແດງອອກທາງຄຳເວົ້າວ່າເປັນຜູ້ສັດທາ, ແລະ ເຊື່ອງການປະຕິເສດສັດທາໄວ້ໃນຫົວໃຈ. ອັລລໍຫ໌ ຕະອາລາ ໄດ້ກ່າວວ່າ : (ແລະ ໃນໝູ່ມະນຸດນັ້ນ ມີຜູ້ທີ່ກ່າວວ່າ ພວກເຮົາໄດ້ສັດທາຕໍ່ອັລລໍຫ໌ແລ້ວ, ແລະ ສັດທາຕໍ່ວັນອາຄິເຣາະຫ໌, ແຕ່ພວກເຂົາກໍບໍ່ແມ່ນບັນດາຜູ້ສັດທາ) [ສູເຣາະຫ໌ ອັລ-ບາກໍເຣາະຫ໌: 8].
ແລະ ນີ້ຄືປະເພດຕ່າງໆ ຂອງການປະຕິເສດສັດທາຢ່າງຮ້າຍແຮງ ທີ່ເຮັດໃຫ້ບຸກຄົນອອກຈາກສາສະໜາອິສລາມ.
ປະເພດທີສອງ: ກຸຟຸຣນ້ອຍ:
ແລະ ຊະນິດນີ້ບໍ່ເຮັດໃຫ້ຕ້ອງຕົກນາລົກຊົ່ວນິລັນດອນ, ແລະ ສິ່ງນັ້ນຄືສິ່ງທີ່ປະກົດໃນຄຳພີອັລ-ກຸຣອານ ແລະ ຊຸນນະຫ໌ ເອິ້ນວ່າ ກຸຟຸຣ (ການປະຕິເສດສັດທາ) ໂດຍບໍ່ໄດ້ຖືກກຳໜົດດ້ວຍ "ອັລ (الـ)" ເພື່ອບົ່ງບອກຄວາມເຖິງສະເພາະເຈາະຈົ່ງ ແຕ່ປະກົດໃນຮູບ ນະຄິເຣາະຫ໌ (ບໍ່ບົ່ງຊີ້ສະເພາະເຈາະຈົງ), ແລະ ຕົວຢ່າງໃນເລື່ອງນີ້ ກໍມີຢູ່ຫຼວງຫຼາຍ, ເຊັ່ນວ່າ: ລາຍງານຈາກທ່ານອາບູ ຮູຣອຍເຣາະຫ໌ ຣໍດີຢັລລໍ ອັນຮຸ ເລົ່າວ່າ: ທ່ານຣໍສູລຸລລໍຫ໌ ﷺ ກ່າວວ່າ: « ມີສອງຢ່າງໃນໝູ່ມະນຸດທີ່ເປັນການກະທຳຂອງການປະຕິເສດສັດທາ (ກຸຟຸຣ) ຄື: ການໃສ່ຮ້າຍປ້າຍສີໃນເຊື້ອສາຍວົງຕະກຸນ, ແລະ ການຮ້ອງໄຫ້ໂວຍວາຍຕໍ່ຄົນຕາຍ » [4]. [4] ບັນທຶກໂດຍທ່ານມຸສລິມ ເລກທີ (121), ແລະ ທ່ານອະຫ໌ມັດ ເລກທີ (10434).
2) ການສັດທາຕໍ່ບັນດາມະລາອິກະຫ໌ ຄື:
ແລະ ພວກເຂົາເຈົ້າເປັນໂລກທີ່ເລັ້ນລັບ, ອັລລໍຫ໌ ຕະອາລາ ໄດ້ຊົງບັງເກິດພວກເຂົາຈາກລັດສະໝີ, ແລະ ພວກເຂົາກໍ່ເຄົາລົບພັກດີຕໍ່ອັລລໍຫ໌, ພວກເຂົາບໍ່ໄດ້ມີຄຸນນະສົມບັດພິເສດໃນການເປັນເຈົ້າແຫ່ງການສ້າງ ຫຼື ເປັນເຈົ້າແຫ່ງການສັນລະເສິນ ແຕ່ຢ່າງໃດທັ້ງສິ້ນ, ພວກເຂົາຈະບໍ່ຝ່າຝືນພຣະບັນຊາຂອງອັລລໍຫ໌, ແລະ ພວກເຂົາປະຕິບັດຕາມທີ່ຖືກບັນຊາ, ພວກເຂົາມີຈຳນວນຫລາຍເທົ່າໃດນັ້ນ ບໍ່ມີໃຜຮູ້ນອກຈາກອັລລໍຫ໌ , ອັລລໍຫ໌ ຕະອາລາ ເທົ່ານັ້ນທີ່ຮູ້.
ການສັດທາຕໍ່ບັນດາມາລາອີກະຫ໌ ປະກອບດ້ວຍ 4 ປະການ:
1- ສັດທາເຖິງການມີຢູ່ຂອງມາລາອີກະຮ໌.
2- ສັດທາຕໍ່ຜູ້ທີ່ເຮົາຮູ້ຈັກຊື່ຂອງພວກເຂົາ (ບັນດາມະລາອິກະຫ໌), ເຊັ່ນ: ຈິບຣີລ, ມີກາອີລ, ອິສຣໍຟິລ, ແລະ ທ່ານອື່ນໆ. ແລະ ຜູ້ທີ່ເຮົາບໍ່ຮູ້ຊື່ ກໍໃຫ້ສັດທາເຊື່ອໃນທັ້ງຫມົດ.
3- ສັດທາຕໍ່ ຄຸນລັກສະນະຂອງພວກເຂົາ ທີ່ພວກເຮົາໄດ້ຮຽນຮູ້, ເຊິ່ງໄດ້ຖືກກ່າວໄວ້ໃນຄຳພີ ແລະ ຊຸນນະຫ໌. ເຊັ່ນລັກສະນະຂອງ ຈິບຣີລ, ທ່ານນາບີ ﷺ ໄດ້ກ່າວໄວ້ວ່າ: ແທ້ຈິງທ່ານໄດ້ເຫັນລາວໃນລັກສະນະທີ່ພຣະອົງອັລລໍຫ໌ ໄດ້ສ້າງລາວຂຶ້ນມານັ້ນ, ມີ 600 ປີກ ຄຸມທັ້ງຂອບຟ້າ.
4- ສັດທາໃນສິ່ງທີ່ພວກເຮົາໄດ້ຮຽນຮູ້ຈາກການກະທໍາຂອງພວກເຂົາ: ການສັນລະເສີນ ແລະ ນະມັດສະການ (ເຄົາລົບພັກດີ) ຕໍ່ພຣະອົງທັ້ງກາງເວັນ ແລະ ກາງຄືນໂດຍບໍ່ມີຄວາມເບື່ອໜ່າຍ ຫລື ການເຮັດພິທີບູຊາ.
ດັ່ງເຊັ່ນ: ທ່ານ ຈິບຣີລ: ຜູ້ທີ່ໄດ້ຮັບມອບໝາຍໃຫ້ນຳວະຫ໌ຍູ.
ທ່ານ: ອິສຣໍຟີລ ເຮັດຫນ້າທີ່ ເປົ່າສັງ.
ທ່ານ: ມາລະກຸລເມົາ ເຮັດຫນ້າທີ່ຮັບວິນຍານຂອງມະນຸດ ເມື່ອເຖິງແກ່ກຳສິ້ນອາຍຸ (ຕາຍ)
ທ່ານ: ມາລິກ ເຮັດຫນ້າທີ່ດູແລ ນະລົກ, ທ່ານ: ຣິດວານ ເຮັດຫນ້າທີ່ດູແລ ສວນສະຫວັນ ແລະ ທ່ານອື່ນໆ.
3) ການສັດທາຕໍ່ບັນດາຄຳພີຂອງອັລລໍຫ໌:
ເຊີງຄວາມຫມາຍຂອງບັນດາຄຳພີຄື: ບັນດາຄຳພີແຫ່ງຟາກຟ້າ ທີ່ອັລລໍຫ໌ ຕະອາລາ ໄດ້ປະທານລົງມາໃຫ້ແກ່ບັນດາສາດສະດາທູດຂອງພຣະອົງ, ເປັນທາງນຳ ແລະ ຄວາມເມດຕາແກ່ມວນມະນຸດ, ເພື່ອໃຫ້ພວກເຂົາໄດ້ໄປເຖິງຄວາມສຸກທັງໃນໂລກນີ້ ແລະ ໂລກໜ້າ.
ການສັດທາຕໍ່ ບັນດາຄຳພີ ປະກອບດ້ວຍ 4 ປະການ:
1- ສັດທາວ່າຖືກປະທານລົງມາຈາກພຣະອັງອັລລໍຫ໌ ຢ່າງທຽງແທ້.
2- ສັດທາ ຕໍ່ຊື່ຕ່າງໆ ຂອງຄຳພີທີ່ໄດ້ຮຽນຮູ້ ເຊັ່ນ ອັລ-ກຣຸອານ ຖືກປະທານແກ່ທ່ານນະບີ ມູຮຳມັດ ຊໍລລັລລໍຮຸ ອະໄລຮິ ວະສັລລຳ, ແລະ ຄຳພີ ອັດ-ເຕົາຣອຕ ຖືກປະທານລົງມາໃຫ້ແກ່ ທ່ານນະບີມູຊາ ອາໄລຮິສສາລາມ, ແລະ ຄຳພີ ອິນຈີລ ຖືກປະທານລົງມາໃຫ້ແກ່ ທ່ານນະບີ ອີຊາ ອາໄລຮິສສາລາມ, ແລະ ຄຳພີ ຊາບູຣ ທີ່ພຣະອົງໄດ້ປະທານໃຫ້ແກ່ທ່ານນະບີ ດາວູດ ອາໄລຮິສສາລາມ.
ແລະ ນອກເນືອຈາກນັ້ນທີ່ພວກເຮົາບໍ່ຮູ້ຊື່ ແຕ່ກໍເຊື່ອສັດທາໃນທັ້ງຫມົດ
3- ສັດທາເຊື່ອໝັ່ນໃນຄຳບອກເລົ່າຂອງຄຳພີຕ່າງໆ; ເຊັ່ນ ຄຳພີອັລກຸຣອານ, ແລະ ພາກສ່ວນທີ່ບໍ່ຖືກບິດເບືອນຈາກຄຳພີກ່ອນໜ້ານີ້.
4- ປະຕິບັດຕາມກົດບັງຄັບທີ່ບໍ່ໄດ້ຖືກຍົກເລີກ ແລະ ຕ້ອງຍອມຮັບດ້ວຍຄວາມເຕັ່ມໃຈ ເຖີງແມ່ນວ່າຈະບໍ່ເຂົ້າໃຈປາດສະຍາໃນບ້າງສວນກໍຕາມ. ການປະທານຄຳພີ ອັລ-ກຣຸອານ ລົງມາເຮັດໃຫ້ ບັນດາຄຳພີກ່ອນຫນ້ານີ້ ທຸກເຫລັ່ມໄດ້ຖືກຍົກເລີກ, ດັ່ງນັ້ນ, ຈື່ງບໍ່ອະນຸຍາດ ໃນການປະຕິບັດຕາມສາດສະນາບັນຍັດ ຂອງບັນດາຄຳພີທີ່ຖືກສົ່ງມາກ່ອນຫນ້ານັ້ນ ນອກຈາກບົດບັນຍັດ ທີ່ໄດ້ຮັບການຍື່ນຍັນ ຈາກພຣະຄຳພີອັລກຸຣອານ ຫຼື ແບບຢ່າງທ່ານນະບີ.
4) ການສັດທາຕໍ່ບັນດາທ່ານສາດສະນະທູດ:
ອັຣ ຣຸຊຸລ: ພະຫຸພົດຂອງ ຣໍຊູລ ຫມາຍເຖີງ: ຜູ້ທີ່ໄດ້ຮັບສານ (ວະຮ໌ຍູ) ກົດບັງຄັບທາງສາດສະນາບັນຍັດ ແລະ ບັນຊາໃຫ້ເຜີຍແຜ່ແກ່ມວນມະນຸດຊາດ, ແລະ ທ່ານທຳອິດ ຄື ທ່ານນະບີ ນູຮ໌, ແລະ ທ່ານສຸດທ້າຍ ຄື ທ່ານນະບີ ມູຮຳມັດ (ຊລ). ແລະ ພວກເຂົາແມ່ນມະນຸດທີ່ຖືກສ້າງຂຶ້ນມາ, ພວກເຂົາບໍ່ໄດ້ມີຄຸນນະສົມບັດພິເສດໃນການເປັນເຈົ້າຜູ້ອະພິບານ ຫຼື ເປັນພຣະເຈົ້າແຕ່ຢ່າງໃດທັ້ງສິ້ນ.
ສັດທາຕໍ່ບັນດາຣໍຊູລ ປະກອບດ້ວຍ:
1- ສັດທາວ່າ ບັນດາສານທີ່ຂອງພວກເຂົານຳມາ ແມ່ນຄວາມຈິງຈາກພຣະອົງອັລລໍຫ໌, ໃຜທີ່ປະຕິເສດຄຳສອນຂອງສາດສະດາທູດແມ້ພຽງຜູ້ດຽວ ຖືວ່າຜູ້ນັ້ນໄດ້ປະຕິເສດທັງຫມົດ.
2- ສັດທາຕໍ່ຜູ້ທີ່ພວກເຮົາບອກສອນໃຫ້ຮູ້ຈັກຊື່ຂອງພວກທ່ານ, ເຊັ່ນ: ມຸຮຳມັດ, ອິບຣໍຮີມ, ມູຊາ, ອີຊາ ແລະ ນຸຫ໌ ອາໄລຮິ ມຸສສະລາມ. ແລະ ພວກທ່ານທັ້ງຫຼາຍນັ້ນຄື "ອຸລຸລອັຊມີ" (ບັນດາຜູ້ທີ່ມີຄວາມຕັ້ງໝັ້ນໜັກແນ່ນທີ່ສຸດ).
ແລະ ນອກເນືອຈາກນັ້ນທີ່ພວກເຮົາບໍ່ຮູ້ຊື່ ແຕ່ກໍເຊື່ອສັດທາໃນທັ້ງຫມົດ, ອັລລໍຫ໌ ຕະອາລາ ໄດ້ກ່າວວ່າ : (ແລະ ໂດຍແນ່ນອນຍິ່ງ ເຮົາໄດ້ສົ່ງບັນດາຣໍຊູລ ມາກ່ອນຫນ້າເຈົ້າ ບາງຄົນໃນຫມູ່ພວກເຂົາ ເຮົາໄດ້ບອກເລົ່າແກ່ເຈົ້າ. ແລະ ບາງຄົນໃນຫມູ່ພວກເຂົາ ມີຜູ້ທີ່ເຮົາຍັງບໍ່ໄດ້ບອກເລົ່າກັບເຈົ້າ...) [ສຸເຣາະຫ໌ ກໍຟິຣ: 78 ].
3- ຕ້ອງເຊື່ອຫມັ່ນ ແລະ ຢືນຍັ້ນ ຕໍ່ຄຳບອກກ່າວຂອງບັນດາບະນີ.
4- ຕ້ອງປະຕິບັດຕາມຊາຣີອະຫ໌ ຂອງຜູ້ທີ່ຖືກສົ່ງມາຫາພວກເຮົາ, ເຊິ່ງແມ່ນນະບີທ່ານສຸດທ້າຍ ຄື ມຸຮຳມັດ (ຊລ).
5) ການສັດທາຕໍ່ວັນສິ້ນໂລກ:
ຄື: ວັນສິ້ນໂລກ, ເປັນວັນທີ່ມະນຸດຊາດຈະຖືກໃຫ້ຟື້ນຄືນຊີບເພື່ອຕັດສິນຕອບແທນຜົນລະບຸນທີ່ໄດ້ເຮັດໄວ້, ທີ່ຖືກເອີ້ນວ່າວັນສຸດທ້າຍ; ເນື່ອງຈາກວ່າບໍ່ມີມື້ຫຼັງຈາກນັ້ນ ແລະ ເປັນບ່ອນທີ່ຊາວສະຫວັນຈະໄດ້ເຂົ້າໄປພຳນັກໃນສວນສະຫວັນຂອງພວກເຂົາຕະລອດການ. ແລະ ຊາວນະລົກຈະຢູ່ໃນນາລົກ ແລະ ຈະໄດ້ເຂົ້າໄປພຳນັກໃນນັ້ນຕະລອດການ.
ການສັດທາຕໍ່ວັນສິ້ນໂລກປະກອບດ້ວຍ ສາມປະການດັ່ງນີ້:
ກ- ການສັດທາຕໍ່ການຟື້ນຄືນຊີບ:
ຄື: ຄົນຕາຍຈະຖືກໃຫ້ຟື້ນຄືນຊີບອີກຄັ້ງໜຶ່ງ ເມື່ອສຽງແກຖືກເປົ່າເປັນຄັ້ງທີ່ສອງ ມວນມະນຸດຊາດຈະຢືນຂຶ້ນຕໍ່ຫນ້າພຣະຜູ້ອະພິບານແຫ່ງສາກົນຈັກກະວານ ໃນສະພາບຕີນເປົ່າ ເປືອຍກາຍ, ອັລລໍຫ໌ ຕະອາລາ ໄດ້ກ່າວວ່າ : (ດັງເຊັ່ນທີ່ເຮົາໄດ້ເລິ່ມໃຫ້ມີການບັງເກິດຄັ້ງທຳອິດ ເຮົາຈະໃຫ້ມັນກັບເປັນຂຶ້ນມາອີກ ເປັນສັນຍາຜູກພັນກັບເຮົາ ເເທ້ຈິງເຮົາເປັນຜູ້ກະທຳຢ່າງແນ່ນອນ) [ສຸເຣາະຫ໌ ອຳບິຍາ : 104].
ຂ- ສັດທາໃນການຄິດບັນຊີ ແລະ ລາງວັນຕອບແທນຄື:
ບ່າວຈະຖືກຄິດບັນຊີສອບສວນຕອບແທນໃນການກະທຳຂອງລາວ, ອັລລໍຫ໌ ຊົງຕຣັດວ່າ: (ແທ້ຈິງອັລລໍຫ໌ ເທົ່ານັ້ນຄືການກັບໄປຂອງພວກເຂົາ) (ແລ້ວກໍ່ແທ້ຈິງ ໜ້າທີ່ຂອງເຮົານັ້ນຄືການຊຳລະຄິດບັນຊີພວກເຂົາ) [ສຸເຣາະຫ໌ ອັລ-ກໍຊີຍະຫ໌ : 25-26].
ຄ- ສັດທາ ເຊື່ອໃນສະຫວັນ ແລະ ນະລົກ:
ແລະ ທັ້ງສອງເປັນຈຸດຫມາຍປາຍທາງນິລັນດອນຂອງການສ້າງ; ສວນສະຫວັນເປັນທີ່ພຳນັກອັນອິ່ມເອິບ ຮົ່ມເຢັນທີ່ພຣະອົງໄດ້ຈັດກຽມໄວ້ສຳຫຼັບບັນດາຜູ້ສັດທາຍຳເກັຼງ ແລະ ບັນດາຜູ້ທີ່ນອບນ້ອມເຊື່ອຟັງຕໍ່ອັລລໍຫ໌ ແລະ ຣໍຊູລຂອງພຣະອົງ, ໃນນັ້ນມີສິ່ງທີ່ຕາບໍ່ເຄີຍເຫັນ ຫູບໍ່ເຄີຍໄດ້ຍິນ ຈິດໃຈມະນຸດບໍ່ເຄີຍນຶກຄິດ.
ແລະ ສໍາລັບໄຟນະລົກ: ມັນເປັນບ່ອນຢູ່ຂອງການລົງໂທດ, ທີ່ພຣະເຈົ້າຜູ້ຊົງສູງສົ່ງ ໄດ້ກະກຽມໄວ້ສໍາລັບຜູ້ປະຕິເສດສັດທາ, ຜູ້ທີ່ບໍ່ເຊື່ອໃນອັລລໍຫ໌ ແລະ ບໍ່ເຊື່ອຟັງສາດສະນະທູດຂອງພຣະອົງ. ໃນນັ້ນມີປະເພດຂອງການລົງໂທດທີ່ຈິດໃຈບໍ່ສາມາດຈິນຕະນາການໄດ້.
6) ການສັດທາຕໍ່ພຣະປະສົງ (ກຳຫນົດສະພາວະ) ທັງຄວາມດີ ແລະ ຄວາມຊົ່ວ:
ຄວາມໝາຍຂອງກົດກຳໜົດສະພາວະ (ກໍດັຣ) ຄື: ການກຳໜົດຂອງອັລລໍຫ໌ ຜູ້ຊົງສູງສົ່ງ ຕໍ່ສິ່ງທີ່ຈະເກີດຂຶ້ນ, ເຊິ່ງເປັນໄປຕາມຄວາມຮອບຮູ້ ປຣີຊາຍານ ແລະ ສອດຄ້ອງກັບຫິກມະຫ໌ ເຫດຜົນຂອງພຣະອົງ.
ການສັດທາຕໍ່ກົດກຳໜົດສະພາວະ ປະກອບດ້ວຍສີ່ປະການ:
1- ຄວາມຮູ້: ຄືການສັດທາວ່າອັລລໍຫ໌ຜູ້ຊົງກຽງໄກນັ້ນ ຊົງຮູ້ເຖິງສິ່ງທີ່ມີມາໃນອາດີດ ແລະ ທີ່ຈະເກິດຂຶ້ນໃນອະນາຄົດ ແລະ ມັນຈະເກີດຂຶ້ນແນວໃດ, ລາຍລະອຽດ ແລະ ຢ່າງຄົບຖ້ວນ, ຕະຫຼອດໄປຕະຫຼອດການ. ພຣະອົງເປັນຜູ້ຊົງຮອບຮູ້ເຖິງສິ່ງທີ່ຍັງບໍ່ໄດ້ເກີດຂຶ້ນ ວ່າຖ້າມັນເກີດຂຶ້ນຈະເປັນເຊັ່ນໃດ, ດັ່ງທີ່ພຣະອົງຜູ້ຊົງມະຫາບໍລິສຸດໄດ້ຕຣັດວ່າ: (ແລະ ຖ້າຫາກພວກເຂົາໄດ້ຖືກສົ່ງກັບຄືນໄປ ແນ່ນອນພວກເຂົາກໍ່ຈະຫວນກັບໄປເຮັດໃນສິ່ງທີ່ພວກເຂົາຖືກຫ້າມ...) [ສູເຣາະຫ໌ ອັນອາມ : 28].
2- ການບັນທຶກ: ໝາຍເຖິງການສັດທາເຊື່ອວ່າ ອັລລໍຫ໌ ໄດ້ຊົງບັນທຶກກົດກຳນົດຂອງທຸກສັບພະສິ່ງເອົາໄວ້ ຈົນເຖິງວັນສິ້ນໂລກ, ດັ່ງທີ່ພຣະຜູ້ຊົງສູ່ງສົງໄດ້ຕຣັດວ່າ: (ເຈົ້າບໍ່ຮູ້ບໍ? ແທ້ຈິງອັລລໍຫ໌ຊົງຮອບຮູ້ສິ່ງທີ່ຢູ່ໃນຊັ້ນຟ້າ ແລະ ແຜ່ນດິນ ສິ່ງເຫຼົ່ານີ້ (ຖືກເກັບຮັກສາ) ຢູ່ໃນບັນທຶກ ແທ້ຈິງສິ່ງເຫຼົ່ານັ້ນເປັນເລື່ອງງ່າຍດາຍສໍາລັບອັລລໍຫ໌) [ສູເຣາະຫ໌ ອັລ-ຮັຈ : 70].
3- ພຣະປະຊົງ : ຄືການສັດທາວ່າ ຈະບໍ່ມີສິ່ງໃດເກີດຂຶ້ນໃນຈັກກະວານນີ້ ນອກຈາກສິ່ງທີ່ອັລລໍຫ໌ຊົງປະສົງ. ອັລລໍຫ໌ ຕະອາລາ ໄດ້ກ່າວວ່າ : (ແລະ ພຣະເຈົ້າຂອງເຈົ້າ ຊົງສ້າງສິ່ງທີ່ພຣະອົງຊົງປະສົງ ແລະ ຊົງເລືອກ....) [ສຸເຣາະຫ໌ ອັລກໍສໍສ : 68]. ມະນຸດນັ້ນມີເຈດຈຳນົງ ທີ່ບໍ່ບ່ຽງເບນໄປຈາກພຣະປະສົງຂອງພຣະເຈົ້າ, ດັ່ງທີ່ພຣະອົງຜູ້ສູງສົ່ງຊົງຕຣັດໄວ້ວ່າ: (ແລະ ພວກເຈົ້າຈະບໍ່ສົມດັງປະສົງສິ່ງໃດ ເວົ້ນແຕ່ອັລລໍຫ໌ພຣະເຈົ້າແຫ່ງສາກົນລະໂລກຈະຊົງປະສົງ) [ສູເຣາະຫ໌ ຕັກວີຣ : 29].
4- ການສ້າງ : ສັດທາວ່າອັລລໍຫ໌ ໄດ້ຊົງສ້າງທຸກສັບພະສິ່ງ ແລະ ການກະທຳຂອງພວກເຂົາ ບໍ່ວ່າຈະເປັນຄວາມດີ ຫຼື ຄວາມຊົ່ວ. ອັລລໍຫ໌ ຕະອາລາ ໄດ້ກ່າວວ່າ : (ອັລລໍຫ໌ ຄືຜູ້ຊົງສ້າງທຸກສິ່ງ ແລະ ພຣະອົງຊົງເປັນຜູ້ຊົງດູແລ ແລະ ຄຸ້ມຄອງທຸກສັບພະສິ່ງ) [ສູເຣາະຫ໌ ຊຸມັຣ : 62].
ເຊິ່ງບັນດາ ຂັ້ນລຳດັບເຫຼົ່ານີ້ ໄດ້ຖືກຮວບຮ່ວມໄວ້ໃນໂອງການບົດນີ້ ດັ່ງນີ້:
ຄວາມຮອບຮູ້, ການລີຂິດຂອງພຣະຜູ້ເປັນເຈົ້າຂອງພວກເຮົາ, ຄວາມປະຊົງຂອງພຣະອົງ, ແລະ ການສ້າງຂອງພຣະອົງ ເຊິ່ງຄືການບັງເກີດໃຫ້ມີຂຶ້ນ ແລະ ການກໍ່ຮ່າງສ້າງ.
ຫົວຂໍ້ທີ່ ສາມ : ອັລ-ອິຫ໌ຊານ:
ອິຫ໌ຊານ: ຄືຫຼັກການດຽວ; ການເຄົາລົບພັກດີຕໍ່ອັລລໍຫ໌ ປຽບດັ່ງທ່ານໄດ້ເຫັນພຣະອົງ, ຫາກວ່າທ່ານບໍ່ເຫັນພຣະອົງ ແທ້ຈິງພຣະອົງກໍ່ເຫັນທ່ານ.
* ກໍ່ຄື: ການທີ່ມະນຸດກະທຳໃນສິ່ງທີ່ອັລລໍຫ໌ໄດ້ກຳຫນົດໃຫ້ເປັນການນະມັດສະການ ດ້ວຍຄວາມຮູ້ສຶກວ່າຕົນເອງກຳລັງຢືນຢູ່ຕໍ່ໜ້າພຣະອົງ. ແລະນັ້ນ ຈຶ່ງຈຳເປັນຕ້ອງມີຄວາມຢຳເກຣງຢ່າງສົມບູນ ແລະ ການກັບເນື້ອກັບຕົວຫາພຣະອົງ ຊຸບຮານະ ຮູວະຕະ ອາລາ. ການປະຕິບັດອິບາດະຫ໌ຈະຕ້ອງຖືກຕ້ອງຕາມສຸນນະຫ໌ຂອງທ່ານສາສະນະທູດ ﷺ.
ສ່ວນລັກການຄຸນງາມຄວາມດີນັ້ນມີສອງລະດັບ, ແລະ ບັນດາຜູ້ທີ່ປະຕິບັດຄຸນງາມຄວາມດີກໍ່ຢູ່ໃນສອງຕຳແໜ່ງທີ່ແຕກຕ່າງກັນ:
ລະດັບຂັ້ນທີ່ໜຶ່ງ: ເຊິ່ງເປັນຂັ້ນທີ່ສູງສຸດ, ຄືລະດັບຂັ້ນແຫ່ງການປະຈັກແຈ້ງ; ຄື ການທີ່ບ່າວປະຕິບັດຕົນ ດັ່ງກັບວ່າລາວໄດ້ເຫັນອັລລໍຫ໌ ດ້ວຍຈິດໃຈຂອງລາວ, ຈິດໃຈຈຶ່ງໄດ້ຮັບຄວາມສະຫວ່າງດ້ວຍການສັດທາ, ຈົນເຮັດໃຫ້ສິ່ງທີ່ຊ້ອນເລັ້ນກາຍເປັນສິ່ງທີ່ປະຈັກແຈ້ງ.
ລະດັບຂັ້ນທີ່ສອງ: ລະດັບຂັ້ນຂອງຄວາມບໍລິສຸດໃຈ ແລະ ການສຳນຶກໃນການເຝົ້າຕິດຕາມຂອງອັລລໍຫ໌, ຄືການທີ່ບ່າວພະຍາຍາມເຮັດໃຫ້ຕົນເອງຮູ້ສຶກຢູ່ສະເໝີວ່າ ອັລລໍຫ໌ຊົງເຫັນລາວ ແລະ ຮັບຮູ້ໃນຕົວລາວ, ເມື່ອລາວໄດ້ຮູ້ສຶກເຊັ່ນນີ້ແລ້ວ ລາວກໍຄືຜູ້ທີ່ມີຄວາມບໍລິສຸດໃຈຕໍ່ອັລລໍຫ໌ຜູ້ຊົງສູງສົ່ງ.
ຫົວຂໍ້ທີ ສີ່: ບົດສະຫຼຸບໂດຍຫຍໍ້ຈາກບັນດາຫຼັກການພື້ນຖານຂອງ ອະຫ໌ລຸສ-ສຸນນະຫ໌ ວັລຈະມາອະຫ໌:
ໜຶ່ງ: ປະຕິບັດຕາມສິ່ງທີ່ໄດ້ກ່າວໄວ້ໃນອັລກຸຣອານ ແລະ ຊຸນນະຫ໌ ທັງພາຍໃນ ແລະ ພາຍນອກ, ການບໍ່ຍົກຄຳເວົ້າຂອງຜູ້ໃດ ເໜືອຄຳເວົ້າຂອງອັລລໍຮ໌ ແລະ ຄຳເວົ້າຂອງສາດສະນະທູດຂອງພຣະອົງ ﷺ.
ສອງ: ຈິດໃຈ ແລະ ລີ້ນຂອງພວກເຂົາຕ້ອງປອດໄພ ບໍ່ເວົ້ານຶກຄິດຈະທຳຮ້າຍບັນດາສໍຮາບະຫ໌ຂອງທ່ານນະບີ ຊັລລັລລໍຮຸ ອະໄລຮິ ວະສັລລຳ. ແລະ ພວກເຂົາເຊື່ອວ່າ ຄໍລີຟະຫ໌ຫຼັງຈາກທ່ານນະບີມຸຮຳມັດ ﷺ ຄື: ທ່ານອະບູບັກຣ, ຈາກນັ້ນແມ່ນທ່ານອຸມັຣ, ຕໍ່ມາແມ່ນທ່ານອຸສມານ, ແລະ ທ່ານອາລີ, ຣໍດີຍັລລໍຮຸ ອັນຮູມ.
ສາມ: ມີຄວາມຮັກຕໍ່ຄອບຄົວວົງຕະກູນ (ອະຫ໌ລຸລໄບຕ) ຂອງທ່ານນະບີ ﷺ ແລະ ສະໜັບສະໜູນພວກເຂົາ, ໂດຍສະເພາະຜູ້ທີ່ຊອບທຳໃນໝູ່ພວກເຂົາ.
ສີ່: ງົດເວັ້ນຈາກການກະບົດຕໍ່ບັນດາຜູ້ນຳ ແລະ ຜູ້ປົກຄອງ, ເຖິງແມ່ນວ່າພວກເຂົາຈະບໍ່ຍຸດຕິທຳກໍ່ຕາມ. ແລະ ຂໍດຸອາໃຫ້ພວກເຂົາມີຄວາມຊອບທຳ ແລະ ມີພະລານະໄມທີ່ສົມບູນ, ແລະ ບໍ່ໃຫ້ກ່າວຄຳສາບແຊ່ງຕໍ່ພວກເຂົາ. ແລະ ການເຊື່ອຟັງພວກເຂົາເປັນຂໍ້ບັງຄັບ, ເຊິ່ງຖືເປັນການເຊື່ອຟັງອັລລໍຫ໌, ຕາບໃດທີ່ພວກເຂົາບໍ່ໄດ້ສັ່ງໃຫ້ຝ່າຝືນ, ຖ້າຫາກພວກເຂົາສັ່ງໃນສິ່ງທີ່ເປັນການຝ່າຝືນ, ກໍ່ບໍ່ໃຫ້ເຊື່ອຟັງ ແລະ ບໍ່ປະຕິບັດຕາມພວກເຂົາໃນສິ່ງນັ້ນ, ແລະ ໃນເລື່ອງອື່ນໆ ກໍໃຫ້ເຊື່ອຟັງພວກທ່ານໃນເລື່ອງທີ່ດີງາມ.
ຫ້າ: ການເຊື່ອໝັ້ນຕໍ່ຄວາມອະພິນິຫານຂອງບັນດາຜູ້ເປັນທີ່ຮັກຂອງອັລລໍຮ໌; ຄື ເຫດການທີ່ເປັນປະຕິຫານເໜືອທຳມະຊາດ ທີ່ອັລລໍຫ໌ໄດ້ບັນດານໃຫ້ເກີດຂຶ້ນໂດຍຜ່ານພວກເຂົາ.
ຫົກ: ບໍ່ຕັດສິນວ່າຊາວມຸສລິມເປັນຜູ້ປະຕິເສດສັດທາ ດ້ວຍເຫດຈາກການກະທຳບາບຕ່າງໆ ແລະ ບາບໃຫຍ່, ເຊັ່ນດຽວກັບທີ່ກຸ່ມຄົນທີ່ອອກຈາກແນວທາງ (ຄໍວາຣິຈ), ແຕ່ຄວາມເປັນພີ່ນ້ອງຮ່ວມສັດທານັ້ນຍັງຄົງຢູ່ ເຖິງແມ່ນຈະມີການຝ່າຝືນກໍ່ຕາມ, ແລະ ກ່າວກ່ຽວກັບພວກເຂົາ ຜູ້ທີ່ຝ່າຝືນວ່າ: ລາວເປັນຜູ້ສັດທາດ້ວຍອີມານຂອງລາວ, ແລະ ເປັນຜູ້ລະເມີດດ້ວຍບາບໃຫຍ່ຂອງລາວ.
ບົດທີ່ສອງ: ວ່າດ້ວຍບັນດາອິບາດະຫ໌ (ພິທິກຳທາງສາສະໜາ)
ຫົວຂໍ້ທີໜຶ່ງ: ຄວາມສະອາດ:
ຕໍຮາເຣາະຫ໌ ຕາມຄວາມໝາຍທາງພາສາ ໝາຍເຖິງ: ຄວາມສະອາດ ແລະ ຄວາມບໍລິສຸດຈາກສິ່ງສົກກະປົກ ທັງທີ່ເປັນຮູບປະທຳ ແລະ ນາມມະທຳ.
ໃນທາງສາສະຫນາ: ການຍົກຮະດັຊ ແລະ ການຈຳກັດນະຍິສ ແລະ ຄວາມສະອາດຄືກະເເຈໄຂສູ່ການລະຫມາດ, ດ້ວຍເຫດນີ້, ການຮຽນຮູ້ໃນເລື່ອງດັ່ງກ່າວຈຶ່ງເປັນໜຶ່ງໃນໜ້າທີ່ອັນສຳຄັນທີ່ສຸດທາງສາສະໜາ ທີ່ມຸສລິມທຸກຄົນຈຳເປັນຕ້ອງຮຽນຮູ້ ແລະ ເອົາໃຈໃສ່.
ຂໍ້ທີ່ຫນຶ່ງ: ປະເພດຂອງນ້ຳມີດັງນີ້:
1- ສະອາດບໍລິສຸດ; ໃຊ້ໃນການຊຳລະລ້າງໃຫ້ສະອາດໄດ້, ຈະຕ້ອງຍັງຄົງຢູ່ໃນສະພາບເດີມທີ່ຖືກສ້າງມາ; ເຊັ່ນ ນ້ຳຝົນ ຫຼື ແມ່ນ້ຳ ຫຼື ທ້ອງທະເລ, ຫຼື ຖືກປະສົມດ້ວຍທາດທີ່ສະອາດ ທີ່ບໍ່ໄດ້ມີອິດທິພົນເໜືອນ້ຳບໍລິສຸດເດິມ ແລະ ບໍ່ໄດ້ເຮັດໃຫ້ມັນສູນເສຍຊື່ຂອງມັນ.
2. ນາຍິສ; ບໍ່ອະນຸຍາດໃຫ້ໃຊ້ມັນ, ຈຶ່ງບໍ່ວາມາດຊຳລະລ້າງຮະດັຊ, ແລະ ບໍ່ຂະຈັດສິ່ງສົກກະປົກ ນະຈິສ, ຄືສິ່ງທີ່ສີ, ກິ່ນ ຫຼື ລົດຊາດຂອງມັນປ່ຽນແປງໄປ ຍ້ອນນະຍິສ.
ຂໍ້ທີສອງ: ນະຈາຊະຫ໌:
ອັນ-ນະຈາຊະຫ໌: ໝາຍເຖິງສິ່ງສົກກະປົກສະເພາະ, ເປັນສິ່ງທີ່ກີດກັນການລະຫມາດ; ເຊັ່ນ: ນ້ຳປັດສະວະ, ອຸຈຈະລະ, ເລືອດ ແລະ ອື່ນໆ, ເຊິ່ງຈະມີຢູ່ເທິງຮ່າງກາຍ, ສະຖານທີ່ ແລະ ເສື້ອຜ້າ.
ແລະ ຫຼັກເດີມໃນສິ່ງຕ່າງໆ ນັ້ນຄື: ການອະນຸຍາດ ແລະ ຄວາມສະອາດ, ດັ່ງນັ້ນ ຜູ້ໃດທີ່ກ່າວອ້າງຄວາມສົກກະປົກຂອງສິ່ງໃດໜຶ່ງ, ລາວຜູ້ນັ້ນກໍຕ້ອງສະແດງຫຼັກຖານ. ສິ່ງຕໍ່ໄປນີ້ບໍ່ຖືກຈັດວ່າເປັນສິ່ງສົກກະປົກ (ນາຈິສ ສິ່ງສົກກະປົກທາງສາສະໜາ) ຄື: ຂີ້ກະເທີ່, ເຫື່ອຂອງມະນຸດ ແລະ ເຫື່ອຂອງລາ, ແຕ່ສິ່ງເຫຼົ່ານີ້ຖືວ່າສະອາດ ເຖິງແມ່ນວ່າມັນຈະເປັນສິ່ງນ່າລັງກຽດເປິະເປື້ອນກໍ່ຕາມ. ທຸກໆ ນາຈິສແມ່ນສິ່ງທີ່ສົກກະປົກ, ແຕ່ບໍ່ແມ່ນໃນທາງກົງກັນຂ້າມ.
ລະດັບທັ້ງສາມຂອງສິ່ງສົກກະປົກມີດັ່ງນີ້:
ຫນຶ່ງ: ນາຈິສຂັ້ນຮ້າຍແຮງ;
ເຊັ່ນ: ຄວາມສົກກະປົກຂອງສິ່ງທີ່ໝາເລຍ, ວິທີການສຳລະລ້າງມັນຄື: ໃຫ້ລ້າງເຈັດຄັ້ງ, ຄັ້ງທຳອິດແມ່ນໃຫ້ລ້າງດ້ວຍນ້ຳຂີ້ເຖົ່າ.
ສອງ: ນາຈີສສິ່ງສົກກະປົກປະເພດເບົາ:
ຕົວຢ່າງເຊັ່ນ: ນ້ຳປັດສະວະຂອງເດັກນ້ອຍຊາຍທີ່ຢັງກິນນົມແມ່ ທີ່ເປື້ອນໃສ່ເສື້ອຜ້າ ແລະ ສິ່ງທີ່ຄ້າຍຄືກັນ. ວິທີການຊຳລະລ້າງຄື: ໃຫ້ພົມນ້ຳໃສ່ຈົນກວ່າຈະປົກຄຸມທົ່ວ, ໂດຍບໍ່ຈຳເປັນຕ້ອງຂັດຖູ ຫຼື ບິດ.
ສາມ: ນະຈີສ ສົກກະປົກປະເພດປານກາງ:
ເຊັ່ນ: ປັດສະວະ ແລະ ຂີ້ຂອງມະນຸດ, ແລະ ສິ່ງສົກກະປົກສ່ວນໃຫຍ່, ເມື່ອມັນເປິະເປື້ອນພື້ນດິນ ຫຼື ເສື້ອຜ້າ ແລະ ສິ່ງອື່ນໆ ທີ່ຄ້າຍຄືກັນ. ວິທີການຊຳລະລ້າງຄື: ກຳຈັດໂຕຂອງສິ່ງສົກກະປົກອອກຖ້າມັນມີໂຕຕົນ, ແລະ ລ້າງບໍລິເວນນັ້ນດ້ວຍນ້ຳ ຫຼື ສິ່ງທຳຄວາມສະອາດອື່ນໆ.
ແລະ ຈາກຫຼັກຖານທີ່ຢັ້ງຢືນເຖິງຄວາມເປັນນະຈິສຂອງມັນ:
1. ປັດສະວະ ແລະ ຂີ້ຂອງມະນຸດ.
2- ມະຊິ ແລະ ວະດິ [5]. [5] (ນ້ຳມະຊີ): ແມ່ນນ້ຳໃສໆ ບໍ່ມີສີ ທີ່ອອກມາໃນເວລາຢອກລໍ້ກັນ ຫຼື ຄິດເຖິງການມີເພດສຳພັນ ຫຼື ຕ້ອງການມັນ ຫຼື ການເບິ່ງ ຫຼື ສາເຫດອື່ນໆ ແລະ ຈະອອກມາເປັນຢົດໆ ແລະ ບາງທີກໍບໍ່ຮູ້ສຶກໃນເວລາທີ່ມັນອອກມາ. (ນ້ຳວະດີ): ແມ່ນນ້ຳສີຂາວຂຸ້ນທີ່ອອກມາຕາມຫຼັງປັດສະວະ, ຫຼື ໃນເວລາທີ່ຍົກຂອງໜັກ.
3. ມູນຂອງສັດທີ່ບໍ່ອະນຸຍາດໃຫ້ກິນຊີ້ນ.
4. ເລືອດປະຈຳເດືອນ ແລະ ເລືອດຫລັງການເກີດລູກ.
5. ນໍ້າລາຍໝາ.
6- ສັດຕາຍ, ແລະ ສິ່ງທີ່ຖືກຍົກເວັ້ນຈາກມັນຄື:
ກ- ເມື່ອມະນຸດຕາຍ.
ຂ- ຊາກປາ ແລະ ຕັກແຕນ.
ຄ- ຊາກສັດທີ່ບໍ່ມີເລືອດໄຫຼ ເຊັ່ນ: ແມງວັນ, ມົດ, ເຜິ້ງ ແລະ ສັດປະເພດດຽວກັນນີ້.
ງ- ກະດູກ, ເຂົາ, ເລັບ, ຂົນ ແລະ ຂົນປີກຂອງສັດທີ່ຕາຍເອງ (ໄມຕະຫ໌).
ວິທີການຊຳລະລ້າງສິ່ງສົກກະປົກ ນະຈິສ ມີດັ່ງນີ້:
1. ດ້ວຍນ້ຳ, ເຊິ່ງເປັນພື້ນຖານໃນການຊຳລະລ້າງບັນດາສິ່ງສົກກະປົກ ນະຈິສ, ຈຶ່ງບໍ່ສາມາດປ່ຽນໄປໃຊ້ສິ່ງອື່ນໄດ້.
2- ບົດບັນຍັດກ່ຽວກັບວິທີການຊຳລະລ້າງສິ່ງທີ່ເປັນນະຈິສ ຫຼື ສິ່ງທີ່ຖືກນະຈິສແປດເປື້ອນ ມີດັ່ງນີ້:
ກ. ໜັງສັດຕາຍ ຈະສະອາດໄດ້ດ້ວຍການຟອກໜັງ.
ຂ. ການສຳລະລ້າງພາຊານະ ຫາກຫມາເລ່ຍ ຄືໃຫ້ລ້າງນ້ຳເຈັດຄັ້ງ; ຄັ້ງທຳອິດແມ່ນໃຫ້ລ້າງດ້ວຍນ້ຳຂີ້ເຖົ່າ.
ຄ. ການເຮັດຄວາມສະອາດເສື້ອຜ້າທີ່ເປື້ອນເລືອດປະຈຳເດືອນ, ໃຫ້ຂູດມັນອອກ, ແລ້ວຂະຫຍີ້ດ້ວຍນ້ຳ, ຈາກນັ້ນກໍ່ລ້າງອອກ. ແລະ ຖ້າຫາກຫຼັງຈາກນັ້ນຍັງມີຄາບເຫຼືອຢູ່ ກໍ່ບໍ່ເປັນການເສຍຫາຍແຕ່ຢ່າງໃດ.
ງ. ການຊຳລະລ້າງຂອບເສື້ອຜ້າເຄື່ອງນຸ່ງຂອງແມ່ຍິງ; ດ້ວຍພື້ນດິນທີ່ສະອາດພາຍຫຼັງຈາກເປີ່ເປື້ອນ.
ຈ. ການຊຳລະລ້າງເສື້ອຜ້າຈາກປັດສະວະຂອງເດັກຊາຍທີ່ຍັງກິນນົມແມ່ນດ້ວຍການພົມນ້ຳ, ແລະ ຈາກປັດສະວະຂອງເດັກຍິງແມ່ນດ້ວຍການລ້າງ.
ສ- ການຊຳລະລ້າງເສື້ອຜ້າຈາກມະຊີ ໂດຍການພົມນ້ຳໃສ່ບໍລິເວນທີ່ເປື້ອນ.
ຊ- ການຊຳລະລ້າງພື້ນເກີບ ໂດຍການລູບໃສ່ພື້ນດິນທີ່ສະອາດ.
ຍ. ການຊຳລະລ້າງພື້ນດິນຈາກສິ່ງສົກກະປົກ (ນະຈິສ) ຄື: ການເທນ້ຳໜຶ່ງຄຸລົງໃສ່ບໍລິເວນທີ່ເປື້ອນ, ຫຼື ປະໄວ້ໃຫ້ແຫ້ງຍ້ອນແສງແດດ ຫຼື ລົມ, ເມື່ອຮ່ອງຮອຍຂອງສິ່ງສົກກະປົກໄດ້ຫາຍໄປແລ້ວ ພື້ນດິນນັ້ນກໍຖືວ່າສະອາດ.
ຂໍ້ທີ່ສາມ: ສິ່ງທີ່ຕ້ອງຫ້າມສຳລັບຜູ້ທີ່ຢູ່ໃນສະພາບຫະດັສ:
ສິ່ງທີ່ຕ້ອງຫ້າມສຳລັບຜູ້ທີ່ມີຫາດັສນ້ອຍ ຫຼື ຫາດັສໃຫຍ່ ມີດັ່ງນີ້:
1- ການລະມາດ ບໍ່ວ່າຈະເປັນລະມາດຟັຣດູ ຫຼື ການລະມາດຊຸນນະຮ໌; ລາຍງານຈາກອິບນຸ ອຸມັຣ ຣໍດິຍັລລໍຮຸ ອັນຮຸມາ ແທ້ຈິງທ່ານນະບີ ﷺ ໄດ້ກ່າວວ່າ: «ອັລລໍຫ໌ຈະບໍ່ຕອບຮັບການລະຫມາດທີ່ປາດສະຈາກຄວາມສະອາດ (ການ ອາບນ້ຳລະຫມາດ)» [6]. [6] ບັນທຶກໂດຍທ່ານມຸສລິມ ເລກທີ (224).
2- ການແຕະຕ້ອງສຳພັດ ອັລກຣຸອານ; ດັ່ງທີ່ໄດ້ກ່າວໄວ້ໃນຈົດໝາຍທີ່ທ່ານລໍຊູລ ﷺ ໄດ້ຂຽນແກ່ ອຳຣູ ບິນ ຮະຊັມ, ເຊິ່ງໃນນັ້ນເພິ່ນໄດ້ກ່າວວ່າ: ຄວາມໝາຍວ່າ: (ຈະບໍ່ມີຜູ້ໃດສຳຜັດອັລກຣຸອານ ນອກຈາກຜູ້ທີ່ສະອາດ) [7]. [7] ບັນທຶກໂດຍທ່ານມາລິກ ໃນຫນັງສືມຸວັດຕໍ ເລກທີ (680 ແລະ 219), ແລະ ທ່ານດາຣີມີ ເລກທີ (312) ແລະ ທ່ານອັບດຸລຣັຊຊາກ ໃນຫນັງສືມຸຊັນນັຟຂອງເພິ່ນ ເລກທີ (1328), ແລະ ກວດກາໂດຍທ່ານອັລ-ອັລບານີ ໃນຫນັງສືອິຣວາອຸລກໍລີລ ເລກທີ (122).
3- ຕໍວາຟ ໄບຕຸລລໍຫ໌. ຈາກຄຳກ່າວຂອງທ່ານຣໍຊຸລລຸລລໍຫ໌ ຊໍລລັລລໍຮຸ ອະໄລຮິ ວະຊັລລຳ: ຄວາມໝາຍວ່າ: ການຕໍວາຟທີ່ໄບຕຸລລໍຫ໌ແມ່ນການລະຫມາດ, ນອກຈາກວ່າອັລລໍຫ໌ໄດ້ອະນຸຍາດໃຫ້ມີການສົນທະນາໃນຂະນະນັ້ນ [8]. ແລະ ແທ້ຈິງ ທ່ານນະບີມູຮຳມັດ ﷺ ໄດ້ເຮັດນ້ຳລະຫມາດ ສຳລັບການຕໍວາຟ, ແລະ ມີລາຍງານທີ່ຖືກຕ້ອງຈາກທ່ານນະບີ ຊໍລລັລລໍຮຸ ອະໄລຮິ ວະສັລລຳ ວ່າ : ທ່ານໄດ້ຫ້າມແມ່ຍິງທີ່ມີປະຈຳເດືອນຈາກການຕໍວາຟຮອບໄບຕຸລລໍຫ໌ ຈົນກວ່ານາງຈະສະອາດ. [8] ບັນທຶກໂດຍ ທ່ານອັນນະສາອີ ເລກທີ່ (12808), ແລະ ທ່ານອະຫ໌ມັດ ເລກທີ່ (15423), ກວດກາໂດຍທ່ານອັລ-ອັລບານີ ໃນ ອິຣວາອຸລ-ກໍ່ລີລ ເລກທີ່ (121).
ສ່ວນສິ່ງທີ່ຕ້ອງຫ້າມເປັນການສະເພາະສຳລັບຜູ້ທີ່ຢູ່ໃນສະພາບຫະດັສໃຫຍ່ ມີດັ່ງນີ້:
1- ການອ່ານ ອັລກຣຸອານ. ຈາກຫຼັກຖານຫະດິຊຂອງທ່ານອາລີ ຣໍດິຍັລລໍຮຸ ອັນຮຸ: "ບໍ່ມີສິ່ງໃດກີດກັ້ນເພິ່ນ (ໝາຍເຖິງ ທ່ານນະບີ ຊໍລລັລລໍຮຸ ອະໄລຮິ ວະສັລລັມ) ຈາກອັລກຣຸອານ, ຍົກເວັ້ນສະພາບຫະດັສໃຫຍ່" [9] [9] ບັນທຶກໂດຍ ທ່ານອິບນຸມາຈະຫ໌ ເລກທີ່ (594), ແລະ ທ່ານອິບນຸຮິບບານ ເລກທີ່ (799), ແລະ ຕັດສິນວ່າດໍອີຟໂດຍ ທ່ານອັລ-ອັລບານີ ໃນ ດໍອີຟ ສຸນັນ ອັດ-ຕິຣມີຊີ ເລກທີ່ (146).
2- ການເຂົ້າພັກໃນມັສຍິດ ໂດຍບໍ່ມີນ້ຳລະຫມາດ; ຈາກຄຳຕຣັັດຂອງອັລລໍຫ໌: (ໂອ້ ບັນດາຜູ້ສັດທາທັ້ງຫຼາຍ ພວກເຈົ້າຢ່າເຂົ້າໃກ້ການລະຫມາດ ໃນຂະນະທີ່ພວກເຈົ້າກຳລັງມຶນເມົາ ຈົນກວ່າພວກເຈົ້າຈະຮູ້ສິ່ງທີ່ພວກເຈົ້າກ່າວ, ແລະ ໃນຂະນະທີ່ເປັນຈຸນຸບ (ຜູ້ມີມົນທິນ) ແລະເຊັ່ນກັນ ນອກຈາກເປັນພຽງຜູ້ເດີນທາງຜ່ານ ຈົນກວ່າພວກເຈົ້າຈະອາບນ້ຳ...) [ສູເຣາະຫ໌ ນິຊາ: 43].
ຖ້າຜູ້ທີ່ຢູ່ໃນສະພາບຫະດັສໃຫຍ່ໄດ້ເຮັດນ້ຳລະຫມາດ, ກໍ່ສາມາດພັກຢູ່ໃນມັສຍິດໄດ້. ແລະ ເຊັ່ນດຽວກັນ, ຜູ້ທີ່ຢູ່ໃນສະພາບຫະດັສໃຫຍ່ສາມາດຜ່ານມັສຍິດໄດ້, ແຕ່ບໍ່ອະນຸຍາດໃຫ້ນັ່ງຢູ່ໃນນັ້ນ.
ຂໍ້ທີສີ່: ມາລະຍາດວ່າດ້ວຍການເຂົ້າຫ້ອງນ້ຳ:
ສິ່ງທີ່ສົມຄວນທີ່ຈະຕ້ອງປະຕິບັດ ເວລາເຂົ້າຫ້ອງນ້ຳ:
1. ການຢູ່ຫ່າງໄກ ແລະ ລີ້ຊ້ອນຈາກຜູ້ຄົນໃນທີ່ລັບຕາ.
2. ກ່າວດຸອາຕາມທີ່ມີລາຍງານຮະດິຊ ເວລາເຂົ້າ, ກໍ່ຄື: ຄຳອ່ານ: «ອັລລໍຮຸມມະ ອິນນີ ອະອຸຊຸ ບິກະ ມິນັລຄຸບສິ ວັລຄໍບາອິສ» ຄວາມໝາຍ: “ໂອ້ອັລລໍຫ໌ ແທ້ຂ້ອຍຂໍຄວາມຄຸ້ມຄອງຈາກພຣະອົງໃຫ້ພົ້ນຈາກໄຊຕອນມານຮ້າຍເພດຜູ້ ແລະ ເພດເມຍ” [10]. [10] ບັນທຶກໂດຍ ອັລບຸກຄໍຣີ, ເລກທີ່ (142) ແລະ ມຸສລິມ, ເລກທີ່ (122).
ສິ່ງທີ່ຈຳເປັນຕ້ອງປະຕິບັດໃນເວລາເຂົ້າຫ້ອງນ້ຳ:
1- ການລະວັງບໍ່ໃຫ້ເປື້ອນປັດສະວະ.
2. ຕ້ອງປົກປິດຮ່າງກາຍ (ເອົາເຣາະຫ໌).
ສິ່ງທີ່ຕ້ອງຫ້າມໃນເວລາຂັບຖ່າຍ ມີດັ່ງນີ້:
1- ຫັນໜ້າໄປທາງກິບລະຫ໌ ຫຼື ຫັນຫຼັງໃຫ້ກິບລະຫ໌.
2- ການຖ່າຍຊະສຸຍຊະສາຍໃນທາງຍ່າງ ແລະ ສະຖານທີ່ສາທາລະນະ.
3- ການຖ່າຍເບົາໃສ່ນໍ້ານິ້ງ.
ສິ່ງທີ່ໜ້າລັງກຽດໃນເວລາເຂົ້າຫ້ອງນ້ຳ:
1. ການສຳຜັດອະໄວຍະວະເພດຊາຍດ້ວຍມືຂວາ ໃນຂະນະທີ່ຢູ່ໃນຫ້ອງນ້ຳ.
2. ການຊຳລະລ້າງຫຼັງຈາກຂັບຖ່າຍ ແລະ ການເຊັດເຮັດຄວາມສະອາດດ້ວຍມືຂວາ.
3. ບໍ່ສົມຄວນເວົ້າຈາ, ໂດຍສະເພາະແມ່ນການລຳເລິກເຖິງອັລລໍຫ໌ ຂະນະຖ່າຍໜັກຖ່າຍເບົາ.
ຂໍ້ທີ່ຫ້າ : ບັນດາຂໍ້ກຳນົດກ່ຽວກັບການຊຳລະລ້າງຫລັງການຂັບຖ່າຍ:
ການຊຳລະລ້າງດ້ວຍນ້ຳ (ອິສຕິນຈາ) : ແມ່ນການກຳຈັດສິ່ງທີ່ອອກມາຈາກທະວານທັງສອງດ້ວຍນ້ຳ.
ການຊຳລະລ້າງໂດຍບໍ່ໃຊ້ນ້ຳ (ອິສຕິຈມັຣ) : ແມ່ນການກຳຈັດຮ່ອງຮອຍສິ່ງຂັບຖ່າຍຈາກທະວານທັງສອງ ໂດຍບໍ່ໃຊ້ນ້ຳ; ເຊັ່ນ: ກ້ອນຫີນ ແລະ ເຈ້ຍຊຳລະ.
ເງື່ອນໄຂຕ່າງໆ ຂອງສິ່ງທີ່ໃຊ້ໃນການເຊັດອິສຕິຈມາຣ:
1. ຈະຕ້ອງເປັນມຸບາຫ໌ (ສິ່ງທີ່ອະນຸໂລມ).
2. ຈະຕ້ອງສະອາດ.
3. ເປັນສິ່ງທີ່ສາມາດເຮັດຄວາມສະອາດໄດ້.
4- ຈະຕ້ອງບໍ່ແມ່ນກະດູກ ຫຼື ມູນສັດ.
5- ຈະຕ້ອງບໍ່ເປັນສິ່ງທີ່ໜ້າເຄົາລົບສັກສິດ; ເຊັ່ນ: ແຜ່ນເຈ້ຍທີ່ມີພະນາມຂອງອັລລໍຫ໌ ອັຊຊະ ວະຈັລ.
ແລະ ອານຸຍາດໃຫ້ການອິສຕິຈມາຣ (ດພຽງພໍໄດ້ ດ້ວຍສອງເງື່ອນໄຂຕໍ່ໄປນີ້:
1. ສິ່ງທີ່ອອກມາບໍ່ໃຫ້ແຜ່ລາມກາຍບໍລິເວນປົກກະຕິ.
2- ການເຊັດຕ້ອງແມ່ນດ້ວຍຫີນທີ່ຊຳລະລ້າງສາມກ້ອນຂຶ້ນໄປ.
ຂໍ້ທີຫົກ: ຂໍ້ກຳນົດຕ່າງໆ ຂອງການອາບນ້ຳລະມາດ
ການປະຕິບັດອິບາດະຫ໌ ສາມປະການທີ່ຈຳເປັນ (ວາຈິບ) ຕ້ອງມີການອາບນ້ຳລະຫມາດ ມີດັ່ງຕໍ່ໄປນີ້:
1- ການລະຫມາດ ບໍ່ວ່າຈະເປັນ ລະມາດຟັຣດູ ຫຼື ການລະມາດຊຸນນະຮ໌.
2- ການຈັບ ສຳພັດ ກຣຸອານ.
3- ການຕໍວາຟ (ຍ່າງອ້ອມຮອບກະບະຮ໌).
ເງື່ອນໄຂຕ່າງໆ ຂອງການອາບນ້ຳລະຫມາດ ມີດັ່ງນີ້:
1- ເປັນອິສລາມ.
2. ມີສະຕິປັນຍາ.
3. ການມີສະຕິ ຮູ້ຈັກການຈໍາແນກ.
4. ການຕັ້ງເຈດຕະນາ (ນຽດ): ສະຖານທີ່ຂອງມັນແມ່ນຢູ່ໃນຫົວໃຈ, ແລະການກ່າວອອກມາເປັນຄຳເວົ້າແມ່ນບິດອະຫ໌ (ສິ່ງທີ່ອุຕະຣິກຳໃນສາສະໜາ). ແລະ ທຸກຄົນທີ່ປະສົງຈະອາບນ້ຳລະມາດ, ກໍ່ຖືວ່າຜູ້ນັ້ນໄດ້ຕັ້ງເຈດຕະນາແລ້ວ, ສຳລັບການລ້າງບັນດາອະໄວຍະວະຂອງການອາບນ້ຳລະມາດ ໂດຍມີເຈດຕະນາເພື່ອໃຫ້ຮ່າງກາຍເຢັນສະບາຍ ຫຼື ເພື່ອທຳຄວາມສະອາດ; ກໍບໍ່ຖືວ່າເປັນການອາບນ້ຳລະມາດ.
5. ຕ້ອງນຶກຄິດ ຫຼື ຕັ້ງໃຈ ເຮັດແບບຕໍ່ເນື່ອງໂດຍບໍ່ມີເຈດຕະນາວ່າຈະຫຍຸດເຮັດຈົນກວ່າຈະເສຍນ້ຳລະຫມາດ.
6. ການສິ້ນສຸດສາເຫດຂອງສິ່ງທີ່ເຮັດໃຫ້ນ້ຳລະຫມາດໂມຂະ. ມີຂໍ້ຍົກເວັ້ນຈາກກໍລະນີດັ່ງກ່າວຄື: ຜູ້ທີ່ເປັນພະຍາດປັດສະວະໄຫຼຕະຫຼອດເວລາ, ແລະ ຜູ້ເປັນອີສະຕິຮາດໍ.
7. ການລ້າງ ຫຼື ເຊັດຊຳລະກ່ອນ, ສຳລັບຜູ້ທີ່ອອກປັດສະວະ ຫຼື ອຸດຈະລະ.
8. ນ້ຳຕ້ອງສະອາດບໍລິສຸດ, ແລະ ເປັນທີ່ອະນຸຍາດ.
9. ການເອົາອອກສິ່ງທີ່ກີດກັ້ນບໍ່ໃຫ້ນ້ຳໄປເຖິງຜິວໜັງ.
10- ຕ້ອງເຂົ້າເວລາລະຫມາດ ສະເພາະຜູ້ທີ່ເສຍນ້ຳລະມາດເປັນປະຈຳ.
ຂໍ້ບັງຄັບຂອງການອາບນ້ຳລະຫມາດມີດັ່ງນີ້:
1. ການລ້າງໃບຫນ້າ, ເຊິ່ງລວມເຖິງ: ການບ້ວນປາກ ແລະ ສູດນ້ຳເຂົ້າຫູດັງ.
2. ການລ້າງມືທັ້ງສອງ ລວມທັງຂໍ້ສອກທັ້ງສອງ.
3. ການເຊັດຫົວທັງຫມົດ ແລະ ລວມເຖິງໃບຫູທັ້ງສອງ.
4. ການລ້າງຕີນທັ້ງສອງ ພ້ອມດ້ວຍຕາຕຸ່ມທັ້ງສອງ.
5. ເຮັດຕາມລຳດັບ ລະຫວ່າງອະໄວຍາວະໃນຂັ້ນຕອນການເອົານ້ຳລະຫມາດ.
6. ອັລມຸວາລາຫ໌: ບໍ່ໃຫ້ມີການຢຸດພັກເປັນເວລາດົນລະຫວ່າງການລ້າງອະໄວຍາວະ.
ລັກສະນະຂອງການອາບນ້ຳລະຫມາດ:
1- ການກ່າວບິສມິລລາຫ໌.
2- ລ້າງຝ່າມືທັ້ງສອງ ສາມເທື່ອ.
3. ການລ້າງໃບຫນ້າ ສາມເທື່ອ, ເຊິ່ງລວມເຖິງການບ້ວນປາກ ແລະ ສູດນ້ຳເຂົ້າຫູດັງ.
4. ລ້າງແຂນທັ້ງສອງ ຈົນຮອດຂໍ້ສອກ ສາມເທື່ອ, ໂດຍເລີ່ມຈາກແຂນຂວາ ແລ້ວຈຶ່ງແຂນຊ້າຍ.
5. ການເຊັດຫົວ ແລະ ລວມເຖິງໃບຫູທັ້ງສອງ.
6. ລ້າງຕີນທັ້ງສອງຈົນຮອດຕາຕຸ່ມທັ້ງສອງ ສາມເທື່ອ, ໂດຍເລີ່ມຈາກຕີນຂວາ ແລ້ວຕາມດ້ວຍຕີນຊ້າຍ.
ສິ່ງທີ່ເຮັດໃຫ້ເສຍນ້ຳລະຫມາດ:
1. ສິ່ງທີ່ອອກຈາກຊ່ອງຂັບຖ່າຍທັ້ງສອງ, ເຊັ່ນ: ປັດສະວະ, ລົມ (ຕົດ) ແລະ ອຸດຈະລະ.
2. ສິ່ງທີ່ອອກມາຈາກຮ່າງກາຍທີ່ເປັນສິ່ງສົກປົກ (ນາຍິສ) ໃນປະລິມານຫຼາຍ.
3. ສູນເສຍສະຕິ ໂດຍການນອນຫຼັບ ຫຼື ສາເຫດອື່ນໆ.
4- ສຳຜັດອະໄວຍາວະເພດ ຫຼື ທະວານໜັກ ໂດຍບໍ່ມີສິ່ງກີດຂວາງ.
5- ກິນຊີ້ນອູດ.
6. ການຕົກສາສະໜາອິສະລາມ, ຂໍໃຫ້ອັນລໍຮ໌ຊົງປົກປ້ອງພວກເຮົາ ແລະ ບັນດາມຸສລິມຈາກສິ່ງດັ່ງກ່າວ.
ຂໍ້ທີເຈັດ: ບັນດາຂໍ້ກຳນົດກ່ຽວກັບການລູບນ້ຳເທິງຖົງຕີນ (ຄຸຟ) ແລະ ເກີບ:
1. ອັລ-ຄຸຟ ໝາຍເຖິິງ: ສິ່ງທີ່ສວມໃສ່ທີ່ຕີນ ທີ່ເຮັດຈາກຫນັງ ຫຼື ວັດຖຸອື່ນໆ.
2- ອັລເຈົາຣັບ: ໝາຍເຖິງ ສິ່ງທີ່ສວມໃສ່ທີ່ຕີນ ທີ່ເຮັດຈາກຂົນສັດ ຫຼື ຝ້າຍ ແລະ ອື່ນໆ.
ເງື່ອນໄຂຂອງການລູບນ້ຳເທິງຖົງຕີນ ຫຼື ເກີບ ມີດັ່ງນີ້:
1. ຕ້ອງສ່ວມໃສ່ຫຼັງຈາກໄດ້ຊຳລະລ້າງຄວາມສະອາດຢ່າງສົມບູນ.
2- ການປົກປິດຕີນທັ້ງສອງ ພ້ອມກັບຕາຕຸມທັ້ງສອງ.
3. ຖົງຕີນຕ້ອງສະອາດ
4. ການລູບເຊັດຕ້ອງຢູ່ໃນລະຍະເວລາທີ່ກຳໜົດ.
5. ການລູບນ້ຳຕ້ອງກະທຳໃນການອາບນ້ຳລະຫມາດ, ບໍ່ແມ່ນໃນການອາບນ້ຳດ້ວຍທົ່ວໄປ (ກຸສູລ).
6. ຖົງຕີນ ແລະ ສິ່ງທີ່ຄ້າຍຄືກັນຕ້ອງເປັນສິ່ງທີ່ອະນຸຍາດ, ຫາກເປັນສິ່ງທີ່ໄດ້ມາໂດຍບໍ່ຊອບທຳ ຫຼື ເປັນຜ້າໄໝສຳລັບຜູ້ຊາຍ; ຈະບໍ່ອະນຸຍາດໃຫ້ເຊັດເທິງມັນ, ເພາະວ່າສິ່ງທີ່ຕ້ອງຫ້າມ (ຫະຣອມ) ບໍ່ສາມາດນຳມາເປັນເງື່ອນໄຂເພື່ອໃຫ້ໄດ້ຮັບການຜ່ອນຜັນ.
ໄລຍະເວລາສຳລັບການລູບນ້ຳເທິງຖົງຕີນ:
ສຳຫຼັບຜູ້ພຳນັກ: ໜຶ່ງມື້ໜຶ່ງຄືນ, ແລະ ສຳຫຼັບຜູ້ເດິນທາງ: ສາມມື້ສາມຄືນ.
ວິທີການລູບເກີບ:
ເອົາມືຈຸ່ມນ້ຳ ແລ້ວລູບເທິງຖົງຕີນ ຫຼື ເກີບ, ຈາກນິ້ວເທົ້າຂຶ້ນໄປຫາຂາແຂງ, ໜຶ່ງເທື່ອ.
ສິ່ງທີ່ເຮັດໃຫ້ການລູບນ້ຳເປັນໂມຄະ ມີດັ່ງນີ້:
1. ຄົບກຳໜົດລະຍະເວລາການເຊັດ.
2. ການປົດຖົງຕີນທັ້ງສອງຂ້າງ ຫຼື ຂ້າງໃດຂ້າງໜຶ່ງ.
3- ການເກີດມີຫາດັສໃຫຍ່.
ຂໍ້ຕັດສິນຂອງການເຊັດຖົງຕີນ:
ມັນເປັນການອະນຸໂລມ, ແລະ ການປະຕິບັດເຊັ່ນນັ້ນກໍປະເສີດກວ່າການຖອດຖົງຕີນອອກມາລ້າງຕີນທັງສອງ; ເພື່ອເປັນການຮັບເອົາການອະນຸໂລມຂອງອົງອັລລໍຮ໌, ເປັນການເອົາແບບຢ່າງຕາມທ່ານນະບີ ﷺ, ແລະ ເປັນການຄັດຄ້ານຕໍ່ບັນດາຜູ້ອຸຕະລິກຳໃນສາສະຫນາ.
3- ການເຊັດເທິງເຝືອກ, ຜ້າພັນແຜ ແລະ ຜ້າປິດແຜ:
ອັລຈະບາອິຣ: ຄື ສິ່ງທີ່ໃຊ້ພັນ ຫຼື ມັດໄວ້ເທິງກະດູກທີ່ຫັກ; ເຊັ່ນ: ເຝືອກ ຫຼື ໄມ້ດາມ ແລະອື່ນໆ ທີ່ຄ້າຍຄືກັນ.
ຜ້າພັນບາດ (العصائب) ແມ່ນ ສິ່ງທີ່ໃຊ້ພັນໄວ້ເທິງບາດແຜ ຫຼື ຮອຍຟົກຊ້ຳ ຫຼື ບາດແຜໄຟໄໝ້; ຈາກຜ້າ ແລະ ສິ່ງທີ່ຄ້າຍຄືກັນ.
ແລະ ອັລລຸຊູກ: ແມ່ນສິ່ງທີ່ຕິດເທິງບາດແຜ ຫຼື ຫົວຝີ ເພື່ອການປິ່ນປົວ.
ຂໍ້ກຳນົດຂອງການລູບນ້ຳເທີງ:
ເປັນທີ່ອະນຸຍາດ: ໃນກໍລະນີທີ່ມີຄວາມຈຳເປັນ, ໂດຍມີເງື່ອນໄຂວ່າຈະຕ້ອງບໍ່ເກີນຂອບເຂດຂອງຄວາມຈຳເປັນ.
ແລະ ບໍ່ເປັນທີ່ອະນຸຍາດ: ໃນກໍລະນີທີ່ຄວາມຈຳເປັນໄດ້ສິ້ນສຸດລົງ, ຫຼື ການຖອດອອກບໍ່ກໍ່ໃຫ້ເກີດຄວາມຍາກລຳບາກ ຫຼື ອັນຕະລາຍ.
ວິທີການລູບນ້ຳມີດັ່ງນີ້:
ລ້າງບໍລິເວນອ້ອມຮອບ, ແລະລູບເຊັດບົນມັນໃຫ້ທົ່ວທຸກດ້ານ. ແລະ ບໍ່ໃຫ້ລູບເຊັດເກີນຂອບເຂດຂອງການອາບນ້ຳລະຫມາດ.
ຂໍ້ທີແປດ: ບັນດາຂໍ້ກຳນົດກ່ຽວກັບຕະຍຳມຸມ:
ການເຮັດຕະຍຳມຸມຄື: ການລູບໃບໜ້າ ແລະ ມືທັງສອງດ້ວຍດິນຝຸ່ນທີ່ສະອາດ, ດ້ວຍເຈດຕະນາເພື່ອການສຳລະລ້າງ, ໃນຮູບແບບທີ່ສະເພາະເຈາະຈົງ.
ຂໍ້ຕັດສິນຂອງມັນ:
ຈຳເປັນຕ້ອງເຮັດຕະຢັມມູມ ແທນການເອົານ້ຳລະມາດ ແລະ ການອາບນ້ຳຊຳລະຮ່າງກາຍ ເມື່ອບໍ່ມີນ້ຳ ຫຼື ບໍ່ສາມາດໃຊ້ນ້ຳໄດ້.
ຈຸດປະສົງໃນການບັນຍັດ:
ການເຮັດຕະຍຳມຸມ ແມ່ນສ່ວນໜຶ່ງຈາກຄຸນລັກສະນະພິເສດຂອງປະຊາຊາດຂອງທ່ານນະບີ ມູຮຳມັດ ﷺ, ແລະ ບໍ່ເຄີຍເປັນທີ່ຮູ້ຈັກໃນບັນດາປະຊາຊາດກ່ອນໜ້ານີ້, ອັນເປັນການຜ່ອນຜັນຈາກອັລລໍຫ໌ໃຫ້ແກ່ປະຊາຊາດນີ້ ແລະ ເປັນຄວາມໂປດປານຈາກພຣະອົງທີ່ມີຕໍ່ພວກເຂົາ.
ກໍລະນີຕ່າງໆ ທີ່ຖືກກຳນົດໃຫ້ເຮັດຕະຢຳມຸມ ມີດັ່ງນີ້:
1. ເມື່ອບໍ່ມີນ້ຳ, ບໍ່ວ່າຈະເປັນໃນຂະນະທີ່ພັກເຊົາຢູ່ ຫຼື ໃນຂະນະທີ່ເດີນທາງ, ແລະ ໄດ້ຊອກຫາມັນແລ້ວແຕ່ບໍ່ພົບ ບໍ່ມີນ້ຳ.
2. ເມື່ອມີນ້ຳຢູ່ກັບຕົວ ແຕ່ເປັນນ້ຳທີ່ຈຳເປັນຕ້ອງໃຊ້ສຳລັບການດື່ມ ຫຼື ປຸງແຕ່ງອາຫານ, ໂດຍຖ້າຫາກນຳໄປໃຊ້ຊຳລະຮ່າງກາຍແລ້ວ ກໍກັງວົນວ່າຕົນເອງ ຫຼື ຜູ້ອື່ນຈະຫິວນ້ຳ, ບໍ່ວ່າຈະເປັນມະນຸດ ຫຼື ສັດທີ່ສົມຄວນໄດ້ຮັບການປົກປ້ອງ.
3. ຖ້າຫາກກັງວົນວ່າການໃຊ້ນ້ຳຈະເປັນອັນຕະລາຍຕໍ່ຮ່າງກາຍ ເນື່ອງຈາກການເຈັບປ່ວຍ ຫຼື ເຮັດໃຫ້ເຊົາຊ້າ.
4- ຖ້າຫາກບໍ່ສາມາດໃຊ້ນ້ຳໄດ້ ເນື່ອງຈາກການເຈັບປ່ວຍຈົນເຄື່ອນໄຫວບໍ່ໄດ້, ແລະ ບໍ່ມີຜູ້ຊ່ວຍອາບນ້ຳລະຫມາດໃຫ້, ແລະ ກັງວົນວ່າຈະໝົດເວລາລະຫມາດ.
5. ຖ້າຫາກຢ້ານຄວາມໜາວຈາກການໃຊ້ນ້ຳ, ແລະ ບໍ່ມີສິ່ງທີ່ຈະເຮັດໃຫ້ນ້ຳອຸ່ນ, ສາມາດຕະຢຳມຸມ ແລະ ນະມາຊໄດ້.
ວິທີການເຮັດຕະຍຳມຸມ:
ໃຫ້ໃຊ້ມືທັງສອງຕົບລົງໃສ່ຝຸ່ນດິນ ໂດຍໃຫ້ກາງນິ້ວມືອອກ, ຈາກນັ້ນໃຫ້ໃຊ້ດ້ານໃນຂອງນິ້ວມືລູບໃບໜ້າ, ແລະ ໃຊ້ຝ່າມືລູບມືທັງສອງ, ໂດຍຕ້ອງລູບໃຫ້ທົ່ວທັງໃບໜ້າ ແລະ ມືທັງສອງ.
ສິ່ງທີ່ເຮັດໃຫ້ຕະຢຳມຸມເສຍ:
1. ການພົບເຫັນນ້ຳ ຖ້າການເຮັດຕະຍຳມຸມຍ້ອນວ່າບໍ່ມີນ້ຳ, ຫຼື ສາມາດໃຊ້ນ້ຳໄດ້, ຖ້າຫາກວ່າການເຮັດຕະຢຳມຸມນັ້ນ ເນື່ອງມາຈາກການບໍ່ສາມາດໃຊ້ນ້ຳໄດ້.
2. ຈະເສຍ ກໍ່ຍ້ອນສິ່ງທີ່ເຮັດໃຫ້ນ້ຳລະຫມາດເສຍ, ຫຼື ສິ່ງທີ່ບັງຄັບໃຫ້ອາບນ້ຳ, ເຊັ່ນ: ການມີເພດສຳພັນ, ເລືອດປະຈຳເດືອນ ແລະ ເລືອດຫລັງການເກີດລູກ.
ຂໍ້ກຳນົດກ່ຽວກັບຜູ້ທີ່ບໍ່ສາມາດໃຊ້ນ້ຳ ແລະ ເຮັດຕະຍຳມຸມ ມີດັ່ງນີ້:
ຜູ້ທີ່ບໍ່ມີທັ້ງນ້ຳ ແລະ ຝຸ່ນດິນ, ຫຼື ຕົກຢູ່ໃນສະພາບທີ່ບໍ່ສາມາດສຳຜັດຜິວໜັງດ້ວຍນ້ຳ ຫຼື ຝຸ່ນດິນໄດ້, ກໍ່ໃຫ້ລາວເຮັດການລະຫມາດຕາມສະພາບຂອງລາວ ໂດຍບໍ່ຕ້ອງອາບນ້ຳລະຫມາດ ແລະ ບໍ່ຕ້ອງເຮັດຕະຢຳມຸມ, ເພາະວ່າ ອັລລໍຫ໌ ຈະບໍ່ວາງພາລະໃຫ້ແກ່ຊີວິດໃດໜຶ່ງ ເກີນຄວາມສາມາດຂອງເຂົາ. ແລະ ໃນກໍລະນີທີ່ລາວໄດ້ພົບນ້ຳ ແລະ ຝຸ່ນດິນພາຍຫຼັງຈາກນັ້ນ, ຫຼື ສາມາດນຳໃຊ້ທັງສອງຢ່າງໄດ້, ກໍບໍ່ຈຳເປັນຕ້ອງເຮັດການລະຫມາດຄືນ ທີ່ໄດ້ເຮັດໄປແລ້ວ; ເພາະວ່າລາວໄດ້ປະຕິບັດຕາມສິ່ງທີ່ຖືກບັນຊາໄວ້ແລ້ວ, ຈາກຄຳຕຣັັດຂອງອັລລໍຫ໌: (...ດັງນັ້ນ ຈົ່ງຍຳເກຣງອັລລໍຫ໌ເຖິດ ເທົ່າທີ່ພວກເຈົ້າມີຄວາມສາມາດ....) [ຊູເຣາະຫ໌ ອັດຕະກໍບຸນ : 16], ແລະ ດັ່ງທີທ່ານນະບີ ﷺ ໄດ້ກ່າວໄວ້ວ່າ: "ເມື່ອຂ້າໄດ້ສັ່ງພວກເຈົ້າໃນເລື່ອງໃດໜຶ່ງ ກໍຈົ່ງປະຕິບັດມັນເທົ່າທີ່ພວກເຈົ້າຈະມີຄວາມສາມາດ" [11] [11] ບັນທຶກໂດຍ ອັລບຸກຄໍຣີ, ເລກທີ່ (7288) ແລະ ມຸສລິມ, ເລກທີ່ (6066).
ຂໍ້ຄວນຮູ້: ຖ້າຫາກໄດ້ເຮັດຕະຢຳມຸມ ເນື່ອງຈາກມີຫະດັຊໃຫຍ່, ແລ້ວພົບເຫັນນ້ຳ; ລາວກໍ່ຈຳເປັນຕ້ອງອາບນ້ຳ.
ຂໍ້ທີເກົ້າ: ບັນດາຂໍ້ກຳຫນົດກ່ຽວກັບເລືອດປະຈຳເດືອນ ແລະ ເລືອດຫລັງການຄອດລູກ:
ປະເດັນທີໜຶ່ງ: ການມີປະຈຳເດືອນ:
ປະຈຳເດືອນນັ້ນ ມັນເປັນເລືອດທຳມະຊາດທີ່ມີມາແຕ່ກຳເນີດ, ທີ່ອອກມາຈາກສ່ວນເລິກຂອງມົດລູກ ໃນຊ່ວງເວລາທີ່ກຳນົດໄວ້. ໂດຍສ່ວນໃຫຍ່ແລ້ວ ປະຈຳເດືອນຈະມາໃນແຕ່ລະເດືອນເປັນເວລາ ຫົກ ຫຼື ເຈັດມື້, ແລະ ອາດຈະເພີ່ມຂຶ້ນ ຫຼື ຫຼຸດລົງ, ແລະ ໄລຍະຮອບເດືອນຂອງແມ່ຍິງນັ້ນຍາວຂຶ້ນ ແລະ ສັ້ນລົງ, ຕາມທຳມະຊາດທີ່ພຣະອົງໄດ້ກຳນົດໄວ້.
ບັນດາຂໍ້ກຳນົດກ່ຽວກັບແມ່ຍິງທີ່ມີປະຈຳເດືອນ:
1- ຜູ້ຍິງທີ່ມີປະຈຳເດືອນຈະບໍ່ເຮັດລະຫມາດ ແລະ ບໍ່ຖືສິນອົດໃນຂະນະທີ່ມີປະຈຳເດືອນ, ແລະ ຖືວ່າໃຊ້ບໍ່ໄດ້ຫາກກະທຳ.
2- ຜູ້ຍິງທີ່ມີປະຈຳເດືອນຕ້ອງຊົດໃຊ້ການຖືສິນອົດ ໂດຍບໍ່ຕ້ອງຊົດໃຊ້ການລະຫມາດ ເມື່ອນາງສະອາດ (ຫມົດໄລຍະປະຈຳເດືອນ) ແລ້ວ.
3- ບໍ່ອະນຸຍາດໃຫ້ນາງຕໍວາຟທີ່ໄບຕຸລລໍຫ໌, ແລະ ບໍ່ໃຫ້ອ່ານ ອັລ-ກຸຣອານ, ແລະ ບໍ່ໃຫ້ນັ່ງໃນມັສຍິດ. 4- ແລະ ເປັນທີ່ຕ້ອງຫ້າມສຳລັບສາມີຂອງນາງທີ່ຈະມີເພດສຳພັນກັບນາງ ຈົນກວ່າເລືອດປະຈຳເດືອນຈະຢຸດໄຫຼ ແລະ ໄດ້ອາບນ້ຳຊຳລະຮ່າງກາຍ.
5- ອະນຸຍາດໃຫ້ສາມີຂອງແມ່ຍິງທີ່ມີປະຈຳເດືອນສາມາດມີຄວາມສຸກສົມກັບນາງໄດ້ ໂດຍບໍ່ແມ່ນການຮ່ວມສັງວາດທາງອະໄວຍະວະເພດ, ເຊັ່ນ: ການຈູບ, ການສຳພັດ ແລະ ສິ່ງທີ່ຄ້າຍຄືກັນນັ້ນ.
6- ຫ້າມບໍ່ໃຫ້ສາມີຂອງນາງຢ່າຮ້າງນາງ ໃນຂະນະທີ່ນາງກຳລັງມີປະຈຳເດືອນ.
ຄວາມສະອາດຄືການຢຸດໄຫຼຂອງເລືອດ, ສະນັ້ນ, ເມື່ອເລືອດຢຸດໄຫຼ; ນາງກໍຖືວ່າສະອາດແລ້ວ ແລະ ໄລຍະເວລາປະຈຳເດືອນຂອງນາງກໍສິ້ນສຸດລົງ, ຈຶ່ງຈຳເປັນ (ວາຈິບ) ທີ່ນາງຈະຕ້ອງອາບນ້ຳຊຳລະຮ່າງກາຍ, ຈາກນັ້ນ, ໃຫ້ນາງກັບມາປະຕິບັດສິ່ງທີ່ນາງຖືກຫ້າມຍ້ອນການມີປະຈຳເດືອນ.
ແລະ ຫາກວ່ານາງເຫັນສີຂຸ່ນໆ ຫຼື ສີເຫຼືອງ ຫຼັງຈາກຄວາມສະອາດ, ກໍບໍ່ໃຫ້ຖືວ່າມັນເປັນສິ່ງໃດ.
ປະເດັນທີສອງ: ເລືອດຫລັງການເກີດລູກ:
ມັນແມ່ນເລືອດທີ່ມົດລູກຂັບອອກມາສຳລັບການເກີດລູກ ແລະ ຫຼັງຈາກນັ້ນ, ແລະ ມັນກໍຄືເລືອດສ່ວນທີ່ເຫຼືອທີ່ຖືກກັກໄວ້ໃນໄລຍະເວລາຂອງການຖືພາ.
ແລະ ເລືອດຫລັງການເກີດລູກແມ່ນເໝືອນກັບເລືອດປະຈຳເດືອນໃນສິ່ງທີ່ອະນຸຍາດ; ເຊັ່ນ: ການຊອກຫາຄວາມສຳລານຈາກນາງໃນສ່ວນທີ່ນອກເໜືອຈາກອະໄວຍະວະເພດ.
ແລະ ໃນບັນດາສິ່ງທີ່ຕ້ອງຫ້າມ; ເຊັ່ນ ການມີເພດສຳພັນ, ການຖືສິນອົດ, ການລະຫມາດ, ການຢ່າຮ້າງ, ການຕໍວາຟ, ການອ່ານອັລກຸຣອານ, ແລະ ການພັກເຊົາໃນມັສຍິດ, ແລະ ໃນການບັງຄັບໃຫ້ອາບນ້ຳ (ກຸສູລ) ເມື່ອເລືອດຂອງນາງຢຸດໄຫລນັ້ນ ແມ່ນເຊັ່ນດຽວກັບຜູ້ຍິງທີ່ມີປະຈຳເດືອນ.
ແລະ ຈຳເປັນທີ່ນາງຈະຕ້ອງຊົດໃຊ້ການຖືສິນອົດ ແຕ່ບໍ່ແມ່ນການລະຫມາດ, ດັ່ງນັ້ນ ນາງຈຶ່ງບໍ່ຕ້ອງຊົດໃຊ້ມັນ ເຊັ່ນດຽວກັບຜູ້ຍິງທີ່ມີປະຈຳເດືອນ.
ແລະ ໄລຍະເວລາທີ່ຫຼາຍທີ່ສຸດຂອງມັນແມ່ນ 40 ວັນ, ຫາກເລືອດຫຼັງການເກີດລູກ (ນິຟາສ) ຢຸດໄຫຼກ່ອນ 40 ວັນ, ໄລຍະເວລາຫຼັງເກີດລູກຂອງນາງກໍສິ້ນສຸດລົງ, ໃຫ້ນາງອາບນ້ຳຊຳລະຮ່າງກາຍ, ລະຫມາດ, ແລະ ປະຕິບັດສິ່ງທີ່ນາງຖືກຫ້າມເນື່ອງຈາກການມີເລືອດຫຼັງເກີດລູກ.
ຫົວຂໍ້ທີສອງ: ການລະຫມາດ
ຂໍ້ທີ່ໜຶ່ງ: ຂໍ້ກຳນົດຕ່າງໆ ກ່ຽວກັບອະຊານ ແລະ ອິກໍມະຫ໌:
ການອະຊານໄດ້ຖືກບັນຍັດຂຶ້ນໃນປີທີ່ໜຶ່ງແຫ່ງການອົບພະຍົບ. ສາເຫດທີ່ຖືກບັນຍັດໄວ້ກໍຄື: ເນື່ອງຈາກວ່າການຮູ້ເວລາເປັນເລື່ອງຍາກສຳລັບພວກເຂົາ, ພວກເຂົາຈຶ່ງໄດ້ປຶກສາຫາລືກັນໃນການກຳນົດເຄື່ອງໝາຍຂຶ້ນມາ, ທ່ານອັບດຸລລໍຫ໌ ບິນ ໄຊດ໌ ເຣາະດີຍັລລໍ ຮຸອັນຮູ ໄດ້ເຫັນການອະຊານນີ້ໃນຄວາມຝັນ, ແລະ ວະຫ໌ຮີກໍ່ໄດ້ຮັບຮອງເອົາ.
ອະຊານ: ຄືການປະກາດໃຫ້ຮູ້ເຖິງການເຂົ້າສູ່ເວລາຂອງການລະຫມາດ. ການອິກໍມະຫ໌: ຄືການປະກາດເຖິງການດຳລົງເຊິ່ງການລະຫມາດ.
ການອະຊານ ແລະ ການອິກໍມະຫ໌ ເປັນຂໍ້ບັງຄັບສ່ວນລວມຕໍ່ໝູ່ຄະນະຜູ້ຊາຍ ສຳລັບການລະຫມາດຟັຣດູ, ແລະ ທັ້ງສອງນັ້ນແມ່ນໜຶ່ງໃນບັນດາສັນຍາລັກທີ່ເປີດເຜີຍຂອງອິສລາມ, ຈຶ່ງບໍ່ອະນຸຍາດໃຫ້ຍົກເລີກ.
ເງື່ອນໄຂຂອງການອະຊານ:
1- ຜູ້ອະຊານຕ້ອງເປັນຜູ້ຊາຍ.
2- ການອະຊານຕ້ອງມີການລຽງລຳດັບ.
3- ການກ່າວອະຊານຕິດຕໍ່ກັນ.
4- ຕ້ອງປະກາດອະຊານ ຫຼັງຈາກເຂົ້າເວລາທີ່ກຳໜົດ, ຍົກເວັ້ນແຕ່: ການອະຊານຄັ້ງທຳອິດໃນເວລາຟະຈັຣ ແລະ ວັນສຸກ.
ສຸນນະຫ໌ໃນອະຊານ:
1. ໃຫ້ເອົານິ້ວມືທັ້ງສອງອັດຫູທັ້ງສອງ.
2- ການອະຊານ ຕົ້ນເວລາ.
3. ການຫັນຫນ້າໄປທາງຂວາ ແລະ ທາງຊ້າຍ ພ້ອມກ່າວ ໄຮຍາອະລະທັງສອງ.
4. ໃຫ້ເປັນຜູ້ທີ່ມີສຽງທີ່ດີງາມ.
5. ການກ່າວຄຳອະຊານຢ່າງຊ້າໆ ໂດຍບໍ່ຍືດຍາວ ແລະ ບໍ່ລາກສຽງເກີນຂອບເຂດ.
6. ໃຫ້ຢຸດໃນທຸກໆ ປະໂຫຍກ.
7. ຕ້ອງຫັນໜ້າໄປທາງກິບລະຫ໌ ໃນຂະນະທີ່ອະຊານ.
ການອະຊານມີ 15 ປະໂຫຍກ, ດັ່ງທີ່ທ່ານບິລານ ຣໍດີຍັລລໍຮຸ ອັນຮຸ ໄດ້ປະກາດເປັນປະຈຳຕໍ່ໜ້າທ່ານຣໍຊູລຸລລໍຫ໌ ຊໍລລັລລໍຮຸ ອະໄລຮິ ວະສັລລັມ.
ຄຳກ່າວອະຊານ:
ກ່າວ (ອັລລໍຮຸ ອັກບັຣ) 4 ເທື່ອ.
(ອັຊຮາດຸ ອັລລາ ອິລາຮະ ອິລລັລລໍຫ໌) : 2 ເທື່ອ.
(ອັຊຮາດຸ ອັນນາ ມຸຮຳມະດັນ ຣໍສູລຸລລໍຫ໌): 2 ເທື່ອ.
(ໄຮຍາ ອະລັສ ຊໍລາຫ໌) : 2 ເທື່ອ.
(ໄຮຍາ ອະລັລ ຟະລາຫ໌): ກ່າວ 2 ເທື່ອ.
ຕໍ່ມາໃຫ້ກ່າວວ່າ: “ອັລລໍຮຸ ອັກບັຣ) 2 ເທື່ອ
ຫຼັງຈາກນັ້ນ ໃຫ້ຈົບທ້າຍດ້ວຍ (ລາອິລາຮະ ອິລລັລລໍຫ໌): 1 ເທື່ອ.
ແລະ ໃຫ້ເພີ່ມໃນຟະຈັຣ ຫຼັງ ໄຮຍະ ອະລັລ ຟະລາຫ໌: (ອັສສໍ່ລາຕຸ ຄ໊ອຍຣຸລ ມິນັນເນົາມ໌) ສອງຄັ້ງ; ເພາະ ເປັນເວລາທີ່ຜູ້ຄົນສ່ວນຫຼາຍນອນຫຼັບ.
ການກ່າວອິກໍມະຫ໌ ມີ 11 ປະໂຫຍກ ເຊິ່ງໃຫ້ກ່າວຢ່າງໄວ; ເພາະວ່າເປັນການແຈ້ງໃຫ້ບັນດາຜູ້ທີ່ມາຮ່ວມລະຫມາດໄດ້ຮູ້, ສະນັ້ນຈຶ່ງບໍ່ຈຳເປັນຕ້ອງກ່າວໃຫ້ຊັກຊ້າ.
ຮູບແບບຄຳກ່າວມີດັ່ງນີ້:
ກ່າວ (ອັລລໍຮຸ ອັກບັຣ) ສອງ ເທື່ອ.
(ອັຊຮາດຸ ອັລລາ ອິລາຮະ ອິລລັລລໍຫ໌) ໜຶ່ງຄັ້ງ.
(ອັຊຮາດຸ ອັນນາ ມຸຮຳມະດັນ ຣໍສູລຸລລໍຫ໌): ໜຶ່ງຄັ້ງ.
(ໄຮຍາ ອະລັສ ຊໍລາຫ໌): ໜຶ່ງຄັ້ງ.
(ໄຮຍະ ອະລັລ-ຟາລາຫ໌): ໜຶ່ງຄັ້ງ.
(ກ໊ອດ ກໍມະຕິສ-ສໍລາຫ໌): ສອງຄັ້ງ.
(ອັລລໍຮຸ ອັກບັຣ) ສອງຄັ້ງ.
(ລາອິລາຮະ ອິລລັລລໍຫ໌): ໜຶ່ງຄັ້ງ.
ແລະ ເປັນການສົ່ງເສີມສຳລັບຜູ້ທີ່ໄດ້ຍິນສຽງອະຊານ ໃຫ້ກ່າວຕາມຄົນອະຊານ, ຍົກເວັ້ນໃນຄຳວ່າ (ໄຮຍາ ອະລັສສໍລາຫ໌), ແລະ (ໄຮຍາ ອະລັລ ຟາລາຫ໌) ໃຫ້ກ່າວວ່າ: (ລາເຮົາລະ ວະລາກູວະຕະ ອິລລາບິລລາຫ໌), ຫລັງຈາກນັ້ນກ່າວສໍລະວາດຕໍ່ທ່ານນະບີ ﷺ. ຫຼັງຈາກນັ້ນ ໃຫ້ກ່າວວ່າ: ຄຳອ່ານ: {ອັລລໍຮຸມມາ ຣອບບະຮາ ຊິຮິດດະວະ ຕິ໊ດຕາມມະຫ໌ ວັສສໍລາຕິລ ກໍອິມະຫ໌ ອາຕິມຸຫັມມະດະ ນິລວະຊີລະຫ໌ ວັລຟະດີລະຫ໌ ວັບອັສຮຸ ມະກໍມັນ ມະມູດດະ ນິລລະຊີ ວະອັດດະຫ໌, ອິນນະກະ ລາ ຕຸກລີຟຸລ ມີອາດ} ຄວາມໝາຍ: “ໂອ້ອັລລໍຫ໌ ພຣະຜູ້ອະພິບານຄໍາຮຽກຮ້ອງເຊິນຊວນອັນສົມບູນນີ້ ແລະ ການລະຫມາດທີ່ດຳລົງຕໍ່ໄປ, ໂປດປະທານວະຊີລະຫ໌ (ຄວາມໃກ້ຊິດ-ສິດໃນການຂໍໃຫ້ເລິ່ມສອບສວນໃນວັນກີຍາມະຫ໌) ແລະ ຟະດີລະຫ໌ ໃຫ້ແກ່ທ່ານນາບີມຸຮຳມັດ, ແລະ ໂປດຟື້ນຄືນຊີບໃຫ້ທ່ານຂຶ້ນຢູ່ໃນຕຳແໜ່ງທີ່ໄດ້ຮັບການສັນລະເສິນຕາມທີ່ພຣະອົງໄດ້ສັນຍາເອົາໄວ້, ແທ້ຈິງພຣະອົງບໍ່ເຄີຍຜິດຄຳສັນຍາ” [12]. [12] ທ່ານເຊັຄຜູ້ອະວຸໂສ ເຊັຄ ອັບດຸລອະຊີຊ ບິນ ບາຊ -ຂໍອັລລໍຫ໌ຊົງເມດຕາທ່ານ- ໄດ້ກ່າວໃນປື້ມ ມັຈມູອ໌ ຟະຕາວາ ຂອງເພິ່ນ (29/141) ວ່າ: (ທ່ານ ອັລ-ໄບຫະກີ ໄດ້ເພີ່ມດ້ວຍສາຍລາຍງານທີ່ດີ ຈາກ ທ່ານ ຈາບິຣ ຫຼັງຈາກຄຳເວົ້າທີ່ວ່າ: «الذي وعدته» ວ່າ: «إنك لا تخلف الميعاد».)
ແລະ ໃຫ້ກ່າວວ່າ: ຄຳອ່ານ: {ຣໍດີຕຸ ບິລລາຮີ ຣອບບາ ວະບິລອິສລາມ ມິດີນາ ວະບີມຸຮໍາມັດ ຊໍລລັລລໍຮຸ ອະໄລຮິ ວະຊັລລຳ ນະບີຍາ} ຄວາມໝາຍ: ຂ້ອຍພໍໃຈທີ່ມີອັລລໍຫ໌ເປັນພຣະເຈົ້າ ແລະ ພໍໃຈທີ່ອິດສະລາມເປັນສາດສະໜາຂອງຂ້ອຍ ແລະ ພໍໃຈທີ່ມາທ່ານມຸຮຳຫມັດເປັນນະບີຂອງຂ້ອຍ. [13] [13] ບັນທຶກໂດຍທ່ານຕິຣມີຊີ, ເລກທີ (2635).
