Efa mba nanontany ny tenanao va ianao ? Iza no Nahary sy anao ? Ary inona no antony ? Ary inona ny zavatra handalo aorian'ny fahafatesana ?
Ny boky dia mamelabelatra ny fanontaniana momba ny fisiana sy ny famoronana, ary manaporofo ara-tsaina ny fisian'ny Mpamorona feno fahendrena sy fahatanterahana, ary manazava fa ny tanjon'ny fiainana dia ny hanompoana an'Allah irery ihany, ary ny finoana Islam no fivavahana marina sy voaharo, ary miantso ho amin'ny finoana ny maha Iray an'Allah, i Mouhammadi, sy ny fanarahana antsakany sy andavany ireo fampianarany, ary mampitandrina fatratra ny mba hialana amin'ny fampikambanana fanompoana Allah amin'ny zavatra hafa, ary manamafy ny fisian'ny fitsarana sy ny valin'asa any amin'ny fiainana…
These files are generated automatically from the book's text; their layout may differ from the printed edition.
Efa mba nanontany ny tenanao ve ianao ? Iza no Nahary anao ? Ary inona no antony ? Ary inona no zavatra handalo aorian'ny fahafatesana ?
Komity siantifika ao amin’ny Fikambanana mpanaparitaka votoaty Islamika amin’ny fiteny maro samihafa
Iza no nahary anao, ry olombelona ? Raha mandinika ny vatanao eo ambanin'ny mikraoskaopy ianao, dia hahita tontolo iray feno rafitra tena raitra sy fahagagana, Satria ny sela tsirairay ao amin'ny vatanao dia mitondra ao anatiny fampahalalana ara-pototarazo izay misy kaody saro-drafitra. Efa nanontany tena ve ianao hoe : Iza no nanoratra ireo kaody ireo ? Ary iza ihany koa no nametraka azy ireo teo amin'ny toerana marina tokony hisy azy ?
"Ny tranobe mijoalajoala rehetra, sy ny trano tsotra rehetra, dia mitantara ny tantaran'ilay nanorina azy; azo heverina amin'ny fomba ara-dalàna ve ny hisian'io tontolo midadasika io, miaraka amin'ny hakantony sy ny faha-raitrany ary io filaminan-javatra raitra amin'ny antsipirihany io, nefa tsy nisy Mpamorona ?! "
"Ry Olombelona, tahaka ny tsy faneken'ny sainao raha toa ka ho lazaina aminao ny hoe : misy finday avo lenta no sady raitra tsara nipoitra tampoka nefa tsy nisy mpamolavola na mpanamboatra azy, na hoe misy tambajotram-pitaovana sarotra iray mandeha amin'ny firindrana tanteraka sy voafaritra tsara nefa tsy misy mpandrindra na mpanara-maso, dia tahaka izany ihany koa ny tsy haneken'ny saina ho lazaina aminy ny hoe : izao tontolo lehibe izao miaraka amin'izay rehetra ao aminy eo amin'ny filaminana, ny zava-mahatalanjona, ny lalàna voafaritra sy voadinika tsara amin'ny antsipirihany ary ny rafitra raitra tsara, dia nipoitra nefa tsy nisy Mpamorona ?! "
Ny singa rehetra ato amin'izao tontolo izao, manomboka amin'ny atôma kely indrindra ka hatramin'ny vahindanitra lehibe indrindra, dia manaporofo ny fahalehibeazan'ny Mpamorona azy; tsy azo heverina amin'ny alàlan'ny saina madio mihitsy fa hoe : Nipoitra avy tamin'ny korontana ity fandehan-javatra voafaritra sy voadinika tsara amin'ny antsipirihany ity, ary mandà ny saina madio ny hilaza fa hoe : Nipoitra avy tamin’ny tsinontsinona izao tontolo izao ity, na koa hoe vokatry ny kisendrasendra an-jambany ity fandehan-javatra mahatalanjona sy be pitsony ity !
Ary tahaka ny itarihan'ny saina marina sy ny toetra voajanahary mahitsy ny olombelona hino ny fisian'ny Mpahary an'izao tontolo izao, ka izany dia manosika atsika ihany koa izy ireo hisaintsaina ireo toetran'izany Mpahary izany sy ny zony amintsika.
Ny fandinihana ny toetoetran'ity Mpahary ity dia manokatra ho amintsika varavaran'ny fahatakarana lalina momba ny tsy maintsy ananany ny toetoetran'ny fahafenoana tanteraka, ary ny tsy azo amaritana Azy amin'ny fahabangana rehetra.
Midika izany fa Ilay Mpamorona sy Mpahary dia mitondra ireo toetra feno hatsarana sy fahalehibiazana rehetra, Satria Izy (Soubouhanahu wa Tan'ala) no Mahefa ny zava-drehetra, Mahalala ny zava-drehetra, ary Feno Fahendrena amin'izay rehetra Noforoniny sy Nalahany. Io fahatanterahana io dia tsy mety ho vinavina fotsiny ihany fa zavatra tsy maintsy eken'ny saina, Satria izay mety ho lesoka amin'ireo toetrany dia hitarika fikorontanana eo amin'ny famoronana sy ny fitantanana, ka izany dia mifanohitra tanteraka amin'ny fahalavorariana izay hitantsika eto amin'izao rehetra izao.
Torak'izany koa, ny fanadiovana Azy amin'ny tsy fahampiana dia mitaky fa ny Mpahary dia mahaleotena amin'ireo zavaboariny, ka tsy mila na iza na iza Izy, fa ny rehetra kosa dia miankina Aminy amin'ny fisiany sy ny faharetany. Ary Izy, Voninahitra anie ho Azy, dia voadio lavitra amin'ny fananana mpiombona sy zanaka, Satria anisan'ny fisehoan'ny tsy fahampiana sy ny fahalemena izany, ary i Allah, Ilay Avo Tsitoha sady Feno Voninahitra, dia voadio tanteraka amin'izany rehetra izany.
Ka raha i Allah no Mpamorona Lehibe izay manana ny toetran'ny fahafenoana sy ny fahalehibeazana, ary Izy no namorona atsika sy namorona izao tontolo izao avy amin'ny tsy misy, ary Izy no Tompon'izay rehetra ao aminy, ary Izy no Mpanome ny fivelomantsika sy Mandrakotra atsika amin'ny famindram-pony, ary Izy no Mpandrindra sy Mpitantana ny zava-drehetra; Moa ve tsy adidintsika ny misaotra Azy sy mikaroka ny fomba hahazoantsika ny fahafaham-pony, sy ny fomba hanatanterahantsika ny zony izay tsy maintsy efaintsika, ary miasa mba hahatanteraka ny tanjona namoronany Antsika?! "
Eken'ny saina ve fa hamorona atsika i Allah dia aorian'izany Izy tsy hanazava amintsika izay tadiaviny amintsika? Fa maninona isika no tonga eto ? Ary inona no tanjona sy dikan'ny fisiantsika eo amin'ny fiainana? Ary inona no hitranga sy handalo amintsika aorian'ny fahafatesana?
Diniho tsara miaraka amiko fa raha misy olona nanorina lapa mijoalajoala sy raitra, ary nampitaovana azy tamin'ireo fitaovana ara-teknolojia avo lenta indrindra, ka rehefa vitany ny fanorenana azy, dia noravainy tampoka teo ihany koa izany nefa tsy misy antony akory, moa ve azo lazaina ho manam-pahendrena izany olona izany? Tsy eken'ny saina avy hatrany ve fa ny fihetsika tahaka izany dia heverina ho kitoatoa ka tsy mendrika ny olona manan-tsaina?
Koa raha tsy azo ekena ho an'ny olombelona izany fihetsika izany, dia ahoana no hieritreretantsika fa Allah, Ilay Be fahendrena sy Mahafantatra ny zava-drehetra, dia namorona izao tontolo izao amin'ny endrika kanto sy amin'ny fahaiza-mamorona ary rindra tena raitra, ary aorian'izany dia handrava azy tsy misy tanjona na fahendrena?!
Namorona ny olombelona noho ny fahendrena lehibe Allah, dia ny hanompoana Azy irery ihany tsy misy mpiara-miombon'antoka Aminy, ary namorona azy ireo Izy mba hitsapana azy ireo eto amin'ity fiainana an-tany ity, ary Nametraka fotoana voatondro ho azy ireo Izy izay hananganana azy ireo amin'ny andro fitsanganana amin'ny maty mba hitsarana azy ireo amin'ny asany; koa na iza na iza mino an'Allah sy mamaly ny antsoNy dia hahazo ny fahasambarana ao amin'ny Paradisa ka hitoetra ao mandrakizay, ary na iza na iza mivily amin'ny fahamarinana dia ho isan'ny mponin'ny Afo.
Ka ny fanompoam-pivavahana dia adidy tsy maintsy efaintsika Satria izany no tanjona amin'ny fisian-tsika, ary izy io dia porofon'ny fankasitrahantsika sy ny fanekentsika ny maha-Tompo an'Allah sy ny maha-mendrika ivavahana manokana Azy.
Koa eritrereto tsara fa i Allah, Ilay Be Voninahitra sy Avo Indrindra, no Namorona anao ary Nanome voninahitra anao tamin'ny fandrenesana sy ny fahitana, ary nanodidina anao tamin'ny fahasoavana tsy tambo isaina. Izy no mampikoriana ny rà ao anatin'ny lalan-drànao, ary manome anao ny rano sy ny rivotra, ary mila Azy ianao isaky ny fotoana rehetra. Raha tsy noho ny famindram-pony sy ny fiahiany, dia ho ringana ianao ary ho levona ny herinao. Fa Izy, Ilay Tsitoha, aza no efa niantoka izay rehetra ilainao fony ianao mbola tao an-kibon'ny reninao, ka tsy afa-manoatra ary tsy nanam-pahefana tamin'ny tenanao na inona na inona.
Moave tsy mendrika ity Mpamorona lehibe ity ny hanompoanao Azy arakan'izay rehetra Iriany, fa tsy arakan'izay irianao? ! Saintsaino ange raha te hanome fanomezana ny reninao ianao, hifidy izay mahafa-po ny fanirianao ve ianao, sa hiezaka hahafantatra izay tiany mba hampifaliana azy amin’izay mety aminy? Tahaka izany koa ny fanompoana an'Allah, ilay Tsitoha sy Avo indrindra, dia tsy tokony ho araka ny faniriantsika na ny fomba amam-panao nolovaintsika, fa araka izay iriany Izy, ilay Mendrika ny Voninahitra rehetra, ary amin'ny fomba izay nandidiany atsika.
Tsy maintsy hatokana ho an’Allah irery ihany ny fanompoam-pivavahana, tsy misy mpiara-miombona Aminy, ka tsy azo atao ho an'olombelona ny manolotra ny fanompoana ho an'ny hafa ankoatra ny Mpamorona azy. Ary ny fahotana lehibe indrindra izay mahatonga ny fitoerana mandrakizay any amin'ny Afo dia ny fanompoan-tsampy, izany dia amin'ny alàlan'ny fivavahan'ny olombelona amin'ny hafa ankoatra an'Allah avy amin'ireo zavaboariny, toy ny fivavahana amin'ny sampy, na ny masoandro, na ny volana, na fivavahana amin'ny olombelona, na biby, na lehilahy olo-marina. Ka izany rehetra izany dia anisan'ireo karazana fanompoan-tsampy sy tsy finoana avokoa, ary na iza na iza maty eo amin'izany, dia ny fitoerana mandrakizay any amin'ny afon'i Djahannama no ho valiny.
Efa nandefa Mpaminany sy Iraka maro Allah mba hampahafantatra atsika ny tanjon'ny fisian-tsika eto an-tany sy ny tanjona eo amin'ny fiainana, ary ny hafatr'ireo Iraka rehetra dia iray ihany, dia ny hafatry ny finoana Islam sy ny antso hanompoana ny Mpahary irery ihany tsy misy mikambana Aminy, saingy nisy ireo nanova sy nanodina ny zavatra nentin'ireo Iraka teo aloha, ka nandefa ny tombo-kasen'ny Iraka i Allah dia i Mouhammad (S.A.W) ary nampidina taminy ny hafatra farany ho an'ny zanakolombelona dia ny Boky masina Koroany, ary misy porofo ara-tsaina sy ara-tsiansa maro izay manaporofo fa ny boky masina Koroany dia tenin'Allah, ary Izy no hany boky tokana izay tsy niharan'ny fanovana sy ny fanodinana, ary nampahafantatra atsika i Allah ao amin'ny boky masina Koroany fa tsy hanaiky fivavahana avy amin'ny olombelona Izy afa-tsy ny finoana Islam irery ihany, ary ny hafatr'ireo Iraka rehetra dia iray ihany : Ny antso ho amin'ny fanokanana ny Mpahary sy ny fanompoana Azy irery ihany tsy misy mikambana Aminy, ary nampahafantatra atsika i Allah ao amin'ny boky masina Koroany fa misy ny Paradisa sy ny fahasambarana mandrakizay ho an'ireo mpino, ary misy ny Afo-be sy ny sazy famaizana mafy ho an'ireo izay nanompo ankoatr'i Allah na nandà tsy hiditra ao amin'ny finoana Islam.
Ny mampiavaka ny Finoana Islam amin'ireo fivavahana hafa dia ny hoe ireo mpino silamo ihany no afaka manolotra porofo ara-tsaina sy zavatra voamarina ara-tsiansa, miantehitra amin'ireo loharanom-pahalalana azo antoka, mba hanaporofoana fa ny boky Koroany masina izay eo am-pelatanan'izy ireo ankehitriny dia tenin'Allah ilay Mpahary, izay voaharo amin'ny fanovana sy ny fanodinkodinana.
Ny Koroany Masina dia boky izay nampidinin'Allah tamin'ny Mpaminany Mouhammadi (S.A.W), ary nanao fanamby tamin'ny olombelona tamin'ny alàlany nandritra ny taonjato efatra ambin'ny folo mahery izay mba hamorona zavatra tahaka izany, na dia sourat iray tahaka izany aza, nefa tsy afaka nanao izany izy ireo, ary mbola mijanona ho fanamby mandraka androany izany ka tsy nisy na dia iray aza afaka namokatra zavatra mitovy aminy eo amin'ny hakanton'ny fomba fiteny sy ny fahaizany, ny fahagagana, ary ny lalàna, na dia izany anefa dia tsy nisy na iza na iza nandritra ireo vanim-potoana nifandimby afaka namorona zavatra tahaka izany na nanakaiky izany akory. Ary ny fahagagana ao amin'ny Koroany dia tsy miankina fotsiny amin'ny fiteniny izay nahatratra ny faratampon'ny hakanton'ny fomba fiteny sy ny fahaizany, fa miitatra ihany koa ka nahitana porofo ara-tsaina sy ara-tsiansa maro izay manambara fa tenin'Allah io; koa raha toa ka ny boky masina Koroany dia mirakitra porofo mazava manambara fa tenin' Allah io, dia ny fihetsika ara-tsaina sy mitombina tokony atao dia ny mino azy sy manaraka izay voalaza ao anatiny, fa tsy ny miankina amin'ny boky hafa izay nisian'ny fidiran'ny olombelona tamin'ny famoronana azy.
Ny saina salama dia saina mitarika atsika mba hanaiky fa ny tenin'ilay Mpahary, Izay namorona an'izao rehetra izao sy nandavorary ny rafitra mifehy azy, no loharano tena marina indrindra ahafantarana ny fahamarinana, ary rehefa hitantsika ao amin'ny boky masina Koroany io fahagagana ara-pitenenana io, sy ireo fahamarinana ara-tsiansa, ary ireo didy aman-dalàna feno, ankoatra ny fitehirizana azy tsy ho voaova namakivaky ireo vanim-potoana nifandimby, dia tsy azo ihodivirana mihitsy ny fanekena fa tena tenin'Allah tokoa izy io.
Arak'izany, ny finoana sy ny fanekena an'izay voalaza ao amin'ny boky masina Koroany dia tsy safidy ara-pinoana fotsiny, fa fanapahan-kevitra ara-pisainana izay mifanaraka amin'ny fitombonan'ny fikarohana ny marina sy ny fahamarinana.
Ary Nohazavain'Allah ao amin'ny boky masina Koroany fa tsy namorona atsika ho zava-poana Izy, fa ny namoronany atsika dia ny hanompoana Azy.
Ary nolazain'Allah tamintsika tao amin'ny boky masina Koroany fa ity fiainana eto an-tany izay hiainantsika ity dia dingana miserana fotsiny izay hifarana tsy ho ela, fa ny fiainana tena izy no sady maharitra mandrakizay dia ny any amin’ny fiainana any ankoatra rehefa hiditra ao amin'ny Paradisa ireo vahoaka mpino ary hiditra any amin'ny Afo kosa ireo vahoaka tsy mpino tsy manampinoana.
Koa ilay Mpahary izay nampisy atsika avy tamin'ny alàlan'ny tsy fisiana, dia azo antoka fa mahefa ny hamerina atsika ihany koa amin'ny fiainana aorian'ny fahafatesana, ary ao amin'ireo famantaran'i Allah manodidina atsika eo amin'izao rehetra izao, dia ahitantsika porofo mivaingana momba ny fahefan'Allah tsy manam-petra amin'ny famelomana izay efa maty; koa tahaka ny hamoahan'Allah ny afo avy amin'ny hazo maitso, sy ny hamoahany ny zava-maniry sy ny voankazo avy amin'ny tany maina, ary ny hamoronany ny zaza ao an-kibon-dreniny avy amin'ny tsirinaina, dia mahefa ny hamelona ny maty sy hanangana azy ireo avy ao am-pasany Izy (Voninahitra anie ho Azy) mba handray ny valin'asany amin'ny andro fitsanganana amin'ny maty, fa i Allah dia mahefa ny zava-drehetra, ary anisan'ny tsy rariny sy fampahoriana raha mifarana ny fiainan'ny mpampahory sy ny ampahorina nefa tsy misy fampamoahana na valin'asa.
Ary mety hanontany tena ny olona hoe nahoana no ny finoana Islam fa tsy ny fivavahana hafa ankoatrany? !
Ny lehibe indrindra mampiavaka ny olombelona amin'ireo zavaboary hafa rehetra dia ny saina, ary ny anjara asany dia ny fisainana sy ny fikarohana ny fahamarinana.
Ny finoana Islam dia finoana mifanaraka tsara amin'ny saina mahiratra sy ny maha olombelona ny olombelona izay voajanahary ary tsy mitanila, ary izy io dia manolotra valinteny mitombona amin'ireo fanontaniana lehibe momba ny fisiana : Nahoana isika no eto? Ary inona no tanjon'ny fiainantsika ? Ary ahoana ny hizorana aorian'ny fahafatesana ?
Ary ny finoana Islam dia miorina amin'ny fanokanana ny Mpamorona irery ihany amin'ny fanompoana sy ny fijoroana vavolombelona fa tsy misy tompo marina mendrika ho tompoina afa-tsy Allah, izany no fijoroana vavolombelona voalohany, ary io no fototry ny finoana ao amin'ny finoana Islam, izay midika fa tsy misy tompo marina mendrika ho tompoina afa-tsy Allah irery ihany.
Ary tafiditra ho ao anatin'ity fijoroana vavolombelona ity :
Ny Tawhidi : Izany hoe ny finoana tompo mendrika ivavahana irery ihany, tsy misy mpiara-miasa Aminy, tsy manan-janaka, ary tsy misy mitovy Aminy.
Ny fanalavirana ny Shiriky : Izany hoe fandavana ireo sampy rehetra sy ireo andriamanitra namboarin'ny olombelona.
Ary ny finoana Islam dia mitaky ny mba tokony hinoana ireo Irany rehetra, ka mino ny vahoaka mpino mpanaraka ny finoana Islam, araka ny teny nolazain'Allah ao amin'ny boky masina Koroany, fa i Mpaminany Issa (A.S) dia Mpanompon'Allah sy Irany ihany koa, ary Izy dia tsy zanaky ny tompo Allah; Satria Allah dia lehibe, ary tena tsy mendrika Azy ny hanana vady na koa zanaka, fa Izy dia tsy mila azy roa ireo na koa ny zava-drehetra, ary Allah dia nilaza tamintsika ao amin'ny boky masina Koroany fa i Mpaminany Issa (A.S) dia Mpaminany izay nomen'Allah fahagagana maro samihafa, ary i Allah no naniraka Azy hiantso ny vahoakany mba hivavaka amin'Allah irery ihany, tsy misy mpiombona Aminy, ary nolazainy Tamintsika fa i Mpaminany Issa (A.S) dia tsy nitaky tamin'ireo olona ny hanompoan'izy ireo Azy, tsy vitan'izany ihany koa fa izy tenany dia nanompo an'ilay Mpahary Nanamboatra Azy; koa raha tianao ny ho mpino an'ny Mpaminany Issa (A.S) araka ny fahamarinana izay tian'i Allah, dia tsy maintsy miditra ao amin'ny finoana Islam ianao.
Ary Allah dia Nilaza tamintsika ao amin'ny boky masina KOROANY fa i Issa (A.S) dia nandidy ny olony mba hanompo an'Allah irery ihany, ary nampitandrina azy ireo tamin'ny fanompoan-tsampy.
Misy lôjika ve ho an'ny olona misaina ny hanompo na hivavaka amin’ny zavaboary toa Azy, izay noana sy mangetaheta ary tsy manana fahefana hiaro ny tenany amin'ny fahafatesana na ny loza?! Koa ahoana ry olombelona no hivavahanao amin'i Issa zanak'i Maryam, nefa izy dia olombelona izay nila sakafo sy fisotro, ary nitodika nivavaka tamin'ny Mpamorona Azy?! Azo eritreretin'ny saina ve fa Andriamanitra hivavaka amin'ny tenany?! Moa tsy Allah ve no miavaka amin'ny fahalehibiazana, Ilay Tokana amin'ny fahatongalafatra, Ilay Madio sady tsy Manan-tsahala no tsy misy mitovy Aminy, ary ny zava-drehetra eto amin'izao tontolo izao dia eo ambany fahefany sy fifehezany avokoa? Ahoana no heken'ny saina fa hampidina ny tenany ny Mpamorona ny lanitra sy ny tany mba ho teraka toy ny zaza, avy eo dia hanolotra ny tenany amin'ny zavaboariny mba hofantsihan'izy ireo? Satria ny olombelona mety maty ihany no fantsihana sy vonoina, fa ny Mpamorona kosa dia Ilay Velona tsy mety maty, Ilay Mpiahy ny zava-drehetra izay tsy rendrehana na matory, moa tsy anisan'ny fahatongalafatry ny fahalehibiazany sy ny voninahiny ve ny maha-madio sy lavitra Azy amin’ny zavatra tahaka izany rehetra izany?
Efa nampahafantatra atsika i Allah ao amin'ny boky masina Koroany fa ireo Iraka rehetra dia nitondra hafatra iray ihany izay voafintina amin'ny : Antso ny vahoakan'izy ireo ho any amin'ny fanompoana an'i Allah irery ihany, tsy misy mpiombona Aminy, saingy nandritra ny fandehan'ny fotoana dia nanodina ity hafatra mandrakizay ity ny sasany, ka namafa ny fahazavan'ny fanokanana an'i Allah izay nentin'ireo Mpaminany, ka nandefa ilay Iraka farany Allah dia i Mouhammadi (S.A.W), ary nampidina taminy ny boky masina Koroany mba hanavao ny hafatry ny fanokanana an'Allah izay nentin'ireo Iraka rehetra tany aloha.
Eto am-pamaranana, dia milaza aminao aho ry olombelona :
Ny finoana Islam dia finoan'ny saina sy ny maha voajanahary, ary izy no hany finoana ara-dalàna napetrakin'ilay Mpahary Lehibe ho an'ny olombelona; ka voadidy amin'ny olona manan-tsaina rehetra ny hanafaingana ny fidirany amin'ny fînoana Islam, ary izany dia ny hino sy hanaiky an'Allah ho Tompo, sy ny finoana Islam ho finoany, ary i Mpaminany Mouhammadi (S.A.W) ho Irak'Allah, ary io didy io dia tsy ananan'ny olona safidy amin'izany. Satria i Allah no mbola hanontany azy amin’izany amin'ny andro farany amin’izay navaliny an'ireo Iraka tamin'ny antsony. Fa raha toa ka mpino izy dia hahazo fahombiazana lehibe, fa raha tsy mpino kosa izy dia hahazo fatiantoka miharihary tsy azo takonana.
Raha mitady ny fahasambarana marina eto an-tany sy ny fahombiazana any an-koatra ianao, dia aoka ho fantatrao fa ny fanapahan-kevitra lehibe azonao raisina eo amin'ny fiainanao dia ny fidirana amin'ny finoana Islam. Fa ny zavatra takina aminao, dia ny manonona ireto teny ireto avy amin'ny fo marina sy mino : "Mijoro ho vavolombelona aho fa tsy misy tompo marina afa-tsy Allah, ary mijoro ho vavolombelona ihany koa aho fa i Mohammad dia Iraka sy Mpaminan'Allah", ka aorian'izany dia atombohy ny mianatra ny finoanao ary ampiharo izay takian'ny fijoroana ho vavolombelona roa amin'ny finoana an'Allah sy ny Irak'Allah, ary ny fanarahana an'ireo andrin'ny finoana Islam.
Lazao izany ankehitriny, ary aza misalasala; fa mety ho avy tampoka ny fahafatesana, koa aza tara mandray fanapahan-kevitra tena zava-dehibe tahaka izao, aza avela hanana hirika i Satana hanakana anao tsy hanao ny tsara, sahia ianao, ary atombohy ny làlanao mankany amin'ny fahazavana sy ny fahitsiana.
Raiso dieny izao ny fanapahan-kevitrao, ary manomboha fiainam-baovao feno fahatoniana sy fahafaham-po.
"Mijoro vavolom-belona aho fa tsy misy tompo afa-tsy i Allah, ary mijoro vavolom-belona fa i Mouhammadi dia irakan’Allah".
Related books
All books
Iza tokoa no nanamboatra Ahy ? Ary inona ny antony nanamboarana Ahy ?75 languagesIza tokoa no nanamboatra Ahy ? Ary inona ny antony nanamboarana Ahy ?
Ny zava-drehetra dia samy manondro avokoa ny fisian'ilay Mpahary Iza no nahary sy nanamboatra ny lanitra sy ny tany ary ny zava-manan'aina lehibe rehetra ao aminy ka tsy voahodidin-javatra ? Iza no namorona an’ity rafitra tena raitra sy voamboatra tsara any an-danitra sy ety an-tany ity ? Iza no nahary sy nanamboatra ny Olombelona, sy nanome azy fandrenesana sy fahitana ary saina, ary nanao azy ho afaka hahazo fahalalana sy hahatakatra ny zava-misy ? Ahoana ny fomba hanazavanao an'ilay asa tsara hita eo amin'ny fomba firafitrin'ny Vatanao sy ny Vatan'ireo zavamananaina rehetra misy eo…
Hafatra fohy ho an'ny Olona tsy mino ny fisian’ny Tompo Allah61 languagesHafatra fohy ho an'ny Olona tsy mino ny fisian’ny Tompo Allah
Hafatra fohy ho an'ny Olona tsy mino fisian’ny Tompo Allah, miresaka amin'izy ireo amin'ny alalany saina madio fa ny fahitsiana sy ny filaminan'izao tontolo izao dia manafoana tanteraka ny kisendrasendra ary milaza sy manondro fa misy tokoa ny Mpamorona hendry an'izao rehetra izao,ka moa ve Azo heverina fa avy amin’ny tsinontsinona izany rehetra izany ? Sokafy ny fonao ho amin’ny eritreritra sy ny fisaintsainana, ary tadiavo ny marina sy ny fahamarinana, fa mety hahita hazavana hitarika Anao ho ao anatiny fahitsiana.
Ny ( Finoana ) ISLAM89 languagesNy ( Finoana ) ISLAM
Amin'ny Anaran'i Tompo Allah, Ilay Be fiantrana, Ilay Be indrafo. Efa mba nanontany tena ve Ianao ny amin'ny hoe : Iza tokoa no Nahary ny lanitra sy ny tany ary ny zavaboary lehibe rehetra ao Aminy ? Ary Iza ihany koa no Nanamboatra ity rafitra raitra no sady tanteraka ary matianina ity ?
رسول الإسلام محمد صلى الله عليه وسلم81 languagesالإسلامرسول الإسلام محمد صلى الله عليه وسلم
Amin'ny anaran'i Allah, Ilay Be indrafo, Ilay Be fihantra Ny Iraka ho an'ny finoana Isilamo dia i mpaminany Mohammad (saw) Topi-maso amin'ny endrika fohifohy mahakasika tantaran'ilay Iraka nitondra ny finoana Islam, i mpaminany Mohammad [1] (ٍٍٍَS.A.W), ka ho hazavaina sy ho velabelarina etoana avokoa ny momba azy, ny anarany, sy ny firazanany, ary ny tanana izay nipoirany sy nihaviany, ary ireo mahakasika ny fanambadiany, sy ny hafatra rehetra izay noetiny sy napetrany, ary niantsoany ny olona sy ny vahoaka, misy ihany koa ny tantara mahakasika an'ireo famantarana rehetra manoloana ny…