Pinakahinahanap
Tinanong mo ba ang sarili mo? Sino ang lumikha sa iyo? At bakit? Ano na matapos ng kamatayan?
Ang Aklat ay tumatalakay sa tanong ng pagkairal at pagkalikha, nagpapatibay nang may pagkamakatwiran sa pagkairal ng isang tagalikhang kumpleto sa karunungan at kakumpletuhan, nagpapaliwanag na ang layon sa buhay ay ang pagsamba kay Allāh nang mag-isa at na ang Islām ay ang totoong iniingatang relihiyon, nag-aanyaya tungo sa pananampalataya sa Sugo ni Allah na si Muḥammad at pagsunod sa mga katuruan niya, nagbibigay-babala laban sa Shirk, at nagbibigay-diin sa pagtutuos at pagganti sa Kabilang-buhay.
These files are generated automatically from the book's text; their layout may differ from the printed edition.
Tinanong mo ba ang sarili mo? Sino ang lumikha sa iyo? At bakit? Ano na matapos ng kamatayan?
Sino ang lumikha sa iyo, O tao? Kung sakaling tumingin ka sa katawan mo sa ilalim ng mikroskopyo, talaga sanang nakakita ka ng isang mundo ng kaeksaktuhan at paghihimala sapagkat ang bawat selula sa katawan mo ay naglalaman sa sarili nito ng mga impormasyong henetiko na ang mga kodigo ng mga ito ay kumplikado. Tinanong mo ba ang sarili mo kung sino ang sumulat ng mga kodigong ito at kung sino ang naglagay ng mga ito sa tumpak na lugar ng mga ito?
Ang bawat matayog na estruktura at ang bawat abang bahay ay nagsasanaysay ng kuwento ng tagayari nito. Maiisip kaya na umiiral ang malawak na Sansinukob na ito kalakip ng karikitan nito, kaeksaktuhan nito, at kawastuhan ng mga detalye nito nang walang tagayari?
O tao, kung paanong hindi tatanggapin ng isip mo na sabihin sa iyo na may isang smart phone na hinusayan ang pagkayari na lumitaw nang bigla nang walang tagapagdisenyo at walang tagayari, o na may isang kumplikadong network ng mga instrumento na gumagawa nang may pagkakaayunan at kaeksaktuhan nang walang programador o tagapangasiwa, gayundin naman hindi tatanggapin ng isip na sabihin sa iyo na ang dakilang Sansinukob na ito kalakip ng bawat narito na sistema, pagkamapanlikha, mga eksaktong batas, at mahusay na sistema ay umiral nang walang tagalikha!
Tunay na ang bawat piraso sa Sansinukob na ito mula sa pinakamaliit na atom hanggang sa pinakamalaking galaksiya ay nagpapatunay sa kadakilaan ng Tagalikha ng mga ito, na isinasaimposible sa isip na ang eksaktong sistemang ito ay namutawi nga mula sa kaguluhan! Tunay na ang isip ay tumatanggi na ang Sansinukob na ito ay namutawi mula sa kawalan o na ang kagila-gilalas na kumplikadong Sansinukob na ito ay isang resulta ng isang bulag na pagkakataon!
Gayundin naman, ang tumpak na pag-iisip at ang maayos na naturalesa ay umaakay sa tao tungo sa pananampalataya sa kairalan ng Tagalikha ng Sansinukob sapagkat ang dalawang ito ay nagtutulak din sa atin sa pagbubulay-bulay sa mga katangian ng Tagalikhang ito at karapatan Niya sa atin.
Tunay na ang pagbubulay-bulay sa mga katangian ng Tagalikhang ito ay nagbubukas para sa atin ng mga pinto ng pagkatalos na malalim hinggil sa pagkakailangan ng pagkalarawan sa Kanya sa kalubusang walang-takda at ng pagkapawalang-kinalaman sa Kanya sa bawat kakulangan.
Ito ay nangangahulugan na ang Tagalikha ay nailalarawan sa mga katangian ng karikitan at kadakilaan sapagkat Siya ay ang Nakakakaya sa bawat bagay, ang Nakaaalam sa bawat bagay, ang Marunong sa bawat anumang nilikha at kinaya. Ang kalubusang ito ay hindi payak na pagsasaposibilidad bagkus pagkakailangang pangkaisipan dahil ang alinmang kakulangan sa mga katangian Niya ay hahantong sa kasiraan sa paglikha at pangangasiwa, na nakikisalungatan sa nasasaksihan natin na kahusayan sa Sansinukob.
Gayundin naman, ang pagkapawalang-kinalaman sa kakulangan ay humihiling na ang Tagalikha ay maging walang-pangangailangan sa mga nilikha Niya. Kaya naman hindi Siya nangangailangan sa isa man; bagkus ang lahat ay mga nangangailangan sa Kanya sa pag-iral nila at pananatili nila. Siya (kaluwalhatian sa Kanya) ay pinawalang-kinalaman sa katambal at anak dahil ang dalawang ito ay kabilang sa mga pagkakahayag ng kakulangan at kawalang-kakayahan. Si Allāh (kamahal-mahalan Siya at kapita-pitagan) ay pinawalang-kinalaman doon sa kabuuan niyon.
Kaya kapag si Allāh ay ang Dakilang Tagalikhang nailalarawan sa mga katangian ng kalubusan at kadakilaan, ang nagpairal sa atin at nagpairal sa Sansinukob mula sa kawalan, ang Tagapagmay-ari ng lahat ng narito, ang nagtutustos sa atin at nagpapaligid sa atin ng awa Niya, ang Tagapangasiwang Tagapagpatnugot sa bawat bagay, hindi ba kinakailangan sa atin na magpasalamat sa Kanya at maghanap kung papaanong magkakamit tayo ng pagkalugod Niya at kung papaanong gaganap tayo ng karapatan Niya na kinakailangan sa atin, at na gumawa tayo para sa pagsasakatotohanan ng layon na lumikha Siya sa atin alang-alang doon?
Nasa lohika kaya na lumikha sa atin si Allāh pagkatapos hindi Siya maglilinaw sa atin ng ninanais Niya sa atin? Bakit tayo narito? Ano ang layon at ang pakay ng pag-iral natin sa buhay? Ano ang mangyayari sa atin matapos ng kamatayan?
Magbulay-bulay ka kasama ko: Kung sakaling may isang taong nagpagawa ng isang magarang palasyo at naglapat dito ng pinakamakabago sa mga kagamitan ng teknolohiya hanggang sa nang nagwakas ang pagpapatayo nito bigla namang naglakas-loob siya sa pagwasak nito nang lubusan nang walang kadahilanan. Maaari kayang makapaglarawan tayo sa taong ito ng pagkakaroon ng karunungan? Hindi ba halatang maituring ang gaya nito bilang isang pag-astang walang-kapararakang hindi naaangkop sa isang nakapag-uunawa?
Kapag ang gawaing ito ay hindi tinatanggap sa panig ng isang tao, papaanong magguguniguni tayo na si Allāh, ang Marunong, ang Mapagbatid, ay lumikha nga sa kagilas-gilas na Sansinukob na ito nang may pagkamapanlikha at kahusayan, pagkatapos magwawasak nito nang walang pakay o kasanhian?
Talaga ngang lumikha si Allāh dahil sa isang dakilang kasanhian. Ito ay ang pagsamba sa Kanya – tanging sa Kanya: walang katambal sa Kanya. Lumikha Siya sa kanila upang sumubok sa kanila sa Mundong ito. Gumawa Siya para sa kanila ng isang uwiang bubuhayin sila roon sa Araw ng Pagbangon upang tuusin sila sa mga gawa nila. Kaya ang sinumang sumampalataya kay Allāh at tumugon sa paanyaya Niya, magiging ukol dito ang kaginhawahan ng Paraiso bilang mamamalagi roon; at ang sinumang umayaw sa totoo, siya ay magiging kabilang sa mga maninirahan sa Impiyerno.
Kaya naman ang pagsamba ay isang tungkuling kinakailangan sa atin dahil ito ay ang layon sa kairalan natin. Ito ay patunay ng pagpapasalamat natin at pagkilala natin sa pagkapanginoon ni Allāh at pagkadiyos Niya.