ແລະ ຫ້າມອອກຈາກມັສຍິດ ຫຼັງຈາກການອະຊານ ໂດຍບໍ່ມີເຫດຈຳເປັນ ຫຼື ເຈດຕະນາທີ່ຈະກັບຄືນມາ.
ສ່ວນການລວມສອງລະຫມາດ, ໃຫ້ອະຊານພຽງຄັ້ງດຽວ ແລະ ອິກໍມະຫ໌ສຳລັບແຕ່ລະລະຫມາດ.
ຂໍ້ທີສອງ: ຄວາມສຳຄັນ ແລະ ປະໂຫຍດຂອງການລະຫມາດ:
ການລະຫມາດແມ່ນຫຼັກຂໍ້ທີ່ສຳຄັນທີ່ສຸດຂອງສາສະໜາອິດສະລາມ ຮອງຈາກການປະຕິຍານຕົນທັງສອງ, ແລະ ມີສະຖານະທີ່ພິເສດ, ໂດຍທີ່ອັລລໍຮ໌ໄດ້ຊົງບັນຊາສິ່ງດັ່ງກ່າວແກ່ສາສະນະທູດຂອງພຣະອົງ ໃນຄືນມຽະຣອຕ ຢູ່ເທິ່ງຟ້າ, ສິ່ງດັ່ງກ່າວ ຈຶ່ງຊີ້ໃຫ້ເຫັນເຖິງຄວາມຍິ່ງໃຫຍ່ຂອງມັນ, ການຢືນຢັນເຖິງຄວາມຈຳເປັນຂອງມັນ ແລະ ຖານະອັນສູງສົ່ງຂອງມັນ ນະ ທີ່ອັລລໍຫ໌ ຜູ້ຊົງອຳນາດ ແລະ ສູງສົ່ງ.
ມີຮະດິຊ ຫຼວງຫຼາຍທີ່ໄດ້ກ່າວເຖິງຄວາມປະເສີດ ແລະ ຄວາມຈຳເປັນຂອງມັນທີ່ເປັນຂໍ້ບັງຄັບສ່ວນບຸກຄົນ, ແລະ ຄວາມເປັນຂໍ້ບັງຄັບຂອງມັນນັ້ນ ເປັນທີ່ຮູ້ກັນຢ່າງຈະແຈ້ງໃນສາສະໜາອິດສະລາມ.
ແລະ ສິ່ງທີ່ຊີ້ບົງບອກເຖິງການເປັນຂໍ້ບັງຄັບ ແລະ ການເນັ້ນໜັກນັ້ນຄື ບັນດາຫຼັກຖານຢ່າງຫຼວງຫຼາຍຈາກຄຳພີ ແລະ ສຸນນະຫ໌, ເຊິ່ງໃນນັ້ນກໍ່ມີ:
1- ຄຳກ່າວຂອງພຣະອົງອັລລໍຫ໌: (...ແທ້ຈິງການລະຫມາດນັ້ນ ເປັນບັນຫຍັດທີ່ຖືກກຳໜົດເວລາໄວ້ແກ່ຜູ້ສັດທາທັ້ງຫຼາຍ) [ສູເຣາະຫ໌ ນິຊາ: 103]. ກໍ່ຄື: ເປັນຟັຣດູໃນບັນດາເວລາທີ່ທ່ານຣໍຊູລ ﷺ ໄດ້ຊີ້ແຈງໄວ້.
2- ແລະ ດຳລັດຂອງພຣະອົງທີ່ວ່າ: (ເເລະພວກເຂົາບໍ່ໄດ້ຖືກບັນຊາໃຫ້ກະທຳອື່ນໃດ ນອກຈາກເພື່ອເຄົາລົບພັກດີຕໍ່ອັລລໍຫ໌ ເປັນຜູ້ມີເຈດຕະນາບໍລິສຸດໃນການພັກດີຕໍ່ພຣະອົງ ເປັນຜູ້ຢູ່ໃນເເນວທາງທີ່ທ່ຽງກົງ ເເລະ ດຳລົງການລະຫມາດ...) [ສູເຣາະຫ໌ ອັລອຳບິຍາ : 5].
3- ແລະ ດຳລັດຂອງພຣະອົງທີ່ວ່າ : (ແຕ່ຖ້າຫາກພວກເຂົາກັບຕົວ ແລະ ດຳລົງໄວ້ເຊິ່ງການລະຫມາດ ແລະ ຈ່າຍຊະກາດ, ດັ່ງນັ້ນ ພວກເຂົາກໍຄືພີ່ນ້ອງຂອງພວກເຈົ້າໃນສາສະໜາ...) [ສູເຣາະຫ໌ ເຕົາບະຫ໌ : 11].
4- ລາຍງານຈາກທ່ານຈາບິຣ ຣໍດິຍັລລໍຮຸ ອັນຮຸມາ ເລົ່າວ່າ: ທ່ານຣໍສູລຸລລໍຫ໌ ﷺ ກ່າວວ່າ: «ແທ້ຈິງແລ້ວ ສິ່ງທີ່ກັ້ນລະຫວ່າງບຸກຄົນ ກັບ ການຕັ້ງພາຄີ ແລະ ການປະຕິເສດສັດທາ ນັ້ນຄືການຖິ້ມການລະຫມາດ» [14]. [14] ບັນທຶກໂດຍທ່ານມຸສລິມ ເລກທີ (82).
5- ແລະ ລາຍງານຈາກ ບຸໄຣດະຫ໌ ຣໍດີຍັລລໍຮຸ ອັນຮຸ ເລົ່າວ່າ: ທ່ານຣໍຊຸລລຸລລໍຫ໌ ໄດ້ກ່າວວ່າ: « ພັນທະສັນຍາລະຫວ່າງເຮົາກັບພວກເຂົາຄືການລະຫມາດ ດັງນັ່ນໃຜທີ່ຖິ້ມການລະຫມາດ ລາວໄດ້ຕົກສາສະໜາແລ້ວ» [15]. [15] ບັນທຶກໂດຍທ່ານຕິຣມີຊີ ເລກທີ (265), ແລະ ກ່າວວ່າ: ຮະຊັນ ຊໍຮິຫ໌ ກໍຣີບ, ກວດກາໂດຍທ່ານອັລ-ອັລບານີ ໃນໜັງສື ຊໍຮິຫ໌ ອັດ-ຕັຣກີບ ວັດ-ຕັຣຮີບ.
ແລະ ບັນດານັກວິຊາການເຫັນດີເປັນເອກະສັນກັນ ຕໍ່ການເປັນຜູ້ປະຕິເສດສັດທາຂອງຜູ້ທີ່ປະຕິເສດການເປັນພັນທະຂອງມັນ, ສ່ວນຜູ້ໃດທີ່ຖິ້ມມັນ (ລະຫມາດ) ຍ້ອນຄວາມຂີ້ຄ້ານ ແລະ ຄວາມປະມາດບໍ່ໃຫ້ຄວາມສຳຄັນ, ທັດສະນະທີ່ຖືກຕ້ອງກວ່າແມ່ນ ຖືວ່າເປັນການປະຕິເສດສັດທາ (ອອກຈາກອິສລາມ) ເຊັ່ນກັນ, ໂດຍອີງຕາມຫະດີສທີ່ເຊື່ອຖືໄດ້ທີ່ກ່າວມາກ່ອນຫນ້ານີ້ ແລະ ຄວາມເຫັນເປັນມະຕິເອກະສັນ (ອິຈມະອ໌) ຂອງບັນດາສໍຫາບະຫ໌ໃນເລື່ອງດັ່ງກ່າວ.
ຂໍ້ທີສາມ: ເງື່ອນໄຂຂອງການລະຫມາດ:
1- ຕ້ອງເຂົ້າເວລາທີ່ກຳໜົດ:
ຈາກຄຳຕຣັັດຂອງອັລລໍຫ໌: (ແທ້ຈິງການລະຫມາດນັ້ນ ເປັນບັນຫຍັດທີ່ຖືກກຳໜົດເວລາໄວ້ແກ່ຜູ້ສັດທາທັ້ງຫຼາຍ) [ສູເຣາະຫ໌ ນິຊາ]. ກໍ່ຄື : ເປັນຂໍ້ບັງຄັບໃນເວລາທີ່ຖືກກຳໜົດໄວ້.
ເວລາຂອງການລະຫມາດທີ່ເປັນຂໍ້ບັງຄັບ ມີດັງນີ້:
ກ- ຟະຈັຣ: ຕັ້ງແຕ່ແສງຮຸ່ງອະລຸນຂຶ້ນ ຈົນເຖິງຕາເວັນຂຶ້ນ.
ຂ- ຊູຫ໌ຣີ: ເລີ່ມຈາກຕາເວັນເລີ່ມຄ້ອຍ ຈົນເຖິງເງົາຂອງທຸກສິ່ງຍາວເທົ່າກັບໂຕຂອງມັນ.
ຄ - ອັລ-ອັສຣ໌: ຕັ້ງແຕ່ເວລາລະຫມາດຊຸຮ໌ຣີ ສິ້ນສຸດລົງ ຈົນຮອດເວລາຕາເວັນເປັນສີເຫຼືອງ, ແລະ ເວລາທີ່ຈຳເປັນແມ່ນຈົນຮອດຕະເວັນຕົກດິນ.
ງ- ມັກຣິບ (ຕະເວັ້ນຕົກ) : ຈາກຕາເວັນຕົກດິນ ຈົນເຖິງແສງສີແດງລັບຂອບຟ້າ.
ຈ- ອີຊາ: ຈາກການຫມົດເວລາຂອງມັກຣິບ ຈົນເຖິງທຽງຄືນ.
2. ຕ້ອງປົກປິດຮ່າງກາຍ (ເອົາເຣາະຫ໌):
ຄື ສິ່ງທີ່ຈຳເປັນຕ້ອງປົກປິດ, ເຊິ່ງການເປີດເຜີຍມັນເປັນສິ່ງທີ່ໜ້າລັງກຽດ ແລະ ຕ້ອງລະອາຍໃຈ. ແລະ ເອົາເຣາະຫ໌ຂອງຜູ້ຊາຍ ນັບແຕ່ສະດື ຈົນຮອດຫົວເຂົ່າ, ແລະ ຂອງແມ່ຍິງ, ຮ່າງກາຍທັງໝົດຂອງນາງແມ່ນສິ່ງທີ່ຕ້ອງປົກປິດໃນເວລາລະມາດ, ຍົກເວັ້ນໃບໜ້າ, ແລະ ນາງຕ້ອງປົກປິດໃບໜ້າ ເມື່ອຢູ່ຕໍ່ໜ້າຜູ້ຊາຍທີ່ເປັນຄົນພາຍນອກ, ກ່າວຄື: ຜູ້ທີ່ບໍ່ແມ່ນມະຫ໌ຣອມຂອງນາງ.
3- ຕ້ອງຫຼີກເວັ້ນຈາກສິ່ງສົກກະປົກ ນະຈິສ:
ອັນ-ນະຈາຊະຫ໌: ໝາຍເຖິງສິ່ງສົກກະປົກສະເພາະ, ເຊິ່ງເປັນອຸປະສັກຕໍ່ການລະຫມາດ; ເຊັ່ນ: ນ້ຳປັດສະວະ, ອຸຈຈະລະ, ເລືອດ ແລະ ອື່ນໆ, ແລະ ມັນຈະມີຢູ່ຕາມຮ່າງກາຍ, ສະຖານທີ່ ແລະ ເສື້ອຜ້າ.
4- ຫັນໜ້າໄປທາງກິບລະຫ໌:
ກິບລະຫ໌ ຄື ກະບະຫ໌ອັນຊົງກຽດ. ສາເຫດທີ່ຖືກເອີ້ນວ່າກິບລະຫ໌ ກໍ່ເພາະວ່າເປັນທິດທີ່ຜູ້ຄົນພາກັນຫັນໜ້າໄປຫາ.
ການລະຫມາດທີ່ປາສະຈາກການຫັນໜ້າໄປທາງກິບລັດ ຈະບໍ່ຖືກຕອບຮັບ, ຈາກຄຳຕຣັັດຂອງອັລລໍຫ໌: (ແລະ ບ່ອນໃດກໍ່ຕາມທີ່ພວກເຈົ້າປະກົດຢູ່ ກໍ່ຈົ່ງຫັນໃບໜ້າຂອງພວກເຈົ້າໄປທາງທິດນັ້ນ...) [ສູເຣາະຫ໌ ອັລ-ບາກໍເຣາະຫ໌:144].
5- ຕ້ອງຕັ້ງເຈດຕະນາ:
ໃນດ້ານພາສາ: ໝາຍເຖິງຄວາມຕັ້ງໃຈ, ການມຸ່ງໝາຍ ແລະ ໃນດ້ານບັນຍັດສາສະໜາ: ໝາຍເຖິງການຕັ້ງເຈດຕະນາຢ່າງແນ່ວແນ່ທີ່ເຮັດການອິບາດະຫ໌ (ການເຄົາລົບພັກດີ) ເພື່ອໃກ້ຊິດອັລລໍຫ໌ ຕະອາລາ. ແລະ ສະຖານທີ່ຂອງມັນແມ່ນຫົວໃຈ, ຈຶ່ງບໍ່ຈຳເປັນຕ້ອງກ່າວອອກມາ, ແທ້ຈິງແລ້ວມັນຄືບິດອະຫ໌.
ຂໍ້ທີສີ່: ຫຼັກການລະຫມາດ:
ຫຼັກການຂອງການປະຕິບັດເຮັດລະຫມາດມີ 14 ປະການດັ່ງນີ້:
ຫຼັກການທີ່ໜຶ່ງ: ການຢືນກົງ ພ້ອມກັບຄວາມສາມາດ:
ຈາກຄຳຕຣັັດຂອງອັລລໍຫ໌: (ແລະ ພວກເຈົ້າຈົ່ງຢືນເພື່ອອັລລໍຫ໌ ໂດຍເປັນຜູ້ທີ່ນອບນ້ອມ) [ສູເຣາະຫ໌ ອັລ-ບາກໍເຣາະຫ໌: 238]. ແລະ ຫະດິຊຂອງ ອິມຣອນ ຣໍດິຍັລລໍຮຸ ອັນຮຸ ທີ່ລາຍງານຈາກທ່ານນະບີ (ຊລຯ) ວ່າ: << ເຈົ້າຈົ່ງລະໝາດໃນສະພາບທີ່ຢືນ ແຕ່ຖ້າຫາກບໍ່ສາມາດທີ່ຈະຢືນໄດ້ກໍ່ຈົ່ງນັ່ງເສ່ຍ ແລະ ຖ້າຫາກບໍ່ສາມາດທີ່ຈະນັ່ງກໍ່ຈົ່ງລະໝາດບົນສີຂ້າງ (ຕະແຄງຂວາ) >> [16]. [16] ບັນທຶກໂດຍອັລບຸກຄໍຣີ : ເລກທີ່ (1117).
ຖ້າຫາກບໍ່ສາມາດຢືນໄດ້ເນື່ອງຈາກການເຈັບປ່ວຍ; ກໍ່ໃຫ້ລະໝາດຕາມສະພາບຂອງຕົນ, ໃນສະພາບທີ່ນັ່ງ ຫຼື ບົນສີຂ້າງ, ແລະ ຜູ້ທີ່ມີສະພາບຄ້າຍຄືກັບຜູ້ປ່ວຍນັ້ນກໍຄື: ຜູ້ທີ່ຢູ່ໃນຄວາມຫວາດກົວ, ຜູ້ທີ່ເປືອຍກາຍ, ແລະ ຜູ້ທີ່ຈຳເປັນຕ້ອງນັ່ງ ຫຼື ນອນລົງ ເພື່ອການປິ່ນປົວຮັກສາເຊິ່ງມີຄວາມຈຳເປັນບໍ່ໃຫ້ຢືນ. ເຊັ່ນດຽວກັນ, ໄດ້ຮັບການອະນຸໂລມໃຫ້ລະເວັ້ນການຢືນລະຫມາດໄດ້ ສຳລັບຜູ້ທີ່ລະຫມາດຕາມຫລັງອີມາມປະຈຳທີ່ບໍ່ສາມາດຢືນໄດ້, ດັ່ງນັ້ນ ຫາກອີມາມລະຫມາດໃນທ່ານັ່ງ ຜູ້ທີ່ຢູ່ທາງຫລັງລາວກໍ່ໃຫ້ລະຫມາດໃນທ່ານັ່ງຕາມອີມາມຂອງພວກເຂົາ. ອະນຸຍາດໃຫ້ປະຕິບັດການລະໝາດສຸນນະຫ໌ໃນທ່ານັ່ງໄດ້ ເຖິງວ່າຈະສາມາດຢືນໄດ້ກໍ່ຕາມ, ແຕ່ຜົນບຸນຈະບໍ່ຄືກັບຜົນບຸນຂອງຜູ້ທີ່ຢືນ.
ຫຼັກການທີ່ສອງ: ການກ່າວຕັກບີຣ ອັລ-ອິຫ໌ຣອມ ໃນຕອນເລີ່ມຕົ້ນ:
ຈາກຄຳກ່າວຂອງທ່ານຣໍຊຸລລຸລລໍຫ໌ ຊໍລລັລລໍຮຸ ອະໄລຮິ ວະຊັລລຳ: « ຈາກນັ້ນຈົ່ງຫັນຫນ້າໄປທາງກິບລະຫ໌, ແລະກ່າວຕັກບິຣ » [17]. [17] ບັນທຶກໂດຍ ອັລບຸກຄໍຣີ, ເລກທີ່ (6251) ແລະ ມຸສລິມ, ເລກທີ່ (884).
ຮູບແບບຂອງມັນກໍ່ຄືການກ່າວວ່າ: (ອັລລໍຮຸ ອັກບັຣ), ແລະ ຈະໃຊ້ບໍ່ໄດ້ຫາກກ່າວດ້ວຍຄຳກ່າວອື່ນ.
ຫຼັກການທີສາມ: ການອ່ານສູເຣາະຫ໌ ອັລ-ຟາຕິຫະຫ໌:
ຈາກຄຳກ່າວຂອງທ່ານນາບີ ﷺ: ຄວາມໝາຍວ່າ: «ການລະຫມາດຈະບໍ່ຖືກຕອບຮັບ ສຳລັບຜູ້ໃດທີ່ບໍ່ໄດ້ ອ່ານສູເຣາະຫ໌ ອັລ-ຟາຕີຫະຫ໌» [18]. [18] ບັນທຶກໂດຍ ອັລບຸກຄໍຣີ, ເລກທີ່ (756) ແລະ ມຸສລິມ, ເລກທີ່ (872).
ຫລັກການທີສີ່: ການຣູກົວະ ໃນທຸກໆ ຣໍ່ກະອັດ.
ຈາກຄຳຕຣັັດຂອງອັລລໍຫ໌: (ໂອ້ ບັນດາຜູ້ສັດທາທັ້ງຫຼາຍ ຈົ່ງກົ້ມຣູກົວະ ແລະ ຈົ່ງກາບສຸຢູດ...) [ສຸເຣາະຫ໌ ອັລ-ຮັຈ: 77].
ຫຼັກການທີ່ຫ້າ ແລະ ຫຼັກການທີ່ຫົກ:
ການເງີຍຂຶ້ນຈາກການໂຄ້ງຕົວ, ແລະ ການຢືນຊື່ຕົງ (ອິຕິດາລ) ກັບສູ່ທ່າເດີມ, ເພາະວ່າທ່ານນະບີ ຊໍລັລລໍຮ໌ຮຸ ອະໄລຮິ ວະສັລລັມ ໄດ້ປະຕິບັດເຊັ່ນນັ້ນເປັນປະຈຳ.
ທ່ານນະບີ ຊໍລລັລລໍຮຸ ອະໄລຮິ ວະສັລລຳ ຢັງໄດ້ກ່າວສຳຫຼັບຜູ້ທີ່ລະຫມາດຂອງເຂົາບໍ່ຖືກຕ້ອງວ່າ: «ຫຼັງຈາກນັ້ນຈຶ່ງເງີຍຫົວຂຶ້ນຈົນກະທັ່ງແຜ່ນຫຼັງຊື່ກົງ» [19]. [19] ບັນທຶກໂດຍ ອັລບຸກຄໍຣີ, ເລກທີ່ (793) ແລະ ມຸສລິມ, ເລກທີ່ (398).
ຫຼັກການທີ່ ເຈັດ: ການສຸຈຸດກົ້ມກາບເທິງອະໄວຍະວະທັ້ງເຈັດ:
ເຊິ່ງປະກອບມີ ໜ້າຜາກກັບຫູດັງ, ຝ່າມືທັັ້ງສອງຂ້າງ, ຫົວເຂົົ່າທັັ້ງສອງຂ້າງ, ແລະ ນິ້ວຕີນທັັ້ງສອງຂ້າງ, ຈາກຄຳກ່າວຂອງທ່ານນະບີ ﷺ: «ພວກເຮົາຖືກບັນຊາໃຫ້ສຸຈຸດກົ້ມກາບເທິງອະໄວຍະວະທັ້ງເຈັດ ຄື: ໜ້າຜາກ - ແລະ ທ່ານໄດ້ຊີ້ມືໄປທີ່ຫູດັງຂອງທ່ານ - ຝ່າມືທັ້ງສອງຂ້າງ, ຫົວເຂົ່າທັ້ງສອງຂ້າງ, ແລະ ນິ້ວຕີນທັ້ງສອງຂ້າງ» [20]. [20] ບັນທຶກໂດຍ ອັລບຸກຄໍຣີ, ເລກທີ່ (812) ແລະ ມຸສລິມ, ເລກທີ່ (490).
ຫຼັກການທີແປດ: ເງີຍຂຶ້ນຈາກການສຸຈູດ ແລະ ນັ່ງລະຫວ່າງສຸຈູດທັ້ງສອງ:
ຈາກຫະດິຊຂອງທ່ານນາງ ອາອີຊະຫ໌ ຣໍດິຍັລລໍຮຸ ອັນຮາ ໄດ້ກ່າວວ່າ: «ທ່ານນະບີ ຊັລລັລລໍຫຸ ອະໄລຮິ ວະສັລລັມ ເມື່ອທ່ານເງີຍຫົວຂຶ້ນຈາກການສຸຈຸດ, ທ່ານຈະບໍ່ສຸຈຸດຈົນກວ່າຈະນັ່ງໂຕກົງນິ່ງດີກ່ອນ» [21]. [21] ບັນທຶກໂດຍທ່ານມຸສລິມ ເລກທີ (498).
ຫຼັກການທີ່ເກົ້າ: ຕັດຕໍມະອີນນະຫ໌ ໃນທຸກໆ ຣູກ່ນ:
ກ່າວຄື ການຢຸດນິ້ງ. ເຖິງແມ່ນວ່າຈະເປັນພຽງເວລາສັ້ນໆ ກໍຕາມ, ຈາກຄຳກ່າວຂອງທ່ານນະບີ ຊໍລລັລລໍຮຸ ອະໄລຮິ ວະສັລລຳ ສຳຫຼັບຜູ້ທີ່ລະຫມາດຂອງເຂົາບໍ່ຖືກຕ້ອງ: “ຈົນກວ່າຈະສະຫງົບນິ່ງ” [22]. [22] ບັນທຶກໂດຍ ອັລບຸກຄໍຣີ, ເລກທີ່ (724) ແລະ ມຸສລິມ, ເລກທີ່ (398).
ຫຼັກການທີ່ສິບ ແລະ ທີ່ສິບເອັດ:
ການນັ່ງຕະຊາຮຸດຄັ້ງສຸດທ້າຍ: ໂດຍມີຫະດິຊ: ລາຍງານຈາກອິບນຸ ມັສອູດ ຣໍດິຍັລລໍຮຸ ອັນຮຸ ໂດຍສືບລາຍງາຍໄປເຖິງທ່ານນະບີວ່າ: (ເມື່ອຜູ້ໃດໃນໝູ່ພວກທ່ານເຮັດການລະຫມາດ ກໍຈົ່ງກ່າວວ່າ: ອັດຕະຮີຍາ ຕຸລິລລາຮິ ວັສສໍລາຕຸ ວັດຕ໋ອຍຍິບາຕ, ອັສສະລາມມຸ ອະໄລກະ ໄອຍຸຮັນນະບີຍຸ ວະເຣາະມາຕຸລລໍຮິ ວະບາຣໍກາຕຸຫ໌ , ອັສສະລາມມຸ ອະໄລນາ ວະອາລາ ອີບາດິລລາຮິສ ສໍລີຮີນ : ອັຊຮາດຸ ອັລລາອິລາຫະ ອິລລັລລໍຫ໌ ວະອັຊຮະດຸ ອັນນະ ມຸຮຳມະດັນ ອັບດຸຮຸ ວະຣໍສູລຸຫ໌ , «ຄວາມໝາຍ: ຄວາມເຄົາລົບ, ຄວາມພັກດີ ແລະຄຸນນະທຳສິລະທັມທັ້ງຫລາຍ ເປັນສິດຂອງອັລລໍຮ໌ (ຫຼືຄວາມພັກດີ ຄືການເຮັດຄວາມດີທາງຄຳເວົ້າ ທາງກິລິຍາມາລະຍາດ ແລະທາງຊັບສິນທັ້ງຫລາຍເປັນສິດທິຂອງອັລລໍຮ໌ທັ້ງຫມົດ), ຂໍຄວາມສັນຕິສຸກ ຄວາມເມດຕາແຫ່ງອັລລໍຮ໌ ແລະ ຄວາມຈຳເລີນແຫ່ງພຣະອົງຈົງມີແດ່ທ່ານ ໂອ້ທ່ານນະບີ, ຂໍຄວາມສັນຕິສຸກ ຈົ່ງມີແກ່ພວກເຮົາ ແລະ ແກ່ບັນດາບ່າວຜູ້ທີ່ມີຄຸນນະທຳແຫ່ງອັລລໍຮ໌, ຂ້ອຍຂໍປະຕິຍານຕົນວ່າ ບໍ່ມີພຣະເຈົ້າອື່ນໃດນອກຈາກອັລລໍຮ໌ ແລະ ມຸຮຳມັດນັ້ນ ເປັນບ່າວ ແລະ ສາດສະດາທູດຂອງພຣະອົງ» [23]. [23] ບັນທຶກໂດຍ ອັລບຸກຄໍຣີ, ເລກທີ່ (797) ແລະ ມຸສລິມ, ເລກທີ່ (402).
ຫຼັກການທີ່ສິບສອງ: ການກ່າວສໍລະວາດ ຕໍ່ທ່ານນະບີ ﷺ ໃນຕະຊາຮຸດສຸດທ້າຍ:
ຄືການກ່າວວ່າ: ຄຳອ່ານ "ອັລລໍຮຸມມະ ຊໍລລີອະລາ ມຸຮຳມັດ" «ໂອ້ ອັລລໍຮ໌ ໄດ້ໂປຼດເມດຕາ (ຫຼື ສັນລະເສີນຍົກຍ້ອງ) ແກ່ທ່ານນະບີມຸຮຳມັດ» [24], ແລະ ສິ່ງທີ່ເພິ່ມນອກເໜືອຈາກນັ້ນ ກໍ່ຖືວ່າເປັນຊຸນນະຫ໌. [24] ບັນທຶກໂດຍ ອັດຕິຣມີຊີ ເລກທີ່ (839).
ຫຼັກການທີ່ສິບສາມ: ການຈັດລຽງລຳດັບຂອງຫຼັກການປະຕິບັດທັ້ງໝົດ:
ເພາະວ່າ ທ່ານນະບີ ﷺ ໄດ້ປະຕິບັດມັນລຽງຕາມລຳດັບ, ແລະ ທ່ານນະບີກ່າວວ່າ: ຄວາມວ່າ: (ທ່ານທັ້ງຫຼາຍ ຈົ່ງລະຫມາດຄືດັງທີ່ທ່ານເຫັນຂ້ອຍລະຫມາດ) [25]. ເຊິ່ງທ່ານນະບີ ໄດ້ສອນໃຫ້ຊາຍຜູ້ທີ່ລະຫມາດຜິດພາດ ໃຫ້ກະທຳຕາມລຳດັບຂັ້ນຕອນ ໂດຍໃຊ້ຄຳວ່າ “ສຸມມະ” (ແປວ່າ: ຕໍ່ຈາກນັ້ນ). [25] ບັນທຶກໂດຍອັລບຸກຄໍຣີ : ເລກທີ່ (6008)
ຫລັກການທີ່ສິບສີ່: ການໃຫ້ສະລາມ:
ຈາກຄຳກ່າວຂອງທ່ານຣໍຊຸລລຸລລໍຫ໌ ﷺ: «ແລະ ການສົ່ງທ້າຍຂອງມັນແມ່ນການກ່າວສະລາມ», ແລະ ທ່ານກ່າວເພິ່ມອີກວ່າ : «ແລະ ການສິ້ນສຸດຂອງມັນຄື ອັດ-ຕັສລີມ» [26]. [26] ບັນທຶກໂດຍອັລບຸກຄໍຣີ : ເລກທີ່ (1110).
ຂໍ້ທີ່ຫ້າ: ຂໍ້ບັງຄັບຂອງການລະຫມາດ:
ຂໍ້ບັງຄັບທີ່ຕ້ອງເຮັດໃນລະຫມາດມີ 8 ປະການດັ່ງນີ້:
1. ການກ່າວຕັກບິຣ ທຸກທ່າທາງໃນລະຫມາດ ທີ່ບໍ່ແມ່ນກ່າວຕັກບິຣ ຣໍຕຸລອິຫ໌ຣອມ.
2. ການກ່າວ "ຊຸບຮານະ ຣ໊ອບບິຍັລ ອະຊີມ" ເທື່ອດຽວຂະນະຣູກົວະ. ແລະ ເປັນຊຸນນະຫ໌ໃຫ້ກ່າວເພີ່ມເຖິງສາມຄັ້ງ, ເຊິ່ງເປັນຂັ້ນຕ່ຳຂອງຄວາມສົມບູນ. ແລະ ສູງສຸດເຖິງ 10 ຄັ້ງ, ເຊິ່ງເປັນຂັ້ນສູງສຸດ.
3. ການກ່າວ "ສະມີອັລລໍຮຸ ລິມັນ ຮາມີດະ" ຂະນະເງີຍຂຶ້ນຈາກການຣູກົວະ, ທັ້ງອີມ່າມ ແລະ ຜູ້ຕາມ (ຫຼືຄົນດຽວ).
4. ການກ່າວ "ຣ໋ອບບະນາ ວະລາກັລຮຳ" ຂະນະຢືນຊື່ຂື້ນຈາກການຣູກົວະ.
5. ການກ່າວ "ຊຸບຮານະ ຣອບບິຍັລ ອະລາ" ເທື່ອດຽວຂະນະສຸຈູດ. ແລະ ສຸນນະຫ໌ໃຫ້ເພິ່ມເຖິງສາມຄັ້ງ.
6. ການກ່າວ "ຣ໊ອບບິກຟິຣລີ" ໜຶ່ງຄັ້ງ; ລະຫວ່າງນັ່ງສອງສຸຈູດ . ແລະ ເປັນສຸນນະຫ໌ໃຫ້ກ່າວເພິ່ມຈົນຄົບ 3 ເທື່ອ.
7. ການນັ່ງຕະຊາຮຸດເທື່ອທຳອິດ, ໂດຍກ່າວວ່າ: ຄຳອ່ານ: ອັດຕະຮີຢາຕຸ ລິລລາຮິ , ວັສ ສໍລາວາຕຸ ວັດ ຕອຍຢີບາຕຸ , ອັສ ສະລາມຸ ອະໄລກາ ໄອຢູຮັນ ນະບີຍຸ ວະເຣາະມາ ຕຸລລໍຮິ ວະບະຣໍກາຕຸ , ອັສສະລາມມຸ ອະໄລນາ ວະອະລາ ອິບາດີລລາຮິ ຊໍລີຮີນ, ອັຊຮະດຸອັລລາ ອິລາຮະ ອິລລັລລໍຮ໌ , ວະອັຊຮະດຸ ອັນນະ ມຸຮຳມະດັນ ອັບດຸຮູ ວະເຣາະຊູລຸຮ໌. ຄຳແປ: (ຄວາມເຄົາລົບ, ຄວາມພັກດີ ແລະຄຸນນະທຳສິລະທັມທັ້ງຫລາຍ ເປັນສິດຂອງອັລລໍຮ໌ (ຫຼືຄວາມພັກດີ ຄືການເຮັດຄວາມດີທາງຄຳເວົ້າ ທາງກິລິຍາມາລະຍາດ ແລະທາງຊັບສິນທັ້ງຫລາຍເປັນສິດທິຂອງອັລລໍຮ໌ທັ້ງຫມົດ) ຂໍຄວາມສັນຕິສຸກ ຄວາມເມດຕາແຫ່ງອັລລໍຮ໌ ແລະຄວາມຈະເລີນແຫ່ງພຣະອົງຈົງມີແດ່ທ່ານ ໂອ້ທ່ານນາບີ ຂໍຄວາມສັນຕິສຸກ ຈົ່ງມີແກ່ພວກເຮົາ ແລະ ແກ່ບັນດາບ່າວຜູ້ທີ່ມີຄຸນນະທຳແຫ່ງອັລລໍຮ໌, ຂ້ອຍຂໍປະຕິຍານຕົນວ່າ ບໍ່ມີພຣະເຈົ້າອື່ນໃດນອກຈາກອັລລໍຮ໌ ແລະ ມຸຮຳມັດນັ້ນ ເປັນບ່າວ ແລະ ສາດສະດາທູດຂອງພຣະອົງ). [27] [27] ບັນທຶກໂດຍ ອັລບຸກຄໍຣີ, ເລກທີ່ (835).
8. ການນັ່ງເພື່ອ ນັ່ງຕະຊາຮຸດທຳອິດ.
ຂໍ້ທີ່ຫົກ : ຊຸນນະຫ໌ ຂອງການລະຫມາດ.
ຊຸນນະຫ໌ຕ່າງໆ ຂອງການລະຫມາດນັ້ນ ການຖິ້ມມັນບໍ່ໄດ້ເຮັດໃຫ້ການລະຫມາດເປັນໂມຄະ, ເຊິ່ງແບ່ງອອກເປັນສອງປະເພດຄື: ສຸນນະຫ໌ດ້ານຄຳເວົ້າ ແລະ ສຸນນະຫ໌ດ້ານການກະທຳ.
ໜຶ່ງ: ຊຸນນະຫ໌ດ້ານຄຳກ່າວ:
1. ດຸອາອິສຕິຟຕາຫ໌, ເຊິ່ງມີຫຼາຍສຳນວນ, ໃນນັ້ນກໍ່ຄື: ຄຳອ່ານ: (ຊູບຮານະ ກັລລໍຮຸມມະ ວະບິຮຳດິກະ ວະຕະບາຣໍ ກັສມຸກາ ວະຕະອາລາ ຈັດດຸກະ ວະລາອີລາຮະ ກ໋ອຍຣູກະ) ຄຳແປ: ມະຫາຄວາມບໍລິສຸດແດ່ພຣະອົງ, ໂອ້ອັລລໍຫ໌ ແລະ ການສັນເສີນທັງຫມົດເປັນຂອງພຣະອົງ, ຄວາມປະເສີດຢູ່ໃນພຣະນາມຂອງພຣະອົງ, ກຽດຂອງພຣະອົງນັ້ນສູງສົງ, ແລະ ບໍ່ມີພຣະເຈົ້າອື່ນໃດນອກຈາກພຣະອົງ” [28] [28] ບັນທຶກໂດຍ ອັລບຸກຄໍຣີ, ເລກທີ່ (743) ແລະ ມຸສລິມ, ເລກທີ່ (399).
2. ການອ່ານ ອະອູຊຸບິລລາຫ໌ ກ່ອນອ່ານຟາຕິຮະຫ໌, ຄືການກ່າວວ່າ: (ອະອູຊູ ບິລລາຮິ ມິນັຊ ໄຊຕອນ ນິຣຣໍຈີມ) ຄວາມຫມາຍ: “ຂ້ອຍຂໍຄວາມຄຸ້ມຄອງຕໍ່ອັລລໍຫ໌ໃຫ້ຮອດພົ້ນຈາກໄຊຕອນມານຮ້າຍຜູ້ຖືກສາບແຊ່ງ”
3. ການອ່ານບິສມິລລາຫ໌ ກ່ອນການອ່ານ, ຄືການກ່າວວ່າ: «ບິສມິລລາຫ໌ ອັລ-ຣໍຫ໌ມານ ອັລ-ຣໍຮີມ» ດ້ວຍພຣະນາມຂອງອັລລໍຫ໌ ຜູ້ຊົງເມດຕາ ຜູ້ຊົງປານີສະເໝີ.
4. ສົງເສິມໃຫ້ກ່າວສັນລະເສີນຫຼາຍກວ່າໜຶ່ງຄັ້ງໃນການຣຸກົວະ ແລະ ການສຸຈູດ.
5. ກ່າວຫລາຍກວ່າຫນຶ່ງເທື່ອຈາກຄຳວ່າ: «ຣ໊ອບບິກ ຟິຣລີ» ລະຫວ່າງນັ່ງສຸຈູດທັ້ງສອງ.
6. ການກ່າວ: "ມິລອັສສະມາວາຕິ ວະມິລອັລອັຣດ, ວະມິລອະ ມາໄບນະຮຸມາ , ວະມິລອະ ມາຊິຕະ ມິນໄຊອິນ ບະອຼດຸ" (ໃຫ້ເຕັມທັ້ງຟາກຟ້າ ແລະ ແຜ່ນດິນ, ແລະ ສິ່ງທີ່ຢູ່ໃນລະຫວ່າງທັ້ງສອງ ແລະ ເຕັມທຸກສິ່ງທີ່ພຣະອົງປະຊົງນອກເໜືອຈາກນັ້ນ) ຕໍ່ຈາກຄຳກ່າວວ່າ: «ຣ໊ອບບະນາ ວະລາກັລຮຳ» ຄວາມໝາຍວ່າ: ໂອ້ພະຜູ້ອະພິບານແຫ່ງພວກເຮົາ ຂໍສັນລະເສິນແດ່ພຣະອົງ [29]. [29] ບັນທຶກໂດຍ ທ່ານຕິຣມີຊີ ເລກທີ (266).
7. ການອ່ານສູເຣາະຫ໌ ຫຼັງອ່ານຟາຕີຫະຫ໌.
8. ໃຫ້ກ່າວວ່າ: ຄຳອ່ານ : (ອັລລໍຮຸມມະ ອິນນີ ອະອູຊຸ ບິກະ ມິນອະຊາບິ ຈະຮັນນຳ, ວະມິນ ອະຊາບິລ ກ໋ອບຣິ, ວະມິນ ຟິຕນະຕິລ ມະຫ໌ຍາ ວະມາມາຕ, ວະມິນ ຟິຕນະຕິລ ມະຊີຮິດ ດັດຈານ) ຄວາມໝາຍ: “ຂ້ອຍຂໍການວິງວອນຈາກພຣະອົງອັລລໍຫ໌ ຂໍຊົງໂປດໃຫ້ຂ້ອຍຫ່າງໄກຈາກການທຳລະມານໃນນະລົກ ແລະ ຊົງໂປດໃຫ້ຂ້ອຍຫ່າງໄກຈາກການຖືກທໍລະມານໃນຫຼຸ່ມຝັງສົບ ແລະ ຊົງໂປດໃຫ້ຂ້ອຍຫ່າງໄກຈາກຄວາມຫາຍະນະໃນການໃຊ້ຊີວິດຄວາມເປັນຢູ່ປະຈຸບັນ ແລະ ຫຼັງຄວາມຕາຍ, ແລະ ຊົງໂປດໃຫ້ຂ້ອຍຫ່າງໄກຈາກຄວາມຫາຍະນະຂອງດັດຈານ” [30]. ແລະ ການຂໍດູອາທີ່ເພີ່ມເຕີມ ຫລັງອັດຕະຮີຢາ ສຸດທ້າຍ. [30] ບັນທຶກໂດຍທ່ານມຸສລິມ ເລກທີ (588).
ສອງ : ສຸນນະຫ໌ ດ້ານການກະທຳ:
1. ຍົກມືທັ້ງສອງໃຫ້ຢູ່ໃນລະດັບບ່າໄຫຼ່ ຫຼື ໃບຫູ ໃນສີ່ຕຳແໜ່ງຄື:
ກ. ໃນເວລາການກ່າວຕັກບີຣໍຕຸລອິຫ໌ຣອມ.
ຂ. ໃນຕອນຣູກົວະ.
ຄ. ເງີຍຫົວຂຶ້ນຈາກຣູກົວະ.
ງ. ໃນເວລາລຸກຂຶ້ນສູ່ຣໍອັດທີ່ສາມ.
2. ວາງມືຂວາທັບມືຊາຍຢູ່ເທິງກາງເອິກໃນຂະນະຢູ່ທ່າຢືນ ກ່ອນ ແລະ ຫລັງໂຄ້ງຕົວ.
3. ແນມສາຍຕາເບິ່ງແຕ່ບ່ອນທີ່ຈະສຸຈູດ.
4. ການເຮັດໃຫ້ຕົ້ນແຂນທັ້ງສອງອອກຫ່າງຈາກສີຂ້າງໃນຕອນກົມກາບ.
5. ການເຮັດໃຫ້ໜ້າທ້ອງຫ່າງອອກຈາກຂາອ່ອນໃນລະຫວ່າງການກົ້ມກາບທັງສອງ.
6. ການນັ່ງທັບຕີນຊ້າຍ ແລະ ຕັ້ງຕີນຂວາຂຶ້ນໃນທຸກໆ ການນັ່ງໃນລະຫມາດ, ຍົກເວັ້ນໃນການນັ່ງອັດຕະຮີຢາຄັ້ງສຸດທ້າຍຂອງລະຫມາດສາມຣ໊ອກອະຫ໌ ແລະ ສີ່ຣ໊ອກອະຫ໌.
7. ນັ່ງພັບຂາທັງສອງເບື້ອງໄປໃນທາງດຽວກັນ (ພັບພຽບ) ໃນອັດຕະຮີຢາ ສຸດທ້າຍຂອງການລະຫມາດທີ່ມີສາມ ຫຼື ສີ່ຣ໊ອກອະຫ໌.
ຂໍ້ທີ່ເຈັດ : ລັກສະນະ ແລະ ວິທີການລະຫມາດ.
1- ທ່ານນະບີ ຊັລລັລລໍຮຸ ອະໄລຮິ ວະສັລລັມ, ເມື່ອເພິ່ນຈະເລີ່ມລະຫມາດ, ເພິ່ນຈະຫັນຫນ້າໄປທາງກິບລັດ, ຢົກມືທັ້ງສອງຂຶ້ນ ໂດຍຫັນຝ່າມື ແລະ ປາຍນິ້ວໄປທາງກິບລັດ, ແລະ ໄດ້ກ່າວວ່າ: (ອັລລໍຮຸ ອັກບັຣ), ຄວາມໝາຍ: ອັລລໍຫ໌ ຜູ້ຊົງຍິ່ງໃຫຍ່ທີ່ສຸດ.
2. ຫຼັງຈາກນັ້ນ ໃຫ້ຈັບມືຊ້າຍດ້ວຍມືຂວາ ແລະ ວາງໄວ້ເທິງເອິກ.
3. ແລ້ວທ່ານກໍ່ອ່ານບົດເປິດການລະຫມາດ, ໂດຍບໍ່ໄດ້ອ່ານພຽງບົດດຽວສະເໝີໄປ, ດັ່ງນັ້ນ, ດຸອາ ອັລ-ອິສຕິຟຕະຫ໌ ທັງຫມົດທີ່ມີສາຍງານຈາກທ່ານນະບີ ﷺ ຖືວ່າເປັນທີ່ອະນຸຍາດໃຫ້ນຳມາກ່າວໄດ້, ໃນນັ້ນມີ: ຄຳອ່ານ: (ຊູບຮານະ ກັລລໍຮຸມມະ ວະບິຮຳດິກະ ວະຕະບາຣໍ ກັສມຸກາ ວະຕະອາລາ ຈັດດຸກະ ວະລາອີລາຮະ ກ໋ອຍຣູກະ) ຄຳແປ: ມະຫາຄວາມບໍລິສຸດແດ່ພຣະອົງ, ໂອ້ອັລລໍຫ໌ ແລະ ການສັນເສີນທັງຫມົດເປັນຂອງພຣະອົງ, ຄວາມປະເສີດຢູ່ໃນພຣະນາມຂອງພຣະອົງ, ກຽດຂອງພຣະອົງນັ້ນສູງສົງ, ແລະ ບໍ່ມີພຣະເຈົ້າອື່ນໃດນອກຈາກພຣະອົງ”
4. ແລະ ກ່າວຕໍ່ອີກວ່າ: «ອະອູຊູ ບິລລາຮິ ມິນັຊ ໄຊຕອນ ນິຣຣໍຈີມ, ບິສມິລລາ ຫິຣເຣາະມານ ນິຣຣໍຮີມ» ຄວາມຫມາຍ: “ຂ້ອຍຂໍຄວາມຄຸ້ມຄອງຕໍ່ອັລລໍຫ໌ໃຫ້ຮອດພົ້ນຈາກໄຊຕອນມານຮ້າຍຜູ້ຖືກສາບແຊ່ງ, ດ້ວຍພະນາມຂອງອັລລໍຫ໌ ຜູ້ຊົງເມດຕາປານີ ຜູ້ຊົງກະລຸນາສະເໝີ”
5. ຕໍ່ດ້ວຍການອ່ານສຸເຣາະຫ໌ ອັລ-ຟາຕິຫະຫ໌, ເມື່ອຈົບແລ້ວ: ໃຫ້ກ່າວ "ອາມີນ".
6. ຫຼັງຈາກນັ້ນ ໃຫ້ອ່ານອາຍະຫ໌ອັລກຸຣອານທີ່ທ່ານສະດວກຈະອ່ານ, ແລະ ໃຫ້ອ່ານອອກສຽງດັງໃນລະຫມາດສຸບຮີ, ແລະ ສອງຣ໊ອກອະທຳອິດຂອງລະຫມາດມັກກະຣິບ ແລະ ອີຊາ. ແລະ ໃຫ້ອ່ານຄ່ອຍໃນສ່ວນທີ່ເຫຼືອ. ໃຫ້ຣໍກະອັດທຳອິດຂອງການລະໝາດທຸກໆ ເວລາຍາວກວ່າຣໍອັດທີສອງ.
7. ຕໍ່ດ້ວຍການຍົກມືທັ້ງສອງຂຶ້ນຄືກັນກັບໃນຕອນອິສຕິຟຕາຫ໌, ແລະ ກ່າວຕໍ່ອີກວ່າ: «ອັລລໍຮຸ ອັກບັຣ» ແລ້ວກົ້ມລົງຣູກົວະ, ວາງມືທັງສອງຂ້າງເທິງຫົວເຂົ່າ ໂດຍກາງນິ້ວມືແຍກອອກຈາກກັນ, ແລະ ໃຫ້ແຜ່ນຫຼັງຊື່ກົງ ໂດຍໃຫ້ຫົວຕັ້ງກົງກັບແຜ່ນຫຼັງ, ບໍ່ຍົກຂຶ້ນ ແລະ ບໍ່ກົ້ມລົງ. ແລະ ໃຫ້ກ່າວວ່າ: ການກ່າວ «ຊຸບຮານະ ຣ໊ອບບິຍັລ ອະຊີມ» ເທື່ອໜຶ່ງ, ແລະ ຂັ້ນຕໍ່າສຸດຂອງຄວາມສົມບູນຄືການອ່ານສາມເທື່ອ, ດັ່ງທີ່ຜ່ານມາ.
8. ຍົກຫົວຂຶ້ນ ພ້ອມກ່າວວ່າ: «ສະມີອັລລໍຮຸ ລິມັນຮາ ມີດະຫ໌» ຄວາມໝາຍວ່າ: ອັລລໍຫ໌ຊົງໄດ້ຍິນ ສຳຫຼັບຜູ້ທີ່ສັນລະເສິນພຣະອົງ ແລະ ໃຫ້ຢົກມືທັ້ງສອງຂ້າງ ຄືກັນກັບການຢົກມືຂະນະຣູກົວະ.
9. ເມື່ອຢືນຊື່ສົມບູນແລ້ວ ໃຫ້ກ່າວວ່າ: “ອັລລໍຮຸມມະ ຣອບບະນາ ວະລາກັລຮຳດຸ, ຮຳດັນ ກະຊີຣອນ ຕ໋ອຍຢີບັນ ມູບາຣໍກັນ ຟີຮິ, ມິລອັສສະມາອິ ວະມິລອັລອັຣດິ ວະມິລອະ ມາໄບນາຮຸມາ, ວະມິລອະ ມາຊິຕະ ມີນໄຊອິນ ບະດະຫ໌, ອະຫ໌ລຸສ ສະນາອິ ວັລມະຈັດ, ອະຮັກກຸມາ ກໍລັລອັບດຸ ວະກຸລລານາ ລະກະອັບ, ລາມານິອະ ລິມາ ອະຕ໋ອຍຕະ ວະລາ ມຸຕິຍະ ລິມາ ມະນະຕະ, ວະລາ ຍັນຟະອຸ ຊັລຈັດດິ ມິນກັລຈັດດຸ” ຄວາມໝາຍວ່າ: ໂອ້ອັລລໍຫ໌ ໂອ້ພະຜູ້ອະພິບານແຫ່ງພວກເຮົາ ຂໍສັນລະເສິນແດ່ພຣະອົງ, ດ້ວຍການສັນລະເສີນທີ່ທັ້ງຫຼາຍທີ່ດີ ແລະ ປະເສິດ, ໃຫ້ເຕັມທັ້ງຟາກຟ້າ ແລະ ແຜ່ນດິນ, ແລະ ສິ່ງທີ່ຢູ່ໃນລະຫວ່າງທັ້ງສອງ, ແລະ ເຕັມທຸກສິ່ງທີ່ພຣະອົງປະຊົງນອກເໜືອຈາກນັ້ນ, ພຣະອົງຜູ້ເປັນເຈົ້າຂອງການສັນລະເສິນ ແລະ ຄວາມຍິ່ງ ໃຫຍ່, ສິ່ງທີ່ບ່າວຄວນກ່າວຫຼາຍທີ່ສຸດ ເຊິ່ງພວກເຮົາທັ້ງຫຼາຍລ້ວນເປັນບ່າວຂອງພຣະອົງ, ບໍ່ມີຜູ້ໃດຫ້າມໄດ້ໃນສິ່ງທີ່ພຣະອົງຊົງປະທານ ແລະ ບໍ່ມີຜູ້ໃດໃຫ້ໄດ້ໃນສິ່ງທີ່ພຣະອົງຊົງຫ້າມໄວ້, ແລະ ຄວາມລ່ຳລວຍ/ອຳນາດຂອງຜູ້ໃດ ບໍ່ອາດອຳນວຍຜົນແກ່ຜູ້ຄົນນັ້ນຕໍ່ໜ້າພຣະອົງ (ຫຼື ຈາກການລົງໂທດຂອງພະອົງ) ໄດ້ [31]. ແລະ ທ່ານຈະຢືນຫຍຸດນິ່ງເປັນເວລາດົນ. [31] ບັນທຶກໂດຍທ່ານອາບຸດາວູດ ເລກທີ (5168).
10. ແລ້ວໃຫ້ກ່າວຕັກບິຣ ເພື່ອກົ້ມລົງສຸຢູດ, ແລະ ບໍ່ຍົກມືທັ້ງສອງຂຶ້ນ, ໃຫ້ຍຶດເອົາວ່າອະໄວຍະວະທັ້ງເຈັດຕ້ອງສຳຜັດກັບພື້ນທີ່ຈະສຸຈູດ ຄື ໜ້າຜາກກັບຫູດັງ, ຝ່າມືທັ້ງສອງຂ້າງ, ຫົວເຂົ່າທັ້ງສອງຂ້າງ, ແລະ ນິ້ວຕີນທັ້ງສອງຂ້າງ. ແລະ ໃຫ້ຫັນປາຍນິ້ວມື ແລະ ປາຍນິ້ວຕີນ ໄປທາງກິບລະຫ໌, ຈັດທ່າສຸຈູດໃຫ້ສົມດຸນ, ໃຫ້ໜ້າຜາກກັບຫູດັງສຳຜັດກັບພື້ນ ແລະ ຢັນຝ່າມືທັງສອງໄວ້, ແລະ ຢົກສອກທັງສອງຂຶ້ນ, ແລະ ຈົ່ງຢືດແຂນໃຫ້ຫ່າງຈາກລຳຕົວ ແລະ ໃຫ້ຍົກທ້ອງອອກຈາກຕົ້ນຂາທັ້ງສອງຂ້າງ, ແລະ ໃຫ້ຕົ້ນຂາຫ່າງຈາກນ່ອງຂາ, ແລະ ໃຫ້ກ່າວໃນສຸຈູດວ່າ: (ຊຸບຮານະ ຣອບບິຍັລ ອະລາ), ຄວາມໝາຍ: ມະຫາບໍລິສຸດຍິ່ງແດ່ພຣະຜູ້ອະພິບານຂອງຂ້ອຍ ຜູ້ສູງສົ່ງຍິ່ງ» ຮອບດຽວ, ແລະ ຂັ້ນຕ່ຳຂອງຄວາມສົມບູນແມ່ນການກ່າວ 3 ເທື່ອ, ດັ່ງທີ່ຜ່ານມາ. ແລະ ໃຫ້ກ່າວດູອາຕາມທີ່ມີລາຍງານມາ.
11. ຍົກຫົວຂຶ້ນພ້ອມກ່າວຕັກບິຣ "ອັລລໍຮຸ ອັກບັຣ". ໃຫ້ນັ່ງທັບເຖິງຕີນຊ້າຍທີ່ວາງພັບເຖິງພື້ນ ແລະ ໃຫ້ຕີນຂວາຍັນກັບພື້ນ ແລະ ນຳມືໄປວາງເຖິງຕົ້ນຂາທັ້ງສອງຂ້າງ ແລະ ກ່າວຕໍ່ອີກວ່າ: «ອັລລໍຮຸມ ມັກຟິຣລີ ວັຣຮຳນີ ວັຈບຸຣນີ ວະຫ໌ດີນີ ວັຣຊຸກນີ» (ໂອ້ອັລລໍຮ໌ ຂໍຊົງໂປດໃຫ້ການອະໄພຍະໂທດແກ່ຂ້ອຍ, ຂໍຊົງໂປດເມດຕາຂ້ອຍ, ຂໍຊົງປະທານຄວາມລ່ຳລວຍໃຫ້ຂ້ອຍ, ຂໍຊົງໃຫ້ການຊີ້ນຳແກ່ຂ້ອຍ ແລະ ຂໍຊົງໂປດປະທານປັດໄຈຍັງຊີບແກ່ຂ້ອຍ [32]. [32] ບັນທຶກໂດຍ ອັດຕິຣມີຊີ ເລກທີ່ (284).
12. ຕໍ່ຈາກນັ້ນໃຫ້ກ່າວຕັກບິຣ ແລະ ສຸຈູດ, ແລະ ປະຕິບັດໃນຄັ້ງທີ່ສອງໃຫ້ຄືກັບຄັ້ງທຳອິດ.
13. ຍົກຫົວຂຶ້ນພ້ອມກ່າວຕັກບິຣ, ແລະ ລຸກຂຶ້ນໂດຍຍັນປາຍຕີນໄວ້ກັບພື້ນ, ໂດຍອາໄສຫົວເຂົ່າ ແລະ ຕົ້ນຂາທັງສອງຂ້າງ.
14- ເມື່ອທ່ານຢືນຊົງຕົວຊື່ແລ້ວ, ກໍໃຫ້ເລີ່ມການອ່ານ, ໃຫ້ລະຫມາດຣໍກະອັດທີ່ສອງຄືກັບຣໍກະອັດທຳອິດ.
15. ແລ້ວກໍ່ໃຫ້ນັ່ງເພື່ອຕະຊາຮຸດທຳອິດ ໂດຍນັ່ງຄືກັບການນັ່ງລະຫວ່າງສອງສຸຈູດ. ແລະ ວາງມືຂວາບົນຕົ້ນຂາຂວາ, ແລະ ວາງມືຊ້າຍບົນຕົ້ນຂາຊ້າຍ, ແລະ ວາງນິ້ວໂປ້ມືຂວາເທິງນິ້ວກາງ ເຮັດເປັນວົງ, ແລະ ຊີ້ດ້ວຍນິ້ວຊີ້, ແລະແນມສາຍຕາເບິ່ງແຕ່ນິ້ວມືນັ້ນ, ແລະ ໃຫ້ກ່າວວ່າ: ຄຳອ່ານ: ອັດຕະຮີຢາຕຸ ລິລລາຮິ , ວັສ ສໍລາວາຕຸ ວັດ ຕອຍຢີບາຕຸ , ອັສ ສະລາມຸ ອະໄລກາ ໄອຢູຮັນ ນະບີຍຸ ວະເຣາະມາ ຕຸລລໍຮິ ວະບະຣໍກາຕຸ , ອັສສະລາມມຸ ອະໄລນາ ວະອະລາ ອິບາດີລລາຮິ ຊໍລີຮີນ, ອັຊຮະດຸອັລລາ ອິລາຮະ ອິລລັລລໍຮ໌ , ວະອັຊຮະດຸ ອັນນະ ມຸຮຳມະດັນ ອັບດຸຮູ ວະເຣາະຊູລຸຮ໌. ຄຳແປ: (ຄວາມເຄົາລົບ, ຄວາມພັກດີ ແລະຄຸນນະທຳສິລະທັມທັ້ງຫລາຍ ເປັນສິດຂອງອັລລໍຮ໌ (ຫຼືຄວາມພັກດີ ຄືການເຮັດຄວາມດີທາງຄຳເວົ້າ ທາງກິລິຍາມາລະຍາດ ແລະທາງຊັບສິນທັ້ງຫລາຍເປັນສິດທິຂອງອັລລໍຮ໌ທັ້ງຫມົດ) ຂໍຄວາມສັນຕິສຸກ ຄວາມເມດຕາແຫ່ງອັລລໍຮ໌ ແລະຄວາມຈະເລີນແຫ່ງພຣະອົງຈົງມີແດ່ທ່ານ ໂອ້ທ່ານນາບີ ຂໍຄວາມສັນຕິສຸກ ຈົ່ງມີແກ່ພວກເຮົາ ແລະ ແກ່ບັນດາບ່າວຜູ້ທີ່ມີຄຸນນະທຳແຫ່ງອັລລໍຮ໌, ຂ້ອຍຂໍປະຕິຍານຕົນວ່າ ບໍ່ມີພຣະເຈົ້າອື່ນໃດນອກຈາກອັລລໍຮ໌ ແລະ ມຸຮຳມັດນັ້ນ ເປັນບ່າວ ແລະ ສາດສະດາທູດຂອງພຣະອົງ). ແລະ ທ່ານຈະເຮັດໃຫ້ການນັ່ງເທື່ອນີ້ສັ້ນບໍ່ຍາວ.
16. ຈາກນັ້ນໃຫ້ລຸກຂຶ້ນພ້ອມກ່າວຕັກບິຣ, ແລ້ວລະຫມາດຣໍກະອັດທີ່ສາມ ແລະ ສີ່, ໂດຍໃຫ້ສັ້ນກວ່າສອງຣໍກະອັດທຳອິດ. ແລະ ໃຫ້ອ່ານ ສູເຣາະຫ໌ ອັລ-ຟາຕິຫະຫ໌ ໃນທັງສອງ.
17. ແລ້ວກໍ່ໃຫ້ນັ່ງໃນອັດຕະຮີຢາ ສຸດທ້າຍ ໃນທ່າ ມຸຕົວຣໍກັນ, ການນັ່ງທ່າ ອັດເຕົາຣຸກຄື ການເອົາຕີນຊ້າຍສອດອອກມາທາງດ້ານຂວາ, ແລະໃຫ້ຕີນຂວາຍັນກັບພື້ນ, ແລະ ໃຫ້ກົ້ນນັ່ງຕິດກັບພື້ນ.
18. ຈາກນັ້ນ ໃຫ້ນັ່ງຕະຊາຮຸດຄັ້ງສຸດທ້າຍ, ເຊິ່ງຄືກັນກັບການນັ່ງຕະຊາຮຸດເທື່ອທຳອິດ, ແລະ ໃຫ້ກ່າວເພີ່ມວ່າ: (ໂອ້ອັລລໍຫ໌, ຂໍພຣະອົງປະທານຄວາມເມຕາແກ່ມຸຮຳມັດ ແລະ ແກ່ບໍລິວານຕະກູນຂອງມຸຮຳມັດ, ດັ່ງຄວາມເມດຕາທີ່ພຣະອົງໄດ້ປະທານໃຫ້ແກ່ບໍລິວານຕະກູນຂອງອິບຣໍຮີມ, ແທ້ຈິງ, ພຣະອົງແມ່ນຜູ້ຄວນຖືກສັນລະເສີນ ແລະ ຜູ້ຄອບຄອງກຽດທີ່ສູງສົງ. ແລະ ຂໍພຣະອົງປະທານຄວາມບາຣໍກະຮ໌ແກ່ທ່ານມຸຮຳມັດ ແລະ ບໍລິວານຕະກູນຂອງມຸຮຳມັດ, ດັ່ງຄວາມບາຣໍກະຮ໌ທີ່ພຣະອົງປະທານໃຫ້ແກ່ບໍລິວານຕະກູນຂອງອິບຣໍຮີມ, ແທ້ຈິງ, ພຣະອົງແມ່ນຜູ້ຄວນຖືກສັນເສີນ ແລະ ຜູ້ຄອບຄອງກຽດທີ່ສູງສົ່ງ)
19. ແລະ ໃຫ້ຂໍການຄຸ້ມຄອງຈາກອັລລໍຫ໌ ຈາກການທໍລະມານໃນນາລົກ, ແລະ ຈາກການທໍລະມານໃນລຸມຝັງສົບ, ແລະ ຈາກການທີ່ທົດສອບ ຫຼື ສິ່ງບໍ່ດີມີການໃຊ້ຊີວິດ ແລະ ການຕາຍ, ແລະ ຈາກການທົດສອບ ຫຼື ສິ່ງບໍ່ດີຂອງດັດຈານ. ແລະ ໃຫ້ຂໍດູອາດ້ວຍບົດດຸອາຕ່າງໆ ທີ່ໄດ້ກ່າວໄວ້ໃນອັລກຸຣອານ ແລະ ຊຸນນະຫ໌.
20. ແລ້ວໃຫ້ສະລາມດ້ວຍການຫັນຫົວໄປທາງຂວາ ພ້ອມກ່າວວ່າ: «ອັສສະລາມ ມຸອະໄລກຸມ ວະເຣາະມາ ຕຸລລໍຫ໌. (ຂໍຄວາມສັນຕິສຸກ ຄວາມເມດຕາ ຈົ່ງປະສົບແກ່ພວກທ່ານ)» ແລະ ທາງຊ້າຍກໍເຊັ່ນດຽວກັນ. ເລີ່ມກ່າວສະລາມໃນຂະນະທີ່ໃບໜ້າຫັນໄປທາງກິບລະຫ໌, ແລະ ໃຫ້ກ່າວຈົບພ້ອມກັບການຫັນໜ້າໄປຈົນສຸດ.
ຂໍ້ທີ່ແປດ : ສິ່ງທີ່ຫນ້າລັງກຽດໃນການລະຫມາດ.
1. ການຫັນຫຼຽວໄປມາໂດຍບໍ່ມີຄວາມຈຳເປັນ.
2. ເງີຍສາຍຕາຂຶ້ນສູ່ທ້ອງຟ້າ.
3. ຫຼັບຕາໂດຍບໍ່ມີຄວາມຈຳເປັນ.
4. ແຜ່ແຂນທັງສອງລົງພື້ນໃນຕອນກົມກາບ.
5. ການເອົາຜ້າປິດປາກ ແລະ ດັງ ໂດຍບໍ່ມີເຫດຈຳເປັນ.
6. ການລະມາດ ຂະນະອັ້ນຖ່າຍໜັກຖ່າຍເບົາ, ຫຼື ຂະນະມີອາຫານທີ່ຢາກກິນ.
7. ການເຊັດຫນ້າຜາກ ແລະ ດັງ ຈາກຮ່ອງຮອຍຂອງການສຸຈູດທີ່ຕິດຢູ່, ແລະ ບໍ່ເປັນຫຍັງທີ່ຈະເຊັດສິ່ງດັ່ງກ່າວ ຫຼັງຈາກສຳເລັດການລະຫມາດ.
8. ການອີງໃສ່ຝາ ແລະ ສິ່ງທີ່ຄ້າຍຄືກັນ ໃນຂະນະຕອນຢືນ ໂດຍບໍ່ມີຄວາມຈຳເປັນ.
ຂໍ້ທີເກົ້າ: ສິ່ງທີ່ເຮັດໃຫ້ລະຫມາດເສຍ
1. ການກິນ ແລະ ການດື່ມ.
2. ການເວົ້າສິ່ງທີ່ນອກເໜືອຈາກການລະຫມາດ.
3. ການຫົວ (ຫົວອອກສຽງດັງ).
4. ການຖິ້ມຫຼັກການຂໍ້ຫນຶ່ງ ຫຼື ຂໍ້ບັງຄັບທີ່ຈຳເປັນໃນລະຫມາດ ຢ່າງຕັ້ງໃຈ.
5. ຕັ້ງໃຈເພີ່ມຣຸກົນ ຫຼື ຣໍ່ກະອັດ.
6. ການຕັ້ງໃຈໃຫ້ສະລາມກ່ອນອີມ່າມ.
7. ການເຄື່ອນໄຫວທີ່ບໍ່ກ່ຽວຂ້ອງກັບການລະຫມາດຫຼາຍຈົນເກີນໄປ ໂດຍບໍ່ມີຄວາມຈຳເປັນ.
8. ການກະທຳສິ່ງທີ່ຂັດກັບເງື່ອນໄຂຫນຶ່ງຂອງການລະຫມາດ; ເຊັ່ນ: ການເສຍນ້ຳລະຫມາດ, ການເປີດເຜີຍເອົາຣັດຢ່າງຕັ້ງໃຈ, ການຫັນຕົວອອກຈາກທິດກິບລັດຫລາຍ ໂດຍບໍ່ຈຳເປັນ, ແລະ ການຕັດຄວາມຕັ້ງໃຈເຈດຕະນາ.
ຂໍ້ທີ່ສິບ : ການສຸຈູດຊະຫ໌ວີ:
ຊະຫ໌ວີ: ຄືຄວາມລົງລືມ, ແລະ ທ່ານນະບີ ກໍ່ເຄີຍມີຄວາມລົງລືມໃນການລະຫມາດ; ເພາະວ່າຄວາມລົງລືມເປັນສິ່ງທີ່ເກີດຂຶ້ນຕາມທຳມະຊາດຂອງມະນຸດ, ແລະ ການຫຼົງລືມຂອງທ່ານ ສໍລລັລລໍຮຸ ອະໄລຮິ ວະສັລລຳ ນັ້ນ ເປັນສ່ວນໜຶ່ງຈາກຄວາມສົມບູນພ້ອມ ແຫ່ງຄວາມໂປດປານຂອງອັລລໍຫ໌ທີ່ມີຕໍ່ປະຊາຊາດຂອງທ່ານ ແລະ ເປັນການເຮັດໃຫ້ສາສະຫນາຂອງພວກເຂົາສົມບູນ, ເພື່ອໃຫ້ພວກເຂົາໄດ້ປະຕິບັດຕາມແບບຢ່າງຂອງທ່ານໃນສິ່ງທີ່ທ່ານໄດ້ວາງເປັນບົດບັນຍັດໄວ້ໃຫ້ແກ່ພວກເຂົາໃນເວລາທີ່ຫຼົງລືມ.
ສາເຫດຕ່າງໆ ທີ່ຖືກບັນຍັດໃຫ້ມີການສຸຈູດ (ກົ້ມກາບ) ຍ້ອນການຫລົງລືມ:
1. ກໍລະນີທີໜຶ່ງ:
ການເພິ່ມເຕິມໃນການລະຫມາດ, ເຊິ່ງເປັນການເພິ່ມເຕິມດ້ານການກະທຳ ຫຼື ການເພິ່ມເຕິມດ້ານຄຳເວົ້າ:
ກ. ການເພິ່ມເຕິມການກະທຳ: ຫາກເປັນການເພິ່ມເຕິມການກະທຳທີ່ເປັນປະເພດດຽວກັບການລະຫມາດ: ເຊັ່ນ ການຢືນໃນຂະນະທີ່ຄວນນັ່ງ, ແລະ ການນັ່ງໃນຂະນະທີ່ຄວນຢືນ, ຫລື ເພິ່ມການຣູກົວະ ຫລື ການສຸຈູດເກີນມາ, ຫາກລາວໄດ້ກະທຳສິ່ງນັ້ນໄປດ້ວຍຄວາມຫລົງລືມ; ລາວກໍ່ຈຳເປັນຕ້ອງເຮັດການສຸຈູດເພື່ອການຫລົງລືມ.
ຂ- ການເພີ່ມຄຳເວົ້າ: ເຊັ່ນການອ່ານໃນການຣຸກົວະ ແລະ ສຸຈູດ, ເມື່ອໄດ້ກະທຳເຊັ່ນນັ້ນ; ຖືເປັນມຸສຕະຮັບ(ສົ່ງເສີມ)ໃຫ້ລາວເຮັດການສຸຈູດເນື່ອງຈາກການຫລົງລືມ.
2. ກໍລະນີທີ່ສອງ :
ການຂາດຕົກບົກພ່ອງໃນການລະມາດໂດຍການຫຼົງລືມ, ເຊິ່ງມີຢູ່ສອງປະການຄື:
ກ- ການຖິ້ມຣູກົ້ນຫຼັກການ: ຖ້າຫາກວ່າຣູກົ້ນຫຼັກການນີ້ແມ່ນ ຕັກບີຣໍ່ຕຸລອິຫ໌ຣອມ, ການລະຫມາດຂອງລາວກໍຈະຖືວ່າໃຊ້ບໍ່ໄດ້, ແລະ ການສຸຢູດຊະຫ໌ວີກໍບໍ່ສາມາດທົດແທນໄດ້. ສ່ວນຫາກວ່າເປັນຣູກົ້ນອື່ນທີ່ບໍ່ແມ່ນຕັກບີຣະຕຸລ-ອິຫ໌ຣອມ ເຊັ່ນ ການຣູກົວະ ຫຼື ການສຸຢູດ, ແລະ ລາວນຶກຂຶ້ນໄດ້ກ່ອນທີ່ຈະເລີ່ມອ່ານໃນຣໍກະອະຫ໌ຕໍ່ໄປ; ລາວຈຳເປັນຕ້ອງກັບຄືນໄປປະຕິບັດຣູກົ້ນທີ່ຂາດໄປນັ້ນ ແລະ ສິ່ງທີ່ຕາມຫຼັງຈາກນັ້ນ.
ແລະ ຫາກລາວນຶກຂຶ້ນໄດ້ ຫຼັງຈາກທີ່ໄດ້ເລີ່ມອ່ານໃນຣໍກະອັດຕໍ່ໄປແລ້ວ, ຣໍກະອັດທີ່ລາວໄດ້ຂ້າມໄປນັ້ນຈະຖືເປັນໂມຂະ, ແລະ ຣໍກະອັດທີ່ກຳລັງປະຕິບັດຢູ່ນັ້ນຈະມາແທນທີ່.
ຂ - ການຖິ້ມຂໍ້ບັງຄັບທີ່ຈຳເປັນ: ຕົວຢ່າງ: ການລືມຕະຊະຮຸດຄັ້ງທຳອິດ, ຫຼື ການກ່າວຕັສເບັຍໃນການກົ້ມຣູກົວະ. ໃນກໍລະນີນີ້: ໃຫ້ລາວສຸຈູດຊົດເຊີຍການຫລົງລືມ.
3- ກໍລະນີທີ່ສາມ : ອັຊ-ຊັກ (ຄວາມສົງໄສ):
ຕົວຢ່າງ: ຖ້າຫາກສົງໄສໃນການລະຫມາດຊູຫ໌ຣີ ວ່າໄດ້ລະຫມາດໄປສາມ ຫຼື ສີ່ຣໍກະອັດ, ໃນກໍລະນີນີ້:
ກ- ຖ້າຫາກລາວເຫັນວ່າສິ່ງໃດມີນ້ຳຫນັກກວ່າ, ໃຫ້ປະຕິບັດຕາມນັ້ນ ແລະ ສຸຈູດຊະຫ໌ວີ.
ຂ- ກໍລະນີທີ່ລາວບໍ່ສາມາດຊີ້ຂາດໄດ້; ກໍໃຫ້ລາວຍຶດເອົາສິ່ງທີ່ແນ່ນອນ, ແລະ ສຸຈູດເພື່ອການຫຼົງລືມ.
ຖ້າຫາກວ່າຄວາມສົງໄສເກີດຂຶ້ນຫຼັງຈາກການລະມາດ, ຫຼື ເປັນຜູ້ທີ່ເກີດຄວາມສົງໄສຢູ່ເລື້ອຍໆ, ກໍບໍ່ຕ້ອງໃສ່ໃຈກັບຄວາມສົງໄສດັ່ງກ່າວ.
ຂໍ້ຄວນຮູ້: ການສຸຈູດເນື່ອງຈາກການຫລົງລືມ ແມ່ນໃຫ້ກະທຳກ່ອນການໃຫ້ສະລາມ: ຫາກເປັນຍ້ອນການເຮັດຂາດຕົກບົກພ່ອງ, ຫຼື ເກີດຈາກຄວາມສົງໄສທີ່ບໍ່ສາມາດຕັດສິນໃຈໄດ້. ແມ່ນໃຫ້ເຮັດຫຼັງຈາກການໃຫ້ສະລາມ: ໃນກໍລະນີທີ່ເຮັດເກີນ, ຫຼື ຍ້ອນຄວາມສົງໄສ ໂດຍໄດ້ປະຕິບັດຕາມສິ່ງທີ່ມີນ້ຳໜັກກວ່າ, ແລະໃນເລື່ອງດັ່ງກ່າວນີ້ແມ່ນມີຄວາມກວ້າງຂວາງ, ອິນຊາອັລລໍຮ໌ ຕະອາລາ.
ຂໍ້ທີ່ສິບເອັດ: ບັນດາເວລາທີ່ຫ້າມລະຫມາດ:
ຫຼັກການເດີມແມ່ນ ອະນຸຍາດໃຫ້ເຮັດການລະຫມາດໄດ້ໃນທຸກຊ່ວງເວລາ, ແຕ່ຍ້ອນວ່າ ບົດບັນຍັດທາງສາສະໜາໄດ້ກຳນົດຫ້າມການລະມາດໃນບາງເວລາ, ເຊິ່ງມີດັ່ງນີ້:
1- ຕັ້ງແຕ່ຫຼັງລະຫມາດຟະຈັຣ ຈົນກວ່າຕາເວັນຈະຂຶ້ນສູງປະມານຫນຶ່ງດ້າມຫອກ ຕາມການປະມານດ້ວຍສາຍຕາ.
2- ເວລາດວງຕາເວັນທ່ຽງກົງຈົນເລີ່ມຄ້ອຍລົງ, ເຊິ່ງເປັນຊ່ວງເວລາຕ້ອງຫ້າມທີ່ສັ້ນທີ່ສຸດ.
3- ຕັ້ງແຕ່ລະຫມາດອັສຣີ ຈົນກວ່າຕາເວັນຈະຕົກ, ເຊິ່ງເປັນຊ່ວງເວລາທີ່ຖືກຫ້າມທີ່ຍາວນານທີ່ສຸດ.
ບັນດາການລະຫມາດທີ່ອະນຸຍາດໃຫ້ປະຕິບັດໃນເວລາຕ້ອງຫ້າມ:
1- ການຊົດໃຊ້ບັນດາຟັຣດູທີ່ຂາດໄປ.
2- ການລະມາດທີ່ມີສາເຫດສະເພາະ, ເຊັ່ນ: ລະມາດຕະຫິຍະຕຸລມັດສະຍິດ, ສອງຣໍກະອັດຕໍວາຟ, ລະມາດກຸຊູຟ ແລະ ລະມາດຍະນາຊະຮ໌.
3- ການຊົດໃຊ້ສຸນນະຫ໌ຟະຈັຣ ຫຼັງລະຫມາດຟະຈັຣ.
ຂໍ້ທີ່ສິບສອງ: ການລະຫມາດຈະມາອະຫ໌:
ແລະ ມັນເປັນພິທີກຳອັນຍິ່ງໃຫຍ່ຂອງສາສະໜາອິສລາມ, ເຊິ່ງກໍຄືການລະຫມາດຈະມາອະຫ໌ທີ່ບັນດາມັດສະຍິດ, ຊາວມຸສລິມໄດ້ມີຄວາມເຫັນພ້ອມກັນວ່າ ການປະຕິບັດການລະຫມາດ 5 ເວລາ ຢູ່ໃນມັດສະຍິດນັ້ນ ເປັນການເຊື່ອຟັງທີ່ສຳຄັນຍິ່ງ ແລະ ເປັນການເຂົ້າໃກ້ຊິດພຣະອົງທີ່ຍິ່ງໃຫຍ່ທີ່ສຸດ, ຍິ່ງໄປກວ່ານັ້ນ ມັນຄືສັນຍາລັກທີ່ຍິ່ງໃຫຍ່ທີ່ສຸດຂອງອິດສະລາມ.
1- ຂໍ້ຕັດສິນຂອງການລະຫມາດຈະມາອະຫ໌:
ແລະ ການລະຫມາດຈະມາອະຫ໌ມີຜົນຜູກມັດບັງຄັບທີ່ມັດສະຍິດສຳລັບການລະຫມາດທັງ 5 ເວລາ ສຳລັບຜູ້ຊາຍທີ່ມີຄວາມສາມາດ, ທັ້ງຢາມທີ່ອະໄສຢູ່ພູມລຳເນົາ ແລະ ຢາມເດິນທາງ, ທັງໃນຍາມປອດໄພ ແລະ ຍາມຢ້ານກົວ, ເປັນສິ່ງຈຳເປັນສະເພາະບຸກຄົນ.
ດັງມີຫຼັກຖານຍືນຍັນເຖິງຂໍ້ບັງຄັບຂອງການລະຫມາດຈະມາອະຫ໌ ຄື: ອັລກຸຣອານ ແລະ ຊຸນນະຫ໌ທ່ານນະບີ, ແລະ ການປະຕິບັດຂອງບັນດາມຸສລິມທີ່ສືບທອດກັນມາຈາກລຸ້ນສູ່ລຸ້ນ.
ແລະ ຈາກຄຳພີອັລກຸຣອານ: ຄືດຳລັດຂອງພຣະອົງທີ່ວ່າ: (ແລະ ເມື່ອເຈົ້າຢູ່ກັບພວກເຂົາ ແລະ ໄດ້ດຳລົງການລະຫມາດໃຫ້ແກ່ພວກເຂົາ, ກໍ່ຈົ່ງໃຫ້ກຸ່ມໜຶ່ງໃນໝູ່ພວກເຂົາຍືນຂຶ້ນລະຫມາດຮ່ວມກັບເຈົ້າ...) [ສູເຣາະຫ໌ ນິຊາ: 102]. ໂດຍທີ່ອາຍະຫ໌ດັ່ງກ່າວ ໄດ້ຊີ້ບອກເຖິງການເນັ້ນໜັກໃນຂໍ້ບັງຄັບຂອງການລະຫມາດຈະມາອະຫ໌, ເນື່ອງຈາກວ່າບໍ່ອະນຸຍາດໃຫ້ຊາວມຸສລິມລະເລີຍມັນ ໃນສະພາວະທີ່ຫວາດກົວ, ຫາກວ່າມັນບໍ່ແມ່ນວາຈິບ, ເຫດຜົນທີ່ສົມຄວນທີ່ສຸດໃນການລະຖິ້ມມັນກໍຄືຄວາມຢ້ານກົວ. ການຖິ້ມລະຫມາດຈະມາອະຫ໌ ແລະ ການບໍ່ເອົາໃຈໃສ່ຕໍ່ມັນ ແມ່ນໜຶ່ງໃນບັນດາຄຸນລັກສະນະທີ່ໂດດເດັ່ນທີ່ສຸດຂອງພວກມູນາຟິກ (ໜ້າຊື່ໃຈຄົດ).
ແລະ ຈາກສຸນນະຫ໌: ມີຫະດິຊຫຼາຍບົດ, ສ່ວນໜຶ່ງໃນນັ້ນແມ່ນ:
ສິ່ງທີ່ຖືກລາຍງານໃນຊໍຮິຫ໌ມຸສລິມ ຊາຍຕາບອດຄົນໜຶ່ງໄດ້ກ່າວວ່າ: “ໂອ້ ທ່ານນະບີຂອງອັລລໍຫ໌, ຂ້ານ້ອຍບໍ່ມີຜູ້ຈູງທາງທີ່ຈະພາຂ້ານ້ອຍໄປຍັງມັສຍິດ.” ລາວຈຶ່ງໄດ້ຂໍອະນຸຍາດຈາກທ່ານເພື່ອທີ່ຈະລະຫມາດຢູ່ທີ່ເຮືອນຂອງລາວ, ທ່ານຈຶ່ງໄດ້ອະນຸຍາດໃຫ້ລາວ. ເມື່ອລາວກຳລັງຈະກັບໄປ, ທ່ານກໍ່ໄດ້ເອີ້ນລາວ ແລ້ວກ່າວວ່າ: “ເຈົ້າໄດ້ຍິນສຽງອາຊານບໍ່?” ລາວຕອບວ່າ: “ໄດ້ຍິນ.” ທ່ານຈຶ່ງກ່າວວ່າ: “ດັ່ງນັ້ນ ເຈົ້າຈົ່ງຕອບຮັບເຖີດ.” [33]. [33] ບັນທຶກໂດຍທ່ານມຸສລິມ ເລກທີ່ (1484).
ດັ່ງນັ້ນ ທ່ານນະບີ ສັລລັລລໍຮຸ ອະໄລຮິ ວະສັລລຳ ຈຶ່ງໄດ້ສັ່ງໃຫ້ລາວໄປທີ່ມັສຍິດເພື່ອເຮັດການລະຫມາດຈະມະອະຫ໌ ແລະ ຕອບຮັບສຽງຮຽກຮ້ອງ, ທັງໆ ທີ່ລາວເປັນຄົນຕາບອດ ແລະ ຕ້ອງພົບພໍ້ກັບຄວາມຍາກລຳບາກ. ດັ່ງນັ້ນ, ສິ່ງດັ່ງກ່າວຈຶ່ງຊີ້ໃຫ້ເຫັນເຖິງຄວາມຈຳເປັນຂອງການລະຫມາດຈະມາອະຫ໌.
2- ສິ່ງທີ່ຖືວ່າໄດ້ທັນການລະຫມາດຈະມາອະຫ໌:
ການລະຫມາດຈະມາອະຫ໌ ຈະຖືວ່າທັນ ດ້ວຍການທັນໜຶ່ງຣໍກະອັດຂອງການລະຫມາດນຳອິມາມ, ຈາກຄຳກ່າວຂອງທ່ານນາບີ ﷺ: «ຜູ້ໃດທີ່ທັນໜຶ່ງຣໍກະອັດຂອງການລະຫມາດ, ຜູ້ນັ້ນກໍໄດ້ທັນການລະຫມາດແລ້ວ» [34]. [34] ບັນທຶກໂດຍ ອັລບຸກຄໍຣີ, ເລກທີ່ (609) ແລະ ມຸສລິມ, ເລກທີ່ (602).
3- ການນັບວ່າທັນໃນຣໍກະອັດ:
ຖືວ່າທັນຣໍກະອັດ ດ້ວຍການທັນຣູກົວະ, ໃນກໍລະນີທີ່ຜູ້ມາລະຫຫມາດຊ້າ (ມັສບູກ) ມາທັນອິມ່ຳໃນຂະນະທີ່ກຳລັງຣູກົວະ: ໃຫ້ລາວກ່າວຕັກບິຣ ຣໍຕຸລອິຫ໌ຣອມ ໃນທ່າຢືນກົງ, ແລ້ວໃຫ້ກົ້ມຣູກົວະ ພ້ອມກ່າວຕັກບິຣອີກຄັ້ງໜຶ່ງ. ແລະ ຫາກລາວຈຳກັດພຽງການກ່າວຕັກບິຣອິຫ໌ຣອມໃນຂະນະທີ່ຢືນ, ກໍ່ຖືວ່າພຽງພໍແລ້ວແທນການກ່າວຕັກບິຣເພື່ອໂຄ້ງຕົວ.
4- ບັນດາເຫດຜົນທີ່ອະນຸໂລມໃຫ້ຂາດການລະຫມາດຈະມາອະຫ໌:
1- ການເຈັບປ່ວຍທີ່ເຮັດໃຫ້ເກີດຄວາມລຳບາກໃນການໄປຮ່ວມລະຫມາດວັນສຸກ ແລະ ລະຫມາດຈະມາອະຫ໌.
2- ການອົດກັ້ນປັດສະວະ ຫຼື ອຸຈະລະ; ເພາະຈະເຮັດໃຫ້ຂາດສະມາທິໃນການລະຫມາດ, ແລະ ເປັນອັນຕະລາຍຕໍ່ຮ່າງກາຍ.
3- ເມື່ອມີອາຫານພ້ອມ ແລະ ຕົນເອງກຳລັງຫິວ ຫຼື ຢາກກິນອາຫານນັ້ນຫລາຍ, ໂດຍບໍ່ໃຫ້ເຮັດເປັນນິໄສ ຫຼື ເປັນຂໍ້ອ້າງເພື່ອຂາດການລະຫມາດຈະມາອະຫ໌.
4- ຄວາມຢ້ານກົວທີ່ເກີດຂຶ້ນຈິງ ຕໍ່ຊີວິດ, ຊັບສິນ ຫຼື ສິ່ງອື່ນໆ ນອກເໜືອຈາກນີ້.
ຂໍ້ທີ່ສິບສາມ: ການລະຫມາດເຄົາຟ໌ (ຢ້ານ):
ການລະຫມາດໃນສະພາວະສົງຄາມແມ່ນຖືກບັນຍັດໄວ້ໃນທຸກໆ ການສູ້ຮົບທີ່ຖືກອະນຸຍາດ, ເຊັ່ນ ການສູ້ຮົບກັບບັນດາຜູ້ປະຕິເສດສັດທາ, ບັນດາຜູ້ກະບົດ ແລະ ບັນດາຜູ້ກໍ່ຄວາມບໍ່ສະຫງົບ, ດັ່ງຄຳດຳຣັດຂອງພຣະອົງອັລລໍຮ໌ ທີ່ວ່າ: (...ຖ້າຫາກພວກເຈົ້າຢ້ານກົວວ່າ ບັນດາຜູ້ປະຕິເສດສັດທາຈະທຳຮ້າຍພວກເຈົ້າ...) [ສູເຣາະຫ໌ ອັນນິສາ : 101]. ແລະ ໃຫ້ທຽບຄຽງໃສ່ກັບສ່ວນທີ່ເຫຼືອຈາກຜູ້ທີ່ອະນຸຍາດໃຫ້ຕໍ່ສູ້ໄດ້.
ລະຫມາດເຄົາຟ໌ ຖືກບັນຍັດໄວ້ດ້ວຍກັບສອງເງື່ອນໄຂຕໍ່ໄປນີ້:
1) ສັດຕູຕ້ອງເປັນຜູ້ທີ່ອະນຸຍາດໃຫ້ຕໍ່ສູ້ໄດ້.
2) ຢ້ານກົວການໂຈມຕີຕໍ່ຊາວມຸສລິມ ໃນຂະນະທີ່ກຳລັງລະຫມາດ.
ລັກສະນະ ແລະ ວິທີການລະຫມາດໃນສະພາວະທີ່ຫວາດກົວ:
ມີຄຸນລັກສະນະທີ່ຫຼາກຫຼາຍ, ແລະ ທີ່ໂດດເດັ່ນທີ່ສຸດຂອງການລະຫມາດຍາມຫວາດກົວ ຄືດັ່ງທີ່ໄດ້ກ່າວໄວ້ໃນຮະດິຊຂອງທ່ານຊະຫ໌ລ໌ ຣໍດິຍັລລໍຮຸ ອັນຮຸ ວ່າ: ກຸ່ມໜຶ່ງໄດ້ເຂົ້າແຖວລະຫມາດພ້ອມກັບທ່ານນະບີ ສັລລັລລໍຮຸ ອະໄລຮິ ວະສັລລຳ, ແລະ ອີກກຸ່ມໜຶ່ງໄດ້ປະເຊີນໜ້າກັບສັດຕູ, ທ່ານໄດ້ນຳພາກຸ່ມທີ່ຢູ່ກັບທ່ານລະຫມາດໜຶ່ງຣັອກອະຫ໌, ຫຼັງຈາກນັ້ນທ່ານກໍ່ຢືນຢູ່ກັບທີ່, ແລະ ພວກເຂົາກໍ່ໄດ້ລະຫມາດຕໍ່ຈົນສໍາເລັດດ້ວຍຕົວຂອງພວກເຂົາເອງ, ຫຼັງຈາກນັ້ນພວກເຂົາກໍ່ໄດ້ອອກໄປເຂົ້າແຖວປະເຊີນໜ້າກັບສັດຕູ, ແລະ ກຸ່ມທີສອງກໍ່ໄດ້ເຂົ້າມາ, ທ່ານຈຶ່ງໄດ້ນຳພາພວກເຂົາລະຫມາດໃນຣໍ່ກະອະຫ໌ທີ່ຍັງເຫຼືອຈາກການລະຫມາດຂອງທ່ານ, ຫຼັງຈາກນັ້ນທ່ານກໍ່ນັ່ງຢູ່ກັບທີ່, ແລະ ພວກເຂົາກໍ່ໄດ້ລະຫມາດຕໍ່ຈົນສໍາເລັດດ້ວຍຕົວຂອງພວກເຂົາເອງ, ຫຼັງຈາກນັ້ນທ່ານກໍ່ໄດ້ໃຫ້ສະລາມພ້ອມກັບພວກເຂົາ [35]. [35] ບັນທຶກໂດຍ ອັລບຸກຄໍຣີ, ເລກທີ່ (4130) ແລະ ມຸສລິມ, ເລກທີ່ (842).
ປະໂຫຍດທີ່ໄດ້ຮັບຈາກການລະໝາດເຄົາຟ໌:
1- ຄວາມສຳຄັນຂອງການລະຫມາດໃນອິດສະລາມ ແລະ ຄວາມສຳຄັນຂອງການລະຫມາດຈະມາອະຫ໌, ເພາະມັນບໍ່ໄດ້ຖືກຍົກເວັ້ນໃນສະພາວະການທີ່ຄັບຂັນເຫຼົ່ານີ້.
2- ການປັດເປົ່າຄວາມຫຍຸ້ງຍາກອອກຈາກປະຊາຊາດນີ້, ຄວາມງ່າຍດາຍຂອງສາສະນະບັນຍັດ ແລະ ຄວາມເໝາະສົມຂອງມັນສຳລັບທຸກຍຸກທຸກສະໄໝ ແລະ ທຸກສະຖານທີ່.
3. ຄວາມສົມບູນແບບຂອງຫຼັກການສາສະຫນາອິສລາມ, ທີ່ໄດ້ບັນຍັດສິ່ງທີ່ເຫມາະສົມກັບທຸກສະຖານະການ.
ຂໍ້ທີ່ສິບສີ່: ລະຫມາດວັນສຸກ:
ຫນຶ່ງ: ຂໍ້ຕັດສິນຂອງມັນ:
ການລະຫມາດວັນສຸກ ເປັນສາສະໜາບັງຄັບ ສຳຫຼັບມຸສລິມທຸກຄົນທີ່ເປັນ ຜູ້ຊາຍ, ບັນລຸນິຕິພາວະ, ມີສະຕິປັນຍາຄົບຖ້ວນ, ເປັນຜູ້ຕັ້ງຖິ່ນຖານ ແລະ ບໍ່ມີເຫດຈຳເປັນ.
ຈາກຄຳຕຣັັດຂອງອັລລໍຫ໌: ( ໂອ້ ບັນດາຜູ້ສັດທາເອີ໋ຍ ເມື່ອໄດ້ມີສຽງຮຽກຮ້ອງ "ອະຊານ" ເພື່ອເຮັດລະຫມາດໃນວັນສຸກ ກໍ່ຈົ່ງຮີບຝ້າວໄປສູ່ການລຳເລິກເຖິງອັລລໍຫ໌ ແລະ ຈົ່ງລະຖີ້ມການຄ້າຂາຍເສຍ ນັ້ນເປັນການດີສຳຫຼັບພວກເຈົ້າຫາກພວກເຈົ້າຮູ້ 9) [ສຸເຣາະຫ໌ ຈຸມມະອະຫ໌ : 9].
ດັ່ງທີທ່ານນະບີ ຊໍລລັລລໍຮຸ ອະໄລຮິ ວະສັລລຳ ໄດ້ກ່າວໄວ້ວ່າ: «ຊົນກຸ່ມຄົນທັງຈະຕ້ອງເລີກ (ຢຸດ) ການລະເລີບບໍ່ໄປລະຫມາດວັນສຸກ; ບໍ່ເຊັ່ນນັ້ນ ອັລລໍຫ໌ຈະປະທັບລົງບົນຫົວໃຈຂອງພວກເຂົາ, ແລ້ວພວກເຂົາກໍຈະກາຍເປັນສ່ວນໜຶ່ງຂອງບັນດາຜູ້ທີ່ລົງລືມ» [36]. [36] ບັນທຶກໂດຍທ່ານມຸສລິມ ເລກທີ (865).
ສອງ: ເງື່ອນໄຂຄວາມຖືກຕ້ອງຂອງການລະຫມາດວັນສຸກ:
1) ເວລາ: ເວລາຂອງມັນແມ່ນຄືກັນກັບເວລາລະຫມາດຊຸຫ໌ຣີ, ສະນັ້ນ, ຈະບໍ່ຖືກຕ້ອງຫາກເຮັດກ່ອນເວລາຂອງມັນ, ແລະ ກໍບໍ່ຖືກຕ້ອງຫາກເຮັດຫຼັງຈາກທີ່ເວລາຂອງມັນໝົດ.
2) ຈະຕ້ອງມີຄົນເຂົ້າຮ່ວມເປັນຈະມາອະຫ໌, ແລະ ຈຳນວນຄົນໜ້ອຍທີ່ສຸດຂອງຈະມາອະຫ໌ແມ່ນສາມຄົນ ຕາມທັດສະນະທີ່ຖືກຕ້ອງ, ຈະບໍ່ຖືກຕ້ອງຈາກຄົນດຽວ, ແລະ ກໍບໍ່ແມ່ນຈາກສອງຄົນ.
3) ບັນດາຜູ້ທີ່ລະຫມາດຕ້ອງເປັນຜູ້ທີ່ອາໄສຢູ່ໃນບ້ານເຮືອນທີ່ສ້າງຂຶ້ນຕາມປົກກະຕິທົ່ວໄປ. ບໍ່ວ່າຈະເປັນຊີມັງເສີມເຫຼັກ ຫຼື ກ້ອນຫີນ ຫຼື ດິນໜຽວ ແລະ ສິ່ງອື່ນໆ, ດ້ວຍເຫດນີ້, ຈຶ່ງຖືວ່າໃຊ້ບໍ່ໄດ້ສຳລັບຊາວທະເລຊາຍທີ່ອາໄສຢູ່ໃນກະໂຈມ, ຜູ້ທີ່ບໍ່ໄດ້ຕັ້ງຖິ່ນຖານເປັນຫລັກແຫລ່ງ, ແຕ່ຈະຍົກຍ້າຍເຄື່ອນທີ່ໄປຕາມແຫຼ່ງຫຍ້າເພື່ອຝູງສັດຂອງພວກເຂົາ.
4) ໃຫ້ມີຄຸຕບະຫ໌ສອງຄັ້ງກ່ອນ, ເນື່ອງຈາກທ່ານນະບີ ຊໍລລັລລໍຮຸ ອະໄລຮິ ວະຊັລລໍຳ ໄດ້ປະຕິບັດເປັນປະຈຳ.
ສາມ : ຫຼັກການຂອງຄຸຕບະຫ໌ທັ້ງສອງວັນສຸກ:
1- ການສັນລະເສິນຕໍ່ອັລລໍຫ໌ ແລະ ຄຳປະຕິຍານຕົນທັ້ງສອງ.
2- ການກ່າວສໍລະວາດຕໍ່ທ່ານນະບີມຸຮຳຫມັດ ﷺ.
3- ຄຳສັ່ງເສຍໃຫ້ຢຳເກງຕໍ່ອັລລໍຫ໌.
4- ການອ່ານອັລກຣຸອານບາງສ່ວນ.
5. ການຕັກເຕືອນສັ່ງສອນ
ສີ່: ຂໍ້ຄວນປະຕິບັດໃນສອງຄຸຕບະຫ໌ວັນສຸກ:
1. ການກ່າວຄຸຕບະ ເທິງມິນບັຣ.
2. ການຄັ້ນລະຫວ່າງຄຸຕບະຮ໌ທັ້ງສອງ ດ້ວຍການນັ່ງໄລຍະສັ້ນໆ. 3. ຂໍດຸອາວິງວອນໃນທັງສອງນັ້ນ ໃຫ້ແກ່ບັນດາມຸສລິມ ແລະ ບັນດາຜູ້ປົກຄອງຂອງພວກເຂົາ.
4. ຕັກສີຣ໌ (ການສະຫຼຸບຫຍໍ້ໃຫ້ສັ້ນ).
5. ຄໍຕີບກ່າວສະລາມຕໍ່ຜູ້ຄົນ ເມື່ອຂຶ້ນມິນບັຣ.
ຫ້າ: ບັນດາສິ່ງທີ່ຄວນປະຕິບັດໃນວັນສຸກ:
1. ການໃຊ້ໄມ້ສິວາກ.
2. ໃສ່ນ້ຳຫອມ ຖ້າມີ.
3. ໃຫ້ຝ້າວອອກໄປລະຫມາດວັນສຸກຕັ້ງແຕ່ເນິ່ນໆ.
4. ໃຫ້ຢາງໄປມັສຍິດ ແລະ ບໍ່ໃຫ້ຂີ່.
5. ການເຂົ້າໃກ້ອີມ່າມ.
6. ການຂໍດຸອາ.
7. ໃຫ້ອ່ານສຸເຣາະຫ໌ ອັລ-ກະຫ໌ຟີ.
8. ຂ້ອຍກ່າວສໍລະວາດ ຕໍ່ທ່ານນະບີ ມຸຮຳຫມັດ ຊໍລລັລລໍຮຸ ອະໄລຮິ ວະສັລລຳ .
ຫົກ : ຂໍ້ຫ້າມສຳລັບຜູ້ທີ່ເຂົ້າຮ່ວມລະຫມາດວັນສຸກ:
1. ເປັນສິ່ງຕ້ອງຫ້າມໃນການເວົ້າ ຂະນະທີ່ອິມາມກຳລັງກ່າວຄຸຕບະຫ໌ໃນວັນສຸກ, ດັງທີ່ທ່ານນະບີໄດ້ກ່າວວ່າ: «ຫາກເຈົ້າກ່າວຕໍ່ເພື່ອນຂອງເຈົ້າໃນວັນສຸກວ່າ: ຈົ່ງມິດງຽບ, ຂະນະທີ່ອີມ່ຳກຳລັງກ່າວຄຸດບະຮ໌, ກໍ່ຖືວ່າເຈົ້າໄດ້ເວົ້າຈາໄຮ້ສາລະແລ້ວ» [37]. * ຄື ຄຳເວົ້າທີ່ພຽງເລັກນ້ອຍ ທີ່ເວົ້າອອກມາກໍ່ເປັນຄວາມຊົ່ວແລ້ວ. [37] ບັນທຶກໂດຍ ອັລບຸກຄໍຣີ, ເລກທີ່ (934) ແລະ ມຸສລິມ, ເລກທີ່ (851).
2. ເປັນທີ່ໜ້າລັງກຽດໃນການຍ່າງຂ້າມບ່າໄຫລ່ຂອງຜູ້ຄົນ, ຍົກເວັ້ນຫາກວ່າເປັນອີມ່ຳ, ຫຼື ຍ່າງຂ້າມໄປຫາຊ່ອງຫວ່າງທີ່ບໍ່ສາມາດໄປເຖິງໄດ້ດ້ວຍວິທີອື່ນ.
ການທັນລະຫມາດວັນສຸກ:
ຜູ້ໃດທີ່ທັນຣູກົວະພ້ອມກັບອິມາມ ໃນຣໍກະອັດທີສອງຂອງການລະຫມາດວັນສຸກ; ກໍຖືວ່າຜູ້ນັ້ນໄດ້ທັນການລະຫມາດວັນສຸກ, ແລະ ໃຫ້ລາວລະຫມາດໃຫ້ຄົບສອງຣໍກະອັດ. ແລະ ຫາກວ່າລາວບໍ່ທັນຣູກົວະໃນຣໍກະອະຫ໌ທີ່ສອງ; ຖືວ່າລາວພາດລະຫມາດຈຸມອະຫ໌, ແລະ ໃຫ້ລາວລະຫມາດຕໍ່ເປັນລະຫມາດຊູຫ໌ຣີໃຫ້ຄົບສີ່ຣໍກະອັດ. ເຊັ່ນດຽວກັນ, ຜູ້ທີ່ຂາດລະຫມາດວັນສຸກຍ້ອນການນອນຫຼັບ ຫຼື ສາເຫດອື່ນ, ກໍໃຫ້ລາວລະຫມາດຊູຫ໌ຣີ.
ຂໍ້ທີ່ສິບຫ້າ: ລະຫມາດຂອງຜູ້ທີ່ມີຂໍ້ອະນຸໂລມ:
ປະເພດທີ່ 1 : ການລະມາດຂອງຜູ້ເຈັບເປັນ ບໍ່ສະບາຍ:
ໜຶ່ງ : ຈຳເປັນ (ວາຈີບ) ທີ່ຜູ້ເຈັບເປັນຈະຕ້ອງລະຫມາດເທົ່າທີ່ມີຄວາມສາມາດ, ແລະ ບໍ່ເປັນທີ່ອະນຸຍາດໃຫ້ລາວຊັກຊ້າເກີນເວລາ ຕາບໃດທີ່ສະຕິປັນຍາຂອງລາວຍັງຄົບຖ້ວນຢູ່.
ສອງ: ຜູ້ເຈັບປ່ວຍ ລາວຈະລະຫມາດແນວໃດ?
1. ຜູ້ປ່ວຍຈຳເປັນຕ້ອງລະຫມາດໃນທ່າຢືນ, ໂຄ້ງຕົວ ແລະ ກົມກາບ, ຖ້າຫາກວ່າລາວສາມາດຢືນໄດ້ໂດຍບໍ່ມີຄວາມລຳບາກ ຫຼື ຄວາມເສຍຫາຍ.
2. ຖ້າຫາກວ່າການຣູກົວະ ຫຼື ສຸຈູດເປັນການລຳບາກ ແຕ່ຍັງສາມາດຢືນໄດ້; ໃຫ້ໂຄ້ງຕົວລົງເລັກນ້ອຍແທນການຣູກົວະໃນທ່າຢືນ, ແລະ ໃຫ້ນັ່ງລົງເພື່ອໂຄ້ງຕົວໃຫ້ຕໍ່າກວ່າແທນການສຸຈູດ.
3. ຫາກບໍ່ສາມາດລະໝາດໃນສະພາບທີ່ຢືນ; ກໍ່ໃຫ້ນັ່ງລະຫມາດ, ສຸນນະຫ໌ຄືໃຫ້ນັ່ງຂັດສະມາທິແທນການຢືນ, ໃຫ້ໂຄ້ງຕົວລົງເພື່ອຣູກົວະ, ແລະໃຫ້ສຸຈູດລົງພື້ນຫາກເປັນການສະດວກ, ຖ້າບໍ່ດັ່ງນັ້ນກໍ່ໃຫ້ໂຄ້ງຕົວລົງເພື່ອສຸຈູດ ໂດຍໃຫ້ໂຄ້ງຕ່ຳກວ່າການຣູກົວະ.
4. ຫາກບໍ່ສາມາດທີ່ຈະລະໝາດນັ່ງໄດ້, ກໍ່ໃຫ້ລະໝາດບົນສີຂ້າງ ແລະ ຫັນໜ້າໄປທາງກິບລະຫ໌, ແລະ ການນອນຕະແຄງເບື້ອງຂວາແມ່ນປະເສີດກວ່າຖ້າຫາກສະດວກ, ແລະໃຫ້ໂອ້ມຕົວສຳລັບການຣູກົວະ ແລະ ການສຸຈູດ.
5. ຫາກບໍ່ສາມາດທີ່ຈະລະໝາດບົນສີຂ້າງໄດ້ ກໍ່ໃຫ້ລະໝາດໃນສະພາບນອນຫງາຍ ໂດຍໃຫ້ຂາທັງສອງຫັນໄປທາງກິບລະຫ໌ ແລະ ໃຫ້ສະແດງທ່າທາງສຳລັບການຣູກົວະ ແລະ ສຸຍູດ.
6. ຖ້າຫາກບໍ່ສາມາດສະແດງທ່າທາງດ້ວຍຮ່າງກາຍໃນການຣູກົວະ ແລະ ສຸຢູດໄດ້ ກໍ່ໃຫ້ສະແດງທ່າທາງດ້ວຍຫົວແທນ. ຖ້າຫາກເປັນການລຳບາກ ກໍ່ໃຫ້ຍົກເວັ້ນການສະແດງທ່າທາງ, ແລະໃຫ້ດຳເນີນການກະທຳຕ່າງໆ ຂອງການລະຫມາດຢູ່ໃນຫົວໃຈ, ໂດຍຕັ້ງເຈດຕະນາເຖິງການກະທຳຕ່າງໆ ເຊັ່ນ: ການຣູກົວະ, ການສຸຢູດ ແລະ ການນັ່ງ ໃນຂະນະທີ່ຕົນຍັງຢູ່ໃນສະພາບເດີມ, ແລະໃຫ້ກ່າວຄຳຊິກຣ໌ຕ່າງໆ ຂອງມັນ.
7. ຜູ້ເຈັບປ່ວຍ ໃຫ້ປະຕິບັດເງື່ອນໄຂຂອງການລະຫມາດເທົ່າທີ່ຕົນມີຄວາມສາມາດ, ເຊັ່ນ: ການຜິນຫນ້າໄປທາງກິບລັດ, ການອາບນ້ຳລະມາດ, ຫຼື ເຮັດຕະຢັມມຸມ ເມື່ອບໍ່ສາມາດ, ແລະ ການຊຳລະລ້າງສິ່ງທີ່ສົກກະປົກ. ຖ້າຫາກບໍ່ສາມາດປະຕິບັດສິ່ງໃດຈາກສິ່ງທີ່ກ່າວມານັ້ນ ກໍ່ຖືກຍົກເວັ້ນໃຫ້, ແລະ ໃຫ້ລະຫມາດໄປຕາມສະພາບຂອງຕົນ, ແລະ ບໍ່ໃຫ້ເລື່ອນການລະມາດອອກຈາກເວລາຂອງມັນ.
8. ແບບຢ່າງສຳລັບຜູ້ປ່ວຍແມ່ນໃຫ້ນັ່ງຂັດສະມາທິແທນການຢືນ ແລະ ການໂຄ້ງຕົວ, ແລະ ໃຫ້ນັ່ງທັບຕີນຊ້າຍໃນທ່າອື່ນໆ.
ປະເພດທີ່ 2 : ລະຫມາດຂອງຜູ້ເດິນທາງ:
1- ໜຶ່ງໃນຜູ້ທີ່ໄດ້ຮັບການຜ່ອນຜັນຄື ຜູ້ເດິນທາງ, ເຊິ່ງມີຂໍ້ບັນຍັດໃຫ້ຫຍໍ້ລະຫມາດປະເພດສີ່ຣໍກະອັດ ຈາກສີ່ຣໍກະອັດລົງມາເຫຼືອສອງຣໍກະອັດ. ຈາກຄຳຕຣັັດຂອງອັລລໍຫ໌: (ແລະເມື່ອພວກເຈົ້າເດີນທາງບົນແຜ່ນດິນ ກໍ່ບໍ່ເປັນບາບໃດໆ ແກ່ພວກເຈົ້າທີ່ຈະຫຍໍ້ການລະຫມາດລົງ...) [ສູເຣາະຫ໌ ນິຊາ: 101].
ແລະ ລາຍງານຈາກທ່ານອະນັສ ບິນ ມາລິກ ຣໍດີຍັລລໍຮຸ ອັນຮຸ ກ່າວວ່າ: «ພວກເຮົາໄດ້ອອກເດີນທາງກັບທ່ານນະບີ ຊໍລລັລລໍຮຸ ອະໄລຮິ ວະສັລລຳ ຈາກນະຄອນມະດີນະຫ໌ ໄປຍັງນະຄອນມັກກະຫ໌, ທ່ານໄດ້ລະຫມາດສອງຣໍກະອັດ ສອງຣໍກະອັດ, ຈົນກະທັ້ງພວກເຮົາໄດ້ກັບຄືນມາຍັງນະຄອນມະດີນະຫ໌» [38]. [38] ບັນທຶກໂດຍ ອັລບຸກຄໍຣີ, ເລກທີ່ (1081) ແລະ ມຸສລິມ, ເລກທີ່ (693).
ການຫຍໍ້ລະຫມາດຈະເລີ່ມຕົ້ນຂຶ້ນ ເມື່ອຜູ້ເດີນທາງໄດ້ອອກຈາກເຂດຊຸມຊົນໃນເມືອງຂອງຕົນ; ເນື່ອງຈາກວ່າອັລລໍຫ໌ໄດ້ຊົງອະນຸຍາດໃຫ້ມີການຫຍໍ້ລະຫມາດແກ່ຜູ້ທີ່ເດີນທາງໃນຜືນແຜ່ນດິນ. ກ່ອນການອອກຈາກເມືອງຂອງລາວ, ລາວຈະຍັງບໍ່ຢູ່ໃນສະຖານະຂອງຜູ້ເດິນທາງ, ເພາະວ່າທ່ານນະບີ ຊໍລລັລລໍຮຸ ອະໄລຮິ ວະສັລລຳ ຈະຫຍໍ້ລະຫມາດກໍ່ຕໍ່ເມື່ອທ່ານໄດ້ອອກເດິນທາງແລ້ວ.
2- ໄລຍະທາງທີ່ອະນຸຍາດໃຫ້ຜູ້ເດິນທາງສາມາດຫຍໍ້ການລະຫມາດໄດ້ ແມ່ນປະມານແປດສິບກິໂລແມັດ.
3- ຜູ້ເດີນທາງໃຫ້ລະຫມາດຫຍໍ້ໃນການເດີນທາງກັບຄືນ ຈົນກວ່າຈະກັບເຂົ້າສູ່ບ້ານເມືອງຂອງຕົນທີ່ໄດ້ອອກເດີນທາງມາ.
4- ເມື່ອຜູ້ເດິນທາງມາຮອດເມືອງໃດໜຶ່ງ ແລະ ຕັ້ງໃຈທີ່ຈະພຳນັກຢູ່ທີ່ນັ້ນ, ລາວຈະມີຢູ່ສາມກໍລະນີຄື:
ກ) ຕັ້ງເຈດຕະນາທີ່ຈະພັກເຊົ່າເປັນເວລາຫຼາຍກວ່າສີ່ມື້; ລາວຈຳເປັນຕ້ອງລະຫມາດມາດເຕັມ (ບໍ່ຫຍໍ້) ນັບຕັ້ງແຕ່ມື້ທຳອິດທີ່ໄດ້ເຂົ້າພັກ, ແລະ ບໍ່ໄດ້ຮັບອະນຸຍາດໃຫ້ນຳໃຊ້ຂໍ້ຜ່ອນຜັນຕ່າງໆ ຂອງການເດີນທາງ.
ຂ) ໃຫ້ມີເຈດຕະນາພັກເຊົ່າເປັນເວລາສີ່ມື້ ຫຼື ໜ້ອຍກວ່າ; ອະນຸຍາດໃຫ້ລາວເຮັດການລະຫມາດແບບຫຍໍ້ ແລະ ນຳໃຊ້ຂໍ້ຜ່ອນຜັນຕ່າງໆ ຂອງການເດິນທາງ.
ຄ) ບໍ່ໄດ້ຕັ້ງໃຈທີ່ຈະພັກເຊົາເປັນເວລາທີ່ກຳໜົດໄວ້, ແຕ່ອາດຈະພັກຢູ່ມື້ໜຶ່ງ ຫຼື ສິບມື້ ຂື້ນກັບຄວາມເໝາະສົມຂອງສະຖານທີ່, ຫຼື ມີທຸລະໃນການປິ່ນປົວ ຫຼື ການຕິດຕາມຜົນ, ແລະ ເມື່ອທຸລະຂອງລາວສຳເລັດລົງ ກໍຈະກັບຄືນສູ່ບ້ານເມືອງຂອງຕົນ. ສະນັ້ນ, ລາວຈຶ່ງສາມາດຫຍໍ້ລະຫມາດ ແລະ ປະຕິບັດຕາມຂໍ້ຜ່ອນຜັນຕ່າງໆຂອງການເດີນທາງໄດ້ ຈົນກວ່າຈະເດີນທາງກັບຄືນ, ເຖິງແມ່ນວ່າໄລຍະເວລາທີ່ລາວພັກເຊົາຈະຫຼາຍກວ່າສີ່ມື້ກໍຕາມ.
5- ຖ້າຫາກຜູ້ເດິນທາງລະຫມາດຕາມຫຼັງອິມາມຜູ້ພັກອາໄສ; ເປັນວາຢິບທີ່ລາວຕ້ອງເຮັດການລະຫມາດໃຫ້ສົມບູນ, ເຖິງແມ່ນວ່າລາວຈະທັນພຽງແຕ່ຕະຊະຫຸດສຸດທ້າຍກໍ່ຕາມ.
6- ເມື່ອຜູ້ພັກອາໄສລະຫມາດຕາມຫຼັງຜູ້ເດິນທາງທີ່ລະຫມາດແບບຫຍໍ້, ຜູ້ພັກອາໄສຈຳເປັນຕ້ອງລະຫມາດຕໍ່ໃຫ້ຄົບຖ້ວນ ຫຼັງຈາກທີ່ອີມ່າມໃຫ້ສະລາມແລ້ວ.
ຂໍ້ທີສິບຫົກ: ການລະຫມາດອີດທັ້ງສອງ
ວັນອີດ ຫຼື ວັນສະເລິມສະລອງຂອງອິສລາມນັ້ນ ແມ່ນວັນສະເລິມສະລອງທີ່ມາຈາກພຣະຜູ້ເປັນເຈົ້າ, ເຊິ່ງພຣະອົງອັລລໍຫ໌ຜູ້ຊົງສູງສົ່ງ ໄດ້ກຳໜົດບັນຫຍັດໄວ້ໃຫ້ແກ່ພວກເຂົາ, ແລະ ບໍ່ແມ່ນສິ່ງທີ່ພວກເຂົາກຳໜົດຂຶ້ນມາເອງ, ແລະ ພວກເຂົາມີພຽງສອງວັນອີດເທົ່ານັ້ນ ຄື: ອີດຸລ-ຟິຕຣີ ແລະ ວັນອີດຸລອັດຮາ. ເຊິ່ງແຕກຕ່າງຈາກວັນສະເລິມສະລອງຂອງຕ່າງສາສະນິກ ຫຼື ວັນສະເລິມສະລອງທີ່ເປັນບິດອະຫ໌ ທີ່ພຣະເຈົ້າອັລລໍຫ໌ບໍ່ໄດ້ບັນຍັດ ແລະ ບໍ່ໄດ້ສັ່ງໃຊ້, ແຕ່ເປັນສິ່ງທີ່ພວກເຂົາບັນຍັດຂຶ້ນມາເອງ.
ຂໍ້ຕັດສິນກ່ຽວກັບການລະຫມາດສອງວັນອີດ:
ເປັນພັນທະກິດສ່ວນລວມ, ທີ່ທ່ານນະບີ ສັລລັລລໍຮຸ ອະໄລຮິ ວະສັລລຳ ໄດ້ປະຕິບັດຢ່າງສະໝໍ່າສະເໝີ, ແລະ ບັນດາຄໍລີຟະຫ໌ຜູ້ຊົງທຳ ຂໍອັລລໍຫ໌ຊົງໂປດປານພວກເຂົາທັງໝົດ ກໍໄດ້ປະຕິບັດກັນມາຢ່າງສະໝໍ່າສະເໝີເຊັ່ນກັນ. ເປັນເຄື່ອງຫມາຍ ແລະ ສັນຍາລັກຂອງສາດສະໜາທີ່ປະກົດຊັດເຈນ.
ເວລາລະຫມາດອີດ: ເລີ່ມຈາກຕາເວັນຂຶ້ນສູງປະມານຫນຶ່ງດ້າມຫອກ (ຄື: ຫຼັງຈາກຕາເວັນຂຶ້ນປະມານ 15 ນາທີ), ແລະ ສິ້ນສຸດເວລາເມື່ອຕາເວັນຄ້ອຍ.
ລັກສະນະ ແລະ ວິທີການລະຫມາດອີດທັງສອງ:
1. ໃນຣໍກະອັດທຳອິດ ໃຫ້ກ່າວຕັກບີຣະຕຸລອິຫ໌ຣອມ, ຈາກນັ້ນໃຫ້ອ່ານດຸອາ ເປິດລະຫມາດ ອັລ-ອິສຕິຟຕາຫ໌, ຈາກນັ້ນໃຫ້ກ່າວຕັກບີຣອີກຫົກເທື່ອ, ໂດຍໃຫ້ຢົກມືທັງສອງຂ້າງຂຶ້ນ ພ້ອມກັບທຸກໆ ການກ່າວຕັກບີຣ, ແລະ ໃຫ້ກ່າວສັນລະເສີນຍ້ອງຍໍຕໍ່ອັລລໍຮ໌ ແລະ ກ່າວສັນລະເສີນສໍລະວາດ ຕໍ່ທ່ານນະບີ ຊໍລລັລລໍຮຸ ອະໄລຮິ ວະສັລລັມ ໃນລະຫວ່າງການກ່າວຕັກບີຣ. ຈາກນັ້ນໃຫ້ກ່າວຂໍຄວາມຄຸ້ມຄອງ ອະອູຊຸບິລລາຮ໌ ແລະ ກ່າວບິສມິລລາຮ໌, ແລ້ວຈຶ່ງເລີ່ມອ່ານ.
2. ໃນຣໍກະອັດທີ່ສອງ ໃຫ້ກ່າວຕັກບີຣຫ້າ ເທື່ອຫຼັງຈາກການກ່າວຕັກບີຣເພື່ອປ່ຽນອິລິຍະບົດ, ຈາກນັ້ນໃຫ້ກ່າວອິສຕິອາຊະຫ໌ ແລະ ບັສມະລະຫ໌ ແລ້ວຈຶ່ງເລີ່ມອ່ານ. ເປັນສຸນັດໃຫ້ອ່ານຊູເຣາະຫ໌ ອັລ-ອະອ໌ລາ ໃນຣໍກະອັດທຳອິດຫຼັງຈາກຟາຕິຮະຫ໌, ແລະ ອ່ານຊູເຣາະຫ໌ ອັລ-ຄໍຊິຍະຫ໌ ໃນຣໍກະອັດທີ່ສອງ.
3. ເມື່ອອິມ່ຳໃຫ້ສະລາມແລ້ວ; ກໍ່ໃຫ້ຂຶ້ນມິນບັຣ, ແລ້ວຂຶ້ນຄຸດບະຫ໌ທັ້ງສອງ, ແລະ ໃຫ້ນັ່ງລະຫວ່າງຄຸດບະຫ໌ທັງສອງນ້ອຍໜຶ່ງ, ຄືກັບທີ່ປະຕິບັດໃນຄຸດບະຫ໌ວັນສຸກ.
ບັນດາສຸນນະຫ໌ໃນວັນອີດ:
ກ- ການອາບນ້ຳຊຳລະຮ່າງກາຍ.
ຂ- ເຮັດຄວາມສະອາດງາມຕາ ແລະ ໃສ່ນ້ຳຫອມ.
ຄ- ການກິນກ່ອນອອກໄປໃນວັນອີດຸລ-ຟິຕຣີ, ແລະ ໃນວັນອີດຸລອັດຮາ ຈາກຊິ້ນສັດອຸດຮິຍະຫ໌ຂອງຕົນ ຖ້າຫາກວ່າມີ.
ງ- ໃຫ້ຍ່າງອອກໄປລະຫມາດ.
ຈ- ຕອນໄປໃຫ້ຍ່າງຈາກເສັ້ນທາງໜຶ່ງ, ແລະ ຕອນກັບໃຫ້ຍ່າງອີກເສັ້ນທາງໜຶ່ງ.
ສ- ໃຫ້ຝ້າວໄປມຸສໍລາຕັ້ງແຕ່ເນິ່ນໆ ສະເພາະມະອ໌ມູມ, ບໍ່ແມ່ນອີມ່າມ.
ການກ່າວຕັກບິຣ:
ການກ່າວຕັກບິຣເປັນຊຸນນະຫ໌ໃນຄ່ຳຄືນຂອງວັນອິດທັງສອງ, ສິບວັນທຳອິດຂອງເດືອນຊຸລຫິຈຍະຫ໌, ແລະ ບັນດາວັນອັຕຕັຊຣີກ, ແລະ ມີຢູ່ສອງປະເພດ:
ປະເພດທີໜຶ່ງ: ການກ່າວຕັກບີຣໂດຍທົ່ວໄປ: ຄືການກ່າວທີ່ບໍ່ໄດ້ຖືກຈຳກັດດ້ວຍເວລາທີ່ກຳນົດໄວ້.
1- ໃນວັນອີດຟິຕຣີ: ຕັ້ງແຕ່ຕາເວັນຕົກດິນໃນຄືນວັນອີດ ຈົນເຖິງການເລີ່ມລະມາດອີດ.
2- ໃນການອຸດຫິຍະຫ໌: ຈາກຕາເວັນຕົກດິນຄືນວັນທີ 1 ເດືອນຊຸລຫິຈຍະຮ໌ ຈົນເຖິງຕາເວັນຕົກດິນຂອງວັນສຸດທ້າຍຂອງບັນດາວັນອັດ-ຕັຊຣີກ.
ປະເພດທີສອງ: ຕັກບິຣ ອັລ-ມຸກໍຢັດ: ເຊິ່ງເປັນການກ່າວທີ່ຖືກກຳນົດໄວ້ສະເພາະຫຼັງຈາກການລະຫມາດຟັຣດູ.
1- ຜູ້ທີ່ບໍ່ໄດ້ຄອງອິຫ໌ຣອມ: ຈາກຮຸ່ງເຊົ້າຂອງວັນອາຣໍຟະຫ໌ ຈົນເຖິງຍາມແລງຂອງວັນສຸດທ້າຍຂອງບັນດາວັນຕັຊຣີກ.
2- ຜູ້ທີ່ຄອງຜ້າອິຫ໌ຣອມ: ຈາກລະມາດດຸຫ໌ຣິຂອງວັນອີດ ຈົນເຖິງລະມາດອັດສະຣິຂອງວັນສຸດທ້າຍຂອງວັນຕັຊຣີກ.
ຂໍ້ທີ່ ສິບເຈັດ: ລະຫມາດກຸຊູຟ:
ຄວາມໝາຍຂອງຈັນທະຄາດ ແລະ ສຸລິຍະປາຄາ:
ອັລຄຸຊູຟ: ຄືການຫາຍໄປຂອງແສງດວງຈັນ ຫຼື ບາງສ່ວນຂອງມັນ ໃນຍາມກາງຄືນ.
ແລະ ສຸລິຍະປາຄາ : ແມ່ນການຫາຍໄປຂອງແສງຕາເວັນທັງໝົດ ຫຼື ບາງສ່ວນໃນເວລາກາງເວັນ.
ຂໍ້ກຳນົດກ່ຽວກັບລະຫມາດກຸຊູຟ (ສຸລິຍະຄາດ):
ເປັນສຸນນະຫ໌ທີ່ຖືກເນັ້ນຫນັກ, ເຊິ່ງການກະທຳຂອງທ່ານຣໍຊູລ ຊໍລລັລລໍຮຸ ອະໄລຮິ ວະຊັລລຳ ໄດ້ບົງຊີ້ເອົາໄວ້, ດັ່ງທີ່ທ່ານໄດ້ເຮັດການລະຫມາດເມື່ອເກີດເຫດສຸລິຍະປາຄາໃນສະໄຫມຂອງທ່ານ ﷺ, ດັ່ງທີ່ຄຳສັ່ງຂອງພຣະອົງໄດ້ຊີ້ບົ່ງບອກເຖິງກ່ຽວກັບເລື່ອງດັງກ່າວ, ແລະບັນດານັກວິຊາການກໍໄດ້ມີມະຕິເປັນເອກະສັນກັນເຖິງຄວາມຖືກຕ້ອງຕາມບົດບັນຍັດຂອງມັນ.
ເວລາຂອງການລະຫມາດມີດັ່ງນີ້:
ຕັ້ງແຕ່ເລີ່ມຕົ້ນຂອງການເກີດສຸລິຍະປາຄາ ຫຼື ຈັນທະປາຄາ ຈົນເຖິງການກັບມາແຈ້ງສະຫວ່າງ, ເຊິ່ງກໍ່ຄືການສິ້ນສຸດລົງຂອງສຸລິຍະປາຄາ ຫຼື ຈັນທະປາຄາ.
ລັກສະນະຂອງມັນມີດັ່ງນີ້:
ລະຫມາດມີສອງຣໍກະອັດ, ອ່ານສຽງດັງໃນລະຫມາດ, ແລະ ລັກສະນະຂອງມັນມີດັ່ງນີ້:
ກ. ໃຫ້ກ່າວຕັກບີຣະຕຸລອິຫ໌ຣອມ, ກ່າວດຸອາອິສຕິຟຕາຫ໌, ອິສຕິອາຊະຫ໌ ແລະ ບັສມະລະຫ໌, ແລ້ວອ່ານສູເຣາະຫ໌ ອັລ-ຟາຕິຫະຫ໌, ຈາກນັ້ນໃຫ້ອ່ານສູເຣາະຫ໌ຍາວ.
ຂ- ຕໍ່ຈາກນັ້ນໃຫ້ກົ້ມຣູກົວະຢ່າງຍາວນານ.
ຄ- ຕໍ່ຈາກນັ້ນໃຫ້ເງີຍຂຶ້ນຈາກການຣູກົວະ ພ້ອມກ່າວວ່າ: (ສະມິອັລລໍຮຸ ລິມັນ ຫະມິດະຫ໌), ຈາກນັ້ນໃຫ້ອ່ານ ສູເຣາະຫ໌ ອັລ-ຟາຕິຫະຫ໌, ແລ້ວໃຫ້ອ່ານຊູເຣາະຫ໌ທີ່ຍາວ ແຕ່ໃຫ້ສັ້ນກວ່າຄັ້ງທຳອິດ.
ງ- ແລ້ວໃຫ້ກົ້ມຣູກົວະເປັນເວລາດົນ, ແຕ່ໃຫ້ສັ້ນກວ່າການຣູກົວະຄັ້ງທຳອິດ.
ຈ- ຈາກນັ້ນໃຫ້ເງີຍຂຶ້ນຈາກການຣູກົວະ, ພ້ອມກ່າວວ່າ: “ສາມີອັລລໍຮຸ ລິມັນຮາ ມີດະຫ໌” ຄວາມໝາຍວ່າ: ອັລລໍຫ໌ຊົງໄດ້ຍິນ ສຳຫຼັບຜູ້ທີ່ສັນລະເສິນພຣະອົງ.
ສ- ຈາກນັ້ນ ກໍໃຫ້ສຸຍູດສອງຄັ້ງທີ່ຍາວນານ.
ຊ- ຈາກນັ້ນໃຫ້ລຸກຂຶ້ນສູ່ຣໍກະອັດທີ່ສອງ, ເຊິ່ງປະຕິບັດຄືກັບຣໍກະອັດທຳອິດ, ແຕ່ວ່າໃຫ້ສັ້ນກວ່າ.
ບັນດາສຸນນະຫ໌ມີດັ່ງນີ້:
ກ) ການຮຽກຮ້ອງໂດຍການກ່າວວ່າ: (ອັສ-ສໍ່ລາຕຸ ຍາມິອະຮ໌).
ຂ) ໃຫ້ລະຫມາດເປັນຈະມາອະຫ໌.
ຄ) ການຍືດເວລາການຢືນ, ການໂຄ້ງຕົວ ແລະ ການກົມກາບໃນການລະຫມາດ.
ງ) ໃຫ້ຣໍກະອັດທີ່ສອງສັ້ນກວ່າຣໍກະອັດທຳອິດ.
ຈ) ກ່າວຄຳຕັກເຕືອນຫຼັງຈາກນັ້ນ, ແລະ ສົ່ງເສີມໃຫ້ປະຕິບັດການເຊື່ອຟັງ ແລະ ລະເວັ້ນຈາກສິ່ງທີ່ຊົ່ວຮ້າຍ.
ການຂໍດຸອາຢ່າງນອບນ້ອມ, ການກ່າວອິສຕິກຟາຣ໌ ແລະ ການບໍລິຈາກສໍດະເກາະຫ໌ຫຼາຍໆ.
ຂໍ້ທີ່ສິບແປດ: ການລະຫມາດຂໍຝົນ (ລະຫມາດອິສຕິສກໍ)
1) ການຂໍຝົນ: ແມ່ນການຂໍຝົນຈາກອັລລໍຫ໌ ໃຫ້ພຣະອົງຊົງປະທານຝົນລົງມາໃນເວລາທີ່ເກີດຄວາມແຫ້ງແລ້ງ.
ເວລາທີ່ຖືກຕ້ອງຂອງການລະຫມາດ ອິສຕິສກໍ (ຂໍຝົນ):
ການລະຫມາດຂໍຝົນຖືກບັນຍັດໃຫ້ປະຕິບັດ ເມື່ອແຜ່ນດິນແຫ້ງແລ້ງ, ຝົນບໍ່ຕົກ, ແລະ ເກີດຄວາມເສຍຫາຍຈາກການຂາດຝົນ, ດັ່ງນັ້ນ ບໍ່ມີທາງອອກອື່ນໃດ ນອກຈາກການວິ້ງວອນຂໍຕໍ່ພຣະຜູ້ເປັນເຈົ້າຂອງພວກເຂົາ, ຂໍຝົນຈາກພຣະອົງ ແລະ ຂໍຄວາມຊ່ວຍເຫຼືອຈາກພຣະອົງດ້ວຍຮູບແບບຕ່າງໆ ຂອງການນອບນ້ອມຖ່ອມຕົນ.
ກ- ການລະມາດຈະມາອະ, ຫຼື ລະມາດຄົນດຽວ.
ຂ- ແລະ ບາງຄັ້ງກໍດ້ວຍການຂໍດຸອາໃນຄຸດບະຫ໌ວັນສຸກ, ໂດຍທີ່ຄໍຕີບຂໍດຸອາ ແລະ ບັນດາມຸສລິມກໍກ່າວອາມີນຮັບ.
ຄ- ແລະ ບາງຄັ້ງກໍແມ່ນການຂໍດຸອາໃນເວລາໃດກໍໄດ້, ໂດຍບໍ່ມີການລະຫມາດ ແລະ ບໍ່ມີຄຸຕບະຫ໌.
ຂໍ້ກຳນົດວ່າດ້ວຍການລະຫມາດຂໍຝົນ:
ສຸນນະຫ໌ທີ່ຖືກເນັ້ນໜັກເມື່ອມີສາເຫດຂອງມັນ, ຈາກການປະຕິບັດຂອງທ່ານນະບີ ﷺ, ໂດຍມີຫະດິຊ: ລາຍງານຈາກ ອັບດຸລລໍຮ໌ ບິນ ໄຊດ໌ ຣໍດິຍັລລໍຮຸ ອັນຮຸ ໄດ້ກ່າວວ່າ: « ທ່ານນະບີ ຊັລລັລລໍຫຸ ອະໄລຮິ ວະສັລລັມ ໄດ້ອອກໄປຍັງສະຖານທີ່ລະຫມາດ, ແລ້ວໄດ້ລະຫມາດຂໍຝົນ, ແລະ ໄດ້ຜິນຫນ້າໄປທາງກິບລັດ, ແລະ ໄດ້ປີ້ນເສື້ອຄຸມຂອງເພິ່ນ, ແລະ ໄດ້ລະຫມາດສອງຣໍກະອັດ » [39]. [39] ບັນທຶກໂດຍ ອັລບຸກຄໍຣີ, ເລກທີ່ (1012) ແລະ ມຸສລິມ, ເລກທີ່ (894).
ລັກສະນະ ແລະ ວິທີການລະມາດອິສຕິສກໍ:
ລັກສະນະການລະມາດອິສຕິສກໍ ໃນສະຖານທີ່ຂອງມັນ ຄືກັບການລະມາດອີດ. ເປັນທີ່ສົ່ງເສີມໃຫ້ປະຕິບັດການລະຫມາດນີ້ຢູ່ທີ່ສະຖານທີ່ລະຫມາດ ເຊັ່ນດຽວກັບການລະຫມາດອີດ, ແລະ ຂໍ້ກຳນົດຂອງມັນກໍ່ຄືກັນກັບຂໍ້ກຳນົດຂອງການລະຫມາດອີດ; ໃນເລື່ອງຈຳນວນຣໍກະອັດ, ການອ່ານອອກສຽງດັງ, ການລະຫມາດກ່ອນການຂຶ້ນຄຸດບະຫ໌, ແລະ ການກ່າວຕັກບີຣເພີ່ມເຕີມໃນຣໍອັດທຳອິດ ແລະ ຣໍອັດທີສອງ ກ່ອນການອ່ານ. ດັ່ງທີ່ໄດ້ກ່າວຜ່ານມາແລ້ວກ່ຽວກັບການລະຫມາດສອງອີດ. ແລະ ໃຫ້ກ່າວຄຸດຕະບະຫ໌, ຮອບດຽວ.
ຂໍ້ທີ່ ສິບເກົ້າ : ບັນດາຂໍ້ກຳນົດກ່ຽວກັບຢະນາຊະຫ໌:
ປະການທຳອິດ: ສຳລັບຜູ້ທີ່ຢູ່ກັບຄົນທີ່ໃກ້ຈະຕາຍ:
1. ຜູ້ທີ່ຢູ່ກັບຄົນໃກ້ຈະສິ້ນໃຈ ມີຊຸນນະຫ໌ໃຫ້ສອນເຂົາກ່າວຄຳວ່າ: «ລາອິລາຮະ ອິລລັລລໍຮ໌».
2- ສຸນນັດໃຫ້ຫັນໜ້າໄປທາງກິບລະຫ໌.
3- ສົມຄວນຫຼັບຕາ.
4. ເປັນສຸນນະຫ໌ໃຫ້ເອົາຜ້າຄຸມຮ່າງຂອງຜູ້ຕາຍ (ໄມຍິດ) ຫຼັງຈາກທີ່ໄດ້ເສຍຊີວິດ.
5. ໃຫ້ຝ້າວໃນການຈັດການສົບຂອງລາວ.
6. ໃຫ້ຟ້າວຊຳລະໜີ້ສິນຂອງລາວ.
7- ຕ້ອງອາບນ້ຳໃຫ້ຜູ້ຕາຍ ແລະ ຫໍ່ກະຝັ່ນ, ເຊິ່ງທັງສອງຢ່າງນີ້ແມ່ນພັນທະສ່ວນລວມ (ຟັຣດູກິຟາຍະຫ໌).
ປະການທີ່ສອງ: ຂໍ້ບັນຍັດກ່ຽວກັບການລະມາດຈະນະຊະຫ໌ແກ່ຜູ້ຕາຍ:
ຂໍ້ກຳນົດ: ຟັຣດູກິຟາຍະຮ໌ (ພັນທະສ່ວນລວມ).
ເງື່ອນໄຂຂອງມັນມີດັງນີ້:
1. ຕ້ອງຫັນໜ້າໄປທາງກິບລະຫ໌.
2. ຕ້ອງປົກປິດຮ່າງກາຍ (ເອົາເຣາະຫ໌).
3. ຕ້ອງຫຼີກລ້ຽງສິ່ງສົກກະປົກ ນະຈິສ.
4) ຜູ້ລະຫມາດ ແລະ ໄມຍິດ ຕ້ອງສະອາດ.
5. ການເປັນມຸສລິມຂອງຜູ້ລະຫມາດ ແລະ ຜູ້ຕາຍ.
6. ເຂົ້າຮ່ວມຈະນາຊະຫ໌ ຫາກວ່າຢູ່ໃນເມືອງ.
7. ຕ້ອງເປັນຜູ້ທີ່ບັນລຸສາສະນະພາວະ.
ຫຼັກການຕ່າງໆ ມີດັງນີ້:
1) ການຢືນໃນການລະຫມາດ.
2) ການກ່າວຕັກບິຣທັ້ງສີ່.
3) ອ່ານສູເຣາະຫ໌ ອັລ-ຟາຕິຫະຫ໌.
4) ການຊໍລະວາດຕໍ່ທ່ານນະບີ ຊໍລລັລລໍຮຸ ອະໄລຮິ ວະຊັລລຳ.
5) ດຸອາໃຫ້ແກ່ຜູ້ຕາຍ.
6) ຕ້ອງເຮັດຕາມລຳດັບ.
7) ການຕັສລີມ (ການສະລາມຈົບລະຫມາດ).
ບັນດາສຸນນະຫ໌ມີດັ່ງນີ້:
1) ຍົກມືທັ້ງສອງຂຶ້ນພ້ອມທຸກໆ ການກ່າວຕັກບີຣ.
2) ການອ່ານອະອູບິລລາຫ໌.
3. ຂໍດຸອາວິງວອນໃຫ້ຕົນເອງ ແລະ ໃຫ້ຊາວມຸສລິມ.
4) ການອ່ານສຽງເບົາ (ຄ່ອຍ).
5. ໃຫ້ຢຸດຊົ່ວຄາວໜຶ່ງ ຫຼັງຈາກກ່າວຕັກບິຣຄັ້ງທີສີ່ ແລະ ກ່ອນການຕັສລີມ.
6) ວາງມືຂວາທັບມືຊ້າຍຢູ່ເທິງເອິກ.
7. ການຫັນຫົວໄປທາງຂວາ ພ້ອມກ່າວ ສະລາມ.
ລັກສະນະຂອງມັນມີດັງນີ້:
ໃຫ້ອິມ່ຳ ແລະ ມຸນຟະຣິດ ຢືນໃຫ້ກົງກັບໜ້າເອິກຂອງຜູ້ຊາຍ ແລະ ເຄິ່ງກາງຂອງຜູ້ຍິງ, ແລ້ວກ່າວ ອັລລໍຮ໌ ຮູອັກບັຣ, ແລະ ກ່າວຂໍຄວາມຄຸ້ມຄອງ, ໂດຍບໍ່ຕ້ອງກ່າວອິສຕິຟຕະຫ໌, ແລ້ວກ່າວບິສມິລລາຮ໌, ແລະ ອ່ານອັລຟາຕີຫະຮ໌.
ຈາກນັ້ນກໍ່ຕັກບິຣ ຕາມດ້ວຍການກ່າວສັນລະເສີນສໍລະວາດແກ່ທ່ານນະບີ ຊໍລລັລລໍຮຸ ອະໄລຮິ ວະສັລລັມ, ແລ້ວກໍ່ຕັກບິຣ, ແລະຂໍດູອາໃຫ້ແກ່ຜູ້ຕາຍຕາມທີ່ມີລາຍງານໄວ້; ດັ່ງເຊັ່ນ ຄຳກ່າວຂອງທ່ານ ﷺ: (ຄຳອ່ານ : ອັລລໍຮຸມ ມັກຟິຣ ລິໄຮຍິນາ ວະໄມຍິຕະນາ, ວະຊໍກີຣໍນະ ວະກາບີຣໍນາ, ວະຊະກາຣໍນາ ວະອຸນຊານາ, ວະຊາຮິດະນາ ວະກໍອິບິນາ, ອັລລໍຮຸມມະ ມັນອະຫຼໄຍ ຕະຮຸມິນນາ ຟະອະຫຼຍິຮີ ອະລັລອີມານ, ວະມັນ ຕະວັຟໄຟຕະຮຸ ມິນນາ ຟະຕະວັຟຮຸ ອະລັລອິສລາມ, ອັລລໍຮຸມມະ ລາຕະຫ໌ຣິມນາ ອັຈຈະຣໍຮຸ, ວະລາຕຸດິລ ລະນາບະດາຮຸ). «ໂອ້ ອັລລໍຮ໌ ຂໍພຣະອົງໄດ້ຊົງອະໄພໂທດຕໍ່ຜູ້ມີຊີວິດຂອງເຮົາ ຕໍ່ຜູ້ທີ່ຕາຍຂອງເຮົາ, ເດັກ ໆ ຂອງເຮົາ ແລະຜູ້ໃຫຍ່ຂອງເຮົາ, ບັນດາຊາຍຂອງເຮົາ ແລະບັນດາຍິງຂອງເຮົາ, ຜູ້ທີ່ຢູ່ ນະຈຸດນີ້ ແລະຜູ້ທີ່ບໍ່ໄດ້ຢູ່ນະຈຸດນີ້, ໂອ້ ອັລລໍຮ໌ ຜູ້ໃດທີ່ພຣະອົງໃຫ້ເຂົາມີຊີວິດຢູ່ໃນກຸ່ມພວກເຮົາ ຂໍໃຫ້ພຣະອົງຊົງໄດ້ໃຫ້ເຂົາມີຊີວິດຢູ່ໃນອີມານ, ແລະ ຜູ້ໃດທີ່ພຣະອົງຊົງໃຫ້ເຂົາຕາຍໄປຈາກພວກເຮົາ ກໍຂໍໃຫ້ເຮັດໃຫ້ເຂົາຕາຍຢູ່ໃນອິສລາມ, ໂອ້ ອັລລໍຮ໌ ຂໍພຣະອົງຊົງຢ່າໄດ້ເຮັດໃຫ້ຜົນລາງວັນຂອງເຂົາເປັນທີ່ຫ່ວງຫ້າມແກ່ເຮົາ, ແລະ ຊົງໂປດຢ່າໃຫ້ເຮົາຫລົງຜິດຫລັງຈາກເຂົາ» [40]. [40] ບັນທຶກໂດຍທ່ານອາບຸດາວູດ ເລກທີ (3201), ແລະ ທີ່ຕິຣມີຊີ ເລກທີ (1024), ແລະກ່າວວ່າ: ຮະດິຊ ຮະຊັນ ຊໍຮິຫ໌.
ແລະ ດຳລັດຂອງພຣະອົງທີ່ວ່າ : ອັລລໍຮຸມມັນຟິຣລະຮູ ວັຣຮັມຮຸ, ວະ ອາຟິຮິ ວະຟຸອັນຮຸ, ວະອັກຣິມ ນຸຊຸລະຮູ, ວະວັສສິອຸ ມຸດຄໍລະຮູ, ວັນສິລຮຸ ບິລມາອິ ວັສຊັລຈິ ວັລບະຣ໊ອດ,ວະນັກກິຮິ ມິນັລ ຄໍຕໍຢາ ກະມາ ຢຸນັກກ໊ອຕເສົາບັລ ອັບຍະດຸ ມີນັດດະນັສ, ວະອັບດິລຮຸ ດາຣ໊ອນ ຄ໊ອຍຣອນ ມິນດາຣິຮີ, ວະ ອະລັນ ຄ໊ອຍຣອນ ມິນ ອະລິຮິ, ວະເຊົາຈັນ ຄ໊ອນຣອນ ມິນເຊົາຈິຮີ ວະ ອັດດີລຮຸລ ຈັນນະຫ໌ ,ວະ ອະອິຊຮຸ ມິນ ອະຊາບ ບິລກ໊ອບຣິ ວະ ມິນອະຊາບິນນາຣ, ວັຟຊະລະຮູ ຟີ ກ໊ອບຣິຮີ, ວະເນົາວິຣ ລະຮູ ຟີຮິ, «ໂອ້ ອັລລໍຮ໌ ຂໍພຣະອົງຊົງອະໄພໂທດແກ່ເຂົາ ແລະຊົງເມດຕາເຂົາ, ແລະຊົງຄຸ້ມຄອງເຂົາ ແລະຊົງອະໄພຍະໂທດແກ່ເຂົາ, ແລະຊົງໃຫ້ກຽດແກ່ທີ່ພັກຂອງເຂົາ, ແລະຊົງເຮັດໃຫ້ທາງເຂົ້າຂອງເຂົາກວ້າງ, ແລະຊົງໂປດຊຳລະລ້າງເຂົາໂດຍນ້ຳ ຫິມະ ແລະ ລູກຫມາກເຫັບ, ແລະຊົງຊຳລະລ້າງເຂົາຈາກຄວາມຜິດທັງຫຼາຍ ເຊັ່ນດັ່ງທີ່ພຣະອົງຊົງຊຳລະລ້າງຜ້າຂາວໃຫ້ສະອາດຈາກສິ່ງເປິເປື້ອນ, ແລະຊົງປ່ຽນໃຫ້ແກ່ເຂົາເຊິ່ງທີ່ອາໄສທີ່ດີກວ່າບ້ານຂອງເຂົາ, ແລະຄອບຄົວທີ່ດີກວ່າຄອບຄົວເຂົາ, ແລະຄູ່ຄອງທີ່ດີກວ່າຄູ່ຄອງຂອງເຂົາ, ແລະຊົງເຮັດໃຫ້ເຂົາເຂົ້າສວນສະຫວັນ, ແລະຊົງປົກປ້ອງເຂົາຈາກການລົງໂທດໃນລຸ່ມຝັງສົບ, ແລະຈາກການລົງໂທດແຫ່ງໄຟນາລົກ» [41]. ຈາກນັ້ນກໍໃຫ້ຕັກບິຣ, ແລະ ຢືນຢູ່ເລັກນ້ອຍ, ແລ້ວຈຶ່ງໃຫ້ສະລາມທາງຂວາເທື່ອດຽວ. [41] ບັນທຶກໂດຍທ່ານມຸສລິມ ເລກທີ (962).
ຫົວຂໍ້ທີ່ສາມ: ຊະກາດ:
1- ນິຍາມຂອງຊະກາດ ແລະ ສະຖານະຂອງມັນ:
ຊະກາດ ທາງດ້ານພາສາ: ການຈະເລີນງອກງາມ ແລະ ການເພີ່ມພູນ.
ຊະກາດ : ຕາມຄວາມໝາຍໃນທາງສາສະໜາ ແມ່ນສິດທິທີ່ເປັນພາກບັງຄັບຕາມບົດບັນຍັດສາສະໜາ ໃນຊັບສິນທີ່ຖືກກຳນົດ ເພື່ອມອບໃຫ້ແກ່ກຸ່ມຄົນສະເພາະ.
ແລະ ມັນເປັນຫຼັກການປະການທີສາມຂອງສາສະໜາອິດສະລາມ, ແລະມັນໄດ້ຖືກກ່າວໄວ້ຄຽງຄູ່ກັບການລະຫມາດໃນຄຳພີອັນກຸຣອານເຖິງ 82 ແຫ່ງ, ເຊິ່ງເປັນສິ່ງທີ່ບົ່ງບອກເຖິງຄວາມຍິ່ງໃຫຍ່ ແລະ ຄວາມສຳຄັນຂອງມັນ.
ອັລລໍຫ໌ໄດ້ກ່າວວ່າ : ຄວາມວ່າ: (ແລະ ພວກເຈົ້າຈົ່ງດຳລົງໄວ້ເຊິ່ງການລະຫມາດ ແລະ ຈ່າຍຊະກາດ...) [ສູເຣາະຫ໌ ອັລ-ບາກໍເຣາະຫ໌: 43].
ແລະ ທ່ານນາບີ ﷺ ກ່າວວ່າ: «ຮາກຖານຂອງອິສລາມຢູ່ເທິງ ຫ້າ ປະການ: ຄືການປະຕິຍານວ່າ ບໍ່ມີພຣະເຈົ້າອື່ນໃດນອກຈາກອັລລໍຫ໌ ແລະ ມຸຮຳມັດເປັນສາສະນະທູດຂອງອັລລໍຫ໌, ດຳລົງໄວ້ເຊິ່ງການລະຫມາດ, ການຈ່າຍສະກາດ, ການປະກອບພິທິຮັຈຫ໌, ແລະ ການຖືສິນອົດໃນເດືອນຣໍມະດອນ» [42]. [42] ບັນທຶກໂດຍ ອັລບຸກຄໍຣີ, ເລກທີ່ (8) ແລະ ມຸສລິມ, ເລກທີ່ (111).
