Bèl kalite ak bon fason pou moun genyen nan Moske Pwofèt la, ak règ pou vizite tonbo Pwofèt la (ke lapè ak benediksyon Allah sou li) ansanm ak tonbo 2 konpayon li yo (ke Allah dakò ak yo).
Bèl kalite ak bon fason pou moun genyen nan Moske Pwofèt la, ak règ pou vizite tonbo Pwofèt la (ke lapè ak benediksyon Allah sou li) ansanm ak tonbo 2 konpayon li yo (ke Allah dakò ak yo).
Liv sa a montre bèl kalite Moske Pwofèt la ak bon fason pou moun vizite li. Li prezante tou bon fason pou moun vizite tonbo Pwofèt la (ke lapè ak benediksyon Allah sou li) ak tonbo tonbo 2 konpayon li yo (ke Allah dakò ak yo). Liv la ensiste anpil sou enpòtans pou moun gen respè (diyite), pou yo pwòp, epi pou yo evite fè nenpòt aksyon ki pa nan tradisyon an (inovasyon) pandan vizit la.
Language: lang_ht
Prepared by: Komisyon Syantifik nan Prezidans Afè Relijye pou Gran Moske a (Maka) ak Moske Pwofèt la (Medin).
Byenfè ak fason pou moun konpòte yo ak respè nan Moske Pwofèt la, ak règleman pou vizite tonbo Pwofèt la (Lapè ak benediksyon Allah sou li) ansanm ak tonbo 2 konpayon li yo (Se pou Allah dakò ak yo 2 a).
Prepare pa
Komisyon Syantifik ki anba direksyon Prezidans Zafè Relijye nan Gran Moske Mèk la ak Moske Pwofèt la.
1447 H
Entwodiksyon an.
Lwanj pou Allah Mèt linivè a. Benediksyon ak lapè sou moun Allah voye kòm yon mizèrikòd pou tout kreyati yo (Pwofèt Muhammad), sou fanmi li, sou konpayon li yo, ak sou tout moun ki swiv chemen li epi ki mache nan limyè gidans li jouk jou jijman an. Apre sa :
Sa se yon ti liv ki tou kout, ki gen ladan li pwen ki pi enpòtan sou byenfè Moske Pwofèt la, prensip respè pou vizite li,ak fason pou vizite tonbo Pwofèt la (ke lapè ak Benediksyon Allah poze sou li)ansanm ak tonbo 2 konpayon li yo. Nou ranmase enfòmasyon sa yo pou moun ki ap vizite Moske Pwofèt la, pou yo ka gen konesans ak klète sou valè moske Pwofèt nasyon an (lapè ak Benediksyon Allah kouvri li) sou jan pou yo vizite li ak jan pou yo priye ladan li. Nap mande Allah ki Gen Gran Kè ak anpil Jenerozite, pou li fè liv sa a sèvi moun yo, pou li fè li tounen yon bon zèv ki fèt sèlman pou Li (poun fè li plezi). Se Li menm ki pi bon moun nou ka mande, epi se nan Li nou mete tout espwa nou."
Li se youn nan twa (3) moske kote moun dwe prepare vwayaj pou yo ale vizite (pou chèche benediksyon):
Epi daprè Abou Hurayrah (ke Allah satisfè de li), li rapòte Pwofèt la (ke lapè ak benediksyon Allah sou li):Moun pa dwe prepare vwayaj (pou chèche benediksyon yon kote) eksepte pou 3moske: moske mwen an (nan Medin), Moske Al-Haram (nan Lamèk), ak Moske Al-Aqsa (nan Jerizalèm). [1][1] Bukhari rapòte li nan nimewo: (1189), Muslim rapòte li nan nimewo: (1397), epi pawòl sa yo se nan vèsyon Muslim nan yo soti.
Lapriyè ladan li pi bon pase mil (1,000) lapriyè nan nenpòt lòt moske, eksepte Moske Al-Haram (ki nan Lamèk):
Se moske sa a ki te bati sou baz krentif pou Allah (taqwa) depi premye jou a:
Daprè Abu Sa'id al-Khudri, ke Allah satisfè de li, li te di: Mwen te antre bò kote Mesaje Allah a (ke lapè ak benediksyon Allah sou li) nan kay youn nan madanm li yo, epi mwen te di: "O Mesaje Allah, kiyès nan 2 moske yo ki te bati sou baz krentif pou Allah la?" Pwofèt la pran yon ponyen ti wòch, li frape tè a avèk li, apre sa li di:«Se moske nou an la a» (li tap pale de moske ki nan vil Medin lan) [3].[3] Rapòte pa Mouslim, anba nimewo (1398).
Rekonpans yon moun kap chèche konesans ladan li se menm jan ak rekonpans yon moun kap goumen nan chemen Allah a (moujahid):
Epi daprè Abou Hurayrah (ke Allah satisfè avè l), li te di: Mwen te tande Mesaje Allah a (ke lapè ak benediksyon Allah sou li) di:«Nenpòt moun ki vini nan moskem nan la a, epi li pa vini pou anyen lòt pase pou yon byen lap aprann oswa lap anseye, li menm jan ak yon moun kap goumen nan chemen Allah a (Mujahid). Men, moun ki vini pou yon lòt rezon, li menm jan ak yon nonm kap gade byen (richès) lòt moun.»"[4] Ibn Majah rapòte l nan nimewo: (227), ak yon chèn transmisyon ki fyab (otantik).
Li gen ladan l zòn Ar-Rawdah ash-Sharifah (Jaden ki beni an):
Epi daprè Abu Hurayrah (ke Allah satisfè de li), Pwofèt la (ke lapè ak benediksyon Allah sou li) te di:«Espas ki ant kay mwen ak kote mwen fè diskou a (minbar) se yon jaden nan jaden Paradi yo, epi kote mwen fè diskou a (minbar) li sou bò basen dlo mwen an (Al-Hawd).» [5][5] Yo dakò sou li. Al-Bukhari anba nimewo (1195), ak Muslim anba nimewo (1390).
Dezyèmman: Li rekòmande (li se yon bon bagay) pou moun vizite Moske Pwofèt la ki onore.
Akòz byenfè sa yo ak lòt ankò, li rekòmande pou moun vizite Moske Pwofèt la pou yo ka priye ladan l epi adore Allah
Konsa, li se yon aksyon ki rekòmande (Sunnah) pou moun kap fè pèleren (Haj) ak pou nenpòt lòt moun, pou yo vizite Moske Pwofèt la, swa anvan yo fè Haj la oswa aprè yo fin fè li. Men, vizit sa a pa fè pati kondisyon pou Haj la valab, li pa nan poto mitan li yo, ni li pa nan obligasyon l yo; vizit la pa gen okenn rapò (dirèk) ak pratik Haj la.
- Pa gen yon kantite priyè presi, ni yon dire tan espesifik pou rete nan vil Medin, ki se yon kondisyon pou vizite Moske Pwofèt la (ke lapè ak benediksyon Allah sou li). Okontrè, vizit la fèt ak yon sèl priyè, kit se yon priyè obligatwa oswa yon priyè volontè. Men, plis kantite priyè yo ogmante ladan li, se plis rekonpans la ogmante.
Epi li rekòmande pou moun kap vizite Moske Pwofèt la pou li fè tout lapriyè obligatwa yo (Fard) ladan li ansanm ak lapriyè volontè yo (Nawafil); poutèt sa nou te di anvan an, kote lapriyè ladan li pi bon pase mil (1,000) lapriyè nan nenpòt lòt kote, eksepte Moske Al-Haram.
Twazyèmman: Prensip respè ak bon konpòtman (Ādāb) pou vizite Moske Pwofèt la.
Lè yon Mizilman rive nan Moske Pwofèt la, li rekòmande pou li montre bon konpòtman (prensip respè) lalwa relijyon an mande pou tout moske an jeneral, ak sa ki konsène Moske Pwofèt la an patikilye. Men yo:
Pou li vini nan moske a ak Trankilite ak diyite, nan eta pwòpte (ablisyon), ak yon bèl aparans, epi ak yon bon sant. Dapre sa Abou Hourayrah (se pou Allah dakò avè l) rapòte, Mesaje Bondye a (se pou lapè ak Benediksyon Allah kouvri li)te di:«Lè yo fin fè apèl (Iqamah) pou kòmanse lapriyè a, pa kouri vini pou nou ratrape l. Vini ak kalm (trankilite). Sa nou jwenn lan, priyel, epi sa ki te pase nou an, konpletel. Paske, depi youn nan nou gen entansyon pou li ale lapriyè, li deja konsidere kòm moun kap lapriyè.» [6]Epi daprè Abou Sa'id al-Khoudri (ke Allah satisfè de li), Pwofèt la (ke lapè ak benediksyon Allah sou li) te di:«Lave kò (Ghusl) jou vandredi a se yon obligasyon pou tout moun ki fòme (ki rive nan laj pibète), epi tou pou li netwaye bouch li (miswak), epi pou li mete pafen si li jwenn.» [7]Kanta pou fanm lan, depi lap vin nan moske a (Masjid), li dwe kouvri tèt li ak kò li kòmsadwa avèk vwal li (hijab). Li pa gen dwa mete pafen ni okenn sant ki santi bon sou li, daprè sa Pwofèt la (ke lapè ak benediksyon Allah sou li) te di :« Si youn nan nou (fanm yo) ap vin nan moske a, piga li mete pafen sou li. »[6] Rapòte pa Boukhari, nan nimewo (636), epi Mouslim, nan nimewo (602).[7] Rapòte pa Al-Boukhari, anba nimewo (846), ak Mouslim, anba nimewo (858), epi Al-Mouhtalim se moun ki majè.[8] Rapòte pa Mouslim, anba nimewo (443).
Antre ak pye dwat lè wap antre nan Moske Pwofèt la, epi di priyè (dua) pou antre nan moske a. Li rekòmande pou vizitè a avanse pye dwat li anvan lè lap antre nan Moske Pwofèt la, menm jan li fè sa pou tout lòt moske yo, epi pou li fè priyè sa a :"Nan non Allah, epi lapè sou Mesaje Allah la, O Allah, padone peche mwen yo epi louvri pou mwen pòt mizèrikòd Ou yo"[9],Epi konsa tou, li di:« Mwen chache pwoteksyon nan men Allah ki gran anpil la, nan men figi Li ki plen lagras, ak nan pouvwa Li ki la depi nan tan lontan, kont Satan yo chase a. »[9]« Ibn Majah rapòte li nan nimewo : (771), ak yon chenn transmisyon (chenn moun ki rakonte l la) ki fyab (sari). »[10]« Abu Dawood rapòte li nan nimewo : (466), ak yon chèn transmisyon ki solid (sa vle di li otantik). »
Akòmplisman priyè pou salye moske a: Li rekòmande pou moun ki antre nan Moske Pwofèt la pou li priye ladan li, pou li priye 2 rak'at pou salye moske a anvan li chita, paske daprè Abi Qatada Al-Harith bin Rib'i Al-Ansari (ke Allah satisfè de li), li te di: Pwofèt la ﷺ te di:«Lè yonn nan nou antre nan Masjid la, se poul pa chita jiskaske li priye 2 rak'at»[11].[11] Rapòte pa Al-Boukhari, anba nimewo (1171), ak Mouslim anba nimewo (714).
Fè efò pou priye nan premye ranje yo; paske gen yon gwo merit ladan yo, e sa fèt sèlman lè yon moun ale bonè, daprè adit Abou Hourayra rapòte a, kote Pwofèt la (se pou lapè ak benediksyon Allah kouvri li) te di:[12]« Si moun yo te konnen ki valè (rekonpans) ki genyen nan fè apèl pou lapriyè (Adan) ak nan kanpe nan premye ranje a, epi yo pa ta jwenn okenn lòt fason pou yo chwazi ki moun kap fè li sof si yo fè tiraj osò, yo ta fè tiraj osò a vre. »Epi dapre pawòl li, (ke lapè ak benediksyon Allah sou li) pou konpayon li yo (ke Allah satisfè 2 yo):«Avanse, swiv mwen, epi se pou sila ki dèyè nou yo swiv nou. Yon pèp pap sispann rete dèyè jiskaske Allah mete yo dèyè»[13].[12] Yo dakò sou li, Al-Boukhari, anba nimewo: (615), ak Mouslim, anba nimewo: (437).[13] Rapòte pa Mouslim, anba nimewo (438).
Kanta pou medam yo, sa ki pi bon pou yo se pou yo priye nan ran ki dèyè yo, epi pou yo rete lwen mesye yo, daprè hadith Abou Hourayra (ke Allah satisfè de li), ki di: Pwofèt Allah la (ke lapè ak benediksyon Allah kouvri li) te di:« Pi bon ranje pou gason yo se premye a, epi pi move a se dènye a. Men, pi bon ranje pou fanm yo se dènye a, epi pi move a se premye a. »Men, si yap priye pou kont yo (antre fanm sèlman), oswa si gen yon separasyon (miray oswa rido) ant yo menm ak gason yo, jan sa ye nan Moske Pwofèt la (Masjid an-Nabawi), nan ka sa a, pi bon ranje pou yo a se premye a; paske rezon ki te fè yo rete dèyè a pa egziste ankò.[14] Rapòte pa Mouslim, anba nimewo (440).