Kaya magbulay-bulay ka na si Allāh (kaluwalhatian sa Kanya at napakataas Siya) ay ang lumikha sa iyo, nagparangal sa iyo ng pandinig at paningin, at nagpaligid sa iyo ng mga biyayang hindi naiisa-isa. Siya ang nagpapadaloy ng dugo sa mga ugat mo at nagtutustos sa iyo ng tubig at hangin habang ikaw sa bawat saglit ay nasa pangangailangan sa Kanya. Kung sakaling hindi dahil sa awa Niya at pagmamalasakit Niya, talaga sanang nasawi ka at nagkandawalaan ang lakas mo. Bagkus tunay na Siya (kaluwalhatian sa Kanya) ay naggarantiya sa panustos sa iyo habang ikaw ay isang fetus pa sa tiyan ng ina mo, na isang walang-kakayahang hindi ka nakapangyayari sa nauukol sa iyo sa anuman.
Kaya hindi ba nagiging karapat-dapat ang Dakilang Tagalikhang ito na sumamba ka sa Kanya kung paanong ninanais Niya mismo, hindi kung paanong ninanais mo mismo? Magbulay-bulay ka: Kung sakaling nagnais ka na magregalo sa ina mo ng isang regalo, ikaw kaya ay pipili ng nagpapalugod sa pithaya mo o ikaw ay magsusumikap sa pag-alam sa naiibigan niya mismo upang magpaligaya ka sa kanya ng nababagay sa kanya? Gayundin, ang pagsamba kay Allāh (kapita-pitagan Siya at kataas-taasan) ay hindi nararapat na maging alinsunod sa mga pithaya natin o mga nakahiratian nating minana; bagkus kung paanong ninais Niya mismo (kaluwalhatian sa Kanya) at ayon sa paraang ipinag-utos Niya sa atin.
Kinakailangan na ang pagsamba ay wagas na ukol kay Allāh (napakataas Siya) – tanging sa Kanya: walang katambal sa Kanya. Kaya naman hindi pinapayagan para sa tao na magbaling siya ng pagsamba sa iba pa sa Tagalikha niya. Ang pinakamabigat sa mga pagkakasala na nag-oobliga ng pamamalagi sa Impiyerno ay ang pagtatambal kay Allāh. Iyon ay sa pamamagitan ng pagsamba ng tao sa iba pa kay Allāh kabilang sa mga nilikha Niya gaya ng pagsamba sa mga anito o araw o buwan, o pagsamba sa tao o hayop o maayos na tao. Ang lahat ng iyon ay kabilang sa mga uri ng pagtatambal at kawalang-pananampalataya. Ang sinumang namatay roon, ang ganti sa kanya ay ang pamamalaging pangwalang-hanggan sa Apoy ng Impiyerno.
Talaga ngang nagsugo si Allāh ng maraming propeta at sugo upang magpabatid sa atin tungkol sa layon ng kairalan natin sa Mundo at tungkol sa pakay ng buhay. Ang lahat ng mga sugo, ang mensahe nila ay iisa. Ito ay ang mensahe ng Islām at ang pag-aanyaya tungo sa pagsamba sa Tagalikha – tanging sa Kanya: walang katambal sa Kanya. Subalit mayroong nagsagawa ng paglilihis at pagpapaiba sa inihatid ng mga naunang sugo. Kaya naman nagsugo si Allāh ng pangwakas sa mga sugo, si Propeta Muḥammad, at nagpababa Siya rito ng kahuli-hulihan sa mga mensahe para sa Sangkatauhan. Ito ay ang Marangal na Qur'ān. Mayroong maraming patunay na pangkaisipan at pang-agham na nagpapatibay na ang Qur'ān ay Salita ng Diyos at na ito ay ang kaisa-isahang aklat na hindi sumailalim sa paglilihis at pagpapaiba. Nagpabatid nga sa atin si Allāh sa Qur'ān na Siya ay hindi tatanggap mula sa tao ng iba pa sa Relihiyong Islām at na ang lahat ng mga sugo ay may iisang mensahe: ang pag-aanyaya tungo sa paniniwala sa kaisahan ng Tagalikha at pagsamba sa Kanya – tanging sa Kanya: walang katambal sa Kanya. Nagpabatid sa atin si Allāh sa Qur'ān na mayroong paraiso at kaginhawahang pangwalang-hanggan na magiging para sa mga mananampalataya at mayroong impiyerno at pagdurusang masakit para sa sinumang sumamba sa iba pa kay Allāh o tumanggi sa pagpasok sa Islām.
Ang nagbubukod sa islām sa iba pa rito na mga relihiyon ay na ang mga Muslim ay ang mga namumukod na nakakakaya sa paghahain ng mga patunay na pangkaisipan at mga katotohanang pang-agham sa pamamagitan ng pagsalig sa mga pinagkukunan ng kaalamang mapagkakatiwalaan para sa pagpapatibay na ang Marangal na Qur'ān na nasa harap nila sa ngayon ay Salita ng Diyos na Tagalikha (kaluwalhatian sa Kanya), na pinag-iingatan laban sa pagpapaiba at paglilihis.
Ang Marangal na Qur'ān ay ang aklat na pinababa ni Allāh sa Propeta Niyang si Muḥammad (basbasan Niya ito at pangalagaan). Humamon nga Siya sa pamamagitan nito magmula ng labing-apat na siglo na magdala sila ng tulad nito o kahit ng iisang kabanatang tulad nito ngunit nawalang-kakayahan sila roon. Hindi natigil ang hamon na nakatayo hanggang sa araw nating ito, na walang makagawang isa man sa pagdadala ng isang anumang nakikitulad dito sa retorika, paglilinaw, paghihimala, at pagbabatas. Sa kabila niyon, walang nakakakayang isa man sa paglipas ng mga panahon na magdala ng isang anumang tulad nito o kahit isang nakakalapit nito. Ang paghihimala sa Qur'ān ay hindi lamang sa wika nitong umabot sa tugatog ng katatasan at pagkalinaw; bagkus umaabot upang sumaklaw sa mga katunayang pangkaisipan at pang-agham na nagbibigay-diin na ito ay Salita ng Diyos. Kapag ang Marangal na Qur'ān ay naglalaman ng mga katunayang maliwanag na nagpapatibay na ito ay Salita ng Diyos, tunay na ang pag-uugaling rasyonal at lohikal ay ang pananampalataya sa Kanya at ang pagsunod sa inihatid Niya rito, sa halip ng pagsalig sa mga iba pang kasulatang naapektuhan ng panghihimasok ng tao sa pag-akda ng mga ito.
Kaya naman ang matinong isip ay nag-aakay sa atin tungo sa Salita ng Tagalikha na nagpasimula sa Sansinukob at nagpahusay ng sistema nito. Ito ay pinakatapat na pinagkukunan ng pag-alam sa katotohanan. Kapag nakatatagpo tayo sa Qur'ān nitong paghihimala sa wika at mga katotohanang pang-agham at mga pagbabatas na integrado karagdagan sa pagkaingat dito mula sa paglilihis sa hinaba-haba ng mga panahon, walang matatakasan sa pagpapasakop na ito ay Salita ng Diyos.
Kaalinsunod nito, tunay na ang pananampalataya sa inihatid sa Qur'ān ay hindi lamang isang pagpiling pampananampalataya; bagkus ito ay isang pagpapasyang rasyonal na umaalinsabay sa lohika ng pagsasaliksik sa mga katotohanan.
Naglinaw nga si Allāh (kaluwalhatian sa Kanya at napakataas Siya) sa Marangal na Qur'ān na Siya ay hindi lumikha sa atin nang walang-kapararakan at lumikha lamang sa atin para sa pagsamba sa Kanya.
Nagpabatid sa atin si Allāh sa Qur'ān na ang buhay na pangmundong ito na pinamumuhayan natin ay isang payak na yugtong pansamantala na magwawakas nang malapit subalit ang buhay na tunay na pangwalang-hanggan ay magiging sa Kabilang-buhay kapag pumapasok ang mga mananampalataya sa Paraiso at pumapasok ang mga tagatangging sumampalataya sa Impiyerno.
Kaya ang Tagalikha na nagpairal sa atin mula sa kawalan ay nakakakaya nang buong pagkatiyak na magpanumbalik sa atin sa buhay matapos ng kamatayan. Sa nasa paligid natin na mga tanda ni Allāh sa Sansinukob, nakasasaksi tayo ng isang patunay na kongkreto sa kakayahan ni Allāh na walang-wakas sa pagbibigay-buhay sa anumang dati ay isang patay. Kaya kung paanong pinalalabas ni Allāh ang apoy mula sa mga luntiang punong-kahoy, pinalalabas Niya ang pananim at ang mga bunga mula sa tuyong lupa, at nililikha Niya ang fetus sa tiyan ng ina nito mula sa isang patak, tunay na Siya (kaluwalhatian sa Kanya) ay nakakakaya na magbigay-buhay sa mga patay at bumuhay sa kanila mula sa mga libingan para sa pagganti sa Araw ng Pagbangon sapagkat si Allāh sa bawat bagay ay May-kakayahan. Bahagi ng inhustisya at pang-aapi na magtapos ang buhay ng nang-aapi at inaapi nang walang pagtutuos o pagganti.
Maaaring magtatanung-tanong ang tao kung bakit ang Islām pa at hindi ang iba rito na mga relihiyon.
Tunay na ang pinakamalaki sa nagbubukod sa tao sa nalalabi sa mga nilikha ay ang isip. Ang gamit nito ay ang pag-iisip at ang pagsaliksik sa mga katotohanan.
Tunay na ang Islām ay isang relihiyong nakikipagsang-ayunan sa matinong pag-iisip at maayos na naturalesa sapagkat ito ay naghahain ng mga pagsagot na lohikal sa mga pangkairalang pinakamalaking tanong: Bakit tayo narito? Ano ang pakay ng buhay natin? Ano ang hantungan matapos ng kamatayan?
Ang Islām ay sumasalalay sa pagbubukod-tangi sa Tagalikha sa pagsamba at pagsaksi na walang Diyos kundi si Allāh. Ito ay ang unang pagsaksi. Ito ang saligan ng pananampalataya sa Islām. Nangangahulugan ito na walang sinasamba ayon sa karapatan kundi si Allāh – tanging Siya.
Nilalaman ng pagsaksing ito:
Ang Tawḥīd: ang pananampalataya sa isang Diyos na karapat-dapat sa pagsamba – tanging Siya: walang katambal sa Kanya, walang anak sa Kanya, at walang katulad sa Kanya.
Ang kawalang-kaugnayan sa Shirk (Pagtatambal): Ang pagkakaila sa lahat ng mga diyus-diyusan at mga diyos na niyari ng tao.
Ang Islām ay nag-oobliga ng pananampalataya sa lahat ng mga sugo kaya sumasampalataya ang mga Muslim kung paanong nagpabatid si Allāh sa Qur'ān na si Jesus ay lingkod ni Allāh at sugo Niya at na siya ay hindi Anak ni Allāh dahil si Allāh ay Dakila at malayong magkaroon ng asawa o anak sapagkat Siya ay walang-pangangailangan sa dalawang ito at sa bawat bagay. Nagpabatid nga sa atin si Allāh sa Qur'ān na si Jesus ay isang propetang binigyan ni Allāh ng marami sa mga himala at na si Allāh ay nagsugo sa kanya para sa pag-aanyaya sa mga tao niya tungo sa pagsamba kay Allāh – tanging sa Kanya: walang katambal sa Kanya. Nagpabatid si Allāh na si Jesus ay hindi humiling sa mga tao na sumamba sa kanya; bagkus siya mismo ay sumasamba sa Tagalikha niya. Kaya naman kapag nagnais ka na maging isang mananampalataya kay Jesus ayon sa katotohanan na naiibigan ni Allāh, kailangan sa iyo na pumasok ka sa Islām.
Nagpabatid sa atin si Allāh sa Qur'ān na si Jesus ay nag-utos sa mga tao niya ng pagsamba kay Allāh nang mag-isa at nagbigay-babala sa kanila laban sa pagtatambal.