ແລະ ຊາວມຸດສະລິມເຫັນດີກັບການເປັນຟັຣດູຂອງມັນ, ແລະ ການປະຕິເສດການເປັນຂໍ້ບັງຄັບຂອງມັນ ເທົ່າກັບການປະຕິເສດສັດທາ. ແລະ ໃຫ້ຕໍ່ສູ້ກັບຜູ້ທີ່ຂັດຂືນບໍ່ຍອມຈ່າຍມັນອອກໄປ.
2- ເງື່ອນໄຂສຳຫຼັບຜູ້ທີ່ຈຳເປັນຕ້ອງຊະກາດ:
ກ) ການເປັນໄທ: ບໍ່ຈຳເປັນເໜືອບ່າວ ຜູ້ເປັນທາສ; ເພາະວ່າລາວບໍ່ມີຊັບສົມບັດ, ແລະ ສິ່ງທີ່ຢູ່ໃນການຄອບຄອງຂອງລາວກໍເປັນກຳມະສິດຂອງນາຍຂອງລາວ, ດັ່ງນັ້ນ ຊະກາດຂອງລາວຈຶ່ງເປັນໜ້າທີ່ຂອງນາຍຂອງລາວ.
ຂ) ຕ້ອງເປັນມຸສລິມ: ຈຶ່ງບໍ່ເປັນວາຢິບຕໍ່ຄົນກາຟິີຣ; ເນື່ອງຈາກວ່າມັນເປັນການອິບາດະຫ໌ ແລະ ການຕໍອັດ, ແລະ ຄົນກາຟິີຣບໍ່ແມ່ນຜູ້ທີ່ຢູ່ໃນເງື່ອນໄຂຂອງການກະທຳດັ່ງກ່າວ.
ຄ) ການຄອບຄອງນິຊອບ: ບໍ່ຈຳເປັນຕ້ອງຈ່າຍຊະກາດໃນຊັບສິນທີ່ຕໍ່າກວ່ານິຊອບ, ເຊິ່ງມັນຄືຈຳນວນຊັບສິນທີ່ຖືກກຳນົດໄວ້.
ງ) ການມີກຳມະສິດຄອບຄອງຢ່າງສົມບູນ: ຄືການທີ່ສັບສິນນັ້ນເປັນກຳມະສິດຂອງບຸກຄົນຢ່າງສົມບູນຄົບຖ້ວນ, ສະນັ້ນ ບໍ່ມີການຈ່າຍຊະກາດໃນສັບສິນທີ່ກຳມະສິດຍັງບໍ່ຄົງທີ່, ເຊັ່ນ: ໜີ້ສິນກິຕາບະຫ໌.
ຈ) ການຄົບຮອບປີຂອງຊັບສົມບັດ: ຈາກຫະດິຊຂອງທ່ານນາງ ອາອີຊະຫ໌ ຣໍດິຍັລລໍຮຸ ອັນຮາ ທີ່ໄດ້ລາຍງານສືບທອດຂຶ້ນໄປວ່າ: ຄວາມໝາຍວ່າ: (ບໍ່ມີຊະກາດໃນຊັບສິນ ຈົນກວ່າຈະຄົບຮອບປີ) [43]. [43] ບັນທຶກໂດຍທ່ານອິບນຸມາຈະຫ໌ ເລກທີ (1792), ແລະ ທີ່ຕິຣມີຊີ ເລກທີ (63) ແລະ (631).
3- ຊັບສົມບັດທີ່ຈຳເປັນຕ້ອງຈ່າຍຊະກາດ:
ຫນຶ່ງ: ປາສຸສັດ, ປະກອບມີ: ອູດ, ງົວ ແລະ ແບ້, ເຊິ່ງການຈ່າຍຊາກາດສຳລັບສັດເຫຼົ່ານີ້ແມ່ນມີເງື່ອນໄຂບັງຄັບ 2 ປະການຄື:
1. ຖືກລ້ຽງໄວ້ເພື່ອການຜະລິດນ້ຳນົມ ແລະ ການຂະຫຍາຍສາຍພັນ, ບໍ່ແມ່ນເພື່ອໃຊ້ແຮງງານ.
2. ຕ້ອງເປັນ ຊາອີມະຫ໌ (ຄື: ສັດທີ່ລ້ຽງແບບປ່ອຍໃຫ້ຫາກິນເອງ) ຊະກາດ ບໍ່ຖືກກຳນົດໃຫ້ຈ່າຍສຳລັບສັດລ້ຽງທີ່ຖືກລ້ຽງດ້ວຍອາຫານສັດທີ່ເຈົ້າຂອງຊື້ມາໃຫ້, ຫຼື ເກັບກ່ຽວມາຈາກທົ່ງຫຍ້າ ຫຼື ຈາກແຫຼ່ງອື່ນໆ. ບໍ່ຕ້ອງຈ່າຍຊະກາດສຳລັບສັດລ້ຽງທີ່ກິນຫຍ້າຕາມທຳມະຊາດພຽງບາງສ່ວນຂອງປີ, ບໍ່ແມ່ນຕະຫຼອດທັງປີ ຫຼື ສ່ວນຫຼາຍຂອງປີ.
4- ອັດຕາກຳນົດຂັ້ນຕ່ຳຂອງປະສຸສັດທີ່ຕ້ອງຈ່າຍຊະກາດ:
1- ຊະກາດອູດ:
ຖ້າຫາກວ່າເງື່ອນໄຂຄົບຖ້ວນ; ໃນທຸກໆ ອູດຫ້າໂຕແມ່ນຕ້ອງຈ່າຍແບ້ໜຶ່ງໂຕ, ໃນສິບໂຕແມ່ນແບ້ສອງໂຕ, ໃນສິບຫ້າໂຕແມ່ນແບ້ສາມໂຕ, ແລະ ໃນຊາວໂຕແມ່ນແບ້ສີ່ໂຕ, ດັ່ງທີ່ມີບອກໄວ້ໃນຊຸນນະຫ໌ ແລະ ອິຈມາອ໌. ຫາກຈຳນວນຂອງມັນຄົບຊາວຫ້າໂຕ, ກໍ່ໃຫ້ອອກຊະກາດເປັນ ບິນຕຸ ມະຄໍສ, ເຊິ່ງແມ່ນອູດໂຕແມ່ທີ່ມີອາຍຸຄົບຫນຶ່ງປີ ແລະ ໄດ້ກ້າວເຂົ້າສູ່ປີທີສອງ, ຫາກບໍ່ມີໂຕດັ່ງກ່າວ, ກໍ່ສາມາດອອກເປັນ ອິບນຸ ລະບູນ ແທນໄດ້.
ແລະ ເມື່ອອູດມີຈຳນວນຮອດສາມສິບຫົກໂຕ; ກໍ່ຈຳເປັນຕ້ອງຈ່າຍ ບິນຕຸ ລະບູນ, ເຊິ່ງກໍ່ຄື: ອູດໂຕເມຍທີ່ມີອາຍຸຄົບສອງປີ.
ເມື່ອຈຳນວນຂອງມັນຮອດສີ່ສິບຫົກໂຕ; ກໍຈຳເປັນຕ້ອງຈ່າຍຊະກາດເປັນ ຮິກເກາະ, ເຊິ່ງແມ່ນອູດໂຕເມຍທີ່ຄົບກຳນົດສາມປີ.
ເມື່ອຈຳນວນອູດຮອດຫົກສິບເອັດໂຕ; ຈະຖືກກຳນົດໃຫ້ຈ່າຍຊາກາດເປັນ ຈັຊອະຫ໌, ເຊິ່ງແມ່ນອູດໂຕເມຍທີ່ມີອາຍຸຄົບສີ່ປີ.
ສະນັ້ນ, ເມື່ອຈຳນວນອູດທັງໝົດຮອດເຈັດສິບຫົກໂຕ ກໍຈຳເປັນຕ້ອງຈ່າຍບິນຕຸ ລະບູນ ສອງໂຕ.
ສະນັ້ນ, ເມື່ອອູດມີຈຳນວນຄົບເກົ້າສິບເອັດໂຕ, ກໍວາຢິບຕ້ອງໃຫ້ ຫິກເກາະ ສອງໂຕ.
ຫາກຈຳນວນອູດທັງໝົດມີເກີນ 120 ໂຕ, ກໍ່ຈຳເປັນຕ້ອງຈ່າຍຊະກາດເປັນລູກອູດເພດແມ່ອາຍຸສອງປີ ຈຳນວນສາມໂຕ. ຫຼັງຈາກນັ້ນ, ໃນທຸກໆ 40 ໂຕ ໃຫ້ຈ່າຍເປັນລູກອູດເພດແມ່ອາຍຸສອງປີໜຶ່ງໂຕ, ແລະ ໃນທຸກໆ 50 ໂຕ ໃຫ້ຈ່າຍເປັນລູກອູດເພດແມ່ອາຍຸສາມປີໜຶ່ງໂຕ.
2- ຊະກາດງົວ:
ຈະຕ້ອງໄດ້ຈ່າຍຊະກາດໃນມັນ ເມື່ອເງື່ອນໄຂຄົບຖ້ວນ ແລະ ເມື່ອມີຈຳນວນຮອດສາມສິບໂຕຄື: ຕະບີອ໌ ຫຼື ຕະບີອະຫ໌; ເຊິ່ງໝາຍເຖິງສັດທີ່ມີອາຍຸຄົບໜຶ່ງປີ ແລະ ໄດ້ກ້າວເຂົ້າສູ່ປີທີສອງ.
ແລະ ບໍ່ຈຳເປັນຕ້ອງຈ່າຍສຳລັບຈຳນວນທີ່ຕ່ຳກວ່າສາມສິບໂຕ.
ຫາກຄົບຈຳນວນສີ່ສິບໂຕ; ກໍຈຳເປັນຕ້ອງຈ່າຍງົວໂຕເມຍໂຕໜຶ່ງ, ຄື: ງົວທີ່ມີອາຍຸຄົບສອງປີ.
ຫາກຈຳນວນງົວທັງໝົດເກີນ 40 ໂຕ; ໃນທຸກໆ 30 ໂຕ ຈະຕ້ອງອອກຊະກາຕເປັນລູກງົວໂຕຜູ້ ຫຼື ໂຕແມ່ ອາຍຸຄົບໜຶ່ງປີ, ແລະ ໃນທຸກໆ 40 ໂຕ ເປັນງົວແມ່ອາຍຸຄົບສອງປີ.
3- ຊະກາດແບ້:
ເມື່ອມີແກະ ຫຼື ແບ້ລວມກັນຄົບສີ່ສິບໂຕ, ກໍໃຫ້ຈ່າຍຊາກາດເປັນໜຶ່ງໂຕ, ເຊິ່ງແມ່ນແກະໜຸ່ມ ຫຼື ແບ້ໂຕເມຍ.
ບໍ່ຕ້ອງຈ່າຍຊາກາດແບ້ ຖ້າຈຳນວນບໍ່ຮອດສີ່ສິບໂຕ. ເມື່ອຈຳນວນແບ້ທັງໝົດຮອດ 121 ໂຕ, ກໍຖືກກຳນົດໃຫ້ຈ່າຍແບ້ສອງໂຕ. ເມື່ອມີຈຳນວນຮອດ 201 ໂຕ; ຈຳເປັນຕ້ອງຈ່າຍແກະສາມໂຕ.
ຫຼັງຈາກນັ້ນ, ຂໍ້ກຳນົດຂອງຊາກາດກໍຈະຄົງທີ່, ໂດຍກຳນົດໃຫ້ທຸກໆໜຶ່ງຮ້ອຍໂຕຂອງແບ້ຕ້ອງຈ່າຍໜຶ່ງໂຕ, ດັ່ງນັ້ນໃນຈຳນວນສີ່ຮ້ອຍໂຕກໍຕ້ອງຈ່າຍສີ່ໂຕ, ແລະ ຕໍ່ໆໄປເຊັ່ນນີ້.
ສອງ: ຊະກາດຂອງຜົນຜະລິດທີ່ອອກຈາກດິນ:
ສິ່ງທີ່ອອກຈາກແຜ່ນດິນມີສອງປະເພດຄື:
1. ທັນຍາພືດ ແລະ ໝາກໄມ້.
2. ແຮ່ທາດ.
ປະເພດທີ່ໜຶ່ງ: ທັນຍາພືດ ແລະ ໝາກໄມ້:
ຊະກາດຖືກກຳນົດໃຫ້ຈ່າຍສຳລັບທັນຍາພືດ ເຊັ່ນ: ເຂົ້າສາລີ, ເຂົ້າບາເລ, ແລະ ເຂົ້າສານ. ແລະໃນໝາກໄມ້; ເຊັ່ນ: ໝາກອິນທະຜາລຳ ແລະ ໝາກອະງຸ່ນແຫ້ງ, ແລະ ບໍ່ແມ່ນຂໍ້ບັງຄັບໃນພືດພັນຊະນິດອື່ນໆ; ເຊັ່ນ: ພືດຕະກຸນຖົ່ວ ແລະ ພືດຜັກ.
ເງື່ອນໄຂການຈ່າຍຊະກາດພາກບັງຄັບສຳລັບທັນຍາພືດ ແລະ ຜົນລະໄມ້:
1) ຕ້ອງເປັນສິ່ງທີ່ສາມາດເກັບຮັກສາໄວ້ໄດ້: ດັ່ງນັ້ນ, ຈຶ່ງບໍ່ມີຊະກາດສຳລັບສິ່ງທີ່ເກັບໄວ້ບໍ່ໄດ້ ເຊັ່ນ: ຜົນລະໄມ້ ແລະ ຜັກ.
2) ຕ້ອງເປັນສິ່ງທີ່ສາມາດຕວງໄດ້: ດັ່ງນັ້ນ, ບໍ່ມີຊະກາດສຳລັບສິ່ງທີ່ຂາຍໂດຍການນັບຈຳນວນ ຫຼື ການຊັ່ງນ້ຳໜັກ; ເຊັ່ນ: ໝາກໂມ, ຫົວຫອມບົ່ວ, ໝາກທັບທິມ ແລະ ອື່ນໆ.
3) ຕ້ອງຄົບພິກັດ: ຄື ຫ້າ ວະສັກ, ສ່ວນທີ່ໜ້ອຍກວ່ານັ້ນບໍ່ຕ້ອງຈ່າຍຊະກາດ.
4) ນິສອບຈະຕ້ອງເປັນກຳມະສິດໂດຍສົມບູນ ໃນເວລາທີ່ຄົບກຳນົດຈ່າຍຊະກາດ.
ດັ່ງນັ້ນ, ຜູ້ໃດທີ່ໄດ້ຄອບຄອງມັນຫຼັງຈາກທີ່ຮອດກຳນົດເວລາຈ່າຍຊະກາດແລ້ວ, ຊະກາດກໍ່ບໍ່ໄດ້ຖືກບັງຄັບໃສ່ລາວ, ເຊັ່ນດຽວກັບກໍລະນີທີ່ລາວຊື້ມັນມາ ຫຼື ໄດ້ຮັບມັນເປັນຂອງຂວັນຫຼັງຈາກການເກັບກ່ຽວແລ້ວ.
ກຳນົດເວລາທີ່ຊະກາດເປັນວາຢິບ:
ຊະກາດຖືກກຳນົດໃຫ້ຈ່າຍສຳລັບທັນຍາພືດ ແລະ ຜົນລະໄມ້ ເມື່ອມັນເລີ່ມປາກົດຄວາມສົມບູນ, ສັນຍານຂອງການເລີ່ມຕົ້ນແຫ່ງຄວາມຊອບທຳ ມີດັ່ງຕໍ່ໄປນີ້:
ກ- ໃນປະເພດເມັດພືດ: ເມື່ອມັນແຂງໂຕຂຶ້ນ, ແຂງກະດ້າງ ແລະ ກາຍເປັນເມັດແຂງ.
ຂ- ໃນໝາກອິນທະຜາລຳ: ຄືການທີ່ມັນແດງ ຫຼື ເຫຼືອງ.
ຄ - ໃນໝາກອະງຸ່ນ: ຄືການທີ່ມັນອ່ອນນຸ້ມ ແລະ ຫວານ.
ນິຊອບຂອງມັນມີດັງນີ້:
ນິຊອບຂອງທັນຍາພືດ ແລະ ໝາກໄມ້: ຫ້າ ເອົາສັກ, ແລະ ວະສັກ ເທົ່າກັບ ຫົກສິບ ສໍອັນ, ສະນັ້ນ ນິສອບ (ເກນກຳນົດ) ແມ່ນ ສາມຮ້ອຍ ສໍຼ ນະບະວີ, ເຊິ່ງເທົ່າກັບ: ປະມານ 900 ກິໂລກຣາມ.
ຈຳນວນຊະກາດພາກບັງຄັບ:
ເປັນວາຈິບຕ້ອງຈ່າຍຫນຶ່ງສ່ວນສິບ ຈາກຜົນຜະລິດທີ່ໄດ້ຮັບນ້ຳໂດຍບໍ່ມີຕົ້ນທຶນ ແລະ ບໍ່ຕ້ອງອອກແຮງງານ; ເຊັ່ນ: ຜົນຜະລິດທີ່ອາໄສນ້ຳຝົນ ແລະ ຕານ້ຳ.
ແລະ ຕ້ອງຈ່າຍຊາກາດເຄິ່ງໜຶ່ງຂອງໜຶ່ງສ່ວນສິບ ສຳລັບຜົນຜະລິດທີ່ຫົດນ້ຳໂດຍມີຕົ້ນທຶນ ແລະ ການລົງແຮງ; ເຊັ່ນ ຜົນຜະລິດທີ່ໄດ້ຮັບການຫົດນ້ຳທີ່ສູບມາຈາກບໍ່ ຫຼື ແມ່ນ້ຳ ໂດຍການໃຊ້ສັດ ຫຼື ເຄື່ອງຈັກທີ່ທັນສະໄໝ.
ປະເພດທີ່ສອງ: ແຮ່ທາດ:
ປະເພດຂອງຜົນຜະລິດທີ່ອອກຈາກດິນມີດັງນີ້: ແຮ່ທາດ, ຄື: ສິ່ງທີ່ຖືກຂຸດຄົ້ນອອກມາຈາກດິນ ທີ່ບໍ່ແມ່ນເນື້ອດິນ; ເຊັ່ນ: ຄຳ, ເງິນ, ເຫຼັກ ແລະ ເພັດພອຍ.
ເວລາຄົບກຳຫນົດຈ່າຍຊະກາດ:
ເມື່ອໄດ້ຮັບມາຄອບຄອງ ແລະ ເປັນກຳມະສິດຂອງຕົນ; ກໍ່ໃຫ້ຈ່າຍຊະກາດຂອງມັນໂດຍທັນທີ, ເພາະບໍ່ໄດ້ມີເງື່ອນໄຂວ່າຈະຕ້ອງຄົບຮອບປີ, ແລະ ຈຳນວນທີ່ກຳນົດໄວ້ຂອງມັນແມ່ນຈຳນວນດຽວກັນກັບຂອງຄຳ ແລະ ເງິນ, ແລະ ຈະຕ້ອງຈ່າຍອອກຈາກມູນຄ່າຂອງມັນໃນອັດຕາສອງຈຸດຫ້າສ່ວນຮ້ອຍ.
ສາມ: ຊະກາດທອງຄຳ ເງິນ:
ເງິນຕາຄື: ທອງຄຳ, ເງິນ ແລະ ເງິນສົດ, ແລະ ຊະກາດຂອງມັນແມ່ນເປັນພາກບັງຄັບ, ຫຼັກຖານທີ່ກ່າວອ້າງກໍ່ຄື: ຄຳກ່າວຂອງອັລລໍຫ໌: (ແລະ ບັນດາຜູ້ທີ່ສະສົມຄຳ ແລະ ເງິນໄວ້ ແລະ ບໍ່ບໍລິຈາກມັນໃນຫົນທາງຂອງອັລລໍຫ໌, ດັ່ງນັ້ນ ເຈົ້າຈົ່ງແຈ້ງຂ່າວແກ່ພວກເຂົາເຖິງການລົງໂທດອັນເຈັບປວດ) [ສູເຣາະຫ໌ ເຕົາບະຫ໌ : 34].
ແລະ ໃນຫະດິຊ: "ບໍ່ມີເຈົ້າຂອງຄຳ ແລະ ເງິນທອງຄົນໃດ ທີ່ບໍ່ໄດ້ຊຳລະສິດທິຂອງມັນ; ເວັ້ນເສຍແຕ່ເມື່ອເຖິງວັນປໍລະໂລກ(ກີຍາມະຫ໌) ມັນຈະຖືກຕີໃຫ້ເປັນແຜ່ນໄຟສຳລັບລາວ" [44]. [44] ບັນທຶກໂດຍ ອັລບຸກຄໍຣີ, ເລກທີ່ (1402) ແລະ ມຸສລິມ, ເລກທີ່ (2287).
ບັນດານັກວິຊາການມີຄວາມເຫັນເປັນເອກະພາບກັນ ກ່ຽວກັບຄວາມຈຳເປັນໃນການຈ່າຍຊະກາດສຳລັບທອງຄຳ ແລະ ເງິນ, ແລະ ເງິນສົດກໍມີຂໍ້ກຳນົດດຽວກັນກັບທອງຄຳ ແລະ ເງິນ; ເພາະມັນໄດ້ເຂົ້າມາແທນທີ່ໃນການໃຊ້ຈ່າຍແລກປ່ຽນ.
ເກນກຳຫນົດຂອງຊະກາດໃນປະເພດເງິນຕາ, ແລະ ປະລິມານທີ່ເປັນພາກບັງຄັບ:
ຄື ນິຊອບຂອງທອງຄຳ ຫຼື ເງິນ; ເພາະວ່າມັນໄດ້ເຂົ້າມາແທນທີ່ທັງສອງໃນດ້ານມູນຄ່າ, ດັ່ງນັ້ນ, ເມື່ອມັນບັນລຸເຖິງນິຊອບຂອງອັນໃດອັນໜຶ່ງ, ກໍ່ຈຳເປັນຕ້ອງຈ່າຍຊະກາດ, ແລະ ສ່ວນໃຫຍ່ແລ້ວ ການຄຳນວນນິຊອບຂອງເງິນສົດໃນປັດຈຸບັນແມ່ນອີງຕາມມູນຄ່າຂອງເງິນ; ເພາະວ່າມັນມີລາຄາຖືກກວ່າທອງຄຳ ຈຶ່ງເຮັດໃຫ້ບັນລຸເຖິງນິຊອບໄດ້ໄວກວ່າ. ດັ່ງນັ້ນ, ຖ້າຫາກມຸສລິມຄົນຫນຶ່ງຄອບຄອງຊັບສິນທີ່ມີມູນຄ່າທຽບເທົ່າ (595) ກຣາມຂອງເງິນ, ແລະຄົບຮອບຫນຶ່ງປີເຕັມ, ກໍຈຳເປັນຕ້ອງໄດ້ຈ່າຍຊະກາດ. ແລະ ມູນຄ່າຂອງເງິນໜຶ່ງກຣາມຈະມີການປ່ຽນແປງຢູ່ຕະຫຼອດເວລາ, ດັ່ງນັ້ນ ຜູ້ໃດທີ່ມີເງິນຈຳນວນໜ້ອຍ ແລະບໍ່ຮູ້ວ່າເງິນຂອງລາວຄົບຈຳນວນນິຊອບແລ້ວຫຼືບໍ່, ລາວຄວນຖາມບັນດາພໍ່ຄ້າເງິນກ່ຽວກັບມູນຄ່າຂອງເງິນໜຶ່ງກຣາມ, ຫຼັງຈາກນັ້ນກໍເອົາມາຄູນໃຫ້ (595), ແລະ ຜົນທີ່ໄດ້ຮັບກໍຄືຈຳນວນນິຊອບ.
ປະໂຫຍດ: ເມື່ອຕ້ອງການທີ່ຈະຈ່າຍຊະກາດຊັບສົມບັດ; ໃຫ້ແບ່ງຊັບສິນທີ່ຄົບກຳນົດນັ້ນອອກເປັນສີ່ສິບສ່ວນ, ສ່ວນທີ່ອອກມານັ້ນກໍຄືຈຳນວນທີ່ຈຳເປັນຕ້ອງຈ່າຍ.
ສີ່: ຊະກາດສິນຄ້າການຄ້າ:
ໝາຍເຖິງສິ່ງທີ່ຖືກກະກຽມໄວ້ເພື່ອການຊື້ຂາຍ ແລະ ສະແຫວງຫາກຳໄລ, ສິນຄ້າການຄ້າ ລວມມີ ຊັບສົມບັດທຸກຊະນິດທີ່ບໍ່ແມ່ນເງິນຕາ ເຊິ່ງຖືກຈັດກຽມໄວ້ເພື່ອການຄ້າ; ເຊັ່ນ: ລົດ, ເສື້ອຜ້າ, ຜ້າ, ເຫຼັກ, ໄມ້ ແລະ ອື່ນໆ.
ເງື່ອນໄຂການເປັນພາກບັງຄັບຂອງຊະກາດສິນຄ້າການຄ້າ:
1- ການໄດ້ມາເປັນກຳມະສິດດ້ວຍການກະທຳຂອງຕົນເອງ; ເຊັ່ນ ການຊື້-ຂາຍ, ການໃຫ້ເຊົ່າ, ແລະ ຮູບແບບການຫາລາຍໄດ້ອື່ນໆ.
2- ຕ້ອງຄອບຄອງມັນດ້ວຍເຈດຕະນາເພື່ອການຄ້າ; ຄືຕັ້ງໃຈທີ່ຈະຫາຜົນກຳໄລຈາກມັນ, ເພາະວ່າການງານທັງຫຼາຍນັ້ນຂຶ້ນຢູ່ກັບເຈດຕະນາ, ແລະການຄ້າກໍເປັນການງານຢ່າງໜຶ່ງ, ຈຶ່ງຈຳເປັນຕ້ອງຕັ້ງເຈດຕະນາໃນການກະທຳນັ້ນ ເຊັ່ນດຽວກັບການງານອື່ນໆ.
3. ມູນຄ່າຂອງມັນຕ້ອງຄົບນິຊອບຂອງທອງຄຳ ຫຼື ເງິນ.
4- ຄົບຮອບປີ, ເຊິ່ງໝາຍເຖິງການຜ່ານພົ້ນໄປໜຶ່ງປີ.
ວິທີການຈ່າຍຊະກາດສິນຄ້າການຄ້າ:
ຄືການປະເມີນມູນລະຄ່າສິນຄ້າເພື່ອການຄ້າເມື່ອຄົບຮອບປີ, ໂດຍທຽບກັບມູນຄ່າຂອງຄຳ ຫຼື ເງິນ, ສະນັ້ນ ຖ້າຫາກໄດ້ຕີລາຄາແລ້ວ ແລະ ມູນຄ່າຂອງມັນບັນລຸຄົບຈຳນວນທີ່ກຳນົດໄວ້ (ນິຊອບ) ໂດຍທຽບກັບທອງຄຳ ຫຼື ເງິນ; ກໍ່ໃຫ້ຈ່າຍອອກ 2.5% ຈາກມູນຄ່າດັ່ງກ່າວ.
ຫ້າ: ຊະກາດ ຟິຕເຣາະ (ການບໍລິຈາກທານພາກບັງຄັບໃນຕອນທ້າຍຂອງເດືອນຣໍມະດອນ)
ແມ່ນ ທານພາກບັງຄັບໃນຕອນທ້າຍຂອງເດືອນຣໍມາດອນ, ແລະ ໄດ້ຖືກກຳນົດເປັນຂໍ້ບັງຄັບໃນປີທີ່ສອງແຫ່ງການອົບພະຍົບ.
ຂໍ້ຕັດສິນໃນເລື່ອງນີ້:
ຊະກາດອັລຟິຕຣ໌ ເປັນສິ່ງຈຳເປັນສຳລັບມຸສລິມທຸກຄົນ ຜູ້ທີ່ຄອບຄອງອາຫານໃນວັນ ແລະ ຄືນຂອງວັນອີດ ເຊິ່ງເປັນສ່ວນທີ່ເຫຼືອເກີນຈາກສິ່ງທີ່ພຽງພໍສຳລັບຕົນເອງ ແລະ ຄອບຄົວຂອງລາວ. ແລະມີຜົນຜູກມັດບັງຄັບສຳຫຼັບມຸສລິມທຸກຄົນ, ບໍ່ວ່າຈະເປັນຜູ້ຊາຍ ຫຼື ຜູ້ຍິງ, ຜູ້ນ້ອຍ ຫຼື ຜູ້ໃຫຍ່, ຜູ້ມີອິດສະລະ ຫຼື ທາດ, ຈາກຫຼັກຖານຫະດິຊ: ທ່ານຣໍຊູລຂອງອັລລໍຫ໌ (ຂໍຄວາມສັນຕິສຸກຈົ່ງມີແຕ່ທ່ານ) ໄດ້ກຳນົດໃຫ້ຊະກາດອັລຟິຕຣິເປັນຂໍ້ບັງຄັບແກ່ທາດ ແລະ ໄທອິສລະ, ເພດຊາຍ ແລະ ເພດຍິງ, ເດັກນ້ອຍ ແລະ ຜູ້ໃຫຍ່ ຈາກຊາວມຸສລິມ" [45]. ແລະ ຄຳວ່າ ຟັຣດ ມີຄວາມໝາຍວ່າ: ການບັງຄັບ ແລະ ການກຳນົດໃຫ້ເປັນສິ່ງຈຳເປັນ. [45] ບັນທຶກໂດຍ ອັລບຸກຄໍຣີ, ເລກທີ່ (1432) ແລະ ມຸສລິມ, ເລກທີ່ (984).
ວິທະຍາປັນຍາທີ່ໄດ້ຮັບຈາກການບັນຍັດ:
ທ່ານອິບນຸ ອັບບາສ ຣໍດິຍັລລໍຮຸ ອັນຮຸມາ ໄດ້ກ່າວວ່າ: "ທ່ານລໍຊູລຸລລໍຫ໌ ﷺ ໄດ້ກຳໜົດໃຫ້ຈ່າຍຊະກາດຟິຕຣ໌; ເພື່ອເປັນການຊຳລະລ້າງຜູ້ຖືສິນອົດຈາກຄຳເວົ້າທີ່ໄຮ້ສາລະ ແລະ ບໍ່ດີຫຍາບຄາຍ, ແລະ ເພື່ອເປັນອາຫານແກ່ຄົນຍາກຈົນ" [46]. [46] ບັນທຶກໂດຍທ່ານອາບຸດາວູດ ເລກທີ (1609), ແລະ ທ່ານອິບນຸມາຈະຫ໌ ເລກທີ (1827), ແລະ ຢັ້ງຢືນຄວາມຖືກຕ້ອງໂດຍ ທ່ານອັລ-ອັລບານີ ໃນ ຊໍເຮັຍຫ໌ ອາບີດາວູດ ເລກທີ (1609).
ກຳໜົດເວລາທີ່ຈຳເປັນ ແລະ ການຈ່າຍອອກ:
ການຈ່າຍຊະກາດຟິຕເຣາະ ເປັນສິ່ງທີ່ບັງຄັບເມື່ອຕາເວັນຕົກດິນຂອງຄືນວັນອີດ. ແລະ ເປັນທີ່ສົ່ງເສີມໃຫ້ຈ່າຍມັນອອກໃນວັນອີດ, ກ່ອນການໄປລະຫມາດອີດ. ແລະ ບໍ່ສາມາດເລື່ອນເວລາອອກໄປຫຼັງຈາກລະຫມາດວັນອີດໄດ້, ຖ້າຫາກລາວຈ່າຍຊ້າ ຫຼັງການລະຫມາດອີດ; ຈຳເປັນ (ວາຈິບ) ທີ່ລາວຈະຕ້ອງຈ່າຍຊົດໃຊ້, ແລະຖືວ່າເປັນບາບໃນການຈ່າຍຊ້າກວ່າເວລາກຳນົດ.
ແລະ ອະນຸຍາດໃຫ້ຈ່າຍກ່ອນວັນອີດໜຶ່ງ ຫຼື ສອງມື້.
ປະລິມານ ແລະ ປະເພດຊັບສິນທີ່ຕ້ອງຈ່າຍ ມີດັ່ງນີ້:
ໜຶ່ງຊໍອ໌ ຈາກອາຫານຫຼັກຂອງຊາວເມືອງ; ເຊັ່ນ: ເຂົ້າສານ, ອິນທະຜາລຳ, ເຂົ້າສາລີ ຫຼື ອື່ນໆ. ປະລິມານຂອງອັລຊໍອ໌: ສາມກິໂລກຣາມໂດຍປະມານ. ແລະ ບໍ່ອະນຸຍາດໃຫ້ຈ່າຍເປັນເງິນສົດແທນສິ່ງຂອງນັ້ນ; ເພາະມັນຂັດກັບຄຳສັ່ງຂອງທ່ານສາດສະດາມຸຮຳຫມັດ.
ການຈ່າຍຊະກາດ ແລະ ຜູ້ມີສິດໄດ້ຮັບ:
ກຳໜົດເວລາໃນການເອົາອອກ:
ຈຳເປັນຕ້ອງຈ່າຍຊະກາດທັນທີ, ເມື່ອເຖິງກຳນົດເວລາທີ່ຕ້ອງຈ່າຍ. ບໍ່ເປັນທີ່ອະນຸຍາດໃຫ້ຊັກຊ້າ ຍົກເວັ້ນມີເຫດຈຳເປັນ, ເຊັ່ນວ່າ ຊັບສິນນັ້ນຢູ່ໃນດິນແດນທີ່ຫ່າງໄກຈາກລາວ ແລະ ບໍ່ມີຜູ້ໃດທີ່ລາວຈະມອບຫມາຍໄດ້.
ສະຖານທີ່ໃນການຈ່າຍອອກ:
ສິ່ງທີ່ດີທີ່ສຸດແມ່ນໃຫ້ຈ່າຍຊະກາດໃນປະເທດທີ່ຊັບສິນນັ້ນຕັ້ງຢູ່, ແລະ ອານຸຍາດໃຫ້ຍົກຍ້າຍຊັບສິນອອກຈາກເມືອງທີ່ມັນຕັ້ງຢູ່ ໄປຍັງເມືອງອື່ນໄດ້ ໃນກໍລະນີຕ່າງໆ ດັ່ງນີ້:
ກ- ຖ້າຫາກໃນປະເທດບໍ່ມີຜູ້ທີ່ມີຄວາມຕ້ອງການຊະກາດ.
ຂ- ກໍລະນີທີ່ມີຍາດພີ່ນ້ອງທີ່ຂັດສົນຢູ່ຕ່າງເມືອງ.
ຄ- ຖ້າຫາກມີຜົນປະໂຫຍດຕາມຫຼັກການສາສະໜາທີ່ອະນຸຍາດໃຫ້ເຄື່ອນຍ້າຍມັນໄດ້, ເຊັ່ນ: ການເຄື່ອນຍ້າຍມັນໄປຍັງບັນດາເຂດຂອງຊາວມຸສລິມທີ່ປະສົບເຄາະຮ້າຍຈາກໄພອຶດຢາກ ແລະ ໄພນໍ້າຖ້ວມ.
ຊະກາດຖືກກຳນົດໃຫ້ຈ່າຍຈາກຊັບສິນຂອງເດັກນ້ອຍ ແລະ ຄົນວິຈາລິດ, ຕາມຫຼັກຖານໂດຍທົ່ວໄປ, ແລະ ຜູ້ປົກຄອງຊັບສິນຂອງພວກເຂົາຈະເປັນຜູ້ດຳເນີນການຈ່າຍຊາກາດດັ່ງກ່າວແທນ. ແລະ ການຈ່າຍຊະກາດຈະບໍ່ຖືວ່າໃຊ້ໄດ້, ເວັ້ນເສຍແຕ່ຈະມີການຕັ້ງເຈດຕະນາ. ຈາກຄຳກ່າວຂອງທ່ານນະບີ ﷺ: «ແທ້ຈິງການງານທັ້ງຫຼາຍນັ້ນຂຶ້ນຢູ່ກັບການຕັ້ງເຈດຕະນາ» (47). [47] ບັນທຶກໂດຍ ອັລບຸກຄໍຣີ, ເລກທີ່ (1) ແລະ ມຸສລິມ, ເລກທີ່ (1907).
ບັນດາຜູ້ທີ່ມີສິດໄດ້ຮັບຊະກາດ:
ຜູ້ທີ່ມີສິດໄດ້ຮັບຊະກາດມີ 8 ປະເພດດັ່ງນີ້:
ຈຳພວກທີ່ໜຶ່ງ: ຄົນທຸກ ຄົນຍາກ:
ແລະ ພວກເຂົາຄືບັນດາຜູ້ທີ່ບໍ່ມີສິ່ງທີ່ຈຳເປັນຂັ້ນພື້ນຖານພຽງພໍ, ເຊັ່ນ: ທີ່ຢູ່ອາໄສ, ອາຫານ ແລະ ເຄື່ອງນຸ່ງຫົ່ມ, ສ່ວນປະລິມານຂອງຊະກາດທີ່ຈະມອບໃຫ້ພວກເຂົານັ້ນ ແມ່ນໃຫ້ພຽງພໍສຳລັບພວກເຂົາ ແລະ ຜູ້ທີ່ພວກເຂົາຮັບຜິດຊອບລ້ຽງດູ ເປັນເວລາໜຶ່ງປີ.
ຈຳພວກທີ່ສອງ : ບັນດາຜູ້ຂາດເຂີນ:
ພວກເຂົາຄືຜູ້ທີ່ໄດ້ຮັບຄວາມພໍພຽງເປັນສ່ວນໃຫຍ່, ແຕ່ກໍບໍ່ໄດ້ຮັບຢ່າງຄົບຖ້ວນສົມບູນ, ເຊັ່ນ: ຜູ້ທີ່ມີເງິນເດືອນ, ແຕ່ມັນກໍບໍ່ພຽງພໍສຳລັບຄ່າໃຊ້ຈ່າຍຕະຫຼອດປີ.
ປະລິມານຂອງຊະກາດທີ່ຈະມອບໃຫ້: ແມ່ນໃຫ້ຈົນຄົບຖ້ວນພຽງພໍກັບຄວາມຕ້ອງການຂອງພວກເຂົາ ແລະ ຜູ້ທີ່ຢູ່ໃນການອຸປະຖຳຂອງພວກເຂົາເປັນເວລາໜຶ່ງປີ.
ຈຳພວກທີ່ສາມ: ບັນດາຜູ້ປະຕິບັດງານກ່ຽວກັບມັນ:
ແລະ ພວກເຂົາແມ່ນບັນດາຜູ້ທີ່ຜູ້ປົກຄອງມອບໝາຍໃຫ້ເກັບຊະກາດ, ຫຼື ຮັບຜິດຊອບໃນການຮັກສາມັນ ຫຼື ນຳໄປມອບໃຫ້ແກ່ບັນດາຜູ້ທີ່ຂັດສົນ.
ປະລິມານທີ່ຈະມອບໃຫ້ພວກເຂົາຈາກຊະກາດນັ້ນ ແມ່ນໃຫ້ເທົ່າກັບຄ່າຈ້າງໃນການເຮັດວຽກຂອງພວກເຂົາ, ຕາບໃດທີ່ພວກເຂົາບໍ່ມີຄ່າຈ້າງ ຫຼື ເງິນເດືອນຈາກທາງການ.
ຈຳພວກທີສີ່: ບັນດາຜູ້ທີ່ຈິດໃຈມີແນວໂນ້ມເຂົ້າອິສລາມ:
ແລະ ພວກເຂົາຄືທຸກຄົນທີ່ການໃຫ້ທານແກ່ລາວເປັນທີ່ຄາດຫວັງວ່າ: ລາວຈະຮັບອິສລາມ, ຫຼື ການສັດທາຂອງລາວຈະເຂັ້ມແຂງຂຶ້ນ, ຫຼື ລາວຈະຢຸດສ້າງຄວາມຊົ່ວຮ້າຍຕໍ່ຊາວມຸສລິມ.
ປະລິມານຊະກາດທີ່ຈະມອບໃຫ້ພວກເຂົາ: ແມ່ນໃຫ້ຕາມຂະໜາດທີ່ສາມາດໂນ້ມນ້າວຈິດໃຈຂອງພວກເຂົາໄດ້.
ຈຳພວກທີ່ຫ້າ: ອັລ-ຣິກາບ:
ເຊິ່ງມີຈຸດປະສົງຄື: ການປົດປ່ອຍໄຖ່ທາດ ແລະ ຜູ້ທີ່ຢູ່ໃນສັນຍາໄຖ່ຕົວ.
ອັນ-ມຸກາຕັບ: ແມ່ນຂ້າທາດຜູ້ທີ່ໄດ້ຊື້ຕົນເອງຈາກເຈົ້າຂອງຂອງຕົນ, ແລະ ຍັງລວມເຖິງການໄຖ່ໂຕຊະເລີຍເສິກມຸສລິມໃນສົງຄາມ.
ກຸ່ມຈຳພວກທີຫົກ: ອັນ-ກໍຣີມູນ, ແລະ ພວກເຂົາມີສອງປະເພດຄື:
ພວກທີໜຶ່ງ: ຜູ້ທີ່ມີໜີ້ສິນຍ້ອນຄວາມຈຳເປັນຂອງຕົນເອງ, ແລະ ບໍ່ມີສິ່ງໃດທີ່ຈະນຳມາຊຳລະໜີ້ສິນນັ້ນໄດ້, ແລະ ໃຫ້ແກ່ເຂົາໃນສິ່ງທີ່ພຽງພໍສຳລັບການຊຳລະໜີ້ສິນ.
ພວກທີ່ສອງ: ຜູ້ທີ່ເປັນໜີ້ ເນື່ອງຈາກການໄກ່ເກ່ຍຄວາມຂັດແຍ່ງລະຫວ່າງກັນ, ແລະ ຈະຖືກມອບໃຫ້ເພື່ອຊຳລະໜີ້ສິນຂອງລາວຈົນຄົບຖ້ວນ, ເຖິງແມ່ນວ່າລາວຈະເປັນຜູ້ທີ່ມີຊັບສົມບັດກໍ່ຕາມ.
ຈຳພວກທີ່ເຈັດ: ໃນຫົນທາງຂອງອັລລໍຫ໌:
ແລະ ພວກເຂົາຄືບັນດາຜູ້ທີ່ຕໍ່ສູ້ ໃນຫົນທາງຂອງອັລລໍຫ໌.
ປະລິມານຊະກາດທີ່ຈະມອບໃຫ້ແກ່ພວກເຂົາແມ່ນ: ສິ່ງທີ່ພຽງພໍສຳລັບການຕໍ່ສູ້ໃນຫົນທາງຂອງອັລລໍຫ໌; ເຊັ່ນ: ພາຫະນະ, ອາວຸດ, ສະບຽງອາຫານ ແລະ ອື່ນໆ.
ສ່ວນຈຳພວກທີ່ແປດ ຄື ຜູ້ເດີນທາງ:
ຄືຜູ້ເດິນທາງທີ່ເງິນຄຳ ຫຼື ສະບຽງໃນການເດິນທາງໄດ້ໝົດໄປ, ຫຼື ຖືກລັກໄປ, ແລະ ບໍ່ມີເງິນເຫຼືອພໍທີ່ຈະສົ່ງລາວກັບຄືນສູ່ບ້ານເມືອງຂອງຕົນໄດ້.
ປະລິມານທີ່ຈະມອບໃຫ້ຈາກຊະກາດ: ແມ່ນໃຫ້ໃນປະລິມານທີ່ພຽງພໍໃຫ້ລາວກັບເຖິງບ້ານເມືອງຂອງລາວ, ເຖິງແມ່ນວ່າລາວຈະເປັນຄົນຮັ່ງມີຢູ່ທີ່ນັ້ນກໍຕາມ.
ບົດທີ່ ສີ່: ການຖືສິນອົດ:
ການຖືສິນອົດ ຄື:
ການເຮັດອິບາດະຫ໌ຕໍ່ອັລລໍຫ໌ ດ້ວຍການຖືສິນງົດອາຫານການກິນດື່ມ ຕັ້ງແຕ່ເຊົ້າກ່ອນຕະເວັ້ນຂຶ້ນ ຈົນໄປຮອດແລງ ຫຼັງຕະເວັ້ນຕົກດິນ.
ແລະ ກໍ່ເປັນສ່ວນໜຶ່ງຂອງຫຼັກການອິດສະລາມ, ແລະ ເປັນຂໍ້ບັງຄັບປະການໜຶ່ງຂອງອັລລໍຫ໌ ຊຸບຮານະຮຸ ວະຕະອາລາ, ເປັນຫຼັກການພື້ນຖານໃນທາງສາສະໜາທີ່ຈຳເປັນຕ້ອງຮູ້. ແລະ ການເປັນຂໍ້ບັງຄັບ (ວາຈິບ) ຂອງມັນນັ້ນ ໄດ້ຖືກຢືນຢັນດ້ວຍຫຼັກຖານຈາກອັລກຸຣອານ, ຊຸນນະຮ໌ ແລະ ອິຈມາຂອງຊາວມຸດສະລິມ.
ອັລລໍຫ໌ໄດ້ກ່າວວ່າ : (ເດືອນຣໍມາດອນ ຄືເດືອນທີ່ອັລກຸຣອານໄດ້ຖືກປະທານລົງມາ ເພື່ອເປັນທາງນຳແກ່ມວນມະນຸດ ແລະ ເປັນບັນດາຫລັກຖານອັນຊັດເຈນຈາກທາງນຳ ແລະ ເປັນສິ່ງຈຳແນກ (ລະຫວ່າງຄວາມຈິງ ແລະ ຄວາມເທັດ), ດັ່ງນັ້ນ ຜູ້ໃດໃນຫມູ່ພວກເຈົ້າທີ່ຢູ່ໃນເດືອນນັ້ນ ກໍຈົ່ງຖືສິນອົດເຖີດ...) [ສູເຣາະຫ໌ ອັລ-ບາກໍເຣາະຫ໌: 185].
ເງື່ອນໄຂຕ່າງໆ ກ່ຽວກັບການບັງຄັບຖືສິນອົດໃນເດືອນຣໍມາດອນ:
1- ຕ້ອງເປັນມຸສລິມ, ການງານຈະບໍ່ຖືກຕອບຮັບຖ້າຫາກເປັນຄົນກາຟິີຣ.
2. ການບັນລຸ ສາສະໜາພາວະ; ຈະບໍ່ເປັນວາຢິບແກ່ເດັກນ້ອຍ, ການຖືສີນອົດຂອງເດັກນ້ອຍທີ່ຮູ້ຈັກການຈໍາແນກ ແມ່ນໄດ້ຜົນລະບຸນ, ແລະ ໃນສິດທິຂອງລາວຖືເປັນການກະທຳທີ່ສະໝັກໃຈ (ນາຟິລະຫ໌).
3. ສະຕິປັນຍາ, ການຖືສິນອົດຈຶ່ງບໍ່ເປັນຂໍ້ບັງຄັບສຳລັບຜູ້ທີ່ເປັນບ້າ, ແລະ ຈະບໍ່ສົມບູນ; ຍ້ອນບໍ່ມີເຈດຕະນາ.
4. ຕ້ອງມີຄວາມສາມາດ, ສະນັ້ນ ບໍ່ເປັນການບັງຄັບແກ່ຜູ້ເຈັບເປັນທີ່ບໍ່ສາມາດປະຕິບັດມັນໄດ້, ແລະ ບໍ່ມີບາບແກ່ຜູ້ເດິນທາງ, ແລະ ທັງສອງຈະຕ້ອງເຮັດການຊົດໃຊ້ ເມື່ອຂໍ້ຜ່ອນຜັນໄດ້ສິ້ນສຸດລົງ: ຄື ການເຈັບປ່ວຍ ແລະ ການເດີນທາງ. ແລະ ເງື່ອນໄຂສຳລັບຄວາມຖືກຕ້ອງຂອງມັນຈາກແມ່ຍິງຄື: ການຢຸດໄຫຼຂອງເລືອດປະຈຳເດືອນ ແລະ ເລືອດຫຼັງເກີດລູກ.
ການຢັ້ງຢືນການເຂົ້າສູ່ເດືອນຣໍມະດອນ ແມ່ນດ້ວຍໜຶ່ງໃນສອງປະການດັ່ງນີ້:
ກ- ການເຫັນດວງຈັນສ້ຽວຂອງເດືອນຣໍມະດອນ, ຈາກຄຳກ່າວຂອງທ່ານນາບີ ﷺ: "ຈົ່ງຖືສິນອົດເມື່ອເຫັນດວງເດືອນ, ແລະ ຈົ່ງອອກສິນອົດເມື່ອເຫັນດວງເດືອນ" [48]. [48] ບັນທຶກໂດຍ ອັລບຸກຄໍຣີ, ເລກທີ່ (1810) ແລະ ມຸສລິມ, ເລກທີ່ (1086).
ຂ- ການນັບເດືອນຊະອ໌ບານໃຫ້ຄົບສາມສິບວັນ, ເມື່ອບໍ່ສາມາດເຫັນເດືອນສ້ຽວຂອງເດືອນຣໍມາດອນ, ຫຼື ມີສິ່ງມາບົດບັງການເບິ່ງເຫັນ ເຊັ່ນ ເມກ ຫຼື ຝຸ່ນລະອອງ ແລະ ອື່ນໆ, ດັ່ງຄຳກ່າວຂອງທ່ານນະບີ ຊໍລລັລລໍຮຸ ອະໄລຮິ ວະຊັລລໍຳ ທີ່ວ່າ: « ຖ້າຫາກວ່າມັນຖືກປິດບັງຈາກພວກທ່ານ; ກໍ່ຈົ່ງນັບເດືອນຊະອ໌ບານໃຫ້ຄົບຖ້ວນສາມສິບວັນ » [49]. [49] ບັນທຶກໂດຍອັລບຸກຄໍຣີ : ເລກທີ່ (1909).
ການຕັ້ງເຈດຕະນາໃນການບວດຖືສິນ:
ການຖືສິນອົດ ກໍ່ເຊັ່ນດຽວກັບອິບາດະຮ໌ອື່ນໆ, ຈະບໍ່ສົມບູນ ຖ້າປາດສະຈາກການຕັ້ງເຈດຕະນາ, ເວລາໃນການຕັ້ງເຈດຕະນາ (ນຽດ) ສຳລັບການຖືສິນອົດທີ່ເປັນວາຈິບ (ພາກບັງຄັບ) ແມ່ນມີຄວາມແຕກຕ່າງຈາກການຖືສິນອົດທີ່ບໍ່ບັງຄັບ, ເຊິ່ງມີລາຍລະອຽດດັ່ງຕໍ່ໄປນີ້:
ປະການທໍາອິດ: ການຖືສິນອົດທີ່ເປັນວາຈິບ; ເຊັ່ນ ການຖືສິນອົດໃນເດືອນຣໍມະດອນ, ການຖືສິນອົດຊົດໃຊ້, ຫຼື ການຖືສິນອົດຕາມການປະຕິຍານ, ຈຳເປັນຕ້ອງຕັ້ງເຈດຕະນາໃນຕອນກາງຄືນກ່ອນທີ່ແສງອາລຸນຈະຂຶ້ນ, ຈາກຄຳກ່າວຂອງທ່ານນາບີ ﷺ: «ຜູ້ໃດທີ່ບໍ່ໄດ້ຕັ້ງເຈດຕະນາຖືສິນອົດຕັ້ງແຕ່ຕອນກາງຄືນ, ການຖືສິນອົດຂອງລາວກໍຈະບໍ່ຖືກຕອບຮັບ» [50]. [50] ບັນທຶກໂດຍທ່ານອະຫ໌ມັດ ເລກທີ (26457), ແລະ ທ່ານອາບຸດາວູດ ເລກທີ (2454), ແລະ ທ່ານອັນນະຊາອີ ເລກທີ (2331) ໂດຍສຳນວນນີ້ເປັນຂອງເພິ່ນ.
ປະການທີ່ສອງ: ການຖືສິນອົດສຸນັດສົ່ງເສີມ, ແລະ ບຸກຄົນສາມາດຕັ້ງເຈດຕະນາ (ນຽດ) ໃນຕອນກາງເວັນໄດ້, ໂດຍມີເງື່ອນໄຂວ່າ ລາວບໍ່ໄດ້ກະທຳສິ່ງທີ່ເຮັດໃຫ້ເສຍສິນອົດ ພາຍຫຼັງຈາກຮຸ່ງເຊົ້າ.
ບັນດາສິ່ງທີ່ເຮັດໃຫ້ການຖືສິນອົດເສຍ:
ປະການທຳອິດ: ການປະຕິສຳພັນທາງກາຍ: ເມື່ອໃດກໍ່ຕາມທີ່ໄດ້ມີການຮວມຫຼັບນອນຕອນກາງເວັ້ນ ການຖືສິນອົດຂອງລາວກໍ່ເປັນໂມຄະ, ແລະ ລາວຈຳເປັນຕ້ອງຊົດໃຊ້ການຖືສິນອົດຂອງມື້ທີ່ລາວໄດ້ມີການຮວມຫຼັບນອນນັ້ນ, ແລະ ລາວຈຳເປັນຕ້ອງຈ່າຍກັຟຟາເຣາະຫ໌ ພ້ອມກັບການຊົດໃຊ້, ຄື: ການປົດປ່ອຍທາດ, ຖ້າຫາກວ່າລາວບໍ່ມີຄວາມສາມາດ, ກໍ່ໃຫ້ລາວຖືສິນອົດເປັນເວລາສອງເດືອນຕິດຕໍ່ກັນ, ແຕ່ຖ້າຫາກລາວບໍ່ມີຄວາມສາມາດ ເນື່ອງຈາກມີອຸປະສັກທີ່ຖືກອະນຸຍາດຕາມຫຼັກສາສະໜາ, ກໍ່ໃຫ້ລາວລ້ຽງອາຫານແກ່ຄົນຍາກຈົນຈຳນວນ 60 ຄົນ, ໃນອັດຕາຄົນລະ ເຄິ່ງ ຊໍອ໌ ຈາກອາຫານຫຼັກຂອງທ້ອງຖິ່ນນັ້ນ.
ປະການທີສອງ: ການຫຼັ່ງນ້ຳອະສຸຈິ: ດ້ວຍສາເຫດຈາກການຈູບ, ຫຼື ການສຳພັດ, ຫຼື ການຊ່ວຍຕົວເອງ, ຫຼື ການເບິ່ງຊ້ຳໆ, ຈຳເປັນຕ້ອງຊົດໃຊ້ການຖືສິນອົດເທົ່ານັ້ນ ໂດຍບໍ່ຕ້ອງຈ່າຍຄ່າກັຟຟາເຣາະ; ເພາະວ່າການຈ່າຍຄ່າກັຟຟາເຣາະນັ້ນ ສະເພາະເຈາະຈົງກັບການມີເພດສຳພັນ. ສຳລັບຄົນນອນຫຼັບ ຫາກລາວຝັນແລ້ວມີການຫຼັ່ງນ້ຳອະສຸຈິ, ກໍ່ບໍ່ມີຄວາມຜິດໃດໆ ຕໍ່ລາວ; ເພາະວ່າສິ່ງດັ່ງກ່າວເກີດຂຶ້ນໂດຍທີ່ລາວບໍ່ໄດ້ຕັ້ງໃຈ, ລາວຈຶ່ງອາບນ້ຳຊຳລະຮ່າງກາຍຈາກສະພາບຈຸນຸບ.
ປະການທີສາມ: ການກິນ ແລະ ການດື່ມດ້ວຍຄວາມຕັ້ງໃຈ: ຈາກຄຳຕຣັັດຂອງອັລລໍຫ໌: (ແລະ ພວກເຈົ້າຈົ່ງກິນ ແລະ ດື່ມ ຈົນກວ່າຈະເປັນທີ່ຊັດແຈ້ງແກ່ພວກເຈົ້າ ເຊິ່ງເສັ້ນດ້າຍສີຂາວຈາກເສັ້ນດ້າຍສີດຳແຫ່ງຮຸ່ງເຊົ້າ ຫຼັງຈາກນັ້ນ ຈົ່ງຖືສິນອົດໃຫ້ຄົບຖ້ວນຈົນເຖິງເວລາກາງຄືນ...) [ສູເຣາະຫ໌ ອັລ-ບາກໍເຣາະຫ໌: 187].
ສ່ວນຜູ້ທີ່ກິນ ຫຼື ດື່ມໂດຍທີ່ຫລົງລືມ; ຈະບໍ່ມີບາບອັນໃດແກ່ລາວ; ຈາກຫຼັກຖານຫະດິຊ: « ໃຜກໍ່ຕາມທີ່ລືມ ໃນຂະນະທີ່ກຳລັງຖືສິນອົດຢູ່, ແລ້ວໄດ້ກິນ ຫຼື ດື່ມ, ກໍ່ຈົ່ງຖືສິນອົດຂອງລາວຕໍ່ໄປໃຫ້ສົມບູນ, ເພາະແທ້ຈິງແລ້ວ ອັລລໍຫ໌ຊົງເປັນຜູ້ໃຫ້ອາຫານ ແລະ ເຄື່ອງດື່ມແກ່ລາວ» [51]. [51] ບັນທຶກໂດຍ ອັລບຸກຄໍຣີ, ເລກທີ່ (6669) ແລະ ມຸສລິມ, ເລກທີ່ (2709).
ປະການທີສີ່: ຕັ້ງໃຈເຮັດໃຫ້ຮ້າກ, ສ່ວນຜູ້ທີ່ຮ້າກອອກມາເອງໂດຍບໍ່ໄດ້ຕັ້ງໃຈ; ກໍບໍ່ເຮັດໃຫ້ການຖືສິນອົດຂອງລາວເສຍໄປ. ຈາກຄຳກ່າວຂອງທ່ານນະບີ ຊໍລລັລລໍຮຸ ອະໄລຮິ ວະຊັລລຳ: «ຜູ້ໃດທີ່ອາຈຽນອອກມາໂດຍບໍ່ເຈດຕະນາ ກໍບໍ່ຕ້ອງຊົດໃຊ້, ແລະ ຜູ້ໃດທີ່ຕັ້ງໃຈອາຈຽນ ກໍ່ຈົ່ງຊົດໃຊ້» [52]. [52] ບັນທຶກໂດຍ ອະບູ ດາວູດ ເລກທີ່ (2380), ແລະ ອັດຕິຣມີຊີ ເລກທີ່ (719), ແລະ ອິບນຸ ມາຈະຫ໌ ເລກທີ່ (676).
ປະການທີຫ້າ: ການເອົາເລືອດອອກຈາກຮ່າງກາຍ; ດ້ວຍການເຮັດຮິຈາມະຫ໌, ຫຼື ຟັສດຸ, ຫຼື ການດູດເລືອດເພື່ອບໍລິຈາກໃຫ້ແກ່ຜູ້ປ່ວຍ; ການກະທຳທັງໝົດເຫຼົ່ານີ້ ລ້ວນແຕ່ເຮັດໃຫ້ເສຍສິນອົດ. ສ່ວນການເອົາເລືອດອອກຈຳນວນໜ້ອຍເພື່ອກວດວິເຄາະນັ້ນ, ບໍ່ມີຜົນກະທົບຕໍ່ການຖືສິນອົດ, ແລະ ເຊັ່ນດຽວກັນ, ການໄຫຼອອກຂອງເລືອດໂດຍທີ່ບໍ່ໄດ້ຕັ້ງໃຈ; ເຊັ່ນ ເລືອດກຳເດົາໄຫຼ, ຫຼື ບາດແຜ, ຫຼື ການຖອນແຂ້ວ; ສິ່ງນີ້ຈະບໍ່ສົ່ງຜົນກະທົບຕໍ່ການຖືສີອອດ.
ກຸ່ມຄົນທີ່ໄດ້ຮັບອະນຸຍາດໃຫ້ບໍ່ຕ້ອງຖືສິນອົດໃນເດືອນຣໍມາດອນ:
ຈຳພວກທີຫນຶ່ງ: ຜູ້ທີ່ໄດ້ຮັບອະນຸຍາດໃຫ້ລະສິນອົດ ແລະ ຈຳເປັນ (ວາຈິບ) ຕ້ອງທົດແທນຄືນ, ມີດັ່ງນີ້:
ໜຶ່ງ: ຜູ້ປ່ວຍທີ່ມີພະຍາດທີ່ຫວັງວ່າຈະຫາຍດີ, ແລະ ການຖືສິນອົດນັ້ນສົ່ງຜົນເສຍ ຫຼື ເປັນຄວາມຍາກລຳບາກແກ່ລາວ.
ສອງ: ຜູ້ເດິນທາງ; ບໍ່ວ່າຈະພົບຄວາມລຳບາກໃນການເດີນທາງ ຫຼື ບໍ່ພົບກໍຕາມ.
ຫຼັກຖານທີ່ກ່າວອ້າງເຖິງທັງສອງປະການນັ້ນກໍ່ຄື: ຄຳກ່າວຂອງອັລລໍຫ໌: ຄວາມວ່າ : (...ແຕ່ຖ້າຜູ້ໃດປ່ວຍ ຫຼື ຢູ່ໃນການເດີນທາງ ກໍໃຫ້ຖືໃນມື້ອື່ນໆແທນ...) [ສູເຣາະຫ໌ ອັລ-ບາກໍເຣາະຫ໌: 185].
ສາມ: ແມ່ຍິງທີ່ຖືພາ ຫຼື ແມ່ຍິງທີ່ໃຫ້ນົມລູກ, ຖ້າການຖືສິນອົດສ້າງຄວາມລຳບາກ ຫຼື ເປັນອັນຕະລາຍຕໍ່ພວກນາງ ຫຼື ຕໍ່ລູກຂອງພວກນາງ, ກໍເປັນທີ່ອະນຸຍາດໃຫ້ພວກນາງລະສິນອົດໄດ້, ເນື່ອງຈາກພວກນາງມີສະຖານະດຽວກັບຄົນປ່ວຍ. ແຕ່ທວ່າ ຈຳເປັນ (ວາຈິບ) ທີ່ພວກເຂົາທັງສອງຈະຕ້ອງຖືສີອອດຊົດໃຊ້ຄືນ ໃນເວລາອື່ນ.
ສີ່: ຜູ້ຍິງທີ່ມີປະຈຳເດືອນ ແລະ ຜູ້ຍິງທີ່ມີເລືອດຫລັງການເກີດລູກ, ແລະ ການລະສິນອົດແມ່ນເປັນວາຢິບສຳລັບພວກນາງທັງສອງ, ແລະ ການຖືສິນອົດຂອງພວກເຂົາທັງສອງຖືວ່າໃຊ້ບໍ່ໄດ້, ແລະ ຈຳເປັນທີ່ພວກເຂົາທັງສອງຈະຕ້ອງຊົດໃຊ້ໃນມື້ອື່ນໆ.
ຈຳພວກທີສອງ: ຜູ້ທີ່ໄດ້ຮັບອະນຸຍາດໃຫ້ລະສິນອົດ, ແລະ ຈຳເປັນຕ້ອງຈ່າຍກັຟຟາເຣາະຫ໌ ໂດຍບໍ່ຕ້ອງຊົດໃຊ້, ເຊິ່ງໄດ້ແກ່:
ຫນຶ່ງ: ຜູ້ປ່ວຍທີ່ເປັນພະຍາດຊຶ່ງບໍ່ມີຄວາມຫວັງວ່າຈະຫາຍດີ.
ສອງ: ຜູ້ສູງອາຍຸທີ່ບໍ່ສາມາດຖືສິນອົດ.
ສະນັ້ນ ຄົນເຫຼົ່ານີ້ແມ່ນໃຫ້ລະສິນອົດ, ແລະ ໃຫ້ພວກເຂົາຈ່າຍອາຫານໃຫ້ກັບຄົນຍາກຈົນໜຶ່ງຄົນ ຕໍ່ທຸກໆ ມື້ຂອງເດືອນຣໍມະດອນ. ສ່ວນຜູ້ສູງອາຍຸທີ່ເຖິງຂັ້ນຫຼົງລືມແລ້ວ, ຈະຖືກຍົກເວັ້ນຈາກຂໍ້ບັງຄັບທາງສາສະໜາ, ສະນັ້ນ ລາວຈຶ່ງສາມາດລະສິນອົດໄດ້ໂດຍບໍ່ມີບາບໃດໆ.
ກຳນົດເວລາການຊົດໃຊ້ ແລະ ຂໍ້ກຳນົດກ່ຽວກັບການຊັກຊ້າ:
ການຊົດເຊີຍການຖືສິນອົດຂອງເດືອນຣໍມະດອນນັ້ນ ຕ້ອງກະທຳໃນຊ່ວງເວລາລະຫວ່າງຣໍມະດອນທີ່ຜ່ານມາ ແລະ ຣໍມະດອນຄັ້ງຕໍ່ໄປ, ແລະ ທີ່ດີກວ່າແມ່ນການເລັ່ງລັດໃນການຊົດໃຊ້, ແລະ ບໍ່ໃຫ້ຊັກຊ້າການຖືສິນອົດທົດແທນ ຈົນຜ່ານຣໍມະດອນຄັ້ງຕໍ່ໄປ. ລາຍງານຈາກ ທ່ານນາງ ອາອີຊະຫ໌ ຣໍດິຍັລລໍຮຸ ອັນຮາ ໄດ້ກ່າວວ່າ: «ຂ້ອຍເຄີຍຕິດຄ້າງການຖືສິນອົດຈາກເດືອນຣໍມາດອນ, ຂ້ອຍຈຶ່ງບໍ່ສາມາດຊົດໃຊ້ໄດ້ນອກຈາກໃນເດືອນຊະອ໌ບານ ເນື່ອງດ້ວຍສະຖານະຂອງທ່ານຣໍ່ຊູລຂອງອັລລໍຮ໌ » [53]. [53] ບັນທຶກໂດຍ ອັລບຸກຄໍຣີ, ເລກທີ່ (1849) ແລະ ມຸສລິມ, ເລກທີ່ (1846).
ສ່ວນຜູ້ທີ່ເລື່ອນການຊົດໃຊ້ອອກໄປຈົນຫຼັງຈາກຣໍມະດອນຄັ້ງຕໍ່ໄປ, ກໍລະນີຂອງລາວມີສອງປະການຄື:
1. ການເລື່ອນອອກໄປເນື່ອງຈາກມີອຸປະສັກທີ່ສາສະໜາອະນຸໂລມ, ຕົວຢ່າງເຊັ່ນ: ການເຈັບປ່ວຍທີ່ຕໍ່ເນື່ອງຈົນເຖິງເດືອນຣໍມະດອນປີຕໍ່ໄປ, ໃນກໍລະນີນີ້ ລາວມີໜ້າທີ່ພຽງແຕ່ຖືສິນອົດຊົດໃຊ້ເທົ່ານັ້ນ.
2- ການຊັກຊ້າໂດຍບໍ່ມີເຫດຜົນອະນຸຍາດຕາມຫຼັກສາສະໜາ, ຜູ້ນັ້ນຈະມີບາບ, ແລະ ຈຳເປັນທີ່ລາວຈະຕ້ອງກັບຕົວ, ຊົດໃຊ້, ແລະ ລ້ຽງອາຫານຄົນຍາກຈົນໜຶ່ງຄົນສຳລັບແຕ່ລະມື້.
ການຖືສິນອົດສຸນັດສົ່ງເສີມຂອງຜູ້ທີ່ຍັງຄ້າງສິນອົດຟັຣດູ:
ໃຜກໍ່ຕາມທີ່ຕິດຄ້າງການຖືສິນອົດຊົດໃຊ້ຈາກເດືອນຣໍມະດອນ; ສິ່ງທີ່ປະເສີດກວ່າແມ່ນໃຫ້ຮີບຮ້ອນຊົດໃຊ້ກ່ອນການຖືສິນອົດສຸນັດສົ່ງເສີມ, ແຕ່ຖ້າຫາກວ່າການຖືສີນອົດຊຸນນັດ ເປັນສິ່ງທີ່ເວລາຂອງມັນຈະຜ່ານພົ້ນໄປ -ເຊັ່ນ ການຖືສີນອົດວັນອະຣໍຟະຫ໌ ແລະ ວັນອາຊູຣໍ-; ກໍ່ໃຫ້ຖືສີນອົດນັ້ນກ່ອນການຊົດໃຊ້; ເພາະວ່າການຊົດໃຊ້ນັ້ນມີເວລາກວ້າງຂວາງ, ສ່ວນວັນອາຊູຣໍອ໌ ແລະ ວັນອະຣໍ່ຟະຫ໌ນັ້ນ ກໍ່ຈະຜ່ານພົ້ນໄປ. ແຕ່ວ່າ ຈະບໍ່ຖືສິນອົດຫົກວັນຂອງເດືອນເຊົາວາລ ຈົນກວ່າຈະໄດ້ຖືສິນອົດຊົດໃຊ້ໃຫ້ຄົບຖ້ວນເສຍກ່ອນ.
ການຖືສິນອົດທີ່ຕ້ອງຫ້າມ:
1. ຫ້າມຖືສິນອົດອາຫານໃນວັນອີດຸລ-ຟິດຣີ ແລະ ວັນອີດຸລອັດຮາ.
2- ການຖືສິນອົດໃນວັນຕ່າງໆ ຂອງວັນຕັຊຣີກ ຂອງເດືອນຊຸລຫິດຈະຫ໌, ຍົກເວັ້ນສໍາລັບຜູ້ທີ່ປະກອບພິທີຫັຈແບບຕະມັດຕຸອ໌ ແລະ ກິ່ຣອນ ຖ້າຫາກວ່າລາວບໍ່ສາມາດຫາສັດ ມາເຊືອດໄດ້, ວັນຂອງ ອັດຕັຊຣີກ ຄື: ວັນທີ່ 11, 12, ແລະ 13 ຂອງເດືອນຊຸລຫິດຈະຫ໌.
3. ວັນແຫ່ງຄວາມສົງໄສ ເນື່ອງຈາກຄວາມສົງໄສ, ເຊິ່ງກໍ່ຄື ວັນທີ 30 ຂອງເດືອນຊະອ໌ບານ, ຫາກວ່າໃນຄືນນັ້ນມີເມກ ຫຼື ຝຸ່ນລະອອງ ທີ່ກີດຂວາງການເບິ່ງເຫັນເດືອນສ້ຽວ.
ການຖືສິນອົດທີ່ເປັນມັກຣູຫ໌ (ໜ້າລັງກຽດ):
ກ- ການເຈາະຈົງຖືສິນອົດໃນເດືອນຣໍຈັບ. ຂ- ການເຈາະຈົງຖືສິນອົດໃນວັນສຸກ, ເນື່ອງຈາກມີຂໍ້ຫ້າມກ່ຽວກັບເລື່ອງນັ້ນ, ແຕ່ຖ້າຫາກວ່າລາວຖືສິນອົດໜຶ່ງມື້ກ່ອນໜ້ານັ້ນ ຫຼື ຫຼັງຈາກນັ້ນ, ຄວາມເປັນທີ່ໜ້າລັງກຽດກໍ່ຈະໝົດໄປ.
ການຖືສິນອົດທີ່ເປັນສຸນນະຫ໌ (ສົ່ງເສິມ):
ກ- ຫົກມື້ໃນເດືອນເຊົາວາລ. ຂ- ການຖືສິນອົດໃນເກົ້າວັນຂອງເດືອນຊຸລຫິຈຍະຫ໌, ແລະ ທີ່ປະເສີດທີ່ສຸດແມ່ນວັນອາຣໍຟະຫ໌, ຍົກເວັ້ນຜູ້ທີ່ປະກອບພິທີຫັຈຍ໌; ເຊິ່ງບໍ່ເປັນສຸນນະຫ໌ໃຫ້ລາວຖືສິນອົດ, ແລະ ການຖືສິນອົດໃນວັນດັ່ງກ່າວເປັນການລົບລ້າງຄວາມຜິດບາບເປັນເວລາສອງປີ. ຄ- ການຖືສິນອົດ 3 ມື້ໃນທຸກ ໆ ເດືອນ, ແລະ ປະເສິດສຸດແມ່ນຖືສິນອົດໄອຍາມມຸລບີດ, ຄືວັນທີ່ 13,14,15. ງ- ການຖືສິນອົດໃນວັນຈັນ ແລະ ວັນພະຫັດໃນທຸກ ໆ ອາທິດ, ເພາະວ່າທ່ານນະບີ ຊລ. ເຄີຍຖືສິນອົດ; ເພາະວ່າການງານຂອງປວງບ່າວຈະຖືກນຳສະເໜີໃນສອງວັນດັ່ງກ່າວ.
ການຖືສິນອົດສຸນັດ ສົ່ງເສີມອື່ນໆ:
ກ- ການຖືສິນອົດຂອງທ່ານນະບີດາວູດ: ແມ່ນການຖືສິນອົດມື້ໜຶ່ງ ແລະ ລະສິນອົດມື້ໜຶ່ງ.
ຂ- ການຖືສິນອົດໃນເດືອນມຸຫັຣຣອມຂອງອັລລໍຮ໌, ເຊິ່ງເປັນເດືອນທີ່ປະເສິດທີ່ສຸດທີ່ສົ່ງເສີມໃຫ້ຖືສິນອົດ, ແລະ ທີ່ເນັ້ນໜັກທີ່ສຸດຄື: ການຖືສິນອົດໃນວັນອະຊູຣໍ, ເຊິ່ງແມ່ນວັນທີ່ສິບຂອງເດືອນມຸຫັຣຣອມ, ແລະ ໃຫ້ຖືສິນອົດໃນວັນທີ່ເກົ້າພ້ອມກັນ; ຕາມຄຳກ່າວຂອງເພິ່ນ ﷺ: «ຖ້າຂ້ອຍຍັງມີຊີວິດຢູ່ເຖິງປີໜ້າ ຂ້ອຍຈະຖືສິນອົດວັນທີເກົ້າຢ່າງແນ່ນອນ» [54]. ແລະ ເປັນການລົບລ້າງບາບຂອງປີທີ່ຜ່ານມາ. [54] ບັນທຶກໂດຍທ່ານມຸສລິມ ເລກທີ (1134).
ບົດທີ່ຫ້າ: ຫັຈຍ໌ ແລະ ອຸມເຣາະຫ໌
ອັລ-ຫັຈ ທາງດ້ານພາສາ: ການມຸ່ງໝາຍ. ທາງດ້ານສາສະໜາບັນຍັດ : ຄືການມຸ້ງສູ່ໄບຕຸລລໍຫ໌ ແລະ ສະຖານທີ່ສັກສິດທັງຫຼາຍ ໃນເວລາທີ່ກຳໜົດໄວ້ ເພື່ອປະກອບພິທີກຳທີ່ສະເພາະເຈາະຈົງ.
ແລະ ອຸມເຣາະຫ໌ : ທາງດ້ານພາສາ : ການຢ້ຽມຢາມ.
ຕາມຫລັກການສາສະໜາ: ການໄປຢ້ຽມຢາມ ໄບຕຸລລໍຫ໌ ໃນເວລາໃດກໍ່ໄດ້ ເພື່ອເຮັດອີບາດະຫ໌ທີ່ສະເພາະເຈາະຈົງ.
ແລະ ການປະກອບພິທີຮັຈ ແມ່ນຫລັກການຂໍ້ໜຶ່ງຂອງອິສລາມ ແລະ ເປັນພື້ນຖານອັນຍິ່ງໃຫຍ່, ໄດ້ຖືກບັນຍັດຂຶ້ນໃນປີທີ່ເກົ້າແຫ່ງການອົບພະຍົບ, ທ່ານນະບີ ﷺ ໄດ້ປະກອບພິທີຮັຈພຽງຄັ້ງດຽວ; ເຊິ່ງແມ່ນ (ຮັຈອັລ ວະດາອ໌).
ການປະກອບພິທີຫັຈເປັນຂໍ້ບັງຄັບໜຶ່ງຄັ້ງໃນຊີວິດ ສໍາລັບຜູ້ທີ່ມີຄວາມສາມາດ. ແລະ ສ່ວນທີ່ເພິ່ມຂຶ້ນມານັ້ນ ມັນກໍ່ຄື ສຸນັດສົ່ງເສີມ. ສ່ວນການປະກອບພິທີອຸມເຣາະຫ໌ນັ້ນ ແມ່ນເປັນວາຈິບ ຕາມທັດສະນະຂອງບັນດານັກວິຊາການສ່ວນຫລາຍ, ດັ່ງຫຼັກຖານຈາກຄຳກ່າວຂອງທ່ານ ﷺ ເມື່ອທ່ານຖືກຖາມວ່າ: ແມ່ຍິງມີໜ້າທີ່ຕ້ອງອອກສົງຄາມຈິຮາດບໍ່? ທ່ານຈຶ່ງກ່າວວ່າ: «ແມ່ນແລ້ວ, ສຳລັບພວກນາງນັ້ນມີການຕໍ່ສູ້ທີ່ບໍ່ມີການສູ້ຮົບຄື: ຫັຈ ແລະ ອຸມເຣາະຫ໌» [55]. [55] ບັນທຶກໂດຍ ທ່ານອະຫ໌ມັດ ເລກທີ (25198), ທ່ານອັນ-ນະຊາອີ ເລກທີ (2627) ແລະ ທ່ານອິບນຸມາຈະຫ໌ ເລກທີ (2901).
ເງື່ອນໄຂຕ່າງໆ ຂອງການເປັນວາຈິບໃນການປະກອບພິທີຮັຈ ແລະ ອຸມເຣາະຫ໌:
1- ອັລ-ອິສລາມ
2. ມີສະຕິປັນຍາ
3. ການບັນລຸສາດສະໜາພາວະ.
4- ເປັນອິດສະຫຼະພາບ.
5. ຕ້ອງມີຄວາມສາມາດ.
ແລະ ເງື່ອນໄຂທີຫົກທີ່ເພີ່ມເຂົ້າມາສະເພາະຜູ້ຍິງຄື: ຕ້ອງມີມະຫ໌ຣອມເດີນທາງໄປນຳເພື່ອປະກອບພິທີກຳ. ເພາະວ່າບໍ່ອະນຸຍາດໃຫ້ນາງເດີນທາງເພື່ອການເຮັດຫັຈຍ໌ ແລະ ເພື່ອຈຸດປະສົງອື່ນ ໂດຍບໍ່ມີມະຫ໌ຣອມ, ຈາກຄຳກ່າວຂອງທ່ານນະບີ ﷺ: "ບໍ່ອະນຸຍາດໃຫ້ແມ່ຍິງເດີນທາງ ເວັ້ນແຕ່ຈະມີມະຫ໌ຣອມໄປນຳ, ແລະ ບໍ່ອະນຸຍາດໃຫ້ຜູ້ຊາຍຄົນໃດເຂົ້າພົບນາງ ເວັ້ນແຕ່ຈະມີມະຫ໌ຣອມຂອງນາງຢູ່ຮ່ວມນຳ" [56]. [56] ບັນທຶກໂດຍ ອັລບຸກຄໍຣີ, ເລກທີ່ (1862) ແລະ ມຸສລິມ, ເລກທີ່ (1341).
ມະຫ໌ຣອມຂອງແມ່ຍິງຄື: ສາມີຂອງນາງ, ຫຼື ຜູ້ທີ່ຖືກຫ້າມບໍ່ໃຫ້ແຕ່ງງານກັບນາງຢ່າງຖາວອນ; ທາງສາຍເລືອດ ເຊັ່ນ: ອ້າຍຂອງນາງ, ພໍ່ຂອງນາງ, ລຸງ ອາຂອງນາງ, ລູກຊາຍຂອງອ້າຍນາງ ແລະ ນ້າບ່າວຂອງນາງ, ຫຼື ຍ້ອນການເປັນອ້າຍນ້ອງຮ່ວມນ້ຳນົມ, ຫຼື ຍ້ອນການແຕ່ງດອງ ເຊັ່ນ: ຜົວຂອງແມ່ ແລະ ລູກຊາຍຂອງຜົວ.
ຄວາມສາມາດ : ຄືຄວາມສາມາດທາງດ້ານຊັບສິນ ແລະ ທາງດ້ານຮ່າງກາຍ, ໂດຍທີ່ສາມາດຂີ່ພາຫະນະ ແລະ ທົນຕໍ່ການເດີນທາງໄດ້, ພ້ອມທັງມີຊັບສິນພຽງພໍສຳລັບຄ່າໃຊ້ຈ່າຍໃນການເດີນທາງໄປ-ກັບ. ແລະ ຕ້ອງຈັດກຽມຄ່າໃຊ້ຈ່າຍທີ່ພຽງພໍໄວ້ໃຫ້ແກ່ບັນດາລູກ ແລະ ຜູ້ທີ່ຢູ່ໃນຄວາມຮັບຜິດຊອບຂອງຕົນ ຈົນກວ່າຈະເດີນທາງກັບຄືນມາ.
ແລະ ເສັ້ນທາງການເດີນທາງໄປປະກອບພິທີຮັຈ ຈະຕ້ອງປອດໄພຕໍ່ຊີວິດ ແລະ ຊັບສິນຂອງເຂົາ.
ແລະ ຜູ້ໃດທີ່ມີຄວາມສາມາດທາງດ້ານຊັບສິນ ແຕ່ບໍ່ສາມາດທາງດ້ານຮ່າງກາຍ, ເຊັ່ນ: ເປັນຄົນເຖົ້າແກ່ຊະລາ ຫຼື ເຈັບປ່ວຍດ້ວຍພະຍາດເຮື້ອຮ້າຍທີ່ບໍ່ມີຫວັງຈະຫາຍດີ; ກໍຈຳເປັນທີ່ລາວຈະຕ້ອງແຕ່ງຕັ້ງຜູ້ອື່ນໄປປະກອບພິທີຫັຈ ແລະ ອຸມເຣາະຫ໌ແທນຕົນ.
ແລະ ມີການກຳນົດເງື່ອນໄຂໄວ້ສອງປະການ ສຳລັບຜູ້ທີ່ຈະເປັນຕົວແທນໃນການປະກອບພິທີຮັຈ ແລະ ອຸມເຣາະຫ໌:
1. ຕ້ອງເປັນຜູ້ທີ່ການປະກອບພິທີຫັຈຂອງລາວຖືກຕ້ອງ, ເຊິ່ງກໍຄື: ເປັນມຸສລິມ, ບັນລຸນິຕິພາວະ ແລະ ມີສະຕິປັນຍາຄົບຖ້ວນ.
2- ການຜ່ານການເຮັດຮັຈຍ໌ອິສລາມຂອງຕົນເອງມາກ່ອນ.
ເຂດກຳນົດຕ່າງໆ ຂອງອິຫ໌ຣອມ:
ອັລ-ມະວາກີດ: ເປັນຄຳພະຫຸພົດຂອງ "ມີກ໊ອດ", ທາງດ້ານພາສາ: ຂອບເຂດ. ແລະ ທາງດ້ານສາສະໜາບັນຍັດ: ຄືສະຖານທີ່ຂອງການອີບາດະຫ໌ ຫຼື ເວລາຂອງມັນ.
ການເຮັດພິທິຫັຈ ມີເຂດກຳໜົດດ້ານເວລາ ແລະ ດ້ານສະຖານທີ່:
ກ- ມີກ໊ອດດ້ານເວລາ: ອັລລໍຫ໌ໄດ້ກ່າວໄວ້ໃນດຳລັດຂອງພຣະອົງທີ່ວ່າ: ຄວາມວ່າ (ການເຮັດຮັຈນັ້ນ (ມີກຳໜົດ) ໃນເດືອນຕ່າງໆ ທີ່ຖືກກຳໜົດໄວ້, ດັ່ງນັ້ນ ຜູ້ໃດທີ່ໄດ້ຕັ້ງເຈດຕະນາເຮັດຮັຈໃນເດືອນເຫຼົ່ານັ້ນ...) [ສູເຣາະຫ໌ ອັລ-ບາກໍເຣາະຫ໌: 197].
ເດືອນເຫຼົ່ານີ້ແມ່ນ: ເດືອນເຊົາວາລ, ເດືອນຊຸລເກາະດະຫ໌ ແລະ ສິບວັນທຳອິດຂອງເດືອນຊຸລຮິຈຈະຫ໌.
ຂ- ມີກ໊ອຕດ້ານສະຖານທີ່: ຄືເຂດກຳໜົດທີ່ບໍ່ອະນຸຍາດໃຫ້ຜູ້ປະກອບພິທີຮັຈລ່ວງເກີນເຂົ້າໄປຍັງນະຄອນມັກກະຫ໌ ໂດຍບໍ່ໄດ້ຄອງອິຫ໌ຣອມ, ດັງຕໍ່ໄປນີ້:
1- ຊູ ອັລ-ຮຸໄລຟະຫ໌: ມີກ໊ອດຂອງຊາວມະດີນະຫ໌.
2- ອັນ-ຈຸຫ໌ຟະຮ໌: ມີກ໊ອດຂອງຊາວຊາມ, ອີຢິບ ແລະ ມັກຣິບ.
3. ກັຣນຸລ ມະນາຊິລ (ປັດຈຸບັນຮູ້ຈັກກັນໃນຊື່ ອັສ-ໄຊລ໌), ເປັນມີກ໊ອດຂອງຊາວນັຈດ໌.
4. ຊາຕຸ ອິຣກ໌ : ມີກ໊ອດຂອງຊາວອີຣັກ.
5- ຍະລຳລຳ: ມີກ໊ອດຂອງຊາວເຢເມນ.
ສ່ວນຜູ້ທີ່ບ້ານຂອງລາວຢູ່ໃກ້ກວ່າເຂດມີກອດເຫຼົ່ານີ້; ແມ່ນໃຫ້ລາວຄອງອິຫ໌ຣອມເພື່ອເຮັດຫັຈ ແລະ ອຸມເຣາະຫ໌ ຈາກບ້ານຂອງລາວ. ສ່ວນຜູ້ທີ່ເປັນຊາວເມືອງມັກກະຫ໌; ພວກເຂົາກໍໃຫ້ຄອງອິຫ໌ຣອມຈາກເມືອງມັກກະຫ໌, ແລະ ບໍ່ຈຳເປັນຕ້ອງອອກໄປຍັງສະຖານທີ່ກຳນົດ (ມີກ໊ອດ) ເພື່ອການຄອງອິຫ໌ຣອມ. ສ່ວນການເຮັດອຸມເຣາະຫ໌ນັ້ນ, ພວກເຂົາຈະຕ້ອງອອກໄປຍັງເຂດອັລ-ຮິລທີ່ໃກ້ທີ່ສຸດ ແລະ ເຮັດການຄອງອິຫ໌ຣອມ. ແລະ ຜູ້ໃດທີ່ຕັ້ງໃຈຈະປະກອບພິທີຮັຈ ຫຼື ອຸມເຣາະຫ໌ ກໍ່ຈຳເປັນຕ້ອງໄດ້ຄອງອິຫ໌ຣອມຈາກສະຖານທີ່ຕ່າງໆ ທີ່ທ່ານຣໍຊູລ ﷺ ໄດ້ກຳນົດໄວ້, ເຊິ່ງມັນກໍ່ຄືເຂດກຳນົດທາງດ້ານສະຖານທີ່ (ມີກ໊ອດ) ທີ່ໄດ້ກ່າວໄວ້ກ່ອນໜ້ານີ້. ຈຶ່ງບໍ່ອະນຸຍາດໃຫ້ຜູ້ທີ່ປະສົງຈະປະກອບພິທີຮັຈ ຫຼື ອຸມເຣາະຫ໌ ເດີນທາງຜ່ານໄປໂດຍປາດສະຈາກການຄອງອິຫ໌ຣອມ.
- ທຸກຄົນທີ່ຜ່ານມະວາກີດທີ່ກ່າວມາ ທີ່ບໍ່ແມ່ນຜູ້ອາໄສຢູ່ໃນເຂດນັ້ນ; ຈຳເປັນຕ້ອງຄອງອິຫ໌ຣອມຈາກທີ່ນັ້ນ.
- ຜູ້ໃດທີ່ເດີນທາງໄປຍັງມັກກະຫ໌, ແລະ ບໍ່ໄດ້ຜ່ານມີກ໊ອດໃດໜຶ່ງທີ່ໄດ້ກ່າວມາ ບໍ່ວ່າຈະເປັນທາງບົກ, ທາງທະເລ ຫຼື ທາງອາກາດ; ໃຫ້ລາວຄອງອີຫ໌ຣອມ ເມື່ອຜ່ານຈຸດທີ່ຂະໜານກັບມີກ໊ອດທີ່ໃກ້ທີ່ສຸດ. ຈາກຄຳກ່າວຂອງທ່ານ ອຸມັຣ ບິນ ຄອດຕ໊ອບ ຣໍດີຍັລລໍອັນຮຸ ວ່າ: «ພວກທ່ານຈົ່ງເບິ່ງແນວຂອງມັນຈາກເສັ້ນທາງຂອງພວກທ່ານ» [57]. [57] ບັນທຶກໂດຍ ອັລບຸກຄໍຣີ, ເລກທີ່ (1531).
- ສຳລັບຜູ້ທີ່ເດີນທາງເພື່ອປະກອບພິທີກຳຂອງຮັຈ ຫຼື ອຸມເຣາະຫ໌ ໂດຍທາງເຮືອບິນ, ລາວຈະຕ້ອງຄອງອິຫ໌ຣອມ ເມື່ອເຮືອບິນບິນຜ່ານຈຸດທີ່ກົງກັບມີກອດທີ່ຢູ່ໃນເສັ້ນທາງຂອງມັນ, ແລະ ບໍ່ເປັນທີ່ອະນຸຍາດສຳລັບລາວທີ່ຈະເລື່ອນການຄອງອິຫ໌ຣອມອອກໄປຈົນກວ່າເຮືອບິນຈະລົງຈອດຢູ່ສະໜາມບິນ.
ການໃສ່ຜ້າຂາວ (ຄອງອິຫ໌ຣອມ):
ແມ່ນການຕັ້ງເຈດຕະນາ (ນຽດ) ເຂົ້າສູ່ພິທີກຳ; ໃນການປະກອບພິທີຫັຈ ຄື: ການຕັ້ງໃຈ (ນຽດ) ເຂົ້າສູ່ການປະກອບພິທີຫັຈ, ໃນອຸມເຣາະຫ໌ນັ້ນ ຄືການຕັ້ງເຈດຕະນາເຂົ້າສູ່ການເຮັດອຸມເຣາະຫ໌. ແລະ ຈະບໍ່ເປັນຜູ້ທີ່ຢູ່ໃນສະພາບອິຫ໌ຣອມ ນອກຈາກວ່າຈະໄດ້ຕັ້ງເຈດຕະນາເຂົ້າສູ່ການປະກອບພິທີກຳ. ສ່ວນການພຽງແຕ່ສວມໃສ່ຊຸດອິຫ໌ຣອມໂດຍບໍ່ມີນຽດເຈດຕະນາ, ກໍບໍ່ຖືວ່າເປັນການຄອງອິຫ໌ຣອມ.
ບັນດາສິ່ງທີ່ສົ່ງເສີມໃຫ້ປະຕິບັດໃນການຄອງອິຫ໌ຣອມ:
1. ການອາບນ້ຳລ້າງຕົວໃຫ້ສະອາດທົ່ວທັງຮ່າງກາຍ ກ່ອນການຄອງອິຫ໌ຣອມ.
2. ໃຫ້ຜູ້ຊາຍປະພົມນ້ຳຫອມໃສ່ຮ່າງກາຍ, ບໍ່ແມ່ນເທໃສ່ເສື້ອຜ້າອິຫ໌ຣອມ.
3. ໃຫ້ຄອງອິຫ໌ຣອມດ້ວຍຜ້າອີຊາຣ ແລະ ຜ້າຣີດາ ສີຂາວ ແລະ ເກີບແຕະ.
4. ການຄອງອິຫ໌ຣອມໃນຂະນະທີ່ຂີ່ພາຫະນະ ໂດຍຫັນໜ້າໄປທາງກິບລະຫ໌.
ປະເພດຂອງນຸສຸກມີດັງນີ້:
ຜູ້ທີ່ຄອງອິຫ໌ຣອມ ຈະຖືກໃຫ້ເລືອກຮູບແບບການປະກອບພິທີກຳຮັຈຍ໌ ຈາກສາມຮູບແບບດັ່ງນີ້:
1. ອັດ-ຕະມັດຕຸອ໌: ຄືການຄອງອິຫ໌ຣອມເພື່ອເຮັດອຸມເຣາະຫ໌ໃນເດືອນຕ່າງໆ ຂອງການເຮັດຫັຈຍ໌, ແລະ ເມື່ອເຮັດສຳເລັດແລ້ວ, ຫຼັງຈາກນັ້ນກໍຄອງອິຫ໌ຣອມເພື່ອເຮັດຫັຈຍ໌ໃນປີດຽວກັນນັ້ນ.
2- ອິຟຣອດ: ຄືການຄອງອິຫ໌ຣອມເພື່ອປະກອບພິທີຫັຈພຽງຢ່າງດຽວຈາກມີກ๋ອດ, ແລະ ຄົງຢູ່ໃນສະພາບຄອງອິຫ໌ຣອມຈົນກວ່າຈະສຳເລັດການປະກອບພິທີຫັຈ.
3- ອັລກິ່ຣອນ; ຄືການຄອງອິຫ໌ຣອມເພື່ອປະກອບພິທີຮັຈ ແລະ ອຸມເຣາະຫ໌ພ້ອມກັນ, ຫລື ຄອງອິຫ໌ຣອມເພື່ອເຮັດອຸມເຣາະຫ໌ ແລ້ວຈຶ່ງນຳເອົາການປະກອບພິທີຮັຈເຂົ້າໄປຮ່ວມນຳກ່ອນທີ່ຈະເລີ່ມການຕໍວາຟຂອງມັນ, ໂດຍໃຫ້ຕັ້ງເຈດຕະນາເຮັດອຸມເຣາະຫ໌ ແລະ ຮັຈ ຈາກເຂດມີກ໊ອດ, ຫລື ກ່ອນທີ່ຈະເລີ່ມການຕໍວາຟອຸມເຣາະຫ໌, ແລະໃຫ້ທຳການຕໍວາຟ ແລະ ສະອີ ສຳລັບທັງສອງ.
ແລະ ສຳລັບຜູ້ທີ່ເປັນມຸຕະມັດຕິອ໌ ແລະ ກໍຣິນ ຕ້ອງໄດ້ເສຍຟິດຍະຫ໌, ຖ້າຫາກວ່າພວກເຂົາບໍ່ແມ່ນຜູ້ທີ່ອາໄສຢູ່ໃນເຂດມັດສະຍິດອັລຫະຣອມ.
ແລະ ຮູບແບບການປະກອບພິທີຮັຈຫ໌ທັງສາມປະການນີ້ ທີ່ດີປະເສີດທີ່ສຸດຄື: ອັດ-ຕະມັດຕຸອ໌; ເພາະທ່ານນະບີ ﷺ ໄດ້ສັ່ງໃຫ້ບັນດາສໍຫາບະຫ໌ຂອງເພິ່ນປະຕິບັດ[58]. ຮອງລົງມາຄື ອັລ-ກິ່ຣອນ; ເພາະມັນເປັນການປະກອບພິທີຮັຈຫ໌ ແລະ ອຸມເຣາະຫ໌, ແລະ ສຸດທ້າຍແມ່ນ ອັລ-ອິຟຣ໊ອດ. [58] ບັນທຶກໂດຍທ່ານມຸສລິມ ເລກທີ່ (1211).
ຈ- ເມື່ອໄດ້ຄອງອິຫ໌ຣອມດ້ວຍຮູບແບບໃດຫນຶ່ງຂອງພິທີກຳເຫຼົ່ານີ້ແລ້ວ, ກໍ່ໃຫ້ກ່າວຕັລບິຍະຫ໌ທັນທີ, ໂດຍກ່າວວ່າ: ຄຳອ່ານ: «ລັບໄບກັລລໍຮຸມມະ ລັບໄບກະ, ລັບໄບກະ ລາ ຊະຣີກະ ລະກະ ລັບໄບກະ, ອິນນັລ ຮຳດະ ວັນນຽະມະຕະ ລະກະ ວັລມຸລກະ, ລາ ຊະຣີກະ ລະກະ» ຄວາມໝາຍ: “ຂ້າພຣະອົງພ້ອມຮັບໃຊ້ພຣະອົງ ໂອ້ອັລລໍຫ໌ ຂ້າພຣະອົງພ້ອມຮັບໃຊ້ພຣະອົງ, ຂ້າພຣະອົງພ້ອມຮັບໃຊ້ພຣະອົງ ບໍ່ມີພາຄີໃດໆ ຄວບຄູ່ກັບພຣະອົງ ຂ້າພຣະອົງພ້ອມຮັບໃຊ້ພຣະອົງ, ແທ້ຈິງການສັນລະເສີນ, ຄວາມໂປດປານ ແລະ ອຳນາດ ເປັນຂອງພຣະອົງ, ບໍ່ມີພາຄີໃດໆ ຄວບຄູ່ກັບພຣະອົງ” [59]. [59] ບັນທຶກໂດຍ ອັລບຸກຄໍຣີ, ເລກທີ່ (1549).
ແລະ ມັນເປັນສຸນນະຫ໌, ແລະ ເປັນມຸສຕະຮັບທີ່ຈະປະຕິບັດໃຫ້ຫຼາຍໆ, ໂດຍທີ່ຜູ້ຊາຍໃຫ້ກ່າວສຽງດັງ ແລະ ຜູ້ຍິງໃຫ້ກ່າວສຽງຄ່ອຍ.
ເວລາຂອງມັນ: ເລີ່ມເວລາຕັ້ງແຕ່ຫຼັງການອິຫ໌ຣອມ, ແລະ ເວລາສຸດທ້າຍຂອງມັນແມ່ນດັ່ງຕໍ່ໄປນີ້:
ໜຶ່ງ: ຜູ້ທີ່ເຮັດອຸມເຣາະຫ໌ ຈະຢຸດການກ່າວ ກ່ອນທີ່ຈະເລີ່ມການຕໍວາຟ.
ສອງ: ຜູ້ປະກອບພິທີຮັດຈ໌ຈະຢຸດເຊົາ ເມື່ອໄດ້ເລີ່ມໃນການຂວ່າງຫີນທີ່ ຈຳມະຣໍ່ຕຸລອະເກາະບະຫ໌ ໃນວັນອີດ.
ບັນດາຂໍ້ຫ້າມໃນການຄອງອິຫ໌ຣອມ:
ຂໍ້ຫ້າມທີໜຶ່ງ: ການໂກນ, ຕັດ ຫຼື ຖອນຜົມ ຈາກທຸກສ່ວນຂອງຮ່າງກາຍ.
ຂໍ້ຫ້າມທີສອງ: ການຕັດເລັບມື ຫຼື ເລັບຕີນ ໂດຍບໍ່ມີເຫດຜົນອະນຸຍາດ, ຖ້າຫາກເລັບຫັກແລ້ວເອົາມັນອອກ ກໍບໍ່ຈຳເປັນຕ້ອງມີຟິດຍະຫ໌.
ຂໍ້ຫ້າມທີສາມ: ການປົກປິດຫົວຂອງຜູ້ຊາຍດ້ວຍສິ່ງທີ່ຕິດກັບຫົວ, ເຊັ່ນ: ໝວກແປ ແລະ ຜ້າໂພກຫົວ.
