မတ်စ်ဂျိဒ် နဗဝီ၏ ထွဋ်မြတ်မှုများနှင့် ရိုသေသမှုများ၊ တမန်တော်မြတ် (ﷺ) ၏ ကဗရ်တော်နှင့် တမန်တော်မြတ်၏ အ ဆွေတော်နှစ်ပါး (رضي الله عنهما) ၏ ကဗရ်တော်များကို ဇိယာရသ်ပြုလုပ်ခြင်းဆိုင်ရာ အမိန့်ပညတ်ချက်များ

မတ်စ်ဂျိဒ် နဗဝီ၏ ထွဋ်မြတ်မှုများနှင့် ရိုသေသမှုများ၊ တမန်တော်မြတ် (ﷺ) ၏ ကဗရ်တော်နှင့် တမန်တော်မြတ်၏ အ ဆွေတော်နှစ်ပါး (رضي الله عنهما) ၏ ကဗရ်တော်များကို ဇိယာရသ်ပြုလုပ်ခြင်းဆိုင်ရာ အမိန့်ပညတ်ချက်များ

ဤစာအုပ်သည် မတ်စ်ဂျိဒ်နဗဝီ၏ ထူးမြတ်မှုများနှင့် ၎င်းအား ဇိယာရသ်ပြုလုပ်ခြင်းဆိုင်ရာ ရိုသေသမှုများကို ရှင်းလင်းတင်ပြထားပါသည်။ ထိုနည်းတူ တမန်တော်မြတ်(ﷺ) ၏ ကဗရ်တော်နှင့် တမန်တော်မြတ်၏ အဆွေတော်နှစ်ပါး(رضي الله عنهما) တို့၏ ကဗရ်များအား ဇိယာရသ်ပြုလုပ်ခြင်းဆိုင်ရာ ရိုသေသမှုများကိုလည်း တင်ပြထားပြီး၊ ဇိယာရသ်ပြုလုပ်စဉ်အတွင်း တည်ငြိမ်ရိုသေမှုနှင့် သန့်ရှင်းစင်ကြယ်မှုရှိရန်၊ ထို့ပြင် ဗစ်ဒ်အသ်လုပ်ရပ်များမှ ကင်းဝေးရှောင်ကြဉ်ရန် အရေးကြီးကြောင်းကို အထူးအ လေးပေး တင်ပြထားပါသည်။

Language: lang_my

Prepared by: မတ်စ်ဂျိစ်ဒ်ဟရာမ်နှင့် မတ်စ်ဂျိစ်ဒ်နဗဝီ၏ သာသနာရေးရာကိစ္စများ ဦးစီးဌာန အောက်ရှိ ပညာရေးဌာန

Version: 1.0

Download PDF 533 KB

This PDF is generated automatically from the book's text; its layout may differ from the printed edition.

Font size

ဤသည် မတ်စ်ဂျိဒ်နဗဝီ၏ အ‌ဓိကကျသော ထူးမြတ်မှုများ၊ ၎င်းအား ဇေယာရသ်ပြုလုပ်ခြင်းဆိုင်ရာ ရိုသေသမှုများနှင့် တမန်တော်မြတ် ﷺ ၏ ကဗရ်တော်နှင့် ကိုယ်တော်၏ အ‌ဆွေတော်နှစ်ဦး၏ ကဗရ်တော်တို့ကို ဇေယာရသ်ပြုလုပ်ခြင်းဆိုင်ရာ ရိုသေသမှုများအကြောင်း အကျဉ်းချုံးတင်ပြထား‌သော စာအုပ်ငယ်တစ်အုပ် ဖြစ်ပါသည်။ မတ်စ်ဂျိဒ်နဗဝီကို ဇေယာရသ်ပြုလုပ်သူများအနေဖြင့် အွမ္မသ်ထု၏ နဗီတမန်တော် ﷺ၏ ဗလီဝတ်ကျောင်းတော်၏ ထူးမြတ်မှု၊ ၎င်းအား ဇေယာရသ်ပြုလုပ်ခြင်းနှင့် ၎င်းတွင် ဆွလာသ်ဝတ်ပြုခြင်းဆိုင်ရာ ရိုသေသမှုများကို ကောင်းစွာ သိရှိနားလည် သဘောပေါက်စေရန်အလို့ငှာ ကျွန်ုပ်တို့ ဤစာအုပ်ကို ၎င်းတို့အတွက် စုစည်းတင်ပြထားခြင်း ဖြစ်ပါသည်။ ဤစာအုပ်ငယ်ဖြင့် အကျိုးကျေးဇူးရရှိစေရန်၊ ၎င်းအား ကောင်းမြတ်သော လုပ်ရပ်တစ်ခုဖြစ်စေရန်နှင့် အရှင်မြတ်၏ နှစ်မြို့မှုအတွက်သာ သီးသန့်ဖြစ်စေရန် အလွန်တရာ ပေးကမ်းစွန့်ကြဲတော်မူသော၊ ကျေးဇူးတော် ချီးမြှင့်တော်မူသော အရှင်မြတ်ထံတော်၌ ကျွန်ုပ်တို့ မျှော်လင့်ဆုတောင်းပါသည်။ အမှန်တကယ်ပင် ထိုအရှင်မြတ်သည် တောင်းခံအပ်သော အကောင်းဆုံးအရှင်၊ မျှော်လင့်အပ်သော အမွန်မြတ်ဆုံးအရှင် ဖြစ်တော်မူပါသည်။

ဗလီဝတ်ကျောင်းတော်သို့ လာရောက်ရာတွင် တည်ငြိမ်အေးချမ်းမှု၊ ခန့်ညားတည်ကြည်မှု၊ သန့်ရှင်းစင်ကြယ်မှု၊ ကောင်းမွန်လှပသည့် အသွင်အပြင်နှင့် မွှေးကြိုင်သော အနံ့အသက်တို့ဖြင့် လာရောက်ရန်ဖြစ်သည်။ အဗူဟုရိုင်ရဟ်(ရသွိယလ္လာဟုအန်ဟု)ထံမှ ဆင့်ပြန်ချက်လာရှိသည်မှာ တမန်တော်မြတ်ﷺက မိန့်ကြားတော်မူသည်။ "ဆွလာသ်ဝတ်ပြုရန် အိကာမသ်ပေးသောအခါ အသင်တို့သည် အပြေးအလွှား မလာကြနှင့်။ တည်ငြိမ်အေးချမ်းစွာဖြင့်သာ လာကြကုန်။ ထို့နောက် အသင်တို့ မီလိုက်သည့် (ရကအသ်)ကို ဝတ်ပြုကြကုန်။ လွတ်သွားသော (ရကအသ်)ကို ဖြည့်စွက်ဝတ်ပြုကြကုန်။ ဧကန်အမှန်ပင် အသင်တို့အနက်မှ တစ်ဦးတစ်ယောက်သည် ဆွလာသ်ဝတ်ပြုရန် ရည်ရွယ်၍ လာနေစဉ် ထိုသူသည် ဆွလာသ်ဝတ်ပြုနေသည့် အခြေအနေတွင်ပင် ဖြစ်သည်။" [၆] အဗူစအီးဒ် ခုဒ်ရီ (ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ်ﷺ မိန့်ကြားတော်မူသည်။ “အရွယ်ရောက်ပြီးသူတိုင်းသည် သောကြာနေ့တွင် ရေချိုးရန်၊ သွားတိုက်ရန်၊ ရေမွှေးရှိလျှင် ရေမွှေးသုံးရန် တာဝန်ရှိသည်။” [၇]၊ အမျိုးသမီးသည် ဗလီသို့ လာရောက်သောအခါ သူမ၏ဟိဂျာဗ်ဖြင့် ဖုံးအုပ်ထားရန် တာဝန်ရှိသည်။ ထို့ပြင် မွှေးကြိုင်သောရနံ့ သို့မဟုတ် ရေမွှေးကို သုံးစွဲခွင့်မရှိပါ။ တမန်တော်မြတ် (ﷺ) မိန့်ကြားတော်မူသည်။ “အသင်မတို့အနက်မှ တစ်ဦးတစ်ယောက်သည် ဗလီဝတ် ကျောင်းတော်သို့ လာရောက်သည့်အခါ အမွှေးနံ့သာ မဆွတ်ပါနှင့်။” [၈]. [၆] ဗုခါရီကျမ်း၊ ဟဒီးဆ်အမှတ် (၆၃၆) / မွတ်စ်လင်မ်ကျမ်း၊ ဟဒီးဆ်အမှတ် (၆၀၂) [၇] သဘောတူညီချက်ရရှိထားသည်၊ ဗုခါရီကျမ်း၊ ဟဒီးဆ်အမှတ် (၈၄၆) / မွတ်စ်လင်မ်ကျမ်း၊ ဟဒီးဆ်အမှတ် (၈၅၈)။ အရွယ်ရောက်သူဆိုသည်မှာ အရွယ်ရောက်ပြီးသည့် အမျိုးသားများကို ဆိုလိုသည်။ [၈] မွတ်စ်လင်မ်ကျမ်း၊ ဟဒီးဆ်အမှတ် (၄၄၃)

မတ်စ်ဂျစ်ဒ်နဗဝီသို့ ဝင်သောအခါ ညာခြေဖြင့်ဝင်ခြင်းနှင့် ဗလီအဝင်ဒုအာကို ရွတ်ဆိုခြင်း။ ဇေယာရသ်လာရောက်သူသည် အခြားသောဗလီများကဲ့သို့ပင် မတ်စ်ဂျစ်ဒ်နဗဝီသို့ ဝင်သောအခါ မိမိ၏ညာခြေဖြင့်ဝင်ပြီး ဤဒုအာကို ရွတ်ဆိုခြင်းမှာ ၎င်းအဖို့ မွတ်စ်သဟဗ်ဖြစ်သည်။ «بِسْمِ اللّٰهِ، وَالسَّلَامُ عَلَى رَسُولِ اللَّهِ، اللَّهُمَّ اغْفِرْ لِيْ ذُنُوْبِيْ وَافْتَحْ لِيْ أَبْوَابَ رَحْمَتِكَ» အဓိပ္ပါယ်။ ။အလ္လာဟ်အရှင်မြတ်၏ နာမတော်ဖြင့်အစပြုပါ၏။ အလ္လာဟ်အရှင်မြတ်၏ ရစူလ်တမန်တော်မြတ်အပေါ်၌ စလာမ်ငြိမ်းချမ်းမှုသက်ရောက်ပါစေ။ အို - အလ္လာဟ်အရှင်မြတ် ကျွန်တော်မျိုး၏ အပြစ်များကို ခွင့်လွှတ်တော်မူပါ၊ ကျွန်တော်မျိုးအတွက်အရှင်မြတ်၏ ကရုဏာတော်တံခါးများ ဖွင့်လှစ်ပေးတော်မူပါ။ [၉] ထို့အတူ ဤသို့ရွတ်ဆိုရမည်။ «أَعُوذُ بِاللّٰهِ الْعَظِيمِ، وَبِوَجْهِهِ الْكَرِيمِ، وَسُلْطَانِهِ القَدِيْمِ، مِنَ الشَّيْطَانِ الرَّجِيمِ» အဓိပ္ပါယ်။ ။ကျွန်တော်မျိုးသည် နှင်ထုတ်ခြင်းခံရသော ရှိုင်သွာန်၏ အန္တရာယ်မှ ကင်းဝေးရန် ကြီးကျယ်မြင့်မြတ်တော်မူသော အလ္လာဟ်အရှင်မြတ်၊ အရှင်မြတ်၏ မွန်မြတ်လှသော မျက်နှာတော်နှင့် အစမရှိဘဲ တည်ရှိတော်မူသော အရှင်မြတ်၏ အာဏာစက်ထံတော်တို့၌ ခိုလှုံပါ၏။ [၁၀] [၉] အိဗ်နေမာဂျဟ်ကျမ်း၊ ဟဒီးဆ်အမှတ် (၇၇၁)၊ဆွဟီးဟ် စနဒ်ဖြင့် ဆင့်ပြန်ထားသည်။ [၁၀] အဗူဒါဝူးဒ်ကျမ်း၊ ဟဒီးဆ်အမှတ် (၄၆၆)၊ ဆွဟီးဟ်ဆနဒ်ဖြင့် ဆင့်ပြန်ထားသည်။

ပထမဆုံးစွတ်ဖ်အတန်းများတွင် ဆွလာသ်ဝတ်ပြုရန် အလေး ထားရမည်။ အဘယ့်ကြောင့်ဆိုသော် ယင်း၌ ကြီးမားသောအကျိုးကုသိုလ် ရှိသောကြောင့်ဖြစ်သည်။ ၎င်းသည် ဆွလာသ်ဝတ်ပြုရန်အတွက် စောစီးစွာသွားခြင်းဖြင့်သာ ဖြစ်နိုင်ပေမည်။ အဗူဟုရိုင်ရဟ် (ရဿွိယလ္လာဟုအန်ဟု) ၏ ဟဒီးဆ်တော်အရ တမန်တော်မြတ် (ﷺ) မိန့်ကြားတော်မူသည်မှာ- "“အကယ်၍ လူတို့သည် အဇာန်ပေးခြင်းနှင့် ပထမဆုံးစွတ်ဖ်အတန်း၌ ရရှိသော အကျိုးကျေးဇူးများကို သိရှိမည်ဆိုလျှင်၊ ထို့နောက် ထိုအကျိုးကျေးဇူးများရရှိရန် မဲနှိုက်ဆုံးဖြတ်ခြင်းမှအပ အခြားနည်းလမ်း မတွေ့ရှိကြလျှင်၊ မဲနှိုက်၍ဆုံးဖြတ်ကြပေမည်။” [၁၂]၊" တမန်တော်မြတ် (ﷺ) က ၎င်း၏ဆွဟာဗာ (ရသွီယလ္လာဟုအန်ဟွမ်) များအား မိန့်ကြားတော်မူသည်မှာ- “ အသင်တို့သည် ရှေ့သို့တိုးလာကြပြီး ငါကိုယ်တော်အား (အီမာမ်အဖြစ်) လိုက်နာကြပါ။ ထို့နောက် အသင်တို့နောက်မှ လာမည့်သူများသည်လည်း အသင်တို့ကို လိုက်နာကြပါစေ။ လူတစ်စုသည် အမြဲတမ်း နောက်သို့ဆုတ်နေကြပေလိမ့်မည်။ နောက်ဆုံးတွင် အလ္လာဟ်အရှင်မြတ်သည် ၎င်းတို့အား နောက် သို့ရွှေ့ဆိုင်းတော်မူမည်ဖြစ်သည်။ ” [၁၃] [၁၂] တညီတညွတ်တည်း လက်ခံထားသည်၊ ဗုခါရီကျမ်း၊ ဟဒီးဆ်အမှတ် (၆၁၅) / မွတ်စ်လင်မ်ကျမ်း၊ ဟဒီးဆ်အမှတ် (၄၃၇). [၁၃] မွတ်စ်လင်မ်ကျမ်း၊ ဟဒီးဆ်အမှတ် (၄၃၈).

အမျိုးသမီးများနှင့် ပတ်သက်၍ ဆိုရလျှင်၊ သူမတို့အတွက် အကောင်းဆုံးမှာ နောက်ဘက်ကျသော စွတ်ဖ်အတန်းများတွင် ဆွလာသ်ဝတ်ပြုခြင်းနှင့် အမျိုးသားများနှင့် ဝေးကွာခြင်းတို့ ဖြစ်သည်။ အဘယ့်ကြောင့်ဆိုသော် အဗူဟုရိုင်ရဟ် (ရဿွိယလ္လာဟုအန်ဟု) ထံမှ ဆင့်ပြန်လာရှိသော ဟဒီးဆ်တော်အရ ဖြစ်သည်။ သူက ပြောပြသည်မှာ: အလ္လာဟ်အရှင်မြတ်၏ ရစူလ်တမန်တော် (ﷺ) က မိန့်ကြားတော်မူသည်မှာ- အမျိုးသားများအတွက် အကောင်းဆုံး ဆွဖ်အတန်းသည် ပထမဆုံးတန်းဖြစ်၍ အဆိုးဆုံး ဆွဖ်အတန်းသည် တန်းသည် နောက်ဆုံးတန်း ဖြစ်သည်။ အမျိုးသမီးများအတွက် အကောင်းဆုံးဆွဖ်အတန်းသည် နောက်ဆုံးတန်းဖြစ်၍ အဆိုးဆုံးစွတ်ဖ်အတန်းသည် ပထမဆုံးတန်း ဖြစ်သည်။[၁၄]၊ သို့သော် သူမတို့သည် သီးသန့်ဝတ်ပြုနေကြပါက၊ သို့မဟုတ် မတ်စ်ဂျိဒ်နဗဝီတွင်ကဲ့သို့ သူမတို့နှင့် အမျိုးသားများကြားတွင် အကာအရံရှိနေပါက၊ သူမတို့၏ အကောင်းဆုံးစွတ်ဖ်အတန်းသည် ပထမဆုံးအတန်း ဖြစ်သည်။ အဘယ့်ကြောင့်ဆိုသော် ၎င်းနှင့်ပတ်သက်သည့် အကြောင်းရင်းမှာ ပပျောက်သွားသောကြောင့် ဖြစ်သည်။ [၁၄] မွတ်စ်လင်မ်ကျမ်း၊ ဟဒီးဆ်အမှတ် (၄၄၀).

နဗဝီဗလီဝတ်ကျောင်းတော်ကို ၎င်းနှင့် မသင့်‌လျော်သောအရာများဖြစ်သည့် ခိုက်ရန်ဖြစ်ပွါးခြင်း၊ အသံကျယ်လောင်စွာစ ကားပြောခြင်း၊ ပျောက်ဆုံးသွားသောအရာကို ရှာဖွေခြင်း၊ ရောင်းဝယ်ဖောက်ကားခြင်း စသည်ဖြင့် ယင်းဗလီဝတ် ကျောင်းတော်တွင်သာမက အခြားသော ဗလီဝတ်ကျောင်းတော်များတွင်ပါ မပြုလုပ်အပ်သော ကိစ္စရပ်များအားလုံးမှ ကင်းစင်စေခြင်းဖြစ်သည်။ အဗူဟုရိုင်ရဟ် (ရဿွိယလ္လာဟုအန်ဟု) က နဗီတမန်တော် (ﷺ) ထံမှ ဆင့်ပြန်ထားသော ဟဒီးဆ်တော်အရ ကိုယ်တော်က ဤသို့ မိန့်ကြားတော်မူခဲ့သည်- အကယ်၍ အသင်တို့သည် ဗလီဝတ်ကျောင်းတော်ထဲတွင် ဈေးရောင်းနေသူ သို့မဟုတ် ဝယ်ယူနေသူကို တွေ့မြင်ပါက ဤသို့ပြောကြကုန်။ အလ္လာဟ်အရှင်အသင်၏ရောင်းဝယ်မှုတွင် ဗရကဟ်တိုးပွါးမှု‌ (ကောင်းကျိုး)မပေးပါစေနှင့်။ ထို့ပြင် အကယ်၍ အသင်တို့သည် ၎င်းထဲတွင် ပျောက်ဆုံးသွားသော တိရစ္ဆာန်အား ကြေညာရှာဖွေနေ‌သူကို တွေ့မြင်ပါက ဤသို့ပြောကြကုန်။ အလ္လာဟ်အရှင်မြတ်က သင့်ကို ထို‌အရာကို ပြန်မပေးပါစေနှင့်။[၁၇] [၁၇] သိရ်မီဇီကျမ်း၊ ဟဒီးဆ်အမှတ် (၁၃၂၁) / အိဗ်နုခုဇိုင်မာကျမ်း၊ ဟဒီးဆ်အမှတ် (၁၃၀၅)၊ ဆဟီးဟ်ဖြစ်သော စနဒ်ဖြင့် ဆင့်ပြန်ထားသည်။

