الإسلام دين رسل الله

Ũithiramu nĩ dini ya atũmwo na anabii a Ngai

Ũithiramu nĩ gũtherenda kwĩ Ngai mũũbi wa thĩ na nowe mũmĩtwarithia na mbere, na kwĩyohania nake najĩra ya wendo na kũmwambararia. Na mũthingi wa ũithiramu nĩ gwĩtĩkia Ngai, natĩ we Ngai nĩ mũũmbi, natĩ kĩrĩa gĩothe gĩtarĩ Ngai ni kũmbwo kĩombirwo, na Ngai wiki nĩwe wĩna kĩhoto gĩa kũhoywo, ũrĩa ũtarĩ na mũrunawe, gũtirĩ mũdũ kana kĩdũ kĩbatiĩ kũhoywo handũ ha Ngai, marĩtwa mothe mega nĩmake, na ngooci cia igũrũ ciothe nĩciake, na nĩmũkinyanĩru he ũgocinĩ wake, ndaciarire na ndaciarirwo na hatirĩ wa kũhananio nake, na ndabatiĩ gũkorwo na mwĩrĩ ta ciombe ciake.

Na Ũithiramu nĩ dini ya Ngai mũtheru, ũrĩa ũtetĩkĩraga dini ĩngĩ kũrĩĩ adũ ũtiga dini ya ũithiramu. Naguo Ũithiramu nĩ dini yokire na atũmwo na anabii othee tha na thayũ wa Ngai ũkorwo hamwe nao.

Harĩ mĩthingi ya Ũithiramu nĩ gwĩtĩkia anabii othe, na ati Ngai atũmire atũmwo nĩgwo makinyie mawatho make kũrĩ ndungata ciake. Na nĩaikũrũkĩirie ndungata ciake mabuku. Na wamũico harĩ anabii a Ngai nĩ Muhammad tha na thayũ wa Ngai ũkorwo hamwe nake. Ngai amũtũmire na watho ũria umĩtĩ kũrĩwe, watho wa mũico ũrĩa wabutire mawatho marĩa marehetwo nĩ anabii arĩa mokĩte mbere yake, Ngai amũheire hinya kũgerera rũri rũnene, naũmwe wa marũri macio nĩ korani theru ĩrĩa nĩ ciugo ca Ngai mũreri wa ciombe ciothe, ibuku itheru rĩrĩa rĩatambũrirwo nĩ ciombe. Korani nĩ kĩama harĩ mztaratara wayo, mĩtamũkĩre wayo, na mũbango wayo. Thĩiniĩ wayo hena ũtongoria ũrĩa wĩna maa. Nĩngitĩre kumana na gũthokio nĩ ciombe na ĩgakorwo ĩrĩ na rũthiomi rwayo ra mbere rwa kĩarabu. Ndĩcenjetiĩ kana gũcenjio ona demwa ĩmwe.

Harĩ mĩthingi ya Ũithiramu nĩ gwĩtĩkia maraika, na gwĩtĩkia mũthenya wa mũico. Na mũthenya ũcio Ngai nĩakariũkia adũ kuma makaburi mao mũthenya wa ciira nĩguo amacirithie kumana na ciĩko ciao. Nĩũndũ woguo rĩĩ ũrĩa ũgeka ciĩko njega na nĩmwĩtĩkia, agakorwo mawegainĩ magũtũra kũu mũcinĩ wa Ngai. Nake ũrĩa ũgakararia na eke mahĩtia, akaheo iherithia inene thĩiniĩ wa mwaki. Na harĩ mĩthingi ya Ũithiramu nĩgwĩtĩkia marĩa mothe Ngai abangire harĩ maũndũ mega kana moru.

Na aithiramu metĩkĩtiĩ atĩ Issa (Jesũ) ni dungata ya Ngai na mũtũmwo wake na we ti mwana wa Ngai tondũ Ngai nĩ mũtheru na dabatiĩ gũkorwo na mũtumia kana mwana. Ngai nĩatũmenyithiĩte koraninĩ atĩ Issa nĩ mũnabii ũrĩa waheirwo ciama nyinge mũno na atũmirwo gwĩta-adũ ake nĩgwo mamũhoe owe wiki, ũrĩa ũtarĩ na mũrunawe na agacoka agatwĩra atĩ Issa dabatiĩ kuhoywo nĩ adũ tondũ we nĩkĩũmbe na nĩahoyaga Ngai wake.

Na Ũithiramu nĩ dini ĩtwaranaga na hakiri (dĩbnganaga na ũgĩ wa sayansi) na nĩĩtĩkĩragwo nĩ meciria marĩa mega. Ngai nĩekĩrĩte mawatho thĩiniĩ wa ũithirmu kũrĩ dungata ciake nayo nĩ dini ya mawega na ũtheru kũrĩ adũ oothe. Uithiramu dũthukanagia rũciarwo rũrũ atĩ nĩrwega gũkĩra rũrũ, kana adũ a rangi ũyũ nĩega gũkĩra aya na atĩ adũ oothe nĩ aigananiĩ thĩiniĩ wa Ũithiramu gũtirĩ mũdũ ũngĩrwo atĩ nĩ mwega gũkĩra arĩa angĩ otiga ũrĩa mwĩtigĩri Ngai makĩria ma arĩa angi.

Nomũhaka harĩ omũdũ wothe wĩna mecirria makinyanĩru etĩkiĩ atĩ Ngai nĩwe mũheyani na mũreri wa ciombe ciothe na Ũithiramu nĩyo dini ya maa, na Muhammad nĩ mũtũmũo wa Ngai, na ũdũ ũyo no mũhaka kũrĩ ũmũdũ tondũ Ngai nĩakoria adũ mũthenya wa ciira nĩ macokio marĩkũ macokeirie atũmwo a Ngai. Ũkorwo mũdũ nĩagakorwo na wĩtĩkio rĩĩ, nĩ akagacĩra mũgacĩre mũnene mũno, na angĩkorwo nĩ mũregani rĩĩ, akagĩa na hathara nene mũno.

Na ũrĩa wothe ũngĩenda gũtonya Ũithiramu abatiĩ augee ta ũũ: Ash-hadu anla ilaha illa llah, wa ash hadu anna Muhammadan rasulullah (Nĩndetĩkĩra na ngoro yakwa na ndatamũka na rũrĩmĩ ndauga gũtirĩ ngai yagĩrĩrwo nĩ kũhoywo otiga Ngai ũmwe mũũbi wa thĩ na igũrũ, na Muhammad nĩ mũtũmwo na ndungata ya Ngai) auge ũgwo najĩra ya gwĩtĩkia na kũmenya ũrĩa arauga, na arĩkia gwĩka ũgou egũkorwo arĩkĩtie gũtwuĩaka mũithiramu. Nĩegũcoka erute mawatho macio mange ma Ũithiramu nĩguo ahote gwĩka marĩa mothe Ngai arenda ekee.

Nĩguo kũmenya makĩria ree, cerera internet: