Ireo tombontsoa sy fombafomba manoloana ny momba ny Moskean'ny Mpaminany, ary ny lalana sy fitsipika mahakasika ny fitsidihana ny fasan'ny Mpaminany (S.A.W) sy ireo fasan'ireo Mpanaradia azy roa lahy (R.A).
Ireo tombontsoa sy fombafomba manoloana ny momba ny Moskean'ny Mpaminany, ary ny lalana sy fitsipika mahakasika ny fitsidihana ny fasan'ny Mpaminany (S.A.W) sy ireo fasan'ireo Mpanaradia azy roa lahy (R.A).
Ny Boky dia manazava ireo fahasoavan'ny Moskean'ny Mpaminany sy ireo fombafomba fatao amin'ny fitsidihana azy, ary koa mampiseho ireo fomba fitsidihana ny fasan'ny Mpaminany (S.A.W) sy ny fasan'ireo Mpanaradia azy roa lahy (R.A), sady manantitrantitra ny maha-zava-dehibe ny fahamendrehana, ny fahadiovana, ary ny fialana amin'ireo fihetsika vao noforonina mandritra ny fitsidihana.
Language: lang_mg
Prepared by: Komity siantifika ao amin'ny Fiadidian'ny Raharaha ara-pinoana ao amin'ny Moske Al-Haramo sy ny Moske An-Nabawi
Ireo tombontsoa sy fombafomba mahakasika ny momba ny Moskean'ny Mpaminany, ary ny lalana sy fitsipika ary ny fitsidihana ny fasan'ny Mpaminany (S.A.W) sy ireo fasan'ireo Mpanaradia azy roa lahy (R.A).
Mpanomana
Komity siantifika ao amin'ny Fiadidian'ny Raharaha ara-pinoana ao amin'ny Moske Al-Haramo sy ny Moske An-Nabawi
1447H
FAMPIDIRANA
Dera sy vonahitra ary laza sy fisaorana feno fankasitrahana ho an’i Tompo Allah, Tompon'izao tontolo izao, ary ny tsodrano sy ny fiadanana ary fahombiazana anie ho an'ilay nirahina ho famindram-po ho an'izao tontolo izao, sy ny fianakaviany ary ireo mpiara-dia Aminy sy izay rehetra nanaraka ny sori-dàlany mandra-pahatongavan'ny andro farany andro ny fitsarana, ka aorian'izany dia :
Ity dia hafatra fohy feno sy mahampy, izay mirakitra tanteraka ireo soa sy tombony lehibe indrindra izay ananan'ny Moskean'ny Mpaminany, ireo fomba fitsidihana Azy, ny fomba fitsidihana ny fasan'ny Mpaminany ihany koa, sy ny fasan'ireo namany roa lahy ﷺ, nangoninay avokoa izany rehetra izany mba ho an'ireo rehetra mpitsidika ny Moskean'ny Mpaminany, mba hananan'izy ireo fahalalana feno sy fahitana mazava momba ny soa sy tombony ananan'ny Moskean'ny Mpaminany ﷺ, sy ireo fomba fitsidihana Azy manokana ary ny fanaovana vavaka ao anatiny, manantena avy amin'ilay Malala-tanana sy Mpanao soa ny mba hahatonga ity hafatra ity hitondra soa amin'ny rehetra, ary hahatonga azy ho asa tsara, sy atao amin'ny fo madio ho Azy irery ihany, Izy tokoa no tsara indrindra izay niangaviana, ary malala-tanana indrindra ka nantenaina.
Komity siantifika
Voalohany dia : Tombotsoa an'ny Moskean'ny Mpaminany
Anisan'ireo Moske telo andehanana manokana ho dia ara-pinoana izy:
Tatitra azo avy tamin'i Abou Hourairat (R.A), niteny i Mpaminany (S.A.W) ka nanao hoe :« Aza manao dia lavitra ny Voayage Ianareo afa-tsy amin'ireto Moske telo ireto ihany : ity Moskeko ity, sy ny any amin'i Moske Masina Al-Haramo, ary ny any amin'i Moske Al-Aqsa » [1].[1] Notantarain'i Al-Boukhari Laharana: (1189), sy Mouslimo Laharana: (1397) ary i Mouslimo no tompon'ny voambolana.
Ny Soalat ao Aminy dia tena tsara indrindra noho ny Soalat arivo atao any amin'ny Moske hafa, afa-tsy ny izay ao amin'i Moske Masina Al-Haramo:
Fa izy tokoa no ilay Masdjidy izay naorina sy namboarina tamin’ny fatahorana an’i Tompo Allah hatramin’ny andro voalohany:
Tatitra azo avy tamin'i Abou Said Al-Khoudri (R.A) niteny : Niditra tany amin'i Mpaminany (S.A.W) tao an-tranon'ny iray tamin'ireo vadiny Aho, ka niteny hoe : Ry Mpaminany ô, iza amin'ireo Mosque roa ireo no niorina tamin'ny fatahorana an'i Tompo Allah? Dia naka kikirana vatokely iray tanana Izy, ka namely ny tany tamin'izany, avy eo dia niteny manao hoe :« Izy no Moske-nareo ity » ho an'ny Moske-n'i Madinah[3].[3] Notantarain'i Mouslimo, Laharana (1398).
Ny valisoan'ny mpitady fahalalàna dia mitovy tantana amin'ny valisoan'ny Mpitolona amin’ny làlan’i Tompo Allah :
Tatitra azo avy amin'i Abou Hourairat (R.A) fa Izy niteny ka nanao hoe : Izaho dia nahare an'ny Mpaminany (S.A.W) Niteny manao hoe :« Izay tonga ato amin'ity Moske-ko ity, ka tsy tonga raha tsy noho ny zava-tsoa hianarany na hampianarany, dia mitovy laharana amin'ny Mpitolona amin'ny lalan'i Tompo Allah Izy, ary izay tonga noho ny antony hafa ankoatra izany kosa, dia toy ny Olona mijery ny fananan'ny hafa Izy »[4].[4] Notantarain'i Ibno Madjah, Laharana (227), amin'ny tatitra marina.
Fa ao anatiny no misy ny Rawdhah (zaridaina) Masina :
Tatitra avy tamin'i Abou Hourairat (R.A), Niteny i Mpaminany (S.A.W) manao hoe :« Eo anelanelan'ny tranoko sy ny polipitrako dia zaridaina amin'ireo zaridainan'ny Paradisa, ary ny polipitrako dia eo ambonin'ny doboniko »[5].[5] Nifanekena. Boukhari, No. (1195), Mouslimo, No. (1390).
Faha-roa : Ny maha-tsara ny fitsidihana ny Moskean'ny Mpaminany Mendri-kaja
Noho ireo hatsarana ireo sy ny hafa ihany koa, dia tsara ny mitsidika ny Moskean'ny Mpaminany mba hanaovana Soalat sy fivavahana ao.
- Sounnah ho an'ny mpanao Hadjy sy ny hafa ny mitsidika ny Mosken'ny Mpaminany mialoha na aorian'ny Hadjy, ary ity fitsidihana ity dia tsy anisan'ny fepetran'ny Hadjy, na ny andriny, na ny tsy maintsy ataony, ary tsy misy ifandraisany aminy.
- Tsy misy fepetra takiana amin'ny fitsidihana ny Mosken'ny Mpaminany (S.A.W) ny isan'ny Soalat voafaritra, na ny fijanonana fe-potoana voafaritra ao Madinah, fa tanteraka kosa ny fitsidihana azy amin'ny Soalat iray, na Soalat tsy maintsy atao izany na an-tsitrapo, saingy arakaraky ny itomboan'ny isan'ny Soalat ao anatiny no itomboan'ny valisoa.
- Amporisihina ny mpitsidika ny Mosken'ny Mpaminany mba hanatanteraka ny Soalat rehetra tsy maintsy atao ao aminy, ary koa ny Soalat an-tsitrapo; noho ny efa voalaza fa ny Soalat ao aminy dia tsara lavitra noho ny Soalat arivo any amin'ny Moske hafa, afa-tsy ny Moske Al-Haramo.