* အမျိုးသမီးများအဖို့ တမန်တော်မြတ် (ﷺ) ကဗရ်နှင့် အခြားမွတ်စ်လင်မ်တို့၏ ကဗရ်များအား ဇိယာရသ်ပြုလုပ်ခွင့်မရှိပေ။ အဘယ်ကြောင့်ဆိုသော် ကဗရ်သင်္ချိုင်းများသို့ သွား ရောက်ဇိယာရသ်ပြုလုပ်ခြင်းကို အမျိုးသားများအတွက်သာ ရှရီအ်တရားတော်က ခွင့်ပြုထားပေသည်။ အမျိုးသမီးများကိုမူ ကဗရ်သင်္ချိုင်းများသို့ သွားရောက်ဇိယာရသ်ပြုလုပ်ခြင်းမှ တားမြစ်ထားပေသည်။ အိဗ်နုအဗ္ဗားစ် (ရသွိယလ္လာဟုအန်ဟုမာ) က ဆင့်ပြန်ခဲ့သည်မှာ- "ကဗရ်သင်္ချိုင်းများသို့ သွားရောက် ဇိယာရသ်ပြုလုပ်သည့် အမျိုးသမီးများ၊ ၎င်းတို့အပေါ် စဂ်ျဒဟ်ဦးချရာ နေရာများအဖြစ် ပြုလုပ်ကြသူများနှင့် မီးခွက်များ ထွန်းညှိကြသူများကို တမန်တော်မြတ် (ﷺ) က လအ်နသ်ပြုကျိန်ဆဲထားတော်မူသည်။"[၂၃]၊ အဗူဟုရိုင်ရဟ်(ရဿွိယလ္လာဟုအန်ဟု)က ဆင့်ပြန်ခဲ့သည်။ "တမန်တော်မြတ် ﷺ သည် ကဗရ်သင်္ချိုင်းသို့ သွားရောက်ဇိယာရသ်ပြုသည့် အမျိုးသမီးများကို လအ်နသ် (အလ္လာဟ်အရှင်မြတ်၏ ကရုဏာတော်မှ ကင်းဝေးစေရန်) ကျိန်ဆဲထားတော်မူသည်။"[၂၄] [23] အဗူဒါဝူးဒ်ကျမ်း၊ ဟဒီးဆ်အမှတ် (၃၂၃၆)/ သိရ်မီဇီကျမ်း၊ ဟဒီးဆ်အမှတ် (၃၂၀)/ နစာအီကျမ်း၊ ဟဒီးဆ်အမှတ် (၂၀၄၃) [၂၄] တိရ်မိဇီကျမ်း၊ ဟဒီးဆ်အမှတ် (၁၀၅၆)၊ အိဗ်နေမာဂျဟ်ကျမ်း၊ ဟဒီးဆ်အမှတ် (၁၅၇၆)၊ ဟစန်အဆင့်ရှိ စနဒ်ဖြင့် ဆင့်ပြန်ထားသည်။

နိဒါန်း

ပထမ။ ။ မတ်စ်ဂျိဒ် နဗဝီ၏ ထူးမြတ်မှုများ

ဒုတိယ။ ။ မတ်စ်ဂျိဒ် နဗဝီ ဝတ် ကျောင်းတော်မြတ်အား ဇေယာရသ်ပြုလုပ်ခြင်းသည် မွတ်စ်သဟဗ်ဖြစ်ခြင်း

တတိယအချက်။ ။ တမန်တော်မြတ် ( ﷺ) ၏ ဗလီဝတ်ကျောင်းတော်ကို ဇေယာရသ်ပြုလုပ်ခြင်းဆိုင်ရာ ရိုသေသမှုများ

Related books

ခရီးသွားခြင်းဆိုင်ရာ စည်းကမ်းများနှင့် အမိန့်ပညတ်ချက်များ

အစ္စလာမ်သည်ပွင့်လေသမျှသော ရစူလ်တမန်တော်အပေါင်း၏ သာသနာ ဖြစ်သည်။

الإسلام دين رب العالمين

တမန်တော်မြတ် ﷺ ၏ ဆွလာသ်ဝတ်ပြုပုံ

Scan to Share