Nasa lohika kaya na sumamba ang nakapag-iisip ng isang nilikhang tulad niya, na nagugutom, nauuhaw, at hindi nakapangyayari para sa sarili niya sa pagtulak ng kamatayan o kapinsalaan? Papaano kang sasamba, O tao, kay Jesus na anak ni Maria samantalang siya ay isang taong nangangailangan noon ng pagkain at inumin at dumudulog noon sa Tagalikha niya sa pamamagitan ng pagdarasal? Maaari ba para sa pag-iisip na makaguniguni na ang Diyos ay nagdarasal sa sarili Niya? Hindi ba ang Diyos ay ang nailalarawan sa kadakilaan, ang namumukod-tangi sa kalubusan Niya, ang pinawalang-kinalaman sa kawangis at katulad, samantalang ang bawat anumang nasa Sansinukob ay nasa ilalim ng kakayahan Niya at kapangyarihan Niya? Papaanong maiisip na magbitiw ang Tagalikha ng mga langit at lupa upang ipanganak gaya ng isang paslit, pagkatapos magsusuko Siya ng sarili Niya sa mga nilikha Niya upang magpako sa Kanya sa krus? Tunay na ang naipapako sa krus at napapatay ay ang mga taong napupuksa. Hinggil naman sa Tagalikha, Siya ang Buhay na hindi namamatay, ang Mapagpanatiling walang nakatatangay sa Kanya na isang antok ni isang pagkatulog. Hindi ba bahagi ng kalubusan ng kadakilaan Niya at kapitaganan Niya na Siya ay maging pinawalang-kinalaman sa tulad nito?
Talaga ngang nagpabatid sa atin si Allāh sa Marangal na Qur'ān na ang lahat ng mga sugo ay naghatid ng iisang mensaheng nabubuod sa pag-aanyaya sa mga tao nila tungo sa pagsamba kay Allāh – tanging sa Kanya: walang katambal sa Kanya. Subalit sa paglipas ng panahon, nagpilipit ang ilan sa walang-hanggang mensaheng ito kaya napalabo nila ang liwanag ng Tawḥīd na inihatid ng mga propeta kaya isinugo ni Allāh ang kahuli-hulihan sa mga sugo, si Propeta Muḥammad (basbasan siya ni Allāh at pangalagaan), at ibinaba sa kanya ang Marangal na Qur'ān upang magpanibago sa mensahe ng Tawḥīd na inihatid ng lahat ng mga sugo noong bago pa niya.
Sa pagwawakas, magsasabi kami sa iyo, O tao:
Tunay na ang Islām ay Relihiyon ng pag-iisip at naturalesa. Ito ang kaisa-isahang relihiyong isinabatas ng Tagalikhang Dakila para sa Sangkatauhan. Kaya naman kinakailangan sa bawat taong nakapag-iisip na magdali-dali sa pagpasok sa Islām. Iyon ay sa pamamagitan ng pagsampalataya kay Allāh bilang Panginoon, sa Islām bilang Relihiyon, at kay Muḥammad bilang Sugo. Ito ay isang utos na walang mapagpipilian ang tao rito dahil si Allāh ay magtatanong sa kanya sa Araw ng Pagbangon tungkol sa isinagot niya sa mga sugo. Kung siya ay naging isang mananampalataya, ukol sa kanya ang pagtamo at ang dakilang tagumpay; at kung siya ay naging isang tagatangging sumampalataya, ukol sa kanya ang malinaw na pagkalugi.
Kung ikaw ay naghahanap ng tunay na kaligayahan sa Mundo at pagkawagi sa Kabilang-buhay, alamin mo na ang pinakamabigat na pasyang maaari mong gawin sa buhay mo ay na pumasok ka sa Islām. Walang kailangan sa iyo kundi na bumigkas ka ng mga pangungusap na ito mula sa isang tapat na mananampalatayang puso: "Ashhadu an lā ilāha illa -llāh, wa-ashhadu anna muḥammadan rasūlu -llāh. (Sumasaksi ako na walang Diyos kundi si Allāh at sumasaksi ako na si Muḥammad ay Sugo ni Allāh.)" Pagkatapos magsimula ka sa pagpapakatuto sa Relihiyon mo at paggawa ayon sa inoobliga ng Dalawang Pagsaksi na pananampalataya kay Allāh at sa Sugo Niya at pagsunod sa mga haligi ng Islām.
Magsabi ka nito ngayon at huwag kang mag-atubili sapagkat ang kamatayan ay maaaring darating nang biglaan kaya huwag kang magpaliban ng pagpapasya sa ganitong antas ng kahalagahan. Huwag kang mag-iwan para sa demonyo ng isang pagkakataon upang makapaglihis siya sa iyo palayo sa kabutihan. Maging matapang ka. Simulan mo ang daan mo patungo sa liwanag at kapatnubayan.