Faha-telo : Ny fomba fanaon'ny fitsidihana ny Mosken'ny Mpaminany
Raha tonga ao amin'ny Mosken'ny Mpaminany ny Mpino Isilamo iray, dia tsara raha manaraka ireo fahalalam-pomba rehetra izay voalaza sy voatondro ara-pinoana izay hita fa mifandraika amin'ny Moske amin'ny ankapobeny, sy amin'ny Mosken'ny Mpaminany manokana, dia ireto avy izany :
Ny hahatongavana any amin’ny Moske dia amim-pahatoniana, sy amim-pahamendrehana, madio, amin’ny endrika tsara, ary fofona manitra tsara, fa araka ny voalazan’i Abou Hourayra (Allah hankasitraka Azy), fa ny Irakan’i Tompo Allah ﷺ, dia nilaza hoe :« Rehefa atao ny antso ho amin’ny Soalat, dia aza manatona azy Ianareo no sady mihazakazaka, fa manatòna azy am-pilaminana sy am-pitoniana; ka izay tratranareo ihany no tohizo ary ataovy, ary izay lany taminareo dia tanteraho, Satria ny iray Aminareo, rehefa mankany hanatanteraka ny Soalat, dia efa ao anatin’ny Soalat izy»[6]،Tatitra azo avy tamin'i Abou Said Al-Khodri (RA), niteny i Mpaminany (S.A.W) manao hoe :“ Voadidy amin'ny Olona ampy taona ny mandro amin’ny andro zoma, ary tsaratsara raha mampiasa ranomanitra raha misy ”[7],Fa ny vehivavy kosa, rehefa tonga any amin’ny Masdjidi Izy, dia tsy maintsy misaron-tena amin’ny fisalobonany, ary tsy mahazo manao ranomanitra, Satria i Mpaminany (S.A.W) niteny manao hoe :« Raha manatrika ny Masdjidi ny iray Aminareo vehivavy, dia aza mikasika menaka manitra »[8].[6] Notanterin’i Boukhari, Laharana (636), sy Mouslimo, Laharana (602).[7] Nifanekena, Boukhari, Laharana (846), sy Mouslimo, Laharana (858), ary ny mohtalim dia ilay tonga taona.[8] Notantarain'i Mouslimo, Laharana (443).
Tsara ho an'ny mpitsidika ny mampandroso ny tongony havanana rehefa miditra ny Mosken'ny Mpaminany, toy ireo Moske hafa, ary manao ny Douan fidirana amin'ny Moske, manao hoe :« Bismillahi, ary ny fiadanana anie ho an'ny irakan'i Tompo Allah, Allah ô! Mamelà ny heloko ary sokafy ho Ahy ny varavaran'ny famindram-ponao »[9]،Ary toraka izany ihany koa dia miteny hoe :" Aòudhobillahil-Adhumo, wa biwajhihil-Karimo, wa soltoànihil-Qadim, minash-Shaytwanir-Radjimo "[10].[9] Notantarain'i Ibno Madjah, laharana (771), ary marina ny sanad-ny.[10] Notantarain'i Abou Daòudou, Laharana (466), amin'ny tatitra marina.
Fanaovana ny fiarahabana ny Moske: Tsara ho an'izay miditra ao amin'ny Mosken'ny Mpaminany mba hivavaka ao ny manao Soalat roa rakan'at ho fiarahabana ny Moske alohan'ny hipetrahana, araka ny voatantara avy amin'i Abî Qatâdah Al-Hârith Ibno Rib'iyy Al-Answâriyy (R.A.A), izay nilaza hoe : " Hoy ny Mpaminany ﷺ :"" Rehefa miditra ao amin'ny Moske ny iray Aminareo, dia aoka izy tsy hipetraka raha tsy efa nanao Soalat roa rakan'at "[11].[11] Nifanekena: Boukhari, No. (1171), sy Mouslimo, No. (714).
Fikatsahana ny fanaovana vavaka amin’ireo laharana voalohany; noho ny hasoavana lehibe voarakitra ao, ary tsy ho tanteraka izany raha tsy amin’ny fahatongavana aloha, araka ny Hadithe avy amin’i Abou Hourairah (ho sitrakan’i Tompo Allah anie Izy) : fa ny Iraka an'i Tompo Allah (S.A.W) dia nilaza hoe :"« Raha fantatry ny Olona izay ao amin’ny antso sy ny laharana voalohany, ary avy eo dia tsy manan-tsafidy afa-tsy ny manao antsapaka izy ireo, dia hanao antsapaka izy ireo »[12]،Ary niteny i Mpaminany (S.A.W) tamin'ireo mpiara-diany (RA) ka nanao hoe :« Mandrosòa ka manaraha Ahy, ary aoka hanaraka Anareo avokoa ireo izay ao aorianareo, fa tsy mitsahatra mihemotra ny Olona sasany ka dia hahemotr'i Tompo Allah izy ireo »13.[12] Nifanekena: Boukhari, No. 615, sy Mouslimo, No. 437.[13] Notantarain'i Mouslimo, Laharana (438).
Ny fivavahana eo amin'ny Soalat dia ao aorian'ny Imamo, ary ny tena hitandremana ny mba tsy hialoha kaharana Azy; noho ny Hadithe avy amin'i Abou Hourayrah (R.A) fa nilaza i Mpaminany (S.A.W) hoe:" Tena marina fa ny Imamo dia natao mba harahina."[15].[15] Notanterin’i Boukhari, Laharana (722), sy Mouslimo, Laharana (417).
Tsy azo atao amin'ny mpivavaka ny mialoha ny Imamo, afa-tsy amin'ny tranga maika rehefa feno ny Moske amin'ny mpivavaka ka tsy mahita toerana hanaovana Soalat Izy afa-tsy eo anoloan'ny Imamo.
Fifikirana amin'ny fanentsenana ireo banga sy elanelana eo anelanelan'ny filaharana, sy ny fanitsiana azy ireo, kanefa mila mitandrina ihany mba tsy hifanosika amin'ny olona sy hanelingelina azy ireo, handika ny sorokan'izy ireo, ary handalo eo anoloan'ireo mpivavaka; Satria izany dia mampiditra azy amin'ny fahotana.
Ny Soalat ao amin'ny Rawdhah (zaridaina) Masina ho an'izay afaka manao izany; araky ny Hadithe-n'i Abou Hourairah (R.A), avy tamin'ny Mpaminany (S.A.W) izay niteny hoe :« Eo anelanelan'ny tranoko sy ny polipitrako dia zaridaina amin'ireo zaridainan'ny Paradisa, ary ny polipitrako dia eo ambonin'ny farihiko »[16].[16] Nifanekena: Boukhari, No. (1195), Mouslimo, No. (1390).
Tsy nisy hasina manokana voatantara momba ny Soalat ao amin'ny Rawdhah (zaridaiana), kanefa voamarina fa saha iray anisan'ireo sahan'ny Paradisa izy io - araka ny voalazan'ny Hadithen'i Abou Hourairah (RA) teo aloha - ary ny fanompoam-pivavahana dia mitombo hasina arakaraka ny hasin'ny fotoana sy toerana anaovana azy.
Tokony hisafidy ny fotoana mety hivavahana ao amin'ny Rawdhah (zaridaina) ireo mpitsidika, ary hiezaka hitady ireo fotoana izay tsy dia be Olona loatra. Tsy azo atao ny mifanosika amin'ireo rahalahiny Isilamo, na mandingana ny soroky ny Olona, na mandalo eo anoloan'ireo mpivavaka mba hahafahana mivavaka ao. Koa Satria vavaka fanampiny (Nafilah) ny fivavahana ao amin'ny Rawdhah (zaridaina), dia tsy tokony hotanterahina amin'ny alalan'ny fomba voarara. Toy izany koa, ny mpitsidika dia tokony hanaja sy hanaraka ireo fitsipika manokana sy ireo fandaminana napetraka amin'ny fidirana ao amin'ny Rawdhah (zaridaina), hisafidy ireo fotoana mety, ary hiara-miasa amin'ireo tompon'andraikitra amin'ny fandaminana ny fidirana'ny mpitsidika ao.
Fanararaotana ny fotoana amin'ny fampitomboana ny asa tsara izay mampanakaiky azy amin'ilay Mpahary Azy, toy ny vavaka, ny famakiana ny Kor'any, ny tsiahy, ny fitalahoana, ny fanatrehana ireo fivoriana fanaovana tsiahy, ireo lesona ara-pahalalana, ireo faribolana fampianarana ny Koroany Masina, sy ny sisa.
Ny miondrika manambany ny maso amin'ireo zavatra noraràn'i Tompo Allah Tsitoha : Tsy maintsy ataon'izay mitsidika ny Mosken'ny Mpaminany ny miondrika manambany ny masony amin'ireo zavatra tsy halaly aminy ny mijery azy, ary tokony ho fantany ny halehiben'ny fanaovana fahotana amin'ireto toerana masina ireto, mbamin'ireo sazy aterak'izany. Satria ny fanaovan-dratsy dia mihamafy sy mitombo lanja arakaraka ny fahamasinan'ny fotoana sy ny toerana, ary toy izany koa ireo asa fankatoavana. Ary ny vehivavy Miozolomana dia tokony hiantoka ny fanajana ny fiarovan-doha araka ny lalàna islamika, ary tsy mampiseho ny haingony mba tsy haka fanahy ny lehilahy, Satria fahotana lehibe tokoa izany.
Fitandremana amin'ny fisahiranana amin'ny fakana sary na fijerena sary sy horonan-tsary amin'ny finday, ary vao maika mampidi-doza izany raha toa ka Voarara ireo sary sy horonan-tsary ireo.
Fanadiovana ny Mosken'ny Mpaminany amin'ny zavatra rehetra tsy mendrika azy, toy ny fifandirana, ny fanandratana feo, ny fanaovana antso avo momba ny zavatra very, ny varotra, ary ny mitovitovy amin'ireo izay tsy tokony hatao ao anatiny na any amin'ny Moske hafa; araka ny Hadithe avy amin'i Abou Houraïra (RA), avy amin'ny Mpaminany (S.A.W) fa hoy Izy niteny hoe :« Raha mahita Ianareo izay mivarotra na mividy ao amin'ny Moske, dia lazao hoe : Tsy homen'i Tompo Allah tombony anie ny varotrao, ary raha mahita Ianareo izay manontany zavatra very ao, dia lazao hoe : Tsy haverin'i Tompo Allah Aminao anie izany »[17].[17] Notantarain'i Tirmidhi laharana (1321) sy Ibno Khouzaymah laharana (1305), ary Soahîhi ny tatitra.
Ny fitandremana ny fahadiovan'ny Moske ny Mpaminany sy ny tsy fanariana fako ao anatiny sy eny amin'ny kianjany, toy ny sisan-tsakafo sy ny mavomavon'ny fanaovana iftar, indrindra mandritra ny volana Ramadany, na ny fandrorana eny amin'ny lalantsara sy ny kianja, ary ny amin'izay rehetra mitovy amin'izany.
Fisorohana ny fivavahana eny amin’ny lalantsara, eo am-pidiran'ny varavarana, ary amin'ny toerana be Olona, noho ny voka-dratsy aterak'izany, toy ny fanakanana ny làlana sy ny fanelingelenana ny Mpino Isilamo.
Ny lehilahy sy ny vehivavy dia manao soalat amin'ny toerana natokana ho azy ireo tsirairay avy, ao anatin'ny Mosken'ny Mpaminany na eo amin'ny kianjany; tsy manao soalat eo anilan'ny vehivavy ny lehilahy, ary ny vehivavy tsy eo anilan'ny lehilahy, ary mitandrina mba tsy hialoha ny imam araka izay azo atao.
Fanalohana ny tongotra havia rehefa mivoaka ny Moske, ary miteny Izy rehefa mivoaka ny hoe :« Alloahoumma Inn`y As'aloka min fadhlika »[19]،Na izy dia nivavaka ho an'ny Mpaminany - S.A.W - ary miteny hoe :«Tompo ô! Mamelà ny heloko, ary sokafy ho Ahy ny varavaran'ny fahasoavanao »[20].[19] Notantarain'i Mouslimo, Laharana (713).[20] Notaterin'i Tirmidhi, Laharana (314), amin'ny fitaterana Hadithe marina.
Faha-efatra : Fitsipika sy fahalalampomba amin'ny famangiana ny fasan'ny Mpaminany (S.A.W) sy ny fasan'ireo mpiara-diany roa lahy (R.A) taminy
* Ankasitrahana ny famangiana ny fasan'ny Mpaminany (S.A.W) sy ny fasan'ireo mpiara-diany roa lahy : Abou Bakri sy i Omar (R.A), ho an'ny mponina ao Madina sy ho an'izay tonga ao ho mpitsidika; noho ireo porofo ankapobeny izay manondro ny maha-ara-dalàna ny famangiana fasana, ary anisan'izany ny teniny (S.A.W):« Nandrara Anareo tsy hitsidika fasana Aho, koa vanginareo Izy izany »[21].[21] Notantarain'i Mouslimo, Laharana (977).
Ary ny porofon'ny valisoan'ny fiantrana ny Mpaminany (S.A.W) aorian'ny nahafatesany dia ny teniny (S.A.W) manao hoe :«Tsy misy Olona miarahaba Ahy afa-tsy hoe haverin'i Tompo Allah Amiko ny mba hamaliako ny fiarahabana izay nataony »[22].[22] Notaterin'i Ahmadi ao amin'ny Mosnadi-ny, laharana (10815), amin'ny tetim-pitantarana tsara.
Ary tsy azo ataon'ny vehivavy ny mamangy ny fasany (S.A.W) na ny fasan'ny Isilamo hafa, fa ny famangiana fasana dia ara-dalàna ho an'ny lehilahy, fa ny vehivavy kosa dia noraràna tsy hamangy fasana, araka ny voalazan'i Ibno Abbassi (R.A) izay niteny nanao hoe :« Nozonin'ny Irakan’i Tompo Allah (S.A.W) ireo vehivavy mpamangy fasana, sy ireo izay manao masdjidi sy ny jiro eo amboniny »[23]،Ary Tatitra azo avy tamin'i Abou Hourairat (R.A) :« Fa ny irakan'i Tompo Allah (S.A.W) dia nanozona ny vehivavy mpitsidika ny fasana »[24].[23] Notantarain'i Abou Daoudou, Laharana (3236), sy Al-Tirmidhi, Laharana (320), sy Nasa'i, Laharana (2043).[24] Notantarain'i Tirmidhi, laharana: (1056), sy Ibno Madjah, laharana: (1576), amin'ny teti-pitantarana tsara.
* Tsy azo atao ny mandeha ka manao fikasana amin'ny voyage na dia dia fotsiny handia hitsidika sy hamangy ny fasan'ny Mpaminany (S.A.W), fa ny finiavana sy ny fikasana dia tokony hapetraka amin'ny fitsidihana ny Moske sy hivavaka ao Aminy, ka rehefa tafapetraka ao Madina kosa Izy dia amin'izay azo ataony ny mitsidika ny fasana, tahaka ny azo ataon'ireo mponina rehetra ao; Satria i Mpaminany (S.A.W) niteny manao hoe :« Aza manao dia lavitra afa-tsy amin'ny Moske telo ihany : ity Moskeko ity, sy ny Moske Masina (AL-HARAMO) ary ny Moske Al-Aqsa »[25].[25] Notanterin'i Boukhari, Laharana (1189), sy Mouslimo, Laharana (1397) ary i Mouslimo no tompon’ny voambolana.
Ny fahalalam-pomba ara-dalàna rehefa mamangy ny fasan'ny Mpaminany (S.A.W) sy ny fasan'ireo mpiara-diany roa lahy (R.A) taminy.
Mitsanga sy mijoro eo anoloan’ny fasan’ny Mpaminany (S.A.W) ilay mpamangy ka mitodika manatrika ny fasana, avy eo miarahaba an'i Mpaminany (S.A.W) amin’ny fahalalam-pomba sy amin’ny feo malefaka, ka manao hoe : “ Fiadanana anie ho Anao ry irakan’i Tompo Allah sy ny famindram-pon'i Tompo Allah ary ny fitahiany ”. Ary raha manampy an’izany Izy ka miteny hoe : “ Mijoro ho vavolombelona Aho fa Ianao dia efa nanapita ny hafatra, nanatanteraka ny toky, nanoro hevitra ny vahoaka, ary niezaka mafy tamin’ny asan’i Tompo Allah araka izay tokony hiadiana ”, dia tsy misy maninona izany, Satria marina avokoa izany rehetra izany.
Avy eo dia mikisaka dingana kely iray miankavanana Izy mba hitodihany manandrify ny fasan'i Abou Bakri Al-Suddiq (R.A) ka miteny hoe : (Fiadanana anie ho Anao ry Abou Bakri Al-Suddiq, Fiadanana anie ho Anao ry Khalifan'ny irakan'i Tompo Allah (S.A.W), Ho sitrakan'i Tompo Allah anie Ianao ary hampifaly Anao anie Izy, ary hovaliany soa anie Ianao ho an'ny vahoakan'i Mouhammadi (S.A.W)).
Avy eo dia mikisaka kely miankavanana indray Izy mba ho tandrifin'ny fasan'i Oumari bin Al-Khattoabo (R.A) dia miteny hoe : “ Fiadanana anie ho Anao ry Oumari Al-Farouq, fifalian’i Tompo Allah anie ho Anao ary hampifaly Anao anie Izy, ary hovalian’i Tompo Allah valisoa tsara anie Ianao ho an'ny vahoakan'i Mouhammadi (S.A.W)”.
Ibno Oumar (R.A) dia, rehefa tonga avy nivezivezy, dia nanatona ny fasan'ny Mpaminany (S.A.W) ary niteny hoe :« Fiadanana anie ho Anao ry irakan’i Tompo Allah, fiadanana anie ho Anao ry Abou Bakri, fiadanana anie ho Anao ry raiko», dia lasa Izy[26].[26] Notantarain'i Al-Bayhaqi ao amin'ny Al-Sounan Al-Kobra, laharana (10271), amin'ny tetim-pitantarana marina.
Tsy kasihina ny rindrin'ny fasana na ny fefy, ary tsy orohana ihany koa :
Niteny i Imamo Malik (R.h) ka nanao hoe :« Raha miarahaba an'ny Mpaminany ﷺ Izy, dia mijoro manatrika ny fasany fa tsy ny kibola; ary manatona sy miarahaba, ary tsy mikasika ny fasana amin'ny tànany » [27].[27] As-Shifa an'i Qadi yad (2/ 199).
Nifanaraka ireo Imamo fa tsy azo kasihina amin'ny tanana ary tsy azo orohana ny fasan'ny Mpaminany (S.A.W).
Tsy mijanona ela eo amin'ny fasana, fa manao Salamo, avy eo mandia miala.
Niteny i Imamo Malik (R.h) ka nanao hoe :«Tsy heveriko fa tokony hijanona eo amin’ny fasan’ny Mpaminany ﷺ ka hitalaho, fa kosa miarahaba Azy dia mandeha haingana » [28].[28] Ash-Shifa an'i Al-Qadi yad (2/ 199).
Ary niteny Nafi' (R) hoe :Fanaon'i Ibno Oumari ny niarahaba ny fasana.. Hitako Izy in-jato mahery, tonga teo amin'ny fasana ka niteny hoe : " Fiadanana anie ho an'ny Mpaminany (S.A.W). Fiadanana anie ho an'i Abou Bakri, Fiadanana anie ho an'ny raiko ", dia lasa Izy [29].[29] Notantarain'i Al-Ajorri ao amin'ny boky "Ash-Shari'ah" (5/2374), laharana (1853).
Ny amin’izay ataon’ny mpamangy sasany amin’ny fampiakaran'izy ireo feo avo eo amin’ny fasan'ny Mpaminany (S.A.W) sy ny fijoroan'izy ireo maharitra eo anatrehan'ilay fasana, ka izany rehetra izany dia mifanohitra tanteraka amin’izay rehetra voalazan’ny lalàna.
Tsy manao hataka amin’i Tompo Allah eo am-pasana; fa raha te-hanao fangatahana Izy dia mandroso miala eo amin’ny fasana, ka mitodika any amin’ny Kibola ary manao fangatahana, sady tsy mitodika any am-pasana.
Ary efa niteny Imamo Maliki (R.h) nanao hoe :" Tsy fahitako ny mijanona eo amin'ny fasan'ny Mpaminany (S.A.W) manao ny fangatahana."
Tsy azo atao ny mivezivezy matetika eo amin’ny fasana rehefa miditra na mivoaka ny Moske, na ho an'ny mponina ao Madina izany na koa ho an'ny mpitsidika avy any ivelany, fa atahorana izany sao dia lasa ho anisan'ny fomba fatao ny manao fasana ho toeram-pivoriana fanao matetika.
Ary efa noraran'ny Mpaminany (S.A.W) izany, ka Niteny Izy manao hoe :« Aza ataonareo toeram-pivavahana ny fasako, ary aza ataonareo fasana ihany koa ny tranonareo, ary na aiza na aiza misy Anareo dia mivavaha ho Ahy, fa tsy maintsy tonga Amiko ny vavakareo »[30].[30] Notaterin'i Ahmadi ao amin'ny Mosnad-ny, laharana: (8804), amin'ny tetim-pitantarana tsara.
Ary ny dikan'ny teny hoe : " Aza atao toeram-pivavahana ny fasanako " dia ny famerimberenana ny fitsidihana Azy amin'ny fotoana na amin'ny toe-javatra voatokana, toy ny fanokanana ny fitsidihana Azy isan'andro, na isan-kerinandro, na isam-bolana. Na toe-javatra manokana itsidihana Azy, ary voalaza koa hoe : izany hoe aza atao fotoana iangonana eo Aminy[31].[31] Jereo: Al-Mof'radati nataon'i Ar-Raghibo Al-Asfahani (p: 594), sy Sharh as-Sodor bi-tahrim raf' al-Qobor nataon'i Ash-Shawkani (p: 16).
Ary niteny Imamo Malik (R.h) hoe:" Tsy voatery ho adidy ho an'ireo mponina mipatraka ao Madina izay miditra sy mivoaka ny Moske ny mijanona eo amin'ny fasana, fa ho an'ny vahiny ihany izany "[32].[32] Ash Shifa nataon'i Al Qadi Iyad (2/ 204), Al Madkhal nataon'i Ibno al Hadji (1/ 262).
Ary ny teniny, hamindra fo Aminy anie i Tompo Allah : « Fa izany dia ho an'ireo vahiny ihany »: izany hoe ny famangiana amin'ny ankapobeny, fa tsy ny famangiana miverimberina rehefa miditra sy mivoaka.
Tsy mijanona ary tsy mitsangana eo anoloan'ny fasana toy ny hoe manao Soalat amin'ny fametrahana ny tanany iray eo ambonin'ny iray hafa, eo amin'ny tratra na eo ambaniny; fa ity fihetsika ity dia an'ny Soalat manokana, ary izany dia endrika fanalam-baraka sy fanekena izay sahaza an'i Tompo Allah Masina sy Avo irery ihany.
Tsy tokony hitodika any amin'ny fasana avy any amin'ny toerana lavitra mba hiarahabana ny Mpaminany (S.A.W) tahaka ny ataon'ny Olona sasany; Satria izany dia tsy nataon'ireo Mpanaradia azy (R.A) na ireo Olo-marina taloha tamin'ireo Imamo efatra sy ny hafa ankoatr'izy ireo ihany koa.
Tsy tokony hanatrika ny fasana mendri-kaja amin'ny fangatahana na koa fitalahoana na amin'ny famakiana Koroany sy ny mitovy Aminy, na avy aiza na avy aiza, fa izany dia mitovy amin’ireo zava-baovao noforonina teo aloha. Ary tsy azo ataon’ny Isilamo ny mamorona zava-baovao ao amin’ny fivavahany izay tsy nomen’i Tompo Allah baiko sy alalana. Ary nitsipaka ny asa tahaka izany ny Imamo Maliki, ka hoy Izy hoe :" Tsy hisy hanarina ny faran'ity fianakaviambe ny vahoaka ity afa-tsy izay nanarina ny teny ampian-dohany " [33].[33] “ Fanangonana Fatwa” nataon'i Ibno Bazy (16/ 110).
Tsy tokony ho variana mandany fotoana amin'ny fakana sary sy ny fandefasana mivantana ireo video mandritra ny fotoana fiarahabana amin'ny Mpaminany (S.A.W).
Ary ny fitahian’i Tompo Allah sy ny fiadanana anie ho an'ny Mpaminantsika Mouhammadi (S.A.W) sy hoan'ireo fianakaviany ary ireo mpanaradia Azy.
Dera ho an’Allah, Tompon’izao tontolo izao. Ary ny fiadanana sy ny fitahiana anie ho an’ny Mpaminany Mohammad, sy ho an’ny fianakaviany ary ny mpiara-diany rehetra. Aorian’ izany : Ity dia hafatra fohy momba ny fahalalam-pomba sy ny fitsipiky mamehy ny dia lavitra, izay niezahanay ny hanazavana ny ankamaroan'ny zavatra ilain'ny mpandeha lavitra. Mangataka amin'Allah isika mba hanao izany ho Azy sy hanasoa ny silamo rehetra. Voalohany : Fomba fanao momba ny dia lavitra
Ny finoana Islamo dia finoan'ireo Mpaminany sy Irakan'ny Tompo Allah
85 languages
Ny finoana Islamo dia finoan'ireo Mpaminany sy Irakan'ny Tompo Allah
Ny finoana Islamo dia ny fanoloran-tena manokana ho amin'i Tompo Allah, ilay Mpamorona sy Mpandrindra an'izao rehetra izao, ary ny fanekena Azy noho ny fitiavana sy ny fanamboniana misy eo Aminy. Ny fototry ny finoana Islamo dia ny finoana sy fanekena an'i Tompo Allah, fa Izy irery ihany no Mpahary, ary ny rehetra ankoatra Azy dia zava-boahary nohariany avokoa, ary Izy irery no mendrika ho Tompoina ka tsy misy mpiombonan-toka Aminy, ary tsy misy azo tompoina am-pahamarinana afa-tsy Izy irery ihany, Izy dia manana ireo Anarana Tsara indrindra sy ny Toetoetra Avo izay sahaza ny vonahiny, ary…
Boky mitondra ny lohateny "Ny fomba nanatanterahan'ny Mpaminany (S.A.W) ny swalat", izay namintinan'i Sheikh hajaina 'Abdol'aziz Ibn Bàz (R.A) ny endriky ny salàn'ny Mpaminany (S.A.W), tamin'ny fomba fanoratra mora azo sady mazava, mifototra amin'ireo porofo marina, mba ho mpitari-dàlana ho an'ny silamo amin'ny swalàny. Nanazavany tao ireo andry fototry ny swalat, ireo sunnah ary ny endriny manomboka amin'ny ouzo ka hatramin'ny taslim, ka nampiraisiny ny porofo sy ny fanazavana, sady nanentanany ny fanarahana feno ny Mpaminany (S.A.W) amin'ity fanompoam-pivavahana lehibe indrindra ity.