Lapriyè dèyè Imam nan, epi fè atansyon pouw pa deplase (fè mouvman) anvan li; daprè hadith Abu Hurairah (ke Allah kontan avè l la) kote Pwofèt la (se pou lapè ak Benediksyon Allah kouvri li) te di :[15] « Sèl rezon ki fè yo mete yon Imam, se pou nou swiv li. »[15] Rapòte pa Al-Bukhari, nan nimewo (722), ak Mouslim, nan nimewo (417).
Yon moun kap priye pa gen dwa kanpe devan Imam nan, eksepte si gen yon ka nesesite (ijans) kote moske a tèlman plen ak moun, li pa jwenn okenn lòt kote pou li priye sof devan Imam nan.
Se pou nou veye pou nou bouche tout twou ak tout espas ki vid nan mitan ranje yo, epi mete yo byen dwat. Men, nou dwe fè atansyon pou nou pa bouskile moun, pou nou pa jennen yo, pou nou pa sote nan kou moun (poun pase devan yo), ni pou nou pa pase devan moun kap priye; paske aksyon sa yo ap fè nou tonbe nan peche.
Fè lapriyè nan Jaden ki Beni an (Ar-Rawdah ash-Sharifah) pou moun ki jwenn posiblite fè sa; daprè hadith Abu Hurairah (ke Allah kontan avè l la), kote Pwofèt la (se pou lapè ak Benediksyon Allah kouvri li)te di :«Espas ki ant lakay mwen ak Minba mwen an, se yon jaden pami jaden Paradi yo, epi Minba mwen an sou Basen mwen an»[16].« [16] Yo tout dakò sou li (Al-Bukhari ak Muslim). Al-Bukhari rapòte li nan nimewo : (1195), epi Muslim rapòte li nan nimewo : (1390). »
Pa gen okenn benediksyon (rekonpans) espesifik ki mansyone kòm detay pou moun kap priye nan Rawdah a (Jaden an), men sa ki sèten, se yon jaden nan mitan jaden Paradi yo — jan sa te parèt nan hadith Abu Hurairah (ke Allah kontan avè l la) nou te wè anvan an — epi aksyon nap fè pou adore Allah yo gen plis valè selon moman ak kote nou fè yo a.
* Se pou vizitè a chwazi moman ki apwopriye pou lapriyè nan 'Rawda' a, epi pou li chèche lè kote pa gen anpil foul moun. Li pa pèmèt pou li pouse frè mizilman li yo, ni pou li pase sou tèt moun, ni pou li pase devan moun kap priye, jis pou li ka priye ladan li. Paske lapriyè nan 'Rawda' a se yon priyè volontè (Nafila), donk yon moun pa dwe rive fè li nan komèt yon bagay ki entèdi. Menm jan an tou, vizitè a dwe fè atansyon pou li respekte epi swiv règleman espesyal yo ak aranjman ki fèt pou òganize antre nan 'Rawda' a, nan chwazi moman ki apwopriye, epi nan kolabore ak moun ki responsab pou òganize antre vizitè yo ladan li.
Pwofite tan an pou w fè anpil bon zèv kap fè mw pwoche pi pwòch Allah (Kreyatè a), lwanj pou li; tankou lapriyè, li Koran an, fè dikr (sonje Allah), fè dua (priyè), patisipe nan rankont kote yap pale senyè toupwisan an, nan leson lasyans (relijye), nan gwoup kote yap anseye Koran an, ak lòt aktivite ankò.
Bese zyew devan sa Allah ki gen tout pouvwa a entèdi: Vizitè kap vin nan Moske Pwofèt la dwe bese zyel devan tout sa li pa gen dwa gade. Li dwe konnen gravite peche yon moun fè nan kote ki sen konsa ak pinisyon ki mache avè l. Paske, valè ak pwa yon peche vin pi plis selon enpòtans moman an ak kote a; se menm jan an tou pou bon aksyon yo. Konsa tou, yon fanm mizilman dwe veye pou l respekte vwal (hijab) lalwa mande a, epi pou li pa montre bèl raba (bijou oswa dekorasyon) sou li poul pa atire gason, paske peche sa a gen yon gwo konsekans.
Fè atansyon pou moun pa kite tèt yo okipe nan fè foto oswa nan gade foto ak videyo sou telefòn, epi sa vin pi grav si foto ak videyo sa yo entèdi.
Kenbe Moske Pwofèt la lwen tout sa ki pa diy pou li, tankou moun kap fè kont (diskisyon), moun kap leve vwa yo byen fò, moun kap chache bagay yo pèdi, moun kap fè kòmès (vann ak achte), ak tout lòt bagay konsa ki pa dwe fèt ni nan moske sa a, ni nan okenn lòt moske; daprè hadith Abu Hurairah (ke Allah kontan avè l la), kote Pwofèt la (ke lapè ak Benediksyon Allah kouvri li)te di:« Si nou wè yon moun kap vann oswa kap achte anndan moske a, di li: "Se pou Allah fè biznis ou an pa rapòte w anyen." Epi si nou wè yon moun kap rele byen fò pou chache yon bagay li pèdi, di li: "Se pou Allah pa janm fè w jwenn li." »[17] Rapòte pa At-Tirmidhi anba nimewo (1321) ak Ibn Khuzaymah anba nimewo (1305), avèk yon chèn transmisyon otantik.
Veye pou Moske Pwofèt la toujou rete pwòp: piga nou jete fatra ni anndan moske a, ni nan lakou li yo; tankou rès manje ak nap (tapis) moun sèvi pou koupe karem, sitou nan mwa Ramadan an. Konsa tou, piga nou krache nan koulwa yo ni nan lakou a, oswa fè nenpòt lòt bagay konsa.
Evite fè lapriyè nan koulwa yo, devan papòt yo, ak nan kote ki gen twòp moun, paske sa lakòz anpil dezòd, sa bloke chemen pou moun pase, epi sa deranje (blese) lòt mizilman yo.
Gason ak fanm dwe priye nan espas yo rezève pou chak nan yo, kit se anndan Moske Pwofèt la oswa nan lakou li yo. Yon gason pa dwe priye bò kote yon fanm, ni yon fanm pa dwe priye bò kote yon gason. Epi, se pou nou fè atansyon pou nou pa kanpe devan Imam nan toutotan sa posib.
Mete pye gòch la anvan lè wap soti nan moske a, epi di lè wap soti:« O Allah mwen mandew pou ou ban mwen nan favè ou (benediksyon Ou). »Oswa li fè lapriyè sou Pwofèt la (ke lapè ak benediksyon Allah sou li) epi li di:« Granmèt, padone pechem yo, epi louvri pòt benediksyon ou yo pou mwen. »[19] Rapòte pa Mouslim, anba nimewo (713).[20] Rapòte pa At-Tirmidhi, nimewo (314), avèk yon sanad kòrèk.
Katriyèmman: Règleman ak bon jan konpòtman pou vizite tonbo Pwofèt la (se pou lapè ak Benediksyon Allah kouvri li)ak tonbo 2 konpayon li yo (ke Allah kontan avè yo).
Li rekòmande pou moun Medina yo, ak pou moun ki vini ladan li kòm vizitè, pou yo vizite tonbo Pwofèt la (se pou lapè ak benediksyon Allah kouvri li) ak tonbo 2 konpayon li yo: Abou Bakr ak Omar (ki pou Allah satisfè avèk yo tou 2); poutèt prèv jeneral yo ki endike lejitimite vizit tonbo yo, pami yo gen pawòl li a (se pou lapè ak benediksyon Allah kouvri li):« Mwen te entèdi nou vizite tonbo yo (anvan sa), men kounye a, nou mèt vizite yo. »[21] Rapòte pa Mouslim, anba nimewo (977).
Epi sa ki endike valè ki genyen pou voye lapè sou Pwofèt la (ke lapè ak benediksyon Allah sou li) aprè lanmò li, se pawòl li, (ke lapè ak benediksyon Allah sou li):« Pa gen okenn moun kap voye salitasyon pou mwen (salye m), san Allah — lwanj pou Li — pa voye nanm mwen tounen nan mwen poum ka reponn salitasyon li a. »[22] Rapòte pa Ahmad, nan Al-Musnad, anba nimewo: (10815), avèk yon chèn transmisyon ki bon (Hasan).
* Medam yo pa gen dwa vizite tonbo li a (se pou lapè ak benediksyon Allah kouvri li) ni tonbo okenn lòt Mizilman, paske vizit tonb yo se yon bagay ki preskri pou gason yo. Kanta pou medam yo, yo te defann yo vizite tonb yo, daprè sa ki rapòte de Ibn Abbas (ki pou Allah satisfè avèk yo toulede), li te di:«Mesaje Allah la (ke lapè ak benediksyon Allah sou li) te bay madichon pou medam kap vizite kavo yo, ak moun ki pran kavo sa yo pou yo fè moske sou yo, epi ki limen lanp (limyè) sou yo»[23],Epi daprè Abou Hurayrah (ke Allah satisfè de li):«Pwofèt la (ke lapè ak benediksyon Allah sou li) te modi medam kap vizite tonbo yo souvan»[24].[23] Rapòte pa Abou Dawoud, anba nimewo: (3236), At-Tirmidhi, anba nimewo: (320), ak An-Nasa'i, anba nimewo: (2043).[24] Rapòte pa At-Tirmidhi anba nimewo (1056), ak Ibn Majah anba nimewo (1576), avèk yon bon chèn transmisyon.