Gumawa ka ng pagpapasya mo ngayon. Magsimula ka ng isang bagong buhay na puno ng kapanatagan at kaluguran.
"Sumasaksi ako na walang Diyos kundi si Allāh at sumasaksi ako na si Muḥammad ay Sugo ni Allāh."
Related books
All books
Sino ang lumikha sa akin? At bakit?75 wikaSino ang lumikha sa akin? At bakit?
Bawat bagay ay nagpapahiwatig ng kairalan ng Tagalikha. Sino ang lumikha ng mga langit at lupa at anumang nasa mga ito na mga dakilang nilikha na hindi natatalos? Sino ang gumawa sa sistemang eksaktong mahusay na ito sa langit at lupa? Sino ang lumikha ng tao, nagkaloob sa kanya ng pandinig, paningin, at pang-unawa, at gumawa sa kanya na nakakakaya ng pagtamo ng mga kaalaman at pagtalos ng mga katotohanan? Papaano mong ipakahuhulugan ang eksaktong pagkagawang ito sa mga organo ng katawan mo at mga katawan ng mga buhay na nilalang? Sino ang nagpasimula sa mga ito? Papaanong naoorganisa at…
Sino ang lumikha ng Sansinukob? Sino ang lumikha sa akin? Bakit?69 wikaSino ang lumikha ng Sansinukob? Sino ang lumikha sa akin? Bakit?
Ang aklat na pinamagatang "Sino ang lumikha ng Sansinukob? Sino ang lumikha sa akin? Bakit?" ay tumatalakay sa pinagmulan ng kairalan ng Sansinukob at tao, na nagbibigay-diin na ang Sansinukob ay hindi lumitaw dahil sa pagkakataon lamang o mula sa kawalan; bagkus mayroon itong isang dakilang tagalikha: si Allāh, na naglagay ng mga eksaktong batas na nangangasiwa sa buhay at Sansinukob. Ipinaliliwanag ng aklat ang mga katangian ni Allāh at ang kahalagahan ng pananampalataya sa mga sugo at mga kasulatang makalangit. Nagbibigay-diin ito na ang Islām ay ang Relihiyong Totoo na nagtipon sa mga…
ثلاثة الأصول وأدلتها73 wikaثلاثة الأصول وأدلتها
هذا الكتاب هو متن صغير أساسي يبين فيه التوحيد والدين والنبوة، يبين هذه المعاني الثلاثة الأساسية المهمة في فهم العقيدة، وفي دراستها دراسة سليمة وصحيحة. وهو كتاب مختصر، لكنه كتاب مبارك؛ لأنه سهل العبارة ومركز وموجه، وليس فيه أي تعقيد أو إشكالات. فالإنسان بمجرد أن يقرأ الكتاب يستطيع أن يفهمه، ويستطيع أن يعرف المعاني المتضمنة فيه. هذا الكتاب قبل أن يبدأ الشيخ في الأصول الثلاثة قدم لذلك بأربعة مسائل، ثم بعد ذلك بثلاثة مسائل أخرى، ثم شرع في الأصول الثلاثة، وهي التي يجب على كل مسلم أن يتعلمها، وهي التي يسأل عنها العبد في قبره: من ربك؟ وما دينك؟ ومن نبيك؟ ألفها رحمه الله للمبتدئين واجتهد في تسهيلها واختصارها حتى خرجت بأحسن حلة وأعظم فائدة؛ يفهم بها الصغير، ولا يستغني عنها الكبير فعم نفعها، وكثر خيرها؛ لعظم قدر موضوعاتها وشرف محتواها.
Isang Pinaiksing Mensahe sa Isang Ateista61 wikaIsang Pinaiksing Mensahe sa Isang Ateista
Isang pinaiksing mensahe sa isang Ateista, kumakausap ito sa isip na ang kaeksaktuhan ng Sansinukob at ang sistema nito ay nagkakaila sa pagkakataon (chance) at nagpapatunay sa isang Tagalikhang Marunong. Kaya maiisip kaya na ang lahat ng ito ay mula sa kawalan? Kaya buksan mo ang puso mo para sa pag-iisip at pagbubulay-bulay at hanapin mo ang totoo sapagkat makatatagpo ka rito ng isang liwanag na magpapatnubay sa iyo.