ຂໍ້ຫ້າມທີສີ່: ການທີ່ຜູ້ຊາຍສວມໃສ່ເຄື່ອງນຸ່ງທີ່ຕັດຫຍິບຕາມຮູບຮ່າງຂອງຮ່າງກາຍ ຫຼື ບາງສ່ວນຂອງຮ່າງກາຍ, ເຊັ່ນ ເສື້ອ, ຜ້າໂພກຫົວ ຫຼື ສະໂຮງ. ອັລມະຄີດ ໝາຍເຖິງ: ສິ່ງທີ່ຖືກຕັດຫຍິບໃຫ້ພໍດີກັບອະໄວຍະວະ ເຊັ່ນ: ເກີບ, ຖົງມື ແລະ ຖົງຕີນ, ສ່ວນແມ່ຍິງໃນຂະນະທີ່ຄອງອິຫ໌ຣອມ ສາມາດນຸ່ງເຄື່ອງຕາມທີ່ນາງປະສົງໄດ້ເພື່ອປົກປິດຮ່າງກາຍ, ແຕ່ບໍ່ໃຫ້ນາງໃສ່ບຸຣເກາະອ໌, ແລະ ໃຫ້ນາງປົກປິດໃບໜ້າຂອງນາງດ້ວຍສິ່ງອື່ນ ເຊັ່ນ ຜ້າຄຸ້ມຫົວ ແລະ ຈິລບາບ ເມື່ອມີຜູ້ຊາຍທີ່ເປັນຄົນພາຍນອກຜ່ານມາ. ແລະ ບໍ່ໃຫ້ໃສ່ຖົງມື.
ຂໍ້ຫ້າມທີຫ້າ: ເຄື່ອງຫອມ; ເພາະຜູ້ທີ່ຄອງອິຫ໌ຣອມນັ້ນຖືກສັ່ງໃຫ້ອອກຫ່າງຈາກຄວາມຟຸ່ມເຟືອຍ, ສິ່ງປະດັບປະດາ ແລະ ຄວາມສຸກສຳລານຂອງໂລກນີ້, ແລະ ໃຫ້ມຸ້ງໜ້າສູ່ໂລກໜ້າ.
ຂໍ້ຫ້າມທີຫົກ: ຫ້າມຜູ້ທີ່ຄອງອິຫ໌ຣອມລ່າສັດປ່າເທິງບົກ, ໃຫ້ການຊ່ວຍເຫຼືອໃນການລ່າ, ຫຼື ເຊືອດມັນ.
ແລະ ຫ້າມຜູ້ທີ່ເປັນຄອງຜ້າອິຫ໌ຣອມ ກິນສັດທີ່ຕົນລ່າ, ຫຼືທີ່ຖືກລ່າມາເພື່ອຕົນ, ຫຼືທີ່ຕົນໄດ້ຊ່ວຍເຫຼືອໃນການລ່າ; ເພາະມັນປຽບເໝືອນສັດທີ່ຕາຍສຳລັບລາວ.
ສ່ວນການລ່າສັດທະເລນັ້ນ, ບໍ່ເປັນທີ່ຕ້ອງຫ້າມສຳລັບຜູ້ຄອງອິຫ໌ຣອມ. ແລະ ບໍ່ເປັນທີ່ຕ້ອງຫ້າມສຳລັບລາວໃນການເຊືອດສັດລ້ຽງ ເຊັ່ນ ໄກ່ ແລະ ປາສຸສັດ; ເພາະວ່າພວກມັນບໍ່ແມ່ນສັດທີ່ຖືກລ່າ.
ຂໍ້ຫ້າມທີເຈັດ: ການເຮັດສັນຍານິກະຫ໌ໃຫ້ກັບຕົນເອງ ຫຼື ໃຫ້ກັບຄົນອື່ນ, ຫຼື ການເປັນພະຍານ.
ຂໍ້ຫ້າມທີແປດ: ການມີເພດສຳພັນ; ຜູ້ໃດທີ່ມີເພດສຳພັນກ່ອນການຕະຮັລລຸລຄັ້ງທຳອິດ; ການປະກອບພິທີກຳຂອງລາວຈະເປັນໂມຄະ, ແລະ ລາວຈຳເປັນຕ້ອງດຳເນີນພິທີກຳຂອງລາວຕໍ່ໄປຈົນສຳເລັດ, ແລະ ຕ້ອງຊົດໃຊ້ມັນໃນປີຕໍ່ໄປ, ແລະ ຕ້ອງເຊືອດສັດ ບາດານະຫ໌ໜຶ່ງໂຕ. ແລະ ຫາກວ່າເປັນຫຼັງຈາກການຕະຮັລລຸລຄັ້ງທຳອິດ, ພິທີກຳຂອງລາວກໍບໍ່ເສຍ, ແລະ ລາວຈຳເປັນຕ້ອງເສຍດັມ.
ສ່ວນຜູ້ຍິງໃນເລື່ອງນີ້ກໍ່ຄືກັນກັບຜູ້ຊາຍ ຖ້ານາງເປັນຜູ້ທີ່ເຊື່ອຟັງ.
ຂໍ້ຫ້າມທີເກົ້າ: ການສຳພັດຮ່າງກາຍໂດຍບໍ່ແມ່ນການຮ່ວມເພດ: ບໍ່ອະນຸຍາດໃຫ້ຜູ້ທີ່ຄອງອິຫ໌ຣອມສຳພັດຮ່າງກາຍຂອງແມ່ຍິງ, ເພາະວ່າມັນເປັນຫົນທາງນຳໄປສູ່ການມີເພດສຳພັນທີ່ຕ້ອງຫ້າມ, ແລະ ຄວາມຫມາຍຂອງການສຳພັດຮ່າງກາຍແມ່ນ: ການສຳພັດແມ່ຍິງດ້ວຍອາລົມຄິດຮອດ.
ອຸມເຣາະຫ໌:
ກ- ຣູກົນການເຮັດອຸມເຣາະຫ໌:
1- ຕ້ອງໃສ່ຜ້າຂາວ (ຄອງອິຫ໌ຣອມ)
2- ການຕໍວາຟ.
3- ຢາງສະເເອ້.
ຂ- ຫຼັກຂໍ້ບັງຄັບໃນອຸມເຣາະຫ໌:
1. ຕ້ອງຄອງອິຫ໌ຣອມ ຈາກສະຖານທີ່ທີ່ຖືກກຳນົດໄວ້ (ມີກ໊ອດ).
2- ການໂກນຜົມ ຫຼື ການຕັດຜົມ.
ຄ- ຂັ້ນຕອນການປະຕິບັດອຸມເຣາະຫ໌:
ສິ່ງທຳອິດທີ່ຜູ້ປະກອບພິທີອຸມເຣາະຫ໌ຕ້ອງເລີ່ມຕົ້ນຄື, ການຕໍວາຟເຈັດຮອບ, ໂດຍເລີ່ມຈາກຫັຈຣຸລ ອັສວັດ(ຫິນດຳ) ແລະ ສິ້ນສຸດລົງທີ່ຈຸດດັ່ງກ່າວ. ແລະ ໃນການຕໍວາຟຂອງລາວ ຈະຕ້ອງຢູ່ໃນສະພາບທີ່ສະອາດ, ແລະ ຕ້ອງປົກປິດເອົາເຣາະຫ໌ ຈາກສະບືລົງໄປຫາຫົວເຂົ່າ, ແລະ ເປັນສຸນນະຫ໌ໃຫ້ເປີດບ່າ ໄຫລ່ເບື້ອງຂວາຕະຫຼອດການຕໍວາຟ; ໂດຍການເອົາຜ້າຄຸມສ່ວນເທິງສອດໄວ້ກ້ອງແຂນຂວາ, ແລະ ເອົາຊາຍຜ້າທັງສອງຂ້າງມາພາດໄວ້ເທິງບ່າໄຫລ່ເບື້ອງຊ້າຍ. ແລະ ເມື່ອສໍາເລັດຮອບທີເຈັດແລ້ວ; ກໍໃຫ້ລະຖິ້ມການເຮັດອິດຕິບາອ໌, ແລະ ໃຫ້ປົກຄຸມບ່າໄຫລ່ທັງສອງຂອງລາວດ້ວຍຜ້າຄຸມຂອງລາວ.
ຫັນໜ້າໄປທາງຫີນດຳ, ຖ້າຫາກສາມາດຈູບໄດ້ກໍ່ໃຫ້ຈູບ, ຖ້າບໍ່ສາມາດ ກໍ່ໃຫ້ສຳຜັດດ້ວຍມືຂວາຖ້າຫາກສະດວກ ແລ້ວຈູບມືຂອງຕົນ. ແລະ ຖ້າຫາກບໍ່ສາມາດສຳຜັດຫີນດຳໄດ້ ກໍໃຫ້ຍົກມືຂວາຂຶ້ນຊີ້ໄປທາງນັ້ນ ພ້ອມກ່າວວ່າ: “ອັລລໍຮຸ ອັກບັຣ” ໜຶ່ງຄັ້ງ, ໂດຍບໍ່ຕ້ອງຈູບມື ແລະ ບໍ່ຕ້ອງຢຸດ. ຫຼັງຈາກນັ້ນ ກໍ່ໃຫ້ດຳເນີນການຕໍວາຟຕໍ່ໄປ; ໂດຍໃຫ້ກະບະຮ໌ຢູ່ທາງເບື້ອງຊ້າຍຂອງຕົນ, ແລະ ສຸນນະຫ໌ໃຫ້ຍ່າງໄວໆ ໃນສາມຮອບທຳອິດ, ອັລ-ຣໍມັລ ໝາຍເຖິງ : ການຍ່າງໄວພ້ອມກັບການກ້າວຂາສັ້ນໆ.
ແລະ ເມື່ອຜ່ານຣູກຸນຍະມານີ (ເຊິ່ງເປັນມຸມທີ່ສີ່ຂອງກະອະບະຫ໌), ຖ້າຫາກສະດວກກໍໃຫ້ໃຊ້ມືຂວາລູບສຳຜັດ ໂດຍບໍ່ຕ້ອງກ່າວຕັກບິຣ ແລະ ບໍ່ຕ້ອງຈູບ, ແລະ ຖ້າຫາກບໍ່ສະດວກທີ່ຈະລູບສຳຜັດ ກໍໃຫ້ຜ່ານໄປເລີຍ ໂດຍບໍ່ຕ້ອງຊີ້ມືໄປຫາ ແລະ ບໍ່ຕ້ອງກ່າວຕັກບິຣ. ແລະໃຫ້ກ່າວລະຫວ່າງຣຸກໄນ ອັລຢາມານີ ແລະ ຫີນດຳວ່າ: ຄຳອ່ານ "ຣອບບະນາ ອາຕີນາ ຟິດດຸນຍາ ຮາສານະຫ໌ ວະຟິລ ອາຄິເຣາະຫ໌ ຮາສານະຫ໌ ສະກີນາ ອະຊາບ ບັນນາຣ" ຄວາມໝາຍ (ໂອ້ພະຜູ້ອະພິບານແຫ່ງພວກເຮົາ ຂໍພຣະອົງຊົງປະທານຄວາມດີງາມໃນໂລກນີ້ໃຫ້ແກ່ພວກເຮົາ ແລະ ຄວາມດີງາມໃນໂລກອາຄິເຣາະຫ໌ ແລະ ຂໍພຣະອົງຊົງປົກປ້ອງພວກເຮົາໃຫ້ພົ້ນຈາກການລົງໂທດແຫ່ງໄຟນະລົກ) [ສູເຣາະຫ໌ ອັລ-ບາກໍເຣາະຫ໌: 201].
ແລະ ເມື່ອເສັດສິ້ນຈາກການຕໍວາຟແລ້ວ, ໃຫ້ລະຫມາດສອງຣໍກະອັດດ້ານຫຼັງມະກອມ ອິບຣໍຮີມ ອະໄລຮິສ ສະລາມ ຖ້າຫາກສາມາດເຮັດໄດ້, ແຕ່ຖ້າຫາກບໍ່ສາມາດ ກໍ່ໃຫ້ລະຫມາດຢູ່ສະຖານທີ່ໃດກໍ່ໄດ້ໃນມັສຍິດອັລ-ຫະຣອມ. ແລະ ເປັນຊຸນນະຫ໌ໃຫ້ອ່ານສູເຣາະຫ໌ (ອັລ-ກາຟິຣູນ) ໃນຣໍກະອັດທຳອິດ ຫຼັງຈາກອ່ານສູເຣາະອັລ-ຟາຕິຮະຫ໌ແລ້ວ, ແລະ ໃນຣໍກະອະຫ໌ທີ່ສອງ ຫຼັງອ່ານຟາຕີຫະຫ໌ ແມ່ນສູເຣາະຫ໌ ອັລ-ອິກລາສ, ຫຼັງຈາກນັ້ນ ກໍ່ມຸ່ງໜ້າໄປຢັງສະຖານທີ່ຍ່າງສະເເອ້, ແລະ ເຮັດການຍ່າງສະເເອ້ ລະຫວາງພູເຂົາ ຊໍວາ ແລະ ມັຣວະຫ໌ ເຈັດຮອບ; ການໄປນັບເປັນໜຶ່ງຮອບ ແລະ ການກັບຄືນກໍ່ນັບເປັນໜຶ່ງຮອບ.
ການຍ່າງສະເເອ້ແມ່ນເລີ່ມຕົ້ນທີ່ພູເຂົາຊໍວາ, ໂດຍໃຫ້ຂຶ້ນໄປເທິງພູເຂົາ ຫຼື ຢືນຢູ່ທີ່ນັ້ນ, ແລະ ການຂຶ້ນໄປເທິງພູເຂົາຊໍວາແມ່ນເປັນສິ່ງທີ່ດີກວ່າ ຖ້າຫາກສະດວກ. ແລະ ໃນເວລານັ້ນ ໃຫ້ອ່ານດຳລັດຂອງພຣະອົງທີ່ວ່າ: (ອິນນັສ ຊໍຟາ ວັລມັຣວະຕະ ມິນ ຊະອາອິຣິລ ລາຫ໌) ຄວາມວ່າ (ແທ້ຈິງ ພູເຂົາ ຊໍວາ ແລະ ມັຣວະຫ໌ ນັ້ນແມ່ນສ່ວນໜຶ່ງຈາກບັນດາເຄື່ອງໝາຍຂອງອັລລໍຫ໌ ...) [ສູເຣາະຫ໌ ອັລ-ບາກໍເຣາະຫ໌: 158].
ແລະ ສຸນັດໃຫ້ຫັນຫນ້າໄປທາງກິບລັດ, ຈາກນັ້ນໃຫ້ກ່າວສັນລະເສີນອັລລໍຫ໌ ແລະ ກ່າວຕັກບິຣ ດັ່ງນີ້: ຄຳອ່ານ: ລາອິລາ ຮະອິລລັລລໍຮຸ ວັລລໍຮຸ ອັກບັຣ, ລາອີລາຮະ ອິລລັລລໍຮຸ ວະຮ໌ດະຮູ ລາຊະຣີ ກະລະຫ໌ ລະຮຸລມຸລກຸ ວະລະຮຸລ ຮຳດຸ ຍະຫ໌ຍີ ວະຍຸມີຕຸ ວະຮຸວະ ອະລາກຸລ ລິໄຊອິນ ກໍດິຣ, ລາອິລາຮະ ອິລລັລລໍຮຸ ວະຫ໌ດະ, ອັນຈະຊະ ວະຫ໌ດະ, ວະ ຄວາມໝາຍ: “ບໍ່ມີພຣະເຈົ້າອື່ນໃດນອກຈາກອັລລໍຫ໌, ແລະ ອັລລໍຫ໌ນັ້ນຊົງຍິ່ງໃຫຍ່ທີ່ສຸດ, ບໍ່ມີພຣະເຈົ້າອື່ນໃດນອກຈາກອັລລໍຫ໌ ພຽງພຣະອົງດຽວ ບໍ່ມີພາຄີໃດໆ ສຳລັບພຣະອົງ, ອຳນາດການປົກຄອງ ແລະ ມວນການສັນລະເສີນເປັນຂອງພຣະອົງ, ພຣະອົງຊົງໃຫ້ເປັນ ແລະ ໃຫ້ຕາຍ, ແລະ ພຣະອົງຊົງມີພະລານຸພາບເໜືອສັບພະສິ່ງທັງປວງ, ບໍ່ມີພຣະເຈົ້າອື່ນໃດນອກຈາກອັລລໍຫ໌ ພຽງພຣະອົງດຽວ, ພຣະອົງຊົງເຮັດໃຫ້ຄຳໝັ້ນສັນຍາຂອງພຣະອົງເປັນຈິງ, ແລະ ພຣະອົງຊົງໃຫ້ໄຊຊະນະແກ່ບ່າວຂອງພຣະອົງ, ແລະ ພຣະອົງຊົງປາບແພ້ເຫຼົ່າພັນທະມິດ (ຂອງສັດຕູ) ດ້ວຍພຣະອົງພຽງອົງດຽວ” [60]. ໃຫ້ກ່າວຕໍ່ດ້ວຍການດຸອາຕາມທີ່ສະດວກ ພ້ອມທັງຍົກມືທັ້ງສອງຂຶ້ນ, ແລະ ໃຫ້ກ່າວຊ້ຳການຊິກຣฺ ແລະ ດຸອານີ້ ສາມຄັ້ງ. ຫຼັງຈາກນັ້ນກໍ່ລົງມາ, ແລ້ວຍ່າງໄປທີ່ພູເຂົາມັຣວະຫ໌, ຈົນເຖິງຫຼັກໝາຍອັນທີໜຶ່ງ, ຜູ້ຊາຍກໍ່ໃຫ້ຟ້າວຍ່າງ ຫຼື ແລນຈົນເຖິງຫຼັກໝາຍອັນທີສອງ, ສ່ວນແມ່ຍິງແລ້ວ, ບໍ່ມີບົດບັນຍັດໃຫ້ແລ່ນລະຫວ່າງສອງຫຼັກຫມາຍ ເພາະນາງເປັນສິ່ງທີ່ຕ້ອງປົກປິດ, ສິ່ງທີ່ຖືກບັນຍັດໃຫ້ແກ່ນາງແມ່ນການຍ່າງຕະຫຼອດການສະອີທັງຫມົດ. ຫຼັງຈາກນັ້ນ, ກໍໃຫ້ຍ່າງໄປ, ແລ້ວຂຶ້ນໄປເທິງພູ ອັລ-ມັຣວະຫ໌ ຫຼື ຢຸດຢູ່ທີ່ນັ້ນ, ແລະການຂຶ້ນໄປເທິງພູນັ້ນຖືວ່າປະເສີດກວ່າ ຖ້າຫາກວ່າສາມາດເຮັດໄດ້, ໃຫ້ກ່າວ ແລະ ປະຕິບັດເທິງພູ ອັລ-ມັຣວະຫ໌ ເຊັ່ນດຽວກັບທີ່ໄດ້ກ່າວ ແລະ ປະຕິບັດເທິງພູ ອັລ-ຊໍຟາ, ຍົກເວັ້ນການອ່ານອາຍະຫ໌, ຊຶ່ງກໍຄືຄຳດຳລັດຂອງພະອົງທີ່ວ່າ: ຄວາມວ່າ (ແທ້ຈິງ ພູເຂົາຊໍວາ ແລະ ມັຣວະຫ໌ ນັ້ນແມ່ນສ່ວນໜຶ່ງຈາກເຄື່ອງໝາຍຕ່າງໆຂອງອັລລໍຫ໌...) ສິ່ງນີ້ແມ່ນໃຫ້ປະຕິບັດສະເພາະຂະນະຂຶ້ນພູເຂົາຊໍຟາໃນຮອບທຳອິດເທົ່ານັ້ນ, ແລ້ວກໍ່ລົງມາ, ໃຫ້ຍ່າງໃນສ່ວນທີ່ຕ້ອງຍ່າງ, ແລະ ໃຫ້ຟ້າວຍ່າງໃນສ່ວນທີ່ຕ້ອງຟ້າວຍ່າງ, ຈົນໄປເຖິງພູເຂົາຊໍຟາ, ໃຫ້ປະຕິບັດເຊັ່ນນັ້ນ 7 ຮອບ, ຂາໄປນັບເປັນໜຶ່ງຮອບ ແລະ ຂາກັບນັບເປັນໜຶ່ງຮອບ. ແລະ ສົ່ງເສີມໃຫ້ມີການລຳລຶກ ແລະ ການຂໍດຸອາໃຫ້ຫຼາຍໆ ໃນຂະນະທີ່ສະແຫວງຫາ ຕາມທີ່ສະດວກ, ແລະ ຕ້ອງສະອາດ ປາດສະຈາກຮະດັຊໃຫຍ່ ແລະ ຮະດັຊນ້ອຍ, ເຖິງແມ່ນວ່າຈະປະຕິບັດໂດຍບໍ່ມີຄວາມສະອາດ, ກໍຖືວ່າໃຊ້ໄດ້. ເຊັ່ນດຽວກັນ, ຫາກແມ່ຍິງມີເລືອດປະຈຳເດືອນ ຫຼື ເລືອດຫຼັງຈາກເກີດລູກ ຫຼັງຈາກການຕໍວາຟ; ນາງກໍເຮັດການສະອີ, ແລະ ການກະທຳນັ້ນກໍຖືວ່າໃຊ້ໄດ້; ເພາະວ່າຄວາມສະອາດບໍ່ແມ່ນເງື່ອນໄຂໃນການສະອີ, ຫາກແຕ່ເປັນພຽງສິ່ງທີ່ສົມຄວນກະທຳເທົ່ານັ້ນ. [60] ບັນທຶກໂດຍທ່ານມຸສລິມ ເລກທີ່ (1218).
ເມື່ອເຮັດການສະອີສຳເລັດແລ້ວ, ໃຫ້ໂກນຫົວ ຫຼື ຕັດຜົມ, ແລະ ການໂກນຫົວສຳລັບຜູ້ຊາຍແມ່ນຈະເປັນການດີກວ່າ.
ແລະ ດ້ວຍເຫດນີ້, ທ່ານກໍໄດ້ປະກອບບັນດາພິທີກຳຂອງອຸມເຣາະຫ໌ ຢ່າງສົມບູນແລ້ວ.
ອັລ-ຫັຈ:
ກ. ຣູກົນການເຮັດຫັຈ:
1- ຕ້ອງໃສ່ຜ້າຂາວ (ຄອງອິຫ໌ຣອມ)
2- ພັກແຮມທີ່ທຸ່ງອາຣໍຟະຫ໌.
3- ຕໍວາຟ ອິຟາເດາະຫ໌.
4. ຍ່າງສະເເອ້ ລະຫວາງພູເຂົາ ຊໍຟາ ແລະ ມັຣວະຫ໌.
ຂ. ຫຼັກຂໍ້ບັງຄັບໃນການເຮັດຫັຈ:
1- ການຄອງອິຫ໌ຣອມ ຈາກມີກ໊ອດ.
2- ພັກແຮມທີ່ທຸ່ງອາຣໍຟະຫ໌ ໃນວັນທີ 9 ເດືອນຊຸລຫິຈຍະຫ໌ ຈົນເຖິງຕາເວັນຕົກດິນ ສຳລັບຜູ້ທີ່ພັກແຮມໃນຕອນກາງເວັນ.
3- ການພັກຄ້າງຄືນທີ່ມຸຊດາລິຟະຮ໌ ໃນຄືນທີ່ສິບຂອງເດືອນຊຸລຫິຈຍະຮ໌ ຈົນຮອດເຄິ່ງຄືນ.
4. ການຄ້າງຄືນທີ່ມີນາ ໃນຄືນຕ່າງໆ ຂອງວັນອັຕຕັຊຣີກ.
5. ການຂວ່າງຈະມາຣອດ (ການຂວ່າງກ້ອນຫີນໃສ່ເສົາຫີນ).
6. ການໂກນ ຫຼື ການຕັດໃຫ້ສັ້ນ.
7- ຕໍວາຟ ວະດາອ໌.
ຄ. ວິທີການເຮັດພິທີຫັຈ:
ໃຫ້ຊາວມຸດສະລິມເຂົ້າສູ່ສະພາບອິຫ໌ຣອມເພື່ອປະກອບພິທີຫັຈພຽງຢ່າງດຽວ (ອິຟຣອດ) ເມື່ອເດີນທາງໄປຮອດເຂດມີກ໊ອດ ຖ້າຫາກວ່າເວລາມີຈຳກັດ, ເມື່ອເດີນທາງໄປຮອດນະຄອນມັກກະຮ໌ແລ້ວ ກໍໃຫ້ລາວຕໍວາຟ ແລະ ສະແອ, ແລະ ໃຫ້ຄົງຢູ່ໃນສະພາບອິຫ໌ຣອມຂອງຕົນ ຈົນກວ່າຈະເດີນທາງໄປຍັງທົ່ງອະຣໍຟາດ ໃນວັນອະຣໍຟະຫ໌ ເຊິ່ງແມ່ນວັນທີເກົ້າ, ແລະ ໃຫ້ພັກຢູ່ທີ່ນັ້ນຈົນເຖິງຕາເວັນຕົກດິນ,
ຫຼັງຈາກນັ້ນກໍ່ໃຫ້ອອກເດິນທາງຈາກທີ່ນັ້ນ ພ້ອມກັບກ່າວຕັລບີຍະຫ໌ ມຸ່ງໜ້າສູ່ມຸຊດາລິຟະຫ໌, ໂດຍໃຫ້ພັກຢູ່ທີ່ນັ້ນຈົນກວ່າຈະໄດ້ລະຫມາດຟະຈັຣ, ຫຼັງຈາກນັ້ນກໍ່ໃຫ້ຢູ່ທີ່ນັ້ນຕໍ່ໄປ ເພື່ອເຮັດການລຳລຶກເຖິງພຣະອົງອັລລໍຫ໌, ກ່າວຕັລບີຍະຫ໌ ແລະ ຂໍດຸອາ ຈົນກວ່າທ້ອງຟ້າຈະແຈ້ງສະຫວ່າງຂຶ້ນ,
ພໍຮຸ່ງເຊົ້າ ກໍ່ໃຫ້ເດີນທາງໄປຍັງມິນາ ກ່ອນຕາເວັນຈະຂຶ້ນ, ແລ້ວໃຫ້ຂວ່າງເສົາຫີນອະເກາະບະ ດ້ວຍກ້ອນຫີນເຈັດກ້ອນ, ຈາກນັ້ນກໍ່ໃຫ້ໂກນຜົມ ຫຼື ຕັດຜົມໃຫ້ສັ້ນ, ແລະ ການໂກນຜົມແມ່ນດີກວ່າ.
ຫຼັງຈາກນັ້ນ, ລາວກໍເຮັດການຕໍວາຟ ອິຟາເດາະຫ໌, ໂດຍທີ່ການສະອີຄັ້ງທຳອິດນັ້ນພຽງພໍແລ້ວ, ແລະ ດ້ວຍການກະທຳດັ່ງກ່າວ ການປະກອບພິທີຫັຈຂອງລາວກໍຖືວ່າສຳເລັດສົມບູນ ແລະ ລາວກໍຈະພົ້ນຈາກສະພາວະອິຫ໌ຣອມຢ່າງສົມບູນ.
ແລະ ຍັງເຫຼືອໃຫ້ລາວຕ້ອງປະຕິບັດການຂວ້າງເສົາຫີນໃນວັນທີສິບເອັດ ແລະ ວັນທີສິບສອງ, ຖ້າຫາກລາວຕ້ອງການຈະຮີບກັບກ່ອນກຳນົດ; ໂດຍໃຫ້ລາວຂວ້າງເສົາຫີນທັງສາມຕົ້ນ, ແຕ່ລະຕົ້ນໃຫ້ຂວ້າງດ້ວຍກ້ອນຫີນເຈັດກ້ອນ, ແລະໃຫ້ກ່າວຕັກບິຣພ້ອມກັບການຂວ້າງທຸກກ້ອນ, ໃຫ້ເລີ່ມຈາກເສົາຫີນຕົ້ນນ້ອຍທີ່ຢູ່ຖັດຈາກມັດສະຍິດອັລ-ຄອຍຟ໌, ຈາກນັ້ນແມ່ນເສົາຫີນຕົ້ນກາງ, ແລ້ວຈຶ່ງແມ່ນເສົາຫີນອະກໍບະຫ໌ ເຊິ່ງເປັນຕົ້ນສຸດທ້າຍ, ໂດຍແຕ່ລະເສົາຫີນແມ່ນໃຫ້ຂວ້າງດ້ວຍກ້ອນຫີນເຈັດກ້ອນ. ແລະ ຫາກລາວປະສົງທີ່ຈະຢູ່ຕໍ່ຫຼັງຈາກວັນທີສິບສອງ; ກໍ່ໃຫ້ລາວຂວ່າງກ້ອນຫີນໃນວັນທີສິບສາມ ຄືກັນກັບວິທີການຂວ່າງຂອງລາວໃນວັນທີສິບສອງ ແລະ ວັນທີສິບເອັດ.
ເວລາຂອງການຂວ່າງເສົາຫີນ : ຫຼັງຈາກຕາເວັນຄ້ອຍ ໃນຊ່ວງສາມວັນ.
ແລະ ຖ້າຫາກຈະອອກເດີນທາງໃນວັນທີສິບສອງ ກ່ອນຕາເວັນຕົກດິນ ກໍບໍ່ເປັນຫຍັງ, ແລະ ຖ້າຫາກຈະຢູ່ຕໍ່ຈົນໄດ້ຂວ້າງເສົາຫີນໃນວັນທີສິບສາມ ຫລັງຈາກຕາເວັນຄ້ອຍ ກໍ່ເປັນການດີກວ່າ, ດັ່ງດຳລັດຂອງພຣະອົງ ອັລລໍຮ໌ ຕະອາລາ ທີ່ວ່າ:
(...ຜູ້ໃດທີ່ຮີບຮ້ອນໃນສອງວັນ ກໍ່ບໍ່ມີບາບໃດໆແກ່ເຂົາ ແລະ ຜູ້ໃດທີ່ຢູ່ຕໍ່ ກໍ່ບໍ່ມີບາບໃດໆ ແກ່ເຂົາ, ສຳຫຼັບຜູ້ທີ່ຍຳເກຣງ...) [ສູເຣາະຫ໌ ອັລ-ບາກໍເຣາະຫ໌: 203].
ແລະ ຖ້າຫາກຕ້ອງການເດີນທາງ, ກໍໃຫ້ຕໍວາຟວະດາອ໌ 7 ຮອບ ໂດຍບໍ່ຕ້ອງສະອີ.
ແລະ ຮູບແບບທີ່ດີທີ່ສຸດສຳລັບຜູ້ທີ່ບໍ່ໄດ້ນຳສັດເຊືອດມາພ້ອມຄື: ການຄອງອີຫ໌ຣອມເພື່ອເຮັດອຸມເຣາະຫ໌ໃນຮູບແບບຕະມັດຕຸອ໌, ຈາກນັ້ນຈຶ່ງກ່າວຕັລບີຍະຫ໌ເພື່ອທຳຫັຈໃນວັນທີ 8, ແລະ ປະຕິບັດພິທີກຳຕ່າງໆ ຂອງຫັຈທີ່ໄດ້ກ່າວມາຂ້າງຕົ້ນ. ແລະຖ້າຫາກລາວຄອງອີຫ໌ຣອມເພື່ອເຮັດຫັຈ ແລະ ອຸມເຣາະຫ໌ ໄປພ້ອມໆກັນກໍ່ຖືວ່າເປັນທີ່ອະນຸຍາດ, ເຊິ່ງຮູບແບບນີ້ເອີ້ນວ່າ ກິຣ໊ອນ, ຄືການຄອງອີຫ໌ຣອມເພື່ອທຳອຸມເຣາະຫ໌ ແລະ ຫັຈ ໄປພ້ອມໆ ກັນ ໂດຍການທຳຕໍວາຟ ແລະ ສະອີ ພຽງຄັ້ງດຽວ.
ບົດທີ່ສາມ:
ສິ່ງທີ່ກ່ຽວຂ້ອງກັບການເຮັດທຸລະກຳ
ບັນດານັກວິຊາການ ຂໍອັລລໍຫ໌ ຊົງໂປດເມດຕາພວກທ່ານ ໄດ້ຊີ້ແຈງເຖິງຄວາມຮູ້ທີ່ເປັນພາລະຈຳເປັນທີ່ມຸດສະລິມທຸກຄົນຕ້ອງຮຽນຮູ້, ແລະ ພວກເພິ່ນໄດ້ກ່າວເຖິງຂອບເຂດຂອງການຮຽນຮູ້ທີ່ເປັນພາກບັງຄັບສ່ວນບຸກຄົນສຳຫຼັບມຸສລິມທຸກຄົນ, ແລະສ່ວນຫນຶ່ງໃນນັ້ນກໍ່ຄື: ການຮຽນຮູ້ບົດບັນຍັດຕ່າງໆກ່ຽວກັບການຊື້ຂາຍ ສຳລັບຜູ້ທີ່ເຮັດການຄ້າຂາຍ, ເພື່ອທີ່ຈະບໍ່ໄດ້ຕົກໄປໃນສິ່ງທີ່ຫະຣອມ ຫຼື ດອກເບ້ຍ ໂດຍທີ່ລາວບໍ່ຮູ້ໂຕ, ແລະ ໄດ້ມີການລາຍງານຈາກສໍຮາບະຫ໌ບາງທ່ານ ເຖິງສິ່ງທີ່ສະໜັບສະໜູນໃນເລື່ອງດັ່ງກ່າວ.
ທ່ານອຸມັຣ ບິນ ຄອດຕ໊ອບ ຣໍດີຍັລລໍອັນຮຸ ໄດ້ກ່າວວ່າ: « ບໍ່ໃຫ້ຜູ້ໃດຂາຍເຄື່ອງໃນຕະຫຼາດຂອງພວກເຮົາ ຍົກເວັ້ນຜູ້ທີ່ມີຄວາມເຂົ້າໃຈໃນສາສະໜາ » [61]. [61] ບັນທຶກໂດຍ ທ່ານອັດ-ຕິຣມີຊີ ເລກທີ່ (487), ແລະກ່າວວ່າ: ຮະຊັນ ເຄາະຣີບ. ແລະ ຈັດເປັນຮະດິຊ ຮະຊັນໂດຍ ທ່ານອັລ-ອັລບານີ.
ທ່ານອາລີ ບິນ ອະບີ ຕໍລິບ ຣໍດິຍັລລໍຮຸ ອັນຮຸ ຫຍັງໄດ້ກ່າວໄວ້ວ່າ: «ຜູ້ໃດທີ່ເຮັດການຄ້າກ່ອນທີ່ຈະມີຄວາມເຂົ້າໃຈໃນສາສະໜາ; ລາວຈະຕົກລົງສູ່ການກິນດອກເບ້ຍ (ຣິບາ), ແລ້ວກໍຕົກລົງໄປ, ຈາກນັ້ນກໍຕົກລົງໄປອີກ. ໝາຍຄວາມວ່າ: ລາວໄດ້ຕົກຢູ່ໃນການກິນດອກເບ້ຍ» [62]. [62] ມຸຄນີ ອັລ-ມຸຫຕາຈ (2/22).
ທ່ານ ອິບນຸ ອາບິດີນ ໄດ້ກ່າວໂດຍລາຍງານຈາກ ທ່ານ ອັລ-ລາມີ ວ່າ: "ເປັນຂໍ້ບັງຄັບສຳຫຼັບທັງຊາຍ ແລະ ຍິງທີ່ຢູ່ໃນເກນບັງຄັບທາງສາສະໜາ ຫຼັງຈາກທີ່ໄດ້ສຶກສາຄວາມຮູ້ພື້ນຖານຂອງສາສະໜາ ແລະ ການຊີ້ນຳແລ້ວ, ຈະຕ້ອງສຶກສາຄວາມຮູ້ກ່ຽວກັບການອາບນ້ຳລະຫມາດ, ການອາບນ້ຳຍົກຮາດັສ, ການລະຫມາດ, ແລະ ການຖືສິນອົດ, ແລະ ຄວາມຮູ້ເລື່ອງຊະກາດສຳຫຼັບຜູ້ທີ່ມີຊັບສິນຄົບຕາມເກນກຳຫນົດ, ແລະ ການປະກອບພິທີຮັດຈ໌ສຳຫຼັບຜູ້ທີ່ຖືກບັງຄັບໃຫ້ປະຕິບັດ, ແລະ ຄວາມຮູ້ເລື່ອງການຄ້າຂາຍສຳຫຼັບພໍ່ຄ້າ, ເພື່ອທີ່ຈະຫຼີກລ່ຽງຈາກສິ່ງທີ່ຄຸມເຄືອ ແລະ ສິ່ງທີ່ບໍ່ເປັນທີ່ປະສົງໃນທຸກການພົວພັນທາງທຸລະກິດ, ເຊັ່ນດຽວກັນກັບຜູ້ປະກອບອາຊີບຕ່າງໆ, ແລະ ທຸກຄົນທີ່ປະກອບອາຊີບໃດໜຶ່ງ ກໍເປັນຂໍ້ບັງຄັບທີ່ຕ້ອງຮຽນຮູ້ຄວາມຮູ້ ແລະ ຂໍ້ກຳຫນົດຂອງອາຊີບນັ້ນ ເພື່ອທີ່ຈະລະເວັ້ນຈາກສິ່ງທີ່ຕ້ອງຫ້າມ (ຫາຣອມ) ໃນອາຊີບນັ້ນ" [63]. [63] ຫາຊິຍະຫ໌ ອິບນ໌ ອາບິດີນ (1/ 42).
ອິມ່ຳ ອັນນະວະວີ ຂໍອັລລໍຫ໌ຊົງເມດຕາເພິ່ນ ໄດ້ກ່າວໄວ້ວ່າ: "ສ່ວນການຊື້ຂາຍ, ການແຕ່ງງານ ແລະ ສິ່ງທີ່ຄ້າຍຄືກັນນີ້ ເຊິ່ງໂດຍພື້ນຖານແລ້ວບໍ່ແມ່ນສິ່ງທີ່ຈຳເປັນ, ຫ້າມບໍ່ໃຫ້ດຳເນີນການ ເວັ້ນເສຍແຕ່ຈະໄດ້ຮູ້ເງື່ອນໄຂຂອງມັນເສຍກ່ອນ" [64]. [64] ໜັງສື ອັລ-ມັຈມູອ໌ (1/ 50).
ແລະ ນີ້ແມ່ນບາງຫຼັກການທີ່ກ່ຽວຂ້ອງກັບການເຮັດທຸລະກໍາທາງດ້ານການເງິນ, ເຊິ່ງຊາຣີອະຫ໌ອິສລາມໄດ້ກຳນົດໄວ້:
1. ການອະນຸຍາດທຸກສິ່ງທີ່ມີຜົນປະໂຫຍດຢ່າງແທ້ຈິງ ຫຼື ມີຜົນປະໂຫຍດເດັ່ນກວ່າ; ເຊັ່ນ: ການຊື້-ຂາຍສິ່ງທີ່ອະນຸໂລມ, ການເຊົ່າ ແລະ ຊຸຟອະຫ໌ [65]. [65] ຊຸຟອະຫ໌: ຄື ສິດທິຂອງຜູ້ຮ່ວມຮຸ້ນໃນການຍຶດເອົາສ່ວນແບ່ງຂອງຜູ້ຮ່ວມຮຸ້ນອີກຄົນ ຈາກຜູ້ທີ່ໄດ້ຮັບໂອນກຳມະສິດໄປ ດ້ວຍການຈ່າຍຄ່າຕອບແທນເປັນຊັບສິນ.
2- ການອະນຸມັດທຸກສິ່ງທີ່ຄ້ຳປະກັນ ແລະ ຮັກສາສິດທິຂອງເພື່ອນມະນຸດ; ເຊັ່ນ: ການຈຳນອງ ແລະ ການເປັນພະຍານ.
3- ການອະນຸຍາດໃນທຸກສິ່ງທີ່ມີຜົນປະໂຫຍດແກ່ຄູ່ສັນຍາ, ເຊັ່ນ: ການຍົກເລີກສັນຍາ, ສິດໃນການເລືອກ ແລະ ເງື່ອນໄຂຕ່າງໆ ໃນການຊື້ຂາຍ.
4- ຫ້າມທຸກສິ່ງທີ່ລວມມີການອະທຳຕໍ່ຜູ້ຄົນ ແລະ ການເອົາຊັບສິນຂອງພວກເຂົາໂດຍບໍ່ຊອບທຳ, ເຊັ່ນ: ການກິນດອກເບຍ, ການຍາດຊິງ ແລະ ການກັກຕຸນ.
5- ການບັນຍັດທຸກສິ່ງທີ່ມີການຮ່ວມມືໃນດ້ານສົ່ງເສີມຄວາມດີ; ເຊັ່ນ: ການໃຫ້ກູ້ຢືມ, ການໃຫ້ຢືມສິ່ງຂອງ ແລະ ການຮັບຝາກ.
6. ຫ້າມການຫາຊັບສິນໂດຍບໍ່ຜ່ານການເຮັດວຽກ, ບໍ່ສ້າງຜົນປະໂຫຍດ ແລະ ບໍ່ໄດ້ອອກແຮງ, ເຊັ່ນ ການພະນັນ ແລະ ດອກເບຍ.
7. ຫ້າມທຸກທຸລະກຳທີ່ສ່ວນໃຫຍ່ມີຄວາມບໍ່ຮູ້ ແລະ ຄວາມບໍ່ແນ່ນອນ; ເຊັ່ນ: ການຂາຍສິ່ງທີ່ຕົນບໍ່ໄດ້ເປັນເຈົ້າຂອງ ແລະ ການຂາຍສິ່ງທີ່ບໍ່ເປັນທີ່ຮູ້ຈັກ.
8. ຕ້ອງປ້ອງກັນທຸກໆ ເລ່ຫຼ່ຽມທີ່ນຳໄປສູ່ສິ່ງທີ່ຕ້ອງຫ້າມ, ເຊັ່ນ: ການຄ້າຂາຍແບບ ອັນ-ອີນະຫ໌ [66]. [66] ການຊື້ຂາຍແບບອັລອີນະຫ໌: ກໍ່ຄືການທີ່ຄົນໜຶ່ງຂາຍສິນຄ້າໃຫ້ກັບອີກຄົນໜຶ່ງໃນລາຄາທີ່ຈ່າຍໃນພາຍຫຼັງ, ແລະ ໄດ້ສົ່ງມອບສິນຄ້ານັ້ນໃຫ້ແລ້ວ, ຫຼັງຈາກນັ້ນກໍ່ຊື້ມັນຄືນ ກ່ອນທີ່ຈະໄດ້ຮັບການຊຳລະລາຄາ, ໂດຍຊື້ໃນລາຄາທີ່ຕ່ຳກວ່າເດີມ ແລະ ຈ່າຍເປັນເງິນສົດ.
9. ແນ່ນຍ້ຳບໍ່ໃຫ້ເຮັດສິ່ງທີ່ເຮັດໃຫ້ຫັນເຫອອກຈາກການເຊື່ອຟັງຕໍ່ອົງອັລລໍຮ໌; ເຊັ່ນ: ການຊື້-ຂາຍ ຫຼັງຈາກການອະຊານຄັ້ງທີສອງຂອງລະຫມາດວັນສຸກ.
10- ຫ້າມທຸກສິ່ງທີ່ມີຄວາມເສຍຫາຍ, ຫຼື ກໍ່ໃຫ້ເກີດຄວາມເປັນສັດຕູກັນລະຫວ່າງຊາວມຸດສະລິມ; ເຊັ່ນ ການຂາຍສິ່ງທີ່ຕ້ອງຫ້າມ, ແລະ ການຂາຍທັບລາຄາຂາຍຂອງພີ່ນ້ອງຂອງລາວ.
ແລະ ເມື່ອຂໍ້ຕັດສິນຂອງບັນຫາໃດໜຶ່ງເປັນທີ່ສັບສົນແກ່ມຸສລິມ; ລາວຈະຖາມບັນດານັກວິຊາການກ່ຽວກັບບັນຫານັ້ນ, ແລະ ຈະບໍ່ລົງມືປະຕິບັດມັນ ຈົນກວ່າຈະໄດ້ຮູ້ຂໍ້ຕັດສິນຕາມຫຼັກສາສະໜາໃນເລື່ອງນັ້ນເສຍກ່ອນ, ດັ່ງທີ່ພຣະຜູ້ຊົງສູ່ງສົງໄດ້ຕຣັດວ່າ: (...ດັງນັ້ນ ຈົ່ງຖາມບັນດາຜູ້ຮູ້ເຖິດ ຖ້າຫາກພວກເຈົ້າບໍ່ຮູ້) (ສຸເຣາະຫ໌ ອັລນະຫ໌ລຸ : 43)
ນີ້ແມ່ນສິ່ງທີ່ຂ້າພະເຈົ້າສາມາດຮວບຮ່ວມໄດ້ຕາມຄວາມສະດວກ, ຂໍຕໍ່ອັລລໍຫ໌ ຊົງໂປດປະທານຄວາມຮູ້ທີ່ເປັນປະໂຫຍດ ແລະ ການງານທີ່ດີງາມໃຫ້ແກ່ພວກເຮົາ, ແທ້ພຣະອົງຊົງເປັນຜູ້ຊົງເມດຕາທີ່ດີເລິດ. ຂໍອັລລໍຫ໌ ຊົງປະທານການສະດຸດິ, ຄວາມຈຳເລີນ ແລະ ຄວາມສັນຕິສຸກຢ່າງຫຼວງຫຼາຍ ແດ່ທ່ານນະບີມຸຮຳມັດຂອງເຮົາ, ແດ່ຄອບຄົວຂອງທ່ານ ແລະ ມິດສະຫາຍຂອງທ່ານທັ້ງຫຼາຍ.
Related books
All books
ສິ່ງທີ່ເດັກນ້ອຍມຸສລິມຄວນຮູ້66 languagesສິ່ງທີ່ເດັກນ້ອຍມຸສລິມຄວນຮູ້
ດ້ວຍພຣະນາມຂອງອັລລໍຫ໌ ຜູ້ຊົງເມດຕາ ກະລຸນາ ປານີສະເໝີ ບົດນຳ ບິສມິລລາຫ໌, ວັລຮຳດຸລິລລາຫ໌; ແລະ ຕໍ່ຈາກນີ້: ນີ້ແມ່ນຫຼັກສູດທີ່ກວມເອົາປະເດັນຕ່າງໆ ທາງສາສະໜາທີ່ເດັກນ້ອຍມຸສລິມຄວນຮູ້, ໂດຍພໍ່ແມ່ຄວນສອນເລື່ອງເຫຼົ່ານີ້ໃຫ້ເຂົາເຈົ້າຕັ້ງແຕ່ຍັງນ້ອຍ. ຫຼັກສູດນີ້ປະກອບດ້ວຍເນື້ອຫາດ້ານອາກີດະຫ໌ (ຄວາມເຊື່ອ), ຟິກຫ໌ (ນິຕິສາດອິສລາມ), ຊີເຣາະຫ໌ (ຊີວະປະຫວັດທ່ານສາດສະດາ), ຈະລິຍະທັມ, ຕັຟຊີຣ (ການຕີຄວາມໝາຍອັລ-ກຸຣອານ), ຫະດິຊ, ຄຸນນະທັມ ແລະ ອັຊກາຣ (ບົດລຳລຶກປະຈຳວັນ), ທີ່ເຫມາະສົມສໍາລັບເດັກນ້ອຍ ທຸກເພດທຸກໄວ, ແລະ ຜູ້ທີ່ຫາກໍ່ເຂົ້າຮັບສາສະໜາອິສລາມ, ທັ້ງຍັງເຫມາະສົມສໍາລັບການທ່ອງຈໍາ ແລະ ອະທິບາຍໄດ້ ສາມາດນຳໄປສອນຢູ່ເຮືອນ,…
أنا مسلم
ຄູ່ມືສະບັບຫຍໍ້ທີ່ເປັນປະໂຫຍດສຳຫຼັບມຸສລິມ60 languagesຄູ່ມືສະບັບຫຍໍ້ທີ່ເປັນປະໂຫຍດສຳຫຼັບມຸສລິມ
ຫນັງສືເຫຼັ້ມນີ້ສົນທະນາພື້ນຖານຂອງອິດສະລາມໃນລັກສະນະທີ່ຫຍໍ້ກະທັດຫັດ ແລະ ຄົບຖ້ວນສົມບູນ, ໂດຍການອະທິບາຍໃຫ້ຜູ້ອ່ານຮູ້ເຖິງພື້ນຖານຂອງການເຄົາລົບພັກດີທີ່ຖືກຕ້ອງ ແລະຄວາມໝາຍຂອງ(ອີມານ) ຄວາມເຊື່ອສັດທາໃນພຣະເຈົ້າ ມາລາອີກະຮ໌ຂອງພຣະອົງ ຄຳພີຂອງພຣະອົງ ແລະ ສາດສະດາທູດຂອງພຣະອົງ ສັດທາຕໍ່ວັນສິ້ນໂລກ ແລະ ກົດກຳນົດສະພາວະ.
ສາມຫຼັກການພື້ນຖານ ພ້ອມດ້ວຍຫຼັກຖານຂອງມັນ73 languagesສາມຫຼັກການພື້ນຖານ ພ້ອມດ້ວຍຫຼັກຖານຂອງມັນ
ຫນັງສືເຫຼັ້ມນີ້ເວົ້າກ່ຽວກັບຫຼັກການພື້ນຖານສຳຫຼັບມຸສລິມທີ່ຕ້ອງຮຽນຮູ້ມັນ: ການຮູ້ຈັກພຣະເຈົ້າ, ການຮູ້ຈັກສາສະໜາອິດສະລາມ, ແລະ ການຮູ້ຈັກທ່ານນະບີ ມູຮຳມັດ ຊໍລລັລລໍຮຸ ອະໄລຮິ ວະສັລລຳ, ແລະ ເນັ້ນໜັກເຖິງຄວາມສຳຄັນຂອງຫຼັກການເຫຼົ່ານີ້ໃນການສ້າງຄວາມເຊື່ອສັດທາ ແລະ ການປະຕິບັດຄວາມດີງາມ ໂດຍອ້າງອີງຫຼັກຖານຈາກພຣະຄຳພີອັລ-ກຸຣອານ ແລະ ຊຸນນະຮ໌.