Li pa pèmi pou yon moun antreprann yon vwayaj sèlman nan entansyon poul vizite tonbo Pwofèt la (se pou lapè ak benediksyon Allah kouvri li). Men pito, se pou li gen entansyon nan vwayaj li a pou li vizite Moske a epi poul fè lapriyè ladann. Epi, lè li rive nan vil la, se lè sa a li pèmi pou li vizite tonbo a, menm jan sa pèmi pou moun ki abite nan vil la menm; poutèt pawòl Pwofèt la (se pou lapè ak benediksyon Allah kouvri li) ki di:« Piga nou fè gwo vwayaj (pou al adore) nan okenn lòt kote, eksepte nan 3 moske sa yo: Moskem nan la (nan Medin), Moske Sakre a (nan Lamèk), ak Moske Al-Aqsa a (nan Jerizalèm). »« [25] Al-Bukhari rapòte li nan nimewo: (1189), epi Muslim rapòte li nan nimewo: (1397). Pawòl sa a (jan li ekri la a) se vèsyon pa Muslim nan. »
Bon kondwit ki preskri pou vizit tonbo Pwofèt la (se pou lapè ak benediksyon Allah kouvri li) ak tonbo 2 konpayon li yo (ki pou Allah satisfè avèk yo tou 2).
Vizitè a kanpe devan tonbo Pwofèt la (Se pou lapè ak benediksyon Allah kouvri li), aprèsa, li salye Pwofèt la (Se pou lapè ak benediksyon Allah kouvri li) avèk respè epi ak vwa li tou ba, pandan li ap di: «Lapè sou ou, O Mesaje Allah, ak mizèrikòd Allah ak benediksyon li yo». Epi si li ajoute sou sa epi li di: «Mwen temwaye ke ou te delivre Mesaj la, ou te remèt konfyans nan, ou te konseye nasyon an, epi ou te lite nan chemen Allah jan ou te dwe lite a», pa gen okenn pwoblèm nan sa; paske tout bagay sa yo se verite.
Aprèsa, li fè yon pa sou bò dwat li pou li ka anfas tonm Abou Bakr As-Siddiq (ki pou Allah satisfè avè l) epi li di: (Lapè sou ou, O Abou Bakr As-Siddiq, Lapè sou ou, O siksesè Mesaje Allah la (Se pou lapè ak benediksyon Allah kouvri li), ki pou Allah satisfè avèk ou epi fè ou satisfè, epi ki pou Li rekonpanse ou avèk sa ki pi bon an pou nasyon Mouhammad la (Se pou lapè ak benediksyon Allah kouvri li)).
Aprèsa, li fè yon pa sou bò dwat li pou li ka anfas tonb Omar ibn al-Khattab (ki pou Allah satisfè avè l) epi li di: (Lapè sou ou, O Omar al-Faruq, ke Allah satisfè avèk ou epi fè ou satisfè, epi ke li rekonpanse ou ak pi bon an pou nasyon Muhammad la (Se pou lapè ak benediksyon Allah kouvri li)).
Epi Ibn Omar (ke Allah satisfè de yo tou le 2), lè li te konn retounen sot nan vwayaj, li te konn ale bò kot tonb Pwofèt la (ke lapè ak benediksyon Allah sou li) epi li te di:«Lapè sou ou, O Mesaje Allah, Lapè sou ou, O Abou Bakr, Lapè sou ou, O papam, Apre sa, li ale»[26].[26] Rapòte pa Al-Bayhaqi nan As-Sunan Al-Kubra anba nimewo (10271), avèk yon sanad sahih.
Piga li manyen miray tonbo a, ni griyaj (siyaj) la, epi piga li bo yo tou.
Imam Malik, ke Allah fèl mizèrikòd, te di:«Lè yon moun salye Pwofèt la (Se pou lapè ak benediksyon Allah kouvri li), li kanpe ak fas li vire bò kote tonb nan; pa bò kote Kibla a, li pwoche, li salye, epi li pa touche tonb nan ak men li» [27].[27] Ash-Shifa lil-Qadi ‘Iyad (2/ 199).
