الإسلام دين رسل الله

ߛߌ߬ߟߡߊ߬ߦߊ ߦߋ߫ ߊߟߊ߫ ߟߊ߫ ߞߋߟߊ ߟߎ߬ ߟߊ߫ ߘߌ߯ߣߊ ߟߋ߬ ߘߌ߫

ߛߌ߬ߟߡߊ߬ߦߊ ߦߋ߫ ߖߘߍ߬ߞߟߏ ߟߋ߬ ߘߌ߫ ߊߟߊ߫ ߦߋ߫ ߓߊ߲ߘߊ ߘߊ߲ߓߊ߮ ߣߴߊ߬ ߝߙߍ߬ߘߐ߬ߓߍ߲߬ߠߊ ߦߋ߫ ߸ ߊ߬ ߣߌ߫ ߞߵߌ ߖߘߍ߬ߞߟߏ߫ ߊ߬ ߦߋ߫ ߊ߬ ߞߊ߬ߣߌ߲ ߣߴߊ߬ ߓߏ߬ߢߊ߫ ߟߊ߫ ߸ ߛߌ߬ߟߡߊ߬ߦߊ ߓߊߖߎ ߦߋ߫ ߘߍ߲߬ߞߣߍ߬ߦߊ  ߟߋ߬ ߘߌ߫ ߊߟߊ߫ ߡߊ߬، ߝߣߊ߫ ߸ ߊ߬ߟߋ ߟߋ߬ ߘߊ߲ߓߊ߮ ߘߌ߫ ߸ ߊ߬ߟߋ ߓߐ߫ ߕߍ߫ ߸ ߝߋ߲߫ ߕߐ߭ ߓߍ߯ ߘߊ߲ߝߋ߲ ߠߋ߬ ߘߌ߫ ߸ ߊ߬ ߞߋߟߋ߲߫ ߔߋ ߟߋ߬ ߞߊ߫ ߞߊ߲߫ ߞߊ߬ ߓߊ߬ߕߏ߬ ߸ ߜߙߊ߬ߢߐ߲߮ ߕߴߊ߬ ߟߊ߫ ߸ ߝߏߦߌ߬ ߣߌ߫ ߓߊ߬ߕߏ߬ ߡߊ߲߫ ߞߊ߲߫ ߝߏ߫ ߊ߬ߟߋ߬ ߸ ߕߐ߯ ߢߌߡߊ߫ ߜߊ߲߬ߛߊ߲ ߣߌ߫ ߡߊ߲߬ߞߕߎ߬ ߞߘߐߕߊ߬ߣߍ߲߬ߓߊ ߟߎ߬ ߟߴߊ߬ ߟߊ߫ ߸ ߊ߬ߟߋ ߟߋ߬ ߘߝߊߣߍ߲߫ ߸ ߊ߬ ߛߊߣߌ߲ߡߊ߲ ߣߊ߰ߛߌ ߡߊ߬ ߸ ߊ߬ ߡߊ߫ ߡߏߦߌ߫ ߞߍ߫ ߸ ߊ߬ߟߋ ߖߍ߬ߘߍ ߘߏ߲߬ ߡߊ߫ ߡߏߦߌ߫ ߸ ߓߐߢߐ߲߯ߞߏ߫ ߞߋߟߋ߲߫ ߛߌ߫ ߘߏ߲߬ ߕߴ ߊ߬ ߟߊ߫ ߸ ߥߟߊ߫ ߟߊߒߡߊ، ߊ߬ ߕߍ߫ ߘߏ߲߬ ߠߊ߫ ߥߟߊ߫ ߞߵߊ߬ ߦߟߍ߬ߡߊ߲߫ ߊ߬ ߟߊ߫ ߘߊ߲ߝߋ߲߫ ߛߌ߫ ߘߐ߫

ߛߌ߬ߟߡߊ߬ߦߊ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߘߌ߯ߣߊ ߟߋ߬ ߘߌ߫ ߊߟߊ߫ ߕߍߣߊ߬ ߘߌ߯ߣߊ߫ ߡߍ߲߫ ߕߣߊ߬ ߜߘߍ ߡߌ߬ߘߊ߬ ߟߊ߫ ߊߘߡߊߘߋ߲ ߠߎ߬ ߟߊ߫ ߸ ߟߊ߬ߝߐ߬ߓߊ߮ ߟߎ߬ ߣߊ߬ ߘߊ߫ ߘߌ߯ߣߊ ߡߍ߲ ߘߌ߫ ߞߊ߬ߣߌ߲߫ ߞߛߌ ߣߌ߫ ߣߍߡߊ ߦߴߊ߬ߟߎ߬ ߦߋ߫

ߛߌ߬ߟߡߊ߬ߦߊ ߓߊߖߎ ߘߏ߫ ߟߋ߬ ߘߍ߲߬ߞߣߍ߬ߦߊ߫ ߘߌ߫ ߞߋߟߊ ߟߎ߬ ߓߍ߯ ߡߊ߬ ߞߐߘߍ߫ ߸ ߓߊߏ߬ ߊߟߊ߫ ߞߊ߬ ߞߋߟߊ ߟߎ߬ ߗߋ߫ ߖߐ߲߬ߛߊ߫ ߞߵߊ߬ ߟߊ߫ ߖߊ߬ߡߊߙߌ߫ ߟߊߛߋ߫ ߊ߬ ߟߊ߫ ߖߐ߲߬ ߠߎ߬ ߡߊ߬ ߸ ߞߊ߬ ߞߊ߬ߝߊ ߟߎ߬ ߟߊ߫ ߖߌ߰ ߊ߬ߟߎ߬ ߡߊ߫ ߸ ߊ߬ߟߎ߬ ߟߊߓߊ߲߫ ߠߋ߬ ߡߎߤ߭ߊߡߡߊߘ ߘߌ߫ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߸ ߊߟߊ߫ ߞߵߏ߬ ߡߍ߲߫ ߗߋ߫ ߊ߬ ߟߊ߫ ߛ߭ߊ߬ߙߌ߬ߦߊ߬ ߟߊ߬ߓߊ߲ ߘߌ߫ ߸ ߡߍ߲ ߦߋ߫ ߞߋߘߋ߲ ߕߊ߬ߡߌ߲߬ߣߍ߲ ߠߎ߬ ߟߊ ߛߊ߬ߙߌ߬ߦߊ߬ ߞߘߐ ߟߎ߬ ߣߘߐ߬ߓߌߟߊ ߟߊ߫ ߸ ߊߟߊ߫ ߞߵߊ߬ ߘߍ߬ߡߍ߲߬ ߡߊ߲߬ߕߊ߬ߣߌ߲߫ ߓߟߋߓߟߋ ߟߎ߬ ߟߊ߫ ߸ ߏ߬ ߓߍ߯ ߘߐ߫ ߓߏ߲߬ߓߊ ߦߋ߫ ߞߎ߬ߙߊ߬ߣߊ߬ ߞߊߟߊ߲ߒߞߋ ߟߋ߬ ߘߌ߫ ߸ ߖߊ߯ߓߊ ߟߎ߫ ߕߌ߭ ߟߊ߫ ߞߎߡߊߞߊ߲ ߠߋ߬ ߸ ߞߊ߬ߝߊ ߓߍ߯ ߘߐ߫ ߓߟߋ߬ߓߟߋ ߡߍ߲ ߟߐ߲ߣߍ߲߫ ߊߘߡߊߘߋ߲ߧߊ ߓߟߏ߫߸ ߊ߬ ߞߣߐߘߐ߫ ߣߴߊ߬ ߞߎߡߊߘߋ߲ ߣߴߊ߬ ߛߌ߲߬ߝߏ߲߬ߧߊ߬ߟߌ ߟߎ߬ ߦߋ߫ ߞߓߊߞߏߦߊ ߟߋ߬ ߘߌ߫ ߸ ߞߊ߲ߘߊߟߌ ߟߴߏ߬ ߘߐ߫ ߕߎ߬ߢߊ ߡߊ߬ ߡߍ߲ ߦߋ߫ ߡߐ߰ ߟߊߛߋ߫ ߟߊ߫ ߣߌߛߐߘߌߦߊ ߡߊ߬ ߘߎߢߊ߫ ߣߌ߫ ߟߊ߯ߞߌߙߊ߫ ߸ ߊ߬ ߟߊ߫ ߕߊ߲߬ߞߊ߬ߣߍ߲ ߠߋ߬ ߤߊ߲߯ ߓߌ߬ ߊ߬ߙߊ߬ߓߎ߬ ߞߊ߲ ߘߐ߫ ߊ߬ ߖߌ߰ߣߍ߲߫ ߏ߬ ߡߍ߲ ߘߐ߫ ߸ ߞߎߡߊߘߋ߲߫ ߞߋߟߋ߲߫ ߡߊ߫ ߦߟߍ߬ߡߊ߲߫ ߥߟߊ߫ ߞߊ߬ ߡߊߝߊ߬ߟߋ߲߬ ߊ߬ ߘߐ߫

ߛߌ߬ߟߡߊ߬ߦߊ ߓߊߖߎ ߘߏ߫ ߟߋ߬ ߘߍ߲߬ߞߣߍ߬ߦߊ߫ ߘߌ߫ ߞߋ߲ߛߐ߲ ߠߎ߬ ߡߊ߬ ߸ ߞߊ߬ ߘߍ߬ߞߣߍ߬ߦߊ߬ ߟߏ߲߫ ߠߊߓߊ߲ ߡߊ߬ ߸ ߊߟߊ߫ ߦߋ߫ ߘߊ߲ߝߋ߲ ߠߎ߬ ߟߊߥߌ߬ߟߌ߫ ߟߊ߫ ߛߊ߬ߙߌ( ߞߊߓߙߎ) ߟߎ߬ ߞߣߐ߫ ߏ߬ ߟߏ߲ ߠߋ߬، ߟߐ߬ߓߊ ߟߏ߲ ߞߵߊ߬ߟߎ߬ ߖߊ߬ߕߋ߬ߓߐ߬ ߊ߬ߟߎ߬ ߟߊ߫ ߓߊ߯ߙߊ ߟߎ߬ ߟߊ߫ ߸ ߡߍ߲ ߓߊ߫ ߢߌ߬ߡߊ ߞߍ ߞߵߊ߬ ߕߘߍ߬ ߊ߬ ߘߍ߲߬ߞߣߍ߬ߦߊ߬ߣߍ߲߫ ߒ߬ߓߊ߬ ߣߍߡߊ߫ ߘߎߡߊߣߍ߲ ߠߋ߬ ߏ߬ ߕߌ߱ ߦߋ߫ ߡߍ߲ߘߌߦߊ߫ ߣߊߞߐ ߞߣߐ߫( ߊ߬ߙߌ߬ߖߣߍ߫ ߞߊ߬ߣߌ߲߫ ) ߸ ߣߌ߫ ߡߍ߲ ߓߊ߲߬ߓߊ߬ߦߘߊ߫(ߞߊ߬ ߞߊߝߙߌߦߊ߫) ߞߊ߬ ߓߊ߯ߙߊ߫ ߖߎ߮ ߟߎ߬ ߞߍ߫ ߸ ߖߊ߲߰ߞߕߊ߬ ߓߟߋߓߟߋ߫ ߟߴߏ߬ ߦߋ߫ ߏ߬ ߕߌ߱ ߦߋ߫ ߕߊ߫ ߥߋ߲ߓߋ ߞߣߐ߫ ߸ ߛߌ߬ߟߡߊ߬ߦߊ ߓߊߖߎ ߘߏ߫ ߟߋ߬ ߘߍ߲߬ߞߣߍ߬ߦߊ߫ ߘߌ߫ ߟߊ߬ߕߍ߮ ߡߊ߬ ߊ߬ ߞߍ߫ ߘߊ߫ ߤߙߍ߫ ߘߌ߫ ߓߊ߬ ߥߟߊ߫ ߖߎ߯ߡߊ߲߫ ߘߌ߫

ߛߌ߬ߟߊ߬ߡߊ ߟߎ߬ ߦߋ߫ ߘߍ߲߬ߞߣߍ߬ߦߊ߬ߟߊ߫ ߞߏ߫ ߌߛߊ߫ ߦߴߊߟߊ߫ ߟߊ߫ ߖߐ߲߬ ߣߴߊ߬ ߟߊ߫ ߞߋߟߊ ߟߋ߬ ߘߌ߫ ߸ ߊߟߊ߫ ߘߋ߲ ߕߍ߫ ߸ ߞߴߊ߬ ߡߊߛߐ߬ߘߐ߲߬ ߊߟߊ߫ ߕߍ߫ ߛߐ߲߬ ߞߊ߬ ߡߎ߬ߛߏ ߘߐߡߌ߬ߘߊ߫ ߥߟߊ߫ ߞߊ߬ ߘߋ߲ ߥߟߏ߫ ߸ ߓߊ߬ߙߌ߬ ߊߟߊ߫ ߞߵߊ߲ ߞߌ߬ߓߊ߬ߙߏ߬ ߞߎ߬ߙߊ߬ߣߊ ߞߣߐ߫ ߞߏ߫ ߌߛߊ߫ ߕߘߍ߬ ߟߊ߬ߝߐ߬ߓߊ߮ ߟߋ߬ ߘߌ߫ ߊߟߊ߫ ߞߊ߬ ߡߊ߲߬ߕߊ߬ߣߌ߲߬ ߓߟߋߓߟߋ߫ ߛߌߦߊߡߊ߲߫ ߘߌ߫ ߡߍ߲ ߡߊ߬ ߸ ߊߟߊ߫ ߞߵߊ߬ ߞߋߟߦߴߊ߬ ߟߊ߫ ߡߐ߱ ߟߎ߬ ߡߊ߬ ߥߟߋߟߌ ߟߋ߫ ߞߊ߲ߡߊ߬ ߊߟߊ߫ ߞߋߟߋ߲߫ ߔߋ ߓߊ߬ߕߏ ߡߊ߬ ߜߙߊ߬ߢߐ߲߮ ߕߴߊ߬ ߟߊ߫ ߸ ߝߣߊ߫ ߊ߬ ߞߵߊ߲ ߞߌ߬ߓߊ߬ߙߏ߬ ߞߏ߫ ߌߛߊ߫ ߡߊ߫ ߡߐ߱ ߟߎ߬ ߥߟߋ߫ ߊ߬ ߖߍ߬ߘߍ ߓߊ߬ߕߏ ߡߊ߬ ߘߋ߬ ߸ ߞߴߊ߬ ߡߊߛߐ߬ߘߐ߲߬ ߊ߬ߟߋ߫ ߕߘߍ߬ ߊ߬ ߘߊ߲ߓߊ߮ ߟߋ߫ ߓߊ߬ߕߏ߬ ߟߊ߫

ߛߌ߬ߟߡߊ߬ߦߊ ߦߋ߫ ߘߌ߯ߣߊ߫ ߟߋ߬ ߘߌ߫ ߡߍ߲ ߓߍ߲߬ߣߍ߲߫  ߛߎ߲ߞߎ߲ ߣߌ߫ ߦߟߌ߫ ߢߌߡߊ ߡߊ߬ ߸ ߣߌ߫ ߢߌߡߊ ߟߎ߬ ߝߣߊ߫ ߘߌ߬ߢߍ߬ ߣߍ߲ ߏ߬ ߡߊ߬ ߸ ߘߊ߲ߓߊ߯ ߟߋ߬ ߞߵߊ߬ ߛߊ߬ߙߌ߬ߦߊ߬ߦߊ߫ ߘߊ߲ߝߋ߲ ߠߎ߬ ߞߊ߲߬ ߸ ߤߙߍ߫ ߣߌ߫ ߞߎ߲߬ߠߊ߬ߘߌߦߊ ߘߌ߯ߣߊ ߟߋ߬ ߡߐ߱ ߟߎ߬ ߓߍ߯ ߦߋ߫ ߞߐߘߍ߫ ߸ ߊ߬ ߕߍ߫ ߛߌߦߊ ߘߏ߫ ߘߊ߲߬ߝߘߊ߬ߓߐ ߟߊ߫ ߘߏߜߘߍ߫ ߟߊ߫ ߸ ߥߟߊ߫ ߞߊ߬ ߞߐ߬ߟߐ ߘߏ߫ ߘߊ߲߬ߝߘߊ߬ߓߐ߬ ߞߟߐ߬ ߜߘߍ ߟߊ߫ ߸ ߡߐ߱ ߓߍ߯ ߞߊߡߵߊ߬ ߘߐ߫ ߸ ߡߐ߰ ߛߌ߫ ߕߍ߫ ߘߊ߲߬ߝߘߊ߬ߓߐ߫ ߟߊ߫ ߛߌ߬ߟߡߊ߬ߦߊ߫ ߘߐ߫ ߡߐ߰ ߜߘߍ߫ ߟߊ߫ ߝߏ߫ ߊ߬ ߟߊ߫ ߓߊ߯ߙߊ߫ ߢߌߡߊ ߟߎ߬ ߓߙߍ߬ߦߊ.

ߊ߬ ߛߋ߲ߛߋߘߋ߲ߧߊߣߍ߲߫ ߊߘߡߊߘߋ߲߫ ߤߊߞߟߌߡߊ ߓߍ߯ ߡߊ߬ ߞߏ߫ ߞߊ߬ ߟߌ߬ߡߣߊ߬ߦߴߊߟߊ߫ ߡߊ߬ ߕߌ߰ ߘߌ߫ ߸ ߞߊ߬ ߟߌ߬ߡߣߊ߬ߦߊ߬ ߛߌ߬ߟߡߊ߬ߦߊ ߡߊ߬ ߘߌ߯ߣߊ߫ ߘߌ߫ ߸ ߊ߬ ߣߌ߫ ߞߊ߬ ߟߌ߬ߡߣߊ߬ߦߊ߬ ߡߎߤ߭ߊߡߡߊߘ ߡߊ߬ ߞߋߟߊ߫ ߘߌ߫ ߸ ߏ߬ ߟߎ߬ ߦߋ߫ ߞߏ ߟߋ߬ ߘߌ߫ ߡߐ߰ ߛߌ߫ ߟߊ ߢߣߊߕߊߟߌ߫ ߕߴߏ߬ ߘߐ߫ ߸ ߞߴߊ߬ ߡߊߛߐ߬ߘߐ߲߬ ߊߟߊ߫ ߘߴߊ߬ ߡߊߢߌ߬ߣߌ߲߬ߞߊ߫ ߏ߬ ߟߊ ߥߟߌ߫ ߟߏ߲ ߊ߬ ߞߊ߬ ߞߋߟߊ ߟߎ߬ ߖߋ߬ߓߌ߬ ߡߍ߲ ߠߊ߫ ߸ ߣߴߊ߬ ߞߍ߫ ߘߊ߫ ߟߌ߬ߡߣߊ߬ߦߊ߬ߓߊ߯ ߘߌ߫ ߊ߬ ߘߌ߫ ߛߎߘߊ߲߫ ߞߊ߬ ߞߛߌ߫ ߓߟߋߓߟߋ߫ ߛߐ߬ߘߐ߲߬ ߸ ߒ߬ߓߊ߬ ߣߴߊ߬ ߓߊ߲߬ߓߊ߯ߦߊ߬ߘߴߊ߬ ߘߌ߫ ߓߐ߬ߣߐ߫ ߸ ߓߣߐ߬ ߟߊ߲ߞߣߍߡߦߊߣߍ߲ ߠߊ߫

ߣߌ߫ ߡߍ߲ ߦߴߊ߬ ߝߍ߬ ߞߊ߬ ߘߏ߲߬ ߛߌ߬ߟߡߊ߬ߦߊ ߘߐ߫ ߏ߬ ߕߌ߱ ߦߴߊ߬ ߝߐ߫ ߟߊ߫ ߟߋ߬ ߞߏ߫ : ﴿ ߒ ߓߘߊ߫ ߛߙߋߕߋߕߋߦߊ߫ ߞߏ߫ ߓߊ߬ߕߏ߬ߕߊ߬ ߕߍ߫ ߊߟߊ߫ ߞߐ߫ ߸ ߒ ߓߘߊ߫ ߛߙߋߕߋߕߋߦߊ߫ ߞߏ߫ ߡߎߤ߭ߊߡߡߊߘ ߦߴߊߟߊ߫ ߟߊ߫ ߞߋߟߊ ߟߋ߬ ߘߌ߫﴾ ߸ ߞߵߊ߬ ߕߘߍ߬ ߊ߬ ߞߵߊ߬ ߞߘߐ ߟߐ߲߫ ߞߊ߬ ߘߍ߲߬ߞߣߍ߬ߦߴߊ߬ ߡߊ߬ ߸ ߏ߬ ߓߊߞߍ߫ ߊ߬ ߘߌ߫ ߞߍ߫ ߛߌ߬ߟߊ߬ߡߊ ߘߌ߫ ߸ ߏ߬ ߞߐߝߍ߬ ߊ߬ ߘߌ߫ ߛߌ߬ߟߊ߬ߡߊ߬ߦߊ߫ ߛߊ߬ߙߌ߬ߦߊ ߟߎ߬ ߞߊ߬ߙߊ߲߬ ߘߏߣߍ߲ߘߏߣߍ߲߫ ߖߐ߲߬ߛߴߊ߬ ߘߴߊ߬ ߡߊ߬ ߛߋ߲ߛߋߘߋ߲߫ ߠߎ߬ ߞߍ߫

ߞߎ߲߬ߠߊ߬ߝߎߟߋ߲߫ ߠߎ߬ ߛߐ߬ߘߐ߲߫ ߡߊߞߊ߬ߝߏ߬ ߞߊ߲ߡߊ߫: