​"Èske ou janm mande tèt ou: Ki moun ki kreye w? Poukisa? Epi kisa kap pase apre lanmò?

Èske w te janm mande tèt ou? Kiyès ki te kreye w? E poukisa? E kisa ki genyen apre lanmò?

Èske ou janm mande tèt ou : Ki moun ki kreye w ? Poukisa ? Epi kisa k ap pase apre lanmò ?

Kiyès ki te kreye w, O lèzòm? Si w ta gade kò w anba yon mikwoskòp, ou t ap wè yon monn ki fèt ak presizyon ak mèvèy. Chak selil nan kò w pote enfòmasyon jenetik ki gen kòd ki konplèks. Èske w janm mande tèt ou: Kiyès ki te ekri kòd sa yo? E kiyès ki te mete yo nan plas egzak yo?

Ki moun ki kreye w, oumenm moun? Si w ta gade kòw anba yon mikwoskòp, ou ta wè yon mond ki plen presizyon ak mèvèy. Chak selil nan kòw pote nan yo enfòmasyon jenetik ak kòd ki konplike anpil. Èske ou janm mande tèt ou: Ki moun ki te ekri kòd sa yo? Epi ki moun ki te mete yo nan plas egzak yo?

Menm jan lespri ou pa ka aksepte si yo ta di w : yon telefòn entèlijan ki byen fèt parèt konsa toudenkou san pa gen yon moun ki desine l ni yon moun ki fè l ; oubyen yon rezo aparèy ki konplike kap fonksyone nan tèt ansanm san pa gen yon pwogramè oswa yon moun kap kontwolel ; se konsa tou, lojik pa ka aksepte pou yo dil : gwo linivè sa a, ak tout lòd, kreyativite, ak lwa presizyon ki ladanl lan, te annik parèt konsa san pa gen yon Kreyatè ki kreyel!

Chak ti moso nan linivè sa a, depi nan pi piti atòm nan rive nan pi gwo galaksi a, montre grandè Sila ki kreyel la. Dapre lojik, li enposib pou yon sistèm ki gen tout presizyon sa a ta soti nan dezòd. Lespri nou pa ka aksepte lide ki di linivè sa a soti nan anyen, oubyen bèl sistèm konplike sa a se rezilta yon kout chans avèg.

Menm jan yon bon lojik ak nati fondamantal nou mennen yon moun kwè gen yon kreyatè pou linivè a, yo pouse nou tou pou nou reflechi sou kalite kreyatè sa a ak dwa li genyen sou nou.

Lè nou reflechi sou kalite Kreyatè sa a, sa louvri lespri nou pou nou konprann li obligatwa pou li gen yon pèfeksyon ki san limit, epi li pa gen okenn defo.

Sa vle di Kreyatè a genyen tout kalite ak grandè nan li. Li gen tout pouvwa, li konn tout bagay, epi li gen bon konprann nan tou sa li kreye ak tou sa li deside. Pèfeksyon sa a se pa yon senp lide, se yon nesesite pou lespri nou ; paske si te gen yon sèl defo nan kalite li yo, sa ta lakòz dezòd nan kreyasyon an ak nan jan mond lan ap mache. Men, sa pa ka fèt, lè nou wè jan tout bagay nan linivè a fèt ak presizyon.

Epitou, lefètke Kreyatè a pa gen okenn defo, sa vle di li pa bezwen kreyati li yo pou anyen. Li pa bezwen pèsonn, okontre, se tout moun ak tout bagay ki bezwen li pou yo ka egziste epi rete anvi. Allah ki gen tout pouvwa a pa gen asosye ni li pa gen pitit, paske bagay sa yo se siy feblès ak mankman, epi Allah anwo nèt nan tout bagay sa yo.

Si Allah ki se gwo Kreyatè sa a ki gen tout pèfeksyon ak tout grandè nan li, si se li ki fè nou ak tout linivè a soti nan anyen, si se li ki mèt tout sa ki egziste, li ba nou tout sa gen bezwen epi li kouvri nou ak mizèrikòd li, epi se li kap dirije tout bagay ; èske nou pa ta dwe remèsyel? Èske nou pa ta dwe chèche konnen ki jan pou nou fèl plezi, ki jan pou nou bay sa nou dwel la, epi travay pou nou reyalize objektif ki fè li te kreye nou an?

Èske sa lojik pou Allah ta kreye nou epi pou pa ta montre nou kisa li vle nou fè? Poukisa nou isit la? Ki bi ak ki objektif prezans nou nan lavi a? Kisa ki pral rive nou apre nou fin mouri?

Reflechi ansanm avèm : si yon moun ta bati yon gwo palè ki bèl anpil, li mete tout dènye teknoloji ladanl, epi kòmsil fini, li annik deside krazel nèt san okenn rezon. Èske ou ta ka di moun sa a gen bon konprann? Èske li pa klè pou tout moun ke yon aksyon konsa se yon bagay ki pa gen sans, epi yon moun ki gen lespri patap janm fè sa?

Si nou pa ka aksepte yon aksyon konsa pou yon senp moun, kijan nou ka panse Allah ki gen tout bon konprann ak tout konesans, ta kreye bèl linivè sa a ak tout bèl travay ak presizyon sa yo, epi poul ta detwil konsa san okenn bi oswa san okenn sajès?

Allah kreye moun pou yon rezon ki gran anpil : se pou yo adore li sèlman san yo pa mete lòt dye avèk li. Li kreye yo poul teste yo nan mond sa a, epi li fikse yon dat kote yap leve soti vivan nan lanmò nan jou jijman an pou yo rann kont pou sa yo te fè. Konsa, moun ki te kwè nan Allah epi ki te koute mesaj li a ap jwenn benediksyon nan paradi a pou tout tan, men moun ki te vire do bay laverite ap fini nan dife lanfè.

Donk, adore Allah se yon dwa nou dwe li, paske se rezon sa a ki fè nou egziste. Se prèv remèsiman nou epi se fason nou rekonèt li se sèl Mèt ak sèl Allah ki genyen.

Reflechi sou sa : se Allah ki kreye w, li onorew lè li ba ou zòrèy pou tande ak zye pou wè. Li kouvriw ak benediksyon ou pa ka menm konte. Se li ki fè san koule nan vènn ou, se li ki ba ou dlo ak lè wap respire a. Chak segonn ou bezwen li ; si se pat pou mizèrikòd li ak pwoteksyon li, ou tap peri epi tout fòs ou tap disparèt. Menm lè ou te yon ti bebe nan vant manmanw, san ou patv ka fè anyen pou tèt ou, li te pran responsablite ba ou manje epi pran swenw.

Èske gwo Kreyatè sa a pa merite pou ou adorel jan li menm li vle a, olye ou fèl jan oumenm ou vle? Reflechi sou sa : si ou ta vle fè manmanw yon kado, èske ou tap chwazi sa ou menm ou renmen, oubyen èske ou tap chèche konnen sa li menm li renmen pou fè kèl kontan? Se menm jan an tou pou jan nou adore Allah: nou pa dwe fè sa selon lide pa nou oswa selon koutim granmoun lontan te kite pou nou, men nou dwe fèl jan Allah li menm vle a, epi jan li mande nou fèl la.

Adorasyon an dwe fèt pou Allah sèlman, san nou pa mete lòt dye avè l. Yon moun pa gen dwa adore anyen lòt pase Kreyatèl la. Pi gwo peche ki ka fè yon moun rete nan lanfè pou tout tan, se lè li bay Allah asosye . Sa vle di, lè yon moun adore kreyati Allah yo nan plas Allah menm, tankou adore estati, solèy, lalin, oswa adore lòt moun, bèt, oubyen yon moun yo konsidere kòm sen. Tout sa yo se kalite moun ki pa pakwè nan pawòl Allah.Nenpòt moun ki mouri nan eta sa a, pinisyon li se rete nan dife lanfè pou tout tan gen tan.

Allah te voye anpil pwofèt ak mesaje pou fè nou konnen poukisa nou isit la sou tè ak ki objektif lavi a genyen. Tout mesaje sa yo te pote menm mesaj la : se mesaj Islam nan ki mande pou nou adore Kreyatè a sèlman san nou pa ba li asosye. Men, gen moun ki te chanje epi ki te gate mesaj ansyen mesaje yo te pote yo. Se poutèt sa, Allah te voye dènye mesaje a, Muhammad(je lapè AK benediksyon Allah kouvri li)epi li te ba li dènye mesaj pou limanite : Koran an ki sen. Gen anpil prèv lojik ak prèv syantifik ki montre Koran an se pawòl Allah tout bon, epi se sèl liv ki pa janm chanje ni gate. Allah fè nou konnen nan Koran an li pap aksepte okenn lòt relijyon nan men moun pase Islam, epi tout pwofèt yo te gen menm mesaj : adore yon sèl Allah .Allah di nou tou nan Koran an gen yon paradi ak yon bèl lavi kap tann moun ki kwè yo, men gen dife ak gwo soufrans pou moun ki adore lòt bagay pase Allah oswa ki refize antre nan Islam.

Sa ki fè Islam diferan de tout lòt relijyon yo, se paske Mizilman yo se sèl moun ki kapab bay prèv lojik ak verite syantifik, pandan yap baze yo sou sous konesans moun ka fè konfyans, pou yo demontre Koran ki nan men yo jodi a se pawòl Allah Kreyatè a li ye. Se yon liv Allah pwoteje poul pa janm chanje ni gate.

Koran an se liv Allah te voye bay pwofèt Muhammad (benediksyon ak lapè sou li). Depi plis pase 1400 lane, Allah lanse yon defi bay tout moun pou yo ta fè yon liv konsa, oswa menm yon sèl ti pati (yon sourat) ki sanble avèl, men pèsonn pat janm ka fè sa. Jouk jounen jodi a, defi a toujou la, epi pèsonn pa ka fè anyen ki gen menm bèl langaj, menm fòs, ak menm kalite lwa ki ladann yo. Mirak Koran an pa sèlman nan fason li ekri, li genyen tou prèv lojik ak syantifik ki konfime se pawòl Allah li ye. Si Koran an gen tout prèv klè sa yo, sa ki pi lojik pou yon moun fè, se kwè nan li epi swiv sak ekri ladanl, olye pou nap baze nou sou sou lòt liv kote menm lèzòm te antre nan yo.

Konsa, yon lespri ki an sante mennen nou konprann pawòl Kreyatè a, li menm ki fè linivè a ak tout lòd sa a, se sous ki pi sèten pou nou konnen laverite. Lè nou jwenn nan Koran an kalite mirak sa yo nan langaj li, nan verite syantifik yo, ak nan lwa ki konplè yo, san nou pa bliye jan li pwoteje kont nenpòt chanjman depi tout tan sa yo, nou pa gen lòt chwa ke aksepte se pawòl asepte li ye tout bon vre.

Konsa, kwè nan sa ki ekri nan Koran an se pa sèlman yon chwa lafwa, men se yon desizyon lojik ki mache ak fason yon moun dwe chèche laverite.

Epi Allah ki merite tout lwanj, fè nou konnen klè nan Koran an li pat kreye nou pou san rezon, men li kreye nou pou nou adore li.

Epi Allah fè nou konnen nan Koran an, lavi sou tè sa a nap mennen an se sèlman yon etap ki la pou yon ti tan epi kap fini talè konsa. Men, lavi tout bon an, lavi ki pap janm fini an, se lavi apre lanmò a , kote moun ki kwè yo ap antre nan Paradi epi moun ki pa kwè yo ap antre nan lanfè.

Kreyatè a ki te fè nou soti nan anyen an, li kapab san okenn dout fè nou tounen vivan ankò apre nou fin mouri. Nan tout bèl bagay Allah mete bò kote nou nan linivè a, nou wè prèv klè sou pouvwa li ki san limit poul bay sa ki te mouri lavi ankò. Menm jan Allah fè dife soti nan bwa ki vèt, li fè plant ak fwi pouse nan tè ki sèk, epi li fòme yon ti bebe nan vant manmanl ak yon ti gout dlo ; se konsa tou, li gen pouvwa poul fè moun mouri yo leve vivan sot nan tonm yo pou yo jwenn jijman nan jou dènye a. Allah kapab fè tout bagay. Sa ta yon gwo lenjistis si lavi yon mechan ak lavi yon moun ki te sibi move trètman ta fini konsa san yo pa janm rann kont epi san pèsonn pa jwenn sa yo merite.

Epi, yon moun ka mande tèt li : poukisa se Islam, epi poukisa se pa yon lòt relijyon?!

Pi gwo bagay ki fè yon moun diferan de tout lòt kreyati yo, se lespri li (entèlijans li). Travay lespri saa, se reflechi epi chèche konnen laverite.

Islam se yon relijyon ki mache ansanm ak bon sans (lespri sen) ak nati moun . Li bay repons lojik pou gwo keksyon nou poze sou lavi a: Poukisa nou isit la? Ki bi lavi nou? Epi kisa kap rive nou apre nou fin mouri?"

Islam baze sou sèl dewa pou adore Allah sèlman epi bay temwayaj ke pa gen lòt dye pase Bondye (La ilaha illa Allah). Sa a se premye temwayaj la, epi se rasin lafwa nan relijyon Islam nan. Sa vle di: pa gen pèsonn ki merite pou yo adorel tout bon vre, sof Allah sèlman.

Temwayaj sa a gen ladanl:

Inisite Allah : Sa vle di kwè gen yon sèl Allah ki merite pou nou adorel, san li pa gen asosye, san li pa gen pitit, epi pa gen anyen ki sanble avèl.

Vire do bay tout kalite fo dye yo: Sa vle di ou refize epi ou voye jete tout zidòl ak tout fo dye moun te fè ak pwòp men yo.

Relijyon Islam nan mande pou nou kwè nan tout pwofèt yo. Jan Allah di sa nan Koran an, Mizilman yo kwè Jezi (Isa) se sèvitè Allah ak mesaje li, men li pa pitit li. Allah twò gran poul ta gen madanm oswa pitit; li pa bezwen yo, ni li pa bezwen anyen ditou. Allah fè nou konnen nan Koran an Jezi te yon pwofèt li te bay anpil mirak, epi Allah te voyel poul rele pèp li a vin adore yon sèl Allah san ba li asosye. Allah di nou tou Jezi pat janm mande moun adorel, men se li menm ki tap adore Kreyatèl. Si ou vle kwè nan Jezi tout bon vre jan Allah vle a, ou dwe antre nan Islam.

Allah fè nou konnen nan Koran an, Jezi (Isa) te bay pèp li a lòd pou yo adore Allah sèlman, epi li te avèti yo pou yo pa janm bay Allah asosye .

Èske sa lojik pou yon moun ki gen lespri adore yon kreyati tankoul, ki konn grangou, ki konn swaf, epi ki pa ka anpeche lanmò oswa malè rive sou li? Kijan ou ka adore Jezi, pitit Mari a, aloske li se yon moun ki te bezwen manje ak bwè, epi li te konn priye Kreyatèl? Èske lespri nou ka konprann yon Allah kap priye tèt li?! Èske se pa Allah ki gen tout grandè ak tout pèfeksyon, ki pa gen okenn lòt ki sanble avèl, epi tout sa ki nan linivè a anba pouvwa li? Kijan sa ka fèt pou Kreyatè syèl la ak tè a ta desann vin fèt tankou yon timoun, epi apre sa li kite kreyati li yo klourel sou yon kwa? Moun ki mouri sou kwa se moun ki fann yo ye, men Kreyatè a se li ki Vivan an ki pa janm mouri, li se Sèl Mèt ki pa janm dòmi. Èske grandè li ak bèlte li pa mande poul pi wo pase tout bagay sa yo?"

Adorasyon an dwe fèt pou Allah sèlman, san nou pa mete lòt dye avèl. Yon moun pa gen dwa adore anyen lòt pase Kreyatè l la. Pi gwo peche ki ka fè yon moun rete nan lanfè pou tout tan, se lè li bay Allah asosye . Sa vle di, lè yon moun adore kreyati Allah yo nan plas Allah menm, tankou adore estati, solèy, lalin, oswa adore lòt moun, bèt, oubyen yon moun yo konsidere kòm sen. Tout sa yo se kalite moun ki pa vle aksepte obeyi ak pawol Allah. Nenpòt moun ki mouri nan eta sa a, pinisyon li se rete nan dife lanfè pou tout tan gen tan.

Epi poun fini, men sa nap diw, ou menm ki se yon moun:

Islam se relijyon bon sans ak nati moun , epi se sèl relijyon Kreyatè a te mete pou tout moun sou tè a. Se devwa chak moun ki gen lespri poul kouri antre nan Islam: li dwe rekonèt Allah se sèl Mèt li, Islam se relijyonl, epi Muhammad se mesaje Allah. Sa a se pa yon bagay yon moun ka chwazi fè janl vle, paske jou jijman an, Allah ap mande chak moun kisa yo te reponn mesaje li yo. Si moun nan te kwè, lap jwenn gwo siksè ak delivrans; men si li te rejte sa, lap pèdi nèt pou tout tan.

"Si w ap chèche vrè bonè a nan lavi sa a ak siksè nan lavi apre lanmò a, konnen pi gwo desizyon ou ka pran nan laviw se antre nan Islam. Ou sèlman bezwen di pawòl sa yo ak yon kè ki sensè epi ki kwè: 'Mwen temwaye pa gen lòt dye pase Allah sèlman, epi mwen temwaye Muhammad se mesaje Allah'. Apre sa, kòmanse aprann relijyonw lan epi fè sa temwayaj sa a mande w: pou w gen lafwa nan Allah ak mesaje li a, epi respekte poto (ankadreman) relijyon Islam nan.

Di li kounye a, pa ezite; paske lanmò ka rive sou ou sanzatann. Pa ranvwaye yon desizyon ki gen tout enpòtans sa a pou pi devan. Pa bay dyab la (Satan) chans poul ralew dèyè epi anpechew jwenn byen sa a. Pran kouray, epi kòmanse mache nan chemen limyè ak gidans lan.

Pran desizyonw kounye a, epi kòmanse yon lavi nèf ki ranpli ak lapè nan kèw ak satisfaksyon.

Mwen temwaye pa gen lòt dye pase Allah sèlman, epi mwen temwaye Muhammad se mesaje Alla.