Imam yo dakò ke pèsonn pa dwe touche tonbo Pwofèt la (ke lapè ak benediksyon Allah sou li) ak men li, ni bo li.
Piga li rete kanpe twò lontan bò kote tonbo a; okontrè, se pou li salye epi aprèsa pou li ale.
Imam Malik, ke Allah fèl mizèrikòd, te di:«Mwen pa panse li kòrèk pou yon moun kanpe bò kavo Pwofèt la (Se pou lapè ak benediksyon Allah kouvri li) ap lapriyè, men pito, li dwe salye liepi li ale» [28].[28] Ash-Shifa (2/ 199).
Epi Nafi, ke Allah fèl mizèrikòd, te di:Ibn Omar te konn bay salam bò kavo a.. Mwen te wè li 100 fwa e plis, li te konn vini bò kavo a epi li di: "Lapè sou Pwofèt la (Se pou lapè ak benediksyon Allah kouvri li). Lapè sou Abu Bakr, Lapè sou papa m," aprèsa li ale" [29].[29] Rapòte pa Al-Ajurri nan liv Ash-Shari'ah (5/2374), anba nimewo (1853).
Kanta pou sa kèk vizitè konn fè, lè yo monte vwa yo tou prè kavo li a (ke lapè ak benediksyon Allah kouvri li), epi yo rete kanpe la twò lontan, sa kontrè ak sa ki rekòmande nan lalwa.
Piga li fè priyè (Dua) bay Allah pandan li kanpe dwat devan tonbo a. Si li vle fè yon priyè, se poul vanse (kite zòn tonbo a), vire figi li nan direksyon Kibla a (Kaba a), epi fè priyè li. Li pa dwe vire figil nan direksyon tonbo a pou lap fè priyè.
Imam Malik, ke Allah fèl mizèrikòd, te di:« Mwen pa kwè yon moun dwe rete kanpe bò kote tonbo Pwofèt la ﷺ pou lap fè priyè (Dua). »
Li pa pèmèt (nan relijyon an) pou yon moun toujou ap retounen bò kote tonbo a chak fwa li ap antre oswa lap soti nan moske a, kit moun nan rete nan vil Medin, kit li se yon vizitè ki soti deyò. Paske, yo pè pou sa pa vin tounen yon habitid kote yo pran tonbo a tankou yon kote pou selebrasyon.
Epi Mesaje Allah a (ke lapè ak benediksyon Allah sou li) te entèdi sa, epi li te di:«Piga nou pran tonb mwen pou yon fèt, ni pa fè kay nou yo tounen tonb, e kèlkeswa kote nou ye, voye lapriyè sou mwen, paske anverite, lapriyè nou yo rive jwenn mwen»[30].« [30] Ahmad rapòte li nan liv li a ki rele Al-Musnad, nan nimewo: (8804), ak yon chenn transmisyon (isnad) ki bon (Hassan). »
Siyifikasyon pawòl sa a: «Piga nou pran tonb mwen pou yon fèt» se lè moun yo abitye retounen vizite li nan yon tan oswa yon sitiyasyon espesifik, tankou lè yo fikse yon jou pou vizite li chak jou, chak semèn, oswa chak mwa. Oubyen lè gen yon sitiyasyon presi ki fè yo vizite li.Epi yo di tou: sa vle di, piga nou pran li kòm yon sezon kote nou rasanble[31].[31] Gade: 'Al-Moufradat' pa Al-Raghib Al-Asfahani (paj 594), 'Sharh al-Sudur bi Tahrim Raf’ al-Qubur' pa Al-Shawkani (paj 16).
Imam Malik, ke Allah fèl mizèrikòd, te di:Pou moun vil Medina yo ki antre nan Moske a epi ki soti ladan li, li pa yon obligasyon pou yo kanpe bò tonbo a; se pou etranje yo pito sa ye"[32].[32] Al-Chifa li-Qadi ‘Iyad (2/ 204), Al-Madkhal li-Ibn Al-Hajj (1/ 262).
« Epi pawòl li a (ke Allah gen pitye pou li): "Sa se pou moun ki soti lwen yo sèlman": sa vle di vizit la li menm (lè yo fèk rive), men sa pa vle di pou yo retounen bò kote tonbo a chak fwa yap antre oswa yap soti nan moske a. »
Li pa dwe kanpe devan tonbo a menm jan ak yon moun kap fè lapriyè, kote li mete yon men sou lòt sou lestomak li oswa anbal; paske fason sa a se pou lapriyè sèlman li rezève. Sa se yon fason pou montre soumisyon ak respè total ki pa fèt pou pèsonn lòt pase Allah sèlman (lwanj pou Li).
Piga yon moun vire figi li nan direksyon tonbo a pandan li byen lwen (nan moske a oswa deyò) poul salye Pwofèt la ﷺ, jan kèk moun konn fè sa. Paske, konpayon Pwofèt yo (ke Allah kontan avè yo) pa te konn fè sa, ni premye gran savan yo (Salf al-Salih), tankou 4 gwo Imam yo ak lòt ankò.
Piga yon moun vire figi li nan direksyon tonbo sakre a pou ll fè priyè (Dua), ni poul li Koran, oswa lòt bagay konsa, kèlkeswa kote li ye a. Aksyon sa yo fè pati move pratik moun envante (bida) jan nou te wè anvan an. Li pa pèmèt pou yon Mizilman envante anyen nan relijyon li si se pa Allah ki bay pèmisyon pou sa. Imam Malik (ke Allah gen pitye pou li) te kondane kalite aksyon sa yo, epi li te di:Sèl sa ki ka delivre (ranje) dènye pati nan pèp sa a, se sa menm ki te delivre premye pati a.« [33] Koleksyon Fatwa Ibn Baz (Volim 16 / Paj 110). »
Piga moun pèdi tan yo nan pran foto oswa fè emisyon an dirèk (Live) pandan yap salye Pwofèt la (se pou lapè ak Benediksyon Allah kouvri li).
Epi, se pou benediksyon ak lapè Allah desann sou Pwofèt nou an, Muhammad, ak sou fanmi li ak konpayon li yo, e se pou li voye lapè sou li.
Liv "Leson enpòtan pou tout pèp la" (Al-Dourous al-Mouhimmah) se yon ti liv ki kout men ki gen yon valè ki pa gen parèy. Se gwo savan Cheikh Abdel Aziz bin Baz (Allah gen pitye pou li) ki te prepare l pou sèvi kòm yon gid solid pou chak kwayan mizilman. Nan liv sa a, li pale sou fondasyon relijyon an ak tout pilye li yo : depi nan Inisite Allah a (Allah pa gen Asosye), Lafwa (Iman), ak Islam, rive nan règleman sou pwòpte (Tahara), Lapriyè (Salat), ak bèl konpòtman yon mizilman dwe genyen (Adab). Li montre aklè tou sa pou nou evite, tankou bay senyè toupwisan asosye (Chirk) ak fè peche. Li…
Islam se soumèt devan Allah, Kreyatè ak Mèt linivè a, epi obeyi li ak renmen ak respè. Fondasyon Islam se lafwa nan Allah : se li ki Kreyatè a epi tout sa ki egziste se kreyati li yo. Se li menm sèl ki merite adorasyon, li pa gen asosye. Pa gen lòt dye ki gen dwa pou yo adore sof li menm. Li gen pi bèl non yo ak kalite ki pi wo yo. Li gen pèfeksyon total san okenn mank. Li pat fè pitit, yo pat fè li tou, epi pa gen anyen ki sanble avèl. Li pa melanje ak kreyatil yo epi li pa pran fòm anyen nan sal kreye yo. Epi Islam se sèl relijyon Allah, sila ki trè anwo nan syèl yo.Li pa aksepte okenn lòt…
Kijan Pwofèt (Muhammad)la (ke la lapè ak benediksyon Allah sou li) te konn fè lapriyè li.
79 languages
Kijan Pwofèt (Muhammad)la (ke la lapè ak benediksyon Allah sou li) te konn fè lapriyè li.
Liv 'Kijan Pwofèt la (Lapè ak benediksyon Allah sou li) te konn fè lapriyè li' se yon rezime Gran Savan Chek Abdoul Aziz bin Baz (ke lapè pou nanm li)te ekri. Nan liv sa a, li esplike fason Pwofèt la te konn priye ak yon fason ki senp epi ki egzak anpil, pandan li baze sou tèks ki kòrèk yo (Hadit). Liv sa a sèvi kòm yon gid pou ede Mizilman yo nan lapriyè yo. Li moutre tout poto fèm yo, pratik ki rekòmande yo (Sounah), ak tout etap lapriyè a depi nan pran dlo (Woudou) jouk nan salitasyon final la. Li makonnen prèv yo ak eksplikasyon klè, pou envite moun swiv Pwofèt la nèt ale nan pi gwo…
