Akwan a ɛho wɔ mfasoɔ ma anigyeɛ asetena.
Sheikh Abdur-Rahman bin Nasir As-Sa’di nwoma, 'Nneɛma a ɛwɔ Mfasoɔ ma Asetena mu Anigyeɛ' no, di anigyeɛ ankasa nnyinasoɔ ho dwuma ɛnam gyidi mu nteaseɛ a emu dɔ so, na ɛkyerɛ ɔkenkanfoɔ no kwan kɔ akomatɔeɛmu denam gyidie ne adwuma pa so, ne Nyame kaeɛ, anisoɔ, adom ho adwendwene, papayɛ, Nyame mu ahotosoɔ, aboterɛ, ne nneɛma ho anisɔ. Wɔ ɔkwan fɛfɛɛfɛ so no, ɛde akwankyerɛ ma asetena a akomatɔeɛmu wom, a ɛkari pɛ, na anigyeɛ wom to w'anim, ɛmfa ho asetena mu nsakraeɛ no.
These files are generated automatically from the book's text; their layout may differ from the printed edition.
Akwan a ɛwɔ mfasoɔ ma anigyeɛ asetena
ɔkyerɛwfo
Shaikh Abd al-Rahman ibn Nasir Saadii - Onyame ahunumɔbrɔ nka nɔ
Nsɛm a ɛdikan/ Nnianim nsɛm.
Aseda nyinaa nka Allah, Nea aseda nyinaa yɛ Ne dea, na medi adanseɛ sɛ Onyame biara nni hɔ a ɔsɛ sɛ yɛsom no gye Allah, Ɔno nkoa na ɔnni ɔhokafoɔ biara; na medi adanseɛ nso sɛ Muhammad yɛ N'akoa ne Ne Somafoɔ. Nhyira ne asomdwoe nka no, ne n'abusua, ne n'ahokafoɔ.
Afei deɛ/Eno akyeri: Nokorɛ mu no, akoma mu ahomka, asomdwoe ne anigyeɛ, ne sɛ obi dadwen ne n'awerɛhoɔ bɛfiri hɔ no, ɛno ne adeɛ a obiara hwehwɛ. Ɛnam so na wɔnya asetena pa, na anigyeɛ ne ahurisidie wie pɛyɛ. Na wei nso, ɛwɔ akwan a ɛfa ɔsom ho, abɔdeɛ ho, ne dwumadie ho. Na yei nyinaa ntumi nka mmom gye sɛ ɛyɛ ma agyidifoɔ nko ara. Na wɔn a wɔnyɛ saa no deɛ, sɛ wɔnya bi mpo a ɛnam ɔkwan bi so a wɔn mu anyansafoɔ bɔ ho mmɔden a, ɛnneɛ na wɔahwere akwan a ɛwɔ mfasoɔ paa, na ɛtim hɔ, na ɛyɛ papa wɔ tebea ne awieɛ mu.
Nanso, wɔ me nkrato yi mu no, mɛka ntirisoɔ a ɛba me tirim no afa saa botaeɛ a ɛkorɔn a obiara pere hwehwɛ no ho.
Wɔn mu bi nyaa mu pii na wɔtenaa ase anigyeɛ mu, na wɔdii nkwa pa. Na wɔn mu bi nso annya mu hwee na wɔtenaa ase awerɛhoɔ mu, na wɔdii mmɔborɔfoɔ nkwa. Na wɔn mu bi nso wɔ ntam ntam, gyina adom a wɔnyaeɛ no so. Onyankopɔn na ɔma nkonimdi, na Ɔno na wɔsrɛ no mmoa wɔ papa nyinaa so, ne bɔne nyinaa pam so.
Ɔfa: Gyidie ne Dwumadie papa
Na nnyinasoɔ kɛseɛ pa ara a ɛyɛ ne fapem no ne gyedi ne adwuma pa, ɔsoro Nyankopɔn kaa sɛ: Obi a ͻbɛdi dwuma pa bi no, sε ͻyε ͻbarima anaasε ͻbaa na ͻyε gyidieni a, Yεbεma no atena asetena pa mu, na ampa nso sε Yεbεma wͻn dwuma a wͻdiiε no so akatua pa paa. [Suratul An-Nahl:97].
Na Nyankopɔn bɔɔ amanneɛ na Ɔbɔɔ anohoba maa wɔn a wɔwɔ gyidie na wɔyɛ adwumapa no, de asetra pa wɔ wiase yi mu, ne akatua pa wɔ wiase yi mu ne tenabea a ɛtra hɔ daa no mu.
Na deɛ nti a ɛte saa no da adi, na gyediefoɔ a wɔwɔ Onyankopɔn mu gyidie pa no, a ɛma wɔyɛ nnwuma pa a ɛsiesie akoma ne suban ne wiase ne Awieeɛ no, wɔwɔ nfapem ne nnyinasoɔ a wɔde gye biribiara a ɛba wɔn so, sɛ ɛyɛ deɛ ɛde anyigye ne ahosɛpɛ ba, anaasɛ deɛ ɛde dadwene, ɔhaw ne awerɛhow ba.
Wɔgye nneɛma a yɛpɛ ne anigyideɛ no tom, na wɔda ɛho ase, na wɔde yɛ deɛ ɛwɔ mfasoɔ soɔ, na sɛ wɔde di dwuma wɔ saa kwan yi so a, ɛma wɔnya anigyeɛ wɔ mu, na wɔnya ɔpɛ sɛ ɛbɛtena hɔ akyɛ na nhyira aka ho, na wɔnya anidasoɔ wɔ wɔn a wɔda ase no akatua mu, nneɛma akɛseɛ a ne yiedie ne ne nhyira kyɛn anigyideɛ yi a ɛno ne n'aba no.
Na wɔ hyia ohaw ne asiane ne akuma sain ne awerɛhow, ɛnam ɔko a wɔde tia deɛ wɔbɛtumi atia no so, ne deɛ wɔtumi brɛ no ase, ne Abotare papa ɛwɔ deɛ wɔnni ho kwan foforɔ biara mu. Na ɛnam wei so na wɔ nya nneɛma firi saa asiane no mu te sɛ ɔko a ɛwɔ mfasoɔ, nsuhwɛ, ne ahoɔden, na ɛfiri Abotare ne akatua hwehwɛ mu nso, wɔ nya nneɛma akɛseɛ a ɛma asiane no yera koraa, na anigye ne anidasoɔ papa na ɛsi ananmu, na wɔ nya apɛdeɛ wɔ Nyame adom ne N'akatua mu, sɛdeɛ Komwhene Nyame nhyira ne n'asomudwoe nka no kyerɛkyerɛɛ mu wɔ Hadith a ɛyɛ nokware no mu ɔkaa sɛ: Ogyidini asɛm ɛyɛ nwanwa, ɛfiri sɛ n'asɛm nyinaa yɛ papa; sɛ adepa bi to no a ɔda ase, na ayɛ papa ama no, na sɛ amaneɛ bi to no a ɔsi abotare, na ayɛ papa ama no, na woi nni hɔ ma obiara gye sɛ ogyidini. Ɛfiri Muslim ho.
Enti ɔbɔɔ amaneɛ sɛ ogyidini no n'akatua, ne papa, ne ne nnwuma so aba dɔɔso mmɔho wɔ anigyeɛ ne amaneɛ biara a ɛbɛto no mu; ɛno nti, wohunu nnipa mmienu a asɛm pa anaa asɛm bɔne bi ato wɔn a, nsonsonoeɛ kɛseɛ da ɔkwan a wɔfa so gye to mu no ntam, na ɛno gyina nsonsonoeɛ a ɛwɔ wɔn gyidie ne wɔn adwumapa mu no so. Onipa a wɔde su mmienu yi abɔ ne din no gye papa ne bɔne nyinaa nam Aseda ne Abotare ne deɛ ɛdi wɔn akyi so, na ɛma ɔnya anigyeɛ ne ahurisie, na adwendwen ne awerɛhoɔ, ne koma-tutu, ne akoma-hiahia, ne asetena mu amanehunu nso tu yera, na asetena pa no di mu ma no wɔ asaase yi so. Na ɔfoforɔ no gye nnoɔma a ɔdɔ tom wɔ ahurisie bɔne, ahantansɛm ne atirimsɛm mu. Enti ne suban sakra bɔne na ɔgye tom sɛdeɛ mmoa gye tom wɔ anibereɛ ne ahopopoɔ mu. Nanso ɛno nyinaa akyi no, n'akoma nni hɔ dwoodwoo, na mmom abɔ apete wɔ afa bebree. N'adwene abɔ apete ɛnam suro a ɔwɔ sɛ n'adɔdefoɔ bɛyera no nti, ne nsɔretia bebree a ɛtaa firi mu ba nti; afei nso, nnipa akra ngyina baabi, na mmom ɛkɔ so pɛ nnoɔma foforɔ a ebia ɛbɛba anaasɛ ɛremma. Na sɛ ɔnya mpo a, n'adwene nso nna ne so wɔ nnoɔma a yɛaka ho asɛm no ho. Na ɔgye nnoɔma a ɛyɛ tan no tom wɔ adwennwene, abasamtuo, suro ne nneyɛɛ yaw mu. Enti mmisa amanehunu a ɛba ne so wɔ asetena mu, ne adwene mu ne ntini mu yareɛ, ne suro a ɛtumi de no duru tebea a ɛyɛ boni paa ne nnoɔma a ɛyɛ hu na ɛhaw adwene paa no ho asɛm; efirisɛ ɔnhwɛ akatua biara kwan, na ɔnni aboterɛ a ɛbɛkyekye ne werɛ na ama n'adesoa ayɛ mmerɛ ama no.
Na wae nyinaa yɛ osuahu adansedie, Na wae baako ne sɛ, sɛ wosusu nnipa dwumadie ne wɔn tebea mu a, wubehu nsonsonoe kɛse a ɛda gyidini a ɔdi dwuma wɔ ma gyidie mu ne nea ɔnyɛ saa no ntam, Ɛkyerɛ sɛ Islamsom hyɛ nkuran denneennen sɛ wonnya abotɔyam wɔ Onyankopɔn nsiesiei ne nea ɔde ama N’asomfo a ɛyɛ N’adom ne ayamye ahorow no.
Enti ogyidini no, sɛ nsɔhwɛ bi te sɛ yareɛ anaa ohia, anaa ne sesɛɛ a ɛyɛ tebea a obiara tumi hyia no bi to no a, ɛnam ne gyidie ne abotɔyam a ɔwɔ ne n'ani a ɛsɔ deɛ Allah ahyehyɛ ama no no so nti, n'akoma tɔ ne yam. Ɔmfa n'akoma nhwehwɛ asɛm biara a wɔanhyɛ amma no, ɔhwɛ onipa a ɔnkyɛn no na ɔnhwɛ deɛ ɔkyɛn no, na ebia mpo n'anigyeɛ ne n'ahurisie ne n'akomatɔyamɛ kyɛn deɛ wanya wiase mu ahwehwɛdeɛ nyinaa no, sɛ wannya abotɔyam a.
Sɛdeɛ wohunu deɛ ɔnni dwumadie ɛfa ne gyedie ho no, sɛ nswer bi te sɛ hia ka no, anaasɛ ɔhwere wiase ndeama nu bi a, wohunu no wɔ abɛbrɛsɛ ne amanehunu kɛseɛ pa ara mo.
Na mfatoho foforɔ: Sɛ ɛsuro siantiri ba, na ɔhaw bɛka onipa a, wobɛhunu gyidi fow ampara n'akoma timtim, ɔwɔ akomatɔyɛ, na ɔwɔ tumi de di asɛm a ɛto no mpofirim no ho dwuma ɛnam n'adwen, ne kasa ɛne n'yɛɛ mu ahoɔden so, wasiesie ne ho ama ɔhaw a ɛda n'anim no, na saa tebea yi ma onipa nya ahomeka na ɛma n'akoma timtim.
Saa ara nso na wohunu deɛ ɔnni gyidie no wɔ tebea a ɛne yei bɔ abira mu: sɛ ehu ba a, n’ahuntam yɛ no basabasa, ne ntini mu yɛ den, n’adwene bɔ petee na ehu ne ahodwiriwdeɛ di ne so. Na abɔnten ehu ne emuduro ɛhao a yɛntumi nkyerɛkyerɛ ne su ankasa mu no ka bom tia no. Na nnipa ko yi, sɛ wannya abɔdeɛ mu akwan bi a ɛhwehwɛ nteteɛ pii a, wɔn ahoɔden sa na wɔn ntini mu yɛ den, na yei nyinaa firi gyidie a ɛde abotirɛ ba a wonni no nti, titiriw wɔ mmere a emu yɛ den, ne tebea a ɛde awerɛhoɔ ne ahoyeraw ba mu.
Ɔteneneenii ɛne ɔbɔneɛni, ne gyedienii ɛne ɔgyefoɔ nyinaa wɔ kyɛfa wɔ akokoɔduru a wɔnya no mu, ɛne abɔdeɛ mu su a ɛma ɛhuu yɛ mmerɛ na ɛtɔ ne fam. Nanso deɛ ɛma gyedienii da nso ne ne gyedi mu ahoɔden, ne n’abotare, ne n’ahotoso ewu Nyame su, ne n’ahotosoɔ a ɔde twere no kor, ne Nyame akatua mu anidaasoɔ; nnoɔma a ɛma n’akokoɔduru mu yɛ den, na ɛtew ɛhuu a ɛda ne so no so, na ɛma ɔhaw yɛ mmerɛ ma no, sɛdeɛ ɔkɛseɛ no kaaɛ no: ((.....Sε morebrε a, saa ara na wͻ’nso rebrε sεdeε morebrε no ara; moani da biribi so wͻ Nyankopͻn hͻ a, wͻ’nni saa anidaasoͻ no...)). [ Suuratu Nisaai:104 ]. Na wɔn nsa ka Onyame mmoa, ne Ne boa titire, ne N’apɔmuden a ɛbɔ ehu no nyinaa pete. Na Ɔkaa sɛ: ((...Na monya aboterε. Nokorε sε, Nyankopͻn ka abotrεfoͻ no ho)). Suuratul Al-Anfal 46
Papayɛ ma abɔdeɛ yɛ kasa pa ne dwuma pa. Nneɛma a ɛka ho a ɛpam awerɛhoɔ, adwene mu haw ne ahometɔ a wonni ne papa a wɔyɛ ma abɔdeɛ wɔ kasa ne nneyɛeɛ mu, ne papa yɛ ahodoɔ nyinaa. Na yei nyinaa yɛ papa ne adɔeɛ, na ɛnam so na Onyankopɔn de pam awerɛhoɔ ne adwene mu haw firi ɔteneneeni ne ɔbɔnefoɔ so sɛdeɛ ɛteɛ. Nanso gyedini no na ɔwɔ mu kyɛfa a ɛyɛ pɛ na ɛso, na nea ɛma no da nso ne sɛ ne papa yɛ no firi gyedie krɔgyenn mu de hwehwɛ N'akatua.
Na Onyame ma adepa yɛ yɛ mmerɛ ma no ɛnam nhyira a ɔhwehwɛ kwan nti, na ɔpia amanehunu firi ne so ɛnam ne kra pa ne N'akatua a ɔde pɛ no nti, Otumfoɔ no kaa sɛ: ((Papa biara nni wͻn agyinatuo bebrebe no mu, mmom (agyinatuo a papa wͻ mu ne) obi a ͻrehyε (amamfoͻ) ama w’ayε adͻeε anaa wayε papa, anaa (wͻ’rehyε amanfoͻ) ama wasiesie nnipa ntεm. Na obi a ͻbεyε woi nom de ahwehwε Nyankopͻn hͻ animuonyam no, Yε’bεma no akatua a εsom bo paa)). (Suuratu Nisaa'i :114)
Na ɔdomankoma Nyame kyerɛɛ sɛ nneɛma yi nyinaa yɛ papa ma deɛ ɔyɛɛ no, na papa de papa ba, na ɛpam bɔne. Na ogyidini a ɔhwehwɛ akatua firi Nyame hɔ no, Nyame ma no akatua kɛseɛ, na akatua kɛseɛ no fa bi ne sɛ: ɛyi akoma sɛe ne haw ahometew ne amanehunu ne deɛ ɛkeka ho firi hɔ.
Ɛmpaemu Adwumayɛ anaa Nyimdiye a ɛsoɔ mfasoɔ sua.
Akwan a ɛpam dadwen a ɛfiri adwenemhaw ɛne akoma no de ne ho a ɛhyɛ haw mu no bi ne sɛ: yɛde yɛn ho bɛhyɛ adwuma anaa nimdeɛ a ɛwɔ mfasoɔ so mu; efiri sɛ ɛtwe akoma no adwene firi asɛm a ɛhaw no no so. Na ɛbia ɛnam ɛno so nti ne werɛ firi nsɛntire a ɛde awerɛhoɔ ne adwendwen brɛɛ no, na n'ani agye, na ne ahoɔden adɔɔso. Na saa nsɛntire yi nso, ɛka ogyidini ne deɛ ɔnnyɛ ogyidini no nyinaa. Na nso gyedienii da nso wɔ ne gyedi, ne ne nokwaredie, ne n’akatua hwehwɛ mu wɔ adwuma a ɔyɛ no mu wɔ saa nimdeɛ a ɔsua anaa ɔkyerɛ no mu, ɛne adepa a ɔyɛ no mu. Sɛ ɛyɛ ɔsom a, na ɛyɛ ɔsom, na sɛ ɛyɛ wiase adwuma anaa suban bi a, na adwene pa na ɛka ho. Na ɔde hwehwɛ mmoa ɛnam so de yɛ Onyankopɔn asotie, enti ɛno wɔ nkɛntɛnso pa wɔ adwenemhaw ne awerɛhoɔ ne abasamtuo pam mu. Na nnipa dodoɔ sɛn na akomatu ne amanehunu a ɛnntwa da asɔ wɔn ahwɛ, na ayɛ ma wɔn anya nyarewa ahodoɔ, na n'ayaresa a ɛtu mpɔn bɛyɛɛ (sɛ ne werɛ bɛfi deɛ ɛhaw no na ɛmaa n’akoma tuu no, na ɔde ne ho ahyɛ n’adwumahia no bi yɛ mu).
Na ɛsɛ sɛ adwuma a ɔyɛ no yɛ biribi a ɔkra no nya abotɔyam wɔ mu na ɛpɛ, efiri sɛ ɛno na ɛma ɛyɛ mmerɛ sɛ ɔbɛnya botaeɛ a mfasoɔ wɔ soɔ yi, na Onyame na Ɔnim.
Adwene nyinaa kabɔm wɔ nnɛ da yi dwumadie so, Na deɛ ɛpia adwennwɛn ne ahoyeraw no bi ne sɛ wɔde adwene nyinaa bɛsi ɛnnɛ da dwumadie so, na wɔatwa ho afiri daakye berɛ ho adwennwɛn, ne awerɛhoɔ a ɛfa berɛ a atwam ho. Ɛno nti na Okomhyani no ''Onyame asomdwie nka no'' hwehwɛɛ ntwitwagyeɛ firii adwennwɛn ne awerɛhoɔ mu, efisɛ awerɛhoɔ a ɛfa nneɛma a atwam a yɛntumi nsane n'akyi anaasɛ yɛbɛsiesie no nni mfasoɔ. Na adwennwɛn a ɛnam daakye ho suro so ba no nso tumi de ɔhaw ba. Enti, ɛsɛ sɛ akoa no de n'adwene si ne da no so, ɔboaboa ne mmɔdenbɔ ne n'anhyɛɛse nyinaa ano de siesie ne da ne mmerɛ a ɔwɔ mu seesei no. Efisɛ sɛ wɔde koma si wei so a, ɛma nnwuma di mu pɛpɛɛ, na akoa no nam so nya awerɛkyekyerɛ fi adwennwɛn ne awerɛhoɔ mu. Na Ɔkɔmhyɛni no, Allah nhyira ne n'asomdwoeɛ nka no, sɛ ɔbɔ mpaeɛ bi anaa ɔkyerɛ n'amanfo kwan kɔ mpaebɔ so a, ɔhyɛ nkuran sɛ berɛ a yɛde yɛn ho to Allah so na yɛn ani da n'adom so no, yɛmfa ahokyerɛ ne mmɔdenbɔ nso nyɛ adwuma na ama yɛanya deɛ yɛrebɔ ho mpaeɛ no. Ne gyae a ɔbɛgyae adeɛ a ɔbɔɔ mpaeɛ sɛ wɔnyi mfiri hɔ no; ɛfiri sɛ mpaebɔ ne adwumayɛ na ɛnam, enti akoa no bɔ mmɔden wɔ neɛ ɛbɛma no mfasoɔ wɔ ɔsom ne wiase mu, na ɔsrɛ n'Awurade sɛ n'atirimpɔ bɛyɛ yie, na ɔsrɛ ne mmoa wɔ ɛno ho, sɛdeɛ Ɔkɔmhyɛni Allah nhyira ne n'asomdwoeɛ nka no kaa no: Bɔ mmɔden wɔ deɛ ɛwɔ mfasoɔ ma wo soɔ, na srɛ mmoa firi Onyame hɔ na mma w'abam mmu, na sɛ biribi to wo a, nka sɛ: ‘Sɛ anka meyɛɛ sei a, anka ɛbɛyɛɛ sei ne sei,’ na mmom ka sɛ: ‘Onyame nsɛnhyehyɛɛ ni, na deɛ ɔpɛɛ no, ɔyɛeɛ,’ ɛfirisɛ ‘sɛ anka’ no bue ɔbonsam adwuma ano. ɛfiri Muslim ho. Ɛnti Ɔkɔmhyɛni no, Nyankopɔn nhyira ne asomdwoeɛ nka no, kaa ahyɛdeɛ a ɛne sɛ yɛbɛyɛ mmɔden wɔ nsɛm a mfasoɔ wɔ so wɔ tebea biara mu, na yɛahwehwɛ Onyankopɔn mmoa na yɛamfa yɛn ho amma ntɔkwaw a ɛyɛ akwadworɔ a ɛde ɔhaw ba no ase no, ne ɔbrɛbrɛase a yɛde ma nsɛm a atwam a wɔadi ho dwuma awie, ne Nyankopɔn atɛnmu ne n'ahyɛdeɛ a yɛhunu no, bɔɔ mu.
Na Wayɛ nsɛm no afaafa mmienu: fa baako a akowa bɛtumi abɔ mmɔden anya, anaa ɔnya nea obetumi afa mu, anaa ɔpam anaa ɔte soɔ, na wɔ saa deɛ yi mu no, akowa no bɔ ne mmɔden na ɔhwehwɛ mmoa firi nea ɔsom no hɔ. Na ɛfa bi a ɛntumi nyɛ yie wɔ mu no, ɛno deɛ ɔkoo no nya mu akomatɔyɛ na ɔgye tom na ɔde ne ho ma. Na akyinnyeɛ nni mu sɛ saa nnyinasoɔ yi so hwɛ no ɛde anigyeɛ ba na ɛyi ɛhaw ne awerɛhoɔ.
Kyekyɛmu: Allah Nkaeɛ a Wɔma no Kɔ Soro/pii.
Na nsɛntire akɛseɛ a ɛde akoma mu tɔyɛ ne akomatɔeɛ ba no mu baako ne: Allah nkaekaeɛ bebree, ɛfiri sɛ ɛno wɔ nkɛntɛnsoɔ nwanwasoɔ wɔ akoma mu tɔyɛ ne akomatɔeɛ mu, na ɛyi ne dadwene ne n'awerɛhoɔ firi hɔ. Sɛ neɛ Okokuroko no kaeɛ no: ((...Nokorε sε, Onyankopͻn nkaekaeε ho na akoma nya abotͻyεmu)). [Suratur Raad 28] Nyame nkaeɛ wɔ nsunsuansoɔ kɛseɛ a ɛma wɔnya deɛ wɔhwehwɛ, ɛnam ne su titiriw ne akatua a akowa no wɔ ho anyidasoɔ no nti.
Wɔkasa fa Onyame adom adaadi ne awinta no ho, Saa ara nso na Onyame adom a ɛda adi ɛne deɛ ahintaw no ho asɛm a yɛbɛka, ɛfirisɛ ɛho nimdeɛ ne ne ho asɛm a yɛbɛka no, Onyame de yiyi awerɛhoɔ ne adwendwen, na ɛhyɛ akoa no nkuran ma ɔyɛ aseda a ɛno ne gyinaberɛ a ɛkorɔn na ɛso kyɛn ne nyinaa, sɛ mpo akoa no wɔ ohia anaa yadeɛ anaa ɛhao ahodoɔ foforɔ biara mu a. Na sɛ ɔde Onyame adom a ɛwɔ ne so - deɛ yɛntumi nkan na yɛntumi mmu ano - toto amanehunu a ato no ho a, na amanehunu no ne adom no nni nsɛsoɔ koraa.
Daabi, ahokyereɛ ne amaneɛ, sɛ Allah de sɔ ɔdonko bi hwɛ, na ɔde abotarɛ ne ani a ɛsɔ ne ne ho a ɔde ma no gyina mu a, ɛho haw so tew na ɛyɛ mmerɛw. Na anidasoɔ a ɔdonko no wɔ wɔ n'akatua ne ne nhyira ho, ne Allah som a ɛnam abotarɛ ne ani a ɛsɔ so ba no, ɛma nneɛma a ɛyɛ yaw no yɛ dɛ, ma n'akatua mu dɛ no ma ne werɛ fi abotarɛ no mu yaw.
Sɛ yɛbɛhwɛ wɔn a wɔhyɛ yɛn aseɛ no, Na nnoɔma a mfasoɔ wɔ so pa ara wɔ asɛm yi mu ne sɛ yɛbɛdi akwankyerɛ a ɛwɔ Ɔkɔmhyɛni -Allah nhyira ne n'asomdwoeɛ nka no- n'anoasɛm a ɛyɛ nokware no mu no akyi, ɛberɛ a ɔkaa sɛ: (Monhwɛ deɛ ɔwɔ fam kyɛn mo, na monnhwɛ deɛ ɔkyɛn mo, ɛfiri sɛ ɛno na ɛfata paa sɛdeɛ ɛbɛyɛ a moremmu Nyankopɔn adom a ɛwɔ mo so no animtia.) Ɛfiri Muslim ho. Nokware, sɛ akowa no de saa nteaseɛ kɛseɛ yi si n'ani so a, ɔbɛhunu sɛ ɔkyɛn abɔdeɛ bebree wɔ apɔmden ne deɛ ɛkeka ho, ne akɔnhoma ne deɛ ɛkeka ho mu, ɛmfa ho tebea biara a ɔwom. Enti n'adwenehuhu ne n'awerɛhoɔ bɛyera, na n'anigyeɛ ne n'ahosɛpɛ bɛdɔɔso wɔ Nyame adom a ɔde akyɛn afoforɔ a wɔn deɛ sua kyɛn ɔno deɛ no mu.
Sɛ akowa no de berɛ tenten dwene Onyame adom a ɛda adi ne deɛ ahunta no, deɛ ɛfa ɔsom ne wiase mu deɛ no ho a, ɔbɛhunu sɛ ne Wura no ama no yie na wayi amanehunu ahodoɔ bebree afiri ne so. Na nokware, yei na ɛpam awerɛhoɔ ne adwendwene, na ɛma anigye ne ahosɛpɛ ba.
Nkyekyɛmu: Mmɔdemmɔ wɔ nneɛma a ɛde awerɛhoɔ ba yiyie mu, ne nneɛma a ɛde anigyeɛ ba nya mu.
Nneɛma a ɛde anigyeɛ ba na ɛyi adwene ne awerɛhoɔ firi hɔ no mu bi ne sɛ, wɔbɛbɔ mmɔden ayi nneɛma a ɛde adwene ba no afiri hɔ, na wɔahwehwɛ deɛ ɛde anigyeɛ ba; na ɛno nam so ba sɛ onipa bɛma ne werɛ afiri amanehunu a atwam a ɔntumi nsakra no, na wahunu sɛ sɛ ɔde n'adwene bɛsi so a, ɛyɛ ɔkwa ne ade hunu, na ɛyɛ nkwaseasɛm ne ɔbadwen. Enti ɔne ne koma di aperepere sɛ ɔren dwene ho, na saa ara nso na ɔne ne koma di aperepere fa ne dadwene a ɔwɔ wɔ deɛ ɛbɛba daakye ho no, te sɛ ohia anaa ehu anaa amanehunu foforɔ biara a ɔdwene sɛ ɛbɛtɔ no wɔ n'asetena mu daakye no. Na ɔbɛhunu sɛ yɛnnim nneɛma a ɛbɛsi daakye ne deɛ ɛwɔ mu a ɛyɛ adepa ne bɔne, anidasoɔ ne ɔyaw, na ɛwɔ Otumfoɔ Onyansafoɔ no nsam. Nkoa nni ho tumi biara gye sɛ mmɔden a wɔbɔ sɛ wɔbɛnya mu nnepa na wɔayi mu mmusuo afiri hɔ. Na akoa no hunu sɛ, sɛ ɔdane n’adwene firi ne dadwene a ɔwɔ fa n’asem a ɛbɛsi daakye ho so, na ɔde ne ho to ne Wura so wɔ ne yɛyɛ mu, na n'akoma tɔ ne yam wɔ saa asɛm no mu, sɛ ɔyɛ saa a, n'akoma bɛtɔ ne yam, na n'asetena mu nneɛma bɛyɛ yie, na ne dadwene ne n'ahodwan bɛfiri ne so.
Sɛnea wɔde nkotɔsrɛ di dwuma, Na nneɛma a mfasoɔ wɔ so paa wɔ daakye nsɛm mu nhwehwɛmu no mu baako ne saa mpaebɔ a na Ɔkɔmhyɛni Nyame nhyira ne n'asomdwie nka no de bɔ no: «Allaahumma aslih lii diiniyal-lathii huwa 'ismatu amrii, wa aslih lii dunyaaya-llatii fiihaa ma'aashii, wa aslih lii aakhirati-llatii ilayhaa ma'aadii, waj'alil-hayaata ziyaadatan lii fii kulli khayrin, wal-mawta raahatan lii min kulli sharr.» O Onyankopɔn, siesie me som no ma me yie, a ɛno ne me nsɛm nyinaa ho banbɔ; na siesie me wiase yi ma me yie, a emu na me nya m'asetena; na siesie m'atamuada no ma me yie, a ɛhɔ ne me nkyi san kɔ. Na ma nkwa yi nyɛ nkɔanim mma me wɔ papa biara mu, na ma owuo nso nyɛ ahomegyeɛ mma me mfi bɔne biara mu. Ɛfiri Muslim ho. Saa ara nso na ɔkaa sɛ: «O Allah, W'ahummɔborɔ na mede me ho to so, enti nnyaw me mma me ho aniwa akyi bere koraa, na siesie me nsɛm nyinaa ma me, Awurade biara nni hɔ gye Wo» Abu Dawud na ɔde baeɛ a, ne nkyerɛkyerɛmu kwan no yɛ nokorɛ. Ɛnti sɛ akoa no taa bɔ mpaebɔ yi a ɛfa ne daakye som ne wiase mu yieyɛ ho no, de akoma a ɛte ase ne adwene pa, na ɔde mmɔdenbɔ ka ho wɔ deɛ ɛbɛma no ayɛ yie no mu a, Onyankopɔn ma ɔnya deɛ ɔsrɛeɛ, deɛ ɔhwɛɛ kwan, na ɔyɛɛ ho adwuma no, na ne dadwene dane anigye ne ahosɛpɛ.
Ɔfa a ɛrekyerɛ Tirimpɔ bɔne ho nsusuiɛ.
Akwan a ɛwɔ mfasoɔ so a ɛyi adwenehuhu ne akomasɛiyyɛ firi hɔ, sɛ ɔhaw bi bɛto akoa so a, ne sɛ ɔbɛbɔ mmɔden sɛ ɔbɛte soɔ denam so a ɔbɛdwene tebea bɔne paa a asɛm no bɛtumi de aba ho, na ɔde ne ho ato so. Sɛ ɔyɛ saa a, ɛno deɛ ɔmmɔ mmɔden sɛ ɔbɛte deɛ ɔbɛtumi ate soɔ no so. Ɛnam saa ho a ɔde toɔ soɔ yi ne saa mmɔdenbɔ mfasodeɛ yi so no, n'akomasɛiyyɛ ne n'awerɛhoɔ bɛyera, na mmɔdenbɔ no bɛyɛ deɛ ɛde mfasoɔ brɛ, na apam ɔhaw a ɛyɛ mmerɛ ma akoa no.
Enti sɛ ehu, yareɛ, ne ohia ne nneɛma ahodoɔ a ɔpɛ na ɔnnya no bɛto no a, ɛsɛ sɛ ɔde akomatɔyam gyina ano, na ɔsiesie ne kra ma ɛto hɔ, na mmom ɔnsiesie ne ho mma deɛ emu yɛ den paa a ɛbɛtumi aba no. Efisɛ ɔkra no a wobɛsiesie no sɛnea ɛbɛtumi agyina amanehunu ano no, ɛma no yɛ mmerɛ na ɛyi emu denyɛ no firi hɔ, titire sɛ ɔde ne ho hyɛ mu sɛ ɔbɛbɔ mmɔden ako atia sɛdeɛ ne tumi bɛso a. Ɛno ma ɔkra no a ɔsiesie no ne mmɔdenbɔ pa a ɛtwe n'adwene firi amanehunu no ho no ka bom ma no. Na ɔbɛko atia ne kra no de asan anya ahoɔden de agyina ɔhaw no ano, berɛ a ɔde ne ho to Onyankopɔn so na ɔwɔ Awerɛhyɛmu pa wɔ Ne mu. Akyinnyeɛ biara nni ho sɛ saa nneɛma yi wɔ mfasoɔ kɛseɛ pa ara wɔ anigyeɛ ne akomatɔyam a wɔde nya no mu, a ɛka akatua a akoa no wɔ ho anidasoɔ wɔ ɛberɛ tiaa ne tenten mu no ho. Yei yɛ adeɛ a yɛahu na yɛasɔ ahwɛ, na nsɛm a ɛfa wɔn a wɔasɔ ahwɛ no ho dɔɔso yie.
Nkyekyɛmu: Akoma ahoɔden ne sɛ ɛnyɛ basabasa na ɛmu nsi no hye.
Ayarisa akɛseɛ no mu baako a ɛsa akoma mu adweneyareɛ, ɛne honam mu yarea nso ne sɛ: Akoma no bɛyɛ den na ɛremma nsusuiɛ hunu ne adwenem-shɛshɛ a adwen bɔne de ba no nhaw no anaa ɛmma no nyɛ basaa. Na abufuw ne adwene mu basabasa yɛ saintiri a ɛde yaw ba no mu bi; na kwan a wɔhwɛ sɛ amanehunu bɛba na nneɛma pa ayera no, ɛde onipa kɔ dadwen ne awerɛhow, ne akoma ne honam mu nyarewa, ne adwene a ebubu a nnipa ahunu emu mmusuo bebree no mu.
Ɔde wo hu bɛtwire Onyame Na ɛmmere biara a akoma no de ne ho to Nyame so, na ɔde ne ho twere No, na w'amfa ne ho amma adwenem nnaadaa anaa adwene bɔne anni ne so, na ɔwɔ Nyame mu ahotosoɔ na n'ani da N'adom so no, wɔnam saa kwan no so pam akomasɛiyyɛ ne awerɛhoɔ firi ne so, na ɛyi honam mu ne akoma mu nyarewa pii firi ne so nso. Na akoma no nya ahoɔden ne akomatɔyɛ ne anigyeɛ a yɛntumi nka ho asɛm biara. Ayaresabea bebree na ayarefoɔ a wɔn yareɛ yɛ adwenem nnaadaa ne adwene porɔeɛ ayɛ mu ma, na nnoɔma yi anya ahoɔdenfoɔ pii akoma so nkɛntɛnsoɔ dodo, ɛnka mmrɛfoɔ no deɛ, na mpɛn dodoɔ sɛn na ɛde akɔ agyimisɛm ne ɔbadwen mu. Na onipa a wanya ahotoɔ ne deɛ Onyame ama no ahotoɔ na wakyerɛ no kwan ma wako atia ne kraa de anya akwan pa a mfasoɔ wɔ so a ɛhyɛ akoma den, na ɛpam ne dadwene. Na Ɔkae sɛ: ((...Obia ͻde ne ho bεto Nyankopͻn soͻ no, Ɔsombo ma no)). [ Suuratu Talaq:3]. Ɔsombo ma no ɛfa neɛ ɛha no biara wɔ ne som ne ne wiase mu.
Enti deɛ ɔde ne ho twerɛ Nyame no, n’akoma yɛ den, adwenem nnaadaa nntumi no, na nsɛm a ɛsisi nnto no haw, ɛfiri sɛ ɔnim sɛ ɛno firi ɔkra mmerɛyɛ mu, ne akokoɔntoɔ ne ehu a ɛnni nnyinasoɔ mu. Na ɔsan nso nim sɛ nokware Nyame asi so dua ama deɛ ɔde ne ho to No soɔ sɛ ɔbɛsɔ no mu pɛɛ, enti ɔnya awerɛhyɛmu wɔ Nyame mu na n'akoma tɔ ne yam wɔ n'ahyɛbɔ no ho. Na n'adweneadwene ne n'ahiasɛm yera, na ne ɔhaw dane mmerɛwyɛ, n'awerɛhoɔ dane anigyeɛ (na Turahe kyerɛ awerɛhoɔ), ne suro dane bammɔ. Enti yɛsrɛ No, ɔdomankoma no, ahoɔden, na ɔde adom ama yɛn akoma den ne ne timtim yɛ, ne ɛho twerɛ a ɛyɛ pɛ no a Nyame ahyɛ ho bɔ ama wɔn a wɔwɔ mu no sɛ ɔde papa biara bɛma wɔn, na wapam bɔne ne haw biara (na Dairu kyerɛ ɔhaw).
Ɔfa ɛrekyirɛ Okra no nteteɛ wɔ afoforɔ mfomsoɔ ho boasetɔ mu.
Na wɔ Ɔkɔmhyɛni -Nyame nhyira ne n'asomdwie nka no- anoasɛm mu no: «Ogyidini barima nkyiri ogyidini baa; sɛ ɔkyiri ne suban bi a, n'ani bɛgye ne deɛ foforɔ bi ho» Ɛfiri Muslim ho.
Mfasoɔ kɛseɛ mmienu:
Ɛmu deɛ di kan: ɛyɛ akwankyerɛ fa sɛdeɛ yɛ bɛyɛ yɛn yare, busuani, adamfo, ne obiara a nkitahodie da yɛn ntamu, na ɛsɛ sɛ wosiesie woho sɛ ɛwɔ sɛ ɔbɛnya mfomso anaa deɛ enhyia anaa asɛm bi a wokyiri, na sɛ wohu saa a, fa toto saa ade no ne deɛ ɛsɛ wo anaa ɛfata wo sɛ woyɛ de hyɛ nkitahodie no mu den na ɔdɔ no atena hɔ daa, ɛnam nneɛma pa a ɛwɔ ne mu a wobɛkae no so, ne atirimpɔw a ɛfa no nkoaa ne nnipa nyinaa ho. Sɛ woyi w'ani fi nneɛma bɔne so na wode w'adwene si nneɛma pa no so a, adamfofa ne nkitahodie no bɛtena hɔ daa na woanya ahomka.
Mfasoɔ a ɛtɔ so mmienu: Ɛma dadwene ne ahoyeraw tu yera, na akoma tɔ yie, na wɔkɔ so di kyɛfa a ɛyɛ ahyɛdeɛ ne deɛ ɛfata so, na ahomeka ba wɔn baanu ntam. Na onipa a wamfa saa afotuo a Odiyifoɔ ﷺ de maeɛ yi anyɛ adwuma -na mmom ɔhwɛɛ nnoɔma bɔne no pɛ, na n'ani firii nnoɔma pa no ho-, ɛndeɛ ɛsɛ sɛ ne werɛ how, na ɛsɛ sɛ ɔdɔ a ɛda ɔne ne yɔnko ntam no mu sɛe, na ɛma kyɛfa pii a ɛsɛ sɛ wɔn mu biara bɔ ho ban no mu tetero.
Na nnipa pii a wɔwɔ apɛdeɛ a ɛkorɔn no siesie wɔn ho wɔ abotare ne akomatɔyam so de gyina ɔhaw ne mmosua ano. Nanso wɔ nneɛma nketenkete a ɛho nhia ho no, wɔn adwene tu, na akomatɔyɛ no yera. Deɛ ɛma no te saa ne sɛ wɔatete wɔn kraa ama nneɛma akɛseɛ, na wɔagyaw no wɔ nneɛma nketewa fam, na ɛno haw wɔn na ɛsɛe wɔn ahomeka. Enti, onipa nyansafoɔ no tete ne kraa wɔ nneɛma nketewa ne akɛseɛ nyinaa ho, na ɔsrɛ Allah mmoa wɔ so, na sɛ ɔmmfa no nnhyɛ ne ho nsa ani bɔ mu baako pɛ mpo. Ɛno ansa na deɛ ɛyɛ ketewa no bɛyɛ mmerɛ ama no, sɛdeɛ deɛ ɛyɛ kɛseɛ no yɛɛ mmerɛ no. Na n'akoma nya akomatɔyɛ, asomdwoeɛ, ne ahomegyɛ.
Ɔfa ɛrekyirɛ sɛ ɛnni sɛ wɔtuaso di adwenedwne ne ndaadaa akyi
Nyansani no nim sɛ n'asetena tenenee yɛ anigyeɛ ne komdɔyɛ asetena ɛna ɛyɛ tiaa pa ara, enti ɛnsɛ sɛ ɔde adweneadwene ne awerɛhoɔ a ɛkɔ so daa yɛ no tiaa, ɛfiri sɛ ɛno bɔ abira ne asetena tenenee no. ɛno nti ɔyɛ pɛsɛmenkɔm wɔ n'asetena ho sɛ ɛfa kɛseɛ bɛkɔ ayɛ ɔhaw ne amanehunu afɔdeɛ, ɛna nsonoeɛ biara nni yei mu wɔ ɔteneneeni ne ɔbɔnefoɔ ntam, nanso ɔgyidini no na ɔwɔ kyɛfa a ɛboro so wɔ saa su yi mu yɛdie pa ara mu, ne kyɛfa a ɛwɔ mfasoɔ wɔ wiase ne atamoada.
Ntotohoɔ a ɛwɔ Onyame adom ne mosuo a ɛto no ntam, Na ɛsɛ nso sɛ, ɛmmerɛ a ɛhao bi bɛka n o anaasɛ osuro ho no, ɔde adom a aka a wahunu wɔ ne mu no, sɛ ɛyɛ som mu deɛ anaa wiase mu deɛ, bɛtoto ɛhao a aka no no ho. Na ɛfiri saa ntotoeɛ no mu na ɛbɛda adi sɛnea adom a ɔwɔ mu no dɔɔso, ɛna sɛnea ɛhao r 5 55 a aka no no nso asɔe.
Saa ara nso, ɔde ɔhaw a ɔsuro no ne ahobammɔ akwanya pii a ɛwɔ mu no toto ntam, na ɔmma adwen mmerɛw no nni deɛ ɛdɔɔso a ɛwɔ ahoɔden no so. Wei so no, n'adwendwen ne ne suro no bɛyera. Na ɔsusu deɛ ɛso koraa a ɛbɛtumi ato no ho, na ɔma ne kra siesie ne ho ma no sɛ ɛsi a, na ɔbɔ mmɔden sɛ ɔbɛpia deɛ ɛmmɛsiiɛ, na wayi deɛ asi no afiri hɔ anaa wate so.
Nnipa ɔhaw wɔ wɔn so, gye sɛ wode wo ho hye mu. Nneɛma a ɛwɔ mfasoɔ so no bi ne sɛ wonim sɛ ɔhaw a nkurɔfoɔ de brɛ wo, titiriw wɔ nsɛm bɔne mu no, ɛnha wo, na mmom wɔn ara na ɛha wɔn, gyesɛ sɛ wode w'adwene hyɛ mu, na woma no kwan ma ɛdi w'atenka so, saa berɛ no na ɛbɛha wo sɛdeɛ ɛhaa wɔn no. Na sɛ woamfa anyɛ asɛm a, ɛrenha wo hwee koraa.
Ma wo asɛtena nyɛ kamakam papa ɛnam adwen a ɛwɔ nfasoɔ so. Ɛna hunu sɛ w'asetena gyina w'adwene so, na sɛ ɛyɛ adwene a ɛfa deɛ ɛde mfasoɔ brɛ wo wɔ wo som anaa wiase mu a, ɛnneɛ w'asetena yɛ papa a anigyeɛ wom, na sɛ ɛnte saa a, ɛnneɛ asɛm no ate atia.
Sɛ adeyɔ bɛyɛ Nyame nti, na ɛmmom ɛnyɛ abɔdeɛ nti. Na nsɛm a ɛwɔ mfasoɔ a ɛpam adwen-haw no mu bi ne sɛ, wobɛsi w'adwene pi sɛ worenhwehwɛ aseda mfiri obiara hɔ gye sɛ Nyame nkoaa. Sɛ woyɛ obi a ɔwɔ hokwan wɔ wo so, anaasɛ deɛ ɔnni biara no yie a, hunu sɛ wei yɛ wo ne Nyame ntam dwumadie. Enti ɛnsɛ sɛ wohaw wo ho fa aseda a ɛfiri deɛ w'adom no hɔ, sɛdeɛ Onyankopɔn kaeɛ fa n'abɔdeɛ mu nnipa titire no ho sɛ: ((Deε wͻka ne sε: Yε deε yεrema mo aduane adi de ahwehwε Nyankopͻn hͻ animuonyam; yεnhwehwε akatua anaa aseda bi wͻ mo hͻ)). Suuratu Al-Insan 9
Na yei si so dua wɔ wo ne w'ebusuafoɔ ne wo mma ntam di mu, ne den a wo ne wɔn ntam ayɔnkofa no yɛ. Sɛ wotete wo kraa sɛ wobɛyi bɔne afiri wɔn so a, wama wɔn ahome na wo ara nso w'anya ahome. Na awerɛkyekye nso fi mu ba sɛ wofa su pa di dwuma sɛnea wo kraa kyerɛ wo, na ɛnyɛ ɔhyɛ a ɛde ɔhaw bɛbrɛ wo so; ɛno deɛ, ɛbɛma woasan w’akyi a w’anim agu ase sɛ woannya su pa no, ɛfiri sɛ wofaa ɔkwan a akyeakyea so. Na yei ka nyansa ho, ne sɛ wobɛfa nsɛm a emu yɛ duru adane no deɛ emu tew na ɛyɛ dɛ. Ɛno so na anigyeɛ mu ahoteɛ bɛdɔɔso, na amanehunu nso bɛyera.
Yɛde yɛn ho hyɛ dwumadie pa mu, na yɛgyae dwumadie bɔne, Fa nsɛm a ɛwɔ mfasoɔ si w'ani so na bɔ mmɔden sɛ wobɛyɛ no yie, na mma w'adwene nkɔ nsɛm a ɛde ɔhaw ba so; sɛnea ɛbɛyɛ a wodeɛ no bɛyi w'adwene afiri nneɛma a ɛde adwennwene ne awerɛhoɔ ba so, na fa ahomegyeɛ ne adwene a ɛka bom yɛ nnwuma a ɛho hia no.
Nnwuma nsisieeɛ prɛko pɛ. Nneɛma a ɛwɔ nfasoɔ no bi ne sɛ wobɛyɛ nnwuma awie ntɛm ara, na woanya kwan ama daakye nso; Na sɛ woanyɛ saa a, kane nnwuma no nkaeɛ bɛboaboa ano wɔ wo so, na wɔde deɛ ɛreba no aka ho, ma ayɛ wo adesoa. Sɛ woyɛ biribiara wie wɔ ne berɛ mu a, wobɛnya adwene ne adwumayɛ mu ahoɔden de adi daakye nsɛm so.
Dea ɛdi kan ho nhyehyɛe, ne a guni, Ɛsɛ sɛ woyi dwumadie a ɛwɔ mfasoɔ no mu, na wode deɛ ɛhia paa di kan, na yi mu deɛ wo kra pɛ na w'akɔnnɔ wɔ ho, na nea ɛne wei bɔ abira de ɔbrɛ ne abasamtuo ne awerɛhoɔ na ɛba. Na fa adwendwene a ɛteɛ ne tuagyɛ hwehwɛ ɛho kwan, na obi a ɔbisa tuo nnu ne ho da, na yɛ deɛ wopɛ sɛ woyɛ no ho nhwehwɛmu pɛpɛɛpɛ, na sɛ wohunu mfasoɔ a ɛwɔ mu na wosi wo bo a, de wo ho to Nyame so, nokware sɛ Nyame dɔ wɔn a wɔde wɔn ho to ne soɔ no.
Aseda nyinara wɔ Onyame abɔdeɛ nyinaa wura.
Na Nyame nhyira ne N'asomdwoeɛ nka yɛn Wura Muhammad, ne Nefiefoɔ ne n'asuafoɔ.
Related books
All books
Ɛyɛ asɛdeɛ sɛ yɛdi dwuma wɔ Ɔsomafoɔ Sunnah so, Nyame nhyira ne n'asomdwoe nka no, na Obibiara a wapo ne Sunna no nni gyedie na Ɔyɛ bɔbeayɛ nii (Kaafiri).23 languagesƐyɛ asɛdeɛ sɛ yɛdi dwuma wɔ Ɔsomafoɔ Sunnah so, Nyame nhyira ne n'asomdwoe nka no, na Obibiara a wapo ne Sunna no nni gyedie na Ɔyɛ bɔbeayɛ nii (Kaafiri).
Nwoma yi twerɛfoɔ Abdul Aziz bin Abdullah bin Baaz Onyame nhunu no mmɔbɔ Me hyɛase wɔ Nyame din mu Hommɔborɔ hene Ɔdɛɛfoɔ hene. Nsɛm a ɛdikan/ Nnianim nsɛm. Aseda nyinaa wɔ Allah abɔdeɛ nyinaa Wura, na awieyɛ no wɔ Nyame surofoɔ, Nhyira ne asomudwoe nka N'akoa ne Ne somafoɔ yɛ kɔmhyɛnii Mohammad, Ɔsomani a ɔyɛ Hunummɔborɔ ma Abɔdeɛ nyinaa, ɛna Ne fiefoɔ ne N'asuafo wɔn a wɔfaa wɔn Wura nwoma ahoteɛ No ɛna wɔn kɔmhyɛnii Sunna Nyame nhyira ne N'asomudwoe nka no ɛmaa akyiri mma, ɛwɔ nhwɛso pa kwan so, ɛna Banbɔ a ahyɛma fa nkyerεkyerεmu ne mu nsemfua, Onyame ngye wɔn ntumu, na Ɔnyɛ yɛn wɔn…
Hwan na bɔɔ me? Na deɛn nti na Ɔbɔɔ me?75 languagesHwan na bɔɔ me? Na deɛn nti na Ɔbɔɔ me?
Biribiara kyerɛ sɛ Ɔbɔadeɛ no wɔ hɔ Hwan na ɔbɔɔ asoro ne asaase ne abɔdeɛ akɛseɛ a ɛwɔ mu a wontumi ntwa ho nhyia? Hwan na yɛɛ saa nhyehyɛeɛ pɛpɛɛpɛ a ɛmu da hɔ fann wɔ ɔsoro ne asaase so? Hwan na ɔbɔɔ onipa na ɔmaa no aso, ani ne adwene na ɔmaa no tumi a ɔde hu adeɛ na ɔfa mu aba kann? Sɛn na wobɛsi akyerɛkyerɛ adwumayɛ pɔtee wɔ wo nipadua nhyehyɛeɛ ahoroɔ mu ne deɛ ɛwɔ abɔdeɛ a nkwa wom nipadua mu? Hwan na ɔbɔɔ no? Ɛsidɛn na wiase kɛseɛ yi nam nhyehyɛeɛ a wɔahyehyɛ no pɛpɛɛpɛ wɔ mfeɛ pii akyi di dwuma na ɛwɔ hɔ daa?
ɛnkyirɛkyirɛ tiawa bi ɛfa Islaam hɔ sɛdeɛ ɛbaa wɔ quraan kronkron mo ɛne ɔkomhyani Sunna mo nso.71 languagesɛnkyirɛkyirɛ tiawa bi ɛfa Islaam hɔ sɛdeɛ ɛbaa wɔ quraan kronkron mo ɛne ɔkomhyani Sunna mo nso.
AL-ISLAAM Nwoma a ɛdimo yie ɛne deɛ ɛkekahɔ ɛfa wɔ Islaam ɛnkyirɛkyirɛ tiawa asekyirɛ na ɛdaadi ɛkyirɛ nefapim a ɛdimo ɛne nenimdie ɛnkyirɛkyirɛ ɛne nahɔteɛ ɛfiri nenkyirɛkyirɛ afapim ɛnɔ neyɛ quraan krɔnkɔ ɛne ɔkomhyani sunna, ɛne nwoma ɛnkyirɛkyirɛ tiawa mo ɛfa deɛ ɛso nɔ nyinara ɛfiri musliminii ɛne deɛ ɔnyɛ muslim ɛwɔ ɔmɔ kasa mo ɛfa ɛmmerɛ mo ɛne biya mo ɛfa deɛ ɛwɔ ho ɛne deɛ atwaakyia nyinara. (ɛyɛ ɛsu mua a ɛfra wɔ ɛngyinasoɔ a ɛfiri quraan krɔnkɔ mo ɛne ɔkomhyani sunna mo) 1 - Islaam ɛyɛ Onyame kasa soma kasa ɛkɔ nipa nyinara nkyɛn, na ɛno nɛyɛ Onyame krɔ soma kasa a antimtim na ɛyɛ…
ɛnkyirɛkyirɛ tiawa bi ɛfa Islaam hɔ sɛdeɛ ɛbaa wɔ quraan krɔnkɔɔ mo ɛne ɔkomhyani Sunna mo so.61 languagesɛnkyirɛkyirɛ tiawa bi ɛfa Islaam hɔ sɛdeɛ ɛbaa wɔ quraan krɔnkɔɔ mo ɛne ɔkomhyani Sunna mo so.
Me de Onyame diin ɛna me de ɛhyɛaseɛ ahunumobrɔ hene ɔdɛɛfoɔ Hene AL-ISLAAM/Kramo som wa yi eye nyoma gyinaso enno ho na nyoma weyi bi eo ho a e gyinaso ewu mu firi Quran ne Sunnah enti ko hwe ha https://islamhouse.com/ar/books/2830071. krato a ɛhia efa islam Kramo som nimdiyee e kyere na fapen na ɛnkyerekyere ne na papa yɛ efifi Quran ne Kɔmwhene enkyerekyere(Sunnah),na waye kasa soma yi ɛye ade eko ma kramo fow ne wamu a wo me ɛnye enkramo fow ewu hɔme kasa nu mu ewu bea biara ne mmere biara 1 - Islaam ɛyɛ Onyame kasa soma kasa ɛkɔ nipa nyinara nkyɛn, na ɛno nɛyɛ Onyame krɔ soma kasa a…