الإسلام دين رسل الله

Islam ezali lingomba ya Batindami ya Allah

Islam elakisi: kotosa Allah Mozalisi ya mikili pe Mokonzi na yango, mpe komikitisa na Ye na bolingo pe na bonene na Ye. Mpe baze (likonzi ya monene) ya Islamu ezali: bondimi na Allah, ete Ye nde azali Mokeli mpe maye manso mazuami libanda naye mazali se bikelamu, mpe -bondimi ete - Yemei na bomoko naye nde asengeli na mabondeli, oyo moko te asangana na Ye, bondimi ete nzambe mosusu oyo esengeli babondela na bosolo azali te kaka Allah – yemei –, ezali ya Ye bakombo ya kitoko mpe balolenge oyo etombwama koleka, mpe ezali ya Ye bokoki nyonso oyo ezanga bozangi, Abota te, abotama te mpe eloko moko te ekokani pe eza lokola Ye, afandaka te pe alataka nzoto ata soko moke te ya moko okati ya bikelamu na Ye.

Mpe Islam, ezali Lingomba ya Allah -Motombwami - oyo Andimelaka te pona batu lingomba mosusu libanda na yango, mpe - Islam - nde ezali Lingomba oyo Bantoma banso - kimia ezala likolo na bango - bayaki na yango.

Mpe kati ya ba baze ya lingomba ya Islam: ezali kondima na Batindami ya Allah nyonso, - Kondima ete Allah atinda bango nyonso mpo na kokomisa mitindo naye epai ya bawumbu naye, mpe akitiselaki bango babuku, mpe suka na bango ezalaki Ntoma Muhammad - kimia ezala likolo naye -, Allah atindaki ye na mibeko ya bozambe ya suka, oyo eyaki kolongola bamibeko nyonso ya bantoma oyo balekaki liboso naye. Mpe Allah asungaki ye na bilembo ya minene, oyo ya monene na yango koleka ezali - Buku ya Allah - Coran esantu oyo ezali maloba ya Nkolo ya mikili, buku ya monene koleka oyo eyebani, ezali bikamwisi (miracle) na maye mazwami kati na yango, na maloba pe ebomgiseli na yango, mpe okati na yango ezali na lisungi oyo ememaka na esengo awa na mokili pe na mokolo ya suka, ezali Buku oyo ebatelama kino lelo oyo na lokota ya Arabe - lolenge - oyo ekitamaki na yango, mokanda (lettre) moko te kati na yango etikala kobongwama to kobalolama.

Mpe kati ya ba baze ya Islam ezali : Bondimi na ba Anjelu, mpe bondimi na mokolo ya suka, - mokolo ya suka - oyo Allah akosekwisa bato uta na ba malita na bango mpo na kosambisa bango kolandisama na misala na bango; na moto oyo asalaki misala ya malamu, yende azali mondimi oyo akozwa ngolu ya bovandi na kati ya paradizo, mpe na oyo apengwaki pe asala misala ya mabe, yende akozwa etumbu ya monene na kati ya lifelo. Ndenge wana mpe kati ya ba makonzi ya lingomba ya Islam: ezali kondima na maye oyo Nzambe akoma yango likolo ya bato; ezala malamu to mabe - kondima ete ezali mokano ya Allah, nyonso ekokisamaka na bolingi na Ye.

Mpe ba mizilman bazalaka kondima ete Yesu - muana ya Mariya - azali mosali mpe motindami ya Nzambe, ete Azali muana ya Nzambe te; pambate Allah azali monene -na kibonzambe naye -, esengelaka na Ye te azala na muasi tope muana, kasi Allah esi alobela biso na kati ya Coran ete Yesu - muana ya Mariya - azalaki nde Ntoma oyo Nzambe apesaki naye bikamwisi ebele, mpe ete Allah atindaki ye mpo nakobenga bato naye na mabondeli ya Nzambe yemoko oyo moko te asangana naye, mpe Allah alobela na biso na kati ya Buku naye ete Yesu atikalaki te kosenga to kotinda na bato bazala kobondela ye, kasi azalaki nde kobondela oyo azali Mokeli naye.

Islam ezali lingomba oyo ekokana na bomoto (nature humaine) mpe na bae oyo bazali na bososoli ya malamu, mpe - ezali lingomba oyo - endimamaka se na milimo malamu, ezali - lingomba - oyo Allah Mokeli Monene aponela yango mpona bikelamu na Ye. Islam ezali lingomba ya bolamu pe ya esengo mpona batu nyonso, ezalaka te kokesenisa kati na bato na basusu tope kati ya loposo moko na mosusu; bato nyonso bazali ya kokokana na kati na yango, Moto moko te akeseni na mosusu na kati ya Islam kaka se na misala naye ya malamu - oyo azali kosala-.

Etindami likolo ya moto nyonso oyo azali na bwanya, azala kondima na Allah lokola Nkolo Nzambe, mpe Islam lokola Lingomba mpe kondima na Muhammad lokola Ntoma mpe motindami ya Allah. Maye oyo; ezali te oyo esengeli na moto azala kopona na molimo naye, pambate Allah akozala kotuna naye mokolo ya suka na maye nini ayanolaki na yango batindami (bantoma) ya Allah ? naye soki azalaki mondimi - na bango - akozala na elonga mpe na esengo ya monene, kasi soki azalaki mopengwi - na Allah na batindami naye - ekozalela pasi ya monene.

Na moto oyo alingi kokota na Islam asengeli naye azala koloba : << (Ash-hadou anlaa ilaaha illa Allahu wa ash-hadou anna Muhammadan rasoulu-llâhi) = Nazali kotatola ete nzambe mosusu ya kobondela na bosolo azali te obele Allah, mpe natatoli ete ya solo Muhammad azali motindami ya Allah. >>, elongo na boyebi ba ndimbola na yango pe kondimela yango, na lolenge wana nde akokoma mizilman, mpe na sima akozala koyekola mibeko ya Islam malembe malembe; mpo azala kotelema mpe kosalela maye oyo Allah atindaye na yango.

Pona kobakisa boyebi, fina awa: